హైద‌రాబాద్‌ పాతబస్తీలో అతిపెద్ద ఫ్లై ఓవర్‌ ప్రారంభానికి సిద్ధమవుతోంది. జూపార్కు నుంచి ఆరాంఘర్‌ వరకు నిర్మిస్తున్న ఫ్లై ఓవర్‌ పనులన్నీ ఈ నెల 30 వరకు పూర్తి చేసి డిసెంబర్‌లో సీఎం రేవంత్‌రెడ్డి చేతుల మీదుగా ప్రారంభించడానికి అధికారులు సన్నాహాలు చేస్తున్నారు. ఈ ఫ్లై ఓవర్‌ అందుబాటులోకి వస్తే.. ఆరాంఘర్, శాస్త్రీపురం, కాలాపత్తర్, దారుల్‌ ఉల్‌ ఉలూం, శివరాంపల్లి, హసన్‌నగర్‌ తదితర ప్రాంతాల ప్రజలకు ట్రాఫిక్‌ సమస్యలు తగ్గనున్నాయి. బెంగళూర్‌ జాతీయ రహదారితో పాటు రాజీవ్‌ గాంధీ అంతర్జాతీయ విమానాశ్రయానికి వెళ్లే వారికి సౌకర్యంగా మారనుంది. ఇప్పటి వరకు బాటిల్‌ నెక్‌ రోడ్డుతో ఇబ్బందులకు గురైన స్థానిక బస్తీల ప్రజలతో పాటు దూర ప్రాంతాల వారికి ఈ ఫ్లై ఓవర్‌ ఎంతో అనుకూలంగా ఉంటుంది.ఎస్‌ఆర్‌డీపీ కింద.. నగరంలో ఇప్పటి వరకు 2– 7 కిలో మీటర్ల పొడవుతో షేక్‌పేట్‌ ఫ్లై ఓవర్‌ను నిర్మించారు. 4.04 కిలో మీటర్ల అతి పెద్ద ఫ్లైఓవర్‌ పాతబస్తీలో నిర్మాణమైంది. వచ్చే నెల మొదటి వారంలో వాహనదారులకు దీనిని అందుబాటులోకి తీసుకురావడానికి జీహెచ్‌ఎంసీ అధికారులు సన్నాహాలు చేస్తున్నారు. ఈ మేరకు గ్రేటర్‌ కమిషనర్‌ కె.ఇలంబర్తితో పాటు హెచ్‌ఎండీఏ కమిషనర్‌ సర్ఫరాజ్‌ అహ్మద్, జలమండలి ఎగ్జిక్యూటివ్‌ డైరెక్టర్‌ మయాంక్, సంబంధిత ఇంజనీరింగ్‌ అధికారులు ఈ నెల 26న ఫ్లై ఓవర్‌ పనులను పరిశీలించారు. చ‌ద‌వండి: కాలిపోయిన క‌ల‌ల సౌధం.. రెండు రోజుల క్రితమే గృహ‌ప్ర‌వేశం.. అంత‌లోనే ఇలాసర్వీస్‌ రోడ్లలో ఇబ్బందులు తలెత్తకుండా ఉండేందుకు ఇంకా 17 కట్టడాలను తొలగించాల్సి ఉందని జీహెచ్‌ఎంసీ ప్రాజెక్ట్‌ విభాగం చీఫ్‌ ఇంజినీర్‌ దేవానంద్, ఎస్‌ఈ దత్తు పంతు తదితరులు కమిషనర్‌కు వివరించారు. వెంటనే చర్యలు తీసుకోవాలని చార్మినార్‌ జోనల్‌ కమిషనర్‌ వెంకన్నను కమిషనర్‌ ఆదేశించారు. 2023 మార్చి నాటికే పూర్తి కావాల్సింది.. జూ పార్కు నుంచి ఆరాంఘర్‌ వరకు రూ.736 కోట్లతో స్ట్రాటజిక్‌ రోడ్డు డెవలప్‌మెంట్‌ ప్రోగ్రాం (ఎస్‌ఆర్‌డీపీ) కింద దాదాపు 4.04 కిలో మీటర్ల మేర ఫ్లైఓవర్‌ నిర్మాణాన్ని జీహెచ్‌ఎంసీ చేపట్టింది. 2021లో పనులు చేపట్టారు. 2023 మార్చి నాటికి పూర్తి కావాల్సి ఉండగా.. నత్తనడకన సాగడంతో ఈ ఏడాది నవంబర్‌ వరకూ కొనసాగాయి. ఇంకా 2 డౌన్‌ ర్యాంపులతో పాటు 2 అప్‌ ర్యాంపులు పూర్తి కావాల్సి ఉంది. ఇందులో మొత్తం 163 ప్రాపర్టీలను స్వాధీనం చేసుకోవడానికి రూ.336 కోట్లు ఖర్చు చేయగా.. మిగిలిన నిధులతో ఆరు లేన్ల మేర ఫ్లైఓవర్‌ను నిర్మించారు.

సాక్షి, హైదరాబాద్‌: నగరంలోని ట్యాంక్‌ బండ్‌ వద్ద ఓ కారు బీభత్సం సృష్టించింది. ఎన్టీఆర్‌ మార్గ్‌లో ట్యాంక్‌ బండ్‌పై కారు అదుపు తప్పి హుస్సేన్‌ సాగర్‌ డివైడర్‌ మీదకు దూసుకెళ్లింది. ఈ ప్రమాదంలో కారులో ఉన్న ఎయిర్‌ బ్యాగ్‌ ఓపెన్‌ కావడంతో పెను ప్రమాదం తప్పింది.  వివరాల ప్రకారం.. ట్యాంక్‌ బండ్‌పై ఉన్న ఎన్టీఆర్‌ మార్గ్‌లో ఆదివారం తెల్లవారుజామున కారు బీభత్సం సృష్టించింది. అతి వేగంలో ఉన్న కారు అదుపుతప్పి హుస్సేన్‌ సాగర్‌ డివైడర్‌ మీదకి దూసుకెళ్లి రెయిలింగ్‌ను ఢీకొట్టింది. ఈ క్రమంలో కొద్దిలో కారు హుస్సేన్‌ సాగర్‌లో పడిపోయే ప్రమాదం నుంచి తప్పించుకుంది. ఇక, ప్రమాదం జరిగిన వెంటనే కారులో ఉన్న ఎయిర్‌ బ్యాగ్‌ తెరుచుకోవడంలో కారులో ప్రయాణిస్తున్న ఇద్దరు ‍ప్రాణాలతో బయటపడ్డారు.  కాగా, ప్రమాదం తర్వాత వారిద్దరూ కారును అక్కడే వదిలేసి పరారయ్యారు. ప్రమాద సమాచారం అందుకున్న వెంటనే పోలీసులు ఘటనా స్థలానికి చేరుకున్నారు. ఈ క్రమంలో కారులో ఉ‍న్న మద్యం బాటిళ్లను స్వాధీనం చేసుకున్నారు. ఇక, మద్యం మత్తులో కారు నడిపినట్టు పోలీసులు అనుమానిస్తున్నారు. ఈ ఘటనపై కేసు నమోదు చేసి దర్యాప్తు చేపట్టినట్టు స్పష్టం చేశారు.  మరోవైపు.. రాజేంద్రనగర్‌లోని అరాంఘర్‌ చౌరస్తాలో రోడ్డు ప్రమాదం జరిగింది. ఓ కారు, బైక్‌ అదుపుతప్పి విద్యుత్‌ స్తంభాన్ని ఢీకొట్టాయి. ఈ ప్రమాదంలో బైక్‌పై ఉన్న వ్యక్తి మృతిచెందగా.. కారులో ప్రయాణిస్తున్న వ్యక్తి ప్రాణాలతో బయటపడ్డారు. కారులో ఎయిర్‌ బెలూన్‌ తెరుచుకోవడంతో అతడికి ప్రమాదం తప్పింది.  ఇది కూడా చదవండి: నా కొడుకు, భర్తను చంపేశారు..కనీసం వారి శవాలనైనా ఇప్పించండి.. 

క్రైమ్‌: ఆ యువకుడు నగరానికి కొత్త. రూల్స్‌కు విరుద్ధమైనప్పటికీ.. ఇద్దరు స్నేహితురాళ్లను బైక్‌పై ఎక్కించుకుని నగరం చూద్దామని బయల్దేరాడు. దారి కోసం గూగుల్‌ మ్యాప్‌ను ఆశ్రయించాడు. కానీ,  అది అతన్ని తప్పుదారి పట్టించింది. తప్పు దోవలో వెళ్తున్నామని గుర్తించి.. మలుపు తీసుకునేలోపే ఊహించని పరిణామం జరిగింది. ఆ యువ ఇంజనీర్‌ జీవితాన్ని రోడ్డు ప్రమాదం అర్థాంతరంగా ముగించేసింది. ఎంహెచ్‌ఎన్‌వీఎస్‌ చరణ్‌(22) స్వస్థలం కృష్ణాజిల్లా చిన్నగొల్లపాలెం గ్రామం. బీటెక్‌ పూర్తి చేసి పోచారం వద్ద ఓ ప్రముఖ ఐటీ కంపెనీలో ఉద్యోగం సంపాదించాడు. అక్కడ సమీపంలోని టౌన్‌షిప్‌లో స్నేహితులతో కలిసి ఉంటున్నాడు. వీకెండ్‌ కావడంతో నగరం చూద్దామని శనివారం స్నేహితులతో కలిసి బైక్‌లపై బయల్దేరారు. ఈ క్రమంలో ఇద్దరు స్నేహితురాళ్లను తన బైక్‌పై ఎక్కించుకున్నాడు చరణ్‌.  ట్యాంక్‌ బండ్‌ మీద ఉన్నవి చూసుకుని.. దుర్గం చెరువు తీగల వంతెన చూద్దామని బయల్దేరారు. దారి తెలియక గూగుల్‌ మ్యాప్‌ను ఆశ్రయించారు. ముందు రెండు బైక్‌లు వెళ్లిపోగా.. గూగుల్‌ మ్యాప్‌ను అనుసరించి ఆరాంఘర్‌ వద్ద బైక్‌ను పీవీఎన్‌ఆర్‌ ఎక్స్‌ప్రెస్‌ మార్గం వైపు మళ్లించాడు. అయితే రెండు కిలోమీటర్లు ముందుకు వెళ్లాక తప్పు దారిలో వెళ్తున్నట్లు గుర్తించారు. బండిని యూటర్న్‌ తీసుకున్నాడు.  గచ్చిబౌలి వెళ్లేందుకు పిల్లర్‌ నంబరు 82 వద్ద ఎక్స్‌ప్రెస్‌ వే నుంచి ర్యాంపు ద్వారా కిందకు వెళ్లేందుకు మలుపు తిరిగాడు. అదే సమయంలో ఆరాంఘర్‌ వైపు నుంచి వస్తున్న ఓ కారు చరణ్‌ నడుపుతున్న బండిని ఢీకొంది.  తీవ్రంగా గాయపడిన చరణ్‌ రోడ్డుమీద కొద్దిసేపు కొట్టుమిట్టాడాడు. నిస్సహాయ స్థితిలో రక్తపు చేతులతో అక్కడికి వచ్చిన వారి పాదాలు పట్టుకొని కాపాడమంటూ సైగలు చేశాడు. ఆ సమయంలో రక్షించకపోగా.. కొందరు వీడియోలు, ఫొటోలు తీసి వైరల్‌ చేశారు. ఈలోపు ప్రమాదం గురించి సమాచారం అందుకున్న పోలీసులు వచ్చి తీవ్రంగా గాయపడిన చరణ్‌ను, స్వల్పంగా గాయపడిన అతని స్నేహితురాళ్లను స్థానికంగా ఓ ప్రైవేట్‌ ఆస్పత్రిలో చేర్పించారు.  చికిత్స పొందుతూ చరణ్‌.. ఆదివారం ఉదయం కన్నుమూశాడు. స్వల్పగాయాలతో బయటపడిన యువతులు ప్రాథమిక చికిత్స అనంతరం ఇళ్లకు వెళ్లిపోయారు. కేసు నమోదుచేసి దర్యాప్తు చేస్తున్నట్టు పోలీసులు వెల్లడించారు.  మెహిదీపట్నం-శంషాబాద్‌ వరకు 11.6 కిలోమీటర్ల మేర పీవీఎన్‌ఆర్‌ ఎక్స్‌ప్రెస్‌ వే నిర్మించారు. ఈ మార్గంలో కార్లు, ఎయిర్‌పోర్ట్‌ వైపు వెళ్లే బస్సులు ప్రయాణించేందుకు మాత్రమే అనుమతి ఉంది. అయితే.. పర్యవేక్షణ లోపంతో కొందరు ద్వి, త్రి చక్ర వాహనదారులు ఆ రూట్‌లో ప్రయాణిస్తున్నారు.

సాక్షి, హైదరాబాద్‌: శంషాబాద్‌ అంతర్జాతీయ విమానాశ్రయానికి సమీపంలోని ఆరాంఘర్‌ జంక్షన్‌ను సకల హంగులతో, సర్వాంగ సుందరంగా తీర్చిదిద్దడానికి సిద్ధమైన జీహెచ్‌ఎంసీ త్వరలో పనులు ప్రారంభించనుంది. దేశంలోని ఏ ఇతర నగరానికీ తీసిపోని విధంగా నగరంలోని జంక్షన్లను అభివృద్ధి పరచాలన్న మునిసిపల్‌ మంత్రి కేటీఆర్‌ ఆదేశాలతో పట్టణ, నగర ప్రాంతాల్ని అందంగా తీర్చిదిద్దే లక్ష్యంతో పనిచేస్తున్న బెంగళూరుకు చెందిన ‘జన అర్బన్‌ స్పేస్‌’ రూపొందించిన డిజైన్‌తో ఆరాంఘర్‌ జంక్షన్‌ను తీర్చిదిద్దే చర్యలకు జీహెచ్‌ఎంసీ అధికారులు సిద్ధమయ్యారు. ఆరాంఘర్‌ జంక్షన్‌ విశాలంగా ఉన్నప్పటికీ ప్రస్తుతం పాదచారులు రోడ్డు ఒకవైపు నుంచి మరో వైపు వెళ్లాలంటే ముప్పుతిప్పలు పడుతున్నారు. కొన్ని సందర్భాల్లో ప్రమాదాల బారిన  పడుతున్నారు. ఆర్టీసీ బస్సులు సైతం ఎక్కడ పడితే అక్కడ ఆగుతుండటంతో ఉరుకులు పరుగులు పెడుతున్నారు. అండర్‌పాస్‌ సైతం ఉన్నప్పటికీ రోడ్డుపై వాహనాల రాకపోకలతో గందరగోళ పరిస్థితులేర్పడుతున్నాయి. కొత్త డిజైన్‌తో జంక్షన్‌ను అభివృద్ధి చేయడం వల్ల ఈ పరిస్థితులు మారనున్నాయి. పాదచారులు సులభంగా రోడ్లు దాటేలా జీబ్రాక్రాసింగ్స్‌ ఉంటాయి. ఆర్టీసీ బస్సులు నిర్ణీత ప్రదేశాల్లో నిలిచే ఏర్పాట్లుంటాయి. వీటితోపాటు  జంక్షన్‌లోని నాలుగువైపులా రోడ్లకు అందమైన ఫుట్‌పాత్‌లు, జంక్షన్‌ మధ్యలో పచ్చదనంతో పరిసరాలు ఆహ్లాదంగా ఉంటాయి. ప్రయాణికులు సేద దీరేందుకు  బెంచీల ఏర్పాట్లు తదితర సదుపాయాలుంటాయి.ఈ పనుల అంచనా వ్యయం రూ.2.63 కోట్లు.   జంక్షన్‌ అభివృద్ధి ఇలా..  ►జంక్షన్‌ నలువైపులా   పాదచారులు సులభంగా రోడ్డు దాటేలా జీబ్రాక్రాసింగ్స్‌ వంటివి  ఏర్పాటు చేస్తారు.  ►జంక్షన్‌ మధ్య  వలయాకార ప్రదేశంలో పచ్చదనం పెంపుతోపాటు ఫౌంటెన్లు తదితరమైనవి ఏర్పాటు చేసి అందంగా కనిపించేలా చేస్తారు.   ►వాహనాలు సాఫీగా మలుపు తిరిగేలా రోడ్డును విశాలం చేస్తారు.   ►జంక్షన్‌కు నలువైపులా బస్టాప్‌లు. ఎటు వైపు వెళ్లే బస్సును ఎక్కాలనుకుంటే పాదచారులు అటువైపు వెళ్లేందుకు వీలుగా అన్ని వైపుల నుంచీ తగిన సదుపాయం.  ►ఫ్రీ లెఫ్ట్‌ కోసం ప్రత్యేక మార్కింగ్స్, తదితర ఏర్పాట్లు.   ►రాత్రివేళ సైతం జంక్షన్‌ అందంగా కనిపించేందుకు ప్రత్యేక లైటింగ్‌ ఏర్పాట్లు.    ►త్వరలోనే పనులు చేపట్టి, ఆర్నెళ్లలో పూర్తిచేస్తామని జీహెచ్‌ఎంసీ అధికారులు పేర్కొన్నారు.  12 జంక్షన్ల గుర్తింపు...  నగర ఖ్యాతిని ఇనుమడింపచేసేలా జోన్‌కు రెండు చొప్పున జంక్షన్లను ఇలా అభివృద్ధి చేయాలని తొలుత భావించారు. ఆమేరకు 12 జంక్షన్లను గుర్తించారు. వాటిల్లో ఆరాంఘర్‌తోపాటు ఐఎస్‌ సదన్, హబ్సిగూడ, కొత్తపేట, సోమాజిగూడ, పంజగుట్ట, మియాపూర్, గుల్‌ మొహర్‌కాలనీ, నారాయణగూడ, సంగీత్‌ తదితర   జంక్షన్లున్నాయి. వీటిని జన అర్బన్‌స్పేస్‌ డిజైన్లతో తీర్చిదిద్దనున్నారు. మంత్రి ఆదేశాల నేపథ్యంలో వీటితోపాటు మరో 48 జంక్షన్లను కూడా తీర్చిదిద్దేందుకు జీహెచ్‌ఎంసీ అధికారులు సిద్ధమయ్యారు.   

సాక్షి, హైదరాబాద్‌ : రాజేంద్రనగర్‌ పరిధిలోని శివరాంపల్లి వద్ద శనివారం ఉదయం నడిరోడ్డు మీద పెట్రోల్‌ ట్యాంకర్‌ బోల్తాపడింది. పిల్లర్ నంబర్  273 వద్ద ఫుల్‌ లోడ్‌తో ఉన్న ట్యాంకర్‌ బోల్తాపడటంతో రోడ్డు నిండా పెట్రోల్‌ లీకవుతోంది. దీంతో స్థానికులు భయాందోళన చెందారు. సమాచారం తెలుసుకున్న అగ్నిమాపక సిబ్బంది... వెంటనే సంఘటనాస్థలికి చేరుకుని పెట్రోల్‌ పారిన చోట నీళ్లు చల్లారు. ఎలాంటి ప్రమాదం జరగకుండా పోలీసులు ముందస్తు జాగ్రత్త చర్యలు పాటించారు. సంఘటనాస్థలికి సమీపంలోని కాలనీవాసులను ఖాళీ చేయించారు. ట్రాఫిక్‌ను కూడా దారిమళ్లించారు. దీంతో మెహిదీపట్నం నుంచి ఆరాంగర్‌ రూట్‌లో ప్రయాణికులు మొదట ఇబ్బంది ఎదుర్కొన్నారు. వాహనాల రాకపోకలకు తీవ్ర అంతరాయం కలిగింది. పీవీఎక్స్‌ప్రెస్‌వేపైనా తాత్కాలికంగా రాకపోకలను నిలిపేశారు. అనంతరం పోలీసులు, సహాయక సిబ్బంది బోల్తా పడిన ట్యాంకర్‌ను తొలగించడంతో ఈ మార్గంలో ట్రాఫిక్‌ క్లియర్‌ అయింది. వాహనాలు ప్రస్తుతం యథాతథంగా రాకపోకలు సాగిస్తున్నాయి.


 సాక్షి, సిటీబ్యూరో: ఆరాంఘర్‌ చౌరస్తా. ప్రతి రోజు వేలాది మంది రాకపోకలు సాగించే అతిపెద్ద కూడలి. హైదరాబాద్‌ నుంచి శంషాబాద్‌  అంతర్జాతీయ విమానాశ్రయానికి వెళ్లాలన్నా, మహబూబ్‌నగర్, కర్నూలు,  కడప వైపు వెళ్లాలన్నా  ఈ  కూడలి మీదుగా వెళ్లాల్సిందే. నగరం నుంచి  మహబూబ్‌నగర్‌ వైపు రాయలసీమ వైపు వెళ్లే రైళ్లన్నీ ఆ రైల్వేమార్గంలోనే వెళ్తాయి. కానీ ఆరాంఘర్‌ చౌరస్తా నుంచి రైలుమార్గంలో వెళ్లాలనుకొనేవాళ్లకు మాత్రం ఆ అవకాశం లేదు. అక్కడికి  ఒకటిన్నర, రెండు కిలోమీటర్ల దూరంలో ఉన్న శివరాంపల్లి, బుద్వేల్‌ రైల్వేస్టేషన్లకు వెళ్లాలి. ఊళ్లకు దూరంగా, ప్రజల రాకపోకలకు  ఏ మాత్రం సంబంధం లేకుండా విసిరేసినట్లు ఉన్న ఆ రెండు రైల్వే స్టేషన్లు అక్కడ ఉన్నా లేనట్లే.
 ప్రతి రోజూ వేలాది మంది నడిచే కూడలిలో  రైల్వేస్టేషన్‌ లేకపోవడంవల్ల నిత్యం ఆ మార్గంలో ఎంఎంటీఎస్, ప్యాసింజర్‌ రైళ్లు నడిచినా ఎలాంటి ప్రయోజనం లేకుండాపోయింది. ఆరాంఘర్‌చౌరస్తాలో రైల్వే సదుపాయాలను ఏర్పాటు చేయడం వల్ల వేలాది మందికి  ప్రయోజనం కలగడమే  కాకుండా ఆ మార్గంలో సబర్బన్‌ రైల్వే వ్యవస్థ ఎంతో బలోపేతమవుతుంది.  రైల్వేకు ఆదాయం కూడా  పెరుగుతుంది.  దక్షిణమధ్య రైల్వే  చొరవ, రాష్ట్రప్రభుత్వ సహకారం  ఏకమైతే  ఆరాంఘర్‌ చౌరస్తా  అతి పెద్ద  ప్రయాణికుల హబ్‌గా మారేందుకు అవకాశం ఉంది.
 
 రెండెకరాల భూమి చాలు...
 ఎంఎంటీఎస్‌ రైళ్లు, ప్యాసింజర్‌ రైళ్లు ఆరాంఘర్‌ చౌరస్తా మీదుగా రాకపోకలు సాగించేందుకు స్టేషన్‌ నిర్మాణానికి  కేవలం  2 ఎకరాల స్థలం చాలు. ప్రస్తుతం అక్కడ  ప్రభుత్వ భూమి  కూడా  అందుబాటులో ఉంది. ఆ  భూమిలో కొంత  స్టేషన్‌ కోసం కేటాయించవచ్చు. అందుకు ప్రతిగా నిరుపయోగంగా ఉన్న బుద్వేల్, శివరాంపల్లి స్టేషన్‌ స్థలాలను ప్రభుత్వం ఇతర అవసరాలకు వినియోగించుకోవచ్చు. ఆరాంఘర్‌ చౌరస్తాలో రైల్వేస్టేషన్‌ ఏర్పాటు చేయడం వల్ల  దూరప్రాంతాలకు వెళ్లే  ప్రయాణికులు ప్రధాన స్టేషన్‌లకు వెళ్లాల్సిన అవసరం తప్పుతుంది. ఆర్టీసీ, ప్రైవేట్‌ బస్సులు, క్యాబ్‌లు, తదితర  వాహనాల కంటే  తక్కువ చార్జీల్లో  రాకపోకలు సాగిస్తారు.
 
 
 సికింద్రాబాద్‌ కేంద్రంగా ఇటు బొల్లారం, మేడ్చల్, మనోహరాబాద్‌  వైపు, అటు ఉందానగర్‌ వైపు దక్షిణమధ్య రైల్వే సబర్బన్‌ రైల్వే వ్యవస్థను ఏర్పాటు చేసింది. ఈ రెండు మార్గాల్లో ఎంఎంటీఎస్‌ రైళ్లు, డెమో రైళ్లు రాకపోకలు సాగిస్తాయి. సికింద్రాబాద్‌ నుంచి ఫలక్‌నుమా వరకు ఎంఎంటీఎస్‌ రైళ్లు నడుస్తుండగా  అక్కడి  నుంచి  ఉందానగర్‌ డెమో రైళ్లు నడుస్తున్నాయి. ఆరాంఘర్‌ నుంచి ట్రైన్‌లో  మహబూబ్‌నగర్‌ వెళ్లాలనుకొనే  ప్రజలు  శివరాంపల్లి రైల్వేస్టేçÙన్‌కు వెళ్లాలి. నగరానికి రావాలంటే బుద్వేల్‌ స్టేషన్‌ నుంచి ఎంఎంటీఎస్‌ రైళ్లలో వెళ్లాల్సి ఉంటుంది. కానీ ఈ రెండు స్టేషన్లు  ఆరాంఘర్‌కు  1 నుంచి  2 కిలోమీటర్‌ల దూరంలో ఉండడం, రోడ్డు సదుపాయం కూడా లేకపోవడంతో ప్రయాణికులు ఈ స్టేషన్ల మీదుగా రాకపోకలు సాగించేందుకు వెనుకడుగువేస్తారు. శంషాబాద్‌ నుంచి ఆరాంఘర్‌కు వచ్చేవాళ్లు ఈ స్టేషన్‌లలో దిగి నడుచుకుంటూ  రావలసిందే.  ఏ రకంగా చూసినా పెద్దగా  ప్రయోజనం లేకపోవడంతో శివరాంపల్లి, బుద్వేల్‌ స్టేషన్లు ప్రయాణికుల ఆదరణకు నోచక అలంకాప్రాయంగానే ఉండిపోయాయి. దీంతో ఆ  మార్గంలో నడిచే  ఎంఎంటీఎస్,డెమో రైళ్లన్నీ ఖాళీ డబ్బాలతోనే  రాకపోకలు  సాగిస్తాయి.


 రంగారెడ్డి: యజమాని తిట్టడంతో మనస్థాపానికి గురైన వ్యక్తి ఆత్మహత్య చేసుకుంటానని విద్యుత్ పోల్ ఎక్కి వీరంగం సృష్టించాడు. బుధవారం యజమాని మందలించడంతో నిజాం అనే వ్యక్తి ఆరాంఘర్ ఎక్స్ రోడ్ వద్ద ఉన్న 33 కేవీ విద్యుత్ టవరెక్కాడు.
 ఫ్యాక్టరీ యజమాని, రాజేంద్రనగర్ ఎమ్మెల్యే ప్రకాశ్ గౌడ్ వచ్చి తన సమస్యను తీర్చాలని అప్పటివరకు దిగిరానని మారాం చేస్తున్నాడు. అతన్ని దింపడానికి పోలీసులు ప్రయత్నిస్తున్నారు.