విద్యారణ్యపురి : వరంగల్‌లోని ఏవీవీ కళాశాల ప్రిన్సిపాల్‌ డి.రఘుపతికి రాష్ట్రస్థాయి ఉత్తమ అధ్యాపక అవార్డుకు ఎంపికయ్యారు. వరంగల్‌ సీకేఎం కళాశాలలో 1989–1992వరకు పార్ట్‌టైం కామర్స్‌ లెక్చరర్‌గా పనిచేశారు. ఆ తర్వాత ఏవీవీ జూనియర్‌ కళాశాలలో 1995లో జూనియర్‌ లెక్చరర్‌గా చేరి ప్రస్తుతం ప్రిన్సిపాల్‌గా విధులు నిర్వర్తిస్తున్నారు. నర్సింహాలపేట మండలం పెద్దముప్పారం గ్రామానికి చెందిన రఘుపతి గురువారం హైదరాబాద్‌లో సీఎం కేసీఆర్‌ చేతుల మీదుగా అవార్డు స్వీకరిస్తారు. 


 ఆదిలాబాద్ (కాశిపేట): పాముకాటుతో యువకుడు మృతి చెందాడు. ఈ సంఘటన ఆదిలాబాద్ జిల్లా కాశిపేట మండలంలోని గోండుగూడ గ్రామంలో శుక్రవారం వెలుగులోకి వచ్చింది. వివరాలు.. గురువారం అర్ధరాత్రి దాటిన తర్వాత గ్రామంలోని వినాయక మంటపం వద్ద పడుకున్న సమయంలో పాము చేతి మీద కాటేయడంతో మరపతి రఘపతి(22) అనే యువకుడు మృతి చెందాడు.