శ్రీశైలంప్రాజెక్టు (కర్నూలు), న్యూస్‌లైన్ : ఆర్టీసీ బస్సు అతివేగమే కన్నడ సినీనటుడి ప్రాణం తీసింది. శనివారం శ్రీశైలం -దోర్నాల ఘాట్‌లోని చింత సమీపంలో ఈ ప్రమాదం చోటుచేసుకుంది. లవ్ జంక్షన్ కన్నడ సినిమా కథానాయకుడు అందన్‌కుమార్ అలియాస్ అందనప్పా (34) ఉగాది మహోత్సవాల సందర్భంగా శ్రీభ్రమరాంబామల్లికార్జున స్వామివార్ల దర్శనార్థమై కుటుంబ సభ్యులతో కలిసి శ్రీశైలం వచ్చారు. శనివారం స్వగ్రామమైన కర్ణాటక రాష్ట్రం సింధనూర్‌కు వాహనాన్ని స్వయంగా నడుపుకుంటూ తిరుగు ప్రయాణమయ్యారు.
 
 ఈ క్రమంలో శ్రీశైలం -దోర్నాల ఘాట్‌లోని చింత సమీపంలో వీరి కారును ఎదురుగా వస్తున్న కర్నూలు డిపోకు చెందిన ఆర్టీసీ బస్సు ఢీకొంది. ఈ ప్రమాదంలో అందన్ తీవ్రంగా గాయపడటంతో 108 వాహనంలో దోర్నాల ప్రభుత్వాసుపత్రికి తరలిస్తుండగా మార్గం మధ్యలో మృతి చెందాడు. ఇతను హీరోగా నటించిన లవ్‌జంక్షన్ సినిమా ఇటీవలే విడుదలైంది. మరో చిత్రం షూటింగ్ జరుగుతోంది.


 ‘‘నేటి తరం చేస్తున్న కొత్త ప్రయత్నం ఇది. కొత్త రకం సినిమాలను ఎప్పుడూ ప్రోత్సహిస్తుంటాను. ఇలాంటి చిత్రాలు వస్తే పరిశ్రమ బాగుంటుంది. ఈ చిత్రం పాటలు బాగున్నాయి. ఈ పాటలు, సినిమా ప్రేక్షకాదరణ పొందుతాయనే నమ్మకం ఉంది’’ అన్నారు డా. రాజేంద్రప్రసాద్.
  
  సుమిత్‌రాయ్ హీరోగా నటించి, దర్శకత్వం వహించిన చిత్రం ‘లవ్ జంక్షన్’. టి. భరత్‌కుమార్ నిర్మించిన ఈ చిత్రానికి కాదంబరి కిరణ్, ఎస్. బాలాజీకుమార్ సహనిర్మాతలు. ఈ చిత్రం ఆడియో వేడుకలో పాల్గొన్న బి.గోపాల్ సీడీని ఆవిష్కరించి రాజేంద్రప్రసాద్, వరుణ్ సందేశ్‌లకు అందజేశారు.
  
  ఈ  టైటిల్ బాగుందని, సినిమా విజయం సాధించాలని కోరుకుంటున్నానని బి.గోపాల్ అన్నారు. ఈ నెలలోనే సినిమాని విడుదల చేస్తామని నిర్మాత తెలిపారు. ఇది యూత్‌ఫుల్ కామెడీ ఎంటర్‌టైనర్ అని దర్శకుడు అన్నారు. చిత్రనిర్మాణంలో సహకరించిన రామసత్యనారాయణకు కాదంబరి కిరణ్ ధన్యవాదాలు తెలిపారు.