చుట్టు ముట్టిన సమస్యలతో సతమతం అవుతూ ధైర్యం కోల్పోయి సౌదీ అరేబియాలో  తనువు చాలించాడో ఎన్నారై. అతనిపైనే ఆధారపడిన కుటుంబం ఇప్పుడు పెద్ద దిక్కును కోల్పోయింది. కనీసం తన భర్తను చివరిసారి చూసుకునేందుకు సాయం చేయాల్సిందిగా మంత్రి కేటీఆర్‌ను అభ్యర్థించింది ఆ మృతుడి భార్య.  జగిత్యాల జిల్లా కతలాపూర్‌ మండలం పోతారం గ్రామానికి చెందిన పిల్లి నర్సింహలు బతుకుదెరువు కోసం అప్పు చేసి సౌదీ అరేబియాకు వెళ్లాడు. అక్కడ ఆల్‌ హసా ఏరియాలో పని చేస్తున్నాడు. ఇతని సంపాదనపైనే ఆధారపడి అతని భార్యా పిల్లలు జీవిస్తున్నారు. పరిస్థితులు అంతా చక్కబడతాయని అనుకునేలోగా ఘోరం జరిగిపోయింది.  పిల్లి నర్సింహులు 2021 డిసెంబరు 29న సౌదీలో తన గదిలో ఉరేసుకుని చనిపోయాడు. దీంతో అతని శవాన్ని భారత్‌కు తరలించేందుకు కుటుంబ సభ్యులు ప్రయత్నిస్తున్నారు. తన భర్త మృతదేహాన్ని తన మరిది పిల్లి నరేశ్‌తో ఇండియాకు పంపించాల్సిందిగా కోరుతూ మృతుడు నర్సింహులు భార్య పిల్లి వసంత ఇప్పటికే సౌదీలో ఉన్న ఇండియన్‌ కాన్సులేట్‌ అధికారులకు ఆథరైజేషన్‌ లెటర్‌ని 2022 జనవరి 1న ఇచ్చింది.   కాన్సులేట్‌ అధికారుల నుంచి స్పందన రావడం ఆలస్యం కావడంతో ట్విట్ట‍్టర్‌ ద్వారా సాయం చేయాల్సిందిగా మంత్రి కేటీఆర్‌ను అభ్యర్థించారు. వెంటనే స్పందించిన మంత్రి కేటీఆర్‌ తగు చర్యలు తీసుకోవాల్సిందిగా తన సిబ్బందికి ఆదేశాలు జారీ చేశారు. జెడ్డాలో ఉ‍న్న భారత ఎంబసీ అధికారులతో మాట్లాడతారని హమీ ఇచ్చారు. నర్సింహులుని కడసారి చూసుకునేందుకు భార్య పిల్లలు ఇక్కడ దీనంగా ఎదురుచూస్తున్నారు . Sorry for your loss brother My team @KTRoffice will work with the Indian embassy in Riyadh to assist https://t.co/jYfPM6ERBT — KTR (@KTRTRS) January 2, 2022 చదవండి: అమెరికాలో రోడ్డు ప్రమాదం.. ఇద్దరు భారతీయ టీనేజర్ల మృతి

నరసరావుపేట: ‘పిచ్చి కన్నా.... సుబ్బూ... లేవరా... ఎలా  వెళ్లిన వాడివి ఎలా తిరిగి వచ్చావురా’అంటూ వృద్ధురాలైన మాతృమూర్తి అనంతలక్ష్మి  విలపించిన తీరు చూపరులను, బంధువర్గాలను కదిలించింది. మాదిపాడు వద్ద కృష్ణా నదిలో మునిగి మృతి చెందిన వేద పాఠశాల ఉపాధ్యాయుడు కేతేపల్లి వెంకట సుబ్రహ్మణ్యం (26) మృతదేహం శనివారం బరంపేటలోని అతని స్వగృహానికి చేరింది. ఆరు నెలల క్రితమే భర్త పాపయ్య శాస్త్రిని కోల్పోయిన ఆ  మాతృమూర్తి  రెండవ కుమారుడు  కూడా విగతజీవుడై కళ్లముందు కనిపించే సరికి గుండెలవిశేలా రొదించింది. శుక్రవారం రాత్రి విషయం తెలుసుకున్న బంధువర్గం శనివారం ఉదయానికి నరసరావు పేటకు చేరుకున్నారు. సత్తెనపల్లిలో పోస్టుమార్టం అనంతరం సుబ్రహ్మణ్యం మృతదేహం ప్రత్యేక అంబులెన్స్‌లో నరసరావుపేటకు చేరింది. దీంతో ఒక్కసారిగా బంధువర్గం రోదనలు మిన్నంటాయి. సుబ్రహ్మణ్యం పదవ తరగతి వరకు పట్టణంలోని శ్రీరామకృష్ణ ఓరియంటల్‌ హైస్కూల్లో చదువుకున్నాడు.  అనంతరం జిల్లెళ్లమూడిలోని మాతృశ్రీ వేదపాఠశాలలో ఐదేళ్ల పాటు చదివి సంస్కృతంలో పట్టా అందుకుని మూడు సంవత్సరాల క్రితం మాదిపాడులోని వేదపాఠశాలలో ఉపాధ్యాయుడిగా బాధ్యతలు చేపట్టాడు. మరో ఆరునెలలో వివాహం చేద్దామని కుటుంబ సభ్యులు  ఆలోచిస్తుండగా ఇంతోనే ఈ దుర్ఘటన చోటుచేసుకుంది.  

సాక్షి, పీలేరు/కేవీపల్లె: ‘‘నా బిడ్డను అన్యాయంగా చంపేశారు... నిందితులను కఠినంగా శిక్షించండి.’’ అంటూ హతుడి తల్లి బోరున విలపించింది. కేవీపల్లె మండలం ఎగువమేకలవారిపల్లె సమీపంలోని బొప్పాయితోటలో హత్యకు గురైన తేజేష్‌రెడ్డి తల్లి జ్యోతి గురువారం పీలేరు ఎమ్మెల్యే చింతల రామచంద్రారెడ్డి ఎదుట తనగోడు వెల్లబోసుకుంది. తేజేష్‌రెడ్డి(8) మృతదేహానికి గురువారం పీలేరు ప్రభుత్వాస్పత్రిలో పోస్టుమార్టం చేసి బంధువులకు అప్పగించారు. ఎమ్మెల్యే ఆస్పత్రి వద్దకు చేరుకుని మృతుని బంధువులను ఓదార్చే ప్రయత్నం చేశారు. జ్యోతి మాట్లాడుతూ, తాము ఎవరికీ ఎలాంటి హానీ చేయలేదని, గతంలో అప్పు చేసినా తీర్చేశామని పేర్కొంది. స్పందించిన ఎమ్మెల్యే మాట్లాడుతూ అభంశుభం తెలియని బాలుడిని హత్య చేయడం అత్యంత కిరాతకమైన సంఘటనగా అన్నారు. నిందితులు ఎంతటి వారైనా, ఎవరైనా ఉపేక్షించబోమని కఠిన శిక్ష తప్పదని ఆయన స్పష్టం చేశారు.   ఎస్పీ విచారణ  తేజేష్‌రెడ్డి హత్యాఘటనపై గురువారం రాత్రి ఎస్పీ సెంథిల్‌కుమార్‌ గ్రామంలో విచారణ చేపట్టారు. వివిధ కోణాల్లో గ్రామస్తులను సమాచారం అడిగి తెలుసుకుని వివరాలు నమోదు చేశారు. ప్రధానంగా తేజేష్‌రెడ్డి తల్లిదండ్రుల ఆర్థిక లావాదేవీలు కారణమై వుండవచ్చన్న అనుమానాలున్నాయి. ఎస్పీతోపాటు సీఐ, ఎస్‌ఐ, సిబ్బంది ఉన్నారు. చదవండి: (Devaragattu Bunny Festival: భక్తులు కర్రలతో ఎందుకొస్తారంటే..?) సంకేనిగుట్టపల్లెలో విషాదఛాయలు  పోస్టుమార్టం చేసిన మృతదేహాన్ని గ్యారంపల్లె పంచాయతీ సంకేనిగుట్టపల్లెకు తరలించారు. దీంతో గ్రామంలో ఒక్కసారిగా విషాదఛాయలు అలుముకున్నాయి. బంధువులు, పరిసర గ్రామాల ప్రజలు పెద్ద ఎత్తున తరలివచ్చారు. తల్లి జ్యోతితోపాటు బంధువుల రోదనలు కలచివేశాయి. కువైట్‌లో ఉన్న తండ్రి నాగిరెడ్డి స్వగ్రామానికి వస్తున్నట్లు బంధువులు తెలిపారు. శుక్రవారం అంత్యక్రియలు నిర్వహించనున్నట్లు సమాచారం.  

జగిత్యాల: తెలంగాణలోని జగిత్యాల జిల్లా టీఆర్‌నగర్‌లో మృతదేహం దగ్గర పూజలు చేయడం కలకలం సృష్టించింది. అనారోగ్యంతో చనిపోయిన రమేష్ అనే వ్యక్తిని బతికిస్తానంటూ పుల్లయ్య అనే వ్యక్తి పూజలు చేయడం ప్రారంభించాడు. మంత్రాల కారణంగానే రమేష్ చనిపోయాడన్న పుల్లయ్య ఉదయం నుంచి రమేష్ మృతదేహం వద్ద పూజలు నిర్వహించాడు. ఈ ఘటనపై సమాచారం అందుకున్న పోలీసులు పుల్లయ్యను అదుపులోకి తీసుకున్నారు.   

రాయ్‌పూర్‌: టెక్నాలజీ ఎంత అభివృద్ధి చెందినా ఇంకా కొందరు మూఢ నమ్మకాలనే గుడ్డిగా నమ్మాతూ పాటిస్తున్నారు. ఇదే తరహా ఘటన చత్తీస్‌ఘడ్‌లో చోటు చేసుకుంది.  పిడుగుపాటుకు గురై మృతిచెందిన యువకుడుని బతుకుతాడనే నమ్మకంతో ఆవు పేడ‌తో కొన్ని గంట‌ల పాటు పాతిపెట్టారు. చత్తీస్‌ఘడ్‌లోని పలు చోట్ల టౌటే తుఫాన్ కారణంగా జిల్లా వ్యాప్తంగా ఉరుములు మెరుపుల‌తో కూడిన భారీ వ‌ర్షాలు కురిశాయి. ఓ వ్యక్తి ఇంటి బయట, ప్రాంగణంలో పేరుకుపోయిన మురుగు నీటిని తొలగించడానికి ప్రయత్నిస్తూ, అడ్డుకున్న కాలువను తొలగిస్తున్నాడు. ఈ క్రమంలో అకస్మాత్తుగా అతను పిడుగుపాటు గురై అక్కడికక్కడే మూర్ఛపోయాడు. పెద్ద శబ్ధం రావడంతో  ఇంటి చుట్టూ పక్కన వాళ్లంతా గుమిగూడారు. వారందరూ ఆ యువకుడిని ఆవు పేడ గొయ్యిలో పాతిపెట్టమని సూచించారు. దీంతో అతని కుటుంబ సభ్యులు ఆ యువకుడి మొఖం తప్ప మిగతా శరీరాన్ని ఆవు పేడతో కొన్ని గంటల పాటు పూడ్చి పెట్టారు.  అయినప్పటికీ, ఆ వైద్యం ఫలించకపోవడంతో వారు 108 అంబులెన్స్ పిలిపించి ఆస్పత్రికి తరలించారు. చికిత్స కోసం ఉదయపూర్ కమ్యూనిటీ హెల్త్ సెంటర్‌కి తీసుకెళ్లగా అప్పటికే అతను మరణించాడని వైద్యులు తెలిపారు.  చదవండి: న్యూఢిల్లీ: 70 ఏళ్ల తర్వాత ఇదే తొలిసారి..

సాక్షి, పరకాల: వరంగల్‌ రూరల్‌ జిల్లా పరకాలకు చెందిన ఓ బంగారం వ్యాపారి (48) కరోనాతో వారం రోజులపాటు పోరాడి బుధవారం మృతి చెందాడు. అయితే చికిత్స పొందుతున్న క్రమంలో ఆయన తాను మృతిచెందాక రేగొండ మండలం దమ్మన్నపేటలో ఉన్న ఎర్రచందనం వనంలో అంత్యక్రియలు నిర్వహించాలని కుటుంబ సభ్యులకు సూచించినట్లు సమాచారం. దీంతో ఆయన మృతదేహంతో కుటుంబ సభ్యులు దమ్మన్నపేటకు చేరుకోగా, ఆ గ్రామస్తులు సరిహద్దులోనే అడ్డుకున్నారు. కరోనాతో మృతి చెందిన వ్యక్తి అంత్యక్రియలు తమ గ్రామంలో నిర్వహించవద్దని తేల్చి చెప్పారు. గుంత తవ్వకానికి జేసీబీ డ్రైవర్లు కూడా ముందుకు రాలేదు. దీంతో మళ్లీ మృతదేహాన్ని పరకాల శివారు చలివాగు ఒడ్డున ఉన్న శ్మశాన వాటికకు తీసుకొచ్చి దహనం చేశారు. మృతుడికి పరకాల పట్టణంలో మూడు చోట్ల రూ.కోట్ల విలువైన మూడంతస్తుల భవనాలతో పాటు, వ్యవసాయ మార్కెట్‌ ఎదురుగా రూ.కోటి విలువైన భవన సముదాయం ఉంది.    (చదవండి: మాస్కు ధరించలేదని చిన్నారులతో కప్పగంతులు)

సాక్షి, హైదరాబాద్‌: అమీర్‌పేట్‌ చౌరస్తాలో ఘోర రోడ్డు ప్రమాదం జరిగింది. ఈ ఘటనలో ఒకరు అక్కడికక్కడే మృతిచెందగా మరొకరికి తీవ్ర గాయాలయ్యాయి. వివరాల్లోకెళ్తే.. శుక్రవారం తెల్లవారుజామున అతి వేగంతో ద్విచక్రవాహనంపై వెళ్తున్న ఇద్దరు యువకులు పంజాగుట్ట పోలీస్‌ స్టేషన్‌ పరిధిలోని అంబేద్కర్‌ చౌరస్తా వద్దకు రాగానే బైక్‌ అదుపుతప్పి ప్రమాదానికి గురయ్యారు. ఈ ఘటనలో ఓ యువకుడి తల మెట్రో స్టేషన్‌ రైలింగ్‌లో ఇరుక్కుపోయి అక్కడికక్కడే మృతిచెందాడు. మరొకరికి గాయాలయ్యాయి. సమాచారం అందుకున్న పోలీసులు ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. ఘటనపై కేసు నమోదు చేసి పోలీసులు దర్యాప్తు చేస్తున్నారు. మృతుడి వివరాలు తెలియాల్సి ఉంది.  చదవండి: (భర్త మోసం చేశాడని... సవతి పిల్లలను చంపి..)

ఇంటికి వస్తున్నా అని తన భార్యకు ఫోన్‌ చేశాడు..అతను అనుకున్నట్లు మరో రెండు నిమిషాల్లో గమ్యానికి చేరుకుని ఉంటే భార్యాపిల్లలతో ఆనందంగా గడిపేవాడే. కానీ విధి ఆ వైఎస్సార్‌ సీపీ నేతను చిన్నచూపు చూసింది. ఇంటికి సమీపిస్తున్న సమయంలో నదీ ప్రవాహం కబళించింది. కారుతో సహా కొట్టుకుపోయిన అతడిని తిరిగిరాని లోకాలకు తీసుకెళ్లింది. వస్తాడు..వస్తాడు..అని నిరీక్షిస్తున్న ఆ కుటుంబానికి అంతులేని దుఃఖమే మిగిలింది. ఈ విషాద సంఘటన ఐరాల మండలంలో చోటుచేసుకుంది.  సాక్షి, ఐరాల(యాదమరి): నివర్‌ తుపాను మూలాన మండలంలో గార్గేయ నది ఉధృతంగా ప్రవహిస్తోంది. పూతలపట్టు మండలం పాలకూరుకు చెందిన వైఎస్సార్‌సీపీ రాష్ట్ర స్టీరింగ్‌ కమిటీ సభ్యుడు వినయ్‌ రెడ్డి(40) తన కారులో గురువారం రాత్రి  కాణిపాకం నుంచి 18 కిలోమీటర్ల దూరంలో ఉన్న ఐరాలలోని అత్తగారి ఇంటికి వెళ్తూ మృత్యువాత పడ్డారు. ఐరాల సమీపంలో రోడ్డు మీదుగా ఉధృతంగా ప్రవహిస్తున్న గార్గేయ నదిని దాటే ప్రయత్నంలో అదుపు తప్పి కారుతో సహా ఆయన దాదాపు 300 మీటర్ల దూరం కొట్టుకుపోయారు. కారులోనే ఆయన మరణించారు. వాగులో కారు మునిగి ఉండటం శుక్రవారం ఉదయం స్థానికులు గుర్తించి సమాచారం ఇవ్వడంతో పోలీసులు హుటాహుటిన అక్కడికి చేరుకుని శ్రమలకోర్చి కారును వెలికితీశారు. అందులోని మృతుడిని వైఎస్సార్‌సీపీ నాయకునిగా గుర్తించారు. ఎమ్మెల్యే ఎంఎస్‌ బాబుకు స్థానిక నాయకులు దుర్ఘటన గురించి తెలియజేయడంతో వెంటనే సంఘటన స్థలానికి ఆయన చేరుకున్నారు. కలెక్టర్‌తో ఫోన్‌లో మాట్లాడారు. దీంతో ఆర్డీఓ రేణుక, తహసీల్దార్‌ బెన్నురాజ్‌ అక్కడికి చేరుకున్నారు. వారితో ఎమ్మెల్యే చర్చించారు.  మృతుని కుటుంబ సభ్యులను పరామర్శించి ఓదార్చారు. ప్రభుత్వం తరఫున రూ.5లక్షల ఎక్స్‌గ్రేషియా ప్రకటించారు. మృతదేహాన్ని పోస్టుమార్టం నిమిత్తం చిత్తూరు ప్రభుత్వాసుపత్రికి తరలించడంతోపాటు దగ్గరుండి పోస్టుమార్టం తంతు త్వరితగతిన ముగిసేలా ఎమ్మెల్యే చర్యలు తీసుకున్నారు. అనంతరం పాలకూరులో కుటుంబ సభ్యులు, పార్టీ నాయకులు, గ్రామస్తుల కన్నీటి నివాళుల నడుమ వినయ్‌కుమార్‌రెడ్డికి అంత్యక్రియలు నిర్వహించారు. వినయ్‌కు భార్య, ఇద్దరు పిల్లలు ఉన్నారు. ఐరాల  పోలీసులు కేసు నమోదు చేసి దర్యాప్తు చేస్తున్నారు. గల్లంతైన ప్రసాద్‌ శవమయ్యాడు రేణిగుంట: రాళ్లకాలువ వాగులో గల్లంతైన కుమ్మరపల్లె వాసి ప్రసాద్ ‌(32) శవమై శుక్రవారం వెలుగులోకి వచ్చాడు. గ్రామ సమీపంలో వాగు మధ్యలో చిక్కుకున్న మృతదేహాన్ని గుర్తించారు. వాగు వద్దకు చేరుకున్న ఎమ్మెల్యే బియ్యపు మధుసూదన్‌రెడ్డి స్థానికులతో కలిసి మృతదేహం వెలికితీత పనుల్లో పాల్గొనడమే కాకుండా స్వయంగా మృతదేహాన్ని ట్రాక్టర్‌పైకి ఎక్కించారు. అక్కడి నుంచి కుమ్మరపల్లె దళితవాడకు వెళ్లి మృతుని కుటుంబాన్ని ఓదార్చారు. గల్లంతైన ప్రసాద్‌ ఆచూకీ కోసం ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు విస్తృతంగా గాలించామని, దురదృష్టవశాత్తూ అతడిని కాపాడలేకపోయామని ఆయన విచారం వ్యక్తం చేశారు.   రూ.5లక్షలు ఎక్స్‌గ్రేషియా మృతుని కుటుంబానికి ప్రమాద బీమా కింద ప్రభుత్వం తరఫున రూ.5లక్షల ఎక్స్‌గ్రేషియాను ఎమ్మెల్యే ప్రకటించారు. మృతుని భార్య నాగభూషణకు వెంటనే వితంతు పింఛను మంజూరు చేయడంతోపాటు పిల్లల చదువులు, వారి కుటుంబాన్ని అన్ని విధాలా ఆదుకుంటానని భరోసా ఇచ్చారు. ఆయనతోపాటు తిరుపతి అర్బన్‌ ఎస్పీ రమేష్‌ రెడ్డి, ఆర్డీఓ కనకనరసారెడ్డి, తహసీల్దార్‌ శివప్రసాద్, సీఐ అంజూయాదవ్, పార్టీ నాయకులు తిరుమలరెడ్డి, బాబ్జీరెడ్డి, జువ్వల దయాకర్‌రెడ్డి తదితరులు పాల్గొన్నారు.

సాక్షి, చిత్తూరు: చిత్తూరు జిల్లా ఏర్పేడు మండలం మల్లెమడుగు వరద ఉధృతిలో నిన్న గల్లంతు అయిన రైతు ప్రసాద్ మృతి  చెందాడు. ప్రసాద్ మృతదేహాన్ని ఎన్‌డీఆర్‌ఎఫ్‌ బృందం శుక్రవారం వెలికి తీసింది. దీంతో మృతుడి కుటుంబంలో తీవ్ర విషాదం నెలకొంది. కాగా రేణిగుంట సమీపంలోని రాళ్లవాగులో నిన్న ముగ్గురు రైతులు చిక్కుకుపోయారు. వాగులో ఉన్న విద్యుల్‌ మోటార్లను తీసుకొచ్చేందుకు ఉదయం వాగులో దిగారు. మల్లిమడుగు నుంచి వరదనీరు రావడంతో వాగులోనే చిక్కుకుపోవడంతో  ఐదు గంటల పాటు నరకయాతన అనుభవించారు. ఎన్డీఆర్‌ఎఫ్‌, అగ్నిమాపక సిబ్బంది వాగులో చిక్కుకున్న ఇద్దరిని సురక్షితంగా బయటకు తీసుకొచ్చారు. అందులో ప్రసాద్‌ అనే రైతు గల్లంతయ్యారు. గల్లంతు అయిన ప్రసాద్ కోసం నిన్నటి నుంచి గాలించగా ఇవాళ మృతదేహం లభించింది.   చదవండి: (రాగుళ్లవాగులో కొట్టుకుపోయిన ముగ్గురు రైతులు)

భువనేశ్వర్‌/బలంగీరు: బలంగీరు జిల్లా పట్నగడ్‌ పోలీస్‌స్టేషన్‌  పరిధి సొంవొరొపొడా గ్రామంలో ఓ ఇంట్లో ఆరుగురు కుటుంబ సభ్యుల మృతదేహాలు అనుమానాస్పద పరిస్థితుల్లో కనిపించడం తీవ్ర సంచలనం రేపింది. బుధవారం ఉదయం ఈ విషాదకర దృశ్యం వెలుగుచూసింది. ఈ సంఘటనపట్ల స్థానికులు పలు సందేహాలు వ్యక్తం చేస్తున్నారు. పట్నగడ్‌ స్టేషన్‌  పోలీస్‌ ఇన్‌స్పెక్టర్‌ ఇన్‌చార్జి ప్రియాంక రౌత్రాయ్‌ ఆధ్వర్యంలో ఘటనా స్థలంలో చేపట్టిన గాలింపులో ఓ గదిలో కంబళిలో మృతదేహాల్ని కనుగొన్నారు.  (కొద్ది నిమిషాల్లో పెళ్లి.. అంతలోనే మరో యువతి..) మృతులను గ్రామానికి చెందిన బుల్లు జానీ, ఆయన భార్య, ముగ్గురు కొడుకులు, ఒక కూతురుగా గుర్తించారు. దాదాపు 10 ఏళ్లుగా బుల్లు జానీ తేనె సేకరించి విక్రయిస్తూ కుటుంబ పోషణ కొనసాగిస్తున్నాడు. ఈ కుటుంబీకుల అనుమానస్పద మృతిపట్ల దర్యాప్తు జరిపేందుకు పోలీసులు రంగంలోకి దిగారు. పరిసరాల్ని పర్యవేక్షించి పోస్ట్‌మార్టం కోసం మృతదేహాల్ని తరలించారు. పోస్ట్‌మార్టం  నివేదిక వెల్లడైతే తప్ప ఈ సంఘటన ఆత్మహత్యలా, హత్యలా అన్న విషయం స్పష్టం కాదని పోలీసులు పేర్కొన్నారు. అయితే మృతదేహాల పక్కన ఓ గొడ్డలి పడి ఉండడంతో ఇది హత్యా సంఘటనగా అనుమానాలు బలపడుతున్నాయి.  (భర్త కళ్లెదుటే భార్య దుర్మరణం)

సాక్షి, నంద్యాల: ఓ ఇంటిపై ఉన్న వాటర్‌ ట్యాంకులో గుర్తు తెలియని వ్యక్తి మృతదేహం లభ్యమైంది. త్రీటౌన్‌ పోలీసులు తెలిపిన వివరాల ప్రకారం.. నంద్యాల పట్టణంలోని టీచర్స్‌ కాలనీలో ఆర్టీసీ డ్రైవర్‌ అల్లాబకాష్‌ కొంత కాలం క్రితం ఇల్లు కొనుగోలు చేసి కుటుంబంతో నివాసం ఉంటున్నాడు. మూడు రోజులుగా ఇంటిపైనున్న ట్యాంకు నుంచి నీరు సరిగా రాకపోవడంతో ఉదయం ఫ్లంబర్‌ను పిలిచి విషయం చెప్పాడు. అతడు మరమ్మతుల నిమిత్తం ట్యాంకు మూత తెరిచి చూడగా మృతదేహం కనిపించింది.  (స్నేహితుని భార్యపై లైంగిక దాడి..) సమాచారం పోలీసులకు చేరవేయడంతో వారు ఘటనా స్థలానికి చేరుకుని మృతదేహాన్ని బయటకు తీయించి, పోస్ట్‌మార్టం నిమిత్తం ఆస్పత్రికి తరలించారు. దాదాపు 30 ఏళ్ల వయసున్న యువకుడు నాలుగు రోజుల క్రితం మృతిచెంది ఉండవచ్చని పోలీసులు అనుమానం వ్యక్తం చేశారు. ఆత్మహత్యకు పాల్పడ్డాడా, ఎవరైనా హత్య చేసి ట్యాంక్‌లో పడేశారా అనేది విచారణలో తేలనుందని సీఐ మోహన్‌రెడ్డి తెలిపారు. ఇంటి యజమాని ఫిర్యాదు మేరకు కేసు నమోదు చేసి, దర్యాప్తు చేస్తున్నామన్నారు.     (గాజువాకలో ప్రేమోన్మాది ఘాతుకం)

సాక్షి, చిత్తూరు : బిడ్డల బాగోగుల కోసం ఊరు వదిలి వెళ్లాడు. తనకు తెలిసిన వృత్తినే జీవనాధారంగా ఎంచుకున్నాడు. కడుపున పుట్టిన వారికి ఏ లోటూ రానివ్వకుండా చూసుకున్నాడు. చదువులో రాణిస్తున్న కుమార్తెను చూసి మురిసిపోయాడు. కుటుంబంతో కలిసి పెనుమూరు మండలం కలిగిరి కొండపై జరిగిన బంధువుల వివాహానికి వెళ్లాడు. అక్షింతలు వేసి వధూవరులను ఆశీర్వదించాడు. చినుకులు పడుతున్నా లెక్కచేయకుండా ఓ కారులో ఇంటికి బయలుదేరాడు. మార్గమధ్యంలో కొండయ్యగారిపల్లె వాగు మృత్యువు రూపంలో అడ్డుపడింది. తండ్రీకుమార్తెను ముంచేసింది. వరద ఉధృతికి కారు కొట్టుకుపోయింది. కుటుంబంలో కన్నీటి వరదని మిగిల్చింది. కుమార్తె మృతదేహం నిన్న లభ్యం కాగా, ఇవాళ తండ్రి మృతదేహం లభ్యమైంది.  (వరద నీటిలో తండ్రీకూతుళ్లు గల్లంతు) పోలీసులు, స్థానికుల కథనం మేరకు.. పూతలపుట్టు మండలం వడ్డార్లపల్లెకు చెందిన జి.ప్రతాప్‌ (45) కుటుంబం ప్రస్తుతం చిత్తూరులో నివాసముంటోంది. గురువారం రాత్రి భార్య శ్యామల, కుమార్తె సాయి వినీత (15)తో కలిసి పెనుమూరు మండలం కలిగిరికొండపై జరిగిన బంధువుల వివాహానికి హాజరయ్యారు. పెళ్లికి ఎక్కువ మంది రావడంతో భోజనం అయిపోయింది. మద్యం సేవించి వచ్చిన ప్రతాప్‌ పెళ్లిలో బంధువులతో గొడవ పడ్డాడు. అనంతరం భార్య, కుమార్తెతో పాటు గ్రామానికి చెందిన చిన్నబ్బ అలియాస్‌ సుధాకర్, చిత్తూరు టౌన్‌ కాజూరుకు చెందిన డ్రైవర్‌ కిరణ్‌కుమార్‌ ఏపీ 03 బీఏ 4404 నంబరు కారులో చిత్తూరుకు బయలుదేరారు. గురువారం సాయంత్రం పెనుమూరు మండలంలో భారీ వర్షం కురిసింది. కొండయ్యగారివూరు వద్ద రోడ్డుపై వాగు ఉధృతంగా ప్రవహిస్తోంది. రాత్రి 12 గంటల సమయంలో వాగు దాటుతుండగా కారు కొట్టుకుపోయింది. వాగులో కారు సుమారు కిలో మీటర్‌ దూరం వరకు వెళ్లి నిలిచింది. డ్రైవర్‌ కిరణ్‌కుమార్‌ కారు ముందు అద్దాలు పగులగొట్టి శ్యామల, చిన్నబ్బ, ప్రతాప్‌ను సురక్షితంగా వాగు నుంచి ఒడ్డుకు చేర్చాడు. సాయి వినీతను కాపాడుతున్న క్రమంలో ఆమె వాగులో కొట్టుకుపోయింది.   (కోడలి ఆత్మహత్యతో మామ బలవన్మరణం) కుమార్తెను రక్షించేందుకు ప్రతాప్‌ వాగులో దిగాడు. తండ్రి, కూతురు వాగులో గల్లంతయ్యారు. విషయం తెలుసుకున్న కొండయ్యగారివూరు గ్రామస్తులు డయిల్‌ 100కు సమాచారం ఇచ్చారు. పాకాల సీఐ ఆశీర్వాదం, ఎస్‌ఐ ప్రవీన్‌కుమార్‌ తమ సిబ్బందితో గురువారం అర్ధరాత్రి ఘటనా స్థలానికి చేరుకున్నారు. గ్రామస్తుల సహకారంతో వాగులో గాలింపు చర్యలు చేపట్టారు. ఎలాంటి ఆచూకీ లభించక పోవడంతో శుక్రవారం ఉదయం చిత్తూరు డీఎస్పీ ఈశ్వరరెడ్డి, ఆర్డీఓ రేణుక, తహాసీల్దారు చంద్రశేఖర్‌ డ్రోన్‌ కెమెరాతో వాగుతో పాటు కలికిరి పెద్ద చెరువులో గాలించారు. అలాగే తెప్ప, బోటు సాయంతో చెరువులో గాలించారు. శుక్రవారం మధ్యాహ్నం సాయి వినీత మృతదేహం చెరువులో లభ్యమైంది. ప్రతాప్‌ మృతదేహం కోసం శుక్రవారం నుంచి పోలీసులు, అగ్నిమాపక సిబ్బంది గాలిస్తూనే ఉన్నారు. చిత్తూరు ఎమ్మెల్యే జంగాలపల్లె శ్రీనివాసులు ఘటనా స్థలానికి చేరుకుని పోలిసులతో కలిసి బోటులో ఎక్కి గాలింపు చర్యలు చేపట్టారు. బాధిత కుటుంబాన్ని ప్రభుత్వం ఆదుకుంటుందని భరోసా ఇచ్చారు. ప్రతాప్‌ మృతదేహం దొరకడంతో స్థానికంగా విషాదం నెలకొంది.  (అనుమానించి ఉద్యోగం మాన్పించాడు.. చివరకు!)

సాక్షి, పెద్దపల్లి‌: కరోనా వైరస్‌ వల్ల చనిపోయాడనే అనుమానంతో అంత్యక్రియలు జరిపేందుకు తమ ఇళ్లకు సమీపంలో ఉండే శ్మశానవాటిక వద్దకు మృతదేహాన్ని తేవొద్దంటూ రోడ్డుకు అడ్డంగా ముళ్లకంచె వేసి అడ్డుకున్న ఘటన పెద్దపల్లి మండలం అప్పన్నపేట గ్రామంలో ఆదివారం జరిగింది. గ్రామానికి చెందిన అడప గట్టయ్య అనే వ్యక్తి ఆదివారం ఉదయం గుండెపోటుతో మరణించాడు. అయితే కరోనా వైరస్‌ విజృంభిస్తుండడంతో బంధుమిత్రులు కూడా మృతుడి ఇంటివైపు వెళ్లేందుకు సాహసించలేదు. సమాచారం తెలుసుకున్న సర్పంచ్‌ చీకటి స్వరూప, మాజీ ఉపసర్పంచ్‌ చీకటి పోచాలు మృతికి గుండెపోటు కారణమని నిర్ధారించుకుని అక్కడికి చేరుకున్నారు. (కరోనా మిగిల్చిన విషాదం..!) కరోనా వైరస్‌ వల్లే చనిపోతే శవాన్ని పూడ్చివేయించేవారమని, గుండెపోటుతో చనిపోయాడని ఎవరూ ఆందోళన చెందొద్దని నచ్చజెప్పారు. కుటుంబీకులు అంత్యక్రియలకు ఏర్పాట్లు చేస్తుండగా ఎస్సారెస్పీ కెనాల్‌రోడ్డు కాలనీవాసులు శవాన్ని ఇటువైపు తీసుకురావద్దంటూ ముళ్లకంచెను రోడ్డుకు అడ్డంగా వేశారు. అంత్యక్రియలను నిర్వహించకుండా అడ్డుకోవద్దని, గట్టయ్య గుండెపోటుతోనే మరణించాడని, కరోనా కారణంగా చనిపోతే వైద్యాధికారులు, పోలీసులే శవాన్ని గ్రామంలోకి రానివ్వరంటూ పంచాయతీ పాలకులు నచ్చజెప్పారు. దీంతో ముళ్లకంచెను తొలగించి యథాతథంగా అంత్యక్రియలు నిర్వహించుకున్నారు. (22 గంటలపాటు ఇంట్లోనే మృతదేహం)

కర్నూలు (హాస్పిటల్‌): కర్నూలు ప్రభుత్వ సర్వజన ఆసుపత్రిలో మృతదేహాలు తారుమారు అయ్యాయి. ఆసుపత్రి ఉద్యోగులు పొరపాటున అనారోగ్యంతో చనిపోయిన వ్యక్తి మృతదేహాన్ని కరోనా పాజిటివ్‌ అనుకుని మున్సిపాలిటీ వారికి అప్పగించారు. వారు అంత్యక్రియలు పూర్తి చేశారు. తీరా ఆ వ్యక్తి మృతదేహం కోసం కుటుంబ సభ్యులు రావడంతో తప్పును తెలుసుకున్నారు. మృతదేహం ఇవ్వాలంటూ కుటుంబ సభ్యులు కలెక్టరేట్‌ ఎదుట ఆందోళన చేశారు. వివరాల్లోకి వెళితే.. కర్నూలులోని బుధవారపేటకు చెందిన రాంబాబు ఆటో నడుపుకుంటూ జీవనం సాగించేవాడు. అతనికి ఈ నెల 6వ తేదీన ఆయాసం రావడంతో కుటుంబ సభ్యులు స్థానిక ప్రభుత్వ సర్వజన వైద్యశాలలో చేర్పించారు. అదే సమయంలో అతనికి వైద్యులు కరోనా టెస్ట్‌ చేశారు. ఆరోగ్యం విషమించి అతను 9వ తేదీ మృతి చెందాడు. అయితే కరోనా పరీక్ష నివేదిక వచ్చాకే మృతదేహాన్ని ఇస్తామని ఆసుపత్రి అధికారులు తెలిపారు. సోమవారం సాయంత్రం వచ్చిన నివేదికలో నెగిటివ్‌గా వచ్చింది. దీంతో మృతదేహాన్ని తీసుకెళ్లేందుకు కుటుంబ సభ్యులు మంగళవారం మార్చురీకి వెళ్లి చూడగా రాంబాబు కాదని తెలిసింది.   పేరు ఒకేలా ఉండటంతో..: రాంబాబుతో పాటు మార్చురీలో మరో రెండు మృతదేహాలు ఉంచారు. వీటిల్లో రాంబాబు మినహా మిగిలిన రెండూ కరోనా పాజిటివ్‌ వ్యక్తులవి. పాజిటివ్‌ వచ్చిన మృతదేహాలను సోమవారం రాత్రి ఫొరెన్సిక్‌ విభాగం వారు మున్సిపాలిటీ సిబ్బందికి అప్పగించి నగర శివారులో ఖననం చేయించారు. అయితే పాజిటివ్‌ వచ్చిన వ్యక్తి పేరు..రాంబాబు పేరుకు దగ్గరగా ఉండటంతో పొరబడ్డారు. పాజిటివ్‌ వ్యక్తి మృతదేహం బదులుగా రాంబాబు మృతదేహాన్ని ఖననం చేయించారు. ఈ నేపథ్యంలో రాంబాబు మృతదేహం తమకు అప్పగించాలంటూ  మంగళవారం కలెక్టరేట్‌ ఎదుట కుటుంబసభ్యులు ధర్నా చేశారు. పోలీసులు వారిని సర్వజన ఆసుపత్రి సూపరింటెండెంట్‌ డాక్టర్‌ జి.నరేంద్రనాథ్‌రెడ్డి వద్దకు తీసుకెళ్లారు. పొరపాటు జరిగిందని, బాధ్యులపై చర్యలు తీసుకుంటామని ఆయన హామీ ఇచ్చారు. మృతదేహాల మార్పిడిపై త్రిసభ్య కమిటీ విచారణకు జిల్లా కలెక్టర్‌  జి.వీరపాండియన్‌ ఆదేశాలు జారీ చేశారు.

హిమాయత్‌నగర్‌ (హైదరాబాద్‌): తీవ్ర జ్వరం, దగ్గు, జలుబు, శ్వాసకోశ సమస్యతో 69 ఏళ్ల వృద్ధుడు కింగ్‌కోఠి జిల్లా పరిషత్‌ ఆసుపత్రిలో చేరాడు. ‘కరోనా’లక్షణాలు ఉండటంతో వైద్యులు పరీక్షలు నిర్వహించి ఇతర అనుమానితులు ఉన్న ఐసోలేషన్‌ వార్డులోనే ఉంచారు. ఆదివారం మధ్యాహ్నం అడ్మిట్‌ అయిన ఆ వృద్ధుడు ఇదేరోజు అర్ధరాత్రి మృతిచెందడంతో ఒక్కసారిగా కలకలం రేగింది. సుమారు 15 గంటల పాటు మృతదేహాన్ని ఇతర పేషెంట్ల మధ్య ఉంచడం మరింత ఆందోళనకు గురి చేస్తోంది. అతనికి కరోనా పాజిటివ్‌ ఉన్నట్లు తేలితే వీరి పరిస్థితి ఏంటన్నది ప్రశ్నార్థకంగా మారింది. ఇటీవలే అహ్మదాబాద్‌ దర్గాకు... డబీల్‌పురాకు చెందిన ఈ వృద్ధుడు మార్చి 17న భార్య, కుమారుడు, కోడలు, మనుమడు, మనమరాలితో కలసి అహ్మదాబాద్‌లోని దర్గాకు ప్రార్థనలు నిమిత్తం వెళ్లాడు. తిరిగి మార్చి 24న హైదరాబాద్‌కు చేరుకున్నాడు. వచ్చినప్పటి నుంచి జ్వరం, దగ్గు, జలుబు, శ్వాసకోశ సమస్యలతో బాధపడుతున్నాడు. జ్వరం అధికం కావడంతో ఈ నెల 9న సమీపంలోని ఓ ప్రైవేట్‌ ఆసుపత్రిలో చేరాడు. కోలుకోకపోవడంతోపాటు ‘కరోనా’లక్షణాలు కనిపించడంతో 12వ తేదీ(ఆదివారం) మధ్యాహ్నం కింగ్‌కోఠి ఆసుపత్రికి తీసుకొచ్చారు. అక్కడ వృద్ధుడికి వైద్యులు ‘కరోనా’పరీక్షలు నిర్వహించి ఇతర అనుమానిత పేషెంట్లతోపాటు ఐసోలేషన్‌ వార్డులో ఉంచారు. ఈ క్రమంలో అదే రోజు అర్ధరాత్రి తీవ్ర అస్వస్థతకు గురై మృతిచెందాడు. ఇతర పేషెంట్ల మధ్యే 15 గంటలు.. అర్ధరాత్రి 2.30 గంటలకు మృతిచెందిన వృద్ధుడిని అక్కడి సిబ్బంది అలాగే ఉంచారు. ఈ వార్డులో ఉన్న మరో 10 మంది రాత్రంతా మృతదేహం మధ్యే బిక్కుబిక్కుమంటూ గడిపారు. ఉదయం నారాయణగూడ పోలీసులు, అబిడ్స్‌ ఏసీపీ బిక్షంరెడ్డి.. జీహెచ్‌ఎంసీ అధికారులకు సమాచారం ఇచ్చినా మృతదేహాన్ని తీసుకెళ్లేందుకు ఎవరూ రాలేదు. మృతదేహాన్ని కవర్‌లో కూడా ఉంచకుండా అలాగే బెడ్‌పై ఉంచడంతో వార్డులోని వారంతా తీవ్ర భయాందోళనకు గురయ్యారు. మధ్యాహ్నం 2.30 గంటలకు మృతదేహాన్ని తీసుకెళ్లేందుకు అంబులెన్స్‌ వచ్చింది. అయితే దాన్ని తరలించే వారు రాకపోవడంతో అక్కడే ఉంచారు. వేరే ప్రాంతంలో మరో మృతదేహాన్ని తరలించేవారు సాయంత్రం 5 గంటల తర్వాత వచ్చి తగు జాగ్రత్తలతో ఈ మృతదేహాన్ని ముషీరాబాద్‌ ఏక్‌మినార్‌లోని శ్మశానవాటికకు తరలించారు.  మరి కుటుంబం పరిస్థితి ఏంటీ? అహ్మదాబాద్‌లో, ఇక్కడికి వచ్చిన తరువాత ఈ వృద్ధుడు కుటుంబంతోనే ఉన్నాడు. ఒక వేళ మరణించిన వ్యక్తికి కరోనా పాజిటివ్‌ వస్తే కుటుంబీకుల పరిస్థితి ఏంటన్నది స్థానికుల నుంచి ఎదురవుతున్న ప్రశ్న. అలాగే రాత్రంతా మృతదేహం ఇతర పేషెంట్ల మధ్యే ఉండటంతో వారికి కూడా కరోనా వస్తుందేమోనని ఆందోళన చెందుతున్నారు. 


 మధ్యప్రదేశ్: మానవత్వ మనుగడ మరోసారి ప్రశ్నార్థకంగా మారింది. చనిపోయిన వ్యక్తి విషయంలో సాయం కోరి వచ్చిన వారిపట్ల చక్కటి ఆరోగ్యంతో ఉచ్వాసనిచ్వాసలు కలిగిన మనుషులు హీనంగా ప్రవర్తిస్తున్నారు. ఎలాంటి భావోద్వేగాలు స్పందనలు లేకుండా ఓ జీవచ్ఛంలా ప్రవర్తిస్తున్నారు. మధ్యప్రదేశ్ లోని సిద్ధి జిల్లాలో హృదయవిదారక ఘటన చోటుచేసుకుంది. చనిపోయిన మృతేహాన్ని తీసుకెళ్లేందుకు మార్చురీ వెహికల్ డ్రైవర్ నిరాకరించడంతో ఆ శవాన్ని వెదురు బొంగుకు కట్టుకొని ఇద్దరు వ్యక్తులు తమ భుజాలపై మోసుకొని వెళుతూ మనిషిన్నవాడు నిజంగానే లేకుండా పోతున్నాడా అని ఆలోచించేలా చేశారు.
 
 వివరాల్లోకి వెళితే సిద్ది జిల్లాలోని ఓ మారుమూల గ్రామానికి చెందిన వ్యక్తి తీవ్ర అనారోగ్యానికి గురి కావడంతో ఐదు కిలో మీటర్ల దూరంలో ఉన్న ప్రభుత్వ ఆస్పత్రికి తీసుకెళ్లారు. అయితే, అతడు చనిపోయాడు. దీంతో ఆ మృతదేహాన్ని తరలించేందుకు మార్చురీ వెహికిల్ మాట్లాడగా పేదలకు తమ వాహనాన్ని ఇవ్వడం కుదరదని నిరాకరించారట. దీంతో వారు చేసేదేం లేక ఐదు కిలోమీటర్లపాటు భూజాలపై శవాన్ని ఎత్తుకొని నడిచుకుంటూ వెళ్లి అంత్యక్రియలు జరిపారు.