టాలీవుడ్‌లో రామ్ గోపాల్ వర్మ దర్శకత్వంలో వచ్చిన ‘శివ’ సినిమాతో జర్నీ మొదలుపెట్టిన జేడీ చక్రవర్తి తాజాగా  మర్డర్‌ మిస్టరీగా రూపొందిన   'దయ' వెబ్‌సీరిస్‌తో ప్రేక్షకుల ముందుకు రానున్నాడు. డిస్నీ + హాట్‌స్టార్‌లో  ఆగస్టు 4 నుంచి స్ట్రీమింగ్‌ కానుంది. పవన్‌ సాధినేని దర్శకత్వంలో వస్తున్న ఈ వెబ్‌సిరీస్‌లో ఈషా రెబ్బా,విష్ణు ప్రియ, పృథ్వీరాజ్‌, కమల్‌ కామరాజు తదితరులు కీలకపాత్రలు పోషించారు. ట్రైలర్‌ లాంచ్‌ కార్యక్రమాన్ని చిత్రబృందం ఏర్పాటు చేసింది.  ఈ కార్యక్రమంలో  జెడి స్నేహితుడు ఉత్తేజ్ కూడా పాల్గొని పలు ఆసక్తకరమైన వ్యాఖ్యలు చేశాడు.   (ఇదీ చదవండి: వాళ్ల కోసమే బూతు సినిమాలు చేశా.. పాత రోజుల్ని గుర్తుచేసుకున్న సన్నీ లియోన్‌) జేడీ గురించి చెబుతూ..  'చాలా ఏళ్ల క్రితం  ఇద్దరం కలిసి పంజాగుట్ట దగ్గర అర్థరాత్రి సమయంలో హీరోయిన్‌ రంభ తొడలు చూడటానికి వెళ్లిన బ్యాచ్ మేమిద్దరం. అక్కడ ఒక సినిమాకు చెందిన రంభ కటౌట్‌ చాలా పెద్దది పెట్టారు. అబ్బా ఏముందిరా రంభ అని కారులో వెళ్లి చూసొచ్చిన బ్యాచ్‌ మాది. తర్వాత అదే రంభతో బొంబాయి ప్రియుడు సినిమాలో హీరోగా చేసిన ఫ్రెండ్‌ వీడు' అంటూ ఉత్తేజ్‌ ఫన్నీగా చెప్పుకొచ్చాడు. జేడీకి సినిమాలంటే పిచ్చి. దర్శకత్వం అని ఎదో కొంచెం రూట్‌ మార్చాడు కానీ లేదంటే టాప్‌ హీరోలలో జేడీ కూడా ఒకడిగా ఉండేవాడని ఉత్తేజ్‌ తెలిపాడు. ఒకరకంగా చెప్పాలంటే జేడీ టాలీవుడ్‌ అమిర్‌ఖాన్‌ అంటూ ప్రశంసించాడు. అతనికి సినిమా తప్పితే ఇంకేమి తెలియదు. ఏ సినిమా గురించి అయినా కానివండి అర్దరాత్రి అడిగినా..  ఆ సినిమాకు సబంధించిన దర్శకుడు, సినిమాటోగ్రాఫర్ ఇలా పేర్లన్నీ చెప్పేస్తాడని పేర్కొన్నాడు. అంతలా అతనిలో సినిమా గురించి నాలెడ్జి ఉందని తెలిపాడు. బొంబాయి వెళ్లి 'సత్య' చేసినా... హైద్రాబాదులో 'బొంబాయి ప్రియుడు' చేసినా... అతనికి సినిమా తప్ప ఇంకేమి తెలియదని జేడీ గురించి ఉత్తేజ్‌ చెప్పుకొచ్చాడు.

హీరోగా, క్యారెక్టర్‌ ఆర్టిస్టుగా, విలన్‌గా నటిస్తూ తనకంటూ ప్రత్యేక గుర్తింపు సంపాదించుకున్న వ్యక్తి జేడీ చక్రవర్తి. ఏదైనా ముక్కుసూటిగా మాట్లాడే  జేడీ ప్రస్తుతం ఓటీటీలో అలరిస్తున్నాడు. తాజాగా ఓ ఇంటర్వ్యూలో మాట్లాడుతూ పలు ఆసక్తికర విషయాలను పంచుకున్నారు. అంతేకాకుండా ఇటీవల ఓషోలో యాంకర్ విష్ణుప్రియ జేడీ చక్రవర్తి అంటే తనకిష్టమని.. పెళ్లి చేసుకుంటానని చేసిన కామెంట్స్‌పై స్పందించారు. విష్ణుప్రియ అలా చెప్పడానికి గల కారణాన్ని వెల్లడించారు. ఇంతకీ పెళ్లి వార్తలపై జేడీ ఏమన్నారో చూద్దాం.  (ఇది చదవండి: నా ఫస్ట్ క్రష్ అతనే.. యాంకర్ విష్ణుప్రియ షాకింగ్ కామెంట్స్!) జేడీ చక్రవర్తి మాట్లాడుతూ..'తమ మధ్య మంచి అనుబంధం ఉంది. కానీ అది ప్రేమ కాదు. విష్ణుప్రియ చాలా మంచి అమ్మాయి. మేమిద్దరం కలిసి ఇటీవలే ఓ సిరీస్‌లో నటించాం.  ఆ సిరీస్‌ కోసం దాదాపు 40 రోజులు కలిసి పని‌ చేశాం. ఆ సిరీస్‌ దర్శకుడు ప్రతిరోజూ నేను నటించిన ఒక సినిమా చూడమని విష్ణుప్రియకు సూచించాడు.' అని అన్నారు.  ఆ తర్వాత జేడీ  ఆమె నేను నటించిన చిత్రాల్లోని పాత్రలతో మాత్రమే ప్రేమలో పడ్డారని తెలిపారు. అంతే తప్ప నాతో కాదు.. మాది గురు శిష్యుల అనుబంధంమని అన్నారు. కాగా.. ఇటీవల ఓషోలో పాల్గొన్న విష్ణుప్రియ జేడీ చక్రవర్తి ఒప్పుకుంటే పెళ్లి చేసుకుంటానన్న  వ్యాఖ్యలు సోషల్ మీడియాలో వైరలైన సంగతి తెలిసిందే. ఇటీవలే 'గంగులు' అనే సాంగ్‌తో అభిమానులను పలకరించింది విష్ణుప్రియ. ఈ సాంగ్‌లో బిగ్ బాస్‌ ఫేమ్ మానస్‌తో కలిసి తన డ్యాన్స్‌తో అదరగొట్టింది. (ఇది చదవండి: తల్లిని తలుచుకొని కన్నీళ్లు పెట్టుకున్న విష్ణుప్రియ)


 ప్రత్యర్థి మనసు తెలుసుకుని ఎత్తుకు పై ఎత్తు వేయడం అంటే చిన్న విషయం కాదు. తెలివితేటల్లో ఎవరికి వారే అన్నట్లు ఉండాలి. మరి.. తమ తెలివితేటలను ఉపయోగించుకుని ఎత్తుకు పై ఎత్తులు వేయడంలో అర్జున్, జేడీ చక్రవర్తిల్లో ఎవరు బెస్ట్ అనే విషయం తెలుసుకోవాలంటే ‘కాంట్రాక్ట్’ సినిమా చూడాల్సిందే. ఈ ఇద్దరి కాంబినేషన్‌లో సమీర్ ప్రొడక్షన్స్ పతాకంపై సంజయ్ గొడావత్ సమర్పణలో రంజిత్ గోగినేని ఈ చిత్రాన్ని నిర్మిస్తున్నారు. ఎస్.ఎస్. సమీర్ దర్శకునిగా పరిచయం అవుతున్న ఈ చిత్రం ద్వారా బాలీవుడ్ భామ మినీషా లాంబా కథానాయికగా తెలుగు తెరకు పరిచయమవుతున్నారు. ఈ చిత్రవిశేషాలను దర్శకుడు చెబుతూ -‘‘యాక్షన్ నేపథ్యంలో సాగే ముక్కోణ ప్రేమకథ ఇది.
  
 అర్జున్, జేడీ చక్రవర్తి పాత్రలు పోటాపోటీగా ఉంటాయి.  ఇందులో మొత్తం 6 పాటలుంటాయి. సుభాష్-విశ్వాస్ సంగీత దర్శకులుగా పరిచయం అవుతున్నారు. పాటలు చాలా బాగా వచ్చాయి’’ అని చెప్పారు. రంజిత్ గోగినేని మాట్లాడుతూ -‘‘ఫిబ్రవరి 1 నుంచి  హైదరాబాద్, కొల్హాపూర్‌ల్లో జరిపే మూడో షెడ్యూల్‌తో సినిమా పూర్తవుతుంది. మార్చిలో పాటలను, సమ్మర్‌లో చిత్రాన్ని విడుదల చేస్తాం’’ అని చెప్పారు. ఎమ్మెస్ నారాయణ, అలీ, కె.విశ్వనాథ్, గజల్ ఖాన్, శ్రీనివాసరెడ్డి తదితరులు నటిస్తున్న ఈ చిత్రానికి కెమెరా: జానీలాల్, ఎడిటింగ్: వెంకటేశ్, ఫైట్స్: నందు, కొరియోగ్రఫి: జాని.