బిడ్డర్‌కు ఛోటా షకీల్ నుంచి బెదిరింపు
  ముంబై: మాఫియా డాన్ దావూద్ ఆస్తుల వేలంలో పాల్గొనేందుకు సిద్ధమవుతున్న ఓ జర్నలిస్టుకు.. దావూద్ అనుచరుడు ఛోటా షకీల్‌నుంచి బెదిరింపు ఎస్‌ఎంఎస్ వచ్చింది. ‘వేలంలో పాల్గొంటావా? అసలు నీకేమైంది? బాగానే ఉన్నావనుకుంటున్నా!’ అని ఆ సందేశంలో ఉంది. దావూద్‌కు చెందిన ఏడు భవనాలను స్వాధీనం చేసుకుని, వేలంలో అమ్మడానికి ప్రభుత్వం నియమించిన కమిటీ చర్యలు చేపట్టింది. దక్షిణ ముంబైలోని పక్ మోడియా వీధిలోని ‘రౌనక్ అఫ్రోజ్’ అనే హోటల్ భవనానికి ఈనెల 9న వేలం జరగనుంది.
 
 ఈ హోటల్ విలువను ప్రభుత్వం రూ. 1.18 కోట్లుగా నిర్ణయించింది. భవనాన్ని కొనుగోలు చేసేందుకు మాజీ జర్నలిస్ట్ బాలకృష్ణన్ తన ఎన్‌జీవో సంస్థ అయిన ‘దేశ్ సేవ సమిత్’ (శిశు సంక్షేమం, స్త్రీ సాధికారతకోసం పనిచేస్తోంది) తరపున బిడ్డింగ్ వేశారు.