కూతురు: అమ్మా... మా సంగీతం మాష్టారుకు మహా దైవ భక్తి.
 తల్లి: నీ కెలా తెలుసే...
 కూతురు: నేను పాట పాడుతున్నప్పుడల్లా ఓరి భగవంతుడా అంటున్నాడే అమ్మా.
  
  బంగారం లాంటి నిద్ర
  భార్య: మావారు రాత్రంతా మెలకువగా ఉంటున్నారండీ. ఎప్పుడు చూసినా నా వంకే చూస్తున్నాడు. మీరే చికిత్స చేయాలి.
  డాక్టరు: ఏమక్కర్లేదు... మీ ఒంటి మీద బంగారమంతా లాకర్లో పెట్టండి. హాయిగా నిద్రపోతాడు.
  
  అప్ప 1 అప్ప 2
  వెంగళప్ప 1: ఒరేయ్.. నాకు నాన్‌వెజ్ తినాలని ఉందిరా.
  వెంగళప్ప 2: దాందేముందీ ఫిష్ కర్రీ తిందాం.
  వెంగళప్ప 1: ఫిష్ వద్దురా... ముళ్లుంటాయి.
  వెంగళప్ప 2: ఓస్ దానికేనా... చెప్పులేసుకుని తిందాంలేరా.
  
  రాని పని
  విద్యార్థి: ఈసారైనా నేను పరీక్షల్లో పాసవుతానా?
  జ్యోతిష్యుడు: తప్పకుండా. కానీ ఒక పని చెయ్యాలి.
  విద్యార్థి: ఏం పని స్వామీ?
  జ్యోతిష్యుడు: ఓ రెండ్రోజులైనా చదవాలి.
   - ఆకుల జ్యోతి, మిట్టకందాల, కర్నూలు జిల్లా