వన్‌టౌన్‌ (విజయవాడ పశ్చిమ): శుభ ముహూ­ర్తాల మాఘమాసం వచ్చేసింది. పెళ్లి కళను వెంటబెట్టుకొచ్చింది. ‘శ్రీరస్తు.. శుభమస్తు.. అవిఘ్న­మస్తు’ అనుకుంటూ శుభముహూర్తాలు నిశ్చయించుకున్న కుటుంబాలన్నీ వధూవరులను పెళ్లి పీటలెక్కించి చిద్విలాసాల నడుమ వేదమంత్రాల సాక్షిగా దంపతుల్ని చేసేందుకు ఏర్పాట్లలో నిమగ్నమయ్యారు. మాఘ మాసం నుంచి ఛైత్ర­మాసం వరకు మూడు నెలల పాటు శుభకా­ర్యాలకు మంచి ఘడియలు ఉన్నాయని పండితులు పేర్కొంటున్నారు. మాఘమాసం ప్రారంభం కావటంతో రెండు తెలుగు రాష్ట్రాల్లో వివాహాలు జరిపించేందుకు భారీగా ముహూర్తాలు నిశ్చయిస్తున్నట్టు పురోహితులు పేర్కొంటున్నారు. శుభకార్యాలకు ఉత్తరాయణం చాలా విశిష్టమైనదిగా భావిస్తారు. ఆ క్రమంలో మాఘ­మాసంలో ఈ నెల 13 నుంచి మంచి ముహూర్తాలు మొదలవుతున్నాయి. రాష్ట్రంలో లక్షకుపైగా వివాహాలు రాష్ట్రంలో వచ్చే మూడు నెలల్లో సుమారు లక్ష వరకూ వివాహాలు జరిగే అవకాశం ఉందని పండితులు పేర్కొంటున్నారు. ప్రధా­నంగా తిరుపతి, విజయవాడ, అన్నవరం, శ్రీశైలం, సింహాచలం, శ్రీకాళహస్తి వంటి పుణ్యక్షేత్రాల్లో వారి వారి నమ్మకాలు, మొక్కులతో వేలాది జంటలు వివాహంతో ఒక్కటి కానున్నాయి. ఆ పుణ్యక్షేత్రాలతో పాటుగా రాష్ట్రంలోని కల్యాణ మండపాలు ఆయా ముహూర్తాల్లో అధిక శాతం ఇప్పటికే బుక్కయ్యాయి. కల్యాణ మండపాలతో పాటుగా హోటల్స్‌­లోనూ వివాహాలను జరుపుకోవ­టానికి ఆసక్తి చూపుతున్నారు.  ఏప్రిల్‌ 28 నుంచి మూఢం ఏప్రిల్‌ 28వ తేదీ నుంచి మూఢం ప్రారంభమవుతుంది. మూఢం శుభకార్యాలకు మంచిది కాదని, అందువల్ల ఏ ముహూర్తాలూ ఉండవని పండితులు చెబుతున్నారు. ప్రధానంగా మే, జూన్, జూలై మాసాల్లో మూఢంతో పాటు ఆషాఢ మాసం సైతం ప్రారంభం కానుంది. భాద్రపద మాసంలోనూ ముహూర్తాలు ఉండవు. తిరిగి ఆగస్టులో శ్రావణం వచ్చే వరకూ ముహూర్తాలు లేవు. ఏప్రిల్‌ తరువాత వివాహాలు జరుపుకోవాలనుకునే వారు శ్రావణ మాసం వరకూ ఆగాల్సిందేనని పండితులు చెబుతున్నారు. మూడు మాసాల్లో కల్యాణ ఘడియలు మాఘ మాసం (ఫిబ్రవరి)లో 13, 14, 17, 18, 24, 28, 29, మార్చి 2, 3 తేదీలు, ఫాల్గుణ మాసం (మార్చి)లో 15, 17, 20, 22, 24, 25, 27, 28, 30, ఏప్రిల్‌ 3, 4 తేదీలు, ఛైత్ర మాసం (ఏప్రిల్‌)లో 9, 18, 19, 20, 21, 22, 24, 26 తేదీల్లో పెళ్లిళ్లు, ఇతర శుభకార్యాలకు మంచి ముహూర్తాలు ఉన్నాయి. ఆయా శుభ ఘడియల్లో వివాహాలు జరిపించేందుకు చాలా మంది తల్లిదండ్రులు ముహూర్తాలను నిర్ణయించుకున్నారు.  మార్కెట్‌కు పెళ్లి కళ వివాహాలపై ఆధారపడ్డ వర్గాలకు డిమాండ్‌ పెరిగింది. ప్రధానంగా పురోహితులు, కేటరింగ్, డెకరేషన్, మంగళ వాయిద్యాలు, ఆర్కెస్ట్రా, వస్త్ర దుకాణాలు, బంగారు నగల దుకాణాలు, కల్యాణ మండపాలు వంటి 20 రంగాలు వివాహాలపై ఆధారపడి కొనసాగుతున్నాయి. వీటిని సమన్వయం చేస్తూ ఈవెంట్‌ మేనేజర్లు వివాహాలను గ్రాండ్‌గా జరిపేందుకు రాష్ట్రంలో ఉన్నారు. ఈ మూడుఎ మాసాలు ఆయా రంగాల వారంతా బిజీ కానున్నారు. మాఘం నుంచి ౖఛైత్రం వరకు.. మాఘమాసం నుంచి ఛైత్ర మాసం వరకూ మంచి ముహూర్తాలు ఉన్నాయి. ఈ ఏడాది ఎక్కువ మంది ఈ ముహూర్తాల్లో వివాహాలు జరుపుకునేందుకు ఆసక్తి చూపుతున్నారు. ఛైత్రం చివరిలో మూఢం ప్రారంభమవుతుంది. శ్రావణం వచ్చే వరకు ముహూర్తాలు లేవు. – పొన్నంగిపల్లి శ్రీరామచంద్రమూర్తి, పండితుడు, విజయవాడ 

ఆషాఢ, అధిక శ్రావణం కారణంగా 2 నెలల విరామం  అనంతరం ఈ నెల 19 నుంచి శుభకార్యాల సందడి  ప్రారంభం కానుంది. తప్పెట్లు, తాళాలు, తలంబ్రాలు,  ఏడడుగులు, మూడుముళ్లతో పెళ్లి సంబరాలు అంబరాన్నం టనున్నాయి. శ్రావణ మాసం ప్రారంభం కావడంతో శుభ  కార్యాల నిర్వాహణకు ప్రజలు సిద్ధమవుతున్నారు. ఈ నెల 17న నిజ శ్రావణ మాసం ప్రారంభమవుతుండగా.. 19 నుంచి ముహూర్తాలు ఉన్నాయి. ఈ నేపథ్యంలో ఇప్పుడు అంతా శుభకార్యాలు చేసుకునేందుకు ఉవ్విళ్లూరుతున్నారు. ఇప్పటికే వివాహాలు నిశ్చయించుకున్న కుటుంబాలు పెళ్లి పనుల్లో బిజీ అయ్యాయి.  భీమవరం (ప్రకాశం చౌక్‌)/రాయవరం: ఈ ఏడాది మొదటి నెల నుంచి డిసెంబర్‌ వరకు పెళ్లిళ్లకు, ఇతర శుభకార్యాలకు మంచి తరుణంగా నిలుస్తోంది. ఈ ఏడాది 12 నెలల కాలంలో కేవలం 2 నెలలు మినహా మిగిలిన 10 నెలల్లో 104 పెళ్లి ముహూర్తాలు ఉండగా ఇప్పటికే 51 ముహూర్తాలు పూర్తయ్యాయి. ఇక ఈ నెల 19 నుంచి డిసెంబర్‌ వరకు 53 ముహూర్తాలు ఉన్నాయి. గడిచిన మూడేళ్లలో ఇంత పెద్ద సంఖ్యలో పెళ్లి ముహూర్తాలు లేకపోవడం విశేషం. వాస్తవానికి ఈ ఏడాది జనవరి 25 నుంచి ముహూర్తాలు ప్రారంభమవ్వగా...ఆషాఢం, అధిక శ్రావణం కారణంగా శుభకార్యాలకు విఘ్నం ఏర్పడింది. ఈ క్రమంలో ఈ నెల 19 నుంచి శుభ ముహూర్తాలు తిరిగి ప్రారంభమవుతున్నాయి. అనేక శుభకార్యాలు, గృహ ప్రవేశాలు డిసెంబర్‌ వరకు కొనసాగనున్నాయి.   ‘అందరికీ..అన్నింటికీ’ డిమాండ్‌...   పెళ్లి, శుభ ముహూర్తాలు ప్రారంభమవుతుండటంతో అన్ని ప్రాంతాల్లోని కళ్యాణ మండపాలు, ఫంక్షన్‌ హాళ్లకు ఒక్కసారిగా డిమాండ్‌ పెరిగింది. సాధారణ ఫంక్షన్‌ హాళ్ల దగ్గర నుంచి పెద్ద ఫంక్షన్‌ హాళ్ల వరకు గిరాకీ ఎక్కువగా ఏర్పడింది. ఈ పరిస్థితిని ముందుగానే గ్రహించిన పలువురు రెండు మూడు నెలల ముందు నుంచే కళ్యాణ మండపాలు, ఫంక్షన్‌ హాళ్లను బుక్‌ చేసుకుంటున్నారు. దీంతో ప్రైవేట్‌ కళ్యాణ మండపాలు, ఫంక్షన్‌ హాళ్ల నిర్వాహకులకు మంచి ఆదాయం అందుతోంది. ప్రముఖ దేవస్థానాల్లో పెళ్లిళ్లు ఎక్కువగా జరుగుతోన్న నేపథ్యంలో వాటికీ డిమాండ్‌ విపరీతంగా ఉంది. అన్నవరం, ద్వారకా తిరుమల, సింహాచలం లాంటి ప్రముఖ దేవస్థానాల్లో పెళ్లిళ్లు జరిపించడానికి ముందస్తుగా రిజర్వేషన్లు చేసుకుంటున్నారు. వివాహాలు ప్రారంభం కానుండటంతో పలు వృత్తుల వారికి చేతినిండా పని దొరుకుతుంది. బాజాభజంత్రీలు, డెకరేటర్స్, ఫొటోగ్రాఫర్స్, టెంట్‌హౌస్‌ నిర్వాహకులు, వంట పనివారు, ట్రాన్స్‌పోర్టర్స్, ఎల్రక్టీషియన్స్, సౌండ్‌ ఇంజినీర్స్, ఈవెంట్‌ మేనేజర్స్, పురోహితులకు చేతినిండా పని దొరకనుంది.   ఈ ఏడాది ముహూర్తాలు ఇలా..  ఆగస్ట్‌ : 19, 20, 22, 24, 26, 29, 30, 31  సెప్టెంబర్  : 1, 2, 3, 6, 7, 8  అక్టోబర్‌ : 18, 19, 20, 21, 22, 24, 25, 26, 27, 31  నవంబర్‌ : 1, 2, 8, 9, 16, 17, 18, 19, 22, 23, 24, 25, 28, 29  డిసెంబర్‌ : 3, 5, 6, 7, 8, 14, 15, 16, 17, 19, 20, 21, 24, 31  ఈ ఏడాదే ఎక్కువ..  ఈ ఏడాది 12 నెలల కాలంలో కేవలం 2 నెలలు మినహా మిగిలిన 10 నెలల్లో ప్రతి నెలా ఎక్కువ పెళ్లి ముహూర్తాలున్నాయి. ముహూర్తాలు పెళ్లిళ్లు, ఇతర శుభకార్యాలకు అనుకూలంగా ఉన్నాయి. నవంబర్, డిసెంబర్‌లలో అయితే ఒక్కో నెలలో ఏకంగా 14 ముహూర్తాలు చొప్పున ఉన్నాయి.   – మద్దిరాల మల్లిఖార్జునశర్మ, శ్రీమావుళ్లమ్మవారి దేవస్థానం ప్రధాన అర్చకుడు 

సాక్షి, అమరావతి: మండు వేసవిలో తెలుగు రాష్ట్రాల్లో పెళ్లి బాజాలు మోగనున్నాయి. మే, జూన్‌ నెలల్లో దాదాపు 24 శుభముహూర్తాలు ఉన్నట్టు పండితులు ప్రకటించారు. గత శుభకృతు నామ సంవత్సరం(2022–23)లో దాదాపు నాలుగు నెలల విరామం తర్వాత వచ్చిన శుభ ముహూర్తాలకు ఏపీ, తెలంగాణలో పెద్ద సంఖ్యలో వివాహాలు జరిగాయి. ఆ తర్వాత ఆగస్టు నుంచి నవంబర్‌ నెలాఖరు వరకు సరైన ముహూర్తాలు లేవు. మళ్లీ నవంబర్‌ 28 నుంచి డిసెంబర్‌ 12 వరకు పెళ్లిళ్లు జరిగాయి. డిసెంబర్‌ 16 నుంచి ఈ ఏడాది జనవరి 14 వరకు ధనుర్మాసం కావడంతో వివాహాలు చేయలేదు. జనవరి 19 నుంచి మార్చి 9 వరకు మొత్తం 18 శుభ ముహూర్తాలు వచ్చాయి. మళ్లీ నెల రోజుల విరామం తర్వాత తాజాగా మే నెలలో 6, 8, 9, 10, 11, 15, 16, 20, 21, 22, 27, 29, 30 తేదీలతో పాటు జూన్‌లో 1, 3, 5, 6, 7, 11, 12, 23, 24, 26, 27 తేదీల్లో శుభముహూర్తాలు ఉన్నాయని పండితులు ప్రకటించారు. ఇప్పుడు కాకుంటే మరో 2 నెలలు బ్రేక్‌.. మే మాసం అంతా వరుసగా మంచి ముహూర్తాలున్నాయి. జూన్‌ నెలలో కూడా 18వ తేదీ వరకు అనువైన ముహూర్తాలు బాగానే ఉన్నాయి. 19వ తేదీ నుంచి ఆషాఢ మాసం మొదలుకానుండటంతో మళ్లీ శుభకార్యాలకు బ్రేక్‌ పడనుంది. ఆషాఢ మాసం జూలై 18 వరకు కొనసాగుతుంది. ఆ తర్వాత వచ్చే శ్రావణ మాసం, అధిక శ్రావణ మాసం ఆగస్టు 17 వరకు ఉంటుంది. దీంతో జూలై, ఆగస్టు నెలల్లో పెళ్లిళ్లకు బ్రేక్‌ పడుతుందని పండితులు చెబుతున్నారు. వివాహాలకే.. గృహ ప్రవేశాలకు అనుకూలించవు ప్రస్తుత వైశాఖం, జ్యేష్ఠ మాసాల్లో దాదాపు 25 మంచి ముహూర్తాలున్నాయి. వీటిలో చాలా ముహూర్తాలు పెళ్లిళ్లు, ఉపనయనాలకు బాగా అనుకూలిస్తాయి. మే 11 నుంచి 24వ తేదీ వరకు అగ్ని కార్తె ఉండటంతో ఆ సమయంలో వచ్చే ముహూర్తాలు గృహ ప్రవేశాలకు అనుకూలించవు. జూన్‌ నెలాఖరు వరకు ముహూర్తాలున్నప్పటికీ ఆషాఢం వస్తుంది. ఆ తర్వాత దాదాపు 2 నెలల పాటు ముహూర్తాలు ఉండవు. అందుకే మే, జూన్‌ నెల మొదట్లోనే వివాహాలు జరిపించేందుకు చాలా మంది ఏర్పాట్లు చేసుకుంటున్నారు. – కొత్తపల్లి సూర్యప్రకాశరావు, పురోహితుడు, భీమవరం 

సాక్షి, నిజామాబాద్‌: మరో రెండు రోజుల్లో శుభకార్యాలకు సెలవులు రానున్నాయి. వివాహ, గృహప్రవేశ తదితర శుభకార్యాలకు అవసరమైన ముహూర్తాలు శుక్రవారంతో ముగియనున్నాయి. శని, ఆదివారాలు మార్గ బహుళ చతుర్దశి, అమావాస్యలు ఆ తర్వాత జనవరి 2 నుంచి శూన్యమాసం (పుష్యమాసం)ప్రారంభమవుతుంది. తిరిగి వివాహ, గృహ ప్రవేశాలు ఫిబ్రవరి 3నుంచి  ఆరంభమవుతాయి. జనవరి నెలలో వివాహాది శుభముహూర్తాలు లేవు. ఫిబ్రవరి 3 నుంచి 20 వరకు తిరిగి మార్చి 19 నుంచి 27 వరకు పెళ్లి ముహూర్తాలు ఉన్నాయని పంచాంగకర్తలు చెబుతున్నారు. ఫిబ్రవరి 21 నుంచి మార్చి 18 వరకు గురుమౌడ్యమి ఉంటుందని పంచాంగ కర్త కిషన్‌రావు జోషి తెలిపారు. అలాగే పుష్యమాసం శనిదేవుడికి ప్రీతికరం. దీంతో ఈ మాసంలో నవగ్రహ ఆరాధనలు, పిండివంటల్లో నువ్వులు అధికంగా వాడుతారు.   ఫిబ్రవరి 5న వసంత పంచమి..  చదువులతల్లి సరస్వతీమాత జన్మతిథి వసంతపంచమి పర్వదినాన్ని ఫిబ్రవరి 5న జరుపుకోనున్నారు. నాటి నుంచి వివాహ గృహప్రవేశ, శంకుస్థాపనలు తదితర అనేక శుభముహూర్తాలు ఆరంభమవుతాయి. అలాగే జనవరి 15న మకర సంక్రాంతి పర్వదినం జరుపుకోవాలని పండితులు సూచిస్తున్నారు.    చదవండి: Nizamabad: ఒక్కరాత్రే పదకొండు ఇళ్లలో చోరీ 

సాక్షి, కదిరి: కొత్త సంవత్సరం వచ్చిందన్న ఆనందంతో యువత కేరింతలు కొడుతుంటే.. ఈ ఏడాది పెళ్లి ముహూర్తాలు తక్కువేనని పండితులు చెబుతుండటంతో పెళ్లీడుకొచ్చిన వారిని నిరుత్సాహ పరుస్తున్నాయి. గురు మౌఢ్యమితో పాటు శుక్ర మౌఢ్యమి సైతం వెనువెంటనే రావడంతో పెళ్లి ముహూర్తాలకు కాస్త అడ్డంకిగా మారుతోంది. ఈ నెల 8వ తేదీ వరకే పెళ్లిళ్లకు మంచి ముహూర్తాలు ఉన్నాయని, ఇంకా చెప్పాలంటే 7వ తేదీనే చివరి మంచి ముహూర్తమంటూ సిద్ధాంతులు చెబుతున్నారు. ఆ తర్వాత మే నెల వరకూ మంచి ముహూర్తాలు లేవని అంటున్నారు. మే 14న బలమైన ముహూర్తం  ఈ నెల 8తో పెళ్లి ముహూర్తాలకు శుభం కార్డు పడితే, తిరిగి ఈ ఏడాది మే 14న మంచి ముహూర్తం ఉంది. అప్పటి నుంచి పెళ్లిళ్ల సీజన్‌ మళ్లీ ప్రారంభం కానుంది. ఈ నెల 14న శూన్యమాసం ప్రారంభం కానుంది. ఇది ఫిబ్రవరి 12 వరకూ కొనసాగనుంది. శూన్యమాసంలో శుభముహూర్తాలు అనేవేవీ ఉండవని అర్చకులు అంటున్నారు. ఈ నెల 15 నుంచి ఫిబ్రవరి 12 వరకూ అంటే సుమారు నెల రోజుల పాటు గురు మౌఢ్యమి ఉంటుందని అర్చక స్వాములు అంటున్నారు.  80 రోజుల పాటు శుక్ర మౌఢ్యమి  ఈ ఏడాది ఫిబ్రవరి 14 మాఘ శుద్ధ తదియ నుంచి మే 4వ తేదీ బహుళ అష్టమి వరకూ అంటే 80 రోజుల పాటు శుక్ర మాఢ్యమి ఉంటుందని సిద్ధాంతులు చెబుతున్నారు. ఆ తర్వాత శుభ దినాలు ప్రారంభమైనప్పటికీ 10 రోజులు పాటు అంత బలమైన ముహూర్తాలు లేవని అంటున్నారు. మే 14 నుంచి బలమైన ముహూర్తాలు ఉంటాయని పేర్కొంటున్నారు.  జూలై 4 నుంచి ఆషాఢం  ఈ ఏడాది మే 14 తర్వాత మంచి ముహూర్తాలు ఉన్నప్పటికీ అవి కొద్ది రోజలు మాత్రమేనని పండితులు అంటున్నారు. జూలై 4 నుంచి ఆషాఢమాసం ప్రారంభమై ఆగస్టు 11తో ముగుస్తుంది. ఈ మధ్య కాలంలో పెళ్లిళ్లు చేసుకునేందుకు మంచి రోజులు కావని చెబుతున్నారు. 2021లో బలమైన ముహూర్తాల కొరత ఎక్కువగానే ఉంటోందని అర్చకులు అంటున్నారు. ఇన్నాళ్లూ కోవిడ్‌–19 ప్రభావంతో పెళ్లిళ్లు బ్రేక్‌ పడితే మళ్లీ నెలల తరబడి సుముహూర్తాలు లేవనే అంశం పెళ్లిపీటలు ఎక్కబోయే వారిని నిరుత్సాహపరుస్తున్నాయి.    రెండు మూఢాలు రావడం అరుదు గురు మౌఢ్యమి, శుక్ర మౌఢ్యమి ఇలా రెండు వరుసగా కలిసి రావడం చాలా అరుదుగా జరుగుతుంది. ఇవి చెడు ప్రభావాన్ని కలిగించనప్పటికీ ఈ రోజుల్లో పెళ్లిళ్లు చేయడానికి అంత మంచి రోజులైతే కాదు. అలాగని శాస్త్రీయంగా చెడు జరుగుతుందనేందుకూ సరైన ఆధారాల్లేవు. అయితే జీవితంలో పెళ్లి అనేది ముఖ్యమైన ఘట్టం. కాబట్టి మంచి ముహూర్తంలో చేసుకోవడం మంచిది.   – ఏవీ నరసింహాచార్యులు, ఖాద్రీ లక్ష్మీ నరసింహ స్వామి ఆలయ ప్రధాన అర్చకులు, కదిరి


 జిల్లాకు పెళ్లి కళ వచ్చింది. మార్గశిర మాసం ముహూర్తాలు మోసుకురావడంతో కల్యాణ వేదికలు ముస్తాబయ్యాయి. ఈనెల 6 నుంచి 18వ తేదీ వరకు ఏడు రోజుల పాటు మంచి ముహూర్తాలు ఉండటంతో తిరుమల, తిరుపతి, శ్రీకాళహస్తి, కాణిపాకం దేవాలయాల్లో పెళ్లి సందడి నెలకొంది. బాజాభజంత్రీలు, పురోహితులు, వేదిక అలంకరణ సామగ్రికి గిరాకీ పెరిగింది.
  
  ఈనెల 6, 7, 10, 12, 13, 17, 18 తేదీల్లో శుభ ముహూర్తాలు ఉన్నాయి. 13, 18 తేదీల్లో బలమైన ముహూర్తాలు ఉన్నట్టు పండితులు చెబుతున్నారు.
  
  తిరుపతి గాంధీరోడ్డు: మూడు నెలల విరామం తర్వాత మార్గశిర మాసం వివాహ శుభ ఘడియలను మోసుకొచ్చింది. బుధవారం నుంచి పెళ్లిళ్లు ఆరంభమయ్యాయి. శుభకార్యం కోసం కల్యాణ మండపాలు సిద్ధమయ్యాయి. వస్త్ర దుకాణాలు, జ్యూవెలరీ షాపులు సందడిగా మారాయి. ముహూర్తాలు తక్కువగా ఉండటంతో ముందస్తుగానే మండల కేంద్రా లు, గ్రామీణ ప్రాంతాల్లో వివాహ వేడుకలకు సర్వం సిద్దమైంది.
  
 వేదికల ముస్తాబు
 
  వివాహ వేడుకలు నిర్వహించే కల్యాణ మండపాలు, పంక్షన్ హాళ్లు సర్వాంగ సుందరంగా ముస్తాబవుతున్నాయి. ఖరీదైన పెళ్లిళ్ల  కోసం నిర్వాహకులు తగిన రీతిలో ఏర్పాట్లు చేస్తున్నారు. కల్యాణ మండపాల్లో ప్రత్యేకంగా రిజర్వేషన్ చేస్తున్నారు. కొన్నిచోట్ల సెట్టింగ్‌లు కూడా ఏర్పాటు చేయడానికి  సిద్ధమవుతున్నారు. ఆర్థిక స్తోమత కు అనుగుణంగా ఫంక్షన్ హాళ్లు రెడీ అవుతున్నాయి.  జీవితంలో మరుపురాని రోజు కావడంతో ఎంత వ్యయమైనా వెనుకాడకుండా పెళ్లి చేయడానికి కొన్ని కుటుం బాలు సిద్ధమవుతున్నాయి.
  
 అట్టహాసంగా ఏర్పాట్లు..
 
 మారిన కాలంలో పెళ్లిళ్లు ఖరీదైపోయాయి. పెళ్లి చేయడానికి లక్షలాది రూపాయలు ఖర్చు చేయాల్సిన పరిస్థితులు. ముహూర్తాలు  ఖరారు కావడంతో  కల్యాణ మండపాల అద్దెను కూడా పెంచేశారు. ఇతర రోజులకన్నా సుమారు 20 నుంచి 25 శాతం అద్దెలు పెంచారు. పెళ్లికి రూ.15 వేలు తక్కువ కాకుండా వసూలు చేస్తున్నారు. ముఖ్య పట్టణాల్లో రూ.20 వేల వరకు కూడా వసూలు చేస్తున్నారు. క్యాటరింగ్, ఫోటో, వీడియోగ్రాఫర్లు కూడా తమదైన శైలిలో వసూలు చేస్తున్నారు. గతంలో కన్నా రూ.3 వేలు పెంచేశారు. పురోహితులు కూడా పరిస్థితిని బట్టి డిమాండ్ చేస్తున్నారు. ఒక్కో పురోహితుడు ఏకకాలంలో రెండు, మూడు పెళ్లిళ్లు నిర్వహించడానికి ఒప్పం దం చేసుకున్నట్టు తెలిసింది. బంగారం ధరలు తగ్గడంతో ముందుగానే కొనేందుకు సిద్ధమవుతున్నారు. ముహూర్తాలు ఎక్కువ కావడంతో బంగారం ధరలు కూడా పుంజుకునే అవకాశం ఉంది.
  
 శుభముహూర్తాలు ఏడు రోజులే ..
 
  వివాహానికి ముహూర్తమే కొండంత బలం. ఈ ఏడాది భాద్రపద ఆశ్వయుజ కార్తీక మాసాల్లో మంచి ముహూర్తాలు లేకపోవడంతో మార్గశిర మాసం పెళ్లి ముహూర్తాలను మోసుకొచ్చింది. ఈనెల 6, 7, 10, 12, 13, 17, 18 తేదీల్లో శుభ ముహూర్తాలు ఉన్నాయి. 13, 18 తేదీల్లో బల మైన ముహూర్తాలు ఉన్నట్లు అర్చకులు చెబుతున్నారు. 18 వ తేదీ దాటితే 2015 జనవరి 22వ తేదీ వరకు, అది కూడా లేదంటే మార్చి 15వ తేదీ వరకు పెళ్లి ముహూర్తాలు లేవు.
  
 బలమైన ముహూర్తాలున్నాయి
  
 పెళ్లిళ్ల సీజన్ ప్రారంభమైంది. ఈ సారి బలమైన ముహూర్తాలు ఉన్నాయి. డిసెంబర్ ఆరో తేదీ నుంచి 18 తేదీ వరకు ఒక దఫా, జనవరి 22 నుంచి మార్చి 15 వరకు ముహూర్తాలు ఉన్నాయి. ఇప్పటికే చాలామంది ముహూర్తాలు పెట్టుకుంటున్నారు. ముహూర్తాలు తక్కువగా ఉండటంతో ఉన్న వాటికే గణనీయంగా పెళ్లిళ్లు జరిగే అవకాశం ఉంది.
  - ఎన్.శేషాచారి, అర్చకులు