సాక్షి, హైదరాబాద్‌: గుట్టుచప్పుడు కాకుండా వ్యభిచారం నిర్వహిస్తున్న ముఠాను పోలీసులు అరెస్ట్‌ చేశారు. సర్దార్ పటేల్ నగర్‌లోని బ్యూటిఫుల్ స్టే ఓయో రూమ్‌పై ఎస్‌వోటి పోలీసులు మంగళవారం దాడులు జరిపారు. వెస్ట్ బెంగాల్‌కి చెందిన 8 మంది మహిళలను పోలీసులు కాపాడి రెస్క్యూ హోమ్‌కి తరలించారు. ముగ్గురు యువకులను పోలీసులు అదుపులోకి తీసుకున్నారు. మరో ఇద్దరు పరారీలో ఉన్నారు. వారి నుంచి 10 వేలు నగదు, 5 సెల్ ఫోన్లు, 130 కండోమ్ ఫ్యాకెట్లు స్వాధీనం చేసుకున్నారు. నిన్న(సోమవారం) కూడా కేపీహెచ్బీలోని పలు ఓయో రూమ్లపై బాలానగర్ ఎస్‌వోటి పోలీసులు దాడులు చేశారు. 9 మంది యువతులను రక్షించారు.  చదవండి: ఎమ్మెల్యే మోసం చేశారు.. మరో వీడియో విడుదల చేసిన యువతి    


 హైదరాబాద్: ప్రేమ విఫలమై ఓ యువకుడు బలవన్మరణానికి పాల్పడ్డాడు. నగరంలోని కూకట్‌పల్లి రోడ్‌నంబర్ 3లో ఈ ఘటన చోటు చేసుకుంది. స్థానిక హనుమాన్ బోయ్స్ హాస్టల్‌లో ఉండే శ్యాం పవన్(21) ఓ ప్రైవేట కంపెనీలో ఉద్యోగిగా పనిచేస్తుంటాడు. సోమవారం రాత్రి తన గదిలో  ఫ్యాన్‌కు ఉరి వేసుకున్నాడు. మంగళవారం ఉదయం హాస్టల్ నిర్వాహకులు అతడిని గమనించి పోలీసులకు సమాచారం అందించారు. ఈ మేరకు పోలీసులు కేసు నమోదు చేసుకుని దర్యాప్తు ప్రారంభించారు.


 హైదరాబాద్‌: బస్సు నడుపుతూ సెల్‌ఫోన్‌లో మాట్లాడుతున్న ఆర్టీసీ డ్రైవర్‌కు ట్రాఫిక్ పోలీసులు జరిమానా విధించారు. ఈ సంఘటన నగరంలోని కూకట్‌పల్లి వద్ద రెమెడీ ఆసుపత్రి వద్ద చోటు చేసుకుంది. బస్సు ఆంధ్రప్రదేశ్ రాజధాని అమరావతి నుంచి కేపీహెచీ వస్తుండగా ఈ సంఘటన జరిగింది. డ్రైవింగ్‌లో ఉన్నప్పుడు డ్రైవర్ సెల్‌ఫోన్‌లో మాట్లాడుతుండగా కంటపడటంతో స్థానిక ఇన్‌స్పెక్టర్ శ్రీనివాస్ రూ.1000 జరిమానా విధించాడు.