రాజీవ్‌ సాలూరి, దీప్సిక జంటగా నటిస్తున్న చిత్రం ‘ఆఖరి ముద్దు’. తెలుగు, కన్నడ, తమిళ భాషల్లో పలు చిత్రాలు నిర్మించిన సీవీ రెడ్డి దాదాపు ఎనిమిదేళ్ల తర్వాత సీవీ ఆర్ట్స్‌పై నిర్మిస్తోన్న చిత్రం ఇది. స్వీయదర్శకత్వంలో  సీవీ రెడ్డి రూపొందిస్తోన్న ఈ సినిమా ఫస్ట్‌ షెడ్యూల్‌ పూర్తయింది. మార్చిలో రెండో షెడ్యూల్‌ ఆరంభం అవుతుంది. ‘‘సమాజానికి మార్గదర్శకం కావాలనే ఉద్దేశ్యంతోనే ఈ సినిమాను రూపొందిస్తున్నా’’ అన్నారు సీవీ రెడ్డి. నిర్మాణ, దర్శకత్వ బాధ్యతలతో పాటు ఈ చిత్రానికి సీవీ రెడ్డి కథ, స్క్రీన్‌ప్లే, మాటలు అందిస్తున్నారు.

ప్రముఖ సంగీత దర్శకుడు కోటి తనయుడు రాజీవ్ హీరో తెరకెక్కుతున్న చిత్రం '11:11'.  వర్ష విశ్వనాథ్ హీరోయిన్‌. టైగర్ హిల్స్ ప్రొడక్షన్, స్వస్తిక ఫిలిమ్స్ పతాకాలపై ప్రొడక్షన్ నెంబర్ 1గా కిట్టు నల్లూరి దర్శకత్వంలో రూపొందుతున్న ఈ సినిమాకు గాజుల వీరేష్ (బళ్లారి) నిర్మాతగా వ్యవహరిస్తున్నారు. సదన్, సీనియర్ హీరో రోహిత్, లావణ్య, రాజా రవీంద్ర, రాజా శ్రీ కీలకపాత్రల్లో నటిస్తున్నారు. విడుదలకు సిద్దమవుతున్న ఈ సినిమా ప్రమోషన్స్ వేగవంతం చేసింది చిత్రయూనిట్. ఈ నేపథ్యంలో తాజాగా స్టార్ హీరో దగ్గుబాటి రానా 11: 11 మోషన్ కాన్సెప్ట్ పోస్టర్ రిలీజ్ చేశారు. రిపబ్లిక్ డే కానుకగా విడుదల చేసిన ఈ వీడియో సినిమాపై ఆసక్తి రేకెత్తిస్తోంది. న ఈ మోషన్ కాన్సెప్ట్ పోస్టర్‌లో కేవలం మూడు క్యారెక్టర్స్ చూపిస్తూ సినిమాపై క్యూరియాసిటీ పెంచారు. హీరో రాజీవ్ సాలూర్- హీరోయిన్ వర్ష విశ్వనాథ్ మధ్య లవ్ ట్రాక్, అందులో అనూహ్యంగా ఎంటరైన ఓ వ్యక్తి, అతన్ని హతమార్చడం లాంటి సీన్స్ ఈ వీడియోలో కనిపించాయి. ఆసక్తి రేకెత్తిస్తున్న థ్రిల్లింగ్ కాన్సెప్ట్‌కి తోడు మణిశర్మ అందించిన బ్యాక్‌గ్రౌండ్ స్కోర్ హైలైట్‌గా నిలిచింది. త్వరలోనే విడుదల తేదిని ప్రకటిస్తామని చిత్రబృందం పేర్కొంది.

కెరీర్ ఆరంభం నుంచే విలక్షణ కథలతో అలరిస్తున్న కోటి తనయుడు రాజీవ్ సాలూర్ హీరోగా టైగర్ హిల్స్ ప్రొడక్షన్, స్వస్తిక ఫిలిమ్స్ పతాకాలపై 'ప్రొడక్షన్ నెంబర్ 1'గా ఓ కొత్త సినిమా రూపొందుతోంది. కిట్టు నల్లూరి దర్శకత్వంలో తెరకెక్కుతున్న ఈ సినిమాకు గాజుల వీరేష్ (బళ్లారి) నిర్మాతగా వ్యవహరిస్తుండగా.. వర్ష విశ్వనాథ్ హీరోయిన్‌గా నటిస్తోంది. చిత్రంలో ప్రముఖ సంగీత దర్శకుడు కోటి సాలూర్ ముఖ్య పాత్ర పోషిస్తుండటం విశేషం. సదన్, లావన్య, రాజా రవీంద్ర, రాజా శ్రీ తదితరులు ఇతర పాత్రల్లో నటిస్తున్నారు. ప్రస్తుతం ఈ సినిమా షూటింగ్ శరవేగంగా జరుపుతున్నారు. తాజాగా ఈ డిఫరెంట్ కాన్సెప్ట్ సినిమాకు మెగా సపోర్ట్ లభించింది. ఈ మూవీ ఫస్ట్ లుక్ లాంచ్ మెగాస్టార్ చిరంజీవి చేతుల మీదుగా జరిగేలా ప్లాన్ చేశారు. నవంబర్ 11వ తేదీ సాయంత్రం 6 గంటలకు గ్రాండ్‌గా ఈ ఫస్ట్ లుక్ పోస్టర్ రిలీజ్ చేయనున్నారు. తాజాగా ఈ విషయాన్ని ప్రకటిస్తూ స్పెషల్ పోస్టర్ వదిలింది చిత్రయూనిట్.   ఈ సినిమాకు మణిశర్మ అందిస్తున్న సంగీతం మేజర్ అసెట్ కానుందని అంటున్నారు దర్శకనిర్మాతలు. తమ సంస్థ నుంచి ఎంతో ప్రతిష్టాత్మకంగా ఈ సినిమాను ప్రేక్షకుల ముందుకు తీసుకొస్తున్నామని, చిత్రంలో రాజీవ్ సాలూర్ నటన హైలైట్ కానుందని అన్నారు నిర్మాత గాజుల వీరేష్ (బళ్లారి). రాజీవ్ సాలూర్, వర్ష విశ్వనాథ్ మధ్య కెమిస్ట్రీ నేటితరం ఆడియన్స్‌కి బాగా కనెక్ట్ అవుతుందని నమ్ముతున్నట్లు చెప్పారు. అతిత్వరలో ఈ సినిమా విడుదల తేదీ ప్రకటించనున్నారు.   


 ప్రవాసాంధ్రుడు శ్రీరామ్ వేగిరాజు దర్శకత్వంలో 'ఓరి దేవుడోయ్' పేరుతో ఓ చిత్రం రూపొందనుంది. రాజీవ్ సాలూరి కథానాయకుడిగా ఛేజింగ్ డ్రీమ్ ప్రొడక్షన్స్ పతాకంపై వి.రవిశంకర్ ఈ చిత్రాన్ని నిర్మించనున్నారు. ప్రముఖ సంగీత దర్శకుడు కోటి ఈ సినిమాకు స్వరాలందిస్తున్నారు. ఇటివలే అమెరికాలో పాటల కంపోజింగ్ పూర్తి చేశారు. అమెరికాకు చెందిన మ్యుజీషియన్స్ తో 6 పాటలను, థీమ్ స్కోర్ ను కోటి కంపోజ్ చేశారు.