చెన్నై సూపర్‌ కింగ్స్‌.. మహేంద్ర సింగ్‌ ధోని (MS Dhoni).. ఈ రెండు పేర్లను విడివిడిగా చూడటం కష్టం. ఇండియన్‌ ప్రీమియర్‌ లీగ్‌ (IPL) చరిత్రలో అత్యంత విజయవంతమైన జట్టుగా చెన్నై నిలవడానికి ప్రధాన కారణం ధోని. వేలంలో అనుసరించాల్సిన వ్యూహాలు మొదలు.. మైదానంలో అమలు చేసే ప్రణాళికల వరకు అంతా తానే!ఐపీఎల్‌ ఆరంభ సీజన్‌ (2008) నుంచి చెన్నైకి ప్రాతినిథ్యం వహిస్తున్న ఈ దిగ్గజ కెప్టెన్‌.. గతేడాది సారథ్య బాధ్యతల నుంచి పూర్తిగా తప్పుకొన్నాడు. మహారాష్ట్ర బ్యాటర్‌ రుతురాజ్‌ గైక్వాడ్‌ (Ruturaj Gaikwad)ను తన వారసుడిగా ఎంపిక చేశాడు. అయితే, మైదానంలో రుతుకు సూచనలు ఇస్తూ అతడికి దిశానిర్దేశం చేసే పాత్రలో ధోని ఇప్పటికీ కొనసాగుతున్నాడు.రెప్పపాటులో స్టంపౌట్‌లోయర్‌ ఆర్డర్‌లో బ్యాటింగ్‌కు వచ్చే ధోని 43 ఏళ్ల వయసులోనూ.. ధనాధన్‌ ఇన్నింగ్స్‌ ఆడటంతో పాటు.. మెరుపు వేగంతో స్టంపౌట్లు చేయడంలోనూ దిట్ట. ఐపీఎల్‌-2025లో తమ ఆరంభ మ్యాచ్‌లో ముంబై ఇండియన్స్‌తో ఆదివారం నాటి పోరులో ఈ విషయాన్ని మరోసారి నిరూపించాడు. ముంబై కెప్టెన్‌ సూర్యకుమార్‌ యాదవ్‌ను రెప్పపాటులో స్టంపౌట్‌ చేసి ఔరా అనిపించాడు.𝙁𝙖𝙨𝙩. 𝙁𝙖𝙨𝙩𝙚𝙧. 𝙈𝙎 𝘿𝙝𝙤𝙣𝙞 🫡📹 Watch #CSK legend's jaw-dropping reflexes behind the stumps 🔥Updates ▶ https://t.co/QlMj4G7kV0#TATAIPL | #CSKvMI | @ChennaiIPL | @msdhoni pic.twitter.com/S26cUYzRd8— IndianPremierLeague (@IPL) March 23, 2025ఇక మిచెల్‌ సాంట్నర్‌ వికెట్‌కు సంబంధించి.. డీఆర్‌ఎస్‌ విషయంలోనూ రుతును సరైన సమయంలో అలర్ట్‌ చేసి.. జట్టుకు వికెట్‌ దక్కడంలో కీలక పాత్ర పోషించాడు. అందుకే సీఎస్‌కేను, ధోనిని వేరువేరుగా చూడలేము అనేది!అలా అయితే.. నాతో నయాపైసా ఉపయోగం ఉండదుఅయితే, ఈ మ్యాచ్‌కు ముందు ధోని చేసిన వ్యాఖ్యలు నెట్టింట వైరల్‌గా మారాయి. ఒకవేళ తాను వికెట్‌ కీపర్‌గా బరిలోకి దిగకపోతే.. జట్టులో ఉండీ ఏమాత్రం ఉపయోగం లేదంటూ.. ఈ ఫైవ్‌టైమ్‌ చాంపియన్‌ అన్నాడు. జియోహాట్‌స్టార్‌ ఇంటర్వ్యూలో మాట్లాడుతూ.. ‘‘ఇప్పటికీ ఆటగాడిగా కొనసాగడం అతిపెద్ద సవాలు.ఇంకో ఆసక్తికర విషయం ఏమిటంటే.. ఒకవేళ నేను కీపింగ్‌ బాధ్యతలు నిర్వర్తించకపోతే.. మైదానంలో నేను ఉండీ నయాపైసా ఉపయోగం ఉండదు. ఎందుకంటే.. వికెట్ల వెనుక నుంచే నేను మ్యాచ్‌ పరిస్థితిని బాగా అర్థం చేసుకుంటాను.వికెట్ల వెనుక నుంచి విశ్లేషించగలుగుతాబౌలర్‌ ఎలా బంతిని వేస్తున్నాడు? పిచ్‌ స్వభావం ఎలా ఉంది?.. ఇలాంటి పరిస్థితుల్లో ఎలాంటి వ్యూహాలు సిద్ధం చేయాలి? వంటి విషయాలన్నీ ఆలోచించగలను. ముఖ్యంగా మొదటి ఆరు ఓవర్లలో కొత్త బంతి ఎలాంటి ప్రభావం చూపుతోందని గమనిస్తా.ఆ తర్వాత పరిస్థితులు ఏవిధంగా మారుతున్నాయి? బౌలర్లను మార్చాలా? లేదంటే ప్రణాళికలు మార్చాలా? లాంటి అంశాల గురించి కెప్టెన్‌కు సరైన సందేశం ఇవ్వగలుగుతా. ఉత్తమ బంతికి బ్యాటర్‌ సిక్సర్‌ బాదాడా?లేదంటే.. చెత్త బంతికి షాట్‌ కొట్టాడా? అన్నది వికెట్ల వెనుక నుంచి విశ్లేషించగలుగుతా’’ అని ధోని పేర్కొన్నాడు. కాగా కెప్టెన్‌గా చెన్నైని ఐదుసార్లు చాంపియన్‌గా నిలిపిన ధోని.. గతేడాది నుంచి వికెట్‌ కీపర్‌ బ్యాటర్‌గా కొనసాగుతున్నాడు.బౌలర్ల విజృంభణఇక ఐపీఎల్‌-2025లో తమ తొలి మ్యాచ్‌లో చెన్నై ముంబైని నాలుగు వికెట్ల తేడాతో ఓడించింది. సొంతమైదానం చెపాక్‌లో ఆదివారం నాటి మ్యాచ్‌లో టాస్‌ గెలిచిన రుతుసేన తొలుత బౌలింగ్‌ చేసింది. బౌలర్ల విజృంభణ కారణంగా ముంబైని 155 పరుగులకే కట్టడి చేసింది.రచిన్‌, రుతు హాఫ్‌ సెంచరీలులక్ష్య ఛేదనలో ఓపెనర్‌ రచిన్‌ రవీంద్ర అర్ధ శతకం(45 బంతుల్లో 65 నాటౌట్‌)తో చెలరేగగా.. కెప్టెన్‌ రుతురాజ్‌ మెరుపు ఇన్నింగ్స్‌ (26 బంతుల్లో 53)తో ఆకట్టుకున్నాడు. ఈ క్రమంలో మరో ఐదు బంతులు ఉండగానే టార్గెట్‌ పూర్తి చేసిన చెన్నై.. ఈ సీజన్‌ను విజయంతో ఆరంభించింది. ముంబైని స్వల్ప స్కోరుకే పరిమితం చేయడంలో కీలక పాత్ర పోషించిన స్పిన్నర్‌ నూర్‌ అహ్మద్‌ (4/18)కు ‘ప్లేయర్‌ ఆఫ్‌ ది మ్యాచ్‌’ అవార్డు లభించింది. ఇక ఈ మ్యాచ్‌లో ఎనిమిదో స్థానంలో బ్యాటింగ్‌కు వచ్చిన ధోని రెండు బంతులు ఎదుర్కొని పరుగులేమీ చేయకుండా.. అజేయంగా నిలిచాడు.

ఎంఎస్ ధోని.. ప్ర‌పంచ క్రికెట్‌లో అత్యుత్త‌మ వికెట్ కీప‌ర్ బ్యాట‌ర్ల‌లో ఒక‌డిగా పేరు సంపాదించుకున్నాడు. ఈ జార్ఖండ్ డైన్‌మేట్.. విధ్వంస‌క‌ర బ్యాటింగ్‌తో పాటు అద్బుత‌మైన వికెట్ కీపింగ్ స్కిల్స్‌కు పెట్టింది పేరు. తాజాగా ధోని మరోసారి తన కీపింగ్ స్కిల్స్‎తో అభిమానులను అలరించాడు.ఐపీఎల్‌-2025లో చెపాక్ వేదిక‌గా ముంబై ఇండియ‌న్స్‌తో జ‌రుగుతున్న మ్యాచ్‌లో సీఎస్‌కే త‌ర‌పున ఆడుతున్న ధోని.. అద్బుత‌మైన స్టంపింగ్‌తో మెరిశాడు. ఈ మ్యాచ్‌లో ముంబై ఇండియ‌న్స్ కెప్టెన్ సూర్య‌కుమార్ యాద‌వ్‌ను మెరుపు స్టంప్ ఔట్ చేసి ధోని పెవిలియ‌న్‌కు పంపిచాడు.అస‌లేమి జ‌రిగిదంటే?ముంబై ఇన్నింగ్స్ 11 ఓవ‌ర్ వేసిన లెగ్ స్పిన్న‌ర్ నూర్ అహ్మ‌ద్‌.. మూడో బంతిని సూర్య‌కు గూగ్లీగా సంధించాడు. ఆ బంతిని సూర్య‌కుమార్ క్రీజు నంచి బ‌య‌ట‌కు వ‌చ్చి షాట్ ఆడేందుకు ప్రయత్నించాడు. కానీ బంతి అద్భుతంగా ట‌ర్న్ అయ్యి అత‌డి బ్యాట్‌ను మిస్ అయ్యి వికెట్ల వెన‌క ఉన్న ధోని చేతికి వెళ్లింది.ఈ క్ర‌మంలో మిస్ట‌ర్ కూల్‌.. తన వింటేజ్ స్టైల్‌లో రెప్పపాటులో బెయిల్స్‌ను పడగొట్టాడు. ఫీల్డ్ అంపైర్ థ‌ర్డ్ అంపైర్‌కు రిఫ‌ర్ చేసిన‌ప్ప‌టికి.. సూర్య మాత్రం క‌నీసం వెన‌క్కి తిర‌గ‌కుండా మైదానం విడిచివెళ్లిపోయాడు. ధోని కేవలం 0.12 సెకండ్ల వ్యవధిలోనే స్టంప్ ఔట్ చేయ‌డం గ‌మ‌నార్హం. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. ఈ మ్యాచ్‌లో టాస్ ఓడి తొలుత బ్యాటింగ్ చేసిన ముంబై నిర్ణీత 20 ఓవ‌ర్ల‌లో 9 వికెట్ల న‌ష్టానికి 155 ప‌రుగులు చేసింది. ముంబై బ్యాట‌ర్ల‌లో తిల‌క్ వ‌ర్మ‌(31) టాప్ స్కోర‌ర్‌గా నిల‌వ‌గా.. ఆఖ‌రిలో దీప‌క్ చాహ‌ర్‌(28) కీల‌క ఇన్నింగ్స్ ఆడారు. సీఎస్‌కే బౌల‌ర్ల‌లో నూర్ అహ్మ‌ద్ నాలుగు వికెట్లు ప‌డ‌గొట్ట‌గా.. ఖాలీల్ అహ్మ‌ద్ మూడు వికెట్లు సాధించాడు. 𝙁𝙖𝙨𝙩. 𝙁𝙖𝙨𝙩𝙚𝙧. 𝙈𝙎 𝘿𝙝𝙤𝙣𝙞 🫡📹 Watch #CSK legend's jaw-dropping reflexes behind the stumps 🔥Updates ▶ https://t.co/QlMj4G7kV0#TATAIPL | #CSKvMI | @ChennaiIPL | @msdhoni pic.twitter.com/S26cUYzRd8— IndianPremierLeague (@IPL) March 23, 2025

టీమిండియా స్టార్‌ ఆల్‌రౌండర్‌ హార్దిక్‌ పాండ్యా (Hardik Pandya)పై భారత మాజీ క్రికెటర్‌ మహ్మద్‌ కైఫ్‌ ప్రశంసలు కురిపించాడు. అవమానాలను దిగమింగుకుని.. సింహంలా అతడు తిరిగి వచ్చాడని కొనియాడాడు. మానసికంగా తనను వేదనకు గురిచేసినా.. అద్భుత ప్రదర్శనతో తన విలువను చాటుకున్నాడని.. భారత్‌ రెండు ఐసీసీ టైటిళ్లు గెలవడంలో కీలక పాత్ర పోషించాడని ప్రశంసించాడు. ఇండియన్‌ ప్రీమియర్‌ లీగ్‌ (IPL)-2025లో సరికొత్త హార్దిక్‌ పాండ్యాను చూడబోతున్నారని.. ముంబై ఇండియన్స్‌ను అతడు ఈసారి ప్లే ఆఫ్స్‌లో నిలుపుతాడని కైఫ్‌ ధీమా వ్యక్తం చేశాడు. అవహేళనలుకాగా గతేడాది హార్దిక్‌ ముంబై ఇండియన్స్‌ సారథిగా ఎంపికైన విషయం తెలిసిందే. ముంబైకి ఐదు ట్రోఫీలు అందించిన రోహిత్‌ శర్మ (Rohit Sharma)ను కాదని.. హార్దిక్‌ పాండ్యాకు పగ్గాలు అప్పగించడాన్ని అభిమానులు జీర్ణించుకోలేకపోయారు. సొంత మైదానం వాంఖడేలోనూ అతడిని దూషిస్తూ పెద్ద ఎత్తున ట్రోల్‌ చేశారు. హార్దిక్‌ కనిపిస్తే చాలు అవహేళనలతో అతడి ఆత్మవిశ్వాసం దెబ్బతినేలా ప్రవర్తించారు.ఈ క్రమంలో ముంబై గతేడాది పద్నాలుగింట కేవలం నాలుగే గెలిచి పాయింట్ల పట్టికలో అట్టడుగున నిలిచింది. దీంతో హార్దిక్‌ కెప్టెన్సీపై మరోసారి విమర్శలు తీవ్రమయ్యాయి. అయితే, ఈ చేదు అనుభవాల నుంచి త్వరగానే కోలుకున్న హార్దిక్‌ పాండ్యా.. టీ20 ప్రపంచకప్‌-2024లో సత్తా చాటాడు. జట్టు చాంపియన్‌గా నిలవడంలో కీలకంగా వ్యవహరించాడు.అంతేకాదు.. తాజాగా ఐసీసీ చాంపియన్స్‌ ట్రోఫీ-2025లో టీమిండియా టైటిల్‌ గెలవడంలోనూ హార్దిక్‌ది కీలక పాత్ర. ఈ నేపథ్యంలో భారత మాజీ బ్యాటర్‌ మహ్మద్‌ కైఫ్‌.. హార్దిక్‌ పాండ్యా బయోపిక్‌ గనుక తెరకెక్కితే గత ఏడాది కాలం ఎంతో మందికి స్ఫూర్తిదాయకంగా నిలుస్తుందని వ్యాఖ్యానించాడు.పంటిబిగువన భరిస్తూ.. ‘‘మనసుకైన గాయాలను పంటిబిగువన భరిస్తూ.. అతడు ముందుకు సాగాడు. అభిమానులే అతడిని హేళన చేశారు. కొంతమంది అతడి గురించి చెడుగా ఆర్టికల్స్‌ రాశారు. ఓ ఆటగాడిగా ఇన్ని బాధలను భరిస్తూ ముందుకు సాగడం అంత తేలికైన విషయం కాదు.అతడు ఆ నొప్పిని మర్చిపోలేడు. జట్టు నుంచి తప్పిస్తే ఆ బాధ కొన్నాళ్లే ఉంటుంది. కానీ.. అభిమానులే ఇంతలా అవమానిస్తే తట్టుకోవడం కష్టం. ఓ ఆటగాడికి ఇంతకంటే మానసిక వేదన మరొకటి ఉండదు. సింహంలా పోరాడి గెలిచాడుఅయితే, అతడు కుంగిపోలేదు. సింహంలా పోరాడి గెలిచాడు. టీ20 ప్రపంచకప్‌-2024 ఫైనల్లో హెన్రిచ్‌ క్లాసెన్‌ వంటి విధ్వంసకర వీరుడిని అవుట్‌ చేశాడు. చాంపియన్స్‌ ట్రోఫీలో జంపా బౌలింగ్‌లో సిక్సర్లు బాదాడు.బంతితో, బ్యాట్‌తో రాణించి భారత్‌ గెలవడంలో కీలకంగా వ్యవహరించాడు. ఒకవేళ అతడి బయోపిక్‌ తీస్తే.. గత ఏడాది కాలం అందరికీ స్ఫూర్తిగా నిలుస్తుంది. సవాళ్లను, గడ్డు పరిస్థితులను అధిగమించి ఎలా ముందుకు సాగాలో తెలుస్తుంది. పాండ్యా తన బలాన్ని గుర్తించాడు. అందుకే ఇంత గొప్పగా పునరాగమనం చేశాడు. ఐపీఎల్‌-2025లో అతడు ముంబైని తప్పక ప్లే ఆఫ్స్‌ చేరుస్తాడు’’ అని కైఫ్‌ హిందుస్తాన్‌ టైమ్స్‌తో వ్యాఖ్యానించాడు.కాగా మార్చి 22న ఐపీఎల్‌ పద్దెనిమిదవ ఎడిషన్‌ ప్రారంభం కానుండగా.. ఆ మరుసటి రోజు ముంబై తమ తొలి మ్యాచ్‌ ఆడనుంది. మార్చి 23న చెన్నై సూపర్‌ కింగ్స్‌ను ఢీకొట్టనుంది. అయితే, గతేడాది స్లో ఓవర్‌ రేటు కారణంగా హార్దిక్‌ పాండ్యా తొలి మ్యాచ్‌కు దూరం కానున్నాడు. దీంతో అతడి స్థానంలో టీమిండియా టీ20 కెప్టెన్‌ సూర్యకుమార్‌ యాదవ్‌ సారథ్య బాధ్యతలు నిర్వర్తించనున్నాడు.చదవండి: CT 2025: టీమిండియాకు భారీ నజరానా ప్రకటించిన బీసీసీఐ

జట్టులో ‘ముగ్గురు కెప్టెన్ల’ను కలిగి ఉండటం తనకు అదనపు బలమని ముంబై ఇండియన్స్‌ సారథి హార్దిక్‌ పాండ్యా (Hardik Pandya) హర్షం వ్యక్తం చేశాడు. భిన్న ఫార్మాట్లలో టీమిండియాను ముందుకు నడిపించిన వ్యక్తుల నుంచి తాను తప్పక సలహాలు, సూచనలు తీసుకుంటానని పేర్కొన్నాడు. అంతిమంగా జట్టును విజేతగా నిలపడమే తమ లక్ష్యమని హార్దిక​ పాండ్యా పేర్కొన్నాడు.ఈసారి తాను రెట్టించిన ఆత్మవిశ్వాసంతో బరిలోకి దిగుతున్నానన్న హార్దిక్‌ పాండ్యా... ఈసారి అభిమానుల నుంచి సానుకూల స్పందన మాత్రమే కోరుకుంటున్నానని తెలిపాడు. కెప్టెన్‌గా సూర్యకాగా ఇండియన్‌ ప్రీమియర్‌ లీగ్‌ (IPL) పద్దెనిమిదవ ఎడిషన్‌ మార్చి 22 నుంచి ఆరంభం కానున్న విషయం తెలిసిందే. కోల్‌కతా నైట్‌ రైడర్స్‌- రాయల్‌ చాలెంజర్స్‌ బెంగళూరు మధ్య మ్యాచ్‌తో ఈ మెగా ఈవెంట్‌కు తెరలేవనుండగా.. ముంబై మార్చి 23న చెన్నై సూపర్‌ కింగ్స్‌తో తమ తొలి మ్యాచ్‌ ఆడనుంది.అయితే, గతేడాది స్లో ఓవర్‌ రేటు కారణంగా హార్దిక్‌ పాండ్యాపై ఒక మ్యాచ్‌ నిషేధం పడగా.. ఐపీఎల్‌-2025 ఆరంభ మ్యాచ్‌లో సూర్యకుమార్‌ యాదవ్‌ ముంబై కెప్టెన్‌గా వ్యవహరించనున్నాడు. ఈ విషయాన్ని స్వయంగా వెల్లడించిన పాండ్యా.. ఈ ఏడాది తాము కచ్చితంగా అనుకున్న ఫలితాన్ని రాబడతామని ధీమా వ్యక్తం చేశాడు.రోజురోజుకూ పెరుగుతుందే తప్ప తగ్గదు‘‘నేను చాలా చాలా కాన్ఫిడెంట్‌గా ఉన్నా. అప్పుడు కూడా గెలుస్తామనే నేను విశ్వసించాను. అయితే, నేను ఇటీవలే చాంపియన్స్‌ ట్రోఫీలో ఆడాను. నా ఆత్మవిశ్వాసం రెట్టింపు అయింది, కాన్ఫిడెన్స్‌ గురించి నన్ను అడిగితే.. రోజురోజుకూ అది పెరుగుతుందే తప్ప తగ్గదు.ముగ్గురు టీమిండియా కెప్టెన్లు.. అది నా అదృష్టంఇక మా జట్టులో నాతో పాటు మరో ముగ్గురు కెప్టెన్లు ఉండటం ఒక రకంగా నా అదృష్టం అని చెప్పాలి. నాకు అవసరమైనపుడు వారి అనుభవాన్ని ఉపయోగించుకుంటా. టీమిండియాను మూడు ఫార్మాట్లలో భిన్న రీతిలో నడిపించిన వారి అనుభవం నాకు కచ్చితంగా అదనపు బలమే.నాకు వారు ఎల్లవేళలా మద్దతుగా ఉంటారు. క్లిష్ట పరిస్థితుల్లో నా భుజం తట్టి నన్ను ముందుకు నడిపిస్తారు. మేమంతా కలిసి అనుకున్న రీతిలో జట్టును ముందుకు తీసుకువెళ్తాం’’ అని హార్దిక్‌ పాండ్యా బుధవారం నాటి మీడియా సమావేశంలో పేర్కొన్నాడు.కాగా టీమిండియా వన్డే, టెస్టు సారథి రోహిత్‌ శర్మతో పాటు.. టెస్టుల్లో రోహిత్‌ గైర్హాజరీలో కెప్టెన్‌గా వ్యవహరిస్తున్న జస్‌ప్రీత్‌ బుమ్రా.. టీమిండియా టీ20 కెప్టెన్‌ సూర్యకుమార్‌ యాదవ్‌ ముంబై ఇండియన్స్‌కు ప్రాతినిథ్యం వహిస్తున్న విషయం తెలిసిందే.ముంబై రంగులు తప్ప ఇంకేమీ కనిపించవద్దుఇదిలా ఉంటే.. ముంబై అభిమానులను ఉద్దేశించి మాట్లాడుతూ.. ‘‘నేను టాస్‌ కోసం వెళ్లినపుడు.. బ్యాటింగ్‌కి వెళ్లినపుడు నన్ను చీర్‌ చేయండి. సిక్సర్‌ బాదితే గట్టిగా అరవండి. వాంఖడే స్టేడియంలో నాకు ముంబై రంగులు తప్ప ఇంకేమీ కనిపించవద్దు’’ అని హార్దిక్‌ పాండ్యా పేర్కొన్నాడు. కాగా ఐదుసార్లు ట్రోఫీ అందించిన రోహిత్‌ శర్మను తప్పించి ముంబై ఫ్రాంఛైజీ గతేడాది పాండ్యాకు బాధ్యతలు అప్పగించిన విషయం తెలిసిందే.అయితే, అతడి రాకతో రోహిత్‌, బుమ్రా, సూర్య అసంతృప్తిగా ఉన్నారనే వార్తలు వచ్చాయి. ముంబై గతేడాది దారుణంగా విఫలమైన నేపథ్యంలో.. ఆటగాళ్ల మధ్య సమన్వయ లోపమే ఇందుకు కారణమనే విమర్శలు వచ్చాయి. గతేడాది ముంబై పద్నాలుగింట కేవలం నాలుగే గెలిచి పాయింట్ల పట్టికలో పదో స్థానంలో నిలిచింది. చదవండి: BCCI: విరాట్‌ కోహ్లి ఘాటు విమర్శలు.. స్పందించిన బీసీసీఐ

ఇండియన్‌ ప్రీమియర్‌ లీగ్‌ (IPL)లో ఐదుసార్లు చాంపియన్‌గా నిలిచిన మేటి జట్టుగా ముంబై ఇండియన్స్‌కు పేరుంది. ఈ ఘనత సాధించిన తొలి జట్టుగానూ ముంబై రికార్డు చెక్కు చెదరకుండా ఉంది. అయితే, గత కొంతకాలంగా అంబానీల ఫ్రాంఛైజీకి గడ్డు పరిస్థితులు ఎదురవుతున్నాయి. గతేడాది ఏకంగా పాయింట్ల పట్టికలో అట్టడుగున పదో స్థానంలో నిలిచింది. అయితే, మెగా వేలంలో తెలివైన కొనుగోళ్లతో మునుపటి వైభవం సాధించేలా ప్రణాళికలు రచించింది.విదేశీ, భారత్ ఆటగాళ్ల తో జట్టుని పునర్నిర్మించే ప్రయత్నం చేసింది. జస్ప్రీత్ బుమ్రాకు తోడుగా న్యూ జిలాండ్ వెటరన్ ట్రెంట్ బౌల్ట్‌ను రూ. 12.50 కోట్లకు కొనుగోలు చేసి బలమైన బౌలింగ్ ని రూపొందించే ప్రయత్నం చేసింది. చెన్నై సూపర్ కింగ్స్ మాజీ ఆల్ రౌండర్ దీపక్ చాహర్‌ను కూడా జత చేసి తమ బౌలింగ్ యూనిట్‌ను మరింత బలోపేతం చేసుకుంది.మిచెల్ సాంట్నర్‌, కర్ణ్ శర్మలను చేర్చుకోవడంతో స్పిన్ విభాగం కూడా మరింత బలపడింది. ఇక విల్ జాక్స్, బెవాన్ జాకబ్స్, ర్యాన్ రికెల్టన్ లతో బ్యాటింగ్‌కు మునుపటి పదును సమకూర్చారు. అయితే భారత్ టీ20 కెప్టెన్ సూర్యకుమార్ యాదవ్ ఇటీవల కాలంలో ఆశించిన స్థాయిలో రాణించడం లేదు. విదేశీ ఆటగాళ్లతో పాటు, రాబిన్ మింజ్, విఘ్నేష్ పుత్తూర్ మరియు రాజ్ బావా వంటి వారిని కనుగోలు చేసి యువ జట్టుని నిర్మించే దిశగా పావులు కదిపింది. అందువల్ల, ఐదుసార్లు ఛాంపియన్లుగా నిలిచిన ఈ జట్టు అన్ని స్థావరాలను కవర్ చేసే ఆల్ రౌండ్ జట్టును నిర్మించడానికి తమ పర్స్‌ను సమర్థవంతంగా ఉపయోగించింది.ముంబై ఇండియన్స్‌లో ప్రధాన ఆటగాళ్లుట్రెంట్ బౌల్ట్ ఈ ఎడమచేతి వాటం సీమర్ మూడు సంవత్సరాల తర్వాత ఐపీఎల్ లో మళ్ళీ ముంబై ఇండియన్స్‌కు తిరిగి ఆడబోతున్నాడు. ప్రపంచవ్యాప్తంగా వివిధ టీ20 లీగ్‌లలో ముంబై ఇండియన్స్‌కు చెందిన జట్ల తరపున ఆడుతూనే ఉన్నాడు. బౌల్ట్ పవర్‌ప్లేలో రాణించడంలో మంచి దిట్ట. బుమ్రాతో పాటు ముంబై బౌలింగ్ ని ప్రారంభించే అవకాశముంది.ర్యాన్ రికెల్టన్దక్షిణాఫ్రికాలో బాగా రాణిస్తున్న స్టార్‌లలో ఒకరు గా ఖ్యాతి గడించిన రికెల్టన్ ఇటీవల ఛాంపియన్స్ ట్రోఫీ లో తన బ్యాటింగ్ తో పరుగుల వర్షం కురిపించాడు. ఈ 28 ఏళ్ల వికెట్ కీపర్ ను మరో క్వింటన్ డి కాక్ గా నిపుణులు భావిస్తున్నారు.రాబిన్ మింజ్వికెట్ కీపర్ కూడా అయినా రాబిన్ మింజ్ తన అసాధారణ స్ట్రోక్ ప్లే తో విజృభించి ఆడగలడు. దురదృష్టవశాత్తు బైక్ ప్రమాదం కారణంగా గత సీజన్‌కు దూరమైన , మింజ్ ఈ సీజన్‌లో మళ్ళీ తన సత్తా చూపించాలిని పట్టుదలతో ఉన్నాడు.ముజీబ్ ఉర్ రెహమాన్గాయం కారణంగా జట్టు నుంచి తప్పుకున్న తోటి ఆఫ్ఘన్ దేశస్థుడు ఎ ఎం గజన్‌ఫర్ స్థానంలో ఈ ఆఫ్ స్పిన్నర్‌ను జట్టులోకి తీసుకున్నారు. రెహమాన్ తన టి 20 కెరీర్‌లో 18.11 సగటు తో నిలకడగా బౌలింగ్ చేయగల సామర్ధ్యముంది.బెవాన్ జాకబ్స్న్యూజిలాండ్‌ కి చెందిన 22 ఏళ్ల హార్డ్ హిట్టింగ్ బ్యాటర్‌. తన అసాధారణ స్ట్రోక్ ప్లే తో ఇటీవల కాలం లో బాగా రాణిస్తున్నాడు. టీ20 కెరీర్‌లో 148.42 స్ట్రైక్ రేట్‌ తో ఉన్న జాకబ్స్ ఈ సీజన్‌లో అనేక మంది బౌలర్లకు తలనొప్పిగా పరిణమించే అవకాశం ఉంది.ముంబై ఇండియన్స్ జట్టుజస్‌ప్రీత్‌ బుమ్రా, సూర్యకుమార్‌ యాదవ్‌, హార్దిక్‌ పాండ్యా, రోహిత్‌ శర్మ, తిలక్‌ వర్మ, ట్రెంట్‌ బౌల్ట్‌, నమన్‌ ధిర్‌, రాబిన్‌ మింజ్‌, కర్ణ్‌ శర్మ, ర్యాన్‌ రికెల్టన్‌, దీపక్‌ చాహర్‌, ముజీబ్‌ ఉర్‌ రెహమాన్‌, విల్‌ జాక్స్‌, అశ్వనీ కుమార్‌, మిచెల్‌ సాంట్నర్‌, రీస్‌ టాప్లే, క్రిష్ణన్‌ శ్రీజిత్‌, రాజ్‌ అంగద్‌ బవా, సత్యనారాయణ రాజు, బెవాన్‌ జేకబ్స్‌ అర్జున్‌ టెండుల్కర్‌, లిజాడ్‌ విలియమ్స్‌, విఘ్నేశ్‌ పుత్తూరు, కార్బిన్‌ బాష్‌.చదవండి: నేను ఎదుర్కొన్న కఠినమైన బౌలర్‌ అతడే.. మూడు ఫార్మాట్లలోనూ బెస్ట్‌: కోహ్లి

టీమిండియా స్టార్‌ క్రికెటర్ల తీరుపై ముంబై క్రికెట్‌ అసోసియేషన్‌(MCA) చీఫ్‌ సెలక్టర్‌​ సంజయ్‌ పాటిల్‌(Sanhay Patil) ఆగ్రహం వ్యక్తం చేశాడు. మొక్కుబడిగా రంజీల్లో ఆడటం వల్ల ముంబై జట్టుకు తీరని అన్యాయం జరిగిందన్నాడు. ‘స్టార్ల’ కోసం ఉత్తమంగా రాణిస్తున్న వర్ధమాన క్రికెటర్లను పక్కనపెట్టడం వల్ల భారీ మూల్యం చెల్లించాల్సి వచ్చిందన్నాడు.దేశవాళీ క్రికెట్‌ ఆడాల్సిందేకాగా జాతీయ జట్టు తరఫున విధుల్లో లేనప్పుడు సెంట్రల్‌ కాంట్రాక్టు ఆటగాళ్లంతా దేశవాళీ క్రికెట్‌ ఆడాలని భారత క్రికెట్‌ నియంత్రణ మండలి(బీసీసీఐ) నిబంధన విధించిన విషయం తెలిసిందే. ఈ ఆదేశాలను అతిక్రమించిన ఇషాన్‌ కిషన్‌(Ishan Kishan), శ్రేయస్‌ అయ్యర్‌లను వార్షిక కాంట్రాక్టు జాబితా నుంచి తప్పించి వేటు వేసింది. తద్వారా ఆటగాళ్లంతా డొమెస్టిక్ క్రికెట్‌ బరిలో దిగాలనే కచ్చితమైన సంకేతాలు ఇచ్చింది.కెప్టెన్‌ రోహిత్‌ శర్మతో పాటుఈ నేపథ్యంలో టెస్టుల్లో ఫామ్‌లేమితో సతమతమైన కెప్టెన్‌ రోహిత్‌ శర్మతో పాటు రికార్డుల రారాజు విరాట్‌ కోహ్లి కూడా రంజీ బరిలో దిగారు. ఇక రోహిత్‌తో పాటు అతడి ఓపెనింగ్‌ జోడీ యశస్వి జైస్వాల్‌, టీమిండియా టీ20 కెప్టెన్‌ సూర్యకుమార్‌ యాదవ్‌, శ్రేయస్‌ అయ్యర్‌, శార్దూల్‌ ఠాకూర్‌, శివం దూబే తదితరులు ముంబై తరఫున మ్యాచ్‌లు ఆడారు.అయితే, రోహిత్‌తో పాటు జైస్వాల్‌ తాము ఆడిన ఒకే ఒక్క మ్యాచ్‌లో విఫలమయ్యారు. ఇదిలా ఉంటే.. ఈ సీజన్‌లో డిఫెండింగ్‌ చాంపియన్‌గా బరిలోకి దిగిన ముంబై.. ఈసారి సెమీస్‌లోనే ఇంటిబాట పట్టింది. ఈ నేపథ్యంలో చీఫ్‌ సెలక్టర్‌ సంజయ్‌ పాటిల్‌ తమ జట్టు వైఫల్యానికి టీమిండియా ఆటగాళ్లే పరోక్ష కారణమనేలా వ్యాఖ్యలు చేశాడు.అగార్కర్‌కు విన్నపం‘‘ఇప్పుడిప్పుడే ఎదుగుతున్న ఆటగాళ్లకు అంతర్జాతీయ క్రికెటర్ల వల్ల అన్యాయం జరిగే ప్రమాదం ఉంది. అంతేకాదు.. ఆసక్తిలేకుండా దేశీ జట్టు తరఫున బరిలోకి దిగి వారు బాగా ఆడకపోతే నష్టం మనకే వస్తుంది. కాబట్టి అసోసియేషన్‌ ఈ విషయంలో జాగ్రత్తగా ఉండాలి.బీసీసీఐ ఆదేశాల వల్ల మనం వారికి జట్టులో చోటు ఇస్తున్నామన్న మాట వాస్తవం. టీమిండియా చీఫ్‌ సెలక్టర్‌ అజిత్‌ అగార్కర్‌, సెలక్షన్‌ కమిటీ మొత్తానికి నాదొక విన్నపం. కేవలం మీరు చెప్పారన్న కారణంగానే ఇంటర్నేషనల్‌ స్టార్లు దేశీ మ్యాచ్‌లు ఆడుతున్నారు.బోర్డు కఠినంగా వ్యవహరిస్తుందనే ఉద్దేశంతో తమను తాము కాపాడుకునేందుకు మాత్రమే ఇలా చేస్తున్నారు. కానీ ఇకపై దేశవాళీ మ్యాచ్‌లలో కూడా వారి ప్రదర్శనను పరిగణనలోకి తీసుకుంటామని మీరు హెచ్చరించండి.టీమిండియాకు ఎంపిక చేసే సమయంలో ఈ ప్రదర్శనను పరిశీలిస్తామని చెప్పండి. అలా కాకుండా కేవలం ఆడి రండి అని చెబితే మాత్రం దేశీ జట్ల మీద ప్రతికూల ప్రభావం పడుతుంది’’ అని స్పోర్ట్‌స్టార్‌తో సంజయ్‌ పాటిల్‌ వ్యాఖ్యానించాడు.సెమీస్‌లో విదర్భ చేతిలో ఓటమికాగా రంజీ ట్రోఫీ 2024-25 సీజన్‌లో పేస్‌ బౌలింగ్‌ ఆల్‌రౌండర్‌ శార్దూళ్‌ ఒక్కడే మెరుగ్గా రాణించాడు. ఇక కెప్టెన్‌ అజింక్య రహానే సహా సూర్యకుమార్‌ యాదవ్‌ విదర్భతో సెమీ ఫైనల్లో పూర్తిగా నిరాశపరిచారు. రహానే 18, 12 పరుగులు చేయగా.. సూర్య 0, 23 రన్స్‌ మాత్రమే చేశాడు. మరోవైపు.. శివం దూబే 0, 12 పరుగులకే పరిమితమయ్యాడు. ఇక శార్దూల్‌ 33 ఓవర్లలో 133 పరుగులు ఇచ్చి కేవలం రెండు వికెట్లు తీశాడు. రెండు ఇన్నింగ్‌స్లో 37, 66 పరుగులు చేశాడు.చదవండి: NZ vs BAN: చర్రిత సృష్టించిన రచిన్‌ రవీంద్ర.. ప్రపంచంలోనే తొలి ప్లేయర్‌గా

రంజీ ట్రోఫీ సెమీ ఫైనల్‌ మ్యాచ్‌లో ముంబై స్టార్‌ బ్యాటర్లు పూర్తిగా విఫలమయ్యారు. విదర్భతో పోరులో కెప్టెన్‌ అజింక్య రహానే(Ajinkya Rahane)తో పాటు టీమిండియా స్టార్లు సూర్యకుమార్‌ యాదవ్‌(Suryakumar Yadav), శివం దూబే(Shivam Dube) చేతులెత్తేశారు. ఫలితంగా ముంబై జట్టు పీకల్లోతు కష్టాల్లో కూరుకుపోయింది. కాగా రంజీ ట్రోఫీ ఎలైట్‌ 2024-25 సీజన్‌లో డిఫెండింగ్‌ చాంపియన్‌గా బరిలోకి దిగిన రహానే సేన సెమీస్‌ చేరిన విషయం తెలిసిందే.ఈ క్రమంలో సెమీ ఫైనల్‌-2లో భాగంగా విదర్భ జట్టుతో తలపడుతోంది. నాగ్‌పూర్‌ వేదికగా.. విదర్భ క్రికెట్‌ అసోసియేషన్‌ స్టేడియంలో సోమవారం మొదలైన ఈ మ్యాచ్‌లో టాస్‌ గెలిచిన ఆతిథ్య జట్టు తొలుత బ్యాటింగ్‌ ఎంచుకుంది. అయితే, ఆరంభంలోనే ఓపెనర్‌ అథర్వ టైడే(4) వికెట్‌ కోల్పోయిన విదర్భను మరో ఓపెనర్‌ ధ్రువ్‌ షోరే అర్ధ శతకం(74)తో ఆదుకున్నాడు. వన్‌డౌన్‌లో వచ్చిన స్పిన్‌ బౌలర్‌ పార్థ్‌ రేఖడే(Parth Rekhade) కూడా 23 పరుగులతో ఫర్వాలేదనిపించాడు.383 పరుగులుఇక మిడిలార్డర్‌లో ప్రతి ఒక్కరు రాణించడంతో విదర్భ తొలి ఇన్నింగ్స్‌లో 383 పరుగులు చేయగలిగింది. డానిష్‌ మాలేవార్‌(79), కరుణ్‌ నాయర్‌(45), యశ్‌ రాథోడ్‌(54) మెరుగైన ఇన్నింగ్స్‌ ఆడగా.. కెప్టెన్‌ అక్షయ్‌ వాడ్కర్‌ 34, హర్ష్‌ దూబే 18, నచికేత్‌ భూటే 11, దర్శన్‌ నాల్కండే 12*, యశ్‌ ఠాకూర్‌ 3 పరుగులు చేశారు.ముంబై బౌలర్లలో పేస్‌ బౌలింగ్‌ ఆల్‌రౌండర్‌ శివం దూబే ఐదు వికెట్లతో చెలరేగగా.. రాయ్‌స్టన్‌ దాస్‌, షామ్స్‌ ములానీ రెండేసి వికెట్లు దక్కించుకున్నారు. అదే విధంగా.. శార్దూల్‌ ఠాకూర్‌ ఒక వికెట్‌ తన ఖాతాలో వేసుకున్నాడు. ఇక విదర్భ మొదటి ఇన్నింగ్స్‌ 383 పరుగులు చేసి మెరుగైన స్థితిలో నిలవగా.. అనంతరం బ్యాటింగ్‌కు దిగిన ముంబై మాత్రం కష్టాలపాలైంది.పార్థ్‌ రేఖడే విజృంభణఓపెనర్‌ ఆయుశ్‌ మాత్రే తొమ్మిది పరుగులకే నిష్క్రమించగా.. మరో ఓపెనర్‌ ఆకాశ్‌ ఆనంద్‌(171 బంతుల్లో 67 నాటౌట్‌ ) పట్టుదలగా క్రీజులో నిలబడ్డాడు. సిద్దేశ్‌ లాడ్‌ 35 పరుగులతో ఫర్వాలేదనిపించగా.. కెప్టెన్‌ అజింక్య రహానే 18 పరుగులకే నిష్క్రమించాడు. ఇక టీమిండియా టీ20 జట్టు సారథి సూర్యకుమార్‌ యాదవ్‌, శివం దూబే మరీ దారుణంగా డకౌట్‌ అయ్యారు.ఈ ముగ్గురిని విదర్భ బౌలర్‌ పార్థ్‌ రేఖడే ఒకే ఓవర్లో పెవిలియన్‌కు పంపడం విశేషం. ముంబై ఇన్నింగ్స్‌లో 41వ ఓవర్‌ వేసిర పార్థ్‌.. తొలి బంతికే రహానేను బౌల్డ్‌ చేశాడు. ఈ క్రమంలో క్రీజులోకి వచ్చిన సూర్యకుమార్‌ యాదవ్‌ పార్థ్‌ బౌలింగ్‌లో డానిష్‌ మాలేవర్‌కు క్యాచ్‌ ఇచ్చి అవుటయ్యాడు. అనంతరం శివం దూబే వికెట్‌ను కూడా పార్థ్‌ దక్కించుకున్నాడు. కాగా సూర్య, దూబేలకు తొలుత డాట్‌ బాల్‌ వేసిన పార్థ్‌ ఆ మరుసటి బంతికే వాళ్లిద్దరిని అవుట్‌ చేయడం విశేషం.ఇక ఆ తర్వాత కూడా విదర్భ బౌలర్ల విజృంభణ కొనసాగింది. షామ్స్‌ ములానీ(4)ని హర్ష్‌ దూబే వికెట్ల ముందు దొరకబుచ్చుకోగా.. వేగంగా ఆడుతున్న శార్దూల్‌ ఠాకూర్‌(41 బంతుల్లో 37)ను యశ్‌ ఠాకూర్‌ పెవిలియన్‌కు చేర్చాడు. ఈ క్రమంలో మంగళవారం నాటి రెండో రోజు ఆట ముగిసే సరికి ముంబై 59 ఓవర్లలో ఏడు వికెట్ల నష్టానికి 188 పరుగులు చేసి.. విదర్భ కంటే 195 పరుగులు వెనుకబడి ఉంది. ఆకాశ్‌ ఆనంద్‌ 67, తనుశ్‌ కొటియాన్‌ 5 పరుగులతో క్రీజులో ఉన్నారు. విదర్భ బౌలర్లలో పార్థ్‌ రేఖడే మూడు వికెట్లు కూల్చగా.. యశ్‌ ఠాకూర్‌కు రెండు, దర్శన్‌ నల్కండే, హర్ష్‌ దూబేలకు ఒక్కో వికెట్‌ దక్కాయి.చదవండి: బంగ్లాదేశ్‌తో మ్యాచ్‌కు భారత తుదిజట్టు ఇదే! రోహిత్‌ కోరుకుంటేనే అతడికి ఛాన్స్‌ Suryakumar Yadav 360° batting today pic.twitter.com/SZoVId69lE— Abhi (@79off201) February 18, 2025

భారత పురుషుల టీ20 క్రికెట్‌ జట్టు కెప్టెన్‌ సూర్యకుమార్‌ యాదవ్‌(Suryakumar Yadav) బ్యాటింగ్‌ వైఫల్యాల పరంపర కొనసాగుతోంది. ఫార్మాట్‌ మారినా అతడి ఆట తీరులో మాత్రం మార్పరాలేదు. ఇటీవల ఇంగ్లండ్‌(India vs England)తో స్వదేశంలో పొట్టి సిరీస్‌లో సారథిగా అదరగొట్టిన ఈ ముంబైకర్‌.. బ్యాటర్‌గా మాత్రం పూర్తిగా విఫలమైన విషయం తెలిసిందే. తాజాగా రంజీ ట్రోఫీ(Ranji Trophy) మ్యాచ్‌లోనూ సూర్య నిరాశపరిచాడు.ఫోర్‌తో మొదలుపెట్టిహర్యానాతో మ్యాచ్‌లో క్రీజులోకి రాగానే ఫోర్‌ బాది దూకుడుగా ఇన్నింగ్స్‌ ఆరంభించిన సూర్యకుమార్‌.. మరుసటి ఓవర్లోనే వెనుదిరిగాడు. కేవలం తొమ్మిది పరుగులు చేసి నిష్క్రమించాడు. కాగా సూర్య చివరగా ఈ రంజీ సీజన్‌లో భాగంగా మహారాష్ట్రతో మ్యాచ్‌ సందర్భంగా బరిలోకి దిగాడు. అయితే, ఆ మ్యాచ్‌లో కేవలం ఏడు పరుగులే చేసి అవుటయ్యాడు. ఈ నేపథ్యంలో టీ20 కెప్టెన్‌ ఇక టెస్టుల గురించి మర్చిపోవాల్సిందేనంటూ టీమిండియా అభిమానులు కామెంట్లు చేస్తున్నారు.కాగా దేశీ ఫస్ట్‌క్లాస్‌ క్రికెట్‌ ప్రతిష్టాత్మక టోర్నమెంట్‌ రంజీ ట్రోఫీ(Ranji Trophy) క్వార్టర్‌ ఫైనల్స్‌ శనివారం ఆరంభమయ్యాయి. ఇందులో భాగంగా.. కోల్‌కతాలోని ఈడెన్‌ గార్డెన్స్‌ వేదికగా ముంబై- హర్యానా మధ్య క్వార్టర్‌ ఫైనల్‌-3 మొదలైంది. ఇందులో టాస్‌ గెలిచిన ముంబై తొలుత బ్యాటింగ్‌ ఎంచుకుంది. అయితే, హర్యానా పేసర్ల ధాటికి అజింక్య రహానే సేనకు ఆరంభంలోనే ఎదురుదెబ్బలు తగిలాయి.సుమిత్‌ దెబ్బకు బౌల్డ్‌ఓపెనర్‌ ఆయుశ్‌ మాత్రే(0)ను అన్షుల్‌ కాంబోజ్‌ డకౌట్‌ చేయగా.. మరో ఓపెనర్‌, వికెట్‌ కీపర్‌ బ్యాటర్‌ ఆకాశ్‌ ఆనంద్‌ను పది పరుగుల వద్ద సుమిత్‌ కుమార్‌ బౌల్డ్‌ చేశాడు. ఇక వన్‌డౌన్‌లో వచ్చిన సిద్ధేశ్‌ లాడ్‌(4) అన్షుల్‌ వేసిన బంతికి బౌల్డ్‌కాగా.. ఐదో స్థానంలో బ్యాటింగ్‌ చేసిన సూర్యకుమార్‌ యాదవ్‌ సుమిత్‌ దెబ్బకు క్లీన్‌బౌల్డ్‌ అయ్యాడు.ముంబై ఇన్నింగ్స్‌ ఏడో ఓవర్‌ మొదటి బంతికి సిద్ధేశ్‌ అవుట్‌ కాగా.. సూర్య క్రీజులోకి వచ్చాడు. అన్షుల్‌ బౌలింగ్‌లో ఫోర్‌ కొట్టి ఘనంగా ఆరంభించాడు. ఎనిమిదో ఓవర్లో సుమిత్‌ బౌలింగ్‌లోనూ తొలి బంతినే బౌండరీకి తరలించిన సూర్య.. ఆ మరుసటి రెండో బంతికి పెవిలియన్‌ చేరాడు. మొత్తంగా ఐదు బంతులు ఎదుర్కొని రెండు ఫోర్ల సాయంతో తొమ్మిది పరుగులు చేసి ఈ కుడిచేతి వాటం బ్యాటర్‌ అవుటయ్యాడు.ఈ క్రమంలో 29 పరుగులకే నాలుగు వికెట్లు కోల్పోయి కష్టాలో పడిన ముంబై జట్టును కెప్టెన్‌ అజింక్య రహానే, ఆల్‌రౌండర్‌ శివం దూబే ఆదుకునే ప్రయత్నం చేస్తున్నారు. ఇదిలా ఉంటే.. ఇటీవల ఇంగ్లండ్‌తో టీ20 సిరీస్‌లో సూర్యకుమర్‌ యాదవ్‌ తొలి మ్యాచ్‌లోనే డకౌట్‌ అయిన విషయం తెలిసిందే.ఇప్పట్లో టీమిండియా రీఎంట్రీ కష్టమేఆ తర్వాత కూడా వరుస మ్యాచ్‌లలో సూర్య నిరాశపరిచాడు. రెండో టీ20లో 12, మూడో టీ20లో 14 పరుగులు చేసిన అతడు.. నాలుగో టీ20లో మళ్లీ సున్నా చుట్టాడు. ఆఖరిదైన ఐదో టీ20లోనూ రెండు పరుగులే చేసి వెనుదిరిగాడు. అయితే, కెప్టెన్‌గా మాత్రం ఈ ఐదు టీ20ల సిరీస్‌లో 4-1తో సూర్య ఘన విజయం అందుకున్నాడు. ఇక ఇప్పటికే ఫామ్‌లేమి కారణంగా వన్డే జట్టులో ఎప్పుడో స్థానం కోల్పోయిన సూర్య.. రంజీల్లో వరుస వైఫల్యాలతో ఇప్పట్లో టెస్టుల్లోకి వచ్చే అవకాశం కూడా లేకుండా చేసుకుంటున్నాడు. కాగా 2023లో బోర్డర్‌- గావస్కర్‌ ట్రోఫీ సందర్భంగా నాగ్‌పూర్‌ వేదికగా టెస్టుల్లో అరంగేట్రం చేసిన సూర్య.. దారుణంగా విఫలమయ్యాడు. ఆస్ట్రేలియాతో తొలి టెస్టులో 8 పరుగులు మాత్రమే చేశాడు.చదవండి: Ind vs Eng: అద్భుతమైన ఆటగాడు.. అతడినే పక్కనపెడతారా?: ఆసీస్‌ దిగ్గజం

టీమిండియా ఆటగాళ్లకు భారత క్రికెట్‌ నియంత్రణ మండలి(BCCI) అరుదైన కానుకలు అందించింది. టీ20 ప్రపంచకప్‌-2024(T20 World Cup 2024)లో విజేతగా నిలిచిన భారత జట్టులోని సభ్యులకు వజ్రపుటుంగరాలు ప్రదానం చేసింది. ఉంగరాల పైభాగంలో అశోక్‌ చక్ర గుర్తుతో పాటు.. సైడ్‌లో ఆటగాళ్ల జెర్సీ నంబర్‌ వచ్చేలా ప్రత్యేకంగా వీటిని తీర్చిదిద్దారు.ఈసారి ప్రత్యేకమైన కానుకలుఅంతేకాదు.. ఈ మెగా టోర్నీలో ఆఖరి వరకు అజేయంగా నిలిచిన జట్టు జైత్రయాత్రకు గుర్తుగా విజయాల సంఖ్యను కూడా ఈ డిజైన్‌లో చేర్చారు. ఇటీవల నమన్‌ అవార్డుల వేడుక సందర్భంగా రోహిత్‌ సేన(Rohit Sharma&Co)కు ఈ వజ్రపు ఉంగరాలను బోర్డు ఆటగాళ్లకు అందజేసింది. ఇందుకు సంబంధించిన వీడియోను బీసీసీఐ తాజాగా సోషల్‌ మీడియాలో షేర్‌ చేయగా వైరల్‌గా మారింది.‘‘టీ20 ప్రపంచకప్‌లో అద్భుతమైన ప్రదర్శనతో ఆకట్టుకున్న టీమిండియా ఆటగాళ్లను చాంపియన్స్‌ రింగ్‌తో సత్కరిస్తున్నాం. వజ్రాలు శాశ్వతమే కావచ్చు. అయితే, కోట్లాది మంది హృదయాల్లో వీరు సంపాదించిన స్థానం మాత్రం ఎన్నటికీ చెక్కుచెదరదు. అలాగే ఈ ఉంగరం కూడా అందమైన జ్ఞాపకంగా మిగిలిపోతుంది’’ అని బీసీసీఐ పేర్కొంది.కాగా అమెరికా- వెస్టిండీస్‌ వేదికలుగా గతేడాది పొట్టి ప్రపంచకప్‌ టోర్నీ జరిగిన విషయం తెలిసిందే. లీగ్‌ దశలో ప్రతి మ్యాచ్‌ గెలిచిన రోహిత్‌ సేన.. సౌతాఫ్రికాతో ఫైనల్లోనూ జయభేరి మోగించింది. ఆఖరి ఓవర్‌ వరకు నరాలు తెగే ఉత్కంఠ రేపిన ఈ మ్యాచ్‌లో ఏడు పరుగుల స్వల్ప తేడాతో గెలిచి.. ట్రోఫీని దక్కించుకుంది.ఓవరాల్‌గా ఐదోసారితద్వారా దాదాపు పదకొండేళ్ల విరామం తర్వాత మరోసారి టీమిండియా ఖాతాలో ఐసీసీ టైటిల్‌ చేరింది. అదే విధంగా.. ఓవరాల్‌గా ఐదో ట్రోఫీ భారత్‌ కైవసమైంది. 1983లో కపిల్‌ దేవ్‌ సారథ్యంలో తొట్టతొలి ప్రపంచకప్‌(వన్డే) గెలిచిన టీమిండియా.. 2007లో మహేంద్ర సింగ్‌ ధోని కెప్టెన్సీలో టీ20 ప్రపంచకప్‌ సొంతం చేసుకుంది. ఆ తర్వాత మళ్లీ ధోని నాయకత్వంలోనే 2011 వన్డే వరల్డ్‌కప్‌, 2013 చాంపియన్స్‌ ట్రోఫీని భారత్‌ దక్కించుకుంది. ఇక గతేడాది రోహిత్‌ శర్మ కూడా ఈ ఐసీసీ విన్నింగ్‌ కెప్టెన్ల జాబితాలో చేరిపోయాడు.ఇక టీ20 ప్రపంచకప్‌-2024లో గెలిచిన అనంతరం బీసీసీఐ రోహిత్‌ సేనకు అత్యంత భారీ నజరానా ప్రకటించిన విషయం తెలిసిందే. కళ్లు చెదిరే రీతిలో ఏకంగా రూ. 125 కోట్ల క్యాష్‌ ప్రైజ్‌ను కానుకగా ఇచ్చింది. నాడు ఇలా ఆటగాళ్లపై కనకవర్షం కురిపించిన బోర్డు.. తాజాగా వజ్రపు ఉంగరాలతో మరోసారి ఘనంగా సత్కరించింది.టీ20 ప్రపంచకప్‌-2024 గెలిచిన భారత జట్టులోని సభ్యులురోహిత్ శర్మ (కెప్టెన్‌), విరాట్ కోహ్లి, రిషభ్‌ పంత్ (వికెట్‌ కీపర్‌), సూర్యకుమార్ యాదవ్, శివమ్ దూబే, హార్దిక్ పాండ్యా, రవీంద్ర జడేజా, అక్షర్ పటేల్, అర్ష్దీప్ సింగ్, కుల్దీప్ యాదవ్, జస్‌ప్రీత్‌ బుమ్రా, యజువేంద్ర చహల్‌, సంజు శాంసన్, మహ్మద్ సిరాజ్, యశస్వి జైస్వాల్.చదవండి: సెంచరీకి చేరువలో ఉన్నాడని.. ఇలా చేస్తావా?: మండిపడ్డ గావస్కర్‌Presenting #TeamIndia with their CHAMPIONS RING to honour their flawless campaign in the #T20WorldCup 🏆Diamonds may be forever, but this win certainly is immortalised in a billion hearts. These memories will 'Ring' loud and live with us forever ✨#NamanAwards pic.twitter.com/SKK9gkq4JR— BCCI (@BCCI) February 7, 2025

కోల్‌కతా: ప్రతిష్టాత్మక దేశవాళీ క్రికెట్‌ టోర్నమెంట్‌ రంజీ ట్రోఫీ(Ranji Trophy) క్వార్టర్‌ ఫైనల్స్‌ నేటి నుంచి ప్రారంభం కానున్నాయి. కోల్‌కతాలోని ఈడెన్‌ గార్డెన్స్‌ వేదికగా డిఫెండింగ్‌ చాంపియన్‌ ముంబై జట్టు హరియాణాతో పోరుకు సిద్ధమైంది. శనివారం ప్రారంభం కానున్న క్వార్టర్‌ ఫైనల్లో అజింక్య రహానే సారథ్యంలోని ముంబై జట్టు తరఫున స్టార్‌ ఆటగాళ్లు బరిలోకి దిగుతున్నారు. భారత టి20 జట్టు కెప్టెన్ సూర్యకుమార్‌ యాదవ్(Suryakumar Yadav), పేస్‌ ఆల్‌రౌండర్లు శివమ్‌ దూబే, శార్దుల్‌ ఠాకూర్‌లపై అందరి దృష్టి నిలవనుంది. షెడ్యూల్‌ ప్రకారం ఈ మ్యాచ్‌ హరియాణాలోని లాహ్లీలో నిర్వహించాల్సింది. కానీ, అక్కడి వాతావరణ పరిస్థితులు అనుకూలించకపోవడంతో బీసీసీఐ ఈ మ్యాచ్‌ వేదికను మార్చింది. ఇప్పటి వరకు రికార్డు స్థాయిలో 42 సార్లు రంజీ ట్రోఫీ చేజిక్కించుకున్న ముంబై జట్టు మరోసారి ఫేవరెట్‌గా బరిలోకి దిగుతుండగా... పెద్దగా అనుభవం లేని హరియాణా జట్టు ముంబైకి ఏమాత్రం పోటీనిస్తుందనేది ఆసక్తికరం. ఎలైట్‌ గ్రూప్‌ ‘ఎ’లో భాగంగా ముంబై 7 మ్యాచ్‌లాడి 4 విజయాలు, 2 పరాజయాలు, ఒక ‘డ్రా’తో 29 పాయింట్లు ఖాతాలో వేసుకొని నాకౌట్‌కు అర్హత సాధించింది. చివరి గ్రూప్‌ మ్యాచ్‌లో మేఘాలయపై ఇన్నింగ్స్‌ 456 పరుగుల తేడాతో గెలిచి క్వార్టర్స్‌లో అడుగు పెట్టింది. రహానే, సూర్యకుమార్, శివమ్‌ దూబే, సిద్ధేశ్‌ లాడ్, ఆకాశ్‌ ఆనంద్, షమ్స్‌ ములానీలతో ముంబై బ్యాటింగ్‌ లైనప్‌ పటిష్టంగా ఉంది. ఆల్‌రౌండర్‌ శార్దుల్‌ జోరు మీదున్నాడు. అతడు గత మ్యాచ్‌లో 42 బంతుల్లోనే 84 పరుగులు చేయడంతో పాటు బౌలింగ్‌లోనూ విజృంభించి ‘ప్లేయర్‌ ఆఫ్‌ ద మ్యాచ్‌’ అవార్డు గెలుచుకున్నాడు. బౌలింగ్‌లో శార్దుల్‌తో పాటు లెఫ్టార్మ్‌ స్పిన్నర్‌ షమ్స్‌ ములానీ, ఆఫ్‌ స్పిన్నర్‌ తనుశ్‌ కొటియాన్‌ కీలకం కానున్నారు. మరోవైపు ఎలైట్‌ గ్రూప్‌ ‘సి’లో ఆడిన ఏడు మ్యాచ్‌ల్లో 3 గెలిచి, 4 ‘డ్రా’ చేసుకున్న హరియాణా 29 పాయింట్లతో క్వార్టర్స్‌లో అడుగు పెట్టింది. ఆ జట్టులో అంతర్జాతీయ అనుభవం ఉన్న ఆటగాళ్లు లేకపోయినా... ప్రతిభకు కొదువలేదు. అంకిత్‌ కుమార్, నిశాంత్‌ సింధు, హిమాన్షు రాణా, యువరాజ్‌ సింగ్, అన్షుల్‌ కంబోజ్, అనూజ్‌ ఠక్రాల్, జయంత్‌ యాదవ్‌లపై ఆ జట్టు అధికంగా ఆధారపడుతోంది. కరుణ్‌ నాయర్‌పైనే దృష్టి తాజా రంజీ సీజన్‌లో అత్యుత్తమ ప్రదర్శన కనబర్చిన విదర్భ జట్టు... క్వార్టర్స్‌లో తమిళనాడుతో తలపడనుంది. ఎలైట్‌ గ్రూప్‌ ‘బి’లో భాగంగా ఆడిన ఏడు మ్యాచ్‌ల్లో ఆరింట గెలిచిన మరో మ్యాచ్‌ను ‘డ్రా’ చేసుకున్న విదర్భ 40 పాయింట్లతో గ్రూప్‌ టాపర్‌గా నిలిచింది. ఫుల్‌ ఫామ్‌లో ఉన్న సీనియర్‌ ఆటగాడు కరుణ్‌ నాయర్‌ సెంచరీల మీద సెంచరీలతో జోష్‌లో ఉండగా... కెప్టెన్ అక్షయ్‌ వాడ్కర్, అథర్వ తైడె, హార్ష్ దూబేతో విదర్భ బ్యాటింగ్‌ లైనప్‌ పటిష్టంగా ఉంది. బౌలింగ్‌లో ఉమేశ్‌ యాదవ్, ఆకాశ్, ఆదిత్య కీలకం కానున్నారు. మరోవైపు ఎలైట్‌ గ్రూప్‌ ‘డి’లో రెండో స్థానంతో క్వార్టర్స్‌ చేరిన తమిళనాడు జట్టు... విజయ్‌ శంకర్, జగదీశన్, బాబా ఇంద్రజీత్‌ ప్రదర్శనపై ఎక్కువ ఆధారపడుతోంది. పుణేలో జరిగే మరో క్వార్టర్‌ ఫైనల్‌ పోరులో ఎలైట్‌ గ్రూప్‌ ‘ఎ’ నుంచి 35 పాయింట్లు సాధించిన జమ్మూకశ్మీర్‌తో గ్రూప్‌ ‘సి’లో రెండో స్థానంలో నిలిచిన కేరళ జట్టు తలపడుతుంది. రాజ్‌కోట్‌ వేదికగా గుజరాత్, సౌరాష్ట్ర జట్ల మధ్య నాలుగో క్వార్టర్‌ ఫైనల్‌ జరుగుతుంది.

ముంబై: డిఫెండింగ్‌ చాంపియన్‌ ముంబై(Mumbai), హరియాణా జట్ల మధ్య ఈనెల 8 నుంచి జరగాల్సిన రంజీ ట్రోఫీ క్వార్టర్‌ ఫైనల్‌(Ranji Trophy Quarter Finals) వేదిక మారింది. హరియాణాలోని లాహ్లీలో జరగాల్సిన ఈ మ్యాచ్‌ను కోల్‌కతాలోని ఈడెన్‌ గార్డెన్స్‌కు మార్చారు. హరియాణాలో చలితీవ్రత అధికంగా ఉండటంతో పాటు... ఉదయం పూట పొగమంచు కప్పేస్తుండటంతో లాహ్లీలో నిర్వహించాల్సిన మ్యాచ్‌ను కోల్‌కతాకు మార్చినట్లు బీసీసీఐ నుంచి సమాచారం అందింది’ అని ముంబై క్రికెట్‌ సంఘం (ఎంసీఏ) అధ్యక్షుడు అజింక్య నాయక్‌ బుధవారం పేర్కొన్నారు.కాగా 42 సార్లు రంజీ ట్రోఫీ విజేతగా నిలిచిన ముంబై జట్టు ఈసారి కూడా ఫేవరెట్‌గా బరిలోకి దిగనుంది. సీనియర్‌ బ్యాటర్‌ అజింక్య రహానే(Ajinkya Rahane) సారథ్యం వహిస్తున్న ముంబై జట్టులో భారత టీ20 కెప్టెన్‌ సూర్యకుమార్‌ యాదవ్, పేస్‌ ఆల్‌రౌండర్లు శివమ్‌ దూబే, శార్దుల్‌ ఠాకూర్‌ వంటి పలువురు స్టార్‌ ఆటగాళ్లు ఉన్నారు. మిగిలిన మూడు క్వార్టర్‌ ఫైనల్స్‌ మ్యాచ్‌లు షెడ్యూల్‌ ప్రకారమే నిర్వహించనున్నారు. రాజ్‌కోట్‌ వేదికగా సౌరాష్ట్ర, గుజరాత్‌ క్వార్టర్‌ ఫైనల్‌... నాగ్‌పూర్‌ వేదికగా విదర్భ, తమిళనాడు పోరు... పుణేలో జమ్ముకశ్మీర్, కేరళ మ్యాచ్‌లు జరగనున్నాయి. మరిన్ని క్రీడా వార్తలుభారత బ్యాడ్మింటన్‌ జట్టులో జ్ఞాన దత్తు, తన్వీ రెడ్డి న్యూఢిల్లీ: డచ్‌ ఓపెన్, జర్మనీ ఓపెన్‌ అండర్‌–17 జూనియర్‌ బ్యాడ్మింటన్‌ టోర్నమెంట్‌లలో పాల్గొనే భారత జట్లను ప్రకటించారు. జాతీయ జూనియర్‌ చాంపియన్, హైదరాబాద్‌ కుర్రాడు జ్ఞాన దత్తుతోపాటు హైదరాబాద్‌కే చెందిన మరో ప్లేయర్‌ తన్వీ రెడ్డి భారత జట్టులోకి ఎంపికయ్యారు. డచ్‌ ఓపెన్‌ ఫిబ్రవరి 26 నుంచి మార్చి 2 వరకు... జర్మన్‌ ఓపెన్‌ మార్చి 5 నుంచి 9 వరకు జరుగుతాయి.మనుష్‌–దియా జోడీ ఓటమి న్యూఢిల్లీ: సింగపూర్‌ స్మాష్‌ వరల్డ్‌ టేబుల్‌ టెన్నిస్‌ (డబ్ల్యూటీటీ) టోర్నమెంట్‌ మిక్స్‌డ్‌ డబుల్స్‌ విభాగంలో మనుష్‌ షా–దియా చిటాలె (భారత్‌) ద్వయం పోరాటం ముగిసింది. బుధవారం సింగపూర్‌లో జరిగిన మిక్స్‌డ్‌ డబుల్స్‌ క్వార్టర్‌ ఫైనల్లో మను‹Ù–దియా జోడీ 11–9, 4–11, 8–11, 8–11తో అల్వారో రాబెల్స్‌–మరియా జియో (స్పెయిన్‌) జంట చేతిలో ఓడిపోయింది. క్వార్టర్స్‌లో ఓడిన మనుష్‌–దియా జోడీకి 2000 డాలర్ల (రూ. 1 లక్ష 74 వేలు) ప్రైజ్‌మనీతోపాటు 350 ర్యాంకింగ్‌ పాయింట్లు లభించాయి. క్వార్టర్స్‌లో రియా–రష్మిక జోడీముంబై: ఎల్‌ అండ్‌ టి ముంబై ఓపెన్‌ డబ్ల్యూటీఏ–125 టెన్నిస్‌ టోర్నమెంట్‌లో హైదరాబాద్‌ అమ్మాయి భమిడిపాటి శ్రీవల్లి రష్మిక–రియా భాటియా (భారత్‌) జోడీ క్వార్టర్‌ ఫైనల్లోకి దూసుకెళ్లింది. బుధవారం జరిగిన మహిళల డబుల్స్‌ తొలి రౌండ్‌లో రషి్మక–రియా ద్వయం 5–7, 6–2, 10–7తో ‘సూపర్‌ టైబ్రేక్‌’లో మియా హొంటామా–క్యోకా ఒకమురా (జపాన్‌) జంటను ఓడించింది. 89 నిమిషాలపాటు జరిగిన ఈ మ్యాచ్‌లో భారత జోడీ రెండు ఏస్‌లు సంధించి, రెండు డబుల్‌ ఫాల్ట్‌లు చేసింది.తమ సర్వీస్‌ను మూడుసార్లు కోల్పోయి, ప్రత్యర్థి సర్వీస్‌ను నాలుగుసార్లు బ్రేక్‌ చేసింది. రుతుజా భోస్లే (భారత్‌)–అలీసియా బార్నెట్‌ (బ్రిటన్‌); ప్రార్థన తొంబారే (భారత్‌)–అరీన్‌ హర్తానో (నెదర్లాండ్స్‌) జోడీలు కూడా క్వార్టర్‌ ఫైనల్‌ చేరుకున్నాయి. నేడు జరిగే సింగిల్స్‌ ప్రిక్వార్టర్‌ ఫైనల్స్‌లో అలెగ్జాండ్రా క్రునిక్‌ (సెర్బియా)తో రష్మిక; రెబెకా మరీనో (కెనడా)తో అంకిత రైనా; జరీనా దియాస్‌ (కజకిస్తాన్‌)తో మాయ రాజేశ్వరి తలపడతారు.

అంతర్జాతీయ టీ20 ఫార్మాట్లో తనకు తిరుగులేదని టీమిండియా మరోసారి నిరూపించుకుంది. ఇంగ్లండ్‌తో ఐదో టీ20లో భారీ తేడాతో గెలుపొంది.. ప్రపంచ రికార్డును తన ఖాతాలో వేసుకుంది. టెస్టు హోదా కలిగిన జట్లలో ఇంత వరకు.. ఏ టీమ్‌కీ సాధ్యం కాని రీతిలో ‘బిగ్గెస్ట్‌ విక్టరీ(Biggest Victory)’ల విషయంలో అత్యంత అరుదైన ఘనత సాధించింది.కాగా సొంతగడ్డపై ఇంగ్లండ్‌తో ఐదు మ్యాచ్‌ల టీ20 సిరీస్‌ను భారత్‌ 4-1(India Won Series With 4-1)తో కైవసం చేసుకున్న విషయం తెలిసిందే. కోల్‌కతాలో విజయంతో ఈ సిరీస్‌ ఆరంభించిన టీమిండియా.. చెన్నైలోనూ గెలిచింది. అయితే, ఆ తర్వాత రాజ్‌కోట్‌లో జరిగిన మూడో టీ20లో మాత్రం ఓటమిపాలైంది.ఏకపక్ష విజయం అయితే, పడిలేచిన కెరటంలా పుణె వేదికగా మరోసారి సత్తా చాటి.. మరో మ్యాచ్‌ మిగిలి ఉండగానే సిరీస్‌ సొంతం చేసుకుంది. ఈ నాలుగు మ్యాచ్‌లలో టీమిండియాకు ఇంగ్లండ్‌ గట్టి పోటీనివ్వగా.. నామమాత్రపు ఆఖరి టీ20లో మాత్రం సూర్యకుమార్‌ సేన ఏకపక్ష విజయం సాధించింది.అభిషేక్‌ పరుగుల సునామీవాంఖడేలో ఆదివారం జరిగిన ఈ మ్యాచ్‌లో టాస్‌ గెలిచిన ఇంగ్లండ్‌ సారథి జోస్‌ బట్లర్‌(Jos Buttler) టీమిండియాను బ్యాటింగ్‌కు ఆహ్వానించాడు. మార్క్‌వుడ్‌ సంజూ శాంసన్‌(16)ను త్వరగానే పెవిలియన్‌కు పంపి ఇంగ్లండ్‌కు శుభారంభం అందించినా.. ఆ ఆ ఆనందం ఎక్కువసేపు నిలవలేదు. వరుస విరామాల్లో వికెట్లు పడుతున్నా.. భారత మరో ఓపెనర్‌ అభిషేక్‌ శర్మ దూకుడు కనబరిచాడు.ఇంగ్లండ్‌ బౌలింగ్‌ను ఊచకోత కోస్తూ.. కేవలం 54 బంతుల్లోనే 135 పరుగులతో పరుగుల సునామీ సృష్టించాడు. ఇతరులలో తిలక్‌ వర్మ(15 బంతుల్లో 24), శివం దూబే(13 బంతుల్లో 30) మెరుపు ఇన్నింగ్స్‌లో ఆకట్టుకున్నారు. ఈ క్రమంలో భారత్‌ నిర్ణీత 20 ఓవర్లలో తొమ్మిది వికెట్ల నష్టానికి 247 పరుగుల భారీ స్కోరు సాధించింది.బౌలర్ల విజృంభణ ఇక లక్ష్య ఛేదనలో ఇంగ్లండ్‌ భారత బౌలర్ల ధాటికి చేతులెత్తేసింది. ఓపెనర్‌ ఫిల్‌ సాల్ట్‌(23 బంతుల్లో 55) అర్ధ శతకం సాధించగా.. మిగతా వాళ్లంతా పెవిలియన్‌కు క్యూ కట్టారు. బెన్‌ డకెట్‌ 0, కెప్టెన్‌ బట్లర్‌ 7, హ్యారీ బ్రూక్‌ 2, లియామ్‌ లివింగ్‌స్టోన్‌ 9, జాకొబ్‌ బెతెల్‌ 10, బ్రైడన్‌ కార్సే 3, జేమీ ఓవర్టన్‌ 1, జోఫ్రా ఆర్చర్‌ 1*, ఆదిల్‌ రషీద్‌ 6, మార్క్‌ వుడ్‌ 0 పరుగులు చేశాడు.ప్రపంచంలోనే ఏకైక జట్టుగాఫలితంగా 97 పరుగులకే ఇంగ్లండ్‌ ఆలౌట్‌ అయింది. పొదుపుగా బౌలింగ్‌ చేస్తూనే భారత బౌలర్లలో మహ్మద్‌ షమీ మూడు, శివం దూబే, అభిషేక్‌ శర్మచ వరుణ్‌ చక్రవర్తి తలా రెండు.. రవి బిష్ణోయి ఒక వికెట్‌ తీశాడు. దీంతో కేవలం 10.3 ఓవర్లలోనే ఇంగ్లండ్‌ కథ ముగిసిపోయింది. టీమిండియా చేతిలో 150 పరుగుల భారీ తేడాతో మట్టికరిచింది.కాగా టీమిండియా అంతర్జాతీయ టీ20లలో ప్రత్యర్థి జట్టుపై 150 పైచిలుకు పరుగులతో విజయం సాధించడం ఇది రెండోసారి. తద్వారా ప్రపంచంలో ఈ ఘనత సాధించిన ఏకైక జట్టుగా నిలిచింది. అంతేకాదు.. అత్యధిక పరుగుల తేడాతో ప్రత్యర్థి జట్లపై ఎక్కువసార్లు(4) గెలుపొందిన టీ20 టీమ్‌గానూ తన రికార్డును మరింత పదిలం చేసుకుంది. ఇక వన్డేల్లోనూ బిగ్గెస్ట్‌ విక్టరీ సాధించిన జట్టుగా టీమిండియాకు రికార్డు ఉంది. శ్రీలంకపై 2023లో తిరువనంతపురం వేదికగా 317 పరుగుల తేడాతో భారత్‌ గెలుపొందింది.అంతర్జాతీయ టీ20లలో అత్యధిక పరుగుల తేడాతో గెలుపొందిన జట్లు(ఫుల్‌ మెంబర్‌ సైడ్‌)👉ఇండియా- న్యూజిలాండ్‌పై 2023లో అహ్మదాబాద్‌ వేదికగా 168 పరుగుల తేడాతో గెలుపు👉ఇండియా- ఇంగ్లండ్‌పై 2025లో ముంబై వేదికగా 150 పరుగుల తేడాతో గెలుపు👉పాకిస్తాన్‌- వెస్టిండీస్‌పై 2018లో కరాచీ వేదికగా 143 పరుగుల తేడాతో గెలుపు👉ఇండియా- ఐర్లాండ్‌పై 2018లో డబ్లిన్‌ వేదికగా 143 పరుగుల తేడాతో గెలుపు👉ఇంగ్లండ్‌- వెస్టిండీస్‌పై 2019లో బెసెటెరె వేదికగా 137 పరుగుల తేడాతో గెలుపు👉ఇండియా- సౌతాఫ్రికాపై 2024లో జొహన్నస్‌బర్గ్‌ వేదికగా 135 పరుగుల తేడాతో గెలుపు.చదవండి: వాళ్లిద్దరు అద్భుతం.. రిస్క్‌ అని తెలిసినా ఒక్కోసారి తప్పదు: సూర్య

ఇంగ్లండ్‌తో ఐదో టీ20లో టీమిండియా ఘన విజయం(India Beat England)పై కెప్టెన్‌ సూర్యకు​మార్‌ యాదవ్‌(Suryakumar Yadav) స్పందించాడు. సమిష్టి కృషి వల్లే ఈ గెలుపు సాధ్యమైనందని పేర్కొన్నాడు. ప్రతి ఒక్కరు నెట్స్‌లో తీవ్రంగా శ్రమిస్తున్నారని.. అందుకు తగ్గ ఫలితాలను మైదానంలో చూస్తున్నామంటూ సహచర ఆటగాళ్లను ప్రశంసించాడు.4-1తో కైవసంఇక ఎక్కువసార్లు తాము రిస్క్‌ తీసుకునేందుకే మొగ్గుచూపుతామన్న సూర్య.. అంతిమంగా జట్టు ప్రయోజనాలకే ప్రాధాన్యత ఇస్తామని తెలిపాడు. కాగా ఇంగ్లండ్‌తో టీ20 సిరీస్‌లో టీమిండియా అదరగొట్టిన విషయం తెలిసిందే. కోల్‌కతాలో విజయంతో సిరీస్‌ను ఆరంభించిన సూర్యసేన.. చెన్నైలోనూ అదే ఫలితం పునరావృతం చేసింది.అనంతరం రాజ్‌కోట్‌లో తగిలిన ఎదురుదెబ్బ నుంచి పాఠాలు నేర్చుకున్న భారత జట్టు.. పుణెలో విజయంతో సిరీస్‌ను కైవసం చేసుకుంది. ఆఖరిదైన నామమాత్రపు ఐదో టీ20లోనూ అద్భుత ఆట తీరు కనబరిచింది. వాంఖడే వేదికగా ఆదివారం జరిగిన ఈ మ్యాచ్‌లో టాస్‌ ఓడిన టీమిండియా తొలుత బ్యాటింగ్‌ చేసింది.అభిషేక్‌ శర్మ ఊచకోతఓపెనర్‌ సంజూ శాంసన్‌(16) మరోసారి వైఫల్యాన్ని కొనసాగించగా.. మరో ఓపెనర్‌ అభిషేక్‌ శర్మ(Abhishek Sharma) మాత్రం పరుగుల విధ్వంసం సృష్టించాడు. కేవలం 54 బంతుల్లోనే 135 పరుగులతో చెలరేగాడు. అతడి ఇన్నింగ్స్‌లో ఏడు ఫోర్లతో పాటు ఏకంగా ఆరు సిక్సర్లు ఉండటం విశేషం. ఇక మిగతా వాళ్లలో తిలక​ వర్మ(24), శివం దూబే(13 బంతుల్లో 30) మాత్రమే రాణించారు.ఈ క్రమంలో నిర్ణీత ఇరవై ఓవర్లలో భారత్‌ తొమ్మిది వికెట్లు నష్టపోయి 247 పరుగులు చేసింది. కొండంత లక్ష్యంతో బరిలోకి దిగిన బట్లర్‌ బృందానికి టీమిండియా సీనియర్‌ పేసర్‌ మహ్మద్‌ షమీ ఆదిలోనే షాకిచ్చాడు. బెన్‌ డకెట్‌ను డకౌట్‌ చేశాడు. ఆ తర్వాత స్పిన్నర్లు తమ మాయాజాలంతో ఇంగ్లండ్‌ బ్యాటర్లను ముప్పుతిప్పలు పెట్టారు.97 పరుగులకే ఆలౌట్‌ఈ క్రమంలో ఓపెనర్‌ ఫిల్‌ సాల్ట్‌(23 బంతుల్లో 55) ఒక్కడు కాసేపు పోరాడగా.. మిగతా వాళ్ల నుంచి అతడికి ఏమాత్రం సహకారం అందలేదు. ఫలితంగా 10.3 ఓవర్లలో కేవలం 97 పరుగులే చేసి ఇంగ్లండ్‌ ఆలౌట్‌ అయింది. దీంతో 150 పరుగుల తేడాతో పరాజయం పాలైంది.ఇక భారత బౌలర్లలో మహ్మద్‌ షమీ మూడు వికెట్లు తీయగా.. పేస్‌ బౌలింగ్‌ ఆల్‌రౌండర్‌ శివం దూబే రెండు, స్పిన్నర్లు వరుణ్‌ చక్రర్తి రెండు, అభిషేక్‌ శర్మ రెండు, రవి బిష్ణోయి ఒక వికెట్‌ తీశారు. అభిషేక్‌ శర్మకు ‘ప్లేయర్‌ ఆఫ్‌ ది మ్యాచ్‌’, వరుణ్‌ చక్రవర్తికి ‘ప్లేయర్‌ ఆఫ్‌ ది సిరీస్‌’ అవార్డులు దక్కాయి.రిస్క్‌ అని తెలిసినాఈ నేపథ్యంలో విజయానంతరం టీమిండియా కెప్టెన్‌ సూర్యకు​మార్‌ యాదవ్‌ మాట్లాడాడు. ‘‘జట్టులోని ఏ సభ్యుడైతే ఈరోజు రాణించగలడని భావిస్తానో.. అతడిపై ఎక్కువగా నమ్మకం ఉంచుతాను. నెట్స్‌లో ప్రతి ఒక్కరు ఎంతో కష్టపడుతున్నారు. నాకు ఎప్పుడైతే వారి అవసరం ఉంటుందో అప్పుడు కచ్చితంగా రాణిస్తున్నారు.మ్యాచ్‌కు ముందు రచించిన ప్రణాళికలకు అనుగుణంగా వ్యూహాలను అమలు చేస్తున్నారు. ఒక్కోసారి రిస్క్‌ అని తెలిసినా వెనకడుగు వేయడం లేదు. అంతిమంగా మా అందరికీ జట్టు ప్రయోజనాలే ముఖ్యం.వాళ్లిద్దరు అద్భుతంఇక అభిషేక్‌ శర్మ బ్యాటింగ్‌ ఈరోజు అద్భుతంగా సాగింది. టాపార్డర్‌లో ఓ బ్యాటర్‌ ఇలా చెలరేగిపోతుంటే చూడటం ముచ్చటగా అనిపించింది. ఈ ఇన్నింగ్స్‌ చూసి అతడి కుటుంబం కూడా మాలాగే సంతోషంలో మునిగితేలుతూ ఉంటుంది.మరోవైపు.. వరుణ్‌ చక్రవర్తి.. వచ్చిన ప్రతీ అవకాశాన్ని సద్వినియోగం చేసుకుంటున్నాడు. ప్రాక్టీస్‌ సెషన్లను చక్కగా వినియోగించుకుంటున్నాడు. కొత్త విషయాలు నేర్చుకోవడంలో ఎల్లప్పుడూ ముందే ఉంటాడు. అందుకు ఫలితమే ఈ సిరీస్‌లో అతడి ప్రదర్శన. అతడి వల్ల జట్టుకు అదనపు శక్తి లభిస్తోంది. అతడొక అద్భుతం’’ అని సూర్యకుమార్‌ యాదవ్‌ ప్రశంసల జల్లు కురిపించాడు. కాగా ఈ సిరీస్‌లో వరుణ్‌ చక్రవర్తి పద్నాలుగు వికెట్లు తీశాడు.చదవండి: ఇంతకంటే మెరుగైన టీ20 సెంచరీ చూడలేదు.. వన్డేల్లోనూ ఇదే దూకుడు: గంభీర్‌An impressive way to wrap up the series 🤩#TeamIndia win the 5th and final T20I by 150 runs and win the series by 4-1 👌Scoreboard ▶️ https://t.co/B13UlBNLvn#INDvENG | @IDFCFIRSTBank pic.twitter.com/aHyOY0REbX— BCCI (@BCCI) February 2, 2025

ఇంగ్లండ్‌తో నాలుగో టీ20(India vs England)కి టీమిండియా సిద్ధమైంది. పుణెలో గెలిచి.. మరో మ్యాచ్‌ మిగిలి ఉండగానే సిరీస్‌ను కైవసం చేసుకోవాలని పట్టుదలగా ఉంది. గత మ్యాచ్‌ తాలూకు తప్పులు సరిదిద్దుకుని.. పరుగుల వరదకు ఆస్కారమిచ్చే పిచ్‌పై బ్యాట్‌ ఝులిపించడమే లక్ష్యంగా బరిలోకి దిగనుంది.పక్కనపెడితేనే బెటర్‌ఈ నేపథ్యంలో భారత మాజీ క్రికెటర్‌, కామెంటేటర్‌ ఆకాశ్‌ చోప్రా(Aakash Chopra) కీలక సూచనలు చేశాడు. పుణె టీ20లో భారత జట్టు రెండు మార్పులతో రంగంలోకి దిగాలని సూచించాడు. ధ్రువ్‌ జురెల్‌(Dhruv Jurel), వాషింగ్టన్‌ సుందర్‌(Washington Sundar) సేవలను మేనేజ్‌మెంట్‌ పూర్తి స్థాయిలో వాడుకోవడం లేదన్న ఆకాశ్‌ చోప్రా.. వారిద్దరిని పక్కనపెడితేనే బాగుంటుందని అభిప్రాయపడ్డాడు.ఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘వాషింగ్టన్‌ సుందర్‌ను బౌలర్‌గా వాడుకోవడం లేదని స్పష్టంగా తెలుస్తూనే ఉంది. అతడిని రెండు మ్యాచ్‌లలో ఆడించారు. తన మొదటి మ్యాచ్‌లో అతడు తొలి బంతికే వికెట్‌ తీశాడు. బెన్‌ డకెట్‌ను అవుట్‌ చేశాడు.అంతేకాదు.. తన తొలి ఓవర్లో ఎక్కువగా పరుగులు కూడా ఇవ్వలేదు. అయినా సరే.. అతడికి రెండో ఓవర్‌ వేసే అవకాశం ఇవ్వలేదు. ఇక తన రెండో మ్యాచ్‌లో వాషీ తొలి ఓవర్లోనే పరుగులు ఇచ్చుకున్నాడు. ఆ తర్వాత మళ్లీ అతడి చేతికి బంతిని ఇవ్వలేదు.ఒకవేళ ఒకే ఒక్క ఓవర్‌ వేయించాలనుకుంటే అతడిని జట్టులోకి తీసుకోవడం ఎందుకు?.. వేరే వాళ్లకు అవకాశం ఇవ్వవచ్చు కదా! .. ఇక ధ్రువ్‌ జురెల్‌ సేవలను కూడా సరిగ్గా వాడుకోవడం లేదు. అలాంటప్పుడు అతడు కూడా జట్టులో ఉండటం వల్ల పెద్దగా ఉపయోగం లేదు’’ అని ఆకాశ్‌ చోప్రా తన అభిప్రాయాలు పంచుకున్నాడు.నలుగురు బౌలర్లుఇక ఇంగ్లండ్‌తో నాలుగో టీ20లో భారత తుదిజట్టు కూర్పు గురించి మాట్లాడుతూ.. ‘‘నా అభిప్రాయం ప్రకారం... అభిషేక్‌ శర్మ, సంజూ శాంసన్‌ ఓపెనర్లుగానే ఉండాలి. తిలక్‌ వర్మ వన్‌డౌన్‌లో.. కెప్టెన్‌ సూర్యకుమార్‌ యాదవ్‌ నాలుగు, ఆల్‌రౌండర్‌ హార్దిక్‌ పాండ్యా ఐదో స్థానంలో ఆడాలి.ఇక ఆరోస్థానంలో శివం దూబేను ఆడిస్తే బాగుంటుంది’’ అని ఆకాశ్‌ చోప్రా పేర్కొన్నాడు. లోయర్‌- మిడిల్‌ ఆర్డర్‌లో లెఫ్ట్‌ హ్యాండ్‌ బ్యాటర్‌గా అతడు చక్కటి ఆప్షన్‌ అని తెలిపాడు. రాజ్‌కోట్‌లో మూడో టీ20లో ఎడమచేతి వాటం బ్యాటర్‌ కోసమే వాషీని పంపినప్పుడు.. ఈసారి దూబే సేవలు వినియోగించుకోవడంలో తప్పులేదని పేర్కొన్నాడు.అదే విధంగా... ‘‘ఏడో స్థానంలో వైస్‌ కెప్టెన్‌ అక్షర్‌ పటేల్‌ ఉండాలి. ఈ మ్యాచ్‌లో నలుగురు బౌలర్లు ఉండాలి. అందుకే.. మరో బ్యాటర్‌ లేదంటే.. ఆల్‌రౌండర్‌ గురించి నేను ఆలోచించడం లేదు. స్పిన్నర్లు రవి బిష్ణోయి, వరుణ్‌ చక్రవర్తిలతో పాటు.. అర్ష్‌దీప్‌ సింగ్‌, మహ్మద్‌ షమీలను ఆడించాలి’’ అని ఆకాశ్‌ చోప్రా అభిప్రాయపడ్డాడు.నలుగురు స్పెషలిస్టు బౌలర్లతో పాటు.. హార్దిక్‌ పాండ్యా, అక్షర్‌ పటేల్‌ కూడా బౌల్‌ చేయగలరన్న ఆకాశ్‌ చోప్రా.. తిలక్‌ వర్మ, అభిషేక్‌ శర్మ కూడా బంతితో రాణించగలరని పేర్కొన్నాడు. ఏదేమైనా ఇంగ్లండ్‌తో నాలుగో టీ20లో వాషింగ్టన్‌ సుందర్‌, ధ్రువ్‌ జురెల్‌ల బదులు.. అర్ష్‌దీప్‌ సింగ్‌, శివం దూబేలను ఆడించాలని సూచించాడు.ఇంగ్లండ్‌తో నాలుగో టీ20కి ఆకాశ్‌ చోప్రా ఎంచుకున్న భారత తుది జట్టుఅభిషేక్ శర్మ, సంజూ శాంసన్, తిలక్ వర్మ, సూర్యకుమార్ యాదవ్, హార్దిక్ పాండ్యా, శివం దూబే, అక్షర్ పటేల్, రవి బిష్ణోయ్, వరుణ్ చక్రవర్తి, అర్ష్‌దీప్‌ సింగ్, మహ్మద్ షమీ.చదవండి: చరిత్ర సృష్టించిన సౌరాష్ట్ర బ్యాటర్‌.. రంజీల్లో ఆల్‌టైమ్‌ రికార్డు

ఒకప్పుడు టీమిండియాలో చోటు కోసం పరితపించిపోయిన సూర్యకుమార్‌ యాదవ్‌(Suryakumar Yadav) ఇప్పుడు కెప్టెన్‌ స్థాయికి చేరుకున్నాడు. ముప్పై ఏళ్ల వయసులో అరంగేట్రం చేసిన అతడు.. పొట్టి ఫార్మాట్లో తనను తాను నిరూపించుకుని ఉన్నత శిఖరాలు అధిరోహించాడు. టీ20లో ప్రపంచ నంబర్‌ వన్‌(ICC World No.1 Batter) బ్యాటర్‌గా సత్తా చాటిన అతడు.. మూడేళ్ల వ్యవధిలోనే అనూహ్యంగా భారత జట్టు(Team India T20 Captain) నాయకుడిగా పగ్గాలు చేపట్టాడు.కెప్టెన్‌గా వరుస విజయాలుపూర్తిస్థాయి టీ20 కెప్టెన్‌గా బాధ్యతలు స్వీకరించిన తర్వాత శ్రీలంకలో క్లీన్‌స్వీప్‌ విజయం అందుకున్న సూర్య... బంగ్లాదేశ్‌పై కూడా ఇదే ఫలితాన్ని పునరావృతం చేశాడు. యువ జట్టుతో సౌతాఫ్రికా పర్యటనకు వెళ్లి అక్కడా టీ20 సిరీస్‌ను 3-1తో గెలిచి తనను తాను నిరూపించుకున్నాడు. ప్రస్తుతం సూర్య సారథ్యంలో సొంతగడ్డపై ఇంగ్లండ్‌తో సిరీస్‌ గెలవడంలో టీమిండియా బిజీగా ఉంది.ఈ నేపథ్యంలో భారత జట్టు బ్యాటింగ్‌ మాజీ కోచ్‌ సంజయ్‌ బంగర్‌(Sanjay Bangar) సూర్యకుమార్‌ యాదవ్‌ను ఉద్దేశించి ఆసక్తికర వ్యాఖ్యలు చేశాడు. తక్కువ కాలంలోనే అతడు కెప్టెన్‌ స్థాయికి చేరుకోవడం తనను ఆశ్చర్యపరిచిందని పేర్కొన్నాడు. రోహిత్‌ శర్మ తర్వాత కెప్టెన్‌గా హార్దిక్‌ పాండ్యా నియామకం దాదాపు ఖరారైపోయిందన్న తరుణంలో సూర్య సారథిగా ఎంపిక కావడం నిజంగా ఓ షాక్‌ అన్నాడు.హార్దిక్‌ పాండ్యాకు బదులు సూర్య.. నేనైతే షాకయ్యాఈ మేరకు స్టార్‌ స్పోర్ట్స్‌ ‘షో’లో మాట్లాడుతూ.. ‘‘చాలా మంది హార్దిక్‌ పాండ్యానే కాబోయే కెప్టెన్‌ అనుకుంటున్న సమయంలో హఠాత్తుగా సూర్య పేరు బయటకు వచ్చింది. నిజంగా కెప్టెన్‌గా అతడి నియామక ప్రకటన రాగానే.. నేనైతే షాకయ్యా. ఏదేమైనా.. నాయకుడిగా అతడు ఎదిగిన తీరు అద్భుతం.రోహిత్‌, కోహ్లి, జడేజా రిటైర్మెంట్‌ తర్వాత.. యువకులతో కూడిన జట్టు లభించడం కూడా అతడికి కలిసి వచ్చింది. వాళ్లలో ఒకడిగా ఉంటూనే.. నవతరం నాయకుడిగా సూర్య సరికొత్తగా తనను తాను ఆవిష్కరించుకునే వీలు కలిగింది.ఇక బ్యాటర్‌గా అతడి గురించి ప్రత్యేకంగా చెప్పాల్సింది ఏమీ లేదు. బౌలర్‌ చేతి నుంచి బంతి వెలువడకముందే.. దానిని అంచనా వేసి అందుకు తగ్గట్లుగా పర్ఫెక్ట్‌ షాట్‌తో రెడీ ఉండటం కొద్దిమందికే సాధ్యమవుతుంది. అందులో సూర్య ఒకడు.అతడో అద్భుత బ్యాటర్‌ఆసియా కప్‌ సమయంలో ప్రత్యర్థి జట్టు బౌలర్లు సూర్యను ఎదుర్కొనేందుకు పడ్డ కష్టాలను మేము చూశాం. వాళ్లు ఎంత జాగ్రత్తగా ఉన్నా.. ఏదో ఒక కొత్త షాట్‌తో బంతిని ఎదుర్కోవడం అతడికి వెన్నతో పెట్టిన విద్య. 360 డిగ్రీలలో షాట్లు బాదగల క్రికెటర్లు ఎంతో మంది ఉన్నారు. అయితే, అప్పటికప్పుడు పరిస్థితికి అనుగుణంగా.. తన ప్రణాళికను మార్చుకుని షాట్లు ఆడటంలో దిట్ట. అతడో అద్భుత బ్యాటర్‌’’ అని సంజయ్‌ బంగర్‌ సూర్యను ప్రశంసించాడు.గొప్ప కెప్టెన్‌ కూడామరోవైపు.. ఇదే షోలో భారత మాజీ క్రికెటర్‌ సంజయ్‌ మంజ్రేకర్‌ మాట్లాడుతూ.. ‘‘కెప్టెన్‌గానూ అతడిలో టెంపర్‌మెంట్‌ సూపర్‌. గొప్ప ఇన్నింగ్స్‌ ఆడిన ప్రతిసారీ మరింత ప్రశాంతంగా.. నిరాడంబరంగా ఉండటం అతడికే చెల్లింది. అతడి మనసు మంచిది. టెస్టు కెప్టెన్సీకి బుమ్రా సరైనవాడని ఎలా అనుకుంటున్నామో.. టీ20లకు సూర్య అత్యుత్తమ కెప్టెన్‌ అని ఇప్పటికే రుజువైంది’’ అని సూర్యకుమార్‌ యాదవ్‌ను కొనియాడాడు. చదవండి: రెండు వరల్డ్‌కప్‌లు ఆడాడు.. ఇప్పట్లో టీమిండియా రీఎంట్రీ కష్టమే!

ఇంగ్లండ్‌తో టీ20 సిరీస్‌లో టీమిండియా కెప్టెన్‌ సూర్యకుమార్‌ యాదవ్‌(Suryakumar Yadav) వైఫల్యాలు కొనసాగుతున్నాయి. కోల్‌కతా టీ20లో మూడు బంతులు ఎదుర్కొన్న ఈ కుడిచేతి వాటం బ్యాటర్‌ డకౌట్‌ అయ్యాడు. ఇంగ్లండ్‌ పేసర్‌ జోఫ్రా ఆర్చర్‌(Jofra Archer) బౌలింగ్‌లో.. వికెట్‌ కీపర్‌ ఫిల్‌ సాల్ట్‌కు క్యాచ్‌ ఇచ్చి.. పరుగుల ఖాతా తెరవకుండానే పెవిలియన్‌ చేరాడు.తీరు మార్చుకోని సూర్యఇక చెన్నైలో జరిగిన రెండో టీ20లోనూ సూర్య నిరాశపరిచాడు. ఏడు బంతులు ఎదుర్కొన్న ఈ ‘మిస్టర్‌ 360’.. మూడు ఫోర్లతో టచ్‌లోకి వచ్చినట్లు కనిపించాడు. కానీ 12 పరుగుల వద్ద పేసర్‌ బ్రైడన్‌ కార్సే బౌలింగ్‌లో బౌల్డ్‌ అయ్యాడు. తాజాగా రాజ్‌కోట్‌(Rajokot T20I) వేదికగా సాగిన మూడో టీ20లోనూ సూర్య విఫలమయ్యాడు. ఈ వన్‌డౌన్‌ బ్యాటర్‌ ఏడు బంతులు ఎదుర్కొని ఒక ఫోర్‌, ఒక సిక్సర్‌ సాయంతో 14 పరుగులు చేశాడు.ఈ క్రమంలో ఇంగ్లండ్‌ పేసర్‌ మార్క్‌ వుడ్‌ బౌలింగ్‌లో సాల్ట్‌కు క్యాచ్‌ ఇచ్చి నిష్క్రమించాడు. అయితే, తొలి రెండు మ్యాచ్‌లలో టీమిండియా గెలుపొందడంతో సూర్య వైఫల్యంపై పెద్దగా చర్చ జరుగలేదు. ఆ రెండు టీ20లలో బౌలర్లతో పాటు.. వరుసగా అభిషేక్‌ శర్మ(34 బంతుల్లో 79), తిలక్‌ వర్మ(55 బంతుల్లో 72*) బ్యాట్‌తో రాణించడంతో భారత్‌ గెలుపొందింది.అయితే, మూడో టీ20లో బ్యాటర్లంతా చేతులెత్తేయడంతో ఓటమి తప్పలేదు. ముఖ్యంగాబ్యాటింగ్‌ ఆర్డర్‌లో మార్పులు, సూర్య వైఫల్యం ప్రధానంగా చర్చకు వచ్చింది. ఈ నేపథ్యంలో ఇంగ్లండ్‌ మాజీ కెప్టెన్‌ మైకేల్‌ వాన్‌ సూర్యకుమార్‌ యాదవ్‌ ఆట తీరుపై ఆ‍గ్రహం వ్యక్తం చేశాడు.అంత తొందరెందుకు? కళ్లు మూసి తెరిచేలోపే‘‘ఎల్లప్పుడూ దూకుడుగానే ఆడాలని భావిస్తే.. అందుకు సరైన బంతిని ఎంచుకోవడం అత్యంత ముఖ్యం. అలా కాకుండా ఏ బంతికైనా అగ్రెసివ్‌గానే ఉంటానంటే కుదరదు. ప్రతి బాల్‌ను బౌండరీకి తరలించడం కుదరదు కదా!..టీమిండియా ఈ స్థాయిలో ఉందంటే.. అందుకు వారి అత్యుత్తమ ఆటగాళ్లు ఫామ్‌లో ఉండటమే కారణం. అందుకే వాళ్లు వరల్డ్‌ చాంపియన్స్‌ అయ్యారు. కానీ.. పదే పదే ఒకే తరహా తప్పులు చేస్తే ఎలా? సూర్యకుమార్‌ యాదవ్‌ వచ్చాడు.. రెండు మంచి షాట్లు ఆడాడు. అంతే.. కన్నుమూసి తెరిచేలోగా మళ్లీ డగౌట్‌కు చేరుకున్నాడు. జట్టు గెలుపునకు అతడు తన వంతు సహకారం అందించనేలేదు’’ అని మైకేల్‌ వాన్‌ క్రిక్‌బజ్‌ షోలో వ్యాఖ్యానించాడు. కాగా రాజ్‌కోట్‌లో ఐదు ఓవర్లు ముగిసేసరికి టీమిండియా స్కోరు 48-2 ఉన్న సమయంలో సూర్య క్రీజులోకి వచ్చాడు. రాగానే జోఫ్రా ఆర్చర్‌ బౌలింగ్‌లో రెండు షాట్లు బాదిన సూర్య.. మార్క్‌ వుడ్‌ బౌలింగ్‌లోనూ తన ట్రేడ్‌మార్క్‌ ఫ్లిక్‌ షాట్‌ ఆడేందుకు ప్రయత్నించాడు. ఈ క్రమంలో బంతి గాల్లోకి లేవగా.. ఫిల్‌ సాల్ట్‌ క్యాచ్‌ అందుకున్నాడు. కాగా ఇంగ్లండ్‌తో మూడో టీ20లో టాస్‌ గెలిచిన టీమిండియా తొలుత బౌలింగ్‌ చేయగా.. బట్లర్‌ బృందం 171 పరుగులు చేసింది. అయితే, లక్ష్య ఛేదనలో సూర్యసేన 145 పరుగులకే పరిమితమైంది. ఫలితంగా ఇంగ్లండ్‌ చేతిలొ 26 పరుగుల తేడాతో ఓడిపోయింది. దీంతో ఐదుమ్యాచ్‌ల టీ20 సిరీస్‌లో టీమిండియా ఆధిక్యం ప్రస్తుతానికి 2-1కి తగ్గింది. ఇరుజట్ల మధ్య శుక్రవారం పుణెలో నాలుగో టీ20 జరుగుతుంది.చదవండి: భారత్‌ బ్యాటింగ్‌ ఆర్డర్‌ సరిగ్గా లేదు.. అతడిని లోయర్‌ ఆర్డర్‌లో ఆడిస్తారా?

గుమ్మడికాయంత ప్రతిభ ఉన్నా.. ఆవగింజంత అదృష్టం కూడా కలిసిరావాలంటారు. టీమిండియా ‘మిస్టరీ స్పిన్నర్‌’ వరుణ్‌ చక్రవర్తి(Varun Chakravarthy) ప్రస్తుత పరిస్థితికి ఈ నానుడి చక్కగా సరిపోతుంది. సుదీర్ఘ నిరీక్షణ తర్వాత.. గతేడాది బంగ్లాదేశ్‌తో టీ20 సిరీస్‌ సందర్భంగా మరోసారి జాతీయ జట్టులోకి వచ్చాడు 33 ఏళ్ల ఈ రైటార్మ్‌ లెగ్‌బ్రేక్‌ స్పిన్‌ బౌలర్‌. సొంతగడ్డపై జరిగిన ఈ సిరీస్‌లో ఐదు వికెట్లు తీసిన వరుణ్‌.. అనంతరం సౌతాఫ్రికా పర్యటనలోనూ రాణించాడు.కెరీర్‌లోనే అత్యుత్తమంగాస్వభావసిద్ధంగా ఫాస్ట్‌బౌలర్లకు అనుకూలించే సౌతాఫ్రికా పిచ్‌లపై కూడా వరుణ్‌ చక్రవర్తి తన మార్కు చూపించగలిగాడు. ప్రొటిస్‌ జట్టుతో నాలుగు మ్యాచ్‌ల టీ20 సిరీస్‌లో మొత్తంగా 12 వికెట్లతో సత్తా చాటాడు. ఇందులో ఓ ఫైవ్‌ వికెట్‌ హాల్‌(ఒకే ఇన్నింగ్స్‌లో ఐదు లేదంటే అంతకంటే ఎక్కువ వికెట్లు తీయడం) కూడా ఉండటం విశేషం.ఇక తాజాగా స్వదేశంలో ఇంగ్లండ్‌తో టీ20 సిరీస్‌(India vs England T20 Series)లోనూ వరుణ్‌ చక్రవర్తి తన సూపర్‌ ఫామ్‌ను కొనసాగిస్తున్నాడు. కోల్‌కతాలో జరిగిన తొలి టీ20లో నాలుగు ఓవర్ల కోటా పూర్తి చేసి.. 23 పరుగులు ఇచ్చి మూడు వికెట్లు పడగొట్టాడు. అనంతరం చెన్నై చెపాక్‌ స్టేడియంలో రెండు వికెట్లు తీయగలిగాడు.అయితే, రాజ్‌కోట్‌లో మంగళవారం జరిగిన మూడో టీ20లో మాత్రం వరుణ్‌ చక్రవర్తి ఐదు వికెట్లతో చెలరేగాడు. నాలుగు ఓవర్ల కోటాలో కేవలం 24 పరుగులే ఇచ్చి మెరుగైన ఎకానమీ(6.00) నమోదు చేశాడు. ఇంగ్లండ్‌ కీలక బ్యాటర్‌, కెప్టెన్‌ జోస్‌ బట్లర్‌(24)తో పాటు జేమీ స్మిత్‌(6), జేమీ ఓవర్టన్‌(0), బ్రైడన్‌ కార్సే(3), జోఫ్రా ఆర్చర్‌(0)ల వికెట్లు తీశాడు.కానీ.. ఈ మ్యాచ్‌లో టీమిండియా ఓటమిపాలైంది. ఇంగ్లండ్‌ చేతిలో 26 పరుగుల తేడాతో ఓడిపోయింది. దీంతో ఐదు మ్యాచ్‌ల సిరీస్‌లో భారత్‌ ఆధిక్యం 2-1కు తగ్గింది.దురదృష్టం వెంటాడిందిసౌతాఫ్రికాతో 2024 నాటి రెండో టీ20 సందర్భంగా వరుణ్‌ చక్రవర్తి తొలిసారి అంతర్జాతీయ టీ20లలో అత్యుత్తమ గణాంకాలు నమోదు చేశాడు. నాలుగు ఓవర్లలో కేవలం 17 పరుగులే ఇచ్చి ఐదు వికెట్లు ‍కూల్చాడు. తాజాగా ఇంగ్లండ్‌తో మూడో టీ20లో రెండో అత్యుత్తమ గణాంకాలు(5/24) సాధించాడు.కానీ దురదృష్టవశాత్తూ ఈ రెండు మ్యాచ్‌లలోనూ టీమిండియా ఓడిపోవడం గమనార్హం. ఇంటర్నేషనల్‌ పొట్టి ఫార్మాట్లో ఇలా ఓ బౌలర్‌ ఐదు వికెట్లు ప్రదర్శన నమోదు చేసిన రెండు సందర్భాల్లోనూ అతడి జట్టు ఓడిపోవడం క్రికెట్‌ ప్రపంచంలో ఇదే తొలిసారి.చెత్త ‘వరల్డ్‌’ రికార్డుతద్వారా.. వరుణ్‌ చక్రవర్తి పేరిట ఇలా ఓ చెత్త వరల్డ్‌ రికార్డు నమోదైంది. అయితే, ఇంగ్లండ్‌తో మూడో టీ20లో అద్భుత ప్రదర్శనకు గానూ వరుణ్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది.మెరుగ్గా ఆడేందుకుఈ సందర్భంగా అతడు మాట్లాడుతూ.. దేశానికి ప్రాతినిథ్యం వహిస్తున్నప్పుడు అన్ని రకాల బాధ్యతలు తీసుకోవాల్సి ఉంటుందని.. ప్రస్తుతం తన ప్రదర్శన పట్ల సంతృప్తిగానే ఉన్నట్లు తెలిపాడు. అయితే, మున్ముందు ఇంతకంటే మెరుగ్గా ఆడేందుకు కష్టపడుతున్నట్లు తెలిపాడు.బ్యాటర్ల కారణంగానేకాగా ఇంగ్లండ్‌తో కోల్‌కతా టీ20లో ఏడు వికెట్ల తేడాతో ఘన విజయం సాధించిన సూర్యకుమార్‌ సేన.. చెన్నైలో రెండు వికెట్ల తేడాతో గట్టెక్కగలిగింది. అయితే, మూడో టీ20లో మాత్రం ఓటమి నుంచి తప్పించుకోలేకపోయింది. రాజ్‌కోట్‌లో టాస్‌ గెలిచి తొలుత బౌలింగ్‌ చేసిన టీమిండియా.. ఇంగ్లండ్‌ను 171 పరుగులకు కట్టడి చేయగలిగింది. అయితే, లక్ష్య ఛేదనలో 145 పరుగులకే పరిమితమై ఓటమిని ఆహ్వానించింది. ఇరుజట్ల మధ్య శుక్రవారం పుణెలో నాలుగో టీ20 జరుగుతుంది.చదవండి: భారత్‌ బ్యాటింగ్‌ ఆర్డర్‌ సరిగ్గా లేదు.. అతడిని లోయర్‌ ఆర్డర్‌లో ఆడిస్తారా??: కెవిన్‌ పీటర్సన్‌

రాజ్‌కోట్‌ టీ20(Rajkot T20I)లో టీమిండియా ఆట తీరును ఇంగ్లండ్‌ మాజీ కెప్టెన్‌ కెవిన్‌ పీటర్సన్‌ విమర్శించాడు. బ్యాటింగ్‌ ఆర్డర్‌ సరిగ్గా లేకపోవడం వల్లే ఓటమి ఎదురైందని అభిప్రాయపడ్డాడు. కాగా ఐదు మ్యాచ్‌ల టీ20 సిరీస్‌, మూడు వన్డేలు ఆడేందుకు ఇంగ్లండ్‌ భారత్‌లో పర్యటిస్తోంది.ఇందులో భాగంగా తొలుత టీ20 సిరీస్‌ మొదలుకాగా.. కోల్‌కతా, చెన్నైలలో టీమిండియా జయకేతనం ఎగురవేసింది. తద్వారా 2-0తో ఆధిక్యంలోకి వెళ్లింది. ఈ క్రమంలో మంగళవారం రాజ్‌కోట్‌ వేదికగా ఇంగ్లండ్‌తో మూడో టీ20లో ఆత్మవిశ్వాసంతో బరిలోకి దిగిన సూర్యకుమార్‌ సేనకు పరాజయం ఎదురైంది.బ్యాటర్ల వైఫల్యం వల్లేఈ మ్యాచ్‌లో భారత్‌ ఇంగ్లండ్‌ చేతిలో 26 పరుగుల తేడా(England Beat India)తో ఓటమిని చవిచూసింది. ఇందుకు ప్రధాన కారణం టీమిండియా బ్యాటర్ల వైఫల్యమేనని చెప్పవచ్చు. గత రెండు మ్యాచ్‌లలో టీమిండియా టాపార్డర్‌ ఒకే విధంగా ఉంది. ఓపెనర్లుగా సంజూ శాంసన్‌- అభిషేక్‌ శర్మ.. వన్‌డౌన్‌లో కెప్టెన్‌ సూర్యకుమార్‌ యాదవ్‌(Suryakumar Yadav) వచ్చారు. ఇక నాలుగో స్థానంలో తిలక్‌ వర్మ బ్యాటింగ్‌ చేశాడు.హార్దిక్‌ ఐదో నంబర్‌లోమూడో టీ20లోనూ ఈ నలుగురి స్థానాలు మారలేదు. కానీ వరుస విరామాల్లో వికెట్లు పడిన వేళ ఆల్‌రౌండర్‌ హార్దిక్‌ పాండ్యాను మేనేజ్‌మెంట్‌ ప్రమోట్‌ చేసింది. ఐదో స్థానంలో అతడు బ్యాటింగ్‌కు దిగాడు. మరోవైపు.. లెఫ్ట్‌- రైట్‌ కాంబినేషన్‌ కోసం ఆ తర్వాతి స్థానాల్లో మరో ఇద్దరు ఆల్‌రౌండర్లు వాషింగ్టన్‌ సుందర్‌(6), అక్షర్‌ పటేల్‌(15)లను రంగంలోకి దించారు.ఎనిమిదో స్థానంలో జురెల్‌అదే విధంగా.. అచ్చమైన బ్యాటర్‌ అయిన ధ్రువ్‌ జురెల్‌ను ఎనిమిదో స్థానంలో బ్యాటింగ్‌కు పంపారు. ఇక హార్దిక్‌ క్రీజులో నిలదొక్కుకునేందుకు ఇరవైకి పైగా బంతులు తీసుకుని.. మొత్తంగా 35 బంతుల్లో 40 పరుగులే చేశాడు. ఇదిలా ఉంటే.. ధ్రువ్‌ జురెల్‌ క్రీజులోకి వచ్చే సమయానికి.. టీమిండియా విజయలక్ష్యానికి ఓవర్‌కు పదహారు పరుగులు చేయాల్సిన పరిస్థితి.ఇలాంటి తరుణంలో ఒత్తిడిలో చిత్తైన జురెల్‌ నాలుగు బంతులు ఎదుర్కొని కేవలం రెండు పరుగులే చేసి నిష్క్రమించాడు. ఈ నేపథ్యంలో నిర్ణీత ఇరవై ఓవర్లలో తొమ్మిది వికెట్ల నష్టపోయిన టీమిండియా 145 పరుగులకే పరిమితమైంది. తద్వారా ఇంగ్లండ్‌ విధించిన 172 పరుగుల లక్ష్యాన్ని ఛేదించలేక పరాజయం పాలైంది.అద్భుత నైపుణ్యాలు ఉన్న బ్యాటర్‌ను పక్కనపెట్టిఈ నేపథ్యంలో ఇంగ్లండ్‌ మాజీ కెప్టెన్‌, కామెంటేటర్‌ కెవిన్‌ పీటర్సన్‌ మాట్లాడుతూ.. టీమిండియా అనవసరంగా ఆల్‌రౌండర్లను ముందు పంపిందని అభిప్రాయపడ్డాడు. వారికి బదులు జురెల్‌ను పంపించి ఉంటే ఫలితం వేరేలా ఉండేదన్నాడు.ఈ మేరకు.. ‘‘ఈ మ్యాచ్‌లో టీమిండియా బ్యాటింగ్‌ ఆర్డర్‌ నాకు అస్సలు నచ్చలేదు. ఇది సరైంది కానేకాదు. ధ్రువ్‌ జురెల్‌ అచ్చమైన, స్వచ్ఛమైన బ్యాటర్‌. అద్భుత నైపుణ్యాలు ఉన్న ఆటగాడు. లెఫ్ట్‌- రైట్‌ కాంబినేషన్‌ కోసమని అతడిని లోయర్‌ ఆర్డర్‌లో పంపించడం సరికాదు. జట్టులోని అత్యుత్తమ బ్యాటర్లు కచ్చితంగా కాస్త టాప్‌ ఆర్డర్‌లోనే రావాలి’’ అని కెవిన్‌ పీటర్సన్‌ హిందుస్తాన్‌ టైమ్స్‌తో తన అభిప్రాయాలు పంచుకున్నాడు. ఇండియా వర్సెస్‌ ఇంగ్లండ్‌- మూడో టీ20 స్కోర్లు👉టాస్‌: ఇండియా.. తొలుత ఇంగ్లండ్‌ను బ్యాటింగ్‌కు ఆహ్వానించిన సూర్య👉ఇంగ్లండ్‌ స్కోరు: 171/9 (20)👉ఇండియా స్కోరు: 145/9 (20)👉ఓవరాల్‌ టాప్‌ రన్‌ స్కోరర్‌: బెన్‌ డకెట్‌(28 బంతుల్లో 51)👉టీమిండియా టాప్‌ రన్‌ స్కోరర్‌: హార్దిక్‌ పాండ్యా(35 బంతుల్లో 40)👉ఫలితం: ఇండియాపై 26 పరుగుల తేడాతో ఇంగ్లండ్‌ గెలుపు👉ప్లేయర్‌ ఆఫ్‌ ది మ్యాచ్‌: వరుణ్‌ చక్రవర్తి(5/24).చదవండి: అతడొక వరల్డ్‌క్లాస్‌ బౌలర్‌.. మా ఓటమికి కారణం అదే: సూర్య

ఇంగ్లండ్‌పై హ్యాట్రిక్‌ విజయంతో సిరీస్‌ గెలవాలని భావించిన టీమిండియాకు చుక్కెదురైంది. రాజ్‌కోట్‌ టీ20లో సూర్యకుమార్‌ సేన ప్రత్యర్థి చేతిలో 26 పరుగుల తేడా(England Beat India)తో ఓటమిపాలైంది. దీంతో ఐదు మ్యాచ్‌ల సిరీస్‌లో భారత్‌ ఆధిక్యం 2-1కు తగ్గింది.బెన్‌ డకెట్‌ మెరుపు హాఫ్‌ సెంచరీనిరంజన్‌ షా స్టేడియంలో మంగళవారం రాత్రి ఇంగ్లండ్‌తో జరిగిన మూడో టీ20లో టాస్‌ గెలిచిన టీమిండియా తొలుత బౌలింగ్‌ చేసింది. ఆదిలోనే హార్దిక్‌ పాండ్యా ఇంగ్లండ్‌ ఓపెనర్‌ ఫిల్‌ సాల్ట్‌(5) వికెట్‌ తీసి శుభారంభం అందించినా.. మరో ఓపెనర్‌ బెన్‌ డకెట్‌(Ben Ducket) ఆ ఆనందాన్ని ఎక్కువ సేపు నిలవనీయలేదు.మెరుపు అర్ధ శతకం బాది మెరుగైన స్కోరుకు బాటలు వేశాడు. డకెట్‌.. 28 బంతుల్లోనే ఏడు ఫోర్లు, రెండు సిక్సర్ల సాయంతో 51 పరుగులు సాధించాడు. ఇక కెప్టెన్‌ జోస్‌ బట్లర్‌(24) కూడా క్రీజులో పాతుకుపోయేందుకు ప్రయత్నించగా వరుణ్‌ చక్రవర్తి అతడిని బోల్తా కొట్టించాడు.లివింగ్‌స్టోన్‌ ధనాధన్‌మిగతా వాళ్లలో లియామ్‌ లివింగ్‌స్టోన్‌(Liam Livingstone- 24 బంతుల్లో 43 రన్స్‌) దంచికొట్టగా.. ఆదిల్‌ రషీద్‌(10), మార్క్‌ వుడ్‌(10) డబుల్‌ డిజిట్‌ స్కోర్లతో అజేయంగా నిలిచారు. ఈ క్రమంలో నిర్ణీత 20 ఓవర్లలో తొమ్మిది వికెట్ల నష్టానికి ఇంగ్లండ్‌ 171 పరుగులు చేసింది. భారత బౌలర్లలో వరుణ్‌ చక్రవర్తి ఐదు వికెట్లతో చెలరేగగా.. హార్దిక్‌ పాండ్యా రెండు, రవి బిష్ణోయి, అక్షర్‌ పటేల్‌ ఒక్కో వికెట్‌ పడగొట్టారు.టీమిండియా తడ‘బ్యాటు’ఇక లక్ష్య ఛేదనలో ఆరంభం నుంచే టీమిండియా తడ‘బ్యాటు’కు గురైంది. ఓపెనర్లలో సంజూ శాంసన్‌(3) మరోసారి నిరాశపరచగా.. అభిషేక్‌ శర్మ(14 బంతుల్లో 24) కాసేపు మెరుపులు మెరిపించాడు. కెప్టెన్‌ సూర్యకుమార్‌ యాదవ్‌(14) మరోసారి విఫలం కాగా.. వాషింగ్టన్‌ సుందర్‌(6), ధ్రువ్‌ జురెల్‌(2) చేతులెత్తేశారు.ఈ క్రమంలో మిడిలార్డర్‌ బ్యాటర్‌ హార్దిక్‌ పాండ్యా (35 బంతుల్లో 40) మరో ఆల్‌రౌండర్‌ అక్షర్‌ పటేల్‌(15)తో కలిసి పోరాడే ప్రయత్నం చేశాడు. ఇక టెయిలెండర్లలో మహ్మద్‌ షమీ 7 పరుగులు చేయగా.. రవి బిష్ణోయి 4, వరుణ్‌ చక్రవర్తి ఒక్క పరుగుతో అజేయంగా ఉన్నారు. ఫలితంగా నిర్ణీత 20 ఓవర్లలో తొమ్మిది వికెట్ల నష్టానికి 145 పరుగుల వద్దే నిలిచిపోయింది. దీంతో 26 పరుగుల తేడాతో ఓటమిని మూటగట్టుకుంది.ఈ నేపథ్యంలో పరాజయంపై స్పందించిన భారత కెప్టెన్‌ సూర్యకుమార్‌ యాదవ్‌.. బ్యాటింగ్‌ వైఫల్యం వల్లే ఓటమి ఎదురైందని విచారం వ్యక్తం చేశాడు. ‘‘మ్యాచ్‌ సాగేకొద్దీ మంచు ప్రభావం కాస్త ఎక్కువగానే ఉంటుందని భావించాను. హార్దిక్‌ పాండ్యా, అక్షర్‌ పటేల్‌ క్రీజులో ఉన్నంతసేపు మ్యాచ్‌ మా చేతుల్లో ఉందనుకున్నా.అతడొక వరల్డ్‌క్లాస్‌ బౌలర్‌కానీ ఆదిల్‌ రషీద్‌ అద్భుతంగా బౌలింగ్‌ చేశాడు. అందుకే అతడిని వరల్డ్‌క్లాస్‌ బౌలర్‌ అంటారు. మాకు స్ట్రైక్‌ రొటేట్‌ చేసుకునే అవకాశం కూడా ఇవ్వలేదు. స్పిన్నర్లు అవసరం ఎంతగా ఉంటుందో మాకు తెలుసు. అందుకే మా జట్టులో వారే ఎక్కువగా ఉన్నారు.ప్రతి టీ20 మ్యాచ్‌ నుంచి మేము సరికొత్త పాఠాలు నేర్చుకుంటాం. ముఖ్యంగా ఈసారి బ్యాటింగ్‌ పరంగా మా పొరపాట్లు ఏమిటో గుర్తించగలిగాం. ఇక షమీ విషయానికొస్తే.. అతడు కచ్చితంగా మెరుగైన ప్రదర్శన ఇస్తాడు.మరోవైపు.. వరుణ్‌ చక్రవర్తి నెట్స్‌లో తీవ్రంగా శ్రమిస్తున్నాడు. అతడు సాధిస్తున్న ఫలితాలే.. అతడి క్రమశిక్షణ, కఠిన శ్రమకు నిదర్శనం. మైదానం లోపలా.. వెలుపలా ఆట పట్ల అతడి అంకితభావం ఒకేలా ఉంటుంది’’ అని సూర్యకుమార్‌ యాదవ్‌ పేర్కొన్నాడు.కాగా ఈ మ్యాచ్‌లో ఇంగ్లండ్‌ వెటరన్‌ స్పిన్నర్‌ ఆదిల్‌ రషీద్‌ కీలకమైన ఇన్‌ఫామ్‌ బ్యాటర్‌ తిలక్‌ వర్మ(18) వికెట్‌ తీసి.. టీమిండియా ఓటమిని శాసించాడు. మిగతా వాళ్లలో జేమీ ఓవర్టన్‌ మూడు, బ్రైడన్‌ కార్సే, జోఫ్రా ఆర్చర్‌ రెండేసి వికెట్లు పడగొట్టగా.. మార్క్‌వుడ్‌ ఒక వికెట్‌ తీశాడు. ఇక తన అద్భుత ప్రదర్శన(5/24)కు గానూ టీమిండియా మిస్టరీ స్పిన్నర్‌ వరుణ్‌ చక్రవర్తి ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు.చదవండి: IND vs ENG: చరిత్ర సృష్టించిన వరుణ్‌ చక్రవర్తి.. తొలి భారత బౌలర్‌గా

ఇంకా కెప్టెన్‌ సూర్యకుమార్‌(Suryakumar Yadav) ‘360 డిగ్రీ’ బ్యాటింగ్‌ బాకీ ఉంది. సంజూ శాంసన్‌(Sanju Samson) మెరుపు జోరు కనబర్చలేదు. హార్దిక్‌ పాండ్యా(Hardik Pandya) అసలు ఆట మిగిలే ఉంది. అయినాసరే భారత్‌ వరుసగా రెండు మ్యాచ్‌ల్లో నెగ్గింది. ఇప్పుడు సిరీస్‌ను కైవసం చేసుకునే పనిలో పడింది. ఒకవేళ ఈ ముగ్గురు గనక రాణిస్తే మూడో మ్యాచ్‌తోనే భారత్‌ ఐదు టీ20ల సిరీస్‌ను గెలుచుకునే అవకాశముంది. ఇప్పటికే ఒత్తిడిలో కూరుకుపోయిన ప్రత్యర్థి ఇంగ్లండ్‌పై ‘హ్యాట్రిక్‌’ విజయం, సిరీస్‌ కైవసం ఏమంత కష్టం కాకపోవచ్చు. వరుస విజయాలతో జోరుమీదున్న టీమిండియా ఇప్పుడు సిరీస్‌పైనే కన్నేసింది. రాజ్‌కోట్‌లో జరిగే మూడో టీ20లో గెలిచి ఇక్కడే సిరీస్‌ గెలవాలనే పట్టుదలతో బరిలోకి దిగుతోంది. స్టార్‌ ఆటగాళ్లు ఈ మ్యాచ్‌లో తమ వైఫల్యాల్ని అధిగమిస్తే ఇంగ్లండ్‌కు మూడో పరాజయం తప్పదేమో! ఇప్పటికే రెండు మ్యాచ్‌ల్లో ఓటమి బట్లర్‌ బృందాన్ని కుంగదీసింది.ఇప్పుడు సిరీస్‌లో నిలవాలంటే తప్పక గెలవాల్సిన క్లిష్టమైన పరిస్థితుల్లో ఉంది. అయితే ఇది పొట్టి ఫార్మాట్‌. ఏ క్షణంలోనైనా, ఏ ఓవరైనా ఉన్నపళంగా మార్చేయగలదు. కాబట్టి ఏ జట్టు తప్పక గెలుస్తుందనే గ్యారంటీ లేదు. గత రెండు మ్యాచ్‌ల్లోనూ ఇంగ్లండ్‌ ఓపెనింగ్‌ జోడీ సాల్ట్‌–డకెట్‌ విఫలమైంది. వారి ఓపెనింగ్‌లో గునక ‘పవర్‌ ప్లే’ కనబడితే భారత్‌కు సవాళ్లు తప్పవు. ఈ నేపథ్యంలో గత రెండో టీ20లాగే ఉత్కంఠరేపే సమరం జరిగొచ్చు.టాపార్డర్‌ రాణిస్తే... ఓపెనర్లలో అభిషేక్‌ శర్మ తొలి మ్యాచ్‌లో మెరిపించాడు. కానీ శాంసన్‌ నుంచే ఆ మెరుపులు కరువయ్యాయి. కెప్టెన్‌ సూర్యకుమార్‌ కూడా టీ20కి కాదుకదా... వన్డేకు సరిపడా ఆటకూడా చూపించలేకపోయాడు. ఈ ముగ్గురు మూకుమ్మడిగా రాణిస్తే మిడిలార్డర్‌ సంగతి చూసుకునేందుకు తిలక్‌ వర్మ, హర్దిక్‌ పాండ్యా, ధ్రువ్‌ జురేల్‌ ఉన్నారు.బ్యాటింగ్‌కు అచ్చొచ్చే పిచ్‌పై లోయర్‌ ఆర్డర్‌లో వైస్‌ కెప్టెన్‌ అక్షర్‌ పటేల్, వాషింగ్టన్‌ సుందర్‌లు కూడా దంచేసే అవకాశాన్ని పిచ్‌ కల్పిస్తుంది. గత మ్యాచ్‌ల్ని నిశితంగా గమనిస్తే... బ్యాటింగ్‌ కన్నా కూడా మన బౌలింగ్‌ దళం గట్టి ప్రభావమే చూపింది. ఇంగ్లండ్‌ టాపార్డర్‌ను తేలిగ్గా కూల్చేస్తుంది. అర్ష్‌దీప్, పాండ్యాలకు జతగా మరో సీమర్‌ను తీసుకోవాలనుకుంటే స్పిన్నర్‌ రవి బిష్ణోయ్‌ని పక్కన బెట్టొచ్చు.భారమంతా బ్యాటర్లపైనే... ఇంగ్లండ్‌ కూడా గత మ్యాచ్‌లో బౌలింగ్‌తో ఆకట్టుకుంది. హిట్టింగ్‌ ఓపెనర్లను కూల్చి, మిడిలార్డర్‌ను దెబ్బతీసి మ్యాచ్‌ను గెలిచేస్థితికి వచ్చేసింది. అయితే తిలక్‌ వర్మ పోరాటమే వారి శ్రమను నీరుగార్చింది. లేదంటే చెన్నైలోనే భారత్‌కు 1–1తో చెక్‌ పెట్టేది. కార్స్, మార్క్‌వుడ్, ఆర్చర్, రషీద్‌లతో కూడిన బౌలింగ్‌ దళం పటిష్టంగానే ఉంది.అయితే పరిస్థితి చక్కబెట్టాల్సింది... ఎదురుదాడికి దిగాల్సింది... బ్యాటర్లే! ఫిల్‌ సాల్ట్, డకెట్‌లు ఆషామాషీ ఓపెనర్లు కాదు. కానీ వారి ఫ్లాప్‌షో ముగిసి ‘ఫాస్ట్‌ షో’ మొదలైతే మాత్రం పరుగుల తుఫాన్‌ ఖాయం. బట్లర్, బ్రూక్, లివింగ్‌స్టోన్, స్మిత్, ఓవర్టన్, కార్స్, ఆర్చర్‌ ఇలా చెప్పుకుంటూ పోతే తొమ్మిదో వరుస బ్యాటింగ్‌ దాకా పరుగుల బాదే ఆటగాళ్లే జట్టుకు అందుబాటులో ఉన్నారు. కాబట్టి ఇంగ్లండ్‌ భారమంతా బ్యాటర్లపైనే ఉంది.పిచ్, వాతావరణం రాజ్‌కోట్‌ పిచ్‌ ఎప్పుడైనా బ్యాటింగ్‌కు స్వర్గధామం. ప్రత్యేకించి టీ20ల్లో పరుగుల వరద, మెరుపుల సరదా ఖాయం. బ్యాటర్‌ ఫ్రెండ్లీ వికెట్‌పై బౌలర్లకు కష్టాలు తప్పవు. గత రెండు మ్యాచ్‌ల్లో నమోదైన మోస్తరు స్కోరును సులువుగా అధిగమిస్తుందనడంలో ఎలాంటి అతిశయోక్తి లేదు.తుది జట్లు (అంచనా) భారత్‌సూర్యకుమార్‌ యాదవ్‌ (కెప్టెన్‌), సంజూ శాంసన్‌, అభిషేక్‌ శర్మ, తిలక్‌ వర్మ, ధ్రువ్‌ జురేల్, హార్దిక్‌ పాండ్యా, వాషింగ్టన్‌ సుందర్, అక్షర్ పటేల్‌, అర్ష్‌దీప్‌ సింగ్‌, రవి బిష్ణోయ్‌/షమీ, వరుణ్‌ చక్రవర్తి.ఇంగ్లండ్‌ తుదిజట్టు: బెన్ డకెట్, ఫిలిప్ సాల్ట్ (వికెట్ కీపర్‌), జోస్ బట్లర్ (కెప్టెన్‌), హ్యారీ బ్రూక్, లియామ్ లివింగ్‌స్టోన్, జామీ స్మిత్, జామీ ఓవర్టన్, బ్రైడన్ కార్సే, జోఫ్రా ఆర్చర్, ఆదిల్ రషీద్, మార్క్ వుడ్రాజ్‌కోట్‌ సూర్యకు ప్రత్యేకంరాజ్‌కోట్‌లో భారత జట్టు ఇప్పటి వరకు 5 టీ20 మ్యాచ్‌లు ఆడింది. ఇందులో 4 మ్యాచ్‌ల్లో (2013లో ఆస్ట్రేలియాపై; 2019లో బంగ్లాదేశ్‌పై; 2022లో దక్షిణాఫ్రికాపై; 2023లో శ్రీలంకపై) గెలిచిన టీమిండియా ఒక మ్యాచ్‌లో (2017లో న్యూజిలాండ్‌ చేతిలో) ఓడిపోయింది. ఈ మైదానంలో చివరిసారి 2023 జనవరి 7న శ్రీలంకతో జరిగిన మ్యాచ్‌లో భారత జట్టు 20 ఓవర్లలో 5 వికెట్లు కోల్పోయి 228 పరుగులు చేసింది. ప్రస్తుతం కెప్టెన్‌గా ఉన్న సూర్యకుమార్‌ యాదవ్‌ (51 బంతుల్లో 112 నాటౌట్‌; 7 ఫోర్లు, 9 సిక్స్‌లు) ఈ మ్యాచ్‌లో సెంచరీ చేయడం విశేషం.చదవండి: అప్పట్లో ఒకడుండేవాడు.. ఇప్పుడు తిలక్‌ వర్మ!: భారత మాజీ క్రికెటర్‌

ఇంగ్లండ్‌తో రెండో టీ20కి టీమిండియా(India Vs England 2nd T20) పూర్తి స్థాయిలో సన్నద్ధమైంది. విజయంతో ఆరంభించిన ఐదు మ్యాచ్‌ల సిరీస్‌లో ఆధిపత్యమే లక్ష్యంగా చెపాక్‌ బరిలో దిగనుంది. అయితే, చెన్నై మ్యాచ్‌కు ముందు భారత జట్టుకు ఎదురుదెబ్బ తగిలినట్లు తెలుస్తోంది.కోల్‌కతా వేదికగా జరిగిన తొలి టీ20లో విధ్వంసకర ఇన్నింగ్స్‌తో చెలరేగిన అభిషేక్‌ శర్మ(Abhishek Sharma) గాయపడినట్లు సమాచారం. ప్రాక్టీస్‌ సెషన్‌లో భాగంగా శుక్రవారం సాయంత్రం చిదంబరం స్టేడియంలో నెట్స్‌లో టీమిండియా ఆటగాళ్లు తీవ్రంగా శ్రమించారు.చీలమండ నొప్పిఈ సందర్భంగానే అభిషేక్‌ శర్మ గాయపడినట్లు తెలుస్తోంది. అతడి పాదం మెలిక పడగా.. చీలమండ నొప్పి(Ankle Injury)తో విలవిల్లాడాడు. ఈ క్రమంలో వెంటనే ఫిజియోలు వచ్చి అభిషేక్‌ను పరీక్షించారు. అనంతరం అతడు మైదానం వీడాడు. అయితే, మళ్లీ నెట్‌ సెషన్‌లో బ్యాటింగ్‌కు కూడా రాలేదు. ఈ నేపథ్యంలో శనివారం నాటి రెండో టీ20కి అభిషేక్‌ శర్మ అందుబాటులో ఉంటాడా లేదా అన్న అంశంపై సందిగ్దం నెలకొంది.సంజూకు జోడీ ఎవరు?ఒకవేళ అభిషేక్‌ శర్మ గనుక దూరమైతే సంజూ శాంసన్‌తో కలిసి కెప్టెన్‌ సూర్యకుమార్‌ యాదవ్‌ ఓపెనర్‌గా వస్తాడా? లేదంటే ప్రయోగాత్మకంగా ఇంకెవరినైనా టాపార్డర్‌కు ప్రమోట్‌ చేస్తాడా? అనే చర్చ జరుగుతోంది. కాగా ఈడెన్‌ గార్డెన్స్‌లో బుధవారం ఇంగ్లండ్‌తో జరిగిన తొలి టీ20లో టీమిండియా ఏడు వికెట్ల తేడాతో ఘన విజయం సాధించిన విషయం తెలిసిందే.తొలి టీ20లో అభిషేక్‌ ధనాధన్‌టాస్‌ గెలిచి తొలుత బౌలింగ్‌ చేసిన భారత జట్టు.. బట్లర్‌ బృందాన్ని 132 పరుగులకే ఆలౌట్‌ చేసింది. అనంతరం.. లక్ష్య ఛేదనలో సంజూ శాంసన్‌(20 బంతుల్లో 26) ఫర్వాలేదనిపించగా.. మరో ఓపెనర్‌ అభిషేక్‌ శర్మ ధనాధన్‌ దంచికొట్టాడు. మొత్తంగా 34 బంతులు ఎదుర్కొన్న 24 ఏళ్ల ఈ ఎడమచేతి వాటం బ్యాటర్‌.. 79 పరుగులతో దుమ్ములేపాడు. అతడి ఇన్నింగ్స్‌లో ఐదు ఫోర్లతో పాటు ఏకంగా ఎనిమిది సిక్సర్లు ఉండటం విశేషం.మిగతా వాళ్లలో కెప్టెన్‌ సూర్యకుమార్‌ డకౌట్‌ కాగా.. తిలక్‌ వర్మ 19, హార్దిక్‌ పాండ్యా 3 పరుగులతో అజేయంగా నిలిచి జట్టు విజయాన్ని ఖరారు చేశారు. ఈ క్రమంలో కేవలం మూడు వికెట్లు కోల్పోయిన టీమిండియా.. 12.5 ఓవర్లలోనే లక్ష్యాన్ని ఛేదించింది.షమీ వస్తాడా?కాగా టీమిండియలో పునగామనం కోసం ఎదురుచూస్తున్న సీనియర్‌ పేస్‌ బౌలర్‌ మహ్మద్‌ షమీకి కోల్‌కతాలో మొండిచేయి ఎదురైన విషయం తెలిసిందే. ముగ్గురు స్పిన్నర్లతో బరిలోకి దిగిన క్రమంలో షమీకి చోటు ఇవ్వలేకపోయినట్లు మేనేజ్‌మెంట్‌ వర్గాలు తెలిపాయి. ఇక అంతర్జాతీయ టీ20 క్రికెట్‌లో అద్భుత గణాంకాలు కలిగి ఉన్న యువ పేసర్‌ అర్ష్‌దీప్‌ ఒక్కడికే తుదిజట్టులో దక్కగా.. షమీ బెంచ్‌కే పరిమితమయ్యాడు.అయితే, తొలి టీ20లో ప్రభావం చూపలేకపోయినప్పటికీ రవి బిష్ణోయికి మరో అవకాశం ఇచ్చేందుకు యాజమాన్యం సిద్ధంగా ఉన్నట్లు తెలుస్తోంది. చెపాక్‌ పిచ్‌ స్పిన్నర్లకు ఎక్కువగా అనుకూలిస్తుంది కాబట్టి వరుణ్‌ చక్రవర్తి, అక్షర్‌ పటేల్‌లతో పాటు అతడినీ రెండో టీ20లో కొనసాగించే అవకాశం ఉంది. ఇక అభిషేక్‌ శర్మ గాయంతో దూరమైతే గనుక షమీని తుదిజట్టుకు ఎంపిక చేసే అవకాశం ఉంది. గత మ్యాచ్‌లో పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యా పొదుపుగా బౌలింగ్‌ చేయలేకపోయాడు. ఆరంభ ఓవర్లలో అర్ష్‌దీప్‌ త్వరత్వరగా వికెట్లు తీశాడు కాబట్టి సరిపోయింది. అందుకే ఈసారి అర్ష్‌దీప్‌తో పాటు షమీని కొత్త బంతితో బరిలోకి దించాలనే యోచనలో మేనేజ్‌మెంట్‌ ఉన్నట్లు తెలుస్తోంది. కాగా చెన్నైలో చిదంబరం స్టేడియం(చెపాక్‌)లో శనివారం రాత్రి ఏడు గంటలకు ఇండియా- ఇంగ్లండ్‌ మధ్య రెండో టీ20 ఆరంభం కానుంది.చదవండి: భారత్‌తో రెండో టీ20: ఇంగ్లండ్‌ తుదిజట్టు ప్రకటన.. అతడిపై వేటు

ఇంగ్లండ్‌ స్టార్‌ బౌలర్‌ జోఫ్రా ఆర్చర్‌(Jofra Archer)పై టీమిండియా అభిమానులు మండిపడుతున్నారు. ‘ఆడలేక మద్దెల ఓడు’ అన్నట్లుగా ఇంగ్లండ్‌ బ్యాటర్ల అసమర్థతను బాగానే కప్పి పుచ్చుతున్నావు అంటూ వ్యంగ్యాస్త్రాలు సంధిస్తున్నారు.దమ్ముంటే రెండో టీ20(India vs England)లో సత్తా చూపించాలంటూ సోషల్‌ మీడియా వేదికగా ఆర్చర్‌ను ట్రోల్‌ చేస్తున్నారు. టీమిండియా చేతిలో ఓటమిపై స్పందిస్తూ.. ఆర్చర్‌ ఒకింత వింత వ్యాఖ్యలు చేయడం ఇందుకు కారణం. అసలేం జరిగిందంటే..టీమిండియా ఘన విజయంఐదు టీ20లు, మూడు వన్డేల సిరీస్‌లు ఆడేందుకు ఇంగ్లండ్‌ భారత పర్యటనకు వచ్చిన విషయం తెలిసిందే. ఈ క్రమంలో ఇరుజట్ల మధ్య తొలుత టీ20 సిరీస్‌ ఆరంభం కాగా.. బుధవారం మొదటి మ్యాచ్‌ జరిగింది. కోల్‌కతాలోని ఈడెన్‌ గార్డెన్స్‌ వేదికగా సాగిన ఈ టీ20లో టీమిండియా ఘన విజయం సాధించింది. ఏడు వికెట్ల తేడాతో బట్లర్‌ బృందాన్ని చిత్తు చేసింది.ఆకాశమే హద్దుగా అభిషేక్‌ శర్మఈ మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకుంది. బౌలర్ల విజృంభణ కారణంగా ఇంగ్లండ్‌ను 132 పరుగులకే ఆలౌట్‌ చేసిన భారత్‌.. లక్ష్య ఛేదనలోనూ అదరగొట్టింది. మరో 43 బంతులు మిగిలి ఉండగానే 133 పరుగుల టార్గెట్‌ను పూర్తి చేసింది. ఓపెనర్లలో సంజూ శాంసన్‌(20 బంతుల్లో 26) ఫర్వాలేదనిపించగా.. అభిషేక్‌ శర్మ(Abhishek Sharma) ఆకాశమే హద్దుగా చెలరేగాడు.సుడిగాలి ఇన్నింగ్స్‌తో సూపర్‌ హాఫ్‌ సెంచరీ సాధించాడు. కేవలం 20 బంతుల్లోనే యాభై పరుగుల మార్కు అందుకున్న అభిషేక్‌ శర్మ.. మొత్తంగా 34 బంతుల్లో 79 పరుగులు సాధించాడు. ఈ లెఫ్టాండర్‌ బ్యాటర్‌ ఇన్నింగ్స్‌లో ఐదు ఫోర్లతో పాటు ఏకంగా ఎనిమిది సిక్సర్లు ఉండటం విశేషం.అయితే, ఆదిల్‌ రషీద్‌ బౌలింగ్‌లో హ్యారీ బ్రూక్‌కు క్యాచ్‌ ఇవ్వడంతో అభిషేక్‌ ఇన్నింగ్స్‌కు తెరపడింది. ఇక వన్‌డౌన్‌ బ్యాటర్‌ సూర్యకుమార్‌ యాదవ్‌ డకౌట్‌ కాగా.. తిలక్‌ వర్మ 19, హార్దిక్‌ పాండ్యా 3 పరుగులతో అజేయంగా నిలిచి లక్ష్యాన్ని పూర్తి చేశారు.జోఫ్రా ఆర్చర్‌కు వికెట్లుఇక టీమిండియా కోల్పోయిన మూడు వికెట్లలో రెండు జోఫ్రా ఆర్చర్‌కు దక్కాయి. సంజూ శాంసన్‌తో పాటు.. సూర్యకుమార్‌ యాదవ్‌లను ఈ రైటార్మ్‌ పేసర్‌ అవుట్‌ చేశాడు. ఈ నేపథ్యంలో ఓటమి అనంతరం జోఫ్రా ఆర్చర్‌ మాట్లాడుతూ.. అదృష్టం వల్లే టీమిండియా గెలిచిందన్న అర్థంలో వ్యాఖ్యానించాడు.అదృష్టం వల్లే గెలిచారు‘‘ఈరోజు మ్యాచ్‌లో మిగతా బౌలర్లతో పోలిస్తే పరిస్థితులు నాకు కాస్త అనుకూలంగానే ఉన్నాయి. మావాళ్లలో అందరూ బాగానే బౌలింగ్‌ చేశారు. అయితే, టీమిండియా బ్యాటర్ల అదృష్టం వల్ల వారికి భంగపాటు ఎదురైంది.టీమిండియా బ్యాటర్లు ఆడిన చాలా బంతులు గాల్లోకి లేచాయి. కానీ.. మేము సరిగ్గా క్యాచ్‌లు పట్టలేకపోయాం. తదుపరి మ్యాచ్‌లో మాత్రం కచ్చితంగా ఇలాంటి పొరపాట్లు చేయబోము. అన్ని క్యాచ్‌లు ఒడిసిపడతాం. అప్పుడు నలభై పరుగులకే ఆరు వికెట్లు కోల్పోయేలా చేస్తాం’’ అని జోఫ్రా ఆర్చర్‌ చెప్పుకొచ్చాడు.నిజానికి తొలి టీ20లో అభిషేక్‌ శర్మ ఇచ్చిన ఈజీ క్యాచ్‌ను మాత్రమే ఇంగ్లండ్‌ ఫీల్డర్లు జారవిడిచారు. తిలక్‌ వర్మ కూడా ఓసారి బంతిని గాల్లోకి లేపినా.. అదేమీ అంత తేలికైన క్యాచ్‌ కాదు. ఈ రెండు తప్ప టీమిండియా బ్యాటర్లు క్యాచ్‌లకు ఎక్కువగా అవకాశం ఇవ్వనే లేదు.అయినప్పటికీ అదృష్టం వల్లే టీమిండియా బ్యాటర్లు తప్పించుకున్నారంటూ ఆర్చర్‌ వ్యాఖ్యానించడం.. అభిమానుల ఆగ్రహానికి ప్రధాన కారణం. మరోవైపు.. ఇంగ్లండ్‌ కెప్టెన్‌ జోస్‌ బట్లర్‌ మాత్రం తమ బ్యాటింగ్‌ వైఫల్యం వల్లే ఓడిపోయామంటూ.. భారత బౌలర్లకు క్రెడిట్‌ ఇవ్వడం గమనార్హం.చదవండి: Rohit Sharma: వింటేజ్‌ ‘హిట్‌మ్యాన్‌’ను గుర్తు చేసి.. మరోసారి విఫలమై!

ఇంగ్లండ్‌తో బుధవారం జరిగిన తొలి టీ20(India vs England) మ్యాచ్‌లో టీమిండియా అభినుల అందరి దృష్టి పేస్ బౌలర్ మహమ్మద్ షమీ(Mohammed Shami) పైనే నిలిచింది. ఈడెన్ గార్డెన్స్‌లో జరిగిన ఈ మ్యాచ్‌లో భారత్‌ ఏడు వికెట్ల తేడా(India Beat England)తో సునాయాసంగా విజయం సాధించిన విషయం తెలిసిందే. తద్వారా.. అయిదు మ్యాచ్‌లో సిరీస్‌లో శుభారంభం చేసింది. అయితే దాదాపు పద్నాలుగు నెలల తర్వాత ఈ మ్యాచ్ ద్వారా మళ్ళీ అంతర్జాతీయ క్రికెట్‌ ఆడేందుకు షమీ సిద్ధంగా ఉన్నాడు. కానీ బుధవారం జరిగిన ఈ మ్యాచ్‌ లో షమీని భారత్ తుది జట్టు నుంచి తప్పించారు. సీమ్ బౌలింగ్ ఆల్ రౌండర్లు హార్దిక్ పాండ్యా, నితీశ్‌ కుమార్ రెడ్డితో పాటు భారత్ ఒకే ఒక స్పెషలిస్ట్ పేస్ బౌలర్ అర్ష్‌దీప్ సింగ్‌తో రంగంలోకి దిగింది.షమీ ఎందుకు ఆడలేదు? కానీ ఎందుకు షమీ ఆడలేదు? అతను పూర్తి ఫిట్‌నెస్ తో లేడా? అలాంటప్పుడు అసలు జట్టులోకి ఎందుకు ఎంపిక చేశారు? ఛాంపియన్స్ ట్రోఫీ టోర్నమెంట్ కి షమీ మ్యాచ్ ప్రాక్టీస్ చేయడానికి ఇదొక చక్కని అవకాశం. జట్టులోని ప్రధాన పేస్ బౌలర్ జస్ప్రీత్ బుమ్రా ఫిట్ నెస్ పై అనుమానాలు ఉన్న సమయంలో షమీ మ్యాచ్ ప్రాక్టీస్ తో పూర్తిగా సిద్ధమవడం భారత్ జట్టు ప్రయోజనాల దృష్ట్యా చాలా కీలకం. దీని వెనుక కోచ్ గౌతమ్ గంభీర్ వ్యూహాత్మక ఎత్తుగడ ఏమైనా ఉందా అన్న ప్రశ్నఅందరి లో తలెత్తకమానదు.ఎందుకంటే మ్యాచ్ కి కొద్దీ సేపు ముందు జరిగిన తుది ప్రాక్టీస్ లో షమీ బౌలింగ్ చేయడం ఈడెన్ గార్డెన్స్ లోని ప్రేక్షకులందరూ ప్రత్యక్షంగా చూసారు. షమీ పూర్తి స్థాయి లో బౌలింగ్ చేయకపోయినా ఎలాంటి అసౌకర్యంతో ఉన్నట్టు కన్పించలేదు. మ్యాచ్ కి ముందు వార్మప్‌లలో బౌలింగ్ చేశాడు. దీంతో అతను పూర్తి ఫిట్‌నెస్ తో ఉన్నట్టు తేటతెల్లమైంది. మరి ఇంగ్లండ్‌తో జరిగిన సిరీస్ ఓపెనర్‌లో షమీ ఎందుకు ఆడలేదు? మ్యాచ్ కి ముందు కెప్టెన్ సూర్యకుమార్ యాదవ్ మాట్లాడుతూ మేము పిచ్ ని దృష్టిలో ఉంచుకొని తుది జట్టుని నిర్ణయించాం. అందుకే షమీ ఈ మ్యాచ్ లో ఆడటంలేదని చెప్పాడు. భారత్ ముగ్గురు స్పిన్నర్లతో రంగంలోకి దిగడం విశేషం.ఫిట్‌గా లేడేమో?కాగా షమీ చివరిసారి 2023 నవంబర్‌లో జరిగిన వన్డే ప్రపంచ కప్ ఫైనల్ మ్యాచ్ లో భారత్ తరఫున ప్రాతినిధ్యం వహించాడు. 2022లో ఆస్ట్రేలియాలో జరిగిన టీ20 ప్రపంచ కప్‌లో అతని చివరి టీ20 మ్యాచ్ ఆడాడు. "షమీ ఆడటం లేదు అంటే అతను ఈ మ్యాచ్ సమయానికి పూర్తి ఫిట్‌ నెస్ తో లేడని స్పష్టంగా తెలుస్తోంది. అర్ష్‌దీప్‌ రూపంలో భారత్ ఒక ఫ్రంట్‌లైన్ పేసర్‌ను మాత్రమే ఆడించాలని నిర్ణయించుకుంది. హార్దిక్ పాండ్యా, నితీష్ కుమార్ రెడ్డి ఇద్దరూ పేస్ బౌలింగ్ చేయగల సత్తా ఉన్న ఆల్రౌండర్లు. ఇంగ్లాండ్ ఇందుకు భిన్నంగా నాలుగు పేసర్లను రంగంలోకి దించింది" అని మాజీ క్రికెటర్ ఆకాశ్‌ చోప్రా వ్యాఖ్యానించాడు.పరిస్థితులకు అనుగుణంగానేఈ మ్యాచ్ లో 34 బంతుల్లో 79 పరుగులు చేసిన భారత్ ఓపెనర్ అభిషేక్ శర్మ అనంతరం మాట్లాడుతూ, పరిస్థితుల ఆధారంగా జట్టు యాజమాన్యం షమీ నిర్ణయం తీసుకుందని అన్నాడు. "ఇది జట్టు యాజమాన్యం నిర్ణయం అని నేను భావిస్తున్నాను. పిచ్ పరిస్థితుల అనుగుణంగా చూసినట్టయితే ఇదే సరైన నిర్ణయమని వారు భావించారు" అని మ్యాచ్ తర్వాత జరిగిన విలేకరుల సమావేశంలో అభిషేక్ అన్నాడు.గంభీర్‌ నిర్ణయమేనా?ఇది పూర్తిగా కోచ్ గంభీర్ నిర్ణయంలాఅనిపిస్తోంది. జట్టులో ఉన్న స్టార్ సంస్కృతికి చెక్ పెట్టేందుకే ఈ నిర్ణయం తీసుకున్నారని భావించాల్సి ఉంటుంది. భారత్ జట్టు ఈ మ్యాచ్ లో ఘన విజయం సాధించిన దృష్ట్యా చూస్తే ఈ వ్యూహం ఫలించిందని చెప్పాలి. ఇక షమీని తప్పించిన విషయాన్ని పక్కన పెడితే , ముగ్గురు స్పిన్నర్లతో బరిలోకి దిగడం ఈడెన్ గార్డెన్స్ పిచ్ పై సరైన నిర్ణయమే అని రుజువైంది. మరి రానున్న ఛాంపియన్స్ ట్రోఫీ కి ఈ సిరీస్ సన్నాహక టోర్నమెంట్ గా భావిస్తున్న నేపథ్యంలో షమీ ఆడటం చాలా కీలకం. చెన్నై లో జరిగే రెండో మ్యాచ్ లో షమీ రంగప్రవేశం చేస్తాడేమో చూడాలి.

టీమిండియాతో తొలి టీ20లో ఓటమిపై ఇంగ్లండ్‌ కెప్టెన్‌ జోస్‌ బట్లర్‌(Jos Buttler) స్పందించాడు. పరుగులు రాబట్టేందుకు వీలుగా ఉన్న పిచ్‌ మీద సత్తా చాటలేకపోయామని విచారం వ్యక్తం చేశాడు. ప్రత్యర్థిపై ఒత్తిడి పెంచడంలో విఫలమయ్యామన్న బట్లర్‌.. ఆరంభంలోనే కీలక వికెట్లు కోల్పోవడం ప్రభావం చూపిందని తెలిపాడు. ఏదేమైనా భారత బౌలర్లు అద్భుతంగా ఆడారని.. తదుపరి మ్యాచ్‌లో తాము తిరిగి పుంజుకుంటామని పేర్కొన్నాడు.అర్ష్‌దీప్‌ అదరగొడితే..కాగా ఐదు టీ20ల సిరీస్‌లో భాగంగా ఇండియా- ఇంగ్లండ్‌ మధ్య బుధవారం తొలి మ్యాచ్‌ జరిగింది. ​కోల్‌కతాలోని చారిత్రాత్మక ఈడెన్‌ గార్డెన్స్‌(Eden Gardens)లో జరిగిన పోరులో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన ఇంగ్లండ్‌కు భారత పేసర్‌ అర్ష్‌దీప్‌ సింగ్‌ ఆదిలోనే షాకిచ్చాడు. ఓపెనర్లలో ఫిల్‌ సాల్ట్‌(0)ను డకౌట్‌ చేసిన ఈ లెఫ్టార్మ్‌ పేసర్‌.. అనంతరం బెన్‌ డకెట్‌(4)ను కూడా పెవిలియన్‌కు పంపాడు.వరుణ్‌ విశ్వరూపం ప్రదర్శించాడుఅర్ష్‌దీప్‌తో పాటు మిస్టరీ స్పిన్నర్‌, ‘ప్లేయర్‌ ఆఫ్‌ ది మ్యాచ్‌’ వరుణ్‌ చక్రవర్తి(Varun Chakravarthy) కూడా విశ్వరూపం ప్రదర్శించాడు. వరుస బంతుల్లో లివింగ్‌స్టోన్‌(0)తో పాటు హ్యారీ బ్రూక్‌(17)ను అవుట్‌ చేశాడు. అదే విధంగా.. కొరకాని కొయ్యగా మారిన కెప్టెన్‌ బట్లర్‌(44 బంతుల్లో 8 ఫోర్లు, 2 సిక్సర్లతో 68) వికెట్‌ను కూడా తన ఖాతాలో వేసుకున్నాడు. మిగతా వాళ్లలో హార్దిక్‌ పాండ్యా, అక్షర్‌ పటేల్‌ రెండేసి వికెట్లు తీశారు.ఈ క్రమంలో నిర్ణీత 20 ఓవర్లలో ఇంగ్లండ్‌ కేవలం 132 పరుగులు మాత్రమే చేసి ఆలౌట్‌ అయింది. అనంతరం లక్ష్య ఛేదనలో టీమిండియా ఆది నుంచే దూకుడు కనబరిచింది. అభిషేక్‌ శర్మ ధనాధన్‌సంజూ శాంసన్‌ (20 బంతుల్లో 26) వేగంగా ఇన్నింగ్స్‌ మొదలుపెట్టగా.. అభిషేక్‌ శర్మ అద్భుత హాఫ్‌ సెంచరీతో చెలరేగాడు. కేవలం 34 బంతుల్లోనే ఈ లెఫ్టాండర్‌ బ్యాటర్‌ 5 ఫోర్లు, 8 సిక్సర్లు బాది 79 పరుగులు చేశాడు.కెప్టెన్‌ సూర్యకుమార్‌ యాదవ్‌(0) విఫలం కాగా.. తిలక్‌ వర్మ(19), హార్దిక్‌ పాండ్యా(3) నాటౌట్‌గా నిలిచి జట్టును విజయతీరాలకు చేర్చారు. అభిషేక్‌ ధాటికి 12.5 ఓవర్లలో కేవలం మూడు వికెట్ల నష్టానికి టీమిండియా 133 పరుగులు చేసింది. తద్వారా ఏడు వికెట్ల తేడాతో ఇంగ్లండ్‌ను ఓడించి.. 1-0తో ఆధిక్యంలోకి వెళ్లింది.ఒత్తిడి పెంచలేకపోయాం.. ఓటమికి కారణం అదేఈ నేపథ్యంలో జోస్‌ బట్లర్‌ స్పందిస్తూ.. ‘‘టీమిండియాపై ఒత్తిడి పెంచలేకపోయాం. నిజంగా వాళ్లు అద్భుతంగా బౌలింగ్‌ చేశారు. ఇక మా జట్టులోని కొంత మంది.. కొందరు భారత స్పిన్నర్లను ఎదుర్కోవడం ఇదే తొలిసారి. వాస్తవానికి.. వికెట్‌ బాగానే ఉంది. ఫాస్ట్‌ స్కోరింగ్‌ గ్రౌండ్‌ ఇది.కానీ మేము ఆరంభంలోనే రెండు కీలక వికెట్లు కోల్పోవడం ప్రభావం చూపింది. టీ20 క్రికెట్‌లో మేము మరింత దూకుడుగా బ్యాటింగ్‌ చేస్తాం. అయితే, అల్ట్రా- అగ్రెసివ్‌ జట్టుతో పోటీలో ఈరోజు వెనుకబడిపోయాం. ఏదేమైనా టీమిండియాతో పోరు రసవత్తరంగా ఉంటుంది. తదుపరి మ్యాచ్‌లలో కచ్చితంగా రాణిస్తాం. ప్రతీ వేదికపై విభిన్న పిచ్‌ పరిస్థితులు ఉంటాయి.జోఫ్రా ఆర్చర్‌ సూపర్‌స్టార్‌మా జట్టులో జోఫ్రా ఆర్చర్‌ మెరుగ్గా బౌలింగ్‌ చేశాడు. అతడొక సూపర్‌స్టార్‌. ప్రత్యర్థిని కచ్చితంగా భయపెట్టగలడు. ముందుగా చెప్పినట్లు మేము తిరిగి పుంజుకుంటాం’’ అని పేర్కొన్నాడు. బ్యాటర్ల వైఫల్యం కారణంగానే తమకు ఓటమి ఎదురైనట్లు బట్లర్‌ చెప్పుకొచ్చాడు.కాగా తొలి టీ20లో ఇంగ్లండ్‌ స్పీడ్‌స్టర్‌ జోఫ్రా ఆర్చర్‌ సంజూ, సూర్య రూపంలో రెండు కీలక వికెట్లు తీశాడు. అభిషేక్‌ శర్మ వికెట్‌ను ఆదిల్‌ రషీద్‌ దక్కించుకున్నాడు. ఇక ఇండియా- ఇంగ్లండ్‌ మధ్య చెన్నై వేదికగా శనివారం రెండో టీ20 జరుగనుంది.చదవండి: NADA: డోపింగ్‌ పరీక్షలు.. బుమ్రా, సూర్య, పంత్‌, సంజూ శాంసన్‌.. ఇంకా..𝗔 𝗱𝗼𝗺𝗶𝗻𝗮𝘁𝗶𝗻𝗴 𝘀𝗵𝗼𝘄 𝗮𝘁 𝘁𝗵𝗲 𝗘𝗱𝗲𝗻 𝗚𝗮𝗿𝗱𝗲𝗻𝘀! 💪 💪#TeamIndia off to a flying start in the T20I series, sealing a 7⃣-wicket win! 👏 👏Follow The Match ▶️ https://t.co/4jwTIC5zzs#INDvENG | @IDFCFIRSTBank pic.twitter.com/hoUcLWCEIP— BCCI (@BCCI) January 22, 2025

జాతీయ డోపింగ్‌ నిరోధక సంస్థ (నాడా)లో కొత్తగా 14 మంది క్రికెటర్ల పేర్లు చేరాయి. ‘నాడా’ పరీక్షలు నిర్వహించేందుకు వీలుగా తయారు చేసే రిజిస్టర్డ్‌ టెస్టింగ్‌ పూల్‌ (ఆర్‌టీపీ)– 2025 జాబితాలో భారత టి20 కెప్టెన్‌ సూర్యకుమార్‌ యాదవ్, టాప్‌ పేసర్‌ జస్‌ప్రీత్‌ బుమ్రా ఉన్నారు. వీరితో పాటు బీసీసీఐ కాంట్రాక్ట్‌ క్రికెటర్లు శుబ్‌మన్‌ గిల్(Shubman Gill), రిషభ్‌ పంత్, హార్దిక్‌ పాండ్యా, శ్రేయస్‌ అయ్యర్, కేఎల్‌ రాహుల్, యశస్వి జైస్వాల్(Yashasvi Jaiswal), అర్ష్‌దీప్‌ సింగ్, సంజు శాంసన్‌, తిలక్‌ వర్మ(Tilak Varma) పేర్లు కూడా జత చేరాయి.ఇక ముగ్గురు మహిళా క్రికెటర్లు షఫాలీ వర్మ, దీప్తి శర్మ, రేణుకా సింగ్‌ పేర్లను కూడా ‘ఆర్‌టీపీ’లో చేర్చారు. ‘నాడా’ నిబంధనల ప్రకారం ఈ ఏడాదిలో ఏ సమయంలోనైనా వీరి శాంపిల్స్‌ను అధికారులు సేకరిస్తారు. డోపింగ్‌ పరీక్షలకు హాజరు కాకపోతేతాము ‘ఎప్పుడు, ఎక్కడ’ ఉంటామో చెబుతూ అధికారుల కోసం ఆటగాళ్లు అందుబాటులో ఉండాలి. తమ చిరునామా, ప్రాక్టీస్, ప్రయాణాలు, మ్యాచ్‌ల షెడ్యూల్‌వంటి వివరాలు కూడా వారు అందజేయాల్సి ఉంటుంది.కాగా డోపింగ్‌ పరీక్షలకు హాజరు కాకపోతే దానికి సదరు ఆటగాడే బాధ్యత వహించాల్సి ఉంటుంది. ఏడాది కాలంలో ఏదైనా కారణంతో మూడుసార్లు ఇలాగే జరిగితే డోపింగ్‌ నిబంధనల ఉల్లంఘన కింద ‘నాడా’ చర్యలు తీసుకుంటుంది. 2019 నుంచే ‘నాడా’ పరిధిలోకి క్రికెటర్లు రాగా... ఓవరాల్‌గా అన్ని క్రీడాంశాల్లో కలిపి ప్రస్తుతం 227 మంది భారత ప్లేయర్లు ఈ జాబితాలో ఉన్నారు.మరిన్నిక్రీడా వార్తలుఆసియా మిక్స్‌డ్‌ బ్యాడ్మింటన్‌ టోర్నీకి భారత జట్టు ప్రకటన న్యూఢిల్లీ: ఆసియా బ్యాడ్మింటన్‌ మిక్స్‌డ్‌ టీమ్‌ చాంపియన్‌షిప్‌లో పాల్గొనే భారత జట్టును ప్రకటించారు. ఫిబ్రవరి 11 నుంచి 16 వరకు చైనాలో జరగనున్న ఈ టోర్నీలో భారత్‌ నుంచి 14 మంది షట్లర్లు పాల్గొంటారు. రెండు ఒలింపిక్‌ పతకాలు నెగ్గిన స్టార్‌ పీవీ సింధుతోపాటు పారిస్‌ ఒలింపిక్స్‌లో పోటీపడ్డ లక్ష్య సేన్, హెచ్‌ఎస్‌ ప్రణయ్‌ ఈ ప్రతిష్టాత్మక టోరీ్నలో ఆడతారు. 2023లో దుబాయ్‌ వేదికగా జరిగిన ఈ టోర్నీలో భారత జట్టు కాంస్య పతకం నెగ్గింది.ఈసారి అంతకంటే మెరుగైన ప్రదర్శన చేయాలనే లక్ష్యంగా పెట్టుకున్నట్లు భారత బ్యాడ్మింటన్‌ సంఘం (బాయ్‌) కార్యదర్శి సంజయ్‌ మిశ్రా తెలిపారు. పురుషుల సింగిల్స్‌లో లక్ష్యసేన్, హెచ్‌ఎస్‌ ప్రణయ్, మహిళల సింగిల్స్‌లో సింధు, మాళవిక బరిలోకి దిగుతారు’ అని వెల్లడించారు. పురుషుల జట్టు: లక్ష్య సేన్, హెచ్‌ఎస్‌ ప్రణయ్, సాత్విక్‌ సాయిరాజ్, చిరాగ్‌ శెట్టి, ధ్రువ్‌ కపిల, ఎంఆర్‌ అర్జున్, సతీశ్‌ కుమార్‌. మహిళల జట్టు: సింధు, మాళవిక బన్సోద్, గాయత్రి గోపీచంద్, ట్రెసా జాలీ, అశ్విని పొన్నప్ప, తనీషా క్రాస్టో, ఆద్య. సహజ శుభారంభంబెంగళూరు: అంతర్జాతీయ టెన్నిస్‌ సమాఖ్య (ఐటీఎఫ్‌) డబ్ల్యూ100 మహిళల టోర్నీలో భారత రెండో ర్యాంకర్, తెలంగాణ అమ్మాయి సహజ యామలపల్లి శుభారంభం చేసింది. బుధవారం జరిగిన సింగిల్స్‌ తొలి రౌండ్‌లో ప్రపంచ 315వ ర్యాంకర్‌ సహజ 6–3, 3–6, 6–0తో ప్రపంచ 182వ ర్యాంకర్‌ యురికో మియజకి (జపాన్‌)పై సంచలన విజయం సాధించింది.2 గంటల 14 నిమిషాలపాటు జరిగిన ఈ మ్యాచ్‌లో సహజ తన సర్వీస్‌ను నాలుగుసార్లు కోల్పోయి, ప్రత్యర్థి సర్వీస్‌ను ఏడుసార్లు బ్రేక్‌ చేసింది. హైదరాబాద్‌కే చెందిన మరో క్రీడాకారిణి భమిడిపాటి శ్రీవల్లి రషి్మక 0–6, 0–6తో ప్రపంచ 155వ ర్యాంకర్‌ సారా బెజ్లెక్‌ (చెక్‌ రిపబ్లిక్‌) చేతిలో 45 నిమిషాల్లో ఓడిపోయింది. మరో మ్యాచ్‌లో భారత నంబర్‌వన్‌ అంకిత రైనా 7–6 (7/2), 7–6 (7/4)తో దరియా కుదషోవా (రష్యా)పై గెలిచింది.

సౌతాఫ్రికా గడ్డపై విజయం తర్వాత సూర్యకుమార్‌ సేన స్వదేశంలో మరో పొట్టి ఫార్మాట్‌ పోరుకు సిద్ధమైంది. ఇంగ్లండ్‌(India Vs England)తో ఐదు మ్యాచ్‌ల సిరీస్‌లో భాగంగా కోల్‌కతా వేదికగా బుధవారం తొలి టీ20 ఆడనుంది. ఈడెన్‌ గార్డెన్స్‌లో జరిగే ఈ మ్యాచ్‌ కోసం ఇరుజట్లు పూర్తిస్థాయిలో సన్నద్ధమయ్యాయి. బ్యాటింగ్‌కు అనుకూలించే పిచ్‌పై పరుగుల వరద పారించేందుకు సై అంటున్నాయి.ఇక టీ20 ప్రపంచకప్‌-2024(T20 World Cup 2024)లో సెమీస్‌లో తలపడ్డ ఇండియా- ఇంగ్లండ్‌ ముఖాముఖి పోటీపడటం ఇదే తొలిసారి. నాడు టీమిండియా చేతిలో చిత్తైన ఇంగ్లిష్‌ జట్టు ప్రతీకారం తీర్చుకోవాలని భావిస్తుండగా.. ఆధిపత్యాన్ని నిలబెట్టుకోవాలని భారత్‌ పట్టుదలగా ఉంది. దీంతో ఈ పోరు మరింత రసవత్తరంగా మారనుంది.ఇదిలా ఉంటే.. వరల్డ్‌కప్‌-2024 సమయంలో టీమిండియా వైస్‌ కెప్టెన్‌గా ఉన్న హార్దిక్‌ పాండ్యాకు భారత క్రికెట్‌ నియంత్రణ మండలి భారీ షాకిచ్చిన విషయం తెలిసిందే. ఐసీసీ టోర్నీలో అదరగొట్టిన ఈ ఆల్‌రౌండర్‌ను కాదని.. సూర్యకుమార్‌ యాదవ్‌ను రోహిత్‌ శర్మ(Rohit Sharma) వారసుడిగా ప్రకటించింది. సారథిగా సూపర్‌ హిట్‌ఈ క్రమంలో గతేడాది శ్రీలంక పర్యటన సందర్భంగా టీ20 పూర్తిస్థాయి కెప్టెన్‌గా బాధ్యతలు చేపట్టిన సూర్య.. 3-0తో క్లీన్‌స్వీన్‌ విజయంతో ప్రస్థానం ఆరంభించాడు. అనంతరం సొంతగడ్డపై బంగ్లాదేశ్‌పై కూడా సూర్య ఇదే ఫలితం పునరావృతం చేయగలిగాడు. ఆ తర్వాత సౌతాఫ్రికా పర్యటనలో 3-1తో టీమిండియాను గెలిపించాడు. ఇక ఇంగ్లండ్‌తో టీ20 సిరీస్‌ల నేపథ్యంలో కొత్త వైస్‌ కెప్టెన్‌గా అక్షర్‌ పటేల్‌ ఎంపికయ్యాడు. ఈ నేపథ్యంలో హార్దిక్‌ పాండ్యాతో సూర్య అనుబంధం పట్ల అనుమానాలు వ్యక్తం అవుతున్నాయి. ఈ నేపథ్యంలో మంగళవారం మీడియా సమావేశంలో భాగంగా ఈ ప్రస్తావన రాగా సూర్య హుందాగా స్పందించాడు.మా జట్టులో చాలా మంది కెప్టెన్లు ఉన్నారు.. హార్దిక్‌ మాత్రం‘‘హార్దిక్‌ పాండ్యాతో నాకు మంచి సాన్నిహిత్యం ఉంది. మా నాయకత్వ బృందంలో అతడు ఎల్లప్పుడూ కీలక భాగమే. భారత జట్టును ఎలా నడిపించాలో మాకందరికీ బాగా తెలుసు. మైదానంలోకి దిగాక జట్టు కోసం అందరం చర్చించే నిర్ణయం తీసుకుంటాం. సరిగ్గా చెప్పాలంటే మా జట్టులో ఒకరికంటే ఎక్కువ మంది కెప్టెన్లు ఉన్నారు. మైదానంలో అవసరమైనపుడు సూచనలు, సలహాలు ఇస్తారు.ఇక హెడ్‌ కోచ్‌ గౌతం గంభీర్‌తో కూడా నేను గతంలో కలిసి పని చేశాను. ఆయన ఆటగాళ్లకు మంచి స్వేచ్ఛనిస్తారు. కోచ్‌ పర్యవేక్షణలో ప్రస్తుతం మా జట్టు సరైన దిశలోనే వెళుతోంది. వికెట్‌ కీపర్‌గా సంజూ శాంసన్‌ బాగా ఆడుతున్నాడు కాబట్టి మరో ప్లేయర్‌ గురించి ఆలోచన లేదు.ఒకే జట్టుతో ఎక్కువ మ్యాచ్‌లుటీ20 వరల్డ్‌ కప్‌ టోర్నీకి ఇంకా చాలా సమయం ఉంది. ఆలోగా దాదాపు ఒకే జట్టుతో ఎక్కువ మ్యాచ్‌లు ఆడి టీమ్‌ను సిద్ధం చేయడం ముఖ్యం’’ అని సూర్యకుమార్‌ యాదవ్‌ పేర్కొన్నాడు. జట్టులో ఎలాంటి విభేదాలు లేవని స్పష్టం చేస్తూనే.. తమ భవిష్యత్తు ప్రణాళిక గురించి కూడా వివరించాడు.నేను బాగా ఆడలేదు కాబట్టేఇక ఐసీసీ చాంపియన్స్‌ ట్రోఫీ-2025లో పాల్గొనే భారత జట్టులో చోటు దక్కకపోవడంపై కూడా సూర్య ఈ సందర్భంగా స్పందించాడు. వన్డే ఫార్మాట్లో తన ప్రదర్శన బాగా లేనందువల్లే ఎంపిక కాలేదని నిజాయితీగా ఒప్పుకొన్నాడు. ఏదేమైనా వన్డేల్లో బాగా ఆడలేకపోవడమే తనను తీవ్ర నిరాశకు గురి చేస్తోందని తెలిపాడు.చదవండి: ఐసీసీ ఛాంపియన్స్‌ ట్రోఫీ బెస్ట్‌ టీమ్‌.. కెప్టెన్‌గా సంజూ శాంసన్‌! నితీశ్‌కు చోటు?

ఇంగ్లండ్‌తో టీ20 సమరానికి(India vs England T20 Series) టీమిండియా సన్నద్ధమైంది. కోల్‌కతాలోని ప్రసిద్ధ ఈడెన్‌ గార్డెన్స్‌ వేదికగా బుధవారం(జనవరి 22) బట్లర్‌ బృందంతో తొలి టీ20లో తలపడనుంది. ఆస్ట్రేలియా గడ్డపై బోర్డర్‌- గావస్కర్‌ ట్రోఫీ సిరీస్‌లో 3-1తో ఓటమి తర్వాత భారత జట్టు ఆడుతున్న మొదటి సిరీస్‌ ఇది.ఈ నేపథ్యంలో తిరిగి విజయాల బాట పట్టాలని.. ఇంగ్లండ్‌తో టీ20లతో పాటు వన్డేల్లోనూ అదరగొట్టాలని టీమిండియా భావిస్తోంది. ఐసీసీ చాంపియన్స్‌ ట్రోఫీ-2025(ICC Champions Trophy)కి ముందు జరిగే ఈ పరిమిత సిరీస్‌లలో విజయాలు సాధించి ఆత్మవిశ్వాసంతో ఐసీసీ టోర్నీలో అడుగుపెట్టాలని పట్టుదలగా ఉంది.ఓపెనింగ్‌ జోడీ అదేకాగా ఇంగ్లండ్‌తో తొలుత ఐదు టీ20లు, అనంతరం మూడు వన్డేల సిరీస్‌లు ఆడనున్న విషయం తెలిసిందే. ఈ నేపథ్యంలో తొలి టీ20లో భారత తుదిజట్టు కూర్పు ఎలా ఉండబోతుందన్న అంశం ఆసక్తికరంగా మారింది. ఈ మ్యాచ్‌లో సంజూ శాంసన్‌, అభిషేక్‌ శర్మ జోడీనే ఓపెనర్లుగా కొనసాగనున్నారు. నిజానికి సంజూ ఓపెనింగ్‌ బ్యాటర్‌గా ప్రమోట్‌ అయిన తర్వాతే నిలకడగా రాణిస్తున్నాడు.ఇటీవల సౌతాఫ్రికా గడ్డపై టీ20 సిరీస్‌లో రెండు శతకాలతో చెలరేగిన ఈ కేరళ వికెట్‌ కీపర్‌ బ్యాటర్‌.. ఓపెనింగ్‌ స్థానంలో వచ్చి ఇప్పటి వరకు 366 పరుగులు సాధించాడు. అతడి స్ట్రైక్‌రేటు 198.91 కావడం గమనార్హం. ఇక అంతర్జాతీయ టీ20లలో సంజూ ఇప్పటికే మూడు సెంచరీలు తన పేరిట లిఖించుకున్నాడు.మరోవైపు.. అభిషేక్‌ శర్మ మాత్రం ఐపీఎల్‌ మాదిరి టీమిండియా తరఫున బ్యాట్‌ ఝులిపించలేకపోతున్నాడు. బంగ్లాదేశ్‌తో టీ20 సిరీస్‌ తర్వాత అతడి సగటు కేవలం 18.85 కావడం గమనార్హం. అయితే, దేశీ టీ20 టోర్నీలో మాత్రం మంచి ఫామ్‌ కనబరిచాడు. సయ్యద్‌ ముస్తాక్‌ అలీ ట్రోఫీ తాజా ఎడిషన్‌లో పంజాబ్‌ కెప్టెన్‌గా ‍వ్యవహరించిన అభిషేక్‌.. 255 పరుగులు చేశాడు.వరుసగా మూడు శతకాలుఇక మూడో స్థానంలో హైదరాబాదీ స్టార్‌ తిలక్‌ వర్మ దిగడం ఖాయమే. సౌతాఫ్రికాతో టీ20లలో వరుస శతకాలు బాదిన ఈ ఎడమచేతి వాటం బ్యాటర్‌.. సయ్యద్‌ ముస్తాక్‌ అలీ ట్రోఫీలోనూ సెంచరీతో చెలరేగాడు. తద్వారా పొట్టి ఫార్మాట్లో ఓవరాల్‌గా వరుసగా మూడు శతకాలు సాధించిన తొలి ప్లేయర్‌గా చరిత్ర సృష్టించాడు.మరోవైపు.. మిడిలార్డర్‌లో కీలకమైన నాలుగో స్థానంలో కెప్టెన్‌ సూర్యకుమార్‌ యాదవ్‌ రాగా.. ఈసారి కూడా టీమిండియా ఇద్దరు పేస్‌ బౌలింగ్‌ ఆల్‌రౌండర్లతో బరిలోకి దిగనున్నట్లు తెలుస్తోంది. హార్దిక్‌ పాండ్యాతో పాటు నితీశ్‌ కుమార్‌ రెడ్డి(Nitish Kumar Reddy) కూడా ప్లేయింగ్‌ ఎలెవన్‌లో ఉండటానికి ఎక్కువ అవకాశాలు ఉన్నాయి. ఆస్ట్రేలియా గడ్డపై శతకం(టెస్టు) బాదిన నితీశ్‌ రెడ్డి.. తనకు గుర్తింపు తెచ్చిన టీ20 ఫార్మాట్లో ఇంగ్లండ్‌పై ఏ మేరకు రాణిస్తాడో చూడాలి! వీరితో పాటు ఫినిషర్‌ రింకూ జట్టులో ఉండనే ఉంటాడు.షమీ రాక.. రాణాకు నో ఛాన్స్‌ఇక బౌలర్ల విషయంలో.. ముఖ్యంగా పేసర్ల విషయంలో కాస్త సందిగ్దం నెలకొనే అవకాశం ఉంది. దాదాపు పద్నాలుగు నెలల తర్వాత సీనియర్‌ పేసర్‌ మహ్మద్‌ షమీ ఈ సిరీస్‌తో పునరాగమనం చేస్తున్నాడు. కాబట్టి అతడు పూర్తి ఫిట్‌గా ఉంటే యాక్షన్‌లోకి దిగడం లాంఛనమే. అయితే, అతడితో పాటు పేస్‌ దళంలో అర్ష్‌దీప్‌ సింగ్‌ ఒక్కడికే ఛాన్స్‌ దక్కనుంది.చాంపియన్స్‌ ట్రోఫీకి ముందు అర్ష్‌ కూడా వీలైనంత ఎక్కువ క్రికెట్‌ ఆడతాడు. దీంతో హర్షిత్‌ రాణా బెంచ్‌కే పరిమితం కావాల్సిన పరిస్థితి. ఇక స్పిన్‌ విభాగంలో ఆల్‌రౌండర్‌ అక్షర్‌ పటేల్‌తో పాటు మిస్టరీ స్పిన్నర్‌ వరుణ్‌ చక్రవర్తి తుదిజట్టులో ఆడనుండగా.. వాషింగ్టన్‌ సుందర్‌, రవి బిష్ణోయిని మేనేజ్‌మెంట్‌ పక్కనపెట్టనున్నట్లు సమాచారం. ఇక వికెట్‌ కీపర్‌గా సంజూ అందుబాటులో ఉంటాడు కాబట్టి ధ్రువ్‌ జురెల్‌ కూడా బెంచ్‌కే పరిమితమవ్వాల్సిన పరిస్థితి.ఇంగ్లండ్‌తో తొలి టీ20కి భారత తుదిజట్టు(అంచనా)సంజూ శాంసన్‌, అభిషేక్‌ శర్మ, తిలక్‌ వర్మ, సూర్యకుమార్‌ యాదవ్‌(కెప్టెన్‌), హార్దిక్‌ పాండ్యా, రింకూ సింగ్‌, నితీశ్‌ కుమార్‌ రెడ్డి, అక్షర్‌ పటేల్‌, మహ్మద్‌ షమీ, అర్ష్‌దీప్‌ సింగ్‌, వరుణ్‌ చక్రవర్తి.బెంచ్‌: వాషింగ్టన్‌ సుందర్‌, ధ్రువ్‌ జురెల్‌, హర్షిత్‌ రాణా, రవి బిష్ణోయి.చదవండి: Ind vs Eng: టీ20, వన్డే సిరీస్‌లకు భారత్‌, ఇంగ్లండ్‌ జట్లు ఇవే

ఆస్ట్రేలియా స్టార్‌ మిడిలార్డర్‌ బ్యాటర్‌ మార్నస్‌ లబూషేన్‌ భారత టీ20 జట్టు కెప్టెన్‌ సూర్యకుమార్‌ యాదవ్‌ను గుర్తు చేశాడు. బిగ్‌బాష్‌ లీగ్‌ 2024-25లో భాగంగా హోబర్ట్‌ హరికేన్స్‌తో జరుగుతున్న మ్యాచ్‌లో లబూషేన్‌ స్కై ట్రేడ్‌మార్క్‌ 360 డిగ్రీస్‌ స్కూప్‌ షాట్‌ ఆడాడు. లబూషేన్‌ ఈ షాట్‌ను అచ్చుగుద్దినట్లు సూర్యకుమార్‌ యాదవ్‌లా ఆడాడు. దీనికి సంబంధించిన వీడియో సోషల్‌మీడియాలో వైరలవుతుంది.😱 MARNUS 😱That's some shot at The Gabba! #BBL14 pic.twitter.com/VTTdEULcEy— KFC Big Bash League (@BBL) January 16, 2025ఎప్పుడూ క్లాసీ షాట్లు ఆడే లబూషేన్‌ విన్నూత్నమైన షాట్‌ ఆడి అందరినీ ఆశ్చర్యపరిచాడు. హోబర్ట్‌ హరికేన్స్‌తో జరుగుతున్న మ్యాచ్‌లో లబూషేన్‌ మెరుపు ఇన్నింగ్స్‌ ఆడాడు. ఈ మ్యాచ్‌లో 44 బంతులు ఎదుర్కొన్న లబూషేన్‌ 8 ఫోర్లు, 2 సిక్సర్ల సాయంతో 77 పరుగులు చేశాడు. బిగ్‌బాష్‌ లీగ్‌లో లబూషేన్‌కు ఇదే అత్యధిక స్కోర్‌.లబూషేన్‌ సూపర్‌ ఇన్నింగ్స్‌తో రాణించడంతో తొలుత బ్యాటింగ్‌ చేసిన బ్రిస్బేన్‌ హీట్‌ నిర్ణీత 20 ఓవర్లలో 6 వికెట్ల నష్టానికి 201 పరుగులు చేసింది. బ్రిస్బేన్‌ హీట్‌ ఇన్నింగ్స్‌లో ఉస్మాన్‌ ఖ్వాజా (9 బంతుల్లో 23; 3 ఫోర్లు, సిక్స్‌), మ్యాట్‌ రెన్‌షా (25 బంతుల్లో 40; 3 ఫోర్లు, 2 సిక్సర్లు), అల్సోప్‌ (27 బంతుల్లో 39; 4 ఫోర్లు) కూడా మెరుపు ఇన్నింగ్స్‌లు ఆడారు. నాథన్‌ మెక్‌స్వీని (1), మ్యాక్స్‌ బ్రయాంట్‌ (4) విఫలమయ్యారు.లబూషేన్‌ ధాటికి హరికేన్స్‌ బౌలర్లు ధారాళంగా పరుగులు సమర్పించుకున్నారు. ముఖ్యంగా రిలే మెరిడిత్‌కు లబూషేన్‌ చుక్కలు చూపించాడు. లబూషేన్‌ స్కై తరహా సూపర్‌ సిక్సర్‌ను మెరిడిత్‌ బౌలింగ్‌లోనే బాదాడు. మెరిడిత్‌ తన కోటా నాలుగు ఓవర్లలో వికెట్లు ఏమీ తీసుకోకుండా 57 పరుగులు సమర్పించుకున్నాడు. హరికేన్స్‌ కెప్టెన్‌ నాథన్‌ ఇల్లిస్‌ మూడు వికెట్లు తీసుకున్నప్పటికీ.. 4 ఓవర్లలో 42 పరుగులు సమర్పించుకున్నాడు. మార్కస్‌ బీన్‌, మిచెల్‌ ఓవెన్‌ తలో వికెట్‌ పడగొట్టారు.202 పరుగుల భారీ లక్ష్యాన్ని ఛేదించేందుకు బరిలోకి దిగిన హరికేన్స్‌ ధాటికి ఇన్నింగ్స్‌ను ప్రారంభించింది. ఆ జట్టు 8.2 ఓవర్లలో రెండు వికెట్ల నష్టానికి 87 పరుగులు చేసింది. ఓపెనర్‌ మిచెల్‌ ఓవెన్‌ సుడిగాలి ఇన్నింగ్స్‌ ఆడి ఔటయ్యాడు. ఓవెన్‌ 20 బంతుల్లో బౌండరీ, అర డజను సిక్సర్ల సాయంతో 44 పరుగులు చేశాడు. మరో ఓపెనర్‌ కాలెబ్‌ జువెల్‌ కూడా ధాటిగా ఆడుతున్నాడు. కాలెబ్‌ 24 బంతుల్లో 7 ఫోర్ల సాయంతో 38 పరుగులు చేసి ఇన్నింగ్స్‌ను కొనసాగిస్తున్నాడు. చార్లీ వకీం డకౌట్‌ కాగా.. కాలెబ్‌కు జతగా నిఖిల్‌ చౌదరీ క్రీజ్‌లో ఉన్నాడు. ఈ మ్యాచ్‌లో హరికేన్స్‌ నెగ్గాలంటే 70 బంతుల్లో 115 పరుగులు చేయాల్సి ఉంది.

ఇంగ్లండ్‌తో టీ20 సిరీస్‌(India vs England)కు భారత క్రికెట్‌ నియంత్రణ మండలి(బీసీసీఐ) తమ జట్టును ప్రకటించింది. సూర్యకుమార్‌ యాదవ్‌ కెప్టెన్సీలోని ఈ జట్టులో పదిహేను మందికి స్థానం కల్పించినట్లు తెలిపింది. ఇందుకు సంబంధించి శనివారం అధికారిక ప్రకటన విడుదల చేసింది.ఎట్టకేలకు షమీ పునరాగమనంఇక ఈ సిరీస్‌తో టీమిండియా సీనియర్‌ పేసర్‌ మహ్మద్‌ షమీ ఎట్టకేలకు పునరాగమనం చేయనున్నాడు. వన్డే వరల్డ్‌కప్‌-2023 తర్వాత చీలమండ నొప్పికి శస్త్ర చికిత్స చేయించుకున్న ఈ బెంగాల్‌ బౌలర్‌.. దాదాపు ఏడాది కాలంగా జట్టుకు దూరంగా ఉన్న విషయం తెలిసిందే. ఈ క్రమంలో దేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ ట్రోఫీ బరిలో దిగిన షమీ.. తొమ్మిది మ్యాచ్‌లు ఆడి పదకొండు వికెట్లు పడగొట్టాడు.అనంతరం దేశీ వన్డే టోర్నీ విజయ్‌ హజారే ట్రోఫీలోనూ బెంగాల్‌ తరఫున బరిలోకి దిగి.. ఎటువంటి ఇబ్బంది లేకుండా పది ఓవర్ల కోటా పూర్తి చేశాడు. ఈ క్రమంలో ఫిట్‌నెస్‌ నిరూపించుకున్న షమీకి టీమిండియా సెలక్టర్లు పిలుపునిచ్చారు. ఇక పేస్‌ దళ నాయకుడు జస్‌ప్రీత్‌ బుమ్రాతో పాటు, మరో స్టార్‌ ఫాస్ట్‌ బౌలర్‌ మహ్మద్‌ సిరాజ్‌ విశ్రాంతి పేరిట జట్టుకు దూరమయ్యారు.వైస్‌ కెప్టెన్‌గా అతడేఈ క్రమంలో షమీ సారథ్యంలోని పేస్‌ విభాగంలో అర్ష్‌దీప్‌ సింగ్‌తో పాటు హర్షిత్‌ రాణా చోటు దక్కించుకున్నారు. ఇక స్పిన్నర్ల కోటాలో వరుణ్‌ చక్రవర్తి, రవి బిష్షోయి స్థానం సంపాదించగా.. ఆల్‌రౌండర్ల జాబితాలో హార్దిక్‌ పాండ్యా, నితీశ్‌ కుమార్‌ రెడ్డి, అక్షర్‌ పటేల్‌(Axar Patel), వాషింగ్టన్‌ సుందర్‌ ఎంపికయ్యారు. ఇక ఈ సిరీస్‌ ద్వారా.. స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ వైస్‌ కెప్టెన్‌గా వ్యవహరించనున్నాడు.సూపర్‌స్టార్‌పై వేటు!మరోవైపు.. సూపర్‌స్టార్‌, వికెట్‌ కీపర్‌ బ్యాటర్‌ రిషభ్‌ పంత్‌(Rishabh Pant)ను మాత్రం సెలక్టర్లు ఇంగ్లండ్‌తో టీ20లకు ఎంపిక చేయలేదు. వికెట్‌ కీపర్ల కోటాలో సంజూ శాంసన్‌తో పాటు ధ్రువ్‌ జురెల్‌ చోటు దక్కించుకున్నాడు. అయితే, ఆస్ట్రేలియాతో బోర్డర్‌- గావస్కర్‌ ట్రోఫీ కారణంగా బిజీగా గడిపిన పంత్‌కు విశ్రాంతినిచ్చారా? లేదంటే అతడిపై వేటు వేశారా అన్నది మాత్రం తెలియరాలేదు.ఇక సౌతాఫ్రికాలో మాదిరి ఈసారి కూడా అభిషేక్‌ శర్మతో కలిసి సంజూ శాంసన్‌ ఓపెనర్‌గా బరిలోకి దిగనుండగా.. లెఫ్టాండర్లు తిలక్‌ వర్మ, రింకూ సింగ్‌ కూడా ఈ జట్టులో ఉన్నారు. సౌతాఫ్రికా పర్యటనలో అదరగొట్టిన టీమిండియాకాగా సూర్య సేన చివరగా సౌతాఫ్రికా పర్యటనలో భాగంగా టీ20 సిరీస్‌ ఆడింది. ఆ టూర్‌లో సంజూ శాంసన్‌, తిలక్‌ వర్మ రెండేసి శతకాలతో దుమ్ములేపారు. వీళ్లిద్దరి విధ్వంసకర ఇన్నింగ్స్‌ కారణంగా టీమిండియా ప్రొటిస్‌ జట్టును 3-1తో ఓడించి సిరీస్‌ కైవసం చేసుకుంది. ఇంగ్లండ్‌తో ఐదు టీ20లుకోల్‌కతా వేదికగా జనవరి 22న మొదటి టీ20 జరుగనుండగా.. జనవరి 25న చెన్నై రెండో టీ20 మ్యాచ్‌కు ఆతిథ్యం ఇవ్వనుంది. అనంతరం.. జనవరి 28న రాజ్‌కోట్‌లో మూడో టీ20.. జనవరి 31న పుణె వేదికగా నాలుగో టీ20, ఫిబ్రవరి 2న ముంబైలో ఐదో టీ20 జరుగనుంది. అయితే, ఇంగ్లండ్‌తో మూడు వన్డేలకు మాత్రం బీసీసీఐ జట్టును ప్రకటించలేదు.ఇంగ్లండ్‌తో టీ20 సిరీస్‌కు భారత జట్టుసూర్యకుమార్‌ యాదవ్‌(కెప్టెన్‌), సంజూ శాంసన్‌(వికెట్‌ కీపర్‌), అభిషేక్‌ శర్మ, తిలక్‌ వర్మ, హార్దిక్‌ పాండ్యా, రింకూ సింగ్‌, నితీశ్‌ కుమార్‌ రెడ్డి, అక్షర్‌ పటేల్‌(వైస్‌ కెప్టెన్‌), హర్షిత్‌ రాణా, అర్ష్‌దీప్‌ సింగ్‌, మహ్మద్‌ షమీ, వరుణ్‌ చక్రవర్తి, రవి బిష్ణోయి, వాషింగ్టన్‌ సుందర్‌, ధ్రువ్‌ జురెల్‌(వికెట్‌ కీపర్‌). చదవండి: స్టీవ్‌ స్మిత్‌ ఊచకోత.. విధ్వంసకర శతకం.. ‘బిగ్‌’ రికార్డ్‌!

కొత్త సంవత్సరంలో క్రికెట్‌ ప్రేమికులకు మజా అందించేందుకు మరో ఐసీసీ టోర్నీ సిద్ధమైంది. హైబ్రిడ్‌ విధానంలో చాంపియన్స్‌ ట్రోఫీ-2025(Champions Trophy 2025) నిర్వహణకు షెడ్యూల్‌ ఖరారైంది. పాకిస్తాన్‌ వేదికగా ఫిబ్రవరి 19 నుంచి మొదలుకానున్న ఈ మెగా ఈవెంట్‌లో.. టీమిండియా మాత్రం తటస్థ వేదికపై తమ మ్యాచ్‌లు ఆడనుంది. దుబాయ్‌ వేదికగా ప్రత్యర్థి జట్లతో తలపడనుంది.వన్డే ఫార్మాట్‌ టోర్నీలో ఎనిమిది జట్లుఇక ఈ ఐసీసీ టోర్నీకి డిఫెండింగ్‌ చాంపియన్‌ హోదాలో పాక్‌ నేరుగా అర్హత సాధించగా.. వన్డే వరల్డ్‌కప్‌-2023 ప్రదర్శన ఆధారంగా ఆస్ట్రేలియా, టీమిండియా, సౌతాఫ్రికా, న్యూజిలాండ్‌, అఫ్గనిస్తాన్‌, ఇంగ్లండ్‌, బంగ్లాదేశ్‌ క్వాలిఫై అయ్యాయి. ఈ టోర్నీలో పాల్గొనబోయే ఈ ఎనిమిది జట్లను రెండు గ్రూపులుగా విభజించారు.డెడ్‌లైన్‌ ఆరోజేగ్రూపు-‘ఎ’లో భారత్‌తో పాటు న్యూజిలాండ్‌, పాకిస్తాన్‌, సౌతాఫ్రికా ఉండగా.. గ్రూపు-‘బి’ నుంచి అఫ్గనిస్తాన్‌, ఆస్ట్రేలియా, బంగ్లాదేశ్‌, ఇంగ్లండ్‌ పోటీపడనున్నాయి. ఈ మెగా టోర్నీకి సంబంధించి జట్లను ప్రకటించేందుకు ఐసీసీ జనవరి 12 వరకు గడువు ఇచ్చింది. అదే విధంగా ఈ ప్రొవిజనల్‌ జట్లలో మార్పులు చేసుకునేందుకు వీలుగా ఫిబ్రవరి 13 వరకు సమయం ఇచ్చింది.ఈ నేపథ్యంలో జనవరి 11న భారత క్రికెట్‌ నియంత్రణ మండలి(బీసీసీఐ) జట్టును ప్రకటించనున్నట్లు తెలుస్తోంది. ఇదిలా ఉంటే.. చాంపియన్స్‌ ట్రోఫీ కంటే ముందు స్వదేశంలో ఇంగ్లండ్‌తో పరిమిత ఓవర్ల సిరీస్‌కు బీసీసీఐ ముందుగా జట్టును ప్రకటించేందుకు సిద్ధమైనట్లు సమాచారం. ఈలోపు టీమిండియా మాజీ క్రికెటర్‌ ఆకాశ్‌ చోప్రా ఈ రెండు ఈవెంట్లకు తన జట్టును ఎంచుకున్నాడు.మరోసారి కెప్టెన్‌గా, ఓపెనర్‌గా రోహిత్‌ శర్మ రోహిత్‌ శర్మనే కెప్టెన్‌గా కొనసాగించిన ఆకాశ్‌ చోప్రా(Aakash Chopra).. శ్రేయస్‌ అయ్యర్‌(Shreyas Iyer)ను తిరిగి జట్టులోకి తీసుకోవాలని సూచించాడు. అయితే, వన్డేల్లో తేలిపోతున్న సూర్యకుమార్‌ యాదవ్‌తో పాటు సంజూ శాంసన్‌ను కూడా నొర్మొహమాటంగా పక్కన పెట్టాలని ఆకాశ్‌ చోప్రా అభిప్రాయపడ్డాడు. ‘‘రోహిత్‌ శర్మ మరోసారి కెప్టెన్‌గా, ఓపెనర్‌గా ఉండబోతుఉన్నాడు.వన్డే వరల్డ్‌కప్‌-2023 నుంచి అతడు 14 ఇన్నింగ్స్‌ ఆడి 754 పరుగులు చేశాడు. ఇందులో ఓ సెంచరీ, ఓ అర్ధ శతకం ఉంది. ఇక శుబ్‌మన్‌ గిల్‌ గణాంకాలు అంత గొప్పగా ఏమీలేవు. ప్రపంచకప్‌ కలుపుకొని 12 ఇన్నింగ్స్‌లో కలిపి 411 రన్స్‌ చేశాడు. కాబట్టి యశస్వి జైస్వాల్‌పై కూడా మేనేజ్‌మెంట్‌ దృష్టి సారించే అవకాశం ఉంది.సూర్య, సంజూలకు నో ఛాన్స్‌అయితే, తుదిజట్టులో మాత్రం అతడికి చోటు దక్కకపోవచ్చు. అయినప్పటికీ ప్రధాన జట్టులో జైస్వాల్‌ ఉండాలి. ఇక విరాట్‌ కోహ్లి తప్పక ఈ జట్టులో ఉంటాడు. కానీ సూర్యకుమార్‌ యాదవ్‌కు మాత్రం ఈసారి జట్టులో స్థానం దక్కదు. విజయ్‌ హజారే ట్రోఫీలోనూ అతడు పరుగులు రాబట్టలేకపోయాడు.ఇక సంజూ శాంసన్‌ ఇంత వరకు ఈ దేశీ వన్డే టోర్నీలో ఆడనేలేదు. అయితే, శ్రేయస్‌ అయ్యర్‌ మాత్రం వరల్డ్‌కప్‌ నుంచే మంచి ఫామ్‌లో ఉన్నాడు. ప్రపంచకప్‌ నుంచి 15 ఇన్నింగ్స్‌లో కలిపి 620 రన్స్‌ చేశాడు. కేఎల్‌ రాహుల్‌, రిషభ్‌ పంత్‌, హార్దిక్‌ పాండ్యా కూడా ఈ జట్టులో ఉంటారు. వన్డేల్లో పంత్‌ రికార్డు గొప్పగా లేకున్నా ఇషాన్‌ కిషన్‌ స్థానంలో అతడు టీమ్‌లోకి వస్తాడు’’ అని ఆకాశ్‌ చోప్రా అభిప్రాయపడ్డాడు. ఇంగ్లండ్‌తో వన్డే సిరీస్‌లోనూ దాదాపు ఇదే జట్టు పాల్గొంటుందని అంచనా వేశాడు.చాంపియన్స్‌ ట్రోఫీ 2025కి ఆకాశ్‌ చోప్రా ఎంచుకున్న భారత జట్టురోహిత్‌ శర్మ(కెప్టెన్‌), శుబ్‌మన్‌ గిల్‌, యశస్వి జైస్వాల్‌, విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌, రిషభ్‌ పంత్‌, హార్దిక్‌ పాండ్యా, రవీంద్ర జడేజా, అక్షర్‌ పటేల్‌, కుల్దీప్‌ యాదవ్‌, జస్‌ప్రీత్‌ బుమ్రా, మహ్మద్‌ సిరాజ్‌, మహ్మద్‌ షమీ, అర్ష్‌దీప్‌ సింగ్‌.చదవండి: SL vs AUS: ఆస్ట్రేలియా కెప్టెన్‌గా స్టీవ్‌ స్మిత్‌

ఇండియన్‌ ప్రీమియర్‌ లీగ్‌(ఐపీఎల్‌) ఫ్రాంఛైజీ ముంబై ఇండియన్స్‌(Mumbai Indians) గతేడాది ఘోర పరాభవాన్ని చవిచూసింది. పద్నాలుగు మ్యాచ్‌లలో కేవలం నాలుగే గెలిచి.. పాయింట్ల పట్టికలో అట్టడుగున పదో స్థానంలో నిలిచింది. స్టార్‌ ప్లేయర్లు ఉన్నా పేలవ ప్రదర్శనతో చతికిలపడి అవమానభారంతో లీగ్‌ దశలోనే నిష్క్రమించింది.అయితే, ఈ దుస్థితికి యాజమాన్యమే కారణమని ముంబై ఇండియన్స్‌ అభిమానులే విమర్శల వర్షం కురిపించారు. ఐపీఎల్‌-2024 ఆరంభానికి ముందు అంబానీల సారథ్యంలోని ముంబై జట్టు.. తమ కెప్టెన్‌ను మార్చడమే ఇందుకు ప్రధాన కారణం. ముంబై ఫ్రాంఛైజీకి ఘనమైన చరిత్ర ఉంది. రోహిత్‌ శర్మ సారథ్యంలోక్యాష్‌ రిచ్‌ లీగ్‌లో అత్యధిక సార్లు ట్రోఫీ గెలిచిన జట్టుగా ముంబై నిలిచింది. రోహిత్‌ శర్మ(Rohit Sharma) సారథ్యంలో ఏకంగా ఐదుసార్లు టైటిల్‌ సాధించి.. ఈ ఘనత సాధించిన తొలి జట్టుగా చరిత్ర సృష్టించింది. అయితే, గత సీజన్‌ ఆరంభానికి ముందు రోహిత్‌ను కెప్టెన్‌గా తప్పించిన మేనేజ్‌మెంట్‌..అతడి స్థానంలో హార్దిక్‌ పాండ్యాకు పగ్గాలు అప్పగించింది. గుజరాత్‌ టైటాన్స్‌ నుంచి ట్రేడ్‌ చేసుకుని మరీ.. పాండ్యాకు సారథ్య బాధ్యతలు అప్పగించింది.పాండ్యాకు అవమానాలురోహిత్‌ శర్మ ఫ్యాన్స్‌తో పాటు.. ముంబై జట్టు అభిమానులు కూడా ఈ పరిణామాన్ని జీర్ణించుకోలేకపోయారు. దీంతో హార్దిక్‌ పాండ్యా మైదానంలోకి రాగానే అతడిని కించపరిచేలా పెద్ద ఎత్తున గోల చేశారు. ముంబై సొంత గ్రౌండ్‌ వాంఖడేలోనూ హార్దిక్‌కు ఇలాంటి చేదు అనుభవాలు తప్పలేదు. రోహిత్‌ కూడా అభిమానులను వారించకుండా మిన్నకుండిపోవడం అనుమానాలకు తావిచ్చింది.రోహిత్‌ టీమ్‌ వర్సెస్‌ హార్దిక్‌ అనేలాహార్దిక్‌ పాండ్యాను కెప్టెన్‌ను చేయడం రోహిత్‌ శర్మకు ఇష్టం లేదనే ప్రచారం జరిగింది. రోహిత్‌తో పాటు.. అతడి తర్వాత కెప్టెన్‌ పదవిని ఆశించిన జస్‌ప్రీత్‌ బుమ్రా, సూర్యకుమార్‌ యాదవ్‌లకు కూడా హార్దిక్‌తో పొసగడం లేదనే వార్తలు గుప్పుమన్నాయి. ఫలితంగా ముంబై ఇండియన్స్‌ డ్రెసింగ్‌రూమ్‌లో విభేదాలు తలెత్తాయంటూ వదంతులు వ్యాపించాయి. అయితే, మైదానంలో రోహిత్‌, బుమ్రా, సూర్య ఒక జట్టుగా కనిపించడం.. హార్దిక్‌ పాండ్యా ఒంటరిగా ఉండటం వీటికి బలాన్ని చేకూర్చాయి.ఫలితంగా వరుస ఓటముల రూపంలో ముంబై ఇండియన్స్‌ భారీ మూల్యమే చెల్లించింది. అయితే, ఈసారి మాత్రం అలాంటి పొరపాటును పునరావృతం చేయకూడదని ముంబై యాజమాన్యం భావిస్తోందట. ప్రధాన ఆటగాళ్లకు ముంబై ఇండియన్స్‌ స్ట్రాంగ్‌ వార్నింగ్‌!ఇందుకోసం ఇటీవలే ప్రత్యేకంగా ఓ సమావేశం కూడా ఏర్పాటు చేసినట్లు సమాచారం. హార్దిక్‌ పాండ్యా కెప్టెన్సీని మనస్ఫూర్తిగా అంగీకరించాలని.. అతడికి అన్ని వేళలా అండగా నిలవాలని జట్టులోని ప్రధాన ఆటగాళ్లతో మేనేజ్‌మెంట్‌ పేర్కొన్నట్లు వార్తలు వస్తున్నాయి.అదే విధంగా.. ఆటగాళ్లంతా కలిసికట్టుగా ఉండి.. జట్టు ప్రయోజనాలే ప్రథమ ప్రాధాన్యంగా పనిచేయాలని గట్టిగానే వార్నింగ్‌ ఇచ్చినట్లు తెలుస్తోంది. అంతేకాదు.. హార్దిక్‌ ఆత్మవిశ్వాసాన్ని దెబ్బతీసేలా అతడిని తక్కువ చేసి మాట్లాడితే ఊరుకునేది లేదని హెచ్చరించినట్లు సమాచారం.కాగా తనను కెప్టెన్‌గా తప్పించిన ముంబై ఇండియన్స్‌తో రోహిత్‌ శర్మ బంధం తెంచుకుంటాడనే ప్రచారం జరుగగా.. అతడు మాత్రం అనూహ్య రీతిలో అదే ఫ్రాంఛైజీతో కొనసాగేందుకు నిర్ణయించుకున్నాడు.రోహిత్‌ మళ్లీ ముంబైతోనే..ఐపీఎల్‌-2025 మెగా వేలానికి ముందు ముంబై రిటైన్‌ చేసుకున్న ఆటగాళ్లలో రోహిత్‌ కూడా ఉండటం విశేషం. జస్‌ప్రీత్‌ బుమ్రా(రూ. 18 కోట్లు), సూర్యకుమార్‌ యాదవ్‌(రూ. 16.35 ​కోట్లు),హార్దిక్‌ పాండ్యా(రూ. 16.35 ​కోట్లు), రోహిత్‌ శర్మ(రూ. రూ. 16.30 ​కోట్లు), తిలక్‌ వర్మ(రూ. 8 కోట్లు)లను ముంబై అట్టిపెట్టుకుంది. కాగా గత సీజన్‌ ఆఖరి మ్యాచ్‌లో స్లో ఓవర్‌ రేటు మెయింటెన్‌ చేసిన కారణంగా.. హార్దిక్‌ పాండ్యాకు భారీ షాక్‌ తగిలింది. ఐపీఎల్‌-2025లో మొదటి మ్యాచ్‌ ఆడకుండా అతడిపై నిషేధం పడింది.చదవండి: ఆసీస్‌తో టెస్టుల్లో అతడిని ఆడించాల్సింది.. ద్రవిడ్‌ ఉన్నంత వరకు.. : భజ్జీ

దేశవాళీ వన్డే టోర్నమెంట్‌ విజయ్‌ హజారే ట్రోఫీ(వీహెచ్‌టీ) తొలి మ్యాచ్‌లోనే ముంబై కెప్టెన్‌ శ్రేయస్‌ అయ్యర్‌ దంచికొట్టాడు. కర్ణాటక బౌలింగ్‌ను ఊచకోత కోస్తూ విధ్వంసకర శతకం బాదాడు. అయ్యర్‌ ధనాధన్ ఇన్నింగ్స్‌ కారణంగా ముంబై భారీ స్కోరు సాధించింది.కాగా వీహెచ్‌టీ 2024-25 ఎడిషన్‌ రౌండ్‌ వన్‌లో భాగంగా గ్రూప్‌-‘సి’లో ఉన్న ముంబై కర్ణాటకతో తమ తొలి మ్యాచ్‌ ఆడుతోంది. అహ్మదాబాద్‌లోని నరేంద్ర మోదీ స్టేడియం బి గ్రౌండ్‌ ఇందుకు వేదిక. ఈ మ్యాచ్‌లో టాస్‌ గెలిచిన కర్ణాటక తొలుత బౌలింగ్‌ ఎంచుకుంది. ఆయుశ్‌, హార్దిక్‌ హాఫ్‌ సెంచరీలుఈ క్రమంలో బ్యాటింగ్‌కు దిగిన ముంబై ఆరంభంలోనే ఓపెనర్‌ అంగ్‌క్రిష్‌ రఘువంశీ(6) వికెట్‌ కోల్పోయింది. అయితే, మరో ఓపెనర్‌ ఆయుశ్‌ మాత్రే(78)తో కలిసి వన్‌డౌన్‌ బ్యాటర్‌ హార్దిక్‌ తామోర్‌(84) ముంబై ఇన్నింగ్స్‌ చక్కదిద్దాడు. అయ్యర్‌ విశ్వరూపంఇక నాలుగో స్థానంలో వచ్చిన శ్రేయస్‌ అయ్యర్‌ ఆకాశమే హద్దుగా చెలరేగుతూ కర్ణాటక బౌలర్లపై విరుచుకుపడ్డాడు. కేవలం 55 బంతుల్లోనే 114 పరుగులతో ఆఖరి వరకు అజేయంగా నిలిచాడు. ఐదు ఫోర్లు, పది సిక్సర్ల సాయంతో 207కు పైగా స్ట్రైక్‌రేటు నమోదు చేశాడు.ఇక శ్రేయస్‌ అయ్యర్‌ కెప్టెన్‌ ఇన్నింగ్స్‌తో దుమ్ములేపగా.. పేస్‌ బౌలింగ్‌ ఆల్‌రౌండర్‌ శివం దూబే కూడా ధనాధన్‌ దంచికొట్టాడు. 36 బంతుల్లో ఐదు ఫోర్లు, ఐదు సిక్స్‌ల సాయంతో దూబే 63 పరుగులు చేసి.. అయ్యర్‌తో కలిసి ఆఖరి వరకు నాటౌట్‌గా నిలిచాడు.టీ20 తరహాలో వీరబాదుడుకాగా వన్డేలో టీ20 తరహాలో వీరబాదుడు బాదిన ఈ ఇద్దరి కారణంగా ముంబై నిర్ణీత 50 ఓవర్లలో కేవలం నాలుగు వికెట్ల నష్టానికి ముంబై 382 పరుగులు సాధించింది. అయితే, ఈ మ్యాచ్‌లో టీమిండియా టీ20 కెప్టెన్‌ సూర్యకుమార్‌ యాదవ్‌ మాత్రం విఫలమయ్యాడు.మొత్తంగా పదహారు బంతులు ఎదుర్కొన్న ‘స్కై’ 20 పరుగులు చేసి నిష్క్రమించాడు. ఇక కర్ణాటక బౌలర్లలో ప్రవీణ్‌ దూబే రెండు, విద్యాధర్‌ పాటిల్‌, శ్రేయస్‌ గోపాల్‌ ఒక్కో వికెట్‌ తీశారు.ముంబై వర్సెస్‌ కర్ణాటక తుదిజట్లుకర్ణాటకమయాంక్ అగర్వాల్ (కెప్టెన్), అనీష్ కేవీ, నికిన్ జోస్, స్మరన్ రవిచంద్రన్, అభినవ్ మనోహర్, కృష్ణన్ శ్రీజిత్(వికెట్ కీపర్), శ్రేయస్ గోపాల్, విజయ్‌కుమార్‌ వైశాఖ్, ప్రవీణ్ దూబే, వాసుకి కౌశిక్, విద్యాధర్ పాటిల్.ముంబైఅంగ్‌క్రిష్‌ రఘువంశీ, ఆయుష్ మాత్రే, శ్రేయస్ అయ్యర్(కెప్టెన్), సూర్యకుమార్ యాదవ్, హార్దిక్ తామోర్(వికెట్ కీపర్), శివం దూబే, సూర్యాన్ష్ షెడ్గే, అథర్వ అంకోలేకర్, శార్దూల్ ఠాకూర్, ఎం.జునేద్ ఖాన్, తనూష్ కొటియన్.చదవండి: SA vs PAK: చ‌రిత్ర సృష్టించిన పాకిస్తాన్‌.. ప్రపంచం‍లోనే తొలి జట్టుగా

దేశవాళీ వన్డే టోర్నమెంట్లో విజయ్‌ హజారే ట్రోఫీ తాజా ఎడిషన్‌ నేపథ్యంలో ముంబై క్రికెట్‌ అసోసియేషన్‌ తమ జట్టును ప్రకటించింది. శ్రేయస్‌ అయ్యర్‌ సారథ్యంలో ఈ టోర్నీ ఆడబోయే పదిహేడు మంది సభ్యుల పేర్ల(తొలి మూడు మ్యాచ్‌లు)ను మంగళవారం వెల్లడించింది. టీమిండియా టీ20 కెప్టెన్‌ సూర్యకుమార్‌ యాదవ్‌తో పాటు ఆల్‌రౌండర్‌ శివం దూబే కూడా ఈ టోర్నీలో పాల్గొనునున్నట్లు తెలిపింది.అతడిపై వేటుఅయితే, ఓపెనర్‌ పృథ్వీ షాకు మాత్రం ఈ జట్టులో చోటు దక్కలేదు. నిలకడలేమి ఫామ్‌తో సతమవుతున్న ఈ కుడిచేతి వాటం బ్యాటర్‌పై సెలక్టర్లు వేటు వేశారు. మరోవైపు.. సూపర్‌ ఫామ్‌లో ఉన్న అజింక్య రహానే వ్యక్తిగత కారణాల దృష్ట్యా సెలక్షన్‌కు అందుబాటులో లేడని తెలుస్తోంది.గత కొంతకాలంగా పృథ్వీ షా గడ్డు పరిస్థితులు ఎదుర్కొంటున్న విషయం తెలిసిందే. క్రమశిక్షణా రాహిత్యం, ఫిట్‌నెస్‌ లేమి తదితర కారణాలతో రంజీ జట్టుకు అతడు కొన్నాళ్లుపాటు దూరంగా ఉండాల్సి వచ్చింది. తిరిగి వచ్చినా కేవలం 59 పరుగులే చేశాడు.మరోవైపు.. ఐపీఎల్‌ మెగా వేలం-2025లో రూ. 75 లక్షల కనీస ధరకే అందుబాటులో ఉన్నా ఒక్క ఫ్రాంఛైజీ పృథ్వీ షా వైపు కన్నెత్తి చూడలేదు. ఫలితంగా ఒకప్పటి ఈ స్టార్‌ బ్యాటర్‌ అమ్ముడుపోకుండా మిగిలిపోయాడు.ఇక దేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ ట్రోఫీలోనూ పృథ్వీ షా స్థాయికి తగ్గట్లు రాణించలేకపోయాడు. ఈ టోర్నీలో 25 ఏళ్ల పృథ్వీ తొమ్మిది మ్యాచ్‌లలో కలిపి.. 197 పరుగులే చేయగలిగాడు. మధ్యప్రదేశ్‌తో ఫైనల్లోనూ పది పరుగులే చేశాడు. ఈ నేపథ్యంలోనే అతడిపై సెలక్టర్లు వేటు వేశారు.రహానే దూరంమరోవైపు.. సయ్యద్‌ ముస్తాక్‌ అలీ ట్రోఫీలో ముంబైని విజేతగా నిలిపిన టీమిండియా స్టార్‌ శ్రేయస్‌ అయ్యర్‌.. విజయ్‌ హజారే ట్రోఫీలోనూ కెప్టెన్‌గా వ్యవహరించనున్నాడు. ఇక పొట్టి ఫార్మాట్లో విధ్వంసకర బ్యాటింగ్‌తో ప్రత్యర్థి జట్లకు చుక్కలు చూపించి ముంబైని చాంపియన్‌గా నిలపడంలో కీలక పాత్ర పోషించిన రహానే.. వన్డే టోర్నీలో మాత్రం ఆడటం లేదు. కాగా డిసెంబరు 21 నుంచి విజయ్‌ హజారే ట్రోఫీ మొదలుకానుంది.తిరుగులేని ముంబైకాగా భారత దేశవాళీ క్రికెట్‌లో ముంబై జట్టు ఇప్పటికి 63 టైటిల్స్‌ గెలిచింది. రంజీ ట్రోఫీని 42 సార్లు నెగ్గిన ముంబై జట్టు ఇరానీ కప్‌ను 15 సార్లు దక్కించుకుంది. విజయ్‌ హజారే వన్డే ట్రోఫీలో 4 సార్లు విజేతగా నిలిచిన ముంబై.. సయ్యద్‌ ముస్తాక్‌ అలీ ట్రోఫీ టీ20 టోర్నీ టైటిల్‌ను రెండుసార్లు కైవసం చేసుకుంది. ఇప్పుడు మరో టైటిల్‌ లక్ష్యంగా బరిలోకి దిగనుంది.విజయ్‌ హజారే వన్డే టోర్నీ 2024 -25కి తొలి మూడు మ్యాచ్‌లకు ముంబై జట్టుశ్రేయస్ అయ్యర్ (కెప్టెన్), ఆయుష్ మాత్రే, అంగ్‌క్రిష్‌ రఘువంశీ, జే బిస్తా, సూర్యకుమార్ యాదవ్, శివం దూబే, సూర్యాన్ష్ షెడ్గే, సిద్ధేశ్ లాడ్, హార్దిక్ తామోర్, ప్రసాద్ పవార్, అధర్వ అంకోలేకర్, తనూష్ కొటియన్, శార్దూల్ ఠాకూర్, రాయ్‌స్టన్‌ డయాస్, జునేద్ ఖాన్, హర్ష్ తనా, వినాయక్ భోయిర్. చదవండి: శెభాష్‌.. గండం నుంచి గట్టెక్కించారు! మీరే నయం

టీ20 ఫార్మాట్‌లో భారత క్రికెటర్‌ శ్రేయస్‌ అయ్యర్‌ అద్భుత కెప్టెన్సీతో అదరగొడుతున్నాడు. సారథిగా ఈ ఏడాది ఇండియన్‌ ప్రీమియర్‌(ఐపీఎల్‌) టైటిల్‌ గెలిచిన ఈ ముంబై బ్యాటర్‌.. దేశీ టీ20 టోర్నీలోనూ ట్రోఫీ గెలిచాడు. సయ్యద్‌ ముస్తాక్‌ అలీ ట్రోఫీ(SMAT) ఫైనల్లో అయ్యర్‌ కెప్టెన్సీలోని ముంబై జట్టు ఆదివారం మధ్యప్రదేశ్‌ను చిత్తు చేసింది.ఆల్‌రౌండ్‌ ప్రదర్శనతోటోర్నీ ఆసాంతం రాణించిన శ్రేయస్‌ సేన టైటిల్‌ పోరులో మధ్యప్రదేశ్‌ను ఐదు వికెట్ల తేడాతో ఓడించింది. సమష్టి ప్రదర్శనతో ఫైనల్‌కు వచ్చిన ముంబై.. ఆఖరి మెట్టుపై కూడా ఆల్‌రౌండ్‌ ప్రదర్శనతో అదరగొట్టింది. బెంగళూరులోని చిన్నస్వామి స్టేడియంలో జరిగిన ఈ మ్యాచ్‌లో టాస్‌ గెలిచిన ముంబై మధ్యప్రదేశ్‌ను బ్యాటింగ్‌కు ఆహ్వానించింది.రజత్‌ పాటిదార్‌ కెప్టెన్‌ ఇన్నింగ్స్‌ (40 బంతుల్లో 81 నాటౌట్‌; 6 ఫోర్లు, 6 సిక్స్‌లు) కారణంగా మధ్యప్రదేశ్‌ నిర్ణీత 20 ఓవర్లలో 8 వికెట్ల నష్టానికి 174 పరుగులు చేసింది. అయితే, పేస్‌ ఆల్‌రౌండర్‌ వెంకటేశ్‌ అయ్యర్‌ (17; 1 ఫోర్, 1 సిక్స్‌) ఎక్కువసేపు క్రీజులో నిలవలేకపోయాడు. ముంబై బౌలర్లలో శార్దుల్‌ ఠాకూర్, రాయ్‌స్టన్‌ డయాస్‌ రెండు వికెట్ల చొప్పున తీసుకున్నారు.ఇరగదీసిన సూర్యకుమార్‌ యాదవ్‌అనంతరం లక్ష్యఛేదనకు దిగిన ముంబై 17.5 ఓవర్లలో 5 వికెట్లకు 180 పరుగులు చేసి గెలిచింది. 174 పరుగులతో స్కోరు సమమయ్యాక ముంబై బ్యాటర్‌ అథర్వ సిక్స్‌ కొట్టి మ్యాచ్‌ను ముగించాడు. టీమిండియా సారథి సూర్యకుమార్‌ యాదవ్‌ (35 బంతుల్లో 48; 4 ఫోర్లు, 3 సిక్స్‌లు) టాప్‌ స్కోరర్‌ కాగా... సీనియర్‌ ప్లేయర్‌ అజింక్య రహానే (37; 4 ఫోర్లు) రాణించాడు.చివర్లో సూర్యాంశ్‌ షెగ్డే (15 బంతుల్లో 36 నాటౌట్‌; 3 ఫోర్లు, 3 సిక్స్‌లు), అథర్వ అంకొలేకర్‌ (6 బంతుల్లో 16 నాటౌట్‌; 2 సిక్స్‌లు) మెరుపులు మెరిపించారు. మధ్యప్రదేశ్‌ బౌలర్లలో త్రిపురేశ్‌ సింగ్‌ 2 వికెట్లు పడగొట్టాడు. సూర్యాంశ్‌కు ‘ప్లేయర్‌ ఆఫ్‌ ద మ్యాచ్‌’, అజింక్య రహానేకు ‘ప్లేయర్‌ ఆఫ్‌ ద సిరీస్‌’ అవార్డులు దక్కాయి. ఈ ఏడాది సయ్యద్ ముస్తాక్‌ అలీ ట్రోఫీ ముంబై సొంతమైంది.ఒకే ఏడాదిలో రెండు టీ20 టైటిళ్లు గెలిచిన తొలి సారథిగాఈ నేపథ్యంలో భారత్‌లో ఒకే ఏడాదిలో రెండు టీ20 టైటిళ్లు గెలిచిన కెప్టెన్‌గా శ్రేయస్‌ అయ్యర్‌ అరుదైన ఘనత సాధించాడు. ఐపీఎల్‌-2024లో కోల్‌కతా నైట్‌ రైడర్స్‌ను విజేతగా నిలిపిన అతడు.. సయ్యద్‌ ముస్తాక్‌ అలీ ట్రోఫీని కూడా అందుకోవడం విశేషం. కాగా క్రమశిక్షణ రాహిత్యానికి పాల్పడ్డాడన్న కారణంగా భారత క్రికెట్‌ నియంత్రణ మండలి(బీసీసీఐ) అయ్యర్‌ను ఈ ఏడాది సెంట్రల్‌ కాంట్రాక్టు నుంచి తప్పించిన విషయం తెలిసిందే.భవిష్య కెప్టెన్‌ ఆప్షన్లలో తానూ ఒకడిననే మెసేజ్‌రంజీల్లో ఆడకుండా తప్పించుకునేందుకు గాయం తగ్గినప్పటికీ.. దానిని సాకుగా చూపాడని తేలడంతో బీసీసీఐ శ్రేయస్‌ అయ్యర్‌పై వేటు వేసినట్లు తెలిసింది. అయితే, ఐపీఎల్‌లో తనను తాను నిరూపించుకున్న శ్రేయస్‌ అయ్యర్‌కు మళ్లీ టీమిండియా సెలక్టర్లు పిలుపునిచ్చారు. శ్రీలంక పర్యటనలో వన్డే సిరీస్‌కు అతడిని ఎంపిక చేశారు. కానీ.. టీ20 జట్టులో మాత్రం అతడికి స్థానం ఇవ్వడం లేదు.టీమిండియా తరఫున గతేడాది డిసెంబరులో చివరగా శ్రేయస్‌ అయ్యర్‌ టీ20 మ్యాచ్‌ ఆడాడు. ఆస్ట్రేలియాతో స్వదేశంలో జరిగిన సిరీస్‌లో పాల్గొన్నాడు. అయితే, తాజాగా దేశీ టీ20 టోర్నీలోనూ సత్తా చాటి.. టీమిండియా సెలక్టర్లకు గట్టి సందేశం ఇచ్చాడు. భవిష్య కెప్టెన్‌ ఆప్షన్లలో తానూ ఒకడిననే మెసేజ్‌ పంపించాడు.వచ్చే ఏడాది పంజాబ్‌ జట్టుకుఐపీఎల్‌-2025 మెగా వేలానికి ముందు కోల్‌కతా శ్రేయస్‌ అయ్యర్‌ను రిలీజ్‌ చేయగా.. పంజాబ్‌ కింగ్స్‌ వేలంపాటలో అతడిని కొనుక్కుంది. ఈ స్టార్‌ ప్లేయర్‌ కోసం ఏకంగా రూ. 26.75 కోట్లు ఖర్చు చేసింది. దీంతో ఐపీఎల్‌ చరిత్రలో అత్యధిక ధరకు అమ్ముడుపోయిన రెండో ఆటగాడిగా అయ్యర్‌ నిలిచాడు. రూ. 27 కోట్ల ధర పలికిన రిషభ్‌ పంత్‌(లక్నో సూపర్‌ జెయింట్స్‌) అయ్యర్‌ కంటే ముందున్నాడు.చదవండి: ‘రోహిత్‌, గంభీర్‌ మధ్య విభేదాలు?.. ద్రవిడ్‌తో చక్కగా ఉండేవాడు.. కానీ’

దేశవాళీ టీ20 క్రికెట్‌ టోర్నీ సయ్యద్‌ ముస్తాక్‌ అలీ ట్రోఫీలో ముంబై బ్యాటర్‌ అజింక్య రహానే పరుగుల విధ్వంసం సృష్టించాడు. ఆకాశమే హద్దుగా చెలరేగుతూ బరోడా బౌలర్లకు చుక్కలు చూపించాడు. ఆది నుంచే దూకుడు ప్రదర్శించిన రహానే సెంచరీ దిశగా పయనించాడు.శతకానికి రెండు పరుగుల దూరంలోఅయితే, దురదృష్టవశాత్తూ శతకానికి రెండు పరుగుల దూరంలో నిలిచిపోయాడు రహానే. అయితేనేం తన మెరుపు ఇన్నింగ్స్‌తో ముంబైకి విజయం అందించి.. ఫైనల్‌కు చేర్చాడు. సయ్యద్‌ ముస్తాక్‌ అలీ ట్రోఫీ తొలి సెమీ ఫైనల్లో భాగంగా ముంబై జట్టు బరోడాతో తలపడింది. బెంగళూరులోని చిన్నస్వామి స్టేడియంలో శుక్రవారం జరిగిన ఈ మ్యాచ్‌లో టాస్‌ గెలిచిన ముంబై.. బరోడాను బ్యాటింగ్‌కు ఆహ్వానించింది. ఈ క్రమంలో నిర్ణీత 20 ఓవర్లలో బరోడా జట్టు ఏడు వికెట్లు నష్టపోయి 158 పరుగులు చేసింది.రాణించిన శివాలిక్‌ శర్మబరోడా ఇన్నింగ్స్‌లో శివాలిక్‌ శర్మ(36 నాటౌట్‌) టాప్‌ స్కోరర్‌గా నిలవగా.. ఓపెనర్‌ శశ్వత్‌ రావత్‌(33), కెప్టెన్‌ కృనాల్‌ పాండ్యా(30), ఆల్‌రౌండర్‌ అతిత్‌ సేత్‌(14 బంతుల్లో 22) ఫర్వాలేదనిపించారు. ఇక ముంబై బౌలర్లలో పేసర్లు సూర్యాంశ్‌ షెడ్గే రెండు వికెట్లు ఖాతాలో వేసుకోగా.. శివం దూబే, శార్దూల్‌ ఠాకూర్‌, మోహిత్‌ అవస్థి ఒక్కో వికెట్‌ తీశారు. ఇక స్పిన్‌ బౌలర్లు తనుష్‌ కొటియాన్‌, అథర్వ అంకోలేకర్‌ తలా ఒక వికెట్‌ దక్కించుకున్నారు.బరోడా బౌలింగ్‌ను చితక్కొట్టిన రహానేఇక బరోడా విధించిన 159 పరుగుల లక్ష్యాన్ని ఛేదించే క్రమంలో ముంబైకి ఆదిలో షాక్‌ తగిలింది. హార్దిక్‌ పాండ్యా బౌలింగ్‌లో ఓపెనర్‌ పృథ్వీ షా(8) అవుటయ్యాడు. అయితే, ఆ ఆనందం బరోడాకు ఎంతో సేపు నిలవలేదు. మరో ఓపెనర్‌ అజింక్య రహానే బరోడా బౌలింగ్‌ను చితక్కొట్టాడు.కేవలం 56 బంతుల్లోనే 11 ఫోర్లు, ఐదు సిక్స్‌ల సాయంతో ఏకంగా 98 పరుగులు రాబట్టాడు. అయితే, అభిమన్యు సింగ్‌ బౌలింగ్‌లో విష్ణు సోలంకికి క్యాచ్‌ ఇవ్వడంతో రహానే విధ్వంసకర ఇన్నింగ్స్‌కు తెరపడింది. తృటిలో సెంచరీ అతడి చేజారింది. సూర్య విఫలంమిగతా వాళ్లలో కెప్టెన్‌ శ్రేయస్‌ అయ్యర్‌ 30 బంతుల్లో 46 పరుగులతో రాణించగా.. సూర్యకుమార్‌ యాదవ్‌ నిరాశపరిచాడు. ఏడు బంతులు ఆడిన స్కై కేవలం ఒకే ఒక్క పరుగు చేశాడు. శివం దూబే 0, సూర్యాంశ్‌ షెడ్గే 6 పరుగులతో అజేయంగా నిలిచారు.ఇక రహానే ధనాధన్‌ బ్యాటింగ్‌ కారణంగా ముంబై 17.2 ఓవర్లలోనే లక్ష్యాన్ని ఛేదించింది. ఆరు వికెట్ల తేడాతో బరోడాను ఓడించి సయ్యద్‌ ముస్తాక్‌ అలీ ట్రోఫీ-2024 ఫైనల్‌ చేరింది.చదవండి: ఫాస్టెస్ట్‌ సెంచరీ.. వెస్టిండీస్‌ బ్యాటర్‌ ప్రపంచ రికార్డు

ఐసీసీ తాజా ర్యాంకింగ్స్‌లో టీమిండియా స్టార్‌ క్రికెటర్‌ హార్దిక్‌ పాండ్యా సత్తా చాటాడు. టీ20 మెన్స్‌ ఆల్‌రౌండర్ల ర్యాంకింగ్స్‌లో మరోసారి అగ్రస్థానం సంపాదించాడు. ఇటీవల సౌతాఫ్రికాతో టీ20 సిరీస్‌లో ఆల్‌రౌండ్‌ ప్రతిభతో ఆకట్టుకున్న హార్దిక్‌.. వరల్డ్‌ నంబర్‌వన్‌గా అవతరించాడు.ఈ మేరకు ఐసీసీ బుధవారం ప్రకటించిన ర్యాంకింగ్స్‌లో రెండు స్థానాలు ఎగబాకి అగ్రపీఠం కైసవం చేసుకున్నాడు. ఈ క్రమంలో నేపాల్‌కు చెందిన దీపేంద్ర సింగ్‌ ఐరీ, ఇంగ్లండ్‌ విధ్వంసకర వీరుడు లియామ్‌ లివింగ్‌స్టోన్‌ను హార్దిక్‌ పాండ్యా అధిగమించాడు.తిలక్‌ వర్మ ఏకంగా 69 స్థానాలు ఎగబాకిమరోవైపు.. టీమిండియా యువ సంచలనం, సెంచరీల వీరుడు తిలక్‌ వర్మ ఏకంగా 69 స్థానాలు ఎగబాకి.. టీ20 మెన్స్‌ బ్యాటర్స్‌ ర్యాంకింగ్స్‌లో మూడో ర్యాంకు సాధించడం విశేషం. అదే విధంగా.. మరో శతకాల వీరుడు సంజూ శాంసన్‌ కూడా 17 స్థానాలు జంప్‌ చేసి.. 22వ ర్యాంకుకు చేరుకున్నాడు. కాగా ఇటీవల నాలుగు మ్యాచ్‌ల టీ20 సిరీస్‌ ఆడేందుకు టీమిండియా సౌతాఫ్రికాలో పర్యటించిన విషయం తెలిసిందే.సూర్యకుమార్‌ యాదవ్‌ కెప్టెన్సీలో సఫారీ గడ్డపై 3-1తో ఈ సిరీస్‌ను భారత జట్టు సొంతం చేసుకుంది. ఇందులో 31 ఏళ్ల హార్దిక్‌ పాండ్యా ఇటు బంతితో.. అటు బ్యాట్‌తో రాణించి తన వంతు పాత్ర పోషించాడు.ముఖ్యంగా నిర్ణయాత్మక నాలుగో టీ20లో మూడు ఓవర్ల బౌలింగ్‌లో కేవలం 8 పరుగులు మాత్రమే ఇచ్చి.. టీమిండియా గెలుపునకు బాట వేశాడు.సంజూ శాంసన్‌ సైతంఇక రెండో టీ20లోనూ 39 పరుగులతో అతడు అజేయంగా నిలిచాడు. కాగా టీ20 ఆల్‌రౌండర్ల జాబితాలో హార్దిక్‌ పాండ్యా ప్రథమ స్థానం సంపాదించడం ఇది రెండోసారి. ఇక తిలక్‌ వర్మ సఫారీలతో సిరీస్‌లో వరుస సెంచరీలతో చెలరేగాడు. మూడో టీ20లో 107 పరుగులతో అజేయంగా నిలిచిన ఈ హైదరాబాదీ బ్యాటర్‌.. నాలుగో మ్యాచ్‌లో కేవలం 47 బంతుల్లోనే 120 పరుగులతో నాటౌట్‌గా నిలిచాడు. మరోవైపు.. సంజూ శాంసన్‌ సౌతాఫ్రికాలో తొలి టీ20లో 107, నాలుగో టీ20లో 109(నాటౌట్‌) పరుగులు సాధించాడు.ఐసీసీ టీ20 మెన్స్‌ ఆల్‌రౌండర్ల ర్యాంకులు టాప్‌-51. హార్దిక్‌ పాండ్యా(ఇండియా)- 244 రేటింగ్‌ పాయింట్లు2. దీపేంద్ర సింగ్‌ ఐరీ(నేపాల్‌)- 231 రేటింగ్‌ పాయింట్లు3. లియామ్‌ లివింగ్‌స్టోన్‌(ఇంగ్లండ్‌)- 230 రేటింగ్‌ పాయింట్లు4. మార్కస్‌ స్టొయినిస్‌(ఆస్ట్రేలియా)- 209 రేటింగ్‌ పాయింట్లు5. వనిందు హసరంగ(శ్రీలంక)- 209 రేటింగ్‌ పాయింట్లుఐసీసీ టీ20 మెన్స్‌ బ్యాటర్ల జాబితా టాప్‌-51. ట్రవిస్‌ హెడ్‌(ఆస్ట్రేలియా)- 855 రేటింగ్‌ పాయింట్లు2. ఫిల్‌ సాల్ట్‌(ఇంగ్లండ్‌)- 828 రేటింగ్‌ పాయింట్లు3. తిలక్‌ వర్మ(ఇండియా)- 806 రేటింగ్‌ పాయింట్లు4. సూర్యకుమార్‌ యాదవ్‌(ఇండియా)- 788 రేటింగ్‌ పాయింట్లు5. బాబర్‌ ఆజం(పాకిస్తాన్‌)- 742 రేటింగ్‌ పాయింట్లు.టాప్‌-10లో అర్ష్‌దీప్‌ సింగ్‌ఇదిలా ఉంటే.. టీ20 బౌలర్ల జాబితాలో ఇంగ్లండ్‌కు చెందిన ఆదిల్‌ రషీద్‌ అగ్రస్థానాన్ని నిలబెట్టుకోగా.. వనిందు హసరంగ(శ్రీలంక), ఆడం జంపా(ఆస్ట్రేలియా), అకీల్‌ హొసేన్‌(వెస్టిండీస్‌), మహీశ్‌ తీక్షణ(శ్రీలంక) టాప్‌-4లో ఉన్నారు. ఇక టీమిండియా పేసర్‌ అర్ష్‌దీప్‌ సింగ్‌ మూడు స్థానాలు మెరుగుపరుచుకుని తొమ్మిదో ర్యాంకు పొందాడు.చదవండి: కోహ్లి పాకిస్తాన్‌లో ఆడాలని అనుకుంటున్నాడు: పాక్‌ దిగ్గజ బౌలర్‌ షాకింగ్‌ కామెంట్స్‌

టీమిండియా యువ క్రికెటర్‌ తిలక్‌ వర్మ సఫారీ గడ్డపై అదరహో అనిపించాడు. అంతర్జాతీయ టీ20లలో రెండు వరుస సెంచరీలతో చెలరేగి సౌతాఫ్రికాపై సిరీస్‌ గెలవడంలో కీలక పాత్ర పోషించాడు. ఈ నేపథ్యంలో తిలక్‌ వర్మ సర్వత్రా ప్రశంసల వర్షం కురుస్తోంది.కెప్టెన్‌ సూర్యకుమార్‌ యాదవ్‌ సైతం ఈ హైదరాబాదీ ఆట తీరును కొనియాడకుండా ఉండలేకపోయాడు. నాలుగో టీ20 ముగిసిన తర్వాత తిలక్‌తో సంభాషిస్తూ.. వరుసగా రెండు శతకాలు బాదడం ఎలాంటి అనుభూతినిచ్చిందని ప్రశ్నించాడు. ఇందుకు బదులిస్తూ.. ఇదంతా మీ వల్లే అంటూ తిలక్‌ వర్మ కెప్టెన్‌కు కృతజ్ఞతలు తెలిపాడు. అయితే, సూర్య మాత్రం.. ‘‘నువ్వు థాంక్స్‌ చెప్పాల్సింది నాకు.. కాదు సెలక్టర్లకు’’ అంటూ చమత్కరించాడు.ఇందుకు సంబంధించిన వీడియోను బీసీసీఐ సోషల్‌ మీడియాలో షేర్‌ చేసింది. టీ20 సిరీస్‌లో సౌతాఫ్రికాపై 3-1తో విజయం తర్వాత తిలక్‌ వర్మ.. కెప్టెన్‌ సూర్యకుమార్‌తో సంతోషాన్ని పంచుకుంటూ.. ‘‘అసలేం మాట్లాడాలో కూడా తెలియడం లేదు. నాలో ఎన్నెన్నో భావోద్వేగాలు చెలరేగుతున్నాయి.నాకు అవకాశం ఇచ్చినందుకు టీమ్‌కు ధన్యవాదాలు తెలుపుకొంటున్నా. ఇలా వరుసగా టీ20 సెంచరీలు.. అది కూడా సవాళ్లకు నెలవైన సౌతాఫ్రికా పిచ్‌లపై సఫారీ జట్టుపై చేస్తానని అస్సలు ఊహించలేదు. నిజంగా చాలా గొప్పగా అనిపిస్తోంది. మీకు కూడా థాంక్యూ’’ అని సూర్యపై అభిమానం చాటుకున్నాడు.ఇందుకు బదులుగా సూర్యకుమార్‌ స్పందిస్తూ.. ‘‘ఇతగాడు ఎంత హుందాగా కృతజ్ఞతలు చెబుతున్నాడో చూడండి. అయినా నాకు నువ్వు థాంక్యూ చెప్పాల్సిన అవసరం లేదు. సెలక్టర్‌ సర్‌ అక్కడ కూర్చుని ఉంటారు’’ అంటూ సెలక్టర్లను మర్చిపోవద్దన్న ఉద్దేశంలో తిలక్‌ వర్మను సరదాగా ట్రోల్‌ చేశాడు. ఆ సమయంలో తిలక్‌ వర్మతో పాటు అక్కడే ఉన్న మరో సెంచరీల హీరో సంజూ శాంసన్‌ కూడా నవ్వులు చిందించాడు. ఈ దృశ్యాలు టీమిండియా అభిమానులను ఆకర్షిస్తున్నాయి.కాగా.. నాలుగు మ్యాచ్‌ల టీ20 సిరీస్‌ ఆడేందుకు సౌతాఫ్రికా వెళ్లిన టీమిండియా 3-1తో సిరీస్‌ను కైవసం చేసుకుంది. ఈ సిరీస్‌లో తొలి, ఆఖరి టీ20లలో సంజూ శతకాలు బాదగా.. మూడు, నాలుగో టీ20లో తిలక్‌ వర్మ సెంచరీలు కొట్టాడు. సంజూ, తిలక్‌ అద్భుత ప్రదర్శన కారణంగా టీమిండియా ఆయా మ్యాచ్‌లలో గెలిచి సఫారీ టూర్‌ విజయాన్ని పరిపూర్ణం చేసుకుంది. ఇదిలా ఉంటే.. సిరీస్‌లో ప్లేయర్‌ ఆఫ్‌ ది సిరీస్‌ అవార్డును తిలక్‌ వర్మ సొంతం చేసుకోవడం విశేషం. Jersey number secret, hairdo and a special message for #TeamIndia Captain @ImRo45 🤗Skipper SKY interviews 'Humble' centurions @IamSanjuSamson & @TilakV9 💯WATCH 🎥 🔽 #SAvIND | @surya_14kumar— BCCI (@BCCI) November 16, 2024

సౌతాఫ్రికా గడ్డపై టీ20 సిరీస్‌ గెలవడమే లక్ష్యంగా టీమిండియా ఆఖరి మ్యాచ్‌లో బరిలోకి దిగనుంది. ఇరుజట్ల మధ్య జొహన్నస్‌బర్గ్‌ వేదికగా.. శుక్రవారం నాటి టీ20లో గెలిచి.. 3-1తో పర్యటన ముగించాలని పట్టుదలగా ఉంది. ఇక ఈ టూర్‌లో సూర్యకుమార్‌ యాదవ్‌ కెప్టెన్సీలోని యువ జట్టు ఇప్పటి వరకు ఆడిన మూడు మ్యాచ్‌లలో మెరుగ్గానే రాణించింది.వాళ్లు ఓకేముఖ్యంగా తొలి, మూడో టీ20లో బ్యాటర్లు దంచికొట్టిన తీరు అలరించింది. ఈ సిరీస్‌లో ఇప్పటి వరకు సంజూ శాంసన్‌(107- మొదటి టీ20), తిలక్‌ వర్మ(107 నాటౌట్‌- మూడో టీ20)లో అద్భుత శతకాలతో సత్తా చాటి విజయాల్లో కీలక పాత్ర పోషించారు. అయితే, కెప్టెన్‌ సూర్యకుమార్‌ యాదవ్‌ మాత్రం ఇంత వరకు తన స్థాయికి తగ్గ ప్రదర్శన చేయలేకపోయాడు.సూర్యకుమార్‌ యాదవ్‌ ఎందుకిలా?సఫారీలతో మూడు టీ20లలో అతడు చేసిన స్కోర్లు వరుసగా.. 21, 4, 1. ఈ నేపథ్యంలో కీలకమైన నాలుగో టీ20కి ముందు సూర్య ఫామ్‌పై అభిమానుల్లో ఆందోళన నెలకొంది. ఈ క్రమంలో భారత మాజీ క్రికెటర్‌, కామెంటేటర్‌ ఆకాశ్‌ చోప్రా సూర్యను ఉద్దేశించి కీలక వ్యాఖ్యలు చేశాడు.గత మూడేళ్ల కాలంలో ఇలా‘‘సూర్యకుమార్‌ యాదవ్‌ అంతర్జాతీయ టీ20ల ఫామ్‌పై ఆందోళన అవసరమే అంటారా?.. చాలా మంది ఈ విషయం గురించి ఆలోచిస్తున్నారు. అందుకే అతడి గణాంకాలను ఓసారి పరిశీలిద్దాం. 2021లో సగటున 34 పరుగులతో 155కు పైగా స్ట్రైక్‌రేటు నమోదు చేశాడు. కేవలం 11 ఇన్నింగ్స్‌లోనే ఇది జరిగింది.ఇక 2022లో సూర్య యావరేజ్‌గా 46 రన్స్‌తో 187కు పైగా స్ట్రైక్‌రేటుతో 1164 పరుగులు సాధించాడు. అద్భుతంగా ఆడాడు అనడానికి ఇదే నిదర్శనం. ఇక 2023లో 155కు పైగా స్ట్రైక్‌రేటుతో 733 రన్స్‌ సాధించాడు. సగటు 49. పర్లేదు బాగానే ఆడాడు.కానీ..2024లో ఇప్పటి వరకు 17 ఇన్నింగ్స్‌లో కేవలం 429 పరుగులే చేయగలిగాడు. స్ట్రైక్‌రేటు 150 ఉన్నా.. సగటు మాత్రం కేవలం 26.8. ఇందులో కేవలం నాలుగు అర్ధ శతకాలే ఉన్నాయి. వీటన్నింటిని బట్టి చూస్తే సూర్య మునుపటి సూర్యలా లేడు. సగటున అతడు రాబడుతున్న పరుగులే ఇందుకు సాక్ష్యం’’ అని ఆకాశ్‌ చోప్రా పేర్కొన్నాడు.సూర్య కనీసం హాఫ్‌ సెంచరీ సాధిస్తే..గత మూడేళ్ల కాలంలో ఈ ఏడాది సూర్యకుమార్‌ బ్యాటింగ్‌ మరీ అంతగొప్పగా ఏమీలేదని.. కాబట్టి సూర్య ఫామ్‌ ఆందోళన కలిగించడంలో ఆశ్చర్యం ఏమీ లేదని ఆకాశ్‌ చోప్రా చెప్పుకొచ్చాడు. జొహన్నస్‌బర్గ్‌ మ్యాచ్‌లో సూర్య కనీసం హాఫ్‌ సెంచరీ అయినా సాధిస్తే.. జట్టుతో పాటు అతడికీ ఉపయోగకరంగా ఉంటుందని అభిప్రాయపడ్డాడు. కాగా డర్బన్‌లో తొలి టీ20లో గెలిచిన టీమిండియా.. గెబెహాలో ఓడిపోయింది. అయితే, సెంచూరియన్‌లో మూడో మ్యాచ్‌లో గెలిచి ప్రస్తుతం 2-1తో ఆధిక్యంలో ఉంది.చదవండి: పాకిస్తాన్‌తో తొలి టీ20: మాక్స్‌వెల్‌ ఊచకోత, స్టొయినిస్‌ విధ్వంసం

సెంచూరియన్‌: దక్షిణాఫ్రికాతో మూడో టి20లో అజేయ సెంచరీతో ఆకట్టుకున్న హైదరాబాద్‌ బ్యాటర్‌ ఠాకూర్‌ తిలక్‌ వర్మ... ఆసక్తికర విషయాలు వెల్లడించాడు. సాధారణంగా నాలుగో స్థానంలో బ్యాటింగ్‌కు దిగే తిలక్‌... ఈ మ్యాచ్‌కు ముందు కెప్టెన్‌ సూర్యకుమార్‌ యాదవ్‌ను అడిగి మరీ మూడో స్థానంలో బరిలోకి దిగి సత్తా చాటాడు. తొలి రెండు టి20ల్లో నాలుగో స్థానంలో బ్యాటింగ్‌ చేసి వరుసగా 33, 20 పరుగులు చేసిన తిలక్‌ వర్మ... తనను తాను నిరూపించుకోవడానికి ఒక స్థానం ముందే బ్యాటింగ్‌కు దిగాలనుకుంటున్నట్లు కెప్టెన్ కు వివరించాడు. దీనికి అంగీకరించిన సూర్యకుమార్‌ తాను బ్యాటింగ్‌ చేయాల్సిన మూడో ప్లేస్‌లో తిలక్‌ను దింపాడు. దీంతో ఇన్నింగ్స్‌ తొలి ఓవర్‌లోనే క్రీజులోకి అడుగుపెట్టిన తిలక్‌ చివరి వరకు అజేయంగా నిలిచి జట్టుకు భారీ స్కోరు అందించాడు. సెంచరీ అనంతరం అభివాదం చేస్తున్న సమయంలో తిలక్‌ తన హావభావాలతో సారథికి ధన్యవాదాలు తెలుపుకున్నాడు. ‘సూర్యకుమార్‌ వల్లే అది సాధ్యమైంది. అతడు మూడో స్థానంలో ఆడే అవకాశం ఇవ్వడంతోనే స్వేచ్ఛగా ఆడాను. గత రెండు మ్యాచ్‌ల్లో నాలుగో స్థానంలో బ్యాటింగ్‌ చేశా. నాకు స్వతహాగా వన్‌డౌన్‌లో బ్యాటింగ్‌ ఇష్టం. అదే సూర్యకు చెప్పా. మ్యాచ్‌కు ముందు రోజు రాత్రే అతడు దానికి అంగీకారం తెలిపాడు. ఈ అవకాశం ఇచ్చినందుకు మైదానంలో నేనేంటో నిరూపించుకుంటా అని ముందే చెప్పాను. విఫలమైన సమయంలోనూ టీమ్‌ మేనేజ్‌మెంట్‌ అండగా నిలిచింది. సహజ సిద్ధమైన ఆట ఆడేవిధంగా ప్రోత్సహించింది. కెపె్టన్, తాత్కాలిక కోచ్‌ వీవీఎస్‌ లక్ష్మణ్‌ పూర్తి స్వేచ్ఛనిచ్చారు. వికెట్‌ పడ్డా వెనకడుగు వేయవద్దని సూచించారు’ అని తిలక్‌ చెప్పుకొచ్చాడు. నాలుగు మ్యాచ్‌ల సిరీస్‌లో భాగంగా బుధవారం జరిగిన మూడో టి20లో భారత్‌ 11 పరుగుల తేడాతో విజయం సాధించగా... తిలక్‌ వర్మ 56 బంతుల్లోనే అజేయంగా 107 పరుగులు చేసి అంతర్జాతీయ క్రికెట్‌లో తొలి శతకం తన పేరిట లిఖించుకున్నాడు. అందులో 7 సిక్సర్లు, 8 ఫోర్లు ఉన్నాయి. గాయాల కారణంగా కొన్నాళ్ల పాటు జట్టుకు దూరమైన తిలక్‌ వచ్చిన అవకాశాన్ని ఒడిసి పట్టుకోవడమే తన పని అని వివరించాడు. ఆల్‌రౌండర్‌గా జట్టుకు సేవలందించేందుకు ఎప్పుడూ ముందుంటానని వెల్లడించాడు.

సౌతాఫ్రికాతో మూడో టీ20లో గెలుపు కోసం టీమిండియా ఆఖరి వరకు పోరాడాల్సి వచ్చింది. భారీ స్కోరు సాధించినా.. చివరి ఓవర్‌ వరకు ఆతిథ్య జట్టు గట్టిపోటీనిచ్చింది. దీంతో భారత బౌలర్లతో పాటు ఫీల్డర్లు కూడా తీవ్రంగా శ్రమించాల్సి వచ్చింది. ఈ క్రమంలో టీమిండియా సెంచరీ హీరో తిలక్‌ వర్మ గాయపడ్డాడు.ఈ మ్యాచ్‌లో సౌతాఫ్రికా ఇన్నింగ్స్‌లో భారత పేసర్‌ అర్ష్‌దీప్‌ సింగ్‌ ఆఖరి ఓవర్‌ వేశాడు. అప్పటికే జోరు మీదున్న ప్రొటిస్‌ పేస్‌ బౌలింగ్‌ ఆల్‌రౌండర్‌ మార్కో జాన్సెన్‌.. అర్ష్‌దీప్‌ బౌలింగ్‌లో రెండో బంతికి కవర్స్‌ మీదుగా భారీ సిక్సర్‌ బాదాడు. అయితే, ఆ బంతిని అందుకునే క్రమంలో బౌండరీ లైన్‌ వద్ద ఫీల్డింగ్‌ చేస్తున్న తిలక్‌ వర్మ.. క్యాచ్‌ అందుకునే క్రమంలో కిందపడ్డాడు.తిలక్‌ తల నేలకు బలంగా తాకినట్లుఫలితంగా క్యాచ్‌ మిస్‌ కావడమే గాక.. తిలక్‌ తల నేలకు బలంగా తాకినట్లు రీప్లేలో కనిపించింది. దీంతో భారత శిబిరంలో కలకలం రేగింది. వెంటనే ఫిజియో వచ్చి తిలక్‌ను పరిస్థితిని పర్యవేక్షించాడు. మరోవైపు... ఈ సిక్సర్‌తో జాన్సెన్‌ యాభై పరుగుల మార్కును పూర్తి చేసుకుని.. టీమిండియాపై ఫాస్టెస్ట్‌ ఫిఫ్టీ(16 బంతుల్లో) నమోదు చేసిన తొలి సౌతాఫ్రికా ప్లేయర్‌గా నిలిచాడు.ఇదిలా ఉంటే.. తిలక్‌ వర్మ గాయంపై అభిమానుల్లోనూ ఆందోళన నెలకొంది. అతడు తదుపరి మ్యాచ్‌కు అందుబాటులో ఉంటాడో లేదోనన్న సందేహాల నడుమ.. పోస్ట్‌ మ్యాచ్‌ ప్రజెంటేషన్‌లో తిలక్‌ వర్మ తన గాయంపై అప్‌డేట్‌ అందించాడు.నేను బాగానే ఉన్నాను‘‘నేను బాగానే ఉన్నాను. క్యాచ్‌ అందుకునేటపుడు వెలుతురు కళ్లలో పడి.. బంతిని పట్టుకోవడం సాధ్యం కాలేదు. ఏదేమైనా మేము గెలిచినందుకు చాలా సంతోషంగా ఉంది’’ అని తిలక్‌ వర్మ పేర్కొన్నాడు. అదే విధంగా.. తాను విధ్వంసకర శతకం బాదడంలో క్రెడిట్‌ మొత్తం కెప్టెన్‌ సూర్యకుమార్‌ యాదవ్‌తో పాటు కోచ్‌ వీవీఎస్‌ లక్ష్మణ్‌కు ఇవ్వాలని తిలక్‌ అన్నాడు.107 పరుగులుఈ మ్యాచ్‌లో మూడో నంబర్‌లో బ్యాటింగ్‌ చేసే అవకాశం ఇచ్చినందుకు సూర్యకు ధన్యవాదాలు తెలిపాడు. కాగా సెంచూరియన్‌ వేదికగా బుధవారం నాటి మ్యాచ్‌లో తిలక్‌ వర్మ 56 బంతుల్లోనే 8 ఫోర్లు, 7 సిక్సర్ల సాయంతో ఏకంగా 107 పరుగులు సాధించాడు. ఆఖరి వరకు అజేయంగా నిలిచి భారత్‌ 219 పరుగులు స్కోరు చేయడంలో కీలకంగా వ్యవహరించాడు. ఇక లక్ష్య ఛేదనలో సౌతాఫ్రికా 208 పరుగుల వద్ద నిలిచి.. పదకొండు పరుగుల తేడాతో ఓటమిపాలైంది. ఇదిలా ఉంటే.. ఈ మ్యాచ్‌లో తిలక్‌.. అర్ష్‌దీప్‌ బౌలింగ్‌లో హెన్రిచ్‌ క్లాసెన్‌(41)క్యాచ్‌ అందుకుని మ్యాచ్‌ను మలుపు తిప్పడంలో దోహదపడ్డాడు.చదవండి: Mohammed Shami: రీ ఎంట్రీలో చెలరేగిన మహ్మద్‌ షమీ..

టీ20 సిరీస్‌లో చెరో విజయంతో సమంగా ఉన్న టీమిండియా- సౌతాఫ్రికా మరో కీలక పోరుకు సిద్ధమయ్యాయి. ఇరుజట్ల మధ్య బుధవారం సెంచూరియన్‌ వేదికగా మూడో టీ20 జరుగనుంది. ఇందులో గెలిచి ఆధిక్యం పెంచుకోవాలని ఇటు సూర్య సేన.. అటు ప్రొటిస్‌ జట్టు తహతహలాడుతున్నాయి.మొదటి రెండు టీ20లలో అలాఈ నేపథ్యంలో సౌతాఫ్రికా మాజీ క్రికెటర్‌ హర్షల్‌ గిబ్స్‌ ఆసక్తికర వ్యాఖ్యలు చేశాడు. మొదటి రెండు టీ20లలో పిచ్‌లు భారత జట్టుకే అనుకూలంగా ఉన్నాయని పేర్కొన్నాడు. టీ20 మ్యాచ్‌లలో ఎప్పుడు ఏం జరుగుతుందో చెప్పలేమని.. అయితే, టీమిండియాపై తమ జట్టు పైచేయి సాధిస్తుందని ధీమా వ్యక్తం చేశాడు.టీమిండియాతో సిరీస్‌ను 3-1తో కైవసం చేసుకుంటుందని హర్షల్‌ గిబ్స్‌ విశ్వాసం కనబరిచాడు. ఇందుకు గల కారణాన్ని విశ్లేషిస్తూ.. ‘‘ఈ ఫార్మాట్లో ఏదైనా జరగవచ్చు. నాకు తెలిసి ఇప్పటి వరకు వికెట్‌ టీమిండియాకే అనుకూలించింది. అయితే, సెంచూరియన్‌, జొహన్నస్‌బర్గ్‌ మ్యాచ్‌లలో మాత్రం భారీస్కోర్లు నమోదవుతాయని భావిస్తున్నా.3-1తో ప్రొటిస్‌ జట్టుదే సిరీస్‌ఆ రెండు మ్యాచ్‌లలో ఏదైనా జరగొచ్చు. తొలి రెండు టీ20లలో ప్రొటిస్‌ పూర్తిస్థాయి, పటిష్ట జట్టుతోనే బరిలోకి దిగింది. అయితే, టీమిండియా మాత్రం అనుభవలేమి ఆటగాళ్లతో ఇక్కడికి వచ్చింది. నా అంచనా ప్రకారం ఈ సిరీస్‌ను 3-1తో ప్రొటిస్‌ జట్టు సొంతం చేసుకుంటుంది’’ అని హర్షల్‌ గిబ్స్‌ పేర్కొన్నాడు. ఈ మేరకు స్పోర్ట్స్‌బూమ్‌తో వ్యాఖ్యలు చేశాడు.మిగిలిన రెండు టీ20లలోకాగా నాలుగు మ్యాచ్‌ల టీ20 సిరీస్‌ ఆడేందుకు టీమిండియా సౌతాఫ్రికాకు వెళ్లిన విషయం తెలిసిందే. ఇందులో భాగంగా డర్బన్‌ వేదికగా తొలి మ్యాచ్‌లో సూర్యకుమార్‌ సేన 61 పరుగుల తేడాతో విజయం సాధించింది. అయితే, గెబెహాలో జరిగిన రెండో టీ20లో భారత బౌలర్లు ఆఖరి వరకు పోరాడినా ఫలితం లేకపోయింది. ఆతిథ్య జట్టు చేతిలో టీమిండియా మూడు వికెట్ల తేడాతో ఓటమి పాలైంది.ఈ క్రమంలో ఇరుజట్ల మధ్య తదుపరి సెంచూరియన్‌లోని సూపర్‌స్పోర్ట్‌ పార్క్‌లో బుధవారం మూడో టీ20... అదే విధంగా.. శుక్రవారం జొహన్నస్‌బర్గ్‌లోని ది వాండరర్స్‌ స్టేడియంలో ఆఖరి టీ20 జరుగునున్నాయి. ఈ రెండు మ్యాచ్‌లు భారత కాలమానం ప్రకారం.. రాత్రి 8.30 నిమిషాలకు మొదలయ్యేలా షెడ్యూల్‌ ఖరారైంది.ప్రపంచ రికార్డు ఖాతాలో వేసుకునిఇదిలా ఉంటే.. అంతర్జాతీయ క్రికెట్‌ ఒకే ఓవర్లో ఆరు సిక్సర్లు బాదిన తొలి ఆటగాడిగా హర్షల్‌ గిబ్స్‌ చరిత్ర పుటల్లో తన పేరు లిఖించుకున్నాడు. 2007లో నెదర్లాండ్స్‌తో మ్యాచ్‌లో డాన్‌ వాన్‌ బంగ్‌ బౌలింగ్‌లో వరుసగా సిక్స్‌లతో విరుచుకుపడ్డాడు.ఇక గిబ్స్‌ తర్వాత వన్డేల్లో జస్కరన్‌ మల్హోత్రా (అమెరికా) పాపువా న్యూగినియాతో 2021 నాటి మ్యాచ్‌లో మళ్లీ ఈ ఫీట్‌ నమోదు చేశాడు. ఇదిలా ఉంటే.. అంతర్జాతీయ టీ20లలో టీమిండియా మాజీ ఆల్‌రౌండర్‌ యువరాజ్ సింగ్‌ స్టువర్ట్‌ బ్రాడ్‌ (ఇంగ్లండ్‌; 2007లో) బౌలింగ్‌లో ఒకే ఓవర్లో ఆరు సిక్సర్లు బాదాడు. తర్వాత వెస్టిండీస్‌ వీరుడు కీరన్‌ పొలార్డ్‌ శ్రీలంక బౌలర్‌ అఖిల ధనంజయ(2021లో) బౌలింగ్‌లో ఈ ఘనత సాధించాడు.సౌతాఫ్రికాతో టీ20లకు భారత జట్టుసంజూ శాంసన్(వికెట్ కీపర్), అభిషేక్ శర్మ, సూర్యకుమార్ యాదవ్(కెప్టెన్), తిలక్ వర్మ, అక్షర్ పటేల్, హార్దిక్ పాండ్యా, రింకూ సింగ్, అర్ష్‌దీప్‌ సింగ్, రవి బిష్ణోయ్, వరుణ్ చక్రవర్తి, అవేశ్ ఖాన్, జితేశ్ శర్మ, విజయ్‌కుమార్‌ వైశాఖ్, రమణ్‌దీప్‌ సింగ్, యశ్ దయాళ్.సౌతాఫ్రికా జట్టురియాన్ రికెల్టన్, రీజా హెండ్రిక్స్, ఐడెన్ మార్క్రమ్(కెప్టెన్), ట్రిస్టన్ స్టబ్స్, మార్కో జాన్సెన్, హెన్రిచ్ క్లాసెన్(వికెట్ కీపర్), డేవిడ్ మిల్లర్, ఆండిలే సిమెలేన్, గెరాల్డ్‌ కొయెట్జీ, కేశవ్ మహారాజ్, నకబయోమ్జీ పీటర్, పాట్రిక్ క్రూగర్, మిహ్లాలీ ఎంపోంగ్వానా, డోనోవన్ ఫెరీరా, ఒట్‌నీల్‌ బార్ట్‌మన్‌, లుథో సిపామ్లా.చదవండి: BGT: బీసీసీఐ కీలక నిర్ణయం!.. అభిమానులకు బ్యాడ్‌న్యూస్‌!

సౌతాఫ్రికా పర్యటనను ఘనంగా ఆరంభించిన టీమిండియా జోరుకు తాత్కాలికంగా బ్రేక్‌ పడింది. తొలి టీ20లో ఎదురైన పరాభవానికి ఆతిథ్య ప్రొటిస్‌ జట్టు బదులు తీర్చుకుంది. రెండో మ్యాచ్‌లో మూడు వికెట్ల తేడాతో భారత్‌పై గెలిచి.. సిరీస్‌ను 1-1తో సమం చేసింది. కాగా నాలుగు టీ20 మ్యాచ్‌ల సిరీస్‌ ఆడేందుకు సూర్య సేన సౌతాఫ్రికాకు వెళ్లిన విషయం తెలిసిందే.ఈ క్రమంలో డర్బన్‌ వేదికగా జరిగిన తొలి మ్యాచ్‌లో టీమిండియా 61 పరుగుల తేడాతో గెలుపొందింది. అయితే, గెబెహాలో ఆదివారం జరిగిన రెండో టీ20లో మాత్రం ఓటమిపాలైంది. కీలక బ్యాటర్లంతా విఫలమైనా.. స్వల్ప లక్ష్యాన్ని కాపాడటం కోసం బౌలర్లు ఆఖరి వరకు పోరాడారు. అయినప్పటికీ ఫలితం లేకపోయింది.ఒకే ఒక్క ఓవర్‌ ఇస్తారా?ఈ నేపథ్యంలో సూర్యకుమార్‌ యాదవ్‌ కెప్టెన్సీపై భారత మాజీ ఓపెనర్‌, కామెంటేటర్‌ ఆకాశ్‌ చోప్రా విమర్శలు చేశాడు. అక్షర్‌ పటేల్‌ బౌలింగ్‌ సేవలను సమర్థవంతంగా వినియోగించుకోవడంలో సూర్య విఫలమయ్యాడని పేర్కొన్నాడు. రెండో టీ20లో అక్షర్‌కు కేవలం ఒకే ఒక్క ఓవర్‌ ఇవ్వడం భారత కెప్టెన్‌ చేసిన అతిపెద్ద తప్పని విమర్శించాడు.ఈ మేరకు సోషల్‌ మీడియా వేదికగా ఆకాశ్‌​ చోప్రా మాట్లాడుతూ.. ‘‘అక్షర్‌ పటేల్‌ సేవలను పూర్తిగా వినియోగించుకుంటున్నారా? అసలు అతడిని ఎందుకు ఆడిస్తున్నారు? డర్బన్‌లో అక్షర్‌కు కేవలం ఒకే ఒక్క ఓవర్‌ ఇచ్చారు. గెబెహాలోనూ అదే పరిస్థితి.సూర్య చేసిన అతిపెద్ద తప్పు ఇదిస్పిన్నర్లు మాత్రమే ఆరు నుంచి ఏడు వికెట్లు తీస్తున్న పిచ్‌పై అక్షర్‌తో ఇలా ఒకే ఒక్క ఓవర్‌ వేయించడం ఏమిటి? అక్షర్‌ సేవలను వినియోగించుకోవడంలో మేనేజ్‌మెంట్‌ విఫలమవుతోంది. తుదిజట్టులో ముగ్గురు స్పిన్నర్లను ఆడిస్తున్నారు. కానీ వారిని సరైన విధంగా ఉపయోగించుకోలేకపోతున్నారు.భారత జట్టు బ్యాటింగ్‌ వైఫల్యం గురించి నేను ప్రస్తుతానికి మాట్లాడదలచుకోలేదు. కానీ బౌలర్‌గా అక్షర్‌ పటేల్‌ను ఉపయోగించుకోవడంలో విఫలమయ్యారు. ఈ మ్యాచ్‌లో సూర్య చేసిన అతిపెద్ద తప్పు ఇది అని కచ్చితంగా చెప్పగలను’’ అని పేర్కొన్నాడు. కేవలం 124 పరుగులుఇక ఈ మ్యాచ్‌లో బ్యాట్‌ ఝులిపించే ప్రయత్నం చేసిన అక్షర్‌ పటేల్‌ రనౌట్‌ కావడం నిజంగా అతడి దురదృష్టమని ఆకాశ్‌ చోప్రా ఈ సందర్భంగా పేర్కొన్నాడు. కాగా సౌతాఫ్రికాతో రెండో టీ20లో టాస్‌ ఓడిన భారత జట్టు తొలుత బ్యాటింగ్‌ చేసింది. నిర్ణీత 20 ఓవర్లలో ఆరు వికెట్ల నష్టానికి కేవలం 124 పరుగులు చేసింది. తిలక్‌ వర్మ(20), స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌(27), హార్దిక్‌ పాండ్యా(39 నాటౌట్‌) రాణించడంతో ఈ మాత్రం స్కోరు సాధ్యమైంది. ఇక లక్ష్య ఛేదనకు దిగిన సౌతాఫ్రికాను భారత బౌలర్లు ఆది నుంచే ఇబ్బంది పెట్టారు. వరుణ్‌ ఐదు వికెట్లు తీసినా..ముఖ్యంగా మిస్టరీ స్పిన్నర్‌ వరుణ్‌ చక్రవర్తి కేవలం 17 పరుగులే ఇచ్చి ఐదు వికెట్లు కూల్చాడు. మరో స్పిన్నర్‌ రవి బిష్ణోయి సైతం ఒక వికెట్‌ తీయగా.. పేసర్‌ అర్ష్‌దీప్‌ సింగ్‌ కూడా ఒక వికెట్‌ దక్కించుకున్నాడు.అయితే, స్పిన్‌కు అనుకూలిస్తున్న పిచ్‌పై అక్షర్‌ పటేల్‌కు మాత్రం ఒకే ఒక్క ఓవర్‌ ఇవ్వగా.. అతడు కేవలం రెండు పరుగులే ఇచ్చాడు. ఇదిలా ఉంటే.. భారత బౌలర్లు అటాక్‌ చేస్తున్నా సౌతాఫ్రికా హిట్టర్‌ ట్రిస్టన్‌ స్టబ్స్‌ 41 బంతుల్లో 47 పరగులుతో అజేయంగా నిలిచి జట్టును విజయతీరాలకు చేర్చాడు. తద్వారా ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఇక ఇరుజట్ల మధ్య బుధవారం సెంచూరియన్‌ వేదికగా మూడో టీ20 జరుగనుంది.చదవండి: హార్దిక్‌ సెల్ఫిష్‌ ఇన్నింగ్స్‌..! ఇదంతా ఐపీఎల్‌ కోసమేనా: పాక్‌ మాజీ క్రికెటర్‌

జిఖెబెర్హా (పోర్ట్‌ ఎలిజబెత్‌): టి20 క్రికెట్‌లో జోరు కొనసాగించాలని పట్టుదలగా ఉన్న భారత జట్టు మరో పోరుకు సన్నద్ధమైంది. నేడు దక్షిణాఫ్రికాతో జరిగే రెండో టి20లో భారత్‌ తలపడుతుంది. తొలి మ్యాచ్‌లో నెగ్గిన టీమిండియా ఇక్కడా విజయం సాధిస్తే 2–0తో ముందంజ వేస్తుంది. నాలుగు మ్యాచ్‌ల ఈ సమరంలో ఆపై సిరీస్‌ కోల్పోయే అవకాశం మాత్రం ఉండదు. మరో వైపు స్వదేశంలో కూడా ప్రభావం చూపలేక సమష్టి వైఫల్యంతో చిత్తయిన దక్షిణాఫ్రికాపై తీవ్ర ఒత్తిడి ఉంది. ఈ మ్యాచ్‌లో ఎలాగైనా గెలిచి తమ అవకాశాలు కాపాడుకోవాలని ఆ జట్టు భావిస్తోంది. ఇక్కడి పిచ్‌పై చక్కటి బౌన్స్‌ ఉండటంతో అటు బ్యాటింగ్‌కు, ఇటు పేస్‌ బౌలింగ్‌కు అనుకూలం కాబట్టి ఆసక్తికర పోరు జరగవచ్చు. మ్యాచ్‌ రోజున వర్షం పడే అవకాశం తక్కువ. అంతర్జాతీయ టి20ల్లో వరుసగా 11 మ్యాచ్‌లు గెలిచిన భారత్‌ ఈ సారి కూడా విజయం సాధిస్తే తమ రికార్డు (12 మ్యాచ్‌లు)నే సమం చేస్తుంది. అందరూ చెలరేగితే... తొలి టి20లో భారత్‌ బ్యాటింగ్‌ పదునేమిటో కనిపించింది. ఇన్నింగ్స్‌ చివర్లో కాస్త తడబాటుకు గురైనా స్కోరు 200 దాటడం విశేషం. సంజు సామ్సన్‌ విధ్వంసకర బ్యాటింగ్‌తో చెలరేగుతుండటం సానుకూలాశం కాగా మరో ఓపెనర్‌ అభిషేక్‌ శర్మ అంచనాలను అందుకోవాల్సి ఉంది. వరుసగా విఫలమవుతున్న అతనికి ఇది చివరి అవకాశం కావచ్చు. సూర్యకుమార్‌ ఎప్పటిలాగే తనదైన శైలిలో బౌలర్లపై ఆధిపత్యం ప్రదర్శించడం ఖాయం. తిలక్‌ వర్మ కూడా తొలి పోరులో మెరుగైన ప్రదర్శన కనబర్చాడు. చివరి ఓవర్లలో వేగంగా ఆడే క్రమంలో పాండ్యా, రింకూ సింగ్‌ తొందరగానే అవుటైనా వారు తమ స్థాయికి తగినట్లు ఆడితే భారత్‌కు తిరుగుండదు. ఏడో స్థానంలో అక్షర్‌ పటేల్‌ లాంటి ఆల్‌రౌండర్‌ అందుబాటులో ఉండటం జట్టు బ్యాటింగ్‌ లోతును చూపిస్తోంది. బౌలింగ్‌లో కూడా వరుణ్‌ చక్రవర్తి, రవి బిష్ణోయ్‌ స్పిన్‌ను అర్థం చేసుకోవడంతో సఫారీలు తీవ్రంగా ఇబ్బంది పడ్డారు. పేసర్‌ అర్‌‡్షదీప్‌ కూడా సత్తా చాటుతుండగా...పునరాగమనంలో అవేశ్‌ ఆకట్టుకున్నాడు. ఇలాంటి లైనప్‌ ఉన్న జట్టు మరోసారి చెలరేగితే వరుసగా రెండో విజయం జట్టు ఖాతాలో చేరడం ఖాయం. గెలిపించేది ఎవరు... సొంతగడ్డపై ఇటీవలే విండీస్‌ చేతిలో 0–3తో టి20 సిరీస్‌ను చేజార్చుకున్న దక్షిణాఫ్రికా ఈ ఫార్మాట్‌లో ఇంకా తడబడుతూనే ఉంది. తొలి పోరులో బౌలర్ల వైఫల్యంతో ముందుగా భారీగా పరుగులిచ్చుకున్న జట్టు...ఆ తర్వాత బ్యాటింగ్‌లో సాధారణ ప్రదర్శన కూడా చూపించలేదు. మార్క్‌రమ్‌ మళ్లీ విఫలం కాగా...రికెల్‌టన్, స్టబ్స్‌ కూడా నిలబడలేకపోయారు. క్లాసెన్, మిల్లర్‌ జోడీపై జట్టు అతిగా ఆధారపడుతున్నట్లు అనిపిస్తోంది. వీరిద్దరు వెనుదిరిగితే చాలు ప్రత్యర్థి చేతికి మ్యాచ్‌ అప్పగించినట్లే కనిపిస్తోంది. పేరుకే ఆల్‌రౌండర్‌ అయినా మార్కో జాన్సెన్‌ ఏమాత్రం ప్రభావం చూపడం లేదు. కొయెట్జీతో పాటు ఇతర బౌలర్లు కూడా రాణిస్తేనే భారత్‌ను సఫారీలు నిలువరించగలరు. పీటర్, సిమ్‌లేన్‌ గత మ్యాచ్‌లో విఫలమైనా... మరో మ్యాచ్‌లో అవకాశం దక్కవచ్చు. స్పిన్నర్‌గా కేశవ్‌ మహరాజ్‌ కూడా రాణించాల్సి ఉంది.

యాభై బంతుల్లో ఏడు ఫోర్లు, పది సిక్సర్లు.. మొత్తంగా 107 పరుగులు.. టీమిండియా స్టార్‌, ఓపెనర్‌ సంజూ శాంసన్‌ డర్బన్‌ వేదికగా సౌతాఫ్రికా బౌలింగ్‌ను ఒక రకంగా ఊచకోత కోశాడు. ప్రొటిస్‌ బౌలర్లపై అటాక్‌ చేస్తూ పరుగుల విధ్వంసంతో 214కు పైగా స్ట్రైక్‌ రేటు నమోదు చేశాడు. ఆద్యంతం అద్భుతమైన షాట్లతో క్రికెట్‌ ప్రేమికులను అలరిస్తూ ఆకాశమే హద్దుగా చెలరేగాడు.ఎంత మంది బౌలర్లను మార్చినా ప్రయోజనం లేదుసంజూ జోరుకు కళ్లెం వేయడానికి సౌతాఫ్రికా కెప్టెన్‌ ఐడెన్‌ మార్క్రమ్‌ ఎంత మంది బౌలర్లను మార్చినా ప్రయోజనం లేకపోయింది. అతడే స్వయంగా ఈ విషయాన్ని అంగీకరించాడు. తొలి టీ20లో టీమిండియా చేతిలో ఓడిన తర్వాత మార్క్రమ్‌ మాట్లాడుతూ... సంజూ శాంసన్‌పై ప్రశంసలు కురిపించాడు.అసాధారణ ఇన్నింగ్స్‌.. అతడిని ఆపలేకపోయాం‘‘ఈ మ్యాచ్‌లో సంజూ అసాధారణ ఇన్నింగ్స్‌ ఆడాడు. మా బౌలర్లను తీవ్ర ఒత్తిడిలోకి నెట్టాడు. అతడిని అవుట్‌ చేయడానికి మేము చాలానే ప్లాన్స్‌ వేశాం. ఎప్పటికప్పుడు మెరుగైన ప్రణాళికతో ముందుకు వెళ్లాం. ఒక్కసారి అతడు అలా క్రీజులో కుదురుకుని హిట్టింగ్‌ మొదలు పెట్టాక.. అతడిని ఆపడం కుదిరేపని కాదు.అదొక్కటే మాకు సానుకూలాంశంఅతడి ముందు ఒక రకంగా తలొగ్గడం తప్ప ఏమీ చేయలేకపోయాం. అయితే, డెత్‌ ఓవర్లలో మా వాళ్లు బాగా బౌలింగ్‌ చేశారు. గెరాల్డ్‌ కోయెట్జీ, మార్కో జాన్సెన్‌ ఆట తీరు మాకు ఈ మ్యాచ్‌లో సానుకూలాంశం’’ అని మార్క్రమ్‌ పేర్కొన్నాడు. తదుపరి మ్యాచ్‌లో పొరపాట్లను సరి చేసుకుని మెరుగైన ఆట తీరుతో ముందుకు వస్తామని తెలిపాడు.Sanju Chetta is on fire! 🔥💥Watch the 1st #SAvIND T20I LIVE on #JioCinema, #Sports18, and #ColorsCineplex! 👈#TeamIndia #JioCinemaSports #SanjuSamson pic.twitter.com/kTeX4Wf6AQ— JioCinema (@JioCinema) November 8, 2024 కాగా నాలుగు టీ20 మ్యాచ్‌ల సిరీస్‌ ఆడేందుకు టీమిండియా సౌతాఫ్రికా పర్యటనకు వెళ్లింది. ఈ క్రమంలో సూర్య సేన శుక్రవారం మార్క్రమ్‌ బృందంతో తొలి మ్యాచ్‌లో తలపడింది. తిలక్‌ సైతండర్బన్‌లో టాస్‌ ఓడి తొలుత బ్యాటింగ్‌ చేసిన టీమిండియా సంజూ అద్భుత శతకం, తిలక్‌ వర్మ(18 బంతుల్లో 33) ధనాధన్‌ ఇన్నింగ్స్‌ కారణంగా.. నిర్ణీత 20 ఓవర్లలో 8 వికెట్ల నష్టానికి 202 పరుగుల భారీ స్కోరు సాధించింది.భారత బౌలర్ల విజృంభణలక్ష్య ఛేదనలో భారత బౌలర్ల ధాటికి సౌతాఫ్రికా 141 పరుగులకే ఆలౌట్‌ అయింది. దీంతో 61 పరుగుల తేడాతో భారీ ఓటమిని చవిచూసింది. ఇక టీమిండియా స్పిన్నర్లు వరుణ్‌ చక్రవర్తి(3/25), రవి బిష్ణోయి(3/28) చెరో మూడు వికెట్లతో చెలరేగగా.. పేసర్లు అర్ష్‌దీప్‌ సింగ్‌ ఒకటి, అవేశ్‌ ఖాన్‌ రెండు వికెట్లు దక్కించుకున్నారు. ఈ మ్యాచ్‌లో మార్క్రమ్‌ ఎనిమిది పరుగులకే నిష్క్రమించాడు. ఇక ఇరుజట్ల మధ్య ఆదివారం రెండో మ్యాచ్‌ జరుగనుంది.చదవండి: BGT: వరుసగా 4 సెంచరీలు.. ఆస్ట్రేలియాలో ఫెయిల్‌.. అయినా టీమిండియా ఓపెనర్‌గా అతడే!

డ‌ర్బ‌న్ వేదిక‌గా ద‌క్షిణాఫ్రికాతో జ‌రిగిన తొలి టీ20లో టీమిండియా ఓపెన‌ర్ సంజూ శాంసన్ విధ్వంస‌క‌ర సెంచ‌రీతో క‌దం తొక్కాడు. ప్రధాన ఆటగాళ్లు దూరం కావడంతో త‌న‌కు వ‌చ్చిన అవ‌కాశాల‌ను శాంస‌న్ రెండు రెండు చేతులా ఒడిసిపట్టుకున్నాడు.గ‌త నెల‌లో హైద‌రాబాద్ వేదిక‌గా బంగ్లాదేశ్‌పై శివ‌తాండవం చేసిన సంజూ.. ఇప్పుడు స‌ఫారీ గ‌డ్డ‌పై బీబ‌త్సం సృష్టించాడు. అంతర్జాతీయ టీ20ల్లో వరుస ఇన్నింగ్స్‌లలో సెంచరీలు సాధించిన తొలి భారత బ్యాటర్‌గా శాంసన్ రికార్డులకెక్కాడు. కేవలం 50 బంతుల్లో 7 ఫోర్లు, 10 సిక్స్‌లతో 107 పరుగులు చేసి మ్యాన్ ఆఫ్‌ది మ్యాచ్ ఈ కేరళ స్టార్ నిలిచాడు. ఇక త‌న అద్బుత ఇన్నింగ్స్‌పై సంజూ శాంస‌న్ స్పందించాడు. ఇన్నింగ్స్ బ్రేక్‌లో బ్రాడ్‌కాస్టర్‌తో మాట్లాడుతూ ఆధికారిక బ్రాడ్‌కాస్ట‌ర్‌తో సంజూ మాట్లాడుతూ భావోద్వేగానికి గురయ్యాడు."నేను ఇప్పుడు ఎక్కువ‌గా ఆలోచిస్తే క‌చ్చితంగా ఎమోషనల్ అవుతాను. ఎందుకంటే ఈ క్ష‌ణం కోస‌మే గ‌త 10 ఏళ్ల నుంచి వేచి ఉన్నాను. నేను ఇప్పుడు చాలా సంతోషంగా ఉన్నాను. చాలా మంది నాకు సపోర్ట్‌గా నిలిచారు.నా క‌ష్టానికి త‌గ్గ ఫ‌లితం ఇన్నాళ్ల‌కు ద‌క్కింది. కానీ నేను గాల్లో తేలిపోవాల‌నుకోవ‌టం లేదు. రాబోయే మ్యాచ్‌ల్లో కూడా ఇదే త‌రహా ప్ర‌ద‌ర్శ‌న చేసేందుకు ప్రయత్నిస్తానని" అని భార‌త్ ఇన్నింగ్స్ అనంత‌రం సంజూ పేర్కొన్నాడు."ఈ మ్యాచ్‌లో నా బ్యాటింగ్‌ను నేను అస్వాదించాను. నా ఫామ్‌ను పూర్తిగా వినిగియోగించుకున్నాను. మేము దూకుడుగా ఆడాలని ముందే నిర్ణయించుకున్నాము. మూడు నాలుగు బంతులు ఆడిన తర్వాత కచ్చితంగా బౌండరీ కోసం ప్రయత్నించాల్సిందే. ఓవరాల్‌గా ఈ మ్యాచ్‌లో నా ప్రదర్శన పట్ల సంతోషంగా ఉన్నాను" అని పోస్ట్‌మ్యాచ్‌ ప్రేజేంటేషన్‌లో శాంసన్‌ చెప్పుకొచ్చాడు.చదవండి: IND-A vs AUS-A: తీరు మారని టీమిండియా.. ఆసీస్ చేతిలో మరో ఓటమి

యువ ఆటగాళ్లతో కూడిన భారత క్రికెట్‌ జట్టు సౌతాఫ్రికాతో టీ20 సిరీస్‌కు సిద్ధమైంది. ఇరుజట్ల మధ్య శుక్రవారం డర్బన్‌ వేదికగా మొదటి మ్యాచ్‌ జరుగనుంది. ఇందుకోసం భారత్‌- ప్రొటిస్‌ జట్లు పూర్తిస్థాయిలో సన్నద్ధమయ్యాయి. జైత్రయాత్రను కొనసాగించాలని టీమిండియా.. పరాభవాల నుంచి కోలుకోవాలని సౌతాఫ్రికా పట్టుదలగా ఉన్నాయి.ఈ నేపథ్యంలో తొలి టీ20కి ముందు టీమిండియా కెప్టెన్‌ సూర్యకుమార్‌ యాదవ్‌ మీడియాతో ముచ్చటించాడు. ఈ సందర్భంగా రుతురాజ్‌ గైక్వాడ్‌ గురించి ప్రశ్న ఎదురైంది. అతడిని సౌతాఫ్రికా సిరీస్‌కు ఎందుకు ఎంపిక చేయలేదని విలేఖరులు అడుగగా.. ‘‘రుతు అద్భుతమైన ఆటగాడు. మూడు ఫార్మాట్లలోనూ అతడు నిలకడగా రాణిస్తున్నాడు.అతడి కంటే ముందు చాలా మందే ఉన్నారుఇక అతడి కంటే ముందు చాలా మంది ఆటగాళ్లు కూడా ఇలాగే అద్భుత ప్రదర్శనలు ఇచ్చారు. కాబట్టి ఎవరిని ఎప్పుడు ఎక్కడ ఆడించాలో మేనేజ్‌మెంట్‌కు బాగా తెలుసు. యాజమాన్యం నిర్ణయాలను ప్రతి ఒక్కరు పాటించాల్సిందే. రుతు ఇంకా యువకుడే. అతడికీ ఏదో ఒక రోజు టైమ్‌ వస్తుంది’’ అని సూర్య కుండబద్దలు కొట్టినట్లుగా సమాధానమిచ్చాడు.కొత్త జోడీకాగా రుతురాజ్‌ గైక్వాడ్‌ వన్డే, టీ20 ఫార్మాట్లలో రాణిస్తున్నప్పటికీ అనుకున్న స్థాయిలో టీమిండియాలో అవకాశాలు దక్కించుకోలేకపోతున్నాడు. అతడి బ్యాటింగ్‌ స్థానమే ఇందుకు కారణంగా చెప్పవచ్చు. పరిమిత ఓవర్ల క్రికెట్‌లో ముఖ్యంగా టీ20లలో యశస్వి జైస్వాల్‌- శుబ్‌మన్‌ గిల్‌ జోడీ ఓపెనర్లుగా పాతుకుపోగా.. వారి గైర్హాజరీలో కొత్తగా సంజూ శాంసన్‌- అభిషేక్‌ శర్మ జోడీని బీసీసీఐ పరిశీలిస్తోంది.కెప్టెన్‌గా అవకాశాలుఅయితే, సౌతాఫ్రికాతో సిరీస్‌ కంటే ముందే భారత్‌-‘ఎ’ జట్టు కెప్టెన్‌గా రుతురాజ్‌ గైక్వాడ్‌ ఆస్ట్రేలియా పర్యటనకు వెళ్లాడు. ఈ క్రమంలోనే అతడు ప్రొటిస్‌తో టీ20 సిరీస్‌కు దూరమయ్యాడు. ఇక ఓపెనింగ్‌ బ్యాటర్‌ రుతు చివరగా జింబాబ్వే పర్యటనలో టీమిండియా తరఫున టీ20 సిరీస్‌ ఆడాడు. ఆ టూర్‌లో 158కి పైగా స్ట్రైక్‌రేటుతో 133 పరుగులు సాధించాడు.ఇక ఇండియన్‌ ప్రీమియర్‌ లీగ్‌లో చెన్నై సూపర్‌ కింగ్స్‌కు సారథిగా వ్యవహరిస్తున్న రుతురాజ్‌ గైక్వాడ్‌.. ఇటీవల దేశీ రెడ్‌బాల్‌ టోర్నీ దులిప్‌ ట్రోఫీ-2024లో ఇండియా-సి జట్టుకు కెప్టెన్‌గా వ్యవహరించాడు. ఆసీస్‌ గడ్డపై విఫలంఅంతేకాదు.. ఇరానీ కప్‌లో రెస్టాఫ్‌ ఇండియా జట్టుకు సారథ్యం వహించాడు. ప్రస్తుతం ఆస్ట్రేలియా-ఎ జట్టుతో జరుగుతున్న అనధికారిక టెస్టు సిరీస్‌తో బిజీగా ఉన్న రుతు.. అక్కడ కెప్టెన్‌గా, బ్యాటర్‌గా విఫలమవుతున్నాడు. తొలి టెస్టులో 0, 5 పరుగులు చేసిన రుతు.. రెండో టెస్టులో 4, 11 రన్స్‌ చేశాడు. ఇక తొలి టెస్టులో ఏడు వికెట్ల తేడాతో ఓడిన భారత్‌-ఎ.. రెండో టెస్టులోనూ ఓటమి దిశగా పయనిస్తోంది. చదవండి: IND vs SA: 'అత‌డికి ఇది డూ ఆర్ డై సిరీస్‌.. లేదంటే ఇక మ‌ర్చిపోవాల్సిందే'

టీ20 ప్రపంచకప్‌-2024లో చాంపియన్‌గా అవతరించిన టీమిండియా ఆ తర్వాత ద్వైపాక్షిక సిరీస్‌లలోనూ దుమ్ములేపింది. రోహిత్‌ శర్మ స్థానంలో పూర్తి స్థాయిలో భారత టీ20 జట్టు పగ్గాలు చేపట్టిన సూర్యకుమార్‌ యాదవ్‌ పట్టిందల్లా బంగారమే అన్నట్లుగా ముందుకు సాగుతున్నాడు. తొలుత శ్రీలంక పర్యటనలో సూర్య సేన టీ20 సిరీస్‌ను 3-0తో క్లీన్‌స్వీప్‌ చేయగా.. తర్వాత సొంతగడ్డపై పూర్తిగా యువ ఆటగాళ్లతో కూడిన జట్టుతో బంగ్లాదేశ్‌ను 3-0తో వైట్‌వాష్‌ చేసింది.అదొక్కటి సానుకూలాంశంఅయితే, సౌతాఫ్రికా గడ్డపై రాణించడం టీమిండియాకు అంత తేలికేమీ కాదు. కానీ.. ప్రపంచకప్‌-2024 ఫైనల్లో భారత్‌ చేతిలో ఓటమి తర్వాత ప్రొటిస్‌ జట్టు ఇంకా పూర్తిగా కోలుకోకపోవడం మనకు సానుకూలాంశం. మెగా టోర్నీ తర్వాత వెస్టిండీస్‌ చేతిలో 0–3తో వైట్‌వాష్‌కు గురైన సౌతాఫ్రికా.. తర్వాత పసికూన ఐర్లాండ్‌తో సిరీస్‌ను 1–1తో ‘డ్రా’గా ముగించింది.ఈ నేపథ్యంలో రెట్టించిన ఉత్సాహంతో సూర్య సేన వస్తుంటే.. గత పరాభవాల నుంచి కోలుకుని స్వదేశంలో సత్తా చాటాలని సౌతాఫ్రికా పట్టుదలగా ఉంది. హెన్రిచ్‌ క్లాసెన్‌, డేవిడ్‌ మిల్లర్‌ రీఎంట్రీతో తమ రాత మారుతుందని ధీమాగా ఉంది. ఈ నేపథ్యంలో సఫారీలతో టీమిండియా సమరం ఈసారి మరింత రసవత్తరంగా మారనుంది.ఒక్కో మ్యాచ్‌తో రూ. 73 కోట్లు! నిజానికి.. భారత జట్టు స్వదేశంలో న్యూజిలాండ్‌తో సిరీస్‌ ముగిసిన వెంటనే ఆస్ట్రేలియా పర్యటన కోసం వెళ్లాల్సి ఉంది. తొలుత టీమిండియా షెడ్యూల్‌లో ఈ సిరీస్‌ లేనే లేదు. కానీ ఆదాయం కోసమే హడావిడిగా దీనిని ఏర్పాటు చేశారు. దక్షిణాఫ్రికా బోర్డును ఆర్థిక కష్టాల నుంచి గట్టెక్కించేందుకు టీ20 స్పెషలిస్ట్‌లతో భారత టీమ్‌ను ఎంపిక చేశారు.టీమిండియాతో టీ20 సిరీస్‌లో ఒక్కో మ్యాచ్‌ ద్వారా దక్షిణాఫ్రికాకు 150 మిలియన్‌ ర్యాండ్‌ల (సుమారు రూ.73 కోట్లు) ఆదాయం రానుందని అంచనా. ఐపీఎల్‌ తరహాలో దక్షిణాఫ్రికా బోర్డు ప్రతిష్టాత్మకంగా నిర్వహించే ఎస్‌ఏ20(SAT20) టోర్నీ ద్వారా వచ్చిన మొత్తం లాభం 54 మిలియన్‌ ర్యాండ్‌లతో (రూ. 26 కోట్లు) పోలిస్తే దీని విలువ ఏమిటో అర్థమవుతుంది! ఇక ఐపీఎల్‌-2025 మెగా వేలానికి ముందు తమ సత్తాను నిరూపించుకునేందుకు కూడా సౌతాఫ్రికా ఆటగాళ్లకు ఈ సిరీస్‌ గొప్ప వేదిక కానుంది.సౌతాఫ్రికా వర్సెస్‌ టీమిండియా టీ20 సిరీస్‌ 2024👉మొదటి టీ20- నవంబరు 8(శుక్రవారం)- డర్బన్‌- రాత్రి గం.8:30లకు👉రెండో టీ20- నవంబరు 10(ఆదివారం)- గ్వెబెర్హ- రాత్రి 7.30 నిమిషాలకు👉మూడో టీ20- నవంబరు 13(బుధవారం)- సెంచూరియన్‌- రాత్రి గం.8:30లకు👉నాలుగో టీ20- నవంబరు 15(శుక్రవారం)- జొహన్నస్‌బర్గ్‌- రాత్రి గం.8:30లకుజట్లుసౌతాఫ్రికారీజా హెండ్రిక్స్, రియాన్ రికెల్టన్(వికెట్ కీపర్), ఐడెన్ మార్క్రమ్(కెప్టెన్), ట్రిస్టన్ స్టబ్స్, హెన్రిచ్ క్లాసెన్, డేవిడ్ మిల్లర్, మార్కో జాన్సెన్, కేశవ్ మహారాజ్, గెరాల్డ్ కోయెట్జీ, నకబయోమ్జీ పీటర్, ఒట్‌నీల్‌ బార్ట్మన్, డోనోవన్ ఫెరీరా, మిహ్లాలీ ఎంపోంగ్వానా, ప్యాట్రిక్ క్రుగర్.భారత్‌అభిషేక్ శర్మ, సంజూ శాంసన్(వికెట్ కీపర్), సూర్యకుమార్ యాదవ్(కెప్టెన్), తిలక్ వర్మ, హార్దిక్ పాండ్యా, రింకు సింగ్, అక్షర్ పటేల్, విజయ్ కుమార్ వైశా​క్‌, అవేష్ ఖాన్, వరుణ్ చక్రవర్తి, అర్ష్‌దీప్‌ సింగ్, యశ్ దయాళ్, రవి బిష్ణోయ్, రమణ్‌దీప్‌ సింగ్, జితేశ్‌ శర్మ.ముఖాముఖి రికార్డులుఇప్పటి వరకు టీమిండియా- సౌతాఫ్రికా 27 టీ20 మ్యాచ్‌లలో తలపడగా.. భారత్‌ 15 మ్యాచ్‌లలో గెలుపొందగా.. సౌతాఫ్రికా పదకొండింట విజయం సాధించింది. ఒక మ్యాచ్‌ వర్షం వల్ల ఫలితం తేలకుండా ముగిసిపోయింది.

టీమిండియా టీ20 పూర్తిస్థాయి కెప్టెన్‌గా బాధ్యతలు చేపట్టిన తర్వాత సూర్యకుమార్‌ యాదవ్‌ అద్బుతమైన విజయాలు సాధించాడు. యువ ఆటగాళ్లతో కూడిన జట్లతోనే శ్రీలంక పర్యటనలో పొట్టి సిరీస్‌ను 3-0తో క్లీన్‌స్వీప్‌ చేసిన ఈ ముంబై బ్యాటర్‌.. సొంతగడ్డపై బంగ్లాదేశ్‌పై 3-0తో వైట్‌వాష్‌ చేసి సత్తా చాటాడు.సఫారీ పిచ్‌లపై అంత ఈజీ కాదుఅయితే, సౌతాఫ్రికా టూర్‌ రూపంలో సూర్యకు అసలు సిసలు సవాలు ఎదురుకానుంది. శ్రీలంక, బంగ్లాదేశ్‌లను క్లీన్‌స్వీప్‌ చేసినంత సులువుగా సౌతాఫ్రికాను పడగొట్టడం సాధ్యం కాదు. సొంత పిచ్‌లపై చెలరేగే సఫారీ బౌలర్లను ఎదుర్కోవడం కత్తిమీద సాములాంటిదే.పైగా టీ20 ప్రపంచకప్‌-2024లో స్వల్ప తేడాతో టీమిండియా చేతిలో ఓడి తొలి టైటిల్‌ గెలిచే అవకాశాన్ని తృటిలో కోల్పోయింది సౌతాఫ్రికా. అందుకు ఈ సిరీస్‌లో ప్రతీకారం తీర్చుకోవాలని పట్టుదలతో ఉంది. అలాంటపుడు యువ జట్టుతో ప్రొటిస్‌ టీమ్‌ను ఎదుర్కోవడం సూర్యకు బిగ్‌ చాలెంజ్‌ అనడంలో సందేహం లేదు.తిలక్‌ వర్మ పునరాగమనం ఇదిలా ఉంటే.. బంగ్లాదేశ్‌తో టీ20 సిరీస్‌లో ఆడిన ఆటగాళ్లలో నితీశ్‌ రెడ్డి, రియాన్‌ పరాగ్‌, వాషింగ్టన్‌ సుందర్‌, మయాంక్‌ యాదవ్‌ సౌతాఫ్రికా టూర్‌కు వెళ్లే జట్టులో లేరు. వీరిలో నితీశ్‌, సుందర్‌ ఆస్ట్రేలియా పర్యటనతో బిజీ కానున్నారు. ఈ క్రమంలో 11 నెలల తర్వాత హైదరాబాద్‌ ప్లేయర్‌ తిలక్‌ వర్మ పునరాగమనం ఖాయం కాగా.. రాయల్‌ చాలెంజర్స్‌ బెంగళూరు స్టార్‌ బౌలర్‌ యశ్‌ దయాల్‌ అరంగేట్రం కూడా ఫిక్సయినట్లు తెలుస్తోంది.ఈసారి ఛాన్స్‌ పక్కా ఈ ఇద్దరితో పాటు.. సీనియర్‌ స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ సైతం సౌతాఫ్రికాతో తొలి టీ20లో బరిలోకి దిగనున్నట్లు సమాచారం. కాగా టీ20 ప్రపంచకప్‌ గెలిచిన జట్టులో సభ్యుడైన అక్షర్‌ ఇటీవల స్వదేశంలో బంగ్లాదేశ్‌, న్యూజిలాండ్‌తో టెస్టులు ఆడిన జట్లలో సభ్యుడే. అయితే, తుదిజట్టులో మాత్రం అతడికి చోటు దక్కలేదు. అయితే, సౌతాఫ్రికా సిరీస్‌లో అక్షర్‌ను ఆడించనున్నట్లు తెలుస్తోంది.ఇక ప్రొటిస్‌తో తొలి టీ20లో టీమిండియా ముగ్గురు పేసర్లను తుదిజట్టులో ఆడించేందుకు సిద్ధమైనట్లు సమాచారం. ఈ క్రమంలోనే యశ్‌ దయాళ్‌ ఎంట్రీ ఖాయమైందనే అభిప్రాయాలు వ్యక్తమవుతున్నాయి. కాగా ఇటీవలి రిటెన్షన్స్‌లో భాగంగా ఆర్సీబీ యశ్‌ను రూ. 5 కోట్లకు అట్టిపెట్టుకున్న విషయం తెలిసిందే.సౌతాఫ్రికాతో టీ20 సిరీస్‌కు భారత జట్టుసూర్యకుమార్‌ (కెప్టెన్‌), అభిషేక్‌ శర్మ, సంజూ శాంసన్‌, రింకూ సింగ్, తిలక్‌ వర్మ, జితేశ్‌ శర్మ, హార్దిక్‌ పాండ్యా, అక్షర్‌ పటేల్, రమణ్‌దీప్‌ సింగ్, వరుణ్‌ చక్రవర్తి, రవి బిష్ణోయ్, అర్ష్‌దీప్ సింగ్‌, విజయ్‌ కుమార్‌ వైశాక్, ఆవేశ్‌ ఖాన్, యశ్‌ దయాళ్‌.సౌతాఫ్రికాతో తొలి టీ20- భారత తుదిజట్టు(అంచనా)సంజూ శాంసన్ (వికెట్ కీపర్), అభిషేక్ శర్మ, సూర్యకుమార్ యాదవ్ (కెప్టెన్), తిలక్ వర్మ, హార్దిక్ పాండ్యా, రింకు సింగ్, అక్షర్ పటేల్, రవి బిష్ణోయ్, అర్ష్‌దీప్‌ సింగ్, యశ్ దయాళ్, ఆవేశ్‌ ఖాన్‌.చదవండి: ఇండియా వర్సెస్‌ సౌతాఫ్రికా టీ20 సిరీస్‌.. పూర్తి వివరాలు

టీమిండియా వన్డే, టెస్టు కెప్టెన్‌ రోహిత్‌ శర్మ ఇండియన్‌ ప్రీమియర్‌ లీగ్‌(ఐపీఎల్‌) భవితవ్యం విషయంలో అందరి అంచనాలు తలకిందులయ్యాయి. మెజారిటీ మంది విశ్లేషకులు, కామెంటేటర్లు చెప్పినట్లుగా ‘హిట్‌మ్యాన్‌’ ముంబై ఇండియన్స్‌ను వీడలేదు. కెరీర్‌ ఆరంభం నుంచి తనకు అండగా నిలబడ్డ ఫ్రాంఛైజీతో కొనసాగేందుకే అతడు మొగ్గుచూపాడు. రోహిత్‌ అభిమానులకు కూడా ఇది ఒకరకంగా షాకిచ్చిందనే చెప్పవచ్చు.కాగా ఐపీఎల్‌-2025 మెగా వేలానికి ముందు ముంబై ఇండియన్స్‌ విడుదల చేసిన రిటెన్షన్‌ జాబితాలో రోహిత్‌ శర్మకు చోటు దక్కిన విషయం తెలిసిందే. అయితే, టాప్‌-3లో మాత్రం అతడికి స్థానం ఇవ్వలేదు ముంబై. తమ ప్రాధాన్య ఆటగాళ్లలో రోహిత్‌ను నాలుగో ప్లేయర్‌గా అట్టిపెట్టుకుంది. దీంతో మరోసారి అతడి ఫ్యాన్స్‌ ఫ్రాంఛైజీపై మండిపడుతున్నారు.అందుకే వారికి పెద్దపీటఈ నేపథ్యంలో తాను నాలుగో ప్లేయర్‌గా ఉండటంపై రోహిత్‌ శర్మ స్పందించాడు. అంతర్జాతీయ టీ20ల నుంచి తాను రిటైర్‌ అయిన కారణంగా తనకు అదే సరైన స్థానమంటూ.. ఫ్రాంఛైజీ నిర్ణయాన్ని సమర్థించాడు. జాతీయ జట్టుకు ఆడుతున్న క్రికెటర్లకే మొదటి ప్రాధాన్యం దక్కుతుందని.. అందుకే ఫ్రాంఛైజీ వాళ్లకు పెద్దపీట వేసిందని చెప్పుకొచ్చాడు.ఇది సరైన నిర్ణయమని తానూ నమ్ముతున్నానన్న రోహిత్‌.. కోరుకున్న ఆటగాళ్లను వేలంలోకి వదిలేసి మళ్లీ కొనుక్కోవడం కష్టమని పేర్కొన్నాడు. ఇక గత రెండు- మూడేళ్లుగా తమ జట్టు స్థాయికి తగ్గట్లుగా రాణించలేకోయిందని.. ఈసారి మాత్రం పొరపాట్లు పునరావృతం కానివ్వమని చెప్పాడు. ముంబై ఇండియన్స్‌కు ఘనమైన చరిత్రముంబై తరఫున తాను చాలా ఏళ్లుగా క్రికెట్‌ ఆడుతున్నానని.. సహచర ఆటగాళ్లతో సమన్వయం చేసుకుంటూ జట్టును మెరుగైన స్థితిలో నిలిపేందుకు తన వంతు కృషి​ చేస్తానని తెలిపాడు.ట్రోఫీలు గెలవడంలో ముంబై ఇండియన్స్‌కు ఘనమైన చరిత్ర ఉందన్న రోహిత్‌ శర్మ... క్లిష్ట పరిస్థితుల్లోనూ పోరాటపటిమ కనబరిచి గెలిచిన సందర్భాలు ఎన్నో ఉన్నాయన్నాడు. కాగా అంబానీల సారథ్యంలోని ముంబై ఇండియన్స్‌ కెప్టెన్‌గా వ్యవహరించిన రోహిత్‌ శర్మ జట్టును ఏకంగా ఐదుసార్లు చాంపియన్‌గా నిలిపాడు.అనూహ్య రీతిలో రోహిత్‌పై వేటుతద్వారా క్యాష్‌ రిచ్‌ లీగ్‌లో ఈ ఘనత సాధించిన తొలి సారథిగా చరిత్రకెక్కాడు. అయితే, ఈ ఏడాది అనూహ్య రీతిలో ముంబై కెప్టెన్‌గా రోహిత్‌ను తప్పించి.. అతడి స్థానంలో హార్దిక్‌ పాండ్యాను నియమించింది. గుజరాత్‌ టైటాన్స్‌ నుంచి హార్దిక్‌ను ట్రేడ్‌ చేసుకుని మరీ జట్టు పగ్గాలు అప్పగించింది. ఈ నేపథ్యంలో రోహిత్‌ శర్మ అభిమానులు ఫ్రాంఛైజీతో పాటు హార్దిక్‌పై తీవ్రస్థాయిలో విమర్శలు చేశారు.ఈ ఏడాది అట్టడుగున ముంబైరోహిత్‌ సైతం చాలాసార్లు మైదానంలోనే తన అసంతృప్తిని వ్యక్తం చేసినట్లు కనిపించింది. జట్టు రెండు వర్గాలుగా విడిపోయిందన్న వార్తలకు బలం చేకూరుస్తూ ముంబై ఇండియన్స్‌ ఐపీఎల్‌-2024లో వరుస ఓటములు చవిచూసింది. పద్నాలుగు మ్యాచ్‌లకు గానూ నాలుగే గెలిచి.. పాయింట్ల పట్టికలో అట్టడుగున పదో స్థానంలో నిలిచింది. ఈ పరిణామాల నేపథ్యంలో రోహిత్‌ ముంబైని వీడతాడని.. ముంబై సైతం అతడిని విడిచిపెడుతుందనే అభిప్రాయాలు వ్యక్తమయ్యాయి. అయితే, ఈ చర్చలకు ఫ్రాంఛైజీ గురువారం చెక్‌ పెట్టింది. వేలానికి ముందు తాము అట్టిపెట్టుకున్న ఆటగాళ్లలో రోహిత్‌ ఉన్నట్లు ప్రకటించింది. ముంబై ఇండియన్స్‌ రిటైన్‌ చేసుకున్న ఆటగాళ్లు1. జస్‌ప్రీత్‌ బుమ్రా(టీమిండియా ప్రధాన పేసర్‌)- రూ. 18 కోట్లు2. సూర్యకుమార్‌ యాదవ్‌(టీమిండియా టీ20 కొత్త కెప్టెన్‌)- రూ. 16.35 ​కోట్లు3. హార్దిక్‌ పాండ్యా(టీమిండియా స్టార్‌ ఆల్‌రౌండర్‌)- రూ. 16.35 ​కోట్లు4. రోహిత్‌ శర్మ(టీమిండియా వన్డే, టెస్టు కెప్టెన్‌)- రూ. రూ. 16.30 ​కోట్లు5.తిలక్‌ వర్మ(టీమిండియా రైజింగ్‌ స్టార్‌)- రూ. 8 కోట్లు.వరల్డ్‌కప్‌ జట్టులోటీమిండియాకు టీ20 ప్రపంచకప్‌-2024 అందించిన తర్వాత కెప్టెన్‌ రోహిత్‌ శర్మ తన పదవి నుంచి వైదొలగడంతో పాటు అంతర్జాతీయ పొట్టి ఫార్మాట్‌కు వీడ్కోలు పలికాడు. ఇక ముంబై తాజాగా రిటైన్‌ చేసుకున్న బుమ్రా, హార్దిక్‌, సూర్య అతడి సారథ్యంలోని విన్నింగ్‌ టీమ్‌లో సభ్యులే.చదవండి: ఐపీఎల్‌ 2025 రిటెన్షన్‌ జాబితా విడుదల View this post on Instagram A post shared by Mumbai Indians (@mumbaiindians)

రంజీ ట్రోఫీ 2024-25 ఎడిషన్‌లో టీమిండియా క్రికెటర్‌ రుతురాజ్‌ గైక్వాడ్‌ మెరుగ్గా రాణిస్తున్నాడు. తొలుత జమ్మూ కశ్మీర్‌తో మ్యాచ్‌లో 86 పరుగులతో రాణించిన ఈ మహారాష్ట్ర కెప్టెన్‌.. ముంబైతో మ్యాచ్‌లో శతకంతో చెలరేగాడు. తద్వారా తన ఫస్ట్‌క్లాస్‌ క్రికెట్‌ కెరీర్‌లో ఏడో సెంచరీని నమోదు చేశాడు.కాగా రంజీ టోర్నీలో భాగంగా ముంబై- మహారాష్ట్ర మధ్య శుక్రవారం మ్యాచ్‌ మొదలైంది. ముంబైలోని శరద్‌ పవార్‌ క్రికెట్‌ అకాడమీ బీకేసీలో వేదికగా టాస్‌ గెలిచిన మహారాష్ట్ర తొలుత బ్యాటింగ్‌ చేసింది. బ్యాటర్ల వైఫల్యం కారణంగా.. తొలి ఇన్నింగ్స్‌లో 126 పరుగులకే కుప్పకూలింది. కెప్టెన్‌ రుతురాజ్‌ సహా మరో ముగ్గురు ఆటగాళ్లు డకౌట్‌ కావడం ప్రభావం చూపింది.సూర్యకుమార్‌ మళ్లీ ఫెయిల్‌ఈ క్రమంలో బ్యాటింగ్‌కు దిగిన ముంబై ఆదిలోనే ఓపెనర్‌ పృథీ​ షా(1) వికెట్‌ కోల్పోయింది. అయితే, మరో ఓపెనర్‌ ఆయుశ్‌ మాత్రే సూపర్‌ సెంచరీ(176)తో రాణించాడు. మిడిలార్డర్‌ బ్యాటర్‌ శ్రేయస్‌ అయ్యర్‌(142) కూడా శతక్కొట్టాడు. అయితే, టీమిండియా టీ20 కెప్టెన్‌ సూర్యకుమార్‌ యాదవ్‌ మాత్రం మరోసారి రెడ్‌బాల్‌ క్రికెట్‌లో విఫలమయ్యాడు. పద్నాలుగు బంతులు ఎదుర్కొని కేవలం ఏడు పరుగులే చేసి అవుటయ్యాడు.రుతురాజ్‌ సూపర్‌ సెంచరీఅయితే, ఆయుశ్‌, శ్రేయస్‌ల భారీ సెంచరీల వల్ల ముంబై తమ తొలి ఇన్నింగ్స్‌లో 441 పరుగులు చేసింది. ఈ క్రమంలో రెండో ఇన్నింగ్స్‌ మొదలుపెట్టిన మహారాష్ట్రకు ఓపెనర్‌ సచిన్‌ దాస్‌(98) శుభారంభం అందించగా.. వన్‌డౌన్‌ బ్యాటర్‌ రుతురాజ్‌ గైక్వాడ్‌ సెంచరీతో దుమ్ములేపాడు. మొత్తంగా 171 బంతులు ఎదుర్కొన్న అతడు 16 ఫోర్లు, 2 సిక్సర్ల సాయంతో 145 రన్స్‌ సాధించాడు.మూడో రోజు ఆటలో భాగంగా ఆదివారం రుతుతో పాటు అంకిత్‌ బావ్నే తన సూపర్‌ హాఫ్‌ సెంచరీని శతకం దిశగా మలిచే ప్రయత్నం చేస్తున్నాడు. ఈ క్రమంలో మహారాష్ట్ర ఇన్నింగ్స్‌ ఓటమి నుంచి తప్పించుకుంది. రెండో ఇన్నింగ్స్‌లో 102 ఓవర్లలో ఆరు వికెట్ల నష్టానికి 377 రన్స్‌ స్కోరు చేసింది. కాగా ఇటీవల ఆస్ట్రేలియా టూర్‌కు ప్రకటించిన భారత్‌-‘ఎ’ జట్టుకు రుతురాజ్‌ గైక్వాడ్‌ కెప్టెన్‌గా ఎంపికైన విషయం తెలిసిందే. ఇదిలా ఉంటే.. సూర్యకుమార్‌ యాదవ్‌ ఇటీవల దులిప్‌ ట్రోఫీ-2024 బరిలో దిగి కేవలం ఐదు పరుగులే చేసి పెవిలియన్‌ చేరాడు.మహారాష్ట్ర వర్సెస్‌ ముంబై తుదిజట్లుమహారాష్ట్రరుతురాజ్ గైక్వాడ్ (కెప్టెన్‌), అర్షిన్ కులకర్ణి, అంకిత్ బావ్నే, నిఖిల్ నాయక్ (వికెట్‌ కీపర్‌), సచిన్ దాస్, అజీమ్ కాజీ, సత్యజీత్ బచావ్, సిద్ధేష్ వీర్, ఆర్‌ఎస్‌ హంగర్గేకర్, ప్రదీప్ దధే, హితేష్ వాలుంజ్.ముంబైపృథ్వీ షా, ఆయుశ్‌ మాత్రే, హార్దిక్ తమోర్ (వికెట్‌ కీపర్‌), సూర్యకుమార్ యాదవ్, అజింక్య రహానే (కెప్టెన్‌), శ్రేయస్ అయ్యర్, షామ్స్ ములానీ, శార్దూల్ ఠాకూర్, తనుష్ కోటియన్, మోహిత్ అవస్థి, రాయిస్టన్ డైస్‌.చదవండి: సర్ఫరాజ్‌ కాదు!.. మిడిలార్డర్‌లో అతడిని ఆడించాలి: మాజీ క్రికెటర్‌Ruturaj Gaikwad reaches a brilliant hundred and is still going strong! 💯🔥 Leading Maharashtra’s charge against Mumbai with his classy batting, more runs to come!#RuturajGaikwad #CenturyInProgress #RanjiTrophy2024 #MaharashtraCricket pic.twitter.com/J6EwHQPZtC— Maharashtra Cricket Association (@MahaCricket) October 20, 2024

టీ20 క్రికెట్‌లో టీమిండియా దూకుడు మంత్రంతో దూసుకెళ్తోందని మాజీ క్రికెటర్‌ ఆకాశ్‌ చోప్రా అన్నాడు. ఇందుకు కొత్త హెడ్‌కోచ్‌ గౌతం గంభీర్‌, నూతన సారథి సూర్యకుమార్‌ యాదవ్‌లే కారణమని పేర్కొన్నాడు. ఫలితంతో సంబంధం లేకుండా పరుగుల విధ్వంసం సృష్టించేందుకు యంగిస్తాన్‌ సిద్ధమైందని.. మున్ముందు పొట్టి ఫార్మాట్లో భారత జట్టు మరిన్ని సంచలనాలు సృష్టించడం ఖాయమని అభిప్రాయపడ్డాడు.లంక పర్యటనతో మొదలుకాగా టీమిండియా ప్రధాన కోచ్‌గా రాహుల్‌ ద్రవిడ్‌ స్థానాన్ని భర్తీ చేసిన గంభీర్‌.. శ్రీలంక పర్యటనతో తన ప్రయాణం ప్రారంభించాడు. సూర్యకుమార్‌ పూర్తిస్థాయి కెప్టెన్‌ అయిన తర్వాత జరిగిన పొట్టి సిరీస్‌లో లంకను భారత్‌ 3-0తో క్లీన్‌స్వీప్‌ చేసింది. అనంతరం వీరిద్దరి కాంబినేషన్‌లో స్వదేశంలో టీమిండియా ఇటీవలే బంగ్లాదేశ్‌తో టీ20 సిరీస్‌ ఆడింది.బంగ్లా బౌలింగ్‌ ఊచకోతసొంతగడ్డపై యువ ఆటగాళ్లతో నిండిపోయిన సూర్యసేన ఆకాశమే హద్దుగా చెలరేగి.. బంగ్లానూ 3-0తో వైట్‌వాష్‌ చేసింది. అయితే, లంక పర్యటనతో పోలిస్తే ఈసారి మరింత వేగంగా, మరింత దూకుడుగా పరుగులు రాబట్టింది. తొలి టీ20లో 11.5 ఓవర్లలోనే లక్ష్యాన్ని ఛేదించిన భారత్‌.. ఆఖరి రెండు మ్యాచ్‌లలో బంగ్లా బౌలింగ్‌ను ఊచకోత కోసింది. వరుసగా 221, 297 పరుగులు సాధించి వారెవ్వా అనిపించింది.ఈ నేపథ్యంలో భారత మాజీ క్రికెటర్‌ ఆకాశ్‌ చోప్రా తన యూట్యూబ్‌ చానెల్‌ వేదికగా మాట్లాడుతూ.. ‘‘గౌతం గంభీర్‌, సూర్యకుమార్‌ యాదవ్‌ జోడీ టీమిండియాకు సరికొత్త దూకుడు మంత్రాన్ని ఉపదేశించింది. మ్యాచ్‌ అయినపోయిన తర్వాత రింకూ సింగ్‌ స్వయంగా ఈ విషయాన్ని పంచుకున్నాడు.పరుగుల విధ్వంసం తప్ప.. ఇంకోటి వద్దన్నారువిధ్వంసకరంగా బ్యాటింగ్‌ చేయడం తప్ప.. వేరే విషయాల గురించి ఆలోచించవద్దని తమకు ఆదేశాలు వచ్చాయన్నాడు. ఫియర్‌లెస్‌ క్రికెట్‌ ఆడాలని.. వికెట్‌ పడుతుందనే బెంగ వద్దని మేనేజ్‌మెంట్‌ చెప్పిందన్నాడు. దీనిని బట్టి కోచ్‌, కెప్టెన్‌ దూకుడు ఎలా ఉందో అర్థం చేసుకోవచ్చు.నిజానికి పరుగులు రాబట్టాలనే తొందరలో వికెట్‌ పారేసుకుంటే జట్టులో చోటు దక్కదని ఆటగాళ్లు భయపడతారు. అయితే, స్వయంగా మేనేజ్‌మెంట్‌ రంగంలోకి దిగి ఫాస్ట్‌గా ఆడమని చెప్పటమే గాక.. ఆ క్రమంలో ప్రతికూల ఫలితాలు వచ్చినా అండగా ఉంటే.. అంతకంటే ఆటగాళ్లకు ఇంకేం కావాలి.బలహీన జట్లపై మాత్రమేనా?జట్టులో తమ స్థానానికి వచ్చిన ఢోకా ఏమీ లేదని ప్లేయర్లు భావిస్తే.. ఫలితాలు కూడా ఇలాగే ఉంటాయి మరి! ఈ యంగిస్తాన్‌ భవిష్యత్తులో మరిన్ని అద్భుతాలు చేయడం ఖాయంగా కనిపిస్తోంది’’ అని ప్రశంసలు కురిపించాడు. అయితే, ఇప్పటి వరకు యువ టీమిండియా శ్రీలంక, బంగ్లాదేశ్‌ వంటి బలహీన జట్లపై తమ బ్యాటింగ్‌ ప్రతాపాన్ని చూపిందన్న ఆకాశ్‌ చోప్రా.. పటిష్ట జట్లపై కూడా ఇదే విధానాన్ని అనుసరిస్తే కొన్నిసార్లు చిక్కులు తప్పవని అభిప్రాయపడ్డాడు. ఏదేమైనా తమ బ్యాటింగ్‌.. ముఖ్యంగా పవర్‌ ప్లేలో ఎలా ఉంటుందో ఇప్పటికే చూపించిందని పేర్కొన్నాడు. కాగా బంగ్లాదేశ్‌తో మూడు మ్యాచ్‌ల టీ20 సిరీస్‌లో అభిషేక్‌ శర్మ మినహా మిగతా బ్యాటర్లు 180కి పైగా స్ట్రైక్‌రేటుతో పరుగులు చేశారు.చదవండి: మళ్లీ శతక్కొట్టాడు: ఆసీస్‌తో టెస్టులకు టీమిండియా ఓపెనర్‌గా వస్తే!

బంగ్లాదేశ్‌తో తొలి టీ20లో టీమిండియా స్టార్‌ క్రికెటర్‌ హార్దిక్‌ పాండ్యా అద్భుత ప్రదర్శనతో ఆకట్టుకున్నాడు. తన ఆల్‌రౌండ్‌ ‍ప్రతిభతో భారత జట్టు విజయంలో కీలక పాత్ర పోషించాడు. బంగ్లా విధించిన లక్ష్యాన్ని ఛేదించే క్రమంలో.. సిక్సర్‌ బాది టీమిండియాను గెలుపు తీరాలకు చేర్చాడు.విరాట్‌ కోహ్లి అరుదైన రికార్డు బద్దలుఈ క్రమంలో ఛేజింగ్‌ కింగ్‌ విరాట్‌ కోహ్లి పేరిట ఉన్న అరుదైన రికార్డును బద్దలు కొట్టాడు. టీమిండియా తరఫున అత్యధిక సార్లు సిక్సర్‌తో మ్యాచ్‌ ఫినిష్‌ చేసిన క్రికెటర్‌గా చరిత్రకెక్కాడు. కాగా బంగ్లాదేశ్‌తో టీ20 సిరీస్‌లో భాగంగా టీమిండియా ఆదివారం గ్వాలియర్‌ వేదికగా తొలి మ్యాచ్‌ ఆడింది. టాస్‌ గెలిచిన సూర్యకుమార్‌ సేన తొలుత బౌలింగ్‌ చేసింది.ఈ క్రమంలో.. బ్యాటర్లు విఫలం కావడంతో 19.5 ఓవర్లలో 127 పరుగులకే బంగ్లా ఆలౌట్‌ అయింది. భారత బౌలర్లలో అర్ష్‌దీప్‌ సింగ్, వరుణ్‌ చక్రవర్తి మూడేసి వికెట్లు తీయగా.. హార్దిక్‌ పాండ్యా, మయాంక్‌ యాదవ్‌, వాషింగ్టన్‌ సుందర్‌ ఒక్కో వికెట్‌ పడగొట్టారు.ధనాధన్‌ దంచికొట్టారుఇక నామమాత్రపు లక్ష్యంతో బరిలోకి దిగిన టీమిండియా మెరుపు ఇన్నింగ్స్‌తో చెలరేగింది. ఓపెనర్లు సంజూ శాంసన్‌(19 బంతుల్లో 29), అభిషేక్‌ శర్మ(ఏడు బంతుల్లో 16) వేగంగా ఆడగా.. కెప్టెన్‌ సూర్యకుమార్‌ యాదవ్‌(14 బంతుల్లో 29) ధనాధన్‌ దంచికొట్టాడు.ఇక నాలుగో స్థానంలో వచ్చిన నితీశ్‌ రెడ్డి 16(నాటౌట్‌) పరుగులతో ఫర్వాలేదనిపించగా.. ఐదో నంబర్‌ బ్యాటర్‌ హార్దిక్‌ పాండ్యా విధ్వంసకర ఇన్నింగ్స్‌ ఆడాడు. బంతిని చూడకుండానే వికెట్‌ కీపర్‌ తల మీదుగా పాండ్యా ఆడిన ర్యాంప్‌ షాట్‌ మ్యాచ్‌కే హైలైట్‌గా నిలిచింది.పాండ్యా మెరుపు ఇన్నింగ్స్‌.. సిక్సర్‌తో ముగింపుఈ క్రమంలో పాండ్యా కేవలం 16 బంతుల్లోనే 5 ఫోర్లు, 2 సిక్సర్లు బాది 39 పరుగులతో 243కు పైగా స్ట్రైక్‌రేటు నమోదు చేశాడు. పన్నెండవ ఓవర్‌ ఐదో బంతికి.. టస్కిన్‌ అహ్మద్‌ బౌలింగ్‌లో సిక్స్‌ కొట్టి టీమిండియా విజయాన్ని ఖరారు చేశాడు.కాగా అంతర్జాతీయ టీ20 మ్యాచ్‌లలో ఛేజింగ్‌లో హార్దిక్‌ పాండ్యా టీమిండియా తరఫున ఇలా మ్యాచ్‌ ఫినిష్‌ చేయడం ఐదోసారి. అంతకు ముందు విరాట్‌ కోహ్లి నాలుగుసార్లు ఈ ఘనత సాధించాడు. అర్ష్‌దీప్‌ సింగ్‌ను అధిగమించిఇదిలా ఉంటే ఈ మ్యాచ్లో ఒక వికెట్‌ తన ఖాతాలో వేసుకున్న హార్దిక్‌ పాండ్యా.. భారత్‌ తరఫున 87 వికెట్లు పూర్తి చేసుకున్నాడు. తద్వారా అర్ష్‌దీప్‌ సింగ్‌(86)ను అధిగమించి.. టీ20లలో అత్యధిక వికెట్లు తీసిన నాలుగో భారత బౌలర్‌గా నిలిచాడు. ఈ జాబితాలో స్పిన్నర్‌ యజువేంద్ర చహల్‌ 96 వికెట్లతో టాప్‌లో ఉన్నాడు.చదవండి: నేను అలా బౌలింగ్‌ చేయడానికి కారణం వారే: మయాంక్‌ యాదవ్‌ View this post on Instagram A post shared by JioCinema (@officialjiocinema)

అంతర్జాతీయ పొట్టి ఫార్మాట్‌లో టీమిండియా అరుదైన ఘనత సాధించింది. బంగ్లాదేశ్‌తో తొలి టీ20లో ప్రత్యర్థిని ఆలౌట్‌ చేసి.. పాకిస్తాన్‌ పేరిట ఉన్న ప్రపంచ రికార్డు సమం చేసింది. కాగా భారత జట్టు స్వదేశంలో బంగ్లాదేశ్‌తో ద్వైపాక్షిక సిరీస్‌ ఆడుతోంది.127 పరుగులకు బంగ్లా ఆలౌట్‌తొలుత రెండు మ్యాచ్‌ల టెస్టు సిరీస్‌లో 2-0తో రోహిత్‌ సేన పర్యాటక జట్టును క్లీన్‌స్వీప్‌ చేయగా.. సూర్యకుమార్‌ యాదవ్‌ సారథ్యంలోని భారత్‌ టీ20లలోనూ శుభారంభం చేసింది. గ్వాలియర్‌లోని మాధవ్‌రావ్‌ సింధియా కొత్త క్రికెట్‌ స్టేడియంలో టీమిండియా ఆదివారం బంగ్లాదేశ్‌తో తలపడింది.టాస్‌ గెలిచిన భారత జట్టు తొలుత బౌలింగ్‌ చేయగా.. బంగ్లాదేశ్‌ 19.5 ఓవర్లలో 127 పరుగులు చేసి ఆలౌట్‌ అయింది. భారత బౌలర్లలో పేసర్లు ‘ప్లేయర్‌ ఆఫ్‌ ది మ్యాచ్‌’ అర్ష్‌దీప్‌ సింగ్‌ మూడు(3/14), హార్దిక్‌ పాండ్యా(1/26), మయాంక్‌ యాదవ్‌(1/21) ఒక్కో వికెట్‌ తీయగా.. స్పిన్నర్లలో రీ ఎంట్రీ వీరుడు వరుణ్‌ చక్రవర్తి మూడు(3/31), వాషింగ్టన్‌ సుందర్‌ ఒక వికెట్‌(1/12) తీశారు.పాకిస్తాన్‌ ప్రపంచ రికార్డు సమంఈ క్రమంలో టీమిండియా.. అంతర్జాతీయ టీ20లలో ప్రత్యర్థిని అత్యధిక సార్లు ఆలౌట్‌ చేసిన జట్టుగా నిలిచింది. తద్వారా పాకిస్తాన్‌ ప్రపంచ రికార్డును సమం చేసింది. ఈ జాబితాలో భారత్‌- పాకిస్తాన్‌ సంయుక్తంగా అగ్రస్థానంలో ఉండగా.. న్యూజిలాండ్‌, ఉగాండా, వెస్టిండీస్‌ వరుసగా మూడు, నాలుగు, ఐదు స్థానాల్లో కొనసాగుతున్నాయి.అంతర్జాతీయ టీ20లలో ప్రత్యర్థిని అత్యధికసార్లు ఆలౌట్‌ చేసిన జట్లు👉టీమిండియా- 42 సార్లు👉పాకిస్తాన్‌- 42 సార్లు👉న్యూజిలాండ్‌- 40 సార్లు👉ఉగాండా- 35 సార్లు👉వెస్టిండీస్‌- 32 సార్లుఇదిలా ఉంటే.. తొలి టీ20లో బంగ్లా విధించిన స్వల్ప లక్ష్యాన్ని టీమిండియా 11.5 ఓవర్లలోనే ఆడుతూ పాడుతూ ఛేదించింది. ఓపెనర్లు సంజూ శాంసన్‌(29), అభిషేక్‌ శర్మ(16) ధనాధన్‌ దంచికొట్టగా.. సూర్యకుమార్‌ యాదవ్‌(29) కెప్టెన్‌ ఇన్నింగ్స్‌తో మెరిశాడు. ఇక నాలుగో స్థానంలో వచ్చిన అరంగేట్ర ఆటగాడు నితీశ్‌ రెడ్డి 16.. హార్దిక్‌ పాండ్యా (16 బంతుల్లో 39) పరుగులతో అజేయంగా నిలిచారు. ఫలితంగా ఏడు వికెట్ల తేడాతో విజయం భారత్‌ సొంతమైంది. తద్వారా మూడు మ్యాచ్‌ల టీ20 సిరీస్‌లో 1-0తో ఆధిక్యంలో నిలిచింది.చదవండి: మా బ్యాటింగ్‌ గొప్పగా ఉంది.. ఆ తలనొప్పి మంచిదే: సూర్యకుమార్‌Hardik Pandya finishes off in style in Gwalior 💥#TeamIndia win the #INDvBAN T20I series opener and take a 1⃣-0⃣ lead in the series 👌👌Scorecard - https://t.co/Q8cyP5jXLe@IDFCFIRSTBank pic.twitter.com/uYAuibix7Q— BCCI (@BCCI) October 6, 2024

ఢిల్లీ ఎక్స్‌ప్రెస్‌ మయాంక్‌ యాదవ్‌ టీమిండియా తరఫున అరంగేట్రంలోనే ఆకట్టుకున్నాడు. అంతర్జాతీయ మ్యాచ్‌లో తన తొలి ఓవర్లోనే మెయిడెన్‌ వేసి ఔరా అనిపించాడు. బంగ్లాదేశ్‌తో తొలి టీ20లో.. మొత్తంగా నాలుగు ఓవర్ల కోటా పూర్తి చేసి 21 పరుగులు ఇచ్చి ఒక వికెట్‌ పడగొట్టగలిగాడు. అయితే, గాయం నుంచి కోలుకున్న తర్వాత నేరుగా టీమిండియాలో అడుగుపెట్టి మయాంక్‌ ఈ మేర రాణించడం విశేషం.కాస్త ఆందోళనగానే ఉన్నాఇక ఈ మ్యాచ్‌లో టీమిండియా బంగ్లాదేశ్‌పై ఏడు వికెట్ల తేడాతో గెలిచిన విషయం తెలిసిందే. ఈ నేపథ్యంలో విజయానంతరం మయాంక్‌ యాదవ్‌ మాట్లాడుతూ.. అరంగేట్రానికి ముందు తన మనఃస్థితి ఎలా ఉందో వివరించాడు. ‘‘మ్యాచ్‌కు ముందు నేను కాస్త ఆందోళనగానే ఉన్నా. ఎందుకంటే.. గాయం తర్వాత నేను కాంపిటేటివ్‌ క్రికెట్ ఆడలేదు.డైరెక్ట్‌గా అరంగేట్రం చేయడానికి సిద్ధమయ్యాను. అయితే, మా కెప్టెన్‌ వచ్చి నాతో మాట్లాడాడు. బౌలింగ్‌లో వైవిధ్యం ప్రదర్శించాలనే ఆతురత వద్దని.. సహజమైన శైలిలో ఆడాలని సూచించాడు. గ్వాలియర్‌ వికెట్‌ కూడా మరీ అంత బౌన్సీగా లేదు.అందుకే స్లో బాల్స్‌ వేశానుకాబట్టి నేను మరీ ఎక్కువ వేగంతో బౌలింగ్‌ చేయలేదు. ఐపీఎల్‌లోనూ నేను కొన్ని స్లో బాల్స్‌ వేశాను. ఇక గంభీర్‌ భయ్యా కూడా మ్యాచ్‌ ఆరంభానికి ముందే నాతో మాట్లాడారు. ఇది అంతర్జాతీయ మ్యాచ్‌ అనే విషయం మరిచిపోతేనే ఒత్తిడి నుంచి బయటపడగలనని చెప్పారు.ఆందోళన చెందకుండా కూల్‌గా ఉండాలని.. ప్రయోగాలకు వెళ్లకుండా సహజమైన శైలినే అనుసరించాలని చెప్పారు. కెప్టెన్‌, కోచ్‌ సూచనలు పాటించడం వల్లే సానుకూల ఫలితం వచ్చింది’’ అని మయాంక్‌ యాదవ్‌ పేర్కొన్నాడు.టీమిండియా వర్సెస్ బంగ్లాదేశ్‌ తొలి టీ20వేదిక: శ్రీమంత్‌ మాధవ్‌రావ్‌ సింధియా క్రికెట్‌ స్టేడియం.. గ్వాలియర్‌టాస్‌: టీమిండియా.. బౌలింగ్‌బంగ్లాదేశ్‌ స్కోరు: 127 (19.5)టీమిండియా స్కోరు: 132/3 (11.5)ఫలితం: బంగ్లాదేశ్‌పై ఏడు వికెట్ల తేడాతో టీమిండియా గెలుపుప్లేయర్‌ ఆఫ్‌ ది మ్యాచ్‌: అర్ష్‌దీప్‌ సింగ్‌(3/14).చదవండి: మా బ్యాటింగ్‌ గొప్పగా ఉంది.. ఆ తలనొప్పి మంచిదే: సూర్యకుమార్‌ View this post on Instagram A post shared by JioCinema (@officialjiocinema)

బంగ్లాదేశ్‌తో టీ20 సిరీస్‌లోనూ టీమిండియా శుభారంభం చేసింది. గ్వాలియర్‌ వేదికగా ఆదివారం రాత్రి జరిగిన మ్యాచ్‌లో ప్రత్యర్థిని ఏడు వికెట్ల తేడాతో చిత్తుగా ఓడించింది. కొత్త మైదానంలో తొలుత బంగ్లాను 127 పరుగులకే పరిమితం చేసిన భారత్‌.. మరో 49 బంతులు మిగిలి ఉండగానే లక్ష్యాన్ని ఛేదించింది.ఇక యువ ఆటగాళ్లతో నిండిపోయిన జట్టు ముందు కూడా చతికిల పడిన బంగ్లాదేశ్‌ మరోసారి చేతులెత్తేసింది. ఈ గెలుపు ద్వారా భారత టీ20 జట్టు పూర్తిస్థాయి కెప్టెన్‌గా సూర్యకుమార్‌ యాదవ్‌ ఖాతాలో నాలుగో విజయం నమోదైంది. ఈ సందర్భంగా మ్యాచ్‌ అనంతరం అతడు మాట్లాడుతూ.. జట్టు ప్రదర్శన పట్ల సంతృప్తి వ్యక్తం చేశాడు.మా బ్యాటింగ్‌ గొప్పగా ఉంది.. ఆ తలనొప్పి మంచిదే‘‘జట్టు సమావేశమైన సమయంలో మా నైపుణ్యాలకు అనుగుణంగా ప్రణాళికలు రూపొందించుకున్నాం. వాటిని పక్కాగా అమలు చేయడంలో సఫలమయ్యాము. మా వాళ్లు పట్టుదలగా ఆడారు. కొత్త గ్రౌండ్‌లో మేము బ్యాటింగ్‌ చేసిన విధానం గొప్పగా అనిపించింది.ఇక ఎవరితో బౌలింగ్‌ చేయించాలో తెలియనన్ని మంచి ఆప్షన్లు ఉండటం మాకు ఒక రకంగా తలనొప్పి కలిగించేదే. అయితే, అంతకంటే మంచి విషయం మరొకటి ఉండదు. ప్రతి మ్యాచ్‌లోనూ మేము కొత్త విషయాలు నేర్చుకుంటున్నాం. అయితే, ఎప్పటికప్పుడు లోపాలు సరిచేసుకుంటూ ముందుకు సాగితేనే అనుకున్న లక్ష్యాలను సాధించగలుగుతాం. తదుపరి మ్యాచ్‌ కోసం జట్టు సభ్యులతో కూర్చుని చర్చించి వ్యూహాలు సిద్ధం చేసుకుంటాం’’ అని సూర్యకుమార్‌ యాదవ్‌ పేర్కొన్నాడు.నజ్ముల్‌ షాంటో బృందం విలవిలకాగా గ్వాలియర్‌లో కొత్తగా ప్రారంభించిన ‘శ్రీమంత్‌ మాధవ్‌రావ్‌ సింధియా క్రికెట్‌ స్టేడియం’లో టాస్‌ గెలిచిన టీమిండియా.. బంగ్లాను తొలుత బ్యాటింగ్‌కు ఆహ్వానించింది. భారత బౌలర్ల దెబ్బకు నజ్ముల్‌ షాంటో బృందం పరుగులు రాబట్టడానికి ఆపసోపాలు పడింది. 19.5 ఓవర్లలో 127 పరుగులకు ఆలౌట్‌ అయింది. భారత పేసర్‌ అర్ష్‌దీప్‌ సింగ్‌ ఓపెనర్లు పర్వేజ్‌ హొసేన్‌ ఎమాన్‌(8), లిటన్‌ దాస్‌(4) రూపంలో కీలక వికెట్లతో పాటు.. టెయిలెండర్‌ ముస్తాఫిజుర్‌(1) వికెట్‌ను కూడా తన ఖాతాలో వేసుకున్నాడు.ఇతర పేసర్లలో అరంగేట్ర బౌలర్‌ మయాంక్‌ యాదవ్‌, హార్దిక్‌ పాండ్యా ఒక్కో వికెట్‌ పడగొట్టాడరు. ఇక స్పిన్నర్లలో వరుణ్‌ చకవర్రి(3/31), వాషింగ్టన్‌ సుందర్‌(1/12) కూడా మెరవగా.. అరంగేట్ర ఆటగాడు నితీశ్‌ కుమార్‌ రెడ్డి సైతం రెండు ఓవర్లు బౌలింగ్‌ చేశాడు.మెరుపు ఇన్నింగ్స్‌లక్ష్య ఛేదనలో టీమిండియాకు బంగ్లా బౌలర్ల నుంచి పెద్దగా ప్రతిఘటన ఎదురుకాలేదు. కొత్త ఓపెనింగ్‌ జోడీ సంజూ శాంసన్‌(19 బంతుల్లో 29), అభిషేక్‌ శర్మ(7 బంతుల్లో 16) సహా వన్‌డౌన్‌లో వచ్చిన సూర్య(14 బంతుల్లో 29) మెరుపు ఇన్నింగ్స్‌ ఆడారు. నితీశ్‌ రెడ్డి 15 బంతుల్లో 16 పరుగులు చేసి నాటౌట్‌గా నిలవగా.. హార్దిక్‌ పాండ్యా ధనాధన్‌ ఇన్నింగ్స్‌తో చెలరేగాడు.ఈ పేస్‌ బౌలింగ్‌ ఆల్‌రౌండర్‌ 16 బంతుల్లో 5 ఫోర్లు, 2 సిక్సర్ల సాయంతో 39 పరుగులతో అజేయంగా నిలిచాడు. సిక్సర్‌తో టీమిండియా విజయాన్ని ఖరారు చేశాడు. ఇక బంగ్లాను తక్కువ స్కోరుకే పరిమితం చేయడంలో కీలక పాత్ర పోషించిన అర్ష్‌దీప్‌ సింగ్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది. కాగా ఇటీవల టీమిండియాతో టెస్టు సిరీస్‌లో బంగ్లాదేశ్‌ 2-0తో క్లీన్‌స్వీప్‌ అయిన విషయం తెలిసిందే. టీ20 సిరీస్‌లోనూ 1-0తో వెనుకబడింది. ఇరుజట్ల మధ్య బుధవారం రెండో మ్యాచ్‌ జరుగనుంది.చదవండి: IND Vs BAN 1st T20I: పాపం బిష్ణోయ్‌..కావాలనే పక్కన పెట్టారా? కారణం గౌతీనా? 𝙎𝙈𝘼𝘾𝙆𝙀𝘿 with power and timing!@hardikpandya7 dispatches one over deep extra cover 🔥Live - https://t.co/Q8cyP5jXLe#TeamIndia | #INDvBAN | @IDFCFIRSTBank pic.twitter.com/kNaZjSl1Tq— BCCI (@BCCI) October 6, 2024

బంగ్లాదేశ్‌తో టీ20 సిరీస్‌లో టీమిండియా కొత్త ఓపెనింగ్‌ జోడీతో ముందుకు వెళ్లనున్నట్లు కెప్టెన్‌ సూర్యకుమార్‌ యాదవ్‌ తెలిపాడు. అభిషేక్‌ శర్మతో కలిసి సంజూ శాంసన్‌ భారత ఇన్నింగ్స్‌ ఆరంభిస్తాడని తెలిపాడు. అంతేకాదు.. మయాంక్‌ యాదవ్‌ ఈ సిరీస్‌ సందర్భంగా అరంగేట్రం చేసే అవకాశం ఉందని సంకేతాలు ఇచ్చాడు.సూర్యకుమార్‌ సారథ్యంలోకాగా రెండు టెస్టులు, మూడు టీ20లు ఆడేందుకు బంగ్లాదేశ్‌ జట్టు భారత్‌కు వచ్చింది. ఈ క్రమంలో చెన్నై, కాన్పూర్‌ టెస్టుల్లో గెలుపొందిన రోహిత్‌ సేన.. సిరీస్‌ను 2-0తో క్లీన్‌స్వీప్‌ చేసింది. ఈ క్రమంలో సూర్యకుమార్‌ సారథ్యంలో టీమిండియా టీ20లకు సిద్దమైంది. ఇరుజట్ల మధ్య ఆదివారం గ్వాలియర్‌లో తొలి మ్యాచ్‌ జరుగనుంది. టీ20 మ్యాచ్‌కు సరిపోయే పిచ్‌ ఈ నేపథ్యంలో మీడియాతో మాట్లాడిన సూర్యకుమార్‌ యాదవ్‌ తమ ప్రణాళికల గురించి వెల్లడించాడు. ‘‘ఈసారి అభిషేక్‌ శర్మతో కలిసి సంజూ శాంసన్‌ ఇన్నింగ్స్‌ ఆరంభిస్తాడు. ఇక మేము ఇక్కడ రెండు రోజులు ప్రాక్టీస్‌ చేశాం. అయితే, వికెట్‌ మరీ లోగా, స్లోగా ఏమీ లేదు. కొంతమంది మూడు రోజులు కూడా ఇక్కడ ప్రాక్టీస్‌లో పాల్గొన్నారు.వికెట్‌లో ఎవరికీ పెద్దగా తేడా ఏమీ కనిపించలేదు. టీ20 మ్యాచ్‌కు సరిగ్గా సరిపోయే పిచ్‌ ఇది. అయితే, మ్యాచ్‌ ఏకపక్షంగా మాత్రం ఉండబోదనే అనుకుంటున్నాం’’ అని సూర్య తెలిపాడు. ఇక తొలిసారిగా టీమిండియాకు ఎంపికైన యువ పేసర్‌ మయాంక్‌ యాదవ్‌ గురించి ప్రస్తావనకు రాగా.. అతడిని ‘ఎక్స్‌ ఫ్యాక్టర్‌’గా సూర్యకుమార్‌ అభివర్ణించాడు.అతడొక ఎక్స్‌ ఫ్యాక్టర్‌‘‘ప్రస్తుతం జట్టులో చాలా మంది యువ ఆటగాళ్లే ఉన్నారు. వారిలో ఎవరి ప్రత్యేకత వారిది. ఇక మయాంక్‌ విషయానికొస్తే.. అతడు ఎక్కువగా నెట్స్‌లో ప్రాక్టీస్‌ చేయలేదు. అయితే, మయాంక్‌ ఆట తీరు ఎలా ఉంటుందో అందరూ ఇప్పటికే చూశారు.అతడి రాక వల్ల జట్టు బౌలింగ్‌ విభాగానికి అదనపు బలం చేకూరుతుందనడంలో సందేహం లేదు. అతడొక ఎక్స్‌ ఫ్యాక్టర్‌గా కనిపిస్తున్నాడు. ఫ్రాంఛైజీ క్రికెట్‌లో అతడి ఎక్స్‌ ట్రా పేస్‌ను మనం చూశాము. కాబట్టి మయాంక్‌పైనే అందరి దృష్టి ఉంది. జట్టులోని మిగతా యువ ఆటగాళ్లు కూడా తమను తాము నిరూపించుకోవడానికి సిద్ధంగా ఉన్నారు. ఏదేమైనా మయాంక్‌ జట్టుతో చేరడం శుభసూచకం. టీమిండియాకు అతడి వల్లే మేలు జరుగుతుందని భావిస్తున్నా’’ అని సూర్యకుమార్‌ యాదవ్‌ పేర్కొన్నాడు. గాయం నుంచి కోలుకునికాగా ఈ ఏడాది ఐపీఎల్‌-2024లో అరంగేట్రం చేశాడు ఢిల్లీ ఎక్స్‌ప్రెస్‌ మయాంక్‌ యాదవ్‌. లక్నో సూపర్‌ జెయింట్స్‌కు ఆడిన రెండు మ్యాచ్‌లలో గంటకు 150కి పైగా కిలోమీటర్ల వేగంతో బౌలింగ్‌ చేశాడు. అద్భుత ప్రదర్శనతో ఆకట్టుకున్న అతడు బంగ్లాదేశ్‌తో టీ20 సిరీస్‌కు ఎంపికయ్యాడు. ఐపీఎల్‌ సందర్భంగా గాయపడిన అతడు ప్రస్తుతం పూర్తిస్థాయిలో కోలుకుని ఆటలో రీఎంట్రీ ఇచ్చేందుకు సిద్ధమయ్యాడు. చదవండి: ‘టీమిండియా డ్రెస్సింగ్‌రూంలో గడపడం వల్లే ఇలా’ 🗣️ It's a good opportunity for the youngsters & newcomers.#TeamIndia Captain @surya_14kumar ahead of the T20I series against Bangladesh.#INDvBAN | @IDFCFIRSTBank pic.twitter.com/T7kM6JO02o— BCCI (@BCCI) October 5, 2024

బంగ్లాదేశ్‌తో టెస్టు సిరీస్‌ను 2-0తో క్లీన్‌స్వీప్‌ చేసిన టీమిండియా.. టీ20 సిరీస్‌కు సిద్ధమైంది. మూడు మ్యాచ్‌ల సిరీస్‌లో విజయాలే లక్ష్యంగా ప్రణాళికలు సిద్ధం చేసుకుంది. ఇరు జట్ల మధ్య ఆదివారం(అక్టోబరు 6) గ్వాలియర్‌ వేదికగా తొలి టీ20కి షెడ్యూల్‌ ఖరారైంది.అది సానుకూలాంశమేఈ నేపథ్యంలో టీమిండియా టీ20 జట్టు కెప్టెన్‌ సూర్యకుమార్‌ యాదవ్‌ శనివారం మీడియాతో మాట్లాడాడు. ఈ సందర్భంగా.. జట్టులో కనీసం రెండు ఓవర్లు బౌలింగ్‌ చేయగల బ్యాటర్లు ఉండటం సానుకూలాంశమని తెలిపాడు. శ్రీలంక పర్యటనలోనూ ఈ తరహా ప్రయోగం చేశామని.. ఆటగాళ్లలో ఉన్న భిన్న నైపుణ్యాలను ఉపయోగించుకోవడంలో తప్పులేదన్నాడు. అందుకే బ్యాటర్ల చేతికీ బంతిని ఇచ్చేందుకు వెనుకాడమని తెలిపాడు.రోహిత్‌ భాయ్‌ కెప్టెన్సీలో ఆడుతున్నపుడు కూడాఈ క్రమంలో సూర్యకుమార్‌ ఐపీఎల్‌ భవితవ్యం, ఫ్రాంఛైజీ క్రికెట్‌ కెప్టెన్సీ గురించి విలేఖరులు ప్రశ్నించారు. ఇందుకు బదులిస్తూ.. ‘‘మీరు నన్ను ఇరుకున పెట్టేశారు(నవ్వుతూ). ప్రస్తుతం టీమిండియా కెప్టెన్‌గా ఉండటాన్ని ఆస్వాదిస్తున్నా. ముంబై ఇండియన్స్‌లో రోహిత్‌ భాయ్‌ కెప్టెన్సీలో ఆడుతున్నపుడు కూడా.. అవసరమైనపుడు సలహాలు ఇచ్చేవాడిని. మీకే తెలుస్తుందిఇక టీమిండియా విషయానికొస్తే.. ఇటీవల శ్రీలంకతో పాటు.. గతంలో ఆస్ట్రేలియా, సౌతాఫ్రికాలతో సిరీస్‌లలోనూ నేను కెప్టెన్‌గా వ్యవహరించాను. జట్టును ఎలా ముందుకు నడిపించాలో ఇతర కెప్టెన్లను చూసి నేర్చుకోవడానికి సందేహించను.జీవితం ఇలా ముందుకు సాగుతోంది. కాలం గడుస్తున్న కొద్దీ ఏం జరుగబోతుందో మీకే తెలుస్తుంది’’ అని సూర్యకుమార్‌ యాదవ్‌ తన ఐపీఎల్‌ కెప్టెన్సీ అంశంపై సంకేతాలు ఇచ్చాడు. కాగా సుదీర్ఘకాలంగా సూర్య ముంబై ఇండియన్స్‌కు ఆడుతున్నాడు.పాండ్యా సారథ్యంలో ముంబైకి ఘోర పరాభవంకాగా ముంబై ఫ్రాంఛైజీ అనూహ్య నిర్ణయం తీసుకున్న విషయం తెలిసిందే. జట్టును ఐదుసార్లు చాంపియన్‌గా నిలిపిన రోహిత్‌ శర్మను కెప్టెన్సీ నుంచి తొలగించి.. గుజరాత్‌ టైటాన్స్‌ నుంచి ట్రేడ్‌ చేసుకున్న ఆల్‌రౌండర్‌ హార్దిక్‌ పాండ్యాకు పగ్గాలు అప్పగించింది. అయితే, పాండ్యా సారథ్యంలో ముంబై ఘోర పరాభవం చవిచూసింది. ముంబై ఇండియన్స్‌ సారథిగా సూర్య?ఈ ఏడాది పాయింట్ల పట్టికలో అట్టడగున పదో స్థానంలో నిలిచింది. ఇక ఇదే జట్టులో ఉన్న సూర్య గతంలో అతడి గైర్హాజరీలో కెప్టెన్‌గా వ్యవహరించాడు. అంతేకాదు.. టీమిండియా టీ20 జట్టు కెప్టెన్‌గా హార్దిక్‌ పాండ్యాను రీప్లేస్‌ చేశాడు. దీంతో ముంబై ఇండియన్స్‌ జట్టులోనూ ఇదే తరహా మార్పు జరుగనుందనే ఊహాగానాలు వినిపిస్తున్నాయి. సూర్య వ్యాఖ్యలు కూడా వాటికి కాస్త ఊతమిచ్చేలాగానే ఉన్నాయి.చదవండి: అరంగేట్రంలోనే దుమ్ములేపిన సెహ్వాగ్‌ కుమారుడు

టీమిండియా టీ20 కెప్టెన్‌ సూర్యకుమార్‌ యాదవ్‌ పూర్తి ఫిట్‌నెస్‌ సాధించాడు. దులిప్‌ ట్రోఫీ-2024 ఫైనల్‌ రౌండ్‌ మ్యాచ్‌కు అతడు అందుబాటులోకి వచ్చాడు. ఈ క్రమంలో ఇండియా-‘బి’ జట్టులో సర్ఫరాజ్‌ ఖాన్‌ స్థానాన్ని సూర్య భర్తీ చేయనున్నాడు. కాగా టెస్టుల్లో పునరాగమనమే లక్ష్యంగా ఈ ముంబై బ్యాటర్‌ ముందుకు సాగుతున్న విషయం తెలిసిందే.గాయంతో ఎన్సీఏలో చేరిఈ క్రమంలో తమిళనాడు క్రికెట్‌ అసోసియేషన్‌ ఆధ్వర్యంలోని బుచ్చిబాబు ఇన్విటేషనల్‌ టోర్నీలో సూర్యకుమార్‌ భాగమయ్యాడు. ముంబై తరఫున ఈ రెడ్‌బాల్‌ టోర్నమెంట్‌ బరిలో దిగాడు. అయితే, బ్యాట్‌తో పెద్దగా ఆకట్టుకోలేకపోయిన సూర్య.. ఫీల్డింగ్‌ సందర్భంగా గాయపడ్డాడు. అతడి బొటనవేలికి గాయం కావడంతో బెంగళూరులోని జాతీయ క్రికెట్‌ అకాడమీ(ఎన్సీఏ)కు చేరుకున్నాడు.అక్కడి బీసీసీఐ వైద్య బృందం పర్యవేక్షణలో చికిత్స తీసుకున్న సూర్యకుమార్‌ పూర్తిగా కోలుకున్నాడని.. మ్యాచ్‌ ఫిట్‌నెస్‌ సాధించాడని ఎన్సీఏ సర్టిఫికెట్‌ ఇచ్చింది. ఈ నేపథ్యంలో దులిప్‌ ట్రోఫీ ఆడేందుకు సూర్యకు మార్గం సుగమమైంది. ఇండియా- ‘బి’ జట్టులో సర్ఫరాజ్‌ ఖాన్‌ స్థానాన్ని అతడు భర్తీ చేయనున్నాడు. అనంతపురం చేరుకున్న సూర్యకాగా బంగ్లాదేశ్‌తో గురువారం నుంచి తొలి టెస్టు ఆరంభం కానున్న నేపథ్యంలో సర్ఫరాజ్‌ ఇప్పటికే దులిప్‌ ట్రోఫీ టోర్నీ నుంచి నిష్క్రమించిన విషయం తెలిసిందే. ఇదిలా ఉంటే.. అనంతపురం వేదికగా గురువారం(సెప్టెంబరు 19) నుంచి ఇండియా-‘బి’- ఇండియా- ‘డి’ జట్టుతో తలపడనుంది. ఇందుకోసం 34 ఏళ్ల సూర్య ఇప్పటికే అక్కడికి చేరుకున్నాడు. ఇక ఇప్పటి వరకు.. అభిమన్యు ఈశ్వరన్‌ సారథ్యంలోని ఇండియా-‘బి’ దులిప్‌ ట్రోఫీ-2024లో రెండు మ్యాచ్‌లు ఆడింది. ఇండియా-‘ఎ’పై గెలుపొందడంతో పాటు.. ఇండియా-‘సి’తో మ్యాచ్‌ను డ్రా చేసుకుంది. తద్వారా పాయింట్ల పట్టికలో రెండోస్థానంలో నిలిచింది.తదుపరి బంగ్లాదేశ్‌తో టీ20 సిరీస్‌లోకాగా టీ20 ప్రపంచకప్‌-2024లో టీమిండియా చాంపియన్‌గా నిలిచిన తర్వాత కెప్టెన్‌ రోహిత్‌ శర్మ అంతర్జాతీయ టీ20లకు రిటైర్మెంట్‌ ప్రకటించిన విషయం తెలిసిందే. ఈ నేపథ్యంలో శ్రీలంక పర్యటన సందర్భంగా బీసీసీఐ సూర్యకుమార్‌ యాదవ్‌ను రోహిత్‌ వారసుడిగా ప్రకటించింది. ఇక సూర్య కెప్టెన్సీలో భారత జట్టు 3-0తో శ్రీలంకను క్లీన్‌స్వీప్‌ చేసింది. ఇక దులిప్‌ ట్రోఫీ తర్వాత సూర్య బంగ్లాదేశ్‌తో స్వదేశంలో టీ20 సిరీస్‌కు సిద్ధం కానున్నాడు.ఇండియా-బిఅభిమన్యు ఈశ్వరన్ (కెప్టెన్), సూర్యకుమార్‌ యాదవ్‌, ముషీర్ ఖాన్, నితీష్ కుమార్ రెడ్డి, వాషింగ్టన్ సుందర్, ఎన్ జగదీశన్ (వికెట్ కీపర్), సుయాష్ ప్రభుదేశాయ్, రింకు సింగ్, హిమాన్షు మంత్రి (వికెట్ కీపర్), నవదీప్ సైనీ, ముఖేష్ కుమార్, రాహుల్ చాహర్, ఆర్ సాయి కిషోర్, మోహిత్ అవస్థి.చదవండి: శ్రేయస్‌ అయ్యర్‌కు మరో బిగ్‌షాక్‌!?

టీమిండియా కెప్టెన్‌ సూర్యకుమార్‌ యాదవ్‌ 34వ వసంతంలో అడుగుపెట్టాడు. అతడి పుట్టినరోజు సందర్భంగా స్నేహితులు, శ్రేయోభిలాషులు శుభాకాంక్షలు తెలియజేస్తున్నారు. అంతర్జాతీయ క్రికెట్‌ మండలి నూతన చైర్మన్‌గా ఎన్నికైన బీసీసీఐ కార్యదర్శి జై షా, మాజీ క్రికెటర్‌ శిఖర్‌ ధావన్‌ తదితరులు సూర్యను విష్‌ చేశారు.నా ప్రాణ స్నేహితుడు, నా ప్రపంచంఇక సూర్య భార్య దేవిశా శెట్టి తన మనసులోని భావాలు వెల్లడిస్తూ.. భావోద్వేగపూరిత నోట్‌తో హ్యాపీ బర్త్‌డే చెప్పింది. ‘‘నా ప్రాణ స్నేహితుడు, భర్త, ప్రేమికుడు.. నా ప్రపంచం.. నా జీవితంలో నేను తీసుకున్న సరైన నిర్ణయానికి నిదర్శనం.. నీకు పుట్టినరోజు శుభాకాంక్షలు. నీ జీవితంలో నా కోసం కేటాయిస్తున్న ప్రతి ఒక్క రోజుకు నేను రుణపడి ఉంటా!ఈ ప్రపంచాన్ని నాకోసం అందంగా మలిచావు. అసలు నువ్వు లేకుండా నేను ఒక్క పనైనా చేయగలనా? ఇప్పుడూ.. ఎల్లప్పుడూ.. నిన్ను ప్రేమిస్తూనే ఉంటా’’ అంటూ భర్తపై ప్రేమను చాటుకుంది. ఈ సందర్భంగా సూర్యతో దిగిన ఫొటోలను దేవిశా షేర్‌ చేయగా.. నెట్టింట వైరల్‌ అవుతున్నాయి. ఇక భార్య షేర్‌ చేసిన పోస్టుకు బదులుగా.. సుకూన్‌(శాంతి) అంటూ సూర్య బదులిచ్చాడు. కాగా కాలేజీలో తన జూనియర్‌ అయిన దేవిశాను ప్రేమించిన సూర్య.. పెద్దలను ఒప్పించి 2016, జూలై 7న ఆమెను పెళ్లి చేసుకున్నాడు.నాలుగు టీ20 సెంచరీలుఇక సూర్య కెరీర్‌ విషయానికొస్తే... టీమిండియా తరఫున ఇప్పటి వరకు 109 అంతర్జాతీయ మ్యాచ్‌లు ఆడిన సూర్యకుమార్‌ యాదవ్‌.. 3213 పరుగులు చేశాడు. అత్యధికంగా అంతర్జాతీయ టీ20 ఫార్మాట్లో నాలుగు సెంచరీలు నమోదు చేశాడు. పొట్టి ఫార్మాట్లో ప్రపంచ నంబర్‌ వన్‌ బ్యాటర్‌గా ఎదిగి సత్తా చాటాడు. టీ20 ప్రపంచకప్‌-2024లో టీమిండియా చాంపియన్‌గా నిలిచిన తర్వాత.. రోహిత్‌ శర్మ అంతర్జాతీయ టీ20లకు రిటైర్మెంట్‌ ప్రకటించిన విషయం తెలిసిందే.టీమిండియా పూర్తిస్థాయి సారథిగాఈ నేపథ్యంలో రోహిత్‌ శర్మ స్థానంలో సూర్య ఇటీవలే భారత టీ2 జట్టు సారథిగా నియమితుడయ్యాడు. శ్రీలంక పర్యటన సందర్భంగా పూర్తిస్థాయి కెప్టెన్‌గా పగ్గాలు చేపట్టి.. టీమిండియాకు 3-0తో క్లీన్‌స్వీప్‌ విజయం అందించాడు. ప్రస్తుతం గాయం కారణంగా ఆటకు దూరంగా ఉన్న సూర్య.. అక్టోబరులో బంగ్లాదేశ్‌తో జరుగనున్న టీ20 సిరీస్‌తో రీఎంట్రీ ఇచ్చే అవకాశం ఉంది.చదవండి: 'అతడు ఆటను గౌరవించడు.. జట్టులో చోటు దండగ' View this post on Instagram A post shared by Devisha Suryakumar Yadav (@devishashetty_)

టీమిండియాకు శుభవార్త!!... టీ20 కెప్టెన్‌ సూర్యకుమార్‌ యాదవ్‌ గాయం నుంచి పూర్తిగా కోలుకున్నట్లు సమాచారం. ఈ నేపథ్యంలో బంగ్లాదేశ్‌తో సిరీస్‌ నాటికి అతడు అందుబాటులో ఉండనున్నట్లు తెలుస్తోంది. కాగా టీ20 ప్రపంచకప్‌-2024లో భారత్‌ చాంపియన్‌గా నిలిచిన అనంతరం రోహిత్‌ శర్మ అంతర్జాతీయ పొట్టి ఫార్మాట్‌కు వీడ్కోలు పలికిన విషయం తెలిసిందే.రెడ్‌బాల్‌ క్రికెట్‌పై దృష్టిఈ క్రమంలో శ్రీలంక పర్యటన సందర్భంగా సూర్యకుమార్‌ యాదవ్‌ను టీ20 కెప్టెన్‌గా ప్రకటించింది బీసీసీఐ. పూర్తిస్థాయి సారథిగా తొలి సిరీస్‌లోనే భారత్‌కు ఈ ముంబై బ్యాటర్‌ క్లీన్‌స్వీప్‌(3-0) విజయం అందించాడు. అనంతరం టీమిండియాకు సుదీర్ఘ విరామం లభించగా.. టెస్టు జట్టులో చోటే లక్ష్యంగా ‘స్కై’ రెడ్‌బాల్‌ క్రికెట్‌పై దృష్టి సారించాడు.గాయం బారిన పడిన సూర్యఈ క్రమంలో ముంబై తరఫున బుచ్చిబాబు ఇన్విటేషనల్‌ బరిలో దిగాడు. అయితే, ఈ టోర్నీలో ఒకే మ్యాచ్‌లో పాల్గొన్న సూర్య.. పరుగులు రాబట్టలేకపోయాడు. తమిళనాడు క్రికెట్‌ అసోసియేషన్‌ ఎలెవన్‌ జట్టుతో జరిగిన మ్యాచ్‌ సందర్భంగా అతడి కుడిచేతి బొటనవేలికి గాయమైంది. దీంతో ఆ టోర్నీతో పాటు దులిప్‌ ట్రోఫీ-2024 తొలి రౌండ్‌కు కూడా సూర్య దూరమయ్యాడు.సూర్య వేగంగా కోలుకుంటున్నాడుతిరిగి ఫిట్‌నెస్‌ సాధించేందుకు బెంగళూరులోని జాతీయ క్రికెట్‌ అకాడమీ(ఎన్సీఏ)కి చేరాడు సూర్య. ఈ క్రమంలో బీసీసీఐ వైద్యుల పర్యవేక్షణలో ఉన్న ఈ టీ20 ప్రపంచ రెండో నంబర్ బ్యాటర్‌.. గాయం నుంచి కోలుకున్నట్లు సమాచారం. ఎన్సీఏ వర్గాలు ఈ విషయాన్ని ధ్రువీకరించాయని హిందుస్తాన్‌ టైమ్స్‌ వెల్లడించింది. ‘‘సూర్య వేగంగా కోలుకుంటున్నాడు. అతడు 100 శాతం ఫిట్‌నెస్‌ సాధించినట్లే’’ అని తెలిపినట్లు పేర్కొంది.టీమిండియాకు భారీ ఊరటఈ నేపథ్యంలో 33 ఏళ్ల సూర్య దులిప్‌ ట్రోఫీ బరిలో దిగనున్నట్లు తెలుస్తోంది. ఇండియా-సి జట్టులో ఉన్న అతడు సెప్టెంబరు 12 నుంచి అనంతపురం వేదికగా జరుగనున్న మ్యాచ్‌ ఆడనున్నట్లు వార్తలు వినిపిస్తున్నాయి. ఇక సూర్యకుమార్‌ యాదవ్‌ కోలుకోవడం టీమిండియాకు శుభసూచకం. స్వదేశంలో అక్టోబరు 6 నుంచి బంగ్లాదేశ్‌తో మొదలయ్యే మూడు మ్యాచ్‌ల టీ20 సిరీస్‌కు సూర్య అందుబాటులోకి వచ్చే అవకాశాలు మెరగవుతాయి. ఇదిలా ఉంటే.. టీ20 సిరీస్‌ కంటే ముందు టీమిండియా బంగ్లాదేశ్‌తో రెండు మ్యాచ్‌ల టెస్టు సిరీస్ ఆడనుంది. సెప్టెంబరు 19 నుంచి ఈ మ్యాచ్‌లు మొదలుకానున్నాయి.చదవండి: Afg vs NZ: ‘చెత్తగా ఉంది.. ఇంకోసారి ఇక్కడకు రాబోము’

టీమిండియా టీ20 కెప్టెన్‌ సూర్యకుమార్‌ యాదవ్‌కు ఊహించని షాక్‌ తగిలింది. టెస్టుల్లో పునరాగమనమే లక్ష్యంగా బుచ్చిబాబు టోర్నమెంట్‌ బరిలో దిగిన ఈ స్టార్‌ బ్యాటర్‌ గాయపడ్డాడు. తమిళనాడు జట్టుతో మ్యాచ్‌ సందర్భంగా అతడి చేతికి గాయమైనట్లు సమాచారం. దీంతో సూర్య దులిప్‌ ట్రోఫీకి దూరమయ్యే అవకాశం ఉంది.బంగ్లాతో సిరీస్‌ నాటికీ కష్టమేఫలితంగా బంగ్లాదేశ్‌తో టెస్టు సిరీస్‌ నాటికి కూడా సూర్యకుమార్‌ యాదవ్‌ అందుబాటులోకి వచ్చే అవకాశం లేదనే వార్తలు వినిపిస్తున్నాయి. గతేడాది ఫిబ్రవరిలో ఆస్ట్రేలియాతో బోర్డర్‌- గావస్కర్‌ ట్రోఫీ సందర్భంగా ఈ టీ20 టాప్‌ స్టార్‌ టెస్టుల్లో అరంగేట్రం చేశాడు. సొంతగడ్డపై జరిగిన ఈ సిరీస్‌లో సూర్య కేవలం ఎనిమిది పరుగులు మాత్రమే చేసి అవుటయ్యాడు.ఏదో అనుకుంటే ఇంకేదో అయ్యింది!ఈ క్రమంలో ఈ టీ20 స్పెషలిస్టుకు మళ్లీ టెస్టు జట్టులో స్థానం దక్కలేదు. అయితే, త్వరలో స్వదేశంలో బంగ్లాదేశ్‌తో టెస్టు సిరీస్‌ నేపథ్యంలో రీ ఎంట్రీ ఇవ్వాలని భావించిన సూర్యకుమార్‌ యాదవ్‌.. తమిళనాడు క్రికెట్‌ అసోసియేషన్‌ నిర్వహిస్తున్న బుచ్చిబాబు ఇన్విటేషనల్‌ టోర్నీ బరిలో దిగాడు. దేశవాళీ క్రికెట్‌లో తన సొంతజట్టు ముంబైకి ప్రాతినిథ్యం వహిస్తూ తమిళనాడుతో మ్యాచ్‌ ఆడాడు.కోయంబత్తూర్‌ వేదికగా జరిగిన ఈ మ్యాచ్‌ తొలి ఇన్నింగ్స్‌లో కేవలం 30 పరుగులే చేసిన సూర్య.. అనంతరం ఫీల్డింగ్‌ చేస్తున్న సమయంలో గాయపడినట్లు తెలుస్తోంది. అతడి చేతికి గాయం కాగా.. నొప్పితో విలవిల్లాడినట్లు ఈఎస్‌పీఎన్‌క్రిక్‌ఇన్ఫో తెలిపింది. దీంతో అతడు దులిప్‌ ట్రోఫీలో పాల్గొనడంపై సందిగ్దం నెలకొంది. ఆశలపై నీళ్లుఒకవేళ గాయం తీవ్రతరమైతే సూర్యకుమార్‌ యాదవ్‌ టెస్టు రీఎంట్రీకి ఇప్పట్లో అవకాశం ఉండకపోవచ్చు. కాగా ఆఖరిగా ఇంగ్లండ్‌తో టెస్టు సిరీస్‌ ఆడిన టీమిండియా దాదాపు ఆరు నెలల విరామం తర్వాత టెస్టు మ్యాచ్‌ ఆడనుంది. సెప్టెంబరు 19 నుంచి బంగ్లాదేశ్‌తో రెండు మ్యాచ్‌ల టెస్టు సిరీస్‌కు సిద్ధమవుతోంది.దులిప్‌ ట్రోఫీ ఇండియా-సి టీమ్‌లో సూర్యరుతురాజ్ గైక్వాడ్ (కెప్టెన్), సాయి సుదర్శన్, రజత్ పాటిదార్, అభిషేక్ పోరెల్ (వికెట్ కీపర్), సూర్యకుమార్ యాదవ్, బి ఇంద్రజిత్, హృతిక్ షోకీన్, మానవ్ సుతార్, గౌరవ్ యాదవ్, వైషక్ విజయ్‌కుమార్, అన్షుల్ ఖంబోజ్, హిమాన్షు చౌహాన్, మయాంక్ మార్కండే, ఆర్యన్ జుయాల్ (వికెట్ కీపర్), సందీప్ వారియర్.చదవండి: Eng vs SL: శతక్కొట్టిన ఇంగ్లండ్‌ పేసర్‌.. శ్రీలంక 196 పరుగులకే ఆలౌట్‌

టీమిండియా కెప్టెన్‌ సూర్యకుమార్‌ యాదవ్‌ వచ్చే ఏడాది కోల్‌కతా నైట్‌ రైడర్స్‌కు మారనున్నాడా? ఏకంగా కేకేఆర్‌ సారథిగా బాధ్యతలు చేపట్టబోతున్నాడా? ఇలా అయితే.. శ్రేయస్‌ అయ్యర్‌ పరిస్థితి ఏమిటి? అంటూ సోషల్‌ మీడియాలో చర్చకు తెరతీశారు ఈ ఇద్దరు క్రికెటర్ల అభిమానులు. ఓ స్పోర్ట్స్‌ జర్నలిస్టు చేసిన వ్యాఖ్యలు ఇందుకు కారణం.హార్దిక్‌ రాకతోనే గందరగోళం!ఇండియన్‌ ప్రీమియర్‌ లీగ్‌లో 2012లో ముంబై ఇండియన్స్‌ తరఫున అరంగేట్రం చేసిన సూర్యకుమార్‌ యాదవ్‌.. రెండేళ్ల తర్వాత కేకేఆర్‌లో చేరాడు. టీమిండియా ప్రస్తుత హెడ్‌కోచ్‌ గౌతం గంభీర్‌ సారథ్యంలో 2014లో టైటిల్‌ గెలిచిన కేకేఆర్‌ జట్టులో అతడు సభ్యుడు. అయితే, తగినన్ని అవకాశాలు రాకపోవడంతో 2017లో కోల్‌కతా ఫ్రాంఛైజీని వీడి.. తిరిగి ముంబై గూటికి చేరాడు సూర్య.అప్పటి నుంచి ముంబై జట్టులో పాతుకుపోయిన ఈ కుడిచేతి వాటం బ్యాటర్‌.. అంచెలంచెలుగా ఎదిగాడు. వరల్డ్‌ నంబర్‌ వన్‌ బ్యాటర్‌గా సత్తా చాటి.. అనూహ్య రీతిలో టీమిండియా కెప్టెన్‌గా నియమితుడయ్యాడు. ఇదిలా ఉంటే.. ఐపీఎల్‌-2024లో రోహిత్‌ శర్మపై వేటు వేసి అతడి స్థానంలో టీమిండియా ఆల్‌రౌండర్‌ హార్దిక్‌ పాండ్యాను ముంబై ఇండియన్స్‌ తన సారథిగా ప్రకటించిన విషయం తెలిసిందే.వాస్తవానికి.. ముంబై జట్టులో రోహిత్‌ గైర్హాజరీలో సూర్య కెప్టెన్‌గా వ్యవహరించాడు. ఈ నేపథ్యంలో రోహిత్‌ తర్వాత అతడే ముంబై పగ్గాలు చేపడతాడని విశ్లేషకులు భావించారు. అంతేకాదు.. మరో సీనియర్‌, టీమిండియా పేస్‌ దళ నాయకుడు జస్‌ప్రీత్‌ బుమ్రా కూడా కెప్టెన్సీ అవకాశం ఉందని అంచనా వేశారు.అందుకే ముంబైని వీడాలనుకుంటున్నాడా?అయితే, ముంబై యాజమాన్యం మాత్రం భారీ ధరకు గుజరాత్‌ టైటాన్స్‌ నుంచి హార్దిక్‌ను ట్రేడ్‌ చేసుకుని మరీ కెప్టెన్‌ను చేసింది. ఫలితంగా జట్టు రెండు వర్గాలుగా చీలిపోయినట్లు వార్తలు వచ్చాయి. అందుకు అనుగుణంగా రోహిత్‌ శర్మకు మద్దతుగా బుమ్రా, సూర్య నిలవగా.. హార్దిక్‌ సీనియర్ల సపోర్టు లేక ఒంటరయ్యాడు. ఈ క్రమంలో ఒత్తిడిలో చిత్తై కెప్టెన్‌గా పూర్తిగా విఫలమయ్యాడు.ఇక హార్దిక్‌ రాకతో సందిగ్దంలో పడిన సూర్య.. ముంబై జట్టును వీడేందుకు సిద్ధపడినట్లు వార్తలు వినిపిస్తున్నాయి. ఈ క్రమంలో కేకేఆర్‌ ఈ మిస్టర్‌ 360 డిగ్రీ ప్లేయర్‌ను సంప్రదించిందని.. తమ జట్టులోకి వస్తే కెప్టెన్‌గా నియమిస్తామని ఆఫర్‌ చేసిందని ఓ వ్యక్తి వీడియో విడుదల చేశాడు. అతడి వ్యాఖ్యలు నెట్టింట వైరల్‌ కాగా.. సూర్య, శ్రేయస్‌ అయ్యర్‌ అభిమానులు తమదైన శైలిలో కామెంట్లు చేస్తున్నారు.కేకేఆర్‌ సారథి అయితే బాగుంటుంది!సూర్య మళ్లీ కేకేఆర్‌ గూటికి చేరి కెప్టెన్‌ అయితే బాగుంటుందని అతడి ఫ్యాన్స్‌ అంటుండగా.. ఎవరికీ సాధ్యం కాని రీతిలో పదేళ్ల తర్వాత జట్టుకు ట్రోఫీ అందించిన శ్రేయస్‌ను తప్పించడం సరికాదని అతడి మద్దతుదారులు అంటున్నారు. ఇవన్నీ వట్టి వదంతులేనని.. నిరాధార వ్యాఖ్యలను నమ్మాల్సిన అవసరం లేదని కొట్టిపారేస్తున్నారు. శ్రేయస్‌ను కేకేఆర్‌ రిటైన్‌ చేసుకోవడం ఖాయమని అభిప్రాయపడుతున్నారు.అయితే, ప్రస్తుత టీమిండియా టీ20 కెప్టెన్‌గా ఉన్న సూర్య పట్ల కేకేఆర్‌ నిజంగా మొగ్గు చూపితే.. శ్రేయస్‌ వేలంలోకి వస్తాడని.. అతడిని ముంబై కొనుగోలు చేసే అవకాశం ఉందని మరికొందరు అంటున్నారు. కాగా సూర్య ఇప్పటి వరకు ఓవరాల్‌గా 150 ఐపీఎల్‌ మ్యాచ్‌లు ఆడి 3594 పరుగులు చేశాడు. ఇందులో రెండు సెంచరీలు, 24 అర్ధ శతకాలు ఉన్నాయి. అంతర్జాతీయ టీ20లలోనూ 4 శతకాలు బాదిన రికార్డు సూర్యకు ఉంది. 🚨𝐓𝐫𝐚𝐧𝐬𝐟𝐞𝐫 𝐑𝐮𝐦𝐨𝐮𝐫𝐬 🚨👀 KKR management unofficially contacted SKY for KKR captaincy from next year .( Rohit Juglan from Revzsports)pic.twitter.com/ClEVeuqcb4— KKR Vibe (@KnightsVibe) August 24, 2024

బ్యాటుతో రప్ఫాడేస్తారు. పరుగులతో హోరెత్తిస్తారు. కళ్లు చెదిరే సిక్సులు, ఫోర్లతో అలరించేస్తారు. ఎప్పుడూ టీవీలో కనిపించే అలాంటి తారలు మన నగరానికే వస్తున్నారు. వినోదం పంచనున్నారు. అనంతపురంలోని ఆర్డీటీ క్రీడా గ్రామం దేశవాళీ క్రీడా సంరంభానికి సిద్ధమవుతుండగా, తమ అభిమాన క్రికెటర్ల రాక కోసం క్రికెట్‌ ప్రేమి కులు వేయికళ్లతో ఎదురుచూస్తున్నారు.అనంతపురం: దేశవాళీ క్రికెట్‌లో అత్యంత ప్రతిష్టాత్మకంగా భావించే దులీప్‌ ట్రోఫీ క్రికెట్‌ పోటీలు అనంతపురంలో జరగనున్నాయి. వచ్చే నెల 5న టోర్నీ ప్రారంభం కానుండగా, అనంతపురం ఆర్డీటీ క్రీడా గ్రామంలో ఐదు మ్యాచ్‌లు జరుగుతాయి. ఒక మ్యాచ్‌ నాలుగు రోజుల పాటు (మల్టీడే మ్యాచ్‌) నిర్వహిస్తారు. అంతర్జాతీయ స్థాయిలో అయితే టెస్ట్‌ మ్యాచ్‌గా పరిగణిస్తారు. ఒక మ్యాచ్‌ ఐదు రోజుల పాటు సాగుతుంది. క్రీడా గ్రామం ఖ్యాతి.. దులీప్‌ ట్రోఫీ మ్యాచ్‌లు తొలిసారిగా అనంతపురం ఆర్డీటీ స్టేడియంలో నిర్వహిస్తుండడంతో జిల్లా పేరు దేశస్థాయిలో మార్మోగనుంది. 2003లో ప్రారంభించిన ఆర్డీటీ క్రీడా గ్రామం అనతి కాలంలోనే తన కీర్తిని ఇనుమడింపజేసుకుంది. స్టేడియంలో అంతర్జాతీయ స్థాయి క్రీడా ప్రమాణాలు పాటిస్తుండడంతో దులీప్‌ ట్రోఫీ నిర్వహణకు అవకాశం దక్కింది. పేద, మధ్య తరగతి క్రీడాకారులకు దన్నుగా నిలుస్తూ ఎంతో మంది ప్రతిభావంతులను క్రీడల వైపు ఆసక్తి పెరిగేలా కృషి చేసిన ఫాదర్‌ ఫెర్రర్‌ ఆశయం నెరవేరుతోందని క్రీడాకారులు ఆనందం వ్యక్తం చేస్తున్నారు. అభిమానులకు పండగే.. టోర్నీ సందర్భంగా సూర్యకుమార్‌ యాదవ్, శుభ్‌మన్‌ గిల్, పంత్‌ తదితర క్రికెట్‌ స్టార్లు నగరానికి రానున్నారు. తమ ఆటతో అభిమానులను మురిపించనున్నారు. భారత జట్టు క్రికెటర్లలో ముగ్గురు మినహా అందరూ దులీప్‌ ట్రోఫీలోని జట్లలో ప్రాతినిధ్యం వహిస్తున్నారు. ఈ క్రమంలో తమ అభిమాన క్రికెటర్ల రాక కోసం యువత ఆసక్తిగా ఎదురుచూస్తున్నారు. నగరంలోని రెండు త్రీ స్టార్‌ హోటళ్లలో భారత క్రికెటర్లకు బస ఏర్పాట్లు చేస్తున్నారు.గర్వకారణం ఇలాంటి పెద్ద ఈవెంట్‌ జరగడం అనంతపురం జిల్లా చరిత్రలోనే తొలిసారి. ఇటువంటి మ్యాచ్‌లు జరుగుతాయని ఊహించలేదు. ఇంత మంది స్టార్‌ క్రికెటర్లు వస్తారని కలలో కూడా అనుకోలేదు. దులీప్‌ ట్రోఫీ వంటి వాటి నిర్వహణకు కేవలం గ్రౌండ్‌ ఒక్కటే సరిపోదు. క్రికెటర్లకు అధునాతన సౌకర్యాలు కల్పించాలి. ఇటువంటి టోర్నీల వల్ల జిల్లా క్రికెటర్లకు స్ఫూర్తి కలుగుతుంది. ఆర్డీటీ క్రీడా గ్రామంలో రెండు గ్రౌండ్లు ఉన్నాయి. ఒకే సమయంలో రెండు మ్యాచ్‌లు జరుగుతాయి. చాలా పెద్ద పని. చాలా ఏర్పాట్లు చేయాల్సి ఉంటుంది. అందరి సహకారంతో ఈ టోర్నమెంట్‌ను విజయవంతం చేస్తాం. సెపె్టంబర్‌ 5 నుంచి 22 వరకూ టోర్నీ జరుగుతుంది. భారత జట్టులోని ముగ్గురు క్రీడాకారులు మినహా తక్కిన వారందరూ ఈ టోర్నీలో ప్రాతినిధ్యం వహిస్తున్నారు. – మాంఛో ఫెర్రర్, ఆర్డీటీ ప్రోగ్రాం డైరెక్టర్, ఆంధ్రా క్రికెట్‌ అసోసియేషన్‌ త్రీమెన్‌ కమిటీ మెంబర్‌ దులీప్‌ ట్రోఫీలో ప్రాతినిధ్యం వహించే జట్లు ఇవే..టీమ్‌–ఏ: శుభమన్‌ గిల్‌ (కెప్టెన్), మయాంక్‌ అగర్వాల్, రియాన్‌ పరాగ్, ధ్రువ్‌ జురెల్, కేఎల్‌ రాహుల్, తిలక్‌ వర్మ, శివమ్‌ ధూబే, తనుస్‌ కోటియన్, కులదీప్‌ యాదవ్, ఆకాష్‌ దీప్, ప్రసిద్‌్ధకృష్ణ, ఖలీల్‌ అహమ్మద్, అవేశ్‌ ఖాన్, విద్వత్‌ కావేరప్ప, కుమార్‌ కుషగ్ర, షస్వత్‌ రావత్‌. టీమ్‌–బీ: అభిమన్యు ఈశ్వరన్‌ (కెప్టెన్‌), యశస్వి జైస్వాల్, సర్ఫరాజ్‌ ఖాన్, రిషబ్‌ పంత్, ముషీర్‌ ఖాన్, నితీష్‌ కుమార్‌ రెడ్డి, వాషింగ్టన్‌ సుందర్, రవీంద్ర జడేజా, సిరాజ్, యశ్‌ దయాల్, ముకేష్‌ కుమార్, రాహుల్‌ చహార్, ఆర్‌ సాయి కిశోర్, మోహిత్‌ అశ్విత్, ఎన్‌. జగదీషన్‌ (వికెట్‌ కీపర్‌) టీమ్‌–సీ: రుతురాజ్‌ గైక్వాడ్‌ (కెప్టెన్‌), సాయి సుదర్శన్, రజత్‌ పటిదార్, అభిష్క్‌‌ పోరెల్‌ (వికెట్‌ కీపర్‌), సూర్యకుమార్‌ యాదవ్, బి. ఇంద్రజిత్, హార్ధిక్‌ షోకీన్, మనవ్‌ సుతార్, ఉమ్రాన్‌ మాలిక్, వైశాఖ్‌ విజయ్‌కుమార్, అన్సుల్‌ కాంబోజ్, హిమాన్షు చౌహాన్, మయాంక్‌ మార్ఖండే, ఆర్యన్‌ జుయాల్‌ (వికెట్‌ కీపర్‌), సందీప్‌ వారియర్‌ టీమ్‌ –డీ: శ్రేయస్‌ అయ్యర్‌ (కెప్టెన్‌), అతర్వ టైడ్, యష్‌ దూబే, దేవదత్‌ పడిక్కల్, ఇషాన్‌ కిషన్‌ (వికెట్‌ కీపర్‌), రికీ భూయి, షరాన్స్‌ జైన్, ఆక్షర్‌ పటేల్, అర్షదీప్‌ సింగ్, ఆదిత్య థాక్రే, హర్షిత్‌ రాణా, తుషార్‌దేశ్‌పాండే, ఆకాష్‌ సేన్‌గుప్తా, కేఎస్‌. భరత్‌ (వికెట్‌ కీపర్‌), సౌరభ్‌ కుమార్‌.

శ్రీలంక సిరీస్‌తో వన్డేల్లో పునరాగమనం చేసిన టీమిండియా క్రికెటర్‌ టెస్టు రీఎంట్రీపై కూడా దృష్టి సారించాడు. బంగ్లాదేశ్‌తో సిరీస్‌ నేపథ్యంలో భారత జట్టులో చోటే లక్ష్యంగా ముందుకు సాగుతున్నాడు. ఈ క్రమంలో బుచ్చిబాబు టోర్నమెంట్‌ ఆడేందుకు సిద్ధమయ్యాడు. ముంబై తరఫున ఈ టోర్నీలో శ్రేయస్‌ బరిలోకి దిగనున్నాడు.ఆ మ్యాచ్‌లో శ్రేయస్‌ ఆడతాడుఈ విషయాన్ని ముంబై క్రికెట్‌ అసోసియేషన్‌(ఎంసీఏ) ధ్రువీకరించింది. ‘‘తమిళనాడు క్రికెట్‌ అసోసియేషన్‌ నిర్వహిస్తున్న బుచ్చిబాబు ఇన్విటేషనల్‌ టోర్నమెంట్లో శ్రేయస్‌ అయ్యర్‌ ముంబై జట్టుకు ప్రాతినిథ్యం వహించనున్నాడు. కోయంబత్తూరు వేదికగా ఆగష్టు 27న జరుగనున్న ముంబై వర్సెస్‌ జమ్మూ కశ్మీర్‌ మ్యాచ్‌లో అతడు ఆడనున్నాడు’’ అని ఎంసీఏ తన ప్రకటనలో తెలిపింది.కాగా శ్రేయస్‌ అయ్యర్‌ గత కొంతకాలంగా ఇబ్బందికర పరిస్థితులు ఎదుర్కొంటున్న విషయం తెలిసిందే. ఇంగ్లండ్‌తో ఐదు మ్యాచ్‌ల టెస్టు సిరీస్‌కు ముందు ముంబై తరఫున రంజీ బరిలో దిగిన అతడు.. ఇంగ్లిష్‌ జట్టుతో సిరీస్‌కు ఎంపికయ్యాడు. అయితే, తొలి రెండు టెస్టుల్లో వరుసగా 35, 13, 27, 29 పరుగులు మాత్రమే చేసి పూర్తిగా నిరాశపరిచాడు. ఆ తర్వాత తుదిజట్టులో అతడికి చోటు దక్కలేదు.టెస్టు జట్టులోనూ చోటే లక్ష్యంగా ఈ క్రమంలో దేశవాళీ క్రికెట్‌లో ఆడిన తర్వాతే టీమిండియాలో అవకాశమని బీసీసీఐ చెప్పగా.. ఆ ఆదేశాలను బేఖాతరు చేశాడు. ఈ నేపథ్యంలో సెంట్రల్‌ కాంట్రాక్టు కూడా కోల్పోయాడు. అయితే, ఐపీఎల్‌లో కోల్‌కతా నైట్‌ రైడర్స్‌ కెప్టెన్‌గా వ్యవహరించిన శ్రేయస్‌ అయ్యర్‌కు శ్రీలంకతో వన్డే సిరీస్‌ సందర్భంగా టీమిండియా సెలక్టర్ల నుంచి పిలుపు వచ్చింది.ఇక ఇప్పుడు టెస్టు జట్టులోనూ తిరిగి చోటు దక్కించుకోవాలని శ్రేయస్‌ అయ్యర్‌ పట్టుదలగా ఉన్నాడు. ఈ విషయం గురించి మాట్లాడుతూ.. వన్డే వరల్డ్‌కప్‌-2023 తర్వాత తాను ఫామ్‌ కోల్పోయానని.. అయితే, ఐపీఎల్‌ ద్వారా తిరిగి గాడిలో పడ్డాడని శ్రేయస్‌ అయ్యర్‌ పేర్కొన్నాడు. తాను ఎవరితోనూ పోటీపడటం లేదని.. తనకు తానే పోటీ అని పేర్కొన్నాడు. కాగా సెప్టెంబరు 19 నుంచి భారత్‌- బంగ్లాదేశ్‌ మధ్య టెస్టు సిరీస్‌ మొదలుకానుంది. ఇక అయ్యర్‌తో పాటు మరో ముంబై బ్యాటర్‌, టీమిండియా టీ20 కెప్టెన్‌ సూర్యకుమార్‌ యాదవ్‌ కూడా ఈ బుచ్చిబాబు టోర్నీ ఆడనున్నాడు. ఈ రెడ్‌బాల్‌ టోర్నీలో ముంబై కెప్టెన్‌గా సర్ఫరాజ్‌ ఖాన్‌ వ్యవహరించనున్నాడు.చదవండి: Pak vs Ban: పాక్‌ ఆస్ట్రేలియన్‌ మైండ్‌సెట్‌తో ఆడకూడదు!

టీమిండియా టీ20 కెప్టెన్ సూర్యకుమార్‌ యాదవ్‌ టెస్టు జట్టులోనూ పునరాగమనం చేయాలని పట్టుదలగా ఉన్నాడు. ఈ క్రమంలో దేశీ రెడ్‌బాల్‌ టోర్నమెంట్‌ ఆడేందుకు ఈ ముంబై బ్యాటర్‌ సిద్ధమయ్యాడు. రానున్న బుచ్చిబాబు ఇన్విటేషనల్‌ టోర్నమెంట్‌లో భాగంగా సూర్య వైట్‌ జెర్సీతో బరిలోకి దిగనున్నాడు.ఈ విషయాన్ని మహారాష్ట్ర క్రికెట్‌ అసోసియేషన్‌ నిర్ధారించింది. ఇక తన నిర్ణయం గురించి సూర్యకుమార్‌ యాదవ్‌ ఇండియన్‌ ఎక్స్‌ప్రెస్‌తో మాట్లాడుతూ.. ‘‘నేను బుచ్చిబాబు టోర్నమెంట్‌ ఆడబోతున్నాను. తద్వారా.. దేశవాళీ సీజన్‌(రంజీ) మొదలయ్యే ముందు నాకు కావాల్సినంత ప్రాక్టీస్‌ దొరుకుతుంది. ఈనెల 25 తర్వాత జట్టుతో చేరతా. నాకు వీలున్నపుడల్లా కచ్చితంగా ముంబై జట్టుకు, క్లబ్‌ టీమ్‌కు తప్పక ఆడతా’’ అని స్పష్టం చేశాడు.ఇక సూర్య ఈ టోర్నీలో ఆడటంపై ముంబై క్రికెట్‌ అసోసియేషన్‌ హర్షం వ్యక్తం చేసింది. ‘‘ఈ టోర్నీకి అందుబాటులో ఉంటానని సూర్య ముందే చెప్పాడు. అతడు అందరిలాంటి వాడు కాదు. క్లబ్‌ మ్యాచ్‌లు ఆడతానన్నాడు. కెప్టెన్‌గా ఉంటారా అని మేము తనని అడిగాం. అయితే, సూర్య మాత్రం సర్ఫరాజ్‌నే సారథిగా కొనసాగించమని చెప్పాడు. తను ఆటగాడిగా ఉంటానని చెప్పాడు’’ అని ముంబై వర్గాలు తెలిపాయి.కాగా టీమిండియా పూర్తిస్థాయి కెప్టెన్‌గా తొలిసారి శ్రీలంకలో పర్యటించిన సూర్యకుమార్‌ యాదవ్‌.. 3-0తో క్లీన్‌స్వీప్‌ విజయం అందుకున్న విషయం తెలిసిందే. అయితే, వన్డే, టెస్టుల్లో సూర్య రికార్డు అంతగొప్పగా ఏం లేదు. టీమిండియా తరఫున ఇంతవరకు ఒకే ఒక్క టెస్టు ఆడిన సూర్య కేవలం ఎనిమిది పరుగులు మాత్రమే చేశాడు.ఇక బుచ్చిబాబు ఇన్విటేషనల్‌ టోర్నమెంట్‌లో పాల్గొంటున్న ముంబై జట్టుకు సర్ఫరాజ్‌ ఖాన్‌ కెప్టెన్‌గా ఎంపికైన విషయం తెలిసిందే. అజింక్య రహానే, పృథ్వీ షా, శ్రేయస్‌ అయ్యర్‌ వంటి సీనియర్ల గైర్హాజరీలో సర్ఫరాజ్‌కు ఈ సువర్ణావకాశం వచ్చింది. తొలిసారి జట్టుకు నాయకుడిగా వ్యవహరించబోతున్నాడు. అయితే, సూర్య రాకతో సర్ఫరాజ్‌ పదవి చేజారుతుందని భావించగా.. సూర్య మాత్రం అతడినే కొనసాగించాలని చెప్పినట్లు తెలుస్తోంది.కాగా మోతవరపు మహిపతి నాయుడు బుచ్చిబాబు నాయుడుగా సుపరిచితులు. ఒకప్పటి మద్రాస్‌ ప్రెసిడెన్సీలో 1868లో జన్మించారు ఆయన. క్రికెట్ క్లబ్‌లో స్వదేశీయులకు అవకాశాలు కల్పించారు. ఆయన జ్ఞాపకార్థం తమిళనాడు క్రికెట్‌ అసోసియేషన్‌ బుచ్చిబాబు నాయుడు టోర్నమెంట్‌ నిర్వహిస్తోంది. దేశీ రెడ్‌బాల్‌ జట్లు ఈ టోర్నమెంట్లో పాల్గొంటాయి. ఆగష్టు 15న టోర్నీ మొదలుకానుంది. బుచ్చిబాబు టోర్నమెంట్‌-2024కు తొలుత ముంబై ప్రకటించిన జట్టుసర్ఫరాజ్ ఖాన్ (కెప్టెన్), సిద్ధేశ్ లాడ్, దివ్యాంశ్ సక్సేనా, అమోగ్ భత్కల్, అఖిల్ హెర్వాద్కర్‌, ముషీర్ ఖాన్, నూతన్ గోయల్, సూర్యాన్ష్ షెడ్గే, హార్దిక్ తామోర్, ప్రసాద్ పవార్, తనూష్ కొటియన్, అథర్వ అంకోలేకర్, హిమాన్షు సింగ్, ధనిత్ రౌత్, సిల్వెస్టర్ డిసౌజా, జునైద్ ఖాన్, హర్ష్ తనా.

టీమిండియా కెప్టెన్‌ రోహిత్‌ శర్మ అంతర్జాతీయ టీ20 రిటైర్మెంట్‌ వెనక్కి తీసుకుంటాడా? భారత్‌ తరఫున మళ్లీ పొట్టి ఫార్మాట్‌ బరిలో దిగుతాడా? టీ20 సిక్సర్ల కింగ్‌గా తన పేరును పదిలం చేసుకుంటూ మరిన్ని భారీ షాట్లు బాదుతాడా? అంటూ హిట్‌మ్యాన్‌ అభిమానుల్లో చర్చ మొదలైంది. ఇందుకు కారణం రోహిత్‌ శర్మ చేసిన వ్యాఖ్యలే!టీ20 ప్రపంచకప్‌-2021 తర్వాత విరాట్‌ కోహ్లి స్థానంలో టీమిండియా కెప్టెన్‌గా బాధ్యతలు చేపట్టాడు రోహిత్‌. ద్వైపాక్షిక సిరీస్‌లో అనూహ్య విజయాలతో మూడు ఫార్మాట్లలోనూ భారత్‌ను వరల్డ్‌ నంబర్‌ వన్‌గా నిలిపాడు. అయితే, ప్రపంచకప్‌ గెలవాలన్న కల మాత్రం టీ20 ప్రపంచకప్‌-2024తో తీరింది. అంతకు ముందు.. రోహిత్‌ సారథ్యంలో టీ20 వరల్డ్‌కప్‌-2022లో సెమీస్‌లోనే టీమిండియా నిష్క్రమించగా.. వన్డే వరల్డ్‌కప్‌-2023లోనూ రన్నరప్‌తోనే సరిపెట్టుకుంది.లంకతో వన్డే సిరీస్‌తో ఈ నేపథ్యంలో రోహిత్‌ శర్మ కెప్టెన్సీపై విమర్శలు రాగా.. ఐసీసీ టైటిల్‌ గెలిచి విమర్శకులకు గట్టిగా సమాధానమిచ్చాడు. వరల్డ్‌కప్‌ ట్రోఫీని ముద్దాడగానే తాను అంతర్జాతీయ టీ20ల నుంచి వైదొలుగుతున్నట్లు ప్రకటించాడు. ఈ క్రమంలో దాదాపు నెలరోజుల పాటు విశ్రాంతి తీసుకున్న హిట్‌మ్యాన్‌.. మళ్లీ శ్రీలంకతో వన్డే సిరీస్‌తో టీమిండియా తరఫున రీఎంట్రీ ఇవ్వనున్నాడు.ఈ నేపథ్యంలో మీడియాతో మాట్లాడిన రోహిత్‌ శర్మకు ఆసక్తికర ప్రశ్న ఎదురైంది. పొట్టి ఫార్మాట్‌కు గుడ్‌బై చెప్పినందుకు మీరు ఎలా ఫీలవుతున్నారు అని విలేకరులు అడిగారు. ఇందుకు బదులిస్తూ.. ‘‘గతంలో మాదిరే ఇప్పుడు కూడా నేను టీ20ల నుంచి విశ్రాంతి తీసుకున్నట్లే అనిపిస్తోంది. ఇక ఏదైనా కీలక టోర్నీ వస్తోందంటే మళ్లీ టీ20లు ఆడేందుకు సిద్ధంగా ఉండాలేమోనన్న ఫీలింగ్‌ వస్తోంది.పొట్టి ఫార్మాట్‌ నుంచి పూర్తిగా బయటకు రాలేదుఇప్పటికీ నేను పొట్టి ఫార్మాట్‌ నుంచి పూర్తిగా బయటకు వచ్చినట్లు అనిపించడం లేదు. ఏదో కొన్నాళ్లు సెలవు తీసుకుని మళ్లీ ఆడాలి కదా అన్న ఫీలింగ్‌లోనే ఉన్నాను’’ అని రోహిత్‌ శర్మ పేర్కొన్నాడు. దీంతో అభిమానుల ఆశలకు కొత్త రెక్కలు తొడిగినట్లయింది. కాగా గతంలో చాలా మంది క్రికెటర్లు రిటైర్మెంట్‌ వెనక్కి తీసుకున్న సందర్భాలు ఉన్నాయి. ఇటీవల.. ఇంగ్లండ్‌ స్టార్‌ బెన్‌ స్టోక్స్‌ వన్డేలకు గుడ్‌బై చెప్పినా.. వన్డే వరల్డ్‌కప్‌-2023కి ముందు తన నిర్ణయాన్ని మార్చుకున్నాడు. మరోవైపు.. పాకిస్తాన్‌ మాజీ కెప్టెన్‌ షాహిద్‌ ఆఫ్రిది చాలాసార్లు రిటైర్మెంట్‌ ఇచ్చి మళ్లీ బరిలోకి దిగాడు.ఆ అవకాశం లేదు.. కానీకాగా టీ20 ప్రపంచకప్‌-2022 తర్వాత విరాట్‌ కోహ్లితో పాటు దాదాపు ఏడాది కాలం అంతర్జాతీయ టీ20లకు దూరంగా ఉన్న రోహిత్‌.. వరల్డ్‌కప్‌-2024కు ముందే రీఎంట్రీ ఇచ్చాడు. కోహ్లితో కలిసి ఓపెనింగ్‌ చేసిన హిట్‌మ్యాన్‌.. భారత్‌ తరఫున మహేంద్ర సింగ్‌ ధోని తర్వాత రెండో టీ20 వరల్డ్‌కప్‌ గెలిచిన కెప్టెన్‌గా నిలిచాడు. ఇక 2026లో మరోసారి టీ20 వరల్డ్‌కప్‌నకు రంగం సిద్దం కాగా.. రోహిత్‌ శర్మ వయసు అప్పటికి 39 ఏళ్లు అవుతుంది. కాబట్టి అతడు తన నిర్ణయాన్ని మార్చుకునే అవకాశం దాదాపుగా ఉండదు. ఇక రోహిత్‌ స్థానంలో టీమిండియా టీ20 నూతన కెప్టెన్‌గా సూర్యకుమార్‌ యాదవ్‌ ఎంపికైన విషయం తెలిసిందే. అతడి సారథ్యంలో భారత్‌ శ్రీలంక తాజా పర్యటనలో టీ20 సిరీస్‌ను 3-0తో వైట్‌వాష్‌ చేసింది.చదవండి: లంకతో తొలి వన్డే.. అందరి కళ్లు సిరాజ్‌పైనే..!Even we are not over your T20I retirement, @ImRo45 🥹What's your take? 💬#SonySportsNetwork #SLvIND #RohitSharma pic.twitter.com/AMt7HXLR6U— Sony Sports Network (@SonySportsNetwk) August 1, 2024

టీమిండియా హెడ్‌కోచ్‌గా గౌతం గంభీర్‌కు ఘనమైన ఆరంభం లభించింది. అతడి మార్గదర్శనంలోని టీమిండియా శ్రీలంకతో టీ20 సిరీస్‌ను 3-0తో క్లీన్‌స్వీప్‌ చేసింది. లంక పర్యటనలో భాగంగా మూడు టీ20లలోనూ గెలుపొంది మరోసారి తమ స్థాయిని చాటుకుంది. ఈ నేపథ్యంలో జట్టును ఉద్దేశించి గంభీర్‌ ప్రసంగించిన వీడియోను బీసీసీఐ సోషల్‌ మీడియాలో షేర్‌ చేసింది.‘‘అద్భుతమైన విజయం ఇది. సిరీస్‌ గెలిచినందుకు మీ అందరికీ అభినందనలు. అత్యద్భుతమైన కెప్టెన్సీతో జట్టుకు విజయం అందించిన సూర్యకు శుభాకాంక్షలు. బ్యాటర్‌గానూ అతడు అద్భుత ప్రదర్శన కనబరిచాడు. సిరీస్‌ ఆరంభానికి ముందు నేను ఏం కోరుకుంటున్నానో మీకు చెప్పాను.అయితే, మీరు అంతకంటే ఎక్కువే సాధించారు. అయితే, ఇలాంటి వికెట్లపై రాణించాలంటే మన నైపుణ్యాలకు మరింత పదును పెట్టాల్సిన ఆవశ్యకత ఉంది. పిచ్‌ స్వభావం, ఎంత మేర స్కోరు చేయవచ్చో ముందుగానే అంచనా వేస్తున్నాం. అయితే, కొన్నిసార్లు అంచనాలు తప్పవచ్చు. ఈ మ్యాచ్‌ ద్వారా మనమెన్నో కొత్త పాఠాలు నేర్చుకున్నాం. సిరీస్‌ గెలుపు కంటే కూడా ఇదే గొప్ప విషయం’’ అని గౌతం గంభీర్‌ టీమిండియాను ఉద్దేశించి స్ఫూర్తిదాయక వ్యాఖ్యలు చేశాడు. కాగా మంగళవారం నాటి మూడో టీ20లో భారత జట్టు బ్యాటింగ్‌ చెత్తగా సాగింది.నిర్ణీత 20 ఓవర్లలో 137 పరుగుల నామమాత్రపు స్కోరుకు పరిమితమైంది. ఈ క్రమంలో ఆతిథ్య లంక గట్టిపోటీనివ్వడంతో టీమిండియా ఓటమి దాదాపుగా ఖరారైంది. అయితే, భారత బౌలర్ల కారణంగా మ్యాచ్‌ టై అవడంతో సూపర్‌ ఓవర్‌ నిర్వహించారు. ఈ క్రమంలో టీమిండియా స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌ సూపర్‌ ఓవర్‌ వేయగా.. శ్రీలంక 3 బంతులాడి 2 వికెట్లు కోల్పోయి 2 పరుగులే చేసింది. ఇక 3 పరుగుల లక్ష్యాన్ని భారత్‌ తొలి బంతికే బౌండరీ బాది ఛేదించింది.𝗧𝗵𝗶𝘀 𝗧𝗲𝗮𝗺 💙 Head Coach Gautam Gambhir 🤝 Hardik Pandya address the dressing room as the action now shifts to the ODIs in Colombo #TeamIndia | #SLvIND | @GautamGambhir | @hardikpandya7 pic.twitter.com/PFrTEVzdvd— BCCI (@BCCI) July 31, 2024

శ్రీలంకతో సిరీస్‌ సందర్భంగా టీమిండియా టీ20 జట్టు పూర్తిస్థాయి కెప్టెన్‌గా సూర్యకుమార్‌ యాదవ్‌ తన ప్రయాణం మొదలుపెట్టనున్నాడు. పొట్టి ఫార్మాట్లో భారత్‌ను నంబర్‌ వన్‌గా నిలపడంతో పాటు టీ20 ప్రపంచకప్‌ అందించిన రోహిత్‌ శర్మ వారసత్వాన్ని కొనసాగించేందుకు సిద్ధమయ్యాడు. కొత్త కోచ్‌ గౌతం గంభీర్‌ మార్గదర్శనంలో జూలై 27న రెగ్యులర్‌ కెప్టెన్‌ హోదాలో తన తొలి మ్యాచ్‌ ఆడబోతున్నాడు. జట్టులో అతడే కీలకంఈ నేపథ్యంలో మీడియాతో మాట్లాడిన సూర్యకుమార్‌ యాదవ్‌ టీమిండియా యువ క్రికెటర్‌పై ప్రశంసలు కురిపించాడు. జట్టులో అతడే కీలకం(ఎక్స్‌ ఫ్యాక్టర్‌) కాబోతున్నాడంటూ సదరు ఆటగాడి నైపుణ్యాలను కొనియాడాడు. సూర్య ప్రశంసించిన క్రికెటర్‌ మరెవరో కాదు అసోం ఆల్‌రౌండర్‌ రియాన్‌ పరాగ్‌. దేశవాళీ క్రికెట్‌తో పాటు ఇండియన్‌ ప్రీమియర్‌ లీగ్‌లో ఆకట్టుకుంటున్న ఈ రాజస్తాన్‌ రాయల్స్‌ ఆటగాడు ఇటీవలే టీమిండియాలో అరంగేట్రం చేశాడు.జింబాబ్వేతో ఐదు మ్యాచ్‌ల టీ20 సిరీస్‌ సందర్భంగా శుబ్‌మన్‌ గిల్‌ కెప్టెన్సీలోని జట్టుకు ఎంపికైన రియాన్‌ పరాగ్‌ పెద్దగా ఆకట్టుకోలేకపోయాడు. ఈ టూర్‌లో మూడు మ్యాచ్‌లు ఆడి కేవలం 25 పరుగులే చేశాడు. అయినప్పటికీ ఈ స్పిన్‌ బౌలింగ్‌ ఆల్‌రౌండర్‌ను సెలక్టర్లు శ్రీలంక పర్యటనకు ఎంపిక చేశారు. అతడే ఎందుకంటూ విమర్శలుఅంతేకాదు వన్డే జట్టులోనూ తొలిసారిగా చోటిచ్చారు. జింబాబ్వే సిరీస్‌లో సెంచరీ చేసిన అభిషేక్‌ శర్మ, అద్భుతంగా రాణించిన రుతురాజ్‌ గైక్వాడ్‌ వంటి వాళ్లను పక్కనపెట్టి రియాన్‌ను సెలక్ట్‌ చేయడం విమర్శలకు దారితీసింది. అయితే, ఆల్‌రౌండర్‌ ప్రతిభ కారణంగానే అతడికి జట్టులో చోటు దక్కాయనే అభిప్రాయాలు వ్యక్తమయ్యాయి. పూర్తిగా మారిపోయాడుఈ నేపథ్యంలో కెప్టెన్‌ సూర్యకుమార్‌ యాదవ్‌ రియాన్‌ పరాగ్‌కు మద్దతుగా వ్యాఖ్యలు చేయడం విశేషం. ‘‘అన్ని రకాల క్రీడల్లో ట్రోలింగ్‌ అనేది కామన్‌. అయితే, దానిని మనం ఎలా అధిగమిస్తామన్నదే ముఖ్యం. రియాన్‌ పరాగ్‌ ప్రతిభావంతుడు. జాతీయ క్రికెట్‌ అకాడమీలో ఉన్నపుడే.. ఏ జట్టులోనైనా అతడొక ఎక్స్‌ ఫ్యాక్టర్‌ అవగలడని అంచనా వేశాను. ఇప్పుడు తను పూర్తిగా మారిపోయాడు. విమర్శల నుంచి పాఠాలు నేర్చుకుంటున్నాడు. గత రెండేళ్లుగా దేశవాళీ క్రికెట్‌లో సత్తా చాటుతున్నాడు. ఇప్పుడు అతడు మా జట్టుతో ఉండటం సంతోషం’’ అని సూర్యకుమార్‌ యాదవ్‌ పేర్కొన్నాడు. కాగా రియాన్‌ పరాగ్‌ విఫలమైనప్పుడల్లా అతడిపై నెట్టింట తీవ్ర స్థాయిలో ట్రోలింగ్‌ జరుగుతున్న విషయం తెలిసిందే. ఇక లంకతో మొదటి టీ20లో మాత్రం రియన్‌కు తుదిజట్టులో చోటు దక్కే ఛాన్స్‌ లేదు!

శ్రీలంకతో ద్వైపాక్షిక సిరీస్‌ కోసం టీమిండియా సన్నద్ధమవుతోంది. కొత్త కోచ్‌ గౌతం గంభీర్‌ మార్గ నిర్దేశనంలో ప్రాక్టీస్‌ మొదలుపెట్టింది. మూడు టీ20, మూడు వన్డే మ్యాచ్‌ల సిరీస్‌ల కోసం భారత క్రికెట్‌ జట్టు శ్రీలంక పర్యటనకు వెళ్లిన విషయం తెలిసిందే.కోచ్‌ గంభీర్‌, టీ20 కెప్టెన్‌ సూర్యకుమార్‌ యాదవ్‌తో పాటు హార్దిక్‌ పాండ్యా, శుబ్‌మన్‌ గిల్‌, సంజూ శాంసన్‌, యశస్వి జైస్వాల్‌, శివం దూబే తదితర ఆటగాళ్లంతా సోమవారమే కొలంబోకు చేరుకున్నారు. వన్డే జట్టు కెప్టెన్‌ రోహిత్‌ శర్మ, స్టార్‌ బ్యాటర్‌ విరాట్‌ కోహ్లి తదితరులు కాస్త ఆలస్యంగా లంకకు వెళ్లనున్నారు.కాగా శనివారం(జూలై 27) టీ20 మ్యాచ్‌తో శ్రీలంక- టీమిండియా సిరీస్‌కు తెరలేవనుంది. ఇందుకోసం సూర్య సేన మంగళవారం నుంచే నెట్స్‌లో ప్రాక్టీస్‌ మొదలుపెట్టింది. కాండీలో జరుగుతున్న ఈ సెషన్‌ను గౌతం గంభీర్‌ దగ్గరుండి మరీ వీక్షించాడు. వ్యక్తిగతంగా ఒక్కో ఆటగాడి దగ్గరకు వెళ్లి మరీ సూచనలు, సలహాలు ఇచ్చాడు. సంజూ శాంసన్‌పై ప్రత్యేక దృష్టిపెట్టాడు.𝗛𝗲𝗮𝗱 𝗖𝗼𝗮𝗰𝗵 𝗚𝗮𝘂𝘁𝗮𝗺 𝗚𝗮𝗺𝗯𝗵𝗶𝗿 𝗧𝗮𝗸𝗲𝘀 𝗖𝗵𝗮𝗿𝗴𝗲! 💪#TeamIndia | #SLvIND | @GautamGambhir pic.twitter.com/sbG7VLfXGc— BCCI (@BCCI) July 23, 2024 ఇందుకు సంబంధించిన వీడియోలను బీసీసీఐ సోషల్‌ మీడియాలో షేర్‌ చేసింది. కోచ్‌ అవతారంలో గౌతీని చూసి అభిమానులు మురిసిపోతున్నారు. గంభీర్‌ హయాంలో భారత క్రికెట్‌ మరింత ఉన్నతస్థాయికి చేరుతుందని మురిసిపోతున్నారు.కాగా టీ20 ప్రపంచకప్‌-2024 తర్వాత హెడ్‌ కోచ్‌గా రాహుల్‌ ద్రవిడ్‌ పదవీకాలం ముగిసిన విషయం తెలిసిందే. ఈ క్రమంలో అతడి స్థానంలో మాజీ ఓపెనర్‌ గౌతం గంభీర్‌ను టీమిండియా శిక్షకుడిగా నియమించింది బీసీసీఐ. కోల్‌కతా నైట్‌ రైడర్స్‌ మెంటార్‌గా ఈ ఏడాది ఆ జట్టు చాంపియన్‌గా నిలవడంలో కీలక పాత్ర పోషించిన గౌతీకి భారత జట్టు బాధ్యతలు అప్పజెప్పింది. Now watching: #TeamIndia's new T20I captain 🇮🇳💙Go well, Surya Dada 👏#SonySportsNetwork #SLvIND | @surya_14kumar pic.twitter.com/aXSic8Z4PS— Sony Sports Network (@SonySportsNetwk) July 23, 2024

టీమిండియా స్టార్‌ ఆల్‌రౌండర్‌ హార్దిక్‌ పాండ్యాను ఉద్దేశించి భారత మాజీ క్రికెటర్‌ రాబిన్‌ ఊతప్ప ఆసక్తికర వ్యాఖ్యలు చేశాడు. హార్దిక్‌కు కెప్టెన్సీ ఇవ్వకపోవడమే మంచిదైందని పేర్కొన్నాడు. టీ20 ప్రపంచకప్‌-2024లో భారత్‌ విజేతగా నిలిచిన తర్వాత కెప్టెన్‌ రోహిత్‌ శర్మ అంతర్జాతీయ టీ20 ఫార్మాట్‌కు వీడ్కోలు పలికిన విషయం తెలిసిందే.ఈ క్రమంలో వైస్‌ కెప్టెన్‌ హార్దిక్‌ పాండ్యాకు సారథ్య బాధ్యతలు అప్పగిస్తారని భావించగా.. అనూహ్యంగా సూర్యకుమార్‌ యాదవ్‌ను భారత టీ20 జట్టు కెప్టెన్‌గా ప్రకటించారు. ఫిట్‌నెస్‌ సమస్యల నేపథ్యంలోనే హార్దిక్‌ను కాదని, సూర్యకు పగ్గాలు ఇచ్చినట్లు చీఫ్‌ సెలక్టర్‌ అజిత్‌ అగార్కర్‌ స్పష్టం చేశాడు.ఈ విషయంపై భారత మాజీ వికెట్‌ కీపర్‌ బ్యాటర్‌ రాబిన్‌ ఊతప్ప స్పందించాడు. తాను గనుక హార్దిక్‌ పాండ్యా స్థానంలో ఉంటే.. ఈపాటికి సంతోషంతో ఎగిరి గంతేసేవాడినని పేర్కొన్నాడు. కెరీర్‌ పొడిగించుకోవడానికి ఇంతకంటే మంచి మార్గం మరొకటి లేదని అభిప్రాయపడ్డాడు.‘‘నేను హార్దిక్‌ పాండ్యా స్థానంలో ఉంటే.. నా గురించి మరింత ఎక్కువ శ్రద్ధ తీసుకుంటున్నారని సంతోషించేవాడిని. ఎందుకంటే.. భారత క్రికెట్ ఎకోసిస్టమ్‌లో ఫాస్ట్‌ బౌలింగ్‌ ఆల్‌రౌండర్‌ అత్యంత అరుదుగా లభించే ఆటగాడు.ఒకవేళ నాకు 34- 35 ఏళ్ల వయసు ఉండి.. తరచూ గాయాల బారిన పడుతూ ఉంటే కెరీర్‌ ప్రమాదంలో పడుతుంది. అదే ముందు నుంచీ జాగ్రత్తగా ఉంటే పరిస్థితి వేరుగా ఉంటుంది. మరికొంత కాలం ఆటలో కొనసాగవచ్చు.జాతీయ జట్టుకు సేవలు అందించవచ్చు. కాబట్టి కెప్టెన్సీకి దూరంగా ఉండమన్నా ఆనందంగా సరేనంటాను’’ అని రాబిన్‌ ఊతప్ప పేర్కొన్నాడు. ఈ మేరకు సోనీ స్పోర్ట్స్‌ నెట్‌వర్క్‌తో మాట్లాడుతూ ఈ మేరకు వ్యాఖ్యలు చేశాడు.కాగా జూలై 27 నుంచి టీమిండియా- శ్రీలంక మధ్య టీ20 సిరీస్‌ మొదలుకానుంది. ఈ పర్యటనలో టీమిండియా కొత్త కోచ్‌గా గౌతం గంభీర్‌ ప్రయాణం మొదలుపెట్టనున్నాడు. ఇందుకోసం ఇప్పటికే భారత క్రికెట్‌ జట్టు శ్రీలంకలో అడుగుపెట్టింది. ఇరు జట్ల మధ్య మూడు టీ20, మూడు వన్డే మ్యాచ్‌ల సిరీస్‌లు జరుగనున్నాయి.

టీమిండియా టీ20 జట్టు కెప్టెన్‌గా హార్దిక్‌ పాండ్యాను నియమించకపోవడానికి గల కారణాన్ని చీఫ్‌ సెలక్టర్‌ అజిత్‌ అగార్కర్‌ వెల్లడించాడు. హార్దిక్‌ మెరుగైన నైపుణ్యాలున్న ఆల్‌రౌండర్‌ అని.. అయితే, అతడి ఫిట్‌నెస్‌ విషయంలో మాత్రం క్లారిటీ లేదన్నాడు.అలాంటి ఆటగాడిని జట్టుకు ఎంపిక చేసేటపుడే కోచ్‌, సెలక్టర్‌ ఒకటికి పదిసార్లు ఆలోచించాల్సి వస్తుందన్న అగార్కర్‌.. మరి ఏకంగా కెప్టెన్‌గా ఎలా నియమించగలమంటూ ఘాటు వ్యాఖ్యలు చేశాడు. ఏదేమైనా జట్టులో అతడు కీలక ఆటగాడని.. అతడిని కాపాడుకోవాల్సిన బాధ్యత తమపై ఉందని పేర్కొన్నాడు.పునారగమనంలో సత్తా చాటిన హార్దిక్‌కాగా వన్డే వరల్డ్‌కప్‌-2023 సందర్భంగా గాయపడిన పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యా చాలా కాలం పాటు జట్టుకు దూరమైన విషయం తెలిసిందే. ఐపీఎల్‌-2024లో ఫిట్‌నెస్‌ నిరూపించుకున్న ఈ ముంబై ఇండియన్స్‌ కెప్టెన్‌.. టీ20 ప్రపంచకప్‌-2024 ద్వారా రీఎంట్రీ ఇచ్చాడు.పునారగమనంలో సత్తా చాటిన హార్దిక్‌.. భారత్‌ ఈ ఐసీసీ టోర్నీలో చాంపియన్‌గా నిలవడంలో కీలక పాత్ర పోషించాడు. అంతేకాదు.. టీ20 వరల్డ్‌కప్‌ జట్టుకు వైస్‌ కెప్టెన్‌గానూ వ్యవహరించాడు.ఈ నేపథ్యంలో టీమిండియా టీ20 కొత్త కెప్టెన్‌గా రోహిత్‌ శర్మ స్థానంలో హార్దిక్‌ పాండ్యా నియామకం ఖరారు అవుతుందని అంతా భావించారు. కానీ అనూహ్యంగా సూర్యకుమార్‌ యాదవ్‌ను రోహిత్‌ వారసుడిగా ప్రకటించింది బీసీసీఐ.శ్రీలంక పర్యటన నుంచి సూర్య పగ్గాలు చేపడతాడని పేర్కొంది. ఈ నేపథ్యంలో హార్దిక్‌కు అన్యాయం జరిగిందంటూ బీసీసీఐ తీరుపై విమర్శలు వెల్లువెత్తాయి. ఈ విషయంపై తాజాగా చీఫ్‌ సెలక్టర్‌ అజిత్‌ అగార్కర్‌ స్పందించాడు.కొత్త కోచ్‌ గౌతం గంభీర్‌తో కలిసి ముంబైలో సోమవారం ప్రెస్‌మీట్‌ నిర్వహించిన అగార్కర్‌.. ‘‘అన్ని మ్యాచ్‌లకు అందుబాటులో ఉండి.. అన్నింటిలోనూ చురుగ్గా ఆడగల కెప్టెన్‌ కావాలని మేము కోరుకుంటున్నాం.అలాంటి కెప్టెన్‌ మాత్రమే మాకు కావాలిహార్దిక్‌ విషయంలో ఈ అంశంపై స్పష్టత లేదు. అతడి విషయంలో ఫిట్‌నెస్‌ అతి పెద్ద సవాలు. అదే కోచ్‌, సెలక్టర్లను ఇబ్బంది పెడుతోంది. తదుపరి టీ20 ప్రపంచకప్‌ దాకా మాకు సమయం ఉంది.హార్దిక్‌ విషయంలో ఫిట్‌నెస్‌ ఒక్కటే ప్రామాణికం. జట్టుకు ఎల్లప్పుడూ అందుబాటులో ఉండే కెప్టెన్‌ మాత్రమే మాకు కావాలి. ఇక సూర్య.. కెప్టెన్‌ కావడానికి గల అన్ని అర్హతలు, నైపుణ్యాలు అతడికి ఉన్నాయి’’ అని పేర్కొన్నాడు. టీమిండియా టీ20 కెప్టెన్‌గా రాణించగల సత్తా సూర్యకు ఉందని అగార్కర్‌ ఈ సందర్భంగా పేర్కొన్నాడు. అదే విధంగా.. ఆటగాడిగా హార్దిక్‌ పాండ్యా అవసరం జట్టుకు ఎంతగానో ఉందని తెలిపాడు. కాగా జూలై 27 నుంచి టీమిండియా శ్రీలంక టూర్‌ ఆరంభం కానుంది. చదవండి: రోహిత్‌, కోహ్లిల భవిష్యత్తుపై గంభీర్‌ కీలక వ్యాఖ్యలు..

టీమిండియా ప్రధాన కోచ్‌గా మాజీ క్రికెటర్‌ గౌతం గంభీర్‌ ప్రస్థానం మొదలుకానుంది. శ్రీలంక పర్యటనలో భాగంగా అతడు భారత జట్టుకు మార్గనిర్దేశనం చేయనున్నాడు.ఈనెల 27 నుంచి ఆరంభం కానున్న ద్వైపాక్షిక సిరీస్‌ నేపథ్యంలో గౌతీ సహాయక సిబ్బంది కూడా బాధ్యతలు చేపట్టనున్నట్లు సమాచారం. కోల్‌కతా నైట్‌ రైడర్స్‌లో గంభీర్‌తో కలిసి పనిచేసిన అభిషేక్‌ నాయర్‌, నెదర్లాండ్స్‌ మాజీ క్రికెటర్‌ టెన్‌ డష్కాటే టీమిండియా అసిస్టెంట్‌ కోచ్‌లుగా పనిచేయనున్నట్లు తెలుస్తోంది.దిలీప్‌ రీఎంట్రీ!అదే విధంగా.. రాహుల్‌ ద్రవిడ్‌ హయాంలో ఫీల్డింగ్‌ కోచ్‌గా పనిచేసిన టి.దిలీప్‌ రీఎంట్రీ ఇవ్వనున్నట్లు సమాచారం. అయితే, బౌలింగ్‌ కోచ్‌ విషయంలో మాత్రం ఇంకా చర్చలు కొలిక్కిరానట్లు సమాచారం.సౌతాఫ్రికా మాజీ పేసర్‌ మోర్నే మోర్కెల్‌ భారత బౌలింగ్‌ కోచ్‌గా నియమితుడయ్యే అవకాశాలు ఎక్కువగా కనిపిస్తున్నాయి. ఈ మేరకు క్రిక్‌బజ్‌ కథనం ప్రచురించింది. బీసీసీఐ సన్నిహిత వర్గాల నుంచి తమకు సమాచారం అందిందని పేర్కొంది.కాగా మోర్నే మోర్కెల్‌ సైతం గంభీర్‌తో గతంలో కలిసి పనిచేశాడు. లక్నో సూపర్‌ జెయింట్స్‌ మెంటార్‌గా గౌతీ రెండేళ్లు సేవలు అందించిన విషయం తెలిసిందే. ఆ సమయంలో మోర్నే మోర్కెల్‌ కూడా లక్నో సిబ్బందిలో ఉండటం గమనార్హం.ఇక శ్రీలంక పర్యటనకు వెళ్లనున్న భారత జట్టుతో గంభీర్‌తో పాటు దిలీప్‌, నాయర్‌ కూడా సోమవారం బయల్దేరనున్నట్లు సమాచారం. టెన్‌ డష్కాటే మాత్రం తర్వాత జట్టుతో చేరనున్నట్లు తెలుస్తోంది.ఆరోజే గంభీర్‌ ప్రెస్‌మీట్‌టీ20, వన్డే సిరీస్‌ల కోసం టీమిండియా ప్రత్యేక విమానంలో ముంబై నుంచి కొలంబోకు సోమవారం పయనం కానున్నట్లు క్రిక్‌బజ్‌ వెల్లడించింది. ఈ సిరీస్‌తో గంభీర్‌ అధికారికంగా బాధ్యతలు చేపట్టనుండగా.. లంకకు వెళ్లే ముందు అతడు మీడియా ముందుకు రానున్నాడని తెలిపింది.టీ20 కొత్త కెప్టెన్‌ సూర్యకుమార్‌ యాదవ్‌తో కలిసి గంభీర్‌ ప్రెస్‌ కాన్ఫరెన్స్‌ నిర్వహించనున్నట్లు పేర్కొంది. కాగా టీమిండియా శ్రీలంకతో మూడు టీ20, మూడు వన్డే మ్యాచ్‌లు ఆడనుంది. టీ20 జట్టుకు సూర్య, వన్డే జట్టుకు రోహిత్‌ శర్మ సారథ్యం వహించనున్నారు.

టీమిండియా కెప్టెన్సీ విషయంలో ఆల్‌రౌండర్‌ హార్దిక్‌ పాండ్యాకు అన్యాయం జరిగిందని భారత మాజీ క్రికెటర్‌ మహ్మద్‌ కైఫ్‌ అన్నాడు. టీ20 ప్రపంచకప్‌-2024 జట్టులో వైస్‌ కెప్టెన్‌గా ఉన్న హార్దిక్‌ పాండ్యాకు కాకుండా వేరొకరికి పగ్గాలు అప్పజెప్పడం సరికాదని పేర్కొన్నాడు.కాగా అమెరికా- వెస్టిండీస్‌ వేదికగా జరిగిన వరల్డ్‌కప్‌ టోర్నీలో భారత్‌ చాంపియన్‌గా నిలిచిన విషయం తెలిసిందే. సౌతాఫ్రికాతో ఫైనల్లో గెలిచి ట్రోఫీని ముద్దాడిన తర్వాత కెప్టెన్‌ రోహిత్‌ శర్మ అంతర్జాతీయ టీ20లకు రిటైర్మెంట్‌ ప్రకటించాడు.ఈ నేపథ్యంలో రోహిత్‌ వారసుడు ఎవరా అన్న అంశంపై చర్చలు జరిగాయి. భారత టీ20 కెప్టెన్‌గా.. ప్రపంచకప్‌ టోర్నీలో సత్తా చాటిన పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యా నియామకం లాంఛనమే అని అభిమానులు భావించారు.ఆటగాడిగా మాత్రమే హార్దిక్‌ పాండ్యాఅయితే, అనూహ్యంగా టీ20 స్టార్‌ సూర్యకుమార్‌ యాదవ్‌ పేరు తెరమీదకు వచ్చింది. ఈ క్రమంలో శ్రీలంకతో సిరీస్‌కు జట్టు ప్రకటన సందర్భంగా అతడిని కెప్టెన్‌గా ఖరారు చేసింది భారత క్రికెట్‌ నియంత్రణ మండలి. హార్దిక్‌ పాండ్యాకు జట్టులో ఆటగాడిగా మాత్రమే చోటిచ్చింది.ఈ నేపథ్యంలో మహ్మద్‌ కైఫ్‌ మాట్లాడుతూ.. టీమిండియా టీ20 కొత్త కెప్టెన్‌ నియామకం విషయంలో తన అభిప్రాయాలు పంచుకున్నాడు. ‘‘హార్దిక్‌ పాండ్యానే కెప్టెన్‌గా కొనసాగిస్తారని భావించాను.ఐపీఎల్‌ జట్టు గుజరాత్‌ టైటాన్స్‌ను అరంగేట్రంలోనే చాంపియన్‌గా నిలపడంతో పాటు.. మరోసారి కూడా ఫైనల్‌ చేర్చాడు. రోహిత్‌ శర్మ గైర్హాజరీలో టీమిండియా కెప్టెన్‌గానూ వ్యవహరించాడు.అంతేకాదు టీ20 వరల్డ్‌కప్‌-2024లో టీమిండియా వైస్‌ కెప్టెన్‌ కూడా అతడే! అయితే, ఇప్పుడు కొత్త కోచ్‌ వచ్చాడు. కాబట్టి తన ప్రణాళికలకు అనుగుణంగా అంతా ఉండాలని అనుకుంటున్నాడేమో!అతడి విషయం నాకు తెలియదు కానీ.. హార్దిక్‌ను పక్కనపెట్టడం సరికాదు. ఐపీఎల్‌లో టైటాన్స్‌ను జీరో నుంచి హీరోను చేసిన ఘనత హార్దిక్‌దే.నిజానికి సూర్య కూడా బాగానే ఆడుతున్నాడు. కెప్టెన్‌గానూ రాణించాలని కోరుకుంటున్నాను. అయితే, హార్దిక్‌ పాండ్యా సారథిగా ఉంటే బాగుండేది.తనను పక్కనపెట్టేంత తప్పు​ ఏం చేశాడు? కోచ్‌గా గంభీర్‌ తన నిర్ణయాలు అమలు చేయాలనుకోవచ్చు. కానీ హార్దిక్‌ పాండ్యా.. కెప్టెన్‌ కాకుండా తనను పక్కనపెట్టేంత తప్పు​ ఏం చేశాడో అర్థం కావడం లేదు’’ అని మహ్మద్‌ కైఫ్‌ పేర్కొన్నాడు.కాగా ఈ ఏడాది ముంబై ఇండియన్స్‌ కెప్టెన్‌గా వచ్చిన హార్దిక్‌ పాండ్యా జట్టును విజయపథంలో నిలపలేకపోయాడున. అదే విధంగా తరచూ గాయాల బారిన పడే హార్దిక్‌ లాంటి ఆటగాళ్లు తనకు కెప్టెన్లుగా వద్దని కొత్త కోచ్‌ గౌతం గంభీర్‌ చెప్పినట్లు సమాచారం.అదే విధంగా.. జట్టులోని ఇతర ఆటగాళ్లు కూడా సూర్య వైపే మొగ్గుచూపినట్లు తెలుస్తోంది. ఈ నేపథ్యంలో మేనేజ్‌మెంట్‌ హార్దిక్‌కు బదులు సూర్యను కెప్టెన్‌ చేసిందనే అభిప్రాయాలు వ్యక్తమవుతున్నాయి. కాగా జూలై 27 నుంచి టీమిండియా శ్రీలంకలో పర్యటించనుంది. టీ20 సిరీస్‌తో ఈ టూర్‌ మొదలుకానుంది.చదవండి: నటాషాతో హార్దిక్ పాండ్యా విడాకులు... స్టార్‌ ప్లేయర్‌ అధికారిక ప్రకటన

‘‘మేము అతడిని ఎల్లప్పుడూ నాయకుడి లక్షణాలున్న ఆటగాడిగానే పరిగణిస్తాం. అందుకు తగ్గట్లుగానే అతడిని తీర్చిదిద్దుతాం. కేకేఆర్‌కు, మిగతా ఫ్రాంఛైజీలకు ఉన్న తేడా ఇదే. అతడు వీలైనంత త్వరగా పరిణతి సాధించాలనే మేము కోరుకుంటున్నాం.మైదానంలో మరింత చురుగ్గా కదులుతూ.. భావోద్వేగాలను నియంత్రించుకోగలగాలి. వ్యక్తిగా, ఆటగాడిగా అతడికి మంచి భవిష్యత్తు ఉంటుందని కచ్చితంగా చెప్పగలను’’--టీమిండియా టీ20 స్టార్‌ సూర్యకుమార్‌ యాదవ్‌ గురించి ప్రస్తుత హెడ్‌ కోచ్‌ గౌతం గంభీర్‌ 2015లో అన్న మాటలివి. నాడు గౌతం గంభీర్‌ ఐపీఎల్‌ జట్టు కోల్‌కతా నైట్‌ రైడర్స్‌ కెప్టెన్‌ హోదాలో ఉండగా.. సూర్య కూడా కేకేఆర్‌కే ప్రాతినిథ్యం వహిస్తున్నాడు.ఈ క్రమంలో సూర్యను కేకేఆర్‌ వైస్‌ కెప్టెన్‌గా ప్రకటిస్తూ గంభీర్‌ చేసిన వ్యాఖ్యలే ఇవి. అయితే, ఆ తర్వాత రెండేళ్లకు గంభీర్‌, సూర్య.. ఇద్దరూ కోల్‌కతా జట్టును వీడారు.సూర్య ముంబై ఇండియన్స్‌కు వెళ్లిపోగా.. గంభీర్‌ ఢిల్లీ డేర్‌డెవిల్స్‌(ప్రస్తుతం ఢిల్లీ క్యాపిటల్స్‌) పగ్గాలు చేపట్టాడు. అలా ఇద్దరి దారులు వేరయ్యాయి. సూర్య ముంబై జట్టుతో చేరిన తర్వాత వరల్డ్‌క్లాస్‌ బ్యాటర్‌గా ఎదిగాడు.అదొక్కటే చేయలేకపోయానుటీమిండియాలో ఎంట్రీ ఇచ్చి ఐసీసీ వరల్డ్‌ నంబర్‌ వన్‌ బ్యాటర్‌ అయ్యాడు. మరోవైపు.. ఢిల్లీ ఫ్రాంఛైజీతో పొసగకపోవడంతో గంభీర్‌ ఐపీఎల్‌కు గుడ్‌బై చెప్పాడు.తాను కేకేఆర్‌ కెప్టెన్‌గా ఉన్న సమయంలో సూర్య ప్రతిభను పూర్తి స్థాయిలో ఉపయోగించుకోలేకపోయానని.. అదొక్కటే తన కెరీర్‌లో రిగ్రెట్‌గా మిగిలిపోయిందని గౌతీ ఓ సందర్భంలో చెప్పాడు.కాలం గిర్రున తిరిగింది. తొమ్మిదేళ్ల తర్వాత గంభీర్‌ టీమిండియా హెడ్‌ కోచ్‌గా నియమితుడు కాగా.. సూర్య టీమిండియా టీ20 కెప్టెన్‌ రేసులో ముందుకు దూసుకువచ్చాడు.సూర్యకే గంభీర్‌ ఓటు రోహిత్‌ శర్మ స్థానాన్ని భర్తీ చేసే క్రమంలో ఆల్‌రౌండర్‌ హార్దిక్‌ పాండ్యాతో అతడు పోటీ పడుతున్నాడు. కెప్టెన్‌ నియామకం విషయంలో గంభీర్‌ అభిప్రాయం కూడా కీలకం కానుంది.ఈ నేపథ్యంలో గతంలో సూర్యను ఉద్దేశించి గంభీర్‌ చేసిన వ్యాఖ్యలు వైరల్‌ అవుతున్నాయి. హార్దిక్‌ను కాదని.. సూర్య వైపే అతడు మొగ్గుచూపుతాడనే ప్రచారం నేపథ్యంలో ఈ కామెంట్స్‌ను ప్రస్తావిస్తున్నారు నెటిజన్లు.కాగా శ్రీలంకతో జూలై 27 నుంచి మొదలుకానున్న టీ20 సిరీస్‌తో కోచ్‌గా గంభీర్‌ ప్రస్థానం మొదలు కానుంది. ఈ సిరీస్‌ నుంచే సూర్య పూర్తిస్థాయి కెప్టెన్‌ అయ్యే అవకాశాలు ఉన్నాయనే అభిప్రాయాలు వ్యక్తమవుతున్నాయి.చదవండి: భారీ రికార్డుపై కన్నేసిన సూర్యకుమార్‌.. ఇంకో 160 పరుగులు చేస్తే

పొట్టి క్రికెట్‌లో తనకంటూ ప్రత్యేక గుర్తింపు సంపాదించుకున్నాడు టీమిండియా స్టార్‌ సూర్యకుమార్‌ యాదవ్‌. అంతర్జాతీయ క్రికెట్‌లో అరంగేట్రం చేసిన అనతికాలంలోనే ఐసీసీ వరల్డ్‌ నంబర్‌ వన్‌ బ్యాటర్‌గా ఎదిగాడు.ప్రస్తుతం టీమిండియా తరఫున టీ20లలో అగ్ర బ్యాటర్‌గా కొనసాగుతున్నాడు సూర్య. అన్నీ కుదిరితే భారత జట్టు కెప్టెన్‌గానూ ఈ మిస్టర్‌ 360 డిగ్రీ ప్లేయర్‌ను చూసే అవకాశం ఉంది.శ్రీలంకతో టీ20 సిరీస్‌ సందర్భంగా ఇందుకు సంబంధించిన ప్రకటన రావొచ్చనే వార్తలు వినిపిస్తున్నాయి. కాగా జూలై 27 నుంచి టీమిండియా- శ్రీలంక మొదలుకానున్న ఈ సిరీస్‌తోనే గౌతం గంభీర్‌ టీమిండియా హెడ్‌కోచ్‌గా తన ప్రయాణం మొదలుపెట్టునున్నాడు.ఇదిలా ఉంటే.. టీ20 ప్రపంచకప్‌-2024 తర్వాత సూర్యకుమార్‌ యాదవ్‌ విశ్రాంతి తీసుకున్న విషయం తెలిసిందే. ఈ క్రమంలో జింబాబ్వే పర్యటనకు వెళ్లిన భారత ద్వితీయ శ్రేణి జట్టుకు శుబ్‌మన్‌ గిల్‌ సారథ్యం వహించాడు. టీ20 సిరీస్‌ను 4-1తో గెలిచాడు.ఇక ఇప్పుడు లంక టూర్‌ సందర్భంగా రీఎంట్రీ ఇవ్వనున్న సూర్యకుమార్‌ యాదవ్‌ భారీ రికార్డుపై కన్నేశాడు. ఈ మూడు మ్యాచ్‌ల సిరీస్‌లో గనుక స్కై.. 160 పరుగులు సాధిస్తే అరుదైన జాబితాలో చేరతాడు.టీమిండియా తరఫున టీ20లలో 2500 పరుగులు పూర్తి చేసుకున్న మూడో భారత బ్యాటర్‌గా నిలుస్తాడు. ఇప్పటి వరకు రోహిత్‌ శర్మ, విరాట్‌ కోహ్లి మాత్రమే అంతర్జాతీయ క్రికెట్‌లో ఈ ఘనత సాధించారు.ఇక ఓవరాల్‌గా కూడా ఇంటర్నేషనల్‌ టీ20లలో రోహిత్‌ శర్మ(4231 పరుగులు) అత్యధిక పరుగుల వీరుడిగా రికార్డులకెక్కగా.. విరాట్‌ కోహ్లి(4188 పరుగులు) రెండో స్థానంలో ఉన్నాడు. వీరి తర్వాతి స్థానంలో పాకిస్తాన్‌ కెప్టెన్‌ బాబర్‌ ఆజం(4145 పరుగులు) ఉన్నాడు.కాగా టీ20 ప్రపంచకప్‌-2024 టోర్నీలో టీమిండియా చాంపియన్‌గా నిలిచిన తర్వాత రోహిత్‌ శర్మ, విరాట్‌ కోహ్లి, రవీంద్ర జడేజా అంతర్జాతీయ టీ20లకు రిటైర్మెంట్‌ ప్రకటించిన విషయం తెలిసిందే.ఈ నేపథ్యంలో భారత టీ20 కెప్టెన్‌గా రోహిత్‌ స్థానంలో సూర్యకుమార్‌ యాదవ్‌ను ఎంపిక చేసేందుకు బీసీసీఐ సుముఖంగా ఉన్నట్లు తెలుస్తోంది. కాగా సూర్య 2021లో టీమిండియా తరఫున అరంగేట్రం చేశాడు.ఇప్పటి వరకు ఈ రైట్‌హ్యాండ్‌ బ్యాటర్‌ 37 వన్డేలు, 68 టీ20లు, ఒక టెస్టు ఆడి.. ఆయా ఫార్మాట్లలో 773, 2340, 8 పరుగులు చేశాడు. సూర్య ఖాతాలో నాలుగు అంతర్జాతీయ టీ20 సెంచరీలు ఉండటం విశేషం.

టీ20 ప్రపంచకప్‌-2022 టోర్నీలో సెమీస్‌లోనే భారత్‌ నిష్క్రమించిన తర్వాత రోహిత్‌ శర్మ.. దాదాపు ఏడాది పాటు అంతర్జాతీయ టీ20లకు దూరంగానే ఉన్నాడు. అతడి గైర్హాజరీలో పాండ్యా టీ20లలో టీమిండియాను ముందుకు నడిపించాడు.పాండ్యా గాయపడిన సందర్బాల్లో భారత నంబర్‌ వన్‌ టీ20 స్టార్‌ సూర్యకుమార్‌ యాదవ్‌ కెప్టెన్‌గా వ్యవహరించాడు. వీరిద్దరు అందుబాటులో లేని సమయంలో రిషభ్‌ పంత్‌ సైతం సారథ్య బాధ్యతలు నిర్వర్తించాడు.శాశ్వత కెప్టెన్‌ కోసం కసరత్తుఇక టీ20 వరల్డ్‌కప్‌-2024 నేపథ్యంలో తిరిగి పొట్టి ఫార్మాట్‌ పగ్గాలు చేపట్టిన రోహిత్‌ శర్మ.. జట్టును చాంపియన్‌గా నిలిపాడు. అనంతరం అంతర్జాతీయ టీ20లకు వీడ్కోలు పలికాడు. ఈ క్రమంలో రోహిత్‌ శర్మ స్థానంలో తాత్కాలిక కెప్టెన్‌ కాకుండా సుదీర్ఘకాలం పాటు టీ20లలో టీమిండియాను ముందుకు నడిపే ఆటగాడినే ఎంపిక చేయాలని బీసీసీఐ యోచిస్తున్నట్లు సమాచారం. తరచూ గాయాలు ఈ క్రమంలోనే టీ20 ప్రపంచకప్‌-2024 జట్టు వైస్‌ కెప్టెన్‌ హార్దిక్‌ పాండ్యాను పక్కనపెట్టేందుకు కూడా సిద్ధమైనట్లు తెలుస్తోంది. తరచూ గాయాల బారిన పడే ఆ పేస్‌ బౌలింగ్‌ ఆల్‌రౌండర్‌ను కాదని సూర్యకుమార్‌ యాదవ్‌ వైపు బోర్డులోని కొందరు వ్యక్తులు మొగ్గుచూపుతున్నట్లు వార్తలు వినిపిస్తున్నాయి.అయితే, మరికొందరు మాత్రం హార్దిక్‌ పాండ్యాకే తమ ఓటు అని చెప్పినట్లు సమాచారం. ఈ విషయం గురించి బీసీసీఐ సన్నిహిత వర్గాలు ఇండియన్‌ ఎక్స్‌ప్రెస్‌తో మాట్లాడుతూ.. ‘‘ఇది చాలా సున్నితమైన అంశం. టీ20 కెప్టెన్‌ నియామకం విషయంలో ఏకాభిప్రాయం కుదరలేదు.ముఖ్యంగా హార్దిక్‌ ఫిట్‌నెస్‌ విషయంలో సభ్యులు రెండు వర్గాలుగా చీలిపోయారు. టీమిండియాకు ఐసీసీ ట్రోఫీ అందించడంలో అతడు కీలక పాత్ర పోషించినప్పటికీ గాయాల బెడద సమస్యగా మారింది.సూర్య సూపర్‌ అని చెప్పారుమరోవైపు.. సూర్యకుమార్‌ యాదవ్‌ విషయంలో ఇప్పటికే మేము ఫీడ్‌బ్యాక్‌ తీసుకున్నాం. అతడి కెప్టెన్సీ పట్ల ఆటగాళ్లంతా సానుకూలంగా ఉన్నారు. సూర్య హయాంలో డ్రెసింగ్‌రూం వాతావరణం కూడా చాలా బాగా ఉందని చెప్పారు’’ అని పేర్కొన్నాయి.కాగా ఎనిమిదేళ్ల అంతర్జాతీయ కెరీర్‌లో హార్దిక్‌ పాండ్యా ఇప్పటికే చాలా సార్లు గాయపడ్డాడు. గాయాల భయంతోనే అతడు టెస్టు క్రికెట్‌కు కూడా పూర్తిగా దూరమైన విషయం తెలిసిందే.కెప్టెన్సీ భారం వల్లఫిట్‌నెస్‌ విషయంలో తరచూ సమస్యల బారిన పడుతున్న ఇలాంటి ఆటగాడిని పూర్తిస్థాయి కెప్టెన్‌ చేయడం పట్ల బోర్డు సుముఖంగా లేనట్లు తెలుస్తోంది. అంతేకాదు ఆల్‌రౌండర్‌పై హార్దిక్‌ ప్రదర్శనపై కెప్టెన్సీ ప్రతికూల ప్రభావం చూపే అవకాశం ఉందని సెలక్టర్లు భావిస్తున్నట్లు సమాచారం.ఈ నేపథ్యంలోనే టీ20లలో సూర్యకుమార్‌ యాదవ్‌కు పగ్గాలు అప్పగించాలనే యోచనలో ఉన్నట్లు తెలుస్తోంది. కాగా సూర్య చివరగా స్వదేశంలో ఆస్ట్రేలియాతో టీ20 సిరీస్‌ గెలిచాడు. గంభీర్‌ ఓటు ఎవరికో?ఇదిలా ఉంటే.. టీ20 ప్రపంచకప్‌-2024 తర్వాత భారత ద్వితీయ శ్రేణి జట్టు జింబాబ్వే పర్యటనకు వెళ్లిన విషయం తెలిసిందే. శుబ్‌మన్‌ గిల్‌ సారథ్యంలోని యువ టీమిండియా టీ20 సిరీస్‌ను 4-1తో గెలిచింది. తదుపరి జూలై 27న మొదలయ్యే సిరీస్‌ కోసం శ్రీలంక పర్యటనకు భారత్‌ సిద్ధం కానుంది. ఈ టూర్‌తోనే గంభీర్‌ హెడ్‌కోచ్‌గా తన ప్రయాణం మొదలుపెట్టనున్నాడు. టీ20 కెప్టెన్‌ ఎంపిక విషయంలో అతడి అభిప్రాయం కూడా ప్రధానం కానుంది.చదవండి: నో రెస్ట్‌: కోహ్లి, రోహిత్‌, బుమ్రా ఆడాల్సిందే.. గంభీర్‌ అల్టిమేటం?!

అంతర్జాతీయ టీ20లలో కెప్టెన్‌ రోహిత్‌ శర్మ, విరాట్‌ కోహ్లి, రవీంద్ర జడేజా శకం టీ20 ప్రపంచకప్‌-2024తో ముగిసింది. ఈ మెగా ఈవెంట్‌ తర్వాత ఈ ముగ్గురూ టీమిండియా తరఫున పొట్టి ఫార్మాట్‌కు వీడ్కోలు పలికారు.ఈ నేపథ్యంలో టీ20లలో భారత జట్టు కొత్త కెప్టెన్‌ ఎవరా అన్న అంశంపై క్రికెట్‌ వర్గాల్లో చర్చ జరుగుతోంది. ఈ క్రమంలో టీమిండియా మాజీ సెలక్టర్‌ సబా కరీం తన అభిప్రాయాలు పంచుకున్నాడు.తన దృష్టిలో టీమిండియాకు ముందుకు నడిపే సామర్థ్యం ఇద్దరు స్టార్లకు ఉందన్న ఈ మాజీ వికెట్‌ కీపర్‌.. కొత్త కోచ్‌ గౌతం గంభీర్‌, సెలక్టర్ల నిర్ణయం పైనే అంతా ఆధారపడి ఉందని పేర్కొన్నాడు.ఈ మేరకు సబా కరీం మాట్లాడుతూ.. ‘‘రోహిత్‌ శర్మ అంతర్జాతీయ టీ20ల నుంచి రిటైర్‌ అయ్యాడు. ఇకపై అతడు టీమిండియా తరఫున పొట్టి ఫార్మాట​ ఆడడు.కాబట్టి అతడి వారసుడి ఎంపికపైనే ప్రస్తుతం అందరి దృష్టి పడింది. నా దృష్టిలో ఇద్దరికి ఆ అవకాశం ఉంది. లాజికల్‌గా చూస్తే హార్దిక్‌ పాండ్యానే కెప్టెన్‌ను చేయాలి.ఎందుకంటే టీ20 ప్రపంచకప్‌-2024లో అతడిని వైస్‌ కెప్టెన్‌గా నియమించింది బోర్డు. గతంలోనూ రోహిత్‌ గైర్హాజరీలో అతడు సారథిగా వ్యవహరించాడు.రానున్న రెండేళ్లలో మరోసారి టీమిండియా పొట్టి వరల్డ్‌కప్‌ ఆడనుంది. అప్పటికి పూర్తి స్థాయిలో జట్టు సన్నద్ధం కావాలి. ముఖ్యంగా కెప్టెన్‌ విషయంలో సరైన నిర్ణయం తీసుకోవాలి.సూర్యకుమార్‌ యాదవ్‌ గురించి కూడా చర్చ జరగాల్సిన ఆవశ్యకత ఉంది. స్వదేశంలో ఆస్ట్రేలియాతో సిరీస్‌లో అతడు కెప్టెన్‌గా వ్యవహరించి జట్టును గెలిపించాడు.కచ్చితంగా అతడు కూడా టీమిండియా టీ20 కెప్టెన్‌గా సరైన ఆప్షనే అనిపిస్తాడు. వీరిద్దరిలో ఎవరిని సారథిని చేయాలన్న అంశంపై సెలక్టర్లు, కొత్త కోచ్‌ నిర్ణయం తీసుకుంటారు’’ అని పేర్కొన్నాడు. తానైతే ఇద్దరికీ కెప్టెన్‌ అయ్యే అర్హత ఉందని చెబుతానంటూ సబా కరీం సోనీ స్పోర్ట్స్‌తో వ్యాఖ్యానించాడు.

మహారాష్ట్ర ప్రభుత్వ తీరుపై భారత బ్యాడ్మింటన్‌ స్టార్‌ చిరాగ్‌ శెట్టి ఆగ్రహం వ్యక్తం చేశాడు. క్రికెటర్లకు పెద్ద పీట వేసే షిండే సర్కారు.. తనలాంటి క్రీడాకారులను మాత్రం ఎందుకు విస్మరిస్తోందని ప్రశ్నించాడు.క్రీడాకారుల పట్ల ఇలాంటి వివక్ష తగదని.. అందరినీ సమానంగా చూడాలంటూ మహారాష్ట్ర ముఖ్యమంత్రి ఏక్‌నాథ్‌ షిండేకు చిరాగ్‌ శెట్టి విజ్ఞప్తి చేశాడు. కాగా భారత క్రికెట్‌ జట్టు టీ20 ప్రపంచకప్‌-2024 చాంపియన్‌గా నిలిచిన విషయం తెలిసిందే.వెస్టిండీస్‌ వేదికగా సౌతాఫ్రికాతో ఫైనల్లో జయభేరి మోగించి ఐసీసీ ట్రోఫీని గెలిచింది. ఈ నేపథ్యంలో ఆటగాళ్లు స్వదేశానికి తిరిగి రాగానే ఘన స్వాగతం లభించింది. ముంబైలోని ప్రఖ్యాత వాంఖడే మైదానంలో విజయోత్సవాలు నిర్వహించిన బీసీసీఐ ఏకంగా రూ. 125 కోట్ల నజరానాను అందించింది.ఇదిలా ఉంటే.. వరల్డ్‌కప్‌ గెలిచిన భారత జట్టులో నలుగురు ముంబై ఆటగాళ్లు ఉండటం విశేషం. కెప్టెన్‌ రోహిత్‌ శర్మ సహా టీ20 స్టార్లు సూర్యకుమార్ యాదవ్‌, యశస్వి జైస్వాల్‌, శివం దూబేలు టైటిల్‌ గెలిచిన జట్టులో సభ్యులు.వరల్డ్‌కప్‌ విజేతలకు రూ. 11 కోట్ల నజరానాఈ నేపథ్యంలో సీఎం ఏక్‌నాథ్‌ షిండే ఈ నలుగురిని తన నివాసంలో ప్రత్యేకంగా సన్మానించారు. శాలువాలు కప్పి.. వినాయకుడి ప్రతిమలు అందజేసి శుభాకాంక్షలు తెలిపారు. ఇందుకు సంబంధించిన వీడియో వైరల్‌ అయింది.అదే విధంగా.. వరల్డ్‌కప్‌ విజేతలకు రూ. 11 కోట్ల నజరానా కూడా ప్రకటించారు మహా సీఎం. ఈ నేపథ్యంలో చిరాగ్‌ శెట్టి స్పందిస్తూ ఘాటు వ్యాఖ్యలు చేశాడు.క్రికెటర్లకు క్యాష్‌ రివార్డు.. మరి నాకేం దక్కింది?‘‘బ్యాడ్మింటన్‌లో థామస్‌ కప్‌.. క్రికెట్‌ ప్రపంచకప్‌ గెలిచిన దానికంటే తక్కువేం కాదు. థామస్‌ కప్‌ ఫైనల్లో ఇండోనేషియాను ఓడించి టైటిల్‌ గెలిచిన భారత జట్టులో నేను సభ్యుడిని.అంతేకాదు కప్‌ గెలిచిన జట్టులో ఉన్న ఏకైక మహారాష్ట్ర క్రీడాకారుడిని. వరల్డ్‌కప్‌ గెలిచిన క్రికెట్‌ స్టార్లను ప్రభుత్వం ఘనంగా సత్కరించింది. సంతోషం.కానీ నాలాంటి ఆటగాళ్ల శ్రమను కూడా గుర్తిస్తే బాగుంటుంది. క్రీడలన్నింటికీ ప్రభుత్వం సమ ప్రాధాన్యం ఇవ్వాలి. క్రికెటర్లను సత్కరించడం పట్ల నాకెలాంటి అభ్యంతరం లేదు.అంతెందుకు బ్యాడ్మింటన్‌ ప్లేయర్లందరం కూడా టీవీలో వరల్డ్‌కప్‌ ఫైనల్‌ చూశాం. ఫైనల్లో సౌతాఫ్రికాను ఓడించి ట్రోఫీ గెలవడం పట్ల గర్వపడుతున్నాం.అయితే, గత రెండేళ్ల కాలంలో నేను కూడా గుర్తుంచుకోదగ్గ.. చిరస్మరణీయ విజయాలు సాధించాను. కానీ రాష్ట్ర ప్రభుత్వం నన్ను కనీసం అభినందించలేదు.ఎలాంటి క్యాష్‌ రివార్డు కూడా ప్రకటించలేదు. 2022 కంటే ముందు భారత బ్యాడ్మింటన్‌ జట్టు కనీసం సెమీస్‌ చేరిన దాఖలాలు కూడా లేవు. అలాంటిది మేము ఏకంగా టైటిల్‌ గెలిచాం. అయినా తగిన గుర్తింపు కరువైంది’’ అని చిరాగ్‌ శెట్టి ఆవేదన వ్యక్తం చేశాడు.ఎన్నో జాతీయ, అంతర్జాతీయ టైటిల్స్‌టైమ్స్‌ ఆఫ్‌ ఇండియాతో మాట్లాడుతూ ఈ బ్యాడ్మింటన్‌ స్టార్‌ ఈ మేరకు వ్యాఖ్యలు చేశాడు. కాగా చిరాగ్‌ శెట్టి- సాత్విక్‌సాయిరాజ్‌ రంకిరెడ్డితో కలిసి బ్యాడ్మింటన్‌ డబుల్స్‌ ర్యాంకింగ్స్‌లో నంబర్‌ వన్‌గా నిలిచి సరికొత్త చరిత్ర సృష్టించాడు.అంతేకాదు ప్రఖ్యాత థామస్‌కప్‌ గెలిచిన జట్టులో సభ్యుడు. ఎన్నో జాతీయ, అంతర్జాతీయ టైటిల్స్‌ సాధించాడు. సాత్విక్‌సాయిరాజ్‌తో కలిసి ఫ్రెంచ్‌ ఓపెన్‌, థాయ్‌లాండ్‌ ఓపెన్‌ గెలిచాడు. అదే విధంగా.. మలేషియన్‌ సూపర్‌ 750, ఇండియా సూపర్‌ 750 ఫైనల్స్‌ చేరాడు. తదుపరి ఈ జోడీ ప్యారిస్‌ ఒలింపిక్స్‌లో భారత్‌కు ప్రాతినిథ్యం వహించనుంది.చదవండి: ‘నేను డకౌట్‌ అయ్యాను.. యువీ పాజీ సంతోషించాడు’# Live📡| 05-07-2024 📍वर्षा निवासस्थान, मुंबई 📹 जगज्जेत्या भारतीय क्रिकेट संघाचे वर्षा निवासस्थानी स्वागत https://t.co/TSiJXnHFzw— Eknath Shinde - एकनाथ शिंदे (@mieknathshinde) July 5, 2024

ఐపీఎల్‌-2024కు ముందే రోహిత్‌ శర్మను కెప్టెన్‌గా తప్పిస్తూ నిర్ణయం తీసుకుంది ముంబై ఇండియన్స్‌. ఐదుసార్లు చాంపియన్‌గా నిలిపిన హిట్‌మ్యాన్‌ను కాదని.. హార్దిక్‌ పాండ్యాకు పగ్గాలు అప్పగించి తగిన మూల్యం చెల్లించింది.పాండ్యా సారథ్యంలో ఘోరంగా విఫలమైన ముంబై ఇండియన్స్‌ పాయింట్ల పట్టికలో అడుగున నిలిచింది. రోహిత్‌- పాండ్యా సైతం ఎడమొహం- పెడమొహంగానే మెదిలారు. ఫలితంగా ఇరువురిపై తీవ్ర స్థాయిలో విమర్శలు వెల్లువెత్తాయి.అయితే, టీ20 ప్రపంచకప్‌-2024తో సీన్‌ రివర్స్‌ అయింది. ఈ ఇద్దరూ టీమిండియా ట్రోఫీ గెలవడంలో కీలక పాత్ర పోషించి నీరాజనాలు అందుకుంటున్నారు. కెప్టెన్‌గా రోహిత్‌, ఆల్‌రౌండర్‌గా హార్దిక్‌ పాండ్యా తమ బాధ్యతను చక్కగా పూర్తి చేసి ప్రశంసలు దక్కించుకుంటున్నారు.ఈ నేపథ్యంలో ముంబై ఇండియన్స్‌ యాజమాన్యం.. ట్రోఫీ గెలిచిన టీమిండియాలో సభ్యులైన తమ ఆటగాళ్లను ఘనంగా సత్కరించింది. ముఖేశ్‌ అంబానీ- నీతా అంబానీ దంపతులు ఈ సందర్భంగా భారత జట్టుపై ప్రశంసల వర్షం కురిపించారు.కాగా అంబానీ చిన్న కుమారుడు అనంత్‌- రాధికా మర్చంట్‌ల ముందస్తు పెళ్లి వేడుకలు ఆర్భాటంగా జరుగుతున్న విషయం తెలిసిందే. ఈ క్రమంలో సంగీత్‌ నిర్వహించిన సమయంలోనే రోహిత్‌ శర్మ, సూర్యకుమార్‌ యాదవ్‌, హార్దిక్‌ పాండ్యాలను ఉద్దేశించి నీతా అంబానీ మాట్లాడారు.వారిని సాదరంగా వేదికపైకి ఆహ్వానించి ఆత్మీయంగా హత్తుకుని భావోద్వేగంతో కన్నీళ్లు పెట్టుకున్నారు. టీమిండియా కెప్టెన్‌ రోహిత్‌ అద్భుతం చేశాడంటూ అతడిని హగ్‌ చేసుకున్న నీతా.. ఆ తర్వాత సూర్య, హార్దిక్‌లను కూడా ఆత్మీయంగా హత్తుకున్నారు.ఈ సందర్భంగా హార్దిక్‌ను ఉద్దేశించి.. ‘‘కష్ట సమయం ఎప్పుడూ ఉండదు.. అయితే, పట్టుదల కలిగిన మనుషులు మాత్రం ఎప్పుడూ ఒకేలా ఉంటారు’’ అని ప్రశంసించారు. ముఖ్యంగా వరల్డ్‌కప్‌ ఫైనల్లో ఆఖరి ఓవర్‌ అద్భుతంగా వేసి జట్టును గెలిపించిన తీరు అమోఘమంటూ కొనియాడారు.మరోవైపు.. 2011 నాటి సంబరాన్ని మళ్లీ తీసుకువచ్చారంటూ ముఖేశ్‌ అంబానీ ఆటగాళ్లను కితాబులిచ్చారు. ఇందుకు సంబంధించిన వీడియో నెట్టింట వైరల్‌ అవుతోంది. అయితే, ఇందులో రోహిత్‌ శర్మ మాత్రం పైకి నవ్వుతూ కనిపించినా కాస్త మనస్ఫూర్తిగా ఆ వేడుకలో భాగం కాలేకపోయాడంటూ అభిమానులు కామెంట్లు చేస్తున్నారు.ఇప్పటికే తన మనసు విరిగిపోయిందని.. వచ్చే సీజన్‌లో అతడు ముంబై ఇండియన్స్‌ జట్టును వీడటం పక్కా అని ఫిక్సయిపోయారు. కాగా వెస్టిండీస్‌ వేదికగా సౌతాఫ్రికాతో ఫైనల్లో ఆఖరి వరకు ఉత్కంఠగా సాగిన పోరులో టీమిండియా ఏడు పరుగుల స్వల్ప తేడాతో గెలిచిన విషయం తెలిసిందే.చివరి ఓవర్లో మూడు వికెట్లు తీసి హార్దిక్‌ పాండ్యా జట్టును విజయతీరాలకు చేర్చాడు. తద్వారా భారత్‌ ఖాతాలో నాలుగో వరల్డ్‌కప్‌ టైటిల్‌ చేరింది.AMBANI FAMILY celebrating the World Cup heroes - Captain Rohit, Hardik & Surya. 🇮🇳- VIDEO OF THE DAY...!!!! ❤️ pic.twitter.com/8XbPo9kkLE— Johns. (@CricCrazyJohns) July 6, 2024

ఐసీసీ టీ20 ర్యాంకింగ్స్‌లో టీమిండియా స్టార్‌ బ్యాటర్‌ సూర్యకుమార్‌ యాదవ్‌ తన అగ్రస్థానం కోల్పోయాడు. దాదాపు ఏడాదిన్నర కాలంగా టాప్‌ ర్యాంకులో కొనసాగుతున్న ఈ ముంబై క్రికెటర్‌ రెండో స్థానానికి పడిపోయాడు.గత కొంతకాలంగా పొట్టి ఫార్మాట్‌లో నిలకడగా రాణిస్తున్న ఆస్ట్రేలియా విధ్వంసకర ఓపెనర్‌ ట్రవిస్‌ హెడ్‌ నంబర్‌ వన్‌ ర్యాంకు సాధించాడు. అయితే, ఈ ఇద్దరి మధ్య కేవలం రెండు రేటింగ్‌ పాయింట్ల తేడా మాత్రమే ఉండటం గమనార్హం.ఆరంభంలో తడ‘బ్యా’టు కాగా టీ20 ప్రపంచకప్‌-2024 టోర్నీ ఆరంభంలో సూర్యకుమార్‌ యాదవ్‌ పరుగులు రాబట్టలేక సతమతమయ్యాడు. ఆ తర్వాత అమెరికా(50 నాటౌట్‌), అఫ్గనిస్తాన్‌(28 బంతుల్లో 53) జట్లపై వరుసగా హాఫ్‌ సెంచరీలతో మెరిశాడు.ఇక వరల్డ్‌కప్‌ తాజా ఎడిషన్‌లో 33 ఏళ్ల ఈ ముంబై బ్యాటర్‌.. ఇప్పటి వరకు ఆరు ఇన్నింగ్స్‌లో కలిపి 139.25 స్ట్రైక్‌రేటుతో 149 పరుగులు చేశాడు.అద్భుత ప్రదర్శనమరోవైపు.. 30 ఏళ్ల ఎడమచేతి వాటం బ్యాటర్‌ ట్రవిస్‌ హెడ్‌ టీ20 ప్రపంచకప్‌-2024లో అద్భుత ప్రదర్శనతో ఆకట్టుకున్నాడు. సూపర్‌-8 మ్యాచ్‌లో టీమిండియాపై అర్థ శతకం(43 బంతుల్లో 76)తో దుమ్ములేపాడు. ఆడిన ఏడు ఇన్నింగ్స్‌లో కలిపి ఓవరాల్‌గా సగటు 42.50, స్ట్రైక్‌రేటు 158.38తో 255 పరుగులు సాధించాడు.ఇందులో మూడు హాఫ్‌ సెంచరీలు ఉన్నాయి. ఈ క్రమంలో హెడ్‌ ఐసీసీ ర్యాంకింగ్స్‌లో ఏకంగా నాలుగు స్థానాలు ఎగబాకి అగ్రపీఠం కైవసం చేసుకున్నాడు. ఇదిలా ఉంటే.. టీమిండియా ఈ టోర్నీలో సెమీస్‌ చేరగా.. ఆస్ట్రేలియా సూపర్‌-8 దశలోనే నిష్క్రమించింది.ఐసీసీ టీ20 బ్యాటింగ్‌ తాజా ర్యాంకింగ్స్‌- టాప్‌-5 బ్యాటర్లు వీరే1. ట్రవిస్‌ హెడ్‌(ఆస్ట్రేలియా)- 844 రేటింగ్‌ పాయింట్లు2. సూర్యకుమార్‌ యాదవ్‌(ఇండియా)- 842 రేటింగ్‌ పాయింట్లు3. ఫిల్‌ సాల్ట్‌(ఇంగ్లండ్‌)- 816 రేటింగ్‌ పాయింట్లు4. బాబర్‌ ఆజం(పాకిస్తాన్‌)- 755 రేటింగ్‌ పాయింట్లు5. మహ్మద్‌ రిజ్వాన్‌(పాకిస్తాన్‌)- 746 రేటింగ్‌ పాయింట్లు.

టి20 ప్రపంచ కప్‌ ‘సూపర్‌–8’ దశలో భారత జట్టు తమ స్థాయిని ప్రదర్శించింది. అఫ్గానిస్తాన్‌ చక్కటి బౌలింగ్‌తో టీమిండియా ఆరంభంలో కాస్త తడబాటుకు గురైనా ఆపై సంపూర్ణ ఆధిపత్యం కొనసాగించింది. ఈ ఫార్మాట్‌లో తన నంబర్‌వన్‌ హోదాకు న్యాయం చేస్తూ, తనేంటూ నిరూపిస్తూ సూర్యకుమార్‌ యాదవ్‌ జట్టు భారీ స్కోరులో కీలకపాత్ర పోషించాడు. ఆ తర్వాత ఛేదనలో అఫ్గాన్‌ టీమ్‌ ఏ దశలోనూ కనీస స్థాయి ప్రదర్శన ఇవ్వలేకపోయింది. టీమిండియా పదునైన బౌలింగ్‌ను ఎదుర్కోలేక వరుసగా వికెట్లు కోల్పోయి మ్యాచ్‌ను సమర్పించుకుంది. ఇక మరో ఆసియా జట్టు బంగ్లాదేశ్‌తో శనివారం భారత్‌ తర్వాతి సమరానికి సిద్ధమైంది. బ్రిడ్జ్‌టౌన్‌: వరల్డ్‌ కప్‌లో సెమీఫైనల్‌ చేరే దిశగా భారత జట్టు కీలక విజయాన్ని అందుకుంది. సూపర్‌–8 గ్రూప్‌–1లో భాగంగా గురువారం జరిగిన తొలి మ్యాచ్‌లో భారత్‌ 47 పరుగుల తేడాతో అఫ్గానిస్తాన్‌ను చిత్తు చేసింది. టాస్‌ గెలిచి బ్యాటింగ్‌ ఎంచుకున్న భారత్‌ 20 ఓవర్లలో 8 వికెట్ల నష్టానికి 181 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ సూర్యకుమార్‌ యాదవ్‌ (28 బంతుల్లో 53; 5 ఫోర్లు, 3 సిక్స్‌లు) అర్ధ సెంచరీ సాధించగా... హార్దిక్‌ పాండ్యా (24 బంతుల్లో 32; 3 ఫోర్లు, 2 సిక్స్‌లు) రాణించాడు. రషీద్‌ ఖాన్‌కు 3 వికెట్లు దక్కాయి. అనంతరం అఫ్గానిస్తాన్‌ 20 ఓవర్లలో 134 పరుగులకు ఆలౌటైంది. అజ్మతుల్లా ఒమర్జాయ్‌ (20 బంతుల్లో 26; 2 ఫోర్లు, 1 సిక్స్‌)దే అత్యధిక స్కోరు. బుమ్రా (3/7), అర్‌‡్షదీప్‌ చెరో 3 వికెట్లు పడగొట్టారు. కీలక భాగస్వామ్యం... ఆరంభం నుంచే తడబడుతూ ఆడిన రోహిత్‌ శర్మ (13 బంతుల్లో 8; 1 ఫోర్‌) ఎక్కువసేపు నిలవలేకపోయాడు. ఆ తర్వాత రషీద్‌ రెండు వికెట్లతో భారత్‌ను దెబ్బ తీశాడు. నబీ ఓవర్లో వరుసగా మూడు ఫోర్లతో జోరు ప్రదర్శించిన రిషభ్‌ పంత్‌ (11 బంతుల్లో 20; 4 ఫోర్లు) వికెట్ల ముందు దొరికిపోగా...రషీద్‌ తర్వాతి ఓవర్లో భారీ షాట్‌ ఆడే క్రమంలో విరాట్‌ కోహ్లి (24 బంతుల్లో 24; 1 సిక్స్‌) అవుటయ్యాడు. ఈ దశలో సూర్యకుమార్‌ దూకుడైన బ్యాటింగ్‌తో స్కోరు వేగంగా సాగింది. రషీద్‌ ఓవర్లో సూర్య ఫోర్, సిక్స్‌ కొట్టగా... అదే ఓవర్లో మరో ఎండ్‌లో శివమ్‌ దూబే (7 బంతుల్లో 10; 1 సిక్స్‌) పెవిలియన్‌ చేరాడు. ఇలాంటి సమయంలో సూర్యకు పాండ్యా జత కలిశాడు. వీరిద్దరి భాగస్వామ్యంతో జట్టు మెరుగైన స్థితికి చేరింది. నూర్‌ ఓవర్లో పాండ్యా వరుసగా 4, 6 కొట్టగా... ఫజల్‌ ఓవర్లో సూర్య వరుసగా 6, 4 బాది 27 బంతుల్లో అర్ధ సెంచరీ పూర్తి చేసుకున్నాడు. అయితే తర్వాతి బంతికే అతను అవుట్‌ కాగా, మరుసటి ఓవర్లో పాండ్యా ఆట ముగిసింది. జడేజా (5 బంతుల్లో 7; 1 ఫోర్‌) ప్రభావం చూపలేకపోగా, ఆఖరి ఓవర్లో అక్షర్‌ పటేల్‌ (6 బంతుల్లో 12; 2 ఫోర్లు) కీలక పరుగులు రాబట్టాడు. తొలి 10 ఓవర్లలో జట్టు 79 పరుగులు చేయగా, తర్వాతి 10 ఓవర్లలో 101 పరుగులు వచ్చాయి. ఈ మ్యాచ్‌ కోసం భారత్‌ ఒక మార్పు చేసింది. సిరాజ్‌ స్థానంలో కుల్దీప్‌ యాదవ్‌ వచ్చాడు. మరోవైపు గురువారం మరణించిన భారత మాజీ పేసర్‌ డేవిడ్‌ జాన్సన్‌కు నివాళిగా మన ఆటగాళ్లు నలుపు రంగు బ్యాండ్‌లు ధరించారు. అనంతరం లక్ష్య ఛేదనలో అఫ్గానిస్తాన్‌ బ్యాటర్లు చేతులెత్తేశారు. బుమ్రా తొలి ఓవర్‌లో అనవసర షాట్‌కు ప్రయత్నించి గుర్బాజ్‌ (11; 1 ఫోర్, 1 సిక్స్‌) అవుట్‌ కావడంతో మొదలైన జట్టు పతనం వేగంగా సాగింది. ఎవరు కూడా భారత బౌలింగ్‌ ముందు పట్టుదలగా నిలవలేకపోయారు. చెప్పుకోదగ్గ బౌలింగ్‌ వనరులు ఉన్నా ...ఎప్పటిలాగే బ్యాటర్ల వైఫల్యం దెబ్బ తీసింది. స్కోరు వివరాలు భారత్‌ ఇన్నింగ్స్‌: రోహిత్‌ (సి) రషీద్‌ (బి) ఫజల్‌ 8; కోహ్లి (సి) నబీ (బి) రషీద్‌ 24; పంత్‌ (ఎల్బీ) (బి) రషీద్‌ 20; సూర్యకుమార్‌ (సి) నబీ (బి) ఫజల్‌ 53; దూబే (ఎల్బీ) (బి) రషీద్‌ 10; పాండ్యా (సి) అజ్మతుల్లా (బి) నవీన్‌ 32; జడేజా (సి) గుల్బదిన్‌ (బి) ఫజల్‌ 7; అక్షర్‌ (రనౌట్‌) 12; అర్‌‡్షదీప్‌ (నాటౌట్‌) 2; ఎక్స్‌ట్రాలు 13; మొత్తం (20 ఓవర్లలో 8 వికెట్లకు) 181. వికెట్ల పతనం: 1–11, 2–54, 3–62, 4–90, 5–150, 6–159, 7–165, 8–181. బౌలింగ్‌: ఫజల్‌ హక్‌ 4–0–33–3, నబీ 3–0–24–0, నవీన్‌ ఉల్‌ హక్‌ 4–0–40–1, రషీద్‌ ఖాన్‌ 4–0–26–3, నూర్‌ అహ్మద్‌ 3–0–30–0, అజ్మతుల్లా 2–0–23–0. అఫ్గానిస్తాన్‌ ఇన్నింగ్స్‌: గుర్బాజ్‌ (సి) పంత్‌ (బి) బుమ్రా 11; హజ్రతుల్లా (సి) జడేజా (బి) బుమ్రా 2; ఇబ్రహీమ్‌ (సి) రోహిత్‌ (బి) అక్షర్‌ 8; గుల్బదిన్‌ (సి) పంత్‌ (బి) కుల్దీప్‌ 17; అజ్మతుల్లా (సి) అక్షర్‌ (బి) జడేజా 26; నజీబుల్లా (సి) అర్ష్ దీప్‌ (బి) బుమ్రా 19; నబీ (సి) జడేజా (బి) కుల్దీప్‌ 14; రషీద్‌ (సి) జడేజా (బి) అర్ష్ దీప్‌ 2; నూర్‌ (సి) రోహిత్‌ (బి) అర్ష్ దీప్‌ 12; నవీన్‌ (సి) పంత్‌ (బి) అర్‌‡్షదీప్‌ 0; ఫజల్‌హక్‌ (నాటౌట్‌) 4; ఎక్స్‌ట్రాలు 19; మొత్తం (20 ఓవర్లలో ఆలౌట్‌) 134. వికెట్ల పతనం: 1–13, 2–23, 3–23, 4–67, 5–71, 6–102, 7–114, 8–121, 9–121, 10–134. బౌలింగ్‌: అర్‌‡్షదీప్‌ 4–0–36–3, బుమ్రా 4–1–7–3, అక్షర్‌ పటేల్‌ 3–1–15–1, హార్దిక్‌ పాండ్యా 2–0–13–0, కుల్దీప్‌ 4–0–32–2, జడేజా 3–0–20–1. టి20 ప్రపంచకప్‌లో నేడుఆ్రస్టేలియా X బంగ్లాదేశ్‌వేదిక: నార్త్‌సౌండ్‌; ఉదయం గం. 6 నుంచి ఇంగ్లండ్‌ X దక్షిణాఫ్రికావేదిక: గ్రాస్‌ఐలెట్‌; రాత్రి గం. 8 నుంచిస్టార్‌ స్పోర్ట్స్, హాట్‌ స్టార్‌లో ప్రత్యక్ష ప్రసారం

టీమిండియా స్టార్‌ సూర్యకుమార్‌ యాదవ్‌.. సుమారు గత రెండేళ్లుగా టీ20 ఫార్మాట్లో వరల్డ్‌ నంబర్‌ వన్‌ బ్యాటర్‌గా కొనసాగుతున్నాడు. రోహిత్‌ శర్మ గైర్హాజరీలో భారత జట్టు కెప్టెన్‌గానూ వ్యవహరించి పలు సిరీస్‌లు గెలిచాడు కూడా!అయితే, టీ20 ప్రపంచకప్‌-2024లో మాత్రం అంచనాలు అందుకోవడంలో విఫలమయ్యాడు ఈ ముంబైకర్‌. అమెరికా వేదికగా జరిగిన లీగ్‌ దశలో మూడు మ్యాచ్‌లలో కలిపి సూర్యకుమార్‌ యాదవ్‌ కేవలం 59 పరుగులు చేశాడు.తొలుత ఐర్లాండ్‌తో మ్యాచ్‌లో రెండు పరుగులకే నిష్క్రమించిన ఈ కుడిచేతి వాటం బ్యాటర్‌.. పాకిస్తాన్‌పై ఏడు పరుగులకే పరిమితమయ్యాడు. దీంతో సూర్య బ్యాటింగ్‌ తీరుపై విమర్శలు వెల్లువెత్తాయి.ఈ క్రమంలో అమెరికాతో మ్యాచ్‌లో బ్యాట్‌ ఝులిపించిన స్కై.. 49 బంతుల్లో 50 పరుగులతో అజేయంగా నిలిచాడు. జట్టును గెలిపించి సూపర్‌-8కు చేరడంలో కీలక పాత్ర పోషించాడు. ఇక టీమిండియా ప్రస్తుతం వెస్టిండీస్‌ వేదికగా తదుపరి దశకు సిద్ధమవుతున్న వేళ సూర్యకుమార్‌ యాదవ్‌ మీడియాతో ముచ్చటించాడు.ఈ సందర్భంగా తనపై వస్తున్న విమర్శలపై స్పందిస్తూ.. ‘‘రెండేళ్లుగా వరల్డ్‌ నంబర్‌ వన్‌ బ్యాటర్‌గా ఉండి.. ఎలాంటి పరిస్థితుల్లోనైనా బ్యాటింగ్‌ చేయగలుగుతూ.. వికెట్‌కు అనుగుణంగా తనను తాను మలచుకోగల ఆటగాడు.. బ్యాట్స్‌మన్‌షిప్‌ చూపగలడు.నేను కూడా అదే ట్రై చేస్తున్నా. ఒక్కోసారి ప్రత్యర్థి జట్టు బౌలర్లు మన గేమ్‌ను రీడ్‌ చేస్తూ.. అద్భుతంగా బౌలింగ్‌ చేయగా.. పిచ్‌ కూడా వారికి అనుకూలిస్తే మనమేమీ చేయలేకపోవచ్చు.అలాంటపుడు మనం మరింత జాగ్రత్తగా.. తెలివిగా ఆడాలి. అయినప్పటికీ ఇన్నింగ్స్‌ పొడిగించుకునే అవకాశం దొరకకపోవచ్చు. పరిస్థితికి తగ్గట్లుగా మనం మారిపోవాలి.అంతేకాదు.. అపుడు మనతో పాటు క్రీజులో ఉన్న భాగస్వామితోనూ సరైన సమన్వయం ఉండాలి. పరస్పర అవగాహనతో పరుగులు రాబట్టడమే ధ్యేయంగా ముందుకు సాగాలి.నిజానికి న్యూయార్క్‌లో ఇదే తొలిసారి ఆడటం. అక్కడి పిచ్‌ కాస్త భిన్నంగా ఉంది. బ్యాటర్లకు సవాలుగా పరిణమించింది. అయితే, వెస్టిండీస్‌లో పరిస్థితులు ఎలా ఉంటాయో మాకు తెలుసు.అక్కడ ఆడిన అనుభవం ఉంది. న్యూయార్క్‌ కంటే ఇక్కడ మెరుగ్గానే బ్యాటింగ్‌ చేస్తామనే నమ్మకం ఉంది’’ అని సూర్యకుమార్‌ యాదవ్‌ పేర్కొన్నాడు.సూపర్‌-8 దశలో తప్పకుండా బ్యాట్‌ ఝులిపిస్తానని ధీమా వ్యక్తం చేశాడు. కాగా గ్రూప్‌-1లో ఉన్న టీమిండియా జూన్‌ 20న అఫ్గనిస్తాన్‌తో సూపర్‌-8లో తమ తొలి మ్యాచ్‌ ఆడనుంది.

తనకు ఇష్టమైన రెండు రంగాల్లో రాణించడం సంతోషంగా ఉందని అమెరికా క్రికెటర్‌ సౌరభ్‌ నేత్రావల్కర్‌ అన్నాడు. తన కెరీర్‌ ఇలా ఉంటుందని అస్సలు ఊహించలేదని.. అంతా త్వరత్వరగా జరిగిపోయిందంటూ హర్షం వ్యక్తం చేశాడు.ఏదేమైనా టీమిండియా స్టార్‌ విరాట్‌ కోహ్లి వికెట్‌ తీయడం భావోద్వేగ క్షణంగా మిగిలిపోతుందని సౌరభ్‌ నేత్రావల్కర్‌ ఎమోషనల్‌ అయ్యాడు. కాగా భారత్‌కు చెందిన నేత్రావల్కర్‌ ముంబై తరఫున దేశవాళీ క్రికెట్‌ ఆడాడు.ఉన్నత విద్య కోసం అమెరికా వెళ్లిఅండర్‌-19 ప్రపంచకప్‌లోనూ యువ భారత జట్టుకు ప్రాతినిథ్యం వహించిన ఈ లెఫ్టార్మ్‌ పేసర్‌.. సీనియర్‌ జట్టులో చోటు దక్కకకపోవడంతో చదువుపై శ్రద్ధ పెట్టాడు. ఉన్నత విద్య కోసం అమెరికా వెళ్లి అక్కడే ఒరాకిల్‌లో ఉద్యోగం సంపాదించిన నేత్రావల్కర్‌.. ప్రస్తుతం అమెరికా తరఫున టీ20 ప్రపంచకప్‌-2024 బరిలో దిగాడు.విరాట్‌ కోహ్లిని గోల్డెన్‌ డకౌట్‌గా వెనక్కి పంపిఈ క్రమంలో టీమిండియాతో మ్యాచ్‌లో విరాట్‌ కోహ్లిని గోల్డెన్‌ డకౌట్‌గా వెనక్కి పంపిన నేత్రావల్కర్‌.. రోహిత్‌ శర్మ వికెట్‌ను కూడా తన ఖాతాలో వేసుకున్నాడు. తద్వారా తన తొలి టీ20 ప్రపంచకప్‌లోనే రెండు బిగ్‌ వికెట్లు తీసి మధుర జ్ఞాపకాలు పోగు చేసుకున్నాడు.అయితే, ఈ మ్యాచ్‌లో టీమిండియాతో మ్యాచ్‌లో అమెరికా ఓటమి పాలైన విషయం తెలిసిందే. అయినప్పటికీ ఇప్పటికే కెనడా, పాకిస్తాన్‌లపై విజయాలతో గ్రూప్‌-ఏ సెకండ్‌ టాపర్‌గా సూపర్‌-8కు చేరువైంది.ఈ నేపథ్యంలో భారత్‌తో మ్యాచ్‌ అనంతరం తన భావాలు పంచుకున్న సౌరభ్‌ నేత్రావల్కర్‌ ఆసక్తికర వ్యాఖ్యలు చేశాడు. ‘‘రెండు రంగాల్లో కెరీర్‌ కొనసాగించడం ఆనందంగా ఉంది. అన్నీ త్వరత్వరగా జరిగిపోయాయి.విరాట్‌తో నాకు అంతగా పరిచయం లేదుఇప్పటికీ నమ్మలేకపోతున్నా. ఇక గత రెండు మ్యాచ్‌లు(పాక్‌, భారత్‌) అత్యంత కీలకమైనవి. విరాట్‌ వికెట్‌ తీయడం ఓ ఎమోషనల్‌ మూమెంట్‌.అతడికి బౌలింగ్‌ చేస్తున్నపుడు ఆఫ్‌ స్టంప్ ఎగురగొట్టాలని భావించా. నా ప్రణాళికను పక్కాగా అమలు చేసి వికెట్‌ తీశా. అండర్‌-15, అండర్‌-17 డేస్‌ నుంచే నాకు సూర్యకుమార్‌ యాదవ్‌ తెలుసు.మేము కలిసినపుడు నాటి డ్రెసింగ్‌రూం వాతావరణం గురించి చర్చించుకుంటాం. అయితే, విరాట్‌తో నాకు అంతగా పరిచయం లేదు కానీ.. అతడి వికెట్‌ తీసిన తర్వాత నన్ను అభినందించాడు’’ అని సౌరభ్‌ నేత్రావల్కర్‌ పేర్కొన్నాడు. చదవండి: T20 WC: కోహ్లి, రోహిత్‌ వికెట్లు తీసిన భారత టెకీ.. దిమ్మతిరిగే బ్యాక్‌గ్రౌండ్‌! View this post on Instagram A post shared by ICC (@icc)

సౌరభ్‌ నేత్రావల్కర్‌.. క్రికెట్‌ వర్గాల్లో ప్రస్తుతం మారుమోగిపోతున్న పేరు. ఈ రైటార్మ్‌ పేసర్‌ అండర్‌-19 కప్‌-2010 ఎడిషన్‌లో భారత్‌కు ప్రాతినిథ్యం వహించాడు.దేశవాళీ క్రికెట్‌లో ముంబై జట్టుకు ఆడిన నేత్రావల్కర్‌.. టీమిండియా ప్రస్తుత కెప్టెన్‌, ముంబైకర్‌ రోహిత్‌ శర్మకు జూనియర్‌. అదే విధంగా వరల్డ్‌ నంబర్‌ వన్‌ టీ20 బ్యాటర్‌ సూర్యకుమార్‌ యాదవ్‌తో కలిసి ముంబై డ్రెస్సింగ్‌ రూం షేర్‌ చేసుకున్నాడు.అంతేకాదు.. జాతీయ క్రికెట్‌ అకాడమీ(ఎన్సీఏ)లో.. భారత జట్టు ప్రస్తుత హెడ్‌కోచ్‌ రాహుల్‌ ద్రవిడ్‌కు బౌలింగ్‌ చేసిన ఘనత కూడా సౌరభ్‌ నేత్రావల్కర్‌ సొంతం.ప్రత్యర్థిగా ఉన్న టీమ్‌లో ధోని, కోహ్లిముంబై తరఫున రంజీలు ఆడిన నేత్రావల్కర్‌.. ఎన్సీఏలో యువరాజ్‌ సింగ్‌ వికెట్‌ పడగొట్టడం ద్వారా 2009లో వెలుగులోకి వచ్చాడు. ఈ క్రమంలో బీసీసీఐ కార్పొరేట్‌ ట్రోఫీలో ఆడే అవకాశం దక్కించుకున్న ఈ పేస్‌బౌలర్‌.. యువరాజ్‌ సింగ్‌, రాబిన్‌ ఊతప్ప, సురేశ్‌ రైనాలతో కలిసి డ్రెస్సింగ్‌రూం పంచుకున్నాడు.అప్పుడు వీరి జట్టుకు ప్రత్యర్థిగా ఉన్న టీమ్‌లో మహేంద్ర సింగ్‌ ధోని, విరాట్‌ కోహ్లి వంటి స్టార్లు ఉండటం విశేషం. ఇక అంచెలంచెలుగా ఎదిగి అండర్‌ క్రికెట్‌ వరల్డ్‌కప్‌ ఆడే అవకాశం దక్కించుకున్న సౌరభ్‌ నేత్రావల్కర్‌.. 2010 నాటి ఆ ఈవెంట్‌లో టీమిండియా తరఫున లీడింగ్‌ వికెట్‌ టేకర్‌గా నిలిచాడు.అగార్కర్‌, జహీర్‌ ఖాన్‌ వంటి దిగ్గజాలు ఉండటంతోఅయితే, సీనియర్‌ లెవల్‌లో మాత్రం అడుగుపెట్టలేకపోయాడు ఈ ముంబైకర్‌. అజిత్‌ అగార్కర్‌, జహీర్‌ ఖాన్‌ వంటి దిగ్గజాలు ఉన్న జట్టులో చోటు దక్కించుకోలేకపోయాడు. అయినప్పటికీ పట్టుదలని నేత్రావల్కర్‌ 2013లో రంజీల్లో అరంగేట్రం చేశాడు.అయితే, సరైన అవకాశాలు రాకపోవడంతో తిరిగి చదువు మీద శ్రద్ధ పెట్టాడు. ముంబైలో కంప్యూటర్‌ సైన్స్‌లో డిగ్రీ పూర్తి చేసిన అతడు.. ఉన్నత విద్యనభ్యసించేందుకు అమెరికా వెళ్లిన సౌరభ్‌ నేత్రావల్కర్‌కు 2015లో న్యూయార్క్‌లోని కార్నెల్‌ యూనివర్సిటీ నుంచి ఆహ్వానం అందింది.యాప్‌ రూపకర్త ప్లేయర్‌ అనాలిసిస్‌ చేసేందుకు వీలుగా అతడు రూపొందించిన క్రిక్‌డీకోడ్‌ యాప్‌నకు ఫిదా అయిన యూనివర్సిటీ యాజమాన్యం అతడికి స్కాలర్‌షిప్‌ కూడా ఇచ్చింది.కార్నెల్‌ యూనివర్సిటీ నుంచి మాస్టర్స్‌ పూర్తి చేసిన సౌరభ్‌ నేత్రావల్కర్‌కు శాన్‌ ఫ్రాన్సిస్కోలోని ఒరాకిల్‌ సంస్థ ఉద్యోగం ఆఫర్‌ చేసింది. అయితే, అక్కడే మళ్లీ తిరిగి క్రికెట్‌ ఆడటం మొదలుపెట్టాడు నేత్రావల్కర్‌.అలా అమెరికా జట్టులో చోటుఈ క్రమంలో అంతర్జాతీయ క్రికెట్‌ మండలి నిబంధనల సరళింపు నేపథ్యంలో.. H1B కార్డ్‌ హోల్డర్‌గా ఉన్న నేత్రావల్కర్‌కు 2018లో యూఎస్‌ఏ జట్టులో అడుగుపెట్టే అవకాశం దక్కింది. మూడేళ్ల పాటు కెప్టెన్‌గానూ వ్యవహరించాడతడు.ఈ నేపథ్యంలో యూఏఈతో టీ20 మ్యాచ్‌ సందర్భంగా 2019లో సౌరభ్‌ నేత్రావల్కర్‌ అంతర్జాతీయ క్రికెట్‌లో అడుగుపెట్టాడు. ఆ తర్వాత పపువా న్యూగినియాతో మ్యాచ్‌తో వన్డేల్లోనూ ఎంట్రీ ఇచ్చాడు.ఇప్పటి వరకు అమెరికా తరఫున 48 వన్డేలు ఆడిన సౌరభ్‌ నేత్రావల్కర్‌ 73 వికెట్లు తీశాడు. 30 టీ20లలో కలిపి 31 వికెట్లు తన ఖాతాలో వేసుకున్నాడు. టీ20 ప్రపంచకప్‌-2024లో సత్తా చాటితొలిసారిగా మెగా టోర్నీకి ఆతిథ్యం ఇస్తున్న అమెరికా తరఫున బరిలోకి దిగిన నేత్రావల్కర్‌ పాకిస్తాన్‌తో మ్యాచ్‌లో ఆకాశమే హద్దుగా చెలరేగాడు.నాలుగు ఓవర్ల కోటా పూర్తి చేసి కేవలం 18 పరుగులే ఇచ్చి రెండు వికెట్లు తీశాడు. మహ్మద్‌ రిజ్వాన్‌(9), ఇఫ్తికార్‌ అహ్మద్‌ రూపంలో కీలక బ్యాటర్లను అవుట్‌ చేసి పాక్‌ జట్టును కష్టాల్లోకి నెట్టాడు. పాక్‌ పై విజయంలో తన వంతు పాత్ర పోషించాడు.ఇక టీమిండియాతో మ్యాచ్లోనూ సౌరభ్‌ నేత్రావల్కర్‌ అద్భుత ప్రదర్శనతో మెరిశాడు.‌ స్టార్‌ బ్యాటర్‌, ఓపెనర్‌ విరాట్ కోహ్లిని గోల్డెన్‌ డకౌట్‌గా వెనక్కి పంపిన నేత్రావల్కర్‌.. మరో ఓపెనర్‌, కెప్టెన్‌ రోహిత్‌ శర్మ(3) వికెట్‌ కూడా తన ఖాతాలో వేసుకున్నాడు.ఈ మ్యాచ్‌లో అమెరికా భారత్‌ చేతిలో ఓడిపోయినా ఈ టెకీ మాత్రం తనదైన ముద్ర వేయగలిగాడు. ఈ క్రమంలో సౌరభ్‌ నేత్రావల్కర్‌పై ప్రశంసలు కురుస్తున్నాయి.కాగా ఒరాకిల్‌లో పనిచేస్తున్న నేత్రావల్కర్‌.. టీ20 ప్రపంచకప్‌ ఆడేందుకు దాదాపు నెల రోజుల పాటు సెలవు(జూన్‌ 17 వరకు) పెట్టినట్లు సమాచారం. ఒకవేళ అమెరికా సూపర్‌-8కు గనుక క్వాలిఫై అయితే తన లీవ్‌ను పొడిగించుకుంటాడు.పేటెంట్‌ ఉందినెట్టింట సెర్చ్‌ క్వెరీలో భాగంగా అత్యంత వేగంగా ఆటోకంప్లీట్‌ అయ్యే వినూత్న అల్గారిథమ్‌ను సౌరభ్‌ నేత్రావల్కర్‌ రూపొందించాడు. ఇందుకు సంబంధించి అతడి వద్ద పేటెంట్‌ రైట్‌ కూడా ఉంది.ఇంకో అల్గారిథమ్‌ పేటెంట్‌ కోసం అతడు అప్లై చేశాడు. ఈ విషయాలను నేత్రావల్కర్‌ స్వయంగా క్రిక్‌బజ్‌తో పంచుకున్నాడు. తాను ఒక కోడర్‌ అని.. SQL(లాంగ్వేజ్‌) & C విభాగంలో పనిచేస్తానని పేర్కొన్నాడు. కేవలం ఉద్యోగం, క్రికెట్ మాత్రమే కాదు సంగీతంలోనూ నేత్రావల్కర్‌కు ప్రావీణ్యం ఉంది.‌‌​ ఇక అమెరికాపై టీమిండియా విజయంలో కీలక పాత్ర పోషించిన సూర్యకుమార్‌ యాదవ్‌కు ఈ 32 ఏళ్ల పేసర్‌.. ‘‘బ్రదర్‌’’ అంటూ శుభాకాంక్షలు తెలియజేయడం నెట్టింట వైరల్‌గా మారింది. View this post on Instagram A post shared by ICC (@icc)

టీ20 ప్రపంచకప్‌-2024 లీగ్‌ దశలో తమకు ఇంకో మ్యాచ్‌ మిగిలి ఉండగానే టీమిండియా సూపర్‌-8లో అడుగుపెట్టింది. ఆతిథ్య అమెరికా జట్టుపై బుధవారం నాటి మ్యాచ్‌లో ఏడు వికెట్ల తేడాతో గెలుపొంది తదుపరి దశకు అర్హత సాధించింది.అయితే, పసికూనే అయినా అమెరికాపై రోహిత్‌ సేనకు ఈ విజయం అంత సులువుగా రాలేదు. 111 పరుగుల లక్ష్యాన్ని ఛేదించే క్రమంలో ఆరంభంలో తడబడిన భారత జట్టు సూర్యకుమార్‌ యాదవ్‌(50), శివం దూబే(31) అద్భుత అజేయ ఇన్నింగ్స్‌ కారణంగా గట్టెక్కింది.బ్యాటింగ్‌ అనుకూలించని పిచ్‌పై వీరిద్దరు మెరుగైన భాగస్వామ్యం నెలకొల్పి జట్టును విజయతీరాలకు చేర్చారు. ఈ నేపథ్యంలో మ్యాచ్‌ అనంతరం కెప్టెన్‌ రోహిత్‌ శర్మ సూర్య, దూబేలపై ప్రశంసలు కురిపించాడు.గెలుపు అంత తేలికగా రాదని తెలుసుఅదే విధంగా.. అమెరికాపై విజయంలో బౌలర్ల పాత్ర కూడా ఎంతో కీలకమని పేర్కొన్నాడు. ‘‘ఈ మ్యాచ్‌లో గెలుపు అంత తేలికగా రాదని తెలుసు. మా వాళ్ల మెరుగైన భాగస్వామ్యం వల్లే ఇది సాధ్యమైంది.బౌలర్లు కూడాసూర్య, దూబే ఆద్యంతం పట్టుదలగా నిలబడి పరిణతితో కూడిన ఇన్నింగ్స్‌ ఆడారు. అందుకు వాళ్లకు క్రెడిట్‌ ఇవ్వాల్సిందే. ఇక మా బౌలర్లు కూడా అద్భుతంగా రాణించారు.ముఖ్యంగా అర్ష్‌దీప్‌. దూబే రూపంలో మాకు మరో ఆప్షన్‌ ఉంది కాబట్టి.. ఈ మ్యాచ్‌లో ప్రయత్నించి చూశాం. ఎందుకంటే ఈరోజు పిచ్‌ సీమర్లకు ఎక్కువగా అనుకూలించింది. కాబట్టి అతడి సేవలను వాడుకున్నాం. అతిపెద్ద ఊరటఇక సూపర్‌-8కు క్వాలిఫై అవటం అనేది అతిపెద్ద ఊరట. ఇలాంటి పిచ్‌లపై విజయాలు అంత సులువేమీ కాదు. ప్రతి మ్యాచ్‌ను చాలెంజింగ్‌గా తీసుకున్నాం.మూడింట మూడు విజయాలు సాధించాం. ఫలితంగా మా ఆత్మవిశ్వాసం మరింత పెరిగింది. సూర్యకుమార్‌ యాదవ్‌ లాంటి అనుభవజ్ఞుడైన ఆటగాడి నుంచి మేము ఏం ఆశిస్తామో.. ఈరోజు అదే అతడు చేసి చూపించాడు.కఠినమైన పిచ్‌పై తనదైన శైలిలో రాణించి విజయాన్ని అందించాడు’’ అని రోహిత్‌ శర్మ చెప్పుకొచ్చాడు. సమిష్టి కృషితో సూపర్‌-8కు అర్హత సాధించడం సంతోషంగా ఉందని హర్షం వ్యక్తం చేశాడు.టీ20 ప్రపంచకప్‌-2024: ఇండియా వర్సెస్‌ యూఎస్‌ఏ స్కోర్లు👉వేదిక: న్యూయార్క్‌👉టాస్‌: ఇండియా బౌలింగ్‌👉యూఎస్‌ఏ స్కోరు- 110/8 (20)👉ఇండియా స్కోరు- 111/3 (18.2)👉ఫలితం- ఏడు వికెట్ల తేడాతో యూఎస్‌ఏపై ఇండియా విజయం👉ప్లేయర్‌ ఆఫ్‌ ది మ్యాచ్‌: అర్ష్‌దీప్‌ సింగ్‌(4/9).చదవండి: రూ. 250 కోట్లు.. బ్యాటర్లకు చుక్కలే! కూల్చేయనున్న ఐసీసీ? View this post on Instagram A post shared by ICC (@icc)

టీ20 ప్రపంచకప్‌-2024లో ముందుకు సాగే క్రమంలో టీమిండియా హ్యాట్రిక్‌ విజయంపై కన్నేసింది. ఆతిథ్య అమెరికాను ఓడించి గ్రూప్‌-ఏ నుంచి సగర్వంగా సూపర్‌-8లో అడుగుపెట్టాలని పట్టుదలగా ఉంది.కాగా పసికూనే అయినా అమెరికాను తక్కువ అంచనా వేస్తే ఫలితాలు ఎలా ఉంటాయనేది ఇప్పటికే పాకిస్తాన్‌కు అవగతమైన విషయం తెలిసిందే. మినీ ఇండియాగా పేరొందిన యూఎస్‌ఏ జట్టు చేతిలో పాక్‌ ఓడి(సూపర్‌ ఓవర్‌) భారీ మూల్యమే చెల్లించింది.టీమిండియాతో సమానంగా ఉన్న అమెరికాకెనడా సైతం అమెరికా చేతిలో చిత్తుగా ఓడి పాక్‌తో పాటు సూపర్‌-8 అవకాశాలను సంక్లిష్టం చేసుకుంది. ఈ నేపథ్యంలో రెండు విజయాలతో టీమిండియాతో సమానంగా ఉన్న అమెరికా.. నెట్‌ రన్‌రేటు పరంగా వెనుకబడి ప్రస్తుతం రెండో స్థానంలో ఉంది. ప్రాక్టీస్‌ సెషన్‌కు రోహిత్‌, కోహ్లి డుమ్మా.. కారణం?ఇక టీమిండియా- అమెరికా మ్యాచ్‌కు న్యూయార్క్‌లోని నసావూ కౌంటీ స్టేడియం వేదిక కానుంది. బుధవారం రాత్రి జరుగనున్న ఈ మ్యాచ్‌ కోసం టీమిండియా ప్రాక్టీస్‌ చేయగా.. కెప్టెన్‌ రోహిత్‌ శర్మతో పాటు స్టార్‌ బ్యాటర్లు విరాట్‌ కోహ్లి, సూర్యకుమార్‌ యాదవ్‌ డుమ్మా కొట్టినట్లు సమాచారం.పాకిస్తాన్‌పై విజయం తర్వాత రోహిత్‌ శర్మ బ్రేక్‌ తీసుకోగా.. కోహ్లి సైతం విశ్రాంతి తీసుకున్నట్లు తెలుస్తోంది. ఇక యూఎస్‌ఏతో మ్యాచ్‌కు ముందు జరిగిన ట్రెయినింగ్‌ సెషన్‌ ఆప్షనల్‌ కాబట్టి సూర్య కూడా దూరంగా ఉన్నట్లు వార్తలు వినిపిస్తున్నాయి. అయితే, వీరంతా జట్టుతో కలిసి ఫీల్డింగ్‌ ప్రాక్టీస్‌ చేసిన వీడియోను బీసీసీఐ షేర్‌ చేయడం గమనార్హం.టీమిండియా తదుపరి మ్యాచ్‌లు ఇవే కాగా పాకిస్తాన్‌, కెనడా, ఐర్లాండ్‌, యూఎస్‌ఏలతో పాటు గ్రూప్‌-ఏలో ఉన్న భారత జట్టు.. ఇప్పటికే ఐర్లాండ్‌, పాకిస్తాన్‌లను చిత్తు చేసింది. తదుపరి బుధవారం యూఎస్‌ఏతో.. అనంతరం శనివారం కెనడాతో తలపడనుంది.ఇదిలా ఉంటే.. వరల్డ్‌కప్‌-2024లో ఇప్పటి వరకు ఆడిన రెండు మ్యాచ్‌లలో రోహిత్‌ శర్మ(ఐర్లాండ్‌పై 52(రిటైర్డ్‌ హర్ట్‌), పాకిస్తాన్‌పై 13) ఫర్వాలేదనిపించగా.. విరాట్‌ కోహ్లి(1, 4), సూర్యకుమార్‌ యాదవ్‌(2, 7 ) మాత్రం పూర్తిగా నిరాశపరిచారు.చదవండి: అనుకున్నది సాధించలేకపోయాం.. కారణం అదే: బాబర్‌ ఆజంFielding drills ✅Target 🎯 hitting with match intensity ✅#T20WorldCup | #TeamIndia | #INDvUSAWATCH 🎥 🔽https://t.co/DlNDWYcgvL— BCCI (@BCCI) June 12, 2024

టీ20 ప్రపంచకప్‌-2024 నేపథ్యంలో టీమిండియా మాజీ క్రికెటర్‌ ఇర్ఫాన్‌ పఠాన్‌ ఆసక్తికర వ్యాఖ్యలు చేశాడు. భారత జట్టుకు ప్రస్తుతం ఆల్‌రౌండర్ల అవసరం ఎక్కువగా ఉందని పేర్కొన్నాడు.తానే గనుక కోచ్‌ అయి ఉంటే ప్రతీ బ్యాటర్‌.. కచ్చితంగా కొన్ని ఓవర్లపాటైనా బౌలింగ్‌ చేయాలనే నిబంధన ప్రవేశపెట్టేవాడని ఇర్ఫాన్‌ పఠాన్‌ తెలిపాడు. 2007 టీ20, 2011 వరల్డ్‌కప్‌ ఈవెంట్లలో టీమిండియా ఇలాగే విజయాలు సాధించిందని పేర్కొన్నాడు.సచిన్‌ టెండుల్కర్‌, యువరాజ్‌ సింగ్‌, సురేశ్‌ రైనా తదితరులు బ్యాటింగ్‌తో పాటు బౌలింగ్‌లోనూ తమ వంతు పాత్ర పోషించారని ఇర్ఫాన్‌ పఠాన్‌ గుర్తుచేశాడు. కాగా ప్రపంచకప్‌-2024లో జూన్‌ 5న టీమిండియా ఐర్లాండ్‌తో తమ తొలి మ్యాచ్‌ ఆడనుంది.ఈ నేపథ్యంలో భారత తుదిజట్టు కూర్పు జరుగుతున్న తరుణంలో ఇర్ఫాన్‌ పఠాన్‌ స్టార్‌ స్పోర్ట్స్‌ షోలో తన అభిప్రాయాలు పంచుకున్నాడు. ‘‘నేనే గనుక టీమిండియా కోచ్‌ అయితే.. ప్రతి బ్యాటర్‌ కూడా జట్టుకు అవసరమైన సమయంలో బౌలింగ్‌ చేయగలిగే స్థితిలో ఉండాలనే రూల్‌ పెడతా.ఇంగ్లండ్‌ జట్టులో లియామ్‌ లివింగ్‌స్టోన్‌, మొయిన్‌ అలీ, విల్‌ జాక్స్‌ తదితరులు బౌలింగ్‌ కూడా చేస్తారు. ఫ్రంట్‌లైన్‌ బౌలర్లతో పాటు వాళ్లు కూడా రాణిస్తారు.కానీ మన జట్టు పరిస్థితి అలా కాదు. రోహిత్‌ శర్మ, విరాట్‌ కోహ్లి, సూర్యకుమార్‌ యాదవ్‌ వంటి ప్యూర్‌ బ్యాటర్లు అస్సలు బౌలింగ్‌ చేయరు. కాబట్టి మిగతా వాళ్లతో పోలిస్తే మన జట్టు వెనుకబడినట్లే.ఈ ముగ్గురిలో ఒక్కరు బౌలింగ్‌ చేసినా జట్టుకు ఉపయోగకరంగా ఉంటుంది. అలాంటపుడు తుదిజట్టు కూర్పులో మనకు ఎక్కువ ఆప్షన్స్‌ కనిపిస్తాయి’’ అని ఇర్ఫాన్‌ పఠాన్‌ చెప్పుకొచ్చాడు. నలుగురు ఫ్రంట్‌లైన్‌ బౌలర్లతో పాటు అక్షర్‌ పటేల్‌, శివం దూబే, హార్దిక్‌ పాండ్యా వంటి వారిలో ఒకరు పూర్తిస్థాయిలో బౌలింగ్‌ చేస్తే జట్టుకు ప్రయోజనకరంగా ఉంటుందని పేర్కొన్నాడు.వరల్డ్‌కప్‌-2024: టీమిండియారోహిత్ శర్మ (కెప్టెన్), హార్దిక్ పాండ్యా, యశస్వి జైస్వాల్, విరాట్ కోహ్లి, సూర్యకుమార్ యాదవ్, రిషబ్ పంత్, సంజూ శాంసన్, శివమ్ దూబే, రవీంద్ర జడేజా, అక్షర్ పటేల్, కుల్దీప్ యాదవ్, యజువేంద్ర చహల్, అర్ష్‌దీప్‌ సింగ్, జస్ప్రీత్ బుమ్రా, మహ్మద్‌ సిరాజ్.. రిజర్వ్ ప్లేయర్లు: శుబ్‌మన్‌ గిల్, రింకు సింగ్, ఖలీల్ అహ్మద్, అవేశ్ ఖాన్.చదవండి: Babar Azam: దమ్ముంటే వరల్డ్‌కప్‌ గెలవండి: బాబర్‌కు పాక్‌ మాజీ బ్యాటర్‌ సవాల్‌

టీమిండియా ఆల్‌రౌండర్‌ అక్షర్‌ పటేల్‌ ఐసీసీ ర్యాంకింగ్స్‌లో దుమ్ములేపాడు. టీ20 మెన్స్‌ ర్యాంకింగ్స్‌ ఈ లెఫ్టార్మ్‌ స్పిన్నర్‌ ​తొలిసారిగా మూడో స్థానం సంపాదించాడు. బౌలర్ల జాబితాలో ఇంగ్లండ్‌ స్టార్‌ ఆదిల్‌ రషీద్‌, శ్రీలంక కీలక ఆటగాడు వనిందు హసరంగ తర్వాతి స్థానం ఆక్రమించాడు.వెస్టిండీస్‌ లెఫ్టార్మ్‌ స్పిన్నర్‌ అకీల్‌ హొసేన్‌ సౌతాఫ్రికాతో సిరీస్‌లో తేలిపోవడంతో ఐదు స్థానాలు దిగజారగా.. అతడి స్థానాన్ని అక్షర్‌ పటేల్‌ భర్తీ చేశాడు. ఇక టీమిండియా నుంచి మరో స్పిన్నర్‌ రవి బిష్ణోయి టాప్‌-5లో చోటు దక్కించుకోవడం విశేషం.ఐసీసీ టీ20 మెన్స్‌ తాజా బౌలింగ్‌ ర్యాంకింగ్స్‌ టాప్‌-51. ఆదిల్‌ రషీద్‌- ఇంగ్లండ్‌- 722 రేటింగ్‌ పాయింట్లు2. వనిందు హసరంగ- శ్రీలంక- 687 రేటింగ్‌ పాయింట్లు3. అక్షర్‌ పటేల్‌- ఇండియా- 660 రేటింగ్‌ పాయింట్లు4. మహీశ్‌ తీక్షణ- శ్రీలంక- 659 రేటింగ్‌ పాయింట్లు5. రవి బిష్ణోయి- ఇండియా- 659 రేటింగ్‌ పాయింట్లు.మనోడే మళ్లీ నంబర్‌ వన్‌ బౌలర్ల సంగతి ఇలా ఉంటే.. టీ20 బ్యాటర్ల జాబితాలో టీమిండియా స్టార్‌ సూర్యకుమార్‌ యాదవ్‌ తన అగ్రస్థానాన్ని నిలబెట్టుకున్నాడు. అదే విధంగా టాప్‌-6 ఆటగాళ్లంతా తమ తమ స్థానాల్లో కొనసాగుతుండగా.. ఇంగ్లంఢ్‌ సారథి జోస్‌ బట్లర్‌ ఒక ర్యాంకు మెరుగుపరచుకుని ఏడో స్థానానికి చేరుకున్నాడు.ఇక వెస్టిండీస్‌ స్టార్‌ బ్రాండన్‌ కింగ్‌ ఏకంగా ఐదుస్థానాలు ఎగబాకి ఎనిమిదో ర్యాంకు సాధించాడు.ఐసీసీ మెన్స్‌ టీ20 తాజా బ్యాటింగ్‌ ర్యాంకింగ్స్‌ టాప్‌-51. సూర్యకుమార్‌ యాదవ్‌- ఇండియా- 861 పాయింట్లు2. ఫిల్‌ సాల్ట్‌- ఇంగ్లండ్‌- 788 పాయింట్లు3. మహ్మద్‌ రిజ్వాన్‌- పాకిస్తాన్‌- 769 పాయింట్లు4. బాబర్‌ ఆజం- పాకిస్తాన్‌- 761 పాయింట్లు5. ఐడెన్‌ మార్క్రమ్‌- సౌతాఫ్రికా- 733 పాయింట్లు.చదవండి: Hardik-Natasa: ఇక్కడ బాగుంది.. హార్దిక్‌ పాండ్యా పోస్ట్‌ వైరల్‌

‘‘ముంబై ఇండియన్స్‌ స్టార్‌ ఆటగాళ్లతో కూడిన జట్టు. నేను పదేళ్ల పాటు ఆ జట్టుకు ఆడాను. ముంబై మేనేజ్‌మెంట్‌ టీమ్‌ను చాలా బాగా చూసుకుంటుంది. అయితే, ఈసారి వాళ్లు తీసుకున్న నిర్ణయం బెడిసికొట్టింది. భవిష్యత్తును దృష్టిలో పెట్టుకునే వారు కెప్టెన్‌ను మార్చారు. కానీ.. వాళ్లు అనుకున్నట్లుగా ఏదీ జరుగలేదు.జట్టు ఏకతాటిపై ఉన్నట్లు కనిపించలేదు. ఎవరికి వారే అన్నట్లు విడివిడిగా ఉన్నట్లు అనిపించింది. ముంబై లాంటి జట్టు ఇలా పేలవంగా ఆడటం నన్ను బాధించింది.కెప్టెన్‌ను మార్చాలనే నిర్ణయం సరైందే అయినా.. అందుకు మరో ఏడాది వేచి చూడాల్సింది. ఇందులో హార్దిక్‌ పాండ్యా తప్పేం లేదు. గుజరాత్‌ టైటాన్స్‌లో ఉన్నపుడు అతడి కెప్టెన్సీ అద్భుతంగా ఉంది.నిజానికి.. కెప్టెన్‌ ఎవరైనా.. సీనియర్లంతా కలిసి జట్టును ఒక్కటిగా ఉంచాల్సింది. కెప్టెన్లు వస్తారూ.. పోతారు. జట్టు మాత్రం ఒక్కతాటిపై ఉండాలి కదా!ఈసారి వాళ్లు జట్టులా ఆడినట్లు ఏ కోశానా కనిపించలేదు’’ అని టీమిండియా స్పిన్‌ దిగ్గజం హర్భజన్‌ సింగ్‌ అన్నాడు. ఐపీఎల్‌-2024లో ముంబై ఇండియన్స్‌ దారుణ వైఫల్యం పట్ల విచారం వ్యక్తం చేశాడు.కాగా ఈ సీజన్‌ ఆరంభానికి ముందు ముంబై ఇండియన్స్‌ రోహిత్‌ శర్మను కెప్టెన్సీ నుంచి తప్పించి.. గుజరాత్‌ టైటాన్స్‌ నుంచి ట్రేడ్‌ చేసుకున్న హార్దిక్‌ పాండ్యాకు పగ్గాలు అప్పగించింది. దీంతో సొంత జట్టు అభిమానుల నుంచే తీవ్ర విమర్శలు ఎదుర్కొంది.అదే విధంగా హార్దిక్‌ పాండ్యాకు సైతం స్టేడియంలో, సోషల్‌ మీడియాలో అభిమానుల ఆగ్రహ జ్వాలల సెగ తగిలింది. అందుకు తగ్గట్లుగానే ముంబై వరుస మ్యాచ్‌లలో ఓడిపోవడం.. ఆఖరికి ప్లే ఆఫ్స్‌ రేసు నుంచి నిష్క్రమించిన తొలి జట్టుగా నిలవడంతో ఫ్యాన్స్‌ మరోసారి రెచ్చిపోయారు.ఇక ఓవరాల్‌గా ఈ ఎడిషన్‌లో ముంబై ఆడిన పద్నాలుగింట కేవలం నాలుగు మాత్రమే గెలిచి పాయింట్ల పట్టికలో అట్టడుగున నిలిచింది. ఈ పరిణామాల నేపథ్యంలో ముంబై ఇండియన్స్‌ మాజీ కెప్టెన్‌ హర్భజన్‌ సింగ్‌ వార్తా సంస్థ ANIతో మాట్లాడుతూ పైవిధంగా స్పందించాడు.జట్టు రెండు వర్గాలుగా విడిపోవడానికి సీనియర్లే కారణమంటూ పరోక్షంగా రోహిత్‌ శర్మ, జస్‌ప్రీత్‌ బుమ్రా, సూర్యకుమార్‌ యాదవ్‌లను టార్గెట్‌ చేశాడు. హార్దిక్‌ పాండ్యాకు మద్దతు తెలిపే క్రమంలో భజ్జీ జట్టు వైఫల్యాలకు సీనియర్లను బాధ్యులుగా చూపే ప్రయత్నం చేశాడు.చదవండి: KKR vs SRH: ప్రమాదకారి.. ఫైనల్‌ చేరే తొలి జట్టు ఇదే: పాక్‌ లెజెండ్‌#WATCH | On Hardik Pandya's captaining Mumbai Indians in IPL 2024, former Indian cricketer Harbhajan Singh says "I have played with Mumbai Indians for 10 years. The team management is great but this decision has backfired them. The management was thinking about the future while… pic.twitter.com/pGNW5gIRF5— ANI (@ANI) May 21, 2024

ఐపీఎల్‌-2024లో ముంబై ఇండియన్స్ ‘స్టార్’‌ క్రికెటర్ల ఆట తీరుపై టీమిండియా మాజీ ఓపెనర్‌ వీరేంద్ర సెహ్వాగ్‌ విమర్శలు గుప్పించాడు. వచ్చే ఏడాది వేలంలో సోకాల్డ్‌ ‘స్టార్ల’ను వదిలేయాలని మేనేజ్‌మెంట్‌కు సూచించాడు.కాగా ముంబై ఇండియన్స్‌లో స్టార్‌ ఆటగాళ్లకు కొదవలేదు. టీమిండియా కెప్టెన్‌ రోహిత్‌ శర్మ సహా ఆల్‌రౌండర్‌ హార్దిక్‌ పాండ్యా, ప్రధాన పేసర్‌ జస్‌ప్రీత్‌ బుమ్రా, టీ20 వరల్డ్‌ నంబర్‌ వన్‌ స్టార్‌ సూర్యకుమార్ యాదవ్‌తో పాటు యంగ్‌ ఓపెనర్‌ ఇషాన్‌ కిషన్‌ తదితరులు ఉన్నారు.ఇక రోహిత్‌ శర్మ ఈ జట్టుకు ఐదుసార్లు ట్రోఫీ అందించినా.. ఐపీఎల్‌-2024 సీజన్‌లో కెప్టెన్‌గా అతడిని తప్పించింది యాజమాన్యం. గుజరాత్‌ టైటాన్స్‌ నుంచి ట్రేడ్‌ చేసుకున్న పాండ్యాకు పగ్గాలు అప్పగించింది.రెండు వర్గాలుగా విడిపోయిన జట్టు?ఈ నేపథ్యంలో వేదనకు గురైన రోహిత్‌ శర్మతో పాటు బుమ్రా, సూర్య తదితరులు ఒక బృందంగా.. పాండ్యా, ఇషాన్‌లతో కూడిన మరికొందరు మరో బృందంగా ఏర్పడ్డారని.. జట్టులో విభేదాలు తారస్థాయికి చేరాయనే వార్తలు వినిపిస్తున్నాయి.జట్టు ప్రదర్శనపై ఇది ప్రభావం చూపిందని.. అందుకే ఈ సీజన్‌లో ప్లే ఆఫ్స్‌ రేసు నుంచి నిష్క్రమించిన తొలి జట్టుగా ముంబై నిలిచిందనే విమర్శలు వస్తున్నాయి. ఇక ఈ ఎడిషన్‌ లీగ్‌ దశలో తమ ఆఖరి మ్యాచ్‌లో భాగంగా ముంబై శుక్రవారం లక్నో సూపర్‌ జెయింట్స్‌తో తలపడనుంది.ఈ నేపథ్యంలో వీరేంద్ర సెహ్వాగ్‌ ముంబై మేనేజ్‌మెంట్‌ను ఉద్దేశించి కీలక వ్యాఖ్యలు చేశాడు. 2025 వేలానికి ముందే రోహిత్‌ శర్మ, హార్దిక్‌ పాండ్యా, ఇషాన్‌ కిషన్‌లను వదిలేయాలని సూచించాడు.షారుఖ్‌, సల్మాన్‌, ఆమిర్‌ ఉంటే సరిపోదుఇందుకు సినిమాను ఉదాహరణగా ప్రస్తావిస్తూ ఈ మేరకు ‘‘షారుఖ్‌ ఖాన్‌, సల్మాన్‌ ఖాన్‌, ఆమిర్‌ ఖాన్‌ కలిసి ఒకే సినిమాలో నటించినా.. అది హిట్టవుతుందనే గ్యారెంటీ లేదు. సినిమాలో స్టార్లు ఉన్నంత మాత్రాన సరిపోదు.మంచి స్క్రిప్టు ఉండాలి. అందరూ బాగా నటించగలగాలి. ఇలా ఇంకెన్నో అంశాలు కలిసిరావాలి. అలాగే జట్టులో పేరున్న ఆటగాళ్లు ఉన్నంత మాత్రాన సరిపోదు.అసలు రోహిత్‌ శర్మ ఏం చేశాడు?మైదానంలో వాళ్లు సరిగ్గా ఆడితేనే అనుకున్న ఫలితాలు వస్తాయి. రోహిత్‌ శర్మ ఒక్క మ్యాచ్‌లో సెంచరీ చేశాడు. కానీ ఆ మ్యాచ్‌లో ముంబై ఓడిపోయింది. మరి మిగతా మ్యాచ్‌లలో అతడి ప్రదర్శన మాటేమిటి?ఇక ఇషాన్‌ కిషన్‌.. ఈ సీజన్‌ మొత్తంలో ఒక్కసారి కూడా కనీసం పవర్‌ ప్లే ముగిసే వరకైనా ఉన్నాడా?.. నా దృష్టిలో ముంబై ఇండియన్స్‌ కేవలం జస్‌ప్రీత్‌ బుమ్రా, సూర్యకుమార్‌ యాదవ్‌లనే నమ్ముకోవాలిక! వీళ్లిద్దరిని మాత్రమే రిటైన్‌ చేసుకోవాలివచ్చే సీజన్‌ కోసం వీళ్లిద్దరిని మాత్రమే రిటైన్‌ చేసుకుంటే బాగుంటుంది. మిగతా వాళ్లు అసలు అవసరమే లేదు’’ అని సెహ్వాగ్‌ ఘాటు వ్యాఖ్యలు చేశాడు. కాగా ఈ సీజన్‌లో ముంబై ఓపెనర్లు రోహిత్‌ శర్మ 349, ఇషాన్‌ కిషన్‌ 306 పరుగులు చేశారు. మరోవైపు గాయం కారణంగా ఆలస్యంగా ఎంట్రీ ఇచ్చిన సూర్యకుమార్‌ 345 పరుగులు సాధించాడు. ఇక బుమ్రా 20 వికెట్లు తీయగా.. ఆల్‌రౌండర్‌ హార్దిక్‌ పాండ్యా 11 వికెట్లు తీయడంతో పాటు 200 పరుగులు చేశాడు. చదవండి: Kavya Maran- SRH: కేన్‌ మామను హత్తుకున్న కావ్యా.. వీడియో వైరల్‌అతడి కంటే చెత్త కెప్టెన్‌ ఇంకొకరు లేరు.. పైగా హార్దిక్‌ను అంటారా?.. గంభీర్‌ ఫైర్‌

మైదానంలో ఉన్నంత సేపు ప్రత్యర్థులు.. ఒక్కసారి ఆట ముగియగానే స్నేహితులు.. దాదాపు క్రీడాకారులంతా ఇలాగే ఉంటారు. ముఖ్యంగా లీగ్‌ క్రికెట్‌లో ఇలాంటి దృశ్యాలు ఎక్కువగా కనబడుతూ ఉంటాయి.ఐపీఎల్‌-2024లో భాగంగా సోమవారం ముంబై ఇండియన్స్‌- సన్‌రైజర్స్‌ హైదరాబాద్‌ మధ్య మ్యాచ్‌ సందర్భంగా ఇలాంటి దృశ్యం ఆవిష్కృతమైంది. సన్‌రైజర్స్‌ కెప్టెన్‌ ప్యాట్‌ కమిన్స్‌, ముంబై ఇండియన్స్‌ కెప్టెన్‌ హార్దిక్‌ పాండ్యా, విధ్వంసకర బ్యాటర్‌ సూర్యకుమార్‌ యాదవ్‌తో ముచ్చటించాడు.పరస్పరం ఆప్యాయంగా పలకరించుకుని ముచ్చట్లలో మునిగిపోయిన వేళ.. కమిన్స్‌ తన వేలి గాయం గురించి పాండ్యా, సూర్యలకు చెప్పాడు. తన కుడిచేతి మధ్యవేలు ముందరి భాగం చిన్నప్పుడే విరిగిపోయిందని కమిన్స్‌ చెప్పగానే వాళ్లిద్దరు ఆశ్చర్యంతో నోరెళ్లబెట్టారు.ముఖ్యంగా హార్దిక్‌ పాండ్యా అయితే.. ‘‘అయ్యె అవునా?’’ అన్నట్లుగా షాకింగ్‌ రియాక్షన్‌ ఇచ్చాడు. సాటి ఫాస్ట్‌ బౌలర్‌గా కమిన్స్‌ కష్టాన్ని తెలుసుకుని సానుభూతి వ్యక్తం చేశాడు. ఇందుకు సంబంధించిన వీడియో నెట్టింట వైరల్‌గా మారింది.కాగా రైటార్మ్‌ పేసర్‌ అయిన ప్యాట్‌ కమిన్స్‌ 2011లో అంతర్జాతీయ క్రికెట్‌లో అడుగుపెట్టాడు‌. ఈ సందర్భంగా.. ‘‘నాకు నాలుగేళ్ల వయసున్నపుడు.. డోర్ మధ్య వేలు ఇరుక్కోవడంతో పైభాగంలో సెంటీమీటర్‌ మేర విరిగిపోయింది. అయినా.. నా బౌలింగ్‌ యాక్షన్‌పై ఎలాంటి ప్రభావం పడలేదు.ఎందుకంటే నా వేళ్లు అన్నీ దాదాపుగా ఒకే లెంగ్త్‌తో ఉంటాయి. ఈ విషయంలో ఇప్పటికీ నా సోదరి బాధపడుతూనే ఉంటుంది. ఎందుకంటే తనే డోర్‌ వేసింది’’ అని కమిన్స్‌ తెలిపాడు. అదన్న మాట సంగతి!ఇక మ్యాచ్‌ విషయానికొస్తే.. సోమవారం నాటి మ్యాచ్‌లో ముంబై సన్‌రైజర్స్‌ను ఓడించింది. సూర్యకుమార్‌ యాదవ్‌ వీరోచిత అజేయ శతకం(51 బంతుల్లో 102)తో రాణించి ముంబై ఇండియన్స్‌ను గెలిపించాడు. ఈ మ్యాచ్‌లో కమిన్స్‌ బ్యాట్‌(17 బంతుల్లో 35)తో రాణించడమే గాక ఒక వికెట్‌ కూడా తీశాడు. మరోవైపు హార్దిక్‌ పాండ్యా మూడు కీలక వికెట్లు తీసి సన్‌రైజర్స్‌ ఓటమిలో సూర్యతో పాటు తానూ కీలక పాత్ర పోషించాడు.చదవండి: T20 WC: ద్రవిడ్‌, రోహిత్‌కు నచ్చకపోవచ్చు.. కానీ నా సలహా ఇదే!Pat Cummins must be telling about how he lost the top of his middle finger on his dominant right hand when his sister accidentally slammed a door on it. Hardik's reaction 😱 pic.twitter.com/oinHeW99mn— 𝗔𝗱𝗶𝘁𝘆𝗔 (@StarkAditya_) May 7, 2024

టీ20 వరల్డ్‌కప్‌-2024 నేపథ్యంలో టీమిండియా కూర్పు గురించి వెస్టిండీస్‌ దిగ్గజం బ్రియన్‌ లారా కీలక వ్యాఖ్యలు చేశాడు. టీ20 ప్రపంచ నంబర్‌ వన్‌ స్టార్‌ సూర్యకుమార్‌ యాదవ్‌ను టాపార్డర్‌కు ప్రమోట్‌ చేయాలని సూచించాడు.తన సూచన టీమిండియా హెడ్‌కోచ్‌ రాహుల్‌ ద్రవిడ్‌, కెప్టెన్‌ రోహిత్‌ శర్మకు నచ్చకపోవచ్చని.. అయితే, జట్టు ప్రయోజనాల కోసమే తాను ఈ సలహా ఇస్తున్నానని లారా పేర్కొన్నాడు. కాగా జూన్‌ 1 నుంచి అమెరికా- వెస్టిండీస్‌ వేదికగా ఐసీసీ టోర్నీ ఆరంభం కానున్న విషయం తెలిసిందే.ఇందులో భాగంగా జూన్‌ 5న భారత జట్టు తమ తొలి మ్యాచ్‌ ఆడనుంది. ఐర్లాండ్‌తో మ్యాచ్‌తో తాజా వరల్డ్‌కప్‌లో తమ ప్రయాణం మొదలుపెట్టనుంది. ఈ నేపథ్యంలో రోహిత్‌ శర్మ సారథ్యంలో పదిహేను మంది సభ్యులతో కూడిన జట్టును బీసీసీఐ ఇప్పటికే ప్రకటించింది.ఒంటిచేత్తో జట్టును గెలిపించిఇదిలా ఉంటే.. గాయం నుంచి కోలుకున్న తర్వాత ఐపీఎల్‌-2024 బరిలో దిగిన ముంబై ఇండియన్స్‌ స్టార్‌ సూర్యకుమార్‌ ఆరంభంలో తడబడ్డాడు. అయితే, త్వరగానే తిరిగి ఫామ్‌ అందుకున్న స్కై.. ఆఖరిగా సన్‌రైజర్స్ హైదరాబాద్‌తో మ్యాచ్‌లో దుమ్ములేపాడు.నాలుగో స్థానంలో బ్యాటింగ్‌కు దిగి 51 బంతుల్లోనే 12 ఫోర్లు, ఆరు సిక్స్‌ల సాయంతో 102 పరుగులతో అజేయంగా నిలిచాడు. ఒంటిచేత్తో జట్టును గెలిపించాడు. కాగా సూర్య సాధారణంగా మిడిలార్డర్‌లోనే బ్యాటింగ్‌కు వస్తాడన్న విషయం తెలిసిందే.అయితే, టీ20 ప్రపంచకప్‌-2022 తర్వాత వన్‌డౌన్‌ బ్యాటర్‌ విరాట్‌ కోహ్లి అంతర్జాతీయ పొట్టి ఫార్మాట్‌కు దూరంగా ఉన్న సమయంలో మూడో స్థానంలో దిగాడు సూర్య. అలా 14 ఇన్నింగ్స్‌ ఆడి 479 పరుగులు చేశాడు. ఇందులో ఓ సెంచరీ, నాలుగు అర్ధ శతకాలు ఉండటం విశేషం.మూడో నంబర్‌లోనే ఆడించాలిఇక నాలుగో స్థానంలో ఓవరాల్‌గా టీమిండియా తరఫున ఇప్పటి వరకు 35 ఇన్నింగ్స్‌ ఆడిన సూర్య 1402 పరుగులు సాధించాడు. ఈ నేపథ్యంలో బ్రియన్‌ లారా ఆసక్తికర విశ్లేషణతో ముందుకు వచ్చాడు.‘‘టీమిండియా మేనేజ్‌మెంట్‌కు నచ్చుతుందో లేదో గానీ నా సలహా మాత్రం ఇదే. సూర్యను మూడో నంబర్‌లోనే బ్యాటింగ్‌కు పంపాలి. వన్‌డౌన్‌లోనే అతడు ఆడాలి.టాపార్డర్‌లో ఆడటమే సరైందిటీ20 అత్యుత్తమ ప్లేయర్లలో సూర్య ఒకడు. సర్‌ వివియన్‌ రిచర్డ్స్‌లాంటి వాళ్లతో మాట్లాడితే.. తాను మిడిలార్డర్‌లో బ్యాటింగ్‌ చేయడం ప్రయోజనకరంగా ఉంటుందని చెబుతారు.అలాగే స్కై కూడా టాపార్డర్‌లో ఆడటమే సరైందని నేను భావిస్తాను. అతడు ఎలాగూ ఓపెనర్‌ కాదు.. కాబట్టి కనీసం మూడో స్థానంలోనైనా పంపిస్తే బాగుంటుంది.10- 15 ఓవర్ల పాటు సూర్య క్రీజులో ఉంటే ఏం జరుగుతుందో మనకి తెలిసిందే. తొలుత బ్యాటింగ్‌ చేసినా.. లక్ష్య ఛేదనలో అయినా సూర్య వన్‌డౌన్‌లో వస్తే ప్రయోజనకరం.కోహ్లి త్యాగం చేయాలికాబట్టి కోహ్లి నాలుగో స్థానంలో బ్యాటింగ్‌ చేస్తే బెటర్‌. సూర్య స్టార్‌ టీ20 ప్లేయర్‌ కాబట్టి అతడి కోసం తన స్థానం త్యాగం చేయాలి’’ అని బ్రియన్‌ లారా చెప్పుకొచ్చాడు. కాగా టీ20 ప్రపంచకప్‌-2024లో కెప్టెన్‌ రోహిత్‌ శర్మతో పాటు కోహ్లి ఓపెనింగ్‌ చేయనున్నాడన్న వార్తల నడుమ బ్రియన్‌ లారా ఈ మేరకు వ్యాఖ్యలు చేయడం గమనార్హం.చదవండి: SRH vs LSG: ఉప్పల్‌ మ్యాచ్‌కు వెళ్తున్న వారికి అలర్ట్‌! ప్రత్యేకంగా మీకోసమే..

ఐపీఎల్‌-2024లో ముంబై ఇండియన్స్‌ నాలుగో విజయం నమోదు చేసింది. సన్‌రైజర్స్ హైదరాబాద్‌తో సోమవారం నాటి మ్యాచ్‌లో ఏడు వికెట్ల తేడాతో గెలిచి పాయింట్ల పట్టికలో తొమ్మిదో స్థానానికి చేరుకుంది. ‌‌స్టార్‌ బ్యాటర్‌ సూర్యకుమార్‌ యాదవ్ అద్భుత ఇన్నింగ్స్‌ వల్లే ముంబైకి ఈ గెలుపు సాధ్యమైంది.తద్వారా ఈ సీజన్‌లో ప్లే ఆఫ్స్‌ నుంచి నిష్క్రమించే తొలి జట్టుగా అపఖ్యాతి మూటగట్టుకునే ప్రమాదం నుంచి ముంబై తప్పించుకోగలిగింది. ఈ నేపథ్యంలో ఆ జట్టు కెప్టెన్‌ హార్దిక్‌ పాండ్యా హర్షం వ్యక్తం చేశాడు.సూర్యలాంటి విధ్వంసకర బ్యాటర్‌ తమ జట్టులో ఉండటం అదృష్టమంటూ అతడిని కొనియాడాడు. అదే విధంగా.. విజయానంతరం కామెంటేటర్ సంజయ్‌ మంజ్రేకర్‌ నుంచి ఎదురైన ప్రశ్నకు ‌హార్దిక్‌ తనదైన శైలిలో సమాధానమిచ్చాడు.ప్లే ఆఫ్స్‌ రేసులో ఉన్నారా?ప్లే ఆఫ్స్‌ రేసు గురించి మంజ్రేకర్‌ ప్రస్తావించగా.. ‘‘మీరు ఏ సమీకరణల గురించి మాట్లాడుతున్నారో నాకు తెలియదు. అయితే, మేము ఇంకాస్త మెరుగ్గా ఆడాలని అనుకుంటున్నాం’’ అని హార్దిక్‌ బదులిచ్చాడు.ఇక సన్‌రైజర్స్‌తో మ్యాచ్‌ ఫలితం గురించి మాట్లాడుతూ.. ‘‘మేము 10- 15 పరుగులు అదనంగా సమర్పించుకున్నాం. ఏదేమైనా మా బ్యాటర్లు అత్యద్భుతంగా ఆడారు. ఇక నేను కూడా ఈరోజు మెరుగ్గా బౌలింగ్‌ చేయగలిగాను.అత్యుత్తమ బ్యాటర్‌పరిస్థితులకు అనుగుణంగా నా వ్యూహాలను అమలు చేయగా సత్ఫలితాలు వచ్చాయి. ఇక ‘స్కై’ గురించి చెప్పేదేముంది. తనలోని అత్యుత్తమ బ్యాటర్‌ మరోసారి బయటకు వచ్చాడు.ప్రత్యర్థి జట్టు బౌలర్లను ఒత్తిడిలో కూరుకుపోయేలా చేశాడు. ఆత్మవిశ్వాసంతో అతడు బ్యాటింగ్‌ చేసిన తీరు మ్యాచ్‌ స్వరూపాన్నే మార్చి వేసింది. ఒంటిచేత్తో జట్టును గెలిపించగల సత్తా అతడి సొంతం’’ అని సూర్యకుమార్‌ యాదవ్‌పై హార్దిక్‌ పాండ్యా ప్రశంసలు కురిపించాడు.ముంబై వర్సెస్‌ హైదరాబాద్‌ స్కోర్లు:👉వేదిక: వాంఖడే, ముంబై👉టాస్‌: ముంబై.. బౌలింగ్‌👉హైదరాబాద్‌ స్కోరు: 173/8 (20)👉ముంబై స్కోరు: 174/3 (17.2)👉ఫలితం: ఏడు వికెట్ల తేడాతో హైదరాబాద్‌పై ముంబై గెలుపు👉ప్లేయర్‌ ఆఫ్‌ ది మ్యాచ్‌:‌ సూర్యకుమార్‌ యాదవ్‌(51 బంతుల్లో 12 ఫోర్లు, 6 సిక్స్‌ల సాయంతో 102 రన్స్‌- నాటౌట్‌).చదవండి: తండ్రిని ఎంకరేజ్‌ చేసేందుకు వచ్చిన జూనియర్‌ బుమ్రా..!💯 & winning runs in styleSuryakumar Yadav hits a maximum to bring up his century 👏Watch the recap on @StarSportsIndia and @JioCinema 💻📱#TATAIPL | #MIvSRH | @mipaltan pic.twitter.com/RlaOZ8l2i0— IndianPremierLeague (@IPL) May 6, 2024

ముంబై: ఐపీఎల్‌ నుంచి ‘ఫైవ్‌ స్టార్‌’ చాంపియన్‌ ముంబై ఇండియన్స్‌ అందరికంటే ముందుగా ని్రష్కమించే ముప్పును సూర్యకుమార్‌ యాదవ్‌ (51 బంతుల్లో 102 నాటౌట్‌; 12 ఫోర్లు, 6 సిక్స్‌లు) తప్పించాడు. సన్‌రైజర్స్‌ హైదరాబాద్‌ బౌలర్లపై విరుచుకుపడి ముంబైని రేసులో నిలిపాడు. సోమవారం జరిగిన మ్యాచ్‌లో ముంబై 7 వికెట్ల తేడాతో హైదరాబాద్‌పై ఘనవిజయం సాధించింది. మొదట సన్‌రైజర్స్‌ నిరీ్ణత 20 ఓవర్లలో 8 వికెట్ల నష్టానికి 173 పరుగులు చేసింది. హెడ్‌ (30 బంతుల్లో 48; 7 ఫోర్లు, 1 సిక్స్‌), ప్యాట్‌ కమిన్స్‌ (17 బంతుల్లో 35 నాటౌట్‌; 2 ఫోర్లు, 2 సిక్స్‌లు) ధాటిగా ఆడారు. హార్దిక్‌ పాండ్యా, పియూశ్‌ చావ్లా చెరో 3 వికెట్లు తీశారు. అనంతరం లక్ష్యఛేదనకు దిగిన ముంబై 17.2 ఓవర్లలో 3 వికెట్లు కోల్పోయి 174 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ సూర్యకుమార్‌కు అండగా తిలక్‌ వర్మ (32 బంతుల్లో 37 నాటౌట్‌; 6 ఫోర్లు) నిలిచాడు. ఆదుకున్న హెడ్‌ ఆరంభంలో హెడ్, ఆఖర్లో కమిన్స్‌ మెరుపులు మినహా సన్‌రైజర్స్‌ ఇన్నింగ్స్‌ ఈ మ్యాచ్‌లో బోర్‌ కొట్టించింది. పవర్‌ప్లేలో 56/1 స్కోరు చేసిన హైదరాబాద్‌ 10 ఓవర్ల దాకా 88/2 స్కోరుతో పటిష్టంగానే కనిపించింది. అభిషేక్‌ (11), మయాంక్‌ అగర్వాల్‌ (5), నితీశ్‌ కుమార్‌ రెడ్డి (15 బంతుల్లో 20; 2 ఫోర్లు), క్లాసెన్‌ (2)... ఇలా కీలక బ్యాటర్లందరినీ వరుస విరామంలో కోల్పోవడంతో హైదరాబాద్‌ కోలుకోలేదు. 16వ ఓవర్‌ వేసిన పాండ్యా... షహబాజ్‌ అహ్మద్‌ (10), మార్కో జాన్సెన్‌ (17)లను అవుట్‌ చేయగా, సమద్‌ (3)ను చావ్లా వికెట్ల ముందు దొరకబుచ్చుకున్నాడు. దీంతో 136 పరుగులకే 8 వికెట్లు పడిపోవడంతో డెత్‌ ఓవర్లలో దూకుడుగా ఆడే స్పెషలిస్టు బ్యాటరే కరువయ్యాడు. అయితే కెపె్టన్‌ కమిన్స్‌ 2 ఫోర్లు, 2 సిక్సర్లతో సత్తాచాటడంతో హైదరాబాద్‌ 170 పైచిలుకు స్కోరు చేయగలిగింది. ‘సూర్య’ మేటి ఇన్నింగ్స్‌ నాలుగో ఓవర్లో రోహిత్‌ (4) అవుటవగానే సూర్యకుమార్‌ క్రీజులోకి వచ్చాడు. అంతకుముందే ఇషాన్‌ కిషన్‌ (9) పెవిలియన్‌లో కూర్చుకున్నాడు. ఆ తర్వాత నమన్‌ ధీర్‌ (0) డకౌటయ్యాడు. ముంబై స్కోరు 31/3. సంబరాల్లో హైదరాబాద్‌! ఒత్తిడిలో ముంబై... ఈ దశలో తిలక్‌ వర్మ అండతో ముంబైని పీకల్లోతు కష్టాల్లోంచి ఘనవిజయం దాకా సూర్యకుమార్‌ గ్రేటెస్ట్‌ ఇన్నింగ్స్‌ ఆడాడు. మొదట్లో బౌండరీలతో జట్టును నడిపించిన ‘భారత 360’ డిగ్రీ బ్యాటర్‌ తర్వాత భారీషాట్లతో విరుచుకుపడ్డాడు. దీంతో జట్టు స్కోరు ఆరో ఓవర్లో 50 దాటగా... 12వ ఓవర్లో వంద పరుగుల్ని అధిగమించింది. ఈ భాగస్వామ్యం మెరుపులతో లక్ష్యాన్ని చేరింది. 30 బంతుల్లో అర్ధసెంచరీ పూర్తి చేసుకున్న సూర్య... శతక్కొట్టేందుకు మరో 21 బంతుల్లే అవసరమయ్యాయి. 18వ ఓవర్లో భారీ సిక్సర్‌తో 51 బంతుల్లో సెంచరీని పూర్తిచేసుకోవడంతోనే మ్యాచ్‌ కూడా ముగిసింది. స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: హెడ్‌ (సి) తిలక్‌ వర్మ (బి) చావ్లా 48; అభిõÙక్‌ (సి) ఇషాన్‌ (బి) బుమ్రా 11; మయాంక్‌ (బి) అన్షుల్‌ 5; నితీశ్‌ కుమార్‌ రెడ్డి (సి) అన్షుల్‌ (బి) హార్దిక్‌ 20; క్లాసెన్‌ (బి) చావ్లా 2; జాన్సెన్‌ (బి) హార్దిక్‌ 17; షహబాజ్‌ (సి) సూర్యకుమార్‌ (బి) హార్దిక్‌ 10; సమద్‌ (ఎల్బీడబ్ల్యూ) (బి) చావ్లా 3; కమిన్స్‌ (నాటౌట్‌) 35; సనీ్వర్‌ (నాటౌట్‌) 8; ఎక్స్‌ట్రాలు 14; మొత్తం (20 ఓవర్లలో 8 వికెట్లకు) 173. వికెట్ల పతనం: 1–56, 2–68, 3–90, 4–92, 5–96, 6–120, 7–124, 8–136. బౌలింగ్‌: తుషార 4–0–42–0, అన్షుల్‌ 4–0–42–1, బుమ్రా 4–0–23–1, హార్దిక్‌ పాండ్యా 4–0–31–3, పియూశ్‌ చావ్లా 4–0–33–3. ముంబై ఇండియన్స్‌ ఇన్నింగ్స్‌: ఇషాన్‌ (సి) మయాంక్‌ (బి) జాన్సెన్‌ 9; రోహిత్‌ (సి) క్లాసెన్‌ (బి) కమిన్స్‌ 4; నమన్‌ (సి) జాన్సెన్‌ (బి) భువనేశ్వర్‌ 0; సూర్యకుమార్‌ (నాటౌట్‌) 102; తిలక్‌ వర్మ (నాటౌట్‌) 37; ఎక్స్‌ట్రాలు 22; మొత్తం (17.2 ఓవర్లలో 3 వికెట్లకు) 174. వికెట్ల పతనం: 1–26, 2–31, 3–31. బౌలింగ్‌: భువనేశ్వర్‌ 4–1–22–1, జాన్సెన్‌ 3–0–45–1, కమిన్స్‌ 4–1–35–1, నటరాజన్‌ 3.2–0–31–0, నితీశ్‌ కుమార్‌ రెడ్డి 2–0–16–0, షహబాజ్‌ 1–0–11–0.

టీమిండియా ఆల్‌రౌండర్‌, ముంబై ఇండియన్స్‌ కెప్టెన్‌ హార్దిక్‌ పాండ్యాకు భారత మాజీ బ్యాటర్‌ మహ్మద్‌ కైఫ్‌ మద్దతుగా నిలిచాడు. ఒంటిచేత్తో మ్యాచ్‌ను మలుపు తిప్పగల సత్తా ఉన్న హార్దిక్‌ ప్రపంచకప్‌-2024లో కీలక పాత్ర పోషించగలడని జోస్యం చెప్పాడు.ఐసీసీ ఈవెంట్లలో విరాట్‌ కోహ్లి, సూర్యకుమార్‌ యాదవ్‌ కంటే కూడా హార్దిక్‌ పాండ్యానే ఎక్కువ ప్రభావం చూపగలడని కైఫ్‌ అభిప్రాయపడ్డాడు. కాగా ఐపీఎల్‌-2024లో ముంబై ఇండియన్స్‌ కెప్టెన్‌గా పగ్గాలు చేపట్టిన పాండ్యా ఇటు కెప్టెన్‌గా.. అటు ఆల్‌రౌండర్‌గా విఫలమవుతున్నాడు.అతడి సారథ్యంలో ముంబై ఇండియన్స్‌ ఇప్పటిదాకా ఆడిన పది మ్యాచ్‌లలో మూడు మాత్రమే గెలిచింది. ఇక పేస్‌ ఆల్‌రౌండర్‌ పాండ్యా 197 పరుగులు స్కోరు చేయడంతో పాటు.. కేవలం ఆరు వికెట్లు పడగొట్టాడు. అది కూడా ధారాళంగా పరుగులు(ఎకానమీ 11) ఇచ్చి ఈ మాత్రం వికెట్లు తీశాడు.ఈ నేపథ్యంలో హార్దిక్‌ పాండ్యాను టీ20 ప్రపంచకప్‌-2024 జట్టుకు ఎంపిక చేయడం పట్ల విమర్శలు వస్తున్నాయి. ఈ విషయంపై స్పందించిన మహ్మద్‌ కైఫ్‌.. పాండ్యాకు అండగా నిలిచాడు.‘‘ఐసీసీ ఈవెంట్లలో విరాట్‌ కోహ్లి, సూర్యకుమార్‌ యాదవ్‌‍ కంటే కూడా హార్దిక్‌ పాండ్యానే ఎక్కువ ఇంపాక్ట్‌ చూపగలడని నేను భావిస్తున్నా. పాకిస్తాన్‌తో టీమిండియా మ్యాచ్‌ల సందర్భంగా ఈ విషయం ఎన్నోసార్లు నిరూపితమైంది.మెల్‌బోర్న్‌లో కోహ్లి 82 పరుగులు చేసినపుడు.. హార్దిక్‌ పాండ్యా 40 పరుగుల భాగస్వామ్యం నెలకొల్పడంతో పాటు మూడు వికెట్లు కూడా తీశాడు.ఆసియా కప్‌ టోర్నీలో పాక్‌తో మ్యాచ్‌లో హార్దిక్‌ పాండ్యా అద్భుతమైన ఫినిషింగ్‌ టచ్‌తో ఆకట్టుకున్నాడు. నవాజ్‌ బౌలింగ్‌లో ఆఖరి ఓవర్లో దుమ్ములేపాడు. దినేశ్‌ కార్తిక్‌, జడేజా అవుటైన తర్వాత పట్టుదలగా నిలబడి జట్టును గట్టెక్కించాడు’’ అని మహ్మద్‌ కైఫ్‌ స్టార్‌ స్పోర్ట్స్‌ షోలో గుర్తుచేశాడు.మేజర్‌ ఈవెంట్లలో పేస్‌ ఆల్‌రౌండర్‌ హార్దిక్‌ పాండ్యా జట్టుతో ఉండటం ఎంత అవసరమో ఈ ఉదాహరణల ద్వారా వివరించాడు. కాగా జూన్‌ 1 నుంచి అమెరికా- వెస్టిండీస్‌ వేదికగా వరల్డ్‌కప్‌ ఆరంభం కానుండగా.. టీమిండియా జూన్‌ 5న తమ తొలి మ్యాచ్‌లో ఐర్లాండ్‌తో తలపడుతంది. తదుపరి జూన్‌ 9న చిరకాల ప్రత్యర్థి పాకిస్తాన్‌తో అమీతుమీ తేల్చుకోనుంది.

ఐపీఎల్‌-2024 తర్వాత పొట్టి క్రికెట్‌ మజాను మరింత పెంచేందుకు వరల్డ్‌కప్‌ రూపంలో మెగా ఈవెంట్‌ ముందుకు రానుంది. జూన్‌ 1 నుంచి అమెరికా- వెస్టిండీస్‌ వేదికగా ఈ ఐసీసీ టోర్నీ ఆరంభం కానుంది.ఇందుకోసం జట్లను ప్రకటించేందుకు మే 1 వరకు సమయం ఇచ్చింది ఐసీసీ. ఈ నేపథ్యంలో టీమిండియా ఎంపిక గురించి భారత మాజీ ఓపెనర్‌ వసీం జాఫర్‌ ‘ఎక్స్‌’ వేదికగా తన అభిప్రాయాలు పంచుకున్నాడు.వికెట్‌ కీపర్‌ కోటాలోతన జట్టులో టాపార్డర్‌లో కెప్టెన్‌ రోహిత్‌ శర్మతో పాటు యశస్వి జైస్వాల్‌, విరాట్‌ కోహ్లి, సూర్యకుమార్‌ యాదవ్‌లకు చోటిచ్చిన జాఫర్‌.. వికెట్‌ కీపర్‌ కోటాలో రిషభ్‌ పంత్‌, సంజూ శాంసన్‌లకు స్థానం కల్పించాడు. కేఎల్‌ రాహుల్‌కు మాత్రం మొండిచేయి చూపాడు.ఇక ఆల్‌రౌండర్ల జాబితాలో హార్దిక్‌ పాండ్యా, శివం దూబే, రవీంద్ర జడేజాలను ఎంచుకున్న వసీం జాఫర్‌.. నయా ఫినిషర్‌ రింకూ సింగ్‌ను కూడా ఎంపిక చేసుకున్నాడు.అదే విధంగా.. స్పిన్నర్ల కోటాలో కుల్దీప్‌ యాదవ్‌, యజువేంద్ర చహల్‌, పేస్‌ దళంలో నాయకుడు జస్‌ప్రీత్‌ బుమ్రాతో పాటు మహ్మద్‌ సిరాజ్‌, అర్ష్‌దీప్‌ సింగ్‌లకు ఈ టీమిండియా మాజీ క్రికెటర్‌ చోటిచ్చాడు. కాగా ప్రపంచకప్‌ ఈవెంట్లో జూన్‌ 5న ఐర్లాండ్‌తో మ్యాచ్‌లో టీమిండియా తమ ప్రయాణం మొదలుపెట్టనుంది.టీ20 ప్రపంచకప్‌-2024కువసీం జాఫర్‌ ఎంచుకున్న 15 మంది సభ్యుల భారత జట్టు:రోహిత్‌ శర్మ(కెప్టెన్‌), యశస్వి జైస్వాల్‌, విరాట్‌ కోహ్లి, సూర్యకుమార్‌ యాదవ్‌, రిషభ్‌ పంత్‌(వికెట్‌ కీపర్‌), సంజూ శాంసన్‌(వికెట్‌ కీపర్‌), హార్దిక్‌ పాండ్యా, శివం దూబే, రింకూ సింగ్‌, రవీంద్ర జడేజా, కుల్దీప్‌ యాదవ్‌, యజువేంద్ర చహల్‌, జస్‌ప్రీత్‌ బుమ్రా, మహ్మద్‌ సిరాజ్‌, అర్ష్‌దీప్‌ సింగ్‌.

ముల్లాన్‌పూర్‌: ముంబై ఇండియన్స్‌ నిర్దేశించిన పెద్ద లక్ష్యం ముందు పంజాబ్‌ కింగ్స్‌ 14/4 స్కోరుతో ఆరంభంలోనే మోకరిల్లింది. శశాంక్‌ సింగ్, అశుతోష్‌ శర్మల మెరుపులు కింగ్స్‌ను గెలుపు ట్రాక్‌లో పడేశాయి. కానీ వికెట్లు అందుబాటులో లేక 6 బంతుల్లో సులువైన 12 పరుగుల్ని చేయలేక చివరకు పంజాబ్‌ ఆలౌటైంది. దీంతో గురువారం జరిగిన ఐపీఎల్‌ మ్యాచ్‌లో ముంబై 9 పరుగులతో గెలిచి ఊపిరి పీల్చుకుంది. తొలుత ముంబై నిర్ణీత 20 ఓవర్లలో 7 వికెట్ల నష్టానికి 192 పరుగులు చేసింది. సూర్యకుమార్‌ (53 బంతుల్లో 78; 7 ఫోర్లు, 3 సిక్స్‌లు), తిలక్‌ వర్మ (18 బంతుల్లో 34 నాటౌట్‌; 2 ఫోర్లు, 2 సిక్స్‌లు) ధాటిగా ఆడారు. హర్షల్‌ పటేల్‌ 3, స్యామ్‌ కరన్‌ 2 వికెట్లు తీశారు. అనంతరం లక్ష్యఛేదనకు దిగిన పంజాబ్‌ కింగ్స్‌ 19.1 ఓవర్లలో 183 పరుగులకు ఆలౌటైంది. అశుతోష్‌ శర్మ (28 బంతుల్లో 61; 2 ఫోర్లు, 7 సిక్స్‌లు), శశాంక్‌ (25 బంతుల్లో 41; 2 ఫోర్లు, 3 సిక్స్‌లు) ఆశలు రేపారు. ‘ప్లేయర్‌ ఆఫ్‌ ద మ్యాచ్‌’ జస్‌ప్రీత్‌ బుమ్రా, కొయెట్జీ చెరో 3 వికెట్లు తీశారు.   సూర్య ప్రతాపం...  ఆరంభంలోనే ఇషాన్‌ (8) అవుట్‌ కాగా... కెరీర్‌లో 250వ ఐపీఎల్‌ మ్యాచ్‌ ఆడిన రోహిత్‌ శర్మ (25 బంతుల్లో 36; 2 ఫోర్లు, 3 సిక్స్‌లు), సూర్యకుమార్‌ పవర్‌ ప్లేలో జట్టు స్కోరును 54/1కు తీసుకెళ్లారు. తర్వాత సూర్య దూకుడు కొనసాగడంతో పరుగుల వేగం పెరిగింది. సగం ఓవర్లు ముగిసేసరికి ముంబై 86/1 స్కోరు చేసింది. ఆ మరుసటి ఓవర్లోనే సూర్యకుమార్‌ 34 బంతుల్లో అర్ధశతకాన్ని పూర్తిచేసుకున్నాడు. అయితే 12వ ఓవర్‌ వేసిన స్యామ్‌ కరన్‌... రోహిత్‌ ఆట ముగించడంతో రెండో వికెట్‌కు 81 పరుగుల భాగస్వామ్యానికి తెరపడింది. అదే ఓవర్లో ముంబై వంద పరుగులను చేరుకుంది. 14  ఓవర్లలో 115/2 స్కోరు చేసిన ముంబై... సూర్య, తిలక్‌ ధాటిగా ఆడటంతో మిగిలిన 6 ఓవర్లలో 77 పరుగుల్ని సాధించింది. కెప్టెన్‌ హార్దిక్‌ పాండ్యా (10) తక్కువే చేసినా... తిలక్‌ మెరుపులు ముంబై జోరుకు దోహదం చేశాయి. హర్షల్‌ వేసిన ఆఖరి ఓవర్లో డేవిడ్‌ (14), షెఫర్డ్‌ (1), నబీ (0) అవుట్‌ కావడంతో కేవలం 7 పరుగులే వచ్చాయి.  14/4 అయినా... వణికించిన అశుతోష్‌!  పంజాబ్‌ ఇన్నింగ్స్‌ ఇలా మొదలైందో లేదో... అలా కుదేలైంది. 2.1 ఓవర్లలోనే 14/4 స్కోరు వద్ద పీకల్లోతు కష్టాల్లో పడింది. అటు కొయెట్జీ, ఇటు బుమ్రా ధాటికి ఓపెనర్లు స్యామ్‌ కరన్‌ (6), ప్రభ్‌సిమ్రన్‌ (0), రోసో (1), లివింగ్‌స్టోన్‌ (1) పెవిలియన్‌కు దారి కట్టారు. ఈ దశలో శశాంక్, అశుతోష్‌ సిక్సర్లతో అలరించారు. కానీ 12.1 ఓవర్లలో 111/7 వద్ద శశాంక్‌ నిష్క్రమించడంతో పంజాబ్‌కు ఓటమి ఖాయమైంది. ఈ దశలో అశుతోష్, హర్‌ప్రీత్‌ బ్రార్‌ (20 బంతుల్లో 21; 2 ఫోర్లు, 1 సిక్స్‌) ఎనిమిదో వికెట్‌కు చకచకా 57 పరుగుల జోడించడంతో ఊహించని ఉత్కంఠ వచ్చేసింది. కానీ 168 పరుగుల వద్ద అశుతోష్‌ ఎనిమిదో వికెట్‌గా నిష్క్రమించడంతో పంజాబ్‌ గెలుపు ఆశలు ఆవిరయ్యాయి.   స్కోరు వివరాలు  ముంబై ఇండియన్స్‌ ఇన్నింగ్స్‌: ఇషాన్‌ (సి) హర్‌ప్రీత్‌ (బి) రబడ 8; రోహిత్‌ (సి) హర్‌ప్రీత్‌ (బి) స్యామ్‌ కరన్‌ 36; సూర్యకుమార్‌ (సి) ప్రభ్‌సిమ్రన్‌ (బి) సామ్‌ కరన్‌ 78; తిలక్‌ వర్మ (నాటౌట్‌) 34; హార్దిక్‌ పాండ్యా (సి) హర్‌ప్రీత్‌ (బి) హర్షల్‌ 10; డేవిడ్‌ (సి) స్యామ్‌ కరన్‌ (బి) హర్షల్‌ 14; షెఫర్డ్‌ (సి) శశాంక్‌ (బి) హర్షల్‌ 1; నబీ (రనౌట్‌) 0; ఎక్స్‌ట్రాలు 11; మొత్తం (20 ఓవర్లలో 7 వికెట్లకు) 192. వికెట్ల పతనం: 1–18, 2–99, 3–148, 4–167, 5–190, 6–192, 7–192. బౌలింగ్‌:  లివింగ్‌స్టోన్‌ 2–0–16–0, అర్‌‡్షదీప్‌ 3–0–35–0, రబడ 4–0–42–1, హర్షల్‌ 4–0–31–3, స్యామ్‌ కరన్‌ 4–0–41–2, హర్‌ప్రీత్‌ బ్రార్‌ 3–0–21–0.  పంజాబ్‌ కింగ్స్‌ ఇన్నింగ్స్‌: స్యామ్‌ కరన్‌ (సి) ఇషాన్‌ (బి) బుమ్రా 6; ప్రభ్‌సిమ్రన్‌ (సి) ఇషాన్‌ (బి) కొయెట్జీ 0; రోసో (బి) బుమ్రా 1; లివింగ్‌స్టోన్‌ (సి అండ్‌ బి) కొయెట్జీ 1; హర్‌ప్రీత్‌ సింగ్‌ (సి అండ్‌ బి) గోపాల్‌ 13; శశాంక్‌ (సి) తిలక్‌ వర్మ (బి) బుమ్రా 41; జితేశ్‌ (ఎల్బీడబ్ల్యూ) (బి) ఆకాశ్‌ 9; అశుతోష్‌ (సి) నబీ (బి) కొయెట్జీ 61; హర్‌ప్రీత్‌ బ్రార్‌ (సి) నబీ (బి) పాండ్యా 21; హర్షల్‌ (నాటౌట్‌) 1; రబడ (రనౌట్‌) 8; ఎక్స్‌ట్రాలు 21; మొత్తం (19.1 ఓవర్లలో ఆలౌట్‌) 183. వికెట్ల పతనం: 1–10, 2–13, 3–14, 4–14, 5–49, 6–77, 7–111, 8–168, 9–174, 10–183. బౌలింగ్‌: కొయెట్జీ 4–0–32–3, బుమ్రా 4–0–21–3, ఆకాశ్‌ మధ్వాల్‌ 3.1–0–46–1, పాండ్యా 4–0–33–1, శ్రేయస్‌ గోపాల్‌ 2–0–26–1, షెఫర్డ్‌ 2–0–20–0.   ఐపీఎల్‌లో నేడు లక్నో X చెన్నై  వేదిక: లక్నో రాత్రి 7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం

సొంత గడ్డపై ముంబై ఇండియన్స్‌ మరోసారి సత్తా చాటింది. వాంఖడే వేదికగా ఢిల్లీ క్యాపిటల్స్‌పై విజయంతో పాయింట్ల ఖాతా తెరిచిన పాండ్యా సేన.. తాజాగా రాయల్‌ చాలెంజర్స్‌ బెంగళూరును మట్టికరిపించింది. అద్భుత ఆట తీరుతో గురువారం నాటి మ్యాచ్‌లో ఆర్సీబీని ఏడు వికెట్ల తేడాతో చిత్తు చేసి.. ఐపీఎల్‌-2024లో వరుసగా రెండో గెలుపు నమోదు చేసింది. ఐదు వికెట్లు పడగొట్టి ఆర్సీబీ బ్యాటింగ్‌ ఆర్డర్‌ను దెబ్బకొట్టిన ముంబై ఇండియన్స్‌ ప్రధాన పేసర్‌ జస్‌ప్రీత్‌ బుమ్రాకు ప్లేయర్‌ ఆఫ్‌ ది మ్యాచ్‌ అవార్డు దక్కింది. Boom Boom Bumrah!@Jaspritbumrah93 comes into the attack and gets the big wicket of Virat Kohli. Live - https://t.co/7yWt2uizTf #TATAIPL #IPL2024 #MIvRCB pic.twitter.com/1QbRGjV2L0 — IndianPremierLeague (@IPL) April 11, 2024 మరోవైపు.. హార్డ్‌ హిట్టర్‌, ఇంపాక్ట్‌ ప్లేయర్‌గా దిగిన సూర్యకుమార్‌ యాదవ్‌ మెరుపు ఇన్నింగ్స్‌(19 బంతుల్లో 52)తో తిరిగి ఫామ్‌లోకి రావడంతో.. ముంబై శిబిరంలో సంతోషం వెల్లివిరిసింది. ఈ నేపథ్యంలో ముంబై ఇండియన్స్‌ కెప్టెన్‌ హార్దిక్‌ పాండ్యా ఈ ఇద్దరు ఆటగాళ్లపై ప్రశంసలు కురిపించాడు.  ICYMI - Surya lighting up the night SKY with a flurry of SIXES 🔥🔥🔥 Watch the match LIVE on @StarSportsIndia and @JioCinema 💻📱#TATAIPL | #MIvRCB | @surya_14kumar pic.twitter.com/7CiLtcwTyI — IndianPremierLeague (@IPL) April 11, 2024 వరుసగా రెండో విజయం సాధించడంపై స్పందిస్తూ.. ‘‘ గెలవడం ఎల్లప్పుడూ సంతోషంగానే ఉంటుంది. అయితే, ఈ మ్యాచ్‌లో గెలిచిన తీరు మరింత ఆనందాన్ని ఇచ్చింది.  ఇంపాక్ట్‌ ప్లేయర్‌ నిబంధన కెప్టెన్‌గా నాకు కాస్త వెసలుబాటు కల్పించిందనే చెప్పాలి. రోహిత్‌(24 బంతుల్లో 38), ఇషాన్‌ కిషన్‌(34 బంతుల్లో 69) బ్యాటింగ్‌ చేసిన తీరు అద్భుతం. వాళ్లిద్దరూ కలిసి మా విజయానికి పునాది వేశారు. నెట్‌ రన్‌ రేటు మెరుగుపరచుకునే క్రమంలో త్వరగా లక్ష్యాన్ని పూర్తి చేయాలన్నది మా ప్రణాళిక. బుమ్రా లాంటి అద్భుతమైన బౌలర్‌ నా జట్టులో ఉండటం నా అదృష్టం. ప్రతి ఓవర్‌లోనూ ప్రభావం చూపాడు. నేను తనకు అప్పగించిన పని పూర్తి చేశాడు. తను జట్టు కోసం ఏం చేయగలడో అదంతా చేశాడు. ఏ మ్యాచ్‌కు ముందైనా సరే నెట్స్‌లో తను తీవ్రంగా శ్రమిస్తాడు. అతడి నైపుణ్యాలు అమోఘం. ఇక నువ్వు ఫిఫ్టీ కొట్టడమే నీకు వెల్‌కమ్‌ బ్యాక్‌ లాంటిదని సూర్యకు చెప్పాను.  సూర్య జట్టుతో ఉంటే నిశ్చింతగా ఉండొచ్చు. అపోజిషన్‌ కెప్టెన్‌గా ఉన్నపుడు కూడా తనను అవుట్‌ చేసేందుకు పదునైన వ్యూహాలు రచించాల్సి వచ్చేది. కొన్ని ఏరియాల్లో అతడు మాత్రమే హిట్టింగ్‌ ఆడగలడు. నేను ఇంతకు ముందు అలాంటి బ్యాటర్‌ను చూడలేదు’’ అని హార్దిక్‌ పాండ్యా.. బుమ్రా, సూర్యలను కొనియాడాడు. ముంబై ఇండియన్స్‌  వర్సెస్‌ రాయల్‌ చాలెంజర్స్‌ బెంగళూరు స్కోర్లు: టాస్‌: ముంబై.. బౌలింగ్‌ ఆర్సీబీ స్కోరు: 196/8 (20) ముంబై స్కోరు: 199/3 (15.3) ఫలితం: ఏడు వికెట్ల తేడాతో బెంగళూరుపై ముంబై విజయం చదవండి: చాలా బాధగా ఉంది.. అతడే మా కొంపముంచాడు! లేదంటేనా var request = 'https://www.sakshi.com/knowwidget/kwstr_4301451426.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ముంబై: ముంబై ఇండియన్స్‌ ముందున్న కొండంత లక్ష్యాన్ని ఇద్దరే ఇద్దరి విధ్వంసం మంచు ముక్కలా కరిగించేసింది. ఓపెనర్‌ ఇషాన్‌ కిషన్‌ (34 బంతుల్లో 69; 7 ఫోర్లు, 5 సిక్స్‌లు), సూర్యకుమార్‌ యాదవ్‌ (19 బంతుల్లో 52; 5 ఫోర్లు, 4 సిక్స్‌లు) సిక్సర్ల సునామీతో ముంబై 197 పరుగుల లక్ష్యాన్ని కేవలం 15.3 ఓవర్లలోనే ఛేదించింది. దాంతో హార్దిక్‌ పాండ్యా నాయకత్వంలోని ముంబై ఇండియన్స్‌ 7 వికెట్ల తేడాతో రాయల్‌ చాలెంజర్స్‌ బెంగళూరు (ఆర్‌సీబీ)పై ఘనవిజయం సాధించింది. అంతకుముందు తొలుత ఆర్‌సీబీ 20 ఓవర్లలో 8 వికెట్ల నష్టానికి 196 పరుగులు చేసింది. డుప్లెసిస్‌ (40 బంతుల్లో 61; 4 ఫోర్లు, 3 సిక్స్‌లు) రాణించగా, రజత్‌ పటిదార్‌ (26 బంతుల్లో 50; 3 ఫోర్లు, 4 సిక్స్‌లు), దినేశ్‌ కార్తీక్‌ (23 బంతుల్లో 53 నాటౌట్‌; 5 ఫోర్లు, 4 సిక్స్‌లు) మెరిపించారు. ముంబై బౌలర్‌ ‘ప్లేయర్‌ ఆఫ్‌ ద మ్యాచ్‌’ బుమ్రా 21 పరుగులిచ్చి 5 వికెట్లు తీశాడు.   కోహ్లి విఫలం  సూపర్‌ ఫామ్‌లో ఉన్న కోహ్లి (3) విఫలమవగా, విల్‌ జాక్స్‌ (8) నిరాశపరిచాడు. ఈ దశలో బెంగళూరును కెప్టెన్‌ డుప్లెసిస్‌ అండతో పటిదార్‌ ధాటిగా నడిపించాడు. 12వ ఓవర్లో కోయెట్జి బౌలింగ్‌లో రెండు వరుస సిక్స్‌లు బాదిన పటిదార్‌ 25 బంతుల్లో అర్ధసెంచరీ పూర్తి చేసుకొని తర్వాతి బంతికే వెనుదిరిగాడు. మ్యాక్స్‌వెల్‌ (0) ఈ సీజన్‌లో మూడోసారి డకౌటయ్యాడు. అడపాదడపా షాట్లతో డుప్లెసిస్‌ 33 బంతుల్లో అర్ధశతకం సాధించాడు. అయితే బుమ్రా వరుస ఓవర్లలో రెండేసి వికెట్లను పడగొట్టాడు. డుప్లెసిస్, హిట్టర్‌ లామ్రోర్‌ (0)లతో పాటు, సౌరవ్‌ (9), వైశాక్‌ (0)లను  బుమ్రా అవుట్‌ చేసినా... దినేశ్‌ కార్తీక్‌ ధనాధన్‌ ఆటతో బెంగళూరు మంచి స్కోరు చేసింది.   ఇషాన్, సూర్యల తుఫాన్‌తో...  భారీ లక్ష్య ఛేదనలో ముంబై బ్యాటర్లు మెరుపు షాట్‌లతో హోరెత్తించారు. ఇషాన్‌ కిషన్‌ ఆకాశమే హద్దుగా చెలరేగాడు. దీంతో ముంబై పవర్‌ప్లేలోనే 72/0 స్కోరు చేసింది. ఇషాన్‌ 23 బంతుల్లో అర్ధసెంచరీని సాధించగా, రోహిత్‌ నింపాదిగా ఆడాడు. కేవలం 8.3 ఓవర్లలోనే జట్టు స్కోరు 100 చేరింది. అదే ఓవర్లో ఇషాన్‌ దూకుడు ముగిసింది. అనంతరం సూర్యకుమార్‌ విధ్వంసం సృష్టించి 17 బంతుల్లోనే ఫిఫ్టీ పూర్తి చేసుకున్నాడు. రోహిత్, సూర్యలు అవుటయ్యాక హార్దిక్‌ పాండ్యా (6 బంతుల్లో 21 నాటౌట్‌; 3 సిక్స్‌లు), తిలక్‌ వర్మ (10 బంతుల్లో 16 నాటౌట్‌; 3 ఫోర్లు) ధాటిగా ఆడి ముంబైను విజయతీరాలకు చేర్చారు.   స్కోరు వివరాలు  రాయల్‌ చాలెంజర్స్‌ బెంగళూరు ఇన్నింగ్స్‌: కోహ్లి (సి) ఇషాన్‌ (బి) బుమ్రా 3; డుప్లెసిస్‌ (సి) డేవిడ్‌ (బి) బుమ్రా 61; జాక్స్‌ (సి) డేవిడ్‌ (బి) మధ్వాల్‌ 8; పటిదార్‌ (సి) ఇషాన్‌ (బి) కోయెట్జీ 50; మ్యాక్స్‌వెల్‌ (ఎల్బీడబ్ల్యూ) గోపాల్‌ 0; దినేశ్‌ కార్తీక్‌ (నాటౌట్‌) 53; లామ్రోర్‌ (ఎల్బీడబ్ల్యూ) (బి) బుమ్రా 0; సౌరవ్‌ (సి) ఆకాశ్‌ (బి) బుమ్రా 9; వైశాక్‌ (సి) నబి (బి) బుమ్రా 0; ఆకాశ్‌దీప్‌ (నాటౌట్‌) 2; ఎక్స్‌ట్రాలు 10; మొత్తం (20 ఓవర్లలో 8 వికెట్లకు) 196. వికెట్ల పతనం: 1–14, 2–23, 3–105, 4–108, 5–153, 6–153, 7–170, 8–170. బౌలింగ్‌: నబీ 1–0–7–0, కోయెట్జీ 4–0–42–1, బుమ్రా 4–0–21–5, ఆకాశ్‌ 4–0–57–1, శ్రేయస్‌ గోపాల్‌ 4–0–32–1, షెఫర్డ్‌ 2–0–22–0, హార్దిక్‌ 1–0–13–0.  ముంబై ఇండియన్స్‌ ఇన్నింగ్స్‌: ఇషాన్‌ (సి) కోహ్లి (బి) ఆకాశ్‌దీప్‌ 69; రోహిత్‌ (సి) టాప్లీ (బి) జాక్స్‌ 38; సూర్యకుమార్‌ (సి) మహిపాల్‌ (బి) వైశాక్‌ 52; హార్దిక్‌ (నాటౌట్‌) 21; తిలక్‌ వర్మ (నాటౌట్‌) 16; ఎక్స్‌ట్రాలు 3; మొత్తం (15.3 ఓవర్లలో 3 వికెట్లకు) 199. వికెట్ల పతనం: 1–101, 2–139, 3–176. బౌలింగ్‌: టాప్లీ 3–0–34–0, సిరాజ్‌ 3–0–37–0, ఆకాశ్‌దీప్‌ 3.3–0–55–1, మ్యాక్స్‌వెల్‌ 1–0–17–0, వైశాక్‌ 3–0–32–1, 2–0–24–1.   ఐపీఎల్‌లో నేడు లక్నో X  ఢిల్లీ  వేదిక: లక్నో  రాత్రి 7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం

ఐపీఎల్‌-2024లో వరుస ఓటములతో సతమతవుతున్న ముంబై ఇండియన్స్‌కు ఓ గుడ్‌ న్యూస్‌ అందింది. ఆ జట్టు స్టార్ ఆటగాడు, వరల్డ్ నెంబర్ వన్ బ్యాటర్ సూర్య కుమార్ యాదవ్ పూర్తి ఫిట్‌నెస్‌ సాధించాడు. ఎట్టకేలకు నేషనల్ క్రికెట్ అకాడమీ మిస్టర్‌ 360 క్లియరన్స్‌ సర్టిఫికేట్‌ పొ​ందాడు.  ఈ క్రమంలో సూర్య కుమార్‌ ముంబై జట్టుతో కలిశాడు. ముంబై జట్టులో చేరిన సూర్యకుమార్‌ యాదవ్‌.. ప్రాక్టీస్‌ కూడా మొదలెట్టేశాడు. నెట్స్‌లో సూర్య తన ట్రేడ్‌ మార్క్‌ షాట్లు ప్రాక్టీస్‌ చేస్తున్నాడు. ఇందుకు సంబంధించిన ఫోటోలు సోషల్‌ మీడియాలో వైరల్‌గా మారాయి. ఈ మెగా ఈవెంట్‌లో భాగంగా ముంబై ఇండియన్స్ తమ తదుపరి మ్యాచ్‌లో ఆదివారం (ఏప్రిల్ 7) ఢిల్లీ క్యాపిటల్స్‌తో తలపడనుంది. ఈ మ్యాచ్‌కు ముంబై జట్టు సెలక్షన్‌కు సూర్య అందుబాటులో ఉండే ఛాన్స్‌ ఉంది. సూర్య రాకతోనైనా ముంబై తలరాత మారుతుందో లేదో చూడాలి.  

IPL 2024- MI Vs RR: ఐపీఎల్‌-2024లో పేలవ ప్రదర్శనతో విమర్శలు మూటగట్టుకుంటోంది ముంబై ఇండియన్స్‌. ఇప్పటి వరకు ఆడిన మూడు మ్యాచ్‌లలో ఒక్కటీ గెలవలేక హ్యాట్రిక్‌ పరాజయాలతో చతికిలపడింది. కొత్త కెప్టెన్‌ హార్దిక్‌ పాండ్యా ఇంతవరకు తనదైన ముద్ర వేయలేకపోయాడు.అతడి చెత్త నిర్ణయాల కారణంగా జట్టు మూల్యం చెల్లించాల్సి వస్తుందనే విమర్శలు ఎదుర్కొంటున్నాడు. కాగా పదిహేడో ఎడిషన్‌లో తమ తొలి మ్యాచ్‌లో గుజరాత్‌ టైటాన్స్‌, అనంతరం సన్‌రైజర్స్‌ హైదరాబాద్‌.. తాజాగా రాజస్తాన్‌ రాయల్స్‌ చేతిలో ముంబై ఇండియన్స్‌ ఓడిపోయింది.ఈ మూడింటిలో టైటాన్స్‌తో మ్యాచ్‌లో మాత్రమే ముంబై కాస్త మెరుగైన ప్రదర్శన కనబరిచింది. సన్‌రైజర్స్‌తో మ్యాచ్‌లో బౌలర్లు తేలిపోగా.. రాజస్తాన్‌తో మ్యాచ్‌లో బ్యాటర్లు పూర్తిగా విఫలమయ్యారు. ఫలితంగా రాజస్తాన్‌ చేతిలో ముంబై ఆరు వికెట్ల తేడాతో ఓటమిపాలైంది.𝙄𝙣 𝙎𝙩𝙮𝙡𝙚 😎Riyan Parag's innings help @rajasthanroyals reach 🔝 of the table 💪#RR are the 2️⃣nd team to win an away fixture this season 👏👏Scorecard ▶️ https://t.co/XL2RWMFLbE#TATAIPL | #MIvRR pic.twitter.com/ZsVk9rvam1— IndianPremierLeague (@IPL) April 1, 2024ఈ నేపథ్యంలో టీమిండియా దిగ్గజం, కామెంటేటర్‌ సునిల్‌ గావస్కర్‌ కీలక వ్యాఖ్యలు చేశాడు. సూర్యకుమార్‌ యాదవ్‌ జట్టుతో లేకపోవడం ముంబై ఇండియన్స్‌కు భారీ ఎదురుదెబ్బ అన్నాడు. అతడు గనుక అందుబాటులో ఉండి ఉంటే మ్యాచ్‌ ఫలితాలను కచ్చితంగా ప్రభావితం చేసేవాడని గావస్కర్‌ అభిప్రాయపడ్డాడు.‘‘ముంబై ఇండియన్స్‌ సూర్యకుమార్‌ యాదవ్‌ సేవలను కచ్చితంగా మిస్‌ అవుతోంది. సూర్యకుమార్‌ ఉంటే మూడో స్థానంలో బ్యాటింగ్‌కు వచ్చి దూకుడుగా ఆడుతూ.. ప్రత్యర్థి జట్టు బౌలర్లపై ఒత్తిడి పెంచుతాడు. కానీ ప్రస్తుతం అతడు జట్టుతో లేడు.అతడు త్వరగా తిరిగి రావాలని ముంబై ఇండియన్స్‌ బహుశా గట్టిగా ప్రార్థిస్తూ ఉంటుంది. ఎందుకంటే సూర్య ఉంటే కచ్చితంగా ఫలితాలను తారుమారుచేయగలడు. అతడొక గేమ్‌ గేమ్‌ చేంజర్‌’’ అని స్టార్‌ స్పోర్ట్స్‌ షోలో సునిల్‌ గావస్కర్‌ వ్యాఖ్యానించాడు..@rajasthanroyals’ Lethal Start 🔥They run through #MI’s top order courtesy Trent Boult & Nandre Burger 👏After 7 overs, it is 58/4Watch the match LIVE on @JioCinema and @StarSportsIndia 💻📱#TATAIPL | #MIvRR pic.twitter.com/mEUocuD0EV— IndianPremierLeague (@IPL) April 1, 2024కాగా ముంబై ఇండియన్స్‌ టాపార్డర్‌కు సూర్యకుమార్‌ యాదవ్‌ వెన్నెముక లాంటివాడు. ఐసీసీ వరల్డ్‌ నంబర్‌ వన్‌ ర్యాంకర్‌ అయిన ఈ టీమిండియా స్టార్‌.. ఈ ఏడాది జనవరిలో స్పోర్ట్స్‌ హెర్నియా సర్జరీ చేయించుకున్నాడు. అయితే, అతడు ఇంకా పూర్తి ఫిట్‌నెస్‌ సాధించలేదు.ఇక గత సీజన్‌లో రోహిత్‌ శర్మకు బదులు కొన్ని మ్యాచ్‌లలో సూర్యకుమార్‌ యాదవ్‌ ముంబై ఇండియన్స్‌ కెప్టెన్‌గా వ్యవహరించాడు. ఐపీఎల్‌-2023లో మొత్తంగా ఆడిన 16 మ్యాచ్‌లో 605 పరుగులు సాధించాడు. ఇక రోహిత్‌ శర్మ, హార్దిక్‌ పాండ్యా అందుబాటులోని సమయంలో టీమిండియాకు కూడా సారథిగా వ్యవహరించి జట్టును గెలిపించిన ఘనత అతడి సొంతం.చదవండి: IPL 2024: చరిత్ర సృష్టించిన ముంబై ఇండియన్స్‌.. తొలి జట్టుగా

IPL 2024- MI Vs RR: ఐపీఎల్‌-2024లో పేలవ ప్రదర్శనతో విమర్శలు మూటగట్టుకుంటోంది ముంబై ఇండియన్స్‌. ఇప్పటి వరకు ఆడిన మూడు మ్యాచ్‌లలో ఒక్కటీ గెలవలేక హ్యాట్రిక్‌ పరాజయాలతో చతికిలపడింది. కొత్త కెప్టెన్‌ హార్దిక్‌ పాండ్యా ఇంతవరకు తనదైన ముద్ర వేయలేకపోయాడు. అతడి చెత్త నిర్ణయాల కారణంగా జట్టు మూల్యం చెల్లించాల్సి వస్తుందనే విమర్శలు ఎదుర్కొంటున్నాడు. కాగా పదిహేడో ఎడిషన్‌లో తమ తొలి మ్యాచ్‌లో గుజరాత్‌ టైటాన్స్‌, అనంతరం సన్‌రైజర్స్‌ హైదరాబాద్‌.. తాజాగా రాజస్తాన్‌ రాయల్స్‌ చేతిలో ముంబై ఇండియన్స్‌ ఓడిపోయింది. ఈ మూడింటిలో టైటాన్స్‌తో మ్యాచ్‌లో మాత్రమే ముంబై కాస్త మెరుగైన ప్రదర్శన కనబరిచింది. సన్‌రైజర్స్‌తో మ్యాచ్‌లో బౌలర్లు తేలిపోగా.. రాజస్తాన్‌తో మ్యాచ్‌లో బ్యాటర్లు పూర్తిగా విఫలమయ్యారు. ఫలితంగా రాజస్తాన్‌ చేతిలో ముంబై ఆరు వికెట్ల తేడాతో ఓటమిపాలైంది. 𝙄𝙣 𝙎𝙩𝙮𝙡𝙚 😎 Riyan Parag's innings help @rajasthanroyals reach 🔝 of the table 💪#RR are the 2️⃣nd team to win an away fixture this season 👏👏 Scorecard ▶️ https://t.co/XL2RWMFLbE#TATAIPL | #MIvRR pic.twitter.com/ZsVk9rvam1 — IndianPremierLeague (@IPL) April 1, 2024 ఈ నేపథ్యంలో టీమిండియా దిగ్గజం, కామెంటేటర్‌ సునిల్‌ గావస్కర్‌ కీలక వ్యాఖ్యలు చేశాడు. సూర్యకుమార్‌ యాదవ్‌ జట్టుతో లేకపోవడం ముంబై ఇండియన్స్‌కు భారీ ఎదురుదెబ్బ అన్నాడు. అతడు గనుక అందుబాటులో ఉండి ఉంటే మ్యాచ్‌ ఫలితాలను కచ్చితంగా ప్రభావితం చేసేవాడని గావస్కర్‌ అభిప్రాయపడ్డాడు. ‘‘ముంబై ఇండియన్స్‌ సూర్యకుమార్‌ యాదవ్‌ సేవలను కచ్చితంగా మిస్‌ అవుతోంది. సూర్యకుమార్‌ ఉంటే మూడో స్థానంలో బ్యాటింగ్‌కు వచ్చి దూకుడుగా ఆడుతూ.. ప్రత్యర్థి జట్టు బౌలర్లపై ఒత్తిడి పెంచుతాడు. కానీ ప్రస్తుతం అతడు జట్టుతో లేడు. అతడు త్వరగా తిరిగి రావాలని ముంబై ఇండియన్స్‌ బహుశా గట్టిగా ప్రార్థిస్తూ ఉంటుంది. ఎందుకంటే సూర్య ఉంటే కచ్చితంగా ఫలితాలను తారుమారుచేయగలడు. అతడొక గేమ్‌ గేమ్‌ చేంజర్‌’’ అని స్టార్‌ స్పోర్ట్స్‌ షోలో సునిల్‌ గావస్కర్‌ వ్యాఖ్యానించాడు. .@rajasthanroyals’ Lethal Start 🔥 They run through #MI’s top order courtesy Trent Boult & Nandre Burger 👏 After 7 overs, it is 58/4 Watch the match LIVE on @JioCinema and @StarSportsIndia 💻📱#TATAIPL | #MIvRR pic.twitter.com/mEUocuD0EV — IndianPremierLeague (@IPL) April 1, 2024 కాగా ముంబై ఇండియన్స్‌ టాపార్డర్‌కు సూర్యకుమార్‌ యాదవ్‌ వెన్నెముక లాంటివాడు. ఐసీసీ వరల్డ్‌ నంబర్‌ వన్‌ ర్యాంకర్‌ అయిన ఈ టీమిండియా స్టార్‌.. ఈ ఏడాది జనవరిలో స్పోర్ట్స్‌ హెర్నియా సర్జరీ చేయించుకున్నాడు. అయితే, అతడు ఇంకా పూర్తి ఫిట్‌నెస్‌ సాధించలేదు. ఇక గత సీజన్‌లో రోహిత్‌ శర్మకు బదులు కొన్ని మ్యాచ్‌లలో సూర్యకుమార్‌ యాదవ్‌ ముంబై ఇండియన్స్‌ కెప్టెన్‌గా వ్యవహరించాడు. ఐపీఎల్‌-2023లో మొత్తంగా ఆడిన 16 మ్యాచ్‌లో 605 పరుగులు సాధించాడు. ఇక రోహిత్‌ శర్మ, హార్దిక్‌ పాండ్యా అందుబాటులోని సమయంలో టీమిండియాకు కూడా సారథిగా వ్యవహరించి జట్టును గెలిపించిన ఘనత అతడి సొంతం. చదవండి: IPL 2024: చరిత్ర సృష్టించిన ముంబై ఇండియన్స్‌.. తొలి జట్టుగా var request = 'https://www.sakshi.com/knowwidget/kwstr_4301451426.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ప్రపంచ నంబర్‌వన్‌ టి20 బ్యాటర్‌ సూర్యకుమార్‌ యాదవ్‌ ఈ సీజన్‌ ఐపీఎల్‌లో ముంబై ఇండియన్స్‌ తరఫున బరిలోకి దిగేందుకు ఇంకొంత సమయం పడుతుందని బీసీసీఐ తెలిపింది. జూన్‌లో టి20 ప్రపంచకప్‌ జరుగనున్న నేపథ్యంలో తొందరపడి సూర్యను ఐపీఎల్‌లో వెంటనే బరిలోకి దించాలని బోర్డు భావించడం లేదు. జనవరిలో సూర్యకు ‘స్పోర్ట్స్‌ హెర్నియా’ ఆపరేషన్‌ జరిగింది. ప్రస్తుతం అతను జాతీయ క్రికెట్‌ అకాడమీలో కోలుకుంటున్నాడు.  

గత మూడు నెలలుగా ఆటకు దూరంగా ఉన్నా... అంతర్జాతీయ క్రికెట్‌ కౌన్సిల్‌ (ఐసీసీ) పురుషుల టి20 ర్యాంకింగ్స్‌లో భారత బ్యాటర్‌ సూర్యకుమార్‌ యాదవ్‌ తన నంబర్‌వన్‌ ర్యాంక్‌ను నిలబెట్టుకున్నాడు. తాజా ర్యాంకింగ్స్‌లో సూర్యకుమార్‌ 861 పాయింట్లతో అగ్రస్థానంలో కొనసాగుతున్నాడు. టి20 బౌలింగ్‌ ర్యాంకింగ్స్‌లో ఐర్లాండ్‌తో జరిగిన టి20 సిరీస్‌లో రాణించిన రషీద్‌ ఖాన్‌ నాలుగు స్థానాలు ఎగబాకి పదో ర్యాంక్‌కు చేరుకున్నాడు. భారత స్పిన్నర్‌ అక్షర్‌ పటేల్‌ 4వ ర్యాంక్‌లో ఉన్నాడు. 

ఇంగ్లండ్‌తో ఐదో టెస్టులో టీమిండియా నయా బ్యాటర్‌ సర్ఫరాజ్‌ ఖాన్‌ అదరగొట్టాడు. ధనాధన్‌ ఇన్నింగ్స్‌తో అర్ధ శతకం సాధించాడు. కేవలం 55 బంతుల్లోనే యాభై పరుగుల మార్కు అందుకుని రెండో రోజు ఆటలో తనదైన ముద్ర వేశాడు. కాగా ఇంగ్లండ్‌తో రాజ్‌కోట్‌ టెస్టు సందర్భంగా అరంగేట్రం చేసిన సర్ఫరాజ్‌ ఖాన్‌ అంతర్జాతీయ కెరీర్‌లో ఇది మూడో హాఫ్‌ సెంచరీ కావడం విశేషం. ఇక ధర్మశాలలో జరుగుతున్న తాజా మ్యాచ్‌లో మొత్తంగా 60 బంతులు ఎదుర్కొన్న సర్ఫరాజ్‌ ఖాన్‌ ఎనిమిది ఫోర్లు, ఒక సిక్సర్‌ సాయంతో 56 పరుగులు చేశాడు. ఇంగ్లండ్‌ యువ స్పిన్నర్‌ బౌలింగ్‌లో జో రూట్‌కు క్యాచ్‌ ఇవ్వడంతో సర్ఫరాజ్‌ సూపర్‌ ఇన్నింగ్స్‌కు తెరపడింది. అయితే, క్రీజులో ఉన్నది  కాసేపే అయినా తనదైన షాట్లతో అలరించిన సర్ఫరాజ్‌ ఖాన్‌పై మరో ముంబై బ్యాటర్‌, టీమిండియా టీ20 స్టార్‌ సూర్యకుమార్‌ యాదవ్‌ ప్రశంసలు కురిపించాడు. సర్ఫరాజ్‌ ఖాన్‌ ధనాధన్‌ హాఫ్‌ సెంచరీ ఫొటోను సోషల్‌ మీడియాలో షేర్‌ చేస్తూ.. ‘‘పులి బాగా ఆకలి మీద ఉన్నట్లుంది’’ అని సూర్య పేర్కొన్నాడు. సర్ఫరాజ్‌ పరుగుల దాహం తీరనిదంటూ ఆట పట్ల అతడి అంకితభావాన్ని చాటిచెప్పాడు. ఇదిలా ఉంటే.. ఇంగ్లండ్‌తో తాజా సిరీస్‌లో ఆఖరిదైన ధర్మశాల టెస్టులో టీమిండియా పటిష్ట స్థితిలో నిలిచింది. శుక్రవారం నాటి రెండో రోజు ఆటలో కెప్టెన్‌ రోహిత్‌ శర్మ(103), శుబ్‌మన్‌ గిల్‌(110) సెంచరీలకు తోడు.. అరంగేట్ర బ్యాటర్‌ దేవ్‌దత్‌ పడిక్కల్‌(65), సర్ఫరాజ్‌ ఖాన్‌(56) అర్ధ శతకాలతో రాణించారు. ఈ క్రమంలో ఆట ముగిసే సరికి 8 వికెట్ల నష్టానికి 473 పరుగులు చేసింది. ఇంగ్లండ్‌ కంటే 255 పరుగుల ఆధిక్యంలో నిలిచింది. Wood's got pace? Sarfaraz has the answer 😎#IDFCFirstBankTestSeries #BazBowled #INDvENG #JioCinemaSport pic.twitter.com/htRkcp57X1 — JioCinema (@JioCinema) March 8, 2024 చదవండి: అది ముమ్మాటికి తప్పే.. తనిప్పుడు పెద్దవాడు అయ్యాడు కాబట్టే: గిల్‌ తండ్రి

ICC Awards 2023: అంతర్జాతీయ క్రికెట్‌ మండలి (ఐసీసీ)- 2023 వార్షిక పురస్కారాల్లో భారత్‌కు రెండు ప్రతిష్టాత్మక అవార్డులు లభించాయి. రన్‌మెషీన్‌ విరాట్‌ కోహ్లి మెన్స్‌ వన్డే క్రికెటర్‌ ఆఫ్‌ ది ఇయర్‌గా నిలవగా.. టీ20 స్టార్‌ సూర్యకుమార్‌ యాదవ్‌ మెన్స్‌ టీ20 క్రికెటర్‌ ఆఫ్‌ ది ఇయర్‌ అవార్డు దక్కించుకున్నాడు. కోహ్లి ఏకంగా నాలుగోసారి(వన్డే) ఈ అవార్డు గెలుచుకుని చరిత్ర సృష్టించగా.. సూర్య వరుసగా రెండోసారి పురస్కారం అందుకుని ఇంత వరకు ఎవరికీ సాధ్యం కాని ఘనత(టీ20) సాధించాడు.  కెప్టెన్సీలో అదరగొట్టాడు.. అందుకే గత ఏడాది సూర్య 18 మ్యాచ్‌లు ఆడి 155.95 స్ట్రయిక్‌రేట్‌తో 733 పరుగులు సాధించాడు. ఇందులో రెండు సెంచరీలు, ఐదు అర్ధ సెంచరీలు ఉన్నాయి. ‘టి20 ఫార్మాట్‌లో భారత మిడిలార్డర్‌ వెన్నెముకగా సూర్య ఉన్నాడు. తన దూకుడైన ఆటతో పలుసార్లు భారత జట్టు విజయాల్లో కీలకపాత్ర పోషించాడు. కెప్టెన్సీ బాధ్యతల్లోనూ అతను ఒత్తిడికి లోనుకాకుండా నిలకడగా రాణించాడు’ అని ఐసీసీ వ్యాఖ్యానించింది.   ఇక ఈ టీమిండియా స్టార్లతో పాటు 2023 ఏడాదికి గానూ ఐసీసీ అవార్డులు అందుకున్న జాబితా చూద్దాం. ►మెన్స్‌ క్రికెటర్‌ ఆఫ్‌ ది ఇయర్‌- ప్యాట్‌ కమిన్స్‌(ఆస్ట్రేలియా)- ఐసీసీ వన్డే వరల్డ్‌కప్‌-2023 విజేత జట్టు కెప్టెన్‌ ►మెన్స్‌ వన్డే క్రికెటర్‌ ఆఫ్‌ ది ఇయర్‌- విరాట్‌ కోహ్లి(ఇండియా) డబ్ల్యూటీసీ టైటిల్‌ ►మెన్స్‌ టెస్టు క్రికెటర్‌ ఆఫ్‌ ది ఇయర్‌- ఉస్మాన్‌ ఖవాజా (ఆస్ట్రేలియా)- 13 మ్యాచ్‌లలో కలిపి 1210 పరుగులు- ఆసీస్‌ డబ్ల్యూటీసీ టైటిల్‌ గెలవడంలో కీలక పాత్ర యశస్విని వెనక్కినెట్టి ►మెన్స్‌ ఎమర్జింగ్‌ క్రికెటర్‌ ఆఫ్‌ ది ఇయర్‌- రచిన్‌ రవీంద్ర (న్యూజిలాండ్‌)- వన్డే వరల్డ్‌కప్‌లో 578 పరుగులు. యశస్వి జైస్వాల్‌, గెరాల్డ్‌ కోయెట్జీ, దిల్షాన్‌ మధుషాంకలను వెనక్కినెట్టి అవార్డు సొంతం చేసుకున్నాడు. డచ్‌ జట్టు విజయాలకు కారణం ►మెన్స్‌ అసోసియేట్‌ క్రికెటర్‌ ఆఫ్‌ ది ఇయర్‌- బాస్‌ డి లీడే(నెదర్లాండ్స్‌)- 285 పరుగులు చేసి, 15 వికెట్లు తీసి- వన్డే వరల్డ్‌కప్‌నకు డచ్‌ జట్టు అర్హత సాధించడంలో కీలక పాత్ర- వన్డే ప్రపంచకప్‌లో 139 పరుగులు- 16 వికెట్లు. మహిళా క్రికెట్‌లో మహరాణులు ►వుమెన్స్‌ క్రికెటర్‌ ఆఫ్‌ ది ఇయర్‌- నాట్‌ సీవర్‌ బ్రంట్‌(ఇంగ్లండ్‌) ►వుమెన్స్‌ వన్డే క్రికెటర్‌ ఆఫ్‌ ది ఇయర్‌- చమరి ఆటపట్టు(శ్రీలంక)- 8 మ్యాచ్‌లలో కలిపి 415 రన్స్‌ ►వుమెన్స్‌ టీ20 క్రికెటర్‌ ఆఫ్‌ ది ఇయర్‌- హేలీ మాథ్యూస్‌(వెస్టిండీస్‌)- స్టెఫానీ టేలర్‌ తర్వాత ఈ అవార్డు అందుకున్న రెండో వెస్టిండియన్‌ ప్లేయర్‌- టీ20లలో జట్టుకు అవసరమైన సమయంలో 99 నాటౌట్‌, ఆస్ట్రేలియా గడ్డ మీద వరుసగా 132, 79 రన్స్‌ ►వుమెన్స్‌ ఎమర్జింగ్‌ క్రికెటర్‌ ఆఫ్‌ ది ఇయర్‌- ఫోబె లిచ్‌ఫీల్డ్‌(ఆస్ట్రేలియా)- ఆసీస్‌ టాపార్డర్‌కు వెన్నెముకగా నిలిచినందుకు ►వుమెన్స్‌ అసోసియేట్‌ క్రికెటర్‌ ఆఫ్‌ ది ఇయర్‌- క్వీంటర్‌ అబెల్‌(కెన్యా)- అంతర్జాతీయ టీ20లలో 476 పరుగులు, 30 వికెట్లు జింబాబ్వేకే ఆ అవార్డు స్పిరిట్‌ ఆఫ్‌ ది క్రికెట్ అవార్డు- జింబాబ్వే జాతీయ జట్టు(ఓటమి బాధలో ఉన్న వెస్టిండీస్‌ ఆటగాడు అకీల్‌ హుసేన్‌ను ఓదార్చినందుకు) అంపైర్‌ ఆఫ్‌ ది ఇయర్‌- రిచర్డ్‌ ఇల్లింగ్‌వర్త్‌. ఐసీసీ టెస్టు జట్టు:  ఉస్మాన్ ఖవాజా, దిముత్ కరుణరత్నే, కేన్ విలియమ్సన్, జో రూట్, ట్రావిస్ హెడ్, రవీంద్ర జడేజా, అలెక్స్ క్యారీ, పాట్ కమిన్స్, రవిచంద్రన్ అశ్విన్, మిచెల్ స్టార్క్, స్టువర్ట్ బ్రాడ్. ఐసీసీ వుమెన్స్ వన్డే టీమ్ ఆఫ్ ది ఇయర్:  ఫోబె లిచ్‌ఫీల్డ్, చమరి ఆటపట్టు (కెప్టెన్), ఎలిస్ పెర్రీ, అమేలియా కెర్, బెత్ మూనీ (వికెట్ కీపర్), నాట్ సీవర్-బ్రంట్, యాష్ గార్డనర్, అన్నాబెల్ సదర్లాండ్, నాడిన్ డి క్లెర్క్, లీ తహుహు, నహీదా అక్తర్. ఐసీసీ 2023 వన్డే జట్టు:  రోహిత్ శర్మ (కెప్టెన్), శుబ్‌మన్‌ గిల్, ట్రావిస్ హెడ్, విరాట్ కోహ్లి, డారిల్ మిచెల్, హెన్రిచ్ క్లాసెన్, మార్కో జాన్సన్, ఆడమ్ జంపా, మహ్మద్ సిరాజ్, మహ్మద్ షమీ, కుల్దీప్ యాదవ్. ఐసీసీ వుమెన్స్ టీ20 టీమ్ ఆఫ్ ది ఇయర్: చమరి అటపట్టు(కెప్టెన్), బెత్ మూనీ (వికెట్ కీపర్), లారా వోల్వార్డ్, హేలీ మాథ్యూస్, నాట్ స్కివర్-బ్రంట్, అమేలియా కెర్, ఎల్లిస్ పెర్రీ, యాష్ గార్డెన్, దీప్తి శర్మ, సోఫీ ఎక్లెస్టోన్, మెగాన్ షట్‌. ఐసీసీ పురుషుల టీ20 జట్టు:  యశస్వి జైస్వాల్, ఫిల్ సాల్ట్, నికోలస్ పూరన్ (వికెట్ కీపర్), సూర్యకుమార్ యాదవ్ (కెప్టెన్), మార్క్ చాప్‌మన్‌, సికందర్ రజా, అల్పేశ్ రాంజాని, మార్క్ అడైర్, రవి బిష్ణోయ్, రిచర్డ్ ఎన్గరవ, అర్ష్‌దీప్‌ సింగ్. చదవండి: INDA& U19 WC: ఒకేరోజు అటు అన్న.. ఇటు తమ్ముడు సెంచరీలతో ఇరగదీశారు!

Ind vs Eng Test Series- 2024: టీమిండియా వెటరన్‌ బౌలర్‌ మహ్మద్‌ షమీ ఇంగ్లండ్‌తో టెస్టు సిరీస్‌కు దూరమయ్యే పరిస్థితులు కనిపిస్తున్నాయి. గాయం నుంచి పూర్తిగా కోలుకోని కారణంగా అతడు ఇప్పట్లో మైదానంలో దిగడం కష్టమనే వార్తలు వినిపిస్తున్నాయి. వన్డే వరల్డ్‌కప్‌-2023లో ఆలస్యంగా ఎంట్రీ ఇచ్చినప్పటికీ షమీ అద్భుత ప్రదర్శనతో ఆకట్టుకున్న విషయం తెలిసిందే. సొంతగడ్డపై జరిగిన ఐసీసీ టోర్నీలో మూడుసార్లు ఐదు వికెట్ల ప్రదర్శన నమోదు చేసిన ఈ స్టార్‌ పేసర్‌.. 24 వికెట్లు పడగొట్టాడు. తద్వారా తాజా ఎడిషన్‌లో అత్యధిక వికెట్లు తీసిన బౌలర్‌గా అవార్డు అందుకున్నాడున. చీలమండ నొప్పితో బాధపడుతున్నప్పటికీ ఇంజక్షన్లు తీసుకుంటూ ఈ ఈవెంట్‌ను పూర్తి చేశాడు షమీ. ప్రపంచకప్‌ ముగిసిన తర్వాత విశ్రాంతి తీసుకున్న షమీ.. గాయం నుంచి కోలుకొని కారణంగా సౌతాఫ్రికా పర్యటనకు వెళ్లలేకపోయాడు. అయితే, స్వదేశంలో ఇంగ్లండ్‌తో సిరీస్‌ నాటికి అతడు అందుబాటులోకి వస్తాడనే అభిప్రాయాలు వ్యక్తమయ్యాయి. కానీ.. తాజా సమాచారం ప్రకారం అతడు ఇంగ్లండ్‌తో తొలి రెండు టెస్టులకు దూరం కానున్నట్లు తెలుస్తోంది. ఈ విషయం గురించి బీసీసీఐ వర్గాలు ఇండియన్‌ ఎక్స్‌ప్రెస్‌తో మాట్లాడుతూ.. ‘‘షమీ ఇప్పటికీ బౌలింగ్‌ ప్రాక్టీస్‌ మొదలుపెట్టలేదు. జాతీయ క్రికెట్‌ అకాడమీకి వెళ్లి అతడు ఫిట్‌నెస్‌ నిరూపించుకోవాల్సి ఉంది. కాబట్టి ఇంగ్లండ్‌తో తొలి రెండు మ్యాచ్‌లకు అతడు అందుబాటులో ఉండకపోవచ్చు’’ అని పేర్కొన్నాయి.  కాగా సౌతాఫ్రికా పర్యటనలో టీమిండియా ప్రధాన పేసర్లు జస్ప్రీత్‌ బుమ్రా, మహ్మద్‌ సిరాజ్‌ అదరగొట్టారు. వీరిద్దరి విజృంభణ కారణంగా కేప్‌టౌన్‌లో జరిగిన రెండో టెస్టులో టీమిండియా ఘన విజయం సాధించింది. తద్వారా సిరీస్‌ను 1-1తో డ్రా చేసుకోగలిగింది.  అయితే, అఫ్గనిస్తాన్‌తో టీ20 సిరీస్ సందర్భంగా వీరిద్దరికి మేనేజ్‌మెంట్‌ విశ్రాంతినిచ్చింది. ఇంగ్లండ్‌తో టెస్టులకు వీరిలో ఒక్కరు అందుబాటులోకి వచ్చినా షమీ లేనిలోటు తెలియదు. అలాకాక ఇద్దరికీ రెస్ట్‌ పొడిగిస్తే.. యువ ఫాస్ట్‌బౌలర్లకు అవకాశం దక్కొచ్చు. అయితే, ఉపఖండ పిచ్‌లపై స్పిన్నర్లే ఎక్కువ ప్రభావం చూపగలరు కాబట్టి.. పేస్‌ దళం గురించి పెద్దగా ఆందోళన చెందాల్సిన అవసరం లేదు. కాగా టీమిండియా ప్రస్తుతం గాయాల బెడదతో సతమతమవుతోంది. ఆల్‌రౌండర్‌ హార్దిక్‌ పాండ్యా, టీ20 స్టార్‌ సూర్యకుమార్‌ యాదవ్‌, రుతురాజ్‌ గైక్వాడ్‌ ఇప్పటికే ఆటకు దూరమయ్యారు. ఇదిలా ఉంటే.. జనవరి 11- 17 మధ్య అఫ్గనన్‌తో టీ20 సిరీస్‌ ఆడనున్న టీమిండియా.. తదుపరి జనవరి 25 నుంచి ఇంగ్లండ్‌తో టెస్టు సిరీస్‌ మొదలుపెట్టనుంది. చదవండి: ‘మనం వద్దని మాల్దీవులు ఓటేసింది.. ఇకపై అక్కడికి వెళ్తారా? లేదా..’  

Suryakumar Yadav- Setback To Mumbai Indians Ahead IPL 2024?: టీమిండియా టీ20 స్టార్‌ సూర్యకుమార్‌ యాదవ్‌ మరి కొన్నాళ్లపాటు క్రికెట్‌కు దూరం కానున్నాడు. ఇప్పటికే చీలమండ గాయంతో బాధపడుతున్న ఈ డాషింగ్‌ బ్యాటర్‌ ను మరో ఆరోగ్య సమస్య వేధిస్తున్నట్లు తెలుస్తోంది. స్పోర్ట్స్‌ హెర్నియా వల్ల అతడు ఇబ్బందిపడుతున్నట్లు సమాచారం. సర్జరీ కోసం జర్మనీకి ఈ నేపథ్యంలో సర్జరీ కోసం సూర్యకుమార్‌ జర్మనీ వెళ్లేందుకు సిద్ధమైనట్లు టైమ్స్‌ ఆఫ్‌ ఇండియా కథనం వెలువరించింది. ‘‘సూర్యకుమార్‌ యాదవ్‌ స్పోర్ట్స్‌ హెర్నియాతో బాధపడుతున్నాడు. ప్రస్తుతం అతడు బెంగళూరులోని జాతీయ క్రికెట్‌ అకాడమీలో చికిత్స పొందుతున్నాడు. రానున్న రెండు- మూడు రోజుల్లో అతడు సర్జరీ కోసం జర్మనీలోని మ్యూనిచ్‌కు పయనమవుతాడు. కాబట్టి రంజీ ట్రోఫీ టోర్నీతో పాటు ఐపీఎల్‌-2024 ఆరంభ మ్యాచ్‌లకు సూర్య దూరంగా ఉంటాడు. రంజీలు ఆడడు.. ఐపీఎల్‌ ఆరంభ మ్యాచ్‌లకు దూరం! రంజీల్లో ముంబై తరఫున ఆడటం వీలుపడదు. ఐపీఎల్‌లో ముంబై ఇండియన్స్‌ తరఫున కొన్ని మ్యాచ్‌లకు కూడా అతడు అందుబాటులో ఉండడు’’ అని బీసీసీఐ వర్గాలు వెల్లడించినట్లు తెలిపింది. జూన్‌లోనే టీ20 వరల్డ్‌కప్‌-2024 మొదలుకానుంది కాబట్టి.. సూర్య పూర్తిగా కోలుకునేలా మేనేజ్‌మెంట్‌ అన్ని రకాల చర్యలు చేపట్టిందని సదరు వర్గాలు పేర్కొన్నట్లు వెల్లడించింది. కాగా చీలమండ నొప్పి వల్ల సూర్యకుమార్‌ యాదవ్‌ ఇప్పటికే అఫ్గనిస్తాన్‌తో టీ20 సిరీస్‌కు దూరమయ్యాడు. ఇప్పటికే హార్దిక్‌ దూరమయ్యాడు! ఇదిలా ఉంటే.. సూర్య గనుక ఆరంభ మ్యాచ్‌లకు దూరమైతే ముంబై ఇండియన్స్‌ ఎదురుదెబ్బ తగినట్లే! ఇప్పటికే కెప్టెన్‌ హార్దిక్‌ పాండ్యా కూడా చీలమండ నొప్పితో ఆటకు దూరంగా ఉన్నాడు. అతడు ఎప్పుడు జట్టుతో చేరతాడన్న అంశంలో స్పష్టత లేదు. ఇప్పుడు సూర్య కూడా దూరం కావడంతో ఇద్దరు కీలక ఆటగాళ్లు లేకుండానే ముంబై ఐపీఎల్‌-2024 సీజన్‌ను ఆరంభించాల్సి ఉంటుంది.  స్పోర్ట్స్‌ హెర్నియా అంటే? WebMD హెల్త్‌ అండ్‌ ఫిట్‌నెస్‌ గైడ్‌ ప్రకారం.. కండరాల్లో నొప్పి లేదంటే గజ్జల్లో గాయం.. లేదంటే పొట్ట దిగువన(మృదువైన కణజాలం) తీవ్రమైన నొప్పి రావడాన్ని సాధారణంగా స్పోర్ట్స్‌ హెర్నియాగా వ్యవహరిస్తారు. కేవలం ప్రొఫెషనల్‌ ప్లేయర్లే గాకుండా.. ఆటలు ఆడే చాలా మందిలో సాధారణంగా కనిపించే సమస్యే ఇది. మెడికల్‌ ప్రొఫెషనల్స్‌ దీనిని స్పోర్ట్స్‌ హెర్నియా లేదంటే.. అథ్లెటిక్‌ పబల్గియాగా వ్యవహరిస్తారు. ఇదిలా ఉంటే.. మానవ శరీరంలో నిర్దిష్ట ప్రాంతంలో ఉండాల్సిన అవయవాలు మరొక భాగంలోకి చొచ్చుకువచ్చే స్థితిని సాధారణంగా హెర్నియా అని పిలుస్తారు.  స్పోర్ట్స్‌ హెర్నియా, దీని లక్షణాలు వేర్వేరుగా ఉంటాయి. చదవండి: అఫ్ఘనిస్తాన్‌తో సిరీస్‌ కోసం​ భారత జట్టు ప్రకటన.. రోహిత్‌, కోహ్లి రీఎంట్రీ, సంజూకు ఛాన్స్‌

Tilak VarmaTraining Video: టీమిండియా యువ బ్యాటర్‌, హైదరాబాదీ స్టార్‌ తిలక్‌ వర్మ అఫ్గనిస్తాన్‌తో టీ20 సిరీస్‌కు సన్నద్ధం అవుతున్నాడు. ఇందులో భాగంగా జిమ్‌లో చెమటోడుస్తూ ఫిట్‌నెస్‌ మెరుగుపరుచుకునే పనిలో ఉన్నాడు. ఈ నేపథ్యంలో తన వర్కౌట్లకు సంబంధించిన వీడియోను తిలక్‌ సోషల్‌ మీడియాలో షేర్‌ చేశాడు. ‘‘కొత్త ఏడాది చేసుకున్న తీర్మానాలకు కట్టుబడి ఉంటాను. 2024ను ఆరంభించడానికి ఇంతకంటే గొప్ప మార్గం ఇంకొకటి లేదు’’ అని తిలక్‌ వర్మ సదరు వీడియోకు క్యాప్షన్‌ ఇచ్చాడు. ఇందుకు బదులుగా టీమిండియా వైస్‌ కెప్టెన్‌ సూర్యకుమార్‌ యాదవ్‌.. ‘‘నీకు ఇలాంటి నకిలీ క్యాప్షన్లు ఎవరు ఇస్తారు’’ అంటూ సరదాగా ట్రోల్‌ చేశాడు. క్యాప్షన్‌, వీడియో రెండూ నకిలీవే మరో టీమిండియా స్టార్‌, ఆల్‌రౌండర్‌ అక్షర్‌ పటేల్‌ కూడా సూర్యకు వత్తాసు పలుకుతూ.. ‘‘క్యాప్షన్‌ ఒక్కటే కాదు.. ఆ వీడియో కూడా నకిలీదే. డిసెంబరు 30నాటి ట్రెయినింగ్‌ సెషన్‌కు సంబంధించిన వీడియో అది’’ అంటూ తిలక్‌ వర్మను ఆటపట్టించాడు. తిలక్‌ను ఉద్దేశించి సూర్య, అక్షర్‌ చేసిన కామెంట్లు అభిమానుల దృష్టిని ఆకర్షిస్తున్నాయి. ప్రపంచకప్‌ జట్టులో చోటే లక్ష్యంగా కాగా అండర్‌-19 వరల్డ్‌కప్‌లో సత్తా చాటి ఐపీఎల్‌ ఫ్రాంఛైజీల దృష్టిని ఆకర్షించిన హైదరాబాదీ బ్యాటర్‌ తిలక్‌ వర్మ.. ముంబై ఇండియన్స్‌ తరఫున ఆడే అవకాశం దక్కించుకున్నాడు. ఐపీఎల్‌-2022, 2023 సీజన్లలో మెరుగైన ప్రదర్శనతో ఆకట్టుకుని.. టీమిండియాలో ఎంట్రీ ఇచ్చాడు. వెస్టిండీస్‌తో టీ20 సిరీస్‌ సందర్భంగా అంతర్జాతీయ క్రికెట్లో అరంగేట్రం చేసిన ఈ లెఫ్టాండర్‌.. ఇటీవల దక్షిణాఫ్రికాతో ముగిసిన సిరీస్‌లోనూ ఆడాడు.  అంతర్జాతీయ కెరీర్లో ఇప్పటి వరకు మొత్తంగా 15 టీ20లు, 4 వన్డేలు ఆడిన తిలక్‌ వర్మ.. ఆయా ఫార్మాట్లలో వరుసగా 310, 68 పరుగులు సాధించాడు. అదే విధంగా రెండు వికెట్లు తన ఖాతాలో వేసుకున్నాడీ పార్ట్‌టైమ్‌ స్పిన్నర్‌. తదుపరి జనవరి 11 నుంచి మొదలుకానున్న అఫ్గనిస్తాన్‌ సిరీస్‌లో తనను తాను నిరూపించుకుని టీ20 ప్రపంచకప్‌ జట్టులో చోటే లక్ష్యంగా తిలక్‌ వర్మ ముందుకుసాగుతున్నాడు. చదవండి: T20 WC 2024: రోహిత్‌, కోహ్లి విషయంలో బీసీసీఐ చీఫ్‌ సెలక్టర్‌ అగార్కర్‌ కీలక నిర్ణయం! View this post on Instagram A post shared by Tilak Varma (@tilakvarma9)

IPL 2024- Mimbai Indians Captain: ఐపీఎల్‌ స్టార్‌ ఫ్రాంఛైజీ ముంబై ఇండియన్స్‌ 2023లో కీలక నిర్ణయాలతో వార్తల్లో నిలిచింది. టీమిండియా స్టార్‌ ఆల్‌రౌండర్‌ హార్దిక్‌ పాండ్యాను గుజరాత్‌ టైటాన్స్‌ నుంచి భారీ మొత్తానికి ట్రేడ్‌ చేసుకోవడమే గాక.. కెప్టెన్‌గానూ నియమించింది. ఐదుసార్లు తమను చాంపియన్‌గా నిలిపిన భారత జట్టు సారథి రోహిత్‌ శర్మను కాదని పాండ్యాకు పగ్గాలు అప్పగించింది. టీమిండియా భావి కెప్టెన్‌గా భావిస్తున్న హార్దిక్‌ పాండ్యాను తిరిగి తమ జట్టులో చేర్చుకోవడం ద్వారా బ్రాండ్‌ వాల్యూను మరింత పెంచుకోవాలనే ఉద్దేశంతోనే ముంబై ఫ్రాంఛైజీ ఈ నిర్ణయం తీసుకుందనే అభిప్రాయాలు వ్యక్తమయ్యాయి. అందుకే వంద కోట్ల రూపాయాలకు పైగా వెచ్చించి అతడిని ట్రేడ్‌ చేసుకుందనే ఊహాగానాలు వినిపించాయి. పాండ్యా దూరమైతే జట్టును నడిపించేది ఎవరు? అయితే, వన్డే వరల్డ్‌కప్‌-2023 సందర్భంగా గాయపడ్డ పాండ్యా ఇప్పటికీ కోలుకోకపోవడంతో ముంబైకి ఎదురుదెబ్బ తగిలినట్లయింది. ఐపీఎల్‌-2024కు కూడా అతడు అందుబాటులో ఉంటాడో లేదోనన్న సందిగ్దం నెలకొంది. ఈ నేపథ్యంలో హార్దిక్‌ పాండ్యా గనుక ఈ ఏడాది ఎడిషన్‌ మొత్తానికి దూరమైతే అతడి స్థానంలో ఎవరు నాయకుడిగా వ్యవహరిస్తారనేది ఆసక్తికరంగా మారింది. ఆ ఛాన్సే లేదు రోహిత్‌ శర్మను తిరిగి కెప్టెన్‌గా ప్రకటించాలని అభిమానులు ఆశిస్తున్నా.. తాను ఆటగాడిగా కొనసాగేందుకు ఇష్టపడుతున్నట్లు హిట్‌మ్యాన్‌ ఇప్పటికే సంకేతాలు ఇచ్చాడు. అంతేగాక.. తనను తప్పించిన తర్వాత మళ్లీ ఆ బాధ్యతలు చేపట్టడానికి విముఖత చూపడం సహజం. ఈ నేపథ్యంలో టీమిండియా పేస్‌ దళ నాయకుడు జస్‌ప్రీత్‌ బుమ్రా లేదంటే భారత టీ20 జట్టు వైస్‌ కెప్టెన్‌ సూర్యకుమార్‌ యాదవ్‌ ముంబైని నడిపించే అవకాశం ఉంది. సూర్యకు​ కూడా గాయం కానీ పాండ్యా మాదిరే సూర్య కూడా గాయపడ్డ సంగతి తెలిసిందే. సౌతాఫ్రికాతో టీ20 సిరీస్‌ సందర్భంగా అతడి చీలమండకు గాయం కాగా నొప్పి తీవ్రతరం కావడంతో ఆటకు విరామం ఇచ్చాడు. ఈ నేపథ్యంలోనే బుమ్రానే ముంబై ఇండియన్స్‌ కెప్టెన్‌ అవుతాడనే అభిప్రాయాలు వ్యక్తమవుతున్నాయి. అనుభజ్ఞుడు బుమ్రా వైపే మొగ్గు ఐపీఎల్‌ కెరీర్‌ ఆరంభం నుంచీ బుమ్రా ముంబై ఇండియన్స్‌తోనే ప్రయాణం కొనసాగిస్తున్నాడు. సీనియర్‌ ప్లేయర్‌గా  డ్రెస్సింగ్‌రూం వాతావరణం, కల్చర్‌ గురించి అతడికి బాగా తెలుసు. అంతేగాక.. టీమిండియా కెప్టెన్‌గా వ్యవహరించిన అనుభవం కూడా బుమ్రాకు ఉంది. టెస్టు జట్టుతో పాటు ఐర్లాండ్‌ సిరీస్‌లో టీమిండియా టీ20 కెప్టెన్‌గా బుమ్రా వ్యవహరించాడు. కాబట్టి ఫ్రాంఛైజీ అతడి వైపై మొగ్గు చూపే అవకాశం ఉంది. చదవండి: ILT20 2024: మరో టీ20 లీగ్‌లో ఎంట్రీ.. దుబాయ్‌ క్యాపిటల్స్‌ కెప్టెన్‌గా వార్నర్‌

Suryakumar Yadav out of action till..: అఫ్గనిస్తాన్‌తో టీ20 సిరీస్‌కు ముందు టీమిండియాకు ఎదురుదెబ్బ! భారత టీ20 జట్టు తాత్కాలిక కెప్టెన్‌, ప్రపంచ నంబర్‌ వన్‌ బ్యాటర్‌ సూర్యకుమార్‌ యాదవ్‌ సుమారు నెలన్నర పాటు ఆటకు దూరం కానున్నట్లు సమాచారం. చీలమండ గాయం తీవ్రం కావడంతో అతడికి దీర్ఘకాలం విశ్రాంతినివ్వాలని వైద్యులు సూచించినట్లు తెలుస్తోంది. ఈ నేపథ్యంలో స్వదేశంలో అఫ్గనిస్తాన్‌తో జరిగే టీ20 సిరీస్‌కు సూర్యకుమార్‌ యాదవ్‌ కానున్నాడని బీసీసీఐ వర్గాలు వెల్లడించినట్లు ఇండియన్‌ ఎక్స్‌ప్రెస్‌ తన కథనంలో పేర్కొంది. కాగా వన్డే వరల్డ్‌కప్‌-2023లో ప్రభావం చూపలేకపోయిన సూర్య.. ఈ మెగా టోర్నీ ముగిసిన తర్వాత ఆస్ట్రేలియాతో పొట్టి ఫార్మాట్‌ సిరీస్‌లో దుమ్ములేపాడు. ఆస్ట్రేలియాతో సిరీస్‌లో కెప్టెన్‌గా సత్తా సొంతగడ్డపై.. తొలిసారిగా టీమిండియా కెప్టెన్‌గా పగ్గాలు చేపట్టిన ఈ ముంబై బ్యాటర్‌.. 4-1తో ఆసీస్‌పై ఐదు మ్యాచ్‌ల సిరీస్‌ నెగ్గాడు. ఆ తర్వాత సౌతాఫ్రికా పర్యటనలో భాగంగా టీ20 సిరీస్‌ను 1-1తో సమం చేసి సత్తా చాటాడు. ఆటగాడిగా, సారథిగా అద్భుతంగా రాణించి సఫారీ గడ్డపై ఆతిథ్య జట్టుతో ట్రోఫీని పంచుకున్నాడు. సౌతాఫ్రికాలో సుడిగాలి శతకంతో చెలరేగి ముఖ్యంగా సౌతాఫ్రికాతో నిర్ణయాత్మక మూడో టీ20లో సెంచరీతో చెలరేగి జట్టును గెలిపించాడు. 56 బంతుల్లోనే 100 పరుగులు చేసి సుడిగాలి ఇన్నింగ్స్‌తో టీమిండియా 106 పరుగుల తేడాతో భారీ విజయం అందుకోవడంలో కీలక పాత్ర పోషించాడు.  అయితే, ఈ మ్యాచ్‌ సందర్భంగానే సూర్యకుమార్‌ యాదవ్‌ గాయపడిన విషయం తెలిసిందే. జొహన్నస్‌బర్గ్‌లో డిసెంబరు 16న జరిగిన మూడో టీ20లో ఫీల్డింగ్‌ చేస్తున్న సమయంలో సూర్య అదుపుతప్పి కిందపడిపోయాడు.  గాయం తీవ్రం..  దీంతో అతడి మడిమ మెలిక పడింది. ఈ క్రమంలో నొప్పితో విలవిల్లాడిన సూర్యను పర్యవేక్షించి చికిత్స అందించింది వైద్య బృందం. ఈ నేపథ్యంలో సూర్య మైదానాన్ని వీడగా రవీంద్ర జడేజా సారథిగా వ్యవహరించాడు. అయితే, మ్యాచ్‌ అనంతరం సూర్య మాట్లాడుతూ.. తాను బాగానే ఉన్నట్లు తెలిపాడు. కానీ.. తాజా సమాచారం ప్రకారం.. సూర్య చీలమండ నొప్పి తీవ్రమైనట్లు తెలుస్తోంది. ఈ విషయం గురించి బీసీసీఐ వర్గాలు ఇండియన్‌​ ఎక్స్‌ప్రెస్‌తో మాట్లాడుతూ.. ‘‘కోలుకోవడానికి సూర్యకుమార్‌కు మరికొంత సమయం కావాలి.  అఫ్గనిస్తాన్‌తో సిరీస్‌కు దూరం జాతీయ క్రికెట్‌ అకాడమీలో పునరావాసం పొందిన అనంతరం ఈ విషయంపై పూర్తి స్పష్టత వస్తుంది. అయితే, అతడు కచ్చితంగా అఫ్గనిస్తాన్‌ సిరీస్‌కు మాత్రం దూరమవుతాడు’’ అని పేర్కొన్నాయి. కాగా జనవరి 11 నుంచి స్వదేశంలో టీమిండియా అఫ్గనిస్తాన్‌తో టీ20 సిరీస్‌ ఆడనుంది.  ఇప్పటికే రోహిత్‌ శర్మ టీ20లకు దూరంగా ఉండగా.. అతడి స్థానాన్ని భర్తీ చేస్తున్న హార్దిక్‌ పాండ్యా గాయం కారణంగా ఆటకు విరామం ఇచ్చాడు. ఈ నేపథ్యంలో హార్దిక్‌ స్థానంలో కెప్టెన్‌గా వచ్చిన సూర్య సైతం ఇలా జట్టుకు దూరం కావడం టీమిండియాలో ఆందోళనకు కారణమైంది. జూన్‌ నుంచి మొదలుకానున్న టీ20 ప్రపంచకప్‌-2024కు ముందు ఇలా వరుస ఎదురుదెబ్బలు తగలడం మేనేజ్‌మెంట్‌ను కలవరపెడుతోంది. ఈ మెగా టోర్నీకి ముందు టీమిండియా అఫ్గన్‌తో తమ ఆఖరిసారి టీ20 సిరీస్‌ ఆడనుంది. చదవండి: అది గతం.. ఇప్పుడు రోహిత్‌ మునుపటిలా లేడు.. ఈసారి కచ్చితంగా: మంజ్రేకర్‌

AB de Villiers backs MI's decision: కెప్టెన్‌ మార్పు విషయంలో ముంబై ఇండియన్స్‌ సరైన నిర్ణయం తీసుకుందని సౌతాఫ్రికా క్రికెట్‌ దిగ్గజం ఏబీ డివిలియర్స్‌ అభిప్రాయపడ్డాడు. కానీ హార్దిక్‌ పాండ్యా నియామకం విషయంలో ఎంఐ అభిమానుల నుంచి ఇంతటి నెగిటివిటీని ఊహించలేదన్నాడు.  అదే విధంగా సూర్యకుమార్‌ యాదవ్‌, జస్‌ప్రీత్‌ బుమ్రా ఫ్రాంఛైజీ పట్ల విశ్వాసంగా ఉన్న మాట వాస్తమేనన్న డివిలియర్స్‌.. ఇప్పుడు హార్దిక్‌ తిరిగి వచ్చినందు వల్ల అతడికి పగ్గాలు అప్పజెప్పడంలో తప్పేముందని ప్రశ్నించాడు. రోహిత్‌ శర్మను తప్పిస్తూ ముంబై తీసుకున్న నిర్ణయాన్ని తాను సమర్థిస్తున్నానని పేర్కొన్నాడు. కాగా గుజరాత్‌ టైటాన్స్‌ కెప్టెన్‌గా ఉన్న హార్దిక్‌ పాండ్యా ఐపీఎల్‌-2024కు ముందు తిరిగి సొంతగూటికి చేరిన విషయం తెలిసిందే. తనకు లైఫ్‌ ఇచ్చిన ముంబై ఇండియన్స్‌కి మళ్లీ ఆడేందుకు సిద్ధమైన పాండ్యా ఈసారి కెప్టెన్‌గా అవతారమెత్తనున్నాడు.  లక్షల్లో తగ్గిన ఫాలోవర్లు ఇదిలా ఉంటే.. ముంబైకి ఐదుసార్లు ట్రోఫీ అందించిన రోహిత్‌ శర్మను కాదని పాండ్యాను సారథి చేయడంతో ఫ్యాన్స్‌ తీవ్రస్థాయిలో మండిపడుతున్నారు. లెజెండ్‌ పట్ల మీరు చూపే గౌరవం ఇదేనా.. "RIP MUMBAI INDIANS" అంటూ సోషల్‌ మీడియా వేదికగా విమర్శల వర్షం కురిపిస్తున్నారు. ఈ క్రమంలో ఎంఐ ఇన్‌స్టా, ఎక్స్‌ పేజీల ఫాలోవర్లు లక్షల్లో తగ్గిపోయారు. బ్యాటర్‌గా ఆటను ఆస్వాదించాలనే? ఈ విషయంపై తన యూట్యూబ్‌ చానెల్‌ వేదికగా స్పందించి ఏబీడీ.. ‘‘ఈ వార్త తెలిసిన తర్వాత కొంతమంది సంతోషపడితే.. మరికొంత మంది బాధపడుతున్నారు. అంతేకాదు కెప్టెన్‌ మార్పు ప్రకటన తర్వాత ఎంఐ మిలియన్ల కొద్దీ ఫాలోవర్లను కోల్పోయిందని చదివాను. రోహిత్‌ స్థానాన్ని హార్దిక్‌ భర్తీ చేయడాన్ని చాలా మంది పర్సనల్‌గా తీసుకుని ఉంటారు. అయితే, ముంబై హార్దిక్‌ను కెప్టెన్‌ చేయడం చెత్త నిర్ణయమని నేను భావించను. రోహిత్‌ అద్భుతమైన కెప్టెన్‌ అనడంలో సందేహం లేదు. అయితే, ప్రస్తుతం తను టీమిండియా కెప్టెన్‌గా కూడా ఉన్నాడు. కాబట్టి కనీసం ఫ్రాంఛైజీ క్రికెట్‌లో అయినా.. ఒత్తిడిని తగ్గించుకుని బ్యాటర్‌గా ఆటను ఆస్వాదించాలని భావించి ఉంటాడు.  మరో మాట.. సూర్య, బుమ్రా ముంబై పట్ల విశ్వాసంగానే ఉన్నారు. అయితే, ఇప్పుడు హార్దిక్‌ తిరిగి వచ్చాడు. కాబట్టి తనను కెప్టెన్‌ చేయడంలో తప్పేముంది? ఈ నిర్ణయాన్ని ఎందుకింత ప్రతికూల దృష్టితో చూస్తున్నారో అర్థం కావడం లేదు’’ అని పేర్కొన్నాడు. హార్దిక్‌ పాండ్యా ఒక్కసారి ట్రోఫీ గెలిస్తే.. ఈ ప్రతికూలత తగ్గే అవకాశం ఉందని ఈ సందర్బంగా ఏబీ డివిలియర్స్‌ అభిప్రాయపడ్డాడు. 

Suryakumar Yadav Heartbreak Emoji- His Wife shares cryptic post: క్రికెట్‌ వర్గాల్లో ఎక్కడ చూసినా ముంబై ఇండియన్స్‌ కెప్టెన్‌ మార్పు గురించే చర్చ నడుస్తోంది. ఇండియన్‌ ప్రీమియర్‌ లీగ్‌లో ముంబై జట్టును ఐదుసార్లు టైటిల్‌ విజేతగా నిలిపిన రోహిత్‌ శర్మను.. సారథ్య బాధ్యతల నుంచి తప్పించడాన్ని అభిమానులు జీర్ణించుకోలేకపోతున్నారు. వద్దని వదిలేసుకున్న హార్దిక్‌ పాండ్యాను తిరిగి రప్పించడం బాగానే ఉన్నా.. హిట్‌మ్యాన్ ఉండగా అతడిని కెప్టెన్‌గా నియమించడం సరికాదంటూ సోషల్‌ మీడియా వేదికగా నిరసన తెలుపుతున్నారు. ఇలా చేయడానికి సిగ్గుండాలి ఇలాంటి పిచ్చి నిర్ణయం తీసుకున్నందుకు.. ‘‘మీరు సిగ్గుపడాలి’’ అంటూ #ShameOnMI అంటూ హ్యాష్‌ట్యాగ్‌ను ట్రెండ్‌ చేస్తూ ముంబై ఫ్రాంఛైజీని ట్రోల్‌ చేస్తున్నారు. రోహిత్‌ శర్మకు మద్దతుగా పెద్ద ఎత్తున కామెంట్లు చేస్తున్నారు. ఓ అభిమాని అయితే.. ముంబై జెర్సీని కాల్చివేస్తానంటూ తీవ్ర స్థాయిలో నిరసన వ్యక్తం చేశాడు. కెప్టెన్‌ కావాలని భావించిన బుమ్రా, సూర్య ఇక అభిమానులతో పాటు ముంబై ఇండియన్స్‌ ఆటగాళ్లు కూడా ఫ్రాంఛైజీ నిర్ణయంతో కంగుతిన్నట్లు తెలుస్తోంది. ముఖ్యంగా రోహిత్‌ శర్మ తర్వాత కెప్టెన్‌ కావాలని భావించిన స్టార్‌ పేసర్‌ జస్‌ప్రీత్‌ బుమ్రా, వరల్డ్‌నంబర్‌ వన్‌ టీ20 బ్యాటర్‌ సూర్యకుమార్‌ యాదవ్‌ తీవ్ర నిరాశలో మునిగిపోయినట్లు తెలుస్తోంది. కాగా రోహిత్‌ను తప్పిస్తూ పాండ్యాను తమ కెప్టెన్‌గా నియమించినట్లు ముంబై ఇండియన్స్‌ ప్రకటించగానే సూర్యకుమార్‌.. ‘‘హృదయం ముక్కలైంది’’ అంటూ హార్ట్‌బ్రేక్‌ ఎమోజీని షేర్‌ చేయడం గమనార్హం. కాగా సూర్యకు రోహిత్‌ శర్మ ఆది నుంచి అండగా నిలబడిన విషయం తెలిసిందే. వెంటనే పోస్ట్‌ డిలీట్‌ చేసిన సూర్య భార్య అంతేగాకుండా గత సీజన్‌లో రోహిత్‌ ఇంపాక్ట్‌ ప్లేయర్‌గా పలు మ్యాచ్‌లలో బరిలోకి దిగినపుడు సూర్య కెప్టెన్‌గా వ్యవహరించాడు. ప్రస్తుతం రోహిత్‌, హార్దిక్‌ గైర్హాజరీలో టీమిండియా సారథిగానూ జట్టును ముందుండి నడిపిస్తున్నాడు. ఈ నేపథ్యంలో అతడు కూడా రోహిత్‌ శర్మ తర్వాతి కాలంలో ముంబై ఇండియన్స్‌ కెప్టెన్‌ కాగలడనే అభిప్రాయాలు వ్యక్తమయ్యాయి. అయితే, హార్దిక్‌ పాండ్యా రాకతో సూర్య కలలు ఇక కల్లలైనట్లే అని విశ్లేషకులు అంటున్నారు. ఇలాంటి తరుణంలో సూర్యకుమార్‌ యాదవ్‌ భార్య దేవిశా శెట్టి నెట్టింట ఓ పోస్ట్‌ పెట్టి డిలీట్‌ చేయడం ఆసక్తికరంగా మారింది. ‘‘మీ చుట్టూ ఉన్న వాళ్ల పట్ల మీరెలా వ్యవహరించాన్న విషయం ఎప్పటికీ గుర్తుండి పోతుంది’’ అని దేవిశా ఇన్‌స్టాలో పోస్ట్‌ చేసింది. అయితే, వెంటనే దానిని డిలీట్‌ చేయడం చర్చకు తావిచ్చింది. చదవండి: భారత జట్టులోనూ ‘వై నాట్‌ ఏపీ’.. సీఎం జగన్‌ విజన్‌!

South Africa vs India, 3rd T20I: టీమిండియా చేతిలో ఘోర ఓటమి తమను నిరాశకు గురిచేసిందని సౌతాఫ్రికా కెప్టెన్‌ ఎయిడెన్‌ మార్క్రమ్‌ అన్నాడు. స్థాయికి తగ్గట్లు రాణించి ఉంటే లక్ష్యాన్ని కచ్చితంగా ఛేదించేవాళ్లమేనని పేర్కొన్నాడు. కాగా మూడో టీ20లో భారత జట్టు సౌతాఫ్రికాను చిత్తుగా ఓడించిన విషయం తెలిసిందే. జొహన్నస్‌బర్గ్‌లోని వాండరర్స్‌ వేదికగా గురువారం నాటి మ్యాచ్‌లో టాస్‌ ఓడిన టీమిండియా తొలుత బ్యాటింగ్‌ చేసింది. ఓపెనర్‌ యశస్వి జైశ్వాల్‌(41 బంతుల్లో 60), కెప్టెన్‌ సూర్యకుమార్‌ యాదవ్‌(56 బంతుల్లో 100) అద్భుతంగా రాణించారు. వీరిద్దరి హీరోచిత ఇన్నింగ్స్‌ కారణంగా.. నిర్ణీత 20 ఓవర్లలో ఏడు వికెట్ల నష్టానికి 201 పరుగుల స్కోరు సాధించింది. ఈ క్రమంలో భారీ లక్ష్యంతో బరిలోకి దిగిన సౌతాఫ్రికాకు భారత బౌలర్లు చుక్కలు చూపించారు. పేసర్లు ముకేశ్‌ కుమార్‌, అర్ష్‌దీప్‌ ఒక్కో వికెట్‌ తీయగా.. స్పిన్‌ ఆల్‌రౌండర్‌ రవీంద్ర జడేజా రెండు వికెట్లు పడగొట్టాడు. అయితే, మరో స్పిన్నర్‌, చైనామన్‌ బౌలర్‌ కుల్దీప్‌ యాదవ్‌ ఆకాశమే హద్దుగా చెలరేగాడు. మొత్తంగా 2.5 ఓవర్లు బౌలింగ్‌ చేసిన ఈ బర్త్‌డే బాయ్‌ పదిహేడు పరుగులిచ్చి..  ఏకంగా ఐదు వికెట్లు కూల్చాడు. ఇలా భారత బౌలర్ల విజృంభణ కారణంగా ఆతిథ్య సౌతాఫ్రికా 13.5 ఓవర్లలో 95 పరుగులు మాత్రమే చేసి ఆలౌట్‌ అయింది. దీంతో ఏకంగా 106 పరుగుల తేడాతో భారీ పరాజయాన్ని చవిచూసింది. #KuldeepYadav spun a web around the South African batters, picking up 5️⃣ wickets for just 17 runs 🤯 Here's the best of his spell 🕸️ Tune in to South Africa v India 1st ODI, SUN, 17th DEC. Coverage starts at 12.30 PM#SAvIND #Cricket pic.twitter.com/pfUEaTWD3i — Star Sports (@StarSportsIndia) December 15, 2023 ఛేదించదగ్గ లక్ష్యమే ఇక రెండో టీ20లో ఓడినప్పటికీ.. నిర్ణయాత్మక ఆఖరి మ్యాచ్‌లో అద్భుతంగా రాణించిన సూర్యకుమార్‌ సేన సిరీస్‌ను సమం చేసి ట్రోఫీని పంచుకుంది. ఈ నేపథ్యంలో ప్రొటిస్‌ జట్టు సారథి ఎయిడెన్‌ మార్క్రమ్‌ మాట్లాడుతూ.. ‘‘ఇది మేము ఛేదించదగ్గ స్కోరే. టీమిండియా బ్యాటింగ్‌ చేసినపుడు కానీ పనిపూర్తి చేయలేకపోయాం. పూర్తిగా విఫలమయ్యాం. నిజానికి మేము ఫీల్డింగ్‌ చేస్తున్న సమయంలో బ్యాటర్లు నలుమూలలా హిట్‌ చేయగల పరిస్థితి ఉంది. ఛేజింగ్‌లోనూ ఇలాగే ఉంటుందనుకున్నాం. ఇంకాస్త మెరుగ్గా ఆడాల్సింది.  అయితే, ఈ సిరీస్‌ ద్వారా మాకు కొన్ని సానుకూలతలు కూడా లభించాయి. లోపాలు సరిచేసుకుని సరికొత్త ఉత్సాహంతో ముందుకు సాగుతాం’’అని పేర్కొన్నాడు. కాగా ఈ మ్యాచ్‌లో మార్క్రమ్‌ 14 బంతుల్లో 25 పరుగులు సాధించాడు. సూర్య ప్రతాపం ఇక సౌతాఫ్రికా ఇన్నింగ్స్‌లో డేవిడ్‌ మిల్లర్‌ 35 రన్స్‌తో టాప్‌ స్కోరర్‌గా నిలిచాడు. మరోవైపు.. సుడిగాలి శతకంతో చెలరేగిన టీమిండియా సారథి సూర్యకుమార్‌ యాదవ్‌ ప్లేయర్‌ ఆఫ్‌ ది మ్యాచ్‌తో పాటు ప్లేయర్‌ ఆఫ్‌ ది సిరీస్‌ అవార్డు కూడా అందుకున్నాడు.  చదవండి:  మహ్మద్‌ సిరాజ్‌ బుల్లెట్‌ త్రో.. సౌతాఫ్రికా బ్యాటర్‌ ఫ్యూజ్‌లు ఔట్‌!

జొహన్నెస్‌బర్గ్‌: వాండరర్స్‌ మైదానంలో భారత్‌ విజయహాసం చేసింది. గత మ్యాచ్‌ ఓటమికి ప్రతీకారం తీర్చుకుంటూ భారీ విజయాన్ని నమోదు చేసింది. గురువారం జరిగిన చివరిదైన మూడో టి20 మ్యాచ్‌లో భారత్‌ 106 పరుగుల తేడాతో దక్షిణాఫ్రికాను చిత్తు చేసింది. ముందుగా బ్యాటింగ్‌కు దిగిన భారత్‌  20 ఓవర్లలో 7 వికెట్ల నష్టానికి 201 పరుగులు చేసింది. ఫామ్‌లో ఉన్న కెప్టెన్   , ‘ప్లేయర్‌ ఆఫ్‌ ద మ్యాచ్‌’ సూర్యకుమార్‌ యాదవ్‌ (56 బంతుల్లో 100; 7 ఫోర్లు, 8 సిక్స్‌లు) మెరుపు శతకంతో చెలరేగాడు. ఓపెనర్‌ యశస్వి జైస్వాల్‌ (41 బంతుల్లో 60; 6 ఫోర్లు, 3 సిక్స్‌లు) కూడా రాణించాడు. అంతర్జాతీయ టి20ల్లో నాలుగో సెంచరీ సాధించిన సూర్య... రోహిత్‌ శర్మ, గ్లెన్‌ మ్యాక్స్‌వెల్‌లతో సమంగా నిలిచాడు. అనంతరం ఛేదనలో దక్షిణాఫ్రికా ఏ దశలోనూ ప్రభావం చూపలేకపోయింది. చివరకు ఆ జట్టు 13.5 ఓవర్లలోనే 95 పరుగులకే కుప్పకూలింది. డేవిడ్‌ మిల్లర్‌ (25 బంతుల్లో 35; 2 ఫోర్లు, 2 సిక్స్‌లు) టాప్‌ స్కోరర్‌ కాగా, మార్క్‌రమ్‌ (25) ఫర్వాలేదనిపించాడు. భారత స్పిన్నర్‌ కుల్దీప్‌ యాదవ్‌ (5/17) తన కెరీర్‌లో అత్యుత్తమ బౌలింగ్‌ ప్రదర్శనతో ప్రత్యర్థిని పడగొట్టాడు. తొలి టి20 మ్యాచ్‌ వర్షం కారణంగా రద్దు కాగా... తాజా ఫలితంతో 1–1తో టి20 సిరీస్‌ సమంగా ముగిసింది. ఇరు జట్ల మధ్య మూడు వన్డేల సిరీస్‌లో భాగంగా ఆదివారం తొలి మ్యాచ్‌ జరుగుతుంది.   సూర్య సిక్సర్ల జోరు...  టాస్‌ ఓడి ముందుగా బ్యాటింగ్‌కు దిగిన భారత్‌కు సరైన ఆరంభం లభించలేదు. గిల్‌ (12), తిలక్‌ వర్మ (0)లను వరుస బంతుల్లో కేశవ్‌ మహరాజ్‌ అవుట్‌ చేశాడు. అయితే మరో ఎండ్‌లో యశస్వి మాత్రం దూకుడు కనబరుస్తూ మార్క్‌రమ్‌ ఓవర్లో 2 ఫోర్లు, సిక్స్‌ బాదాడు. నాలుగో స్థానంలో వచ్చిన సూర్య తనదైన శైలిలో ఆరంభం నుంచి విరుచుకుపడటంతో స్కోరు వేగంగా దూసుకుపోయింది. పవర్‌ప్లే ముగిసేసరికి స్కోరు 62 పరుగులకు చేరింది. మధ్యలో కొంత నెమ్మదించిన యశస్వి 34 బంతుల్లో అర్ధ సెంచరీ పూర్తి చేసుకున్నాడు. అనంతరం ఫెలుక్వాయో ఓవర్లో సూర్య చెలరేగిపోయాడు. వరుసగా 6, 4, 6, 6 కొట్టిన అతను 32 బంతుల్లో హాఫ్‌ సెంచరీని అందుకున్నాడు. మూడో వికెట్‌కు సూర్యతో 70 బంతుల్లోనే 112 పరుగులు జోడించిన అనంతరం యశస్వి వెనుదిరిగాడు. రింకూ సింగ్‌ (14) ఈసారి ప్రభావం చూపలేకపోగా, జితేశ్‌ (4), జడేజా (4) విఫలమయ్యారు. మరోవైపు సూర్య మాత్రం తన జోరు కొనసాగించాడు. బర్జర్‌ ఓవర్లో వరుస బంతుల్లో 4, 6, 4 బాదిన అతను షమ్సీ ఓవర్లోనూ 4, 6 కొట్టాడు. 55 బంతుల్లో సూర్య సెంచరీ పూర్తి కాగా,  20వ ఓవర్లో భారత్‌ 3 వికెట్లు కోల్పోయింది. చివరి 4 ఓవర్లలో టీమిండియాను కట్టడి చేయడంలో సఫలమైన సఫారీ టీమ్‌ 40 పరుగులే ఇచ్చింది.   స్కోరు వివరాలు   భారత్‌ ఇన్నింగ్స్‌: యశస్వి (సి) హెన్‌డ్రిక్స్‌ (బి) షమ్సీ 60; గిల్‌ (ఎల్బీ) (బి) మహరాజ్‌ 8; తిలక్‌ (సి) మార్క్‌రమ్‌ (బి) మహరాజ్‌ 0; సూర్యకుమార్‌ (సి) బ్రీట్‌కే (బి) విలియమ్స్‌ 100; రింకూ (సి) (సబ్‌) స్టబ్స్‌ (బి) బర్జర్‌ 14; జితేశ్‌ (హిట్‌వికెట్‌) (బి) విలియమ్స్‌ 4; జడేజా (రనౌట్‌) 4; అర్‌‡్షదీప్‌ (నాటౌట్‌) 0; సిరాజ్‌ (నాటౌట్‌) 2; ఎక్స్‌ట్రాలు 9; మొత్తం (20 ఓవర్లలో 7 వికెట్లకు) 201. వికెట్ల పతనం: 1–29, 2–29, 3–141, 4–188, 5–194, 6–199, 7–199. బౌలింగ్‌: బర్జర్‌ 4–0–39–1, మార్క్‌రమ్‌ 1–0–15–0, కేశవ్‌ మహరాజ్‌ 4–0– 26–2, విలియమ్స్‌ 4–0–46–2, ఫెలుక్వాయో 3–0–33–0, షమ్సీ 4–0–38–1.   దక్షిణాఫ్రికా ఇన్నింగ్స్‌: హెన్‌డ్రిక్స్‌ (రనౌట్‌) 8; బ్రీట్‌కే (బి) ముకేశ్‌ 14; మార్క్‌రమ్‌ (సి) యశస్వి (బి) జడేజా 25; క్లాసెన్‌ (సి) రింకూ (బి) అర్‌‡్షదీప్‌ 5; మిల్లర్‌ (బి) కుల్దీప్‌ 35; ఫెరీరా (బి) కుల్దీప్‌ 12; ఫెలుక్వాయో (సి) అండ్‌ (బి) జడేజా 0; మహరాజ్‌ (బి) కుల్దీప్‌ 1; బర్జర్‌ (ఎల్బీ) (బి) కుల్దీప్‌ 1; విలియమ్స్‌ (ఎల్బీ) (బి) కుల్దీప్‌ 0; షమ్సీ (నాటౌట్‌) 1; ఎక్స్‌ట్రాలు 3; మొత్తం (13.5 ఓవర్లలో ఆలౌట్‌) 95.  వికెట్ల పతనం: 1–4, 2–23, 3–42, 4–42, 5–75, 6–82, 7–89, 8–89, 9–94, 10–95.   బౌలింగ్‌: సిరాజ్‌ 3–1–13–0, ముకేశ్‌ 2–0–21–1, అర్‌‡్షదీప్‌ 2–0–13–1, జడేజా 3–0–25–2, తిలక్‌ 1–0–4–0, కుల్దీప్‌ 2.5–0–17–5.  

South Africa vs India, 3rd T20I: టీమిండియా స్టార్‌ ఆల్‌రౌండర్‌ రవీంద్ర జడేజా భవితవ్యం గురించి భారత మాజీ క్రికెటర్‌ ఆకాశ్‌ చోప్రా కీలక వ్యాఖ్యలు చేశాడు. అంతర్జాతీయ టీ20 ఫార్మాట్లో  అక్షర్‌ పటేల్‌ రూపంలో జడ్డూకు ప్రమాదం పొంచి ఉందన్నాడు.  టీ20 జట్టులో స్థానం సుస్థిరం చేసుకోవాలంటే జడ్డూ బ్యాట్‌ ఝులిపించాల్సిందేనని అభిప్రాయపడ్డాడు. లేనిపక్షంలో ఏ క్షణమైనా సెలక్టర్లు జడేజాపై వేటు వేయడానికి వెనుకాడరని పేర్కొన్నాడు. ముఖ్యంగా సౌతాఫ్రికాతో టీ20 సిరీస్‌లో వైస్‌ కెప్టెన్‌ అన్న ట్యాగ్‌ అతడిని కాపాడుతుందనుకుంటే పొరబడ్డేనని ఆకాశ్‌ చోప్రా పేర్కొన్నాడు.  సమం చేసి పరువు నిలుపుకోవాలని కాగా సౌతాఫ్రికా పర్యటనలో భారత టీ20 జట్టుకు సూర్యకుమార్‌ యాదవ్‌ సారథ్యం వహిస్తుండగా.. రవీంద్ర జడేజా అతడికి డిప్యూటీగా వ్యవహరిస్తున్నాడు. ఇక మూడు మ్యాచ్‌ల సిరీస్‌లో మొదటిది వర్షం కారణంగా రద్దు కాగా.. రెండో టీ20లో టీమిండియా ఓటమిపాలైంది. ఈ క్రమంలో సిరీస్‌ సమం చేసి పరువు కాపాడుకోవాలని పట్టుదలగా ఉన్న భారత్‌.. మూడో టీ20లో పలు మార్పులతో బరిలోకి దిగాలనే యోచనలో ఉన్నట్లు తెలుస్తోంది. ఈ నేపథ్యంలో కామెంటేటర్‌ ఆకాశ్‌ చోప్రా సోషల్‌ మీడియా వేదికగా తన అభిప్రాయాలు పంచుకున్నాడు. అక్షర్‌ పటేల్‌ రూపంలో జడ్డూకు పోటీ ‘‘రింకూ సింగ్‌ మరోసారి మంచి స్కోరు సాధించాలని కోరుకుంటున్నా. జితేశ్‌ శర్మతో పాటు రవీంద్ర జడేజా కూడా తమ వంతు పాత్ర పోషించాల్సి ఉంటుంది. ముఖ్యంగా జడ్డూ ఇంకాస్త మెరుగ్గా ఆడాలి. ఎందుకంటే పొట్టి ఫార్మాట్లో అక్షర్‌ పటేల్‌ రూపంలో అతడికి గట్టి పోటీ ఉంది. కేవలం వైస్‌ కెప్టెన్‌ అయినంత మాత్రాన జడ్డూ తుదిజట్టులో ఉంటాడన్న నమ్మకం లేదు. నిజానికి ఇటీవలి కాలంలో టీమిండియా వైస్‌ కెప్టెన్‌ పదవికి పెద్దగా విలువేమీ ఉండటం లేదు. అప్పుడు అజింక్య రహానే.. మొన్న అయ్యర్‌ ఆస్ట్రేలియాతో సిరీస్‌లో శ్రేయస్‌ అయ్యర్‌ వైస్‌ కెప్టెన్‌గా ఉన్నాడు. అంతకు ముందు టెస్టుల్లో అజింక్య రహానే కూడా టెస్టు జట్టు సారథికి డిప్యూటీగా వ్యవహరించాడు. ఈ మధ్య సెలక్టర్లు ఆటగాళ్లపై వేటు వేయడానికి ముందూ వెనుకా ఆలోచించడం లేదు.  అది వైస్‌ కెప్టెన్‌ అయినా.. ఇంకెవరైనా సరే! ఇలా ఎందుకు చేస్తున్నారో నాకైతే అంతుపట్టడం లేదు’’ అంటూ గురువారం నాటి మూడో టీ20 ఆరంభం నేపథ్యంలో ఆకాశ్‌ చోప్రా ఈ మేరకు వ్యాఖ్యలు చేశాడు. ఇదిలా ఉంటే రెండో టీ20లో రింకూ సింగ్‌ 68 పరుగులతో టాప్‌ స్కోరర్‌గా నిలవగా.. కెప్టెన్‌ సూర్య 56 పరుగులు సాధించాడు. రవీంద్ర జడేజా 14 బంతుల్లో 19 పరుగులు చేశాడు. జితేశ్‌ శర్మ కేవలం ఒక్క పరుగు మాత్రమే చేసి పెవిలియన్‌ చేరాడు. ఇక సౌతాఫ్రికా- టీమిండియా మధ్య సిరీస్‌ విజేతను తేల్చే మూడో టీ20కి జొహన్నస్‌బర్గ్‌ వేదిక. చదవండి: #AusVsPak: పాక్‌ బౌలర్లకు చుక్కలు.. టెస్టులో వార్నర్‌ టీ20 ఇన్నింగ్స్‌! ఆ తప్పిదం వల్ల నో వికెట్‌!

జొహన్నెస్‌బర్గ్‌: ఒకటి వాన ఖాతాలో... మరొకటి ఆతి థ్య ఖాతాలో పడిపోయాయి. ఇప్పుడు భారత్‌ ఖాతా తెరవాల్సిన సమయం వచ్చింది. దక్షిణాఫ్రికాతో ఆఖరి పోరులో టీమిండియా గెలిస్తేనే మూడు టి20ల సిరీస్‌ను 1–1తో సమం చేయగలదు. లేదంటే సిరీస్‌ చేజారుతుంది. ఈ నేపథ్యంలో ఆఖరి సమ రం యువ భారత్‌ సత్తాకు పరీక్ష పెడు తోంది. గురువారం జరిగే మ్యాచ్‌లో సూర్యకుమార్‌ సేన గెలుపే లక్ష్యంగా బరిలోకి దిగుతోంది. నిజానికి గత మ్యాచ్‌లో భారత్‌ చేసిన స్కోరు తక్కు వేం కాదు. కానీ వాన ప్రతాపం, మంచ్‌ ప్రభావంతో బౌలర్లు కట్టు తప్పా రు. ఇదే అదనుగా దక్షిణాఫ్రికా బ్యాట ర్లు చెలరేగారు. ఇప్పుడు ‘సీన్‌’ అర్థమైన ‘సూర్య అండ్‌ కో’ తప్పకుండా సరైన ఎత్తుగడతోనే బరిలోకి దిగడం ఖాయం. ఇదే జరిగితే సిరీస్‌ చేతికి అందకపోయినా... చేజారడం మాత్రం జరగదు.  ఓపెనర్లు చెలరేగితే...  ఆస్ట్రేలియాతో సొంతగడ్డపై జరిగిన ఐదు టి20ల సిరీస్‌లో టాపార్డర్‌ కీలకపాత్ర పోషించింది. ఇక్కడ యశస్వి–శుబ్‌మన్‌ గిల్‌ జోడి డకౌట్లతో నిరాశపరిచింది. ఇది ఇన్నింగ్స్‌పై ప్రభావం చూపించింది. పొట్టి ఫార్మాట్‌లో పవర్‌ ప్లే, డెత్‌ ఓవర్లే స్కోరును ఒక్కసారిగా మార్చేస్తాయి. భారత్‌ విషయంలో అదే జరిగింది. తిలక్‌వర్మ ఉన్నంత సేపు ధాటిగా ఆడాడు. మ్యాచ్‌ మ్యాచ్‌కు రాటుదేలుతున్న రింకూ సింగ్‌పై అందరి దృష్టి పడింది. కచ్చితత్వంతో కూడిన భారీషాట్లు అతన్ని మరో మెట్టుపై నిలబెడుతున్నాయి. కెప్టెన్ సూర్య కుమార్‌ ఎలాగూ ఫామ్‌లోనే ఉన్నాడు. బ్యాటింగ్‌ ఆర్డర్‌పై పెద్దగా బెంగలేకపోయినా... బౌలింగ్‌ విభాగం తేలిపోవడమే జట్టు మేనేజ్‌మెంట్‌ను కలవర పెడుతోంది. అనుభవజు్ఞలైన రవీంద్ర జడేజా, సిరాజ్‌లు ప్రత్యర్థి బ్యాటర్లను కట్టడి చేయలేకపోగా...అర్ష్దీప్, ముకేశ్‌ విఫలమయ్యారు. కీలకమైన ఈ మ్యా చ్‌లో బౌన్సీ పిచ్‌ సహకారంతో భారత బౌలర్లు లైన్‌ అండ్‌ లెంత్‌కు కట్టుబడితే ఆశించిన ఫలితాల్ని అందుకోవచ్చు.  సిరీస్‌పై కన్నేసిన సఫారీ  రెండో మ్యాచ్‌ గెలిచి 1–0తో జోరుమీదున్న ఆతిథ్య దక్షిణాఫ్రికా ఇప్పుడు సిరీస్‌పై కన్నేసింది. ఆఖరి మ్యాచ్‌లోనూ భారత్‌ను కంగుతినిపించి 2–0తో సిరీస్‌ను వశం చేసుకోవాలనే లక్ష్యంతో మార్క్‌రమ్‌ సారథ్యంలోని సఫారీ బరిలోకి దిగుతోంది. రెండో మ్యాచ్‌లో ఓపెనర్‌ హెన్‌డ్రిక్స్, మార్క్‌రమ్‌ సుడిగాలి వేగం మిగతా బ్యాటర్లు కొట్టిన అడపాదడపా బౌండరీలతో కుదించిన లక్ష్యాన్ని దర్జాగా ఛేదించేలా చేసింది. అయితే రబడా, ఇన్‌గిడిలాంటి స్పీడ్‌స్టర్లు అందుబాటులో లేని సఫారీ బౌలింగ్‌ కూడా పేలవంగానే కనిపిస్తోంది. ఈ విభాగాన్ని మె రుగు పర్చుకుంటేనే సిరీస్‌ను చేజిక్కించుకుంటుంది. లేదంటే యువ భారత్‌ సిరీస్‌ సమం చేసుకుంటుంది.  జట్లు (అంచనా) భారత్‌: సూర్యకుమార్‌ (కెప్టెన్ ), యశస్వి, శుబ్‌మన్, తిలక్‌వర్మ, రింకూ సింగ్, జితేశ్‌ శర్మ, జడేజా, అర్ష్‌దీప్‌ సింగ్‌, కుల్దీప్, సిరాజ్, ముకేశ్‌.  దక్షిణాఫ్రికా: మార్క్‌రమ్‌ (కెప్టెన్ ), హెన్‌డ్రిక్స్, బ్రీట్‌కి, క్లాసెన్, మిల్లర్, స్టబ్స్, ఫెలుక్వాయో, జాన్సెన్, కొయెట్జి, లిజాడ్‌ విలియమ్స్, షమ్సీ.  పిచ్‌–వాతావరణం  వాండరర్స్‌ వికెట్‌ బ్యాటింగ్‌కు స్వర్గధామం. భారీ స్కోర్లు, మెరుపులకు లెక్కేలేదు. అయితే పేస్‌ బౌలర్లకు కూడా కాస్త అనుకూలించే పిచ్‌ ఇది. టాస్‌ నెగ్గిన జట్టు ఛేదనకే మొగ్గు చూపవచ్చు. గురువారం వర్ష సూచన అయితే ఉంది. కానీ మ్యాచ్‌ సమయానికల్లా అనుకూల వాతావరణం ఉంటుంది. 

South Africa vs India, 2nd T20I- Rinku Singh: టీమిండియా తరఫున టీ20లలో అదరగొడుతూ తనదైన ముద్ర వేస్తున్నాడు యువ బ్యాటర్‌ రింకూ సింగ్‌. కీలక సమయంలో విలువైన ఇన్నింగ్స్‌ ఆడుతూ నయా ఫినిషర్‌గా నీరాజనాలు అందుకుంటున్నాడు. ఇటీవల ఆస్ట్రేలియాతో స్వదేశంలో టీ20 సిరీస్‌లో అద్భుత ప్రదర్శన కనబరిచిన ఈ యూపీ బ్యాటర్‌.. తాజాగా సౌతాఫ్రికా గడ్డ మీద కూడా సత్తా చాటాడు. రింకూ ధనాధన్‌ ఇన్నింగ్స్‌ ప్రొటిస్‌ జట్టుతో రెండో టీ20లో ఓపెనర్లు విఫలమైన వేళ కెప్టెన్‌ సూర్యకుమార్‌ యాదవ్‌(56)తో కలిసి ఇన్నింగ్స్‌ చక్కదిద్దాడు. కేవలం 39 బంతుల్లోనే 68 పరుగులతో అజేయంగా నిలిచాడు. అతడి ఇన్నింగ్స్‌లో 9 ఫోర్లు, 2 సిక్సర్లు ఉన్నాయి. అయితే, వర్షం కారణంగా సౌతాఫ్రికా ఇన్నింగ్స్‌ను 15 ఓవర్లకు కుదించిన ఈ మ్యాచ్‌లో భారత్‌కు ఓటమి తప్పలేదు. ప్రొటిస్‌ ఓపెనర్‌ రీజా హెండ్రిక్స్‌ 27 బంతుల్లోనే 49 పరుగులతో చెలరేగగా.. కెప్టెన్‌ ఎయిడెన్‌ మార్క్రమ్‌ 30 పరుగులతో రాణించాడు. ఈ క్రమంలో డక్‌వర్త్‌ లూయీస్‌ పద్ధతి ప్రకారం సౌతాఫ్రికా ఐదు వికెట్ల తేడాతో టీమిండియాపై గెలుపొందింది. ఇదిలా ఉంటే.. పోర్ట్‌ ఎలిజబెత్‌ వేదికగా మంగళవారం జరిగిన ఈ మ్యాచ్‌లో రింకూ సింగ్‌ బాదిన సిక్సర్‌ కారణంగా మీడియా గ్లాస్‌ బాక్స్‌ బద్దలైన విషయం తెలిసిందే. సిక్సర్‌ దెబ్బకు అద్దం పగిలింది పందొమ్మిదవ ఓవర్లో మార్క్రమ్‌ బౌలింగ్‌లో రింకూ స్ట్రెయిట్‌ హిట్‌ కారణంగా సైట్‌స్క్రీన్‌ బ్రేక్‌ అయిపోయింది. ఇందుకు సంబంధించిన వీడియో నెట్టింట వైరల్‌గా మారింది.  సారీ చెప్పిన రింకూ.. సో క్యూట్‌ అంటున్న నెటిజన్లు ఇక ఈ విషయం గురించి మ్యాచ్‌ అనంతరం స్పందించిన రింకూ సింగ్‌.. స్టేడియం నిర్వాహకులకు క్షమాపణలు చెప్పడం విశేషం. ఈ మేరకు బీసీసీఐ విడుదల చేసిన వీడియోలో తన ప్రదర్శన గురించి మాట్లాడుతున్న సమయంలో.. ‘‘ఆ బంతిని సిక్సర్‌గా మలచాలని మాత్రమే భావించాను. నా షాట్‌ కారణంగా అద్దం పగిలిపోయిందని నాకు తెలియదు. ఆ విషయం గురించి ఇప్పుడే తెలిసింది. గ్లాస్‌ బ్రేక్‌ చేసినందుకు సారీ చెబుతున్నా’’ అని రింకూ సింగ్‌ పేర్కొన్నాడు. ఈ వీడియో చూసిన నెటిజన్లు.. ‘‘సో క్యూట్‌ రింకూ.. నీ ఆటతోనే కాదు అమాయకత్వపు, హుందాతనపు మాటలతోనూ మా మనసులు దోచుకున్నావు’’ అంటూ కామెంట్లు చేస్తున్నారు. Maiden international FIFTY 👌 Chat with captain @surya_14kumar 💬 ... and that glass-breaking SIX 😉@rinkusingh235 sums up his thoughts post the 2⃣nd #SAvIND T20I 🎥🔽 #TeamIndia pic.twitter.com/Ee8GY7eObW — BCCI (@BCCI) December 13, 2023 కాగా ఇప్పటి వరకు పలు మ్యాచ్‌లలో ధనాధన్‌ ఇన్నింగ్స్‌ ఆడినప్పటికీ రింకూ అంతర్జాతీయ క్రికెట్‌లో ఒక్కసారి కూడా యాభై పరుగుల మార్కు అందుకోలేకపోయాడు. అయితే, తాజా టీ20 సందర్భంగా కఠినమైన సఫారీ పిచ్‌లపై తన తొలి ఇంటర్నేషనల్‌ హాఫ్‌ సెంచరీ నమోదు చేయడం విశేషం. అంతా సూర్య భాయ్‌ వల్లే ఈ నేపథ్యంలో రింకూ మాట్లాడుతూ.. ‘‘మ్యాచ్‌ జరుగుతున్న సమయంలో సూర్య భాయ్‌ నాకు సూచనలు ఇచ్చారు. ఒత్తిడికి లోనుకాకుండా నీ సహజమైన ఆటనే ఆడమని చెప్పారు. తొందరపాటు తగదు.. భారీ షాట్ల కోసం కాస్త ఓపికగా ఎదురు చూడాలని చెప్పారు. నిజానికి ఆరంభంలో వికెట్‌ కాస్త కఠినంగా అనిపించింది. అయితే, కాసేపటి తర్వాత షాట్లు ఆడేందుకు వీలు కలిగింది’’ అని తెలిపాడు. కాగా సౌతాఫ్రికా పర్యటనలో భాగంగా మూడు మ్యాచ్‌ల సిరీస్‌లో తొలి టీ20 వర్షం కారణంగా రద్దు కాగా.. రెండో మ్యాచ్లో సూర్య సేనకు ఓటమి ఎదురైంది. ఇక నిర్ణయాత్మక మూడో టీ20 జొహన్నస్‌బర్గ్‌ వేదికగా గురువారం జరుగనుంది. #AidenMarkram brought himself on in the penultimate over, and #RinkuSingh made him pay with back-to-back maximums 🔥 Rinku has brought his A-game to South Africa! Tune-in to the 2nd #SAvIND T20I LIVE NOW | Star Sports Network#Cricket pic.twitter.com/HiibVjyuZH — Star Sports (@StarSportsIndia) December 12, 2023 చదవండి: Ind vs SA: అందుకే ఓడిపోయాం.. మాకు ఇదొక గుణపాఠం: సూర్యకుమార్‌

South Africa vs India, 2nd T20I: సౌతాఫ్రికాతో టీ20 సిరీస్‌ను టీమిండియా ఓటమితో ఆరంభించింది. మొదటి మ్యాచ్‌ వర్షం కారణంగా రద్దు కాగా.. రెండో మ్యాచ్‌లో సూర్య సేనను పరాజయం పలకరించింది. పోర్ట్‌ ఎలిజబెత్‌ వేదికగా జరిగిన టీ20లో భారత జట్టు 5 వికెట్ల తేడాతో ఆతిథ్య జట్టు చేతిలో ఓడిపోయింది.  తద్వారా మూడు మ్యాచ్‌ల సిరీస్‌లో 0-1తో వెనుకబడింది. దీంతో నిర్ణయాత్మక ఆఖరి టీ20లో తప్పక గెలవాల్సిన పరిస్థితి నెలకొంది. ఈ నేపథ్యంలో టీమిండియా కెప్టెన్‌ సూర్యకుమార్‌ యాదవ్‌ మాట్లాడుతూ.. ఓటమిపై తీవ్ర విచారం వ్యక్తం చేశాడు. మెరుగైన స్కోరు సాధించినా లక్ష్యాన్ని కాపాడుకోలేకపోయామన్నాడు. ఓపెనర్లు పూర్తిగా విఫలం కాగా సౌతాఫ్రికాతో మంగళవారం నాటి మ్యాచ్‌లో టాస్‌ ఓడిన టీమిండియా తొలుత బ్యాటింగ్‌ చేసింది. ఓపెనర్లు యశస్వి జైశ్వాల్‌, శుబ్‌మన్‌ గిల్‌ డకౌట్‌ కాగా.. సూర్యకుమార్‌ యాదవ్‌ 56 పరుగులతో అదరగొట్టాడు. మరోవైపు.. రింకూ సింగ్‌ 68 పరుగులతో ఆఖరి వరకు అజేయంగా నిలిచాడు. #AidenMarkram brought himself on in the penultimate over, and #RinkuSingh made him pay with back-to-back maximums 🔥 Rinku has brought his A-game to South Africa! Tune-in to the 2nd #SAvIND T20I LIVE NOW | Star Sports Network#Cricket pic.twitter.com/HiibVjyuZH — Star Sports (@StarSportsIndia) December 12, 2023 ఆటంకం కలిగించిన వరణుడు అయితే, 19.3 ఓవర్ల వద్ద మ్యాచ్‌కు వర్షం అంతరాయం కలిగించడంతో భారత ఇన్నింగ్స్‌ను అక్కడితో ఆపేశారు. అప్పటికి టీమిండియా ఏడు వికెట్ల నష్టానికి 180 పరుగులు చేసింది. ఈ క్రమంలో డక్‌వర్త్‌ లూయీస్‌ ప్రకారం.. సౌతాఫ్రికా ఇన్నింగ్స్‌ను 15 ఓవర్లకు కుదించి.. విజయ లక్ష్యాన్ని 152 పరుగులుగా నిర్దేశించారు. ఈ క్రమంలో 13.5 ఓవర్లలో ఐదు వికెట్ల నష్టానికి 154 పరుగులు సాధించిన ప్రొటిస్‌ జట్టు జయకేతనం ఎగురవేసింది. డీఎల్‌ఎస్‌ పద్ధతి ప్రకారం ఐదు వికెట్ల తేడాతో సఫారీలు టీమిండియాపై గెలుపొందారు. ఈ నేపథ్యంలో భారత కెప్టెన్‌ సూర్యకుమార్‌ యాదవ్‌ స్పందిస్తూ.. ‘‘సగం ఇన్నింగ్స్‌ పూర్తయ్యే వరకు.. మేము మెరుగైన స్కోరే చేశామని భావించాం.  అందుకే ఓడిపోయాం అయితే, వాళ్లు మాకంటే అద్భుతంగా బ్యాటింగ్‌ చేశారు. ముఖ్యంగా మొదటి 5-6 ఓవర్లలోనే మ్యాచ్‌ను మా నుంచి లాగేసుకునే ప్రయత్నం చేశారు. ఏదేమైనా బెరుకు లేకుండా మమ్మల్ని మేము నిరూపించుకోవాలన్న తపనతోనే మైదానంలో దిగాం. A positive start for South Africa in their chase of 152 in 15 overs 😮 Can #TeamIndia find the early breakthrough? Tune-in to the 2nd #SAvIND T20I LIVE NOW | Star Sports Network#Cricket pic.twitter.com/q7lV4PEGHU — Star Sports (@StarSportsIndia) December 12, 2023 అందుకు తగ్గట్లుగానే మా ప్రణాళికలను అమలు చేశాం. వికెట్‌ పచ్చిగా ఉండటంతో ఆరంభంలో బ్యాటింగ్‌ చేయడం కాస్త కష్టంగా తోచింది. భవిష్యత్‌ మ్యాచ్‌లలోనూ ఇలాంటి కఠిన పరిస్థితులే ఎదురయ్యే అవకాశం ఉంది. మాకు ఇదొక గుణపాఠం’’ అని పేర్కొన్నాడు. పాఠాలు నేర్చుకుంటాం ఇక ఓటమి నుంచి పాఠాలు నేర్చుకుంటామన్న సూర్య.. ప్రస్తుతం దృష్టి మొత్తం తదుపరి మ్యాచ్‌పైనే కేంద్రీకృతం చేశామని వెల్లడించాడు. కాగా ఈ సిరీస్‌కు ముందు స్వదేశంలో టీమిండియా ఆస్ట్రేలియాతో టీ20లలో తలపడిన విషయం తెలిసిందే. ఐదు మ్యాచ్‌ల సిరీస్‌ను ఏకంగా 4-1 తేడాతో సొంతం చేసుకుంది. ఇక ఈ సిరీస్‌కు కూడా సూర్యకుమార్‌ యాదవ్‌ కెప్టెన్‌గా వ్యవహరించాడు.

పోర్ట్‌ ఎలిజబెత్‌: భారత్‌తో టి20 సిరీస్‌లో దక్షిణాఫ్రికా పైచేయి సాధించింది. మంగళవారం జరిగిన రెండో మ్యాచ్‌లో దక్షిణాఫ్రికా 5 వికెట్ల తేడాతో భారత్‌ను ఓడించింది. టాస్‌ ఓడిన టీమిండియా బ్యాటింగ్‌కు అనుకూలమైన పిచ్‌పై ముందుగా 19.3 ఓవర్లలో 7 వికెట్ల నష్టానికి 180 పరుగులు చేసింది. రింకూ సింగ్‌ (39 బంతుల్లో 68 నాటౌట్‌; 9 ఫోర్లు, 2 సిక్స్‌లు), సూర్యకుమార్‌ యాదవ్‌ (36 బంతుల్లో 56; 5 ఫోర్లు, 3 సిక్స్‌లు) అర్ధ సెంచరీలతో చెలరేగారు. సఫారీ బౌలర్లలో గెరార్డ్‌ కొయెట్జీకి 3 వికెట్లు దక్కాయి. భారత్‌ ఇన్నింగ్స్‌లో మరో 3 బంతులు మిగిలి ఉండగానే వర్షం రావడంతో ఆట ఆగిపోగా... వాన తగ్గిన తర్వాత భారత ఇన్నింగ్స్‌ను కొనసాగించకుండా అక్కడితో ముగించారు. అనంతరం దక్షిణాఫ్రికా విజయలక్ష్యాన్ని (డక్‌వర్త్‌ లూయిస్‌ ప్రకారం) 15 ఓవర్లలో 152 పరుగులుగా నిర్దేశించారు. చివరకు సఫారీ టీమ్‌ 13.5 ఓవర్లలో 5 వికెట్లకు 154 పరుగులు సాధించి గెలిచింది. రీజా హెన్‌డ్రిక్స్‌ (27 బంతుల్లో 49; 8 ఫోర్లు, 1 సిక్స్‌), మార్క్‌రమ్‌ (17 బంతుల్లో 30; 4 ఫోర్లు, 1 సిక్స్‌) కీలక ఇన్నింగ్స్‌లు ఆడారు. తొలి టి20 వర్షంతో రద్దు కాగా, తాజా ఫలితంతో సఫారీ 1–0తో పైచేయి సాధించింది. చివరిదైన మూడో టి20 రేపు జొహన్నెస్‌బర్గ్‌లో జరుగుతుంది.     కీలక భాగస్వామ్యాలు...  ఫామ్‌లో ఉన్న రుతురాజ్‌ అనారోగ్యం కారణంగా ఈ మ్యాచ్‌కు దూరం కాగా... ఓపెనర్లు యశస్వి జైస్వాల్‌ (0), శుబ్‌మన్‌ గిల్‌ (0) డకౌట్‌ కావడంతో 6 పరుగులకే భారత్‌ 2 వికెట్లు కోల్పోయింది. అయితే మూడో స్థానంలో వచ్చిన తిలక్‌ వర్మ (20 బంతుల్లో 29; 4 ఫోర్లు, 1 సిక్స్‌) దూకుడుగా ఆడి స్కోరుబోర్డును పరుగెత్తించాడు. సూర్య కూడా తనదైన శైలిలో జోరు ప్రదర్శించాడు. వీరిద్దరు మూడో వికెట్‌కు 24 బంతుల్లోనే 49 పరుగులు జోడించారు. 10 ఓవర్లలో స్కోరు 84 పరుగులకు చేరగా, 29 బంతుల్లో సూర్య అర్ధ సెంచరీ పూర్తయింది. తన తొలి 20 బంతుల్లో 6 ఫోర్లు బాది రింకూ కూడా ధాటిని కొనసాగించాడు. సూర్య, రింకూ నాలుగో వికెట్‌కు 48 బంతుల్లో 70 పరుగులు జత చేశారు. సూర్య వెనుదిరిగిన తర్వాత జితేశ్‌ శర్మ (1) విఫలం కాగా, 30 బంతుల్లో రింకూ కెరీర్‌లో తన తొలి హాఫ్‌ సెంచరీని అందుకున్నాడు.   స్కోరు వివరాలు   భారత్‌ ఇన్నింగ్స్‌: యశస్వి (సి) మిల్లర్‌ (బి) జాన్సెన్‌ 0; గిల్‌ (ఎల్బీ) (బి) విలియమ్స్‌ 0; తిలక్‌ (సి) జాన్సెన్‌ (బి) కొయెట్జీ 29; సూర్యకుమార్‌ (సి) జాన్సెన్‌ (బి) షమ్సీ 56; రింకూ (నాటౌట్‌) 68; జితేశ్‌ (సి) స్టబ్స్‌ (బి) మార్క్‌రమ్‌ 1; జడేజా (ఎల్బీ) (బి) కొయెట్జీ 19; అర్‌‡్షదీప్‌ (సి) ఫెలుక్వాయో (బి) కొయెట్జీ 0; ఎక్స్‌ట్రాలు 7; మొత్తం (19.3 ఓవర్లలో 7 వికెట్లకు) 180. వికెట్ల పతనం: 1–0, 2–6, 3–55, 4–125, 5–142, 6–180, 7–180. బౌలింగ్‌: జాన్సెన్‌ 3–0–39–1; విలియమ్స్‌ 3–0–32–1; కొయెట్జీ 3.3–0–32–3; ఫెలుక్వాయో 3–0–29–0; షమ్సీ 4–0–18–1; మార్క్‌రమ్‌ 3–0–29–1.   దక్షిణాఫ్రికా ఇన్నింగ్స్‌: బ్రీట్‌జె (రనౌట్‌) 16; హెన్‌డ్రిక్స్‌ (సి) సూర్యకుమార్‌ (బి) కుల్దీప్‌ 49; మార్క్‌రమ్‌ (సి) సిరాజ్‌ (బి) ముకేశ్‌ 30; క్లాసెన్‌ (సి) యశస్వి (బి) సిరాజ్‌ 7; మిల్లర్‌ (సి) సిరాజ్‌ (బి) ముకేశ్‌ 17; స్టబ్స్‌ (నాటౌట్‌) 14; ఫెలుక్వాయో (నాటౌట్‌) 10; ఎక్స్‌ట్రాలు 11; మొత్తం (13.5 ఓవర్లలో 5 వికెట్లకు) 154. వికెట్ల పతనం: 1–42, 2–96, 3–108, 4–108, 5–139. బౌలింగ్‌: సిరాజ్‌ 3–0–27–1, అర్‌‡్షదీప్‌ 2–0–31–0, జడేజా 2.5–0–28–0, ముకేశ్‌ 3–0–34–2, కుల్దీప్‌ 3–0–26–1.   

స్టార్‌ బ్యాటర్‌ విరాట్‌ కోహ్లి టీమిండియా పగ్గాలు వదిలేశాక చాలా మంది ‘కెప్టెన్లు’ అయ్యారు. రెగ్యులర్‌ కెప్టెన్‌ రోహిత్‌ శర్మ గైర్హాజరీలో కేఎల్‌ రాహుల్‌, శిఖర్‌ ధావన్‌, హార్దిక్‌ పాండ్యా, రిషభ్‌ పంత్‌, జస్‌‍ప్రీత్‌ బుమ్రా వేర్వేరు సందర్భాల్లో భారత జట్టు సారథులుగా వ్యవహరించారు. ఆస్ట్రేలియాతో స్వదేశంలో టీ20 సిరీస్‌ సందర్భంగా సూర్యకుమార్‌ యాదవ్‌ కూడా తాజాగా ఈ జాబితాలో చేరాడు. ఇక టీ20 ప్రపంచకప్‌-2022 ముగిసిన తర్వాత రోహిత్‌ శర్మ అంతర్జాతీయ పొట్టి ఫార్మాట్లో ఒక్క మ్యాచ్‌ కూడా ఆడలేదన్న విషయం తెలిసిందే. ఈ నేపథ్యంలో అతడి స్థానంలో ఆల్‌రౌండర్‌ హార్దిక్‌ పాండ్యా అనధికారిక కెప్టెన్‌గా కొనసాగుతున్నాడు. సూర్య కూడా వచ్చీ రాగానే అయితే, వన్డే వరల్డ్‌కప్‌-2023 సందర్భంగా గాయపడ్డ పాండ్యా ఇంకా కోలుకోకపోవడంతో ఆసీస్‌తో సిరీస్‌ సూర్య సారథ్య బాధ్యతలు చేపట్టాడు. అంతేకాదు 4-1తో జట్టును గెలిపించి ట్రోఫీ అందించాడు. ఈ క్రమంలో సౌతాఫ్రికా పర్యటనలోనూ టీ20 జట్టును ముందుండి నడిపించే అవకాశం దక్కించుకున్నాడు. ఇక ఈ ప్రొటిస్‌తో సిరీస్‌ తర్వాత టీమిండియా అఫ్గనిస్తాన్‌తో పొట్టి ఫార్మాట్‌లో సిరీస్‌ ఆడనుంది. టీ20 ప్రపంచకప్‌-2024కు ముందు భారత జట్టు ఆడే ఆఖరి సిరీస్‌ ఇది. అప్పటికి కూడా పాండ్యా అందుబాటులోకి రాకపోతే కెప్టెన్‌గా ఎవరు వ్యవహరిస్తాన్నది ఆసక్తికరంగా మారింది.  కెప్టెన్సీ ముఖ్యం కాదు రోహిత్‌ శర్మ తిరిగి పగ్గాలు చేపడతాడా? లేదంటే.. సూర్యకు మరోసారి ఛాన్స్‌ ఇస్తారా? చూడాల్సి ఉంది. ఈ నేపథ్యంలో టీమిండియా మాజీ ఓపెనర్‌ గౌతం గంభీర్‌ కెప్టెన్ల విషయంలో కీలక వ్యాఖ్యలు చేశాడు. సారథి ఎవరన్న అంశంతో సంబంధం లేదని.. ప్రపంచకప్‌నకు సరైన జట్టును ఎంపిక చేశామా లేదా అన్నదే ముఖ్యమని పేర్కొన్నాడు. ‘‘కెప్టెన్సీ అనేది అసలు విషయమే కాదు. అన్నిటికంటే జట్టు కూర్పు ముఖ్యం. ఫామ్‌లో ఉన్న ఆటగాళ్లు ఎవరో తొలుత గుర్తించండి. అంతేకాదు ఫామ్‌లో ఉన్న ఆటగాడినే కెప్టెన్‌ చేయండి.   సరైన జట్టును ఎంచుకోవడం ముఖ్యం రోహిత్‌ శర్మ లేదంటే హార్దిక్‌ పాండ్యా, సూర్యకుమార్‌ యాదవ్‌.. ఎవరైనా సరే ఫామ్‌లో లేకుంటే కెప్టెన్‌గా అనర్హులుగానే పరిగణించాల్సి ఉంటుంది. సారథి ఎంపిక అంత ముఖ్యమేమీ కాదన్న మాటకు కట్టుబడి ఉంటాను. ఎందుకంటే.. టీ20 వరల్డ్‌కప్‌ వంటి మెగా ఈవెంట్లలో సరైన జట్టును ఎంపిక చేశామా లేదా అన్నదే అతి ముఖ్యమైనది. ఈ టోర్నీ కంటే ముందు ఐపీఎల్‌-2024 జరుగనుంది. కాబట్టి ఐపీఎల్‌ ప్రదర్శన ఆధారంగానూ టీమిండియాకు ఆటగాళ్లను ఎంపిక చేస్తే బాగుంటుంది’’ అని గంభీర్‌.. ఇండియా టుడేతో తన అభిప్రాయాలు పంచుకున్నాడు.  కాగా వచ్చే ఏడాది జూన్‌ 4 నుంచి అమెరికా- వెస్టిండీస్‌ వేదికగా ప్రపంచకప్‌-2024 ఆరంభం కానుంది.  చదవండి: #Virushka Anniversary: అందుకే విరాట్‌ కోహ్లి పేరును రాహుల్‌గా మార్చి మరీ! కేవలం 42 మంది..

Hardik Pandya- T20 World Cup 2024: వన్డే వరల్డ్‌కప్‌-2023 టోర్నీలో ప్లేయర్‌ ఆఫ్‌ ది టోర్నమెంట్‌గా నిలుస్తాడన్న అంచనాలు తలకిందులు చేశాడు టీమిండియా స్టార్‌ ఆల్‌రౌండర్‌ హార్దిక్‌ పాండ్యా. లీగ్‌ దశలో బంగ్లాదేశ్‌తో మ్యాచ్‌లో పట్టుతప్పి జారిపడి చీలమండకు గాయం చేసుకున్నాడు. అప్పుడు వెన్నునొప్పి.. ఇప్పుడు మడిమ నొప్పి తీవ్రం కావడంతో సొంతగడ్డపై జరిగిన ప్రతిష్టాత్మక ఐసీసీ ఈవెంట్‌ మొత్తానికి దూరమయ్యాడు. గతంలోనూ టీ20 ప్రపంచకప్‌-2021 తర్వాత హార్దిక్‌ పాండ్యా ఇదే తరహాలో గడ్డు పరిస్థితులను ఎదుర్కొన్నాడు. ఒకానొక దశలో.. వెన్నునొప్పి వల్ల చాలా కాలం పాటు జట్టుకు దూరమైన అతడి కెరీర్‌ ముగింపు దశకు వచ్చిందనే అభిప్రాయాలు వ్యక్తమయ్యాయి. పడిలేచిన కెరటంలా దూసుకొచ్చి అయితే పూర్తి స్థాయి ఫిట్‌నెస్‌ సాధించి.. ఐపీఎల్‌-2022లో అనూహ్య రీతిలో కొత్త ఫ్రాంఛైజీ గుజరాత్‌ టైటాన్స్‌ కెప్టెన్‌గా ఎంట్రీ ఇచ్చాడు హార్దిక్‌. అరంగేట్ర సీజన్‌లోనే జట్టును విజేతగా నిలిపి ఘనంగా తన పునరాగమనం చాటుకున్నాడు. తద్వారా టీ20 ఫార్మాట్లో టీమిండియా కెప్టెన్‌ స్థాయికి ఎదిగాడు. రోహిత్‌ శర్మ గైర్హాజరీలో పలు ద్వైపాక్షిక టీ20 సిరీస్‌లకు సారథ్యం వహించి ట్రోఫీలు అందించాడు. అయితే, వన్డే వరల్డ్‌కప్‌-2023 సమయంలో గాయపడ్డ హార్దిక్‌ పాండ్యా ఫిట్‌నెస్‌పై వైద్యులు స్పష్టతనివ్వకపోవడం మేనేజ్‌మెంట్‌ను కలవరపెడుతోంది. అప్పటి దాకా పగ్గాలు అతడికే వచ్చే ఏడాది జూన్‌ 4 నుంచి టీ20 ప్రపంచకప్‌-2024 ఆరంభం కానున్న తరుణంలో హార్దిక్‌ పాండ్యా ఇలా జట్టుకు దూరం కావడం టీమిండియాకు ఆందోళన కలిగిస్తోంది. ఈ నేపథ్యంలో బీసీసీఐ కీలక నిర్ణయం తీసుకున్నట్లు తెలుస్తోంది. హార్దిక్‌ పూర్తి ఫిట్‌నెస్‌ సాధించకముందే.. హడావుడిగా ద్వైపాక్షిక సిరీస్‌లకు ఎంపిక చేయొద్దని నిర్ణయించుకున్నట్లు సమాచారం. ఈ నేపథ్యంలో రోహిత్‌ శర్మ, పాండ్యా గైర్హాజరీలో సూర్యకు​మార్‌ యాదవ్‌నే కెప్టెన్‌గా కొనసాగించనున్నట్లు తెలుస్తోంది. హార్దిక్‌ కోసం బీసీసీఐ బిగ్‌ప్లాన్‌ ప్రపంచకప్‌ ఈవెంట్‌కు ముందు.. టీమిండియా ఇంకో రెండు టీ20 సిరీస్‌లు మాత్రమే ఆడనుంది. ఇప్పటికే సౌతాఫ్రికాతో సిరీస్‌కు సూర్య సారథ్యం వహించనున్నాడు. అఫ్గనిస్తాన్‌తో సిరీస్‌కు కూడా హార్దిక్‌ను తిరిగి రప్పించకుండా.. 18 వారాల పాటు అతడి కోసం హై పర్ఫామెన్స్‌ ప్రోగ్రాం ఏర్పాటు చేయనున్నట్లు తెలుస్తోంది. ఇందులో భాగంగా బెంగళూరులోని జాతీయ క్రికెట్‌ అకాడమీలో నిపుణుల పర్యవేక్షణలో హార్దిక్‌ ఉండనున్నట్లు సమాచారం. ఈ విషయం గురించి బీసీసీఐ వర్గాలు క్రిక్‌నెక్ట్స్ తో మాట్లాడుతూ.. ‘‘పనిభారాన్ని తగ్గించే క్రమంలో ఇలాంటి నిర్ణయాలు తీసుకోవడం సహజమే. టీ20 క్రికెటర్‌గా అతడి సామర్థ్యాలపై మాకెలాంటి సందేహం లేదు. అయితే, దీర్ఘకాలంలో అతడి సేవలను పూర్తిగా వినియోగించుకోవాలనుకుంటే.. ప్రత్యేక శ్రద్ధ అవసరం. గతంలో పాండ్యా వెన్నునొప్పికి ఇప్పటి గాయానికి సంబంధం లేదు.  గతంలో వాళ్ల కోసం కూడా బంగ్లాదేశ్‌తో మ్యాచ్‌ సందర్భంగా అతడు గాయపడ్డాడు. కాబట్టి అతడి కోసం కచ్చితంగా మేము శ్రద్ధ తీసుకోవాల్సి ఉంటుంది. వరల్డ్‌కప్‌ రూపంలో మెగా టోర్నీ ఆడాల్సి ఉంది. గతంలో వెన్నునొప్పి నుంచి కోలుకుని అద్బుతాలు చేసినట్లే ఇప్పుడు కూడా హార్దిక్‌ త్వరగా తిరిగి రావాలని మేనేజ్‌మెంట్‌ కోరుకుంటోంది. అయినా.. శ్రేయస్‌ అయ్యర్‌, జస్‌ప్రీత్‌ బుమ్రా, కేఎల్‌ రాహుల్‌ గాయపడిన సమయంలోనూ మేము ఇలాంటి ప్రత్యేక కార్యక్రమాలు ఏర్పాటు చేశాం’’ అని పేర్కొన్నాయి. ఈ నేపథ్యంలో హార్దిక్‌ పాండ్యా ఐపీఎల్‌-2024 నాటికి తిరిగి మైదానంలో అడుగుపెట్టే అవకాశం ఉంది. ఇక ఇటీవలే అతడు గుజరాత్‌ నుంచి ముంబై ఇండియన్స్‌కు ట్రేడ్‌ అయిన విషయం తెలిసిందే. చదవండి: పది మంది స్కోర్లను ఒక్కడే కొట్టేశాడు.. విధ్వంసం సృష్టించిన ఇంగ్లండ్‌ బ్యాటర్‌

బెంగళూరు: ఈ సిరీస్‌లోనే తక్కువ స్కోర్ల అంతిమ సమరం ఆఖరికొచ్చేసరికి ఉత్కంఠ రేపింది. గెలుపు ఇరుజట్లను దోబూచులాడిన తరుణంలో భారత్‌ కట్టుదిట్టమైన బౌలింగ్‌తో గట్టెక్కింది. చివరిదైన ఐదో టి20 మ్యాచ్‌లో టీమిండియా 6 పరుగులతో ఆ్రస్టేలియాను ఓడించి సిరీస్‌ను 4–1తో ముగించింది. టాస్‌ ఓడి ముందుగా బ్యాటింగ్‌కు దిగిన భారత్‌ నిర్ణీత 20 ఓవర్లలో 8 వికెట్ల నష్టానికి 160 పరుగులు చేసింది. శ్రేయస్‌ అయ్యర్‌ (37 బంతుల్లో 53; 5 ఫోర్లు, 2 సిక్స్‌లు) అర్ధసెంచరీ సాధించగా, ఆఖర్లో ‘ప్లేయర్‌ ఆఫ్‌ ద మ్యాచ్‌’ అక్షర్‌ పటేల్‌ (21 బంతుల్లో 31; 2 ఫోర్లు, 1 సిక్స్‌) ధాటిగా ఆడాడు. ప్రత్యర్థి బౌలర్లలో బెహ్రెన్‌డార్ఫ్, డ్వార్‌షుయిస్‌ చెరో 2 వికెట్లు తీశారు. అనంతరం లక్ష్యఛేదనకు దిగిన ఆ్రస్టేలియా 20 ఓవర్లలో 8 వికెట్లు కోల్పోయి 154 పరుగులే చేసి ఓడింది. బెన్‌ మెక్‌డెర్మాట్‌ (36 బంతుల్లో 54; 5 సిక్సర్లు) రాణించాడు. ముకేశ్‌ (3/32), అర్ష్దీప్‌ (2/40) డెత్‌ ఓవర్ల లో నిప్పులు చెరిగారు. ‘ప్లేయర్‌ ఆఫ్‌ ద సిరీస్‌’ రవి బిష్ణోయ్‌ (2/29), అక్షర్‌ (1/14) బౌలింగ్‌ కూడా ఆస్ట్రేలియాను కట్టడి చేసింది.  ఆదుకున్న అయ్యర్‌  యశస్వి జైస్వాల్, రుతురాజ్‌లు ఆరంభంలో నెమ్మదించడంతో 3 ఓవర్లదాకా చెప్పుకోదగ్గ స్కోరేలేదు. ఎట్టకేలకు 4వ ఓవర్లో గైక్వాడ్‌ 4, జైస్వాల్‌ 4, 6 కొట్టి ఊపు తెచ్చారు. కానీ అదే ఓవర్లో యశస్వి (21), మరుసటి ఓవర్లో రుతురాజ్‌ (10) నిష్క్రమించడంతో పవర్‌ప్లేలో భారత్‌ 42/2 స్కోరు చేసింది. కాసేపటికే కెపె్టన్‌ సూర్యకుమార్‌ (5), రింకూ సింగ్‌ (6)లు సైతం అవుట్‌ కావడంతో 55 పరుగులకే కీలకమైన 4 వికెట్లు కోల్పోయిన భారత్‌ కష్టాల్లో పడింది. ఈ దశలో అనుభవజు్ఞడైన శ్రేయస్‌ అయ్యర్‌ బాధ్యతగా ఆడి గౌరవప్రదమైన స్కోరుకు బాటవేశాడు. జితేశ్‌ శర్మ (16 బంతుల్లో 24; 3 ఫోర్లు, 1 సిక్స్‌), అక్షర్‌ పటేల్‌లతో కలిసి జట్టు స్కోరును 150 పరుగులదాకా తీసుకొచ్చాడు. 36 బంతుల్లో ఫిఫ్టీ పూర్తిచేసుకొన్నాక అయ్యర్‌ అవుట్‌ కావడంతో డెత్‌ ఓవర్లలో ఆశించినన్ని  పరుగులు రాలేదు.   రాణించిన మెక్‌డెర్మాట్‌  ఆసీస్‌ పవర్‌ప్లేలోనే ఓపెనర్లు జోష్‌ ఫిలిప్‌ (4), హెడ్‌ (18 బంతుల్లో 28; 5 ఫోర్లు, 1 సిక్స్‌) వికెట్లను కోల్పోయింది. హార్డీ (6) కూడా చేతులెత్తేయగా... వన్‌డౌన్‌ బ్యాటర్‌ బెన్‌ మెక్‌డెర్మాట్‌ బాధ్యతగా ఆడాడు. టిమ్‌ డేవిడ్‌ (17; 1 సిక్స్‌)తో కలిసి జట్టు స్కోరును 100 పరుగులు దాటించాడు. తర్వాత కాసేపటికే డేవిడ్‌ అవుట్‌ కాగా... 34 బంతుల్లో అర్ధసెంచరీ పూర్తిచేసుకున్న మెక్‌డెర్మాట్‌ను ఊరించే ఫుల్‌టాస్‌ బంతితో అర్ష్దీప్‌ బోల్తా కొట్టించాడు. ముకేశ్‌ వరుస బంతుల్లో షార్ట్‌ (16), డ్వార్‌షుయిస్‌ (0)లను పెవిలియన్‌ చేర్చడంతో 129/7 స్కోరు వద్ద భారత్‌ పట్టుబిగించింది. 18 బంతుల్లో 32 పరుగులు చేయాల్సిన తరుణంలో అవేశ్‌ వేసిన 18వ మార్చేసింది. వేడ్‌ 3 వరుస బౌండరీలతో 15 పరుగులు వచ్చాయి. మళ్లీ ముకేశ్‌ 19వ ఓవర్లో 7 పరుగులే ఇచ్చి భారత్‌వైపు మొగ్గేలా చేశాడు. చివరకు ఆసీస్‌ విజయానికి 6 బంతుల్లో 10 పరుగులు కావాలి. ఉత్కంఠ తారస్థాయికి చేరగా అర్ష్దీప్‌ నిప్పులు చెరిగే బౌలింగ్‌తో వేడ్‌ (15 బంతుల్లో 22; 4 ఫోర్లు) వికెట్‌ తీసి కేవలం 3 పరుగులే ఇవ్వడంతో భారత్‌ గెలిచి ఊపిరి పీల్చుకుంది. స్కోరు వివరాలు భారత్‌ ఇన్నింగ్స్‌: యశస్వి (సి) ఎలిస్‌ (బి) బెహ్రెన్‌డార్ఫ్‌ 21; రుతురాజ్‌ (సి) బెహ్రెన్‌డార్ఫ్‌ (బి) డ్వార్‌షుయిస్‌ 10; అయ్యర్‌ (బి) ఎలిస్‌ 53; సూర్యకుమార్‌ (సి) మెక్‌డెర్మాట్‌ (బి) డ్వార్‌షుయిస్‌ 5; రింకూ సింగ్‌ (సి) డేవిడ్‌ (బి) సంఘా 6; జితేశ్‌ (సి) షార్ట్‌ (బి) హార్డీ 24; అక్షర్‌ (సి) హార్డీ (బి) బెహ్రెన్‌డార్ఫ్‌ 31; రవి బిష్ణోయ్‌ (రనౌట్‌) 2; అర్ష్దీప్‌ (నాటౌట్‌) 2; ఎక్స్‌ట్రాలు 6; మొత్తం (20 ఓవర్లలో 8 వికెట్లకు) 160. వికెట్ల పతనం: 1–33, 2–33, 3–46, 4–55, 5–97, 6–143, 7–156, 8–160. బౌలింగ్‌: హార్డీ 4–0–21–1, బెహ్రెన్‌డార్ఫ్‌ 4–0–38–2, డ్వార్‌షుయిస్‌ 4–0–30–2, నాథన్‌ ఎలిస్‌ 4–0–42–1, తన్విర్‌ సంఘా 4–0–26–1.  ఆ్రస్టేలియా ఇన్నింగ్స్‌: హెడ్‌ (బి) బిష్ణోయ్‌ 28; ఫిలిప్‌ (బి) ముకేశ్‌ 4; మెక్‌డెర్మాట్‌ (సి) రింకూ (బి) అర్ష్దీప్‌ 54; హార్డీ (సి) అయ్యర్‌ (బి) బిష్ణోయ్‌ 6; టిమ్‌ డేవిడ్‌ (సి) అవేశ్‌ (బి) అక్షర్‌ 17; షార్ట్‌ (సి) రుతురాజ్‌ (బి) ముకేశ్‌ 16; వేడ్‌ (సి) అయ్యర్‌ (బి) అర్ష్దీప్‌ 22; డ్వార్‌షుయిస్‌ (బి) ముకేశ్‌ 0; ఎలిస్‌ (నాటౌట్‌) 4; బెహ్రెన్‌డార్ఫ్‌ (నాటౌట్‌) 2; ఎక్స్‌ట్రాలు 1; మొత్తం (20 ఓవర్లలో 8 వికెట్లకు) 154. వికెట్ల పతనం: 1–22, 2–47, 3–55, 4–102, 5–116, 6–129, 7–129, 8–151. బౌలింగ్‌: అర్ష్దీప్‌ 4–0–40–2, అవేశ్‌ ఖాన్‌ 4–0–39–0, ముకేశ్‌ 4–0–32–3, రవి బిష్ణోయ్‌ 4–0–29–2, అక్షర్‌ 4–0–14–1. That winning feeling 👏 Captain Suryakumar Yadav collects the trophy as #TeamIndia win the T20I series 4⃣-1⃣ 🏆#INDvAUS | @IDFCFIRSTBank pic.twitter.com/IuQsRihlAI — BCCI (@BCCI) December 3, 2023

టీమిండియాకు మూడు ఫార్మాట్లలో వేర్వేరు కెప్టెన్లు ఉండటం పట్ల తనకు సదభిప్రాయం లేదని మాజీ ఆల్‌రౌండర్‌ ఇర్ఫాన్‌ పఠాన్‌ అన్నాడు. పని ఒత్తిడిని తగ్గించే క్రమంలో ఇలాంటి నిర్ణయాలు తీసుకోవడం మంచిదే అయినా.. భవిష్యత్తులో ఇది ఎలాంటి పరిణామాలకు దారితీస్తుందో ఊహించలేమన్నాడు. దక్షిణాఫ్రికా పర్యటన నేపథ్యంలో జట్ల ఎంపిక విధానం చూస్తే.. రోహిత్‌ శర్మను ఇకపై పరిమిత ఓవర్ల క్రికెట్‌లో పూర్తిస్థాయి కెప్టెన్‌గా చూసే అవకాశం లేదని ఇర్ఫాన్‌ అభిప్రాయపడ్డాడు. అతడు కేవలం టెస్టులకు పరిమితం అవుతాడని పేర్కొన్నాడు. కాగా సౌతాఫ్రికా టూర్‌లో భాగంగా.. టీమిండియా టీ20, వన్డే, టెస్టు సిరీస్‌లు ఆడనుంది. ఇందుకోసం ఇప్పటికే మూడు వేర్వేరు జట్లను ప్రకటించిన బీసీసీఐ.. టీ20 పగ్గాలను సూర్యకుమార్‌ యాదవ్‌, వన్డే కెప్టెన్సీని కేఎల్‌ రాహుల్‌కు అప్పగించింది. ఇక రెగ్యులర్‌ కెప్టెన్‌ రోహిత్‌ టెస్టు సిరీస్‌తో రీఎంట్రీ ఇవ్వనున్నాడు. ఈ నేపథ్యంలో పరిమిత ఓవర్ల క్రికెట్‌కు రోహిత్‌ పూర్తిగా దూరం కానున్నాడనే వార్తకు మరింత బలం చేకూరింది. ఇదిలా ఉంటే.. గతంలో ఎన్నడూ లేని విధంగా తరచూ టీమిండియా కెప్టెన్లు మారుతూ (తాత్కాలికంగా)ఉండటంపై మాజీ క్రికెటర్లు భిన్నాభిప్రాయాలు వ్యక్తమవుతున్నాయి. ఈ క్రమంలో ఇర్ఫాన్‌ పఠాన్‌ ఈ విషయంపై స్పందిస్తూ.. ‘‘భవిష్యత్తులో ఈ సంప్రదాయం కొనసాగే అవకాశం ఉంది. అయితే, నాకు ఇలాంటి పరిణామం పెద్దగా ఇష్టం లేదు. భారత జట్టుకు ఒక్కో ఫార్మాట్‌లో ఒక్కో కెప్టెన్‌ ఉంటారనే ప్రచారం జరుగుతోంది. పని ఒత్తిడి భారాన్ని తగ్గించే క్రమంలో ఇలాంటి నిర్ణయాలు తీసుకోవడం సహజం.  అందుకే సౌతాఫ్రికా పర్యటనకు మూడు వేర్వేరు జట్లు, ముగ్గురు కెప్టెన్లను నియమించారు. దీనిని బట్టి రోహిత్‌ శర్మ ఇకపై పరిమిత ఓవర్ల క్రికెట్‌లో కనిపించడని స్పష్టమైంది. అతడిని టెస్టు జట్టు కెప్టెన్‌గా మాత్రమే చూడగలం. భవిష్యత్తులో ఇది వేర్వేరు ఫార్మాట్లకు వేర్వేరు కోచ్‌ల నియామకానికి కూడా దారితీస్తుంది. ఇలాంటి సంప్రదాయం మన జట్టులో కొనసాగకూడదనే అనుకుంటున్నా’’ అని జియో సినిమా షోలో ఇర్ఫాన్‌ పఠాన్‌ తన అభిప్రాయాలు పంచుకున్నాడు. వేర్వేరు కెప్టెన్లు, వేర్వేరు కోచ్‌లు ఉండటం దీర్ఘకాలంలో పెద్దగా ప్రయోజనాలు చేకూర్చదని అభిప్రాయపడ్డాడు.

ఆస్ట్రేలియాతో టీ20 సిరీస్‌ను సొంతం చేసుకున్న టీమిండియా.. ఇప్పుడు నామమాత్రపు మ్యాచ్‌కు సిద్దమవుతోంది. ఆదివారం బెంగళూరు వేదికగా ఐదో టీ20లో భారత-ఆస్ట్రేలియా జట్లు తలపడనున్నాయి. ఈ మ్యాచ్‌లో గెలిచి సిరీస్‌ను విజయంతో ముగించాలని భారత జట్టు భావిస్తోంది. మరోవైపు ఆస్ట్రేలియా కూడా చివరి మ్యాచ్‌లో గెలిచి.. పరువునిలబెట్టకోవాలని వ్యహాలు రచిస్తోంది. అయితే ఈ మ్యాచ్‌లో భారత జట్టు పలు మార్పులతో బరిలోకి దిగనున్నట్లు తెలుస్తోంది. దక్షిణాఫ్రికా పర్యటనకు సమయం దగ్గరపడుతుండడంతో స్టాండింగ్‌ కెప్టెన్‌ సూర్యకుమార్‌ యాదవ్‌, అక్షర్‌ పటేల్, రింకూ సింగ్‌కు విశ్రాంతి ఇవ్వాలని భారత జట్టు మేనెజ్‌మెంట్‌ భావిస్తున్నట్లు సమాచారం. ఈ క్రమంలో ఆఖరి టీ20ల్లో భారత జట్టు పగ్గాలు శ్రేయస్‌ అయ్యర్‌ చేపట్టే అవకాశం ఉంది. అదే విధంగా తుది జట్టులో వారి ముగ్గురి స్ధానాల్లో తిలక్‌ వర్మ, శివమ్‌ దుబే, వాషింగ్టన్‌ సుందర్‌ రానున్నట్లు పలు రిపోర్టులు పేర్కొంటున్నాయి. కాగా నిన్న(శుక్రవారం) రాయ్‌పూర్‌ వేదికగా వేదికగా జరిగిన నాలుగో టీ20లో 20 పరుగుల తేడాతో ఆసీస్‌ను భారత్‌ చిత్తు చేసింది. దీంతో సిరీస్‌ను మరో మ్యాచ్‌ మిగిలూండగానే 3-1తో భారత్‌ సొంతం చేసుకుంది. ఆసీస్‌తో ఐదో టీ20కు భారత తుది జట్టు(అంచనా): యశస్వి జైస్వాల్, రుతురాజ్ గైక్వాడ్, శ్రేయాస్ అయ్యర్ (కెప్టెన్‌), తిలక్ వర్మ, శివమ్ దూబే, జితేష్ శర్మ (వికెట్‌ కీపర్‌), వాషింగ్టన్ సుందర్, దీపక్ చాహర్, రవి బిష్ణోయ్, అవేష్ ఖాన్, ముఖేష్ కుమార్ చదవండి: సౌతాఫ్రికా టూర్‌కు అతడిని ఎంపిక చేయాల్సింది.. ఎందుకంటే: టీమిండియా మాజీ పేసర్‌