‘‘మనం జీవితంలో తెలిసో తెలియకో చేసిన తప్పులు ఎదుటివారి జీవితంపై ఎలాంటి ప్రభావం చూపిస్తాయి అనే కథాంశంతో ఈ చిత్రాన్ని తెరకెక్కించాం. సరికొత్త సస్పెన్స్ థ్రిల్లర్ ఇది’’ అని దర్శకుడు అంజన్ ఆర్య (లక్ష్మణ్) చెప్పారు. విఘ్నేశ్వర ఎంటర్‌టైన్‌మెంట్స్ పతాకంపై సీహెచ్ సతీష్‌కుమార్ నటించి నిర్మించిన చిత్రం ‘ఆర్య చిత్ర’. చాందిని కథానాయిక. సురేష్ యువన్ స్వరాలందించిన ఈ సినిమా పాటల్ని మంగళవారం హైదరాబాద్‌లో పాత్రికేయుడు శ్రీరామ్ ఆవిష్కరించారు. ఈ సందర్భంగా సతీష్ కుమార్ మాట్లాడుతూ -‘‘అంతా కొత్తవాళ్లు చేసిన ఈ చిత్రాన్ని ఈ 18న విడుదల చేస్తున్నాం’’ అని తెలిపారు. ఈ కార్యక్రమంలో చాందిని, రచ్చ రవి, సుడిగాలి సుధీర్ తదితరులు మాట్లాడారు.
  


 వానలో తడవనివాడు... తప్పు చేయనివాడు ఎవ్వరూ ఉండరు. ఒక్కోసారి తెలిసీ తెలియక చేసే తప్పులు ఎదుటివారి జీవితంలో కల్లోలాల్ని సృష్టిస్తాయి. ఈ నేపథ్యంలో రూపొందుతోన్న సినిమా ‘ఆర్య చిత్ర’. సతీష్, చాందిని జంటగా ఆంజన్ ఆర్య (లక్ష్మణ్) దర్శకత్వంలో సీహెచ్ సతీష్‌కుమార్ ఈ చిత్రాన్ని నిర్మించారు. ట్రెండ్‌కి అనుగుణంగా ఆద్యంతం ఆకట్టుకునే విధంగా ఈ చిత్రాన్ని రూపొందించామని దర్శకుడు పేర్కొన్నారు. నిర్మాత మాట్లాడుతూ -‘‘అనుక్షణం ఉత్కంఠ భరితంగా ఉండే లవ్, కామెడీ ఎంటర్‌టైనర్ ఇది. సెన్సార్ కూడా పూర్తయిం ది. ఈ నెలలో పాటలను, చిత్రాన్ని విడుదల చేస్తాం’’ అని తెలిపారు. రవిబాబు, భానుచందర్, సీత తదితరులు నటించిన ఈ చిత్రానికి సంగీతం: సురేష్ యువన్.