రాజ్‌గిర్‌ (బిహార్‌): పారిస్‌ ఒలింపిక్స్‌కు అర్హత పొందకపోవడం... ఆ తర్వాత ప్రొ హాకీ లీగ్‌లోనూ ఆడిన 16 మ్యాచ్‌ల్లో కేవలం రెండింటిలో విజయం సాధించడం... వెరసి ఈ ఏడాది భారత మహిళల హాకీ జట్టుకు ఏదీ కలసి రాలేదు. ఈ నేపథ్యంలో సొంతగడ్డపై వరుసగా రెండోసారి జరుగుతున్న ఆసియా మహిళల హాకీ చాంపియన్స్‌ ట్రోఫీలో భారత జట్టు ప్రదర్శనపై అందరి దృష్టి కేంద్రీకృతమైంది. హెడ్‌ కోచ్‌ హరేంద్ర సింగ్‌ పర్యవేక్షణలో సలీమా టెటె సారథ్యంలో భారత బృందం ఈ టోర్నీలో తమ అదృష్టాన్ని పరీక్షించుకోనుంది.సోమవారం జరిగే తొలి లీగ్‌ మ్యాచ్‌లో మలేసియాతో భారత్‌ తలపడుతుంది. సాయంత్రం 4 గంటల 45 నిమిషాలకు ఈ మ్యాచ్‌ మొదలవుతుంది. గత ఏడాది రాంచీలో జరిగిన చాంపియన్స్‌ ట్రోఫీ టోర్నీలో భారత జట్టు విజేతగా నిలిచింది. ఈసారీ టైటిల్‌ నిలబెట్టుకోవాలంటే టీమిండియా అన్ని రంగాల్లో సమష్టిగా రాణించాల్సి ఉంటుంది. పారిస్‌ ఒలింపిక్స్‌ రజత పతక విజేత చైనా, జపాన్, దక్షిణ కొరియా, థాయ్‌లాండ్‌ జట్లు కూడా ఈ టోర్నీలో ఆడుతున్నాయి. తొలి రోజు జరిగే ఇతర మ్యాచ్‌ల్లో జపాన్‌తో దక్షిణ కొరియా (మధ్యాహ్నం గం. 12:15 నుంచి), చైనాతో థాయ్‌లాండ్‌ (మధ్యాహ్నం గం. 2:30 నుంచి) తలపడతాయి. సోమవారం మలేసియాతో మ్యాచ్‌ తర్వాత భారత జట్టు తమ తదుపరి మ్యాచ్‌ల్లో కొరియా (12న)తో, థాయ్‌లాండ్‌ (14న)తో, చైనా (16న)తో, జపాన్‌ (17న)తో ఆడుతుంది. లీగ్‌ దశ ముగిశాక టాప్‌–4లో నిలిచిన నాలుగు జట్లు సెమీఫైనల్స్‌ చేరుకుంటాయి. సెమీఫైనల్స్‌ 19న, ఫైనల్‌ 20న జరుగుతాయి.

రాంచీ: భారత అమ్మాయిల హాకీ జట్టు ఎదురులేని ప్రదర్శనతో దూసుకెళుతోంది. ఆసియా మహిళల హాకీ చాంపియన్స్‌ ట్రోఫీ టోర్నమెంట్‌లో భారత్‌ 5–0తో మలేసియాపై ఘనవిజయం సాధించింది. వందన కటారియా (7, 21వ నిమిషాల్లో) చక్కని ఆటతీరుతో రెండు గోల్స్‌ చేసింది. సంగీత కుమారి (28వ ని.), లాల్‌రెమ్‌సియామి (28వ ని.) క్షణాల వ్యవధిలోనే చెరో గోల్‌ సాధించిపెట్టారు. మూడో క్వార్టర్‌లో జ్యోతి (38వ ని.) కూడా గోల్‌ చేయడంతో భారత్‌ ఏకపక్ష విజయం సాధించింది. తొలి లీగ్‌లో భారత్‌ 7–1తో థాయ్‌లాండ్‌పై నెగ్గింది.  

రాంచీ: ఆసియా మహిళల హాకీ చాంపియన్స్‌ ట్రోఫీ టోర్నమెంట్‌లో భారత జట్టు భారీ విజయంతో బోణీ కొట్టింది. థాయ్‌లాండ్‌ జట్టుతో శుక్రవారం జరిగిన తమ తొలి లీగ్‌ మ్యాచ్‌లో టీమిండియా 7–1తో నెగ్గింది. భారత్‌ తరఫున సంగీత కుమారి (29వ, 45వ, 45వ ని.లో) మూడు గోల్స్‌ చేయగా... మోనిక (7వ ని.లో), లాల్‌రెమ్‌సియామి (52వ ని.లో), సలీమా టెటె (15వ ని.లో), దీపిక (40వ ని.లో) ఒక్కో గోల్‌ సాధించారు. 

స్వదేశంలో తొలిసారి జరుగుతున్న ఆసియా మహిళల హాకీ చాంపియన్స్‌ ట్రోఫీలో టైటిల్‌ నెగ్గడమే లక్ష్యంగా భారత జట్టు బరిలోకి దిగనుంది. ఆరు జట్ల మధ్య జరిగే ఈ టోర్నీ నేడు రాంచీలో మొదలవుతుంది. తొలి రోజు థాయ్‌లాండ్‌ జట్టుతో సవితా పూనియా కెపె్టన్సీలోని భారత జట్టు ఆడనుంది. మ్యాచ్‌ రాత్రి గం. 8:30 నుంచి జరుగుతుంది.   చైనా, జపాన్, కొరియా, మలేసియా జట్లు కూడా ఈ టోరీ్నలో పోటీపడుతున్నాయి. థాయ్‌లాండ్‌తో మ్యాచ్‌ తర్వాత భారత్‌ 28న మలేసియాతో, 30న చైనాతో, 31న జపాన్‌తో, నవంబర్‌ 2న కొరియాతో ఆడుతుంది. లీగ్‌ దశ ముగిశాక టాప్‌–4లో నిలిచిన జట్లు నవంబర్‌ 4న సెమీఫైనల్లో తలపడతాయి. నవంబర్‌ 5న ఫైనల్‌తో టోర్నీ ముగుస్తుంది.  ఈ టోర్నీ మ్యాచ్‌లను సోనీ స్పోర్ట్స్‌ టెన్‌–5 చానెల్‌లో, సోనీ లివ్‌ యాప్‌లో ప్రత్యక్ష ప్రసారం చేస్తారు. 

సాక్షి, చెన్నై: స్వదేశంలో తొలిసారి జరుగుతున్న ఆసియా పురుషుల హాకీ చాంపియన్స్‌ ట్రోఫీలో టైటిల్‌ సాధించడమే లక్ష్యంగా భారత జట్టు బరిలోకి దిగనుంది. ఆరు జట్లు పాల్గొంటున్న ఈ టోర్నీకి గురువారం ఎగ్మూర్‌లోని మేయర్‌ రాధాకృష్ణన్‌ స్టేడియంలో తెర లేవనుంది. భారత్‌తోపాటు పాకిస్తాన్, చైనా, మలేసియా, జపాన్, దక్షిణ కొరియా జట్లు ఈ టోర్నీలో తమ అదృష్టాన్ని పరీక్షించుకోనున్నాయి. తొలి రోజు కొరియాతో జపాన్‌ (సాయంత్రం గం. 4 నుంచి); మలేసియాతో పాకిస్తాన్‌ (సాయంత్రం గం. 6:15 నుంచి); చైనాతో భారత్‌ (రాత్రి గం. 8:30 నుంచి) పోటీపడతాయి. భారత్, పాక్‌ మ్యాచ్‌ ఆగస్టు 9న జరుగుతుంది. ఆరు జట్ల మధ్య ముందుగా రౌండ్‌ రాబిన్‌ లీగ్‌ పద్ధతిలో మ్యాచ్‌లను నిర్వహిస్తారు. టాప్‌–4లో నిలిచిన జట్లు సెమీఫైనల్‌ చేరుకుంటాయి. సెమీఫైనల్స్‌లో నెగ్గిన జట్లు ఆగస్టు 12న ఫైనల్లో తలపడతాయి. మ్యాచ్‌లను స్టార్‌ స్పోర్ట్స్‌ ఫస్ట్‌ చానెల్‌లో ప్రత్యక్ష ప్రసారం చేస్తారు.    

మస్కట్‌ (ఒమన్‌): ఆసియా హాకీ చాంపియన్స్‌ ట్రోఫీలో వరుసగా నాలుగో విజయం సాధించాలని ఆశించిన భారత్‌ను మలేసియా జట్టు నిలువరించింది. నిర్ణీత సమయంలో రెండు జట్లు గోల్‌ చేయకపోవడంతో మ్యాచ్‌ 0–0తో ‘డ్రా’గా ముగిసింది. భారత్‌కు రెండు పెనాల్టీ కార్నర్‌లు లభించినా వాటిని సద్వినియోగం చేసుకోలేకపోయింది.   నాలుగేసి లీగ్‌ మ్యాచ్‌లు పూర్తి చేసుకున్న భారత్, మలేసియా జట్లు మూడు విజయాలు సాధించి ఒక ‘డ్రా’ నమోదు చేశాయి. ఇరుజట్లు 10 పాయింట్లతో సంయుక్తంగా అగ్రస్థానంలో ఉన్నాయి. నేడు జరిగే చివరి లీగ్‌ మ్యాచ్‌లో దక్షిణ కొరియాతో భారత్‌ తలపడుతుంది. 

ఊహించినట్లే జరిగింది. డిఫెండింగ్‌ చాంపియన్‌ హోదాలో బరిలోకి దిగిన భారత్‌ ఆసియా చాంపియన్స్‌ ట్రోఫీ ఆరంభ మ్యాచ్‌లోనే అదరగొట్టింది. ఆతిథ్య ఒమన్‌తో జరిగిన తొలి లీగ్‌ మ్యాచ్‌లో ఏకపక్ష విజయాన్ని నమోదు చేసింది. నేడు జరిగే రెండో లీగ్‌ మ్యాచ్‌లో చిరకాల ప్రత్యర్థి పాకిస్తాన్‌తో ‘ఢీ’కొనేందుకు సిద్ధమైంది.   మస్కట్‌: యువ ఆటగాడు దిల్‌ప్రీత్‌ సింగ్‌ ‘హ్యాట్రిక్‌’ సాధించడంతో... ఆసియా హాకీ చాంపియన్స్‌ ట్రోఫీ టోర్నమెంట్‌లో భారత్‌ శుభారంభం చేసింది. ఒమన్‌ జట్టుతో జరిగిన తొలి లీగ్‌ మ్యాచ్‌లో టీమిండియా 11–0 గోల్స్‌ తేడాతో ఘనవిజయం సాధించింది. భారత్‌ తరఫున దిల్‌ప్రీత్‌ సింగ్‌ (41వ, 55వ, 57వ నిమిషాల్లో) మూడు గోల్స్‌ చేయగా... లలిత్‌ ఉపాధ్యాయ్‌(17వ ని.లో), హర్మన్‌ప్రీత్‌ సింగ్‌ (22వ ని.లో), నీలకంఠ శర్మ (23వ ని.లో), మన్‌దీప్‌ సింగ్‌ (30వ ని.లో), గుర్జంత్‌ సింగ్‌ (37వ ని.లో), ఆకాశ్‌దీప్‌ సింగ్‌ (48వ ని.లో), వరుణ్‌ కుమార్‌ (49వ ని.లో), చింగ్లేన్‌సనా (53వ ని.లో) ఒక్కో గోల్‌ సాధించారు. ‘హ్యాట్రిక్‌’ హీరో 18 ఏళ్ల దిల్‌ప్రీత్‌ సింగ్‌కు ‘మ్యాన్‌ ఆఫ్‌ ద మ్యాచ్‌’ పురస్కారం లభించింది. నేడు జరిగే రెండో లీగ్‌ మ్యాచ్‌లో దాయాది పాకిస్తాన్‌తో భారత్‌ తలపడనుంది.  గతంలో ఒమన్‌తో ఆడిన ఆరు మ్యాచ్‌ల్లో కేవలం ఒక్క గోల్‌ మాత్రమే సమర్పించుకొని అన్నింటా విజయాలు నమోదు చేసిన భారత్‌ ఈసారీ అదే జోరును కొనసాగించింది. 15 నిమిషాల తొలి క్వార్టర్‌లో ఖాతా తెరువలేకపోయిన భారత్‌ ఆ తర్వాతి మూడు క్వార్టర్స్‌లో గోల్స్‌ వర్షం కురిపించింది. భారత్‌ దూకుడు పెంచడంతో ఆరంభంలో కాస్త పోటీనిచ్చిన ఒమన్‌ ఆ తర్వాత చేతులెత్తేసింది. ‘ఇది నా వ్యక్తిగత ప్రతిభ కాదు. తోటి ఆటగాళ్ల సహకారంతోనే నేను మూడు గోల్స్‌ చేశాను’ అని కెరీర్‌లో తొలిసారి ‘మ్యాన్‌ ఆఫ్‌ ద మ్యాచ్‌’ అవార్డు పొందిన దిల్‌ప్రీత్‌ వ్యాఖ్యానించాడు. మరోవైపు చీఫ్‌ కోచ్‌ హరేంద్ర సింగ్‌ మాట్లాడుతూ భారీ విజయంతో బోణీ చేయాలన్న లక్ష్యంతోనే బరిలోకి దిగినట్లు తెలిపారు. అయితే తొలి క్వార్టర్‌లో భారత ప్రదర్శనపై ఆయన అసంతృప్తి వ్యక్తం చేశారు. ‘శుభారంభంతో సంతోషంగా ఉన్నాను. అయితే తొలి క్వార్టర్‌లో మేము సరిగ్గా ఆడలేదు. నేడు పాకిస్తాన్‌తో జరిగే మ్యాచ్‌ కోసం ఆసక్తిగా ఎదురుచూస్తున్నాం. ఆసియా క్రీడల సెమీఫైనల్లో మలేసియా చేతిలో ఓటమి తర్వాత కొన్ని రోజులపాటు ఆటగాళ్లు నిరాశగా ఉన్నారు. అయితే గతం గురించి ఆలోచిస్తూ కూర్చుంటే ఫలితం ఉండదు. ప్రస్తుతం మా దృష్టి ఈ టోర్నమెంట్‌పైనే ఉంది’ అని హరేంద్ర సింగ్‌ అన్నారు.  


 భువనేశ్వర్: చాంపియన్స్ ట్రోఫీ హాకీ టైటిల్ ను జర్మనీ కైవశం చేసుకుంది. భువనేశ్వర్ లోని కలింగ మైదానంలో ఆదివారం జరిగిన ఫైనల్ మ్యాచ్ లో పాకిస్థాన్ ను 2-0తో ఓడించి విజేతగా నిలిచింది. దీంతో చాంపియన్స్ ట్రోఫీని జర్మనీ పదోసారి సొంతం చేసుకుంది. 2007 తర్వాత మళ్లీ టైటిల్ గెలిచింది.
 
 1998 తర్వాత మరోసారి ఈ మెగా టోర్నీలో టైటిల్ పోరుకు అర్హత సాధించిన పాకిస్థాన్ కు నిరాశే ఎదురైంది. ఫైనల్ మ్యాచ్ ఆడకుండా పాక్ ఆటగాళ్లు మహ్మద్ తౌషిక్, అలీ అంజాద్ లపై సస్పెన్షన్ వేటు ఆ జట్టు విజయావకాశాలపై ప్రభావం చూపింది. భారత్తో సెమీ ఫైనల్ సందర్భంగా అనుచితంగా ప్రవర్తించడంతో అంతర్జాతీయ హాకీ సమాఖ్య వీరిద్దరిపై వేటు వేసింది.


 భువనేశ్వర్: హాకీ చాంపియన్స్ ట్రోఫీలో ఇంగ్లండ్ శుభారంభం చేసింది. గ్రూప్ ఏ లో భాగంగా శనివారం ఇక్కడ ఆస్ట్రేలియాతో జరిగిన మ్యాచ్ లో ఇంగ్లండ్ అద్వితీయమైన విజయాన్ని సాధించింది. విశ్వవిజేత ఆస్ట్రేలియాను బోల్తా కొట్టించిన ఇంగ్లండ్ 3-1 తేడాతో తొలి విజయాన్ని తన ఖాతాలో వేసుకుంది.  ఇదిలా ఉండగా  గ్రూప్ బిలో ఉన్న హాకీ ఇండియా ఆదివారం నాటి మ్యాచ్ లో అర్జెంటీనాతో తలపడనుంది.