సినీ ఇండస్ట్రీ అనగానే కలల ప్రపంచమని మనందరికీ తెలుసు. అంతే కాదు ఈ రంగంలో నిలదొక్కుకోవాలంటే కొన్నిసార్లు సర్దుకుపోవాల్సిన పరిస్థితులు కూడా ఎదురవొచ్చు. మరి ముఖ్యంగా హీరోయిన్‌గా రాణించాలంటే కొన్నిసార్లు ఊహించని పరిస్థితులు కూడా ఎదురవుతుంటాయి. ఎందుకంటే సినీ ఇండస్ట్రీలో క్యాస్టింగ్ కౌచ్ అనే పదం కామన్ అయిపోయింది. ప్రతి ఒక్కరు ఏదో ఒక సందర్భంలో ఇలాంటి అనుభవాన్ని ఎదుర్కొన్న వారే. తాజాగా మరో హీరోయిన్‌ తనకెదురైన చేదు అనుభవాన్ని పంచుకుంది. ఇషా కొప్పికర్.. ఈ పేరు తెలుగువారికి కూడా సుపరిచితమే. టాలీవుడ్‌లో చంద్రలేఖ, ప్రేమతో రా, కేశవ లాంటి సినిమాల్లో నటించింది. బాలీవుడ్‌కు చెందిన బ్యూటీ తెలుగుతో పాటు కన్నడ, తమిళ భాషల్లో కూడా నటించి ఆకట్టుకుంది. చివరిసారిగా శివ కార్తికేయన్ నటించిన అయలాన్‌ చిత్రంలో మెరిసింది. తాజాగా ఓ ఇంటర్వ్యూకు హాజరైన ముద్దుగుమ్మ తనకెదురైన షాకింగ్‌ అనుభవాన్ని వెల్లడించింది. 18 ఏళ్ల వయసులోనే క్యాస్టింగ్ కౌచ్‌ బారిన పడినట్లు వివరించింది.ఇషా మాట్లాడుతూ.. "ఒక నటుడు డ్రైవర్ లేకుండా అతన్ని ఒంటరిగా కలవమని అడిగాడు. ఇప్పటికే నాపై చాలా రూమర్స్‌ ఉన్నాయి. అందుకే ఎవరికైనా తెలిస్తే మరిన్ని రూమర్స్‌ సృష్టిస్తారని నన్ను రిక్వెస్ట్‌ చేశాడు. దీంతో నేను వెంటనే అతని విజ్ఞప్తిని తిరస్కరించా. అతనెవరో కాదు.. ఆ టైంలో అతను బాలీవుడ్‌లో స్టార్‌ హీరోగా ఉన్నారు.' అని తెలిపింది .అంతే కాదు గతంలో తనను చాలామంది అసభ్యంగా తాకేవారని ఇషా కొప్పికర్‌ వెల్లడించింది. పని కావాలంటే హీరోలతో స్నేహంగా మెలగాలని కొందరు సలహాలు కూడా ఇచ్చారని తెలిపింది. తాను 18 ఏళ్ల వయసులోనే ఇండస్ట్రీలో అడుగుపెట్టానని నటి తెలిపింది. కాగా.. ఇషా 1998లో ఏక్ థా దిల్ ఏక్ థీ ధడ్కన్‌ చిత్రంతో సినిమాల్లోకి ఎంట్రీ ఇచ్చింది. 2009లో టిమ్మీ నారంగ్‌ను పెళ్లాడిన ఆమె.. 14 ఏళ్ల తర్వాత విడాకులు తీసుకుంది.

బాలీవుడ్‌లో మరో జంట విడాకులు తీసుకునేందుకు రెడీ అయింది. నటి ఇషా కొప్పికర్‌ భర్త టిమ్మి నారంగ్‌తో విడిపోతున్నట్లు తెలిసింది. 14 ఏళ్ల వైవాహిక బంధానికి ఫుల్‌స్టాప్‌ పెట్టనున్నట్లు వార్తలు వస్తున్నాయి. కొంతకాలంగా వీరి మధ్య చీటికిమాటికి గొడవలు జరుగుతున్నాయని.. సమస్యను పరిష్కరించుకునేందుకు ప్రయత్నించినప్పటికీ అది సఫలం కానట్లు సమాచారం. దీంతో ఇషా- టిమ్మి కలిసి ఉండటం కంటే విడిపోవడానికే సుముఖత వ్యక్తం చేసినట్లు తెలుస్తోంది. ఈ కారణంగా ఇషా తన కూతురిని తీసుకుని కొంతకాలం క్రితమే ఆ ఇంటి నుంచి బయటకు వచ్చేసిందట!  చెప్పడానికి ఏమీ లేదు ఈ విషయం గురించి కొందరు ఆమెను ప్రశ్నించగా దానికి సమాధానం ఇవ్వడానికి ఇష్టపడనట్లు భోగట్టా!  'నేను చెప్పడానికి ఏమీ లేదు. ఇ‍ప్పుడు నేనేమీ మాట్లాడదల్చుకోలేదు. నాకు ప్రైవసీ కావాలి. దయచేసి మరింకేమీ అడగొద్దు' అని సున్నితంగా తిరస్కరించిదట! కాగా ఇషా కొప్పికర్‌కు హీరోయిన్‌ ప్రీతి జింటా వల్ల రెస్టారెంట్‌ యజమాని టిమ్మితో పరిచయం ఏర్పడింది. మూడేళ్లపాటు స్నేహం చేసిన వీరు తమకు తెలియకుండానే ఒకరితో మరొకరు ప్రేమలో పడ్డారు. 2009లో పెళ్లి.. ఇరు కుటుంబాలు వీరి ప్రేమకు పచ్చజెండా ఊపడంతో 2009 నవంబర్‌లో పెళ్లి చేసుకున్నారు. వీరికి 2014లో రియానా అనే కూతురు జన్మించింది. ఇషా సినిమాల విషయానికి వస్తే.. 2000వ సంవత్సరంలో వచ్చిన ఫిజా సినిమాతో బాలీవుడ్‌లో తన ప్రయాణం మొదలుపెట్టింది ఇషా. కంపెనీ, కాంటె, పింజర్‌, డాన్‌.. తదితర చిత్రాల్లో నటించింది. హిందీలోనే కాకుండా తమిళ, తెలుగు, కన్నడ, మరాఠి భాషల్లోనూ నటించింది. తెలుగులో చంద్రలేఖలో హీరోయిన్‌గా నటించిన ఈ బ్యూటీ ప్రేమతో రా, కేశవ చిత్రాలు చేసింది. ప్రస్తుతం ఆమె నటించిన అయాలన్‌ అనే తమిళ చిత్రం రిలీజ్‌కు రెడీ అవుతోంది. చదవండి: శుక్రవారం ఒక్కరోజే OTTలో 17 సినిమాలు రిలీజ్‌..

క్యాస్టింగ్‌ కౌచ్‌ వల్ల ఎన్నో బాధలు పడ్డానంటూ ఆ మధ్య ఓ ఇంటర్వ్యూలో తన అనుభవాలను వెల్లడించింది అలనాటి హీరోయిన్‌ ఇషా కొప్పికర్‌. క్యాస్టింగ్‌ కౌచ్‌ వల్ల తనకు సినిమా అవకాశం కూడా చేజారిపోయిందని చెప్పుకొచ్చింది. తాజాగా బాలీవుడ్‌ హంగామాకు ఇచ్చిన ఇంటర్వ్యూలో ఆమె మాట్లాడుతూ దీనికి సంబంధించిన మరిన్ని విషయాలు వెల్లడించింది... 'యాక్టర్స్‌గా ఎలా కనిపిస్తున్నాము? ఎలా నటిస్తున్నామనేదే ముఖ్యమనుకున్నాను. కానీ కొందరు హీరోల కంట్లో కూడా ఉంటామని తర్వాత తెలిసింది. ఆ రోజు జరిగిన సంఘటనతో నా హృదయం ముక్కలైంది. అందరికీ వారికంటూ కొన్ని ప్రాధాన్యతలుంటాయి. అలా నాకు నా వర్క్‌ కంటే జీవితమే ముఖ్యమైనది. అద్దంలో నన్ను నేను చూసుకున్నప్పుడు తలెత్తుకునేలా ఉండాలి' అని పేర్కొంది. కాగా గతంలో ఓ ఇంటర్వ్యూలో ఇషా మాట్లాడుతూ.. 'ఆ ఓ నిర్మాత ఫోన్‌ చేసి ఓ హీరో రాసుకున్న లిస్టులో మీరు కూడా ఉన్నారని చెప్పాడు. నాకర్థం కాక హీరోకు ఫోన్‌ చేస్తే అతడు ఒంటరిగా రమ్మన్నాడు. నా స్టాఫ్‌ ఎవరూ కూడా వెంట రావద్దని మరీ మరీ చెప్పడంతో విషయం అర్థమైంది. అప్పుడు నిర్మాతను పిలిచి నా అందం, పనితనం వల్లే ఇక్కడిదాకా వచ్చాను, అలాంటిది ఇప్పుడు ఓ అవకాశం కోసం దిగజారతానని ఎలా అనుకున్నారని కడిగిపారేశాను. దీంతో అతడు నన్ను సినిమా నుంచి తప్పించాడు' అని చెప్పుకొచ్చింది. ఏక్‌ థా దిల్‌ ఏక్‌ థీ దడ్కన్‌ సినిమాతో కథానాయికగా 1998లో కెరీర్‌ ఆరంభించిన ఇషా ఫిజా, ప్యార్‌ ఇష్క్‌ ఔర్‌ మొహబ్బత్‌, కంపెనీ, పింజర్‌, దిల్‌ కా రిష్తా వంటి పలు చిత్రాల్లో నటించింది. అంతేకాకుండా తెలుగులో చంద్రలేఖ, ప్రేమతో రా వంటి సినిమాల్లో హీరోయిన్‌గా మెప్పించింది.. హిందీ, తమిళంలో పలు సినిమాలు చేసిన ఆమె చివరగా దహనం వెబ్‌ సిరీస్‌లో కనిపించింది.     var request = 'https://www.sakshi.com/knowwidget/kwstr_1131264712.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        }); చదవండి:  డైరెక్టర్‌, హీరో అన్నీ అతడే.. సురాపానం టీజర్‌ చూశారా?

వివాదస్పద దర్శకుడు రామ్‌ గోపాల్‌ వర్మ చాలా జీనియస్‌ అని ఓ నటి కితాబు ఇచ్చారు. ఆమె ఎవరో కాదు.. 2002లో వర్మ తెరకెక్కించిన ‘కంపెనీ’ సినిమాలో ‘కల్లాస్‌’ పాటలో కనిపించి పేరు తెచ్చుకున్న ఇషా కొప్పికర్‌. ప్రస్తుతం ఈ నటి వర్మ రూపొందిస్తున్న ఓ వెబ్‌ సిరీస్‌లో మళ్లీ కనిపించనున్నారు. ఈ సందర్భంగా ఇటీవల ఓ మీడియాకు ఇచ్చిన ఇంటర్వ్యూలో ఇషా మాట్లాడుతూ.. రామ్‌ గోపాల్‌ వర్మపై ఆసక్తికర వ్యాఖ్యలు చేశారు. రామ్‌ గోపాల్‌ వర్మ ఒక మేధావి అని,  తన కెరీర్‌ పరంగా ప్రస్తుతం వర్మ బ్యాడ్‌ ఫేజ్‌లో ఉన్నప్పటికీ భారత సినిమా రంగానికి ఆయన చేసిన సహాకారం మరువలేనిది అన్నారు. (ఆ దర్శకుడితో విజయ్‌ నాలుగో సినిమా!) ‘‘వర్మ అనేక గొప్ప సినిమాలు తెరకెక్కించారు. ఆయన తీసిన సినిమాలను ఒకసారి గుర్తు తెచ్చుకోండి. వర్మ సినిమాల్లో నేను చూసిన మొదటి హిందీ హర్రర్‌ చిత్రం రాత్‌. అది నాకు ఎంతోగానో నచ్చింది. ఆ తరువాత భూత్‌, రంగీలా, సత్యా వంటి సినిమాలు చేశారు. అయితే కష్ట కాలంలో ఉన్న వర్మ తన రాబోయే చిత్రాల ద్వారా పూర్వ వైభవాన్ని సాధిస్తాడని ఆశిస్తున్నా. అలాగే ప్రస్తుతానికి వెబ్‌ సిరీస్‌ ప్రధాన భాగం షూటింగ్‌ పూర్తి అయ్యింది. ఈ వెబ్‌ సిరీస్‌ను వర్మ నేతృత్వంలో నలుగురు దర్శకులు డైరెక్షన్‌ చేశారు. షూటింగ్‌ పూర్తి చేసిన తర్వాత వాళ్ల పనిని ఆర్జీవికి సమర్పించారు. వర్మ ప్రస్తుతం పోస్ట్‌ ప్రొడక్షన్‌ పనులు చూసుకుంటున్నారు. ఈ సినిమా ప్రేక్షకుల్లో మ్యాజిక్‌ క్రియోట్‌ చేస్తుందని ఆశిస్తున్నా’’. అంటూ చెప్పుకొచ్చారు. (దర్శకుడి ఇంట్లోకి వారసుడు.. పేరేంటో తెలుసా!) కాగా వర్మ రూపొందించిన కంపెనీ మూవీ.. బాలీవుడ్‌లో మంచి హిట్‌ను సాధించిన విషయం తెలిసిందే. ఈ సినిమా తరువాత కూడా ఇషా వర్మ ప్రొడక్షన్‌లో డార్లింగ్‌, షాబ్రీ సినిమాలోనూ కనిపించారు. ప్రస్తుతం వెబ్‌ సిరీస్‌తో పాటు తమిళ మూవీ అయలాన్‌లోనూ నటిస్తున్నారు. ఆర్‌ రవికుమార్‌ దర్శకత్వం వహించిన ఈ సినిమాలో రకుల్‌ ప్రీత్‌ సింగ్‌, శరద్‌ కేల్కర్‌ కూడా నటిస్తున్నారు. (ఆ స్టార్‌ ప్రేమజంట పెళ్లి వాయిదా!) సినిమాలోని అది మనం ట్రై చేద్దామా..

సినిమా : క్రేజీ హీరోయిన్లుగా రాణించిన నటీమణులు విలనీయం ప్రదర్శించడానికీ వెనుకాడటం లేదు. పడయప్పా చిత్రంలో రమ్యకృష్ణ కూడా రజనీకాంత్‌తో విలనీయాన్ని ప్రదర్శించి పేరు తెచ్చుకుంది. తాజాగా బాలీవుడ్‌ బ్యూటీ ఇషా కోపి కర్‌ కోలీవుడ్‌లో విలనిజాన్ని ప్రదర్శించడానికి రెడీ అయింది. బాలీవుడ్‌లో పలు చిత్రాల్లో నాయకిగా నటించిన ఇషా కోపికర్‌ తమిళం, తెలుగులోనూ హీరోయిన్‌గా నటించింది. విజయ్‌కు జంటగా నెంజినిలే, విజయ్‌కాంత్‌కు జంటగా నరసింహా, అరవిందస్వామికి జతగా ఎన్‌ శ్వాస కాట్రే వంటి చిత్రాల్లో  హీరోయిన్‌గా నటించింది. ఇక తెలుగులో నాగార్జునకు జంటగా చంద్రలేఖ చిత్రంలో నటించి గుర్తింపు తెచ్చుకుంది. అలాంటిది ఇప్పుడు కోలీవుడ్‌లో ప్రతినాయకిగా రీఎంట్రీ ఇస్తోంది. నటుడు శివకార్తీకేయన్‌కు బద్ధ శత్రువుగా నటిస్తోంది. శివకార్తీకేయన్‌ ప్రస్తుతం రెండు చిత్రాల్లో నటిస్తున్నారు. అందులో ఒకటి డాక్టర్‌. నెల్సన్‌ దిలీప్‌కుమార్‌ దర్శకత్వం వహిస్తున్న ఈ చిత్రంలో  ప్రియాంకమోహన్‌ నాయకిగా నటిస్తోంది. ఈ చిత్రం నిర్మాణంలో ఉండగానే అయలాన్‌ అనే మరో చిత్రంలోనూ శివకార్తీకేయన్‌ నటిస్తున్నారు. ఇది కొంత షూటింగ్‌ను జరుపుకుని ఆగిపోయింది. చాలా గ్యాప్‌ తరువాత మళ్లీ మొదలయ్యింది.  రవికుమార్‌ దర్శకత్వం వహిస్తున్న ఈ చిత్రంలో నటి రకుల్‌ప్రీత్‌సింగ్‌ హీరోయిన్‌గా నటిస్తోంది. కాగా ఏలియన్స్‌ ఇతి వృత్తంతో సైన్స్‌ థ్రిల్లర్‌ కథా చిత్రంగా రూపొందుతున్న ఈ చిత్రంలో నటి ఇషాకోపికర్‌ ప్రతినాయకి పాత్రలో నటిస్తోంది. కాగా సుమారు 10 ఏళ్ల తరువాత కోలీవుడ్‌లో నటిస్తున్న చిత్రం ఇది. ఆమె పాత్ర చాలా డిఫరెంట్‌గా ఉంటుందట. ప్రస్తుతం ఈ చిత్రం క్‌లైమాక్స్‌ దృశ్యాలను చిత్రీకరిస్తున్నారు. 

ముంబై : తమ స్టేటస్‌ చాటుకునేందుకు బాలీవుడ్‌ భామలు ఎంతైనా ఖర్చుచేస్తున్నారు. ఖరీదైన వస్తువులను ప్రదర్శిస్తూ స్టైల్‌ స్టేట్‌మెంట్‌లో ఒకర్ని ఒకరు మించిపోతున్నారు. తాజాగా నటి ఇషా కొప్పికర్‌ ముంబై ఎయిర్‌పోర్ట్‌లో సందడి చేశారు. ఎరుపు రంగు దుస్తులు, యాక్సెసరీస్‌తో ఆకట్టుకున్న ఇషా కొప్పికర్‌ ఖరీదైన వస్తువులతో రాజసం ప్రదర్శించారు. పొడవాటి రెడ్‌ గౌన్‌ ధరించిన ఇషా కొప్పికర్‌ తన క్రేజీ బ్యాగ్‌తో కెమెరాలకు ఫోజులిచ్చారు. ఈ బ్యాగ్‌ ధర భారత కరెన్సీలో రూ 14,54,849 మాత్రమే. కాగా, ఇషా డ్రెస్‌ ఆమెకు పెద్దగా నప్పలేదని, భారీ బ్యాగ్‌పైనే అందరి దృష్టి కేంద్రకృతమైందని అక్కడి వారు గుసగుసలాడటం వినిపించింది.

ముంబై: మాజీ హీరోయిన్‌, బహుభాషా నటి ఇషా కొప్పీకర్‌ ఆదివారం భారతీయ జనతా పార్టీ(బీజేపీ)లో చేరారు. కేంద్ర రవాణా శాఖ మంత్రి నితిన్‌ గడ్కరీ సమక్షంలో ఆమె కాషాయ పార్టీ కండువా కప్పుకున్నారు. ఆమెను పార్టీలోకి సాదరంగా ఆహ్వానించారు. ‘ఖల్లాస్‌ గాల్‌’గా పాపులరయిన ఇషా కొప్పీకర్‌ 1998లో తమిళ సినిమాతో చిత్రరంగ ప్రవేశం చేశారు. 2000 సంవత్సరంలో ‘ఫైజా’ సినిమాతో బాలీవుడ్‌లోకి అడుగుపెట్టారు. కంపెనీ, దిల్‌ కా రిష్తా, ఖాయామత్‌, తుజే మేరీ కసమ్‌, హమ్‌ హమ్‌, క్యా కూల్‌ హై హమ్‌, మైనే ప్యార్‌ కౌన్‌ కియా, 36 చైనా గేట్‌ తదితర సినిమాల్లో నటించారు. తెలుగులో చంద్రలేఖ, ప్రేమతో రా, కేశవ చిత్రాల్లో కనిపించారు. కన్నడ, మరాఠీ సినిమాల్లోనూ ఆమె నటించారు. 2009, నవంబర్‌ 29న వ్యాపారవేత్త టిమ్మీ నారంగ్‌ను పెళ్లి చేసుకున్నారు. వీరికి ఐదేళ్ల పాప ఉంది.

మోహన్‌లాల్‌ హీరోగా మలయాళంలో వచ్చిన సూపర్‌ హిట్‌ క్రైమ్‌‡థ్రిల్లర్‌ చిత్రం ‘ఒప్పమ్‌’. తెలుగులో ఈ చిత్రాన్ని ‘కనుపాప’ పేరుతో డబ్‌ చేశారు. ఇప్పుడీ చిత్రం కన్నడంలో ‘కవచం’గా రీమేక్‌ అవుతోంది. కన్నడ స్టార్‌ శివన్న (శివరాజ్‌ కుమార్‌) హీరోగా నటిస్తున్నారు. ఈ సినిమాతో జీవీఆర్‌ వాసు దర్శకునిగా పరిచయం అవుతున్నారు. ఇందులో ఇషా కొప్పీకర్‌ పోలీస్‌ పాత్ర చేస్తున్నారు. చాలా ఏళ్ల విరామం తర్వాత శాండల్‌వుడ్‌లో ఇషాకి ఇది కమ్‌ బ్యాక్‌ మూవీ. సుధీర్‌వర్మ దర్శత్వంలో వచ్చిన ‘కేశవ’లో ఆ మధ్య తెలుగులోనూ కనిపించిన విషయం గర్తుండే ఉంటుంది. మరో కీలక పాత్ర కోసం మలయాళీ బ్యూటీ ‘ఇతీ ఆచార్య’ను తీసుకున్నారు చిత్రబృందం. ‘కన్నడ సూపర్‌ స్టార్‌ శివన్న గారితో యాక్ట్‌ చేయటం అదృష్టంగా భావిస్తున్నాను’ అని పేర్కొన్నారు ఇతీ. కాలేజ్‌ గార్ల్‌ పాత్రలో ఇతీ ఆచార్య కనిపించబోతున్నారు.


 గాసిప్
  
 బాలీవుడ్‌లో ప్రస్తుతం బయోపిక్స్ ట్రెండ్ నడుస్తోంది. ఈ తరహా సినిమాలకు తగిన ఆదరణ ప్రేక్షకుల నుంచి వస్తుండడంతో వాటి ఊపు కొనసాగుతోంది. అలాంటి ఓ బయోపిక్‌లో నటించాలని ఇషా కొప్పీకర్ కొంతకాలంగా తహతహలాడుతోంది. అయితే ఇప్పటివరకు ఆమె ఖాతాలో పెద్దగా హిట్ సినిమాలు ఏవీ లేవు. ఎలాగైనా సరే, ఒక పెద్ద హిట్ కొట్టాలని  ఆమె  ఎదురు చూస్తోంది.
 
 ‘‘వెండి తెరపై కిరణ్ బేడీగా నటించాలని ఉంది’’ అని ఇషా ఎన్నోసార్లు చెప్పింది. ఆమె మాటను పెద్దగా ఎవరూ సీరియస్‌గా తీసుకున్నట్లు లేదు. స్పందన కూడా పెద్దగా లేదు. దీంతో మాట మార్చి- ‘‘ఇందిరాగాంధీ పాత్రలో నటించాలనేది నా బలమైన కోరిక’’ అంటోంది. ఇప్పటికీ స్పందన రాకపోతే -‘‘మాయావతిగా నటించాలనేది నా చిరకాల కోరిక’’ అంటుందని ఇషాపై జోక్‌లు మొదలయ్యాయి. సరే ఈ జోక్‌లకేంగానీ, సన్నిహితులెవరో ఇషాకు గొప్ప సలహా ఇచ్చారట-
 
  ‘‘మధ్య తరగతి కుటుంబం  నుంచి కేంద్ర మంత్రి స్థాయికి ఎదిగిన స్మృతి  ఇరానీ జీవితకథపై సినిమా తీస్తే ఖచ్చితంగా బంపర్ హిట్ కొడతావు’’ అని!ఇది ఎంత వరకు నిజమో తెలియదుగానీ రేపో మాపో ఇషా నోటి నుంచి ఈ మాట కచ్చితంగా రావచ్చు... ‘‘స్మృతి జీవితం నన్నెంతో ఇన్‌స్పైర్ చేసింది. ఏదో ఒకరోజు...వెండితెరపై స్మృతి పాత్రలో ఖచ్చితంగా నటిస్తాను’’ అని అయ్యా... దర్శక, నిర్మాతల్లారా... ఇప్పటికైనా ఒక చెవి వేస్తారా!