తాడిపత్రి టౌన్‌: విలేజ్‌ క్లినిక్‌లలోని డాక్టర్లపై రాష్ట్ర వైద్య, ఆరోగ్యశాఖ మంత్రి సత్యకుమార్‌ నోరుపారేసుకున్న ఘటన మరిచిపోకముందే తాజాగా ఓ సీఐపైనా ఆయన తన నోటికి పనిచెప్పారు. ‘రోజూ చిల్లర తీసుకునే చిల్లర గాడివి’ అంటూ అనంతపురం జిల్లా తాడిపత్రి సీఐ సాయిప్రసాద్‌పట్ల ఫోన్‌లో వివాదాస్పద వ్యాఖ్యలు చేశారు. దీంతో ఆ సీఐ తీవ్ర మనస్తాపానికి గురయ్యారు. విషయం ఏమిటంటే.. ‘ఆపరేషన్‌ సిందూర్‌’ విజయవంతం కావడంతో తాడిపత్రి పట్టణంలో వీహెచ్‌పీ నాయకులు బుధవారం స్థానిక పోలీస్‌స్టేషన్‌ సర్కిల్‌లో బాణాసంచా కాలుస్తూ సంబరాలు చేసుకున్నారు. అదే సమయంలో స్టేషన్‌కు వచ్చిన ఏఎస్పీ రోహిత్‌కుమార్‌ ఇది గమనించి బాణాసంచా కారణంగా వాహనదారులకు, పిల్లలకు ప్రమాదం జరిగే అవకాశం ఉందని, వారిని స్టేషన్‌కు తీసుకురావాలని సీఐ సాయిప్రసాద్‌ను ఆదేశించారు. సీఐ అక్కడికి వెళ్లి సంబరా­లు చేసుకోవడానికి అనుమతిలేదని, స్టేషన్‌కు రా­వా­లన్నారు. ఈ క్రమంలో.. వీహెచ్‌పీ నాయకుల్లో ఒకరు సీఐ కాలర్‌ పట్టుకున్నారు. దీంతో ఆయన ఆగ్రహంతో వారిని బలవంతంగా స్టేషన్‌కు తీసుకొచ్చారు. అక్కడ వీహెచ్‌పీ నేతల్లో ఒకరు మంత్రి సత్యకుమార్‌కు ఫోన్‌చేసి సీఐకి ఇవ్వగా.. ‘రోజూ చిల్లర తీసుకునే చిల్లరగాడివి’.. అంటూ సీఐను మంత్రి దూషించినట్లు తెలిసింది. ఫోన్‌ పెట్టేసిన వెంటనే సీఐ.. ‘నేనేమీ చిల్లర తీసుకునే వాణ్ణి కాదు.. నన్ను వేరే స్టేషన్‌కు మార్చుకోమనండి.. ఐదు నిమిషాల్లో వెళ్లిపోతా. పోస్టు పీకి పడేస్తే టీకొట్టు పెట్టుకుని బతుకుతా. మీ అందరిపై కేసు బుక్‌చేసి పడేస్తా. అధికారం ఉంది కాబట్టి కేసు మూసేసుకుంటారేమో.. ఐదేళ్ల తర్వాత మళ్లీ ఓపెన్‌ చేసి పడేస్తా.. ఏం చేస్తారు?’ అంటూ వీహెచ్‌పీ నాయకులపై ఆయన ఫైర్‌ అయ్యారు.

సాక్షి, అమరావతి/నెల్లూరు(అర్బన్‌): సమస్యలు చెప్పుకోవడానికి వచ్చిన మహిళా కమ్యూనిటీ హెల్త్‌ ఆఫీసర్ల(సీహెచ్‌వో)పై వైద్య, ఆరోగ్య శాఖ మంత్రి సత్యకుమార్‌ యాదవ్‌ జులుం ప్రదర్శించారు. ‘మీ బాధలు వినడం మా పని కాదు’ అంటూ చిందులు తొక్కారు. సమ్మె విరమించి వెంటనే విధుల్లో చేరకపోతే ఉద్యోగాలు ఊడగొడతామని హెచ్చరించారు. గ్రామాల్లో విలేజ్‌ క్లినిక్స్‌ ద్వారా ప్రజలకు వైద్య సేవలందించే సీహెచ్‌వోలు తమను రెగ్యులర్‌ చేయాలని, ఎన్‌హెచ్‌ఎం ఉద్యోగులతో సమానంగా 23 శాతం వేతనాలు పెంచాలని, సమస్యలు పరిష్కరించాలని కోరుతూ సమ్మె బాట పట్టారు. ఈ నేపథ్యంలో శనివారం నెల్లూరు పర్యటనకు వెళ్లిన మంత్రి సత్యకుమార్‌ యాదవ్‌కు తమ గోడు చెప్పుకోవడానికి మహిళా సీహెచ్‌వోలు ఆయనను కలిశారు.వినతిపత్రం అందజేసిన సీహెచ్‌వోలకు సమస్యలు చెప్పుకునే అవకాశం ఇవ్వకుండా మంత్రి ఆగ్రహం వ్యక్తం చేశారు. ‘మిమ్మల్నెవరు లోనికి రానిచ్చారు’ అంటూ రెచ్చిపోయారు. అందరూ వెంటనే సమ్మె విరమించి విధులకు హాజరు కావాలని హుకుం జారీ చేశారు. లేదంటే ఏఎన్‌ఎంలతో విలేజ్‌ క్లినిక్‌లు నడుపుకుంటామన్నారు. సీహెచ్‌వోలందరినీ ఉద్యోగాల నుంచి తొలగిస్తే ప్రభుత్వానికి రూ.500 కోట్ల భారం తగ్గుతుందన్నారు. ఓ వైపు బెదిరింపు ధోరణితో మాట్లాడుతూనే మీ పట్ల ప్రభుత్వం సానుకూలంగా ఉందని చెప్పుకొచ్చారు. ప్రభుత్వాన్ని బ్లాక్‌మెయిల్‌ చేయాలని చూస్తున్నారని మండిపడ్డారు.కంగుతిన్న సీహెచ్‌ఓలు ‘సార్‌.. మా బాధలు ఒక్కసారి చెప్పుకోనివ్వండి’ అని బతిమాలుకున్నా మంత్రి వినలేదు. ‘యూనియన్లు పెట్టుకుని వంద మందిని చెడగొడతారు’ అంటూ వారిని కసురుకున్నారు. దీంతో ప్రభుత్వం ఇస్తున్న వేతనాలు కుటుంబ ఖర్చులు, పిల్లల పోషణకు చాలడం లేదని, జీవన వ్యయం పెరిగి తీవ్ర ఇబ్బందులు పడుతున్నామని సీహెచ్‌వోలు ఆవేదన వ్యక్తం చేశారు. ప్రభుత్వం తమ సమస్యల్ని అర్థం చేసుకోవాలని మంత్రిని సీహెచ్‌వోలు అభ్యరి్థంచగా.. వారి ఆవేదనను చెవికి ఎక్కించుకోలేదు.నోరు, కళ్లు మూసుకుని సీహెచ్‌వోల వినూత్న నిరసన చిలకలపూడి (మచిలీపట్నం): ఆయుష్మాన్‌ భారత్‌లో కమ్యూనిటీ హెల్త్‌ ఆఫీసర్లు (సీహెచ్‌వో)గా పనిచేస్తున్న తమ సమస్యలపై సీఎం చంద్రబాబు, ఉప ముఖ్యమంత్రి పవన్‌ కళ్యాణ్‌ స్పందించాలని కమ్యూనిటీ హెల్త్‌ ఆఫీసర్ల సంఘ నాయకుడు వి.నాగబాబు డిమాండ్‌ చేశారు. కృష్ణాజిల్లా మచిలీపట్నంలోని ధర్నా చౌక్‌ వద్ద కమ్యూనిటీ హెల్త్‌ ఆఫీసర్లు చేస్తున్న శాంతియుత నిరసన శనివారం ఆరో రోజూ కొనసాగింది. వారంతా నోరు, కళ్లు మూసుకుని వినూత్నంగా నిరసన తెలిపారు.

సాక్షి, పుట్టపర్తి: రాష్ట్ర బీసీ సంక్షేమ శాఖ మంత్రి సవిత ప్రాతినిధ్యం వహిస్తున్న శ్రీ సత్యసాయి జిల్లా పెనుకొండ నియోజకవర్గంలో వైద్య, ఆరోగ్య శాఖ మంత్రి సత్యకుమార్‌ అనుచరులు, మాజీ మంత్రి పల్లె రఘునాథరెడ్డి అనుయాయుల మధ్య భూ వివాదం రచ్చకెక్కింది. ఇరు వర్గాలు తరచూ ఘర్షణలకు దిగుతుండడంతో చుట్టుపక్కల రైతులు.. కియా కార్ల పరిశ్రమ వద్ద ఉన్న చిరు వ్యాపారులు ఇబ్బందులు పడుతున్నారు. కొన్నేళ్లుగా తెగని భూ పంచాయితీతో పదేపదే పోలీస్‌ స్టేషన్‌కు వెళ్లడం, దారులు మూసేయడం, జేసీబీలతో రోడ్లు ధ్వంసం చేస్తుండడంతో ప్రజలు భయభ్రాంతులకు గురవుతున్నారు. తాజాగా రాడ్లు, కర్రలతో గొడవకు దిగడంతో ఉద్రిక్తత నెలకొంది. విలువ పెరగడంతో వివాదం కియా కార్ల కంపెనీ వచ్చిన సమయంలో అప్పటి టీడీపీ ప్రభుత్వంలో మంత్రిగా ఉన్న పల్లె రఘునాథరెడ్డి, మరో ముగ్గురు కలిసి సుమారు 251 ఎకరాలు కొన్నారు. అప్పట్లో ఎకరా సగటున రూ.20 లక్షలు కూడా లేదు. ఇప్పుడు ధరలు విపరీతంగా పెరిగాయి. మొత్తం భూమిలో రోడ్డు పక్కనే ఉన్నదానిని, ఇతర భూమిని భాగాలుగా చేసి, విలువ కట్టి ఎవరికివారుగా అగ్రిమెంట్లు చేసుకుని కొంత భూమి అమ్ముకున్నారు. ప్రస్తుతం రోడ్డుకు ఆనుకుని ఉన్న సుమారు 50 ఎకరాలపై పల్లె రఘునాథరెడ్డి, ముదిగుబ్బ ఎంపీపీ, బీజేపీ నేత ఆదినారాయణ మధ్య వివాదం రేగింది. ఈ క్రమంలోనే మంత్రి సత్యకుమార్‌ సన్నిహితుడైన ఎంపీపీ ఆదినారాయణ అనుచరులు ఆదివారం సాయంత్రం కియా వద్ద ఉన్న భూమిలోకి వెళ్లారు. పల్లె రఘునాథరెడ్డి అనుచరుడైన ప్రభాకర్‌ యాదవ్‌పై దాడి చేశారు. దీంతో ఘర్షణ వాతావరణం నెలకొంది. పోలీసులు రంగంలోకి దిగడంతో తర్వాత సద్దుమణిగింది. సీఎం వరకు ఫిర్యాదులు వివాదాస్పద భూమిలోకి వెళ్లే రోడ్డును గతంలో మాజీ మంత్రి ధ్వంసం చేయించారు. ఫలితంగా రాకపోకలకు ఇబ్బంది తలెత్తింది. ఆ మార్గంలో గోదాములకు వాహనాలు వెళ్లడం కష్టమైంది. దీనిపై బాధితులు జిల్లా పోలీసు అధికారులకు ఫిర్యాదు చేశారు. అంతేకాక సదరు కంపెనీ యాజమాన్యం సీఎం చంద్రబాబుకు కూడా లిఖితపూర్వకంగా ఫిర్యాదు పంపింది. ముందుగా చేసుకున్న ఒప్పందం ప్రకారం అద్దె చెల్లించినా.. సరుకు నిల్వ చేసుకునేందుకు వాహన రాకపోకలకు ఇబ్బంది కలిగిందని వాపోతున్నారు.ఆదినారాయణ నుంచి ప్రాణ హాని.. ‘‘ముదిగుబ్బ ఎంపీపీ ఆదినారాయణ నుంచి నాకు ప్రా­ణహాని ఉంది. నవంబరు ఆఖరులో గొడవకు దిగడంతో కియా పోలీస్‌ స్టేషన్‌లో ఆయనపై ఫిర్యా­దు చే­శా. కేసు కూడా నమోదైంది’’ అని ప్రభాకర్‌ చెప్పారు. ‘పల్లె’ చిల్లర వేషాలు మానుకోవాలి.. తమ భూమిని ఆక్రమించి పల్లె రఘునాథ్‌రెడ్డి కాంపౌండ్‌ వేయడంతోనే సమస్య వచి్చందని ఆదినారాయణ అంటున్నారు. ఈ తగాదా ఏడేళ్లుగా నడుస్తోందని, పల్లె చిల్లర రాజకీయాలు మానుకోవాలని సూచించా. లేదంటే రానున్న రోజుల్లో మరిన్ని పరిణామాలు చూడాల్సి వస్తుందని హెచ్చరించారు. మంత్రి సత్యకుమార్‌ జిల్లాకు వచ్చి ఎనిమిది నెలలే అవుతోందని.. వివాదంలోకి ఆయనను ఎందుకు లాగుతున్నారని ప్రశ్నించారు.

సాక్షి, అమరావతి: రాష్ట్రంలో తొలిసారిగా క్లినికల్‌ సైకాలజీ(Clinical Psychology) కోర్సులు ప్రారంభమవుతున్నాయి. రెండేళ్ల వ్యవధితో ఎం.ఫిల్, ఏడాది వ్యవధితో ప్రొఫెషనల్‌ డిప్లొమా ఇన్‌ క్లినికల్‌ సైకాలజీ కో­ర్సులు త్వరలో అందుబాటులోకి రానున్నా­యి. ఇందుకోసం క్లినికల్‌ సైకాలజీ విద్యను ని­యంత్రించే రిహాబిలిటేషన్‌ కౌన్సిల్‌ ఆఫ్‌ ఇండియాతో అధికారులు సంప్రదింపులు జరుపుతు­న్నారు.మానసిక సమస్యలతో బాధపడుతు­న్న వారికి వ్యాధి నిర్ధారణ, చికిత్స అందించడంతో పాటు వారు పూర్తిగా కోలుకోవడంలో క్లిని­కల్‌ సైకాలజిస్ట్‌లు కీలకపాత్ర వహిస్తారు. కాగా, ఈ కోర్సుల కోసం మార్గదర్శకాలు తయా­రు చే­యాలని అధికారులను ఆదేశించినట్లు వైద్య, ఆ­రో­గ్య శాఖ మంత్రి సత్యకుమార్‌యాదవ్‌(Satyakumar Yadav)తెలిపారు.

గుంటూరు మెడికల్‌ : పీజీ వైద్య విద్య కౌన్సెలింగ్‌ ప్రక్రియను ఎన్టీఆర్‌ హెల్త్‌ యూనివర్సిటీ వారు ఇష్టానుసారంగా నిర్వహిస్తున్నారని, దీని ద్వారా వైద్య విద్యార్థులు, వారి తల్లిదండ్రులు ఆత్మహత్యలు చేసుకునే పరిస్థితి ఏర్పడిందని పీజీ వైద్య విద్యార్థిని తండ్రి, గుంటూరు హౌసింగ్‌ బోర్డు కాలనీకి చెందిన టీడీపీ కార్యకర్త రఘుబాబు ఆందోళన వ్యక్తం చేశారు. శుక్రవారం గుంటూరు వైద్య కళాశాలకు వచ్చిన వైద్య ఆరోగ్య శాఖ మంత్రి సత్యకుమార్‌యాదవ్‌ ఎదుట ఆయన ఈ విధంగా మొరపెట్టుకున్నారు. మొదటి కౌన్సెలింగ్‌ సమయంలో ఒక ఆర్డర్, రెండో కౌన్సెలింగ్‌ సమయంలో మరో ఆర్డర్‌ ఇచ్చారని, ఇప్పుడు మూడో కౌన్సెలింగ్‌కు యూనివర్సిటీ అధికారులు రంగం సిద్ధం చేసినట్టు తెలిపారు. ఆలిండియా కౌన్సెలింగ్‌ ఇంకా ప్రారంభం కాలేదని, అది ప్రారంభమయ్యాకే మూడో విడత కౌన్సెలింగ్‌ నిర్వహించాలన్నారు. ఫ్రీ ఎగ్జిట్‌కు శుక్రవారం నుంచి సోమవారం ఉదయం వరకు అవకాశం ఇచ్చారని, సోమవారం క్లోజ్‌ చేయడం వల్ల ఆలిండియా కోటాలో ఏపీ వైద్య విద్యార్థులు పీజీ సీట్లు కోల్పోతారని ఆందోళన వ్యక్తం చేశారు. మేనేజ్‌మెంట్‌ పీజీ కోటా వారికి మేలు జరిగేలా హెల్త్‌ యూనివర్సిటీ కౌన్సెలింగ్‌ నిర్వహిస్తోందని ఆరోపించారు. మొదటి కౌన్సెలింగ్‌ అయ్యాక, కోర్టు తీర్పు వల్ల జీవో 56ను కొట్టేశారని, దీని ద్వారా వైద్య విద్యార్థుల ఫీజులు పెరిగాయన్నారు. కోర్టు తీర్పు కారణంగా పీజీ వైద్య విద్యార్థుల పరిస్థితి అగమ్యగోచరంగా ఉందన్నారు.కోర్టు తీర్పు వల్ల గందరగోళం అనంతరం పీజీ కౌన్సెలింగ్‌ ప్రక్రియపై మీడి­యా మంత్రి సత్యకుమార్‌ యాదవ్‌ను ప్రశ్నించగా.. కోర్టు తీర్పు వల్ల ప్రస్తుతం కొంత గందరగోళం నెలకొందని తెలిపారు. అన్ని ఆలోచించి విద్యార్థులకు ఏది లాభమో అదే చేస్తా­మని తెలిపారు. స్పెషలిస్టులు 75 శాతం, ఇతర వైద్యులు, వైద్య సిబ్బందిలో 80 శాతం కొరత ఉందని, ఖాళీలను గుర్తించి నోటిఫికేషన్‌లు విడుదల చేస్తామని తెలిపారు.

సాక్షి, అమరావతి: ఆరోగ్య బీమా(Health insurance) పథకాన్ని వచ్చే ఆర్థిక సంవత్సరంలో ప్రారంభిస్తామని రాష్ట్ర వైద్య, ఆరోగ్య శాఖ మంత్రి సత్యకుమార్‌ యాదవ్‌ వెల్లడించారు. రూ.2.50 లక్షల వరకు వైద్య సేవలను బీమా పరిధిలోకి తెస్తామని చెప్పారు. ఇందుకోసం ఒక్కో కుటుంబానికి ప్రభుత్వం తరఫున రూ.2,500 చొప్పున ప్రీమియం చెల్లిస్తామన్నారు. శుక్రవారం రాష్ట్ర సచివాలయంలో మంత్రి సత్యకుమార్‌ మీడియాతో మాట్లాడారు. ఎన్టీఆర్‌ వైద్య సేవ పథకంలోని 1.43 కోట్ల కుటుంబాలకు మాత్రమే ఆరోగ్య బీమా వర్తిస్తుందని చెప్పారు. ఎన్నికల హామీ మేరకు రాష్ట్రంలోని అన్ని కుటుంబాలకు బీమా వర్తింపజేస్తే ప్రైవేటు ఆస్పత్రులు మనుగడ సాగించడం కష్టమన్నారు.మహారాష్ట్ర, కేరళ రాష్ట్రాల్లో విఫలమైన బీమా విధానాన్ని రాష్ట్రంలో ఎందుకు అమలు చేయాలనుకుంటున్నారని మీడియా ప్రశ్నించగా.. ఆయా రాష్ట్రాల్లో నిర్వహణ లోపాల వల్లే బీమా విధానం విఫలమైందని మంత్రి చెప్పారు. ఆ సమస్యలు ఇక్కడ తలెత్తకుండా చూస్తామని ధీమా వ్యక్తం చేశారు. రూ.2.50 లక్షల పైబడిన చికిత్సలను ఎన్టీఆర్‌ వైద్య సేవ ట్రస్ట్‌ ద్వారా అందిస్తామన్నారు. ఆరోగ్య ఆసరా పథకాన్ని కొనసాగించాలో, లేదో పరిశీలిస్తున్నామని చెప్పారు. కొత్త మెడికల్‌ కాలేజీలను పీపీపీ విధానంలో ముందుకు తీసుకెళ్లడానికి ట్రాన్సాక్షన్‌ అడ్వైజర్‌ను ఎంపిక చేయాల్సి ఉందన్నారు. వచ్చే విద్యా సంవత్సరం కొత్త మెడికల్‌ కాలేజీల ప్రారంభం కోసం నేషనల్‌ మెడికల్‌ కమిషన్‌కు దరఖాస్తులు చేయబోమని మంత్రి స్పష్టం చేశారు. చైనాలో కొత్త వైరస్‌ గురించి వార్తలు వస్తున్నాయని.. అయితే అధికారికంగా ధ్రువీకరణ కాలేదన్నారు. జేసీ.. నోరు అదుపులో పెట్టుకో! టీడీపీ నేత జేసీ ప్రభాకర్‌రెడ్డి బీజేపీ నాయకులపై చేసిన వ్యాఖ్యలపై మంత్రి సత్యకుమార్‌ స్పందించారు. నోరు అదుపులో పెట్టుకొని మాట్లాడాలని హెచ్చరించారు. ఆయనకు వైఎస్‌ జగన్‌పై అంత ప్రేమ ఉంటే.. ఆయన పంచనే చేరాలని సూచించారు. బీజేపీ ప్రభుత్వం తన బస్సులు తగలబెట్టిందని జేసీ ప్రభాకర్‌రెడ్డి చేసిన ఆరోపణలు అర్థరహితమన్నారు. వచ్చే వారంలో పింఛన్‌ లబ్ధిదారులకు స్క్రీనింగ్‌.. అనర్హులైన పింఛన్‌ లబ్ధిదారులను ఏరివేయడానికి ప్రభుత్వం కసరత్తు చేస్తోందని వైద్య, ఆరోగ్య శాఖ ప్రత్యేక ప్రధాన కార్యదర్శి ఎం.టి.కృష్ణబాబు స్పష్టం చేశారు. సీఎం చంద్రబాబు ఆదేశాల మేరకు పింఛన్‌ లబ్ధిదారులకు స్క్రీనింగ్‌ చేపట్టడానికి ప్రణాళిక రూపొందించామన్నారు. వచ్చే వారంలో వైద్యు­లు బృందాలుగా ఏర్పడి.. కదల్లేని స్థితిలో ఉన్న పింఛన్‌ లబ్ధిదారుల ఇళ్ల వద్దకు వెళ్లి స్క్రీనింగ్‌ చేస్తారని తెలిపారు. ప్రతి బృందంలో ఆర్థో, జనరల్‌ మెడిసిన్, పీహెచ్‌సీ వైద్యుడు ఉంటారని వివరించారు.

సాక్షి, నరసరావుపేట/దాచేపల్లి: ప్రజాసమస్యలు వెలుగులోకి రాకుండా ఏదోవిధంగా మాయచేయాలనే కూటమి సర్కారు పెద్దల ప్రయత్నాలు దారుణంగా మారాయి. మరణాలకు కారణాలను కూడా మార్చి చెప్పి ప్రభుత్వ వైఫల్యాన్ని కప్పిపుచ్చుకునే ప్రయత్నం చేస్తున్నారు. డయేరియా ప్రబలి ప్రజల ప్రాణాలు గాలిలో కలుస్తుంటే నివారణ చర్యలు తీసుకోవాల్సిన ప్రభుత్వం అందుకు భిన్నంగా అబద్ధాలతో మోసం చేయాలని చూస్తోంది. పల్నాడు జిల్లా దాచేపల్లి నగరపంచాయతీ అంజనాపురం కాలనీలో డయేరియాతో బుధవారం రాత్రి ఇద్దరు మరణించారు. పదుల సంఖ్యలో ఆస్పత్రుల పాలయ్యారు. ఈ కాలనీలో ఇద్దరు డయేరియాతో మరణించలేదని శుక్రవారం అక్కడ పర్యటించిన రాష్ట్ర వైద్య ఆరోగ్యశాఖ మంత్రి సత్యకుమార్‌ యాదవ్‌ చెప్పడం అందరినీ ఆశ్చర్య పరిచింది. కాలనీలో మరణించిన తమ్మిశెట్టి వెంకటేశ్వర్లు అలియాస్‌ వెంకటేష్‌ అనే యువకుడు కూల్‌డ్రింక్‌ తాగి వికటించి మరణించాడని, వృద్ధుడు చినవీరయ్య కిడ్నీ సమస్యతో బాధపడి చనిపోయాడని మంత్రి చెప్పారు. మరోవైపు అంజనాపురం కాలనీలో కలుషిత తాగునీటి కారణంగా డయేరియా ప్రబలిందన్నారు. 17 కేసులు నమోదయ్యాయని చెప్పారు. డయేరియా కారణంగానే ఇద్దరు మరణించారని గురువారం గుర్తించిన అధికా­రులు.. శుక్రవారం మంత్రి మాట మార్చడంతో అవాక్కయ్యారు. వాంతులు, విరేచనాలతోనే చనిపోయాడు..రోజూ కాలేజీకి వెళ్లే తమ కుమారుడికి అనారోగ్యం ఏమీ లేదని, వాంతులు, విరేచనాలతోనే చనిపోయాడని మృతుడు వెంకటేశ్వర్లు తల్లిదండ్రులు కృష్ణంరాజు, శివకుమారి చెప్పారు. తమ బిడ్డ కూల్‌డ్రింక్‌ తాగి చనిపోయాడని మంత్రి సత్యకుమార్‌ చెప్పడం దారుణమని వారు శుక్రవారం మీడియా ముందు అవేదన వ్యక్తం చేశారు. వాంతులు, విరేచనాలతో చనిపోతే కూల్‌డ్రింక్‌ తాగి చనిపోయాడని ఏలా చెబుతారని ప్రశ్నించారు. తమ ఇంటికి వచ్చి తమతో మాట్లాడకుండానే ఈ విధంగా అబద్ధాలు చెప్పడం సరికాదన్నారు. తమ కుమారుడు బుధవారం రాత్రి 9 గంటలకు వాంతులతో బాధపడుతుంటే ఆస్పత్రికి తీసుకెళ్లి చికిత్స చేయించామని, అర్ధరాత్రి ఒంటిగంట సమయంలో విరేచనాలు కావటంతో నీరసించి కాళ్లు పట్టుకుపోయాయని చెప్పారు. నారాయణపురం ఆస్పత్రి నుంచి పిడుగురాళ్ల తీసుకెళితే ఆస్పత్రిలో చేర్చుకోలేదని, అక్కడినుంచి నరసరావుపేట వెళుతుండగా తమ కుమారుడు చనిపోయాడని కన్నీటితో తెలిపారు. కేవలం వాంతులు, విరేచనాల కారణంగానే తమ బిడ్డను పొగొట్టుకున్నామన్నారు. చికిత్సకి సంబంధించిన పేపర్లను తీసుకెళ్లిన అధికారులు వాటిని తిరిగి ఇవ్వలేదని తెలిపారు. చనిపోయిన తమ బిడ్డపై నిందలు వేయవద్దని, న్యాయం చేయాలని వారు వేడుకున్నారు. ఇల్లు ఇస్తామని ఆశపెడుతున్నారు.. తన కుమారుడి చావును ప్రభుత్వం తప్పు­దోవపట్టించి ఇంటిని నిర్మించి ఇస్తామని ఆశపెడుతున్నారని, తన బిడ్డ చావుకు న్యాయం కావాలని మీడియా ముందు కృష్ణంరాజు వాపోయిన వీడియో వైరల్‌ అవుతోంది. మృతుల ఇళ్లకు వెళ్లని మంత్రి ఎమ్మెల్యేలు యరపతినేని శ్రీనివాసరావు, అరవింద్‌­బాబుతో కలిసి కాలనీలో పర్యటించిన మంత్రి మృతుల ఇళ్లకు మాత్రం వెళ్లలేదు. ప్రభుత్వ వైఫల్యంపై బాధిత కుటుంబాల వారు ప్రశ్నిస్తారనే భయంతోనే వారి ఇళ్లకు వెళ్లలేదని తెలిసింది. మరణాలకు కారణాల గురించి తమను అడక్కుండానే మంత్రి ఇష్టం వచ్చినట్లు మీడియాతో వ్యాఖ్యానించి వెళ్లిపోయారని బాధితులు ఆవేదన చెందుతున్నారు. కలుషితమైన బోరుని పరిశీలించిన అనంతరం మంత్రి మీడియాతో మాట్లాడారు.గత ప్రభుత్వ పాపాలే తమకు శాపాలుగా మారాయన్నారు. జగన్‌ తన సొంత మీడియాలో ప్రచారం చేసుకున్నట్లుగా డయేరియా మరణాలు సంభవించలేదని చెప్పారు. గత ఐదేళ్లలో 10,30,575 మంది అతిసారం బారినపడగా గత ప్రభుత్వంలో ఒక్కరు కూడా బాధితులను పరామర్శించలేదన్నారు. విజయ­నగరం జిల్లా గుర్లలో అతిసారవ్యాధి వ్యాప్తి చెందితే తాము ఒక్క మరణం కూడా జరగకుండా జాగ్రత్తలు తీసుకున్నామని చెప్పారు.

కాశీబుగ్గ: మెడికల్‌ సీట్లు వదులుకోవడం హేయ­మైన చర్య అని.. ఈ విష­యంలో ఏకైక అత్యంత చెత్త ప్రభుత్వం చంద్ర­బాబుదేనని మాజీ మంత్రి సీదిరి అప్పలరాజు మండిపడ్డారు. కూటమి ప్రభు­త్వం పులివెందుల ప్రభుత్వ వైద్య కళాశాలలో ఎంబీబీఎస్‌ సీట్ల భర్తీకి నో చెప్పడం ఏమిటని ప్రశ్నించారు. శ్రీకాకుళం జిల్లా పలాసలో శనివారం మీడియాతో మాట్లాడుతూ.. ఈ అంశంపై వైద్య, ఆరోగ్యశాఖ మంత్రి సత్యకుమార్‌ యాదవ్‌ మాటలు ఆశ్చర్యం కలిగించాయన్నారు.చంద్రబాబు హామీలకు తాను గ్యారంటీ అన్న పవన్‌కళ్యాణ్‌ దీనిపై స్పందించాలని కోరారు. రాష్ట్ర చరిత్రలో ఎన్నడూ లేనివిధంగా 17 మెడికల్‌ కాలేజీలు స్థాపించేందుకు గత సీఎం వైఎస్‌ జగన్‌ ఏర్పాట్లు చేశారని, వాటిలో ఐదింటిని పూర్తి చేశారని గుర్తు చేశారు. ఫలితంగా 2023–24లో విజయనగరం, మచిలీపట్నం, రాజమండ్రి, ఏలూరు, నంద్యాలలో వైద్య కళాశాలలు ప్రారంభమై ఒకేసారి 750 మెడికల్‌ సీట్లు అందుబాటులోకి వచ్చాయన్నారు.మళ్లీ వైఎస్‌ జగన్‌ సీఎం అయి ఉంటే.. ఈ విద్యా సంవత్సరంలో పాడేరు, మార్కాపురం, మదనపల్లె, పులివెందుల, ఆదోని వైద్య కళాశాలలు సైతం ప్రారంభమై మరో 750 సీట్లు అందుబాటులోకి వచ్చి ఉండేవని అన్నారు. మరోవైపు ముందుగా నిర్దేశించుకున్నట్టు 2025–26 విద్యా సంవత్సరంలో పిడుగురాళ్ల, పెనుకొండ, పాలకొల్లు, నర్సీపట్నం, పార్వతీపురం, బాపట్ల, అమలాపురంలలో ఏడు కాలేజీలు కూడా ప్రారంభమైతే రాష్ట్రంలో మొత్తం మెడికల్‌ సీట్లు దాదాపు 5వేలకు చేరేవన్నారు.

సాక్షి, పుట్టపర్తి: శ్రీసత్యసాయి జిల్లా హిందూపురం పార్లమెంటు పరిధిలోని ధర్మవరం అసెంబ్లీ సీటుపై పీటముడి వీడడం లేదు. ఈ సీటును కూటమిలో ఏ పార్టీకి కేటాయిస్తారు.. అభ్యర్థి ఎవరన్న దానిపై సస్పెన్స్‌ కొనసాగుతోంది. అటు బీజేపీకి ఇచ్చినా లేక టీడీపీ వద్దే ఉంచుకున్నా తానే బరిలో ఉంటానని మాజీ ఎమ్మెల్యే వరదాపురం సూరి (గోను గుంట్ల సూర్యనారాయణ) చెబుతున్నారు. ఈ మేరకు ఆయన ప్రచారం కూడా మొదలుపెట్టారు. మరోవైపు కష్టకాలంలో పార్టీ శ్రేణులకు అండగా నిలిచానని, తనకే టికెట్‌ ఇవ్వాలని పరిటాల శ్రీరామ్‌ డిమాండ్‌ చేస్తున్నారు. పైగా శ్రీరామ్, సూరి మధ్య ముందు నుంచీ సఖ్యత లేదు. టికెట్‌ విషయంలో పంతం నెగ్గించుకోవాలని ఎవరికి వారు పట్టుదలతో ఉన్నారు. బల ప్రదర్శనకు కూడా సిద్ధ మయ్యారు. ఇటీవల ఫ్లెక్సీల విషయంలో ఇరు వర్గీ యుల మధ్య ఘర్షణ జరిగింది. ఇద్దరిలో ఎవరికి టికెట్‌ ఇచ్చినా.. మరొకరు స్వతంత్ర అభ్యరి్థగా బరి లో ఉండే అవకాశముంది. ఇలాంటి తరుణంలో కూ టమి భిన్న నిర్ణయం తీసుకునే అవకాశం ఉన్నట్లు ప్రచారం సాగుతోంది.  యువగళంతో శ్రీరాంలో ఆశ  2019 ఎన్నికల్లో ఓటమి తర్వాత వరదాపురం సూరి తన కాంట్రాక్టుల కారణంగా బీజేపీలో చేరారు. దీంతో టీడీపీ తరఫున ధర్మవరం ఇన్‌చార్జ్‌గా పరిటాల శ్రీరామ్‌ వచ్చారు. తొలి మూడేళ్లు పార్టీ కార్యక్రమాల్లో అంటీముట్టనట్లుగా వ్యవహరించారు. స్థానిక సంస్థల ఎన్నికల్లో టీడీపీ  కనీసం ఖాతా కూడా తెరవలేదు. కేడర్‌ను బలోపేతం చేయడంలోనూ పరిటాల శ్రీరామ్‌ పూర్తిగా విఫలమైనట్లు చెబుతున్నారు. అయితే యువగళం పాదయాత్ర సందర్భంగా నారా లోకేశ్‌ బత్తలపల్లిలో శ్రీరామ్‌ చేయి పైకెత్తి గెలిపించాలని కోరడంతో ఆయనలో టికెట్‌ ఆశ మొదలైంది. అంతేకాకుండా రాప్తాడులో ఓడిపోయిన బాధతో ధర్మవరం నుంచి పోటీ చేస్తే బాగుంటుందని భావించారు. మరోవైపు వరదాపురం సూరి చంద్ర బాబుతో నిత్యం టచ్‌లో ఉన్నట్లు సమాచారం. రేసులోకి సత్యకుమార్‌!  ధర్మవరం టికెట్‌ కోసం పరిటాల శ్రీరామ్, వరదాపురం సూరి పట్టు వదలకపోవడంతో ఇద్దరినీ పక్కనబెట్టి.. బీజేపీ తరఫున సత్యకుమార్‌ను బరిలోకి దించేందుకు సన్నాహాలు చేస్తున్నట్లు తెలుస్తోంది. సూరి, శ్రీరామ్‌లలో ఎవరికి టికెట్‌ ఇచ్చినా మరో వర్గం కూడా పోటీకి దిగడం, గొడవలు చేయడం, అల్లర్లు సృష్టించడం ఖాయమని అంటున్నారు. ఈ నేపథ్యంలోనే ఇద్దరికీ టికెట్‌ నిరాకరిస్తున్నట్లు సమాచారం.  ఇదీ చదవండి: జనసేన నేతలకు పవన్‌ ఉచిత సలహా!.. విస్తుపోవాల్సిందే..

సాక్షి, గుంటూరు: సీఎంపై అనుచిత వ్యాఖ్యలు చేసిన ఆదినారాయణపై కేసు నమోదు చేస్తామని ఏఎస్పీ అనిల్‌కుమార్‌ అన్నారు. ఆదినారాయణరెడ్డి రెచ్చగొట్టేలా మాట్లాడారన్నారు. ‘‘బహుజన పరిరక్షణ కమిటీ సభ్యులు, సత్యకుమార్‌ అనుచరుల మధ్య గొడవ జరిగింది. ఇరువర్గాలు పోటాపోటీగా నినాదాలు చేసుకున్నారు. పోలీసులు ఉండబట్టే సమస్య వెంటనే సద్దుమణిగింది. పోలీసులు వెంటనే అప్రమత్తమై ఇరువర్గాలకు సర్ది చెప్పారు. శాంతి భద్రతలకు విఘాతం కలగకుండా విధులు నిర్వహించాం. సత్యకుమార్‌పై ఎలాంటి దాడి జరగలేదు’’ అని ఏఎస్పీ స్పష్టం చేశారు. కాగా, మందడంలో బీజేపీ నేతలు వీరంగం సృష్టించారు. దీక్ష శిబిరం వద్ద దళితులపై బీజేపీ నేత సత్యకుమార్‌ అనుచరులు దాడికి పాల్పడ్డారు. సత్యకుమార్‌ అనుచరుల తీరుపై బహుజన పరిరక్షణ సమితి ఆగ్రహం వ్యక్తం చేసింది. సత్యకుమార్‌ వాహనాన్ని అడ్డుకున్న బహుజన పరిరక్షణ సమితి నేతలు.. ఆయనకు వ్యతిరేకంగా నినాదాలు చేశారు. బహుజన పరిరక్షణ సమితి ఆందోళనతో ఉద్రిక్తత చోటుచేసుకుంది. చదవండి: ఎంత ఎబ్బెట్టుగా ఉందో.. ఇంతకీ లోకేష్‌ డైరీలో ఏముంది?

సాక్షి, అమరావతి: మందడంలో బీజేపీ నేతలు వీరంగం సృష్టించారు. దీక్ష శిబిరం వద్ద దళితులపై బీజేపీ నేత సత్యకుమార్‌ అనుచరులు దాడికి పాల్పడ్డారు. సత్యకుమార్‌ అనుచరుల తీరుపై బహుజన పరిరక్షణ సమితి ఆగ్రహం వ్యక్తం చేసింది. సత్యకుమార్‌ వాహనాన్ని అడ్డుకున్న బహుజన పరిరక్షణ సమితి నేతలు.. ఆయనకు వ్యతిరేకంగా నినాదాలు చేశారు. బహుజన పరిరక్షణ సమితి ఆందోళనతో ఉద్రిక్తత చోటుచేసుకుంది. సత్యకుమార్‌ అనుచరులు దౌర్జన్యంగా వ్యవహరించారని ఆడవాళ్లని చూడకుండా టెంట్‌లో నుంచి లాక్కొచ్చారన్నారు. బీజేపీ ముసుగులో టీడీపీ నాయకులు వచ్చి వీరంగం సృష్టించారని, ఆదినారాయణరెడ్డి, సత్యకుమార్‌ను వెంటనే అరెస్ట్‌ చేయాలని వికేంద్రీకరణ మద్దతుదారులు డిమాండ్‌ చేశారు. ఇదంతా చంద్రబాబు వెనుకుండి నడిపిస్తున్నారని మండిపడ్డారు.  మాజీ మంత్రి ఆదినారాయణ పిచ్చొడిలా మాట్లాడుతున్నారని ఎంపీ నందిగం సురేష్‌ మండిపడ్డారు. ‘‘సీఎంపై ఇష్టమొచ్చినట్లు మాట్లాడుతున్నారు. అభివృద్ధి వికేంద్రీకరణకు దీక్ష వద్దకు వచ్చి రెచ్చగొడుతున్నారు. సత్యకుమార్‌ అనుచరులు దళితులపై దాడి చేశారు’’  అని ఎంపీ సురేష్‌ నిప్పులు చెరిగారు. చదవండి: ఊహలే వార్తలా.. ‘ఈనాడు’ రామోజీ ఇక మారవా?  


  *మరో ఇద్దరికి వల
  * యువకుడి రాసలీలలు
   *సీపీని కలిసిన బాధితులు
 
 విజయవాడ: ఒకరు మాజీ ప్రేమికురాలు.. మరొకరు భర్తను కాదని "సాంగత్యం' సాగిస్తున్న మహిళ.. తమతో కాకుండా మరో ఇద్దరితో అతడు ప్రేమాయణం సాగించడాన్ని జీర్ణించుకోలేకపోయారు. తమను మోసం చేసిన వ్యక్తి మరో ఇద్దరి జీవితాలతో ఆటాడుకోవడానికి చెక్ పెట్టాలని నిర్ణయించుకున్నారు. అంతే మహిళా సంఘాలతో కలిసి నగర పోలీసు కమిషనర్‌ను ఆశ్రయించారు. తమను మోసగిస్తున్న వ్యక్తిపై కఠిన చర్యలు తీసుకోవాలని డిమాండ్ చేశారు. తగిన న్యాయం చేస్తానని మహిళలకు పోలీసు కమిషనర్ హామీ ఇచ్చారు.
  
 వివరాల్లోకి వెళితే... నగరంలోని మల్లికార్జునపేటకు చెందిన సత్యకుమార్ దుర్గగుడిపై అమ్మవారి ఫొటోలు విక్రయిస్తుంటాడు. అదే ప్రాంతంలో అమ్మవారి ఫొటో ఫ్రేములు కట్టే వ్యక్తితో ఉన్న పరిచయం ఆధారంగా తరచూ అతను.. వారింటికి వెళ్లేవాడు. ఈ క్రమంలోనే అతని భార్యపై కన్నేశాడు. ఒకసారి భర్త లేని సమయంలో ఆమెను బలవంతంగా లొంగదీసుకున్నాడు. ఆపై ఆమెను ఇతర ప్రాంతాలకు తిప్పి తన కోరికలు తీర్చుకున్నాడు.
 
 ఇదే ప్రాంతానికి చెందిన మరో యువతితో ఐదేళ్లపాటు ప్రేమాయణం సాగించాడు. ఆపై ఆమెను పెళ్లి చేసుకునేందుకు నిరాకరించగా, మరొకరిని వివాహం చేసుకుంది. ఆమె భర్తకు  విషయం చెప్పి కాపురాన్ని చెడగొట్టాడు. ఆ తర్వాత ఆమెతో కూడా ప్రేమను పంచుకుంటున్నాడు. ఒకరికి తెలియకుండా మరొకరితో ఉంటూ తన వాంఛ తీర్చుకుంటున్నాడు. కొద్దిరోజుల క్రితం ఫ్రేములు కట్టే వ్యక్తి భార్యతో ఊరెళ్లి కొద్దిరోజులు గడిపిన తర్వాత తీసుకొచ్చి విజయవాడలో వదిలేశాడు.
 
 ఈ విషయం కాస్తా ప్రస్తుతం కాపురం చేస్తున్న మాజీ ప్రేమికురాలికి తెలిసి సత్యకుమార్‌ను నిలదీయగా.. చంపుతానని బెదిరించాడు. చేతనైంది చేసుకొమ్మన్నాడు. ఇతడి గురించి ఆరా తీసి మరో ఇద్దరు విద్యార్థినులతో ఇతడు సంబంధం నెరుపుతున్నట్టు తెలుసుకున్నారు.  వారిని ఇతడి బారి నుంచి రక్షించాలని నిర్ణయిం చుకున్నారు. అక్కడ మహిళా నేతలను ఆశ్రయించారు.
 
 ఆ మహిళ నేతలతో కలిసి మంగళవారం సాయంత్రం నగర పోలీసు కమిషనర్ ఎ.బి.వెంకటేశ్వరరావును కలిశారు. బాధితులకు తగిన న్యాయం చేయాలని కోరారు. మరో ఇద్దరు యువతులు మోసపోకుండా చూడాలన్నారు. వీరి విషయాన్ని సావధానంగా విన్న పోలీసు కమిషనర్.. తగిన న్యాయం చేస్తానని హామీ ఇచ్చారు. ఈ మేరకు వన్‌టౌన్ ఇన్‌స్పెక్టర్‌తో చెప్పారు.
  ఆ ఇద్దరు మోసపోకూడదనే..
  తమలా మరో ఇద్దరు  మోసపోకూడదనే నగర పోలీసు కమిషనర్‌ను కలిసినట్టు బాధిత మహిళలు విలేకరులకు తెలిపారు. అతనిపై చట్టపరమైన చర్యలు తీసుకోవడంతో పాటు అతని కుటుంబ సభ్యుల నుంచి రక్షణ కల్పించాలని వారు కోరారు.