‘క్లినికల్‌ సైకాలజీ’లో ఎం.ఫిల్, డిప్లొమా

సాక్షి, అమరావతి: రాష్ట్రంలో తొలిసారిగా క్లినికల్‌ సైకాలజీ(Clinical Psychology) కోర్సులు ప్రారంభమవుతున్నాయి. రెండేళ్ల వ్యవధితో ఎం.ఫిల్, ఏడాది వ్యవధితో ప్రొఫెషనల్‌ డిప్లొమా ఇన్‌ క్లినికల్‌ సైకాలజీ కో­ర్సులు త్వరలో అందుబాటులోకి రానున్నా­యి. ఇందుకోసం క్లినికల్‌ సైకాలజీ విద్యను ని­యంత్రించే రిహాబిలిటేషన్‌ కౌన్సిల్‌ ఆఫ్‌ ఇండియాతో అధికారులు సంప్రదింపులు జరుపుతు­న్నారు.

మానసిక సమస్యలతో బాధపడుతు­న్న వారికి వ్యాధి నిర్ధారణ, చికిత్స అందించడంతో పాటు వారు పూర్తిగా కోలుకోవడంలో క్లిని­కల్‌ సైకాలజిస్ట్‌లు కీలకపాత్ర వహిస్తారు. కాగా, ఈ కోర్సుల కోసం మార్గదర్శకాలు తయా­రు చే­యాలని అధికారులను ఆదేశించినట్లు వైద్య, ఆ­రో­గ్య శాఖ మంత్రి సత్యకుమార్‌యాదవ్‌(Satyakumar Yadav)తెలిపారు.