ప్రముఖ హిందీ సీరియల్ నటి సురభి జ్యోతి పెళ్లి చేసుకుంది. దాదాపు ఐదేళ్లుగా ప్రేమిస్తున్న నటుడు సుమిత్ సూరితో కొత్త జీవితంలోకి అడుగుపెట్టింది. ఉత్తరాఖండ్‌లోని ఓ రిసార్ట్‌లో ఆదివారం వేదమంత్రాల సాక్షిగా ఈ శుభకార్యం జరిగింది. ప్రకృతి ఒడిలోనే వివాహం చేసుకోవడం విశేషం.(ఇదీ చదవండి: 'కొండల్' సినిమా రివ్యూ (ఓటీటీ))ఖుబూల్ హై, నాగిన్, ఇష్క్ బాజ్, కోయి లౌట్ కే ఆయా హై తదితర సీరియల్స్‌తో సురభి గుర్తింపు తెచ్చుకుంది. సుమిత్ సూరి విషయానికొస్తే.. 30కి పైగా యాడ్స్‌లో నటించాడు. 2013లో నటుడిగా బాలీవుడ్‌లోకి ఎంట్రీ ఇచ్చాడు. వాట్ ద ఫిష్, బబ్లూ హ్యాపీ హై సినిమాలు.. ద టెస్ట్ కేసు, హోమ్ వెబ్ సిరీసుల్లోనూ నటించాడు.ఐదేళ్ల క్రితం హాంజి-ద మ్యారేజ్ మంత్ర అనే మ్యూజిక్ వీడియోలో సురభి-సుమిత్ కలిసి నటించారు. ఆ తర్వాత ప్రేమలో పడ్డారు. ఈ ఏడాది మేలో తమ బంధం గురించి బయటపెట్టారు. ఇప్పుడు పెళ్లి చేసుకుని ఒక్కటయ్యారు. ఈ క్రమంలోనే సహనటీనటులు కొత్త జంటకు శుభాకాంక్షలు చెబుతున్నారు.(ఇదీ చదవండి: నిశ్చితార్థం చేసుకున్న టాలీవుడ్ హీరోయిన్)

హమాస్ తీవ్రవాదుల దాడితో ఇజ్రాయెల్- పాలస్తీనా మధ్య భీకర యుద్ధ జరుగుతోంది. ఇప్పటికే వందలమందిని బందీలుగా పట్టుకున్న ఇజ్రాయెల్ పౌరులను హమాస్ తీవ్రవాదులు అత్యంత దారుణంగా హతమారుస్తున్నారు. తాజాగా బాలీవుడ్ బుల్లితెర నటి షేర్ చేసిన వీడియో కన్నీళ్లు తెప్పిస్తోంది. ఈ దాడుల్లో తన కజిన్ సోదరి, బావను అత్యంత దారుణంగా చంపేశారని మధురా నాయక్ ఆవేదన వ్యక్తం చేసింది. ఈ మేరకు తన ఇన్‌స్టాలో ఓ వీడియోను షేర్ చేసింది. వారి పిల్లల కళ్లముందే భార్య, భర్తను హతమార్చారని తెలిపింది. ప్రస్తుతం ఈ వీడియో నెట్టింట సంచలనంగా మారింది. అంతే కాకుండా ఇజ్రాయెల్‌లో మహిళలు, పిల్లలు, వృద్ధులను లక్ష్యంగా చేసుకుని పట్టపగలే దారుణంగా హత్యలు చేస్తున్నారని మధుర వాపోయింది.  మధుర మాట్లాడుతూ..' నా సోదరి, ఆమె భర్తను పాలస్తీనా ఉగ్రవాదులు వారి పిల్లల ముందే దారుణంగా హత్య చేశారు. ఈరోజు శవమై కనిపించారు. ఉగ్రదాడిలో మా బంధువును కోల్పోయినందుకు చాలా బాధపడ్డా. వారి ఆప్యాయత, దయ, ప్రేమ ఎప్పటికీ గుర్తుండిపోతాయి. మా ప్రార్థనలు బాధితులందరికీ అండగా ఉంటాయి. ఓం శాంతి. ఈ కష్టకాలంలో దయచేసి ఇజ్రాయెల్ ప్రజలకు అండగా నిలవండి. ఉగ్రవాదుల‍ అరాచకాలు ఎంత అమానవీయంగా ఉంటాయో ప్రజలు ప్రత్యక్షంగా చూసే సమయం ఇదే,' అని తెలిపింది. తాను ఎలాంటి హింసను సమర్థించనని.. ఇజ్రాయెల్‌లోని ప్రజల కోసం, బాధిత కుటుంబాల కోసం ప్రతి ఒక్కరూ ప్రార్థించాలని ఆమె కోరారు. కాగా.. మధుర నాగిన్, కసౌతి జిందగీ కే, ఉత్తరన్, ప్యార్ కీ యే ఏక్ కహానీ, ఇస్ ప్యార్ కో క్యా నామ్ దూన్ అనే సీరియల్స్‌లో నటించింది.  View this post on Instagram A post shared by Madhura Naik 🧿 (@madhura.naik)

బుల్లితెర నటి ఆష్కా గోరాడియా బాలీవుడ్‌లో పలు సీరియల్స్‌లో నటించింది. క్కుసుమ్‌, లాగీ తుజ్సే లగాన్‌లో సీరియల్స్‌లో పాత్రలకు మంచి గుర్తింపు తెచ్చుకుంది. నాగిని సీరియల్‌లోనూ నటించింది. తాజాగా మదర్స్ డే సందర్భంగా ఫ్యాన్స్‌కు గుడ్ న్యూస్ చెప్పింది ఆష్కా గోరాడియా. తాను గర్భం ధరించినట్లు సోషల్ మీడియా వేదికగా ప్రకటించింది. ఈ ఏడాది నవంబర్‌లో తాను బిడ్డకు జన్మనివ్వబోతున్నట్లు తెలిపింది. ఈ విషయం తెలుసుకున్న పలువురు బాలీవుడ్ ప్రముఖులు కంగ్రాట్స్ చెబుతున్నారు.  (ఇది చదవండి: నా నిజాయితీని అపహాస్యం చేశారు.. ‘ది కేరళ స్టోరీ’పై అదా శర్మ ఆసక్తికర పోస్ట్‌) కాగా.. 2017లో బ్రెంట్ గోబుల్‌ను ఆష్కా గోరాడియా వివాహమాడింది. వీరికి పెళ్లైన దాదాపు ఆరేళ్లకు గర్భం దాల్చినట్లు ప్రకటించింది బాలీవుడ్ భామ.  హిందీ బిగ్ బాస్ -6 సీజన్‌లో కంటెస్టెంట్‌గా కూడా పాల్గొన్నారు. మాతృ దినోత్సవం రోజున ఈ శుభవార్తను పంచుకోవడం ఆనందంగా ఉందంటూ ఇన్‌స్టాలో ఓ వీడియోనూ షేర్ చేసింది. ప్రస్తుతం ఈ వీడియో సోషల్ మీడియాలో వైరల్‌గా మారింది.  (ఇది చదవండి: కేవలం దాని కోసమే పెళ్లి చేసుకుంటున్నారు: వివేక్ సంచలన కామెంట్స్) View this post on Instagram A post shared by Aashka Goradia Goble (@aashkagoradia)

బాలీవుడ్ బుల్లితెర నటి, నాగిని-6 ఫేమ్ మహేక్ చాహల్ ఆస్పత్రిలో చేరారు. అనారోగ్య సమస్యలతో ముంబైలోని ఓ ఆస్పత్రిలో చేరిన ఆమె ఐసీయూలో చికిత్స పొందుతున్నారు. నాలుగు రోజులుగా వెంటిలేటర్‌పైనే ఉన్నట్లు తెలుస్తోంది. ప్రస్తుతం ఆమె న్యూమోనియాతో బాధపడుతున్నట్లు సమాచారం.   శ్వాస తీసుకోలేకపోయా: నటి ఆవేదన మహేక్ చాహల్ మాట్లాడుతూ.. 'నాకు న్యుమోనియా వచ్చింది. అది ఛాతీలో ఎక్కువగా ఇబ్బంది పెడుతోంది. దీంతో ఒక్కసారి కూడా శ్వాస తీసుకోలేకపోయా. జనవరి 2 నుంచి ఆసుపత్రిలో ఉన్నా. ప్రస్తుతం బాగానే ఉన్నా ఊపిరితిత్తుల్లో ఇన్‌ఫెక్షన్ సమస్య ఎక్కువగా ఉంది. నేను దగ్గిన ప్రతిసారీ చాలా బాధగా ఉంది. చాలా భయానికి గురయ్యా.నేను ప్రస్తుతం విశ్రాంతి తీసుకోవాల్సిన అవసరం ఉంది'. అని వెల్లడించింది. ఈ విషయం తెలుసుకున్న చాహల్ తల్లి   రెండు రోజుల తర్వాత నార్వే నుంచి వచ్చింది.  మహేక్ చాహల్ ఒక నార్వేకు చెందిన నటి, మోడల్. ఆమె హిందీ సినిమాలు, టెలివిజన్‌లో నటిస్తోంది. ఆమె 2002లో తెలుగు చిత్రం నీతో మూవీతో  తన నటనా జీవితాన్ని ప్రారంభించింది. ఆ తరువాత 2003లో నయీ పదోసన్‌తో హిందీలోకి ప్రవేశించింది. ఆమె హిందీ, తెలుగు, పంజాబీ, తమిళ చిత్రాల్లో  అనేక సాంగ్స్‌లో  కనిపించింది.

బిగ్‌బాస్‌ హౌస్‌లో క్లోజ్‌గా మూవ్‌ అయ్యారు రష్మీ దేశాయ్‌, ఉమర్‌ రియాజ్‌. దీంతో వీళ్లిద్దరి మధ్య సమ్‌థింగ్‌ సమ్‌థింగ్‌ నడుస్తుందనే ఊహాగానాలు ఊపందుకున్నాయి. బిగ్‌బాస్‌ నుంచి బయటకు వచ్చాక కూడా ఇద్దరూ చెట్టాపట్టాలేసుకుని తిరగడంతో వారు డేటింగ్‌ చేసుకుంటున్నారంటూ కథనాలు వెలువడుతున్నాయి. తాజాగా ఈ రూమర్లకు చెక్‌ పెట్టింది నటి. 'ఏదైనా అడిగేయండి' అంటూ అభిమానులతో చిట్‌చాట్‌ నిర్వహించిన రష్మీకి 'నువ్వు ఉమర్‌ను ప్రేమిస్తున్నావా?' అన్న ప్రశ్న ఎదురైంది. దీనికి ఉమర్‌తో కలిసి దిగిన ఫొటోను షేర్‌ చేసిన ఆమె అలాంటిదేమీ లేదని తేల్చి చెప్పేసింది. తామిద్దరం మంచి స్నేహితులమని చెప్పుకొచ్చింది. ఒక ఫ్యామిలీలా కలిసిపోయామే తప్ప అంతకు మించి ఏమీ లేదని క్లారిటీ ఇచ్చింది. 'మా బంధాన్ని మీరు ఇష్టపడుతున్నారని తెలుసు, అందుకు మేము మిమ్మల్ని అభినందిస్తున్నాము' అంటూ సమాధానమిచ్చింది. చదవండి: పరుచూరి వెంకటేశ్వరరావు షాకింగ్‌ లుక్‌పై స్పందించిన గోపాల కృష్ణ కాగా బిగ్‌బాస్‌ హిందీ 15వ సీజన్‌లో పాల్గొన్న రష్మీ ప్రస్తుతం నాగిని (6వ సీజన్‌) సీరియల్‌లో నటిస్తోంది. అయితే ఇందులో నెగెటివ్‌ రోల్‌ చేస్తుండటంతో ఆమె అభిమాని ఒకరు పాజిటివ్‌ రోల్‌ చేయొచ్చు కదా అని అడిగింది. దీనికి నటి స్పందిస్తూ 'ప్రతి ఒక్కరూ ఎవరో ఒకరి జీవితంలో విలన్లే. అసలు విలన్‌ లేకపోతే హీరో ఏమీ చేయలేడు. పాజిటివ్‌ రోల్‌ అయినా, నెగెటివ్‌ రోల్‌ అయినా దేని ప్రాధాన్యత దానికుంటుంది. నాకు స్క్రిప్ట్‌ నచ్చింది, ఒప్పేసుకున్నాను' అని బదులిచ్చింది. చదవండి: కోట్లలో మోసపోయిన హీరోయిన్‌ రిమీ సేన్‌

ఒక పామును చూస్తేనే ఒళ్లు జలదరిస్తుంది. అలాంటిది రెండు పాములు ఒక్కచోట చేరి సయ్యాటలాడుతూ కనిపిస్తే? వామ్మో..ఇంకేమైనా ఉందా.. గుండె జారుతుంది కదూ. తాజాగా హెలికాప్టర్‌ యాట్రా అనే ఇన్‌స్టాగ్రామ్‌ యూజర్‌ షేర్‌ చేసిన ఈ వీడియో చూస్తే కూడా అదే ఫీలింగ్ కలుగుతుంది. ఈ వీడియోలో.. పచ్చని చెట్ల మధ్యలోని నీటిలో ఎనిమిదడుగల పొడవున్న రెండు పాములు ఒకదానికొకటి చుట్టుకొని డ్యాన్స్‌ చేస్తూ కనిపించాయి. చదవండి: వైరల్‌: తండ్రి లైవ్‌ ఇంటర్వ్యూలో కొడుకు చిలిపి చేష్టలు.. పాములు ఒక్క క్షణం అలా ఆగి మళ్లీ దూకుడుగా మెలి తిరుగుతూ ఆవేశంగా నీటిని చిమ్ముతున్నాయి. ఈ వీడియో ఇంటర్నెట్‌లో వైరల్ అవుతోంది. అయితే దీనిని చూసిన నెటిజన్లు పాములు అసలు సయ్యాటలు ఆడుతున్నాయా లేక పోట్లాడుకుంటున్నాయా? అని ఆశ్చర్యపోతున్నారు. చాలామంది నాగ్‌, నాగినిల మధ్య అందమైన డ్యాన్స్‌ అని అంటుంటే.. మరి కొంతమంది రెండు మగ పాముల కుస్తీ పోటీ అని చెబుతున్నారు. ఏదైతే ఏంటి.. వీడియో మాత్రం బాగుంది కదా.. చూసేయండి మరి.. View this post on Instagram A post shared by Sachin Sharma (@helicopter_yatra_)

తనపై వచ్చిన లైంగిక ఆరోపణలు, అరెస్టు అనంతరం బాలీవుడ్‌ బుల్లితెర నటుడు, నాగిని 3 ఫేం​ పరల్‌ వీ పూరి తొలిసారిగా స్పందించాడు. ఈ నెల ప్రారంభంలో పరల్‌ వీ పూరి ఓ బాలికను కిడ్నాప్‌ చేసి కారులో లైంగిక దాడి చేశాడని, అంతేగాక పలు మార్లు అత్యాచారం చేసినట్లు సదరు బాలిక పోలీసులకు ఫిర్యాదు చేసిన సంగతి తెలిసిందే. అయితే ఈ కేసులో పరల్‌ వీతో పాటు అతడి స్నేహితులను ముంబై పోలీసులు అరెస్టు చేసి జైలుకు తరలించారు. ఈ నేపథ్యంలో పరల్‌ వీకి పలువురు బుల్లితెర నటులు, నిర్మాత ఎక్తాకపూర్‌ మద్దతు ఇచ్చిన సంగతి తెలిసిందే. అనంతరం కేసులో బెయిల్‌పై బయటకు వచ్చిన పరల్‌ వీ దాదాపు రెండు వారాల తర్వాత మొదటిసారి పెదవి విప్పాడు. అతడు స్పందిస్తూ సోషల్‌ మీడియా వేదికగా ఓ పోస్టు షేర్‌ చేశాడు. ‘కాలం మనుషులను ఎప్పుడూ పరీక్షిస్తుంటుంది. ఇటీవల మా నానమ్మను కోల్పోయాను. ఆమె చనిపోయిన 17 రోజున మా అమ్మ క్యాన్సర్‌ బారిన పడ్డారు. ఇదే విషయాన్ని నాకు చెబుతూ నా తండ్రి పంపిన పోస్టును పోగోట్టుకున్నాను. ఆ తర్వాత ఈ భయంకరమైన ఆరోపణ. అప్పటి నుంచి ప్రతి రోజు భయంకరమైన పీడకలలు, దానికి తోడు నేరస్థుడిని అనే భావన. ఇవన్ని నన్ను తీవ్రంగా కలిచి వేశాయి. నా తల్లి క్యాన్సర్‌తో బాధపడుతున్న సమయంలో తన పక్కన లేకుండా ఓ నిస్సహాయ స్థితిలో ఉండిపోయాను’ అంటూ భావోద్వేగాని లోనయ్యాడు. అదే విధంగా ‘ఇప్పటికి నేను దాని నుంచి బయట పడలేకపోతున్న. అయితే నా సన్నిహితులకు, స్నేహితులు, నాకు మద్దతుగా నిలిచిన నా వెల్‌ విషర్స్‌కు కృతజ్ఞతలు చెప్పుకునే సమయం. కష్టకాలంలో నా తరపున ఉండి నాకు మద్దతునిచ్చిన ప్రతి ఒక్కరికి పేరు పేరునా ధన్యవాదాలు’ అంటూ పరల్‌ వీ పూరి తన పోస్టులో రాసుకొచ్చాడు. ఇక ఈ కేసులో బాధితురాలైన బాలికకు పదేళ్ల క్రితం వివాహమైందని, రెండేళ్లుగా ఆమె కనిపించడం లేదని బాధితురాలి తల్లి కోర్టుకు వెల్లడించిన సంగతి తెలిసిందే. అంతేగాక పరల్‌ వీ పూరికి మద్దతు ఇస్తు ఈ కేసుకు అతడికి సంబంధం లేదని, ఇవి వట్టి ఆరోపణలే అని ఆమె స్పష్టం చేసింది. కాగా మధ్యప్రదేశ్‌కు చెందిన పరల్‌ వీ పూరి చివరిగా ‘బ్రహ్మ రాక్షసి 2’ టీవీ సీరియల్‌లో నటించాడు. 2013లో వచ్చిన ‘దిల్‌ కి నజర్‌ సే కూబ్‌సూరత్‌’ చిత్రంతో నటుడిగా అరంగేట్రం చేసిన పరల్‌ వీ,  ఆ తర్వాత  ఎక్తాకపూర్‌ నిర్మించిన ‘నాగిని 3’, ‘బేపనా ప్యార్‌’ సీరియల్స్‌తో మంచి గుర్తింపు తెచ్చుకున్నాడు.  View this post on Instagram A post shared by Pearl V Puri (@pearlvpuri) చదవండి:  అత్యాచారం, వేధింపులు కేసులో ‘నాగిని 3’ నటుడు అరెస్టు

అత్యాచారం, వేధింపుల కేసులో హిందీ బుల్లితెర నటుడు, నాగిని ‘3’ సీరియల్‌ ఫేం పరల్‌ వీ పూరి అరెస్టు అయ్యాడు. తనను కిడ్నాప్‌ చేసి కారులో తన స్నేహితులతో కలిసి అత్యాచారం చేశాడని, అంతేగాక తనను బెదిరించి పలుమార్లు లైంగిక దాడికి పాల్పడినట్లు బాధితురాలు ఆరోపించింది. ఈ మేరకు తన కుటుంబ సభ్యులతో కలిసి మాల్వానీ పోలీసు స్టేషన్‌లో ఫిర్యాదు చేసింది. ఈ క్రమంలో 16 ఏళ్ల బాలికపై దారుణానికి పాల్పడిన పరల్‌ వి పూరితో పాటు అతడి ఆరుగురు స్నేహితులపై పోక్సో చట్టం కింద పోలీసులు కేసు నమోదు చేశారు. ప్రస్తుతం వారంతా కస్టడీలో ఉన్నారని, వారిని విచారిస్తున్నట్లు అధికారిక మీడియాకు వెల్లడించారు. అయితే బాధితురాలు తన కుటుంబంతో కలిసి శుక్రవారం సాయంత్రం ఎఫ్‌ఐఆర్‌ నమోదు చేయగా.. అదే రోజు(జూ 4) రాత్రి నటుడు పరల్‌ వీ పూరితో పాటు అతడి స్నేహితులను అరెస్టు చేసినట్లు సదరు అధికారి తెలిపారు. మధ్యప్రదేశ్‌కు చెందిన పరల్‌ వీ పూరి చివరిగా ‘బ్రహ్మ రాక్షసి 2’ టీవీ సీరియల్‌లో నటించాడు. 2013లో వచ్చిన ‘దిల్‌ కి నజర్‌ సే కూబ్‌సూరత్‌’ చిత్రంతో నటుడిగా అరంగేట్రం చేసిన పరల్‌ వీ,  ఆ తర్వాత  ఎక్తాకపూర్‌ నిర్మించిన ‘నాగిని 3’, ‘బేపనా ప్యార్‌’ సీరియల్స్‌తో మంచి గుర్తింపు తెచ్చుకున్నాడు.  చదవండి:  ముద్దు సీన్‌ రిహార్సల్‌ అంటూ దారుణంగా ప్రవర్తించేవాడు: హీరోయిన్‌ లైవ్‌లో నీ వయసు అదేనా అని అడిగిన నెటిజన్‌, హీరోయిన్‌ కౌంటర్‌

ముంబై: హిందీ బుల్లితెర నటి, ‘నాగిన్’‌ 4 ఫేం నియా శర్మ ఖరీదైన కారును కొన్నారు. రూ. 87.90 లక్షలు(ఎక్స్‌- షోరూం) వెచ్చించి వోల్వో ఎక్స్‌సీ90 డీ5 ఇన్స్‌క్రిప్షన్‌ ఎస్‌యూవీ కొత్త మోడల్‌ను సొంతం చేసుకున్నారు. ఇందుకు సంబంధించిన ఫొటోలను సోషల్‌ మీడియాలో షేర్‌ చేసిన ఆమె.. ‘‘సంతోషాన్ని కొనుక్కోలేం. కానీ కార్లు కొనుక్కోవచ్చు. వాటితో ఆనందం కూడా’’ అంటూ హర్షం వ్యక్తం చేశారు. దీంతో అభిమానులు ఆమెకు శుభాకాంక్షలు తెలుపుతున్నారు. కాగా ఏక్‌ హజారోం మే మేరీ బహన్‌ హై, జమాయి రాజా, నాగిన్‌ వంటి హిందీ హిట్‌ సీరియళ్లతో నియా శర్మ తనకంటూ ప్రత్యేక గుర్తింపు దక్కించుకున్నారు. బోల్డ్‌ నటిగా పేరొందిన ఆమె.. ప్రముఖ రియాలిటీ షో ‘ఖత్రోంకీ ఖిలాడీ: మేడిన్‌ ఇండియా’ విజేతగా కూడా నిలిచారు. (చదవండి: ఖరీదైన కారు కొన్న శివజ్యోతి) ఈ అడ్వెంచరస్‌ షోలో.. నీటితో నింపి లాక్‌ చేసిన పేటికలో గడపడం.. బాంబులను దాటుకుంటూ ముందుకు సాగడం.. బురదలో ఈత కొట్టడం, కొండచిలువలను తప్పించుకుంటూ, పైకి ఎగబాకుతూ, గ్లాసు పగులకొట్టి నెక్లెస్‌ను తీసుకురావడం వంటి టాస్కులను నియా శర్మ సమర్థవంతంగా పూర్తి చేశారు. ఎలక్ట్రిక్‌ షాకులకు గురిచేసినా తట్టుకుని నిలబడి టైటిల్‌ను సొంతం చేసుకుని ధీశాలిగా ప్రశంసలు అందుకున్నారు. ఇక ఎంతో సురక్షితమైనవిగా భావించే వోల్వో కంపెనీ వాహనాలపై సెలబ్రిటీలు ఎక్కువ మక్కువ ప్రదర్శిస్తారన్న సంగతి తెలిసిందే. బీ-టౌన్‌లోని చాలా మంది ప్రముఖుల దగ్గర భిన్నరకాల వోల్వో ఎస్‌యూవీలు ఉన్నాయి. కాగా చాలా ఏళ్లుగా ఎక్స్‌సీ90 మోడల్‌ వోల్వో కార్లను భారత్‌లో విక్రయిస్తున్న కార్ల సంస్థ, 2017లో బెంగళూరులో లోకల్‌ అసెంబ్లీ యూనిట్‌ను ప్రారంభించింది. నియా శర్మ కొనుగోలు చేసిన కారు డీజిల్‌ వర్షన్‌.(చదవండి: ట్రోఫీని సొంతం చేసుకున్న నియా శర్మ) View this post on Instagram A post shared by Nia Sharma (@niasharma90)


 ఇటీవల రాజకీయ విభేదాల వల్ల భారత్-చైనా దౌత్య సంబంధాలు ఉద్రిక్తంగా మారిన సంగతి తెలిసిందే. అయినప్పటికీ మన పొరుగుదేశంలో మన సీరియళ్లకు మంచి ఆదరణ లభిస్తోంది. ముఖ్యంగా భారతీయ పురాణాల ఆధారంగా తెరకెక్కిన మహాభారత్, దేవోంకా దేవ్ మహాదేవ్, నాగిన్ వంటి సీరియళ్లను చైనా వాసులు విపరీతంగా చూస్తున్నారు. దీంతో ఆ సీరియళ్లు చైనాలో సూపర్ హిట్ అయ్యాయని ఆ దేశ ప్రభుత్వ పత్రిక గ్లోబల్ టైమ్స్ ఓ కథనంలో తెలిపింది.
 
 "భారతీయ పురాణాలు నాకు ఎంతగానో నచ్చుతాయి. వాటి తత్వం, విశాల ప్రాపంచిక దృక్పథం అబ్బురపరిచేలా ఉంటాయి. అవి నాకు సరికొత్త ప్రపంచాన్ని చూపిస్తాయి' అని 29 ఏళ్ల యాంగ్ బూహి తెలిపారు. గేమింగ్ పరిశ్రమలో పనిచేసే భుహి భారతీయ టీవీ సీరియళ్లకు చైనీస్ సబ్ టైటిల్స్ అందించే వాలంటీర్ గ్రూప్ లో పనిచేస్తున్నారు. 2011లో శివపురాణం ఆధారంగా తెరకెక్కిన దేవోంకా దేవ్ మహాదేవ్ సీరియల్ కు మొదట ఆమె పనిచేశారు.  ఈ సీరియల్ లోని మొత్తం 820 ఎపిసోడ్లకు ఆమె చైనీస్ సబ్ టైటిల్స్ అందించారు. చైనాలోకి సీరియళ్లు దిగుమతి కావడం కొత్త కాదు. అమెరికా, దక్షిణ కొరియా, బ్రిటన్, జపాన్ నుంచి దిగుమతి అయిన సీరియళ్లను వారు బాగానే ఆదరిస్తారు. కానీ ఇటీవల కొత్తగా దిగుమతి అవుతున్న భారతీయ సీరియళ్లు కూడా చైనీయులను బాగా ఆకట్టుకుంటున్నాయని ఆ పత్రిక తెలిపింది.
 
 విద్యారంగంలో పనిచేసే క్వింగ్ క్వింగ్ (35) మాట్లాడుతూ భారతీయ నటులను నేను ఇష్టపడతాను. ఎంతగా అంటే డబ్బింగ్ చేయకుండా, చైనీస్ సబ్ టైటిల్స్ లేకుండా భారతీయ సీరియళ్లను చూస్తానని చెప్పారు. భారతీయ సీరియళ్ల అనువాదానికి చాలా సమయం పడుతుండటంతో వాటిని నేరుగా చూసేందుకు తాను ఇష్టపడతానని, సీరియళ్లలోని ప్రతినాయకులు సైతం అద్భుతంగా నటించి ఆకట్టుకుంటున్నారని ఆమె చెప్పారు.
  


 ముంబై: అటు హిందీలో సూపర్ హిట్ అయి.. ఇప్పుడు దక్షణాది భాషల్లో ప్రసారం అవుతూ సంచలనాలు సృష్టిస్తోంది 'వేటాడే నాగిని'(హిందీలో 'నాగిన్') సీరియల్. నాగిన్ లో ప్రధాన పాత్ర పోశించిన మౌనీ రాయ్.. నాగిన్-2లోనూ లీడ్ రోల్ ప్లే చేస్తోంది. ఇటీవలే ఓ మీడియా సంస్థకు ఇంటర్వ్యూ ఇచ్చిన మౌనీ రాయ్.. 'నాగిన్' నిర్మాత ఏక్తా కపూర్ పై పొగడ్తల వర్షం కురిపించింది. 'కథా చర్చ ఉందని ఏక్తా కబురు పెడితే చాలు.. వెంటనే అక్కడ వాలిపోతా. ఎందుకంటే ఏక్తా కథ చెప్పే విధానం, కొత్త పాత్రలను సృష్టించే తీరు అద్భుతంగా ఉంటుంది. షీ ఈజ్ ఏ బ్యూటిఫుల్ స్టోరీ టెల్లర్' అంటూ మౌనీరాయ్ గలగలా మాట్లాడేసింది.
 
 కలర్స్ చానెల్ లో 2015 నవంబర్ 1 నుంచి ప్రతి శని, ఆదివారాల్లో ప్రసారమైన నాగిన్ సీరియల్.. 2016 జూన్ లో ముగిసింది. దానికి కొనసాగింపుగా రూపొందించిన 'నాగిన్-2' అక్టోబర్ 8 నుంచి అదే చానెల్ లో ప్రసారం కానుంది. జూన్ నుంచి తెలుగు సహా తమిళ, మలయాళ భాషల్లోనూ లో ప్రసారం అవుతోన్న 'వేటాడే నాగిని' ముగియగానే రెండో భాగాన్ని కూడా డబ్ చేసేందుకు నిర్మాతలు ప్రణాళికలు రూపొందించారు. తొలి భాగంలానే 'నాగిన్-2'ను కూడా 62 ఎపిసోడ్లుగా ప్రసారంచేయాలనుకుంటున్నట్లు తెలిసింది.