ఆయిల్‌ అండ్‌ నేచురల్‌ గ్యాస్‌ లిమిడెట్‌ (ఓఎన్‌జీసీ) ముడిచమురు, గ్యాస్‌ ఉత్పత్తిని పెంచనుంది. ఆంధ్రప్రదేశ్‌లోని కృష్ణా-గోదావరి (కేజీ) బేసిన్‌కు చెందిన కేజీ-డీ5 బ్లాక్‌లో ఐదు నంబర్‌ బావి నుంచి ఉత్పత్తి ప్రారంభించినట్లు ఎక్స్ఛేంజీలకు సమాచారం అందించింది. దీనివల్ల రానున్న రోజుల్లో కంపెనీ ఆదాయం పెరగనుందని పేర్కొంది.ఓఎన్‌జీసీ తెలిపిన వివరాల ప్రకారం..కృష్ణా గోదావరి (కేజీ) బేసిన్‌లో లోతైన సముద్ర ప్రాజెక్ట్‌లో ఐదో నంబర్‌ బావి నుంచి ఉత్పత్తి ప్రారంభించింది. ఈ ఏడాది జనవరిలో కేజీ-డీ5 బ్లాక్‌ నుంచి చమురు ఉత్పత్తి చేస్తున్నారు. అయితే ఇందులో నాలుగు బావుల నుంచి ఇప్పటి వరకు చమురు, గ్యాస్‌ వెలికి తీసేవారు. కానీ తాజాగా కేజీ-డీడబ్ల్యూఎన్‌-98/2 క్లస్టర్‌-2 అసెట్‌లో ఐదో చమురు బావిలో ఉత్పత్తి ప్రారంభమైనట్లు ఓఎన్‌జీసీ ఎక్స్ఛేంజీలకు సమాచారం అందించింది. ఈ కొత్త బావి వల్ల ముడిచమురు, సహజ వాయువు ఉత్పత్తి పెరుగుతుందని తెలిపింది.ఇదీ చదవండి: ప్రభుత్వ కంపెనీలకు జరిమానా!ఇదిలా ఉండగా, కొత్త బావి నుంచి ఎంత మొత్తంలో చమురు ఉత్పత్తి చేస్తారనే వివరాలను మాత్రం వెల్లడించలేదు. ఈ బావి ద్వారా చేస్తున్న చమురు, గ్యాస్‌ ఉత్పత్తి వల్ల దిగుమతులు తగ్గే అవకాశం ఉన్నట్లు కంపెనీ తెలిపింది. దాంతో రానున్న రోజుల్లో సంస్థ లాభాలు పెరిగే అవకాశం ఉందని పేర్కొంది.

న్యూఢిల్లీ: కేజీ–డీ6 బ్లాక్‌లోని ఎంజే చమురు, గ్యాస్‌ క్షేత్రం నుంచి ఉత్పత్తి ప్రారంభించినట్లు రిలయన్స్‌ ఇండస్ట్రీస్, దాని భాగస్వామ్య సంస్థ బీపీ వెల్లడించాయి. ఈ బ్లాక్‌లోని మరో రెండు క్షేత్రాలైన ఆర్‌–క్లస్టర్‌ నుంచి 2020 డిసెంబర్‌లో, శాటిలైట్‌ క్లస్టర్‌ నుంచి 2021 ఏప్రిల్‌ నుంచి గ్యాస్‌ ఉత్పత్తి అవుతోంది.  ఎంజే క్షేత్రం గరిష్ట స్థాయికి చేరినప్పుడు కేజీ–డీ6 బ్లాక్‌లోని మొత్తం మూడు క్షేత్రాల నుంచి రోజుకు 30 మిలియన్‌ ప్రామాణిక ఘనపు మీటర్ల గ్యాస్‌ ఉత్పత్తి కాగలదని రిలయన్స్‌–బీపీ తెలిపాయి. ఇది దేశీయంగా ప్రస్తుతం ఉత్పత్తి అవుతున్న గ్యాస్‌లో సుమారు మూడో వంతు ఉంటుందని, డిమాండ్‌లో 15 శాతానికి సరిపోవచ్చని పేర్కొన్నాయి. ఎంజే క్షేత్రంలో కనీసం 0.988 టీసీఎఫ్‌ గ్యాస్‌ ఉంటుంది.

న్యూఢిల్లీ: దేశీయంగా సహజ వాయువు ఉత్పత్తి క్రమంగా పెరుగుతోంది. రిలయన్స్‌ ఇండస్ట్రీస్, దాని భాగస్వామ్య సంస్థ బీపీకి చెందిన కేజీ–డీ6 బ్లాక్‌ ఊతంతో జూన్‌లో నేచురల్‌ గ్యాస్‌ ఉత్పత్తి 19.5% వృద్ధి నమోదు చేసింది. దీంతో వార్షిక ప్రాతిపదికన వరుసగా అయిదో నెలా ఉత్పత్తి పెరిగినట్లయ్యింది. గతేడాది జూన్‌లో 2.32 బిలియన్‌ ఘనపు మీటర్ల గ్యాస్‌ ఉత్పత్తి కాగా ఈ ఏడాది జూన్‌లో ఇది 2.77 బీసీఎంగా నమోదైంది. పెట్రోలియం, సహజ వాయువు శాఖ విడుదల చేసిన డేటాలో ఈ అంశాలు వెల్లడయ్యాయి. 

న్యూఢిల్లీ: ఉత్పత్తి లాభసాటి కాదని గ్యాస్‌ క్షేత్రాలను పక్కన పెట్టిన ఓఎన్‌జీసీ, ఆర్‌ఐఎల్‌... వాటి విషయంలో పునరాలోచించాల్సిన పరిస్థితి ఏర్పడింది. ఎందుకంటే దేశీయంగా గ్యాస్‌ ఉత్పత్తిని పెంచేందుకు ధరల్లో స్వేచ్ఛనివ్వటం, తక్కువ రాయల్టీని వసూలు చేయటం వంటి కీలక నిర్ణయాలను కేంద్రం తీసుకుంది. అన్వేషణ పూర్తయి అభివృద్ధి చేయాల్సిన క్షేత్రాల విషయంలో ఈ కంపెనీలకు ధరల పరంగా పూర్తి స్వేచ్ఛను ఇవ్వాలని కేంద్ర కేబినెట్‌ బుధవారం నిర్ణయం తీసుకుంది. అలాకాకుండా ప్రస్తుతం ఉత్పత్తి చేస్తున్న క్షేత్రాల్లో గనక ఉత్పత్తిని పెంచితే... వాటిపై తక్కువ రాయల్టీని వసూలు చేయాలని నిర్ణయించింది. ప్రధాని మోదీ అధ్యక్షతన జరిగిన కేంద్ర కేబినెట్‌ సమావేశంలో ఈ కొత్త అన్వేషణ విధానాన్ని ఆమోదించామని, ఇందులో దేశీయంగా చమురు, గ్యాస్‌ ఉత్పత్తిని పెంచేందుకు పలు ప్రోత్సాహకాలున్నాయని అధికార వర్గాలు తెలిపాయి. ప్రస్తుతం ఓఎన్‌జీసీ 12 ఆవిష్కరణలను (గ్యాస్‌/చమురు క్షేత్రాల్లో) ఉత్పత్తి లేకుండా పక్కన పెట్టింది. ప్రభుత్వం నిర్ణయించిన ప్రస్తుత ధరల కంటే ఈ క్షేత్రాల్లో ఉత్పత్తి వ్యయం ఎక్కువగా ఉండడమే దీనికి కారణం. రిలయన్స్‌ ఈస్ట్‌కోస్ట్‌ బ్లాక్‌ ఎన్‌ఈసీ–25 వద్ద ఆవిష్కరణల విషయంలోనూ ఇదే పరిస్థితి నెలకొంది. ఇక, ప్రభుత్వరంగ ఓఎన్‌జీసీ, ఆయిల్‌ ఇండియాలకు కేటాయించిన క్షేత్రాల్లో అదనపు ఉత్పత్తిపై 10% రాయల్టీ తగ్గింపు ఇవ్వనున్నట్టు అధికార వర్గాలు తెలిపాయి. ప్రభుత్వానికి అధిక వాటా ఆఫర్‌ చేసే కంపెనీలకు చమురు, గ్యాస్‌ బ్లాక్‌లను కేటాయించే ప్రస్తుత విధానం నుంచి, గతంలో అనుసరించిన అన్వేషణ పనితీరు ఆధారిత కేటాయింపులకు మళ్లాలని ప్రభుత్వం నిర్ణయించినట్టు వెల్లడించాయి. ఇప్పటికే వాణిజ్య ఉత్పత్తిని గుర్తించిన కేటగిరీ–1లోని బ్లాక్‌లను పనితీరుతోపాటు 70:30 రేషియోలో వాటాల పంపిణీపై కేటాయించనున్నట్టు తెలిపాయి. 2, 3వ కేటగిరీల్లోని బ్లాక్‌లను మాత్రం పూర్తిగా కంపెనీల అన్వేషణ, ఉత్పత్తి పనితీరు ఆధారంగానే కేటాయించనున్నట్టు చెప్పాయి. 

న్యూఢిల్లీ: ప్రభుత్వ రంగ దిగ్గజం ఆయిల్‌ అండ్‌ నేచురల్‌ గ్యాస్‌ కార్పొరేషన్‌(ఓఎన్‌జీసీ).. కేజీ బేసిన్‌లోని కేజీ–డీ5 బ్లాక్‌ నుంచి గ్యాస్‌ ఉత్పత్తిని 2019 డిసెంబర్‌ దాకా వాయిదా వేసింది. కొత్తగా అమల్లోకి వచ్చిన వస్తు, సేవల పన్నులు (జీఎస్‌టీ), స్థానిక ఉత్పత్తుల కొనుగోలు మొదలైన విధానాలకు అనుగుణంగా ప్రణాళికలను సవరించాల్సి రావడమే ఇందుకు కారణం. ముందస్తు ప్రణాళికల ప్రకారం కేజీ–డీ5 బ్లాక్‌ నుంచి 2019 జూన్‌ నాటికి గ్యాస్, 2020 మార్చి నాటికి చమురు ఉత్పత్తి ప్రారంభం కావాల్సి ఉంది. కానీ సవరించిన వాటిని బట్టి గ్యాస్‌ ఉత్పత్తి 2019 డిసెంబర్‌ నాటికి, చమురు ఉత్పత్తి 2021 మార్చి నాటికి ప్రారంభమయ్యే అవకాశాలు ఉన్నాయి. వాస్తవానికి కొత్త తేదీలను కొన్ని నెలల క్రితమే నిర్ణయించినట్లు, జూన్‌ 29 నాటి సమావేశంలో బోర్డు ఆమోదానికి సమర్పించినట్లు ఓఎన్‌జీసీ డైరెక్టర్‌ (ఆఫ్‌షోర్‌) రాజేశ్‌ కక్కర్‌ తెలిపారు.   రిలయన్స్‌ ఇండస్ట్రీస్‌కి చెందిన కేజీ–డీ6 బ్లాక్‌కి పక్కనే గల కేజీ–డీ5 బ్లాక్‌ దాదాపు 7,294.6 చ.కి.మీ. విస్తీర్ణంలో ఉంది. దీన్ని ఉత్తర డిస్కవరీ ఏరియా (ఎన్‌డీఏ–3,800.6 చ.కి.మీ.) దక్షిణ డిస్క వరీ ఏరియా (ఎస్‌డీఏ–3,494 చ.కి.మీ.) కింద విభజించారు. ఎన్‌డీఏలో 11 చమురు, గ్యాస్‌ నిక్షేపా లు ఉండగా, ఎస్‌డీఏలో ఏకైక అల్ట్రా–డీప్‌ సీ బ్లాకు యూడీ–1 ఉంది. వీటన్నింటినీ క్లస్టర్‌–ఐ, క్లస్టర్‌–ఐఐ, క్లస్టర్‌–ఐఐఐ కింద వర్గీకరించారు. అయితే, రిలయన్స్‌ ఇండస్ట్రీస్‌తో వివాదం నేపథ్యంలో క్లస్టర్‌– ఐ నుంచి ఉత్పత్తి జోలికెళ్లడం లేదు. రెండో క్లస్టర్‌నే ప్రస్తుతం అభివృద్ధి చేస్తున్నట్లు అధికారులు తెలిపారు.   రెండోసారి..: కేజీ–డీ5 బ్లాక్‌ నుంచి ఉత్పత్తిని ప్రారంభించే డెడ్‌లైన్‌ వాయిదాపడటం ఇది రెండోసారి. 2014 ప్రణాళికల ప్రకారం గ్యాస్‌ ఉత్పత్తి 2018 నుంచి, చమురు ఉత్పత్తి 2019 నుంచి ప్రారంభం కావాల్సి ఉంది. అయితే, సముద్ర గర్భ క్షేత్రాల నుంచి వెలికితీసే ఇంధనాలకు ప్రభుత్వం లాభసాటి రేటును నిర్దేశించే దాకా పెట్టుబడి పణ్రాళికను ఓఎన్‌జీసీ వాయిదా వేసింది. 2016లో ప్రభుత్వం రేటు ను నిర్దేశించిన తర్వాత 5.07 బిలియన్‌ డాలర్ల పెట్టుబడులతో అభివృద్ధి ప్రణాళికను ఆమోదించింది. 


 న్యూఢిల్లీ: రిలయన్స్‌ ఇండస్ట్రీస్‌కి చెందిన కేజీ–డీ6 బ్లాక్‌లో గ్యాస్‌ ఉత్పత్తి లక్ష్యించిన దానిలో 9 శాతానికి తగ్గిపోయింది. 2013–15లో 31,793 మిలియన్‌ ప్రామాణిక ఘనపు మీటర్ల(ఎంఎస్‌సీఎం) గ్యాస్‌ ఉత్పత్తి చేయాల్సి ఉండగా.. అందులో 16% ఉత్పత్తి చేసినట్లు చమురు శాఖ మంత్రి ధర్మేంద్ర ప్రధాన్‌ పార్లమెంటుకు తెలిపారు. ఈ ఏడాది(2016–17)లో 29,317 ఎంఎస్‌సీఎం  ఉత్పత్తి చేయాల్సి ఉండగా.. కేవలం 2,642 ఎంఎస్‌సీఎం మాత్రమే ఉత్పత్తయింది.
 దీంతో దాదాపు 2.75 బిలియన్‌ డాలర్ల మేర  వ్యయాల రికవరీని ప్రభుత్వం అనుమతించలేదని ప్రధాన్‌ పేర్కొన్నారు. రిలయన్స్‌ ఇండస్ట్రీస్‌ రోజుకి 80 మిలియన్‌ ప్రామాణిక ఘనపు మీటర్ల గ్యాస్‌ ఉత్పత్తికి అవసరమైన మౌలిక సదుపాయాలన్నీ ఏర్పాటు చేసినప్పటికీ .. క్షేత్ర అభివృద్ధి ప్రణాళిక అమల్లో విఫలమైందని ప్రధాన్‌ చెప్పారు.


 కేజీ-డీ6లో గ్యాస్ ఉత్పత్తి కోసం
 న్యూఢిల్లీ: ముకేశ్ అంబానీ నియంత్రణలోని రిలయన్స్ ఇండస్ట్రీస్, ఆ కంపెనీ భాగస్వామి బ్రిటన్‌కు చెందిన బీపీ పీఎల్‌సీలు తూర్పు తీరంలోని కేజీ-డీ6 బ్లాక్‌పై రూ.4,500 కోట్ల పెట్టుబడులు పెట్టాయి.  ఏడేళ్ల నుంచి గ్యాస్‌ను ఉత్పత్తి చేస్తున్న ఈ బ్లాక్‌లో గ్యాస్ ఉత్పత్తి పడిపోయినప్పటికీ, గ్యాస్ ఉత్పత్తిని ప్రస్తుత స్థాయిల్లోనే కొనసాగించడానికి ఈ కంపెనీలు ఈ స్థాయిలో పెట్టుబడులు పెట్టాయి. కేజీ-డీ6 బ్లాక్‌లో దాదాపు 16 ప్రాంతాల్లో గ్యాస్ నిక్షేపాలు కనుగొన్నప్పటికీ ధీరూబాయ్-1, 3, గ్యాస్ క్షేత్రాల్లోనూ, ఎంఏ చమురు, గ్యాస్ క్షేత్రంలోనూ ఈ రెండు కంపెనీలు ఉత్పత్తి కార్యకలాపాలు నిర్వహిస్తున్నాయి.
 
 ఈ క్షేత్రాల్లో 2009, ఏప్రిల్ నుంచి గ్యాస్ ఉత్పత్తి జరుగుతోంది. 2010 మార్చిలో రికార్డ్ స్థాయిలో రోజుకు 69.43 మిలియన్ స్టాండర్డ్ క్యూబిక్ మీటర్ల గ్యాస్ ఉత్పత్తయింది. ఆ తర్వాత ఈ బావుల్లోకి నీరు, ఇసుక చేరడంతో ఉత్పత్తి మందగించింది. ఈ క్షేత్రాలు ప్రకృతి సహజంగానే క్షీణిస్తున్నప్పటికీ, ఈ క్షీణతను అడ్డుకోవడానికి, గ్యాస్ ఉత్పత్తిని పెంచడానికి ఈ రెండు కంపెనీలు  రూ.4,500 కోట్లకు మించి పెట్టుబడులు పెట్టాయని సంబంధిత వర్గాలు పేర్కొన్నాయి.
  
 ఈ బ్లాక్‌లో ప్రస్తుతం 8.7 ఎంఎంఎస్‌సీఎండీ గ్యాస్ ఉత్పత్తి అవుతోంది. మరో రెండు బావుల్లో, ఎంఏ చమురు క్షేత్రంలోనూ డ్రిల్లింగ్ జరుగుతోందని, నీటిని తోడివేసి గ్యాస్ రికవరీ పెంచే ప్రయత్నాలు జరుగుతున్నాయని ఆ వర్గాలు వెల్లడించాయి. 2014, నవంబర్‌లో ఆమోదం పొందిన గ్యాస్ ధరల ఫార్ములా ప్రకారం (ఒక్కో మిలియన్ బ్రిటిష్ థర్మల్ యూనిట్‌కు 3.06 డాలర్ల ధర) ధరను పొందడం కోసమే ఈ గ్యాస్ క్షేత్రాల నుంచి గ్యాస్ ఉత్పత్తిని మెరుగుపరచాలని ఈ రెండు కంపెనీలు ప్రయత్నిస్తున్నాయి.  ఈ ధరల ఫార్ములాను ఈ ఏడాది అక్టోబర్‌లో తగ్గించే అవకాశం ఉంది.


 న్యూఢిల్లీ: కేజీ బేసిన్ డీ5 ఆయిల్, గ్యాస్ బ్లాక్‌ల్లో ఆయిల్, గ్యాస్ వెలికితీత కోసం ప్రభుత్వ రంగ సంస్థ, ఓఎన్‌జీసీ 500 కోట్ల డాలర్లు(రూ.34,000 కోట్లు) పెట్టుబడులు పెడుతోంది. ఈ చమురు క్షేత్రాల నుంచి 2019 జూన్ కల్లా తొలి గ్యాస్ ఉత్పత్తి జరుగుతుందని, ఇక చమురు ఉత్పత్తి మార్చ్ 2020 కల్లా మొదలవుతుందని ఓఎన్‌జీసీ సీఎండీ డి.కె. సరాఫ్ చెప్పారు. బంగాళాఖాతంలోని కేజీ-డీడబ్ల్యూఎన్-98/2(కేజీ-డీ5)లోని 10 ఆయిల్, గ్యాస్ క్షేత్రాల్లో ఉత్పత్తి కోసం 507.6 కోట్ల డాలర్ల పెట్టుబడులకు ఓఎన్‌జీసీ డెరైక్టర్ల బోర్డ్ ఆమోదం తెలిపిందని వివరించారు.
 ప్రభుత్వ కొత్త ధరల విధానంలో కేజీ-డీ5 నుంచి చమురు, గ్యాస్ వెలికితీత ప్రయోజనకరమేనని, అందుకే ఈ పెట్టుబడుల ప్రణాళికలకు బోర్డ్ ఆమోదం తెలిపిందని  వివరించారు.  ఉత్పత్తి ప్రారంభమైన రెండేళ్లకు రోజుకు 77,305 బ్యారెళ్ల చమురును, 16.56 మిలియన్ స్టాండర్డ క్యూబిక్ మీటర్ల గ్యాస్‌ను ఉత్పత్తి చేస్తామని వివరించారు. ఈ క్షేత్రాల నుంచి వెలికితీసిన గ్యాస్‌ను ఫిక్స్‌డ్ ప్లాట్‌ఫామ్ ద్వారా ఆంధ్రప్రదేశ్‌లోని తూర్పు గోదావరి జిల్లాలోని ఓడలరేవు ఆన్‌షోర్ టెర్మినల్ ద్వారా బయటకు తేవాలనే ప్రతిపాదన ఉందని పేర్కొన్నారు.


 న్యూఢిల్లీ: దేశీయంగా చమురు, గ్యాస్ ఉత్పత్తిని పెంచేందుకు, ఈ రంగంలో పెట్టుబడులను ఆకర్షించేందుకు తీసుకోవాల్సిన చర్యల గురించి ప్రధాని నరేంద్ర మోదీ మంగళవారం అంతర్జాతీయ నిపుణులతో చర్చించారు. దాదాపు రెండు గంటల పాటు సాగిన సమావేసంలో బ్రిటన్ చమురు దిగ్గజం బీపీ గ్రూప్ సీఈవో బాబ్ డడ్లీ, ఇంటర్నేషనల్ ఎనర్జీ ఏజెన్సీ (ఐఈఏ) ఈడీ ఫాతిహ్ బిరోల్ తదితరులు పాల్గొన్నారు. పెట్టుబడుల రాకకు ఎదురవుతున్న నియంత్రణపరమైన అడ్డంకులను తొలగించాలని, సహజ వాయువు ధరలపై నియంత్రణలను ఎత్తివేయాలని నిపుణులు ఈ సందర్భంగా సూచించినట్లు సంబంధిత వర్గాలు తెలిపాయి.
 
 ప్రస్తుతం ఉత్పత్తి వ్యయం కన్నా తక్కువగా క్రూడాయిల్ బ్యారెల్ రేటు 37 డాలర్లకు పడిపోవడంతో చమురు కంపెనీలు పెట్టుబడులను, సిబ్బందిని తగ్గించుకుంటున్న నేపథ్యంలో తాజా భేటీ ప్రాధాన్యం సంతరించుకుంది. భవిష్యత్‌లో వేలం వేసే క్షేత్రాల గ్యాస్‌కు మార్కెట్ ఆధారిత ధరను ఇచ్చే ప్రతిపాదన పరిధిలోకి ప్రస్తుత నిక్షేపాలకు కూడా వర్తింపచేసే అంశం ఇందులో చర్చకు వ చ్చినట్లు కేంద్రం ఒక అధికారిక ప్రకటనలో తెలిపింది.
 
 చమురు, గ్యాస్ రంగంలో టెక్నాలజీలను మెరుగుపర్చుకోవడం, మానవ వనరుల అభివృద్ధి, పెట్టుబడులను ఆకర్షించడం తదితర అంశాలపై దృష్టి పెట్టాల్సిన అవసరం ఉందని ఈ సందర్భంగా మోదీ చెప్పినట్లు వివరించింది.


 న్యూఢిల్లీ: సహజ వాయువు ధరలను పెంచిన నేపథ్యంలో రిలయన్స్ ఇండస్ట్రీస్ (ఆర్‌ఐఎల్) సరఫరా చేసే గ్యాస్‌కి సంబంధించిన బిల్లింగ్‌పై కేంద్రం మల్లగుల్లాలు పడుతోంది. పెంచిన ధర ప్రకారం యూనిట్‌కు(ఎంబీటీయూ) 5.61 డాలర్ల రేటు చొప్పున కొనుగోలు సంస్థలు ఈ వారాంతంలో కంపెనీకి చెల్లించాలి. అయితే, గ్యాస్ ఉత్పత్తి వివాదం తేలేంతవరకూ ఆర్‌ఐఎల్‌కి చెందిన డీ1, డీ3 క్షేత్రాల గ్యాస్ యూనిట్‌కు 4.2 డాలర్ల పాత ధరే కొనసాగించాలన్న ప్రభుత్వ నిర్ణయంతో బిల్లింగ్‌పై సందిగ్ధత ఏర్పడింది.
 
 దీంతో ప్రధానంగా రెండు పరిష్కారమార్గాలపై ప్రభుత్వం కసరత్తు చేస్తోన్నట్లు చమురు శాఖ వర్గాలు తెలిపాయి. మొదటిదాని ప్రకారం కొనుగోలు సంస్థలు 5.61 డాలర్ల రేటు రిలయన్స్‌కే చెల్లిస్తే, రిలయన్స్ అందులో 4.2 డాలర్లు అట్టే పెట్టుకుని మిగతా 1.41 డాలర్లను ప్రభుత్వం ఏర్పాటు చేసిన గ్యాస్ పూల్ అకౌంటులో జమచేయాలి.
 
 రెండో దాని ప్రకారం రిలయన్స్‌కి కొనుగోలు సంస్థలు 4.2 డాలర్లే చెల్లించి, మిగతా మొత్తం నేరుగా గ్యాస్ పూల్ అకౌంటులో జమచేయాలి. గ్యాస్ రేటును పెంచినప్పటికీ కేజీ డీ6 బ్లాక్‌లో నిర్దేశిత స్థాయిలో గ్యాస్ ఉత్పత్తి చేయలేదన్న ఆరోపణలపై నిజానిజాలు తేలేంత వరకూ రిలయన్స్‌కు కొత్త రేటును పూర్తి స్థాయిలో వర్తింపచేయకూడదని ప్రభుత్వం నిర్ణయించిన సంగతి తెలిసిందే.