సాక్షి, ముంబై: కేబినెట్ మంత్రిగా ప్రమాణస్వీకారం చేసిన భాస్కర్ జాదవ్‌కు కార్మికశాఖను అప్పగించారు. జాదవ్‌కు అప్పగిస్తారని భావించిన జలవనరులశాఖ హసన్ ముష్రిఫ్‌కు కట్టబెట్టారు. ఎన్సీపీ పార్టీ రాష్ట్రాధ్యక్షుడిగా సునీల్ తట్కరేను నియమించడంతో అప్పటిదాకా ఆ స్థానంలో కొనసాగిన భాస్కర్ జాదవ్ కు మంత్రిమండలిలో స్థానం కల్పించారు. అయితే సునీల్ తట్కరే నిర్వహించిన జలవనరులశాఖ బాధ్యతలను జాదవ్‌కు అప్పగించనున్నారని ఆ పార్టీ నేతలు గురువారం చెప్పినా అధిష్టానం మాత్రం హసన్ ముష్రిఫ్ నిర్వహిస్తున్న కార్మికశాఖను అప్పగించింది. తట్కరేకు రాష్ట్రాధ ్యక్ష పదవి దక్కడంతో ఖాళీ అయిన
  జలవనరుల మంత్రిత్వశాఖను హసన్ ముష్రిఫ్‌కు అప్పగించారు.
  
 రాబోయే ఎన్నికలను దృష్టిలో ఉంచుకొని ఎన్సీపీ ఈ మార్పులు చేస్తున్న విషయం తెలిసిందే. అయితే ఎన్సీపీలో జరుగుతున్న మార్పులపై కాంగ్రెస్ ఓ కన్నేసింది. ఆ పార్టీ చేస్తున్న మార్పులకు అనుగుణంగానే తమ పార్టీలో కూడా మార్పులు చేయాలని కాంగ్రెస్ భావిస్తోంది. దీంతో ఎన్నికల ప్రకటన వెలువడేనాటికి రాష్ట్ర ప్రభుత్వంలో ఏ మంత్రిత్వశాఖలో ఏ మంత్రి కొనసాగుతారో చెప్పలేని పరిస్థితి నెలకొంది. దీనిపై పార్టీ నేతల్లో కూడా అయోమయ పరిస్థితి నెలకొంది. అయితే విశ్లేషకులు మాత్రం ఈ మార్పులు సత్ఫలితాలను ఇవ్వలేవని, ప్రజలను మరింత గందరగోళానికి గురిచేస్తాయని, కొత్తగా బాధ్యతలు చేపట్టిన మంత్రులు కూడా సమర్థవంతంగా పనిచేయలేరని చెబుతున్నారు.


 మంత్రిగా ప్రమాణం చేసిన రాష్ట్ర ఎన్సీపీ మాజీ సారథి
  
 సాక్షి, ముంబై: ఎన్సీపీ మాజీ రాష్ట్రాధ్యక్షుడు భాస్కర్ జాదవ్‌కు ఊహించినట్టుగానే రాష్ట్ర కేబినేట్‌లో చోటుదక్కింది. మహారాష్ట్ర ఎన్సీపీ అధ్యక్షుని పదవి నుంచి బుధవారం ఆయన వైదొలగిన అనంతరం ఆ బాధ్యతలను సునీల్ తట్కరేకు అప్పగించిన సంగతి తెలిసిందే. అయితే అప్పటిదాకా తాను కొనసాగిన జలవనరులశాఖ మంత్రి పదవి నుంచి తట్కరే తప్పుకోవడం, భాస్కర్ జాదవ్‌ను కేబినెట్‌లోకి తీసుకోవడం చకచకా జరిగిపోయాయి. అయితే జాదవ్‌కు ఏ శాఖ కట్టబెట్టనున్నారనే విషయమై ఇప్పటిదాకా ఎటువంటి వివరాలు వెలువడలేదు.
  
 అయితే జలవనరులశాఖనే  కట్టబెట్టనున్నారని ఆ పార్టీ నేతలు చెప్పుకుంటున్నారు. అయితే ఆయనకు మరో శాఖను కట్టబెడితే మరికొందరి శాఖలు కూడా మార్చాల్సి ఉంటుందని, ఎన్నికల ముందు ఈ హడావుడి అక్కరలేదని పార్టీ అధినాయకత్వం భావిస్తున్నట్లు చెప్పుకుంటున్నారు. త్వరలో జరగనున్న అసెంబ్లీ ఎన్నికలను దృష్టిలో ఉంచుకొని ఎన్సీపీ మార్పులు చేసింది. రాజ్‌భవన్‌లో జరిగిన ఈ కార్యక్రమంలో గవర్నర్ కె. శంకర్‌నారాయణ, ముఖ్యమంత్రి పృథ్వీరాజ్ చవాన్, ఉపముఖ్యమంత్రి అజిత్ పవార్, ప్రజాపనులశాఖ మంత్రి ఛగన్ భుజ్‌బల్, విధాన మండలి చైర్మన్ శివాజీరావ్ దేశ్‌ముఖ్, విధానసభ చెర్మైన్ దిలీప్‌వల్సే పాటిల్ తదితరులు పాల్గొన్నారు. మంత్రి జాదవ్‌కు శుభాకాంక్షలు తెలిపారు.


 ముంబై: లోక్‌సభ ఎన్నికల్లో ఘోరపరాజయం తర్వాత కాంగ్రెస్, ఎన్సీపీల్లో అంతర్మథనం మొదలైంది. అనేకరకాల సమీక్షల తర్వాత ఇరుపార్టీల అధిష్టానాలు.. రాష్ట్రంలో ఆ పార్టీ అధ్యక్షులను, కీలక పదవుల్లో ఉన్న నాయకులను మార్చాలని నిర్ణయించాయి. ఈ దిశగా ఇప్పటికే ప్రయత్నాలు కూడా ప్రారంభించినట్లు వివిధ పత్రికలు, టీవీ చానళ్లలో కథనాలు వస్తున్నాయి. మహారాష్ట కాంగ్రెస్ కమిటీ అధ్యక్షుడు మాణిక్‌రావ్ ఠాక్రేతోపాటు రాష్ట్ర ముఖ్యమంత్రి పృథ్వీరాజ్ చవాన్‌ను మార్చాలని కాంగ్రెస్ పార్టీ ఓ నిర్ణయానికి వచ్చినట్లు కొందరు సీనియర్ నేతలు చెబుతున్నారు.
  
 ఇక ఎన్సీపీలో కూడా ఆ పార్టీ రాష్ట్రాధ్యక్షుడు భాస్కర్ జాదవ్‌ను మార్చనున్నారనే వార్తలు వినిపిస్తున్నాయి. అయితే ఈ రకమైన మార్పులు ప్రజాస్వామ్య కూటమిలోని భాగస్వామ్య పార్టీలైన కాంగ్రెస్, ఎన్సీపీలకు మళ్లీ అధికారాన్ని కట్టబెడతాయా? అనే ప్రశ్నకు రాజకీయ విశ్లేషకుల నుంచి భిన్నమైన అభిప్రాయాలు వ్యక్తమవుతున్నాయి. తలకాయలు మార్చినంత మాత్రనా ఇరుపార్టీల తలరాతలు మారే అవకాశం లేదని కొందరు చెబుతుండగా నాయకత్వ మార్పు కొంతమేరకైనా ప్రజలపై ప్రభావం చూపుతుందని మరికొందరంటున్నారు.
  
 సోనియాను కలిసిన నారాయణ్ రాణే...
 లోక్‌సభ ఎన్నికల్లో రాష్ట్రంలో కేవలం రెండంటే రెండు స్థానాల్లో మాత్రమే విజయం సాధించిన కాంగ్రెస్ పార్టీని పూర్తిగా ప్రక్షాళన చేయాలని కోరుతూ ఆ పార్టీ నేత నారాయణ్ రాణే, అధినేత్రి సోనియా గాంధీని కలిసినట్లు తెలిసింది. దీంతో రాణేను పార్టీ అధినాయకత్వమే పిలిపించిందా? లేక రాణే స్వయంగా వెళ్లి అధిష్టానాన్ని కలిశారా? అనే విషయంలో ఎటువంటి స్పష్టత లేకున్నా మొత్తానికి పార్టీ పదవులతోపాటు ముఖ్యమంత్రి పదవిలో కొత్తవారిని కూర్చోబెట్టాలనే నిర్ణయానికి అధిష్టానం వచ్చిందనే సమాచారం బయటకు వచ్చింది.
  
 ముఖ్యమంత్రి పదవిని షోలాపూర్ నేత, మాజీ హోంమంత్రి సుశీల్‌కుమార్ షిండేకు ఇవ్వనున్నట్లు కొందరు చెప్పుకుంటున్నారు. ఇక ఎంసీసీసీ అధ్యక్ష పదవిని మాజీ ముఖ్యమంత్రి అశోక్‌రావ్ చవాన్‌కు అప్పగించే సూచనలు కనిపిస్తున్నాయి. అయితే అయితే పెయిడ్ న్యూస్ కేసులో నిందితుడిగా ఆరోపణలు ఎదుర్కొంటున్న చవాన్ దాని నుంచి బయటపడితేగానీ ఏ నిర్ణయం తీసుకోలేమనే నిర్ణయంలో అధిష్టానం ఉన్నట్లు ఆ పార్టీ సీనియర్ నేతలు చెబుతున్నారు.
  
 ఫలిస్తే సరే.. మరి వికటిస్తే..
 పార్టీ అధిష్టానం చేస్తున్న కసరత్తు ఫలిస్తే సరే... మరి వికటిస్తే పరిస్థితి ఏంటని ఆ పార్టీ సీనియర్ నేతలు ప్రశ్నిస్తున్నారు. కొత్తగా ఎంపికచేసేవారి విషయంలో అన్నిరకాల జాగ్రత్తలు తీసుకోవాలని, ఎంపిక చేసే ముందు కూడా పర్యవసానాలు ఎలా ఉంటాయనే విషయమై ఒకటికి రెండుసార్లు ఆలోచించుకోవాలని సూచిస్తున్నారు. కీలక పదవుల బాధ్యతలను కొత్తవారికి అప్పగించినప్పుడు వారి మద్దతుదారుల నుంచి ఎటువంటి ఇబ్బందులు ఎదురుకాకపోయినా వారి ప్రత్యర్థుల నుంచి ఎదురయ్యే ఇబ్బందులను పరిగణనలోకి తీసుకోవాలంటున్నారు. వ్యక్తులకే కాకుండా ప్రాంతాలవారీగా కూడా ప్రాధాన్యత ఇవ్వాల్సి ఉంటుందని చెబుతున్నారు. ఇలా అన్ని విషయాల్లో సమతూకం పాటించినప్పుడే మార్పులు సత్ఫలితాలనిస్తాయని చెబుతున్నారు.
  
 జాదవ్ స్థానంలో ఎవరో?
 కాంగ్రెస్ మిత్రపక్షమైన ఎన్సీపీలో కూడా ప్రక్షాళన జరిగే అవకాశాలు స్పష్టంగా కన్పిస్తున్నాయి. పార్టీ రాష్ట్రాధ్యక్షుడు భాస్కర్ జాధవ్‌ను మార్చనున్నట్టు వార్తలు గుప్పుమంటున్నాయి. ఇటీవల పదాధికారులతో శరద్‌పవార్ నిర్వహించిన సమావేశంలో ఈ విషయమై అభిప్రాయాలు కూడా సేకరించినట్లు చెప్పుకుంటున్నారు. భాస్కర్ జాదవ్‌కు మంత్రి మండలిలో చోటిచ్చి పార్టీ అధ్యక్ష బాధ్యతలను సునీల్ తట్కరే కు అప్పగించాలనే డిమాండ్లు ఊపందుకుంటున్న నేపథ్యంలో అధిష్టానం కూడా ఆ దిశగానే యోచిస్తున్నట్లు సమాచారం. అయితే కాంగ్రెస్‌లో మార్పుల జరిగిన తర్వాత వాటికి అనుగుణంగా పార్టీలో మార్పులు చేయాలని యోచిస్తున్నట్లు సమాచారం.
  
 ఠాక్రేలకు భుజ్‌బల్ చురకలు
 మహారాష్ట్ర నవనిర్మాణ సేన అధ్యక్షుడు రాజ్ ఠాక్రే, శివసేన కార్యాధ్యక్షుడు ఉద్ధవ్ ఠాక్రేలకు ఎన్సీపీ నేత, ప్రజాపనుల శాఖమంత్రి ఛగన్ భుజ్‌బల్  చురకలించారు. ‘ముఖ్యమంత్రి పదవి రేసులో ఉన్నవారందరికీ శుభాకాంక్షలు’ అంటూ పరోక్షంగా ఠాక్రేలిద్దరిపై వ్యంగ్యాస్త్రాలు సంధించారు. రాజ్‌ఠాక్రే, ఉద్ధవ్‌ఠాక్రేలు ముఖ్యమంత్రులు కావాలంటూ ఇరు పార్టీల కార్యకర్తలు కోరుకుంటున్నట్లు ఇటీవల వార్తాపత్రికల్లో కథనాలు ప్రచురితమైన విషయం తెలిసిందే. వీటిపై స్పందించిన భుజ్‌బల్ ఈ రకమైన వ్యాఖ్యలు చేశారని చెబుతున్నారు.


  సాక్షి, ముంబై: అసెంబ్లీ ఎన్నికలకు సిద్ధం కావాలని పార్టీ శ్రేణులకు ఎన్సీపీ అధినేత శరద్ పవార్ పిలుపునిచ్చారు. దీంతో లోక్‌సభ ఎన్నికల ఫలితాలు వెలువడకముందే అసెంబ్లీ ఎన్నికలకు ఎన్సీపీ సిద్ధమవుతున్నట్లు తెలుస్తోంది. పార్టీ పదాధికారులు, నాయకులతో మంగళవారం సాయంత్రం శరద్ పవార్ ఈ విషయమై సమావేశమయ్యారు. అసెంబ్లీ ఎన్నికలకు అందరూ సిద్ధమవ్వాలని ఆదేశించారు. ఎన్సీపీ భవనంలో జరిగిన ఈ సమావేశంలో మహారాష్ట్ర ఎన్సీపీ అధ్యక్షులు భాస్కర్ జాధవ్‌తోపాటు ఛగన్ భుజ్‌బల్, ఆర్.ఆర్. పాటిల్, హసన్ ముష్రిఫ్, రాజేష్ తోపే, మధుకర్ పిచడ్, వసంత్ ఢావ్‌కరే, విజయ్‌సింహ మోహితే పాటిల్ తదితరులు హాజరయ్యారు.
 
  అయితే ఉపముఖ్యమంత్రి అజిత్ పవార్, ఎన్సీపీ కార్యాధ్యక్షులు జితేంద్ర అవ్హాడ్, సునీల్ తట్కరేలు మాత్రం హాజరుకాలేదు. రాష్ట్రంలో లోక్‌సభ ఎన్నికలను ఎన్సీపీ కూడా ప్రతిష్టాత్మకంగా తీసుకుంది. మూడు విడతల్లో జరిగిన ఈ ఎన్నికలు ఈ నెల 24వ తేదీతో ముగిసిన విషయం తెలిసిందే. అయితే లోక్‌సభ ఎన్నికల ఫలితాలు మే 16వ తేదీన వెలువడనున్నాయి. అయితే ఫలితాల కోసం ఆలోచిస్తూ కూర్చోకుండా మరో నాలుగైదు నెలల్లో రాబోయే అసెంబ్లీ ఎన్నికలకు అందరూ సిద్ధమవ్వాలని పార్టీ నాయకులకు శరద్‌పవార్ ఆదేశించారు.
 
  రాబోయే ఎన్నికల వ్యూహంపై చర్చలు...!
  రాష్ట్రంలో మరో నాలుగైదు నెలల్లో జరగబోయే అసెంబ్లీ ఎన్నికల వ్యూహరచనపై ఈ సమావేశాల్లో చర్చించారని తెలిసింది. ముఖ్యంగా మొదటి సమావేశం అనంతరం భాస్కర్ జాధవ్, ఆర్.ఆర్. పాటిల్, ఛగన్ భుజ్‌బల్ తదితర సీనియర్ నాయకులతో మరో ప్రత్యేక సమావేశం జరిగింది. ఈ సమావేశంలో లోక్‌సభ ఫలితాలు ఎలా ఉండనున్నాయి? అనుకూలంగా ఉంటే ఎటువంటి వ్యూహాలతో ప్రజల్లోకి వెళ్లాలి? ప్రతికూలంగా ఉంటే వ్యూహరచన ఎలా ఉండాలి? అసెంబ్లీ నియోజకవర్గాల్లో పార్టీ బలాబలాలు ఎలా ఉన్నాయి? తదితర అంశాలపై చర్చలు జరిగినట్లు తెలిసింది.
 
  ఒంటరిపోరుకు సిద్ధమవుతున్న ఎన్సీపీ...?
  లోక్‌సభ ఫలితాలు కాంగ్రెస్‌కు వ్యతిరేకంగా వెలువడే అవకాశాలున్నాయనే సంకేతాలు వెలువడుతుండడంతో రాష్ట్రంలో ఆ పార్టీతో తెగదెంపులు చేసుకోవాలనే దిశగా ఎన్సీపీ యోచిస్తున్నట్లు సమాచారం. అదీగాక కాంగ్రెస్ పార్టీ ఉపాధ్యక్షుడు రాహుల్ గాంధీ కూడా మహారాష్ట్రలో ఎన్సీపీతో పొత్తు వద్దనే అభిప్రాయాన్ని బహిరంగంగానే వ్యక్తం చేయడం, ఇటీవల ముఖ్యమంత్రి పృథ్వీరాజ్ చవాన్, ఎంపీసీసీ అధ్యక్షుడు మాణిక్‌రావ్ ఠాక్రే వ్యాఖ్యలు కూడా ఎన్సీపీని ఒంటరిపోరువైపు మొగ్గుచూపేలా చేస్తున్నాయి. కాంగ్రెస్ నుంచి ఇప్పటికే పొత్తు వద్దంటూ ప్రకటనలు వెలువడడంతో కాంగ్రెస్‌నే దోషిగా చూపుతూ బయటకు రావాలనే యోచనలో ఎన్సీపీ ఉన్నట్లు సమాచారం. ఈ నేపథ్యంలోనే పవార్ పార్టీ సీనియర్ నాయకులతో సమావేశమై చర్చించినట్లు తెలిసింది. 


  సాక్షి, ముంబై: లోక్‌సభ ఎన్నికలపై దృష్టిసారించిన ఎన్సీపీ... అభ్యర్థుల జాబితాకు తుదిమెరుగులు దిద్దుతోంది. అన్ని పార్టీలకంటే ముందుగానే జాబితా విడుదల చేయాలని భావిస్తోంది. ఇందులోభాగంగా ఇప్పటికే పలువురి పేర్లను ఖరారు చేసింది. మిగిలిన అభ్యర్థులకు సంబంధించి నిర్ణయం తీసుకోవాల్సి ఉంది. ఖరారైన అభ్యర్థుల జాబితాలో గోండియా లోక్‌సభాస్థానం నుంచి ఎంపీగా ఎన్నికైన విమానయన శాఖ మంత్రి ప్రఫుల్ పటేల్, ఉస్మానాబాద్ ఎంపీ పద్మసింగ్ పాటిల్  విజయ భాంబోలి (పర్భణి) తదితరులున్నారు. హింగోలి నియోజకవర్గం నుంచి పోటీ చేసేందుకు మాజీ మంత్రి సూర్యకాంత్ పాటిల్, శివాజీ మానేలు ఆసక్తి కనబరుస్తున్నారు. దీంతో ఈ స్థానం నుంచి వీరిలో ఒకరిని ఖరారు చేయాల్సి ఉంది.
  
  మరోవైపు అహ్మద్‌నగర్ స్థానం నుంచి పోటీ చేసేందుకు అనేకమంది ఆసక్తి కనబరుస్తున్నారు. కాంగ్రెస్ పార్టీ నుంచి ఎన్సీపీలో చేరిన రాజీవ్ రాజలేతోపాటు బబన్‌రావ్ పాచ్‌పుతే , ఆయన కుమారుడు విక్రమసింగ్ ల పేర్లను పరిశీలించాలని అధిష్టానాన్ని కొందరు నాయకులు, కార్యకర్తలు కోరుతున్నారు. వీరితోపాటు అహ్మద్‌నగర్ జిల్లా శాఖ అధ్యక్షుడు ఘనశ్యామ్ శేలార్ ఆసక్తి కనబరుస్తుండడంతో ఆయన పేరును కూడా పరిశీలిస్తున్నట్టు తెలియవచ్చింది. ఎన్సీపీ అత్యంత ప్రతిష్టాత్మకంగా భావించే బీడ్  నియోజకవర్గం స్థానానికి సంబంధించి మంత్రి జయదత్ క్షీరసాగర్, సురేష్‌ల పేర్లు తెరపైకొచ్చాయి. గత ఎన్నికల్లో పరాజయం పాలైన రమేష్ ఆడస్కర్ కూడా మరోసారి పోటీ చేసేందుకు ఆసక్తి కనబరుస్తున్నారు. అమరావతి నియోజకవర్గం నుంచి స్వతంత్ర శాసనసభ్యుడు ఎమ్మెల్యే రవి రాణా భార్య సినీ నటి నవనీత్ కౌర్ పేరు పరిశీలనలో ఉంది. ఇక రావేర్ నియోజకవర్గం నుంచి రవీంద్ర పాటిల్ పేరును పరిశీలించాల్సిందిగా అక్కడి నాయకులు, కార్యకర్తలు అధిష్టానానికి విన్నవించారు.  
  
  బరిలోకి దిగేందుకు నేతల సుముఖత
  త్వరలో జరగనున్న సార ్వత్రిక ఎన్నికల బరిలోకి దిగేందుకు ఉపముఖ్యమంత్రి అజిత్‌పవార్‌తోపాటు ఎన్సీపీకి చెందిన మంత్రులు, ఇతర అగ్రనాయకులు సుముఖత వ్యక్తం చేశారు. మొత్తం 48 స్థానాలకు 22 నియోజకవర్గాల నుంచి బరిలోకి దిగాలని ఆ పార్టీ గట్టి పట్టుదలతో ఉంది. కొద్దినియోజకవర్గాలలో భాగస్వామ్య పక్షమైన కాంగ్రెస్‌తో కలసి బరిలోకి దిగనుంది. లోక్‌సభ ఎన్నిలకు సన్నద్ధతకు సంబంధించి రెండురోజులపాటు జరిగిన సమీక్షా సమావేశంలో బరిలోకి దిగాలని ఆశిస్తున్నవారందరితో ఆ పార్టీ అధ్యక్షుడు శరద్‌పవార్ భేటీ అయ్యారు. ఈ నెల 10 లేదా 15వ తేదీలోగా అభ్యర్థుల జాబితాను ఖరారు చేసే అవకాశముందని పార్టీ రాష్ర్ట శాఖ అధ్యక్షుడు భాస్కర్ జాదవ్ మీడియాకు వెల్లడించారు. ఏ స్థానాన్ని కేటాయించినా పోటీ చేసేందుకు తామంతా సిద్ధంగా ఉన్నామని అజిత్‌పవార్‌తోపాటు ఇతర మంత్రులు పార్టీ అధినేతకు స్పష్టం చేశారు. ఇక బీడ్ లేదా శిరూర్ నియోజకవర్గం నుంచి పోటీ చేసేందుకు అజిత్ ఆసక్తి కనబరిచారని జాదవ్ తెలిపారు. శరద్‌పవార్ ప్రాతినిధ్యం వహిస్తున్న మఢా నియోజకవర్గం నుంచి అజిత్ బరిలోకి దిగుతారా అని మీడియా ప్రశ్నించగా ఆయన పై విధంగా స్పందించారు. పార్టీ అధినేత కుమార్తె, ఎంపీ సుప్రియాసూలేను రాష్ట్ర రాజకీయాల్లోకి దించేందుకు వీలుగా అజిత్‌ను లోక్‌సభ బరిలోకి దించుతున్నారా అని ప్రశ్నించగా అమె ఎంపీ అని, బారామతి నియోజకవర్గం నుంచే పోటీ చేస్తారని స్పష్టం చేశారు. ప్రతి జిల్లాలో ఒక్కొక్క స్థానం నుంచి పోటీ చేయాలంటూ తాము భాగస్వామ్య పక్షమైన కాంగ్రెస్‌కు ప్రతిపాదిస్తామన్నారు. మూడుచోట్ల ఒక పార్టీ స్థానంలో మరొక పార్టీ పోటీ చేసే అవకాశముందన్నారు. రాయ్‌గఢ్ నియోజక వర్గం కాంగ్రెస్ కోటాలోనే ఉందని, అయితే గత మూడు ఎన్నికల్లో వారు పరాజయం పాలయ్యారన్నారు. ఒకవేళ సీట్ల మార్పిడి జరిగితే ఈ స్థానం నుంచి బరిలోకి దిగేందుకు తాను ఆసక్తి కనబరిచానన్నారు.
  
  కాగా జాదవ్ రాయ్‌గఢ్ జిల్లా చిప్లున్ నుంచి శాసనసభకు ప్రాతినిధ్యం వహిస్తున్న సంగతి విదితమే.
  కాగా తదుపరి లోక్‌సభ ఎన్నికల్లో పోటీ చేయకూడదని నేషనలిస్ట్ కాంగ్రెస్ పార్టీ (ఎన్సీపీ) అధినేత నిర్ణయించిన నేపథ్యంలో జాతీయ రాజకీయాల్లో ద్వితీయ తరం నాయకత్వం వహించనుంది. రాష్ర్టంలో మొత్తం 48 స్థానాలు ఉండగా శరద్‌పవార్ సమీప బంధువు, ఉపముఖ్యమంత్రి అజిత్‌పవార్‌తోపాటు ఆ పార్టీకి చెందిన ఇతర మంత్రులు, అగ్రనాయకులు లోక్‌సభపై దృష్టి సారించారు. లోక్‌సభ ఎన్నికలకు టికెట్లను ఆశిస్తున్నవారితో ఆ పార్టీ అధినేత పవార్... రెండురోజులపాటు భేటీ అయిన సంగతి విదితమే. లోక్‌సభ ఎన్నికల విషయమై ఆ పార్టీ రాష్ర్ట శాఖ అధ్యక్షుడు భాస్కర్ జాదవ్ మీడియాతో మాట్లాడుతూ అజిత్ పవార్ బీడ్ లోక్‌సభ నియోజకవర్గం నుంచి పోటీ చేసేందుకు ఆసక్తి వ్యక్తం చేసినప్పటికీ అధిష్టానం ఆదేశిస్తే రాష్ట్రంలోని ఏ నియోజకవర్గం నుంచైనా పోటీ చేయక తప్పదన్నారు. వచ్చే లోక్‌సభ ఎన్నికల్లో 22 స్థానాలను కైవసం చేసుకోవాలనే లక్ష్యంతో ముందుకు సాగుతున్నామన్నారు.
  


 సాక్షి, ముంబై: రాబోయే లోక్‌సభ ఎన్నికల్లో మిత్రపక్షాలుగా బరిలోకి దిగాలని దాదాపుగా నిర్ణయించుకున్నా కాంగ్రెస్, ఎన్సీపీలు ఎవరెవరు ఎన్ని సీట్లలో పోటీ చేయాలనే దానిపై ఇంకా ఓ స్పష్టతకు రాలే దు. పాత ఫార్ములా (26-22) ప్రకారమే పోటీ చేస్తామని ఎన్సీపీ పదేపదే చెబుతున్నా కాంగ్రెస్ పార్టీ నుంచి మాత్రం సానుకూల వైఖరి మాత్రం కనబడటం లేదు. తొందరగా సీట్ల పంపకాల ప్రక్రియ పూర్తి చేసుకోవాలనుకున్న ఇరు పార్టీలు ఆ విషయమై ఇప్పటివరకు చర్చించిన దాఖలాలు కనబడటం లేదు. దీనికితోడు పితృపక్షాలు ప్రారంభం కావడంతో సీట్ల పంపకాల చర్చలు దసరా తర్వాతే ఉండొచ్చని ఇరు పార్టీల నాయకులు భావిస్తున్నా రు.
  
  రెండు నెలల క్రితమే ఎన్సీపీ నాయకులు పాత ఫార్మూలతోనే(26-22) పోటీచేయనున్నామని ప్రకటించినా కాంగ్రెస్ మాత్రం కొత్త ఫార్మూలాతో పోటీ చేయాలని భావిస్తోంది. తమ బలం పెరిగిందని భావిస్తున్న కాంగ్రెస్ 29 స్థానాల్లో పోటీ చేసి, ఎన్సీపీకి 19 స్థానాలను ఇవ్వాలని యోచిస్తోంది. ఈ నేపథ్యంలో రాబోయే ఎన్నికల్లో 26-22, 29-19 ఈ రెండు ఫార్ములాలో దేనిపై సయోధ్య కుదురనుంద నే విషయమై అందరి దృష్టి కేంద్రీకృతమైంది. ఇప్పటివరకు దీనిపై వీరి మధ్య సయోధ్య కుదరలేదు. కాంగ్రెస్ 26, ఎన్సీపీ 22 స్థానాల్లో పాత ఫార్ములాతోనే లోక్‌సభ బరిలోకి దిగుతామని ఎన్సీపీ సీనియ ర్ నాయకుడు ప్రఫుల్ పటేల్‌తోపాటు రాష్ట్ర ఎన్సీపీ అధ్యక్షుడు భాస్కర్ జాదవ్ ప్రకటించి న విషయం విదితమే. అయితే ఈ విషయాన్ని ముందు నుంచి ఎంపీసీసీ అధ్యక్షుడు మాణిక్‌రావ్ ఠాక్రే ఖండిస్తూ వస్తున్నారు. దీనిపై త్వరలోనే స్పష్టత రానుంది.