Updates..👉కువైట్‌ అగ్ని ప్రమాదంలో చనిపోయిన వారికి సీఎం విజయన్‌, కేంద్ర మంత్రి కృతివర్ధన్‌ సింగ్‌, ఇతర మంత్రులు నివాళులు అర్పించారు. కొచ్చిన్‌ విమానాశ్రయంలో సంతాపం తెలిపారు. #WATCH | Ernakulam: Kerala CM Pinarayi Vijayan, MoS MEA Kirti Vardhan Singh and other ministers pay homage to the mortal remains of the victims of the fire incident in Kuwait, at Cochin International Airport. pic.twitter.com/LvcbBEmQm8— ANI (@ANI) June 14, 2024 👉 కువైట్‌లో మరణించిన వాళ్ల మృతదేహాలను కొచ్చిన్‌ ఎయిర్‌పోర్టు నుంచి స్వస్థలాలకు తరలిస్తామని విదేశాంగ శాఖ ప్రకటించింది. #WATCH | Ernakulam, Kerala: The mortal remains of the 45 Indian victims in the fire incident in Kuwait arrive at Cochin International Airport. pic.twitter.com/nzl5vDNze4— ANI (@ANI) June 14, 2024 #WATCH | Ernakulam, Kerala: The mortal remains of 45 Indian victims in the fire incident in Kuwait being taken out of the special Indian Air Force aircraft at Cochin International Airport.(Source: CIAL) pic.twitter.com/Dsn8hHhcqS— ANI (@ANI) June 14, 2024 కువైట్‌ మృతుల్లో తెలుగు వాళ్లు వీళ్లే శ్రీకాకుళం జిల్లా సోంపేట మండలం జింకిభద్ర గ్రామానికి చెందిన తామాడ లోకనాథం (31), తూర్పుగోదావరి జిల్లా పెరవలి మండలం ఖండవల్లికి చెందిన సత్యనారాయణ, అన్నవరప్పాడుకు చెందిన మీసాల ఈశ్వరుడు 👉 కువైట్‌ నుంచి 45 మంది భారతీయుల మృతదేహాలు కొచ్చిన్‌ చేరుకున్నాయి. మృతుల్లో ఏపీకి చెందిన వారు ముగ్గురు ఉన్నారు. కాగా, మృతదేహాలకు ప్రభుత్వం డీఎన్‌ఏ టెస్టులు నిర్వహించనుంది. #WATCH | Ernakulam: Kerala CM Pinarayi Vijayan arrives at the Cochin International Airport where the special IAF aircraft carrying the mortal remains of 45 Indian victims in the fire incident in Kuwait will reach shortly. pic.twitter.com/oKNVYE0lcG— ANI (@ANI) June 14, 2024 👉 కొచ్చిన్‌ విమానాశ్రయానికి చేరుకున్న కేరళ సీఎం పినరయి విజయన్‌, కేంద్రమంత్రి సురేష్‌ గోపి. మృతదేహాలను బంధువులకు అప్పగించేందకు అన్ని ఏర్పాట్లు చేసిన ప్రభుత్వం. అంబులెన్స్‌లు సిద్ధం చేసిన కేరళ ప్రభుత్వం. #WATCH | Ernakulam: Special IAF aircraft carrying the mortal remains of 45 Indian victims in the fire incident in Kuwait reaches Cochin International Airport. (Source: CIAL) pic.twitter.com/UKhlUROaP7— ANI (@ANI) June 14, 2024 👉ఇటీవల కువైట్‌లో జరిగిన అ‍గ్ని ప్రమాదంలో భారత్‌కు చెందిన 45 మంది కార్మికులు మరణించారు. కాగా, వారి మృతదేహాలను భారత్‌కు తరలిస్తున్నారు. భారత వైమానిక దళానికి చెందిన ప్రత్యేక విమానం C-130J శుక్రవారం ఉదయం కువైట్‌ నుంచి కేరళకు బయలుదేరింది.👉కాగా, కువైట్‌లోని మంగాఫ్‌లో జరిగిన ఘోర అగ్ని ప్రమాదంలో 45 మంది భారతీయులు మృతిచెందారు. ఈ నేపథ్యంలో వారి మృతదేహాలను భారత్‌కు తరలించేందుకు విదేశాంగశాఖ తీవ్ర ప్రయత్నాలు చేస్తోంది. శుక్రవారం ఉదయం విదేశాంగ శాఖ సహాయ మంత్రి కీర్తి వర్ధన్ సింగ్ కువైట్‌ చేరుకున్నారు. ఈ సందర్భంగా ఆయన కువైట్‌ అధికారులతో మాట్లాడి మృతదేహాలను వెంటనే భారత్‌కు తరలించేలా కృషి చేశారు. ఇక, భారతీయుల మృతదేహాలతో ప్రత్యేక విమానం C-130J కువైట్‌ నుంచి శుక్రవారం ఉదయం బయలుదేరింది. 🚨 India to repatriate remains of 45 nationals killed in Kuwait fire. Most victims are from Kerala (23), followed by Tamil Nadu (7), Andhra Pradesh (3), Uttar Pradesh (3), Odisha (2), and one each from Bihar, Punjab, Karnataka, Maharashtra, West Bengal, Jharkhand, and Haryana.… https://t.co/hLkfaxVnzl pic.twitter.com/mAxV5uzmXK— Dharmishtha (@Dharmishtha_D) June 14, 2024 అయితే, దక్షిణ కువైట్‌లోని విదేశీ కార్మికులు నివసిస్తున్న భవనంలో జరిగిన భారీ అగ్నిప్రమాదంలో దాదాపు 50 మంది మృతిచెందగా వారిలో 45 మంది భారతీయులు ఉన్నారు. ఈ ప్రమాదంలో మరో 50 మంది గాయపడ్డారు. మృతుల్లో ఎక్కువ మంది కేరళకు చెందినవారు ఉన్నారు. 24 మంది మలయాళీలు చనిపోయినట్టు సమాచారం. ఈ మేరకు ఓ అధికారి అనధికారికంగా ఓ ప్రకటన చేశారు. ప్రత్యేక విమానం కొచ్చి విమానాశ్రయానికి వస్తున్న నేపథ్యంలో అక్కడ భారీ భద్రతను ఏర్పాటు చేశారు. అలాగే, మృతదేహాలను వారి స్వస్థలాలకు తరలించేందుకు అన్ని ఏర్పాట్లు చేసినట్టు అధికారులు చెబుతున్నారు. We have made all the required arrangements for receiving the bodies. We have coordinated with the family members of the victims: #Ernakulam Range DIG Putta Vimaladitya on mortal remains of #Kuwait fire incident pic.twitter.com/bw8u0YvO1F— DD News (@DDNewslive) June 14, 2024

వాషింగ్టన్‌: చినూక్ హెలికాప్టర్ల సేవలను అర్థాంతరంగా నిలిపివేసింది అమెరికా సైన్యం.  ఇంజిన్‌లో మంటలు చెలరేగే ప్రమాదముందని ఆకస్మికంగా ఈ నిర్ణయం తీసుకుంది. దీంతో ఒక్క చినూక్ హెలికాప్టర్‌ కూడా నింగిలోకి ఎగరకుండా నేలకే పరిమితమయ్యాయి. అయితే అమెరికా నుంచి దిగుమతి చేసుకున్న చినూక్ విమానాలను భారత వాయుసేన విరివిగా వినియోగిస్తోంది. ఈ నేపథ్యంలో వీటి సేవలను నిలిపివేయడంపై ఆందోళన వ్యక్తం చేసింది. దీని గురించి వివరణ ఇవ్వాలని అమెరికాకు లేఖ రాసింది. 70 చినూక్ హెలికాప్టర్లను పరిశీలించిన తర్వాత అందులోని ఓ భాగం వల్ల ఇంజిన్‌లో మంటలు సంభవించే ముప్పు ఉందని అమెరికా ఆర్మీ మెటిరీయల్ కమాండ్‌ సూచించింది. దీంతో ముందు జాగ్రత్త చర్యగా వీటి సేవలను నిలిపివేశారు అధికారులు. గతంలో పలుమార్లు ఈ హెలికాప్టర్ ఇంజిన్‌ నుంచి మంటలు వచ్చి చిన్న చిన్న ప్రమాదాలు జరిగాయి. కానీ ఎలాంటి ప్రాణనష్టం జరగలేదు. చినూక్ హెలికాప్టర్లను లాజిస్టిక్‌ సేవలలో ఎక్కువగా ఉపయోగిస్తారు. వందల టన్నుల బరువును ఇవి మోయగలవు. వీటిని తాత్కాలికంగా నిలిపివేసిన తరుణంతో అమెరికా సైన్యానికి వస్తు రవాణాలో సవాళ్లు ఎదరుయ్యే పరిస్థితి కన్పిస్తోంది. ఈ ఆంక్షలు ఎప్పటివరకు అమలులో ఉంటాయి అనే విషయంపై కూడా స్పష్టత లేదు. చదవండి: ప్రచ్ఛన్న యుద్ధానికి ముగింపు పలికిన సోవియట్ యూనియన్ నేత మృతి

చెన్నై: భారత వైమానిక దళానికి చెందిన విమానం గాలిలో ఉండగానే ఇంధన ట్యాంక్‌ కింద పడిపోయిన ఘటన కలకలం రేపింది. తమిళనాడులోని ఓ పొలంలో జెట్‌ ఇంధన ట్యాంక్‌ పడిపోవడంతో అధికారులు విచారణకు ఆదేశించారు. ఈ ఘటన మంగళవారం ఉదయం కోయంబత్తూరులో చోటు చేసుకుంది. సులూరు వైమానిక దళానికి సమీపంలో ఉన్న పొలంలో ఇంధన ట్యాంక్‌ పడిపోవడం గమనించి వెంటనే అప్రమత్తమైన పైలట్‌.. దానిని సురక్షితంగా నేలపైకి దింపాడు. దీంతో పెనుప్రమాదం తప్పింది. ఈ ఘటనలో ఎలాంటి ప్రాణ నష్టం గానీ, పేలుళ్లు గానీ సంభవించలేదని వైమానిక దళం అధికారులు వెల్లడించారు. ఘటనపై సమగ్ర దర్యాప్తునకు ఆదేశించినట్లు తెలిపారు. కాగా ఐఏఎఫ్‌నకు చెందిన తేలికపాటి యుద్ధ విమానం తేజస్‌ను పూర్తిస్థాయి స్వదేశీ పరిజ్ఞానంతో అభివృద్ధి చేసిన సంగతి తెలిసిందే. గాల్లోనే ఇంధనం నింపగలిగే సామర్థ్య పరీక్షను తేజస్‌ గతేడాది విజయవంతంగా పూర్తి చేసి అరుదైన ఘనత సాధించింది.

శ్రీకాకుళం: ఇండియన్‌ ఎయిర్‌ఫోర్స్‌కు చెందిన ఓ హెలికాప‍్టర్‌కు తృటిలో ప్రమాదం తప్పింది. ఇంజిన్‌లో సాంకేతిక లోపం తలెత్తడంతో హెలికాప్టర్‌ గురువారం అత్యవసరంగా  శ్రీకాకుళం జిల్లాలో ల్యాండ్‌ అయింది. ఈ ఘటన శ్రీకాకుళం జిల్లా సోంపేట మండలం శారదాపురం సమీపంలో ఇవాళ మధ్యాహ్నం చోటుచేసుకుంది. కాగా హెలికాప్టర్‌ ఒడిశాలోని గోపాల్‌పూర్‌ నుంచి చెన్నై వెళ్తుండగా ఈ సంఘటన జరిగింది. అయితే హెలికాఫ్టర్‌లో ప్రయాణిస్తున్న ముగ్గురు సిబ్బంది సురక్షితంగా ఉన్నారు. ఇందుకు సంబంధించి పూర్తి వివరాలు తెలియాల్సి ఉంది.  


 జైపూర్: రాజస్థాన్లో జైసల్మెర్ సమీపంలోని పోఖ్రాన్లో భారత వైమానిక దళానికి చెందిన జాగ్వార్ విమానం కూలిపోయింది. విమానంలో ఉన్న ఇద్దరు పైలెట్లు ప్రమాదం నుంచి సురక్షితంగా బయటపడ్డారు. సోమవారం సాయంత్రం 4 గంటల ప్రాంతంలో ఈ ఘటన జరిగింది.
 
 ఈ విమానం ప్రమాదవశాత్తూ కూలిందా లేక మరేదైనా కారణమా అన్న విషయం తెలియరాలేదు. ఈ దుర్ఘటనకు సంబంధించి పూర్తి వివరాలు తెలియాల్సివుంది. అధికారులు ఈ ఘటనపై విచారణకు ఆదేశించారు. భారత వైమానిక దళంలో జగ్వార్ శక్తివంతమైన యుద్ధ విమానాలు. అణ్వాయుధాలతో దాడి చేయగల సామర్థ్యం వీటికి ఉంది.


 గల్లంతైన ఏఎన్32 విమానానికి ఈ నెలలోనే మూడుసార్లు మరమ్మతులు
 - కాలం చెల్లిన విమానాన్ని వాడటం వల్లే ఈ దుస్థితి అంటూ విమర్శలు
 - ఆచూకీ లభించే అవకాశం 50% మాత్రమేనంటున్న అధికార వర్గాలు
  
  సాక్షి ప్రతినిధి, చెన్నై : అదృశ్యమైన భారత వాయుసేన విమానం ఏఎన్32కు అనేకమార్లు మరమ్మతులు జరిగాయని, ఆ విమానం జీవిత కాలం ఏడేళ్ల కిందటే చెల్లిపోయిందని విశ్వసనీయ వర్గాలు చెప్తున్నాయి. కాలం చెల్లిన విమానాన్ని అధికారులు నిర్లక్ష్య ధోరణితో  వాడడం వల్లే అది ప్రమాదానికి గురైందన్న విమర్శలు వినిపిస్తున్నాయి. బంగాళాఖాతంలో విమానం ఆచూకీ కోసం మూడు రోజులుగా జరుగుతున్న గాలింపు చర్యల వల్ల ఫలితం లేకపోగా.. ఆచూకీ లభించే అవకాశం 50 శాతం మాత్రమే ఉందని అధికార వర్గాలు వ్యాఖ్యానిస్తున్నాయి. 1984లో రష్యా నుంచి కొన్న ఈ విమానం 32 ఏళ్లుగా సేవలందిస్తోంది. వైమానిక దళానికి చెందిన దేశ రక్షణ పరంగా అవసరమైన వస్తువులను, జవాన్లను రక్షణ స్థావరాలకు చేరవేసేందుకు దీన్ని వినియోగిస్తున్నారు.
 
 కొండ ప్రాంతాల అవసరాలకు ఎక్కువసార్లు  వినియోగించుకున్నారు. ఏఎన్32 రకం విమానాలను 25 ఏళ్లు లేదా 20 వేల గంటలపాటు ఆకాశంలో ప్రయాణం,  15 వేల సార్లు ల్యాండ్ కావడం వరకే పరిమితం చేయాల్సి ఉందని.. ఈ మూడింటిలో ఏది ముందుగా పూర్తయినా దానిని కాలం చెల్లిన విమానంగా పరిగణించి పక్కన పెట్టేయాల్సి ఉందని సంబంధిత వర్గాలు వివరిస్తున్నాయి. సంవత్సరాల లెక్కన చూసినా.. గల్లంతైన విమానానికి ఏడేళ్ల కిందటే కాలం చెల్లినట్లుగా నిర్ధారించవచ్చునని అంటున్నారు. అదీగాక గల్లంతైన విమానం గత 32 ఏళ్లలో అనేకమార్లు మరమ్మతులకు గురైందని ఏఐఎఫ్ వర్గాల కథనం. ఈ నెలలోనే 2, 7, 14 తేదీల్లో ఆయిల్ లీక్, వ్యర్థ పదార్థాల లీక్ సంభవించిందని.. మూడుసార్లు మరమ్మతులు చేశారని సమాచారం.
 
 మరోవైపు.. అదృశ్యమైన విమానం కోసం మూడు రోజులుగా చేస్తున్న ప్రయత్నాలు ఏమాత్రం ఫలించలేదు. ఆ విమానానికి కంట్రోల్ రూం నుంచి సంబంధాలు తెగిపోగానే.. చెన్నైకి 151 నాటికల్ మైళ్ల దూరంలో 23 వేల అడుగుల ఎత్తులో ప్రయాణిస్తున్నప్పుడు ఎడమవైపు తిరిగేటప్పుడు భూమివైపు దూసుకుపోయి ఉండొచ్చని  అనుమానిస్తున్నారు. ఈ అంచనాల ఆధారంగా గాలింపు చర్యలను ముమ్మరం చేశారు. మొత్తం 13 కోస్ట్‌గార్డ్ నౌకలు, 6 సముద్రతీర ప్రాంత గస్తీ దళాల నౌకలు, 2 వాయుసేన విమానాలు, మరో 8 విమానాలు, 5 హెలికాప్టర్లు, ఒక జలాంతర్గామి గాలిస్తున్నాయి. గత ఏడాది జూన్‌లో అదృశ్యమైన కోస్టు గార్డు  విమాన శకలాలను, మృతుల అవశేషాలను వెలికి తీసిన ఒలింపిక్ సంస్థ జలాంతర్గామి సేవలను ఈ విమాన ఆచూకీ కోసం వాడుకునే అవకాశం ఉంది. అయినా విమానం ఆచూకీ లభించే అవకాశాలు 50 శాతమేని అధికార వర్గాలు అంటున్నాయి.
  
  ఉపగ్రహ చిత్రాలను కోరాం: నేవీ
  విమానం కోసం ముమ్మరంగా గాలిస్తున్నామని వెల్లడి
  
  చెన్నై/విశాఖపట్నం: గల్లంతైన భారత వాయుసేన విమానం ఆచూకీ కనుగొనేందుకు ఉపగ్రహంతో పరిశీలన(శాటిలైట్ ఇమేజరీ) చేపట్టాలని భారత అంతరిక్ష పరిశోధన కేంద్రాన్ని (ఇస్రో) నౌకాదళం కోరింది. గత శుక్రవారం చెన్నై సమీపంలోని తాంబరం వైమానిక స్థావరం నుంచి 29 మంది సిబ్బందితో పోర్ట్ బ్లెయిర్‌లోని సైనిక స్థావరానికి బయల్దేరిన ఏఎన్32 విమానం కొద్దిసేపటికే అదృశ్యమవడం తెలిసిందే.  ఆచూకీ కనిపెట్టేందుకు వాయుసేన, నౌకాదళ, తీర భద్రతా దళాలు బంగాళాఖాతంలో చేపట్టిన భారీ గాలింపు ఆపరేషన్ ఆదివారం మూడో రోజూ కొనసాగింది. అయినా ఫలితం లభించలేదు. దీంతో విమానంతో పాటు గల్లంతైన సిబ్బంది కుటుంబాల్లో ఆందోళన పెరిగిపోతోంది. విమానంలో ప్రయాణిస్తున్న వారిలో విశాఖలోని ఎన్‌ఏడీకి చెందిన 8 మంది సిబ్బంది ఉండడం విదితమే. ‘‘గాలింపునకు ప్రతికూల వాతావరణం పెద్ద సవాలుగా మారింది. అయినా 24 గంటల పాటూ గాలింపు కొనసాగిస్తున్నాం.
 
 అందుబాటులో ఉన్న అన్ని వనరులనూ వినియోగించుకుంటున్నాం. సముద్రమంతా జల్లెడపట్టి గాలిస్తున్నాం.. అన్ని ప్రయత్నాలూ చేస్తున్నాం.. శాటిలైట్ ఇమేజరీ సమాచారం కూడా కోరాం’ అని తూర్పు నౌకాదళ చీఫ్ వైస్ అడ్మిరల్ హరిశ్చంద్రసింగ్ బిస్త్ పేర్కొన్నారు. ఆయన ఆదివారం విశాఖపట్నంలోని పాటి నాగేంద్ర కుటుంబాన్ని పరామర్శించారు. అనంతరం ‘సాక్షి’తో ప్రత్యేకంగా మాట్లాడారు. గల్లంతయిన ఉద్యోగుల కోసం చేయని ప్రయత్నమంటూ లేదని, గాలింపుకోసం జలాంతర్గాములు, నౌకలు, విమానాలు, హెలికాప్టర్లతో పాటు శాటిలైట్, రాడార్లను వినియోగిస్తున్నామని చెప్పారు. ‘‘అక్కడ సముద్ర జలాల లోతు 3,500 మీటర్ల వరకూ ఉంది. కొన్ని చోట్ల ఇంకా ఎక్కువ. లోతు పెరిగే కొద్దీ సవాళ్లు కూడా పెరుగుతాయి. వాతావరణం కల్లోలంగా ఉంది.. వర్షం పడుతూ ఉంది’’ అని వివరించారు. విమానంలో ప్రయాణిస్తూ గల్లంతైన 29 మంది కుటుంబాలకూ.. గాలింపుపై ఎప్పటికప్పుడు సమాచారం అందజేస్తున్నట్లు తెలిపారు. కాగా విమానం అదృశ్యం గురించి వాయుసేన అధికారులు  తమిళనాడు పోలీసులకు ఫిర్యాదు చేశారు.