ప్రపంచ ఇంటర్నెట్ మౌలిక సదుపాయాలపై మరోసారి ప్రశ్నలు లేవనెత్తే ఘటన ఎర్ర సముద్రంలో చోటు చేసుకుంది. సౌదీ అరేబియాలోని జెడ్డా తీరానికి సమీపంలో ఉన్న అండర్‌సీ ఫైబర్-ఆప్టిక్ కేబుళ్లు ఇటీవల తెగిపోవడంతో భారత్, పాకిస్తాన్, యూఏఈ సహా ఆసియాలోని పలు దేశాల్లో ఇంటర్నెట్ సేవలు తీవ్రంగా ప్రభావితమైన సంగతి తెలిసిందే. అయితే.. ఆ కేబుల్స్‌ ఎందుకు తెగిపోయాయో అనేదానిపై నిపుణులు ఓ అంచనాకి వచ్చారు. ప్రాథమిక దర్యాప్తు ప్రకారం.. ఈ విఘాతం వాణిజ్య నౌకల రాకపోకల వల్లే జరిగి ఉండవచ్చని నిపుణులు అంచనా వేస్తున్నారు. నౌకలు సముద్రంలో యాంకర్ వదిలినప్పుడు.. అవి అడుగున ఉన్న కేబుళ్లను లాగడంతో తెగిపోయే ప్రమాదం ఉంది. అంతర్జాతీయ కేబుల్ రక్షణ కమిటీ నివేదిక ప్రకారం.. ప్రతీ ఏటా యాంకర్ల (dragged anchors) వల్లే ప్రపంచవ్యాప్తంగా 30% కేబుల్ విఘాతాలు ఇలాగే జరుగుతున్నాయి. పైగా.. తాజాగా తెగిన కేబుల్స్‌ ఎర్ర సముద్రం మరియు ఆఫ్రికా–అరబ్ ద్వీపకల్పం మధ్య ‘బాబ్‌ ఎల్‌ మందెబ్‌ స్ట్రెయిట్‌’ అనే వ్యూహాత్మక ప్రాంతంలోనే ఉంది. అయినప్పటికీ ఇక్కడ సముద్రపు లోతు తక్కువగా ఉండడం వల్ల యాంకర్లు కేబుళ్లను తాకే అవకాశం ఎక్కువ ఉందని చెబుతున్నారు. ఇదిలా ఉంటే తాజా ఘటనలో SMW4, IMEWE, FALCON GCX, EIG వంటి కీలక కేబుళ్లు ప్రభావితమయ్యాయి. వీటి ద్వారా ఆసియా, మధ్యప్రాచ్యం, యూరప్ మధ్య డేటా ట్రాఫిక్ జరుగుతుంది. దీంతో సంబంధిత దేశాల్లో స్లో కనెక్టివిటీ, అధిక ల్యాటెన్సీ వంటి సమస్యలు తలెత్తాయి. అయితే మైక్రోసాఫ్ట్‌ అజూర్‌, ఎటిసలాట్‌, డీయూ ట్రాఫిక్‌ను రీరూట్‌ చేసి తమ సేవలను కొనసాగిస్తున్నాయి.ఇక, ఈ విఘాతం వెనుక ప్రాంతీయ రాజకీయ ఉద్రిక్తతలు(హౌతీ రెబల్స్‌ పనేనా?) కారణమనే అనుమానాలు మొదట వ్యక్తం అయ్యాయి. అయితే, హౌతీలు తమ ప్రమేయాన్ని ఖండించారు. యెమెన్ ప్రభుత్వం మాత్రం ఈ దాడులను డిజిటల్ మౌలిక సదుపాయాలపై ఉద్దేశపూర్వక దాడులుగా అభివర్ణించింది. ‘‘ఇప్పుడు ఎర్ర సముద్రంలో జరుగుతున్నది ప్రపంచ సమాజానికి హెచ్చరికగా ఉండాలి… ఆధునిక ప్రపంచానికి ప్రాణవాయువులాంటి డిజిటల్ మౌలిక సదుపాయాలను రక్షించాల్సిన అవసరం ఉంది’’ అని యెమెన్‌ అధికారిక సమాచార శాఖ మంత్రి మొఎమ్మర్ అల్-ఎర్యానీ అభిప్రాయం వ్యక్తం చేశారు. కేబుళ్ల మరమ్మతులకు స్పెషలైజ్డ్ నౌకలు, సాంకేతిక నిపుణులు అవసరం. దీంతో ఈ ప్రక్రియ పూర్తి కావడానికి కొన్ని వారాలు పట్టే అవకాశం ఉంది. ప్రపంచవ్యాప్తంగా ఇంటర్నెట్‌ డేటా సరఫరాలో సముద్ర గర్భ (Undersea/Subsea) ఫైబర్-ఆప్టిక్ కేబుల్స్ కీలక పాత్ర పోషిస్తున్నాయి. దాదాపు 99% కి పైగా అంతర్జాతీయ ఇంటర్నెట్ ట్రాఫిక్ ఈ కేబుల్స్ ద్వారానే ప్రసారం అవుతోంది. ఖండాల మధ్య డేటా ప్రసారం చేసే అత్యంత వేగవంతమైన, విశ్వసనీయమైన మార్గం. తాజా గణాంకాల ప్రకారం.. 485 కేబుల్స్ ప్రపంచ సముద్ర గర్భంలో విస్తరించి ఉన్నాయి. వీటి పొడవు 9 లక్షల మైళ్లకు పైగా ఉంటుంది. ఎర్ర సముద్రం, అట్లాంటిక్‌ మహాసముద్రం, ఫసిఫిక్‌ మహాసముద్రం, సుయాజ్‌ కాలువలో ఇవి ఎక్కువగా ఉన్నాయి. ఒక్కో కేబుల్ టెరాబిట్స్‌/సెకనుకు డేటా ప్రసారం చేయగలదని అంచనా. అంటే, కొన్ని సెకన్లలోనే లక్షల వీడియోలు, మెసేజులు పంపగల సామర్థ్యం.ఉపగ్రహాల కంటే ఎందుకు మెరుగైనవంటే.. బ్యాండ్‌విడ్త్ ఎక్కువ, ల్యాటెన్సీ తక్కువ. అలాగే కాస్ట్-ఎఫెక్టివ్‌తో పాటు సురక్షితమైన డేటా మార్గంగా పేరు దక్కించుకుంది. ఉపగ్రహాలు ప్రధానంగా దూర ప్రాంతాల కోసం కాగా.. ప్రధాన డేటా మార్గం మాత్రం సముద్ర గర్భ కేబుల్స్‌గానే కొనసాగుతోంది.

సాక్షి, హైదరాబాద్‌ : సరఫరా చేసే ప్రతి యూనిట్‌ను పక్కాగా లెక్కించే సామర్థ్యం కలిగి ఉన్న దక్షిణ తెలంగాణ విద్యుత్‌ పంపిణీ సంస్థ.. తన అ«దీనంలో ఉన్న విద్యుత్‌ స్తంభాలపై ఇప్పటికీ ఓ స్పష్టత లేకపోవడం అనేక అనుమానాలకు ఆస్కారం కల్పిస్తోంది. ఏ సర్కిల్‌ పరిధిలో ఎన్ని విద్యుత్‌ స్తంభాలు ఉన్నాయి? ఎన్ని మీటర్ల దూరం విస్తరించి ఉన్నాయి? ఏ స్తంభంపై ఏయే కంపెనీలకు చెందిన ఎన్ని కేబుళ్లు వేలాడుతున్నాయి? వంటి కనీస వివరాలను సేకరించకపోవ డాన్ని పరిశీలిస్తే.. ఆడిట్‌ విషయంలో డిస్కం ఇంజినీర్ల నిర్లక్ష్యం ఏ విధంగా ఉందో అర్థం చేసుకోవచ్చు. కుంగిపోతున్న స్తంభాలు గ్రేటర్‌లో 33/11కేవీ సబ్‌స్టేషన్లు 498 ఉండగా, పవర్‌ ట్రాన్స్‌ఫార్మర్లు 1,022 ఉన్నాయి. 33కేవీ యూజీ కేబుల్‌ లైన్లు 1,280 కిలోమీటర్లు విస్తరించి ఉండగా, 33 కేవీ ఓవర్‌హెడ్‌లైన్లు 3,725 కిలోమీటర్లు, 11 కేవీ ఓవర్‌హైడల్‌ లైన్లు 21,643 కిలోమీటర్లు, 11కేవీ యూజీ కేబుల్‌ లైన్లు 957 కిలోమీటర్లు విస్తరించి ఉన్నాయి. డి్రస్టిబ్యూషన్‌ ట్రాన్స్‌ఫార్మర్లు 1,50,992 ఉండగా, వీటి పరిధిలో 63 లక్షలకుపైగా విద్యుత్‌ కనెక్షన్లు ఉన్నాయి. ఫీడర్‌ నుంచి డి్రస్టిబ్యూషన్‌ ట్రాన్స్‌ఫార్మర్‌కు వచ్చే 11 కేవీ స్తంభాలు ఎన్ని ఉన్నాయో తెలియదు. ట్రాన్స్‌ఫార్మర్‌ నుంచి గృహానికి విద్యుత్‌ సరఫరా చేసే 11 కేవీ ఎల్టీ స్తంభాలు ఎన్ని ఉన్నాయో కూడా సరైన లెక్కలేదు. High Court Orders Removalనిజాం కాలంలో ఏర్పాటు చేసిన ఇనుప స్తంభాలు 12 మీటర్లకుపైగా ఉండేవి. సిమెంట్‌ పోల్స్‌ వచి్చన తర్వాత ఎత్తు తగ్గించారు. వాటికి సపోరి్టంగ్‌ వైర్లను కూడా తొలగించారు. సాధారణంగా 11 కేవీ విద్యుత్‌ స్తంభం ఎత్తు తొమ్మిది మీటర్లపైగా ఉండగా అదే 33 కేవీ స్తంభం పది మీటర్లకుపైగా ఎత్తు ఉంటుంది. మెజార్టీ సరీ్వసు ప్రొవైడర్లు ఐదారు మీటర్ల ఎత్తు నుంచే వైర్లను రోడ్డుకు అటు ఇటుగా ఉన్న గృహాలకు లాగుతున్నారు. లైన్‌ వేయగా మిగిలిన వైర్లను ఉండలుగా చుట్టూ స్తంభాలకు వేలాడదీస్తున్నారు. ఇలా ఒక్కో స్తంభానికి 500 కేజీల బరువు ఉన్న తీగలు వేలాడుతున్నాయి. సామర్థ్యానికి మించిన బరువును తట్టుకోలేక ఆయా స్తంభాలు ఏదో ఒక వైపు వంగి కన్పిస్తున్నాయి. పర్యవేక్షణ లేదు.. ప్రమాణాలు పాటించరుకరెంట్‌ సరఫరా, లైన్లు పర్యవేక్షణ, రెవెన్యూ వసూళ్లపై ప్రత్యేక ఆడిట్‌ ఉంది. గ్రేటర్‌లో స్టార్‌ కేబుళ్లు, ఇంటర్నెట్‌ ప్రొవైడర్‌ సరీ్వసు ఆపరేటర్లు 30 మందికిపైగా ఉన్నట్లు అంచనా. నిజానికి విద్యుత్‌ సంస్థ కంటే ఇంటర్నెట్, స్టార్‌ కేబుళ్ల ఆదాయం ఎక్కువ. లైన్లు, కేబుళ్ల ఏర్పాటు విషయంలో విద్యుత్‌ సంస్థకు కొన్ని కచి్చతమైన ప్రమాణాలు, నియమ నిబంధనలు ఉన్నాయి. కానీ కేబుల్‌ ఆపరేటర్లకు, సరీ్వసు ప్రొవైడర్లకు కనీస భద్రత ప్రమాణాలు, నియమ నిబంధనలు లేవు. వీరి పని తీరుపై పర్యవేక్షించే ప్రభుత్వ యంత్రాంగం కూడా లేదు. మార్కెట్లో తక్కువ ధరకు లభించే నాసిరకం కేబుళ్లు కొనుగోలు చేసి విద్యుత్‌ స్తంభాలపై వేలాడదీస్తున్నారు. ఈదురు గాలితో కూడిన వర్షాలకు తరచూ తెగిపడుతుండటంతో వాటికి సపోరి్టంగ్‌ కోసం జే వైర్లతో అనుసంధానిస్తున్నారు. ఎలాంటి అనుమతులు లేకుండా స్తంభాలకు జంక్షన్‌ బాక్సులను ఏర్పాటు చేయడంతో పాటు వాటికి అక్రమంగా కరెంట్‌ వాడుతున్నారు. ఈ విషయం ఇటు క్షేత్రస్థాయి ఇంజినీర్లు మొదలు..సీఎండీ వరకు తెలుసు కానీ ఇప్పటి వరకు ఏ ఒక్క ఆపరేటర్‌పై కూడా చర్యలు తీసుకున్న దాఖలాలు లేవు. తాజాగా రామంతాపూర్, అంబర్‌పేట్, బండ్లగూడ ఘటనలతో అప్రమత్తమైన డిస్కం.. స్తంభాలకు వేలాడుతున్న వైర్లను తొలగించే పని మొదలు పెట్టింది. అయితే.. ఇప్పటికే డిస్కం నిర్ణయించిన చార్జీలు చెల్లించి, స్తంభాల ద్వారా కేబుళ్లను ఏర్పాటు చేసుకున్న సరీ్వసు ప్రొవైడర్లు డిస్కం ఇంజినీర్ల తీరును తీవ్రంగా వ్యతిరేకిస్తున్నారు. ముందస్తు నోటీసులు కూడా ఇవ్వకుండా అన్ని అనుమతులు తీసుకున్న తమ కేబుళ్లను కూడా తొలగించడమేమిటని వారు ప్రశ్నిస్తున్నారు. 1.73 లక్షల స్తంభాలకే అనుమతులు.. నగరంలో ఎల్టీ 11కేవీ, 33 కేవీ సహా అన్ని రకాల విద్యుత్‌ స్తంభాలు 20 లక్షలకుపైగా ఉన్నట్లు డిస్కం ప్రకటించింది. వీటిలో 1.73 స్తంభాల వినియోగానికి మాత్రమే ఆయా సరీ్వసు ప్రొవైడర్లకు అనుమతి ఉన్నట్లు పేర్కొంది. ఆప్టికల్‌ ఫైబర్‌ కేబుల్, కో–యాక్సిల్‌ (లోపల మెటల్‌ కండక్టర్‌తో ఇన్సులేషన్‌ ఉన్న కేబుల్‌ టీవీ వైర్‌) కేబుల్స్‌ వాడుతున్నట్లు తెలిపింది. ఆప్టికల్‌ ఫైబర్‌ కేబుల్‌ను విద్యుత్‌ స్తంభాలపై వేయడం సహా భద్రతా చర్యలను అమలు చేయడం ఆయా ఏజెన్సీదే పూర్తి బాధ్యత. ఆప్టికల్‌ ఫైబర్‌ కేబుల్‌ వేసిన విద్యుత్‌ స్తంభాలను సులభంగా గుర్తించేందుకు వాటిపై పెయింటింగ్‌ తప్పనిసరిగా చేయాలి. విద్యుత్‌ స్తంభాలపై బ్యాక్‌హాల్‌ ఎక్విప్‌మెంట్‌ వంటి అదనపు పరికరాలను ఇన్‌స్టాల్‌ చేయరాదు. అనుమతించిన సంఖ్యకు మించి స్తంభాలను ఉపయోగించకూడదు. సమీపంలోని లైన్ల నుంచి విద్యుత్‌ సరఫరాను డైరెక్ట్‌ ట్యాపింగ్‌ చేయరాదు. కానీ.. అనేక ప్రదేశాలలో కేబుల్స్‌ కిందికి 5 అడుగుల ఎత్తులో వదిలేస్తున్నారు. కాంక్రీట్‌ మిక్సర్‌ వాహనాలు, బోర్‌ డ్రిల్లింగ్‌ వంటి భారీ వాహనాలు రోడ్డును దాటేటప్పుడు తక్కువ ఎత్తులో వేయబడిన ఈ కేబుల్స్‌ వల్ల విద్యుత్‌ నెట్‌వర్క్‌కు భారీ నష్టం వాటిల్లుతోంది. ఐఎస్‌పీలు, కేబుల్‌ ఆపరేటర్లు కొత్త కనెక్షన్‌ కోసం కేబుల్‌ వేస్తున్నారే కానీ ఇప్పటికే పాడైన, వినియోగంలో లేని కేబుల్స్‌ను తొలగించట్లేదు. ఇవి ప్రమాదాలకు కారణమవుతున్నాయి. అనుమతి తీసుకున్న కేబుళ్లను కూడా గుర్తించే పరిస్థితి లేకపోవడంతోనే అన్ని తీగలను తొలగించాల్సి వస్తోందని డిస్కం స్పష్టం చేస్తోంది.

సాక్షి, హైదరాబాద్‌ : విద్యుత్‌ స్తంభాలకు వేలాడుతూ నగరవాసుల మృత్యువాతకు కారణమవుతున్న స్టార్‌ కేబుళ్లు, ఇంటర్నెట్‌ కేబుళ్ల తొలగింపు ప్రక్రియను రెండో రోజైన మంగళవారం కూడా చేపట్టారు. డిప్యూటీ సీఎం భట్టి విక్రమార్క ఆదేశాల మేరకు దక్షిణ తెలంగాణ విద్యుత్‌ పంపిణీ సంస్థ ఇంజినీర్లు క్షేత్రస్థాయిలో పర్యటించి, విద్యుత్‌ స్తంభాలకు ప్రమాదకరంగా మారిన కేబుళ్లను తొలగించారు. ఎలాంటి ముందస్తు హెచ్చరికలు లేకుండా అకస్మాత్తుగా టీవీ కేబుళ్లతో పాటు ఇంటర్నేట్‌ కేబుళ్లను కూడా తొలగించడంతో వినియోగదారులు ఇబ్బందుల పాలయ్యారు. ఇంట్లో టీవీ ప్రసారాలతో పాటు ఇంటర్నెట్‌ సేవలు కూడా నిలిచిపోవడంతో ప్రత్యామ్నాయ ఏర్పాట్లు చేసుకోవాల్సి వచి్చంది. ఇళ్ల నుంచి పని చేసే ఉద్యోగులకు ఇబ్బందులు తప్పలేదు. వరుస ఘటనలతో సర్కారు సీరియస్‌.. ఏదైనా స్తంభం నుంచి కేబుల్‌ లాగాలంటే ముందస్తు అనుమతి తీసుకోవాలి. ఒక్కో స్తంభానికి రూ.50 నుంచి రూ.100 వరకు ఫీజు చెల్లించాలి. కేబుళ్లు 15 ఫీట్ల ఎత్తులో అమర్చుకోవాలి. కానీ.. మెజార్టీ కేబుళ్లు పది అడుగుల ఎత్తులోనే కని్పస్తున్నాయి. సపోరి్టంగ్‌ వైరు, కేబుల్‌ గరిష్ట బరువు మీటర్‌కు 200 గ్రాములకు మించరాదు. స్తంభానికి స్తంభానికి మధ్య తీగల పొడవు 50 మీటర్లు మించరాదు. కానీ.. చాలా చోట్ల కేజీల కొద్దీ బరువున్న తీగలను చుట్టారు. ఎలాంటి అనుమతులు తీసుకోకుండానే జంక్షన్‌ బాక్సులకు కరెంట్‌ వాడుతున్నారు. కనీసం నెలవారీ బిల్లు చెల్లించడం లేదు. ఏ ఒక్క చోట కూడా మీటర్‌ ఉండదు. కానీ యథేచ్ఛగా విద్యుత్‌ను వాడుతుంటారు. నగరంలో ఈ తరహా కంపెనీలు 28కి పైగా ఉన్నట్లు అంచనా. ఆయా కేబుల్‌ ఆపరేటర్లతో ఇప్పటికే డిస్కం సీఎండీ ముషారఫ్‌ ఫరూఖీ సమావేశమై..స్పష్టమైన ఆదేశాలు జారీ చేశారు. స్థానిక నేతలు, ప్రభుత్వంలోని కొంత మంది పెద్దలతో ఒత్తిడి తీసుకొచి్చ, తొలగింపు ప్రక్రియను విస్మరించారు. తాజాగా రామంతాపూర్, అంబర్‌పేట్, బండ్లగూడ వరుస ఘటనలతో ప్రభుత్వం ఈ అంశాన్ని సీరియస్‌గా తీసుకుంది. సోమవారం మధ్యాహ్నం నుంచి కేబుళ్ల తొలగింపు ప్రక్రియ ప్రారంభించినప్పటికీ.. రెండో రోజైనా మంగళవారం మరింత వేగవంతం చేసింది. విగ్రహాల తరలింపు పట్ల అప్రమత్తంగా ఉండాలి గణేష్‌ విగ్రహాల తరలింపు విషయంలో అప్రమత్తంగా ఉండాలని దక్షిణ తెలంగాణ విద్యుత్‌ పంపిణీ సంస్థ సీఎండీ ముషారఫ్‌ ఫరూఖీ నిర్వాహకులకు సూచించారు. రామంతాపూర్, బండ్లగూడ, అంబర్‌పేట ఘటనల్లో విద్యుత్‌ అధికారుల తప్పిదం లేదని స్పష్టం చేశారు. ఇతర కారణాలే ఇందుకు కారణమని తెలిపారు. ఇప్పటికే ప్రమాదకరంగా మారిన ఎల్‌టీ, హెచ్‌టీ కేబుళ్లను గుర్తించి, వాటి స్థానంలో ఏబీ కేబుల్‌ ఏర్పాటు ప్రక్రియను ముమ్మరం చేసినట్లు తెలిపారు.విగ్రహాల తరలింపులో జాగ్రత్తలు తప్పనిసరి.. విగ్రహాల ఎత్తును బట్టి రూట్‌ను ఎంచుకోవాలి. ఒకవేళ ఎక్కడైనా సమస్య ఉంటే విద్యుత్‌ సిబ్బందికి తెలియజేయాలి. విద్యుత్‌ లైన్ల నుంచి కనీసం రెండు అడుగుల దూరం పాటించాలి. లైన్‌లో ప్రవహించే విద్యుత్‌ సరఫరా ప్రభావం/ఇండక్షన్‌ ఉంటుంది. క్రేన్లు, ట్రక్కులు, ఎత్తైన మెటల్‌ విగ్రహాల తరలింపులో అప్రమత్తంగా ఉండాలి. మెటల్‌ ఫ్రేమ్‌లతో కూడిన డెకరేషన్లను వీలైనంత వరకు తగ్గించాలి. మండపాలకు విద్యుత్‌ కనెక్షన్ల కోసం దరఖాస్తు చేసుకోవాలి. సామాన్యులు విద్యుత్‌ స్తంభాలు ఎక్కకూడదు. సంస్థ సిబ్బంది ద్వారానే కనెక్షన్‌ తీసుకోవాలి. మండపాల్లో విద్యుత్‌ పనులు చేసేప్పుడు పరిసరాలను పూర్తిగా పరిశీలించాలి. విద్యుత్‌ తీగలు, స్తంభాలు, ఇతర ప్రమాదకర పరికరాల నుంచి పిల్లల్ని దూరంగా ఉంచాలి. వైరింగ్‌లో లీకేజీలు లేకుండా చూసుకోవాలి. వర్షానికి తేమతో షాక్‌ కొట్టే ప్రమాదం ఉంది. అత్యవసర పరిస్థితుల్లో 1912 కాల్‌ సెంటర్‌కు ఫోన్‌ చేయాలి.

సాక్షి, అమరావతి: ఖజానాకు ధర్మకర్తగా వ్యవహరించాల్సిన వారే ప్రజాధనాన్ని అస్మదీయులకు దోచిపెడుతున్నారు. రాజధాని అమరావతి ప్రాంతంలో భూగర్భ విద్యుత్‌ (అండర్‌ గ్రౌండ్‌ కేబుల్‌) లైన్‌ పనుల టెండర్లలో ప్రభుత్వ పెద్దలు వ్యవహరించిన తీరే అందుకు నిదర్శనం. నిబంధనల్ని తుంగలో తొక్కి కాంట్రాక్టు విలువ కంటే 8.98 శాతం అధిక ధర కోట్‌ చేసిన సంస్థకు రూ.1,082.44 కోట్ల విలువైన పనులు కట్టబెట్టారు. 8.99 శాతం అధిక ధర కోట్‌ చేసిన మరో సంస్థకు రూ.390.06 కోట్ల విలువైన పనులు అప్పగించారు. ఈ రెండు టెండర్లలో సీఎం చంద్రబాబు సన్నిహితులకు రూ.114.68 కోట్లు దోచిపెడుతున్నారు. టెండర్ల వివరాలివీ రాజధాని ప్రాంతంలో ఎన్‌–10 రహదారి నుంచి ఎన్‌–13–ఈ–11 రహదారుల జంక్షన్‌ వరకూ 220 కేవీ ఎక్స్‌ట్రా హైవోల్టేజీ (ఈహెచ్‌వీ) లైన్‌ను అండర్‌ గ్రౌండ్‌(భూగర్భంలో)లో వేసేందుకు సంబంధించిన మిగిలిన పనులకు రూ.993.25 కోట్లను కాంట్రాక్టు విలువగా నిర్దేశించి సీఆర్‌డీఏ (రాజధాని ప్రాంత అభివృద్ధి సంస్థ) ఒక ప్యాకేజీ కింద టెండర్‌ నోటిఫికేషన్‌ జారీ చేసింది. మరోవైపు రాజధానిలో ఏపీ ట్రాన్స్‌కో 18 కి.మీ. పొడవున చేపట్టిన 400 కేవీ డీసీ (డైరెక్ట్‌ కరెంట్‌) లైన్స్‌లో మిగిలిన పనులు, పవర్‌ గ్రిడ్‌ కార్పొరేషన్‌ ఆఫ్‌ ఇండియా లిమిటెడ్‌ (పీజీసీఐఎల్‌) 20 కి.మీ. పొడవున చేపట్టిన 400 కేవీ డీసీ లైన్స్‌లో మిగిలిన పనుల పూర్తికి రూ.283.57 కోట్ల అంచనా వ్యయంతో మరో ప్యాకేజీ కింద సీఆర్‌డీఏ టెండర్‌ నోటిఫికేషన్‌ జారీ చేసింది. 220 కేవీ ఈహెచ్‌వీ అండర్‌ గ్రౌండ్‌ లైన్‌లో పనుల పూర్తికి పిలిచిన టెండర్లలో కాంట్రాక్టు విలువ కంటే 8.98 శాతం అధిక ధరకు అంటే రూ.1,082.44 కోట్లకు కోట్‌ చేసిన బీఎస్సార్‌ ఇన్‌ఫ్రాటెక్‌ ఎల్‌–1గా నిలిచింది. ఏపీ ట్రాన్స్‌కో, పీజీసీఐఎల్‌ 400 కేవీ డీసీ లైన్స్‌లో మిగిలిన పనుల పూర్తికి పిలిచిన టెండర్‌లోనూ కాంట్రాక్టు విలువ కంటే 8.99 శాతం అధిక ధరకు కోట్‌ చేసిన పీవీఆర్‌ కన్‌స్ట్రక్షన్స్‌–కె.రామచంద్రరావు ట్రాన్స్‌మిషన్‌ అండ్‌ ప్రాజెక్ట్స్‌(జేవీ) ఎల్‌–1గా నిలిచింది. జీవో 133 ప్రకారం ఈ రెండు టెండర్లు రద్దు చేయాలి. కానీ.. సీఎం చంద్రబాబు అధ్యక్షతన ఈనెల 11న జరిగిన సీఆర్‌డీఏ అథారిటీ 45వ సమావేశంలో ఆ రెండు టెండర్లకు ఆమోదముద్ర వేశారు. దాంతో ఆ రెండు సంస్థలకు ఆ పనులను కట్టబెట్టేస్తూ ప్రభుత్వం ఉత్తర్వులు జారీ చేసింది. యథేచ్ఛగా నిబంధనల ఉల్లంఘన టెండర్లలో అక్రమాలకు అడ్డుకట్ట వేయడానికి 2004 నవంబర్‌ 20న అప్పటి ప్రభుత్వం జీవో 133 జారీ చేసింది. ఆ జీవో ప్రకారం.. కాంట్రాక్టు విలువ కంటే 5 శాతానికి మించి అధిక మొత్తాన్ని కాంట్రాక్టర్లు కోట్‌ చేస్తే ఆ టెండర్‌ను రద్దు చేయాలి. మళ్లీ టెండర్‌ పిలవాలి. రెండుసార్లు టెండర్‌ పిలిచినా అదే పరిస్థితి పునరావృతమైతే ప్రభుత్వానికి నివేదించాలి. ప్రభుత్వం ఏర్పాటుచేసే కమిటీ ఆ టెండర్‌పై తగిన నిర్ణయం తీసుకుంటుంది.ఖజానాపైరూ. 114.68 కోట్ల భారంబీఎస్సార్‌ ఇన్‌ఫ్రా టెక్‌ సంస్థ బలుసు శ్రీనివాసరావుకు చెందినది. బెంగళూరులో రియల్‌ ఎస్టేట్‌ వ్యాపారం చేసే బలుసు శ్రీనివాసరావు సీఎం చంద్రబాబుకు అత్యంత సన్నిహితుడు. అందువల్లే నిబంధనలను తుంగలో తొక్కి 8.98 శాతం అధిక ధరకు కోట్‌ చేసిన ఆ సంస్థకు పనులు కట్టబెట్టారనే ఆరోపణలు బలంగా వ్యక్తమవుతున్నాయి. దీని­వల్ల ఖజానాపై అదనంగా రూ.89.19 కోట్ల భారం పడుతుంది. ఇక పీవీఆర్‌ కన్‌స్ట్రక్షన్స్‌–కె.రామచంద్రరావు ట్రాన్స్‌మిషన్‌ అండ్‌ ప్రాజెక్ట్స్‌(జేవీ)కి సంబంధించి కొల్లిపర రామచంద్రరావు కూడా సీఎం చంద్రబాబుకు సన్నిహితుడు. అందుకే ఆ సంస్థ 8.99 శాతం అధిక ధరకు కోట్‌ చేసినా టెండర్‌ ఆమోదించారనే ఆరోపణలు వినిపిస్తున్నాయి. దీనివల్ల ఖజానాపై అదనంగా రూ.25.49 కోట్ల భారం పడుతుంది. ఈ రెండు ప్యాకేజీల పను ల్లో నిబంధనలను తుంగలో తొక్కడం వల్ల ఖజానాపై అదనంగా రూ.114.68 కోట్ల భారం పడుతుంది. ఆ మేరకు తన సన్నిహితులకు సీఎం చంద్రబాబు ప్రయోజనం చేకూర్చారనే విమర్శలు వ్యక్తమవుతున్నాయి. ఈ వ్యవహారంలో భారీగా కమీషన్లు చేతులు మారుతాయనే చర్చ అధికార వర్గాల్లో జోరుగా సాగుతోంది.

భారత్‌లో టెలికాం సేవలందించే ఎయిర్‌టెల్‌, జియోతోపాటు ఇతర దేశాల్లోని మెటా, సౌదీ టెలికాం, చైనా మొబైల్‌ వంటి కంపెనీలు కొత్తగా మూడు ప్రాజెక్ట్‌లను ప్రారంభించాలని యోచిస్తున్నాయి. ఇందులో భాగంగా సముద్రంలో కేబుల్స్‌ ఏర్పాటు చేసిన డేటాను సరఫరా చేయనున్నాయి. ‘2ఆఫ్రికా పిరల్స్‌’ అనే ప్రాజెక్ట్‌ ద్వారా 180 టెరాబిట్స్‌ పర్‌ సెకండ్‌(టీబీపీఎస్‌) సామర్థ్యంతో డేటాను సరఫరా చేయాలని ఎయిర్‌టెల్‌, మెటా, సౌదీ టెలికాం ప్రణాళికలు సిద్ధం చేశాయి. ఆఫ్రికా, యూరప్‌, మిడిల్‌ ఈస్ట్‌, ఆసియా దేశాలను ఈ ప్రాజెక్ట్‌ ద్వారా అనుసంధానం చేస్తున్నారు. ఇందులో భాగంగా సముద్రంలో మొత్తం 45,000 కిలోమీటర్లు పొడవున కేబుల్స్‌ ఏర్పాటు చేస్తారు.ఇదీ చదవండి: సెప్టెంబర్‌ 1 నుంచి ఆ మెసేజ్‌లు, కాల్స్‌ నిలిపివేత!ఇండియా-ఆసియా ఎక్స్‌ప్రెస్‌ ప్రాజెక్ట్‌లో భాగంగా జియో, చైనా మొబైల్‌ సంస్థలు కలిసి 200 టీబీపీఎస్‌ కెపాసిటీతో 16,000 కి.మీ పొడవున సముద్రంలో కేబుల్‌ సిద్ధం చేయనున్నారు. ఈ ప్రాజెక్ట్‌ ద్వారా ముంబయి, సింగపూర్‌, మలేషియా, థాయ్‌లాండ్‌, శ్రీలంక దేశాల్లో సర్వీసులు అందిస్తారు. ఇండియా-యూరప్‌ ఎక్స్‌ప్రెస్‌ ప్రాజెక్ట్‌ ద్వారా జియో, చైనా మొబైల్‌ కంపెనీలు 200 టీబీపీఎస్‌ కెపాసిటీతో 9,775 కి.మీ పొడవున కేబుల్స్‌ ఏర్పాటు చేస్తాయి. దీంతో ముంబయి, గల్ఫ్‌, యూరప్‌ ప్రాంతాల్లో సేవలందించనున్నాయి. ఇదిలాఉండగా, ఇప్పటికే ఎయిర్‌టెల్‌ కంపెనీ ఈ విధానం ద్వారా ఆఫ్రికాలో సేవలందిస్తోంది.

పారిస్‌: పారిస్‌లో ఒలింపిక్స్‌ ప్రారంభం రోజున శుక్రవారం రైళ్ల రాకపోకలకు తీవ్ర అంతరాయం కలిగించిన గుర్తు తెలియని దుండగులు..ఈసారి టెలీకమ్యూనికేషన్‌ వ్యవస్థలను లక్ష్యంగా చేసుకున్నారు. దేశవ్యాప్తంగా ఉన్న నగరాల్లో ఒలింపిక్స్‌ ఈవెంట్లు జరుగుతుండగా పలు ప్రాంతాల్లో ఎలక్ట్రిక్‌ కేబినెట్లలోని కేబుల్‌ను, సెల్‌ఫోన్, ల్యాండ్‌ లైన్లను దుండగులు ధ్వంసం చేసినట్లు ఫ్రాన్సు ప్రభుత్వం తెలిపింది. నష్టం తీవ్రత, ఒలింపిక్‌ కార్యక్రమాలపై ఏమేరకు ప్రభావం పడిందనే విషయాలను ప్రభుత్వం వెల్లడించలేదు. ఆదివారం అర్ధరాత్రి నుంచి సోమవారం వరకు స్థానికంగా టెలీకమ్యూనికేషన్‌ సేవలకు అంతరాయం కలిగినట్లు మాత్రమే సంబంధిత మంత్రిత్వ శాఖ వివరించింది. పారిస్‌ ఒలింపిక్స్‌ నిర్వాహకులు ఈ పరిణామంపై ఎటువంటి ప్రకటనా చేయలేదు.

న్యూఢిల్లీ: వైర్లు, కేబుళ్లుసహా ఎఫ్‌ఎంఈజీ ప్రొడక్టుల తయారీ కంపెనీ ఆర్‌ఆర్‌ కేబుల్‌ పబ్లిక్‌ ఇష్యూ ప్రణాళికల్లో ఉంది. ఇందుకు అనుగుణంగా వచ్చే మే నెలలో క్యాపిటల్‌ మార్కెట్ల నియంత్రణ సంస్థ సెబీకి ప్రాథమిక దరఖాస్తును దాఖలు చేసే అవకాశముంది. ఆర్‌ఆర్‌ గ్లోబల్‌ గ్రూప్‌ కంపెనీ రానున్న మూడేళ్లపాటు ప్రతీయేటా టర్నోవర్‌ను రెట్టింపు చేయాలని లక్ష్యంగా పెట్టుకుంది. వెరసి 2026కల్లా రూ. 11,000 కోట్ల అమ్మకాలు అందుకోవాలని చూస్తున్నట్లు కంపెనీ ఎండీ, గ్రూప్‌ ప్రెసిడెంట్‌ శ్రీగోపాల్‌ కాబ్రా తెలియజేశారు. 2023–24 మూడో త్రైమాసికంలో ఐపీవో చేపట్టాలని యోచిస్తున్నట్లు వెల్లడించారు.  చదవండి అమెజాన్‌ బంపర్‌ ఆఫర్‌.. రూ.7వేలకే అదిరిపోయే ఫీచర్లతో స్మార్ట్‌టీవీ!

US-based launch firm was partially successful: అమెరికాలోని కాలిఫోర్నియాకు చెందిన రాకెట్‌ల్యాబ్‌ ప్రయోగ సంస్థ ఒక అత్యద్భుతమైన ప్రయోగాన్ని విజయవంతం చేసింది. అంతరిక్ష పరిశోధనలకు సంబంధించిన ప్రయోగాలలో ఒక గొప్ప మైలురాయిని సాధించింది. అంతరిక్షంలోకి బహుళ ఉపగ్రహాలతో రాకెట్‌ని పంపే ఖర్చుని తగ్గించుకునేలా వాటిని తిరిగి భూమ్మీదకు తీసుకువచ్చేందుకు చేసిన ఒక ప్రయోగం అద్భుతమైన విజయాన్ని సాధించింది. అపర కుభేరుడు, స్పేస్‌ఎక్స్‌ వ్యవస్థాపకుడు ఎలెన్‌ మస్క్‌ ఈ రాకెట్‌ ల్యాబ్‌ని నిర్వహిస్తున్నారు. న్యూజిల్యాండ్‌లో బుధవారం ఉదయం 10.50 గంటలకు అంతరిక్షంలోని కక్ష్యలోకి 34 ఉపగ్రహాలను పంపడానికి బయలుదేరిన బూస్టర్‌ రాకెట్‌ ఆకాశంలో ఒకనొక దశలో కొంత ఎత్తుకు చేరుకున్న తర్వాత భూమ్మీద పడిపోబోతోంది. అదే సమయంలో న్యూజిలాండ్‌ తీరంలో సౌత్‌ పసిఫిక్‌కి సమీపంలో ఉన్న ఒక హెలికాప్టర్‌ రాకెట్‌ని పట్టుకునేందుకు 22 మైళ్ల దూరంలో ఒక  పారాచూట్‌ని వదిలింది. హెలికాప్టర్‌ పారాచూట్‌, కేబుల్‌ వైర్ల సాయంతో ఆ రాకెట్‌ని పట్టుకుంది. ఆ తర్వాత ఆ రాకెట్‌ పసిఫిక్‌ మహా సముద్రంలోకి దూసుకెళ్లింది. ఈ మేరకు ఈ రాకెట్‌ ప్రయోగం పాక్షికంగా విజయవంతమైంది గానీ ఆ రాకెట్‌ని సముద్రంలో పడకుండా భూమ్మీదకు తేగలిగినట్లయితే పూర్తి స్థాయిలో విజయం సాధించనట్లు అని రాకెట్ ల్యాబ్ చీఫ్ ఎగ్జిక్యూటివ్ పీటర్ బెక్ చెప్పారు. ఆ రాకెట్‌ సురక్షితంగా సముద్రంలోకి వెళ్లిందని, దాన్ని ఓడ సాయంతో తిరిగి తీసుకువస్తామని తెలిపారు. ఐతే ఆ బూస్టర్‌ రాకెట్‌ తిరిగి వినయోగించనుందా లేదా అనేది స్పష్టం చేయలేదు. ఈ మేరకు ఈ ఘటనకు సంబంధించిన వీడియో ఆన్‌లైన్‌లో తెగ వైరల్‌ అవుతోంది. 🚁 This was the moment a helicopter caught a falling rocket booster before dropping it into the ocean https://t.co/sPxDJjhEtt pic.twitter.com/I00r9G014L — Reuters (@Reuters) May 3, 2022 This is what it looked like from the front seats. pic.twitter.com/AwZfuWjwQD — Peter Beck (@Peter_J_Beck) May 3, 2022 (చదవండి: నేనేం రోబోను కాదు.. నాకూ ఫీలింగ్స్‌ ఉన్నాయి: ఎలన్‌ మస్క్‌)

న్యూఢిల్లీ: కొన్నాళ్లుగా హోరాహోరీ పోరులో గణనీయంగా టారిఫ్‌లను తగ్గించాల్సి వచ్చి తీవ్రంగా దెబ్బతిన్న టెలికామ్‌ కంపెనీలు... క్రమంగా సాధారణ స్థితికి వస్తున్నాయి. ఈ ఆర్థిక సంవత్సరం ఆఖరునాటికి టెలికం మార్కెట్లో స్థిరత్వం, హేతుబద్ధత తిరిగి రాగలదన్న అంచనాలు ఏర్పడుతున్నాయి. పరస్పరం దెబ్బతీసుకునే చార్జీల విధానానికి స్వస్తి చెప్పి..లాభాలు, ఆదాయాలు పెంచుకోవడానికి టెల్కోలు కొత్త మార్గాలను అన్వేషిస్తుండటం ఇందుకు దోహదపడుతుందని టెలికం సంస్థల సమాఖ్య సీవోఏఐ అంచనా వేస్తోంది.  ‘ధరల విషయంలోనూ, ఇతర సంస్థల కస్టమర్లను తమవైపు తిప్పుకోవడంలోనూ కొన్నాళ్లుగా మార్కెట్‌ పరిస్థితి అసంబద్ధంగా మారింది. అయితే, క్రమంగా మార్కెట్లో స్థిరత్వం, హేతుబద్ధత తిరిగి వస్తాయని ఆశిస్తున్నాం‘ అని సెల్యులార్‌ ఆపరేటర్స్‌ అసోసియేషన్‌ ఆఫ్‌ ఇండియా(సీవోఏఐ) డైరెక్టర్‌ జనరల్‌ రాజన్‌ ఎస్‌ మాథ్యూస్‌ చెప్పారు.  ‘పరిశ్రమపరంగా చూస్తే పోటాపోటీగా టారిఫ్‌లు తగ్గించడం మొదలుకుని అత్యంత దారుణ పరిస్థితులన్నీ ఈ మధ్య కాలంలో చూడటం జరిగింది. నిధుల సమీకరణలో సవాళ్ల వల్ల మార్కెట్‌ క్రమంగా స్థిరపడుతున్నట్లుగా కనిపిస్తోంది. గతం ఎంత దుర్భరంగా ఉండేదనేది పక్కన పెట్టి భవిష్యత్‌పై సానుకూల దృక్పథంతో పరిశ్రమ ముందుకెడుతోంది‘ అని మాథ్యూస్‌ చెప్పారు.   కొత్త మార్గాలవైపు దృష్టి..  ఆదాయ మార్గాలను పెంచుకునేందుకు ఆదాయాలు, లాభాల తగ్గుదలకు అడ్డుకట్ట వేసేందుకు టెలికం సంస్థలు మరిన్ని కొత్త మార్గాల వైపు దృష్టి పెడుతున్నాయని మాథ్యూస్‌ చెప్పారు. కంటెంట్, ఈ–కామర్స్, ఆర్థిక సేవలు మొదలైనవన్నీ కూడా అందించే అవకాశాలు ఉన్నాయని పేర్కొన్నారు. ‘గడిచిన 5–6 త్రైమాసికాలుగా ఆదాయాలు, లాభదాయకత తగ్గడాన్ని చూశాం. దీనికి అడ్డుకట్ట పడొచ్చు. వ్యక్తిగతంగానైతే... ఈ ఆర్థిక సంవత్సరం నాలుగో త్రైమాసికానికల్లా ఆదాయాల క్షీణతకు అడ్డుకట్ట పడుతుందని భావిస్తున్నాను‘ అని ఆయన చెప్పారు.  ఆశావహంగా టెల్కోల ఫలితాలు  అసాధారణ ఆదాయం ఊతంతో గత ఆర్థిక సంవత్సరం మార్చి త్రైమాసికంలో అనూహ్యంగా లాభంలో 29 శాతం వృద్ధితో టెలికం దిగ్గజం భారతి ఎయిర్‌టెల్‌ అందర్నీ ఆశ్చర్యపర్చింది. రిలయన్స్‌ జియో రాకతో తీవ్రంగా దెబ్బతిన్న ఎయిర్‌టెల్‌.. జనవరి– మార్చి త్రైమాసికంలో రూ. 107.2 కోట్ల నికర లాభం ఆర్జించింది. పలు త్రైమాసికాల తర్వాత లాభంలో వృద్ధి నమోదు కావడం ఇదే తొలిసారి. ఇక కంపెనీ ఆదాయం కూడా 6.2 శాతం ఎగిసి రూ.20,602.2 కోట్లకు పెరిగింది. మరోవైపు, రిలయన్స్‌ జియో నికర లాభం 64.7 శాతం పెరిగి రూ.840 కోట్లకు చేరింది. అంతక్రితం ఆర్థిక సంవత్సరం ఇదే వ్యవధిలో జియో లాభం రూ. 510 కోట్లు. 2018–19 నాలుగో త్రైమాసికంలో జియో నిర్వహణ ఆదాయం 55.8 శాతం పెరిగి రూ. 11,106 కోట్లకు చేరింది. అంతక్రితం సంవత్సరం ఇదే వ్యవధిలో నిర్వహణ ఆదాయం రూ. 7,128 కోట్లు. మరో టెలికం దిగ్గజం వొడాఫోన్‌ ఐడియా మే 13న ఆర్థిక ఫలితాలు వెల్లడించనుంది. ఎయిర్‌టెల్‌ సిగ్నల్‌: ఫిచ్‌  న్యూఢిల్లీ: భారతీ ఎయిర్‌టెల్‌ మార్చి క్వార్టర్‌ నికర లాభం 29 శాతం వృద్ధి చెందడం ఆధారంగా చూస్తే.. ఈఏడాదిలో దేశీ మొబైల్‌ రంగ ఆదాయం 5–10 శాతం మేర పెరిగేందుకు అవకాశం ఉందని ఫిచ్‌ రేటింగ్స్‌ అంచనావేసింది. ఈ రంగంలోని టాప్‌–3 కంపెనీలు లాభదాయకత వైపు దృష్టిసారించేందుకు ఆస్కారం ఉండగా.. వీటి మార్కెట్‌ వాటా ప్రతి కంపెనీకి 30–33 శాతం మధ్య ఉండనుందని అంచనాకట్టింది. ఈ సంస్థల మధ్య కొనసాగుతున్న పోటీతత్వం ఇక నుంచి నెమ్మదిగా తగ్గిపోయి.. డేటా టారిఫ్‌ పెరిగేందుకు ఆస్కారం ఉంది. ఒక్కో ఖాతాదారుడి నుంచి వచ్చే సగటు ఆదాయం (ఏఆర్‌పీయూ) నెలకు 10–20 శాతం వృద్ధి చెంది 1.6–1.7 డాలర్లకు చేరుతుందని అంచనావేసింది.   

సాక్షి, హైదరాబాద్‌: విద్యుత్‌ స్తంభాలకు ఉండే ఇంటర్‌ నెట్‌ కేబుల్స్‌ను జీహెచ్‌ఎంసీ అధికారులు తొలగించడంతో పలు ఐటీ కంపెనీలలో నెట్‌సేవలు నిలిచిపోయాయి. గచ్చిబౌలి డీఎల్‌ఎఫ్‌ ఐటీ కారిడార్‌కు అనుకొని ఉన్న జయభేరి ఎన్‌క్లేవ్‌లోని ఖాళీ స్థలంలో  పెట్‌ పార్కును నిర్మిస్తున్నారు. పెట్‌ పార్కు ముందు కరెంట్‌ స్తంభాలకు ఇంటర్‌ నెట్‌ వైర్లు ఉన్నాయి. మంగళవారం మధ్యాహ్నం శేరిలింగంపల్లి వెస్ట్‌ జోనల్‌ కమిషనర్‌ హరిచందన, శేరిలింగంపల్లి సర్కిల్‌ –20 ఉప కమిషనర్‌ వి.మమత పెట్‌ పార్కును సందర్శించారు. అదే సమయంలో వెస్ట్‌ జోనల్‌ ఎలక్ట్రికల్‌ విభాగం సిబ్బంది క్రేన్‌ సహాయంతో  స్తంభాలకు ఉన్న ఇంటర్‌ నెట్‌ కెబుల్‌ వైర్లను  తొలగించారు.ఎలాంటి నోటీస్‌ ఇవ్వకుండా ఇంటర్‌ నెట్‌ కేబుల్స్‌ తొలగించారని ఐటీ కంపెనీ ప్రతినిధులు వాపోయారు. ఈ విషయంపై మంత్రి కేటీఆర్‌కు ట్విట్టర్‌లో ఫిర్యాదు చేశారు. స్తంభాలను మార్చుతున్నాం...   కొద్ది రోజుల్లోనే పెట్‌ పార్కు ప్రారంభం కానుందని, ఈ క్రమంలో పార్కును అనుకొని ఉన్న విద్యుత్‌ స్తంభాలను తొలగించాల్సి ఉందన్నారు. దీనిలో భాగంగా స్తంభాలకు ఉన్న కెబుళ్లను ముందుగా తొలగించామని తెలిపారు. స్తంభాలకు కెబుల్‌ పెట్టిన వారు ఎలాంటి అనుమతి పొందలేదన్నారు. అనుమతి తీసుకుంటే మళ్లీ కెబుళ్లను  పునరుద్ధరించేందుకు అవకాశమిస్తామని అన్నారు. – జోనల్‌ కమిషనర్‌ హరిచందన

సాక్షి, సిటీబ్యూరో: గ్రేటర్‌లో విద్యుత్‌ వినియోగం రికార్డుస్థాయిలో నమోదైంది. ఉష్ణోగ్రతలకు ఉక్కపోత తోడవడంతో ఏసీలు, కూలర్లు, ఫ్యాన్లు, రిఫ్రిజిరేటర్ల వినియోగం అనూహ్యంగా పెరిగింది. గత రెండురోజుల నుంచి విద్యుత్‌ వినియోగం రెట్టింపైంది. గతేడాది ఇదే సీజనల్‌లో 60 మిలియన్‌ యూనిట్లు విద్యుత్‌ వినియోగం నమోదు కాగా, ఈ ఏడాది మార్చి 28న 61 మిలియన్‌ యూనిట్లు నమోదైంది. తాజాగా బుధవారం 62.5 మిలియన్‌ యూనిట్లు నమోదైంది. డిస్కం చరిత్రలో విద్యుత్‌ వినియోగం ఈ స్థాయిలో నమోదు కావడం ఇదే తొలిసారి. రోజురోజుకు పెరుగుతున్న ఈ విద్యుత్‌ డిమాండ్‌ వల్ల ఒత్తిడిని తట్టుకోలేక అండర్‌ గ్రౌండ్‌ కేబుళ్లు కాలిపోతుండగా, సబ్‌స్టేషన్లలోని ఫీడర్లు తరచూ ట్రిప్పవుతున్నాయి. ముఖ్యంగా పీక్‌ అవర్‌లో ఈ సమస్య ఎక్కువగా ఉత్పన్నం అవుతోంది. సాధారణంగా వాతావరణంలో తేమ 50 శాతం ఉండాల్సి ఉంది. కానీ గురువారం 36 శాతమే నమోదైంది. గతవారంతో పోలిస్తే నగరంలో ఉష్ణోగ్రతలు తగ్గినప్పటికీ.. వాతవరణంలో తేమశాతం తక్కువగా నమోదు అవుతుండటం వల్ల ఉక్కపోత ఉంటుంది. ఈ ఉక్కపోతను తట్టుకోలేక వినియోగదారులు రోజంతా ఏసీలోనే గడుపుతుండటమే వినియోగం పెరగడానికి కారణమని డిస్కం ప్రకటిస్తుంది.   ట్రిప్పవుతున్న ఫీడర్లు.. నిలిచిపోతునన్న సరఫరా  చంపాపేట్‌ సర్కిల్‌ నందనవనం సబ్‌స్టేషన్‌ పరిధిలోని శ్రీరమణ కాలనీ ఫీడర్‌ ఓవర్‌లోడ్‌ వల్ల గత నాలుగైదు రోజుల నుంచి రోజుకు నాలుగైదుసార్లు ట్రిప్పవుతుంది. ఫలితంగా తరచూ విద్యుత్‌ సరఫరాకు అంతరాయం ఏర్పడుతోంది. రంగారెడ్డి నార్త్‌ సర్కిల్‌ పరిధిలోని కూకట్‌పల్లి సబ్‌డివిజన్‌ సబ్‌స్టేషన్‌ జివికాస్‌ సబ్‌స్టేషన్‌ కోకకోలా ఫీడర్‌ పరిధిలో యూజీ కేబుల్‌ దగ్ధమైంది. దీంతో ఆ ఫీడర్‌ పరిధిలోని కాలనీల్లో రెండు గంటల పాటు కరెంట్‌ సరఫరా నిలిచిపోయింది. కందికల్‌గేట్‌ సబ్‌స్టేషన్‌ ఆషామాబాద్‌ ఫీడర్‌ పరిధిలో ఆర్‌ఎంయూలో సాంకేతికలోపం తలెత్తడం వల్ల సుమారు గంటన్నర పాటు సరఫరా నిలిచిపోయింది. ఆస్మాన్‌ఘడ్‌ డివిజన్‌లోని చంచల్‌గూడ సబ్‌స్టేషన్‌ ఆనందర్‌నగర్‌ ఫీడర్‌ ఏబీస్విచ్‌ సహా జంపర్‌ కట్‌ అయింది. ఫలితంగా ఆయా కాలనీల్లో గంటకు పైగా కరెంట్‌ సరఫరా నిలిచిపోయింది. చార్మినార్‌ డివిజన్‌ కిలావత్‌సబ్‌స్టేషన్‌ పరిధిలోని టెలిఫోన్‌ ఎక్సే్చంజ్‌ సమీపంలో కేబుల్‌ ఫాల్ట్‌ వల్ల రెండు గంటల పాటు విద్యుత్‌ సరఫరాకు అంతరాయం ఏర్పడింది. రోజురోజుకు పెరుగుతున్న ఉష్ణోగ్రతలు, ఉక్కపోతకు తోడు విద్యుత్‌ డిమాండ్‌ అనూహ్యంగా పెరగడంతో ఒత్తిడి తట్టుకోలేక ఫీడర్లు తరచూ ట్రిప్పవుతున్నాయి. ఫలితంగా ఆయా ఫీడర్ల పరిధిలోని కాలనీలు అర్థరాత్రి అంధకారంలో మగ్గాల్సి వస్తుంది. అసలే ఉక్కపోత..ఆపై ఇంట్లో ఫ్యాన్లు కూడా తిరుగక పోవడంతో దోమలు కంటిమీద కునుకు లేకుండా చేస్తున్నాయి.  గ్రేటర్‌లో విద్యుత్‌ వినియోగదారుల సంఖ్య ఇలా 2006    24.12 లక్షలు  2010    29.75 లక్షలు  2013    34 లక్షలు  2015     38 లక్షలు  2016    40 లక్షలు  2018    51 లక్షలు  విద్యుత్‌ డిమాండ్‌ ఇలా....  2006లో    1538 మెగావాట్లు   2010లో     1881   2013లో    2000   21015    2300   2017    2600   2018    2900    

లండన్‌ : కమ్యూనిస్ట్‌ దేశమైన రష్యాను తలుచుకుని బ్రిటన్‌ భయపడుతోంది. ప్రధానంగా సముద్ర జలాల్లో ఉన్న కేబుల్స్‌కు రష్యా ఎక్కడ సమస్యలు తీసుకువస్తుందన్న భయంలో బ్రిటన్‌ ఆర్మీ ఉంది. సముద్ర జలాల్లోరి కేబుల్స్‌ రష్యా తెంచేస్తే.. బ్రిటన్‌ అత్యంత తీవ్రమైన ప్రమాదంలో పడుతుందని బ్రిటన్‌ ఎయిర్‌ చీఫ్‌ మార్షల్‌ సర్‌ స్టువర్ట్‌ పీచ్‌ ఆందోళన వ్యక్తం చేశారు. అది దేశ ఆర్థిక వ్యవస్థపై తీవ్ర ప్రభావం చూపుతుందని ఆయన చెప్పారు. రష్యా ప్రపంచంపై సమాచార యుద్ధానికి దిగే అవకాశం ఉందని.. దాని ప్రభావం ప్రపంచ దేశాల ఆర్థిక వ్యవస్థలను ప్రభావితం చేస్తాయని ఆయన చెప్పారు. రష్యా నేవీ పూర్తిస్థాయిలో ఆధునీకరించడం ప్రమాద సంకేతాలను పంపుతోందని ఆయన అన్నారు. ప్రధానంగా న్యూక్లియర్‌, సంప్రదాయ యుద్ధనౌకలు, సబ్‌మెరైన్స్‌ అట్లాంటిక్‌ సముద్రంలో ప్రయాణిస్తున్నాయని చెప్పారు. భవిష్యత్‌లో సమాచార వ్యవస్థలను పూర్తిగా ధ్వంసం చేయడం కూడా యుద్ధంలో భాగమవుతుందని ఆయన చెప్పారు.


 ♦ అడుగడుగునా ఆపదే
 ♦ ఈ ఏడాది 245 మంది మృత్యువాత
 ♦ దాదాపు 4.5 లక్షల కిలోమీటర్ల
 ♦ మేర వేలాడుతున్న విద్యుత్తు తీగలు
 ♦ వేలాడే వైర్లు, ఎర్తింగ్‌లోపాలు,
 ♦ రక్షణలేని ట్రాన్స్‌పార్మర్లే అధికం
 సాక్షి ప్రతినిధి, సంగారెడ్డి: నిశీధి వేళ వెలుగులు చిమ్మాల్సిన కరెంటు.. డొంక ‘దారి కాచి’ కాలనాగై కాటేస్తోంది. పచ్చని సంసారాల్లో కార్చిచ్చును రేపుతోంది. ఏళ్ల కేళ్లుగా  ఆలనా పాలనా లేక గాలికి వదిలేసిన విద్యుత్తు తీగలు ఇళ్ల మీద, ఊరు బయట, పంట పొలాల్లో సిబ్బి తీగల్లా అల్లుకుపోయి కాళ్లకు చుట్టకుంటున్నాయి.  జిల్లాలో ఏడాదికి సగటున 245 మంది విద్యుత్తు కాటుకు బలైపోతున్నారు. ఎప్పుడో  స్వాతంత్య్రం వచ్చిన కొత్తలోనో.. అనంతర కాలంలోనో బిగించిన విద్యుత్తు లైన్లను మళ్లీ ఇప్పటి వరకు పునరుద్ధరించకపోవటంతో  నిత్యం ఏదో ఒక చోట అమాయకులను బలి తీసుకుంటూనే ఉన్నాయి.
 దేగుల్ వాడీ తండాలో అర్ధరాత్రి వేళ సంభవించిన విద్యుదాఘాతం సంఘటనతో మెతుకుసీమ ఒక్కసారిగా ఉలిక్కిపడింది. ఈ ఘటన అధికారులకు కనువిప్పు కావాలి. ఇలాంటివి మళ్లీ పునరావృతం కాకుండా దిద్దిబాటు చర్యలు చేపట్టాలి. కరెంటు చావులు కొత్త కాదు. జిల్లాలో నిత్యం జరిగే తంతే. కానీ ఎవరికీ పట్టదు. ఎందుకంటే చనిపోతున్నది  బక్క రైతులు..బడుగు జీవులు.. గిరిజనులు. వీరి చావులంటే విద్యుత్తు శాఖకు లెక్కేలేదు. స్థానికంగా దొరికే ఏఈనో.. జేఈనో తీగలు వేలాడుతున్నాయి అని అడిగితే ‘ మేమేం చేయాలి.. ముందు నీ  కరెంటు బకాయిలు కట్టు’ అనే బెదిరింపులు.
   విద్యుత్తు స్తంభం వంగిపోయానా.. కరెంటు తీగలు కిందకు వేలాడుతున్న... ట్రాన్స్ ఫార్మర్ ఫ్యూజ్ పోయినా... ఒక్క లైన్‌మెన్ గాని, హెల్పర్ గాని వచ్చి సహాయం చేయరు. ప్రాణాలను కరెంటు తీగలకు వదిలేసి రైతులే వాటిని రిపేర్ చేసుకోవాలి. కంగ్టి మండలం దెవ్‌లా తండాలో ఆదివారం రాత్రి చోటుచేసుకున్న ప్రమదం విద్యుత్‌శాఖ అధికారుల లోపాలను ఎత్తిచూపుతోంది. రోడ్డుకు అడ్డంగా విద్యుత్ తీగలు  వేలాడటం,  తండావాసులు పలుమార్లు విద్యుత్ అధికారులకు తెలిపినా దీనిగూర్చి పట్టించుకోక పోవటంతోనే ప్రమాదం జరిగిందని బాధిత గిరిజనులు  చెప్పడం గమనార్హం.
 ఓ లారీసైతం వైర్లకిందనుంచి వెళ్ళలేని స్థితిలో వైర్లు వేలాడుతున్నా.. విద్యుత్తు అధికారులు అటు వైపు కన్నెత్తి కూడా చూడలేదంటే  పరిస్థితిని అంచనా వేయవచ్చు. వీళ్ల నిర్లక్ష్యానికి  2015-16లో  245 కుటుంబాలు పెద్ద దిక్కును కోల్పోయి బజారున పడ్డాయి. టీఎస్ ట్రాన్స్‌కో నివేదికల ప్రకారమైతే ఈ లెక్క 112 మాత్రమే. మరణాలు చూపించడంలోనూ మోసమే. ఒక విద్యుత్తు మరణాన్ని ధ్రువీకరించడానికి సవాలక్ష కొర్రీలు.  ఇష్టపరిహారం  ఇవ్వడానికి రోజుల కొద్ది జాప్యం చేయడం. ఈ ఏడాది ఇప్పటి వరకు కేవలం 33 మందికి మాత్రమే పరిహారం చెల్లించారు. 
   జిల్లాలో 3.07 లక్షల కిలోమీటర్లలో ఎల్‌టీ లైన్, 1.32 లక్షల కిలో మీటర్లలో 11 కేవీ లైన్స్, 19 వేల కిలో మీటర్ల 32 కేవీ లైన్, 158.9 కిలో మీటర్ల హైటెన్షన్ వైర్లు ఉన్నాయి.  ఈ లెక్కన కరెంటు తీగలు సిబ్బి తీగల మాదిరిగా జిల్లాను చుట్టేశాయి. ఇందులో కేవలం 158.9 కిలో మీటర్ల మేరకు ఉన్న హైటెన్షన్ వైర్లు మాత్రమే కాస్తో కూస్తో పతిష్టంగా ఉన్నాయి. మిగిలిన లైన్లు అన్ని కూడా దాదాపు 35 నుంచి 40 ఏళ్ల కిందట వేసిన లైన్లే. తెలంగాణ రాష్ట్రం ఏర్పడిన తరువాత ట్రాన్స్‌కో అధికారులు చేసిన సర్వే ప్రకారం  ఎల్‌టీ, 11కేవీ, 32 కేవీ లైన్ల కాలం తీరిపోయి  బాగా సాగినట్టు గుర్తించారు. సాధారణంగా గ్రామాల్లో  వేసే  విద్యుత్తు లైన్లు 8 మీటర్ల ఎత్తులో, పట్టణ ప్రాంతాల్లో 9 నుంచి 11 మీటర్ల ఎత్తులో లైన్లు  ఉండాలి. కానీ  ఈ విద్యుత్తు తీగలు నిర్ధిష్ట ఎత్తు నుంచి  దాదాపు  మూడు నుంచి 6 మీటర్ల వరకు సాగి కిందికి వచ్చినట్లు అధికారులు గుర్తించారు. వ్యవసాయ క్షేత్రాల్లో భూమికి కేవలం రెండు గజాల దూరంలో వేలాడుతున్న తీగలను కూడా ట్రాన్స్‌కో అధికారులే గుర్తించారు. కాని వాటిని ఇప్పటి వరకు సరి చేయకపోవటం గమనార్హం.
  కరెంటు చావుల అడ్డా...
 నారాయణఖేడ్ నియోజకవర్గంలో విద్యుత్తు మరణాలు ఎక్కువ. జిల్లాలో ఎక్కడా లేని విధంగా నారాయణఖేడ్ నియోజకవర్గం విద్యుత్‌షాక్‌లకు, విద్యుత్ ప్రమాదాలకు నిలయంగా మారింది. గడిచిన నాలుగేళ్లలో ఇక్కడ దాదాపు 70 మంది మరణించారు.  
  నర్సాపూర్‌లోనూ అదే తంతు
 శివ్వంపేట మండలంలోని అల్లీపూర్‌కు చెందిన సాయిలు సుమారు ఆరు నెలల క్రితం తన ఇంటి  బాల్కనీ వద్ద బట్టలు ఆరెస్తుండగా ఇంటిని ఆనుకుని ఉన్న కరెంటు వైర్లు తగిలి షాక్ కొట్టి అతను అక్కడికక్కడే మృతి చెందాడు.  ఆరు నెలలు గడుస్తున్నా ప్రాణం తీసిన వైర్లను అధికారులు ఇంత వరకు సరిచేయకపోవడం గమనార్హం.
  జహీరాబాద్‌లో అదే అలజడి
 ♦ ఏడాది క్రితం సదాశివపేటకు చెందిన అభిలాష్ (25) ఝరాసంగంలోని బంధువు ఇంటికి వచ్చి విద్యుత్ తీగలకు బలయ్యాడు.
 ♦ మహీంద్రా కాలనీలో విద్యుత్ తీగలు తగిలి ఒక వ్యక్తి మరణించగా, ఒక బాలుడు గాయపడ్డాడు.
 ♦ కోహీర్ పట్టణ సమీపంలో గత సంవత్సరం ట్రాన్స్‌ఫార్మర్ వద్ద విద్యుత్ షాక్‌కు గురై వ్యక్తి మరణించాడు.
 ♦ ఇక మూగజీవాలకు లెక్కేలేదు. మనియార్‌పల్లి మాణిక్యనాయక్ తండాలో ఇళ్ల మధ్యన ఉన్న ప్రమాదకర ట్రాన్స్‌ఫార్మకు తగులుకొని ఏడు, బిలాల్‌పూర్ గ్రామ శివారులో మూడు, కోహీర్ పట్టణ పరిధిలో మూడు, కవేలి సమీపంలో రెండు, రాజనెల్లి సమీపంలో విద్యుత్ తీగెలకు తగులుకొని ఒక పశువు మరణించింది.
 ♦ న్యాల్‌కల్ మండలంలోని గుంజోటి, మల్గి, చాల్కి, తాటిపల్లి, శంశల్లాపూర్, హూసెళ్లి, గణేష్‌పూర్ గ్రామాల్లో విద్యుత్ తీగలు కిందకు వేలాడుతూ ప్రమాదకర స్థితిలో ఉన్నాయి. వాటిని పైకి లేపి సరి చేసే విషయంలో ఎవరూ పట్టించుకోవడం లేదు.
  ‘ఆందోళ’నలోనే ..
 అందోలు నియోజకవర్గం పరిధిలోని అందోలు, రాయికోడ్, అల్లాదుర్గం, టేక్మాల్, మునిపల్లి, పుల్కల్ మండలాల్లో విద్యుత్ తీగలు తెగిపడి పోవడం వల్ల కొన్ని చోట్ల మనుషుల ప్రాణానికి నష్టం కలుగగా, మరికొన్ని చోట్ల మూగ జీవాలు మృత్యువాతకు గురయ్యాయి. అందోలు మండలంలోని సాయిబాన్‌పేట, రాయికోడ్ మండలంలో ఒక ఆపరేటర్, పుల్కల్ మండలం ఇసోజిపేట గ్రామాల్లో తెగిపడిన విద్యుత్ తీగలకు బలయ్యారు. అందోలు, పుల్కల్, రాయికోడ్, మునిపల్లి ప్రాంతాల్లో సుమారు 50 పశువులు కరెంటు షాక్‌తో అక్కడికక్కడే మరణించాయి.


 విజయగనరం: హుద్‌హుద్ తుఫాన్‌తో సంభవించిన నష్టాలు వంటివి పునరావృతం కాకుండా విశాఖ నగరంలో రూ.720 కోట్ల నిధులతో భూగర్భ విద్యుత్ కేబుల్ వ్యవస్థను ఏర్పాటు చేయనున్నట్లు ఏపీఈపీడీసీఎల్ సీఎండీ ముత్యాలరాజు వెల్లడించారు. శనివారం విజయనగరం వచ్చిన ఆయన సంస్థ పరిధిలో నూతనంగా చేపడుతున్న పలు అభివృద్ధి పనులను తెలిపారు.
 నాలుగు ప్యాకేజీల కింద చేపట్టే ఈ పనులకు సంబంధించి కేంద్ర ప్రభుత్వ అమోదం లభించినట్లు పేర్కొన్నారు. మార్చిలో తొలి దశ పనులు ప్రారంభించి, 2018 నాటికి పూర్తి చేస్తామని చెప్పారు. అందరికీ విద్యుత్ పథకంలో భాగంగా రెండు డిస్కంల పరిధిలో మొత్తంగా 5 లక్షల విద్యుత్ సర్వీసులు మంజూరు చేస్తున్నట్లు వెల్లడించారు.