బాలీవుడ్‌ స్టార్‌ హీరోయిన్‌ మహి గిల్‌ రహస్యంగా పెళ్లి చేసుకుంది. ప్రముఖ నటుడు, వ్యాపారవేత్త అయిన రవి కేసర్‌ని గతంలోనే పెళ్లి చేసుకున్నట్లు తాజాగా బయటపెట్టింది. అత్యంత సన్నిహితులు, స్నేహితుల సమక్షంలో తమ వివాహం జరిగిందని పేర్కొంది. అయితే పెళ్లికి సంబంధించి ఇంతవరకు ఫోటోలు, వీడియోలను మాత్రం రివీల్‌ చేయలేదు. 2019లో మహీ గిల్- రవి కేషర్‌లు ‘ఫిక్సర్’ అనే వెబ్ సీరిస్‌లో కలిసి నటించారు. ఆ సమయంలోనే ఇద్దరూ ప్రేమలో పడ్డారు. గతంలోనూ వీరి రిలేషన్‌షిప్‌పై వార్తలు వచ్చినా మహీ గిల్‌ స్పందించలేదు.  తాజాగా ఓ మీడియాకు ఇచ్చిన ఇంటర్వ్యూలో తన సీక్రెట్‌ వెడ్డింగ్‌పై తొలాసారి ఓపెన్‌ అయ్యింది. కొంతకాలం క్రితమే రవి కేసర్‌తో తనకు పెళ్లయిందని తెలిపింది. కాగా మహి  గిల్‌కు ఇది రెండో వివాహం. రవి కేసర్‌తో పెళ్లయ్యే నాటికే ఆమెకు  ‘విరోనికా’ అనే కూతురు ఉంది.  View this post on Instagram A post shared by Mahie Gill (@mahieg) View this post on Instagram A post shared by Mahie Gill (@mahieg) View this post on Instagram A post shared by Mahie Gill (@mahieg)

బుల్లితెర నటుడు వివియన్‌ సేన సీక్రెట్‌గా పెళ్లి చేసుకున్నాడట. ప్రేయసి నోరన్‌ అలీతో అతడు ఏడుగులు నడిచాడంటూ ఓ వార్త బీటౌన్‌లో వైరల్‌గా మారింది. వీరు పెళ్లి చేసుకుని కొన్ని రోజులో, నెలలో కాదు ఏకంగా ఓ సంవత్సరమే అవుతోందట! ఈజిప్ట్‌కు చెందిన నోరన్‌తో అతడు ఎంతోకాలంగా డేటింగ్‌లో ఉన్నాడు. ఈ క్రమంలో గతేడాది అతడు అతికొద్ది మంది సమక్షంలో ఆమెను వివాహం చేసుకున్నట్లు తెలుస్తోంది. అప్పటినుంచి వీళ్లు కలిసే ఉంటున్నారట. ముంబై లోఖండ్‌వాలాలోని ఓ అపార్ట్‌మెంట్‌లో కలిసి జీవిస్తున్నారు. ఇదే విషయాన్ని నటుడిని అడగ్గా అతడు స్పందించడానికి నిరాకరించాడు. కాగా సేన గతంలో నటి వాబిజ్‌ దొబర్జీని పెళ్లాడాడు.  వీరిద్దరి మధ్య మనస్పర్థలు రావడంతో 2021 డిసెంబర్‌ 18న విడాకులు తీసుకున్నారు. గతేడాది వివియన్‌ రెండో పెళ్లి గురించి మాట్లాడుతూ.. 'నేను నోరన్‌ అలీని ప్రేమిస్తున్నాను. నాలుగున్నరేళ్ల క్రితం మేము కలుసుకున్నాం. ఓ ఇంటర్వ్యూ కోసం ఆమె నన్ను సంప్రదించింది. నేను ఓకే చెప్పేంతవరకు దాదాపు మూడు నెలలు ఎదురుచూసింది. ఆ తర్వాత ముంబైలో ఓ పని ఉందని మా మేనేజ్‌మెంట్‌ తనను సంప్రదించారు. అప్పుడు ఇద్దరం ఫ్రెండ్స్‌ అయ్యాం.. త్వరలోనే ప్రేమికులుగా మారాం. మా పెళ్లి ఎప్పుడు? ఎక్కడ? జరుగుతుందనేది నాకే తెలియదు. కానీ ఒకవేళ వివాహం చేసుకున్నా దాన్ని సీక్రెట్‌గానే ఉంచుతాను. ఎందుకంటే అది నా వ్యక్తిగత విషయం. దాన్ని సోషల్‌ మీడియాలో ప్రకటించి హడావుడి చేయను. నోరన్‌కు కూడా ఇలాంటి ఆర్భాటాలు నచ్చవు. తనొక సాధారణ గృహిణిగా ఉండాలనుకుంటోంది' అని చెప్పుకొచ్చాడు.

బాలీవుడ్‌ లవ్‌ బర్డ్స్‌ కియారా అద్వానీ-సిద్దార్థ్‌ మల్హోత్రాలు ప్రేమలో మునిగి తేలుతున్న విషయం తెలిసిందే!..ఈ ఇద్ద‌రూ స‌మ‌యం దొరికితే చాలు ఒక్క‌చోట చేరిపోతారు.అలా వీళ్లిద్దరూ కలిసి హాలీడే వెకేషన్స్‌కి వెళ్లడం, ముంబై రోడ్లపై చెట్టాపట్టాలేసుకుంటూ పలుమార్లు కెమెరాలకు చిక్కారు. ఇటీవలే కాఫీ విత్‌ కరణ్‌ షోలో కూడా తాము లవ్‌లో ఉన్నట్లు పరోక్షంగా వెల్లడించారు. ఇదిలా ఉంటే  ఇప్పుడీ లవ్‌ బర్డ్స్‌ పెళ్లిపీటలు ఎక్కనున్నారని బీటౌన్‌ టాక్‌. 2023 ఏప్రిల్‌లో పెళ్లి చేసుకోబోతున్నారని, అందుకు తగ్గ ఏర్పాట్లను కూడా చకచకా పూర్తి చేసుకుంటున్నట్లు జోరుగా ప్రచారం జరుగుతుంది.  విక్కీ కౌశల్‌-కత్రినా కైఫ్‌ల తరహాలోనే సీక్రెట్‌ వేడ్డింగ్‌కు ప్లాన్‌ చేసుకుంటున్నారట. కేవలం బంధువులు, సన్నిహితులు సమక్షంలో డెస్టినేషన్‌ వెడ్డింగ్‌ చేసుకోబోతున్నారట. అయితే ఇదే విషయంపై తాజాగా ఓ ఇంటర్వ్యూలో స్పందించిన సిద్దార్థ్‌.. తాను ఎంత సీక్రెట్‌గా పెళ్లి చేసుకోవాలనుకున్నా ఎలాగైనా అది బయటికొస్తుందంటూ నవ్వుతూ చెప్పుకొచ్చాడు. 

సెలబ్రిటీల వ్యక్తిగత విషయాలకు సంబంధించిన ప్రతీది ఇప్పుడో న్యూస్‌ టాపిక్‌గా మారింది. ఈ విషయంలో కొన్ని విమర్శలు వినిపిస్తున్నప్పటికీ.. అభిమానులు మాత్రం వాటిని సానుకూలంగానే స్వీకరిస్తుంటారు. ఇదిలా ఉంటే ‘ట్విలైట్’ భామ క్రిస్టెన్‌ స్టెవార్ట్‌ రహస్య వివాహం చేసుకుందని, అదీ తన గర్ల్‌ఫ్రెండ్‌నేనన్న వార్తలు హాలీవుడ్‌లో చర్చనీయాంశంగా మారాయి.  చైల్డ్‌ ఆర్టిస్ట్‌గా కెరీర్‌ మొదలుపెట్టి.. ‘ట్విలైట్‌’, ‘స్నో వైట్‌ అండ్‌ ది హంట్స్‌మ్యాన్‌’ లాంటి సినిమాతో మంచి గుర్తింపు దక్కించుకున్న క్రిస్టెన్‌(31).. స్క్రీన్ రైటర్ డైలాన్‌ మెయెర్‌తో 2019 నుంచి డేటింగ్‌లో ఉంది. చాలాకాలం తర్వాత ఈమధ్యే లాస్‌ ఏంజెల్స్‌లోని ఓ సెలూన్‌ వద్ద క్రిస్టెన్‌ ఫొటోగ్రాఫర్ల కెమెరాకు చిక్కింది. అయితే ఆమె చేతికి ఒక రింగ్‌ కనిపించడం, అలాంటి రింగ్‌ ఒకటి కొన్నిరోజుల క్రితం ఓ ఈవెంట్‌కు హాజరైన డైలాన్‌ వేలికి కూడా కనిపించడంతో ఇద్దరి రహస్య వివాహం జరిగిపోయిందని కథనాలు వెలువడుతున్నాయి. అయితే ఈ పుకార్లపై ఇద్దరూ స్పందించాల్సి ఉంది.   ఇదిలా ఉంటే తాను ఫెమినిస్ట్‌నని, బైసెక్సువల్‌ అని బహిరంగంగా ప్రకటించుకున్న స్టెవార్ట్‌.. గతంలో ట్విలైట్‌ హీరో రాబర్ట్‌ పాటిన్‌సన్‌తోనూ రిలేషన్‌షిప్‌ నడిపించింది. ఆ తర్వాత డైరెక్టర్‌ రుపెర్ట్ శాండర్స్‌తో కొన్నాళ్లూ, తిరిగి పాటిన్‌సన్‌తో ఏడాది డేటింగ్‌ చేసింది. అటుపై విజువల్‌ ఎఫెక్ట్స్‌ ప్రొడ్యూసర్‌ అలిసియా కార్గిలేతో, న్యూజిలాండ్‌ మోడల్‌ స్టెల్లా మాక్స్‌వెల్‌తోనూ డేటింగ్‌ చేసింది. ఆపై ఓ టీవీ షో టైంలో డైలాన్‌ మెయర్‌కి దగ్గరై డేటింగ్‌ చేస్తూ.. లాస్‌ ఏంజెల్స్‌లో ఇద్దరూ ఒకే ఇంట్లో కలిసి ఉంటున్నారు. గర్ల్‌ఫ్రెండ్‌తో బయట కనిపిస్తే ఛాన్స్‌లు ఇవ్వమని కొందరు ప్రొడ్యూసర్లు ఆమెతో చెప్పినప్పటికీ.. క్రిస్టెన్‌ మాత్రం ఆ వార్నింగ్‌ను లైట్‌ తీసుకుంది. గర్ల్‌ఫ్రెండ్‌తో చెట్టాపట్టాలేసుకుని తిరగడమే కాకుండా.. పార్టీలకు సైతం హాజరవుతూ వస్తోంది.

లాస్​ ఏంజెల్స్​: మార్వెల్ ‘అవెంజర్స్​’ సిరీస్​లో వాండా మాగ్జిమాఫ్​ అలియాస్​ స్కార్లెట్ విచ్ క్యారెక్టర్​తో అలరించింది నటి ఎలిజబెత్ ఓల్సెన్​. ఓల్సెన్​కు హాట్​ నటిగా యూత్​లో మంచి క్రేజ్ కూడా ఉంది. అయితే తనకు పెళ్లైందనే విషయం.. పొరపాటుగా అందో లేదా కావాలనే అందోగానీ ఇప్పుడది హాలీవుడ్ వర్గాల్లో టాపిక్​గా మారింది.  ఓల్సెన్ రీసెంట్​గా యాక్టర్స్​ ఆన్ యాక్టర్స్​ అనే ఇంటర్వ్యూలో పాల్గొంది. ఈ వీడియో ఇంటర్వ్యూలో డిస్నీ హాట్ స్టార్​ లో స్ట్రీమ్​ అవుతున్న వాండావిజన్​ ముచ్చట్లు పంచుకుంది. అంతేకాదు రెండో సీజన్ ఉండదని క్లారిటీ ఇచ్చింది కూడా. ఒకానొక టైంలో ఓల్సెన్​, నటి కేలీ క్యూకోతో మాట్లాడుతుండగా రాబీ అమెట్ట్​ను తన భర్తగా పేర్కొంది. రాబీ, ఓల్సెన్​ 2016 నుంచి డేటింగ్​లో ఉన్నారు. ఇద్దరూ ఒకే అపార్ట్​మెంట్​లో కలిసి ఉంటున్నారు కూడా. ఇప్పుడామె ‘భర్త’ అని సంభోధించడంతో రహస్యంగా పెళ్లి చేసుకున్నారా? అని హాలీవుడ్ మీడియా హౌజ్​లు చర్చించుకుంటున్నాయి. అయితే నవ్వుతూనే ఆ మాట అనడంతో ఆమె జోక్​ చేసి ఉండొచ్చని నటుడు మార్క్​ రఫెల్లో(అవెంజర్స్​ హల్క్​) అంటున్నాడు. ఇక వీళ్ల పెళ్లి గురించి సన్నిహితులుగానీ, కుటుంబ సభ్యులుగానీ స్పందించకపోవడం విశేషం. కాగా, నాలుగేళ్ల వయసుకే ఓల్సెన్​ యాక్టింగ్ కెరీర్​ను మొదలుపెట్టింది. మార్థా మార్సీ మే మార్లెనె(2011)తో  హీరోయిన్​గా మారడంతో.. తొలి సినిమాకే అవార్డు విన్నింగ్ పర్​ఫార్మెన్స్​ ఇచ్చింది. ‘రెడ్ లైట్స్​, సైలెంట్ హౌజ్​, కిల్ యువర్ డార్లింగ్స్​, గాడ్జిల్లా(2014), విండ్ రివర్​ సినిమాలతో పాటు అవెంజ్స్ సిరీస్​తో పాపులారిటీ సంపాదించుకుంది.

బాలీవుడ్‌ నటి ఎవలిన్‌ శర్మ ఆస్ట్రేలియాకు చెందిన డాక్టర్‌ తుషాన్‌ భిండిని పెళ్లాడింది. గత నెలలో వీరి వివాహం జరగ్గా, ఆలస్యంగా ఈ విషయాన్ని అభిమానులతో పంచుకుంది. ఈ సందర్భంగా భర్తతో కలిసి దిగిన పెళ్లినాటి ఫొటోను సైతం సోషల్‌ మీడియాలో షేర్‌ చేసింది. తన పెళ్లి గురించి మాట్లాడుతూ.. 'బెస్ట్‌ ఫ్రెండ్‌ను పెళ్లి చేసుకోవడం కన్నా సంతోషకరమైనది ఏముంటుంది? వైవాహిక జీవితానికి ఆరంభం పలికినందుకు ఎంతో ఎగ్జైట్‌ అవుతున్నాం' అని నటి చెప్పుకొచ్చింది. కాగా వీరిద్దరూ 2018లో ఫ్రెండ్స్‌ పార్టీలో తొలిసారి కలుసుకున్నారు. అలా మొదలైన వీరి స్నేహం ప్రేమగా మారింది. View this post on Instagram A post shared by Evelyn Sharma (@evelyn_sharma) దీంతో ఆ మరుసటి ఏడాదే ధైర్యం చేసిన తుషాన్‌.. నన్ను పెళ్లి చేసుకుంటావా? అంటూ మోకాళ్ల మీద కూర్చుని ప్రపోజ్‌ చేశాడు. అందుకు ఆమె అంగీకారం తెలపడంతో ఆ వెంటనే అక్టోబర్‌లో నిశ్చితార్థం జరిగింది. కానీ కరోనా కారణంగా పెళ్లిని వాయిదా వేస్తూ వచ్చారు. చివరికి గత నెలలో ఆస్ట్రేలియాలోని బ్రిస్బేన్‌లో ఇరు కుటుంబాల సమక్షంలో పెళ్లితంతును పూర్తి చేశారు. ఎవలిన్‌ శర్మ 'ఏ జవానీ హై దీవాని', 'యారియన్‌' సహా పలు చిత్రాల్లో నటించింది. 'ఏ దిజవానీ హై దీవాని' చిత్రం రిలీజై ఇటీవలే ఎనిమిదేళ్లు పూర్తి అయింది. View this post on Instagram A post shared by Evelyn Sharma (@evelyn_sharma) చదవండి: వెబ్‌ సిరీస్‌: ఫ్యామిలీమ్యాన్​ 2 రివ్యూ రియాలిటీ షో ద్వారా సినిమాలో ఛాన్స్‌!

లండన్​:  బ్రిటన్​ ప్రధాని బోరిస్​ జాన్సన్​​ వివాహం చేసుకున్నట్లు సమాచారం. ప్రియురాలు క్యారీ సైమండ్స్​తో శనివారం బోరిస్​ రహస్య వివాహం జరిగినట్లు తెలుస్తోంది. లండన్​లో వెస్ట్​మినిస్టర్​ క్యాథెడ్రల్​లో ఆయన వివాహం చేసుకున్నారని ది సన్​, మెయిల్​ ఆన్​ సండేవర్క్​ లాంటి టాబ్లాయిడ్​లు ప్రముఖంగా ప్రచురించాయి.  బోరిస్​-సైమండ్స్​ వివాహానికి సీనియర్ సభ్యులతో సహా ఎవరికీ ఆహ్వానం అందనట్లు తెలుస్తోంది. కేవలం కొద్దిమంది గెస్టుల మధ్య.. అది కూడా చివరి నిమిషంలో వాళ్లకు ఆహ్వానం ఇచ్చినట్లు ఆ పత్రికలు రాశాయి. ప్రస్తుతం కరోనా ఆంక్షలు కొనసాగుతుండడంతో 30 మందికి మాత్రమే వివాహ వేడుకలకు అనుమతి ఉంది. ఈ నేపథ్యంలో మధ్యాహ్నం 1గం.30ని సమయంలో వివాహం జరిగిందని, సైమండ్స్​ అరగంట ఆలస్యంగా వచ్చిందని ఆ కథనాలు వెల్లడించాయి. కాగా, బోరిస్ 2019లో ప్రధాని అయ్యాక డౌనింగ్​ స్ట్రీట్​లో తన గర్ల్​ఫ్రెండ్​ సైమండ్స్​(33)తో కలిసి ఉంటున్న విషయం తెలిసిందే. పోయినేడాది ఎంగేజ్​మెంట్ చేసుకున్న ఈ జంటకు ఓ బాబు కూడా పుట్టాడు.  అయితే వచ్చే ఏడాది జులైలో వీళ్ల పెళ్లి జరగొచ్చని కొన్ని పత్రికలు కథనాలు రాసినప్పటికీ.. ఇప్పుడు హడావుడిగా పెళ్లి జరిగిందని అదే పత్రికలు మరోసారి కథనాలు రాశాయి. గతంలో బోరిస్(56)​ వివాహేతర సంబంధంతో కన్​జర్వేటివ్ పార్టీ నుంచి సస్పెండ్ అయ్యాడు. కాగా, బోరిస్​ జాన్సన్​కి ఇది మూడో వివాహం. గతంలో రెండుసార్లు విడాకులు తీసుకున్నారు. చివరిసారిగా మరీనా వీలర్​ అనే లాయర్​కి 2018లో విడాకులిచ్చారు.  ఈమధ్యే బోరిస్​కు సలహాదారుడిగా పని చేసిన డొమినిక్​ కమింగ్స్.. ప్రధాని పదవికి బోరిస్​ అనర్హుడంటూ సంచలన కామెంట్స్​ చేసిన విషయం తెలిసిందే. కాగా, బ్రిటన్​ ప్రధాని పదవిలో ఉండి లార్డ్​ లివర్​పూల్​ 1822లో పెళ్లి చేసుకున్నాడు.

హాలీవుడ్‌ నటి ఎలెన్‌ పేజ్‌(30) రహస్య వివాహం వెలుగులోకి రావటంతో హాలీవుడ్‌లో తీవ్ర చర్చనీయాంశంగా మారింది. తానోక లెస్బెనియన్‌ అని గర్వంగా ప్రకటించుకున్న ఈ ఎక్స్‌ మెన్‌ హీరోయిన్‌.. గతంలో ఇద్దరు నటీమణులతో సహజీవనం కూడా చేశారు.  ఆరు నెలల క్రితం సహ నటి, డాన్సర్‌ అయిన ఎమ్మా పోర్ట్‌నర్‌తో సన్నిహితంగా ఉన్న ఫోటోలను అప్‌లోడ్‌ చేసి తాము సహజీవనం చేస్తున్నట్లు ఆమె ప్రకటించారు. ఇక ఇప్పుడు ఏకంగా ఆమెను వివాహం చేసుకున్నట్లు ఇన్‌స్టాగ్రామ్‌లో ఓ పోస్ట్‌ చేసి మళ్లీ వార్తల్లో నిలిచారు. ‘‘నమ్మలేకపోతున్నా.. అద్భుతమైన మహిళ ఇక నా భార్యగా మారిపోయిందా?’’ అంటూ చేతులకు ఉంగరాలు ఉన్న ఫోటోను ఎలెన్‌ షేర్‌ చేసింది. ఇక ఎమ్మా కూడా అదే పోస్టు చేసి.. తన ప్రేమను వ్యక్త పరిచింది.  అయితే వీరిద్దరి వివాహం చాలా రోజుల క్రితమే జరిగినట్లు బంధువులు చెబుతుండటం విశేషం. గతంలో ఎలెన్‌.. నటి సమంత థామస్‌తో కూడా రెండేళ్లపాటు సహజీవనం చేసిన విషయం చేసింది కూడా.   ఎక్స్‌ మెన్‌ ఫ్రాంచైజీ చిత్రాలతోపాటు, ఇన్‌సెప్షన్‌, జునో తదితర బ్లాక్‌ బస్టర్‌లలో ఎలెన్‌ పేజ్‌ నటించారు. ప్రస్తుతం ఈ జంటకు సోషల్‌ మీడియాలో అభినందనలు తెలియజేస్తూ సందేశాలు వచ్చి పడుతున్నాయి. Can’t believe I get to call this extraordinary woman my wife. @emmaportner A post shared by @ ellenpage on Jan 3, 2018 at 12:19pm PST I get to call this incredible woman MY WIFE! @ellenpage I LOVE YOU! A post shared by Emma Portner (@emmaportner) on Jan 3, 2018 at 12:19pm PST


 కేస్ స్టడీ
 
 రమేష్, అజయ్, శ్రీనివాస్‌లు మంచి స్నేహితులు. వారంతా ‘కాంపస్’ హాస్టల్‌లో ఉంటూ ఉన్నత చదువులు చదువుతున్నారు. ఒక రోజు ఉన్నట్లుండి వీరి కామన్ ఫ్రెండ్ సుధీర్‌ను పోలీసులు ఎక్కడికో పిలిపించి బాగా కొట్టి కేస్ పెట్టారని, పోలీస్ స్టేషన్‌లో ఉన్నాడని తెలిసింది. వెంటనే క్యాంపస్ మిత్రులంతా వెళ్లి స్టేషన్ బెయిల్ ఇప్పించి సుధీర్‌ను బయటకు తెచ్చుకున్నారు. అదే రోజు న్యాయవాదిని సంప్రదించారు. సుధీర్‌ను అన్ని విషయాలు వివరంగా అడిగిన న్యాయవాది అతనిపై నిర్భయ చట్టం క్రింద కేస్ బుక్ అయిందని చెప్పారు. సుధీర్ నివ్వెరపోయాడు. ఆ కేస్ పెట్టిన అమ్మాయితో తనకు నాలుగేళ్లుగా సంబంధం ఉందని, రహస్యంగా తాళి కట్టానని, పెద్దలను ఎదిరించలేక తనపై కేస్ పెట్టిందని వాపోయాడు. తల్లిదండ్రులు కడుపు కట్టుకొని హాస్టళ్లలో ఉంచి చదివిస్తుంటే మీరేమో ప్రేమ వ్యవహారాల్లో ఇరుక్కొని బంగారంలాంటి భవిష్యత్ నాశనం చేసుకుంటున్నారని న్యాయవాది ఆవేదన వ్యక్తం చేస్తూ, రహస్యంగా తాళికట్టి సంసారం చేస్తే అది వివాహం కాదని చెప్పారు.
 
 
 ఇద్దరూ హాస్టల్స్‌లో ఉంటూ, అదీ ఆ అమ్మాయి వేరే జిల్లాలో హాస్టల్‌లో ఉంటూ, ఫ్రెండ్స్ రూమ్స్‌లో దొంగచాటుగా కలిస్తే అది వివాహమెలా అవుతుందని, అది చెల్లదని స్పష్టం చేశారు. ఒకవేళ తాళి కడితే, దానికి ఎవరైనా సాక్ష్యం ఉండాలని, కనీసం ఫొటోలైనా ఉండాలని, లేకుంటే ఎక్కడైనా కలిసి కాపురం చేసినట్లు దాఖలాలైనా ఉండాలని అన్నారు. వారి మధ్య ప్రేమ కంటే ఆకర్షణ ఎక్కువగా ఉందని, ఆ అమ్మాయిని బలవంతంగా తన భార్య అని రప్పించుకొనే అవకాశం లేదని, అలా చేస్తే అది ఇంకో కేస్ కిందకు వస్తుందని తెలియచేశారు. ఆవేశంతో ఊగిపోతూ అమ్మాయిలంతా మోసగత్తెలంటూ వచ్చిన మిత్రబృందం సుధీర్ చేసిన పిచ్చి పనికి బాధపడి బెయిలబుల్ సబ్‌సెక్షన్ కింద కేస్ బుక్ చేసిందుకు కాస్త ఊరట చెందుతూ లాయర్‌గారి సలహా ప్రకారం కాంప్రమైజ్‌కు వచ్చేలా, కేస్ ఎత్తివేసేలా ఆ అమ్మాయిని ఒప్పించడానికి ప్రయత్నాలు మొదలుపెట్టారు. కనుక ఎవ్వరికీ తెలియకుండా, జీవితంలో స్థిరపడకుండా, వేరే వేరే ఊళ్లలో ఉంటూ, ఎక్కడో కలుసుకుంటూ, కుదరకపోతే బెదిరిస్తూ ఉంటే సుధీర్‌లాగా క్రిమినల్ కేసుల్లో ఇరుక్కునే అవకాశం ఉంది. విలువైన భవిష్యత్తుకు భంగం వాటిల్లుతుంది. కుటుంబ సభ్యులకు మనోవేదన మిగులుతుంది.


 లండన్: హాలీవుడ్ స్టార్ హీరో టామ్ క్రూజ్ కూతురు ఇసబెల్లా క్రూజ్.. తన బాయ్ ఫ్రెండ్ ను రహస్యంగా పెళ్లాడారు. ఈ వివాహానికి టామ్ క్రూజ్ సహా అతని మాజీ భార్య నికోల్ కిడ్ మన్ లు హాజరుకాలేదని, అయితే వివారాలు మాత్రం తెలుసుకున్నారని  లండన్ కు చెందిన 'విమెన్స్ డే' మ్యాగజైన్ కథనాన్ని ప్రచురించింది. ఆ వివరాల ప్రకారం..
 
 లండన్ లో హెయిర్ స్టైలిస్ట్ గా పనిచేస్తోన్న టామ్ కూతురు ఇసబెల్లా (22 ఏళ్లు).. ఏడాదికాలంగా మాక్స్ పార్కర్ అనే ఐటీ కన్సల్టెంట్ తో డేటింగ్ చేస్తోంది. కాగా, ఈ జంట.. నెలరోజుల కిందట వివాహం చేసుకుంది. లండన్ లోని ప్రఖ్యాత డోర్చెస్టర్ స్టార్ హోటల్ లో అతికొద్దిమంది మాత్రమే పాల్గొన్న ఈ కార్యక్రమానికి వధువు తల్లిదండ్రులు  టామ్ క్రూజ్, నికోల్ కిడ్ మన్ లు హాజరుకాలేదు.
 
 అయితే కూతురి వివాహం గురించి టామ్ క్రూజ్ కు ముందే తెలుసని, వేడుక జరిగిన తీరుపై ఆయన ఆరా తీశారని 'విమెన్స్ డే' పేర్కొంది. అటు నికోల్ కిడ్ మన్ కూడా లండన్ లోనే ఉన్నప్పటికీ వివాహానికి హాజరయింది లేనిది తెలియరాలేదు. ఇసబెల్లా సోదరుడు కానర్ కూడా పెళ్లికి వెళ్లలేదు. నిజానికి ఇసబెల్లా టామ్ క్రూజ్ దత్తపుత్రిక. క్రూజ్, నికోల్ కిడ్ మన్ లు భార్యాభర్తలుగా కలిసున్న కాలంలో (1992 నుంచి 2001 వరకు) ఇసబెల్లాను దత్తత తీసుకున్నారు. ఈమెకాకుండా క్రూజ్ కు మరో ఇద్దరు పిల్లలున్నారు.