సూపర్‌ స్టార్‌ మహేశ్‌ బాబు ప్రస్తుతం SSMB28 మూవీతో బిజీగా ఉన్నాడు. ఇటు సినిమాల్లో నటిస్తూనే మరోవైపు వ్యాపారవేత్త రాణిస్తున్నాడు. ఇప్పటికే తన పేరుతో ఏషియన్‌ మూవీ థియేటర్‌ను రన్‌ చేస్తున్నాడు. ఇప్పుడు తాజాగా ఫుడ్‌ బిజినెస్‌లోకి అడుగుపట్టాడు. తన భార్య నమ్రత పేరు మీద రీసెంట్‌గా రెస్టారెంట్‌ ప్రారంభించిన సంగతి తెలిసిందే. మినర్వా కాఫీ షాప్‌, ప్యాలెస్‌ హైట్స్‌ రెస్టారెంట్‌తో టై అప్‌ అయిన నమ్రత ఏషియన్‌ గ్రూప్స్‌ ఏఎన్‌(AN) పేరు రెస్టారెంట్‌ను ప్రారంభించారు. ఇక మహేశ్‌ రెస్టారెంట్‌ కావడంతో ఆయన ఫ్యాన్స్‌ అంతా అక్కడి వెళ్లి విందును ఆస్వాదించేందుకు రెడీ అవుతున్నారు. అయితే రెస్టారెంట్‌ మెను, రేట్స్‌ ఎలా ఉంటాయనేది ఆసక్తిని సంతరించుకుంది. ఈ క్రమంలో ఏఎన్‌ రెస్టారెంట్‌కు సంబంధించిన ఓ మెను కార్డ్‌ సోషల్‌ మీడియాలో వైరల్‌గా మారింది. ఈ మెను కార్డులో ఉదయం బ్రేక్‌ ఫాస్ట్‌ నుంచి సాయంత్రం స్నాక్స్‌ వరకు అన్ని అక్కడ అవలెబుల్లో ఉన్నాయి. ఇడ్లీ నుంచి సాయంత్రం పునుగుల, మిర్చిబజ్జీ ఇలా చాలా రకరకాల  స్నాక్‌ ఐటెంస్‌ అందుబాటులో ఉన్నాయి. మరి వాటి రేట్స్‌ ఎలా ఉన్నాయంటే ఒక ప్లేట్‌ ఇడ్లీ రూ. 90 నుంచి ముదలై రూ. 120 వరకు ఉన్నాయి. ఇక పూరీ ప్లేట్‌ రూ. 170 కాగా దోశ రూ. 120 నుంచి స్టార్ట్‌ అయ్యి రూ. 250 వరకు ఉంది. ఇక సాయంత్రం స్నాక్స్‌ వచ్చేసి రూ. 125గా ఉన్నాయి. ఏ స్నాక్స్‌ అయినా అక్కడ రూ. 125గా ఉన్నాయి. అయితే బిర్యానీ మాత్రం రూ. 450 నుంచి ఉన్నట్లు సమాచారం. ఇక స్టాటర్స్‌, సూప్స్‌ కూడా రూ. 300పైనే ఉన్నాయి. ప్రస్తుతం మహేశ్‌ ఏఎన్‌ రెస్టారెంట్‌ మెను నెట్టింట హాట్‌టాపిక్‌గా నిలిచింది.  చదవండి:  ఘనంగా సీరియల్‌ నటి శ్రీవాణి కొత్త ఇంటి గృహప్రవేశం, ఫొటోలు వైరల్‌ థియేటర్ల ఇష్యూపై నిర్మాత సి కల్యాణ్‌ ఆసక్తికర వ్యాఖ్యలు

Pawan Kalyan Family Send Diwali Gifts To Mahesh babu And Namrata Shirodkar: దీపావళి పండగ సందర్భంగా సినీ తారలంతా సెలబ్రెషన్స్‌లో మునిగిపోయారు. ఈ పండగను పురస్కరించుకుని కుటుంబ సభ్యులతో ఘనంగా సంబరాలు జరుపుకున్నారు. అల్లు, మెగా ఫ్యామిలీ ఒక్కచోట చేరి దీపావళి వేడుకలో పాల్గొన్న సంగతి తెలిసిందే. ఈ నేపథ్యంలో దీపావళి పర్వదినం సందర్భంగా నటుడు పవన్‌ కల్యాణ్‌ దంపతులు సూపర్ స్టార్‌ మహేశ్‌ బాబు దంపతులకు బాహుమతులు పంపారు. అలాగే డైరెక్టర్‌ క్రిష్‌కు కూడా పవన్‌ దీపావళి కానుకలు పంపినట్లు తెలుస్తోంది. చదవండి: దీపావళి సర్‌ప్రైజ్‌: తనయులతో జూ. ఎన్టీఆర్‌, ఫొటో వైరల్‌ ఇక పవన్ దంపతులు పంపిన గిఫ్ట్‌ ఫొటోలను మహేశ్‌ భార్య నమ్రత శిరోద్కర్‌ తన ఇన్‌స్టాగ్రామ్‌లో షేర్‌ చేశారు. ఈ బహుమతుల బాక్స్‌లో స్వీట్స్‌తో పాటు, పర్యావరణహిత పటాసులు ఉన్నాయి. ఈ సందర్భంగా పవన్, అన్నా లెజినోవా దంపతులు గిఫ్టులు పంపారంటూ నమ్రత ఫొటోను పంచుకున్నారు. ఈ మేరకు ‘థాంక్యూ అన్నా అండ్ పవన్. హ్యాపీ దివాలీ’ అంటూ ధన్యవాదాలు తెలిపారు. పరిశ్రమలో పవన్ కల్యాణ్, మహేశ్ బాబులు మంచి సన్నిహితులుగా ఉంటారనే విషయం తెలిసిందే. కాగా పవన్‌ కల్యాణ్‌ ప్రస్తుతం క్రిష్‌ డైరెక్షన్‌లో హరిహర వీరమల్లులో నటిస్తున్నారు. మహేశ్‌ ప్రస్తుతం సర్కారి వారి పాట మూవీ షూటింగ్‌తో బిజీగా ఉన్నాడు.   చదవండి:  దీపావ‌ళికి జిగేల్‌మ‌న్న తార‌లు, చూసేయండి ఫొటోలు Samantha: సమంత సంచలన నిర్ణయం, ఇకపై వాటికి దూరమట!

టాలీవుడ్‌ సూపర్‌స్టార్‌ మహేశ్‌బాబు తన గారాలపట్టి సితారకు జన్మదిన శుభాకాంక్షలు తెలియజేశారు. నేడు( జూలై 20)న మహేశ్‌ కూతురు సితార 8వ వసంతంలోకి అడుగుపెట్టారు. ఈ సందర్భంగా సోషల్‌ మీడియాలో మహేశ్‌‌ అభిమానులు సీతు పాపకు బర్త్‌డే విషెష్‌ తెలుపుతున్నారు. సితార బర్త్‌డే సందర్భంగా మహేశ్‌ ఒక ప్రత్యేకమైన వీడియోను తన ఇన్‌స్టాగ్రామ్‌లో పోస్ట్ చేసి పుట్టిన రోజు శుభాకాంక్షలు తెలిపారు. ‘చాలా తొందరగా సితార ఎనిమిదో వసంతంలోకి అడుగుపెట్టింది. నేను నీకు(సీతు పాప) తెలియనంతగా ప్రేమిస్తున్నాను. మీకు పుట్టిన రోజు శుభాకాంక్షలు’ అంటూ మహేశ్‌ కామెంట్‌ జతచేశారు. మహేశ్‌ పోస్ట్ చేసిన ప్రత్యేమైన వీడియోలో.. సితార చిన్ననాటి ఫొటోలు, సితారతో మహేశ్‌ గడిపిన సరదా క్షణాలకు సంబంధించినవి ఫొటోలు ఉన్నాయి. (‘ఓ మై కడవులే’ చిత్రానికి‌ మహేశ్‌ అ‌భినందనలు) View this post on Instagram I love you like you will never know 😍😍😍 Wishing you a very happy birthday Parpi♥️♥️♥️♥️ #SituPapaTurns8 @sitaraghattamaneni A post shared by Mahesh Babu (@urstrulymahesh) on Jul 19, 2020 at 11:30am PDT అదే విధంగా నమ్రతా శిరోద్కర్‌ సితారకు ఇన్‌స్టాగ్రామ్‌​లో బర్త్‌డే విషెష్‌ తెలిపారు. సీతు పాపతో కలిసి దిగిన ఫొటోలతో కూడిన ఓ వీడియోను ఆమె ఇన్‌స్టాగ్రామ్‌లో షేర్‌ చేశారు. ‘ఎనిమిదేళ్ల క్రితం మీరు ఈ ప్రపంచంలోకి వచ్చారు. నాకు మరిత ఆనందాన్ని, ప్రేమను పంచారు. మా జీవితంలో చాలా ఆనందాన్ని నింపినందుకు ధన్యవాదాలు. మీ చిరునవ్వు నాలోని వెలుగును ఎప్పటీకీ దూరం చేయదు. నాకు మీరు చాలా ఉత్తమైనవారు. మీరు దయ, ప్రేమ గల అమ్మాయిగా పెరుగుతున్నారు. మీకు తల్లిగా నేను చాలా గర్వపడుతున్నాను! నా చిట్టి స్టార్..‌ ఐ లవ్‌ యూ. మీకు పుట్టిన రోజు శుభాకాంక్షలు’ అని నమ్రత కామెంట్‌ జత చేశారు. View this post on Instagram 8 years ago !! You came into this world... bringing me more happiness and love to share and give ♥️♥️ Your love for family warms my heart. Thank you for bringing so much joy into our lives. That smile of yours can never fail to light me up 😍😍 You're one of the best things that ever happened to me!! You are growing into a good girl who is kind and loving, has empathy. I'm super proud of you! Go on and shine bright my little star 😘😘😘 I Love you so very much 😍🥰 today and always @sitaraghattamaneni. Wishing u the happiest birthday !! 🎂🎂🎂 #SituPapaTurns8 A post shared by Namrata Shirodkar (@namratashirodkar) on Jul 19, 2020 at 11:33am PDT ఇక కరోనా వైరస్‌ కారణంగా మహేశ్‌బాబు తన సతీమణి నమ్రత, పిల్లలు గౌతమ్‌, సితారతో సమయానన్ని గడుపుతున్నారు. తన పిల్లలకు సంబంధించిన ప్రతి విషయాన్ని మహేశ్‌ సోషల్‌ మీడియాలో అభిమానులతో పంచుకుంటారన్న విషయం తెలిసిందే. సినిమాల విషయానికొస్తే.. ప్రస్తుతం మహేశ్‌బాబు ‘గీతగోవిందం’ఫేమ్‌ పరశురామ్‌ దర్శకత్వంలో తెరకెక్కుతోన్న ‘సర్కారు వారి పాట’చిత్రంతో బిజీగా ఉన్న విషయం తెలిసిందే.  ఇప్పటికే విడుదలైన టైటిల్‌, ఫస్ట్‌ లుక్‌ పోస్టర్లు అభిమానులను తెగ ఆకట్టుకుంటున్నాయి.  మైత్రీ మూవీ మేకర్స్, 14 రీల్స్‌ ప్లస్, జీయంబీ ఎంటర్‌టైన్‌మెంట్స్‌ సంస్థలు ఈ సినిమాను నిర్మిస్తున్నాయి. ఈ సినిమాలో హీరోయిన్‌గా కీర్తీ సురేష్‌ కన్ఫార్మ్‌ అయ్యారు.

బ్రేక్‌ లేకుండా ‘సరిలేరు నీకెవ్వరు’ చిత్రాన్ని పూర్తి చేస్తున్నారు మహేశ్‌బాబు. ఈ సినిమా పూర్తయిన తర్వాత మూడు నెలలు బ్రేక్‌ తీసుకోబోతున్నారని తెలిసింది. ఈ విషయాన్ని మహేశ్‌బాబు సతీమణి నమ్రత తెలిపారు. ‘‘సరిలేరు నీకెవ్వరు’ షూటింగ్‌ పూర్తి కావస్తోంది. ఈ సినిమా విడుదలైన తర్వాత మహేశ్‌ మూడు నెలలు విరామం తీసుకోవాలనుకుంటున్నారు. ‘మహర్షి’, సరిలేరు నీకెవ్వరు’ సినిమాలను పెద్ద గ్యాప్‌ లేకుండా పూర్తి చేశారు. అందుకే ‘సరిలేరు...’ తర్వాత హాలిడే ప్లాన్‌ చేయాలనుకుంటున్నారు. మహేశ్‌ గురించి నాకు తెలుసు కాబట్టి.. నెల విరామం తీసుకున్న తర్వాత మళ్లీ పని చేయాలనుకుంటారు’’ అని పేర్కొన్నారు నమ్రత. అనిల్‌ రావిపూడి దర్శకత్వంలో రూపొందుతున్న ‘సరిలేరు నీకెవ్వరు’ చిత్రం వచ్చే ఏడాది జనవరి 12న విడుదల కానుంది.

‘‘నా భార్య నమ్రత నా చుట్టూ ఉంటే చాలు. దేని గురించీ నేను ఆందోళన చెందాల్సిన అవసరం లేదు. ఆమె నాకు నిజమైన విమర్శకురాలు. మంచి సలహాలు కూడా ఇస్తుంది’’ అంటున్నారు మహేశ్‌బాబు. అంతేకాదు ఇండస్ట్రీలో ‘మహర్షి’ సినిమాతో 25 సినిమాలను పూర్తి చేసిన మహేశ్‌బాబు కొన్ని ఆసక్తికరమైన విషయాలను ఓ ఆంగ్ల పత్రికతో పంచుకున్నారు. ‘‘నా సినిమా జర్నీ గురించి మాటల్లో చెప్పలేను. ఈ సక్సెస్‌ఫుల్‌ జర్నీలో నా ఫ్యాన్స్‌ స్థానం మాత్రం ప్రత్యేకమైనది. ఇక ఆన్‌స్క్రీన్‌ క్యారెక్టర్స్‌ చేసేప్పుడు డైరెక్టర్స్‌ని నమ్మి నటిస్తాను’’ అన్నారు. ‘‘నా పిల్లలు గౌతమ్, సితారలను నేను గారాబం చేస్తాను. నమ్రత మాత్రం చాలా స్ట్రిక్ట్‌. నా సినిమాల్లో ‘అతడు’ అంటే గౌతమ్‌కి, ‘శ్రీమంతుడు’ అంటే సితారకు ఇష్టం. నా సినిమాలు వేరే భాషల్లో రీమేక్‌ అవుతున్నాయి కానీ రీమేక్‌ సినిమాల్లో నటించడం నాకు పెద్ద ఆసక్తి లేదు’’ అని మహేశ్‌ ఆ ఇంటర్వ్యూలో చెప్పారు. 5 నుంచి కశ్మీర్‌లో.. ఫ్యామిలీతో కలిసి లండన్‌లో హాలీడేస్‌ ఎంజాయ్‌ చేసి, తిరిగి హైదరాబాద్‌ చేరుకున్నారు మహేశ్‌. ఇంకొన్ని రోజుల్లో ‘సరిలేరు నీకెవ్వరు’ సినిమాతో బిజీ అవుతారు. మహేశ్‌ హీరోగా అనిల్‌ రావిపూడి దర్శకత్వంలో అనిల్‌ సుంకర, ‘దిల్‌’ రాజు నిర్మిస్తున్న ఈ సినిమాలో విజయశాంతి, రాజేంద్రప్రసాద్, జగపతిబాబు కీలక పాత్రలు చేయనున్నారు. ఈ సినిమా తొలి షెడ్యూల్‌ వచ్చే నెల 5న కశ్మీర్‌లో ప్రారంభం అవుతుంది.


 ‘‘మాతృత్వం ఓ తీయని అనుభూతి. ఆ అనుభూతిని ప్రపంచంలో వేరే ఏదీ ఇవ్వలేదు. పేరు ప్రఖ్యాతులు, డబ్బు... ఇవేవీ ఇవ్వనంత ఆనందాన్ని బిడ్డలిస్తారు. అసలీ ఆనందం ముందు తక్కినవన్నీ పేలవంగానే అనిపిస్తాయి’’ అని ఎంతో మురిపెంగా చెప్పారు నమ్రతా మహేశ్. ఓ ఆంగ్ల పత్రికకు ఇచ్చిన ఇంటర్వ్యూలో ఆమె పలు విషయాలు ప్రస్తావించారు. తన భర్త మహేశ్‌బాబు గురించి చెబుతూ - ‘‘నేను తనకు అభిమానిని. ప్రస్తుతం పరిశ్రమలో తనంత ప్రతిభ ఉన్నవాళ్లు కానీ తనకన్నా మెరుగైనవాళ్లు కానీ లేరని నా ఫీలింగ్. మహేశ్ ఈరోజు ఈ స్థాయికి చేరుకోవడం నాకు చాలా గర్వంగా ఉంది. మొదట్లో తన తండ్రి సపోర్ట్ బాగా ఉపయోగపడింది.
  
  ఆ తర్వాత తనంతట తానుగా కష్టపడి ఈ స్థాయికి వచ్చాడు. మంచో, చెడో.. ఏ నిర్ణయమైనా నేనే తీసుకుంటానని మహేశ్ నిర్మొహమాటంగా చెబుతాడు. కానీ, మహేశ్ విషయంలో నా జోక్యం ఎక్కువ ఉంటుందని అందరూ అనుకుంటారు. నేనెప్పుడూ పర్సనల్‌గా స్టూడియోలో కూర్చుని ఏ సినిమా చేస్తే బాగుంటుంది? ఏ లుక్ అయితే బాగుంటుంది? ఎలాంటి కాస్ట్యూమ్స్ వేసుకోవాలి? లాంటి విషయాల గురించి చర్చించను. చిన్న చిన్న సలహాలు మాత్రమే ఇస్తాను. మహేశ్ బిడియస్తుడు. షూటింగ్ లొకేషన్‌కి ఫోన్ తీసుకెళ్లడు. తననెవరైనా కాంటాక్ట్ చేయాలంటే నాకు ఫోన్ చేస్తారు.
  
  దానివల్ల తనకు సంబంధించిన అన్నింట్లోనూ నా జోక్యం ఎక్కువ ఉంటుందని భావిస్తారు. సినిమాలపరంగా నిర్ణయాలన్నీ తనవే. సొంత నిర్ణయాలు తీసుకునే ఈ స్థాయికి ఎదిగాడు. మహేశ్‌కి పోటీ లేదు. తన సమకాలీనులందరికన్నా పై స్థాయిలోనే ఉన్నాడు. తనను నేను పెళ్లి చేసుకున్నప్పుడు తనే బెస్ట్ అనుకున్నాను. అప్పట్లో తనకన్నా మంచి స్థాయిలో ఉన్నవాళ్లున్నప్పటికీ నాకు అలానే అనిపించింది’’ అన్నారు. పలు ప్రముఖ ఉత్పత్తులకు మహేశ్‌బాబు ప్రచారకర్తగా వ్యవహరిస్తున్న విషయం తెలిసిందే. ఈ విషయంలో మాత్రం తన జోక్యం మెండుగానే ఉంటుందని, అది కూడా మహేశ్ ఇష్టప్రకారమేనని స్పష్టం చేశారు నమ్రత.