ప్రముఖ రియాలిటీ షో బిగ్‌బాస్ సీజన్‌-4తో బాగా పాపులారిటీ సంపాదించుకున్న వాళ్లలో సయ్యద్‌ సోహైల్‌ ముందుంటాడు. హౌజ్‌లో‌ ‘కథ వేరే ఉంటది’ అంటూ తనదైన మేనరిజమ్‌తో ఎంతో మంది అభిమానులను సంపాదించుకున్నాడు ఈ సింగరేణి ముద్దు బిడ్డ. 100 రోజుల పాటు హౌస్‌లో సందడి చేసిన సోహైల్ ఈ సీజన్‌లో‌ స్పెషల్ అట్రాక్షన్‌గా నిలిచాడు. అప్పటిదాకా సినిమాల్లో చిన్న చిన్న పాత్రల్లో నటించిన సోహైల్‌కు బిగ్‌బాస్‌తో విపరీతంగా ఫ్యాన్‌ ఫాలోయింగ్‌ పెరిగింది. బిగ్‌బాస్‌కు వెళ్లిన తర్వాత సోహైల్‌ లైఫ్‌ టర్న్‌ అయ్యిందని చెప్పవచ్చు. రీసెంట్‌గా సోహైల్‌ .. డైరెక్టర్‌ అనిల్‌ రావిపూడిని కలిశాడు. ఈ సందర్భంగా ఇద్దరం కలిసి బిగ్‌బాస్‌ రోజుల్ని గుర్తుతెచ్చుకున్నామని తెలిపాడు. జీరో యాటిట్యూడ్, యంగ్‌ అండ్‌ డైనమిక్‌ డైరెక్టర్‌ అనిల్‌ రావిపూడిని కలిసే అవకాశం వచ్చిందని, అయితే ఇది జస్ట్‌ క్యాజువల్‌​ మీటింగ్‌ మాత్రమేనని, సినిమాకు సంబంధించింది కాదని చెప్పుకొచ్చాడు. ఈ సందర్భంగా అనిల్‌ రావిపూడి ఇచ్చిన సలహాలు, సూచనల్ని తప్పకుండా పాటిస్తానని పేర్కొంటూ ఇన్‌స్టాగ్రామ్‌లో ఓ పోస్టును షేర్‌ చేశాడు. బిగ్‌బాస్‌ అనంతరం వరుస అవకాశాలు దక్కించుకుంటున్న సోహైల్‌.. హీరోగా ఓ సినిమాలో నటించనున్నాడు. ‘జార్జ్‌ రెడ్డి’, ‘ప్రెషర్‌ కుక్కర్‌’ చిత్రాల నిర్మాత అప్పిరెడ్డి ఈ చిత్రాన్ని నిర్మిస్తున్నారు. సోహైల్‌ స్నేహితుడు శ్రీనివాస్‌ వింజనంపాటి ఈ చిత్రం ద్వారా దర్శకునిగా పరిచయమవుతున్నాడు.  View this post on Instagram A post shared by 𝐒𝐘𝐄𝐃 𝐒𝐎𝐇𝐄𝐋 𝐑𝐘𝐀𝐍 (@syedsohelryan_official) చదవండి : బిగ్‌బాస్‌ ఫేం సొహైల్‌కు రైజింగ్‌ స్టార్‌ అవార్డు దూసుకెళ్తున్న ‘హీరో’..అప్పుడే 4M వ్యూస్‌

యాంకర్‌గా కెరీర్‌ను ఆరంభించి అతి తక్కువ సమయంలోనే సోషల్ మీడియాలో సెన్సేషన్‌గా మారిపోయింది అరియానా గ్లోరీ. ఆర్జీవీ చేసిన ఒక్క ఇంటర్వ్యూ ఈ బ్యూటీకి క్రేజ్‌ సంపాదించి పెడితే బిగ్‌బాస్‌ ద్వారా తనెంటో ప్రూవ్‌ చేసుకుంది. సీజన్‌-4లో అడుగుపెట్టిన ఈ బ్యూటీ తన ముక్కుసూటితనంతో ఎంతోమంది అభిమానులను సంపాదించుకుంది. పలు సెలబ్రిటీలు కూడా ఈ అమ్మడి యాటిట్యూడ్‌కి ఫిదా అయ్యి స్వయంగా సోషల్‌ మీడియాలో ఈమెకు మద్దతిచ్చిన సంగతి తెలిసిందే. తాజాగా అరియానాకు చెందిన ఓ వార్త సోషల్‌ మీడియాలో చక్కర్లు కొడుతోంది. అదేంటంటే..త్వరలోనే ఈ బ్యూటీ మిసెస్‌ అరియానాగా మారనుందట. అయితే ఈమె పెళ్లాడే ఆ వరుడు ఎవరనే దానిపై ఇంకా సస్పెన్స్‌ వీడలేదు. మరోవైపు ఈ ఏడాదిలోనే తన పెళ్లి ఉంటుందని ప్రకటించాడు అవినాష్‌. మంచి ముహుర్తాలు ఉంటే పెళ్లికి రెడీ అంటూ ఓపెన్‌ అయ్యాడు. ఈ నేపథ్యంలో అరియానా పెళ్లి మ్యాటర్‌ వెలుగులోకి రావడంతో ఫ్యాన్స్‌లో సందేహాం మొదలైంది. కొంపదీసి వీరిద్దరు పెళ్లి చేసుకోనున్నారా అంటూ ప్రశ్నిస్తున్నారు. బిగ్‌బాస్‌ షో నుంచి ఎంతో క్లోజ్‌గా మూవ్‌ అయిన అరియానా-అవినాష్‌లపై ఇప్పటికే పలు పుకార్లు వస్తోన్న సంగతి తెలిసిందే. అయితే వాటిని కొట్టిపారేస్తూ తాము జస్ట్‌ ఫ్రెండ్స్‌ అని చెప్పుకొనే ఈ జంట మరి ఈ వార్తలపై  స్పందిస్తారా లేదా అన్నది చూడాల్సి ఉంది.  చదవండి : షణ్ముఖ్‌తో దీప్తి సునయన.. అక్కడేం చేస్తుంది? యాంకర్‌ రవి కారులో.. సీక్రెట్స్‌ బయటపెట్టేసిన లాస్య

మోనాల్‌ గజ్జర్‌.. ఒకప్పుడు ఎవరికి తెలియదు. హీరోయిన్‌గా ఎన్ని సినిమాలు చేసిన రాని గుర్తింపు ఒక్కసారిగా బిగ్‌బాస్‌ షోతో వచ్చేసింది. ఫేడ్‌ అవుట్‌ అయిన హీరోయిన్‌గా తెలుగు బిగ్‌ బాస్‌ 4 సిజన్‌లో కంటెస్టెంట్‌గా హౌజ్‌లో అడుగుపెట్టిన ఈ గుజరాతి భామ ఇప్పుడు అందరి నోళ్లల్లో నానుతోంది. 98 రోజుల పాటు హౌజ్‌లో కొనసాగి తెలుగు ప్రేక్షకులకు దగ్గరైంది. దీంతో బయటకు రాగానే మోనాల్‌కు ప్రేక్షకులు నీరాజనాలు పడుతున్నారు. అంతేగాక దర్శక నిర్మాతల నుంచి ఆమెకు వరుస ఆఫర్లు  వచ్చిపడుతున్నాయి. బెల్లంకొండ శ్రీనివాస్‌ హీరోగా ఇటీవల వచ్చిన ‘అల్లుడు అదుర్స్’‌లో స్పెషల్‌ సాంగ్‌లో ఆడిపాడిన సంగతి తెలిసిందే. ఇందులో మోనాల్‌ డ్యాన్స్‌, ఎక్స్‌ప్రెషన్‌కు ఫ్యాన్స్ అంతా‌ ఫిదా అయ్యారు. ఆ తర్వాత స్టార్‌ మాలో వస్తున్న డ్యాన్స్‌ ప్లస్‌ రియాలిటీ షోకు మెంటర్‌గా చేస్తూనే వీలు చిక్కినప్పుడల్లా స్టేజ్‌పై కాలు కదుపుతోంది ఈ భామ. ఈ క్రమంలో తాజాగా స్టార్‌ మా డ్యాన్స్‌ ప్లస్ షో‌ ప్రోమోను విడుదల చేసింది. ఈ ప్రోమోలో మోనాల్‌ డ్యాన్స్‌ చూసి ఫ్యాన్స్‌ ఫిదా అవుతున్నారు. మెగాస్టార్‌ చిరు-రోజాల సూపర్‌ హిట్‌ సాంగ్‌ మావ మావ పాటకు బాబా భాస్కర్‌ మాస్టర్‌తో కలిసి ఆకుపచ్చ రంగు చీరలో మోనాలు చిందులేసింది. ప్రస్తుతం వీడియో సోషల్‌ మీడియాలో హల్‌చల్‌ చేస్తోంది. ఇక జియా చార్లీ చాప్లీస్‌గా అందరిని ఆకట్టుకొగా బాబా భాస్కర్‌, యశ్, రఘు మాస్టర్లు ఒక గ్రూప్‌గా, అనీ మాస్టర్‌, ముమైత్‌ ఖాన్‌, మోనాల్‌ ఒక గ్రూప్‌గా పంజా మూవీలో ఐటెం సాంగ్‌ వెయ్‌రా చెయ్యి వేయ్‌రా పాటకు డ్యాన్స్‌ చేసి స్టేజ్‌పై రచ్చరచ్చ చేశారు. చదవండి:  సోషల్‌ హల్‌చల్‌: కళ్లతో కైపెక్కిస్తోన్న భామలు ఏకధాటిగా 21 గంటలు షూటింగ్‌లో పాల్గొన్నా

యాంకర్‌గా కేరీర్‌ మొదలు పెట్టిన అరియానా గ్లోరీ బిగ్‌బాస్‌తో ప్రత్యేక గుర్తింపు తెచ్చుకుంది. హౌజ్‌లో ముక్కసూటి వైఖరీతో ఎంతో మంది అభిమానులను సంపాదించుకున్న ఈ బోల్డ్ బ్యూటీ బిగ్‌బాస్‌ తర్వాత ఫుల్‌ బిజీగా మారింది. వరుస ఇంటర్వ్యూలు, మాల్స్‌ ఓపెనింగ్స్‌తో పాటు పలు పార్టీలతో ఆమెకు క్షణం​ తీరిక లేకుండా పోయింది. అంతేగాక ఓ సినిమాకు కూడా సంతకం చేసిన సంగతి తెలిసిందే. యువ హీరో రాజ్‌ తరణ్‌ కలిసి ఈ మూవీలో నటించనుంది. ఈ క్రమంలో ఇటీవల గోవా పర్యటనకు వెళ్లిన అరియాన సంచలన దర్శకుడు రాంగోపాల్‌ వర్మను కలిసిన సంగతి తెలిసిందే. గోవాలో శ్రీముఖి, విష్ణుప్రియ, ఆర్జే చైతు, సుశ్రుత్‌తో కలిసి ఎంజాయ్‌ చేసింది. (చదవండి: గోవాలో ఆర్జీవీని కలిసిన అరియానా) ఈ నేపథ్యంలో అరియానా అక్కడ వర్మను కలిసినట్లు తన ఇన్‌స్టాగ్రామ్‌లో ఫొటోలు పంచుకుంది. ఇదిలా ఉండగా ఈ భామకు ఓ అరుదైన ఘనత దక్కింది. బిగ్‌బాస్‌ షోతో ఎంతో క్రేజ్‌ అందుకున్న ఆమె .. గూగుల్‌లో ప్రిన్సెస్‌ ఆఫ్‌ బిగ్‌బాస్‌ తెలుగు అని టైప్‌ చేయగా అరియానా గ్లోరీ అని చూపించడం విశేషం. దీంతో తెలుగు బిగ్‌బాస్‌ చరిత్రలోనే ఇంతటి ఘనత దక్కిన తొలి కంటెస్టెంట్‌గా ఆమె నిలిచింది. ఈ విషయాన్ని ఆమె ‘సీరియస్‌లీ’ అంటూ తన ఇన్‌స్టాగ్రామ్‌లో పంచుకుంది. దీంతో అరియాన హాట్‌టాపిక్‌ అయిపోయింది. అయితే ఇప్పుడు గూగుల్‌ ఆమె పేరును తొలగించింది. (చదవండి: గుడ్‌ న్యూస్‌ చెప్పిన అరియానా.. యంగ్‌ హీరోతో..)

‘బిగ్‌బాస్‌ 4’లో తన ఎమోషన్స్‌తో బుల్లితెర  ప్రేక్షకుల మనసును షేక్‌ చేసిన మోనాల్‌ గజ్జర్‌ బిగ్‌ స్క్రీన్‌పై స్టెప్పులతో షేక్‌ చేయటానికి రెడీ అయ్యారు. బెల్లంకొండ సాయి శ్రీనివాస్‌ ïß రోగా నటిస్తున్న ‘అల్లుడు అదుర్స్‌’ సినిమాలో స్పెషల్‌ సాంగ్‌లో కాలు కదుపుతున్నారు మోనాల్‌. ‘సుడిగాడు’ చిత్రం ద్వారా తెలుగు తెరకు పరిచయమైన మోనాల్‌ ఆ తర్వాత పలు చిత్రాల్లో కథానాయికగా నటించారు. గడచిన మూడేళ్లలో గుజరాతీ, మరాఠీ చిత్రాలు చేశారు. ప్రస్తుతం ఓ హిందీ సినిమా, ఓ గుజరాతీ సినిమా చేస్తున్నారు. ఇప్పుడు ‘అల్లుడు అదుర్స్‌’లో స్పెషల్‌ సాంగ్‌లో కనిపించనున్నారు. శేఖర్‌ మాస్టర్‌ కొరియోగ్రఫీ అందిస్తున్న ఈ పెప్పీ నెంబర్‌లో సినిమాలోని ప్రధాన తారాగణమంతా స్టెప్పులేస్తారు. సుమంత్‌ మూవీ ప్రొడక్షన్స్‌ పతాకంపై సుబ్రహ్మణ్యం గొర్రెల నిర్మిస్తున్న ఈ చిత్రానికి ‘కందిరీగ’ ఫేమ్‌ సంతోష్‌ శ్రీనివాస్‌ దర్శకుడు. శ్రీనివాస్‌ సరసన అనూ ఇమ్మాన్యుయేల్, నభా నటేశ్‌ కథానాయికలుగా నటిస్తున్నారు. దేవీశ్రీ ప్రసాద్‌ స్వరకర్త. సంక్రాంతి సందర్భంగా ఈ చిత్రం జనవరి 15న విడుదల కానుంది.

‘బిగ్‌బాస్‌ సీజన్‌ 4’తో ఎంతోమంది అభిమానులను సొంతం చేసుకున్న సయ్యద్‌ సోహైల్‌ హీరోగా ఓ చిత్రం తెరకెక్కనుంది. ‘జార్జ్‌ రెడ్డి’, ‘ప్రెషర్‌ కుక్కర్‌’ చిత్రాల నిర్మాత అప్పిరెడ్డి ఈ సినిమాను నిర్మిస్తున్నారు. సోహైల్‌ స్నేహితుడు శ్రీనివాస్‌ వింజనంపాటి ఈ చిత్రం ద్వారా దర్శకునిగా పరిచయమవుతున్నారు. ‘‘ఇండియాలో ఇలాంటి కాన్సెప్ట్‌తో ఇంతవరకు సినిమా రాలేదు’’ అన్నారు అప్పిరెడ్డి. ‘‘నేను సోహైల్‌తో ఎన్నో కథలు పంచుకున్నాను. ఈ సినిమా ద్వారా మా కల నెరవేరుతున్నందుకు సంతోషంగా ఉంది’’ అన్నారు దర్శకుడు. ‘‘బిగ్‌బాస్‌కు వెళ్లకముందు చాలా సినిమాల్లో నటించా. అవేమీ  గుర్తింపునివ్వలేదు. బిగ్‌ బాస్‌ తర్వాత ఎలాంటి సినిమా చేస్తాడని చాలామంది అనుకుంటారు. నిజంగానే ఈ సినిమా వేరేగా ఉంటుంది. అన్ని వర్గాల మనసునూ గెలుచుకుంటాననే నమ్మకం ఉంది’’ అన్నారు సోహైల్‌.

బుల్లితెరపై అతిపెద్ద రియాల్టీ షో బిగ్‌బాస్‌ నాల్గో సీజన్‌ ముగింపుదశకు వచ్చింది. మరో వారం రోజుల్లో ఈ షో ముగియనుంది. టాప్ 5 కంటెస్టెంట్లు అఖిల్‌, సోహైల్‌, అభిజిత్‌, హారిక‌, అరియానా ఫైన‌ల్‌లోకి అడుగుపెట్టిన సంగతి తెలిసిందే. ఎలాగైనా ట్రోఫీని గెలుచుకోవాల‌న్న క‌సితో ఇంటిస‌భ్యులు గేమ్‌పై ఫోక‌స్ చేస్తున్నారు. అభిమాన కంటెస్టెంట్‌ని ఎలాగైనా గెలిపించాల‌న్న త‌ప‌న‌తో అభిమానులు కూడా ఓట్ల ప్ర‌చారం చేస్తున్నారు. ఇక ఫ్యాన్స్‌తో పాటు పలువురు ప్రముఖులు కూడా బిగ్‌బాస్‌ హౌజ్‌లో తమ ఫేవరెట్‌ కంటెస్టెంట్లకు మద్దుతు తెలుపుతున్న సంగతి తెలిసిందే. (చదవండి: విన్న‌ర్ ఎవ‌రో తేల్చేసిన హీరో శ్రీకాంత్) ఇక హౌజ్‌లో స్ట్రాంగ్‌ కంటెస్టెంట్‌.. గెలుపు అవకాశాలు అధికంగా ఉన్నది ఎవరికంటే అభిజిత్ అనే చెప్పవచ్చు‌. ఈ సీజన్‌ విజేత అతడే అంటూ సోషల్‌ మీడియాలో తెగ ప్రచారం అవుతోంది.  ఇక ఇప్పటికే అభిజిత్‌కి నాగబాబు వంటి వారు మద్దతివ్వగా తాజాగా ఈ జాబితాలోకి ‘అర్జున్‌ రెడ్డి’ హీరో విజయ్‌ దేవరకొండ చేరారు. అభిజిత్‌కు బెస్ట్‌ ఆఫ్‌ లక్‌ చెప్తూ తన సోషల్‌ మీడియాలో ఓ ఫోటోని షేర్‌ చేశారు. శేఖర్‌ కమ్ముల దర్శకత్వంలో వచ్చిన ‘లైఫ్‌ ఈజ్‌ బ్యూటీఫుల్’‌ చిత్రం ద్వారా అభిజిత్‌ హీరోగా పరిచయం అయిన సంగతి తెలిసిందే. ఇదే సినిమాలో విజయ్‌ దేవరకొండ గోల్డ్‌ ఫేజ్‌ కుర్రాడి పాత్రలో మెప్పించారు. ఈ క్రమంలో విజయ్‌ దేవరకొండ.. లైఫ్‌ ఈజ్‌ బ్యూటిఫుల్‌ టీంతో కలిసి ఉన్న ఫోటోని షేర్‌ చేస్తూ.. ‘‘మై బాయ్స్‌.. ఎల్లప్పుడూ వారికి శుభాకాంక్షలు.. ఎక్కడైనా.. ఏదైనా’’ అంటూ​ పోస్ట్‌ చేశారు. ఈ ఫోటోలో విజయ్‌ దేవరకొండతో పాటు అభిజిత్‌,  సుధాకర్, అభితో పాటు మరోకరు ఉన్నారు. ఇక అభిజిత్‌కి రౌడీ హీరో మద్దతు కూడా దక్కడంతో అతడి ఫ్యాన్స్‌ ఫుల్లు ఖుషి అవుతున్నారు. 

ఆయ‌న గొంతు వింటే నెమ‌ళ్లు కూడా ప‌ర‌వ‌శంతో పురివిప్పి నాట్య‌మాడుతాయి. స్వ‌రం స‌వ‌రించుకున్నారంటే శ్రోత‌లు చెవులు రిక్కిరించీ మ‌రీ పాట‌ల తోట‌లో ఊయ‌లలూగుతారు. ఆయ‌న గొంతు నుంచి జాలువారిన స్వ‌రాలు దేశ‌వ్యాప్తంగా ఎంతోమంది అభిమానుల‌ను ఉర్రూత‌లూగించాయి. ఆయ‌నే.. గాన గంధర్వుడు, ప్ర‌ముఖ గాయ‌కుడు ఎస్పీ బాల‌సుబ్ర‌హ్మ‌ణ్యం. ఆయ‌న‌ ఈ లోకం నుంచి నిష్క్రమించార‌న్న వార్త‌ సినీ ప్ర‌పంచాన్ని, అభిమానుల‌ను తీవ్ర‌ విషాదంలోనికి నెట్టింది. కానీ బాలు ఇక లేర‌న్న విష‌యం బిగ్‌బాస్ ఇంట్లో ఉన్న కంటెస్టెంట్ల‌కు ఇప్ప‌టివ‌ర‌కు తెలియ‌నేలేదు. (‘అప్పదాసు’గా ఎప్పటికి జీవించి ఉంటావు..) దీంతో నేటి ఎపిసోడ్‌లో ఈ బాధాక‌ర‌మైన విష‌యాన్ని తెలియ‌జేసేందుకు నాగార్జున సిద్ధ‌మ‌య్యారు. నేటి ఎపిసోడ్‌లో కంటెస్టెంట్లు అంద‌రి చేతా బాలుకు నివాళుల‌ర్పించ‌నున్నారు. ఈ మేర‌కు తాజాగా ఓ వీడియోను రిలీజ్ చేశారు. ఇందులో ఎస్పీ బాలు చిత్రానికి నాగార్జున‌ మ‌న‌స్ఫూర్తిగా న‌మ‌స్క‌రించారు. "ఆ స్వ‌రం ఇక ప‌ల‌క‌ద‌ని, ఆ వ‌రం మ‌న‌కిక‌ లేద‌ని స‌రిగ‌మ‌లు క‌న్నీళ్లు పెట్టాయి. రాగాల‌న్నీ బాధ‌ప‌డ్డాయి. దాచుకో స్వామి.. దాచుకో, మా బాలును జాగ్ర‌త్త‌గా దాచుకో" అంటూ నాగ్ ఉద్వేగ‌భ‌రితుల‌య్యారు. (బిగ్‌బాస్: గంగ‌వ్వ‌కు అత‌డిష్టం, ఆమె క‌ష్టం)

బిగ్‌బాస్‌ తెలుగు సీజన్‌-4 మొదలై వారం కావొస్తున్న అనుకున్నంత ఆదరణ లభించడం లేదనిపిస్తోంది. బలమైన, పేరున్న కంటెస్టెంట్లను తీసుకురావడంలో బిగ్‌బాస్‌ ఈసారి దృష్టి పెట్టలేదనేది ప్రేక్షకుల మాట. ఈక్రమంలోనే తొలి వారం ఎలిమినేషన్‌కు గడువు దగ్గర పడింది. హౌజ్‌ నుంచి ఎవరు బయటికి వెళ్తారనేది మరికొన్ని గంటల్లో తేలుతుంది. అయితే, శనివారం నాటి ఎపిసోడ్‌ను బట్టి సూర్య కిరణ్‌ ఎలిమినేషన్‌ అయ్యే అవకాశాలు ఎక్కువగా కనిపిస్తున్నాయి. ఆయన ప్రవర్తనపై ఇంటా, బయటా విమర్శలు వస్తున్నాయి. ప్రేక్షకుల్లో కూడా ఆయనపై మంచి అభిప్రాయం కలగలేదని సోషల్‌ మీడియాలో కామెంట్లను బట్టి అర్థమవుతోంది. అతన్ని బయటికి పంపించేందు ఓట్లు వేసినట్టు చాలా మంది చెప్తున్నారు. ఇక హోస్ట్‌ నాగార్జున సైతం సూర్య కిరణ్‌ను కాస్త కఠినంగానే మందలించారు. అన్నీ కలగలిసి అతన్ని బయటికి పంపేందుకు రంగం సిద్ధమయ్యేలా చేశాయని విశ్వసనీయ వర్గాల ద్వారా తెలుస్తోంది. (చదవండి: బిగ్‌బాస్‌ : గంగవ్వ తోపు.. ‘బకరా’ అయిన లాస్య) డ్యాన్సులతో ఇరదీసిన కంటెస్టెంట్లు ఇక ‘సండే అంటే ఫన్‌ డే’ అంటూ రాములో రాములా పాటతో ఆదివారం నాటి ఎపిసోడ్‌లో నాగార్జున ఎంట్రీ ఇవ్వనున్నారు. హౌజ్‌లోని కంటెస్టెంట్లతో సైతం ఆయన డ్యాన్సులు వేయించాడు. దివి వైద్య-సొహైల్‌, హారిక-నోయల్‌, దేవి-అభిజిత్‌, లాస్య-సూర్యకిరణ్‌, మోనాల్‌-మెహబూబ్‌ జోడీగా స్టెప్పులు వేశారు. ‘తమ్ముడూ.. లెట్స్‌ డూ కుమ్ముడూ’ పాటకు అమ్మ రాజశేఖర్‌ గంగవ్వతో కాలు కదిపాడు. అంతకుముందు నాగార్జున కంటెస్టెంట్లను బొమ్మలు గీయాలని చెప్పాడు. కంటెస్టెంట్లు వేసిన బొమ్మలను మిగతావారు వర్ణించాలని సూచించాడు. ఆదివారం ఉదయం విడుదలైన ప్రోమో ద్వారా ఈ విషయాలు రివీల్‌ అయ్యాయి. ఇదిలాఉండగా.. ఈ రోజుల్లో' చిత్రంతో గుర్తింపు తెచ్చుకున్న సాయికుమార్ వైల్డ్‌ కార్డ్‌ ఎంట్రీతో ఆదివారం నాటి ఎపిసోడ్‌ ద్వారా హౌజ్‌లోకి అడుగుపెట్టడం ఖాయమనే వార్తలు వెలువడుతున్నాయి. (చదవండి: టాప్ 5లో ఎవ‌రుంటార‌ని చెప్ప‌డం క‌ష్టం) Sunday is a Fun'day...Get ready for loads of entertainment.#BiggBossTelugu4 Today at 9 PM on @StarMaa pic.twitter.com/HBX5EbNmZU — starmaa (@StarMaa) September 13, 2020

మరికొద్ది రోజుల్లో బుల్లితెరపై బిగ్‌బాస్‌ 4 సందడి మొదలుకానుంది. సెప్టెంబర్ 6న బిగ్‌బాస్ 4వ సీజన్‌ ప్రారంభం కాబోతున్నట్లు ఇప్పటికే అధికారిక ప్రకటన వచ్చేసింది. ఇప్పటికే కంటెస్టెంట్‌లను ఫైనల్ చేసుకున్నారు నిర్వాహకులు. కరోనా నేపథ్యంలో వారిని క్వారంటైన్‌లో ఉంచారు. కాగా ఈ సీజన్‌లో పాల్గొనబోయే వారి పేర్లలో సింగర్‌ సునీత పేరు కూడా వినిపించింది. ఈ సీజన్‌లో ఆమె సందడి చేయబోతున్నట్లు వార్తలు వచ్చాయి. (చదవండి : బిగ్‌బాస్ 4: ర‌ఘు మాస్ట‌ర్ అవుట్‌‌!) అయితే బిగ్‌బాస్‌ ఎంట్రీపై తాజాగా ఆమె స్పందించారు. ఈ బిగ్‌ రియాల్టీ షోలో తాను నటించబోనని స్పష్టం చేశారు.  'డియర్‌ ఫ్రెండ్స్‌.. నేను బిగ్‌బాస్ 4 తెలుగులో లేను.భవిష్యత్తులోనూ ఉండను. ఫర్ యువర్ ఇన్ఫర్మేషన్' అని ఆమె తన ఫేస్‌బుక్ ఖాతాలో ప్రకటించారు. అలాగే, ఈ షోలో సినీనటి కల్పిక గణేశ్ కూడా పాల్గొంటుందని వార్తలు వచ్చాయి. దీనిపై తాజాగా ఆమె స్పందిస్తూ, ఈ రియాల్టీ షోలో ఇప్పుడే కాదు, ఎప్పటికీ తనను చూడలేరని తెలిపింది. భవిష్యత్తులో కూడా ఈ షోలో తాను పాల్గొనబోనని స్పష్టం చేసింది.  ఇదిలా ఉంటే ఈ సీజన్‌లో మొత్తం 15 మంది కంటెస్టెంట్‌లు పాల్గొనబోతున్నట్లు తెలుస్తుండగా.. అందులో పలువురి పేర్లు ప్రముఖంగా వినిపిస్తున్నాయి. ముఖ్యంగా గంగవ్వ,  లాస్య మంజునాథ్‌, అమ్మా రాజశేఖర్‌, జబర్దస్త్‌ అవినాష్, సింగర్ నోయల్, నటి మోనాల్ గుజ్జార్, యూట్యూబర్లు దేత్తడి హారిక, మెహబూబా దిల్‌ సే, యాంకర్‌ అరియానా  గ్లోరీ, బుల్లితెర నటి తనూజా పుట్టస్వామి, టీవీ నటుడు సయ్యద్ సోహైల్‌, కరాటే కళ్యాణి, సూర్య కిరణ్ పేర్లు వినిపిస్తున్నాయి. మరి ఇందులో ఎవరెవరు పాల్గొనబోతున్నారు..? తెలియాలంటే సెప్టెంబర్‌ 6 వరకు ఆగాల్సిందే. 

బిగ్‌బాస్ రియాలిటీ షో తెలుగు ప్రేక్ష‌కుల‌కు విప‌రీతంగా న‌చ్చేసింది. ఈ షో వ‌స్తుందంటే చాలు, ఆ స‌మ‌యంలో ప్ర‌సార‌మ‌య్యే ఇష్ట‌మైన సీరియ‌ళ్ల‌ను కూడా త్యాగం చేసేందుకు వెనుకాడ‌రు. అలాంటి బిగ్‌బాస్ షో ఈ ఆదివారం నుంచి అంద‌రి ఇళ్ల‌లో తిష్ట వేయ‌నుంది. కాగా ఇప్ప‌టికే ఈ కార్య‌క్ర‌మంలో పాల్గొనే కంటెస్టెంట్లు వీళ్లే అంటూ అనేక‌మంది పేర్లు వినిపిస్తున్నాయి. ముందుగా కొరియోగ్రాఫ‌ర్ జానీ మాస్ట‌ర్ పాల్గొన‌నున్నాడ‌ని ప్ర‌చారం జ‌ర‌గ్గా ఆయ‌న దాన్ని కొట్టిపారేశాడు. ఆ త‌ర్వాత ర‌ఘు మాస్ట‌ర్ పేరు వినిపించింది.  (క‌రోనా వార్త‌ల‌ను కొట్టిపారేసిన నోయ‌ల్‌) అంతేకాదు, ర‌ఘు మాస్ట‌ర్‌తో పాటు ఆయ‌న భార్య ప్ర‌ణ‌వి కూడా జంట‌గా బిగ్‌బాస్ హౌస్‌లోకి వెళ్ల‌నున్నాడ‌‌ని ఊహాగానాలు మొద‌ల‌య్యాయి. తాజాగా ర‌ఘు మాస్ట‌ర్ ఈ వార్త‌ల‌ను కొట్టిపారేశాడు. "బిగ్‌బాస్ 4కు రావాల్సిందిగా నాకు ఆఫ‌ర్ వ‌చ్చిన‌మాట వాస్త‌వ‌మే. కానీ వ్య‌క్తిగ‌త కార‌ణాల వ‌ల్ల షోలో పాల్గొన‌డం లేదు" అని స్ప‌ష్టం చేశారు. అయితే ర‌ఘు మాస్ట‌ర్ మొద‌ట‌ బిగ్‌బాస్‌కు వెళ్లేందుకు సిద్ధ‌మ‌య్యాడ‌ని నెటిజ‌న్లు అభిప్రాయ‌ప‌డుతున్నారు. కానీ ఆఖ‌రు నిమిషంలో అత‌ను నిర్ణ‌యాన్ని మార్చుకుని బిగ్‌బాస్‌కు హ్యాండ్ ఇచ్చాడ‌ని చెప్తున్నారు. దీంతో ఇప్పుడు అత‌ని స్థానంలో ఎవ‌రిని తీసుకోనున్నార‌నేది ఆస‌క్తిక‌రంగా మారింది. ఈ సీజ‌న్‌లో కొరియోగ్రాఫ‌ర్ కంటెస్టెంట్ ఉంటారో? లేదో? చూడాలి! (బిగ్‌బాస్ 4 ఎంట్రీ: కొట్టిపారేసిన న‌టి)

బిగ్‌బాస్ నాల్గ‌వ సీజ‌న్ మ‌రింత ఆల‌స్యం కానుందంటూ వ‌స్తున్న పుకార్ల‌కు స్టార్ మా చెక్ పెట్టింది. సెప్టెంబ‌ర్ 6న ఆరు గంట‌ల‌కు గ్రాండ్‌గా ప్రారంభం కానుంద‌ని స్ప‌ష్టం చేసింది. ఇన్నాళ్లు చ‌డీచ‌ప్పుడు లేకుండా ఉన్న బిగ్‌బాస్‌ ఇప్పుడు ప్రోమోల డోసు పెంచింది. టీవీల‌కు అతుక్కుపోయే టైమ్ వ‌చ్చేసిందంటూ మ‌రో ప్రోమోను వ‌దిలింది. న‌లుగురు ఆడాళ్లు ఒకేచోట ఉంటే ఏం జ‌రుగుతుంది? ప్ర‌పంచంలో జ‌రుగుతున్న విష‌యాల గురించి ప‌ట్టించుకుంటారో, లేదో కానీ ప‌క్కింటి విష‌యాల‌న్నింటినీ ఏక‌రువు పెడ‌తారు. ఈ ముచ్చ‌ట్లే తాజాగా రిలీజ్ చేసిన వీడియోలో ఉన్నాయి. ఈ కాన్సెప్ట్ గురించి వివ‌రంగా చెప్పుకుంటే.. న‌లుగురు ఆడ‌వాళ్లు లిఫ్ట్ ఎక్కు‌తారు. (చ‌ద‌వండి: హీరోయిన్‌తో బిగ్‌బాస్‌ విన్నర్ పెళ్లి‌!) వెళ్లీ వెళ్ల‌గానే హేమ వాళ్ల ఆయ‌న బెంగ‌ళూరు అని చెప్పి బ్యాంకాంక్ వెళ్లాడ‌ని చెప్పి కిసుక్కుమ‌ని న‌వ్వుతారు. ఆ త‌ర్వాత‌ క‌ళ్ల‌ద్దాలు పెట్టుకున్న ఓ మ‌హిళ అందుకుని శ్యామ‌లా కూతురు కొత్త బాయ్‌ఫ్రెండ్‌తో ఇకఇక‌లు ప‌క‌ప‌క‌లు.. ఇలా గాసిప్స్ మాట్లాడుకుంటున్నారు. ఇంత‌లో "హ‌లో గాసిప్ గ‌ర్ల్స్‌.. ఇంత‌క‌న్నా 100 రెట్ల బెట‌ర్‌ ఎంట‌ర్‌టైన్‌మెంట్ నేను సెట్ చేస్తాను" అంటూ నాగ్ కింగ్ నాగార్జున ఎంట్రీ ఇచ్చారు. ఇంత‌కు ముందు ప్రోమో ద్వారా రొమాన్స్ ఉంటుంద‌ని చెప్పి, తాజా ప్రోమో ద్వారా హౌస్‌లో బోలెడ‌న్ని గాసిప్స్ దొరుకుతాయ‌ని హామీ ఇస్తున్నారు నాగ్‌. మ‌రి వాట‌న్నింటినీ చూస్తూ ఎంజాయ్ చేయాలంటే సెప్టెంబ‌ర్ ఆరు వ‌ర‌కు ఎదురు చూడాల్సిందే. (చ‌ద‌వండి: 'బిగ్‌బాస్'‌లో నందు: అది ఇది కాదు) కాగా బిగ్‌బాస్ హౌస్‌లో ఎంట్రీపై కొత్త పేరు తెర మీద‌కు వ‌చ్చింది. డ్యాన్స‌ర్‌, కొరియోగ్రాఫ‌ర్ అమ్మ రాజ‌శేఖ‌ర్ కూడా బిగ్‌బాస్‌లో పాల్గొంటున్న‌ట్లు తెలుస్తోంది. తాజాగా సోష‌ల్ మీడియాలో చ‌క్క‌ర్లు కొడుతున్న లిస్ట్ ప్ర‌కారం ఈ కింది పార్టిసిపెంట్లు హౌస్‌లో అడుగుపెట్ట‌నున్నారు. ర‌ఘు మాస్ట‌ర్ అండ్‌ ప్ర‌ణ‌వి, జబ‌ర్ద‌స్త్ ముక్కు అవినాష్‌, జోర్దార్ సుజాత‌, జెమిని కెవ్వు కామెడీ యాంక‌ర్ అరియానా గ్లోరీ, యూట్యూబ్ సంచ‌ల‌నం దేత్త‌డి హారిక‌, యూట్యూబ‌ర్ మొహ‌బూబా దిల్‌సే, యాంక‌ర్ దేవి నాగ‌వ‌ల్లి, యాంక‌ర్ లాస్య,‌ క‌రాటే క‌ళ్యాణి, నందు, సింగ‌ర్ నోయెల్‌, అమ్మ రాజశేఖ‌ర్‌, గంగ‌వ్వ‌, హీరోయిన్ మొనాల్ గజ్జ‌ర్‌, మ‌రో సీరియ‌ల్ న‌టుడు ఉన్నారు. కొంచెం అటూఇటుగానైనా వీళ్లే ఫైన‌ల్ అయిన‌ట్లు తెలుస్తోంది. (చ‌ద‌వండి: క‌రోనా వార్త‌ల‌ను కొట్టిపారేసిన నోయ‌ల్‌) TV ki athukkupoye time ochesindi..Entertainment Like Never Before!!! #WhatAWowWow 👁️#BiggBossTelugu4 Premieres September 6th at 6 PM on @StarMaa pic.twitter.com/oFmGwqNnG4 — starmaa (@StarMaa) August 28, 2020

నిజానికి ఈపాటికి బిగ్‌బాస్ తెలుగు నాల్గ‌వ సీజ‌న్‌ ప్రారంభ‌మై ఎలిమినేష‌న్ కూడా మొద‌ల‌వాలి. కానీ క‌రోనా వ‌ల్ల ప‌రిస్థితులు తారుమార‌య్యాయి. షో ప్రారంభం స‌రిక‌దా, కనీసం పార్టిసిపెంట్ల ప్రోమోలు కూడా వ‌ద‌ల‌లేదు. ఆగ‌స్టు 30 క‌ల్లా షో ప్రారంభిద్దాం అనుకుంటే అది కూడా సెప్టెంబ‌ర్ మొద‌టి వారానికి వాయిదా ప‌డింది. మ‌రోవైపు ఎంపిక చేసిన‌ కంటెస్టెంట్ల‌ను హైద‌రాబాద్‌లో క్వారంటైన్‌లో ఉంచిన విష‌యం తెలిసిందే క‌దా! అయితే ఇందులో గాయ‌కుడు నోయ‌ల్‌కు క‌రోనా పాజిటివ్ వ‌చ్చిందంటూ వార్త‌లు ప్ర‌చార‌మయ్యాయి. దీంతో షో వాయిదా వేస్తారేమో? లేదా కొత్త కంటెస్టెంట్‌ను తీసుకుంటారేమో? అదీ కాక‌పోతే ఇప్పుడు తాజాగా చేసే ప‌రీక్ష‌లో నెగెటివ్ వ‌స్తే తిరిగి నోయ‌ల్‌నే తీసుకుంటారు కావ‌చ్చు అంటూ ఊహాగానాలు కూడా మొద‌ల‌య్యాయి. (చ‌ద‌వండి: బిగ్‌బాస్‌: సురేఖవాణి ఎంట్రీ పై క్లారిటీ!) ఇంత‌కీ నోయ‌ల్ నిజంగానే క‌రోనాతో బాధ‌ప‌డుతున్నాడా లేదా తెలుసుకునేందుకు ఓ ఆంగ్ల మీడియా అత‌డిని సంప్ర‌దించింది. అయితే అవ‌న్నీ పుకార్లేన‌ని నోయ‌ల్‌ ఆ వార్త‌ల‌ను కొట్టిపారేశాడు. కానీ, దీని గురించి త‌ర్వాతే మాట్లాడ‌తాన‌ని చెప్పుకొచ్చాడు. అంటే బిగ్‌బాస్ ఎంట్రీ గురించే నోయ‌ల్ మౌనం పాటిస్తున్నాడ‌ని అభిమానులు అంటున్నారు. మ‌రోవైపు బిగ్‌బాస్ యాజ‌మాన్యం గ‌త సీజ‌న్‌ విజేత రాహుల్ సిప్లిగంజ్‌తో ప్ర‌త్యేక చాట్ షోను కూడా నిర్వ‌హించ‌నున్న‌ట్లు తెలుస్తోంది. ఇందులో షో నుంచి ఎలిమినేట్ అయ్యేవారితో రాహుల్ సంభాషించ‌నున్నాడు. (చ‌ద‌వండి: బిగ్‌బాస్ 4 కంటెస్టెంట్‌కి కరోనా పాజిటివ్‌!)

బుల్లితెర రియాలిటీ షో బిగ్‌బాస్ తెలుగు నాల్గ‌వ సీజ‌న్ గురించి గంద‌ర‌గోళం నెల‌కొంది. అస‌లు ఈ ఏడాది బిగ్‌బాస్ ఉంటుందో ఉండ‌దో అన్న సందిగ్ధంలో ఉన్న స‌మ‌యంలోనే స్టార్ మా యాజ‌మాన్యం ప్రోమోలు వదిలి ఇంటిల్లిపాదిని అలరించేందుకు బిగ్‌బాస్ సిద్ధ‌మ‌వుతోంద‌ని స్ప‌ష్టం చేసింది. అయితే ఇందులో పాల్గొనే వారిని ఎంపిక చేసుకోవ‌డం, వారికి క‌రోనా ప‌రీక్ష‌లు జ‌రిపి 14 రోజుల‌పాటు క్వారంటైన్‌లో ఉంచ‌డం వంటివి షోను ఆల‌స్యం చేస్తున్నాయి. ఎట్ట‌కేల‌కు 16 మందిని ప్రాథ‌మికంగా ఎంపిక చేసిన బిగ్‌బాస్ యాజ‌మాన్యం వారికి క‌రోనా ప‌రీక్ష‌లు నిర్వ‌హించిన‌ట్లు స‌మాచారం. అనంత‌రం వీళ్లంద‌రినీ క్వారంటైన్‌లో వైద్యుల ప‌ర్య‌వేక్ష‌ణ‌లో ఉంచిన‌‌ట్లు తెలుస్తోంది. క్వారంటైన్ గ‌డువు ముగిసిన త‌ర్వాత మ‌రోసారి కోవిడ్ ప‌రీక్ష‌లు జ‌రిపి బిగ్‌బాస్ హౌస్‌కు పంపించి షో ప్రారంభించ‌నున్నారు. ఈ కార్య‌క్ర‌మానికి మ‌రోసారి మ‌న్మ‌థుడు నాగార్జునే వ్యాఖ్యాత‌గా వ్య‌వ‌హ‌రించ‌నున్నారు. అయితే ఈసారి విభిన్నంగా మూడు గెట‌ప్స్‌లో క‌నిపించి ఆక‌ట్టుకున్నారు. బిగ్‌బాస్ రూమ‌ర్ల‌ను ఖండించిన జానీ మాస్ట‌ర్‌ కంటెస్టెంట్ల లిస్టులో ఆది నుంచీ ఎంతోమంది సెల‌బ్రిటీల పేర్లు వినిపిస్తూ వ‌స్తున్నాయి. అయితే తాము బిగ్‌బాస్ గూటికి వెళ్ల‌ట్లేదంటూ హీరోయిన్లు శ్ర‌ద్ధాదాస్‌, పూనమ్ కౌర్, హీరో త‌రుణ్, న‌టి సున‌య‌న‌, జానీ మాస్ట‌ర్‌ తేల్చి చెప్పారు. గాయ‌ని మంగ్లీ,, జ‌బ‌ర్ద‌స్త్ క‌మెడియ‌న్ ముక్కు అవినాష్‌, సింగ‌ర్‌, న‌టుడు నోయ‌ల్‌, క‌రాటే క‌ళ్యాణి, టిక్‌టాక్ స్టార్ల‌ను ఇంట‌ర్వ్యూ చేసే యాంక‌ర్ ఆరియానా, యూట్యూబ‌ర్ మెహ‌బూబ్ దిల్‌సే, జోర్దార్ సుజాత‌, మై విలేజ్ షో స్టార్ గంగ‌వ్వ‌ పాల్గొన‌నున్నార‌ని స‌మాచారం. (బిగ్‌బాస్ 4: ఆమెకు ఎపిసోడ్‌కు ల‌క్ష‌?) కంటెస్టెంట్ల లిస్టులో మార్పులు చేర్పులు రెండో సీజ‌న్‌లో ర‌న్న‌ర‌ప్‌గా నిలిచిన‌ గీతామాధురి భ‌ర్త నందు ఈసారి షోలో ఎంట్రీ అవ్వ‌నున్న‌ట్లు ఓ వార్త చ‌క్క‌ర్లు కొడుతోంది. అలాగే కొరియోగ్రాఫ‌ర్ ర‌ఘు- ప్ర‌ణ‌వి జంట‌ను కూడా తీసుకురానున్నాన్న‌ర‌న్న వార్త వైర‌ల్ అవుతోంది. కానీ వీరికి చిన్న పాప ఉండ‌టంతో బ‌హుశా అది కుద‌ర‌క‌పోవ‌చ్చ‌న్న అనుమానాలు వ్య‌క్త‌మ‌వుతున్నాయి. అలాగే మ‌రో సీరియ‌ల్ న‌టుడిని, ఓ యాంక‌ర్‌ను కూడా తీసుకున్నారు. ఆ యాంక‌ర్ దేవీ నాగ‌వ‌ల్లి అని కూడా ప్ర‌చారం జ‌రుగుతోంది. కాగా ఈ లిస్టులో వారి ఆరోగ్య ప‌రిస్థితిని బ‌ట్టి చివ‌ర్లో మార్పులు చేర్పులు జ‌రిగే అవ‌కాశం ఉంది. ఈ షో ఆగ‌స్టు 30న ప్ర‌సార‌మ‌వనున్న‌ట్లు స‌మాచారం. దీనిపై అధికారిక ప్ర‌క‌ట‌న వ‌చ్చేవ‌ర‌కు వేచి చూద్దాం.. (బిగ్‌బాస్ 4: కంటెస్టెంట్ల లిస్ట్ ఇదే!)

సాక్షి, హైదరాబాద్‌: తెలుగు టెలివిజన్‌లో అత్యుత్తమమైన రేటింగ్స్‌ని సాధించి వినోదానికి సరికొత్త నిర్వచనం ఇచ్చిన నాన్‌ ఫిక్షన్‌ షో బిగ్‌బాస్‌-4 త్వరలో తెలుగు ప్రేక్షకుల ముందుకు రాబోతోంది. 2017లో స్టార్‌ మాలో ఒక సంచలనంగా ప్రారంభమైన బిగ్‌బాస్‌ ప్రతి సిజన్‌లోను ప్రేక్షకులను సరికొత్తగా వినోదాన్ని అందిస్తూ వస్తోంది. అద్భతమైన ఎంటర్‌టైన్‌మెంట్‌ను అందిస్తూ  బిగ్‌బాస్‌ సీజన్‌ సీజన్‌కు ఎదుగుదలను నమోదు చేసుకుంది. ఈ క్రమంలో బిగ్‌ బాస్‌-4 ప్రమోషన్‌లో భాగంగా నాగార్జున మూడు జనరేషన్‌లుగా నటిస్తూ ఇచ్చిన ప్రకటన అంచనాలను పెంచడమే కాకుండా.. ప్రేక్షకుల నుంచి పాజిటివ్‌ రెస్పాన్స్‌ అందుకుంది. (చదవండి: బిగ్‌బాస్‌ 4 ప్రోమో.. గోపి ఎవరు?) వరసగా రెండోసారి హోస్ట్‌గా బిగ్‌బాస్‌ హౌజ్‌ను నాగార్జున నడిపించబోతున్నాడు. ఈ సందర్భంగా ఆయన మాట్లాడుతూ ప్రోమో కోసం మళ్లీ షూటింగ్‌ ఫ్లోర్‌కి రావడం సరదాగా ఉందన్నారు. గత సీజన్‌ గొప్ప విజయం అందుకున్న తరువాత ఇప్పుడు ప్రేక్షకులకు మరింత ఎంటర్‌టైన్‌మెంట్‌తో పాటు సర్‌ప్రైజ్‌ కూడా అందించే ప్రయత్నం చేయబోతున్నామని ఆయన పేర్కొన్నారు. ప్రచార చిత్రంలో తన లుక్‌ గురించి నాగార్జున మాట్లాడుతూ ‘మూడు పాత్రలు చేయడం, పాత్రకు తగ్గట్టుగా బాడీ లాంగ్వేజీ మెయిన్‌ చేయడం, వాయిస్‌లో జాగ్రత్తలు, మేనరిజంలో వైవిధ్యం చూసుకుంటూ అదీ తక్కువ సమయంలో షూట్‌ చేయడం పెద్ద ఛాలెంజ్‌. కానీ నేను దాన్ని బాగా ఎంజాయ్‌ చేస్తూ చేశాను. జీవితం, ఆశ, వినోదం ఎట్టి పరిస్థితుల్లోనూ ఆగిపోకూడదని నేను నమ్ముతున్నాను. ఈ ఏడాది బిగ్‌బాస్‌ సీజన్‌లో సంపూర్ణమైన వినోదాన్ని అందించబోతున్నాం‌’ అని అన్నారు.  స్టార్‌ మా అధికార ప్రతినిధి మాట్లాడుతూ అర్థవంతమైన కంటెంట్‌, విభిన్నమైన అంశాలతో  ఉత్తమమైన వినోదాన్ని మేము అందించడాన్ని గర్వంగా భావిస్తున్నాం. ప్రతి బిగ్‌బాస్‌ సీజన్‌లో మమ్మల్ని మేము కొత్తగా ఆవిష్కరించుకునే ప్రయత్నం చేస్తున్నాం. ప్రేక్షకులు బాగా ఇష్టపడే షోలలో ఒకటైన బిగ్‌బాస్‌ నాలుగో సీజన్‌ చేయడం మాకెంతో సంతోషంగా ఉంది. ఈ సీజన్‌ను ప్రేక్షకులు తమ ఇళ్లలో కూర్చునే ఆస్వాదిస్తారని ఆశిస్తున్నామని అన్నారు.  (చదవండి: బిగ్‌బాస్‌ 4: కెమెరా, యాక్షన్‌ వాట్‌ ఏ వావ్‌..) #BiggBossTelugu4 Entertainment Like Never Before...What A Wow-Wow!!! Coming Soon On @StarMaa @iamnagarjuna is watching you 👁️ pic.twitter.com/P1rCiUvZ6F — starmaa (@StarMaa) August 15, 2020

హైదరాబాద్‌: బిగ్‌బాస్‌, మా టీవీలో ప్రసారమైన ఈ షో ఎంతగా ప్రేక్షకుల ఆదరణ పొందిందో ప్రత్యేకంగా చెప్పనక్కర్లేదు. ఇప్పటి వరకు మూడు సీజన్లను ఈ షో పూర్తి చేసుకుంది. ఇప్పుడు నాల్గవ సీజన్‌ మొదలు కాబోతుంది. దీనికి సంబంధించి ఇప్పుడు మరో ప్రోమో విడుదల అయ్యింది. మూడవ సీజన్‌కు హోస్ట్‌గా చేసిన కింగ్‌ నాగార్జునే నాలుగవ సీజన్‌కు కూడా హోస్ట్‌గా వ్యవహరిస్తున్న సంగతి తెలిసిందే. ఇంతకుముందు విడుదల చేసిన బిగ్‌బాస్‌ 4 ప్రోమోలో నాగార్జున స్టైలిష్‌గా కనిపించగా ప్రస్తుతం విడుదల చేసిన ప్రోమోలో ఆయన ఓల్డ్‌ లుక్‌లో ఒక బయోస్కోప్‌ పట్టుకొని ముసి ముసి నవ్వులు నవ్వుకుంటూ గోపి అని పిలుస్తారు. తర్వాత ఏం  జరిగిందో తెలుసా అంటూ ప్రోమో ముగుస్తుంది. ఇంతకీ అసలు గోపీ ఎవరు? ఈసారి బిగ్‌బాస్‌ తీసుకురాబోతున్న ఈ కొత్త  క్యారెక్టర్‌ ఎవరు అని అంతా ఆలోచిస్తున్నారు. సీజన్‌ 3లో నాగార్జున పండు అంటూ ఒక కోతి బొమ్మను వేలుకు పెట్టుకొని చాలా విషయాలు దాని ద్వారా చెప్పేవారు. ఈ బొమ్మ  తరువాత ఎంతో ఆదరణ పొందింది. ఎంతో మంది దీనిని కొన్నారు కూడా. అయితే ఈ సారి గోపి  అంటూ ఎవరు రాబోతున్నారో చూడాలి.  బిగ్‌బాస్‌ 4 ఎప్పుడు తమ ముందుకు వస్తుందా అని ప్రేక్షకులు ఎదురు చూస్తున్నారు.   చదవండి: బిగ్‌బాస్‌ 4: కెమెరా, యాక్షన్‌ వాట్‌ ఏ వావ్‌..

రియాలిటీ షో బిగ్‌బాస్‌ కొత్త సీజన్‌తో సందడి చేయడానికి సిద్ధమవుతోంది. మూడు సీజన్లు పూర్తి చేసుకున్న ఈ షో నాలుగో సీజన్‌కి రెడీ అవుతోంది. మొదటి రెండు సీజన్లకు హోస్ట్‌గా ఎన్టీఆర్, నాని కనిపించగా మూడో సీజన్‌కి నాగార్జున హోస్ట్‌గా వ్యవహరించారు. నాలుగో సీజన్‌కి కూడా హోస్ట్‌గా నాగార్జునే కనిపించనున్నారు. దీనికి సంబంధించిన ప్రమోషనల్‌ యాడ్‌ షూట్‌ కూడా పూర్తయింది. శుక్ర, శనివారాల్లో ఈ యాడ్‌ను చిత్రీకరించారు. ‘‘మళ్లీ సెట్స్‌లోకి అడుగుపెట్టడం బావుంది’’ అని ప్రోమో షూట్‌ ఫోటోను ట్వీటర్‌లో షేర్‌ చేశారు నాగ్‌. ఈ యాడ్‌ను దర్శకుడు కళ్యాణ్‌ కృష్ణ షూట్‌ చేశారు. సెంథిల్‌ కెమెరామేన్‌ గా వ్యవహరించారు. ప్రస్తుతం బిగ్‌బాస్‌ హౌస్‌ సెట్‌ వర్క్‌ జరుగుతోంది. సాధారణంగా హౌస్‌ సెట్‌ నిర్మించడానికి దాదాపు నెలరోజుల వరకు పడుతుంది. ప్రస్తుతం ఉన్న పరిస్థితులు, అలాగే చాలా మంది సినీ కార్మికులు సొంత ఊళ్లకు వెళ్లిపోవడంతో సెట్‌ వర్క్‌కి ఎక్కువ సమయం పడుతుందని సమాచారం. అలాగే ఈ సీజన్లో  పాల్గొనబోయే కంటెస్టెంట్ల ఎంపిక ఇంకా పూర్తి కాలేదట. ఈ నెల చివరి వారంలో లేదా సెప్టెంబర్‌ మొదటి వారం నుంచి బిగ్‌బాస్‌ ప్రసారం కానుందని సమాచారం.

హైదరాబాద్‌ : టెలివిజ‌న్ రంగంలో బిగ్‌బాస్‌కున్న క్రేజ్ అంతా ఇంతా కాదు. బిగ్‌బాస్‌ తెలుగు సీజన్‌-4 ఎప్పుడు ప్రారంభమవుతుందా అని బుల్లితెర ప్రేక్షకులు ఎదురుచూస్తున్న సంగతి తెలిసిందే. అంతా స‌వ్యంగా జ‌రిగితే ఈ పాటికి ఈ షో మొద‌ల‌య్యేది. కానీ క‌రోనా నేప‌థ్యంలో బిగ్‌బాస్-4కు కాస్త బ్రేక్ ప‌డింది. త్వ‌ర‌లోనే ఈ షో ప్రారంభం కానుంద‌ని స్టార్‌ మా అధికారిక ప్రకటన చేసింది. ఈ నేప‌థ్యంలో అస‌లు బిగ్‌బాస్‌ సీజన్‌-4కుహోస్ట్ ఎవ‌రు ఉంటారన్న దానిపై ర‌క‌రకాల వార్త‌లు ప్ర‌చారంలో వచ్చాయి. వీట‌న్నింటికి తెర‌దించుతూ బ్యాక్ ఆన్ ది ఫ్లోర్ విత్ లైట్, కెమెరా యాక్ష‌న్ అంటూ నాగార్జున ఓ ట్వీట్ చేశారు. అన్ని జాగ్ర‌త్త‌లు తీసుకుంటూ బిగ్‌బాస్ నాలుగో సీజ‌న్ త్వ‌ర‌లోనే ప్రారంభ‌మ‌వుతుంద‌ని, వ్యాఖ్యాత‌గా నాగార్జున వ్య‌వ‌హ‌రించ‌నున్న‌ట్లు స్టార్‌మా సైతం ప్ర‌క‌టించింది. (బిగ్‌బాస్‌-4పై ‘స్టార్‌ మా’ ప్రకటన) బిగ్‌బాస్ 3 వ్యాఖ్యాత‌గా నాగార్జున త‌న‌దైన శైలిలో షోను ఆసాంతం ర‌క్తి క‌ట్టించారు. ఈసారి కూడా నాగార్జునే హోస్ట్ చేయ‌నున్నారు. బిగ్‌బాస్ సీజ‌న్ 4 హోస్ట్‌గా పలువురి పేర్లు ప్రచారంలో ఉన్నప్పటికీ.. నిర్వాహకులు మాత్రం నాగార్జున వైపే మొగ్గు చూపారని సమాచారం. ప్రస్తుతం నెలకొన్న పరిస్థితుల నేపథ్యంలో ప్రభుత్వ మార్గదర్శకాలు అనుగుణంగా షూటింగ్‌ చేయడం అనేది నిర్వహకులు సవాలుతో కూడుకున్న పనే. ప్రస్తుత పరిస్థితుల నేపథ్యంలో ఫిజికల్‌ టాస్క్‌లు లేకుండా.. షోను డిఫరెంట్‌గా ఏమైనా ప్లాన్‌ చేస్తారా అనేది తెలియాల్సి ఉంది. మరోవైపు బిగ్‌బాస్ సీజ‌న్-4లో కంటెస్టెంట్‌లు ఎవ‌రన్న దానిపై ఆస‌క్తి  నెలకొంది.  (బిగ్‌బాస్ 4: ఆమెకు ఎపిసోడ్‌కు ల‌క్ష‌?) View this post on Instagram What a Wow-Wow!!! #BiggBossTelugu4 A post shared by STAR MAA (@starmaa) on Jul 31, 2020 at 10:42pm PDT