Ravi Teja Tiger Nageswara Rao Pre Look Released By Chiranjeevi: ఎలాంటి బ్యాక్‌గ్రౌండ్‌ లేకుండా డౌన్‌ టు ఎర్త్‌ వ్యక్తిగా పేరు సంపాందించుకున్నాడు మాస్‌ మహారాజా రవితేజ. ప్రస్తుతం వరుస పెట్టి సినిమాలతో ఫుల్‌ బిజీగా ఉన్నాడు. తాజాగా టైగర్‌ నాగేశ్వరరావు సినిమా నుంచి ప్రీ లుక్‌ను మెగాస్టార్‌ చిరంజీవి విడుదల చేశారు. 'శ్రీ శుభకృత్‌ నామ' తెలుగు సంవత్సరం కానుకగా ఉగాది పర్వదినాన ఈ ప్రీలుక్‌ను రిలీజ్ చేశారు. ఈ కార్యక్రమంలో కేంద్ర సహాయ మంత్రి కిషన్ రెడ్డి కిషన్‌ రెడ్డి పాల్గొన్నారు. ఇందులో రవితేజ ఒక ట్రైన్‌ ముందు స్టన్నింగ్‌ లుక్‌లో కనిపిస్తూ ఆకట్టుకున్నాడు. ఈ ప్రీ లుక్‌ టీజర్‌లో బీజీఎం అద్భుతంగా ఉంది. వేట మొదలైంది అంటూ ఈ ప్రీ లుక్‌కు క్యాప్షన్ ఇచ్చారు.  చదవండి: టైగర్‌ నాగేశ్వరరావు మూవీలో గాయత్రి భరద్వాజ్‌ రవితేజ కెరీర్‌లోనే మొదటి పాన్ ఇండియా మూవీగా వస్తోంది 'టైగర్ నాగేశ్వరరావు'. ప్రస్తుతం హైదరాబాద్‌లో ఈ మూవీ లాంచ్‌ ఘనంగా జరుగుతోంది. ఈ కార్యక్రమానికి ముఖ్య అతిథిగా చిరంజీవి హాజరై ముహుర్తం షాట్‌కు క్లాప్ కొట్టారు. అలాగే సినిమా యూనిట్‌గా విషెస్‌ తెలియజేశారు. ఈ చిత్రం క్రైమ్‌ డ్రామాగా వంశీ దర్శకత్వంలో తెరకెక్కనుంది. తేజ్‌ నారాయణ్‌ అగర్వాల్‌ సమర్పణలో అభిషేక్‌ అగర్వాల్‌ నిర్మిస్తున్నారు. 'టైగర్ నాగేశ్వరరావు'కు జోడిగా ప్రముఖ మోడల్‌ గాయత్రి భరద్వాజ్‌, బాలీవుడ్‌ హీరోయిన్‌ కృతి సనన్‌ చెల్లెలు నుపుర్‌ సనన్‌ అలరించనున్నారు. ప్రముఖ మ్యూజిక్‌ డైరెక్టర్‌ జివి. ప్రకాష్‌ సంగీతం అందిస్తున్నారు.  చదవండి: గజదొంగ బయోపిక్‌లో రవితేజ..ఎవరీ టైగర్ నాగేశ్వరరావు?

అసిఫ్‌ ఖాన్, మౌర్యాని జంటగా నటించిన చిత్రం ‘నేడే విడుదల’. ఈ సినిమా ద్వారా రామ్‌ రెడ్డి పన్నాల దర్శకునిగా పరిచయమవుతున్నారు. నజురుల్లా ఖాన్, మస్తాన్‌ ఖాన్‌ నిర్మించిన ఈ సినిమా ప్రీ లుక్‌ను హైదరాబాద్‌లో విడుదల చేశారు. ఈ సందర్భంగా చిత్ర దర్శక–నిర్మాతలు మాట్లాడుతూ– ‘‘ఫ్యామిలీ ఎంటర్‌టైనర్‌గా తెరకెక్కుతున్న చిత్రమిది. ఆసక్తికరమైన కథ, ఆలోచింపచేసే కథనంతో పాటు ఆహ్లాదపరిచే సంభాషణలతో ఈ సినిమా ప్రేక్షకుల ముందుకు రానుంది. త్వరలో సినిమా ఫస్ట్‌ లుక్, సాంగ్‌ని విడుదల చేస్తాం’’ అన్నారు. ఈ సినిమాకు సంగీతం: అజయ్‌ అరసాడ, కెమెరా: సిహిచ్‌ మోహన్‌ చారి.

‘క్రియేటివ్‌ మెంటార్స్‌ యానిమేష¯Œ  అండ్‌ గేమింగ్‌ కాలేజీ’ మేనేజింగ్‌ డైరెక్టర్‌ కొవ్వూరి సురేష్‌ రెడ్డి మూడు కొత్త చిత్రాలను ప్రకటించారు. ప్రముఖ పత్రిక ఫోర్బ్స్‌ ఇటీవల ప్రకటించిన 30 ఏళ్ల లోపు గల అత్యంత ప్రభావశీలురైన వ్యక్తుల జాబితాలో చోటు దక్కించుకున్న యువ వ్యాపారవేత్త, ఏకైక తెలుగు వ్యక్తి సురేష్‌రెడ్డి. ప్రసాద్‌ ల్యాబ్స్‌ సహకారంతో ఫిలిం స్కూల్‌ కూడా నిర్వహిస్తున్న సురేష్‌రెడ్డి ‘పి19 ఎంటర్‌టై¯Œ మెంట్‌’ సంస్థను స్థాపించి, శుక్రవారం మూడు చిత్రాలను ప్రకటించారు. ఈ మూడు చిత్రాల ప్రీ లుక్స్, లోగోలను ప్రసాద్స్‌ గ్రూప్‌ చైర్మన్‌ అక్కినేని రమేష్‌ ప్రసాద్, ప్రముఖ నిర్మాత ‘దిల్‌’ రాజు ఆవిష్కరించారు. ఈ సందర్భంగా సురేష్‌ రెడ్డి మాట్లాడుతూ –‘‘మా తొలి చిత్రానికి ‘సూపర్‌స్టార్‌ కిడ్నాప్‌’, ‘పేపర్‌ బోయ్‌’ చిత్రాలకు దర్శకత్వ శాఖలో పని చేసిన ఆకాష్‌రెడ్డి దర్శకత్వం వహిస్తారు. రెండో సినిమాని ‘ఋషి’, ‘ఆంధ్రాపోరి’, ‘ఐతే 2.0’ ఫేమ్‌ రాజ్‌ మాదిరాజు డైరెక్ట్‌ చేస్తారు. ఈ చిత్రాన్ని ఎన్నారై రవికాంత్‌ జామితో కలిసి నేను నిర్మిస్తాను. మూడో సినిమాకి దర్శకుడు పూరి జగన్నాథ్‌ శిష్యుడు ప్రదీప్‌ మద్దాలి దర్శకత్వం వహిస్తారు’’ అన్నారు. ఆర్థోపెడిక్స్‌ డాక్టర్‌ దశరథరామిరెడ్డి, నిర్మాతలు కె.ఎల్‌. దామోదర ప్రసాద్, రాజ్‌ కందుకూరి, జీ5 క్రియేటివ్‌ హెడ్‌ నిమ్మకాయల ప్రసాద్‌ తదితరులు పాల్గొన్నారు.  

పూర్ణ లీడ్‌ రోల్‌లో నటిస్తున్న తాజా చిత్రం ‘సుందరి’. ‘ది అల్టిమేట్‌ డెసిషన్‌ ఆఫ్‌ యాన్‌ ఇన్నోసెంట్‌ లేడీ’ అన్నది ఉపశీర్షిక. కల్యాణ్‌జీ గోగన దర్శకత్వం వహిస్తున్నారు. రిజ్వాన్‌ ఎంటర్‌టై¯Œ మెంట్‌ పతాకంపై రిజ్వాన్‌ నిర్మిస్తున్న ఈ సినిమా ప్రీ లుక్‌ను విడుదల చేశారు. ఈ సందర్భంగా రిజ్వాన్‌ మాట్లాడుతూ– ‘‘మా బ్యానర్‌లో తెరకెక్కిస్తున్న ‘సూపర్‌ మచ్చి’ సినిమా ఇప్పటికే షూటింగ్‌ పూర్తి చేసుకుంది. ‘నాటకం’ చిత్రంతో విమర్శకుల ప్రశంసలు పొందిన కల్యాణ్‌జీ గోగన దర్శకత్వం వహిస్తున్న ‘సుందరి’ సినిమా ఫ్యామిలీ డ్రామాగా తెరకెక్కుతోంది. ప్రస్తుతం షూటింగ్‌ ముగింపు దశలో ఉంది. త్వరలో ఫస్ట్‌ లుక్‌ పోస్టర్‌ను విడుదల చేస్తాం’’ అన్నారు. అర్జున్‌ అంబటి కీలక పాత్ర పోషిస్తున్న ఈ చిత్రానికి సహనిర్మాతలు: ఖుషి, కె. రాంరెడ్డి, లైన్‌ ప్రొడ్యూసర్‌: శ్రీవల్లి చైతన్య, సంగీతం: సురేష్‌ బొబ్బిలి, కెమెరా: బాల్‌ రెడ్డి.

నితిన్‌ హీరోగా చంద్రశేఖర్‌ యేలేటి దర్శకత్వంలో తెరకెక్కుతున్న ఈ చిత్రానికి ‘చెక్‌’ అనే టైటిల్‌ ఖరారు చేశారు. భవ్య క్రియేషన్స్‌ బ్యానర్‌పై వి. ఆనంద ప్రసాద్‌ నిర్మిస్తున్నారు. రకుల్‌ ప్రీత్‌ సింగ్, ప్రియా ప్రకాశ్‌ వారియర్‌ హీరోయిన్లుగా నటిస్తున్నారు. ఈ సినిమా టైటిల్‌ను, ప్రీ లుక్‌ను ప్రముఖ దర్శకుడు కొరటాల శివ విడుదల చేశారు. ఈ సినిమా గురించి ఆనంద ప్రసాద్‌ మాట్లాడుతూ – ‘‘ఈ చిత్రంలో నితిన్‌ విశ్వరూపం చూస్తారు. సినిమాలో ఎవరు ఎవరికి చెక్‌ పెడతారన్నది సస్పెన్స్‌’’ అన్నారు. ‘‘ఉరిశిక్ష పడ్డ ఖైదీ పాత్రలో నితిన్‌ కనిపిస్తారు. చదరంగం నేపథ్యంలో చిత్రకథ ఉంటుంది. చిత్రీకరణ చివరి దశలో ఉంది’’ అన్నారు చంద్రశేఖర్‌ యేలేటి. పోసాని కృష్ణ మురళి, మురళీ శర్మ, సాయిచంద్, సంపత్‌ ముఖ్య పాత్రల్లో నటిస్తున్న ఈ చిత్రం ఆఖరి షెడ్యూల్‌ ఈ నెల 12న ప్రారంభం కానుంది.

టాలీవుడ్‌లో పేరు పొందిన డిస్ట్రిబ్యూషన్‌ , ప్రొడక్షన్‌ హౌస్‌లలో ఒకటైన అభిషేక్‌ పిక్చర్స్‌ మరో కొత్త చిత్రాన్ని ప్రకటించింది. ‘ఏజెంట్‌ వినోద్‌’ అనే టైటిల్‌తో రూపొందనున్న ఈ సినిమా ప్రీ లుక్‌ను గురువారం విడుదల చేశారు. ‘హారీపోటర్, పైరేట్స్‌ ఆఫ్‌ ద కరీబియన్‌ , ప్రి¯Œ ్స ఆఫ్‌ పర్షియా, 2012, బ్యాట్‌మ్యాన్‌: ద డార్క్‌ నైట్‌’ వంటి దాదాపు 40 హాలీవుడ్‌ చిత్రాలకు వీఎఫ్‌ఎక్స్‌ ఆర్టిస్ట్‌గా చేసిన నవీన్‌ మేడారం ఈ చిత్రానికి దర్శకత్వం వహిస్తున్నారు. దేవా¯Œ ‡్ష నామా, రవి పుట్టా సమర్పణలో అభిషేక్‌ పిక్చర్స్‌ బ్యానర్‌పై అభిషేక్‌ నామా ఈ చిత్రాన్ని నిర్మిస్తున్నారు. ప్రీ లుక్‌లో పుస్తకాలు, తాళాలు, లాంతరు, టైపింగ్‌ మెషీన్‌ , పెన్ను, కెమెరా, గడియారం, ప్రపంచపటం.. వంటి పాత కాలం నాటి వస్తువులు కనిపిస్తున్నాయి. వాటితో పాటు గన్‌ , రక్తపు మరకలు, ఒక వ్యక్తి నీడ కనిపిస్తుండటంతో ఇది ఉత్కంఠభరితమైన క్రైమ్‌ థ్రిల్లర్‌ అని తెలుస్తోంది. ‘‘ఒక యంగ్‌ అండ్‌ టాలెంటెడ్‌ హీరో టైటిల్‌ రోల్‌ చేయబోతున్నారు’’ అని అభిషేక్‌ నామా తెలిపారు. ఈ చిత్రానికి సంగీతం: హర్షవర్థన్‌ రామేశ్వర్, కెమెరా: జగదీష్‌ చీకటి.

నాగశౌర్య అనగానే లవర్‌ బాయ్‌ గుర్తొస్తాడు. పక్కింటి కుర్రాడిలా సాఫ్ట్‌గా కనిపిస్తూ కుటుంబ ప్రేక్షకుల్ని అలరిస్తున్న ఈ యువహీరో ‘ఆశ్వథ్థామ’ చిత్రంతో రూట్‌ మార్చి మాస్‌ ప్రేక్షకులకూ చేరువయ్యారు. ఇప్పుడు సంతోష్‌ జాగర్లపూడి దర్శకత్వంలో చేస్తోన్న చిత్రంలో నాగశౌర్య మరింత మాస్‌గా కనిపిస్తారని తెలుస్తోంది. ఈ చిత్రం ప్రీ లుక్‌ని ‘ది గేమ్‌ విల్‌ నెవర్‌ బీ ది సేమ్‌’ (ఆట ఎప్పుడూ ఒకేలా ఉండదు) అనే క్యాప్షన్‌తో విడుదల చేసింది చిత్రబృందం. శ్రీ వెంకటేశ్వర సినిమాస్‌ ఎల్‌ఎల్‌పి, నార్త్‌ స్టార్‌ ఎంటర్‌టైన్మెంట్స్‌ పతాకాలపై నారాయణ్‌ దాస్‌ నారంగ్, పుస్కూర్‌ రామ్‌మోహన్‌ రావు, శరత్‌ మరార్‌ ఈ చిత్రాన్ని నిర్మిస్తున్నారు. కండలు తిరిగిన దేహంతో వెనకనుండి కనిపిస్తున్న నాగశౌర్య ప్రీ లుక్‌కి విశేష స్పందన లభించిందని చిత్రబృందం తెలియజేసింది. ఈ చిత్రం కోసం జుట్టు, గెడ్డం కూడా బాగా పెంచినట్టు ప్రీ లుక్‌ చూస్తుంటే తెలుస్తోంది. ఈ నెల 27న  ఈ చిత్రం ఫస్ట్‌ లుక్‌ను  డైరెక్టర్‌ శేఖర్‌ కమ్ముల విడుదల చేయనున్నారు. ప్రాచీన విలువిద్య నేపథ్యంలో ఈ చిత్రం ఉంటుందట. ప్రస్తుతం ఈ సినిమా పోస్ట్‌ ప్రొడక్షన్‌ దశలో ఉంది.

‘‘ఔను వాళ్లిద్దరూ ఇష్టపడ్డారు, వసంతం, కబడ్డీ కబడ్డీ, పెదబాబు’ వంటి పలు విజయవంతమైన సినిమాల్లో కథానాయికగా నటించి, తెలుగు ప్రేక్షకుల హృదయాలను గెలుచుకున్న కల్యాణి డైరెక్షన్‌ మార్చారు. దర్శక–నిర్మాతగా మారారు. ఇటీవల అతిథి పాత్రల్లో కనిపిస్తూ వస్తున్న ఆమె కే2కే ప్రొడక్షన్స్‌ బ్యానర్‌పై స్వీయ దర్శకత్వంలో ఓ చిత్రాన్ని రూపొందించనున్నారు. చేతన్‌ శీను, సిద్ధి, సుహాసినీ మణిరత్నం, రోహిత్‌ మురళి, శ్వేత ప్రధాన పాత్రల్లో నటించనున్నారు. హోలి పర్వదినం సందర్భంగా ఈ సినిమా ప్రీ లుక్, టీజర్‌ గ్లింప్స్‌ను దర్శకుడు పూరి జగన్నాథ్‌ విడుదల చేశారు. ‘‘వాస్తవ ఘటనల ఆధారంగా రూపొందనున్న చిత్రమిది. విలక్షణ ప్రేమకథతో సైకలాజికల్‌ థ్రిల్లర్‌గా ఉంటుంది. తెలుగు, తమిళ భాషల్లో ఈ చిత్రం రూపొందనుంది. త్వరలోనే చిత్రీకరణ మొదలవుతుంది’’ అని చిత్రవర్గాలు పేర్కొన్నాయి.  

1983లో ఇండియాకు తొలిసారి వరల్డ్‌ కప్‌ వచ్చింది. చిరంజీవి ‘ఖైదీ’ రిలీజైంది. అలాగే ఓ మర్డర్‌ కూడా జరిగింది. ఆ మర్డర్‌ చేసింది ఎవరు? తెలియదు. ఆ  మిస్టరీ ఛేదించేందుకు సిద్ధమయ్యారు హీరో రాజశేఖర్‌. సెకండ్‌ ఇన్నింగ్స్‌లో ‘పీయస్‌వి గరుడ వేగ’తో సూపర్‌ సక్సెస్‌ అందుకున్న రాజశేఖర్‌ స్క్రిప్ట్‌ సెలెక్షన్‌ విషయంలో జాగ్రత్తగా ఉంటున్నారు. ‘అ!’ ఫేమ్‌ ప్రశాంత్‌ వర్మ దర్శకత్వంలో ఓ చిత్రం చేయనున్నట్లు బుధవారం ప్రకటించారు. 1980లో జరిగే పీరియాడికల్‌ థ్రిల్లర్‌గా తెరకెక్కనున్న ఈ చిత్రం ప్రీ–లుక్‌ను విడుదల చేశారు. ఆగస్ట్‌ 26న ఈ చిత్రం టైటిల్‌ను అనౌన్స్‌ చేయనున్నారు.


 
 మెగా వారసుడు సాయి ధరమ్ తేజ్ హీరోగా తెరకెక్కుతున్న లేటెస్ట్ మూవీ జవాన్. దర్శకుడిగా మారిన రచయిత బివియస్ రవి డైరెక్షన్లో తెరకెక్కుతున్న ఈ సినిమాలో కృష్ణగాడి వీరప్రేమగాధ ఫేం మెహరీన్ హీరోయిన్గా నటిస్తోంది. ఇప్పటికే మేజర్ పార్ట్ షూటింగ్ పూర్తి చేసుకున్న ఈ సినిమా ఫస్ట్ లుక్ను త్వరలో రిలీజ్ చేయనున్నారు. అయితే ఆ లుక్ ఎలా ఉండబోతుందన్న హింట్ ఇస్తూ ఓ ప్రీ లుక్ పోస్టర్ను రిలీజ్ చేసింది చిత్రయూనిట్.
 
 సినిమాలో హీరో క్యారెక్టర్ లోని డిఫరెంట్ ఎమోషన్స్తో పాటు జవాన్ అనే టైటిల్తో డిజైన్ చేసిన లోగో ఆకట్టుకుంటుంది. ఇంటికొక్కడు అనే ట్యాగ్ లైన్ను యాడ్ చేశారు. దిల్ రాజు సమర్పణలో కృష్ణ నిర్మిస్తున్న ఈ సినిమాకు తమన్ సంగీతం అందిస్తున్నాడు. ప్రస్తుతం ఆఖరి దశ షూటింగ్ జరుపుకుంటున్న ఈ సినిమా ఆడియో, సినిమా రిలీజ్ డేట్లను త్వరలోనే వెల్లడించనున్నారు.