ఇస్లామాబాద్:   అతి చిన్న వయసులో ప్రపంచ శాంతి నోబుల్  బహుమతి  దక్కించుకున్న మలాలా యూసఫ్ జాయ్ మరో అరుదైన ఘనతను దక్కించుకున్నారు.   కాలిఫోర్నియాలోని నాసా లోని ల్యాబ్  శాస్త్రజ్ఞులు  316201 అనే  ఉల్కకు , బాలికా విద్య కోసం కృషిచేసిన మలాలా  పేరును పెట్టారు. ఒక ఉల్కకు (ఆస్ట్రాయిడ్)మలాలా పేరు పెట్టడం  చాలా గొప్ప విషయమని నాసా  ఖగోళ శాస్త్రజ్ఙుడు ఎమీ  మైంజర్  పేర్కొన్నారు.  ఇంతకుముందు చాలామంది  ఈ గౌరవం లభించినప్పటికీ  మహిళల కోసం పనిచేసిన  మహిళకు దక్కడం  చాలా  అరుదని ఆయన తెలిపారు.