హాలీవుడ్‌ సూపర్‌ హీరోస్‌ ఫిల్మ్స్‌లో ‘డెడ్‌ పూల్‌’ ఫ్రాంచైజీ ఒకటి. 2016లో వచ్చిన ‘డెడ్‌ పూల్‌’, 2018లో వచ్చిన ‘డెడ్‌ పూల్‌ 2’ సినిమాలు బాక్సాఫీస్‌ వద్ద మంచి వసూళ్లు రాబట్టాయి. ప్రేక్షకులను అమితంగా అలరించాయి. తాజాగా ‘డెడ్‌ పూల్‌’ సిరీస్‌లోని మూడో భాగం ‘డెడ్‌ పూల్‌ అండ్‌ వోల్వరైన్‌’ విడుదలకు సిద్ధమవుతోంది. ర్యాన్‌ రేనాల్డ్స్, హ్యూ జాక్‌మెన్‌ ప్రధాన పాత్రల్లో, ఎమ్మా కొరిన్, మోరెనా బక్కరిన్, రాబ్‌ డెలానీ కీలక పాత్రల్లో నటించారు. షాన్‌ లెవీ ఈ సినిమాకు దర్శకత్వం వహించారు. జూలై 26న ‘డెడ్‌ పూల్‌ అండ్‌ వోల్వరైన్‌’ చిత్రం విడుదల కానుంది. ఈ సందర్భంగా ఇటీవల ఈ సినిమా ట్రైలర్‌ను విడుదల చేశారు మేకర్స్‌. ట్రైలర్‌ విడుదలైన 24 గంటల్లో 365 మిలియన్‌ వ్యూస్‌ను సాధించింది. 24 గంటల్లో ఇన్ని వ్యూస్‌ రావడంతో ఇదే ప్రపంచ రికార్డు అని మేకర్స్‌ పేర్కొన్నారని హాలీవుడ్‌ అంటోంది. గతంలో ఈ రికార్డు 2021లో విడుదలైన ‘స్పైడర్‌మేన్‌: నో వే హోమ్‌’ ట్రైలర్‌ పేరిట ఉండేది. 24 గంటల్లో ‘స్పైడర్‌ మేన్‌: నో వే హోమ్‌’ ట్రైలర్‌ 355.5 మిలియన్‌ వ్యూస్‌ సాధించింది. ఇప్పుడు ‘డెడ్‌ పూల్‌ అండ్‌ వోల్వరైన్‌’ ట్రైలర్‌ రాకతో ‘స్పైడర్‌మేన్‌: నో వే హోమ్‌’ సెకండ్‌ ప్లేస్‌లోకి వెళ్లింది. - పోడూరి నాగ ఆంజనేయులు

హాలీవుడ్‌ నటికి ఊహించని విధంగా షాకిచ్చాడు ఆమె సహా నటుడు. జూలై 26న ఆమె బర్త్‌ డే సందర్భంగా విష్ చేసిన తీరు నెట్టింట తీవ్ర చర్చనీయాంశంగా మారింది. అంతే కాకుండా అతని వ్యవహరించిన తీరుపై నెటిజన్స్ సైతం మండిపడుతున్నారు. హాలీవుడ్ భామ సాండ్రా బుల్లక్ 59వ బర్త్‌ డే సందర్భంగా నటుడు ర్యాన్ రెనాల్డ్స్ చేసిన పోస్ట్ నెట్టింట తెగ వైరలవుతోంది. ఇంతకీ పోస్ట్‌లో ఏముందో తెలుసుకుందాం. (ఇది చదవండి: ప్రతి సినిమా ఓ పాఠం నేర్పించింది: రాజమౌళి ఎమోషనల్ ట్వీట్) హాలీవుడ్‌లో అత్యంత ఇష్టపడే హీరోయిన్లలో సాండ్రా బుల్లాక్ ఒకరు. ఆమె తన 59వ పుట్టినరోజును జూలై 26న బుధవారం జరుపుకున్నారు. ఈ సందర్భంగా ఆమె అభిమానులు సైతం విషెస్ తెలిపారు. హాలీవుడ్‌లోని పరిశ్రమలోని అనేక మంది స్నేహితులు, సహానటులు  విష్ చేశారు. కానీ.. ఆమె సహా నటుడు ర్యాన్ రెనాల్డ్స్ పోస్ట్ తీవ్రమైన చర్చకు దారితీసింది. ఆమెకు విష్ చేస్తూ వాళ్లిద్దరు 2009లో కలిసి నటించిన ది ప్రపోజల్ సినిమాలోను ఓ నగ్న వీడియోను పోస్ట్ చేశారు.   ర్యాన్ రెనాల్డ్స్‌ ఇన్‌స్టాలో రాస్తూ...'  అసమానమైన, అద్భుతమైన ప్రతిభ కలిగిన సాండ్రా బుల్లక్‌కు పుట్టినరోజు శుభాకాంక్షలు. ఈ సంవత్సరం మీ పుట్టినరోజు కోసం నేను మా ఇద్దరికీ సాన్నిహిత్యానికి సంబంధించిన సమన్వయకర్తలను పొందా. వారిలో ఒకరు హెచ్‌ఆర్ విభాగం, రెండోది దుస్తులు?' అంటూ వీడియోకు క్యాప్షన్ ఇచ్చాడు. గతంలో సాండ్రా బుల్లక్, ర్యాన్ రెనాల్డ్స్ నటించిన 'ది ప్రపోజల్' ఒక బాస్, ఉద్యోగి ప్రేమ ప్రయాణం కథాంశంగా తెరకెక్కించారు. గతంలో బుల్లక్ ఒకసారి 'ది ప్రపోజల్'లో నగ్న సన్నివేశాన్ని చిత్రీకరించడం వెనుక ఏమి జరిగిందో పంచుకున్నారు. ఇది చాలా "క్లోజ్డ్ సెట్" అని.. ఈ సీన్‌లో.. అవసరమైనప్పుడు మేకప్ ఆర్టిస్టులు తప్ప ఎవరినీ లోపలికి అనుమతించలేదని ఆమె చెప్పింది. ఆ సీన్‌లో మా ప్రైవేట్ భాగాలను చర్మం రంగులతో కప్పేసినట్లు సాండ్రా బుల్లక్ తెలిపింది.  (ఇది చదవండి: నిండు గర్భంతో పోకిరీ భామ.. బేబీ బంప్‌ ఫోటో వైరల్!) View this post on Instagram A post shared by Ryan Reynolds (@vancityreynolds)

Ryan Reynolds Goes Speechless When A Kid Ask About Kiss Scene: హాలీవుడ్‌ స్టార్‌ హీరో జాబితాలో ఒకరిగా చేరాడు ర్యాన్‌ రేనాల్డ్స్‌. ఆయన నటించిన డెడ్‌పూల్‌ 1, డెడ్‌పూల్ 2, ఫ్రీ గాయ్‌, రెడ్‌ నోటీస్‌ చిత్రాలు మంచి ప్రేక్షాదరణ పొందాయి. ఇందులో ఎప్పుడూ వాగుతూ, వ్యంగంగా మాట్లాడే హీరోగా అలరించాడు ర్యాన్. సినిమాల్లోనే కాకుండా నిజజీవితంలో కూడా ర్యాన్‌ది పెద్ద నోరేనట. ఎప్పుడూ తనదైన శైలీలో చమత్కారంగా కౌంటర్‌లు ఇస్తుంటాడు. అతని హాస్య చతురతని ఎవరూ బీట్‌ చేయలేరని కూడా ఓ టాక్ ఉంది. అయితే అందరినీ ఆటపట్టించే ర్యాన్‌ రేనాల్డ్స్‌కు ఓ పిల్లాడు వేసిన ప్రశ్న నోటి మాట రాకుండా చేసింది. సరదాగా ఉన్న ఈ వీడియో ప్రస్తుతం వైరల్ అవుతోంది.  ర్యాన్‌ రేనాల్డ్స్‌ తాజాగా నటించిన చిత్రం 'ది ఆడమ్‌ ప్రాజెక్ట్'. ఈ సినిమాకు సంబంధించి విలేకరులు సమావేశం ఏర్పాటు చేశారు. అందులో ప్రశ్నలు-సమాధానాలు సెషన్‌ను నిర్వహించారు. ఈ కార్యక్రమంలో ఒక చిన్న పిల్లవాడు (10 సంవత్సరాలు) మైక్‌ తీసుకుని సినిమాలో జో సల్దానాతో ముద్దు సీన్ గురించి ఆసక్తిగా అడిగాడు. 'మీరు ఆ అమ్మాయిని నిజంగానే ముద్దు పెట్టుకున్నారా ?' అని ర్యాన్‌ను ఆ పిల్లాడు ప్రశ్నించాడు. ఈ ప్రశ్నతో సమావేశంలోని అందరూ నవ్వడం ప్రారంభించారు. ఆ ప్రశ్నతో ఆశ్చర్యానికి గురైన ర్యాన్‌ కొద్దిసేపు ఆగి సమాధానం ఇచ్చాడు.  'ఒక రకంగా నిజమే అని అనుకుంటున్నాను. అయినా ఈ ప్రశ్నకు నేను ఎలా సమాధానం చెప్పగలను ? ఇక ఇది ప్రతీ చోటా ప్రసారం చేస్తారు. అంటే.. అది నా ఉద్దేశం కాదు.' అని చెప్పిన ర్యాన్ సమాధానానికి అందరూ అతన్ని చూసి నవ్వారు. తర్వాత తన సిగ్గును కొంచెం దాచిపెడుతూ 'నా సొంత పిల్లలకు ఈ విషయం గురించి ఎలా చెప్పాలో నాకు తెలియట్లేదు.  ఒకవేళ వారు ఇది చూసి, డాడీ.. మీరేం చేస్తున్నారు? అని అడిగితే ఇలానే స్పందిస్తానేమో. కోపం ఏం లేదు. కొద్దిగా నిరాశ మాత్రమే.' అని ర్యాన్ రేనాల్డ్స్‌ చెప్పాడు. ఆ పిల్లాడు అడిగిన ప్రశ్నకు చప్పట్లు కొట్టి.. సెటైరికల్‌గా అతనితో 'ఆ విధంగా ముగిసిందన్నమాట' అని అన్నాడు ర్యాన్‌ రేనాల్డ్స్‌.  View this post on Instagram A post shared by Netflix Geeked (@netflixgeeked)

టైటిల్‌: రెడ్‌ నోటీస్ నటీనటులు: డ‍్వేన్‌ జాన్సన్‌, ర్యాన్‌ రెనాల్డ్స్‌, గాల్‌ గాడోట్‌, రితు ఆర్య కథ, దర్శకత్వం: రాసన్‌ మార్షల్‌ థర్బర్‌ సంగీత దర్శకుడు: స్టీవ్‌ జాబ్లోన్‌స్కీ ఓటీటీ: నెట్‌ఫ్లిక్స్‌ దొంగతనం నేపథ్యంలో వచ్చే సినిమాలంటే ఇష్టపడనివారు ఉండరు. స్టైలిష్‌గా దొంగతనం చేయడం, పోలీసుల చేజింగ్‌లు ఆసక్తికరంగా ఉంటాయి. బాలీవుడ్‌లో వచ్చిన 'ధూమ్' సిరీస్‌ నుంచి రీసెంట్‌గా హాలీవుడ్‌ వెబ్‌ సిరీస్‌ 'మనీ హీస్ట్‌' వరకు ఆసక్తికరంగా ఉండేది ఈ అంశాలే. ఈ కథాంశంగా ఓటీటీ దిగ్గజం నెట్‌ఫ్లిక్స్‌ భారీ బడ్జెట్‌తో తెరకెక్కించిన చిత్రం 'రెడ్‌ నోటీస్‌'. ది రాక్‌ డ్వేన్‌ జాన్సన్‌, డెడ్‌పూల్‌ ర్యాన్‌ రెనాల్డ్స్‌, వండర్ వుమెన్‌ గాల్‌ గాడోట్‌ వంటి హాలీవుడ్‌ స్టార్‌లతో రూపొందిందీ చిత్రం. 160 మిలియన్‌ డాలర్ల బడ్జెట్‌తో తెరకెక్కిన ఈ చిత్రం మరి ఎంతవరకు సక్సెస్‌ అయిందో చూద్దామా..! కథ:  ఈజిప్ట్‌ రాణి అయిన క్లియోపాత్ర వివాహానికి తన తండ్రి పెళ్లి బహుమతిగా 3 ఎగ్స్‌ని ఇస్తాడు. కొంత కాలం తర్వాత ఆ 3 ఎగ్స్‌ మూడు  వివిధ ప్రాంతాల్లో ఉంటాయి. ఆ ఎగ్స్‌ను కొట్టేయడానికి ప్రపంచంలోనే అతిపెద్ద ఆర్ట్స్‌ (కళాఖండాలు) దొంగలుగా పేరొందిన బిషప్‌ (గాల్‌ గాడోట్‌), నోలన్‌ బూత్‌ (ర్యాన్‌ రెనాల్డ్‌) ఏ విధంగా కష్టపడ్డారు. ఎలా ఒకరిపై ఒకరు ఎత్తుగడలు వేశారు. వారికి ఎవరెవరూ సహాయం చేశారు.  ఈ దొంగతనాన్ని ఎఫ్‌బీఐ ప్రత్యేక ఏజెంట్‌ జాన్‌ హార్ట్లీ (డ్వేన్‌ జాన్సన్‌) ఎలా అ‍డ్డుకున్నాడు? వారితో ఎందుకు చేతులు కలిపి పని చేయాల్సి వచ్చింది ? అనేదే 'రెడ్ నోటీస్' కథ. విశ్లేషణ:  ప్రపంచంలోనే రెండవ అత్యుత్తమ ఆర్ట్స్‌ దొంగ అయిన నోలన్‌ బూత్‌ (ర్యాన్‌ రెనాల్డ్‌)ని పరిచయం చేస్తూ సినిమా ప్రారంభమవుతుంది. సినిమా ప్రారంభంలోనే ర్యాన్‌ రేనాల్డ్స్‌, డ్వేన్‌ జాన్సన్‌ మధ్య మంచి చేజింగ్‌, యాక్షన్ సీన్లు వస్తాయి. ఈ సీన్లతో స్టోరీలోకి నిమగ్నమవుతారు ప్రేక్షకులు. ప్రారంభంలోనే కాకుండా సినిమాలో వచ్చిన యాక్షన్‌ సీన్స్‌, అడ్వెంచర్స్‌ ఆకట్టుకుంటాయి. చిత్రాన్ని కేవలం యాక్షన్‌, చేజింగ్‌ సీన్స్‌తోనే కాకుండా కామెడీ ఎంటర్‌టైనర్‌గా కూడా రూపొందించారు డైరెక్టర్‌ రాసన్ మార్షల్‌ థర్బర్‌. ఈ దర్శకుడు ఈజీ ఏ, డ్వేన్‌ జాన్సన్‌తో స్కై స్క్రాపర్‌, డాడ్జ్‌బాల్‌ వంటి సినిమాలను తెరకెక్కించారు. సినిమాను ఏదో కొత్త తరహా అడ్వెంచర్‌గా ఉండదు.  కానీ దొంగతనం నేపథ్యంతోనే యాక్షన్‌, అ‍డ్వెంచర్స్‌తోపాటు కమర్షియల్‌గా తెరకెక్కించారు దర్శకుడు రాసన్.  సినిమాలో యాక్షన్స్, అడ్వెంచర్స్‌తో పాటు వచ్చే ట్విస్ట్‌లు చాలా ఆకట్టుకుంటాయి. సినిమాకు బ్యాక్‌గ్రౌండ్‌ స్కోర్‌ కూడా అద్బుతంగా ఉంది. ముగ్గురు స్టార్‌లను పెట్టి తీసిన డైరెక్టర్‌ మార్షల్‌ నిజంగా సక్సెస్ అయ‍్యారనే చెప్పొచ్చు. గాల్‌ గాడోట్‌, ర్యాన్ రెనాల్డ్స్‌, డ్వేన్‌ జాన‍్సన్‌ ముగ్గురు కనిపించే ప్రతీ ఫ్రేమ్‌ సూపర్‌గా ఉంటుంది. వీరి మధ్య ఉన్న కెమిస్ట్రీ, కోఆర్డీనేషన్‌ అదిరిపోయింది. సినిమా ఆద్యంతం ఈ ముగ్గురు చుట్టే తిరుగుతుంది. అలాగే చిత్రంలోని విజువల్స్‌ చాలా బాగున‍్నాయి. రెడ్‌ నోటీస్‌ నవంబర్ 5న థియేటర్లలో రిలీజ్‌ కాగా, నవంబర్ 12న నెట్‌ఫ్లిక్స్‌లో విడుదలైంది. ఈ చిత్రం చివర్లో సీక్వెల్‌ వచ్చే అవకాశం ఉన్నట్లు కూడా చూపించారు.  ఎవరెలా చేశారంటే..? ముందుగా ర్యాన్ రెనాల్డ్స్‌ గురించి మాట్లాడుకుంటే తనదైనా కామెడీ టైమింగ్‌తో సినిమా మొత్తం ఎంటర్‌టైన్‌ చేస్తాడు. యాక్షన్ సీన్స్‌తోపాటు జైలులో నుంచి తప్పించుకునేందుకే చేసే పనులు ఆకట్టుకుంటాయి. తాను ఉన్న ప్రతీ ఫ్రేమ్‌ వినోదభరితంగా ఉంటుంది. సినిమా బోర్‌  కొట‍్టకుండా ఉండేందుకు తను ప్రధాన కారణమని చెప‍్పకతప్పదు. ఇక వండర్‌ వుమెన్‌ గాల్‌ గాడోట్‌ తన అందచందాలతో ప్రేక్షకులను మంత్రముగ్ధుల్ని చేస్తుంది. కేవలం అందంతోనే కాకుండా తెలివైన దొంగగా, యాక్షన్ సీన్లలో అదరగొడుతుంది. గాల్‌ గాడోట్‌పై అంచనాలతో చూస్తే తను మిమ్మల్ని కచ్చితంగా నిరాశపరచదు. ఇక గాల్‌ ఎక్స్‌ప్రెషన్స్‌ గురించి ప్రత్యేకంగా చెప్పాల్సిన అవసరం లేదు. ఈ స్టార్స్‌ ముగ్గురు చేసే యాక్షన్‌ సీన్స్‌ వావ్‌ అనిపిస్తాయి. ది రాక్‌ డ్వేన్‌ జాన్సన్‌పై మాములుగానే ఎన్నో అంచనాలుంటాయి. ఆ అంచనాలకు తగ్గట్టుగా తనదైన సెటిల్డ్‌ పెర్మాఫెన్స్‌ ఇచ్చి ఆకట్టుకున్నారు జాన్సన్‌.  చదవండి: ఇండియన్‌ ఫుడ్‌ అంటే ఇష్టమంటున్న 'వండర్‌ వుమెన్‌'

Wonder Woman Gal Gadot Loves Indian Food: 'వండర్‌ వుమెన్‌' గాల్ గాడోట్‌, డ్వేన్‌ జాన్సన్, రేయాన్‌ రెనాల్డ్స్‌ కలిసి నటించిన 'రెడ్‌ నోటీస్' మూవీ సక్సెస్‌లో దూసుకుపోతుంది. ఈ విజయాన్ని ఆనందిస్తున్న గాల్‌ గాడోట్‌ ఇటీవల తనకు ఇష్టమైన భారతీయ వంటకాల గురించి చెప్పుకొచ్చింది. ఓటీటీ దిగ్గజమైన నెట్‌ఫ్లిక్స్‌ షేర్‌ చేసిన వీడియోలో తనకు వెల్లుల్లి నాన్‌తో చేసిన బటర్‌ చికెన్‌ అంటే చాలా ఇష్టమని చెప్పింది. ఇంకా ఆ వీడియోలో 'నాకు మసాల చికెన్‌  టిక్కా అంటే చాలా ఇష్టం. కానీ వెల్లుల్లి నాన్‌తో చేసిన బటర్‌ చికెన్‌ అంటే చాలా చాలా చాలా ఇష్టం. పెరుగు కూడా ఇష్టమే. నేను భారీతీయ వంటకాలను ఇష్టపడతాను.' అని చెప్పింది. 'రెడ్‌ నోటీస్‌'ను ఇంతలా ఆదరించినందుకు సినిమా నటీనటులు కృతజ్ఞతలు తెలిపారు.  రాసన్‌ మార్షల్‌ థర్బర్‌ రచించి, దర్శకత్వం వహించిన 'రెడ్‌ నోటీస్‌' నవంబర్‌ 5న థియేటర్లలో రిలీజైంది. అలాగే నవంబర్‌ 12న ఓటీటీ ప్లాట్‌ఫామ్‌ నెట్‌ఫ్లిక్స్‌లో విడుదలై మంచి టాక్‌ సంపాదించుకుంది. 'రెడ్‌ నోటీస్‌' అంటే ఇంటర్నేషనల్‌ క్రిమినల్స్‌ను పట్టుకోడానికి ఇంటర్‌పోల్‌ జారీ చేసే గ్లోబల్‌ హెచ్చరిక. మోస్ట్ వాంటెడ్‌ ఆర్ట్‌ దొంగగా గాల్‌ గాడోట్‌ అద్భుతంగా నటించారు. డిస్నీ సంస్థలో రాబోయే లైవ్‌-యాక్షన్‌ అడాప్టేషన్‌ మూవీ 'స్నో వైట్‌'లో గాడోట్‌ ఈవిల్‌ క్వీన్‌గా నటించనుంది. బ‍్రదర్స్‌ గ్రిమ్‌ అద్భుత కథ ఆధారంగా ఈ సినిమా తెరకెక్కనుంది.  View this post on Instagram A post shared by Netflix India (@netflix_in)

Netflix Red Notice నెట్‌ఫ్లిక్స్‌ చరిత్రలో భారీ బడ్జెట్‌తో తెరకెక్కిస్తున్న సినిమా రెడ్‌ నోటీస్‌. కామెడీ యాక్షన్‌ థ్రిల్లర్‌గా తెరకెక్కుతున్న ఈ హాలీవుడ్‌ మూవీలో ర్యాన్‌ రెనాల్డ్స్‌, గాల్‌ గాడోట్‌, డ్వేన్‌ జాన్సన్‌, రీతూ ఆర్య లీడ్‌ రోల్స్‌లో కనిపించబోతున్నారు. సుమారు 200 మిలియన్ల డాలర్లతో(దాదాపు 1500 కోట్లు) తెరకెక్కుతున్న ఈ సినిమా రిలీజ్‌ డేట్‌ అనౌన్స్‌ చేశారు.  నవంబర్‌ 12న ఈ సినిమా రిలీజ్‌ కాబోతున్నట్లు డ్వేన్‌ జాన్సన్‌(ది రాక్‌) తన ఇన్‌స్టాగ్రామ్‌ ద్వారా ద్వారా అనౌన్స్‌ చేశాడు. అంతేకాదు తమ మీద నమ్మకంతో అంతేసి పెట్టుబడి పెట్టినందుకు నెట్‌ఫ్లిక్స్‌కు థ్యాంక్స్‌ తెలియజేశాడు. ఈ ఏడాది మోస్ట్‌ అవెయిటింగ్‌ మూవీగా అంచనాలు పెంచినందుకు అభిమానులకు, నెటిఫ్లిక్స్‌ యూజర్లకు సైతం కృతజ్ఞతలు తెలియజేశాడు. కాగా, రాసన్‌ మార్షల్‌ థంబర్‌ డైరెక్ట్‌ చేస్తున్న ఈ మూవీ.. దొపిడీ నేపథ్యంతో తెరకెక్కింది. గాడ్‌గోట్‌, రెనాల్డ్స్‌ క్రిమినల్స్‌గా, రాక్‌ ఎఫ్‌బీఐ ఆఫీసర్‌గా కనిపించబోతున్నాడు. ఇక రెడ్‌ నోటీస్‌లో యాక్షన్‌ సీన్లకు ఎలాంటి కొదువ ఉండబోదని నెట్‌ఫ్లిక్స్‌ ప్రకటించింది. View this post on Instagram A post shared by therock (@therock)

వాషింగ్టన్: కెన‌డాకు చెందిన‌ మారా సోరియాన్ అనే మ‌హిళ జూలై 24న ఇల్లు మారే క్ర‌మంలో త‌న టెడ్డీబేర్ క‌నిపించ‌ట్లేద‌ని గ‌మ‌నించింది. మొత్తం అన్నీ వెతుకుతుండ‌గా త‌న ఐపాడ్ కూడా క‌నిపించ‌క‌పోవ‌డంతో ఎవ‌రో దొంగ‌త‌నం చేశార‌ని అర్థ‌మైంది. అది మామూలు బొమ్మ అయితే ప‌ట్టించుకునేది కాదేమో కానీ, ఆ బొమ్మ‌లో నుంచి "ఐ ల‌వ్ యూ", "నిన్ను చూసి గ‌ర్విస్తున్నాను", "నేనెప్పుడూ నీ వెంటే ఉన్నాను" అన్న మాట‌లు వినిపిస్తాయి. ఇవి గతేడాది చ‌నిపోయిన ఆమె త‌ల్లి చివ‌రి మాట‌లు.. దీంతో ఆమె త‌న టెడ్డీబేర్ తిరిగిచ్చేయండంటూ సోష‌ల్ మీడియాలో వేడుకుంది. (ధ్రువ సర్జా, రష్మికా ‘పొగరు’) ఈ పోస్ట్ డెడ్‌పూల్ స్టార్ హీరో ర్యాన్ రెనాల్డ్స్ కంట‌ప‌డింది. వెంట‌నే ఆయ‌న ఆ బొమ్మ‌ను ఆమె ద‌గ్గ‌రికి చేర్చిన‌వారికి 5 వేల డాల‌ర్లు ఇస్తాన‌ని ప్ర‌క‌టించారు. ఆమెకు తిరిగి బొమ్మ దొరికేంత‌వ‌ర‌కు మ‌నమంద‌రు సాయం చేయాలని చెప్పుకొచ్చారు. మ‌హిళ‌కు మ‌ద్ద‌తు తెలుపుతూ ఆమె పోగొట్టుకున్న‌ బొమ్మ కోసం న‌జ‌రానా ప్ర‌క‌టించ‌డంపై ర్యాన్ అభిమానులు హీరోను పొగ‌డ్త‌ల‌తో ముంచెత్తుతున్నారు. "ఇందుకే మేము మీకు అభిమానుల‌మ‌య్యాము" అంటూ కామెంట్లు చేస్తున్నారు. మ‌రికొంద‌రు ఆ బొమ్మ‌కు ఏమీ కావ‌ద్ద‌ని, అది తిరిగి స‌ద‌రు మ‌హిళ చెంత‌కు చేరాల‌ని ప్రార్థిస్తున్నారు. (అత్యాచారం కేసులో న‌టుడి అరెస్ట్‌) Vancouver: $5,000 to anyone who returns this bear to Mara. Zero questions asked. I think we all need this bear to come home. https://t.co/L4teoxoY50 — Ryan Reynolds (@VancityReynolds) July 25, 2020

హాలీవుడ్‌ ‘డెడ్‌పూల్‌’ సినిమా హీరో ర్యాన్‌ రెనాల్డో పుట్టిన రోజు సందర్భంగా అభిమానులు, సన్నిహితులు సహా ఎంతో మంది ఆయనకు శుభాకాంక్షలు తెలిపారు. అయితే వాటన్నింటిలో ర్యాన్‌ భార్య బ్లేక్ లైవ్లీ తెలిపిన విషెస్‌ ప్రత్యేకంగా నిలిచాయి. తామిద్దరం కలిసిన ఉన్న ఫోటోకి బ్లేక్‌ జత చేసిన ట్యాగ్‌ నవ్వులు పూయిస్తోంది. బ్లేక్‌ తన భర్త ర్యాన్‌ ముక్కు దగ్గర వేలు పెడుతూ ఉన్న ఫోటోకి ‘ఉత్తమమైనదే నేను ఎంచుకున్నాను, హ్యాపీ బర్త్‌ డే ర్యాన్‌’ అంటూ సరదా క్యాప్షన్‌ జతచేశారు. బ్లేక్‌ షేర్‌ చేసిన ఈ ఫోటోకి అభిమానులు ఫిదా అవుతున్నారు. ఒక్కరోజులోనే 40 మిలియన్ల లైక్‌లు కొట్టి ఆమెపై అభిమానం చాటుకున్నారు.  View this post on Instagram I picked a good one. Happy birthday @vancityreynolds 🎈 A post shared by Blake Lively (@blakelively) on Oct 23, 2019 at 3:37pm PDT ఈ పోస్ట్‌ చూసిన బ్లేక్‌ సోదరి ‘క్రస్టీ వన్‌ ఆల్‌రైట్‌’  అంటూ ఆకుపచ్చ హార్ట్‌ ఎమోజీతో సరదాగా కామెంట్‌ చేసింది. అలాగే ర్యాన్‌తో కలిసి ‘హిట్‌మ్యాన్స్‌ బాడిగార్డ్‌’ మూవీలో నటించిన సల్మా హాయక్‌ కూడా ర్యాన్‌ను తన భార్య బ్లేక్‌ తరహాలోనే ఆటపట్టించింది.  ఇక హాలీవుడ్‌ స్టార్‌ కపుల్‌గా పేరొందిన ర్యాన్‌ , బ్లేక్‌లు 2012లో ప్రేమ వివాహం చేసుకుని ఒక్కటయ్యారు. ఈ జంటకు ముగ్గురు పిల్లలు ఉన్నారు. View this post on Instagram Yes, Ryan, I am using your birthday to post this picture where I don’t look so bad, while you look all beat up, and also I’d like to take this opportunity to remind you that you were gonna send me some Aviation gin for MY birthday AND THAT WAS ALMOST TWO MONTHS AGO... If you want to see more picture of yourself, please look at my stories... oh and Happy Birthday by the way. Sí, Ryan, estoy usando tu cumpleaños para publicar esta foto en la que no me veo tan mal, mientras tu te ves golpeadisimo, y también quiero aprovechar esta oportunidad para recordarte que me ibas a mandar unas botellas de tu ginebra “Aviation” para mi cumpleaños y que fue hace casi dos meses! Si quieres ver más fotos tuyas checa mis historias. Ah y por cierto, feliz cumpleaños. @vancityreynolds #aviationgin @aviationgin 📸 @samanthalopezs A post shared by Salma Hayek Pinault (@salmahayek) on Oct 23, 2019 at 9:15am PDT

సూపర్‌ హీరో సినిమాలంటే ఎలా ఉండాలి? భారీ విజువల్‌ ఎఫెక్ట్స్‌.. అదిరిపోయే యాక్షన్‌ సీన్లు.. గాల్లోకి ఎగిరి విలన్ల భరతం పట్టే హీరో.. ఎలాంటి పనైనా ఇట్టే చేయగల పవర్స్‌.. విధ్వంసం సృష్టించే విలన్‌.. అబ్బా! ఒకటా రెండా సినిమా అంతా హంగామా. 2016లో ఇలాంటి అన్ని హంగులూ ఉంటూనే ఒక కొత్తదనం చూపించిన సూపర్‌ హీరో సినిమా వచ్చింది. దాని పేరు ‘డెడ్‌పూల్‌’. డెడ్‌పూల్‌ చూపిన కొత్తదనం ఏంటంటే.. కామెడీ, యాక్షన్‌ సినిమా అన్న బ్రాండ్‌నే ఏళ్లుగా సంపాదించి పెట్టుకున్న సూపర్‌ హీరో జానర్‌..  ‘డెడ్‌పూల్‌’తో కామెడీగా కూడా మెప్పించగలదని నిరూపించింది.   ఈ ప్రయోగం సూపర్‌ హీరో జానర్‌ ఫ్యాన్స్‌కు పిచ్చి పిచ్చిగా నచ్చింది. ‘డెడ్‌పూల్‌’ బ్లాక్‌బస్టర్‌ అయింది. దీంతో ఆ వెంటనే ‘డెడ్‌పూల్‌’కు సీక్వెల్‌ను పట్టుకొచ్చేసింది మార్వెల్‌ స్టూడియోస్‌. ఈ మధ్యే విడుదలైన ‘డెడ్‌పూల్‌ 2’ ట్రైలర్‌కు అద్భుతమైన రెస్పాన్స్‌ వస్తోంది. కేబుల్‌ క్యారెక్టర్‌ కోసం ప్రత్యేకంగా విడుదల చేసిన ట్రైలర్‌ అయితే ఫ్యాన్స్‌కు పండగ వాతావరణాన్ని తెచ్చిపెట్టింది. డెడ్‌పూల్, కేబుల్‌ మధ్యన వచ్చే సన్నివేశాలు అదిరిపోయేలా ఉంటాయని ట్రైలర్‌ స్పష్టం చేస్తోంది. ఈ రెండు క్యారెక్టర్స్‌తో ఇటు యాక్షన్, అటు కామెడీ రెండింటికీ తిరుగుండదని తెలుస్తోంది. 2018 మే 18న విడుదల కానున్న ఈ సినిమాకు డేవిడ్‌ లీచ్‌ దర్శకత్వం వహించాడు. డెడ్‌పూల్‌ క్యారెక్టర్‌లో ర్యాన్‌ రేనాల్డ్స్‌ నటించాడు.


 మన హీరోలు తెర మీదే కాదు.. తెర వెనుక కూడా హీరోలుగా నిరూపించుకున్న సందర్భాలు చాలా ఉన్నాయి. తాజాగా ఓ హాలీవుడ్ హీరో తన అభిమాని కోసం స్పందించిన తీరు అందరిని ఆకట్టుకుంది. హాలీవుడ్ లో సక్సెస్ ఫుల్ సీరీస్ గా పేరు తెచ్చుకున్న డెడ్ పూల్ తో స్టార్  ఇమేజ్ సొంతం చేసుకున్న హీరో ర్యాన్ రెనాల్డ్స్. అతీంద్రియ శక్తులతో తనను అంతమొందించాలనుకున్న వారి ఆట కట్టించే హీరో కథలో ఈ సినిమా తెరకెక్కింది.
 
 డెడ్ పూల్ సినిమా చూసిన ఐదేళ్ల చిన్నారి డేనియల్ డానింగ్.. ర్యాన్ రెనాల్డ్స్ కు వీరాభిమానిగా మారిపోయాడు. ప్రస్తుతం బ్రెయిన్ ట్యూమర్ తో బాధపడుతున్న డేనియల్, మరికొద్ది రోజుల్లో మాత్రమే జీవిస్తాడని తెలియడంతో అతని అభిమాన హీరో స్పందించాడు. తన బుల్లి అభిమాని స్వయంగా వీడియో కాల్ చేసి మాట్లాడాడు.
 
 తాను ప్రస్తుతం ఏ సినిమా చేస్తున్నాడు, ఆ సినిమా ఎలా ఉండబోతుంది అన్న విషయాలను ఆ చిన్నారితో పంచుకున్నాడు. అంతేకాదు ప్రస్తుతం షూటింగ్ లో బిజీగా ఉన్నానని, త్వరలోనే స్వయంగా వచ్చి కలుస్తానని మాట ఇచ్చాడు. తన అభిమాన హీరో కాల్ చేయడానికి ముందు వరకు చాలా నీరసంగా కనిపించిన తన కొడుకు ర్యాన్ ఫోన్ చేసిన తరువాత చాలా ఉత్సాహంగా కనిపిస్తున్నాడని.. ఆ చిన్నారి తల్లి తెలిపారు.


 బాలీవుడ్ హీరోయిన్ ప్రియాంక చోప్రా కెరీర్ టాప్ స్పీడ్ తో దూసుకుపోతోంది. గత ఏడాది వరుస విజయాలు ఆమెను వరించాయి. అమెరికా టీవీ సిరీస్ 'క్వాంటికో' నటించడం ఆమెకు ప్రశంసలు తెచ్చిపెడితే.. దిల్ ధడక్నే దో, బాజీరావు మస్తానీ వంటి సినిమాలు విజయాలను ఇచ్చాయి. దీనికి తోడు ఈ ఆస్కార్ అవార్డుల వేడుకలో విజేతకు పురస్కారం అందజేసే అరుదైన గౌరవం కూడా ప్రియాంకను వరించింది. ఈ ఆనందం ఇలా కొనసాగుతుండగా మరోవైపు హాలీవుడ్ ఆఫర్లు ఈ అమ్మడి గుమ్మం ముందు ఎదురుచూస్తున్నాయి.
 
 తాజాగా హాలీవుడ్ స్టార్ ర్యాన్ రేనాల్డ్స్ కూడా ఈ దేశీగర్ల్ పై మనసు పారేసుకున్నారు. తాజాగా ఓ ఇంటర్వ్యూలో రేనాల్డ్స్ మాట్లాడుతూ ప్రియాంకపై ప్రశంసల వర్షం కురిపించారు. ఇప్పటికే ఓ హాలీవుడ్ సినిమాలో కనిపించిన ఆమెతో కలిసి నటించాలని ఉందని తన ఆకాంక్షను వ్యక్తం చేశారు. 'నేను ఆమె నటించిన 'క్వాంటికో' చూడలేదు. కానీ ఆమె ఇంటర్వ్యూలు చూశాను.  చాలా చార్మింగ్ గా ఉంది. ఆమెకు గొప్ప ఫ్యాన్ ఫాలోయింగ్ ఉంది. గొప్పగా నటిస్తోంది. ఆమెతో కలిసి పనిచేయడాన్ని నేను ఇష్టపడతాను.  ఎందుకు ఆమె అంతా బిగ్ స్టార్ అయిందో నేను స్వయంగా చూస్తాను' అని 'డెడ్ పూల్' స్టార్ రేనాల్డ్స్ పేర్కొన్నారు. బాలీవుడ్ సినిమాల గురించి కూడా ఆయన కొనియాడారు. బాలీవుడ్ సినిమాలు తనకు ఎంతగానో నచ్చుతాయని, అవి ఎంతో సహజంగా, ఆకర్షణీయంగా ఉంటాయని ఆయన అన్నారు.