► ముంబైపై విజయంతో గుజరాత్ జట్టు ప్లే ఆఫ్‌కు చేరడంతో పాటు టాప్-2లో ఒక స్థానాన్ని ఖరారు చేసుకుంది. సన్‌రైజర్స్ కూడా ప్లే ఆఫ్‌కు చేరింది.
 ► నేడు జరిగే తొలి మ్యాచ్‌లో కోల్‌కతా గెలిస్తే... హైదరాబాద్, కోల్‌కతా రెండూ ప్లే ఆఫ్‌కు వెళతాయి. బెంగళూరు, ఢిల్లీ మ్యాచ్‌లో విజేత ముందుకు వస్తుంది.
 ► ఒకవేళ హైదరాబాద్ గెలిస్తే పాయింట్ల పట్టికలో అగ్రస్థానంలోకి వస్తుంది. కోల్‌కతా 14 పాయింట్ల దగ్గర ఆగుతుంది. అప్పుడు రెండో మ్యాచ్‌లో ఢిల్లీ గెలిస్తే... ఢిల్లీ, బెంగళూరు (14 పాయింట్లే అయినా మెరుగైన రన్‌రేట్ వల్ల) ముందుకు వెళతాయి. ఒకవేళ బెంగళూరు గెలిస్తే... కోల్‌కతా, ఢిల్లీ, ముంబై 14 పాయింట్లతో ఉంటాయి. అప్పుడు మెరుగైన రన్‌రే ట్ ఉన్న జట్టు (కోల్‌కతాకు ఎక్కువ అవకాశం ఉంది) ముందుకు వస్తుంది.
  
  
 
       
  
  
  
  


 న్యూఢిల్లీ: డిఫెండింగ్ చాంపియన్ అట్లెటికో డి కోల్‌కతా జట్టుకు మళ్లీ చుక్కెదురైంది. ఇండియన్ సూపర్‌లీగ్ (ఐఎస్‌ఎల్)లో భాగంగా నార్త్‌ఈస్ట్ యునెటైడ్ జట్టుతో శుక్రవారం జరిగిన లీగ్ మ్యాచ్‌లో కోల్‌కతా జట్టు 0-1 గోల్ తేడాతో ఓడిపోయింది. ఆట 77వ నిమిషంలో వెలెజ్ చేసిన గోల్‌తో 1-0తో ఆధిక్యంలోకి వెళ్లిన నార్త్‌ఈస్ట్ జట్టు చివరి నిమిషం వరకు ఈ ఆధిక్యాన్ని కాపాడుకొని తమ ఖాతాలో రెండో విజయాన్ని నమోదు చేసుకుంది. గత శనివారం పుణే సిటీ జట్టుతో జరిగిన మ్యాచ్‌లోనూ కోల్‌కతా 0-1తో ఓడింది.
 
 గురువారం జరిగిన మరో మ్యాచ్‌లో గోవా ఎఫ్‌సీ 2-1తో కేరళ బ్లాస్టర్స్‌ను ఓడించింది. శనివారం జరిగే మ్యాచ్‌లో చెన్నైయిన్ ఎఫ్‌సీతో పుణే జట్టు ఆడుతుంది.


 నైట్‌రైడర్స్‌తో పోరుకు సన్‌రైజర్స్ రెడీ
  ఉప్పల్‌లో ఇరు జట్ల సాధన
  
  సాక్షి, హైదరాబాద్: ఐపీఎల్‌లో ఆదివారం ఉప్పల్‌లో జరిగే కీలక మ్యాచ్‌కు ముందు రోజు రాజీవ్‌గాంధీ స్టేడియంలో హైదరాబాద్, కోల్‌కతా జట్లు సుదీర్ఘ సమయం పాటు ప్రాక్టీస్ చేశాయి.
  
  ఈ ఏడాది లీగ్‌లో తొలిసారి ఈ రెండు జట్లు తలపడుతున్నాయి.  ఇరు జట్లకు చెందిన ఆటగాళ్లు అవుట్‌ఫీల్డ్‌లో, ఆ తర్వాత నెట్స్‌లో తీవ్ర సాధనలో పాల్గొన్నారు. సన్‌రైజర్స్ కోచ్ టామ్ మూడీ బ్యాటింగ్ ప్రాక్టీస్‌ను పర్యవేక్షించగా, టీమ్ మెంటర్ వీవీఎస్ లక్ష్మణ్ ఫీల్డింగ్‌లో సాధన చేయించాడు. గత నాలుగు రోజులుగా అనారోగ్యంతో ఉన్న పర్వేజ్ రసూల్ పెద్దగా శ్రమించలేదు.
  
  కోచ్ చెప్పిన దాని ప్రకారం ఆదివారం మ్యాచ్‌లోనూ అతను బరిలోకి దిగే అవకాశం లేదు. నైట్ రైడర్స్ ఆటగాళ్లలో గంభీర్‌తో పాటు యూసుఫ్ పఠాన్ ఎక్కువ సేపు క్రీజ్‌లో గడిపాడు. ముఖ్యంగా సహాయ కోచ్ విజయ్ దహియా... పఠాన్ బ్యాటింగ్‌పై ప్రత్యేక దృష్టి పెట్టి సూచనలిచ్చాడు.
  
  ‘నాలుగో స్థానం కోసం ఇరు జట్లకు ఇది కీలక మ్యాచ్. కాబట్టి మా అత్యుత్తమ ప్రదర్శన ఇచ్చి ప్రత్యర్థిని నిలువరిస్తాం. వికెట్‌ను చూస్తే భారీ స్కోరుకు అవకాశం కనిపిస్తోంది. గంభీర్ రాణించడం ఆనందంగా ఉంది. ఉతప్ప దూకుడు కొనసాగిస్తాడని ఆశిస్తున్నాం’
  - ట్రెవర్ బేలిస్, కోల్‌కతా కోచ్
  
  ‘గత మ్యాచ్‌లో ఆడిన జట్టులో కచ్చితంగా మార్పులు ఉంటాయి. అందుబాటులో ఉన్న అన్ని అవకాశాలు పరిశీలిస్తున్నాం. ధావన్‌పై కెప్టెన్సీ కారణంగా ఎలాంటి ఒత్తిడి లేదు. అతను గత మ్యాచ్‌లో చాలా బాగా ఆడాడు. స్టెయిన్ ఫామ్ గురించి ఆందోళన అనవసరం. అతను వరల్డ్ నంబర్‌వన్ బౌలర్ అని మరచిపోవద్దు’
  - టామ్ మూడీ, హైదరాబాద్ కోచ్