ఆర్థిక విషయాలను పకడ్బందీగా నిర్వహించడం ఎంత అవసరమో ఆరోగ్య భరోసానిచ్చే దైనందిన కృత్యాలు నిర్వహించడమూ అంతే అవసరం. ఆర్‌ఎన్‌ఎ- డీఎన్‌ఏ మొదలు గుండె–మెదడు వరకూ ప్రతీ అణువు, కణము శరీరంలో కీలకమే. ఒక్క అణువు విచ్ఛిన్నమైనా అనారోగ్యమే. సుమారుగా 37.2 ట్రిలియన్ కణాల సమూహంతో నిర్మితమైన మానవ దేహం నిద్ర లేచింది మొదలు మళ్లీ నిద్రకు ఉపక్రమించే వరకూ.. అంతవరకూ ఎందుకు నిద్రలో సైతం నిత్య జీవ క్రియలను కొనసాగిస్తుంది. మరి అంతటి అమూల్యమైన శరీరం తన విధులను తాను సక్రమంగా నిర్వర్తించాలంటే అందుకు తగినట్లుగా మన పని విధానం ఉండాలి? అలా ఉండాలంటే మనం ఏం చేయాలి..ఏమిటా పనులు? ఎలా చేయాలి? ఇలాంటి అంశాలపై హైదరాబాదీల కోసం ప్రత్యేక కథనం...– ఆరోగ్య భరోసానిచ్చే నిత్యకృత్యాలపై దృష్టి సారించండి– అందుకు తగ్గట్లుగా మీ పని విధానం, అలవాట్లు మార్చుకోండి– శారీరక, మానసిక, ఆరోగ్య సంరక్షణపై బీ కేర్‌ ఫుల్‌– పలు అధ్యయనాల పరిశోధనల్లో ఆసక్తికర అంశాలు వెల్లడిఆహారం ఇలా... పెద్దలకు రోజుకు 1,600–3,000 కేలరీల ఆహారం అవసరం. 19–30 ఏళ్ల మధ్య వయసున్న స్త్రీలకు 1,800–2,400 కేలరీలు, పురుషులకు 2,400–3,000 కేలరీలు, 31–59 ఏళ్ల వయసున్న స్త్రీలకు 1,600–2,200 కేలరీలు, పురుషులకు 2,200–3,000 కేలరీలు అవసరం. అయితే, ఒక వ్యక్తి రోజుకు ఎన్ని కేలరీలు తినాలి అనేది ఆ వ్యక్తి జెండర్, వయస్సు, ఎత్తు, జీవనశైలిని బట్టి మారుతుంది. ఆహారంలో..క్యాల్షియం రోజుకు 1గ్రా, ఫైబర్‌ రోజుకు 40 గ్రా,–మెగ్నీషియం రోజుకు 410 మిగ్రా, విటమిన్‌ ఇ రోజుకు 15 మిగ్రా. విటమిన్‌ సి రోజుకు 75–90 మిగ్రా, విటమిన్‌ ఎ రోజుకు 600–900 గ్రా, విటమిన్‌ డి రోజుకు 600 ఐయూ, పొటాషియం రోజుకు 4.7 గ్రా,ప్రొటీన్‌ రోజుకు 46–56 గ్రా. ఐరన్‌ రోజుకు 15– 18 గ్రాల వరకూ కావాలి. జాతీయ పరిశోధనా సంస్థ ఐసీఎమ్‌ఆర్‌న్‌ (నేషనల్‌ ఇన్‌స్టిట్యూట్‌ ఆఫ్‌ న్యూట్రీషన్‌) సూచనల ప్రకారం..ప్రతి రోజూ తీసుకునే ఆహరంలో ధాన్యాలు–చిరు ధాన్యాలు 250 గ్రా, పప్పులు 85 గ్రా, పాలు–పెరుగు 300గ్రా, కూరగాయలు–ఆకుకూరలు 400 గ్రా, పండ్లు 100 గ్రా, నూనెగింజలు 35 గ్రా, కొవ్వులు–నూనెలు 27 గ్రా ఉండాలి. మెదడుకు మేత కావాలి... విజా్ఞనమే కాకుండా మానసిక స్పందనలపై పుస్తక పఠనం అత్యంత ప్రభావం చూపించేది. రోజుకు 30 నిమిషాల పుస్తక పఠనం లేదా పజిల్స్‌ సాల్వేషన్‌ మెదడును యాక్టివ్‌గా ఉంచుతుంది. హైసూ్కల్, కాలేజ్‌ విద్యార్థులకు రోజుకు 2–3 గంటల చదువు సరిపోతుందని అధ్యయనాలు వెల్లడిస్తున్నాయి. విరామం లేకుండా ఏకధాటిగా చదవడం ఒత్తిడిని పెంచుతుంది. ఉద్యోగాలకు సన్నద్ధమయ్యే వారి విషయంలో పఠన సమయం వేరుగా ఉంటుంది.ప్రాణవాయువు ప్రాముఖ్యత... మనిషి రోజుకు 550 లీటర్ల స్వచ్ఛమైన ఆక్సిజన్‌ తీసుకోవాలి. పీల్చే గాలిలో 15 శాతం ఆక్సిజన్‌ ఉంటుంది. కాలుష్యరహిత పరిసరాల్లో రోజూ కొంత సమయం గడపడం ద్వారా తగినంత ఆక్సిజన్‌ పొందవచ్చు. నవ్వు...కరిగే కొవ్వు... ఓ అధ్యయనం ప్రకారం రోజుకు 10 నుంచి 15 నిమిషాలు నవ్వడం వల్ల దాదాపు 40 కేలరీలు బర్న్‌ అవుతాయి. నవ్వు తర్వాత 45 నిమిషాల వరకూ కండరాలు రిలాక్స్‌గా ఉంటాయి. రోగనిరోధక శక్తిని పెంచడం, ఒత్తిడి హార్మోన్లను తగ్గించడం, సహజమైన ఎండార్ఫిన్ విడుదల చేయడం, గుండెపోటు నివారణ తదితర విషయాల్లో మేలు చేస్తుంది. నవ్వడం వల్ల జీవిత కాలం పెరుగుతుందని నార్వే అధ్యయనం వెల్లడించింది. కప్పు కాఫీ... శరీరానికి కెఫిన్‌లు ప్రమాదకరమే అయినా రోజుకు 400 మిల్లీగ్రాముల వరకూ సురక్షితమని పలు అధ్యయనాలు వెల్లడించాయి. ఇది దాదాపు నాలుగు కప్పుల బ్రూ కాఫీ, 10 క్యాన్ల కోలా, రెండు ఎనర్జీ షాట్‌ డ్రింక్స్‌లతో లభిస్తుంది. ఈ కెఫిన్‌ మొదడు, నరాల పనితీరును మెరుగు పరుస్తుంది. అయితే ఎనర్జీ డ్రింక్స్‌లో కెఫిన్‌ కంటెంట్‌లో చాలా తేడా ఉంటుందని గుర్తుంచుకోవాలి. ఇది రొ‘టీ’న్‌... రోజుకు సగటున 3 నుంచి 5 కప్పుల చాయ్‌ ఆరోగ్యకరమే. సాధారణ టీలో ఉండే సమ్మేళనాలకు శరీరం ప్రతిస్పందించే విధానంపై ఆధారపడి ఉంటుంది. అలాగే క్రమం తప్పకుండా గ్రీన్‌ టీ తాగడం వల్ల బరువు తగ్గడం, మధుమేహం, గుండె జబ్బులు, క్యాన్సర్‌ వంటి ప్రమాదాలను తగ్గించుకోవచ్చు. తాగు...ఆగు... రోజుకు 15–30 మి.లీ మించి ఆల్కహాల్‌ ప్రమాదకరం. బీర్, వైన్, జిన్, విస్కీ వంటి ఆల్కహాల్స్‌లో ఏదో ఒకటి మాత్రమే సేవించాలని నిపుణులు సూచిస్తున్నారు. వీటిలో ఆల్కహాల్‌ పరిమాణాల్లో తేడాలుంటాయి. మహిళలకు రోజుకు ఒక పానీయం, పురుషులకు రోజుకు రెండు పానీయాల పరిమితి మించకూడదు. వేడి...రెడీ... శాస్త్రవేత్తల అంచనాల ప్రకారం మానవ శరీరం 36 నుంచి 37.5 సె.. వరకూ వేడిని తట్టుకుంటుంది. ఇది 40సె మించితే ప్రమాదకరం. అతి వేడి డీహైడ్రేషన్‌తో పాటు ప్రాణాపాయ స్థితికి చేరుకునే అవకాశముంది. అలాగే 21 సె.డిగ్రీల వరకూ చల్లదనాన్ని తట్టుకుంటుంది. సిట్‌...రైట్‌ రోజులో 4 గంటల కన్నా మించి కూర్చుంటే ఆరోగ్య సమస్యలు ప్రారంభమై, ఇది 8 గంటలకు చేరితే తీవ్ర ఆరోగ్య సమస్యలు తలెత్తుతాయని జస్ట్‌ స్టాండ్‌ స్వచ్ఛంద సంస్థ వెల్లడించింది. ఉద్యోగ రీత్యా 8 నుంచి 11 గంటల వరకూ కదలకుండా కూర్చోడం వల్ల ఒబెసిటీ సహా అనేక అనారోగ్యాలు దాడి చేస్తున్నాయి.నిద్రే ఆరోగ్యం... అనేక రకాల శారీరక, మానసిక రుగ్మతలకు నిద్రలేమే ప్రధాన కారణమని పలు అంతర్జాతీయ పరిశోధనలు వెల్లడించాయి. నిద్ర అలవాట్లు, పర్యవసానాల పై మ్యాట్రెస్‌ మేకర్‌ వేక్‌ఫిట్‌ నిర్వహించిన సర్వేలో భాగంగా నగరంలో 56 శాతం మంది వారి పని వేళల్లో నిద్ర మత్తుతో అవస్థలు పడుతున్నారని తేల్చంది. అంతేకాకుండా నిద్ర లేవగానే రిఫ్రెష్‌ ఫీలింగ్‌ అనిపించట్లేదని నగరవాసులు పేర్కొన్నారు. ‘ది గ్రేట్‌ ఇండియన్‌ స్లీప్‌ స్కోర్‌కార్డ్ఙ్‌గా పిలువబడే ఈ సర్వేలో నగరంలో దాదాపు 33 శాతం మంది తమ నిద్రలేమికి కేవలం అర్థరాత్రి వరకూ డిజిటల్‌ స్క్రీల్‌లు తిలకించడమే కారణమని తద్వారా 32 శాతం మంది ఉద్యోగాలకు ఆలస్యంగా వెళ్తున్నారని తేల్చారు. ఆరోగ్యకర జీవనానికి రోజూ 7–8 గంటల నిద్ర అవసరం. అయితే వయస్సులను బట్టి కొద్దిగా వ్యత్యాసం ఉంటుంది. 4 నుంచి 12 నెలల చిన్నారులకు 12 నుంచి 16 గంటల పాటు, 1–2 ఏళ్లు... 11–14 గంటలు, 3–5 ఏళ్లు 10–13 గంటలు, 6–12 ఏళ్లు... 9–12 గంటల నిద్ర 13–18 ఏళ్లు.. 8–10 గంటలు... ఆపై వయసు వారికి 7–8గంటలు, పీరియడ్స్‌లో ఉన్న ఆడవారికి కనీసం 8 గంటల నిద్ర అవసరమని వైద్యులు చెబుతున్నారు. తాగునీరు...ఇదే తీరు... మనిషి మనుగడకు ప్రామాణికం నీరు. శరీరంలో దాదాపు 60 శాతం నీరే ఉంటుంది. ఆరోగ్యకరమైన జీవనానికి ప్రతీరోజు పురుషులు రోజూ 3.7 లీటర్లు, మహిళలు 2.7 లీటర్ల నీరు తాగాలని ఆరోగ్య నిపుణుల సూచన. ఉష్ణోగ్రత, ఆరోగ్య పరిస్థితులను బట్టి హెచ్చుతగ్గులు అవసరం. సరైన మోతాదులో శరీరానికి నీరు అందకపోవడం రోగకారకంగా మారుతుంది. కేలరీలు కరగాలి...రోజుకు కనీసం 30 నిమిషాల వ్యాయామం శరీరాన్ని చురుగ్గా మార్చుతుంది. ఇందులో భాగంగా జిమ్, ఏరోబిక్, జుంబా వంటివి ఇందుకు ఉపకరిస్తాయి. వారంలో కనీసం..150 నిమిషాలు(రోజుకి 20 ని.) వ్యాయామం చేయాలని హెల్త్‌ అండ్‌ హ్యూమన్‌ సరీ్వసెస్‌ గైడ్‌లై ప్రకటించిది. యోగా 20 నిమిషాలు. ధ్యానం 5 నుంచి 20 నిమిషాలు చేయడం మంచి ఫలితాలను అందిస్తుంది. ఇక ప్రతిరోజూ కనీసం 30 నిమిషాల నడక ఆరోగ్యకరం. సాధారణంగా రోజుకు 10,000 అడుగులు వేయాలని సీడీసీ (సెంటర్‌ ఫర్‌ డిసీజ్‌ కంట్రోల్‌) సైతం సిఫార్సు చేసింది. ఈత 30 నిమిషాలు, ఆటలైతే 30 నిమిషాల పాటు, సైక్లింగ్‌ రోజుకు 30 నిమిషాలు సరిపోతుంది. 30 నిమిషాలకు మించి సైకిల్‌ తొక్కే వారికి మధుమేహం వచ్చే ప్రమాదం 40 శాతం తక్కువని ఫిన్‌లాండ్‌ పరిశోధనలో తేలింది. బీ అలర్ట్‌ సిటీజన్‌నిద్ర లేచింది మొదలు... ఏమేం పనులు చేయాలి? ఏ టైమ్‌కి ఎక్కడ ఉండాలి? ఎవర్ని కలవాలి? తదితర పనుల జాబితాను ముందు రోజే సిద్ధం చేసుకునే అలవాటుందా? ఈ ప్రశ్నకు చాలా మంది సిటిజనుల నుంచి అవును అనే సమాధానం వస్తుంది. మరి అదే విధంగా రోజూ ఎన్ని లీటర్ల నీరు తాగాలి? ఎన్ని గంటలు నిద్రపోవాలి? ఎన్ని కేలరీల ఆహారం తీసుకోవాలి? ఎన్ని కేలరీలు ఖర్చు చేయాలి? ఎన్ని గంటలు మొబైల్‌ చూడాలి?.. వగైరా లిస్ట్‌ ప్రిపేర్‌ చేసుకుంటున్నారా? అని ప్రశి్నస్తే మాత్రం అవును అని బదులిచ్చేవారు అరుదే. ‘స్మార్ట్‌’గా వాడాలి... మొబైల్, ల్యాప్‌టాప్‌ వంటి స్క్రీన్‌ లను రోజులో 2 గంటల కన్నా ఎక్కువ సమయం చూడటం హానికరం. ప్రపంచ ఆరోగ్య సంస్థ తెలిపిన సూచనల ప్రకారం..సంవత్సరం కంటే తక్కువ వయస్సున్న పిల్లలు మొబైల్‌ ఫోన్‌లు, ల్యాప్‌టాప్‌లకు దూరంగా ఉండాలి. ఐదేళ్లలోపు చిన్నారులు గంటకు మించి ఫోన్‌ వాడకూడదు. 10 మిలియన్ల రంగులను వేరు చేయగల శక్తి గల మనిషి కన్నుకు ఫోన్‌ హానికరమని శాస్త్రవేత్తలు చెబుతున్నారు. ఉప్పు.. ఎక్కువైతే ముప్పు... శరీర క్రియల కోసం ప్రతిరోజూ 500మి.గ్రా సోడియం (ఉప్పు) అవసరం. ఇది నరాలను ప్రేరేపించడంతో పాటు కండర సంకోచానికీ సహాయం చేస్తుంది. ముఖ్యంగా దేహంలోని నీరు–ఖనిజాల సమతుల్యతను కాపాడుతుంది. అతిగా వాడితే బ్లెడ్‌ ప్రెజర్, గుండె సమస్యలకు దారితీస్తుంది. ఆరోగ్యానికి...‘పండు’గ రోజువారీ ఆహారంలో 25 నుంచి 30 శాతం పండ్లు ఉండాలనేది ఆరోగ్య నిపుణుల మాట. ద్రవ రూపంలో తీసుకోవాలనుకుంటే... రోజూ 150 మి.లీ లోపు పండ్ల రసాలు తీసుకోవాలి. అతిగా పండ్ల రసాలు సేవించడం వల్ల శరీరంలో గ్లూకోజ్, చక్కెర స్థాయిలు పెరిగే అవకాశముంది.

కరోనా మహమ్మారి కారణంగా ఎన్నో జీవితాలు చిన్నాభిన్నం అవుతున్నాయి. సెలబ్రిటీల నుంచి సాధారణ ప్రజల వరకు కరోనాతో యుధ్దం చేస్తున్నారు.  అయితే కరోనా కారణంగా షూటింగ్‌లకు విరామం దొరకడంతో నిత్యం బిజీబిజీ షెడ్యూల్‌తో ఉండే సెలబ్రిటీలంతా ఇంట్లో కుటంబంతో సరదాగా గడుపుతున్నారు. ఇంటిని శుభ్రం చేయడం, వంటలు చేయడం, ఫిట్‌నెస్‌ కాపాడుకోవడం, గతకాలపు జ్ఞాపకాలను సోషల్‌ మీడియాలో షేర్‌ చేయడం వంటివి చేస్తూ అభిమానులకు చేరువగా ఉంటున్నారు. ఈ క్రమంలో హీరోయిన్‌ రకుల్‌ప్రీత్‌ సింగ్‌ లాక్‌డౌన్‌లో రోజూవారి షెడ్యూల్‌ను అభిమానులతో పంచుకున్నారు. అలాగే ఈ లాక్‌డౌన్‌ తనలో తెచ్చిన మార్పులను సోషల్‌ మీడియాలో సుదీర్ఘ పోస్ట్‌ చేశారు. (యూట్యూబ్‌ ఛానల్‌ ఆదాయమంతా దానికే: రకుల్‌) ‘నా సినిమా షూటింగ్‌ చివరగా మార్చి 18న జరిగింది. అప్పటి నుంచి ఇంట్లోనే ఉంటున్నా. లాక్‌డౌన్‌లో ముగిసే సమయానికి బద్దకంగా తయారవకుండా ఉండేందుకు పకడ్బందీ షెడ్యూల్‌ను తయారు చేసుకున్నా. రోజూ ఉదయం 6.30 నుంచి 7 గంటల లోపు నిద్ర లేస్తాను. కొద్దిసేపు చదువుకుంటాను. ఆ తరువాత యోగా చేస్తాను. ప్రస్తుతం వై వీ స్లీప్‌ అనే పుస్తకాన్ని చదువుతున్నారు. ఇప్పటికే చారియోట్స్‌ ఆఫ్‌ ద గాడ్స్‌, కాస్‌మిక్స్‌ కాన్షియస్‌నెస్‌ రెండు పుస్తకాలను పూర్తి చేశాను. మధ్యాహ్నం సోషల్‌ మీడియాలో కొంచెం సమయం కేటాయిస్తాను. గత రెండేళ్లలో ఆస్కార్‌ అవార్డు గెలుచుకున్న ప్రతి సినిమాను చూశాను. కొన్ని షోలను కూడా వీక్షిస్తున్నాను.  ప్రతి రోజు సాయంత్రం ఓ సినిమాతోపాటు ఏదైనా షోకు సంబంధించిన రెండు మూడు ఎపిసోడ్‌లను చూస్తాను. అలాగే ఇక ముఖ్యమైనది కుకింగ్‌. నాకు వంట మనిషి ఉన్నప్పటికీ నేను వంట చేస్తున్నాను. ఇటీవలే యూట్యూబ్‌లో వంటల ఛానల్‌ ఓపెన్‌ చేశాను. నా సోదరుడు ప్రస్తుతం నాతో ముంబైలో ఉంటున్నాడు. లాక్‌డౌన్‌కు ముందు రోజు నన్ను చూడానికి వచ్చి ఇక్కడే చిక్కుకుపోయాడు’.(ఒక్కరికైనా సాయపడండి) ‘నా జీవితంలో ఎప్పుడు ఇన్ని రోజులు ఇంట్లో ఉండలేదు. ఇదే నాజీవితంలో సుదీర్ఘకాల విరామం. చిన్నప్పుడు వేసవికాలం సెలవుల్లో కూడా ఇన్ని రోజులు ఒకచోట లేను. ఇంతకాలం ఇంట్లో ఉండటం అనేది ఒక కొత్త అనుభూతి అని నేను అనుకుంటున్నాను. ఒక విధంగా చెప్పాలంటే ఇది మంచిది ఎందుకంటే మనం ఏం చేసినా ప్రకృతికి దాని సొంత మార్గాలు ఉంటుందని మీరు అర్థం చేసుకుంటారు. ఇది స్వీయ ఆత్మ పరిశీలన చేసుకునే సమయం. మీతో మీరు కనెక్ట్‌ అయ్యే సమయం. నేను ప్రసస్తుతం పర్సనల్‌ డెవలప్‌మెంట్‌కు అధిక సమయం కేటాయిస్తున్నాను. ఈ సంక్షమం భూమి మీద మన మనుడగ చిన్నది అని నేర్పిస్తుంది. ఇలాంటి సమయంలో మీ ఆరోగ్యం, మీరు ఇష్టపడే వ్యక్తులు, మీ జ్ఞాపకాలు ఎంత ముఖ్యమైనవో తెలుసుకుంటారు. వీటి తర్వాతే మిగతావని మీరు గ్రహిస్తారు. మీరు మీ కోసం కష్టపడండి. ఎందుకంటే మీ జీవితాన్ని మీరే జీవించాలి. ప్రతి ఒక్కరు ఈ మహమ్మారి నుంచి బయటపడాలని ఆనందంగా జీవించాలని కోరుకోండి. అంటూ సుధీర్ఘ పోస్ట్‌ చేశారు.’ (కరోనాపై నవ్వుతూనే పోరాడాలి!)


 ఇంకొన్నాళ్ల పాటు అత్యంత ఆప్తులు, స్నేహితులు, కుటుంబ సభ్యులకు తప్ప చార్మి దర్శనాలు ఉండవు. అజ్ఞాతంలోకి వెళ్లిపోతారట. చార్మి అంత తప్పేం చేసిందనుకోకండి. ఓ పాత్ర కోసం వర్కవుట్ చేస్తున్నారు. అందుకే ఎవరికీ కనిపించకూడదనుకుంటున్నారు. ఇంతకీ చార్మి బరువు తగ్గనున్నారా? పెరగనున్నారా? అది ప్రస్తుతానికి సస్పెన్స్. ఆ లుక్ హిందీ సినిమా కోసమా? తెలుగుకా? అని కూడా చెప్పరట.
  
 మరీ ఊరిస్తున్నారు కదూ. అందగత్తెలు ఏం చెప్పినా.. చెప్పకపోయినా బాగానే ఉంటుంది. ఆ సంగతలా ఉంచితే... ‘జ్యోతిలక్ష్మి’తో ఈ బ్యూటీ నిర్మాతగా మారిన విషయం తెలిసిందే. మరి.. మళ్లీ సినిమా నిర్మించే ఉద్దేశం లేదా? అనే ప్రశ్న చార్మి ముందుంచితే... ‘‘ఆ సినిమా తర్వాత నిర్మాణం మీద ఆసక్తి పెరిగింది. ఓ సినిమా నిర్మించ డానికి రెడీ అవుతున్నా. అలాగే, వేరే చిత్రంలో కూడా నటించనున్నా. అందుకే నా లుక్ ను మార్చుకుంటున్నా.
  
 సన్నగా కనిపిస్తానా? లావుగానా? అనే విషయం చెప్పను. కాస్త లేటైనా.. లేటెస్ట్‌గా ఎంట్రీ ఇవ్వాలనే ఉద్దేశంతోనే కొన్నాళ్ల పాటు ఎవరికీ కనిపించకూడదనుకుంటున్నా’’ అని పేర్కొన్నారు. ఈ గ్యాప్‌లో ఎలాంటి వర్కవుట్లు, డెట్ తీసుకుంటారనే విషయానికి వస్తే.. ‘‘రోజూ ఉదయాన్నే ఐదు గంటలకు నా డైలీ రొటీన్ స్టార్ట్ అవుతంది. కొంతసేపు వర్కవుట్స్ చేస్తాను.
  
 ఆ తర్వాత పండ్లు, డ్రై ఫ్రూట్స్ తీసుకుంటా. రెండు గంటలకు ఒకసారి 80 గ్రాములకు మించకుండా ఎగ్, చికెన్, ఫిష్ తింటాను. లంచ్‌కి రోటీ, రెండు స్పూన్ల పప్పు, కూరగాయలు తింటా. రాత్రి మాత్రం ఓ యాపిల్‌తో సరిపెట్టేస్తా. తొమ్మిదన్నరకల్లా నిద్రకు ఉపక్రమిస్తా’’ అని చార్మి అన్నారు.