స్టార్‌వారసురాలిగా ఎంట్రీ ఇచ్చిన నటి శృతీహాసన్‌ కొంత కాలంగా నటనకు దూరంగా ఉంటున్నారు. కమలహాసన్, సారిక వంటి నట దిగ్గజాల వారసురాలైన ఈ సంచలన నటి బాలీవుడ్‌లో నటనకు శ్రీకారం చుట్టినా, తమిళ, తెలుగు భాషల్లో క్రేజీ కథానాయకిగా గుర్తింపు తెచ్చుకున్నారు. దీంతో దక్షిణాదికి ఒక మంచి కమర్షియల్‌ కథానాయకి లభించిందని అందరూ భావించారు. ఇతర అగ్రనాయికలకు పోటీ అనే స్థాయికి చేరిన శ్రుతీహాసన్‌ సడన్‌గా సినిమాలకు దూరం అయ్యారు. ఇటీవల ఈ బ్రేక్‌కు కారణాలను వెల్లడించారు. నటన మాత్రమే తనకు ముఖ్యం కాదని, ఇతరత్రా చాలా ఉన్నాయని అప్పట్లో పేర్కొన్న శ్రుతీహాసన్‌ తాజాగా ఈ గ్యాప్‌ గురించి ఒక స్పష్టమైన వివరణ ఇచ్చారు. లండన్‌కు చెందిన మైఖెల్‌ అనే వ్యక్తి ప్రేమలో పడ్డట్టు, ఆయనతో పెళ్లికి సిద్ధం కావడంతోనే నటనకు దూరం అయ్యారనే ప్రచారం కూడా జరిగింది. అయితే ఇటీవల చెన్నైలో జరిగిన ఒక కార్యక్రమంలో పాల్గొన్న ఈ బ్యూటీ అన్ని విషయాలపై క్లారిటీ ఇచ్చే ప్రయత్నం చేశారు. తన గ్యాప్‌ గురించి చాలా మంది చాలా రకాలుగా చర్చించుకుంటున్న విషయం తెలుసన్నారు. అలాంటి వారికి చెప్పేదేమిటంటే  తన గురించి తాను పూర్తిగా అర్థం చేసుకోవడానికి కొంత సమయం అవసరం అయ్యిందన్నారు. తన బలం, బలహీనత తెలుసుకోవడానికే ఈ గ్యాప్‌ తీసుకున్నానని చెప్పారు. ప్రస్తుతం తానేమిటో క్లియర్‌గా అర్థం చేసుకున్నానని, ఇకపై తన నుంచి అభిమానులు అధిక చిత్రాలను ఆశించవచ్చని శ్రుతిహాసన్‌ అన్నారు. ఈ బ్యూటీ చిన్న గ్యాప్‌ తరువాత నటనకు రెడీ అయిపోయారు. ప్రస్తుతం ఒక హిందీ చిత్రంలో నటిస్తున్నారు. త్వరలోనే తండ్రితో కలిసి నటిస్తున్న శభాష్‌నాయుడు చిత్ర షూటింగ్‌ మొదలవుతుందని శ్రుతీహాసన్‌ తెలిపారు.

మేడమ్‌గారు ఈ మధ్య ముంబయ్‌లో తక్కువ, లండన్‌లో ఎక్కువ ఉంటున్నారులెండి! అప్పుడెప్పుడో ఓసారి మేఖైల్‌ కోర్సలే అనే లండన్‌ బేస్డ్‌ యాక్టర్‌తో శ్రుతి హాసన్‌ డేటింగ్‌ చేస్తున్నారనే వార్తలొచ్చాయి. మరి, ఆ వార్త నిజమో లేక చేతిలో సినిమాలేవీ లేవని సరదాగా షికార్లు చేస్తున్నారో! చాలా రోజులుగా శ్రుతి లండన్‌లోనే ఉంటున్నారనేది హండ్రెడ్‌ పర్సెంట్‌ ట్రూత్‌. లండన్‌లో... ‘ట్రైన్‌లో తిరిగాను, టాకోస్‌ తిన్నాను, కొత్త కీ–బోర్డు కొన్నాను’ అని సోషల్‌ మీడియాలో ఎప్పటికప్పుడు అప్‌డేట్స్‌ ఇచ్చే ఈ బ్యూటీ, నిన్న చెన్నై వస్తున్నట్టు తెలిపారు. ఎందుకంటే... ‘చెన్నై కాలింగ్‌! ఇంటికి వెళ్లాలి, ఫ్యామిలీని కలవాలి, వర్క్‌ ఉంది’ అని పేర్కొన్నారు. బహుశా... కొంతకాలంగా ఆఫీసుకి పరిమితమైన ‘శభాష్‌ నాయుడు’ కథకి, షూటింగ్‌ చేసిన కొంత భాగానికి శ్రుతి తండ్రి కమల్‌ హాసన్‌ బూజులు ఏమైనా దులిపి మళ్లీ పట్టాలు ఎక్కిస్తారంటారా? లేదంటే... కొత్త సిన్మా చాన్స్‌ ఏదైనా వచ్చుండొచ్చు కూడా!!

తమిళసినిమా: చక్కనమ్మ చిక్కినా అందమే.. అనేది నాటి మాట. ముద్దు గుమ్మ బొద్దుగా మారినా అందమే అనేది నేటి మాట. ఇంతకీ అసలు విషయమేమిటంటే కోలీవుడ్‌లోనే కాకుండా దక్షిణాదిలో క్రేజీ హీరోయిన్‌గా వెలుగుతున్న బ్యూటీ శ్రుతీహాసన్‌. అమ్మడు తమిళం, తెలుగు, హిందీ అంటూ మూడు భాషల్లో బిజీబిజీగా నటిస్తూ చెక్కర్లు కొడుతోంది. సుందర్‌ సి రూపొందిస్తున్న చారిత్రాత్మక చిత్రం సంఘమిత్రలో నటించడానికి సిద్ధమైన శ్రుతి అకస్మాత్తుగా అందులో నుంచి పక్కకు తప్పుకుంది. అయితే ఆ తర్వాత ఆమె కొత్తగా ఏ చిత్రానికి కమిట్‌ కాలేదు. ప్రస్తుతం శ్రుతి చేతిలో శభాష్‌ నాయుడు చిత్రం మాత్రమే ఉంది. గత కొంత కాలంగా చిత్ర షూటింగ్‌లు లేకపోవడంతో శ్రుతి మునుపటి వలే అందాలకు మెరుగులు దిద్దుకోకపోవడంతో భారీగా బరువు పెరిగిపోయింది. ఇటీవల  ఒక దుకాణం ప్రారంభోత్సవంలో పాల్గొన్న శ్రుతి బరువెక్కిన అందాలతో కాస్త బబ్లీగా కనిపించే ఫొటోలు ఇప్పుడు సామాజిక మాధ్యమాల్లో హల్‌చల్‌ చేస్తున్నాయి.


 శ్రుతీహాసన్‌ ప్రస్తుతం తన తండ్రి కమలహాసన్‌ దర్శకత్వం వహిస్తూ నటిస్తున్న శభాష్‌నాయుడు చిత్రంతో పాటు ఒక హిందీ చిత్రంలో నటిస్తున్నారు. ఈ బ్యూటీ చేతిలో పెద్దగా చిత్రాలు లేకపోయినా యమా ఖుషీగా ఉన్నారు. అందుకు కారణం సంఘమిత్ర అనే భారీ చారిత్రాత్మక చిత్రంలో యువరాణిగా నటించనుండటం మాత్రమే కాదు, ఆ చిత్రం ప్రారంభానికి ముందే కేన్స్‌ చిత్రోత్సవాల్లో పరిచయమై ప్రపంచస్థాయిలో విశేష ప్రచారాన్ని పొందుతోంది.
 చిత్ర యూనిట్‌తో కలిసి ఇటీవలే ఈ చిత్రోత్సవాల్లో హల్‌చల్‌ చేసిన నటి శ్రుతీహాసన్‌కు మరొక వేడుక అక్కడే రెడ్‌కార్పెట్‌ పరిచింది.‘హౌ టు టాక్‌ టు గర్ల్స్‌ ఎట్‌ పార్టీస్‌’ అనే హాలీవుడ్‌ చిత్ర ప్రీమియర్‌ షోకు అతిథిగా ఆహ్వానం అందుకున్నారు. ఈ చిత్ర రచయిత, ప్రఖ్యాత ఆంగ్ల రచయిత నెయిల్‌ గైమెన్‌ శ్రుతీని కేన్స్‌ చిత్రోత్సవాల్లో  చూసి ఆశ్చర్యపోయారట. వెంటనే తన కథతో తెరకెక్కిన ఈ చిత్ర ప్రీమియర్‌ షోకు ఆహ్వానించారట.
 వీరిద్దరూ ఇంతకు ముందే ట్విట్టర్‌ ఫ్రెండ్స్‌ అట. ఒకరంటే ఒకరికి గౌరవం అట. శ్రుతీ బహుముఖ పత్రిభను నెయిల్‌ గైన్‌ తెగ పొగిడేశారు. ప్రతిగా తన అభిమాన రచయిత నెయిల్‌గైన్‌ అంటూ శ్రుతీహాసన్‌ పొగిడారు. నెయిల్‌ గైన్‌ నవలంటే తనకు చాలా ఇష్టం అని, ఆయన రాసిన నవలలు చాలా చదివానని శ్రుతీ పేర్కొన్నారు. ఆయనను అక్కడ కలుసుకోవడం చాలా సంతోషంగా ఉందని శ్రుతీహాసన్‌ తన ఆనందాన్ని వ్యక్తం చేశారు.


 లోకనాయకుడు కమల్ హాసన్ కొంత కాలంగా ఇంటికే పరిమితమయ్యాడు. తన ఇంట్లో జరిగిన ప్రమాదంలో గాయపడిన కమల్ సెట్స్ మీద ఉన్న శభాష్ నాయుడు సినిమా షూటింగ్ను కూడా ఆపేయాల్సి వచ్చింది. దాదాపు ఐదు నెలలకు పైగా షూటింగ్ వాయిదా వేసిన కమల్, ఇప్పుడు పూర్తి ఫిట్గా కనిపిస్తున్నాడు. కొద్ది రోజులుగా బయట ఎక్కడా కనిపించిన లోకనాయకుడు తాజాగా చెన్నై ఎయిర్ పోర్ట్లో కనిపించాడు.
 
 ప్రస్తుతం ఫిట్గా ఉండటంతో జనవరి మొదటి వారంలోనే శభాష్ నాయుడు షూటింగ్ను తిరిగి ప్రారంభించే ఆలోచనలో ఉన్నారు. అంతేకాదు కమల్ డ్రీమ్ ప్రాజెక్ట్ మురుదనాయగం సినిమాను కూడా తిరిగి ప్రారంభించేందుకు ప్రయత్నాలు చేస్తున్నాడు కమల్. శభాష్ నాయుడు సినిమాను నిర్మిస్తున్న లైకా ప్రొడక్షన్స్ సంస్థ మురుదనాయగం ను తిరిగి ప్రారంభించేందుంకు ప్లాన్ చేస్తోంది.


 చెన్నై: ప్రముఖ నటుడు కమల్ హాసన్ గాయపడ్డారు. గురువారం తెల్లవారుజామున ఆయన తన కార్యాలయంలో మెట్లు దిగుతూ జారి పడ్డారు. దీంతో ఆయన కాలికి గాయం అయ్యింది. దీంతో కుటుంబసభ్యులు వెంటనే కమల్ ను అపోలో ఆస్పత్రికి తరలించారు. ఆయనకు సర్జరీ చేసిన వైద్యులు ప్రమాదం ఏమి లేదని , రేపు డిస్ చార్జ్ చేయనున్నట్టు తెలిపారు.
 కమల్ ఇటీవలే శభాష్ నాయుడు షూటింగ్ షెడ్యూల్ ముగించుకొని చెన్నై చేరుకున్నారు. ప్రస్తుతం ఈ సినిమా పోస్ట్ ప్రొడక్షన్ పనులతో బిజీగా ఉన్నారు. కమల్ తొలిసారిగా తన కూతురు శృతిహాసన్ తో కలిసి నటిస్తున్న శభాష్ నాయుడు చిత్రం ప్రస్తుతం సెట్స్ ఉంది. ఈ చిత్రాన్ని కమల్ స్వయంగా డైరెక్ట్ చేస్తుండగా సీనియర్ హీరోయిన్ రమ్యకృష్ణ మరో కీలక పాత్రలో నటిస్తోంది.