మంచు మనోజ్‌, మౌనికలు పెళ్లి చేసుకోబోతున్నారన్న వార్తలను నిజం చేస్తూ వీరిద్దరూ వివాహబంధంతో ఒక్కటయ్యారు. ఫిలిం నగర్‌లోని మంచు లక్ష్మి నివాసంలో అతిదగ్గరి బంధుమిత్రుల సమక్షంలో మార్చి 3న ఈ పెళ్లి జరిగింది. అప్పటినుంచి వీరికి సంబంధించిన ఫోటోలు, వీడియోలు సోషల్‌ మీడియాలో వైరల్‌గా మారాయి. తాజాగా మనోజ్‌- మౌనికల మెహందీ, కాక్‌టైల్‌ సెలబ్రేషన్స్‌ వేడుకను మంచు లక్ష్మి తన యూట్యూబ్‌ ఛానల్‌లో రిలీజ్‌ చేసింది.  ఈ సెలబ్రేషన్స్‌ కోసం తన ఇంటిని, ఇంటి ముందు ప్రాంగణాన్ని ఎంత అందంగా ముస్తాబు చేశారో చూపించింది. పనిలో పనిగా తనూ రెడీ అయి ఫోటోషూట్‌ చేసేసింది. మెహందీ ఫంక్షన్‌కు మంచు లక్ష్మి వైట్‌ డ్రెస్‌లో రెడీ అయింది. మెహందీ పెట్టుకుంటే అన్నం, చపాతీల్లాంటివి తినడం కష్టం కాబట్టి వేరే ఎవరైనా తినిపించడానికి వీలుగా ఉండేలా చాట్స్‌ ఏర్పాటు చేయించినట్లు చెప్పుకొచ్చింది. అయితే పానీపూరీలో ఎవరికీ తెలియకుండా వోడ్కా కలిపేస్తానని, దెబ్బకు టేస్టే మారిపోతుందని తెలిపింది. పానీపూరీతో పాటు రాజస్తానీ కడీ కచోరీ, రగడ వంటి చాట్స్‌ ఏర్పాటు చేయగా వాటినోసారి రుచి చూసింది లక్ష్మి. అనంతరం ఫ్యామిలీ అంతా మెహందీ పెట్టుకున్న క్షణాలను కెమెరాలో బంధించింది. ఈ క్రమంలో చేతినిండా గోరింటాకు పెట్టుకున్న పెళ్లికూతురు మౌనిక చెవికమ్మలను సరిచేస్తూ కనిపించింది మంచు లక్ష్మి. తర్వాత కాక్‌టైల్‌ పార్టీలో మంచు మనోజ్‌, లక్ష్మి.. వారి కుటుంబం అంతా కలిసి సరదాగా చిందేశారు. ఇక అందరితోనూ కలుపుగోలుగా మాట్లాడుతూ మౌనికను సొంత సోదరిలా చూసుకుంటూ తనకు కావాల్సినవి ఏర్పాటు చేసిన మంచు లక్ష్మి మంచితనాన్ని  నెటిజన్లు మెచ్చుకోకుండా ఉండలేకపోతున్నారు.

Rahul Vaidya Disha Parmar Wedding: హిందీ బిగ్‌బాస్‌ కంటెస్టెంట్‌, సింగర్‌, రాహుల్‌, దిశా పార్మర్‌ పెళ్లి చేసుకుంటున్న విషయం తెలిసిందే కదా! జూలై 16న వీరిద్దరూ వివాహ బంధంతో ఒక్కటికానున్నారు. ఇప్పటికే ఇరువురి ఇంట పెళ్లి సంబరాలు షురూ అయ్యాయి. ఈ క్రమంలో మంగళవారం జరిగిన మెహందీ ఫంక్షన్‌లో కొత్త పెళ్లికూతురు దిశా మెరిసిపోయింది. ఈ మేరకు నెట్టింట మెహందీ వీడియోలు హల్‌చల్‌ చేస్తున్నాయి. ఇందులో అమ్మాయిలందరూ నటి కాళ్లు, చేతులను మెహందీతో నింపేస్తుండగా కొత్త పెళ్లికూతురు తెగ సిగ్గుపడుతోంది. మరోవైపు అక్కడే ఉన్న ఆమె స్నేహితులిద్దరరూ హిందీ పాటకు డ్యాన్స్‌ చేస్తూ వేడుకను హుషారెత్తిస్తున్నారు. ఇక మరో వీడియోలో సింగర్‌ రాహుల్‌ తన ప్రేయసి కోసం పాట పాడి అక్కడున్న అందరినీ ఫిదా చేశాడు. కాగా రాహుల్‌ హిందీ బిగ్‌బాస్‌ 14వ సీజన్‌లో కంటెస్టెంట్‌గా ఎంట్రీ ఇచ్చాడు. వీకెండ్‌ కా వార్‌ ఎపిసోడ్‌లో దిశా హౌస్‌లో అడుగు పెట్టింది. ఈ క్రమంలో దిశా బర్త్‌డే రోజు రాహుల్‌ తన మనసులోని ప్రేమను వ్యక్తీకరిస్తూ ఆమెకు ప్రపోజ్‌ చేశాడు. మోకాళ్ల మీద కూర్చుని తనను పెళ్లి చేసుకోమని అడిగాడు. అంతేకాకుండా మ్యారీ మీ? (నన్ను పెళ్లి చేసుకుంటావా?) అని రాసి ఉన్న టీషర్ట్‌ను సైతం ధరించాడు. View this post on Instagram A post shared by Welcome to the world of RKV ✨💫 (@rkv.an.inspiration.for.youth) అతడి ప్రపోజల్‌తో తొలుత షాకైన దిశా ఆ వెంటనే తేరుకుని పెళ్లికి గ్రీన్‌సిగ్నల్‌ ఇస్తూ సిగ్గుతో ముడుచుకుపోయింది. బిగ్‌బాస్‌ షో ముగిసిన తర్వాత కూడా వీరిద్దరూ బయట షికార్లకు వెళుతూ, వీడియోలు చేస్తూ తెగ సందడి చేశారు. ఈ క్రమంలో గతవారమే తమ పెళ్లితేదీని ప్రకటించి అభిమానులను సర్‌ప్రైజ్‌ చేసిందీ జంట. పెద్దల ఆశీర్వాదంతో పెళ్లి చేసుకుంటున్నామని వెల్లడించింది. View this post on Instagram A post shared by Welcome to the world of RKV ✨💫 (@rkv.an.inspiration.for.youth) View this post on Instagram A post shared by RAHUL VAIDYA RKV 💫 (@rahulvaidyarkv) View this post on Instagram A post shared by DP (@dishaparmar)

టాలీవుడ్‌ ప్రముఖ సింగర్‌ సునీత ఇటీవల రెండో వివాహం చేసుకున్న విషయం తెలిసిందే.  జనవరి 9న హిందూ సంప్రదాయాల ప్రకారం జరిగిన ఈ వివాహ వేడుకకు శంషాబాద్ సమీపంలోని అమ్మపల్లి శ్రీ సీతా రామచంద్ర స్వామి ఆలయం వేదికగా నిలిచింది. ఈ వివాహ వేడుక‌లో ప‌లువురు ప్ర‌ముఖులు కూడా పాల్గొని వ‌ధూవ‌రులను ఆశీర్వ‌దించారు. ఇక పెళ్లి తర్వాత సింగర్‌ సునీత మరింత బిజీ అయ్యారు. సినీ ఇండస్ట్రీకి కాస్త దూరంగా ఉంటూ బిజినెస్‌ రంగంలోకి ఎంట్రీ ఇచ్చారు. అలాగే ఎక్కువ సమయాన్ని భర్త రామ్‌ వీరపనేని,  కుటుంబ సభ్యులతో గడపడానికే  కేటాయించింది.  ఇదిలా ఉంటే.. సోషల్‌ మీడియాలో ఎప్పుడూ యాక్టివ్‌గా ఉండే సునీత.. తన పెళ్లికి సంబంధించిన ప్రతి విషయాన్ని అభిమానులతో పంచుకుంది. అలాగే  ప్రీ వెడ్డింగ్‌, మెహందీ ఫంక్షన్‌కు సంబంధించిన వీడియోలను షేర్‌ చేసి తన ఆనందాన్ని ఫ్యాన్స్‌తో పంచుకుంది. ఆ సమయంలో ఈ వీడియోలో ఎంత వైరల్‌ అయ్యాయో ప్రత్యేకంగా చెప్పనక్కర్లేదు. తాజాగా సునీత మ‌రో వీడియోను రిలీజ్ చేశారు. సునీత‌ రామ్ వీర‌ప‌నేని వెడ్డింగ్ ఫిల్మ్ టీజ‌ర్ పేరుతో వ‌చ్చిన ఈ వీడియోలో పెళ్లి రోజు ఆమె ఇంట్లో జ‌రిగిన హ‌డావిడి ఉంది. తన ఇద్దరి పిల్లలతో సునీత ఆడుకోవడం, రింగులు మార్చుకోవడం, మెహందీ ఫంక్ష‌న్, హ‌ల్దీ ఫంక్ష‌న్‌లో జరిగిన సందడిని చూపించారు. రేణు దేశాయ్‌తో పాటు ఆమె కుమార్తె ఆధ్య కూడా ఈ వీడియోలో క‌నిపించారు. ప్రముఖ యాంకర్‌ సుమ అయితే మెహందీ పెట్టుకొని మరీ డాన్స్‌ చేసింది. ఇక సునీత నవ్వులు ఈ వీడియోకి హైలెట్‌గా నిలిచిందని చెప్పొచ్చు.  సునీత తన అఫీషియల్ యూ ట్యూబ్‌ ఛానెల్‌లోనే ఈ వీడియోను విడుదల చేసింది. 

టాలీవుడ్‌ సింగర్‌ సునీత పెళ్ళి కూతురుగా ముస్తాబవుతోంది. బిజినెస్‌మెన్‌ రామ్‌ వీరపనేనితో ఇదివరకే నిశ్చితార్థం జరగ్గా తాజాగా ఆమె ఇంట మెహందీ ఫంక్షన్‌ కూడా జరిగింది. దీనికి సంబంధించిన ఫొటో, వీడియోలను ఆమె స్నేహితురాలు, నటి రేణూ దేశాయ్‌ శుక్రవారం నాడు ఇన్‌స్టాగ్రామ్‌లో షేర్‌ చేశారు. దీంతో అభిమానులు సునీతకు పెళ్లి శుభాకాంక్షలు తెలియజేస్తున్నారు. ఇక ఈ వీడియోలో పసుపు చీరలో మెరిసిపోతున్న సునీత ముఖంలో పెళ్లి కళ కొట్టొచ్చినట్లు కనిపిస్తోంది. ఈ ఫంక్షన్‌కు యాంకర్‌ సుమ కూడా హాజరయ్యారు (చదవండి: సంక్రాంతికి ముందే సింగర్‌ సునీత పెళ్లి!) కాగా ఇటీవలే గచ్చిబౌలిలోని ఓ స్టార్‌ హోటల్‌లో సునీత-రామ్‌ ఓ స్పెషల్‌ పార్టీని ఏర్పాటు చేసిన విషయం తెలిసిందే! దీనికి టాలీవుడ్‌ నటీనటులతో పాటు టాప్‌ సింగర్స్‌ కూడా హాజరయ్యారు. సునీతకు కాబోయే భర్త రామ్‌కు నితిన్ కూడా అత్యంత సన్నిహితుడు కావడంతో సదరు హీరోనే దగ్గరుండి ఈ వేడుకను జరిపించినట్లు సమాచారం. ఇక డిసెంబర్‌ 26న ప్రీవెడ్డింగ్‌ సెలబ్రేషనన్స్‌ ఏర్పాటు చేసినట్లు ఓ ఇన్విటేషన్‌ కార్డు సోషల్‌ మీడియాలో ప్రత్యక్షమైన విషయం తెలిసిందే. కాగా సునీత వివాహం నేడే జరుగనుందని సమాచారం. (చదవండి: బాధపడ్డా.. కానీ పశ్చాత్తాపం లేదు: సోహైల్‌) View this post on Instagram A post shared by renu desai (@renuudesai)

తెలుగు ఇండస్ట్రీలో డ్యాన్స్‌ అనగానే టక్కున గుర్తుకు వచ్చేది మెగాస్టార్‌ చిరంజీవి. డ్యాన్స్‌లో ఆయన చూపించే గ్రేస్‌కు ప్రతి ఒక్కరు ఫిదా కావాల్సిందే. డ్యాన్స్‌లో చిరంజీవి మెగా హీరోలతో పాటు మరేందరో మిగతా హీరోలకు కూడా ఆదర్శం. ఇక మెగాస్టార్‌, స్టైలీష్‌ స్టార్‌ కలిసి స్టెప్పులేస్తే.. చూడటానికి రెండు కళ్లు చాలవు కదా. ఈ అరుదైన సంఘటన ఉదయ్‌ విలాస్‌ ప్యాలెస్‌లో చోటు చేసుకుంది. కొణిదెల వారమ్మాయి నిహారిక పెళ్లి వేడుకలు రాజస్తాన్‌లోని ఉదయ్‌పూర్‌లో ఘనంగా జరుగుతున్న సంగతి తెలిసిందే. మరికొన్ని గంటల్లో నిహారిక-చైతన్యల వివాహ బంధంతో ఒక్కటవ్వనున్నారు. ఇప్పటికే ఉదయ్‌పూర్‌ చేరుకున్న అల్లు, కొణిదెల కుటుంబాలు ఎంతో ఉత్సాహంగా వేడుకల్లో పాల్గొంటున్నారు. సోమవారం నాటి సంగీత్‌ కార్యక్రమంలో వధూవరులు, మెగా హీరోలు డ్యాన్సులతో అదరగొట్టిన సంగతి తెలిసిందే. మంగళవారం జరిగిన మెహందీ ఫంక్షన్‌లోనూ ఆ జోష్‌ కొనసాగించారు. (చదవండి: నిహారిక‌కు చిరంజీవి ఖ‌రీదైన బ‌హుమ‌తి) ఇక మెహందీ ఫంక్షన్‌ సందర్భంగా మెగాస్టార్‌ బ్లాక్‌బస్టర్‌ ‘ఘరానా మొగుడు’ చిత్రంలోని ‘బంగారు కోడి పెట్ట’ పాటకు చిరు, అల్లు అర్జున్‌ల స్టెప్పులు ఇప్పుడు సోషల్‌ మీడియాలో వైరల్ అవుతున్నాయి. అదే పాటకు చిరు భార్య సురేఖ, అల్లు అరవింద్‌ కూడా ఉత్సాహంగా స్టెప్పులు వేయడంతో అందరూ ఆశ్చర్యపోయారు. ప్రస్తుతం మామ అల్లుళ్ల డ్యాన్స్‌ వీడియో సోషల్‌ మీడియాలో తెగ వైరలవుతోంది. వీరిద్దరి కాంబినేషన్‌లో ఓ సినిమా వస్తే ఆ కిక్కె వేరప్ప అంటూ తెగ సంబరపడుతున్నారు మెగా ఫ్యాన్స్‌. పవన్‌ కళ్యాణ్‌ కూడా మంగళవారం ఈ వేడుకకు జత కలవడంతో ‘ఆఖరి ఆనందం వచ్చేసిందంటూ’ నాగబాబు ఫోటో షేర్ చేశారు. మెహందీ ఫంక్షన్‌లో మెగా హీరోలందరూ కలిసి దిగిన ఫోటోలు కూడా తెగ వైరల్ అవుతున్నాయి.   

మెగా బ్రదర్, నటుడు నాగబాబు ముద్దుల తనయ నిహారిక మరికొన్ని గంటల్లో గుంటూరు ఐజీ జె. ప్రభాకర్‌ రావు కుమారుడు చైతన్య జొన్నగడ్డను వివాహం చేసుకోబోతున్న సంగతి తెలిసిందే. డిసెంబరు 9న రాత్రి 7 గంటల 15 నిమిషాలకు నిహారిక మెడలో.. చైతన్య మూడు ముళ్లు వేయనున్నారు. రాజస్తాన్‌ ఉదయపూర్‌లోగల ఉదయ్ విలాస్‌ మెగా డాటర్‌ వివాహ వేడుకకు వేదిక కాబోతోంది. ఈ శుభకార్యానికి మెగా హీరోలు అందరూ హాజరయ్యి.. సందడి చేశారు. చాతుర్మాస్య దీక్ష కారణంగా నిహారిక నిశ్చితార్థ వేడుకకు దూరంగా ఉన్న పవన్‌ కళ్యాణ్‌ పెళ్లికి వెళ్లడం మాత్రం మిస్‌ కాలేదు. ఇప్పటికే కుమారుడు అకిరానందన్‌తో కలిసి ఉదయ్‌పూర్‌ చేరుకున్న పవర్ స్టార్.. నిహారిక మెహందీ ఫంక్షన్‌లో సోదరులతో కలిసి ఎంజాయ్‌ చేస్తున్నారు. ప్రస్తుతం మెగా బ్రదర్స్‌ ఫోటోలు సోషల్‌ మీడియాలో తెగ వైరలవుతున్నాయి. (నిహారిక నిశ్చితార్థం: ప‌వ‌న్ అందుకే వెళ్ల‌లేదు) కాగా ఇప్పటికే  మెగాస్టార్ చిరంజీవి, సురేఖ దంపతులతో పాటు రామ్ చరణ్-ఉపాసన దంపతులు, అల్లు అర్జున్-స్నేహా రెడ్డి, సాయి ధరమ్‌తేజ్‌, చిరంజీవి కుమార్తెలు, అల్లు అరవింద్‌ కుటుంబంతో పాటు సినీ ఇండస్ట్రీ నుంచి రీతూ వర్మ, లావణ్య త్రిపాఠి సహా మరికొంత మంది హాజరయ్యారు. ఒక్కొక్కరుగా పెళ్లి వేడుకలకు హాజరై కాబోయే దంపతులను ఆశీర్వదిస్తున్నారు.  (ఫొటో గ్యాలరీ కోసం ఇక్కడ క్లిక్ చేయండి)

సాక్షి, బళ్లారి: అనంతపురం జిల్లా రాయదుర్గం మాజీ ఎమ్మెల్యే కాపు రామచంద్రారెడ్డి ఇంట్లో మెహందీ కార్యక్రమం శుక్రవారం ఘనంగా జరిగింది. కాపు రామచంద్రారెడ్డి కుమార్తె స్రవంతి వివాహం నేపథ్యంలో బళ్లారిలోని హవంబావి వద్ద ఉన్న కాపు నివాసంలో జరిగిన మెహందీ కార్యక్రమానికి  ఆం ధ్రప్రదేశ్‌ దివంగత ముఖ్యమంత్రి వైఎస్‌ రాజశేఖర్‌రెడ్డి కుమార్తె షర్మిలమ్మ హాజరయ్యారు. షర్మిలమ్మ రాగానే వైఎస్‌ కుటుంబ అభిమానులు పెద్ద సంఖ్యలో తరలివచ్చి ఆమెతో ఫొటోలు దిగేందుకు ఉత్సాహం చూపారు. అనంతరం కాబోయే వధూవరులను షర్మిలమ్మ ఆశీర్వదించారు. అలాగే రెడ్డి అండ్‌ రెడ్డి శ్రీరామ్‌రెడ్డి, బొమ్మారెడ్డి సునీత తదితరులు వధూవరులను దీవించారు. ఆదివారం తెల్లవారుజామున స్థానిక అల్లం భవన్‌లో పెళ్లి జరగనుంది.