గ్రామీణ బ్రాడ్‌బ్యాండ్ విస్తరణ కోసం ప్రభుత్వం ఇంటర్నెట్ సర్వీస్ ప్రొవైడర్లను (ఐఎస్‌పీ) ప్రోత్సహించాలని, వారికి పన్ను మినహాయింపులు ఇవ్వాలని బ్రాడ్‌బ్యాండ్ ఇండియా ఫోరమ్ (బీఐఎఫ్) కోరింది. గతేడాదితో పోలిస్తే 20 శాతం గ్రామీణ వినియోగదారులను పెంచుకున్న కంపెనీలకు రివార్డులు ప్రకటించాలని తెలిపింది.ఈ సందర్భంగా బీఐఎఫ్‌ ఛైర్‌పర్సన్‌ అరుణా సౌందరరాజన్‌ మాట్లాడుతూ..‘దేశ డిజిటల్ ఆర్థిక వ్యవస్థ ఒక ట్రిలియన్ డాలర్ల(రూ.84 లక్షల కోట్లు) మార్కు చేరాలని లక్ష్యంగా పెట్టుకున్నారు. 2026-27 నాటికి జీడీపీలో 20 శాతం ఈ వ్యవస్థ తోడ్పటును అందించాలని నిర్ణయించారు. కాబట్టి ఈ వ్యవస్థ వృద్ధికి ప్రభుత్వం అన్ని విధాలా సహకారం అందించాలి. గ్రామీణ, పట్టణ ప్రాంతాల్లోని వారికి వేగవంతమైన నెట్‌వర్క్‌ సౌకర్యాలు కల్పించాలి. ఈ రంగంలో దేశమంతటా స్థిరమైన బ్రాడ్‌బ్యాండ్ మౌలిక సదుపాయాలను విస్తరించాలి’ అన్నారు.ఇదీ చదవండి: ‘అలాంటివారిని ఇప్పటి వరకు చూడలేదు’‘ప్రస్తుతం దేశంలో డిజిటల్ వృద్ధికి సంబంధించి మొబైల్ వ్యవస్థ మొదటి స్థానంలో ఉంది. 95.6% మంది వినియోగదారులు మొబైల్ ఇంటర్నెట్‌పై ఆధారపడుతున్నారు. వైర్‌లైన్ బ్రాడ్‌బ్యాండ్‌ను ఉపయోగిస్తున్న వారి సంఖ్య 4.3% మాత్రమే. వేగవంతమైన ఇంటర్నెట్‌కు, మొబైల్ కనెక్టివిటీ తక్కువగా ఉన్న ప్రాంతాల్లో స్థిర బ్రాడ్‌బ్యాండ్ అవసరం. కాబట్టి ఈ వ్యవస్థలో మెరుగైన మౌలిక సదుపాయాలు కల్పించాల్సి ఉంది. గ్రామీణ చందాదారులలో గణనీయమైన వృద్ధిని సాధించే ఐఎస్‌పీలకు పన్ను మినహాయింపులు ఇవ్వాలి. బ్రాడ్‌బ్యాండ్‌ కంపెనీలను ప్రధాన మంత్రి వై-ఫై యాక్సెస్ నెట్‌వర్క్ ఇంటర్‌ఫేస్ (పీఎం-వాణి) వంటి కార్యక్రమాలతో అనుసంధానించాలి. గ్రామీణ ప్రాంతాల్లో శాటిలైట్ ఆధారిత బ్రాడ్‌బ్యాండ్‌కు కూడా ప్రభుత్వం సహకరించాలి’ అన్నారు.

న్యూఢిల్లీ: దేశవ్యాప్తంగా 6.4 లక్షల గ్రామాలను బ్రాడ్‌బ్యాండ్‌ ద్వారా అనుసంధానించే భారత్‌నెట్‌ ప్రాజెక్టు పనులు వేగం పుంజుకోనున్నాయి. ఇప్పటికే 1.94 లక్షల గ్రామాల్లో ఈ ఆప్టికల్‌ ఫైబర్‌ నెట్‌ అనుసంధానం పూర్తవ్వగా మొత్తంగా అన్ని గ్రామాలకు నెట్‌ను అందుబాటులోకి తెచ్చేందుకు కేంద్ర ప్రభుత్వం సిద్దమైంది. ఇందుకు సంబంధించిన రూ.1.39 లక్షల కోట్ల నిధుల కేటాయింపునకు కేంద్ర కేబినెట్‌ ఆమోద ముద్ర వేసింది. మొదట నాలుగు జిల్లాల్లోని గ్రామాల అనుసంధానానికి ఉద్దేశించిన పైలెట్‌ ప్రాజెక్టు విజయవంతం కావడంతో ఈ ఫైబర్‌–టు–హోమ్‌ మోడల్‌ను తర్వాత వేర్వేరు రాష్ట్రాల్లోని 60వేల గ్రామాలకు విస్తరించారు. ప్రాజెక్టు ద్వారా 2.5 లక్షల ఉద్యోగాల సృష్టి సాధ్యమని ప్రభుత్వం భావిస్తోంది.


 న్యూఢిల్లీ: మొబైల్‌ కనెక్షన్లకు అమల్లో ఉన్న ఆధార్‌ ఈకేవైసీ ధ్రువీకరణ ప్రక్రియను ఫిక్స్‌డ్‌లైన్, ఇంటర్నెట్, బ్రాడ్‌బ్యాండ్‌ కనెక్షన్లకూ అమలు చేయాలని ట్రాయ్‌ సిఫారసు చేసింది. ట్రాయ్‌ సూచనను టెలికం శాఖ ఆమోదిస్తే గుర్తింపు ప్రక్రియ మరింత వేగం, విశ్వసనీయతను సంతరించుకుంటుందని, దీనివల్ల పరిశ్రమకు వ్యయాలూ భారీగా ఆదా అవుతాయన్న అభిప్రాయాలు వ్యక్తమవుతున్నాయి.
 
  ఆధార్‌ ఈకేవైసీ విధానాన్ని ఇంటర్నెట్, బ్రాడ్‌ బ్యాండ్‌ కనెక్షన్లకూ అమల్లోకి తీసుకురావాలని కోరుతూ ఇంటర్నెట్‌ సర్వీసు ప్రొవైడర్ల సంఘం (ఐఎస్‌పీఏఐ) ట్రాయ్‌కు ఓ ప్రతిపాదన సమర్పించింది. ఆధార్‌ ఈ కేవైసీని ఇంటర్నెట్‌ కనెక్షన్లకూ అమలు చేయడం వల్ల వేగం, విశ్వసనీయ పెరుగుతాయని, సమయం, వ్యయాలు ఆదా అవుతాయని ఐఎస్‌పీఏఐ పేర్కొన్నట్టు ట్రాయ్‌ వెల్లడించింది.