హైదరాబాద్: దర్శక దిగ్గజం ఎస్ఎస్ రాజమౌళి ప్రతిష్టాత్మక చిత్రం 'బాహుబలి: ది కన్‌క్లూజన్'ను తొలిరోజు చూడాలని సాధారణ అభిమానులతో సహా టాలీవుడ్ నటులు థియేటర్లకు క్యూ కడుతున్నారు. టాలీవుడ్ యంగ్ హీరో మంచు మనోజ్ భార్య ప్రణతితో కలసి ఐనాక్స్ నాలుగో స్కీన్‌పై బాహుబలిని వీక్షించారు. అనంతరం ఆ వివరాలను ట్వీట్ చేశారు. 'బాహుబలి-2 చాలా బాగుంది. సినిమాను మళ్లీ చూస్తాను. బాహుబలి టీ షర్ట్ ధరించి తర్వాతి షోలో బాహుబలి-2ను మరోసారి వీక్షిస్తానని' ట్వీట్లో రాసుకొచ్చారు మనోజ్.
 
 కట్టప్ప బాహుబలిని ఎందుకు చంపాడో తెలుసుకునేందుకు టాలీవుడ్ నటులు, ఇతర ప్రముఖులు థియేటర్లకు క్యూ కడుతున్నారు. శుక్రవారం దేశంలో అత్యధిక థియేటర్లలో విడుదలైన మూవీగా 'బాహుబలి: ది కన్‌క్లూజన్' రికార్డులు సృష్టించింది. బాక్సాఫీసు వద్ద భారీగా వసూళ్లు రాబడుతున్న ఈ సినిమా దేశంలోనే అత్యధిక కలెక్షన్లు సాధించనుందని సినీ విశ్లేషకులు భావిస్తున్నారు.
 
 #Baahubali2 was so good, I HAVE to watch it again! Go ahead... put on your Baahubali t-shirt and catch the next show!


 
 ముంబై: టాలీవుడ్‌ దర్శక దిగ్గజం ఎస్ఎస్ రాజమౌలి ప్రతిష్టాత్మక ప్రాజెక్టు 'బాహుబలి: ది కన్‌క్లూజన్' శుక్రవారం రికార్డు థియేటర్లలో విదులై ప్రభంజనం సృష్టిస్తోంది. కట్టప్ప బాహుబలిని ఎందుకు చంపాడన్న సస్పెన్స్‌ నుంచి బయటపడేందుకు దేశవ్యాప్తంగా బాహుబలి అభిమానులు థియేటర్లకు క్యూ కడుతున్నారు. తెలుగు రాష్ట్రాల్లోనే కాదు.. 'డార్లింగ్' ప్రభాస్‌కు ముంబైలోనూ మహిళా అభిమానులు ఎక్కువగా ఉన్నారన్న విషయం తెలిసిందే. పలు ప్రాంతాల్లో బాహుబలి టీ షర్ట్స్ ధరించి లేడిస్ ఫ్యాన్స్ మూవీ సక్సెస్ ను ఎంజాయ్ చేస్తున్నారు.
 
 'వి లవ్ ప్రభాస్ బాహుబలి' అని రాసి ఉన్న బ్లాక్ టీషర్ట్స్ ధరించి కాలేజీ విద్యార్థినులు, యువతులు తొలి రోజే బాహుబలి-2 చూడాలని థియేటర్లకు భారీ ఎత్తున తరలి వస్తుండటంతో సందడి వాతావరణం ఏర్పడింది. టికెట్లు దొరకడం కష్టంగా ఉన్నా.. ప్రభాస్ మీద అభిమానంతోనే థియేటర్లకు క్యూ కడుతున్నారు. నేడు విడుదలైన బాహుబలి-2 ఫస్ట్‌ హాఫ్‌ సూపర్ గా ఉందని, విజువల్ ఎఫెక్ట్స్ హాలీవుడ్ స్థాయిని మించిపోయేలా ఉన్నాయని పాజిటీవ్ టాక్ వస్తోంది. 


 ఎంతో ఆసక్తిగా ఎదురు చూసిన  ‘బాహుబలి-2’ అంచనాలకనుగుణంగానే బ్లాక్‌ బస్టర్‌గా నిలవనుంది.  ఈ క్రమంలో సూపర్‌ డూపర్‌ హిట్‌ టాక్‌ తో శరవేగంగా దూసుకుపోతోంది.  ఇప్పటిదాకా అనేక అంచనాలు, ఊహల మధ్య  మిలియన్‌ డాలర్ల ప్రశ్నగా మిలిగిన  కట్టప్ప బాహుబలిని ఎందుకు చంపాడు అనేదానికి సమాధానం మొత్తానికి రివీల్‌ అయిపోయింది.  టాలీవుడ్‌ దర్శక దిగ్గజం  రాజమౌలి ప్రతిష్టాత్మక ప్రాజెక్టులోని  ‘బాహుబలి-2’ పై  ఎనలిస్టులు రివ్యూలు కూడా  చాలా పాజిటివ్‌గా ఉన్నాయి. అద్భుతం, అమోఘం అంటూ విమర్శకులు ఈసినిమాను ఆకాశానికెత్తేస్తున్నారు. అదే సందర్భంలో   లోపాలను కూడా  ప్రస్తావించడం విశేషం.
 
 ప్రభాస్, రానా, రమ్యకృష్ణ, అనుష్క, సత్యరాజ్‌ల  అమోఘ నటన, అత్యున్నత సాంకేతిక ప్రమాణాలతో వచ్చిన ‘బాహుబలి ది కంక్లూజన్’   విమర్శకుల  ప్రశంసలు సైతం  అందుకున్నప్పటికీ  చిన్న విమర్శను కూడా మూటగట్టుకుంది. ఈ మేరకు  చిత్రంలోని  లోపాన్ని ఎత్తి  చూపుతున్నారు. ముఖ్యంగా  ఫస్ట్‌ హాఫ్‌  బ్రహ్మాండంగా ఉండగా సెకండ్ హాఫ్ మాత్రం  సుదీర్ఘంగా సాగతీతగా అనిపించిందని పేర్కొంటున్నారు.  అంతేకాదు తన మానస పుత్రిక బాహుబలి రెండవ భాగం సక్సెస్‌కోసం  జక్కన్న ఎంత టెన్షన్‌ పడ్డాడో ప్రతి ప్రేమ్‌లో కొట్టొచ్చినట్టు కనిపించిందని వ్యాఖ్యానిస్తున్నారు. పాటలు కూడా పెద్దగా ఆకట్టుకోలేకపోయాయని అభిప్రాయపడ్డారు అయితే రాజమౌళి స్పెషల్‌ టేకింగ్‌, కమల్ కణ్నన్ విజువల్ ఎఫెక్ట్స్, కీరవాణి నేపథ్య సంగీతంతో ప్రేక్షకులు పెద్దగా  బోర్‌ ఫీల్‌ అవరని చెబుతున్నారు.
 
 స్టోరీ, స్క్రీన్ ప్లే, సినిమాటోగ్రఫీకి ఫస్ట్‌ మార్కులు పడ్డాయి. అటు నటులు ఎవరి పాత్రల్లో వారు ఇమిడిపోయి తమ రోల్స్‌కి పూర్తి న్యాయం చేకూర్చారని రివ్యూలు తేల్చాయి. ఇక అమరేంద్ర బాహుబలిగా ప్రభాస్ నటనకు, రాజసానికి, అనుష్క  పాత్రను ఎలివేట్‌ చేసిన తీరుకు ఫిదా అయిపోతున్నారు. అయితే   సొంతబిడ్డలా సాకిన బాహుబలిని శివగామి ఎందుకు హత్య చేయించింది అనేదిమాత్రం సినిమా చూసి తెలుసుకోవాల్సిందే.  మొత్తానికి ఎవరూ ఊహించని ట్విస్టులతో రాజమౌళి  మరో మెట్టు  అధిగమించాడు. తెలుగు సినిమా ఖ్యాతిని  బాహుబలి-2 ప్రపంచ స్థాయికి తీసుకెళుతుందన్న మాటలను నిలబెట్టుకున్నాడనే చెప్పాలి.