లోక్‌సభ ఎన్నికల ముంగిట వంట గ్యాస్‌ వినియోగదారులకు కేంద్ర ప్రభుత్వం శుభవార్త చెప్పనున్నట్లు తెలుస్తోంది. ప్రధాన మంత్రి ఉజ్వల యోజన (PM Ujjwala Yojana) కింద భారత ప్రభుత్వం వంట గ్యాస్‌పై సబ్సిడీని 2025 మార్చి 31 వరకు పొడిగించవచ్చని సీఎన్‌బీసీ-టీవీ18 నివేదిక పేర్కొంది.  కొత్త కనెక్షన్‌ల కోసం అందించే సొమ్మే కాకుండా ప్రస్తుతం కేంద్ర ప్రభుత్వం అర్హులైన వినియోగదారులకు ప్రతి ఎల్‌పీజీ సిలిండర్‌కు రూ.300 చొప్పున ఏడాదికి 12 సిలిండర్లకు సబ్సిడీ అందిస్తోంది. ఇది గతంలో రూ.100 ఉండగా 2023 అక్టోబరులో రూ.300కి పెంచారు. సబ్సిడీని ఒక సంవత్సరం పొడిగించడం వల్ల ప్రభుత్వంపై అదనంగా రూ.12,000 కోట్ల భారం పడుతుందని అంచనా వేస్తున్నారు. ఉజ్వల పథకం ప్రయోజనాలు ఇలా.. ప్రభుత్వం అర్హులైన పేదలకు 14.2 కిలోల సిలిండర్‌తో ప్రతి కొత్త గ్యాస్ కనెక్షన్‌కు రూ.1600 నగదు బదిలీ చేస్తుంది. ఇదే 5 కిలోల సిలిండర్‌కైతే రూ.1150 అందిస్తోంది. ఇందులో సిలిండర్ సెక్యూరిటీ డిపాజిట్ - 14.2 కిలోల సిలిండర్‌కు రూ.1250, 5 కిలోల సిలిండర్‌కైతే రూ.800, రెగ్యులేటర్ కోసం రూ.150, ఎల్‌పీజీ ట్యూబ్‌ కోసం రూ.100, డొమెస్టిక్ గ్యాస్ కన్స్యూమర్ కార్డ్ కోసం రూ.25, ఇన్‌స్పక్షన్‌, ఇన్‌స్టాలేషన్ చార్జీ కింద రూ.75 ఉంటాయి. వీటన్నంటినీ ప్రభుత్వమే భరిస్తోంది.

న్యూఢిల్లీ: ‘ప్రధానమంత్రి ఉజ్వల యోజన’ కింద వంట గ్యాస్‌ సిలిండర్లపై రాయితీని మరో రూ.100 పెంచాలని కేంద్ర మంత్రివర్గం బుధవారం నిర్ణయించింది.  దీంతో ఒక్కో సిలిండర్‌పై మొత్తం రాయితీకి రూ. 300కు చేరుకుంది. ఉజ్వల యోజన కింద కేంద్ర ప్రభుత్వం పేద మహిళలకు ఉచితంగా గ్యాస్‌ కనెక్షన్లు ఇచి్చన సంగతి తెలిసిందే. ప్రతి ఏటా 12 రాయితీ సిలిండర్లు తీసుకోవచ్చు. ప్రస్తుతం ఒక్కో సిలిండర్‌ (14.2 కిలోలు)పై రూ.200 చొప్పున కేంద్రం రాయితీ ఇస్తోంది. ఈ రాయితీని మరో రూ.100 పెంచినట్లు కేంద్ర సమాచార, ప్రసార శాఖ మంత్రి అనురాగ్‌ ఠాకూర్‌ చెప్పారు. దీనివల్ల దేశవ్యాప్తంగా 9.6 కోట్ల కుటుంబాలు లబ్ధి పొందుతాయని తెలియజేశారు. ఉజ్వల పథకం లబ్ధిదారులు ప్రస్తుతం ఒక్కో సిలిండర్‌ కోసం రూ.703 ఖర్చు చేస్తున్నారు. ఇకపై రూ.603 చొప్పున వెచి్చంచాల్సి ఉంటుంది. త్వరలో ఐదు రాష్ట్రాల్లో అసెంబ్లీ ఎన్నికలు జరుగనున్నాయి. తాము అధికారంలోకి వస్తే రూ.500కే వంటగ్యాస్‌ సిలిండర్‌ సరఫరా చేస్తామని కాంగ్రెస్‌ పార్టీ హామీ ఇస్తోంది. ఈ నేపథ్యంలో ఉజ్వల యోజన లబి్ధదారులకు సబ్సిడీని కేంద్ర ప్రభుత్వం మరో రూ.100 పెంచడం ప్రాధాన్యం సంతరించుకుంది. 

గ్యాస్‌ వినియోగదారులకు కేంద్రం శుభవార్త చెప్పింది. ప్రధాన్‌ మంత్రి ఉజ్వల యోజన లబ్ధి దారులకు సబ్సిడీని రూ.200 నుంచి రూ.300కి పెంచింది.  ఎల్‌పీజీ సిలిండర్‌పై సబ్సిడీని పెంచేలా కేబినెట్‌ నిర్ణయం తీసుకుందంటూ కేంద్ర మంత్రి అనురాగ్‌ ఠాగూర్‌  మీడియా సమావేశంలో వెల్లడించారు.  The government has raised subsidy amount for Pradhan Mantri Ujjwala Yojana beneficiaries from Rs 200 to Rs 300 per LPG cylinder: Union minister Anurag Thakur during a briefing on Cabinet decisions pic.twitter.com/Dvf7wXtXQT — ANI (@ANI) October 4, 2023 గతంలో రూ.200 ఇప్పుడు.. గతంలో కేంద్రం పీఎంయూవై పథంలోని లబ్ధి దారులు గ్యాస్‌ సిలిండర్‌పై రూ.200 రాయితీ అందించేది. ఇప్పుడు మరో రూ.100 పెంచింది. దీంతో ఇంతకు ముందు ఢిల్లీలో ఎల్‌పీజీ సిలిండర్‌ ధర​ రూ.703 ఉండగా, తాజాగా, కేంద్రం నిర్ణయంతో పీఎంయూవై పథకం కింద సిలిండర్‌ ధర రూ.603కే లభ్యమవుతుంది.  రూ.1650 కోట్లు విడుదల గత నెలలో కేంద్రం ప్రధాన మంత్రి ఉజ్వల యోజన పథకం కింద 75 లక్షల ఎల్‌పీజీ కనెక్షన్‌లను అందించేలా చమురు మార్కెటింగ్ కంపెనీలకు రూ.1,650 కోట్లను విడుదల చేసింది. ఉజ్వల కనెక్షన్‌ పెంపుతో పీఎంయూవై పథకం కింద మొత్తం లబ్ధిదారుల సంఖ్య ఇప్పుడు 10.35 కోట్లకు పెరిగింది.

గత నెలలో రక్షాబంధన్ సందర్భంగా వంట గ్యాస్‌ సిలిండర్‌ ధరను రూ. 200 తగ్గించిన కేంద్రం ప్రభుత్వం ఇప్పుడు మరో శుభవార్త చెప్పింది. రానున్న మూడు సంవత్సరాల్లో 7.5 మిలియన్ల పేదలకు స్టవ్‌తో పాటు ఉచిత గ్యాస్ కనెక్షన్లను అందించనున్నట్లు సమాచారం. దీని గురించి మరిన్ని వివరాలు ఈ కథనంలో తెలుసుకుందాం. 2016లో ప్రారంభమైన ప్రధానమంత్రి ఉజ్వల యోజన పథకం కింద 2026 నాటికి 75 లక్షల LPG కనెక్షన్‌లు ఉచితంగా అందివ్వడం జరుగుతుందని కేంద్ర మంత్రి 'అనురాగ్ ఠాకూర్' వెల్లడించారు. ఇందులో స్టవ్ మొదటి గ్యాస్ సిలిండర్ ఉచితంగా లభిస్తాయి. గ్రామీణ, పట్టణ ప్రాంతాల్లో దారిద్య్రరేఖకు దిగువున ఉన్న మహిళలు దీనికి అర్హులు.  ఈ పథకం అమలు చేయడానికి ఒక్కొక్క కనెక్షన్‌కు రూ. 2200 చొప్పున మొత్తం రూ. 1650 కోట్లు ఖర్చు అవుతుందని అంచనా. 2016లో ఉత్తరప్రదేశ్‌లో 80 మిలియన్ల కుటుంబాలకు వంట గ్యాస్ అందించాలనే లక్ష్యంతో ప్రారంభమైంది. కాగా 2021 నాటికి 10 మిలియన్ కనెక్షన్‌ల లక్ష్యాన్ని చేరుకుంది. రానున్న రోజుల్లో కేంద్రం ఈ లక్ష్యాన్ని తప్పకుండా చేరుకునే అవకాశం ఉంది. ఇదీ చదవండి: ఐఫోన్ 15కు ఇస్రోకు ఉన్న సంబంధమేంటి? తెలిస్తే అవాక్కవుతారు! ఈ పథకానికి అప్లై చేసుకోవడం ఎలా? ప్రధానమంత్రి ఉజ్వల యోజన పథకానికి అర్హులైన వారు అధికారిక వెబ్‌సైట్‌ ఓపెన్ చేసి, అందులో డౌన్‌లోడ్ ఫారమ్ ఆప్షన్ సెలక్ట్ చేసుకోవాలి. తరువాత మీకు ఒక ఫారమ్ డౌన్‌లోడ్ అవుతుంది. అందులో అడిగిన వివరాలను ఫిల్ చేయాలి. ఇవన్నీ ఫిల్ చేసిన తరువాత సమీపంలో ఉన్న గ్యాస్ ఏజన్సీలో సమర్పించాలి. దీనికి అవసరమైన రేషన్ కార్డు, ఫోటో, మొబైల్ నెంబర్ వంటివి కూడా అందించాల్సి ఉంటుంది. సంబంధిత డాక్యుమెంట్స్ అన్ని కరెక్టుగా ఉంటే.. వెరిఫికేషన్ తరువాత కొత్త కనెక్షన్ పొందుతారు. #WATCH | Delhi: Union Minister Anurag Thakur says, "Two decisions were taken today... The first decision is that more 75 Lakh LPG connections would be given free of cost in the next 3 years till 2026... This is an extension of Ujjwala Yojana... The second decision is that the… pic.twitter.com/H0ShPmTt8M — ANI (@ANI) September 13, 2023

న్యూఢిల్లీ: ప్రధానమంత్రి నరేంద్ర మోదీ సారథ్యంలో బుధవారం జరిగిన కేంద్ర మంత్రిమండలి సమావేశం కీలక నిర్ణయాలు తీసుకుంది. ప్రధానమంత్రి ఉజ్వల యోజన(పీఎంయూవై)కింద అదనంగా 75 లక్షల ఎల్పీజీ కనెక్షన్లు ఇవ్వాలని నిర్ణయించింది. ఇందుకోసం రూ.1,650 కోట్లు కేటాయించింది. దీంతోపాటు, ఈ కోర్ట్స్‌’ ప్రాజెక్టు మూడో దశకు అనుమతి మంజూరుచేసింది. ఇందుకు గాను రూ.7,210 కోట్లు వెచి్చంచాలని తీర్మానించింది. ఇటీవల ముగిసిన జీ20ని విజయవంతం చేసి, భారత్‌ ప్రతిష్టను ఇనుమడింప జేసిన ప్రధాని మోదీని ఈ సమావేశం అభినందించింది. ఈ వివరాలను భేటీ అనంతరం కేంద్ర సమాచార ప్రసార శాఖ మంత్రి అనురాగ్‌ ఠాకూర్‌ మీడియాకు వెల్లడించారు. కొత్తగా జారీ అయ్యే 75 లక్షల ఉజ్వల ఎల్పీజీ గ్యాస్‌ కనెక్షన్లను 2023–24 నుంచి 2025–26 ఆర్థిక సంవత్సరం వరకు అందజేస్తామని తెలిపారు. వీటితో కలిపి ఉజ్వల లబి్ధదారుల సంఖ్య 10.35 కోట్లకు చేరుకుంటుందన్నారు. దిగువ కోర్టుల్లో రికార్డుల డిజిటైజేషన్, క్లౌడ్‌ స్టోరేజీ, వర్చువల్‌ కోర్టుల ఏర్పాటు తదితరాల కోసం నాలుగేళ్లపాటు అమలయ్యే ఈకోర్ట్స్‌ ప్రాజెక్టు ఫేజ్‌–3కి రూ.7,210 కోట్లు కేటాయించేందుకు కూడా కేబినెట్‌ అంగీకరించిందని ఠాకూర్‌ చెప్పారు. ఇందులో భాగంగా 3,108 కోట్ల డాక్యుమెంట్లు డిజిటల్‌ రూపంలోకి మారుతాయని అంచనా.

సాక్షి, హైదరాబాద్‌: ఉజ్వల (దీపం) పథకం వంట గ్యాస్‌ లబ్దిదారులకు శుభవార్త. గృహోపయోగ వంట గ్యాస్‌ ధర చుక్కలు చూపిస్తున్న వేళ.. కేంద్ర ప్రభుత్వం ఉజ్వల వినియోగదారులకు ఊరట కలిగించేందుకు చర్యలు చేపడుతున్నట్లు తెలుస్తోంది. వంట గ్యాస్‌ ధరల పెరుగుదల నేపథ్యంలో వరుసగా మూడు నెలలు పాటు ఉజ్వల వినియోగదారులకు ఉచితంగా సిలిండర్‌ రీఫిల్‌ సరఫరాల చేయాలన్న ప్రతిపాదనను ప్రభుత్వం పరిశీలిస్తోందని తెలిసింది. ఇప్పటికే మూడు నెలల వ్యవధిలో గృహోపయోగ సిలిండర్‌ రీఫిల్‌పై రూ.225 పెరిగి ధర రూ. 871.50కు  చేరింది. అంతర్జాతీయంగా చమురు ఉత్పత్తుల ధరలకు అనుగుణంగా మరింత పెరిగే అవకాశాలున్నట్లు తెలుస్తోంది.  1.42 లక్షల మంది..  హైదరాబాద్‌ మహానగర పరి«ధిలో సుమారు 26 లక్షల వంట గ్యాస్‌ వినియోగ కనెక్షన్లు  ఉండగా, అందులో 1.42 లక్షల కుటుంబాలు ప్రధాన మంత్రి ఉజ్వల పథకం లబి్ధదారులుగా ఉన్నట్లు పౌరసరఫరాల శాఖ గణాంకాలు స్పష్టం చేస్తున్నాయి. వచ్చే ఆరి్థక సవంత్సరం (2021–22)లో మూడు నెలల పాటు 3 ఉచిత సిలిండర్లు అందించే ప్రతిపాదనను ప్రభుత్వం పరిశీలిస్తున్నట్లు తెలుస్తోంది. .  కరోనా కాలంలో సైతం..   గత సంవత్సరం కరోనా లాక్‌డౌన్‌ సమయంలోనూ ప్రధాన మంత్రి గరీబ్‌ కళ్యాణ్‌ ప్యాకేజీ కింద ఉజ్వల పథకం లబి్ధదారులందరికీ మూడు నెలల పాటు ఉచిత ఎల్‌íపీజీ సిలిండర్లు పంపిణీ చేశారు. తిరిగి అధిక ధరల నేఫథ్యంలో ఉచితంగా సరఫరా చేసి చేయూత అందించాలని ప్రభుత్వం యోచిస్తోంది. గతంలో మాదిరిగానే వినియోగదారులు ఇంటి వద్దకు వచి్చన ఎల్‌íపీజీ సిలిండర్ల రీఫిల్‌ను బహిరంగ మార్కెట్‌ ధర ప్రకారం నగదు చెల్లించి కొనుగోలు చేయాల్సి ఉంటుంది. ఆ తర్వాత నగదు నేరుగా లబ్ధిదారుల ఖాతాలోకి బదిలీ కానుంది.   గ్రేటర్‌లో ఉజ్వల (దీపం) వంట గ్యాస్‌ కనెక్షన్లు ఇలా  హైదరాబాద్‌- 81,083  మేడ్చల్‌- 20,231  రంగారెడ్డి- 40,766  

న్యూఢిల్లీ: వంటగ్యాస్‌ ఎల్పీజీ ధర అమాంతం పెరిగింది. సిలిండర్‌పై ఒక్కసారిగా రూ.144.5 పెంచుతూ కేంద్రం అసాధారణ నిర్ణయం తీసుకుంది. దీంతో ఢిల్లీలో రూ.714గా ఉన్న సిలిండర్‌ ధర రూ.858.50కి చేరుకుంది. 2014 జనవరి తర్వాత వంటగ్యాస్‌ ధర ఇంత భారీస్థాయిలో పెరగడం ఇదే తొలిసారి. అంతర్జాతీయ మార్కెట్లో ఇంధన ధరల పెరుగుదలే ఇందుకు కారణమని సమాచారం. అయితే కేంద్ర ప్రభుత్వం వంట గ్యాస్‌కు ఇచ్చే సబ్సిడీని పెంచడం కొంతవరకు ఊరటనిచ్చింది. ఇంతకు ముందు రూ.153.86 రాయితీ ఇవ్వగా దాన్ని రూ.291.48కి పెంచుతూ నిర్ణయం తీసుకుంది. ప్రధాన్‌ మంత్రి ఉజ్వల యోజన (పీఎమ్‌యూవై) లబ్ధిదారులకు సబ్సిడీని రూ.174.86 నుంచి రూ.312.48కు పెంచింది. సాధారణంగా ప్రతినెలా ఒకటో తారీఖున ధరలను సమీక్షిస్తుంటారు. అయితే ఈసారి రాయితీని భారీగా పెంచడంతో అనుమతుల ప్రక్రియలో జాప్యంతో రెండు వారాలు ఆలస్యమైందని అధికారులు తెలిపారు. అయితే ఢిల్లీ అసెంబ్లీ ఫలితాలు వెలువడిన మరుసటి రోజే వంటగ్యాస్‌ ధర పెంచడం గమనార్హం. కాగా, ఈ పెంపుపై విపక్షాలు తీవ్రస్థాయిలో స్పందించాయి. వంటగ్యాస్‌ ధరను పెంచుతూ బీజేపీ ప్రభుత్వం తీసుకున్న నిర్ణయం ప్రజల జేబులకు చిల్లు పెట్టేలా ఉందని కాంగ్రెస్‌ పేర్కొంది. ఢిల్లీ ఎన్నికల్లో ఓటమి పాలు కావడంతోనే కేంద్రం వంటగ్యాస్‌ ధరను పెంచిందని పశ్చిమ బెంగాల్‌ సీఎం మమతా బెనర్జీ ఆరోపించారు. కేంద్ర ప్రభుత్వం వంటగ్యాస్‌ ధరను పెంచడం పేద ప్రజలపై తీసుకున్న ‘క్రూరమైన చర్య’అని బీఎస్పీ అధినేత్రి మాయావతి అభివర్ణించారు.  

సాక్షి, న్యూఢిల్లీ : కేంద్ర ప్రభుత్వం ప్రవేశపెట్టిన ‘ఉజ్వల స్కీమ్‌’ కింద ఇప్పటి వరకు దేశంలోని 7.30 కోట్ల పేద కుటుంబాలకు ఎల్‌పీజీ గ్యాస్‌ కనెక్షన్లను మంజూరు చేశారు. 2020 సంవత్సరం నాటికి దేశంలోని ఎనిమిది కోట్ల పేద కుటుంబాలకు గ్యాస్‌ కనెక్షన్లు మంజూరు చేయాలన్నది కేంద్ర ప్రభుత్వ లక్ష్యం. ఈ లక్ష్యంలో ఇప్పటికే 91.25 లక్ష్యాన్ని సాధించింది. కనుక మిగతా లక్ష్యాన్ని పూర్తి చేయడంలో మరెంతో సమయం పట్టదు. ఇన్ని కోట్ల గ్యాస్‌ కనెక్షన్లను మంజూరు చేసినప్పటికీ గత రెండేళ్ల కాలంలో దేశంలో ఎల్‌పీజీ గ్యాస్‌ సిలిండర్ల వినియోగం పెరిగింది మాత్రం 0.8 శాతం మాత్రమే. పెరిగిన వినియోగదారుల సంఖ్య కూడా ఆరు శాతమే. ఇలా ఎందుకు జరుగుతోంది ?  ఉజ్వల స్కీమ్‌ కింద వంట గ్యాస్‌ కనెక్షన్లు తీసుకున్న వారిలో ఎక్కువ మంది గ్యాస్‌ సిలిండర్లను కొనుగోలు చేయడం లేదనేది సులభంగానే అర్థం అవుతోంది. ఉజ్వల స్కీమ్‌ కింద వినియోగదారులంతా కలిసి ఏడాదికి తలసరి 3.4 శాతం సిలిండర్లు వినియోగిస్తున్న ప్రభుత్వ లెక్కలే తెలియజేస్తున్నాయి. ‘కొలాబరేటివ్‌ క్లీన్‌ ఏర్‌ పాలసీ సెంటర్‌’ ప్రకారం వీరు తలసరి కనీసం తొమ్మిది సిలిండర్లు వినియోగించాలి. మరి ఎందుకు వినియోగించడం లేదు. గ్యాస్‌ సిలిండర్ల ఖరీదును భరించలేక వారంతా ఇప్పటికీ వంట చెరకు, పిడకలపైనే ఆధారపడి వంట చేసుకుంటున్నారు. దేశం మొత్తం మీదుండే ఐదొంతుల గ్రామీణ ప్రజల్లో రెండొంతుల మంది బీహార్, రాజస్థాన్, మధ్యప్రదేశ్, ఉత్తరప్రదేశ్‌ రాష్ట్రాల్లోనే ఉన్నారు. వారిలో 85 శాతం మంది ఇప్పటికీ సంప్రదాయ వంట చెరకునే వాడుతున్నారని ‘ఇండియా స్పెండ్‌’ పరిశోధన సంస్థ వెల్లడించింది.  వంట కోసం కట్టెలు, పిడకలు, ఊక ఉపయోగించడం వల్ల రోజురోజుకు వాతావరణ కాలుష్యం పెరుగుతోంది. మొత్తం కాలుష్యంలో వీటి వాటా 25 నుంచి 30 శాతం ఉంటుంది. వంట కాలుష్యం వల్ల ఏటా 4,80.000 మంది అకాలంగా మరణిస్తున్నారన్నది క్లీన్‌ ఏర్‌ పాలసీ సెంటర్‌ అంచనా. వంట గ్యాస్‌ను ఉపయోగించడం ఈ అకాల మరణాలను సులభంగా అడ్డుకోవచ్చు. ఈ పేద వినియోగదారుల ఇంటికి గ్యాస్‌ సిలిండర్‌ను కచ్చితంగా పంపించడం వల్ల ఒక్కొక్క వినియోగదారుడి ఆరోగ్యం ప్రభుత్వం పెడుతున్న ఖర్చును 3,800 నుంచి 1,800 రూపాయల వరకు ఆదా చేయవచ్చు. వంటగ్యాస్‌ సబ్సిడీ కోసం కేంద్రం ఖర్చు పెడుతున్న మొత్తం 2019–20 బడ్జెట్‌ అంచనాల ప్రకారం 32,989 కోట్ల రూపాయలు. ఇంత పెద్ద మొత్తంలో ఖర్జు పెడుతున్నా ఆశించిన ఫలితం రాకపోవడం బాధాకరం. ఉజ్వల స్కీమ్‌ కింద పేద వినియోగదారుడికి సిలిండర్‌కు ఆరేడు వందల రూపాల భారం పడుతోంది. అది ఏ నాలుగు వందల రూపాయల లోపల వస్తేగానీ, అంటే 350 రూపాయలకు వస్తేనేగానీ ఆ వినియోగదారుడు కొనుగోలు చేయడానికి సాహసించలేడు. అందుకని ఈ మేరకు పేదలపై సిలిండర్‌ సబ్సిడీని పెంచి, మిగతా వినియోగదారులపై తగ్గించాలని ‘సీసీఏపీసీ’ కేంద్రానికి సిఫార్సు చేసింది. 

న్యూఢిల్లీ: ఉజ్వల యోజనలో భాగంగా వంటగ్యాస్‌ కనెక్షన్లను పేదలందరికీ ఉచితంగా ఇవ్వాలని కేంద్రం నిర్ణయించింది. 2016లో ప్రారంభించిన ఈ పథకాన్ని తొలుత గ్రామీణ ప్రాంతాల్లోని దారిద్య్రరేఖ దిగువన ఉన్న కుటుంబాలకు ఉద్దేశించారు. అనంతరం దీనిని ఎస్సీ, ఎస్టీలకు, అటవీ ప్రాంతాల్లో నివసించే వారికి విస్తరించారు. ఇకపై దేశవ్యాప్తంగా ఉన్న నిరుపేదలందరికీ ఈ పథకాన్ని వర్తింపజేయాలని మంత్రివర్గం నిర్ణయించిందని చమురు శాఖ మంత్రి ధర్మేంద్ర ప్రధాన్‌ వెల్లడించారు. వంటగ్యాస్‌ కనెక్షన్‌ లేని, ప్రభుత్వ పథకాల లబ్దిదారులు కాని వారికి ప్రధానమంత్రి ఉజ్వల యోజన వర్తింపజేయాలని ఆర్థిక వ్యవహారాల కేబినెట్‌ కమిటీ సోమవారం నిర్ణయించిందని ఆయన వివరించారు. 50 శాతానికి పైగా(కనీసం 20 వేలు) గిరిజన జనాభా ఉన్న బ్లాకుల్లో ఏకలవ్య రెసిడెన్షియల్‌ మోడల్‌ పాఠశాలల్ని ప్రారంభించాలని కేబినెట్‌ నిర్ణయించింది. ఇందుకు  రూ.2,242 కోట్లు వెచ్చించాలని నిర్ణయించింది.

సాక్షి, న్యూఢిల్లీ: దారిద్య్ర రేఖకు దిగువనున్న గ్రామీణ పేద కుటుంబాలకు ఉచితంగా గ్యాస్‌ కనెక్షన్లు ఇచ్చేందుకు 2016, మే నెలలో ప్రవేశపెట్టిన ‘ప్రధానమంత్రి ఉజ్వల యోజన’ కింద ఇప్పటి వరకు 3,30,00,000 కనెక్షన్లు ఇచ్చామని, తన ప్రభుత్వం కాలపరిమితి ముగిసేలోగా ఐదు కోట్ల లక్ష్యాన్ని అలవోకగా అందుకుంటామని ప్రధాన మంత్రి నరేంద్ర మోదీ ‘టైమ్స్‌ నౌ’ పత్రికకు ఇటీవల ఇచ్చిన ఓ ఇంటర్వ్యూలో ఘనంగా చెప్పుకున్నారు. కట్టె పుల్లలు, పిడకలతో పొయ్యి రాజేసి అనారోగ్యం పాలవుతున్నా ఆడపడుచులను ఆదుకునేందుకు, వారి సాధికారికతకు ఈ పథకం ఎంతో ఉపయోగపడుతున్నందుకు తనకు ఎంతో ఆనందంగా ఉందని కూడా మోదీ భావోద్వేగంతో చెప్పారు. కేంద్ర ఆర్థిక మంత్రి అరుణ్‌ జైట్లీ గురువారం నాడు పార్లమెంట్‌లో కేంద్ర బడ్జెట్‌ను ప్రవేశపెడుతూ ప్రధానమంత్రి ఉజ్వల యోజన పథకం విజయాన్ని ప్రస్తావించినప్పుడు ప్రధాని మోదీ సహా పాలకపక్ష పార్లమెంట్‌ సభ్యులు బల్లలు చరుస్తూ హర్షం వ్యక్తం చేశారు. ఈ ఉజ్వల యోజన పథకం కింద ఉచిత ఎల్పీజీ కనెక్షన్ల టార్గెట్‌ను ఎనిమిది కోట్లకు పెంచుతున్నట్లు గర్వంగా ప్రకటించారు కూడా. నిజంగా ఈ పథకం విజయవంతమైందా? ప్రధాని మోదీ, అరుణ్‌ జైట్లీ చెబుతున్నట్లు అంత మంది గ్రామీణ పేదలకు గ్యాస్‌ కనెక్షన్లు మంజూరు చేయడం నిజమేనా? తద్వారా ప్రధాని ఆశించిన పథకం లక్ష్యం నెరవేరుతుందా? (సాక్షి ప్రత్యేకం) కనెక్షన్లు ఇవ్వడం మాత్రం అక్షర సత్యం. పథకం లక్ష్యం మాత్రం ‘ పక్కన’ పడిపోయింది. ఈ పథకం కింద కేంద్ర ప్రభుత్వం ప్రతి గ్యాస్‌ కనెక్షన్‌కు సెక్యూరిటీ డిపాజిట్‌తో సహా 1600 రూపాయల సబ్సిడీని ప్రభుత్వ చమురు కంపెనీలకు అందజేస్తోంది. పథకం ప్రారంభించిన నాటి నుంచి నేటి వరకు ‘ప్రభుత్వ పెట్రోలియం ప్రణాళిక, విశ్లేషణా విభాగం’ లెక్కల ప్రకారం అదనపు గ్యాస్‌ కనెక్షన్లు 16.26 శాతం పెరగ్గా, సిలిండర్ల విక్రయ సంఖ్య మాత్రం 9.83 శాతం మాత్రమే పెరిగింది. ఈ సిలిండర్ల పెరుగుదల ప్రధాని ఉజ్వల పథకం అమల్లో లేనప్పుడు అంటే, 2014–15 సంవత్సరానికి పెరిగిన సిలిండర్ల సంఖ్య కన్నా తక్కువగా ఉండడం ఆశ్చర్యకరం. ప్రభుత్వ సంస్థ అంచనాల ప్రకారం గ్రామీణ ప్రాంతాల్లో ఓ పేద కుటుంబం సంవత్సరానికి సగటున కనీసం 5 సిలిండర్లను వాడాలి. అప్పడు సిలిండర్ల వినిమయ సంఖ్య భారీగా పెరగాలి. మరి ఎందుకు తగ్గింది? ఎల్పీజీ గ్యాస్‌ ఉన్నప్పటికీ పొయ్యి మీద వంట చేస్తున్న మహిళ (ప్రతీకాత్మక చిత్రం) కనెక్షన్‌ తీసుకున్నప్పుడు వచ్చిన సిలిండర్‌ను మినహా ఇస్తే ఎక్కువ కుటుంబాలు మళ్లీ సిలిండర్‌ను రీఫిల్‌ చేయడం లేదని స్పష్టం అవుతుంది. కంప్ట్రోలర్‌ అండ్‌ ఆడిటర్‌ జనరల్‌ నివేదిక ప్రకారం 2015–16 సంవత్సరానికి గ్రామీణ ప్రాంతాల్లో ఓ గ్యాస్‌ కనెక్షన్‌కు సరాసరి ఏడాదికి 6.27 సిలిండర్లు వాడగా, ఉజ్వల పథకం అమల్లోకి వచ్చాక 2016–17 సంవత్సరానికి ఏడాదికి సిలిండర్ల వినిమయ సంఖ్య 5.6 శాతానికి పడిపోయింది. అంటే గ్యాస్‌ కనెక్షన్లు తీసుకున్న పేదలు తమ గ్యాస్‌ కనెక్షన్ల పక్కన పడేయడమే కాకుండా, వారిలో కొందరి కనెక్షన్లను ఇతరులు వాడుకుంటున్నట్లు స్పష్టం అవుతుంది. (సాక్షి ప్రత్యేకం) టూకీగా చెప్పాలంటే ఉజ్వల పథకం కింద గ్యాస్‌ కనెక్షన్లు తీసుకున్న పేదల్లో కేవలం 18 శాతం మంది మాత్రమే గ్యాస్‌ స్టౌలు ఉపయోగిస్తున్నారని, 32 శాతం మంది గ్యాస్‌ స్టౌవ్‌లను పక్కన పడేస్తున్నారని, 50 శాతం మంది తమ సిలిండర్లను ఇతరులకు అమ్ముకుంటున్నారన్నది ఓ అంచనా. గ్రామీణ ప్రాంతాల్లో పేదలు పొయ్యిలోకి అవసరమైన కట్టెలు, పిడకలు లాంటి వాటిని ఉచితంగా తెచ్చుకుంటారు. వారు వాటి కోసం ఒక్క పైసా ఖర్చు పెట్టరు. వంట చెరకు ఉచితంగా వస్తుండగా, నెలకు దాదాపు 600 రూపాయలను గ్యాస్‌ పేరిట ఖర్చు పెట్టడం వారికి మనసొప్పదు. అదే సిలిండర్‌ పక్కింటి వారికో మరొకరికో ఇస్తే వందో, రెండు వందలో ఉచితంగా వస్తాయి. పైగా గ్రామీణ ప్రాంతాల్లో ఇప్పటికీ ఓ సిలిండర్‌ ఫిల్లింగ్‌ కోసం 15 రోజులు నిరీక్షించాల్సి వస్తోంది. తీరా సిలిండర్‌ ఇంటిదాకా వచ్చాక వారి వద్ద డబ్బులు ఉండవు. ఈ కారణంగా కూడా గ్యాస్‌ను వదులుకునే వారు ఉన్నారు. గ్రామీణ ప్రాంతాల్లో గ్యాస్‌ కనెక్షన్ల పట్ల ప్రజలు ఎందుకు మొగ్గు చూపడం లేదన్న అంశంపై క్రిసిల్‌ (సీఆర్‌ఐఎస్‌ఐఎల్‌) 2015 సంవత్సరంలోనే ఓ అధ్యయనం జరిపింది. గ్యాస్‌ కనెక్షన్లు డబ్బులు ఎక్కువగా ఉన్నాయి కనుక తీసుకోవడం లేదని 86 శాతం మంది చెప్పగా, ప్రస్తుతం ఉచితంగా దొరికే వంట చెరకుతో వంట చేసుకుంటున్నామని, గ్యాస్‌ సిలిండర్ల కోసం డబ్బులు ఎక్కడ పెడతామని 83 శాతం మంది చెప్పారు. గ్యాస్‌ కనెక్షన్‌ కోసం 15 రోజులకు పైగా గ్యాస్‌ రీఫిల్లింగ్‌ కోసం నిరీక్షించాల్సి వస్తోందని దాదాపు 90 శాతం మంది చెప్పారు. ఈ నివేదిక ముందు వెలువడి ఉంటే ప్రధాని మోదీ ఉజ్వల పథకాన్ని ప్రవేశపెట్టడానికి ముందు అమలు తీరు గురించి ఆలోచించే వారేమో! ఈ నివేదిక 2016 డిసెంబర్‌లో విడుదలయింది. దేశంలోని  గ్రామీణ ప్రాంతాల్లో సంప్రదాయ పొయ్యిల నుంచి వచ్చే పొగవల్ల ఏటా దాదాపు లక్ష మంది భారతీయులు మరణిస్తున్నారనే ప్రపంచ ఆరోగ్య సంస్థ హెచ్చరికలకు మన ప్రధాని మోదీ స్పందించినట్లున్నారు. పేదల ఇంట్లో వెలుగులు నింపేందుకు ఉజ్వల పథకాన్ని తీసుకొచ్చారు.


 ఉచిత వంటగ్యాస్‌ కనెక్షన్లకు కచ్చితంగా సమర్పించాల్సిన ఆధార్‌ గడువును కేంద్రప్రభుత్వం సెప్టెంబర్‌ చివరి వరకు పొడిగించింది. సెప్టెంబర్‌ చివరికల్లా 12 అంకెల బయోమెట్రిక్‌ నెంబర్‌ ఆధార్‌ను సమర్పించాలని ప్రభుత్వం పేర్కొంది. ఈ ఏడాది మార్చిలోనే ఆధార్‌ తప్పనిసరి అని ప్రభుత్వం ఆదేశించిన సంగతి తెలిసిందే. ప్రధాన్‌ మంత్రి ఉజ్వల యోజన(పీఎంయూవై) కింద ఉచిత ఎల్‌పీజీ గ్యాస్‌ కనెక్షన్లను పొందవచ్చని, వీటి కోసం మే 31 వరకు ఆధార్‌ను దరఖాస్తు చేసుకోవాలని పేర్కొంది. కానీ పెట్రోలియం, నేచురల్‌ గ్యాస్‌ మంత్రిత్వశాఖ శుక్రవారం జారీచేసిన గెజెట్‌ నోటిఫికేషన్‌లో ఈ గడువును సెప్టెంబర్‌ 30 వరకు పొడిగిస్తున్నట్టు తెలిపింది. గతేడాది అక్టోబర్‌లోనే ఎల్‌పీజీలపై సబ్సిడీలను పొందాలంటే ఆధార్‌ నెంబర్‌ తప్పనిసరి అని ప్రభుత్వం పేర్కొంది.
  
 మార్చిలో దారిద్ర్యరేఖకు దిగువన ఉన్న గృహమహిళలకు అందించే ఉచిత వంటగ్యాస్‌ కనెక్షన్లకు ఆధార్‌ తప్పనిసరి అని ఆదేశించింది. ప్రస్తుతం ఈ గడువును సెప్టెంబర్‌ వరకు పొడిగించింది. పీఎంయూవై కింద ప్రయోజనాలు పొందే మహిళలు, ఆధార్‌ నెంబర్‌ కలిగి లేకపోతే, 2017 మే 31 వరకు ఆధార్‌ ఎన్‌రోల్‌మెంట్‌ చేయించుకోవాలని మార్చి 6న జారీచేసిన నోటిఫికేషన్‌లో తెలిపింది. శుక్రవారం జారీచేసిన నోటిఫికేషన్‌లో ఈ గడువును సెప్టెంబర్‌ వరకు పెంచుతున్నట్టు పేర్కొంది. గతేడాది లాంచ్‌ చేసిన పీఎంయూవై స్కీమ్‌ కింద 5 కోట్ల మంది పేదమహిళలు ఉచితంగా మూడేళ్ల పాటు ఎల్‌పీజీ గ్యాస్‌ కనెక్షన్లను అందజేయనున్నారు. ఇప్పటికే 2.6 కోట్ల మందికి ఉచిత గ్యాస్‌ కనెక్షన్లను అందించారు.    


 లక్నో: 'చాలా పేద కుటుంబుంలో పుట్టి పెరిగాను. మా ఇంటికి కిటికీలు కూడా ఉండేవి కావు. ఇంట్లో వంట కట్టెల పోయ్యిపై అమ్మ వంట చేయాల్సి వచ్చేది' అని ప్రధాని నరేంద్ర మోదీ తన కుటుంబ నేపథ్యాన్ని వివరించారు. ఉత్తరప్రదేశ్ లోని బాలియాలో 'ప్రధాన మంత్రి ఉజ్వల యోజన' కార్యక్రమాన్ని ఆదివారం మధ్యాహ్నం మోదీ ప్రారంభించారు.
 
 ఈ సందర్భంగా ఆయన ప్రస్తావించిన మరికొన్ని అంశాలు...  మొత్తం 5 కోట్ల మందికి ఉచిత గ్యాస్ కనెక్షన్లు అందజేస్తామని పేర్కొన్నారు. మహిళల పేరిటే ఉచిత గ్యాస్ కనెక్షన్ల పంపిణీ జరుగుతుందని ప్రధాని నరేంద్ర మోదీ తెలిపారు. అమ్మ కష్టాలు చూసిన వాడ్ని కనుక మహిళల ఇబ్బందులను తొలగించేందుకు తమ ప్రభుత్వం ఈ పథకాన్ని ప్రవేశపెట్టిందని వ్యాఖ్యానించారు. గత ప్రభుత్వాలు ఓట్ల గురించి మాత్రమే ఆలోచించాయి తప్ప ప్రజల గురించి ఎప్పుడూ పట్టించుకోలేదని విమర్శించారు. పేదల సంక్షేమం కోసం గత ప్రభుత్వాలు పనిచేయలేదని నరేంద్ర మోదీ పేర్కొన్నారు.


 బలియా: తాను ఓ చిన్న ఇంట్లో జన్మించానని ప్రధాని నరేంద్రమోదీ అన్నారు. ఆ ఇంటికి కిటికీలు ఉండేవి కావని చెప్పారు. తన తెల్లి కట్టెల పొయ్యిపై వంట చేసేదని.. ఆ సమయంలో ఇంట్లో నిండుకున్న పొగలో అమ్మ సరిగా కనిపించకపోయేదని గత స్మృతులు నెమరువేసుకున్నారు. తన తల్లిలాగా ఏ స్త్రీమూర్తి శ్రమించకూడదనే తన ఉద్దేశం అని చెప్పారు. ఆదివారం ఉదయం ఉత్తరప్రదేశ్ లోని బలియాలో ప్రధానమంత్రి ఉజ్వల్ యోజన పథకం ప్రారంభించిన సందర్భంగా ఆయన ఈ మాటలు అన్నారు.
 
 దారిద్ర్య రేఖకు దిగువున ఉన్న పేద ప్రజలకు ఉచితంగా గ్యాస్ను అందించే ఉద్దేశంతో దాదాపు రూ.8000 కోట్లతో రూపొందించిన ఈ ప్రాజెక్టును మోదీ ప్రారంభించారు. ఈ సందర్భంగా ఆయన ఏం అన్నారంటే..
 
 'బలియా పోరాటాల గడ్డ. ఈ నేల దేశ స్వాతంత్ర్యం కోసం ఒక మంగళ్ పాండేను ఇచ్చింది. ఇక్కడి ప్రజలు దేశం కోసం ప్రాణాలు ఇచ్చారు. మేడే సందర్భంగా మనమంతా ఇక్కడ సమావేశం అయ్యాం. ఈ సందర్భంగా దేశ పురోగతికి నిరంతరం శ్రమిస్తున్న కార్మికులందరికీ నా ధన్యవాదాలు, ప్రశంసలు. వారి సేవలు నిరుపమానం. మా ప్రభుత్వం పేదలకోసం, కార్మికుల కోసం పనిచేసే ప్రభుత్వం. మేం ఏచేసినా వారికోసమే. ప్రపంచం మొత్తాన్ని ఐక్యంగా ఉంచేది కార్మికులే. బలియాలో గ్యాస్ కనెక్షన్ లు చాలా తక్కువగా ఉన్నాయనే నేను ఇక్కడ ఈ పథకం ప్రారంభిస్తున్నాను. పేద కుటుంబాలకు, పే మహిళలకు ఈ పథకం ఎంతగానో ఉపయోగపడుతుంది. ఎన్నికలు దృష్టిలో పెట్టుకొని నేను ఈ పనిచేయలేదు. గతంలో ఎన్నికలు లేని చోట్ల కూడా ఎన్నో పథకాలు ప్రారంభించాను' అని మోదీ చెప్పారు.