ఆకాశంలో అరుదైన అద్భుతమైన దృశ్యం జనవరి 31న ఆవిష్కృతమైన సంగతి తెలిసిందే. చంద్రుడు... సూపర్‌ మూన్‌, బ్లూ మూన్‌, బ్లడ్‌ మూన్‌లను ఒకేసారి తన వెంట పెట్టుకుని వచ్చాడు. ప్రపంచ వ్యాప్తంగా ఈ అరుదైన దృశ్యాన్ని వీక్షించేందుకు జనాలు ఎగబడ్డారు. జనవరి 31న ప్రపంచం మొత్తం చంద్రగ్రహణాన్ని ఎంతో ఆసక్తిగా తిలకించారు. సోషల్‌ మీడియా సైతం ఈ సూపర్‌ మూన్‌ పిక్చర్లను విపరీతంగా షేర్‌చేసింది. అయితే ఈ గ్రహణ సమయంలో చంద్రుని పక్కనుంచి మెరుపు వేగంతో వెళ్లిన ఓ వస్తువుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.  సూపర్‌ మూన్‌ సందర్భంగా ఇలా వెళ్లిన వస్తువును ఏలియన్లుగా భావిస్తున్నారు. నాసా విడుదల చేసిన వీడియోలో ఈ వస్తువు కనిపించింది. ఆ వస్తువు కనిపించడం ద్వారా ఏలియన్స్ ఉన్నారనేందుకు నిదర్శనమని నాసా శాస్త్రవేత్తలు అంటున్నారు. మనుషులు తయారు చేసిన వాహనమైతే ఇంత వేగంగా వెళ్లడం సాధ్యం కాదని శాస్త్రవేత్తలు చెబుతున్నారు. చంద్రుణి చుట్టూ తిరిగిన గుర్తు తెలియని ఈ వస్తువు కచ్చితంగా ఏలియన్స్‌కు చెందినదేనని అంటున్నారు. ''మెరుపు వేగంగా చంద్రునికి ఎడమ వైపుకు కిందకి పడిపోతూ ఉందని, అలా కిందకి ట్రావెల్‌ చేసినట్టు'' శాస్త్రవేత్తలు చెప్పారు. యూట్యూబ్‌ ఛానల్‌ యూఎఫ్‌ఓమానియాలో ఈ వీడియోను అప్‌లోడ్‌ చేశారు. ఛానల్‌లో పోస్ట్ చేసిన వీడియో ప్రస్తుతం సోషల్ మీడియాలో విపరీతంగా వైరల్ అవుతోంది.   


 ఏలియన్లు మన రేడియో తరంగాలకు స్పందించాయా?. ఏలియన్ల గురించి పెద్ద ఎత్తున పరిశోధనకు ఈ ఏడాది చైనాలో అతిపెద్ద టెలిస్కోప్ ను ప్రారంభించిన విషయం తెలిసిందే. అంతేకాకుండా ప్రపంచవ్యాప్తంగా వివిధ ప్రాంతాల్లో ఏలియన్లపై శాస్త్రవేత్తలు పరిశోధనలు చేస్తున్నారు. తాజాగా శాస్త్రవేత్తలు పంపిన రేడియో తరంగాలకు ఏలియన్ల నుంచి సమాధానం వచ్చిందనే వార్తలు వినిపిస్తున్నాయి.
  
 విశ్వంలో అతిపెద్ద రేడియో తరంగాల విస్ఫోటనం జరగడమే ఇందుకు కారణమని తెలుస్తోంది. ఒకే పాలపుంతలోని నక్షత్రాల వల్లే విస్ఫోటనం సంభవించిందని కొందరు అంటుంటే మరికొందరు మాత్రం కాస్మిక్ విస్ఫోటనం లేదా ఎలియన్లు మానవులు పంపిన తరంగాలకు సమాధానంగా ఏదైనా పంపి ఉండొచ్చని అంటున్నారు.
  
 కాగా, ఈ విస్ఫోటనానికి ఎఫ్ ఆర్బీ150807 అని శాస్త్రవేత్తలు పేరు పెట్టారు. విస్ఫోటనంలో పెద్ద మొత్తం రేడియో తరంగాలు విడుదలైనట్లు చెబుతున్నారు. ఈ తరంగాలన్ని కేవలం 1 మిల్లిసెకను కాలంపాటే ఉన్నాయట. తొలుత ఆస్ట్రేలియాలోని పార్కేస్ టెలిస్కోప్ ఈ రేడియో తరంగాల విస్ఫోటనాన్ని గుర్తించిందటా. ఆ తర్వాత ప్యూర్టె రికోలోని అరెకిబో రేడియో టెలిస్కోప్, అమెరికాలోని గ్రీన్ బ్యాంకు టెలిస్కోప్ లు ఈ విస్ఫోటనాన్ని గుర్తించాయి. టెలిస్కోప్ లలో రికార్డయిన రేడియో తరంగాల విస్ఫోటనాన్ని బట్టి భూమి ఎంత దూరంలో ఇది జరిగిందో గుర్తించవచ్చు.