‘‘శివ, హ్యాపీడేస్‌’ స్టైల్‌లో సాగే పూర్తి స్థాయి కాలేజ్‌ చిత్రమిది. ఆ బ్యాక్‌డ్రాప్‌ సినిమాలు వచ్చి చాలా రోజులైంది. ‘కిరాక్‌ పార్టీ’ తప్పకుండా ఆడియన్స్‌కు నచ్చుతుంది’’ అన్నారు అనిల్‌ సుంకర. నిఖిల్, సిమ్రాన్‌ పరింజా, సంయుక్తా హెగ్డే హీరో హీరోయిన్లుగా శరణ్‌ కొప్పిశెట్టి దర్శకత్వంలో రూపొందిన సినిమా ‘కిరాక్‌ పార్టీ’.  ఎ.కె.ఎంటర్‌టైన్‌మెంట్‌ బ్యానర్‌పై రామబ్రహ్మం సుంకర నిర్మించారు. ఈ సినిమా మార్చి 16న విడుదల కానుంది. ఈ సందర్భంగా పాత్రికేయులతో చిత్రబృందం సినిమా విశేషాలు పంచుకున్నారు.  ‘‘16న సినిమా విడుదల అవుతుంది. ఇంటర్‌ ఎగ్జామ్స్‌ 15తో అయిపోయిన వెంటనే మా సినిమా రావటం ఆనందంగా ఉంది. ప్రొమోషన్స్‌లో భాగంగా ఓ కాంటెస్ట్‌ నిర్వహిస్తున్నాం. అందులో విజేతలకు సినిమాలో వాడిన కారును బహుమతిగా అందజేస్తాం. గురువారం నుంచి రెండు రాష్ట్రాల్లో టూర్‌ చేయనున్నాం. 10న విజయవాడలో ఆడియో, 13న ప్రీ–రిలీజ్‌ ఈవెంట్‌ నిర్వహిస్తాం. ‘శివ’ సినిమా చూసినప్పుడు అలాంటి సినిమా తీయగలనా లేదా అనుకునేవాణ్ణి. ఆ ఆలోచనతోనే ‘కిరిక్‌ పార్టీ’ సినిమాను రీమేక్‌ చేశాం. శరణ్‌ సినిమాను బాగా తీశాడు. సుధీర్‌ వర్మ, చందూ మొండేటి సహకారం అందించారు’’ అన్నారు అనిల్‌ సుంకర. ‘‘నా సినిమాల్లో నా హార్ట్‌కు దగ్గరైన సినిమాల్లో ఇదొకటి. సినిమా ఇంకా బాగా రీచ్‌ కావడానికి టూర్‌ ప్లాన్‌ చేశాం. అందరికీ నచ్చుతుంది అనుకుంటున్నాను’’ అన్నారు హీరో నిఖిల్‌. ‘‘శివ, హ్యాపీడేస్‌’ ఇన్‌స్పిరేషన్‌తో కన్నడ ‘కిరిక్‌ పార్టీ‘ని తెలుగు ఆడియన్స్‌కు నచ్చేలా తీశాం. స్టూడెంట్స్‌ అందరూ వాళ్లని స్క్రీన్‌పై చూసుకున్నట్టు ఉంటుంది’’ అన్నారు దర్శకుడు శరణ్‌ కొప్పిశెట్టి. ఈ కార్యక్రమంలో సిమ్రాన్, సంయుక్తా, ఆర్య, రాకేందు మౌళి పాల్గొన్నారు.  

పార్టీ చేసుకుందాం రండి అంటున్నారు హీరో నిఖిల్‌. పార్టీ అంటే అలా ఇలా కాదు కిర్రాక్‌గా ఉండాలి అట. ఇంతకీ ఆ పార్టీ ఎప్పుడు? ఎక్కడ? అనుకుంటున్నారా? ఫిబ్రవరి 9న పార్టీ షురూ. నిఖిల్‌ హీరోగా ఎ.కె.ఎంటర్‌టైన్‌మెంట్స్‌ నిర్మిస్తున్న చిత్రం ‘కిర్రాక్‌  పార్టీ’. కన్నడ సూపర్‌ హిట్‌ మూవీ ‘కిరిక్‌ పార్టీ’కు ఇది రీమేక్‌. సంయుక్త హెగ్డే, సిమ్రాన్‌ పరీంజా హీరోయిన్లుగా నటిస్తున్న ఈ సినిమా ద్వారా అనిల్‌ కొప్పిశెట్టి దర్శకునిగా పరిచయమవుతున్నారు. చిత్రనిర్మాత రామబ్రహ్మం సుంకర మాట్లాడుతూ– ‘‘షూటింగ్‌ శరవేగంగా జరుగుతోంది. రాజమండ్రిలో కీలక సన్నివేశాలు చిత్రీకరిస్తున్నాం. ఇటీవల విడుదల చేసిన ఫస్ట్‌ లుక్‌కు మంచి స్పందన లభించింది. హ్యాపీడేస్‌’ తరువాత నిఖిల్‌ చేస్తోన్న  పూర్తి స్థాయి కాలేజ్‌ బ్యాక్‌డ్రాప్‌ సినిమా ఇది. నిఖిల్‌ మ్యాచో లుక్‌ ఆకట్టుకుంటుంది. ఈ సినిమాను ఫిబ్రవరి 9న ప్రపంచవ్యాప్తంగా విడుదల చేసేందుకు సన్నాహాలు చేస్తున్నాం’’ అని తెలిపారు. గతంలో నిఖిల్‌కు సూపర్‌ హిట్‌ చిత్రాలను అందించిన దర్శకులు సుధీర్‌ వర్మ, చందు మొండేటి ఈ సినిమాకు స్క్రీన్‌ ప్లే మరియు డైలాగులను అందిస్తున్నారు’’ అన్నారు. ఈ చిత్రానికి సంగీతం: అజనీష్‌ లోక్నాథ్, సహ నిర్మాతలు: అజయ్‌ సంకర, అభిషేక్‌ అగర్వాల్, ఎగ్జిక్యూటివ్‌ ప్రొడ్యూసర్‌ : కిషోర్‌ గరికపాటి.

వైవిధ్యమైన కథా చిత్రాలను ఎంచుకుంటూ తనకంటూ ఓ మార్క్‌ ఏర్పరచుకున్న యువ కథానాయకుడు నిఖిల్‌. ఆయన నటిస్తోన్న 15వ చిత్రం ‘కిర్రాక్‌ పార్టీ’. సంయుక్తా హెగ్డే, సిమ్రన్‌ పరీన్జా కథానాయికలు. శరన్‌ కొప్పిశెట్టిని దర్శకునిగా పరిచయం చేస్తూ ఏ.కె.ఎంటరై్టన్మెంట్స్‌ పతాకంపై రామబ్రహ్మం సుంకర నిర్మిస్తున్న ఈ సినిమా ఫస్ట్‌ లుక్‌ని శనివారం విడుదల చేశారు. దర్శక–నిర్మాతలు మాట్లాడుతూ–‘‘కళాశాల నేపథ్యంలో తెరకెక్కుతోన్న చిత్రమిది. క్యాస్టింగ్‌ కాల్‌ నిర్వహించగా సుమారు 60 వేల అప్లికేషన్‌లు వచ్చాయి. ఆడిషన్స్‌ చేసి కొంతమందిని ఎంపిక చేశాం. 70 శాతం షూటింగ్‌ పూర్తయింది. నిఖిల్‌తో ‘స్వామి రారా’ తీసిన సుధీర్‌వర్మ మా చిత్రానికి స్క్రీన్‌ ప్లే  అందించారు. ‘కార్తికేయ’ దర్శకుడు చందూ మొండేటి మాటలు రాశారు. అన్ని వర్గాల ప్రేక్షకులను ఆకట్టుకునే అంశాలతో ఈ సినిమా రూపొందిస్తున్నాం. ఫస్ట్‌ లుక్‌కి రెస్పాన్స్‌ కిరాక్‌’’ అన్నారు. ఈ చిత్రానికి సంగీతం: అజనీష్‌ లోకనాథ్, కెమెరా: అద్వైత గురుమూర్తి, ఎగ్జిక్యూటివ్‌ నిర్మాత: కిషోర్‌ గరికిపాటి, సహ నిర్మాతలు: అజయ్‌ సుంకర–అభిషేక్‌ అగర్వాల్‌.


 వరుస విజయాలతో మంచి ఫాంలో ఉన్న యంగ్ హీరో నిఖిల్, మరో ఇంట్రస్టింగ్ సినిమాకు ఓకె చెప్పాడన్న టాక్ వినిపిస్తోంది. ఎక్కడికీ పోతావు చిన్నవాడా సినిమాతో అన్ సీజన్లో కూడా బిగెస్ట్ హిట్ కొట్టిన నిఖిల్, త్వరలో కేశవగా మరో డిఫరెంట్ సినిమాతో ఆడియన్స్ ముందుకు వచ్చేందుకు రెడీ అవుతున్నాడు. కన్నడలో సూపర్ హిట్గా నిలిచిన కిర్రాక్ పార్టీ సినిమాను తెలుగులో నిఖిల్ హీరోగా తెరకెక్కిచేందుకు ప్లాన్ చేస్తున్నారు.
 
 రాజ్ తరుణ్తో వరుస సినిమాలు చేస్తున్న ఏకె ఎంటర్టైన్మెంట్స్ బ్యానర్లో ఈ సినిమాను నిర్మించేందుకు రెడీ అవుతోంది. ఈ సినిమాకు ప్రముఖ కొరియోగ్రాఫర్ రాజు సుందర్, ఈ సినిమాతో దర్శకుడిగా మారాలని భావిస్తున్నాడు. సీనియర్ హీరో నాగార్జున తో కలిసి చందూ మొండేటి దర్శకత్వంలో చేయాల్సిన మల్టీ స్టారర్ సినిమా ఆలస్యం అవుతుండటంతో ఈ లోగా కిర్రాక్ పార్టీ రీమేక్ ను పూర్తి చేయాలని భావిస్తున్నాడు నిఖిల్.