భారత టెన్నిస్‌ స్టార్‌ సానియా మీర్జా తన భర్త షోయబ్‌ మాలిక్‌తో విభేదాల కారణంగా విడాకులకు సిద్ధమయ్యారనే వార్తలు కొద్ది రోజులుగా చక్కర్లు కొడుతున్నాయి. అయితే, వారు అధికారికంగా ఎలాంటి ప్రకటన చేయలేదు. తాజాగా ఈ విడాకుల వార్తల్లో కొత్త ట్విస్ట్‌ నెలకొంది. షోయబ్‌ మాలిక్‌ ఇన్‌స్టాగ్రామ్‌ బయో చూసి ఆయన ఇచ్చిన కొత్త ట్విస్ట్‌కు అంతా ఆశ్చర్యపోతున్నారు. తన ఇన్‌స్టా బయోలో తాను సూపర్‌వుమన్‌ సానియా మిర్జాకు భర్తను అంటూ రాసుకొచ్చారు షోయబ్‌. ‘అథ్లెట్‌, సూపర్‌వుమన్‌ సానియామిర్జాకు భర్త, ప్రేమకు ప్రతిరూపమైన ఒకరికి తండ్రి’ అని పేర్కొన్నారు.  విడాకుల విషయంపై ప్రశ్నలు ఎదురవుతున్న నేపథ్యంలో..కొద్ది రోజుల క్రితం పుకార్ల నుంచి తనను, మీర్జాను ఒంటరిగా వదిలేయాలని విజ్ఞప్తి చేశారు షోయబ్‌ మాలిక్‌. ‘ఇది మా వ్యక్తిగతం. ఈ ప్రశ్నకు నేను, నా భార్య సమాధానం ఇవ్వటం లేదు. మమ్మల్ని వదిలేయండి.’ అని విజ్ఞప్తి చేశారు. మరోవైపు.. టెన్నిస్‌ స్టార్‌ మీర్జా సోలోగా ఫోటోషూట్స్‌ చేస్తుండటం రూమర్లకు మరింత బలం చేకూర్చుతున్నట్లవుతోంది. ఇది ఇలా ఉండగా.. ఖతర్‌ వేదికగా మంగళవారం జరిగిన అర్జెంటీనా, క్రొయేషియా మ్యాచ్‌ మైదానంలో తన సోదరితో పాటు సానియా తళుక్కుమనటం ప్రస్తుతం వైరల్‌గా మారింది. ఇదీ చదవండి: Sania Mirza-Shoaib Malik: విడాకులకు సిద్ధమైన సానియా? ‘ఒకే ఒక్క ప్రేమ’ అని ఫరా కామెంట్‌.. ముక్కలైన హృదయం అంటూ..

గురుగ్రామ్‌: ఫేస్‌బుక్‌, ఇన్‌స్టాగ్రామ్‌ వంటి సోషల్‌ మీడియాలో గుర్తు తెలియని వ్యక్తులు సైతం మీతో స్నేహం చేస్తామంటూ ఫ్రెండ్‌ రిక్వెస్ట్‌లు పంపిస్తారు. అలా ముక్కు మొహం తెలియని వారిని చాలా మంది ఆహ్వానిస్తారు. అయితే.. ఇదే అదునుగా కొందరు మోసాలకు పాల్పడుతున్న సంఘటనలు ఇటీవల పెరిగాయి. 25 ఏళ్ల ఓ యువకుడు ఇన్‌స్టాగ‍్రామ్‌లో పైలట్‌గా ప్రొఫైల్‌ పిక్‌ పెట్టి 30 మంది మహిళలను మోసం చేశాడు. ఈ సంఘటన హర్యానాలోని గురుగ్రామ్‌లో వెలుగు చూసింది. ఓ యువతి ఫిర్యాదుతో ఢిల్లీ శివారులోని సెక్టార్‌ 43 ప్రాంతంలో నిందితుడిని సైబర్‌ క్రైమ్‌ పోలీసులు అరెస్ట్ చేశారు. అతడి నుంచి డెబిట్‌ కార్డు, మొబైల్‌ ఫోన్‌, రెండు సిమ్ములు స్వాధీనం చేసుకున్నారు. నిందితుడు హేమంత్ శర్మగా గుర్తించారు పోలీసులు. బుధవారం సిటీ కోర్టులో హాజరుపరచగా.. జుడీషియల్‌ కస్టడీకి అప్పగించింది కోర్టు. పోలీసుల వివరాల ప్రకారం.. ఇన్‌స్టాగ్రామ్‌లో పైలట్‌గా చెప్పుకుని తనకు స్నేహితుడిగా మారాడని, మోసపూరితంగా తన ఖాతా నుంచి రూ.1 లక్ష ట్రాన్స్‌ఫర్‌ చేసుకున్నట్లు ఓ మహిళ ఫిర్యాదు చేసింది. ఎఫ్‌ఐఆర్‌ నమోదు చేసిన సైబర్‌ క్రైమ్‌ పోలీసులు ఎస్‌హెచ్‌ఓ బిజేంద్ర సింగ్‌ నేతృత్వంలో బృందాన్ని ఏర్పాటు చేసి దర్యాప్తు చేపట్టింది. ఇన్‌స్టాగ్రామ్‌లో ఫేక్‌ ప్రొఫైల్‌ క్రియేట్‌ చేసినట్లు తేలింది. ‘సుమారు 150 మంది యువతులకు ఇన్‌స్టాగ్రామ్‌లో ఫ్రెండ్ రిక్వెస్ట్‌లు పంపించాడు. విమానయాన సంస్థలో ఉద్యోగిగా చెప్పుకున్నాడు. వారిని మాటల్లో దింపి నిజమైన పైలెట్‌గానే నమ్మించేవాడు. ఆ తర్వాత తన ఖాతాకు డబ్బులు పంపించాలని కోరేవాడు. అలా చేసిన తర్వాత వారి ఖాతాలను బ్లాక్‌ చేస్తాడు. ఇప్పటి వరకు సుమారు 30 మందిని అలా మోసం చేసినట్లు తెలిసింది. మోసం చేసేందుకు ఇంటర్నెట్‌లో ఫొటోలు డౌన్‌లోడ్‌ చేసి ప్రొఫైల్‌ పిక్‌గా పెట్టుకునేవాడు.’ ‍ఏసీపీ ప్రీత్‌ పాల్‌ సింగ్‌ సంగ్వాన్‌ తెలిపారు. ఇదీ చదవండి: ‘భార్య అలిగి వెళ్లిపోయింది.. సెలవు ఇవ్వండి ప్లీజ్‌’.. క్లర్క్‌ లేఖ వైరల్‌

ఆమె పేరు కైరా భూమ్మిదికి వచ్చి ఆర్నెళ్లు కూడా కావడం లేదు అప్పుడే ఆమెకు ఇన్‌స్టాలో యాభై వేల మంది ఫాలోవర్లు ఉన్నారు. ఇంతటి ఫాలోయింగ్‌ ఉందంటే ఆమె తల్లిదండ్రులెవరో సెలబ్రిటీలు అనుకుని పొరపడకండి. ఆమెకు అసలు తల్లిదండ్రులే లేరు! మరి ఆమెకు ఇంత మంది ఫాలోవర్లు ఎందుకు ఉన్నారని సందేహం వస్తోందా? తప్పకుండా రావాలి మరి. ఎందుకంటే పుట్టుక నుంచి సోషల్‌ మీడియా ఇన్‌ఫ్లూయెన్సర్‌గా మారే వరకు కైరా ప్రతీ అడుగు ఓ సంచలనమే.  కైరా పేరుతో ఓ సోషల్ మీడియా ఫ్లాట్‌ఫామ్‌ 2022 జనవరిలో ఖాతాను ప్రారంభించింది. ఇందులో వర్చువల్‌గా క్రియేట్‌ చేసిన ఓ యువతిని కైరాగా పేర్కొంటూ పోస్టులు చేసింది. ఈ వర్చువల్‌ కైరా మాట్లాడగలదు, డ్యాన్స్‌ చేయగలదు, పాటలు కూడా పాడగలదు. ఒకటేమికి ఆకట్టుకునే రూపంతో రంజిపచేసే కళలు తోడవటంతో జెట్‌ స్పీడ్‌తో ఆమె ఫాలోవర్లు పెరిగిపోయారు. కేవలం ఆర్నెళ్లలోనే యాభై వేలకు మించి ఫాలోవర్లను సాధించింది. ఈ సంఖ్య సెకన్ల ముళ్లుతో పోటీ పడుతూ పరుగులు పెడుతోంది. ఏంటా స్పీడు ముగ్గమనోహరమైన కైరా రూపానికి నెటిజన్లు ఫిదా అయ్యారు. కైరా అప్‌డేట్స్‌ కోసం ఫాలోవర్లుగా మారారు. ఆమె నుంచి ఎప్పుడు ఏ అప్‌డేట్‌ వస్తుందా అంటూ కళ్లు కాయలు కాచేలా ఎదురు చూస్తున్నారు. ఈ క్రేజ్‌ పెరిగి పెరిగి కేవలం ఆరు నెలల్లోనే ఆమె సోషల్‌ మీడియా ఇన్‌ఫ్లూయెన్సర్‌ స్థాయికి చేరుకుంది. ఏదైనా విషయానికి ప్రచారం కల్పించడంతో పాటు  ఏదైనా బ్రాండ్‌ను ప్రమోట్‌ చేసే స్థాయికి కైరా చేరుకుంది. కైరా వెంట కుర్రకారు కైరా అందానికి ఇండియన్‌ కుర్రకారు ఫిదా అయిపోతున్నారు. కైరా ఫాలోవర్లలో 90 శాతం మంది భారతీయులు ఉండటమే ఇందుకు ఉదాహారణ. అందులోనూ 18 నుంచి 30 ఏళ్ల వయసులోపు ఉన్న వాళ్లే ఎక్కువ. మళ్లీ ఇందులో అర్బన్‌, మెట్రో యూత్‌ ఎక్కవగా ఉన్నారు. తాజా లెక్కల ప్రకారం కైరా అప్‌డేట్స్‌ కోసం అర్రులు చాచి ఎదురు చూస్తున​‍్న వారిలో బెంగళూరు, కోల్‌కతా, ఢిల్లీ, ముంబై, చెన్నై, అహ్మాదాబాద్‌ వంటి నగరాలకు చెందిన వారే ఉన్నారు.  ఫస్ట్‌ వర్చువల్‌  ఇప్పటి వరకు సోషల్‌ మీడియా ఫ్లాట్‌ఫామ్‌పై ఎంతో మంది సోషల్‌ మీడయా ఇన్‌ఫ్లూయెన్సర్లుగా ఎదిగారు. ఇందులో గ్రామీణ ప్రాంతాలకు చెందిన సామాన్యుల నుంచి సెలబ్రిటీల వరకు ఉన్నారు. కానీ దేశంలో తొలిసారిగా ప్రాణం లేని ఓ కల్పిత వర్చువల్‌ మనిషి సోషల్‌ మీడియా ఇన్‌ఫ్లూయెన్సర్‌ స్థౠయికి రావడం విశేషం. దీంతో ఇటీవల ఈ వర్చువల్‌  3డీ కైరా రాజస్థాన్‌లోని హవా మహాల్‌ ఎదుట షూట్‌ నిర్వహించారు. ఇందులో వ్యాక్సినేషన్‌ ప్రమోషన్‌ కార్యక్రమాన్ని కైరా చేత చేయించారు. ఎంతందంగా ఉన్నావే కైరాకు పెరిగిన క్రేజ్‌ను చూసి టెక్నాలజీ, ఫ్యాషన్‌, గ్యాడ్జెట్‌ సెకార్ట్ల నుంచి తమ ఉత్పత్తులను ప్రమోట్‌ చేయాలంటూ ఆర్జీలు పెరిగిపోతున్నాయట, మరోవైపు రోజురోజుకి కైరాకి ఫ్యాన్‌ ఫాలోయింగ్‌ పెరిగిపోతుంది. వర్చువల్‌ అని తెలిసి కొందరు తెలియక మరికొందరు నీ అందానికి సీక్రెట్స్‌ ఏంటి అంటూ కైరా వెంటపడుతున్నారు. మరీ ఈ క్రేజ్‌ చివరకు ఏ ఎత్తులకు చేరుకుంటుందో? ఏ మలుపు తీసుకుంటుందో చూడాలంటే మరికొంతవ కాలం వేచి చూడాల్సిందే! చదవండి: అదిరిపోయే ఆఫర్‌.. జాబ్‌ వదిలేస్తే లక్ష డాలర్లు ఇస్తాం! ఇంకా..

ప్రముఖ సోషల్ మీడియా ప్లాట్​ఫామ్​ ఇన్‌ స్టాగ్రామ్‌ మరో ఫీచర్‌ను అందుబాటులోకి తెచ్చింది. ఈ ఫీచర్‌ సాయంతో సెన్సిటీవ్‌ కంటెంట్‌ ను కంట్రోల్‌ చేయవచ్చని ఇన్‌ స్టాగ్రామ్‌ ప్రతినిధులు వెల్లడించారు. ప్రతిరోజు ప్రపంచ వ్యప్తంగా 500మిలియన్ల మంది యాక్టీవ్‌ యూజర్లు ఇన్‌ స్టాగ్రామ్‌లో గడుపుతున్నారు. అయితే వారిలో  కొంతమంది యూజర్లు అశ్లీల ఫోటోలు, మెసేజ్‌లను షేర్‌ చేస్తున్నారు. దీన‍్ని అరికట్టేందుకు సెన్సిటీవ్‌ కంటెంట్‌ కంట్రోల్‌  ఫీచర్‌ను అప్‌ డేట్‌ చేసింది. ఈ ఫీచర్‌ ను వినియోగించడం ద్వారా అశ్లీల కంటెంట్‌ రాకుండా అడ్డుకోవచ్చు. ఇన్‌స్టా గైడ్‌లైన్స్‌కు వ్యతిరేకంగా అశ్లీల కంటెంట్‌ అప్‌లోడ్‌ చేస్తే వెంటనే ఇన్‌స్టాగ్రామ్‌ ఆర్టీఫిషియల్‌ ఇంటెలిజెన్స్‌ సాయంతో తొలగిస్తామని ఇన్‌ స్టాగ్రామ్‌  వెల్లడించింది.  ►ఈ ఆప్షన్‌ను ఎలా ఎనేబుల్‌ చేసుకోవాలి ►ముందుగా ఇన్‌స్టాగ్రామ్‌ ప్రొఫైల్‌ ను క్లిక్‌ చేయాలి ►క్లిక్‌ చేసి ప్రొఫైల్‌ సెంట‍్టింగ్‌ లో మెన్యు ఆప్షన్‌ మీద ట్యాప్‌ చేయాలి ►మెన్యు ఆప్షన్‌ మీద క్లిక్‌ చేస్తే మీకు సెన్సిటీవ్‌ కంటెంట్‌ కంట్రోల్‌ అనే ఆప్షన్‌ కనిపిస్తుంది.  ►ఆ ఆప్షన్‌ క్లిక్‌ చేసిన వెంటనే మీకు లిమిట్‌, అలో, లిమిట్‌ ఈవెన్‌ మరో అనే ఆప‍్షన్‌ డిస్‌ప్లే అవుతోంది ► లిమిట్‌ ఈవెన్‌ మరో అనే ఆప‍్షన్‌ క్లిక్‌ చేస్తే మీకు అశ్లీల్‌ కంటెంట్‌ మీ ప్రొఫైల్‌ లో షేర్‌ అవ్వడం ఆగిపోతుంది.    చదవండి : ల్యాప్‌ ట్యాప్‌ కొనాలనుకుంటున్నారా, అయితే ఈ బ్రాండ్‌ బాగుంటుందంట

ముంబై: టీమిండియా సారథి విరాట్‌ కోహ్లి దంపతులుకు ఉన్న క్రేజ్‌, ఫాలోయింగ్‌ గురించి ప్రత్యేకంగా చెప్పక్కర్లేదు. అభిమానుల చేత ‘విరుష్క’లుగా పిలవబడే ఈ జంట తాజాగా ఓ రికార్టు నెలకొల్పారు. ఇన్‌స్టాగ్రామ్‌ పాపులర్‌ సిరీస్‌ ‘టేక్‌ ఏ బ్రేక్’‌లో కనిపించిన తొలి భారతీయులుగా రికార్డు సృష్టించారు. ఇన్‌స్టాగ్రామ్‌ వేదికగా నిర్వహించే ఈ సిరీస్‌కు ప్రపంచవ్యాప్తంగా ఎంతో క్రేజ్‌ ఉంది. అంతేకాక మార్క్‌ జుకర్‌బర్గ్‌ యాజమాన్యంలోని ఇన్‌స్టాగ్రామ్‌ ప్రపంచవ్యాప్తంగా కేవలం 59 ఐకానిక్‌ పర్సనాలిటీలను ఫాలో అవుతుండగా.. వారిలో తాజాగా విరష్క దంపతులు కూడా చేరారు. భారత్‌ నుంచి ఈ ఘనత సాధించిన ఏకైక కపుల్‌గా వీరు రికార్డు సృష్టించారు. లక్షలాది మంది అభిమానుల చేత ‘విరుష్క’గా పిలువబడే అనుష్క శర్మ, విరాట్ కోహ్లిలు తమ తమ రంగాలలో అత్యంత ప్రభావవంతమైన వ్యక్తులు. వీరిద్దరూ తమ కెరీర్‌లో అద్భుతంగా రాణించడమే కాక చాలా మందికి ప్రేరణగా నిలిచారు. దాంతో విరుష్క దంపతులు.. సెలెనా గోమెజ్, మిలే సైరస్, నవోమి కాంప్‌బెల్ వంటి గ్లోబల్ ఐకాన్‌ల సరసన చేరారు. వీరు కూడా గతంలో 'టేక్ ఏ బ్రేక్' సిరీస్‌లో నటించారు. ఈ సిరీస్‌లో యూత్‌ ఐకాన్‌లుగా నిలిచే వారి వ్యక్తిగత జీవితాల గురించి లోతైన విషయాలను వెల్లడిస్తారు.(ఆమె వల్లనే నాలో ఈ మార్పు: కోహ్లి) ఇక విరుష్కల ‘టేక్‌ ఏ బ్రేక్’‌ సిరీస్‌ విషయానికి వస్తే.. దీనిలో అనుష్క, విరాట్‌లు తమ వ్యక్తిగత జీవితాల గురించేకాక వృత్తులు, ఇష్టాఇష్టాల గురించి ఒకరిపై ఒకరు ప్రశ్నలు సంధించుకున్నారు. అంతేకాక తమ దాంపత్య జీవితం గురించి పలు ఆసక్తికర అంశాలు వెల్లడించారు. 24 గంటల వ్యవధిలోనే ఈ వీడియోను 150 మిలియన్ల మంది విక్షించి రికార్డు సృష్టించారు. పూర్తి వివరాల కోసం వీడియో చూడండి..    View this post on Instagram Find out who knows who better, in this fun and interactive #TakeABreak session with us. Hope you guys enjoy it and figure out who the winner is because I couldn't! 🤭 @anushkasharma ❤️ @instagram A post shared by Virat Kohli (@virat.kohli) on Aug 11, 2020 at 9:32pm PDT

మాజీ మిస్‌ ఇండియా, హీరోయిన్‌, సూపర్‌ స్టార్‌ మహేష్‌ బాబు భార్య నమ్రతా శిరోద్కర్‌ సోషల్‌ మీడియాలో చాలా యాక్టీవ్‌గా ఉంటారు. భర్త, పిల్లలకు సంబంధించిన విషయాలతో పాటు అప్పుడప్పుడు తనకు సంబంధించిన ఆసక్తికర అంశాల గురించి సోషల్‌ మీడియా వేదికగా అభిమానులతో పంచుకుంటారు నమ్రత. తాజాగా మరో వీడియోతో అభిమానుల ముందుకు వచ్చారు నమ్రత. 1993 మిస్‌ ఇండియా కార్యక్రమం ఫైనల్‌ రౌండ్‌కు సంబంధించిన వీడియో ఇది. దీనిలో నమ్రతతో పాటు పూజా భట్రా కూడా ఉన్నారు. ఈ వీడియోలో క్వశ్చన్‌ అండ్‌ ఆన్సర్స్‌తో పాటు మిస్‌ ఇండియాగా గెలిచిన నమ్రతకు కిరీటం తొడిగే సన్నివేశం కూడా ఉంది. (అతనితో స్నేహం చేస్తా: నమ్రతా శిరోద్కర్‌) ఈ వీడియోను తన ఇన్‌స్టాగ్రామ్‌లో షేర్‌ చేసిన నమ్రత.. ‘క్వశ్చన్‌ అండ​ ఆన్సర్‌ రౌండ్‌లో మా ముగ్గురిని వందల ఏళ్ల నుంచి ప్రచారంలో ఉన్న ఓ చిక్కు ప్రశ్న అడిగారు. దీనికి నేను నా సమాధానం చెప్పాను. మరి మీ సమాధానం ఏంటి. ప్రశ్న ఏంటంటే  ‘ఏది ముందు వస్తుంది కోడా.. గుడ్డా?’. నా సమాధానం ఏంటంటే.. ‘కోడి లేకపోతే గుడ్డు లేదు. కనుక కోడే ముందు’. మరి మీ సమాధానం ఏంటి’ అంటూ అభిమానులను ప్రశ్నించారు నమ్రత. (వైరల్‌: సితార డెడికేషన్‌కు నెటిజన్లు ఫిదా) View this post on Instagram the excitement, the butterflies, the craziness of it all... its all about that moment 😍😍😍 One life is all we've got. Go on and make it worthwhile.. Dream big!! The one thing that you have that nobody else does is YOU'. This has always been my mantra!! For all the girls who dream ❤️❤️ make it happen... nothing is impossible!! Was asked a tricky question that dates back centuries!! This was my answer... What would yours be? 😁😁 #tbt #throwbackthursday #memoriesbringbackyou❤️ A post shared by Namrata Shirodkar (@namratashirodkar) on Aug 12, 2020 at 10:05pm PDT అంతేకాక ‘ఆ క్షణం నాలో ఎన్నో భావాలు.. ఉత్సాహం, ఆనందం, ఉన్మాదం.. సీతాకోకచిలుకలా ఎగురుతున్న భావన. ఇవన్నీ ఆ ఒక్క క్షణం కోసమే. ఒక్క జీవితంలో మనం అన్ని పొందవచచ్చు. ముందుకు సాగండి.. జీవితాన్ని విలువైనదిగా చేసుకోండి. పెద్ద కలలు కనండి. మీరు మాత్రమే సాధించగల విజయం ఇది. నేను ప్రతిక్షణం దీన్నే నమ్ముతాను. పెద్దపెద్ద కలలు కనే అమమ్మాయిలందరికి ఒక్కటే చెప్తాను.. ఏది అసాధ్యం కాదు’ అంటూ వీడియోను షేర్‌ చేశారు నమ్రత. ప్రస్తుతం ఇది తెగ వైరలవుతోంది. 

తనపై అమితమైన ప్రేమాభిమానాలు చూపుతోన్న అభిమానులకు నటుడు సూర్య ధన్యవాదాలు తెలిపారు. ఇంతలా ప్రేమించే అభిమానులు ఉండటం నిజంగా తన అదృష్టం అంటూ ఇన్‌స్టాగ్రామ్‌ వేదికగా కృతజ్ఞతలు తెలిపారు. ఇంతకు విషయం ఏంటంటే తన 45వ పుట్టిన రోజు(జూలై 23) సందర్భంగా సూర్య ఫోటో షేరింగ్‌ యాప్‌ ఇన్‌స్టాగ్రామ్‌లో జాయిన్‌ అయ్యారు. తొలిసారి ఇన్‌స్టాగ్రామ్‌లో ఎంటర్‌ అయిన సూర్యను 24 గంటల వ్యవధిలోనే 1.4 మిలియన్‌ మంది ఫాలో అవుతున్నారు. ఈ క్రమంలో తనమీద అపరిమితమైన ప్రేమను చూపిస్తున్న అభిమానులకు సూర్య కృతజ్ఞతలు తెలిపారు. ఇలాంటి అభిమానులు ఉండటం తన అదృష్టం అన్నారు సూర్య. (సూర్య రెండో లుక్‌.. పక్షి ఎందుకుంది?) View this post on Instagram Feeling super lucky to have such unconditional love!! Thank you guys for making me believe in what I do.. Love you all!! A post shared by Suriya Sivakumar (@actorsuriya) on Jul 24, 2020 at 5:42am PDT రెండు రోజుల క్రితం ఇన్‌స్టాగ్రామ్‌ అకౌంట్‌ ఒపెన్‌ చేసిన సూర్య ఇప్పటి వరకు మూడు ఫోటోలు షేర్‌ చేశారు. ఒకటి భార్య జ్యోతికతో ఉన్న ఫోటో కాగా.. మరొకటి తనది. ప్రస్తుతం సూర్య ఇన్‌స్టాగ్రామ్‌లో నలుగురినే ఫాలో అవుతున్నారు. వారు సోదరుడు కార్తి, సోదరి బృందా, బెస్ట్ ఫ్రెండ్ రాజశేకర్‌పాండియన్, అతని ప్రొడక్షన్ హౌస్ 2డీ ఎంటర్‌టైన్‌మెంట్. ఇక సూర్య పుట్టినరోజు సందర్భంగా.. నిర్మాత కలైపులి ఎస్ థాను రాబోయే చిత్రం ‘వాడి వాసల్’ పేరుతో ఫస్ట్ లుక్ పోస్టర్‌ను ఆవిష్కరించిన సంగతి తెలిసిందే. వెట్రీ మారన్ దర్శకత్వం వహిస్తోన్న ఈ చిత్రం జల్లికట్టు ఆధారంగా తెరకెక్కుతున్నట్లు సమాచారం. అయితే దీని గురించి ఇంకా ఎలాంటి అధికారిక ప్రకటన విడుదల కాలేదు. (జ్యోతిక వ్యాఖ్యలను సమర్థించిన సూర్య..)

సాక్షి, హైదరాబాద్‌: ఆ ఇద్దరి మధ్య అంకురించిన పరిచయం ప్రణయంగా మొగ్గ తొడిగింది. పరిణయ పుష్పమైవికసించింది. అనంతరం ఆ పువ్వు మాటున ముల్లు పొంచి ఉందన్న అసలు నిజం వెలుగుచూసిన ఘటన ఇది.నగరానికి చెందిన ఓ యువతిని పొరుగు రాష్ట్రంలో ‘గాంధర్వ వివాహం’ పద్ధతిలో పెళ్లి చేసుకుని కొన్నాళ్ల పాటు కాపురం చేసిన సిటీ యువకుడు ద్రోహానికి పాల్పడ్డాడు. తన నిజ స్వరూపాన్ని బయటపెట్టాడు. యువతి చిత్రాన్ని వినియోగించి ఇన్‌స్టాగ్రామ్‌లో బోగస్‌ ఖాతా తెరిచాడు. లైవ్‌ సెక్స్‌ చాట్‌ అంటూ అనేక మంది నుంచి డబ్బులు గుంజాడు.. ఆపై పలాయనం చిత్తగించాడు. ఈ విషయం ఆలస్యంగా తెలుసుకున్న బాధితురాలు గురువారం సిటీ సైబర్‌ క్రైమ్‌ ఏసీపీ కేవీఎం ప్రసాద్‌కు ఫిర్యాదు చేసింది. పోలీసుల కథనం ప్రకారం వివరాలు.. నగరంలోని అంబర్‌పేటకు చెందిన యువకుడు ఓ ప్రైవేట్‌ ఉద్యోగి. అతడికి మూడేళ్ల క్రితం గౌలిగూడ నివాసి అయిన ఓ యువతితో అనుకోకుండా పరిచయం ఏర్పడింది. ఇది ప్రేమగా మారడంతో కొన్నాళ్లు ప్రేమించుకున్నారు. ఆపై కర్ణాటకలోని ఓ గుడికి యువతిని తీసుకువెళ్లి నుదుటిపై కుంకుమ బొట్టు పెట్టి.. నిన్ను వివాహం చేసుకున్నానంటూ చెప్పాడు. ఆ తర్వాత అతడితో పాటు సదరు యువతి అంబర్‌పేటకు వచ్చింది. ఇద్దరూ కలిసి కొన్నాళ్లు జీవించారు. 2018లో యువతికి తెలియకుండా, ఆమె పేరు, ఫొటో వినియోగించి ఇన్‌స్ట్రాగామ్‌లో ఓ ఖాతా తెరిచాడు. అందులో లైవ్‌ సెక్స్‌ చాట్‌ అంటూ పలువురిని ఆకర్షించాడు. ప్రతి నెలా నంబర్‌ మారుస్తూ.. సదరు యువతే ఆ పోస్టు పెట్టిందని భావించి, ఆకర్షితులైనవారు ఇన్‌స్ట్రాగామ్‌లోనే సందేశాలు పంపించేవారు. సంప్రదింపులు, చాట్‌ చేయాలంటే కొంత మొత్తం డిపాజిట్‌ చేయాలంటూ అతగాడు తన గూగుల్‌ పే ఖాతా నంబర్‌ ఇచ్చాడు. ఇది నమ్మిన ఎంతో మంది రూ.3 వేల నుంచి రూ.5 వేల వరకు చెల్లించారు. ఆపై కొన్ని రోజులు వారితో యువతి మాదిరిగా చాటింగ్‌ చేసే అతగాడు ఆపై వదిలేసేవాడు. ఎవరికీ చిక్కకుండా ఉండేందుకు ప్రతి నెలా తన సెల్‌ఫోన్‌ నంబర్‌ మారుస్తూ, కొత్త ఇన్‌స్ట్రాగామ్‌ ఖాతా ఓపెన్‌ చేస్తూ వచ్చాడు. దాదాపు రెండేళ్ల పాటు ఈ దందా చేసిన అతగాడు రెండు నెలల క్రితం హఠాత్తుగా అదృశ్యమయ్యాడు.   విషయం తెలిసి అవాక్కైన యువతి..   తనకు ఎలాంటి సమాచారం ఇవ్వకుండా వెళ్లిపోయిన అతడి కోసం సదరు యువతి అనేక ప్రాంతాల్లో ఆరా తీసింది. ఎంతగా గాలించినా ఫలితం లేకపోవడంతో ఆందోళనకు గురైంది. ఈ నేపథ్యంలో.. సోషల్‌ మీడియా యాప్‌ ఇన్‌స్ట్రాగామ్‌లో తన ఫొటో, పేరుతో కొన్ని ఖాతాలు ఉన్నాయని, కొన్నింటిలో అభ్యంతరకర, అశ్లీల చాటింగ్స్‌ ఉన్నట్లు ఇటీవల ఆ యువతికి తెలిసింది. దీంతో అవాక్కైన ఆమె తనను ‘గాంధర్వ వివాహం’ చేసుకున్న యువకుడి పనిగా నిర్ధారణకు వచ్చింది. ప్రతి నెలా తన సెల్‌ఫోన్‌ నంబర్‌ మారుస్తున్నాడని గుర్తించింది. దీంతో గురువారం సిటీ సైబర్‌ క్రైమ్‌ ఏసీపీ కేవీఎం ప్రసాద్‌ను కలిసి ఫిర్యాదు చేసింది. ఆయన ఆదేశాల మేరకు కేసు నమోదు చేసుకున్న ఇన్‌స్పెక్టర్‌ ఎన్‌.మోహన్‌రావు దర్యాప్తు ప్రారంభించారు.

యంగ్ రెబల్‌ స్టార్‌ ప్రభాస్‌.. బాహుబలి సక్సెస్‌తో జాతీయ స్థాయిలో గుర్తింపు తెచ్చుకున్నాడు. ప్రస్తుతం సెట్స్ మీద ఉన్న సాహో కూడా అదే స్థాయిలో రూపొందుతుండటం, ఇప్పటికే రిలీజ్ అయిన సాహో టీజర్‌ దేశవ్యాప్తంగా సంచలనం సృష్టించటంతో ప్రభాస్‌ క్రేజ్‌ తారా స్థాయికి చేరింది. తెలుగు రాష్ట్రాలతో పాటు ఉత్తరాదిలోనూ ప్రభాస్‌కు భారీ ఫ్యాన్‌ ఫాలోయింగ్‌ ఏర్పడింది. ఈ క్రేజ్‌ సోషల్‌ మీడియాలోనూ కనిపిస్తుంది. ప్రస్తుతం ప్రభాస్‌ అఫీషియల్‌ ఫేస్‌బుక్‌ పేజ్‌కు కోటి మందికి పైగా ఫాలోవర్స్‌ ఉన్నారు. తాజాగా ప్రభాస్‌ మరో సోషల్‌ మీడియా ప్లాట్‌ఫాంలోకి అడుగుపెట్టాడు. ఇప్పటికే తన ఇన్స్‌స్టాగ్రామ్‌ ఖాతాను ప్రారంభించాడు ప్రభాస్‌. అయితే ఈ అకౌంట్‌లో  ఒక్క పోస్ట్ కూడా చేకుండానే దాదాపు 7 లక్షల మంది ఫాలో అవుతున్నారు.  ఇక సినిమా విషయానికి వస్తే సుజిత్ దర్శకత్వంలో తెరకెక్కుతున్న సాహో షూటింగ్ చివరి దశకు చేరుకుంది. ప్రస్తుతం నిర్మాణానంతర కార్యక్రమాలు జరుగుతున్నాయి. ఈ సినిమా ఆగస్టు 15న ప్రేక్షకుల ముందుకు రానుంది. ఈ సినిమాతో పాటు రాధకృష్ణ దర్శకత్వంలో ఓ పిరియాడిక్‌ రొమాంటిక్‌ ఎంటర్‌టైనర్‌లోనూ నటిస్తున్నాడు ప్రభాస్‌.

సాక్షి, సిటీబ్యూరో : ఓ యువకుడు ఇన్‌స్ట్రాగామ్‌లో యువతిగా మారిపోయాడు. సోషల్‌మీడియా యాప్‌ ఇన్‌స్ట్రాగామ్‌లో నకిలీ ప్రొఫైల్‌ క్రియేట్‌ చేశాడు. దీనిని వినియోగించి ఆమె చేస్తున్నట్లు స్నేహితులు, బంధువులతో అభ్యంతరకర చాటింగ్స్‌ ప్రారంభించాడు. విషయం  తెలుసుకున్న బాధితురాలు సిటీ సైబర్‌ క్రైమ్‌ పోలీసులకు ఆశ్రయించడంతో శనివారం కేసు నమోదైంది. పంజాగుట్ట అఫీసర్స్‌ కాలనీకి చెందిన ఓ విద్యార్థినిని టార్గెట్‌ చేసుకున్న సల్మాన్‌ ఇజాజ్‌ అనే యువకుడు ఆమె పేరుతో ఇన్‌స్ట్రాగామ్‌లో నకిలీ ప్రొఫైల్‌తో పాటు ఒక ఐడీ సృష్టించాడు. దీనిని వినియోగించి ఆమె చాటింగ్‌ చేస్తున్నట్లు స్నేహితులు, బంధువులకు కొన్ని సందేశాలు పంపించాడు. ఇవి అభ్యంతరకరంగా, అశ్లీలంగా ఉండటంతో వారు విషయాన్ని సదరు విద్యార్థిని దృష్టికి తీసుకువెళ్లారు. దీంతో బాధితురాలు సైబర్‌ క్రైమ్‌ ఠాణాలో ఫిర్యాదు చేసింది.  సల్మాన్‌ ఇజాజ్‌పై అనుమానం వ్యక్తం చేయడంతో కేసు నమోదు చేసుకున్న సైబర్‌ క్రైమ్‌ అధికారులు సాంకేతిక ఆధారాలను బట్టి దర్యాప్తు చేస్తున్నారు. సదరు ఐడీకి సంబంధించిన పూర్తి వివరాలు అందించాల్సిందిగా ఇన్‌స్ట్రాగామ్‌ సంస్థకు లేఖ రాశారు.

సాక్షి, సినిమా : సినీ ప్రియులంతా ఈ వేసవిలో రాబోయే బ్లాక్‌బాస్టర్స్‌ కోసం ఆత్రుతగా ఎదురుచూస్తున్నారు. వాటిలో కింగ్‌ షారుక్‌ ఖాన్‌ నటిస్తున్న చిత్రం ‘జీరో’ ఒకటి. ప్రస్తుతం నిర్మాణ దశలో ఉన్న ఈ చిత్రానికి సంబంధించిన ఏ చిన్న సమాచారమైన ప్రేక్షకులను వీపరితంగా ఆకట్టుకుంటుంది. ఈ చిత్రంలో షారుక్‌తో పాటు కత్రినా కైఫ్‌, అనుష్క శర్మ, అభయ్‌ డియెల్‌లు నటిస్తున్నారు. అయితే కత్రినా తప్ప మిగిలిన వారంతా వైవిధ్యమైన పాత్రలను పోషిస్తున్నారని సమాచారం. అందులో భాగంగానే షారుక్‌ ఈ చిత్రంలో మరుగుజ్జుగా కనిపించనున్నారు. అందుకు సంబంధించిన ఫోటోలను కూడా ఆయన పోస్టు చేశారు. మిగతా పాత్రలకు సంబంధించన విషయాలను మాత్రం చాలా గోప్యంగా ఉంచారు. తాజాగా కత్రినా పోస్టు చేసిన ఓ ఫొటో ఆమె పాత్రపై ఉత్కంఠ రేపుతోంది. సంప్రదాయ బెంగాలీ పెళ్ళికూతురి అలంకరణలో కత్రినా ఉన్నారు. బెంగాలీ పెళ్లికూతురు ధరించే బింది, మెడకు, చెవులకు భారీ ఆభరణాలు ధరించారు. అలానే బెంగాలీ వధువు ధరించే సంప్రదాయ ‘శంక పోలో’ను కూడా ధరించారు. ఈ ఏడాది చివర్లో విడుదల చేయాలని భావిస్తున్న ఈ చిత్రంలో శ్రీదేవి మరణానంతరం చిత్రీకరించిన సన్నివేశాలు కూడా ఉంటాయని సమాచారం.


 ఇన్‌స్టాగ్రామ్‌లో లూయిస్‌ డీలెజ్‌ అనే అమ్మాయి ఖాతా ఇటీవలికాలంలో బాగా ఫేమస్‌ అయింది. పారిస్‌కు చెందిన ఈ అమ్మాయి అందరిలాగే విభిన్న ప్రాంతాలను సందర్శిస్తూ.. అక్కడ దిగిన ఫొటోలను ఇన్‌స్టాగ్రామ్‌లో పెట్టేది. కానీ, అన్నీ ఫొటోలను ఆమె చేతిలో కచ్చితంగా మద్యం సీసానో, పెగ్గు గ్లాసో కనిపించేది. టన్నులకొద్దీ హ్యాష్‌ట్యాగులు పెట్టి ఆమె పెట్టే ఈ ఫొటోలకు వేలకొద్దీ లైకులు దక్కేవి. ఈ అందమైన అమ్మాయి ఎందుకు నిత్యం మద్యం తాగుతూ.. సిగరెట్‌ కాలుస్తూ ఆ ఫొటోలను పెడుతుందని అనే అభిప్రాయాన్ని కొందరు నెటిజన్లు ఆందోళన కూడా వ్యక్తం చేసేవారు.
 
 కానీ, ఈ ఇన్‌స్టాగ్రామ్‌ ఖాతాకు సంబంధించిన ఓ షాకింగ్‌ నిజాన్ని తాజాగా వెల్లడించారు. నిజానికి లూయిస్‌ డిలెజ్‌ అనే అమ్మాయి లేదు. కానీ ఆ పేరుతో ఓ కల్పిత ఖాతాను తెరిచి.. అందులో మద్యం తాగుతూ షికారు చేసే ఓ అందమైన అమ్మాయి ఫొటోలను నిత్యం పోస్టు చేస్తూ వచ్చారు. ఇది ఓ స్వచ్ఛంద సంస్థ చేపట్టిన కోవర్ట్‌ ప్రచారమిది. ప్రముఖ వాణిజ్య కంపెనీలు రహస్య ప్రచారాలతో తమ ఉత్పత్తులకు మంచి పేరుతో తెచ్చుకోవడానికి కోవర్ట్ అడ్వర్టైజింగ్‌ను చేపడతాయి. అదేవిధంగా యువతలో మద్యపానం అవలక్షణాల గురించి అవగాహన కల్పించేందుకు ‘అడిక్ట్ ఎయిడ్‌’ అనే స్వచ్ఛంద సంస్థ ఈ విధంగా కోవర్ట్‌ ప్రచారాన్ని నిర్వహించింది.
 
 మద్యపానానికి బానిసలై యువత అర్ధంతరంగా ప్రాణాలు కోల్పోతున్న నేపథ్యంలో ఈ వ్యసనంపై ప్రచారం కల్పించేందుకు వినూత్నరీతిలో ఆ సంస్థ ప్రచారం చేపట్టింది. తమ ప్రచారం విజయవంతమైందని పేర్కొన్న ఆ సంస్థ.. తాజాగా ఇది కల్పితమైన ఖాతా అని అసలు రహస్యాన్ని వెల్లడిస్తూ ఓ వీడియోను లూయిస్‌ డిలెజ్‌ ఖాతాలో పెట్టింది. యువతలో అవగాహన పెంచేందుకు చేపట్టిన ఈ అసాధారణమైన కోవర్ట్‌ ఆపరేషన్‌పై నెటిజన్లు హర్షం వ్యక్తం చేస్తున్నారు.