తూర్పు గోదావరి (కొవ్వూరు) : ఈ యువకుడి పేరు పిల్లి శివరామకృష్ణ. ఊరు కొవ్వూరు. చదివింది బీటెక్‌. చైన్నె, ముంబయి వంటి ప్రాంతాల్లో బుల్లెట్‌ బండిపై మొబైల్‌ బార్భీక్యూ చికెన్‌ దుకాణాన్ని అతను చూశాడు. అనుకున్నదే తడవుగా బుల్లెట్‌ కొనుగోలు చేశాడు. రూ.3 లక్షలు వెచ్చించి బుల్లెట్‌కు బార్భీక్యూ అమర్చాడు. వివిధ రకాల చికెన్‌ ఐటెమ్స్‌ తయారు చేసి విక్రయిస్తున్నాడు. బుల్లెట్‌కు వివిధ రకాల లైట్లు అమర్చడంతో ప్రత్యేక ఆకర్షణగా నిలిచాయి. కొవ్వూరు పట్టణంలో కొత్తరకంగా వ్యాపారం ప్రారంభించడంతో స్థానికులను సైతం ఆకట్టుకుంటున్నారు.  కలర్స్, ఆయిల్స్, టెస్టింగ్‌ సాల్ట్, కార్న్‌ ఫ్లోర్, మైదా వంటివి వాడకుండానే వివిధ రకాల చికెన్‌ ఐటెమ్స్‌ తయారు చేయడంతో పట్టణ వాసులు క్యూ కడుతున్నారు. ప్రభుత్వ జూనియర్‌ కళాశాల వద్ద దీనిని రోడ్డు మార్జిన్‌లో గురువారం ప్రారంభించారు. ఈ నోట ఆ నోట విని ఈ వెరైటీ ఫుడ్‌ తినడానికి మాంసాహార ప్రియులు క్యూ కడుతున్నారు. ఇలా బుల్లెట్‌కు అన్నీ అమర్చుకోవడం ద్వారా వ్యాపారానికి అనువుగా ఉన్న ప్రాంతాలకు మార్చుకోవచ్చని శివ అంటున్నారు. అంతేకాకుండా విందు భోజనాలకు సైతం వివిధ రకాల చికెన్‌ ఐటెమ్స్‌ తయారు చేసి సరఫరా చేస్తానని చెబుతున్నారు.  తాను 2013లో బీటెక్‌ పూర్తి చేసిన అనంతరం హైదరాబాద్‌లో వింగ్స్‌ అండ్‌ ఫ్రైస్‌ రెస్టారెంట్‌లో మూడేళ్లు మేనేజర్‌గా పనిచేశానని చెప్పారు. డోమినో పిజ్జా రాజమహేంద్రవరం, హైదరాబాద్‌లో రెండేళ్ల పాటు పనిచేశానన్నారు. అనంతరం ప్రశాంత్‌ కిషోర్‌ టీములో కొన్నాళ్లు పనిచేశానని శివ చెబుతున్నారు. తనకు హోటల్‌ రంగంతో ఉన్న అనుబంధంలో ఈ వ్యాపారం ప్రారంభించినట్టు వివరించారు.

డబుల్‌ డెక్కర్‌ టెక్నాలజీ.. ఈ తరానికి ఓ అదనపు సౌకర్యం. ప్రస్తుతం కుక్‌ వేర్‌లో కూడా అదే టెక్నాలజీని ఉపయోగించి.. శ్రమను, సమయాన్ని ఆదా చేస్తున్నాయి కంపెనీలు. భోజన ప్రియులకు రుచులను పండగ చేసుకోమంటున్నాయి. చిత్రంలోని ఇండోర్‌/అవుట్‌డోర్‌ గ్రిల్‌పై చికెన్, మటన్, ఫిష్, రొయ్యలు వంటివెన్నో గ్రిల్‌ చేసుకోవడం, ఆమ్లెట్స్, పాన్‌కేక్స్‌ వంటివెన్నో కుక్‌ చేసుకోవడం తేలిక. టు ఇన్‌ వన్‌ నాన్‌స్టిక్‌ గ్రిల్‌ ప్లేట్‌ (రిమూవబుల్‌ డబుల్‌ జోన్‌ నాన్‌స్టిక్‌ బేక్‌ వేర్‌) ఉన్న ఈ మేకర్‌ పైభాగంలో చాలా రుచికరంగా క్రిస్పీగా సిద్ధం చేసుకోవచ్చు. ఇక కింద భాగంలో అటు నాలుగు, ఇటు నాలుగు మినీ పాన్‌ప్లేట్స్‌ పెట్టుకుని ఎనిమిది రకాల వెరైటీలను తయారుచేసుకోవచ్చు. 1500ఠీ సామర్థ్యం గల ఇంటెలిజెంట్‌ థర్మోస్టాట్‌ టెక్నాలజీ కలిగిన ఈ మేకర్‌కు వెనుకవైపు ఉన్న రెగ్యులేటర్‌లో టెంపరేచర్‌ సెట్‌ చేసుకోవచ్చు. గాడ్జెట్‌ నుంచి గ్రిల్‌ ప్లేట్స్‌ను చాలా సులభంగా వేరు చేసుకోవచ్చు. దాంతో శుభ్రం చేసుకోవడం ఈజీ అవుతుంది. ధర 89 డాలర్లు (రూ.6,529) డిజిటల్‌ ఎయిర్‌ ఫ్రైయర్‌ ఓవెన్‌ చిన్న చిన్న పార్టీలు, ఫంక్షన్స్‌కి చాలా చక్కగా, అనువుగా ఉండే ఈ ఫ్యామిలీ సైజ్‌ ఓవెన్‌.. ఎయిర్‌ ఫ్రైయర్‌లా కూడా పనిచేస్తుంది. డిజిటల్‌ టచ్‌స్క్రీ¯Œ తో ఆయిల్‌లెస్‌ రుచులని అందిస్తుంది. చికెన్, ఫిష్, పిజ్జా, కేక్, స్టిక్స్, వింగ్స్, కుకీస్, ఫ్రెంచ్‌ఫ్రైస్‌ ఇలా చాలానే చేసుకోవచ్చు. 1700గి సామర్థ్యం కలిగిన ఈ మేకర్‌కి ముందు భాగంలో దానికి ఆనుకునే గుండ్రటి మూత ఉంటుంది. దాన్ని పైనుంచి కిందకు ఓపెన్‌ చేసుకోవచ్చు. లోపల ట్రాన్స్‌పరెంట్‌ బౌల్‌ పెట్టుకుని.. మూడు సొరుగులుగా గ్రిల్‌ ప్లేట్స్‌ అమర్చి, వాటిపై ఆహారాన్ని  బేక్‌ చేసుకోవచ్చు. ఇందులో 3600ఊ వద్ద పిజ్జా 10 నిమిషాలు, కూరగాయలు 12 నిమిషాలు, ఫిష్‌ 15 నిమిషాలు, కేక్‌ 30 నిమిషాలు సమయం పడుతుంది. 4300ఊ వద్ద.. పాప్‌కార్న్‌ 8 నిమిషాలు, చికెన్‌ వింగ్స్‌ 10 నిమిషాలు, ఫ్రెంచ్‌ఫ్రైస్‌ 20 నిమిషాలు,   హోల్‌ చికెన్‌ 30 నిమిషాలు సమయం తీసుకుంటాయి. అధిక–నాణ్యత గల మెటీరియల్‌తో రూపొందిన చికెన్‌ ఫోర్క్, డిప్‌ ట్రే, రొటేటింగ్‌ బాస్కెట్, ఎయిర్‌ ఫ్లో రాక్స్, మెస్‌ బాస్కెట్‌ వంటివన్నీ మేకర్‌తో పాటు లభిస్తాయి. ఈ గాడ్జెట్‌ 80 శాతం నూనె వాడకాన్ని తగ్గించి ఆరోగ్యాన్ని కూడా అందిస్తుంది. ఆప్షన్స్‌ అన్నీ మేకర్‌ ముందువైపు డిస్‌ప్లేలో బొమ్మలతో సహా వివరంగా కనిపిస్తుంటాయి. దాంతో దీన్ని ఆపరేట్‌ చెయ్యడం ఎవరికైనా సులభమే. ధర 119 డాలర్లు (రూ. 8,729) మ్యాజికల్‌ స్మార్ట్‌ కుకర్‌ ఎలక్ట్రిక్‌ మేకర్స్‌ ఎప్పటికప్పుడు కొత్త హంగులతో వినియోగ దారులని ఆకర్షిస్తున్న సంగతి తెలిసిందే. అయితే గృహిణుల శ్రమను తగ్గించే ఇలాంటి మేకర్స్‌కి మార్కెట్‌లో ప్రత్యేక స్థానం ఉంది. ఈ మ్యాజికల్‌ స్మార్ట్‌ మేకర్‌.. ఎయిర్‌ ఫ్రైయర్‌లా, ప్రెషర్‌ కుకర్‌లా పని చేస్తుంది. అందుకు చెయ్యాల్సింది కేవలం మూతలు మార్చడమే. స్టీమర్‌ బాస్కెట్, రోస్ట్‌ రాక్, రెసిపీ బుక్, గ్లాసులు, గరిటెలు, మిట్స్‌ (చేతులు కాలకుండా ఉపయోగ పడేవి) వంటివన్నీ మేకర్‌తో లభిస్తాయి. దాంతో ఇందులో సూప్స్, నూడూల్స్, కేక్స్, హోల్‌ చికెన్‌తో పాటు అన్నిరకాల రైస్‌ ఐటమ్స్‌ రెడీ చేసుకోవచ్చు. గాడ్జెట్‌ ముందు వైపు ఉన్న ఆప్షన్స్‌ ప్రెషర్‌ కుకర్‌కు, ఎయిర్‌ ఫ్రైయర్‌ లిడ్‌ మీద ఉన్న ఆప్షన్స్‌ ఫ్రైయర్‌ కోసం కేటాయించినవి. వాటిని సెట్‌ చేసుకుని టైమింగ్, టెంపరేచర్‌ ఫిక్స్‌ చేసుకుని, అవసరాన్ని బట్టి మూత మార్చుకుంటే సరిపోతుంది.


 WESTERN Style Cooking
 మనిషెంత ఎత్తుకు ఎదిగినా మూలాలెక్కడికీ పోవనడానికో ప్రత్యక్ష ఉదాహరణ బార్బెక్యూ. ఆదిమ మానవుడు నిప్పులపై కాల్చుకుని తిన్నాడు. ఇప్పుడా నిప్పులపై చువ్వలు పేర్చి వాటిపై ఆహారం ఉడికించి మోడరన్‌గా తింటున్నాం. అక్కడా ఇక్కడా ఆహారాన్ని ఇష్టంగా తినేలా చేసింది స్మోకీ టేస్ట్.
  
  బార్బెక్యూ కుకింగ్ స్టైల్‌పై సిటిజనులకు ఆసక్తి పెరుగుతోంది. అమెరికా, బ్రిటన్ తదితర దేశాల్లో అత్యంత ఆదరణ పొందిన ఈ కుకింగ్ స్టైల్ ప్రత్యేకత నిదానంగా వండడం. వేడిని ఎక్కువసేపు నిల్వ ఉంచడం. బార్బెక్యూ శైలిలో నిప్పుసెగ ప్రత్యక్షంగా వండే పదార్థాన్ని తాకకుండా, గాఢమైన పొగ ప్రభావం తగిలేలా వండుతారు. దీని వల్ల ఆహార పదార్థాలకు ఓ వినూత్నమైన స్మోకీ టేస్ట్ అంటుతుంది. ఆ స్మోకీ టేస్టే బార్బెక్యూని ప్రపంచవ్యాప్తంగా ఫుడ్‌లవర్స్‌కి సన్నిహితం చేసింది.
  
  రంజాన్ మాసాన్ని పురస్కరించుకుని బంజారాహిల్స్ రోడ్‌నం.2 సినీమాక్స్‌లోని యూనిక్ బార్బెక్యూలో ఫుడ్‌తోపాటు బార్ వాతావరణాన్ని కూడా మార్చేశారు నిర్వాహకులు. బఫేలో మెయిన్ డిషెస్‌తోపాటు స్టార్టర్స్, సూప్స్, సలాడ్స్, మాక్‌టెయిల్స్, డెసర్ట్స్, హైదరాబాదీ స్పెషల్స్ పాయా, హలీమ్ కూడా అందిస్తున్నారు. హంగేరీ ముర్గీ చికెన్, మటన్ గలీఫ్ సిక్ కబాబ్ వంటి స్పైసీ  డిషెస్, షాయితుక్‌డా, డబుల్‌కామీటా, కద్దూ కీ ఖీర్, తదితర డెసెర్ట్స్ ఆఫర్ చేస్తున్నారు. బుధవారం వరకూ ఫుడ్ ఫెస్ట్ కొనసాగుతుంది.
  - సాక్షి, సిటీప్లస్