హైదరాబాద్, బిజినెస్ బ్యూరో: సెప్టెంబర్‌తో ముగిసిన రెండో త్రైమాసికంలో గల్ఫ్ ఆయిల్ రూ. 274 కోట్ల నికర ఆదాయంపై రూ. 30 కోట్ల నికర లాభం ప్రకటించింది. క్రితం క్యూ2లో ఆదాయం రూ. 249 కోట్లు కాగా లాభం రూ. 24 కోట్లు.
 
 తాజా రెండో త్రైమాసికంలో లాభం 28 శాతం వృద్ధి చెందినట్లు కంపెనీ తెలిపింది. సాధారణంగా జూలై-సెప్టెంబర్ మధ్య కాలంలో వర్షాల కారణంగా వాహనాల వినియోగం తగ్గుతుందని, అయినా అమ్మకాల్లో రెండంకెల స్థాయి వృద్ధి సాధించగలిగామని పేర్కొంది.