హీరో మహేశ్‌బాబు, దర్శకుడు త్రివిక్రమ్‌ కాంబినేషన్‌లో  రూపొందుతున్న తాజా చిత్రం ‘గుంటూరు కారం’. ఈ చిత్రంలో శ్రీలీల, మీనాక్షీ చౌదరి హీరోయిన్స్‌గా నటిస్తున్నారు. ఈ సినిమాకి తమన్‌ సంగీతం అందిస్తున్నారు. ఈ చిత్రంలోని ‘దమ్‌ మసాలా’ సాంగ్‌ ప్రోమోను విడుదల చేశారు మేకర్స్‌. ఈ పాట పూర్తి లిరికల్‌ వీడియోను ఈ నెల 7న విడుదల చేయనున్నట్లు ప్రకటించారు. జగపతిబాబు, రమ్యకృష్ణ కీలక పాత్రలు పోషిస్తున్న ఈ చిత్రాన్ని హారిక అండ్‌ హాసినీ క్రియేషన్స్‌ పతాకంపై సూర్యదేవర రాధాకృష్ణ నిర్మిస్తున్నారు. ఈ చిత్రం సంక్రాంతి సందర్భంగా జనవరి 12న విడుదల కానుంది. 

యువ కథానాయకుడు ర‌క్షిత్ అట్లూరి, కోమ‌లి ప్ర‌సాద్ జంటగా నటిస్తున్న  చిత్రం ‘శశివదనే’. గౌరి నాయుడు స‌మ‌ర్ప‌ణ‌లో ఎస్‌వీఎస్ క‌న్‌స్ట్ర‌క్ష‌న్స్, ఎజీ ఫిల్మ్ కంపెనీ ప‌తాకాల‌పై సంయుక్తంగా తెరకెక్కిస్తున్నారు. సాయి మోహ‌న్ ఉబ్బ‌న ద‌ర్శ‌క‌త్వంలో అహితేజ బెల్లంకొండ ఈ చిత్రాన్ని నిర్మిస్తున్నారు. త్వ‌ర‌లోనే ఈ సినిమా రిలీజ్‌కు రెడీ అవుతోంది. ఈ చిత్రంలో ప్ర‌వీణ్ యండ‌మూరి, త‌మిళ న‌టుడు శ్రీమాన్‌, క‌న్న‌డ న‌టుడు దీప‌క్ ప్రిన్స్‌, జ‌బ‌ర్ద‌స్త్ బాబీ కీల‌క పాత్ర‌ల్లో న‌టిస్తున్నారు. తాజాగా ఈ చిత్రానికి సంబంధించిన ప్రోమోను విడుదల చేశారు మేకర్స్.   ప్రోమోను గమనిస్తే పక్కా లవ్‌ ఎంటర్‌టైనర్‌గా అర్థమవుతోంది. ఈ ప్రోమో చాలా నేచుర‌ల్‌గా, క‌ల‌ర్‌ఫుల్‌గా ప్రేక్షకులను ఆక‌ట్టుకుంటోంది. హ‌రి చ‌ర‌ణ్, చిన్మ‌యి శ్రీపాద పాడిన పాట‌ సినిమాలో అల‌రించ‌నుంది. శ్ర‌వ‌ణ వాసుదేవ‌న్ సంగీతం అందించారు. కిట్టు విస్సాప్ర‌గ‌డ సాహిత్యం ట్యూన్‌కు త‌గ్గ‌ట్లు అందంగా  ఉన్నాయి. శ‌శివ‌ద‌నే పూర్తి టైటిల్ సాంగ్‌ను మేక‌ర్స్ ఫిబ్ర‌వ‌రి 1న రిలీజ్ చేస్తున్నారు. కాగా.. కోన‌సీమ‌, అమ‌లాపురం త‌దిత‌ర ప్రాంతాల్లో 50 రోజుల‌కు పైగానే ఈ సినిమాను చిత్రీక‌రించారు.

మెగాస్టార్​ చిరంజీవి కథానాయకుడిగా నటిస్తున్న చిత్రం 'వాల్తేరు వీరయ్య'. ఈ సినిమా కోసం టాలీవుడ్ ఫ్యాన్స్ ఎంతో అసక్తిగా ఎదురుచూస్తున్నారు. తాజాగా ఈ సినిమాకు సంబంధించిన బాస్​ పార్టీ సాంగ్ ప్రోమో​ విడుదలైంది. ఈ  ఏడాదిలోనే ఆచార్య, గాడ్ ఫాదర్ చిత్రాలతో చిరు సందడి చేశారు. ఇందులో ఆచార్య బాక్సాఫీస్ వద్ద బోల్తా కొట్టగా.. గాడ్‌ఫాదర్ మాత్రం అద్బుత విజయాన్ని సొంతం చేసుకుంది. (చదవండి: వాల్తేరు వీరయ్యలో ఊర్వశి రౌతేల ఐటెం సాంగ్‌! క్లారిటీ వచ్చేసింది!) ఇప్పటికే రిలీజైన ఫస్ట్ లుక్ పోస్టర్, టీజర్‌ విపరీతంగా ఆకట్టుకున్నాయి. ఇప్పటికే ఫస్ట్‌ సింగిల్‌ సాంగ్‌ను ఈనెల 23న విడుదల చేస్తున్నట్లు చిత్రబృందం ప్రకటించింది. తాజాగా ఈ ఫస్ట్‌ సింగిల్‌ ప్రోమోను విడుదల చేశారు మేకర్స్. శ్రుతి హాసన్ హీరోయిన్‌గా నటిస్తున్న ఈ చిత్రంలో చిరంజీవి తమ్ముడి పాత్రలో మాస్ మహారాజా రవితేజ నటిస్తున్నారు. ఈ చిత్రాన్ని మైత్రీ మూవీ మేక‌ర్స్ బ్యాన‌ర్ నిర్మిస్తోంది. దర్శకుడు బాబీ సినిమాను రూపొందిస్తుండగా... దేవిశ్రీ ప్రసాద్ సంగీతమందిస్తున్నారు.  సంక్రాంతికి 'వాల్తేరు వీరయ్య' థియేటర్లలో కనువిందు చేయనుంది. 

Akdi Pakdi Song Promo: టాలీవుడ్‌ డ్యాషింగ్‌ డైరెక్టర్‌ పూరి జగన్నాథ్‌ దర్శకత్వంలో రౌడీ హీరో విజయ్‌ దేవరకొం కథానాయకుడిగా నటిస్తున్న చిత్రం లైగర్. ఈ మూవీతో తెలుగు ప్రేక్షకులకు పరిచయం కానుంది బాలీవుడ్‌ బ్యూటీ అనన్య పాండే. పాన్‌ ఇండియా మూవీగా తెరకెక్కిన ఈ మూవీ ఆగస్టు 25న ప్రేక్షకులు ముందుకు రానుంది. అయితే సినిమా ప్రమోషన్స్‌లో భాగంగా ఈ మూవీ నుంచి ఇప్పటికే విడుదలైన టీజర్‌, పోస్టర్స్‌ అంచనాలు పెంచేశాయి. తాజాగా ఈ సినిమా నుంచి మరో అప్‌డేట్‌ ఇచ్చింది చిత్రబృందం.  ఈ సినిమా నుంచి రెండో సాంగ్‌ విడుదల తేదిని ఇటివలే ప్రకటించిన విషయం తెలిసిందే. 'అకడి పకడి' అంటూ సాగే మాస్ సాంగ్‌ను జులై 11న రిలీజ్‌ చేస్తున్నట్లు తెలిపింది. తాజాగా ఈ సాంగ్‌ ప్రొమోను విడుదల చేసింది చిత్ర యూనిట్. ఈ ప్రొమోలో విజయ్ దేవరకొండ, అనన్య పాండే ఊర మాస్ స్టెప్పులతో అదరగొట్టేశారు. అల్ట్రా స్టైలిష్‌ లుక్‌లో మొట్టమొదటిసారిగా మాస్ స్టెప్పులు వేశాడు రౌడీ హీరో. ఈ స్టెప్పులకు విజయ్‌ ఫ్యాన్స్‌ ఫిదా అవుతున్నారు.    Lets go Boyyyysssss!!! Full. All out. Mass 🤙🤙🤙 Here's #AKDIPAKDI Promo 💥 Song Releasing on 11th July @ 4:00 PM 🔥#Liger#LigerOnAug25th pic.twitter.com/GQQDwOGShX — Vijay Deverakonda (@TheDeverakonda) July 8, 2022

F3 Movie: Pooja Hegde Party Song Of The Year Promo Released: విక్టరీ వెంకటేశ్‌, వరుణ్ తేజ్ హీరోలుగా మరోసారి సందడి చేయనున్న చిత్రం 'ఎఫ్‌ 3'. అనిల్ రావిపూడి దర్శకత్వం వహించిన ఈ మూవీ 'ఎఫ్‌ 2' చిత్రానికి సీక్వెల్‌ అని తెలిసిన సంగతే. తమన్నా, మెహ్రీన్‌ హీరోయిన్లుగా నటించిన 'ఎఫ్‌ 3' మే 27న ప్రపంచవ్యాప్తంగా ప్రేక్షకుల ముందుకు రానుంది. ఇటీవల విడుదలైన టీజర్‌కు మంచి రెస్పాన్స్ వచ్చింది. ఇవేకాకుండా అంతకుముందు రిలీజైన రెండు సింగిల్స్‌ ప్రేక్షకాదరణ పొందాయి. ఇప్పుడు తాజాగా మూడో సింగిల్‌ను విడుదల చేయనున్నారు.  'లైఫ్‌ అంటే ఇట్టా ఉండాలా' అంటూ సాగే లిరికల్ సాంగ్‌ను మే 17న రిలీజ్ చేయనున్నారు. దీనికి సంబంధించిన ప్రొమోను సోమవారం (మే 16) బయటకు వదిలారు. ఇందులో స్పెషల్‌ అట్రాక్షన్‌గా బుట్టబొమ్మ పూజా హెగ్డే నిలవనుంది. మోస్ట్‌ గ్లామరస్‌గా ఉన్న పూజా హెగ్డే పోస్టర్‌ను 'పార్టీ సాంగ్‌ ఆఫ్‌ ది ఇయర్‌'గా రిలీజ్‌ చేశారు. ఈ పార్టీ నంబర్‌ సాంగ్‌ను కాసర్ల శ్యామ్ రచించగా, రాహుల్‌ సిప్లిగంజ్‌, గీతా మాధురి ఆలపించారు. దేవీ శ్రీ ప్రసాద్‌ సంగీతం అందించారు.   చదవండి: ఈ వారం థియేటర్లలో సందడి చేసే సినిమాలు.. మా సభ్యుల ఆరోగ్యం, సంక్షేమం తొలి ప్రాధాన్యత: మంచు విష్ణు

Vaishnav Tej Ranga Ranga Vaibhavanga Movie Song Promo Release: మెగా మేనల్లుడు, యంగ్ హీరో వైష్ణవ్​ తేజ్​ మొదటి చిత్రం 'ఉప్పెన'తోనే పెద్ద హిట్​ అందుకున్నాడు. తర్వాత కూల్​ బ్యూటీ రకుల్​ ప్రీత్​ సింగ్​తో కలిసి 'కొండపొలం' సినిమాతో ప్రేక్షకులను అలరించాడు. ఈ సినిమాల్లో వైష్ణవ్​ తేజ్​ నటనకు మంచి మార్కులే పడ్డాయి. తాజాగా వైష్ణవ్​ తేజ్​ నటిస్తున్న చిత్రం 'రంగ రంగ వైభవంగా'. గిరీశాయ దర్శకత్వం వహిస్తున్న ఈ మూవీలో 'రొమాంటిక్'​ బ్యూటీ కేతిక శర్మ హీరోయిన్​గా యాక్ట్ చేస్తోంది.  మెడికల్​ స్టూడెంట్స్ మధ్య వైవిధ్యమైన ప్రేమకథా చిత్రంగా ఈ మూవీ తెరకెక్కనున్నట్లు సమాచారం. అయితే ఇటీవల టాకీ పూర్తి చేసుకున్న ఈ చిత్రం త్వరలో విడుదల కానుంది. తాజాగా ఈ మూవీలోని 'కొత్తగా లేదేంటి ?' అనే లిరికల్ సాంగ్​ ప్రొమోను రిలీజ్​ చేశారు. పూర్తి పాటను మే 6న విడుదల చేయనున్నారు మేకర్స్​. శ్రీమణి రాసిన ఈ సాంగ్​ను ఆర్మన్ మాలిక్​, హరిప్రియ ఆలపించారు. దేవిశ్రీ ప్రసాద్​ అందించిన సంగీతం ప్రేక్షకుల్ని మరింత ఆకట్టుకుంటుంది.  చదవండి: 'రంగ రంగ వైభవంగా' ఫస్టు సింగిల్ రిలీజ్

అంతర్జాతీయ మహిళా దినోత్సవం సందర్భంగా ‘వకీల్‌ సాబ్‌’ చిత్ర యూనిట్‌ స్త్రీమూర్తులకు ఓ సర్‌ప్రైజ్‌ గిఫ్ట్‌ ఇవ్వనుంది. మహిళల గొప్పదనాన్ని తెలియజెప్పే..  ‘మగువా మగువా’ పాటను మార్చి 8 న విడుదల చేయనున్నట్టు చిత్ర బృందం శుక్రవారం తెలిపింది. ఈమేరకు ‘మగువా మగువా లోకానికి తెలుసా నీ విలువా.. మగువా మగువా నీ సహనానికి సరిహద్దులు కలవా’ చరణాలతో సాగే పాట ప్రోమోను విడుదల చేసింది. కాగా, ఈ సినిమా బాలీవుడ్‌ హిట్‌ చిత్రం 'పింక్‌' చిత్రానికి రీమేక్‌ అన్న సంగతి తెలిసిందే.  (కిర్రాక్‌గా పవన్‌ 'వకీల్‌ సాబ్‌' ఫస్ట్‌ లుక్‌) ఇక చాలా కాలం తర్వాత పవర్‌ స్టార్‌ పవన్‌ కల్యాణ్‌ ‘వకీల్‌ సాబ్‌’గా వస్తుండటంతో అంచానాలు భారీగా నెలకొన్నాయి. గత సోమవారం విడుదలైన ఈ సినిమా ఫస్ట్‌ లుక్‌ పోస్టర్‌ కూడా ఆకట్టుకునేలా ఉంది. పవన్‌కు ఇది 26వ సినిమా  కావడం విశేషం. ఈ చిత్రానికి వేణు శ్రీరామ్‌ దర్శకత్వం వహిస్తున్నాడు. ప్రముఖ నిర్మాత దిల్ రాజు శ్రీవేంకటేశ్వర క్రియేషన్స్‌ పతాకంపై వకీల్‌ సాబ్‌ను నిర్మిస్తున్నాడు. రాజు, శిరీష్ సంయుక్తంగా నిర్మిస్తున్న ఈ చిత్రానికి నటి శ్రీదేవి భర్త బోనీ కపూర్ సమర్పకుడిగా వ్యవహరిస్తున్నాడు. సంగీతం తమన్‌ అందిస్తున్నాడు. (వకీల్‌ సాబ్‌ ఫస్ట్‌ లుక్‌పై స్పందించిన వర్మ)

బాలీవుడ్‌ సీనియర్‌ హీరో సంజయ్‌ దత్‌ బయోపిక్‌ సంజు రిలీజ్‌కు ముందే హాట్‌ టాపిక్‌గా మారింది. అచ్చం సంజూ బాబాలా తెరపై కనిపించేందుకు రణ్‌బీర్‌ కపూర్‌ పడ్డ కష్టం.. పైగా సంజయ్‌ దత్‌ లైఫ్‌లోని ప్రతీ కోణాన్ని విప్పి చూప్పానని దర్శకుడు చేసిన ప్రకటనతో ప్రేక్షకుల్లో ఆసక్తిని రేకెత్తిస్తోంది. ఇప్పటికే రిలీజ్‌ అయిన టీజర్‌, ట్రైలర్‌లు ఆ అంచనాలను పెంచేయగా.. తాజాగా చిత్రంలోని ఓ సాంగ్‌ ప్రమోషన్‌ బిట్‌ను వదిలారు. ‘కర్‌ హర్‌ మైదాన్‌ ఫతే...’ అంటూ సాగే పాట.. శేఖర్‌ అస్థిత్వ లిరిక్స్‌, విక్రమ్‌ మాంట్రోస్‌ సంగీతాన్ని అందించగా.. సుఖ్విందర్‌ సింగ్‌-శ్రేయా ఘోషల్‌లు పాటను ఆలపించారు.  సంజయ్‌ దత్‌ జీవితంలోని డ్రగ్స్‌ కోణాన్ని చూపిస్తే సాగే పాట ఇది. వాటి నుంచి తేరుకోడానికి పునరావాస కేంద్రానికి పంపించటం, అక్కడి నుంచి తప్పించుకుని తిరిగి ఇంటికి చేరటం, దారిలో అడ్డుకుంటూ కష్టాలు పడటం, డ్రగ్స్‌ నుంచి బయటపడేందుకు చేసే యత్నాలు, తల్లిదండ్రుల ఆప్యాయత.. మొత్తం ఎమోషనల్‌ కంటెంట్‌తో సాంగ్‌ సాగింది. ప్రముఖ దర్శకుడు రాజ్‌కుమార్‌ హిరాణీ దర్వకత్వం వహించిన ఈ చిత్రంలో సంజయ్‌ దత్‌ తండ్రి సునీల్‌దత్‌ పాత్రలో పరేష్‌ రావెల్,  తల్లి నర్గీస్‌ దత్‌ పాత్రలో మనీషా కోయిరాల నటించారు. సోనమ్‌ కపూర్‌, దియా మీర్జాలు ఇతరత్రా పాత్రల్లో నటిస్తుండగా, కీలక పాత్రలో అనుష్క శర్మ కనిపించనుంది. జూన్‌ 29న సంజు ప్రపంచవ్యాప్తంగా విడుదల కానుంది. 

మెగాపవర్‌స్టార్‌ రామ్‌చరణ్‌ మెగా అభిమానులకు అదిరిపోయే గిఫ్ట్‌ ఇచ్చాడు. తన పుట్టిన రోజు సందర్భంగా జిగేల్‌ రాణి  ప్రోమో సాంగ్‌ను రిలీజ్‌ చేశాడు. మాస్‌ అంటే ముందుగా గుర్తొచ్చేది మెగాస్టార్‌. ఈ పేటకు నేనే మేస్త్రీ..., ఆట కావాలా...పాట కావాలా... ఇలా మాస్‌కు హుషారు ఎక్కించిన పాటలు ఎన్నో ఉన్నాయి. ఈ పాటలలో చిరు లుంగీ కట్టుకుని వేసిన స్టెప్స్‌ ఎప్పటికీ అభిమానుల​ గుండెల్లో గుర్తుండిపోయేవే. అయితే చిరు తనయుడు చరణ్‌ గత సినిమాల్లో లుంగీ కట్టుకుని మాస్‌ను మెప్పించే ప్రయత్నం చేశాడు. కానీ​, చిరు స్థాయిని మాత్రం అందుకోలేకపోయాడు. తాజాగా రంగస్థలం సినిమాలో చెర్రీ దాదాపుగా లుంగీలోనే దర్శనమివ్వబోతున్నాడు. అయితే సుకుమార్‌ సినిమాలో ఐటం సాంగ్స్‌కు ఉండే ప్రత్యేకతే వేరు. సుక్కు మేకింగ్‌, దేవీ మ్యూజిక్‌, విజువైలేజేషన్‌ ఐటం సాంగ్‌ను ఓ లెవల్‌కు తీసుకెళ్తాయి. ఈ సినిమాకు సంబంధించిన ప్రోమో వీడియో సాంగ్స్‌ ఒక్కొక్కటిగా రిలీజ్‌ చేస్తున్నా...అభిమానులు మాత్రం జిగేల్‌ రాణి ప్రోమో కోసమే ఎదురుచూశారు. చెర్రీ బర్త్‌డే సందర్భంగా...ఈ సాంగ్‌ ప్రోమోను విడుదల చేశారు. వీడియోలో చెర్రీ స్టెప్పులు, ఎనర్జీ చూస్తే అభిమానులు విజిల్స్‌ వేయాల్సిందే. థియేటర్‌లో ఈ సాంగ్‌కు బాక్స్‌ బద్దలు అవుతాయేమో.