తమిళ సినిమా: కోలీవుడ్, టాలీవుడ్‌ దాటి బాలీవుడ్‌ స్థాయికి ఎదిగిన సంచలన నటి రాయ్‌లక్ష్మి. బాలీవుడ్‌ చిత్రం జూలీ–2 ఆశించిన విజయం సాధించకపోయినా, అక్కడ తనదైన ముద్ర వేసుకున్న రాయ్‌లక్ష్మి.. చిన్న గ్యాప్‌ తరువాత కోలీవుడ్‌లో మళ్లీ బిజీ అవుతున్నారు. బాలీవుడ్‌లో యార్, నీయా 2 చిత్రాలతో పాటు మలయాళంలో నాలుగు, కన్నడంలో ఒక చిత్రం చేస్తున్నారు. తాజాగా కోలీవుడ్‌లో మరో అవకాశం తలుపు తట్టింది. హీరోయిన్‌ సెంట్రిక్‌ పాత్రలో నటించే చాన్స్‌ను కొట్టేసింది. సిండ్రిల్లా అనే ఫాంటసీ, హర్రర్‌ థ్రిల్లర్‌ కథా చిత్రంలో నటించడానికి రెడీ అవుతోంది. చిన్నారుల కలల ప్రపంచంలో కనిపించే దేవకన్య లాంటి పాత్ర సిండ్రిల్లా. ఈ పేరుతో ఒక చిత్రం తెరకెక్కనుంది. దర్శకుడు ఎస్‌జే.సూర్య శిష్యుడు వినో వెంకటేశ్‌ ఈ చిత్రం ద్వారా మెగాఫోన్‌ పడుతున్నారు. ఎస్‌ఎస్‌ఐ. ప్రొడక్షన్స్‌ సంస్థ ఈ చిత్రాన్ని నిర్మించనుంది. ఇంతకు ముందు 100 చిత్రాలకు పైగా డిస్ట్రిబ్యూషన్‌ చేసిన ఈ సంస్థ చిత్ర నిర్మాణ రంగంలోకి అడుగుపెట్టి నిర్మిస్తున్న తొలి చిత్రం సిండ్రిల్లా. చిత్ర వివరాలను దర్శకుడు తెలుపుతూ ఇది ఫాంటసీ నేపథ్యంలో సాగే హర్రర్, థ్రిల్లర్‌ కథా చిత్రంగా ఉంటుందన్నారు. ఇంతకు ముందు హర్రర్‌ ఇతివృత్తంగా పలు చిత్రాలు వచ్చినా, వాటికి పూర్తి భిన్నంగా సిండ్రిల్లా చిత్రం ఉంటుందని అన్నారు. చిత్ర టైటిల్‌ వినగానే నిర్మాత చిత్రం చేయడానికి ముందుకు వచ్చారన్నారు. ఈ చిత్ర స్క్రిప్ట్‌ను నటి లక్ష్మీరాయ్‌కు పంపామని, ఆ తరువాత ఒక షూటింగ్‌లో ఉన్న ఆమెను లంచ్‌ బ్రేక్‌లో కలిసి కథను వినిపించామని చెప్పారు. అంతకు ముందే పంపిన సింగిల్‌లైన్‌ కథను చదివిన రాయ్‌లక్ష్మి వెంటనే నటించడానికి అంగీకరించినట్లు తెలిపారు. దీనికి సంబంధించి పూర్తి వివరాలను అతి త్వరలోనే వెల్లడిస్తామని, చిత్ర షూటింగ్‌ కూడా త్వరలో ప్రారంభం కానున్నట్లు దర్శకుడు వినో వెంకటేశ్‌ తెలిపారు.

‘జూలి 2’తో బాలీవుడ్‌లో సెటిల్‌ అవుదామనుకున్న హీరోయిన్‌ లక్ష్మీరాయ్‌కు నిరాశే ఎదురయ్యింది. బాలీవుడ్‌ ఈ భామను పట్టించుకోక పోయినా దక్షిణాది పరిశ్రమ ఈ ముద్దుగుమ్మను ఆదరిస్తూనే ఉంది. ప్రస్తుతం ఆమె చేతిలో ఒక మలయాళ చిత్రం ‘ఓరు కుట్టనందన్‌ బ్లాగ్‌’, తమిళ చిత్రం ‘నీయ 2’ తో పాటు మరో నాలుగు సినిమాలు ఉన్నాయి. వరుస ఆఫర్లతో బిజీగా ఉన్న లక్ష్మీరాయ్‌ తన అభిమానులకు ఒక శుభవార్త చెప్పారు. 33 ఏళ్ల ఈ హీరోయిన్‌ అమ్మమ్మ అయ్యిందంట. లక్ష్మీరాయ్‌కి ఇంకా వివాహమే కాలేదు. మరి అలాంటిది అమ్మమ్మ అవ్వడం ఏంటి అనుకుంటున్నారా..? విషయం ఏంటంటే ఈ ‘కాంచన’ భామ రెండు కుక్కలను పెంచుకుంటుంది. వాటినే తన సొంత పిల్లల్లా భావిస్తోంది. ఈ మధ్యే ఆ రెండు కుక్కలు మరో రెండు కుక్క పిల్లలకు జన్మనిచ్చాయి. ఇదే విషయాన్ని లక్ష్మీరాయ్‌ తన ట్విటర్‌ ద్వారా అభిమానులతో పంచుకున్నారు. ‘చాలామంది నా ఈడు అమ్మాయిలు ఇపాటికే అమ్మలయ్యారు. కానీ నేను మాత్రం ఏకంగా అమ్మమ్మనే అయ్యాను. నా బిడ్డలు ‘మియు’, ‘లియు’.. ‘టిఫాని’, ‘పకో’ అనే మరో ఇద్దరు పిల్లలకు జన్మనిచ్చారు. ఇప్పుడు నా ప్రపంచం మరింత పెద్దదయ్యింది’ అనే సందేశాన్ని ట్విటర్‌లో పోస్టు చేశారు. ప్రస్తుతం లక్ష్మీరాయ్‌ తన పిల్లల(కుక్కపిల్లల) కోసం క్లౌడ్‌నైన్‌ ఆస్పత్రిలో ఉన్నారు. తెలుగులో ‘ఖైది నం 150’ సినిమాలో ఈ భామ మెగాస్టార్‌ చిరంజీవితో కలిసి ప్రత్యేక గీతంలో మెరిసిన సంగతి తెలిసిందే.

టాలీవుడ్ కోలీవుడ్ లలో వరుస సినిమాలు చేసి లక్ష్మీ రాయ్ పెద్దగా విజయాలు సాధించలేకపోయింది. తరువాత స్పెషల్ సాంగ్స్ తో మంచి పేరు తెచ్చుకున్నా.. హీరోయిన్ గా సక్సెస్ సాధించాలన్న కల మాత్రం అలాగే మిగిలిపోయింది. పవన్ కళ్యాణ్, చిరంజీవి లాంటి స్టార్ ల సరసన ఆడిపాడిన ఈ బ్యూటీ ఇప్పుడు బాలీవుడ్ లో హీరోయిన్ గా తన అదృష్టాన్ని పరీక్షించుకుంటోంది. పేరును కూడా రాయ్ లక్ష్మీగా మార్చుకొని బాలీవుడ్ కు పరిచయం అవుతోంది. 2004లో బాలీవుడ్ లో సక్సెస్ సాధించిన జూలీ సినిమా సీక్వల్ తో బాలీవుడ్ ప్రేక్షకులను అలరించేందుకు రెడీ అవుతోంది. తొలి భాగంలో నేహాదూపియా చేసిన తరహ పాత్రలోనే సీక్వల్ లో రాయ్ లక్ష్మీ నటిస్తోంది. అడల్ట్ కంటెంట్ తో తెరకెక్కిన ఈ సినిమా మీద రాయ్ లక్ష్మీ చాలా ఆశలు పెట్టుకుంది. ఈ సినిమాతో ఎలాగైన సక్సెస్ సాధించాలని భావిస్తున్న ఈ బ్యూటీ హాట్ హాట్ సన్నివేశాలతో ఆకట్టుకునే ప్రయత్నం చేస్తోంది. ఈ సినిమా శుక్రవారం రిలీజ్ అవుతున్న సందర్భంగా ప్రమోషన్ కార్యక్రమాల్లో వేగం పెంచారు. ముఖ్యంగా దక్షిణాదిలో కూడా భారీగా రిలీజ్ అవుతున్న ఈ సినిమా ప్రమోషన్ కోసం టాప్ స్టార్ల సాయం తీసుకుంటున్నారు.  రాయ్ లక్ష్మీ కెరీర్ లో ఇది 50వ సినిమా కావటంతో మెగాస్టార్ చిరంజీవి ఆమెకు ప్రత్యేక వీడియో మేసేజ్ ద్వారా ఆల్ ది బెస్ట్ చెప్పారు. 'జూలీ 2 నీ కెరీర్ లో 50వ సినిమా కావటంతో ఇది నీకు చాలా ప్రత్యేకమైనది. నువ్వు బహుభాషా చిత్రం చేయటం ఆనందంగా ఉంది. నువ్వు జీవితంలో మరిన్ని విజయాలు సాధించాలని ఆశిస్తున్నాను. ఆల్ ది బెస్ట్, గుడ్ లక్ టు జూలీ 2' అంటూ రత్తాలు కోసం వీడియో సందేశాన్ని పంపించారు. ఈ వీడియో మెసేజ్ పై స్పందించిన రాయ్ లక్ష్మీ, మెగాస్టార్ కు కృతజ్ఞతలు తెలపటంతో పాటు అభిమానులతో తన ఆనందాన్ని షేర్ చేసుకుంది.

అదీ సినిమా పాట. జూలీ సినిమాలో ఆ అందగత్తెను చూస్తూ అలాగే మొత్తుకుంటాడు హీరో. హెడ్‌ లైన్‌లో మేము రెండు సార్లు అన్నామంటే.. ఇప్పుడు మీరు చదువుతున్న వార్త జూలీ 2 గురించి. హిందీలో సూపర్‌స్టార్‌ ఖాన్‌తో తన మొదటి సినిమా చేసిన హీరోయిన్, పెళ్లయిన తమిళ్‌ సూపర్‌స్టార్‌తో అఫైర్‌ నడిపిన అమ్మాయి అని ఖ్యాతి చెందిన ఫిమేల్‌ స్టార్‌ జీవిత కథనమే జూలీ 2  అని ఆ సినిమా చేస్తున్నవాళ్లు చెప్పకపోయినా, ఇండస్ట్రీ అంతా జూలీ అయి కూస్తోంది. జూలీ 2 కథ మరి ఎవరిదనుకున్నారు? ఎస్‌. అవర్‌ నగ్మా మేడమ్‌! వెంటనే ఎవరో పోయి నగ్మాను కదిలించారట.. ‘ఈజ్‌ దిస్‌ ట్రూ?’ అని. ఇంగ్లిషులో అడిగినప్పుడు ఇంగ్లీషులోనే సమాధానం చెప్పుతుంది కదా. ‘ఓ ఈజిట్‌?’ దిస్‌ ఈజ్‌ న్యూస్‌ టు మి టూ. నిజమా. నేనూ  ఫస్ట్‌ టైమ్‌ వింటున్నాను అని నగ్మా అన్నారట. ‘పద్మావతి’ సినిమానే పబ్లిసిటీ అంతా దండుకుంటోందని జూలీ 2 కి ఈ కొత్త యాంగిల్‌ని దండగా వేశారని అనుకుంటున్నారు. ఏమంటారు మేడమ్‌.. ఇదంతా పబ్లిసిటీ కోసమేనా అని ఇంకోసారి అడిగితే.. సినిమా రిలీజ్‌ కాకుండా ఇలాంటి విషయాల మీద కామెంట్‌ చేయడం కరెక్టు కాదు అని చెప్పారు. 

ముంబయి : గతంలో ఎన్నో సినిమాలు చేసినా ఆమెకు అంతగా కలిసిరాలేదు. దాంతో పేరులో కాస్త మార్పుచేసుకుంది. ప్రస్తుతం వరుస మూవీలతో పాటు సోషల్‌ మీడియాను ఆమె పాటలు, ట్రైలర్ల వీడియోలు ఊపేస్తున్నాయి. ఆమె మరెవరో కాదు.. ‘జూలీ 2’ రాయ్‌ లక్ష్మీ. అదృష్టం కలిసిరాకపోవడంతో తన పేరును లక్ష్మీ రాయ్‌ నుంచి రాయ్‌ లక్ష్మీగా మార్పు చేసుకున్న ఈ భామ గత కొంత కాలంగా యూట్యూబ్‌లో హవా కొనసాగిస్తోంది. ఓవరాల్‌గా ఆమెకు సంబంధించిన ఈ వీడియోలు ఏకంగా 5.5 కోట్ల వ్యూస్‌ సంపాదించుకోవడం విశేషం. దీంతో ఆమె యూట్యూబ్‌ క్వీన్‌ అంటూ నటి అభిమానులు సోషల్‌ మీడియాలో కామెంట్‌ చేస్తున్నారు. టాలీవుడ్‌లో మెగాస్టార్‌ చిరంజీవి చాలా గ్యాప్‌ తర్వాత రీఎంట్రీ ఇచ్చిన ఖైదీ నెంబర్‌ 150లో ఆయన సరసన ‘రత్తాలు రత్తాలు..’ అంటూ కాలు కదిపింది ఈ బ్యూటీ. ఈ పాటకు 12మిలియన్ల (1.2కోట్లు) వ్యూస్‌ వచ్చాయి. రాయ్‌లక్ష్మీ ఎంతో స్లిమ్‌గా మారడంతో పాటు గ్లామర్‌ రూటు మార్చి నటించిన చిత్రం జూలీ2 ట్రైలర్లు ఆమె బోల్డ్‌నెస్‌తో హల్‌చల్‌ చేశాయి. ఈ మూవీ టీజర్‌ 89 లక్షల వ్యూస్‌తో సినిమాపై హైప్‌ క్రియేట్‌ చేసింది. అదేవిధంగా ట్రైలర్‌-1ను 6.7 మిలియన్ల మంది చూడగా, ట్రైలర్‌-2కు 4.7 మిలియన్ల వ్యూస్‌ వచ్చాయి. హరహరమహాదేవకి- 15 మిలియన్లు, ఓ జూలీకి 2.3 మిలియన్లు, కోయి హౌస్లాకు-1.9 మిలియన్లు, మలా సీన్‌హాకు 3.6 మిలియన్ల వీక్షకులతో 2017లో రాయ్‌లక్ష్మీ జోరు అంటూ కామెంట్లు వస్తున్నాయి. 2017 Golden year for raai😍 @iamlakshmirai 's video songs ruling YouTube like a boss😍 Ratthalu - 12M Haraharamahadevaki - 15M Oh Julie - 2.3M Koi hausla - 1.9M Mala seenha - 3.6M Julie2 teaser - 8.9M Trailer 1 - 6.7M Trailer 2 - 4.7M Total - 55M🙏queen of Youtube#Iduppazhagi pic.twitter.com/oPvMjxkQRA — RAAI LAXMI DEVOTEE (@RaaiLaxmiFan) 8 November 2017

జూలీ 2 అనే బాలీవుడ్‌ శృంగార చిత్రంలో సరికొత్త నాజూకు అందాల ‘లక్ష్మీరాయ్‌’మనకి పరిచయమవుతుంది. అందాల తారగా వెలుగుతున్న లక్ష్మీరాయ్‌...ఇప్పుడు బాలీవుడ్‌లో ట్రాన్స్‌ఫార్మేషన్‌ ఫిజిక్స్‌ ఉన్న అతి కొద్ది మంది టాప్‌ సెలబ్రిటీస్‌ల లిస్ట్‌లో ఒకరు. కేవలం రెండు నెలల్లో తన ఫిజిక్‌ను అమాంతం మార్చేసుకున్న ఈ తార చెబుతున్న ట్రాన్స్‌ఫార్మేషన్‌ కబుర్లివే. స్టడీ...రెడీ... గో  చిన్నప్పటి నుంచి చురుకైన దానిని. క్రీడాకారిణిని కూడా. చూడడానికి ఫిట్‌గానే ఉండేదాన్ని. అయితే రెండేళ్ల  నుంచే నా శరీరం వేగంగా బరువు పెరగడం ప్రారంభమైంది.  చాలా డైట్‌ప్లాన్స్‌ ప్రయత్నించాను. జిమ్‌కు కూడా వెళ్లాను. అయితే ఏవీ నాకు సరైన ఫలితాన్ని అందివ్వలేదు. ఇలా కాదని ఓ రేంజ్‌లో రీసెర్చ్‌ స్టార్ట్‌ చేశాను. నా మెటబాలిజం రేట్‌ చాలా నిదానంగా ఉంటోంది. ఈ విషయం మీద కూడా స్టడీ చేశాను. దాని ప్రకారం కార్బోహైడ్రేట్స్‌ను పూర్తిగా త్యజించి, ప్రొటీన్‌ డైట్‌కి మళ్లాను. చపాతీలు  మానేశాను. ఉడకబెట్టిన కాయగూరలు, చికెన్‌ వంటి ప్రొటీన్‌ ఫుడ్‌ తీసుకున్నాను. షూట్‌ ఎట్‌ వెయిట్‌ బరువు తగ్గడం అంత సులభమైన ప్రక్రియ కాదు. దీన్నో సవాల్‌గా తీసుకున్నాను. నిజానికి అటు నటన కొనసాగిస్తూనే ఈ ట్రాన్స్‌ఫార్మేషన్‌ ప్లాన్‌ అమలు చేయవచ్చునేమో... కాని  పూర్తిగా దీని మీదే దృష్టి పెట్టాలని అనుకున్నాను. షూటింగ్‌ నుంచి రెండున్నర నెలలు గ్యాప్‌ తీసుకున్నాను.  రెండేళ్లలో పెంచుకున్న అదనపు వెయిట్‌ని ఈ బ్రేక్‌లో తగ్గించాలని డిసైడ్‌ అయ్యాను. అలవాటు కావాలంటే... ఏ కొత్త వ్యాపకం అయినా ఒక అలవాటుగా మారాలంటే 21 రోజులు చాలు. ఆ తర్వాత అది మన రోజువారీ జీవనశైలిలో భాగం అయిపోతుంది. నిజానికి నేను ఫుడీని (భోజనప్రియురాలిని). డైట్‌ విషయంలో మార్పు చేర్పులు చేసుకుని దాన్ని ఒక అలవాటుగా మార్చుకునేందుకు ప్రయత్నించి 10వ రోజునే బ్రేక్‌ ఇచ్చిన అనుభవాలు నాకు ఉన్నాయి. అయితే ఇప్పుడు కాకపోతే మరెప్పుడూ కాదన్నంత డూ ఆర్‌ డై సిట్యుయేషన్‌ నాకు నేను ఏర్పరచుకున్నాక... 10వ రోజును విజయవంతంగా అధిగమించి అదే ఊపులో  కొనసాగించగలిగాను. చివరికి 15 కిలోల బరువును తగ్గించుకోగలిగాను. వెయిట్‌లాస్‌... హ్యాపీనెస్‌ గెయిన్‌ ప్రస్తుతం నేను నటించే ఒక మలయాళ చిత్రంలో  బైకర్‌ పాత్ర నాది. టోన్డ్‌ లుక్‌ కావాలి కాబట్టి ఈ పాత్ర కోసం నేను కాస్త బరువు తగ్గాలని ఆ సినిమా డైరెక్టర్‌ సూచించారు. అయితే నేను బాగా వెయిట్‌ లాస్‌ అయ్యేటప్పటికి తొలిరోజు షూటింగ్‌లో వెంటనే ఆయన నన్ను గుర్తు పట్టలేకపోయారు. ఆ తర్వాత కూడా ఈ అనుభవం నాకు చాలా మంది దగ్గర ఎదురైంది. దీన్ని నేను ఎంజాయ్‌ చేస్తున్నాను. ఇప్పుడు ప్రశాంతంగా పార్టీస్‌కి వెళ్లగలుగుతున్నాను. మరింత కాన్ఫిడెంట్‌గా, చురుగ్గా ఉండగలుగుతున్నాను.

సాక్షి, ముంబై: దక్షిణాది హాట్‌ భామ లక్ష్మీరాయ్‌ త్వరలోనే ఎరోటిక్‌ థ్రిల్లర్‌ 'జూలీ-2'తో బాలీవుడ్‌లో అడుగుపెట్టబోతోంది. టీమిండియా మాజీ కెప్టెన్ మహేంద్రసింగ్‌ ధోనీతో ఆమె అనుబంధం దశాబ్దం కిందటే ముగిసిపోయినా.. ఇప్పటికీ ఆ కథనాలు మీడియాలో చక్కర్లు కొడుతూనే ఉన్నాయి. 2008లో ఐపీఎల్‌ జట్టు చెన్నై సూపర్‌ కింగ్స్‌ కెప్టెన్‌గా ధోనీ ఉన్నప్పుడు.. ఆ జట్టు ప్రచారకర్తగా లక్ష్మీరాయ్‌ వ్యవహరించిన సంగతి తెలిసిందే. ఆ సమయంలోనే ఇద్దరి మధ్య స్నేహం చిగురించి.. ప్రేమ మొగ్గ తొడిగిందని అంటారు. అప్పట్లో ఈ ఇద్దరూ డేటింగ్‌ చేసినట్టు కథనాలు హల్‌చల్‌ చేశాయి. అయితే, ఈ ఇద్దరి మధ్య అనుబంధం ఎక్కువకాలం కొనసాగలేదు. తాజాగా 'స్పోట్‌బోయే' వెబ్‌సైట్‌తో ముచ్చటించిన లక్ష్మీరాయ్‌ను ధోనీ గురించి అడుగగా.. 'ఎవరు అతను' అంటూ ఘాటుగా ప్రశ్నించింది. ' దీనికి ఫుల్‌స్టాప్‌ పడాల్సిన అవసరముంది. ఇది చాలాకాలం కిందటి ముచ్చట. ఇప్పుడు అతను ఆనందంగా పెళ్లి చేసుకున్నాడు. అతనికి పిల్లలు కూడా ఉన్నారు. కొన్ని విషయాలు వర్కౌట్‌ కావు. వాటిని వదిలేసి ముందుకుసాగాల్సిందే' అని లక్ష్మీరాయ్‌ పేర్కొంది. తమ అనుబంధం గురించి మీడియా అతిగా ఫోకస్ చేయడం.. దుష్ప్రభావం చూపిందని ఆమె పరోక్షంగా పేర్కొన్నారు. 'నేను అతన్ని పెళ్లి చేసుకోబోతున్నట్టు ప్రజలు వెంటనే కథనాలు అల్లేశారు. అది నిజం కాదు. అతిగా హైప్‌ క్రియేట్‌ చేయడం వల్ల మేం ఇబ్బందికర పరిస్థితిని ఎదుర్కొన్నాం. అందువల్లే నేను ఈ విషయం గురించి పెద్దగా మాట్లాడలేదు. ఇప్పుడు కూడా కొంచెమే మాట్లాడుతున్నా. అతను అంటే గౌరవముంది. అందుకే ఆ వివరాల్లోకి వెళ్లడం లేదు' అని లక్ష్మీరాయ్‌ పేర్కొంది. లక్ష్మీరాయ్‌ హాట్‌హాట్‌గా నటించిన 'జూలీ-2' సినిమా ఇప్పుడు బాలీవుడ్‌లో చర్చనీయాంశమైంది. ఈ సినిమాకు కేంద్ర సెన్సార్‌ బోర్డు (సీబీఎఫ్‌సీ) మాజీ చైర్మన్‌ పహ్లాజ్‌ నిహలానీ డిస్ట్రిబ్యూటర్‌గా ఉండటం ఆసక్తి రేపుతోంది. అశ్లీలత పేరిట అర్థంపర్థం లేని కారణాలు చూపి సినిమాలకు కత్తెర వేసిన పహ్లాజ్‌.. ఓ శృంగారభరిత చిత్రానికి పంపిణీదారుడిగా వ్యవహరించడం విస్మయం కలిగిస్తోంది. అతను అంటే గౌరవముంది అందుకే ఆ వివరాల్లోకి వెళ్లడం లేదు ఇప్పటికైనా ఈ ఎపిసోడ్‌కు ఫుల్‌స్టాప్ పెట్టాలి


 ఇటీవల సెన్సార్ బోర్డ్ ఎప్పుడు ఎలా స్పందిస్తుందో ఎవరికీ అర్థం కావటం లేదు. ఒక్కో సినిమా విషయంలో చాలా కఠినంగా వ్యవహిరంచే సెన్సార్ సభ్యులు కొన్ని సినిమాల విషయంలో మాత్రం చూసి చూడనట్టుగా వెళ్లిపోతున్నారు. పహ్లజ్ నిహ్లాని సెన్సార్ బోర్డ్ చైర్మన్ పదవి నుంచి తప్పుకున్న తరువాత ఇక వివాదాలకు తెరపడినట్టే భావించారు.
 
 అయితే కొత్త చైర్మన్ ప్రసూన్ జోషి వస్తూ వస్తూనే ఎక్స్ జోన్ సినిమాపై నిషేదం విదించి అందరికీ షాక్ ఇచ్చాడు. దీంతో ప్రసూన్ కూడా అడల్ట్ సినిమాలను ఇబ్బంది పెడతారని భావించారు. కానీ అనూహ్యంగా బోల్డ్ కంటెంట్ తో తెరకెక్కిన జూలీ 2 సినిమాకు ఎలాంటి కట్స్ సూచించకుండా ఏ సర్టిఫికేట్ ఇచ్చి మరో షాక్ ఇచ్చారు ప్రసూన్. ట్రైలర్ లో అందాల ఆరబోతతో ఆదరగొట్టిన జూలీ, సినిమాలో కట్ చెప్పే స్థాయిలో విజువల్స్ లేవంటే ప్రేక్షకులు నమ్మలేకపోతున్నారు.


 సెన్సార్ బోర్డ్ చైర్మన్ గా ఉన్న సమయంలో బాలీవుడ్ సినీ ప్రముఖులకు చుక్కలు చూపించిన పహ్లజ్ నిహ్లాని, ఆ పదవి నుంచి తప్పుకున్న తరువాత మాట మార్చారు. పదవిలో ఉండగా చాలా సినిమాల రిలీజ్ విషయంలో అడ్డుపడ్డ పహ్లజ్, ప్రస్తుతం తాను బోల్డ్ కంటెంట్ కు వ్యతిరేకం కాదంటూ ప్రకటించారు. తాను బోల్డ్ కంటెంట్ తో తెరకెక్కిన సినిమాలకు సరైన సర్టిఫికేషన్ ఇచ్చేందుకు మాత్రమే పోరాడానని చెపుతున్నారు.
 
 అంతేకాదు మరో అడుగు ముందుకేసి అడల్ట్ మూవీగా తెరకెక్కిన జూలీ 2 సినిమాకు డిస్ట్రిబ్యూటర్ గా వ్యవహరిస్తున్నారు. ఈ సినిమాను డిస్ట్రిబ్యూట్ చేస్తున్నందుకు తనకు గర్వంగా ఉందటూ సోషల్ మీడియాలో కామెంట్ చేయటంతో ఆయనపై విమర్శలు వస్తున్నాయి. సెన్సార్ బోర్డ్ చీఫ్ గా ఉండగా బోల్డ్ కంటెంట్ తో తెరకెక్కిన సినిమాలను ఇబ్బందులకు గురి చేసిన పహ్లజ్, ఇప్పుడు తానే స్వయంగా అడల్ట్ మూవీ రిలీజ్ కు సహకరించటం సరికాదన్న వాదన వినిపిస్తుంది.
  
 
 Never objected BOLD content, but always insisted on FAIR CERTIFICATION. Glad to be distributor of @Julie2Film, a FILM for an ADULT FAMILY ! https://t.co/8V3hCQkI39
 — Pahlaj Nihalani (@NihalaniPahlaj) 8 September 2017


 చెన్నై : హిందీ చిత్రం జూలీ-2లో నటి రాయ్‌ లక్ష్మీ విజృంభణ ఎలా ఉండబోతుందో ప్రత్యేకంగా చెప్పనక్కర్లేదు. చాలా కాలంగా అవకాశాలే లక్ష్యంగా గ్లామర్‌ విషయంలో హద్దులు మీరి నటిస్తున్న నటి రాయ్‌లక్ష్మీ. ఇప్పటి వరకూ తమిళం, తెలుగు, కన్నడం, మలయాళంవంటి దక్షిణాది భాషల్లో 50పైగా చిత్రాల్లో నటించిన ఈ బ్యూటీ ఏ భాషలోనూ హీరోయిన్‌గా సరైన స్థాయికి చేరుకోలేకపోయింది.
 
 ఆ మధ్య తెలుగు చిత్రం ఖైదీ నంబర్‌ 150 చిత్రంలో ‘బాసూ చూపించు నీ గ్రేస్‌ ..అంటూ ఐటమ్‌ సాంగ్‌లో మెగాస్టార్‌ చిరంజీవితో కలిసి నర్తించింది. అప్పటి నుంచి బాలీవుడ్‌లో అవకాశాల కోసం చూస్తోంది. ఎట్టకేలకు జూలీ -2 చిత్రంలో నటించే అవకాశాన్ని దక్కించుకుంది. ఆ చిత్ర ట్రైలర్‌ సోమవారం విడుదలయింది. అందులో రాయ్‌లక్ష్మీ కనిపించిన విధానం చూసి సినీ వర్గాలు విస్తుపోతున్నాయి. గ్లామర్‌ అనే పదానికి అర్ధాన్ని రాయ్‌లక్ష్మీ మార్చేసిందనే కామెంట్స్‌ హల్‌చల్‌ చేస్తున్నాయి.


 బికినీలందు అసలు సిసలైన బికినీ వేరయా అంటున్నారు రాయ్ లక్ష్మి. తెరపై బికినీలో కనిపించాలంటే అందాల తారలకు బోలెడన్ని గట్స్ కావాలనేది తరచూ సినీ జనాలు చెప్పే మాట! అటువంటి గట్స్ రాయ్ లక్ష్మిలో ఉన్నాయనే చెప్పుకోవాలి. సినిమాలు, స్పెషల్ సాంగులు, క్యాలెండర్‌లకు పోజులు.. పలుమార్లు రాయ్ లక్ష్మి బికినీ తరహా దుస్తుల్లో కనిపించారు. అవన్నీ ఓ ఎత్తు.. ఇప్పుడు హిందీలో హీరోయిన్‌గా పరిచయం అవుతోన్న ‘జూలీ-2’లో బికినీ మరో ఎత్తు అట! ఎందుకంటే.. అవన్నీ పక్కా బికినీ సన్నివేశాలు కావట! ‘బికినీ సన్నివేశాల్లో నటించడం మీకు కష్టంగా అనిపించిందా?’ అని రాయ్ లక్ష్మిని అడిగితే.. ‘‘నేనిప్పటి వరకూ పక్కా బికినీ సీన్లు చేయలేదు. ‘జూలీ-2’లో మాత్రం చేయవలసి వచ్చింది.
 
 దాన్నో సవాలుగా స్వీకరించి చేశా. ఎంతైనా హీరోయిన్లకు బికినీ సీన్లు చేయడం ఛాలెంజింగే’’ అన్నారామె. అంటే.. ఈ హాట్ బ్యూటీ ‘జూలీ-2’తో ప్రేక్షకులను కనువిందు చేయడం పక్కా అన్న మాట. హిందీ సంగతులు పక్కన పెడితే... చిరంజీవి ‘ఖైదీ నంబర్ 150’లో రాయ్ లక్ష్మి స్పెషల్ సాంగ్ చేశారు. మెగాస్టార్‌తో చిందేయడం గురించి మాట్లాడుతూ - ‘‘ఎప్పుడో ఒకప్పుడు చిరంజీవి వంటి లెజెండ్ పక్కన డ్యాన్స్ చేస్తానని ఊహల్లో కూడా అనుకోలేదు. నా కల నిజమైంది’’ అన్నారు.


 ముంబై: బాలీవుడ్ నటి, మాజీ మిస్ ఇండియా నేహా ధూపియా జూలీ చిత్రం సీక్వెల్లో నటించేందుకు నిరాకరించారు. 2004లో విడుదలైన జూలీ సినిమాలో నేహ గ్లామర్ రోల్లో నటించారు.
 
 అయితే ప్రస్తుత పరిస్థితుల్లో ఈ సినిమా సీక్వెల్ ఆఫర్ను తిరస్కరించినట్టు నేహా చెప్పారు. పంజాబ్ చిత్రాల్లోనూ నటించిన నేహా ప్రస్తుతం హిందీలో ఓ కమెడీ సినిమాతో పాటు కరణ్ జోహార్ చిత్రంలో నటిస్తున్నారు.