సయ్యద్‌ ము​స్తాక్‌ అలీ ట్రోఫీ ముంబైదే (ఫొటోలు)

సయ్యద్‌ ముస్తాక్‌ అలీ టీ20 ట్రోఫీని ముంబై జట్టు కైవసం చేసుకుంది. ఇవాళ (డిసెంబర్‌ 15) జరిగిన ఫైనల్లో ముంబై మధ్యప్రదేశ్‌పై 5 వికెట్ల తేడాతో గెలుపొందింది

ఈ మ్యాచ్‌లో తొలుత బ్యాటింగ్‌ చేసిన మధ్యప్రదేశ్‌.. కెప్టెన్‌ రజత్‌ పాటిదార్‌ (40 బంతుల్లో 81 నాటౌట్‌; 6 ఫోర్లు, 6 సిక్సర్లు) మెరుపు ఇన్నింగ్స్‌తో విరుచుకుపడటంతో నిర్ణీత ఓవర్లలో 8 వికెట్ల నష్టానికి 174 పరుగులు చేసింది

రజత్‌ పాటిదార్‌ చివరి వరకు క్రీజ్‌లో నిలబడి మధ్యప్రదేశ్‌కు ఫైటింగ్‌ టోటల్‌ అందించాడు. ఇన్నింగ్స్‌ చివరి రెండు ఓవర్లలో పాటిదార్‌ భారీ సిక్సర్లతో విరుచుకుపడ్డాడు

మధ్యప్రదేశ్‌ ఇన్నింగ్స్‌లో సుభ్రాన్షు సేనాపతి (23), హర్ప్రీత్‌ సింగ్‌ (15), వెంకటేశ్‌ అయ్యర్‌ (17), రాహుల్‌ బాథమ్‌ (19) రెండంకెల స్కోర్లు చేయగా.. ఆర్పిత్‌ గౌడ్‌ (3), హర్ష్‌ గావ్లి (2), త్రిపురేశ్‌ సింగ్‌, శివమ్‌ శుక్లా (1) సింగిల్‌ డిజిట్‌ స్కోర్లరే పరిమితమయ్యారు

ముంబై బౌలర్లలో శార్దూల్‌ ఠాకూర్‌, రాయ్‌స్టన్‌ డయాస్‌ చెరో రెండు వికెట్లు పడగొట్టగా.. అంకోలేకర్‌, శివమ్‌ దూబే, సుయాంశ్‌ షేడ్గే తలో వికెట్‌ దక్కించుకున్నారు

సూర్యాంశ్‌ షేడ్గే (15 బంతుల్లో 36 నాటౌట్‌) బౌండరీలు, సిక్సర్లతో విరుచుకుపడి ముంబైని గమ్యానికి చేర్చారు