కోలీవుడ్‌ స్టార్‌ ధనుశ్‌ సింగర్‌గా ఎంత పేరు సంపాదించుకున్నారో ప్రత్యేకించి చెప్పక్కర్లేదు. తాను హీరోగా నటించిన ‘3’ సినిమాలో ధనుశ్‌ పాడిన ‘వై దిస్‌ కొలవెరి..’ సాంగ్‌ బాగా పాపులర్‌ అయ్యింది. ఆ తర్వాత కూడా కొన్నిసార్లు ధనుశ్‌ గొంతు సవరించుకున్నారు. తాజాగా డైరెక్టర్‌ వసంతబాలన్‌ దర్శకత్వంలో రూపొందిన ‘జైలు’ సినిమా కోసం సాంగ్‌ పాడారు. ‘జైలు’ సినిమాలో హీరోగా నటించిన సంగీతదర్శకుడు జీవీ ప్రకాశ్‌కుమార్‌ ఈ విషయం తెలిపారు. అలాగే ధనుశ్‌ లే టెస్ట్‌ చిత్రం ‘మారీ 2’ ఈ నెల 21న తెలుగు, తమిళంలో ఒకేసారి రిలీజ్‌ కానుంది. బాలాజీ మోహన్‌ తెరకెక్కించిన ఈ చిత్రం ‘మారీ’ చిత్రానికి సీక్వెల్‌. ఈ చిత్రాన్ని తెలుగులో సాయి కృష్ణ పెండ్యాల రిలీజ్‌ చేస్తున్నారు. ఇందులో ‘రౌడీ బేబీ..’ అనే సాంగ్‌ను తెలుగులో ధనుశ్‌ పాడారు.

తమిళసినిమా: కోలీవుడ్‌ దాటి బాలీవుడ్, హాలీవుడ్‌ వరకూ వెళ్లి నటుడిగా తన సత్తా చాటుకుంటున్న నటుడు ధనుష్‌. చేతిలో చాలా చిత్రాలు ఉన్నా, వేలై ఇల్లా పట్టాదారి–2 చిత్రం తరువాత ఆయన నటించిన చిత్రం విడుదల కాలేదు. దీంతో ఆయన అభిమానులు తదుపరి చిత్రం కోసం ఆత్రుతగా ఎదురు చూస్తున్నారని చెప్పవచ్చు. అయితే ఇంత వరకూ తన మామ, సూపర్‌స్టార్‌ రజనీకాంత్‌ హీరోగా నిర్మించిన కాలా చిత్ర నిర్మాణం, విడుదల కార్యక్రమాల్లో బిజీగా ఉన్నారు. కాలా విడుదల కావడంతో ధనుష్‌ తాజాగా వరుసగా తన చిత్రాలను విడుదల చేయడానికి ప్రణాళికను సిద్ధం చేసుకుంటున్నారు. ఆయన నటించిన వడచెన్నై, మారి–2 చిత్రాలు నిర్మాణంలో ఉన్నాయి. మధ్యలో ఆంగ్ల చిత్రం ది ఎక్స్‌ట్రార్డినరీ జర్నీ ఆఫ్‌ ది ఫకీర్‌ విడుదలకు సిద్ధం అవుతోంది. చాలా కాలంగా నిర్మాణంలో ఉన్న గౌతమ్‌ మీనన్‌ దర్శకత్వంలో నటిస్తున్న ఎన్నై నోకి పాయుం తూట్టా చిత్రం ఇంకా నిర్మాణంలోనే ఉంది. ఈయన తన వండర్‌బార్‌ ఫిలింస్‌ పతాకంపై కథానాయకుడిగా నటించి నిర్మించిన మారి చిత్రం కమర్షియల్‌గా మంచి సక్సెస్‌ను అందుకుంది. బాలాజీ మోహన్‌ దర్శకత్వం వహించిన ఈ చిత్రానికి సీక్వెల్‌గా తెరకెక్కుతున్న చిత్రం మారి–2. నటుడు ధనుష్‌నే నిర్మించి నటిస్తున్న ఇందులో నటి సాయిపల్లవి కథానాయకిగా నటిస్తోంది. నటి వరలక్ష్మీశరత్‌కుమార్‌ కీలక పాత్రను పోషిస్తున్న ఇందులో తాజాగా మరో కథానాయకిగా నటి విద్య వచ్చి చేరింది. ఇరవుక్కు ఆయిరం కన్‌గళ్, పంసంగ–2 చిత్రాల్లో నటించిన ఈ అమ్మడికి ధనుష్‌తో మారి–2 చిత్రంలో నటించే లక్కీచాన్స్‌ తలుపుతట్టింది. ఈ విషయాన్ని విద్య తన ట్విట్టర్‌లో పేర్కొంది. నటి సాయిపల్లవి ఈ చిత్రంలో ఆటోడ్రైవర్‌గా నటిస్తున్న విషయం తెలిసిందే. ఇక వరలక్ష్మీశరత్‌కుమార్‌ కలెక్టర్‌గా నటిస్తోంది. మలయాళ నటుడు టోవినో థామస్‌ విలన్‌గా, నటుడు కృష్ణ ముఖ్య పాత్రలోనూ నటిస్తున్నారు. ఈ చిత్రం తెన్‌కాశి పరిసర ప్రాంతాల్లో షూటింగ్‌  జరుపుకుంటోంది. దీనికి యువన్‌శంకర్‌రాజా సంగీతం అందిస్తున్నారు.

నటుడిగా, దర్శకుడిగా, నిర్మాతగా కోలీవుడ్ లో సత్తా చాటుతున్న ధనుష్‌ గాయకుడిగానూ తన ప్రస్థానాన్ని కొనసాగిస్తున్నాడు. తాజాగా ధనుష్‌ స్వయంగా నిర్మిస్తూ నటిస్తున్న మారి 2 సినిమా కోసం మేస్ట్రో ఇళయరాజా ఓ పాట పాడారు. ఇళయరాజా తనయుడు యువన్ శంకర్‌ రాజా ఈ సినిమాకు సంగీతమందిస్తున్నారు. అందుకు ప్రతిగా ఇప్పుడు ఇళయరాజా సంగీతమందిస్తున్న ఓ సినిమాలో ధనుష్‌ పాట పాడనున్నాడు. ఇటీవల ఇళయరాజ సంగీత దర్శకుడిగా 1000 సినిమాలు పూర్తి చేసుకున్న సందర్భంగా ఓ భారీ వేడుకను నిర్వహించారు. ఈ కార్యక్రమంలో ఇసైజ్ఞాని స్వరపరిచిన పలు సూపర్‌ హిట్ పాటలను ధనుష్ వేదిక మీద ఆలపించారు. ధనుష్ గానం నచ్చిన మేస్ట్రో తాను సంగీతమందిస్తున్న ఓ మరాఠి సినిమాలో ధనుష్ చేత పాట పాడిస్తున్నారు.

దేశగర్వించదగ్గ సంగీత దర్శకుల్లో ఒకరు మ్యూజిక్‌ మేస్ట్రో ఇళయరాజా. ఎన్నో చిరస్మరణీయ గీతాలను అందించిన ఈ లెజెండ్, ఆయన సంగీత దర్శకత్వంలో పలు గీతాలను ఆలపించారు. అయితే ఇతర సంగీత దర్శకుల కోసం ఇళయరాజా పాటలు పాడిన సందర్భాలు చాలా అరుదు. అలాంటి అరుదైన సంఘటన ఇటీవల జరిగింది. ఓ యువ సంగీత దర్శకుడు స్వరపరిచిన పాటను ఇళయరాజా ఆలపించారు. అయితే ఆ యువ సంగీత దర్శకుడు ఇళయరాజా వారసుడు యువన్‌ శంకర్‌ రాజానే కావటం విశేషం. ధనుష్‌ హీరోగా ఘనవిజయం సాధించిన మారికి సీక‍్వల్‌గా అదే కాంబినేషన్‌లో తెరకెక్కుతున్న ‘మారి 2’ కోసం ఇళయరాజా ఓ గీతాన్ని ఆలపించారు. ఇటీవల ఈ సాంగ్ రికార్డింగ్‌ పూర్తయ్యింది. ఈ విషయాన్ని హీరో ధనుష్‌ తన సోషల్ మీడియా పేజ్‌ ద్వారా వెల్లడించారు. So happy to announce that the maestro isaignani ilayaraja sir sang a song today for #maari2. What a delightful divine experience. We feel so blessed and super thrilled. @thisisysr @directormbalaji pic.twitter.com/6pNRj09aZ7 — Dhanush (@dhanushkraja) 16 January 2018

సాక్షి, సినిమా: నటుడు ధనుష్‌తో నటించడానికి నటి వరలక్ష్మీ శరత్‌కుమార్‌ సై అన్నారు. వరలక్ష్మీ ఒక పక్క కథానాయకిగా నటిస్తూనే మరో పక్క చాలెంజింగ్‌ పాత్రల్లో నటించడానికి ఏ మాత్రం వెనుకాడడం లేదు. అలా ధనుష్‌ కథానాయకుడిగా నటించినున్న తాజా చిత్రం మారి-2లో  కీ రోల్‌ను పోషించడానికి ఓకే చెప్పేశారు. ఇంతకు ముందు ధనుష్‌ హీరో బాలాజీ మోహన్‌ దర్శకత్వంలో తెరపైకొచ్చిన మారి చిత్రం కమర్శియల్‌గా మంచి విజయాన్ని అందుకుంది. నటి కాజల్‌ అగర్వాల్‌ నాయకిగా నటించిన ఈ చిత్రానికి సీక్వెల్‌ ఉంటుందని చిత్ర వర్గాలు అప్పుడే ప్రకటించారు. దానికి ఇప్పుడు ముహూర్తం కుదిరింది.  ధనుష్‌ హీరోగా నటించి తన వండర్‌బార్‌ ఫిలింస్‌ పతాకంపై నిర్మించనున్న మారి-2లో సాయిపల్లవి కథానాయకిగా ఎంపికైంది. ఇందులో ముఖ్య పాత్రకు నటి వరలక్ష్మీ శరత్‌కుమార్‌ను ఎంపిక చేశారు. ఈ విషయాన్ని నటుడు, నిర్మాత ధనుష్‌ తన ట్విట్టర్‌లో పేర్కొన్నారు. అందుకు ప్రతిగా ట్విట్‌ చేసిన నటి వరలక్ష్మీ శరత్‌కుమార్‌ మారి-2లో తనను ఒక భాగం చేసినందుకు ధనుష్, దర్శకుడు బాలాజీ మోహన్‌కు కృతజ్ఞతలు చెప్పింది. ఈ చిత్రంలో నటించడానికి ఆలస్యం చేయదలచుకోలేదు. ఎప్పుడెప్పుడు నటిస్తానా అని చాలా ఎగ్జైట్‌గా ఫీలౌతున్నాను అని పేర్కొన్నారు.  ఇందులో మలయాళ నటుడు టోవినో థామస్‌ ప్రతినాయకుడిగా నటించనున్నారు. ఈ చిత్రానికి యువన్‌ శంకర్‌ రాజా సంగీతాన్ని అందించనున్నారు. సుమారు 10 ఏళ్ల తరువాత ధనుష్, యువన్‌శంకర్‌రాజా కాంబినేషన్‌లో తెరకెక్కనున్న చిత్రం మారి-2 అన్నది గమనార్హం. ఈ చిత్రానికి సంబంధించిన వివరాలను కొత్త సంవత్సరం వెల్లడించే అవకాశం ఉంది.   

సాక్షి, చెన్నై: ధనుష్‌ హీరోగా తమిళంలో సూపర్‌హిట్‌ అయిన మారి సినిమాకు సీక్వెల్‌ ను తెరకెక్కించనున్నారు. అయితే ఈసారి సినిమాను తెలుగులోనూ తెరకెక్కించేందుకు ప్లాన్ చేస్తున్నారు. మారి తొలి భాగానికి దర్శకత్వం వహించిన దర్శకుడు బాలాజీ మోహన్‌ సీక్వల్ ను కూడా డైరెక్ట్ చేయనున్నారు. మారి సినిమాలో ధనుష్‌ పంచెకట్టు, మెలితిరిగిన మీసాలతో ఉండే రౌడీ పాత్ర పోషించారు. అయితే, హీరోయిన్‌ కాజల్‌ అగర్వాల్‌ స్థానంలో మరో హీరోయిన్‌ రాబోతున్నారని డైరెక్టర్‌ బాలాజీ మోహన్‌ ట్వీట్‌ చేశారు. మారిలో కీలక పాత్రలు పోషించిన రోబో శంకర్‌, వినోద్‌ ఈ సినిమాలో కూడా ఉంటారని వెల్లడించారు. అక్టోబర్‌లో షూటింగ్‌ ప్రారంభించేందుకు ఏర్పాట్లు చేస్తున్నట్లు ఆయన వివరించారు. ఈ సినిమాలో విలన్‌గా మళయాళం నటుడు టొవినో థామస్‌ నటించనున్నారు. తరంగం, మారడోనా సినిమాల తర్వాత ధనుష్‌తో చేయనున్న మూడో సినిమా ఇది అని బాలాజీ మోహన్‌ తెలిపారు.   #Maari2 will be a Tamil/Telugu #Bilingual. Announcing the #HeroineofMaari2 at 6 PM 🕕 today. Stay tuned :)@dhanushkraja @WunderbarFilms_ pic.twitter.com/zq6wgjlzQk — Balaji Mohan (@directormbalaji) 28 September 2017 First #Maari2 update! #Maari has a new nemesis. Happy to have @ttovino #TovinoThomas on board!🙂 One of the most fav characters I’ve written🙂 pic.twitter.com/5WfXM3lZa7 — Balaji Mohan (@directormbalaji) 23 September 2017


 ‘‘నేనా? ప్రేమలో పడ్డానా? ఒకవేళ పడితే, ఆ విషయాన్ని నిర్భయంగా బయటికి చెప్పేస్తాను’’ అని కాజల్ అగర్వాల్ అన్నారు. ఈ బ్యూటీ ఈ స్టేట్‌మెంట్ ఇచ్చింది చెన్నయ్‌లో. ధనుష్ సరసన కాజల్ నటిస్తున్న తమిళ చిత్రం ‘మారి’.
  
  ఈ చిత్రానికి సంబంధించిన ప్రచార కార్యక్రమంలో పాల్గొన్న కాజల్‌ని, ‘మీరు ప్రేమలో పడ్డారట?’ అని విలేకరులు అడిగితే, ఆమె పై విధంగా స్పందించారు. పోనీ.. మీక్కాబోయే భర్త ఎలా ఉండాలని కోరుకుంటున్నారు? అని కాజల్‌ని అడిగారట. అప్పుడు కాజల్ మాట్లాడుతూ  - ‘‘ఆ విషయం గురించి పెద్దగా ఆలోచించలేదు.
  
  అలాగే, ఫలానా నగరానికి చెందిన వ్యక్తినే పెళ్లి చేసుకోవాలనే నియమం కూడా పెట్టుకోలేదు. భారతదేశంలో ఏ నగరానికి చెందిన వ్యక్తయినా నాకు ఓకే. కానీ, ఆ వ్యక్తి నిజాయతీగా ఉండాలి. నన్నర్థం చేసుకుని, జీవితాంతం నాకు మంచి తోడుగా ఉండాలని మాత్రం కోరుకుంటున్నాను’’ అన్నారు.


 తమిళ సూపర్ స్టార్ రజనీకాంత్ అంటేనే ఓ స్టయిల్ ఐకాన్. స్టైలిష్ ఐకాన్గా పేరు తెచ్చుకున్న ఆయనకు ప్రపంచవ్యాప్తంగా అభిమానులు అన్నారు. సిగరెట్ గాల్లో ఎగరవేసే రజనీ స్టయిల్కు ఫిదా అయినవాళ్లు ఉన్నారు. తాజాగా రజనీ అల్లుడు, యువ హీరో ధనుష్ ...మామను అనుసరిస్తున్నాడు. కాగా రజనీ స్టయిల్ను ధనుష్ ఫాలో అవుతున్నాడని ఎప్పటి నుంచి టాక్ ఉంది. 'విఐపీ' సినిమాలో రజనీ స్టైల్స్ను అనుకరించాడు కూడా. ఈ మూవీ 'రఘువరన్ బీటెక్' పేరుతో తెలుగులోకి కూడా వచ్చింది.
 
 అయితే నటన విషంయంలో ధనుష్ను ఎవ్వరూ వంక పెట్టలేరు. ఇటు కోలీవుడ్తో పాటు అటు బాలీవుడ్లో కూడా డిఫరెంట్ మూవీస్ చేస్తూ దూసుకుపోతున్నాడు. రజనీ స్టయిల్ను ధనుష్ అనుకరించడం మానుకోలేదని కోలీవుడ్లో ఇంకా గుసగుసలు వినిస్తున్నాయి.
 రీసెంట్గా రిలీజైన 'మారీ' సినిమా టీజర్ అందుకు నిదర్శనం అంటున్నారు. ధనుష్ మళ్లీ మాస్ గెటప్లో రజనీలా సిగరెట్ కాలుస్తున్నాడంటూ ప్రచారం జరుగుతుంది.
 
 ఇక ధనుష్ విషయం పక్కన పెడితే.. బాలీవుడ్ హీరోయిన్ సోనాక్షీ సిన్హా కూడా రజనీని టాప్ ఆఫ్ డైలాగ్స్ చెబుతూ మతులు పోగొడుతుంది. సోనాక్షీ మెయిన్ రోల్లో ఓ లేడీ ఓరియెంటెండ్ చిత్రాన్ని దర్శకుడు మురుగదాస్ డైరెక్ట్ చేస్తున్నాడు. ఈ తమిళ దర్శకుడికి రజనీ అంటే విపరీతమైన అభిమానం. ఈ డైరెక్టర్.. రజినీ స్టైల్లో సోనాక్షితో డైలాగ్ చెప్పించి నెట్లో ఉంచాడు. మొత్తానికి రజనీ మేనియా కోలీవుడ్, బాలీవుడ్లో నడుస్తోంది.


 ‘‘పక్షుల్ని దూరంగా చూడాలనుకుంటాను కానీ, దగ్గరగా అంటే మాత్రం ఆమడ దూరం పారిపోతా. అవి రెక్కలు టపటపలాడిస్తే చాలు.. నా గుండె లబ్‌డబ్ పెరిగిపోతుంది. అంత భయం’’ అని చెప్పారు కాజల్ అగర్వాల్. పక్షులంటే అంత భయపడే కాజల్ ఇటీవల ఏకంగా ఓ పావురాన్ని చేత్తో పట్టుకుని, ఫొటోలు దిగారు. హఠాత్తుగా ఆమె అంత ధైర్యవంతురాలు కావడానికి కారణం తమిళ హీరో ధనుష్. అతని సరసన కాజల్ ‘మారి’ అనే తమిళ చిత్రంలో కథానాయికగా నటిస్తున్నారు. ఈ సినిమాలో పక్షులు ఉండే సన్నివేశాలు చాలా ఉన్నాయట.
  
  చిత్రదర్శకుడు బాలాజీ మోహన్ ఈ సన్నివేశాల గురించి వివరించగానే చాలా భయపడ్డానని కాజల్ చెప్పారు. కానీ, పక్షుల గురించి ధనుష్ చిన్నపాటి లెక్చర్ ఇచ్చి, అవి మనల్ని ఏమీ చేయవంటూ ధైర్యం చెప్పడంతో కొంచెం కంగారుగానే కెమెరా ముందుకెళ్లారామె. భయాన్ని బయటకు కనపడనివ్వకుండా ఎలాగోలా సన్నివేశం పూర్తి చేసి, ఊపిరి పీల్చుకున్నారట. మూడు, నాలుగు రోజులు ఇదే వరస. ఐదో రోజుకి భయం తగ్గి, ఆ తర్వాత ఏకంగా ఫొటోలు దిగేంత ధైర్యం వచ్చేసిందామెకు. ఇప్పుడు పక్షులంటే తనకు భయం పోయిందనీ, పక్షి ప్రేమికురాల్ని అయిపోయాననీ కాజల్ తెలిపారు.