బిగ్‌బాస్‌ 6 షోలో అందరికీ వంట చేసి పెట్టింది సుదీప. అంతేనా, అందరినీ కమాండ్‌ చేస్తూ బాస్‌ లేడీ అన్న ట్యాగ్‌ను కూడా సంపాదించింది. ఆరోవారంలో షో నుంచి ఎలిమినేట్‌ అయిన పింకీ బయటకు వచ్చిన తర్వాత పలు ఇంటర్వ్యూలు ఇస్తూ ఫుల్‌ బిజీ అయింది. ఈ క్రమంలో తాజాగా ఓ ఇంటర్వ్యూలో పలు ఆసక్తికర విషయాలు పంచుకుంది. 'నా మొదటి సినిమా యమ్‌.ధర్మరాజు ఎమ్‌ఏ. ఈ సినిమా రచయిత వేమూరి సత్యానారాయణతో మా తాతగారికి పరిచయం ఉంది. ఈ మూవీ కోసం చెన్నై నుంచి తీసుకువచ్చిన వచ్చిన అమ్మాయి సమయానికి చేయనంది. రాజమండ్రిలో ఈ మూవీ షూటింగ్‌ జరుగుతుందంటే చూడటానికి వెళ్లినప్పుడు మా మనవరాలికి ఇంట్రస్ట్‌ ఉంది, ఏదైనా పాత్ర ఉంటే చెప్పండని తాతగారు అన్నారు. అలా చెన్నై అమ్మాయి హ్యాండివ్వడంతో నన్ను తీసుకున్నారు. సినిమా చాలా పెద్ద హిట్టయింది. 7జి బృందావన కాలనీ కోసం నల్లగా ఉండాలి, సన్నబడాలన్నారు. అందుకోసం రోజూ ఒక గంటసేపు ఎండలో నిలబడేదాన్ని. ఆ తర్వాత ఉదయ్‌ కిరణ్‌వి 9 సినిమాలు ఒకేసారి స్టార్ట్‌ అయ్యాయి. అందులో ఐదింటికి నేను సంతకం చేశా.. కానీ చాలా చిత్రాలు మధ్యలోనే ఆగిపోయాయి. అతడు చాలా సాఫ్ట్‌గా ఉంటాడు. మనం కొంచెం డల్‌గా కనిపిస్తే వెంటనే వచ్చి ఏమైంది? ఏం జరిగింది, ఏదైనా ఇబ్బందా? అని అడిగే తత్వం తనది. సంతోషాన్ని పంచుకోకపోయినా బాధను పసిగట్టి ఓదార్చే మనిషి. అతడితో నేను చేసిన చివరి చిత్రం వియ్యాలవారి కయ్యాలు. ఏ కష్టం వచ్చిందో ఆత్మహత్య చేసుకుని అందరినీ వదిలేసి వెళ్లాడు. కానీ ప్రజల మనసులో మాత్రం శాశ్వతంగా నిలిచిపోయాడు' అని ఎమోషనలైంది సుదీప. చదవండి: పవిత్ర నరేశ్‌ బ్రేకప్‌, ఏమైందంటే? కన్ఫ్యూజన్‌ మాస్టర​ ఎలిమినేట్‌ చేదు అనుభవం, కెరీర్‌ ముగిసిపోయిందనుకున్నా

బిగ్‌బాస్‌ 6 తెలుగు షో నుంచి తాజాగా బయటకు వచ్చేసింది సుదీప. ఎలాంటి గొడవ వచ్చినా మాటలతో నెగ్గుకు వచ్చే ఈ పింకీ తాజాగా బిగ్‌బాస్‌ బజ్‌లో పాల్గొంది. ఈ సందర్భంగా యాంకర్‌ శివ సుదీపకు వరుస ప్రశ్నలు విసిరాడు. కిచెన్‌లో ఉంటే అందరికీ మంచి అభిప్రాయం వస్తుందని వంటగదిలో సెటిలైపోయారా? అని అడిగాడు. అందుకామె అలాంటి ఆలోచనే తనకు లేదని చెప్పింది. ఎవరూ నాకు వంటరాదంటే నాకు రాదని చేతులెత్తేయడంతో అక్కడ ఉన్నానంది. ఇంట్లో అనవసరంగా గొడవలు పడే వ్యక్తి రేవంత్‌ అని ముక్కుసూటిగా చెప్పేసింది. హౌస్‌లో ఫేవరెటిజం చూపించారట? అన్న ప్రశ్నకు సుదీప స్పందిస్తూ.. ఎవరైనా డల్‌గా ఉంటే వెళ్లి పలకరించేదాన్ని, ఎవరినైనా టార్గెట్‌ చేస్తున్నారంటే వాళ్ల వెనకాల నిలబడేదాన్ని.. దీన్ని ఫేవరెటిజం అనుకుంటే నేనేం చేయలేను అని చెప్పుకొచ్చింది. ఏదేమైనా హౌస్‌లోనే కాదు, బయట కూడా సుదీప తన వాక్చాతుర్యంతో ఎదుటివారు తనకు కౌంటర్‌ ఇచ్చేందుకు ఛాన్స్‌ ఇవ్వదని ఈ బజ్‌తో మరోసారి రుజువైంది. చదవండి: ఏడోవారం నామినేషన్‌లో ఎవరెవరున్నారంటే?

Bigg Boss Telugu 6, Episode 43: సండేను ఫండే చేసేందుకు నాగార్జున గట్టిగానే ట్రై చేశాడు. టాస్కుల పేరుతో పాటలు, డ్యాన్సులతో ఎపిసోడ్‌ను ఎలాగోలా నెట్టుకొచ్చాడు. ఆరోవారం ఆరో కంటెస్టెంట్‌ను ఎలిమినేట్‌ చేశాడు. మరి ఆ వివరాలన్నీ తెలియాలంటే నేటి ఎపిసోడ్‌ హైలైట్స్‌ చదివేయండి.. నాగార్జున వచ్చీరాగానే ఆదిరెడ్డి, కీర్తి, రాజ్‌ను సేఫ్‌ చేశాడు. తర్వాత హౌస్‌మేట్స్‌కి స్క్రీన్‌పై బొమ్మలు చూపించి ఆ పాటేంటో గెస్‌ చేయమని గేమ్‌ ఆడించాడు. ఫుల్‌ ఎనర్జీతో ఉన్న కంటెస్టెంట్లు పాట గెస్‌ చేయడమూ దానికి తగ్గట్లు స్టెప్పులేయడమూ చేశారు. ఇదైపోగానే మరో ఇంట్రస్టింగ్‌ గేమ్‌ ఆడించాడు నాగ్‌. కొన్ని డైలాగ్‌ ప్లేట్లు ఇచ్చి ఇది మీకు సెట్టవుతుందా? లేదా మరెవరికైనా సెట్టవుతుందా? చెప్పమన్నాడు. ముందుగా బాలాదిత్య లేచి... అవసరాల కోసం దారులు తొక్కే పాత్రలే తప్ప హీరోలు, విలన్లు లేరీ నాటకంలో అన్న డైలాగ్‌ గీతూకు సరిగ్గా సరిపోతుందన్నాడు. సొల్లాపు, దమ్ముంటే నన్ను ఆపు అని సూర్యను హెచ్చరించింది ఇనయ. నా పేరు శివమణి, నాక్కొంచెం మెంటల్‌ అంది ఫైమా. ఒక్కసారి కమిట్‌ అయితే నా మాట నేనే విననని చెప్పింది శ్రీసత్య. నా సావు నేను సస్తా, నీకెందుకు? అని రాజ్‌ను అడిగేసింది గీతూ. నువ్వు అరిస్తే అరుపులే, నేను అరిస్తే మెరుపులు అని ఒకరకంగా ఫైమాకు వార్నింగ్‌ ఇచ్చింది సుదీప. మాస్‌తో పెట్టుకుంటే మడతడిపోద్ది అని ఇనయను హెచ్చరించాడు సూర్య. చూడు ఒకవైపే చూడు, రెండో వైపు చూడాలనుకోకు.. తట్టుకోలేవు, మాడిపోతావు అని ఇనయకు వార్నింగ్‌ ఇచ్చాడు శ్రీహాన్‌. నా సావు నేను సస్తా, నీకెందుకు అని ఆదిరెడ్డిని అడిగింది కీర్తి. నువ్వు అరిస్తే అరుపులే, నేను అరిస్తే మెరుపులే అన్న డైలాగ్‌ను ఒకరికొకరు అంకితమిచ్చుకున్నారు రోహిత్‌, ఆదిరెడ్డి. దమ్ము టన్నులు టన్నులుంది చూస్తావా? అని గీతూను అడిగాడు రాజ్‌. ఒకసారి కమిట్‌ అయితే నా మాట నేనే వినను అని అందరిముందు రోహిత్‌కు స్ట్రాంగ్‌గా చెప్పింది మెరీనా. చెయ్యి చూశావా? ఎంత రఫ్‌గా ఉందో, రఫ్ఫాడిస్తా అని అర్జున్‌ను బెదిరించాడు రేవంత్‌. చెయ్యి చూశావా? ఎంత రఫ్‌గా ఉందో, రఫ్ఫాడిస్తా అని రేవంత్‌ను బెదిరించింది వాసంతి. నన్ను కొడుతున్నాడు, పకోడి అని పిలుస్తున్నాడు, ఈసారి నన్ను కొడితే తిరిగి కొడ్తానంది వాసంతి. తర్వాత గీతూ సేఫ్‌ అయింది. చివరగా బాలాదిత్య, సుదీప మిగలగా.. సుదీప ఎలిమినేట్‌ అయినట్లు ప్రకటించాడు నాగ్‌. దీంతో బాలాదిత్య, మెరీనా, వాసంతి కన్నీళ్లు పెట్టుకున్నారు. గీతూ మాత్రం ఏదో ఆలోచిస్తూ.. మనం ఈ హౌస్‌లో మాట్లాడకపోతేనే బాగుంటుంది, బయట వెళ్లాక ఈ బ్రదర్‌ అండ్‌ సిస్టర్‌ రిలేషన్‌ పెట్టుకుందామని బాలాదిత్యతో అంది. తర్వాత స్టేజీ మీదకు వచ్చిన సుదీప.. ఇంటిసభ్యులను కొన్ని కూరగాయల మీనింగ్స్‌తో పోల్చింది. అల్లం ఎలా వంకరటింకరగా ఉంటుందో గీతూ అలా వంకరటింకరగా నడుస్తుందని చెప్పింది. పచ్చిమిర్చి ఘాటులా రేవంత్‌ది షార్ట్‌టంగ్‌ అంది. ఆదిరెడ్డి కొబ్బరికాయలా పైకి గట్టిగా ఉన్నా లోపల సాఫ్ట్‌గా ఉంటాడంది. అర్జున్‌ కన్‌ఫ్యూజ్‌డ్‌, శ్రీహాన్‌ మాస్క్‌ వెనకాల దాక్కున్నాడు, అంటే పరిస్థితులకు తగ్గట్టుగా అవసరమైనవి చూపిస్తాడు అని పేర్కొంది. రాడిష్‌లా ఇనయను చాలా తక్కువ మంది ఇష్టపడ్తారంది. కానీ ఆమె మనసులో ఏమీ పెట్టుకోదని మెచ్చుకుంది. ఫైమా ఇంకా చిన్నదే కాబట్టి ఇమ్మెచ్యూర్‌ అంది. బద్ధకస్తురాలైన గీతూను జిడ్డుతో పోల్చింది. చదవండి: చెయ్యి చూశావా? ఎంత రఫ్‌గా ఉందో.. : వాసంతి హన్సిక రాయల్‌ వెడ్డింగ్‌, పెళ్లి ఎక్కడో తెలుసా?

బిగ్‌బాస్‌ తెలుగు ఆరో సీజన్‌లో మరో ఎలిమినేషన్‌కు ముహూర్తం ఆసన్నమైంది. ఇప్పటికే అభినయ శ్రీ, షాని, నేహా చౌదరి, ఆరోహి, చంటి ఎలిమినేట్‌ అయ్యారు. ఈ క్రమంలో ఆరో వారం ఎవరు ఎలిమినేట్‌ కానున్నారన్నది ఆసక్తికరంగా మారింది. ఈ వారం కీర్తి, ఆదిరెడ్డి, గీతూ, బాలాదిత్య, సుదీప, శ్రీహాన్‌, రాజ్‌, శ్రీసత్య, మెరీనా నామినేషన్‌లో ఉన్నారు. వీరిలో శ్రీహాన్‌, ఆదిరెడ్డి, గీతూ, శ్రీసత్యలు ఓటింగ్‌లో దుమ్ము దులిపేశారట. రాజ్‌, కీర్తిలకు కూడా బాగానే ఓట్లు పడినట్లు తెలుస్తోంది. మిగిలిన సుదీప, మెరీనా, బాలాదిత్యలు డేంజర్‌ జోన్‌లో ఉండిపోయారట. ఈ ముగ్గురిలో ఎవరైనా ఎలిమినేట్‌ అయ్యే ఛాన్స్‌ ఉందని నామినేషన్స్‌ జరిగినప్పటి నుంచే ప్రచారం జరుగుతోంది. అయితే ఈ వారం బాలాదిత్య హౌస్‌మేట్స్‌ కోసం సిగరెట్లు త్యాగం చేశాడు. ఈ అంశం అతడికి బాగా కలిసొచ్చినట్లు కనిపిస్తోంది. చివరగా సుదీప, బాలాదిత్య మిగలగా.. వీరిలో సుదీప ఎలిమినేట్‌ అయినట్లు సోషల్‌ మీడియాలో జోరుగా ప్రచారం జరుగుతోంది. మరి నిజంగానే పింకీ ఎలిమినేట్‌ అయిందా? లేదా? అనేది తెలియాలంటే నాగార్జున అధికారికంగా ప్రకటించేవరకు నిరీక్షించాల్సిందే! చదవండి: సిగరెట్లు లేక అల్లాడుతున్న బాలాదిత్య, చలించిపోయిన భార్య మావాడి వెనకాల ఇనయ తిరుగుతోంది: సూర్య ప్రేయసి

నామినేషన్స్‌తో ఫైర్‌ మీదున్న కంటెస్టెంట్లను బిగ్‌బాస్‌ కూల్‌ చేసినట్లు తెలుస్తోంది. బ్యాటరీ రీచార్జ్‌ టాస్క్‌తో వారిని ఏడిపించి చివర్లో మాత్రం నవ్వించినట్లు తెలుస్తోంది. ఈ మేరకు తాజాగా ప్రోమో రిలీజైంది. ఇందులో సుదీప, ఆదిరెడ్డిలకు తమ ఇంటిసభ్యుల నుంచి ఆడియో కాల్‌ కావాలా? వీడియో కాల్‌ కావాలా? ఫుడ్‌ కావాలా? అని అడిగాడు. వారు ఎంచుకునే ఆప్షన్‌ను బట్టి బ్యాటరీలు డౌన్‌ అవుతాయని చెప్పాడు. దీంతో వారు ఏది సెలక్ట్‌ చేసుకోవాలో అర్థం కాక ఎమోషనలయ్యారు. అయితే సుదీప తన ఫ్యామిలీతో ఫోన్‌ కాల్‌ మాట్లాడినట్లు కనిపిస్తోంది. మరి మిగతావారికి ఆడియో కాలా? వీడియో కాలా? అనేది తెలియాల్సి ఉంది. మొత్తానికి నేటి ఎపిసోడ్‌ బోలెడన్ని ట్విస్టులు, సర్‌ప్రైజ్‌లతో రెడీగా ఉన్నట్లు కనిపిస్తోంది. చదవండి: బిగ్‌బాస్‌ వార్నింగ్‌, ఏడ్చేసిన శ్రీహాన్‌ ఒకే ఒక జీవితం ఓటీటీ రిలీజ్‌ డేట్‌ వచ్చేసింది

సండే ఎంత ఫండేగా ముగుస్తుందో మండే అంత ఫైర్‌గా ఉంటుంది. అందుకు కారణం.. ఇంట్లో నుంచి ఒకరిని బయటకు పంపించేందుకు నామినేషన్స్‌ ప్రక్రియ జరగడమే! ఇక్కడ ఫ్రెండ్‌షిప్‌, రిలేషన్స్‌ అన్నీ పక్కన పెట్టి ఒకరినొకరు నామినేట్‌ చేసుకుంటారు. తాజాగా హౌస్‌లో నామినేషన్‌ ప్రక్రియ మొదలైంది. ఈ మేరకు తాజాగా ప్రోమో రిలీజైంది. ఇందులో మరోసారి హౌస్‌మేట్స్‌ గొడవకు దిగినట్లు తెలుస్తోంది. ఇకపోతే ఈ వారం నామినేషన్స్‌లో 9 మంది ఉన్నట్లు సోషల్‌ మీడియాలో ఓ వార్త వైరల్‌గా మారింది. దీని ప్రకారం.. ఆది రెడ్డి, బాలాదిత్య, సుదీప, కీర్తి, మెరీనా, గీతూ, రాజ్‌, శ్రీహాన్‌, శ్రీసత్య నామినేషన్స్‌లో ఉన్నట్లు తెలుస్తోంది. మరి నామినేషన్స్‌ ప్రక్రియ ఎలా జరిగిందో తెలియాలంటే ఎపిసోడ్‌ వచ్చేంతవరకు ఆగాల్సిందే! చదవండి: రివ్యూలు చేసే గీతూకే అంతుంటే నాకెంతుండాలి!

బిగ్‌బాస్‌ సీజన్‌-6, 29వ రోజు దసరా స్పెషల్‌ ఎపిసోడ్‌లో భాగంగా ఆటలు, పాటలతో చలా సందడిగా సాగింది.  అయితే ఆరోహి ఎలిమినేట్‌ కావడం హౌస్‌మేట్స్‌కు బాగానే షాక్‌ ఇచ్చిందనే చెప్పొచ్చు. ఇక సూర్యను ఓదార్చడం ఎవరితరం కాలేదు. చిన్నపిల్లాడిలా ఆరోహి కోసం సూర్య కంటతడి పెట్టాడు. చివర్లో ఆమెకు లవ్‌ యూ కూడా చెప్పాడు. మరి ఇంకెన్నో విశేషాలను బిగ్‌బాస్‌29వ ఎపిసోడ్‌ హైలైట్స్‌లో చదివేద్దాం.  బిగ్‌బాస్ షోలో ఆదివారం దసరా స్పెషల్‌ ఎపిసోడ్‌ సందడిగా సాగి​ంది. ఆటలు, పాటలు, డ్యాన్సులతో జోష్‌లో ఉన్న హౌస్‌మేట్స్‌కు నామినేషన్‌ షాకిచ్చిందనే చెప్పొచ్చు. నామినేషన్స్‌లో ఉన్న కంటెస్టెంట్లలో మొదట శ్రీహాన్‌ సేవ్‌ అయినట్లు ప్రకటించిన నాగార్జున ఆ తర్వాత ఇనయా కూడా సేవ్‌ అయినట్లు చెప్పాడు. ఆ తర్వాత రెండు టీమ్స్‌గా విభజించి చిన్న గేమ్‌ పెట్టారు. ఇందులో రేవంత్‌ సేవ్‌ అయినట్లు తెలిపారు. ఇక చివరగా సుదీప, ఆరహిల మధ్య ఎలిమినేషన్‌ రౌండ్‌ సాగింది. ఇందులో భాగంగా స్టేజ్‌పై రెండు కుండలు ఉంచి, వాటిలో హాట్‌ వాటర్‌ పోశారు. ఇందులో ఎవరి కుండలో నుంచి అయితే రెడ్‌ కలర్‌ వస్తుందో వాళ్లు ఎలిమినేట్‌ అయినట్లు నాగ్‌ తేల్చేశారు. ఇక ఈ రౌండ్‌లో తక్కువ ఓట్లతో ఆరోహి ఎలిమినేట్‌ కావడంతో హౌస్‌మేట్స్‌ ఒకింత షాక్‌ అ‍య్యారు. ముఖ్యంగా సూర్య అయితే ఏడుపు ఆపలేదు. అతన్ని రేవంత్ సహా మిగితా హౌస్‌మేట్స్‌ ఓదార్చారు. కీర్తి కూడా బాగానే ఎమోషనల్‌ అయ్యింది. ఇక స్టేజ్‌పైకి వెళ్లిన ఆరోహికి స్వచ్ఛం, కల్మషం ఎవరో చెప్పాలంటూ చిన్న గేమ్‌ నిర్వహించారు. ఇందులో స్వ‌చ్ఛం లిస్ట్ లో శ్రీహాన్, బాలాదిత్య, కీర్తి, ఆర్జే సూర్య, వసంతి, మెరీనా రోహిత్‌లను పెట్టిన ఆరోహి..క‌ల్మ‌షం లిస్ట్ లో రేవంత్, చంటి, సుదీప, శ్రీసత్య, ఇనయా, గీతూలను పెట్టింది. ఇక చివర్లో ఆరోహికి సూర్య అందరిముందే ఐ లవ్‌ యూ అని చెప్పడం హైలైట్‌గా నిలిచింది. 

బిగ్‌బాస్‌ నాలుగోవారం నామినేషన్స్‌ ప్రక్రియ మొదలైంది. ఇందులో భాగంగా ఇద్దరు సభ్యుల తలపై ఒక్కో టమాటాను పూర్తిగా స్మాష్‌ చేసి తాము ఎందుకు నామినేట్‌ చేస్తున్నారో సరైన కారణం చెప్పాల్సి ఉంటుంది. ఈ ప్రక్రియలో శ్రీహాన్‌ ఇనయాల మధ్య పిట్ట టాపిక్‌ వస్తుంది. వాడు అంటే తీసుకోలేని వాడు పిట్ట ఎలా చెప్తావ్‌ అని వాదించావ్‌, నిన్ను పేరు పెట్టి పిట్ట అని అనలేదు కదా అని శ్రీహాన్‌ చెప్పగా, అక్కడ ఉన్నది నేను కాబట్టి నన్నే పిట్ట అన్నావ్‌ అంటూ ఇనయా బదులిస్తుంది. ఆ తర్వాత శ్రీహాన్‌ను నామినేట్‌ చేయడానికి ఇనయా వెళ్లగా, ఆవలింతలు తీస్తూ ఒక్క నిమిషం ఆగు అంటూ శ్రీహాన్‌ హేళన చేస్తాడు. ఒక కొన్ని ప్రశ్నలు అడుగుతా ఆన్సర్‌ చెయ్‌ అని అడగ్గా.. నచ్చితే చెప్తా, లేదంటే లేదు అంటూ శ్రీహాన్‌ అంటాడు. అయినే సరే ఇనయా తాను అడగాల్సిన ప్రశ్నలు అడిగేస్తుంది.. నా కన్నా నీ ఏజ్‌ తక్కువ అని ఎలా అంటావ్‌? నీ కన్నా బాడీలో పెద్దగా ఉన్నంతమాత్రానా పెద్దదాన్ని అయిపోతానా? అసలు నా ఏజ్‌ గురించి నీకు తెలుసా? అంటూ ఫైర్‌ అవుతుంది. అసలు ఇవన్నీ తాను అనలేదని, కేవలం తన ఏజ్‌ గురించి మాత్రమే చెప్పానంటూ శ్రీహాన్‌ బదులిస్తాడు. చూస్తుంటే వీరిద్దరి మధ్య పెద్ద గొడవే జరిగినట్లు కనిపిస్తుంది. ఇక సుదీప రేవంత్‌ను నామినేట్‌ చేయగా, ఇంటి, ఇనయాలను గీతూ నామినేట్‌ చేస్తుంది. కోపంలో కొన్నికొన్ని కోల్పోతావ్‌ అంటూ ఆరోహి ఇనయాను నామినేట్‌ చేస్తుంది. మరి ఈ వారం నామినేషన్స్‌లో ఎవరెవరు ఉంటారో చూద్దాం.  

బిగ్‌బాస్‌ -6లో కెప్టెన్సీ పోటీదారుల కోసం అడవిలో ఆట గేమ్‌ కొనసాగుతుంది. ఇందులో పోలీసులు, దొంగలుగా రెండు టీమ్స్‌గా విడిపోయారు. అయితే దొంగల టీమ్‌లో ఏమాత్రం యూనిటీ (ఐక్యత)లేకపోవడంతో వాళ్లమధ్యే గొడవలు జరిగినట్లు తెలుస్తుంది. నిన్నటి ఎపిసోడ్‌లో గీతూతో రేవంత్‌ డీల్‌ కుదుర్చుకున్నాడని అనుమానపడిన దొంగల టీమ్‌ ఈరోజు రేవంత్‌ దాచుకున్న బొమ్మలనే దొంగతం చేస్తారు. దీనికి సత్య కూడా సహాయం చేస్తుంది. అయితే తన బొమ్మలు తన దొంగలు టీమ్‌ సభ్యులే కొట్టేశారని తెలిసి రేవంత్ ఆశ్చర్యపోతాడు. నిద్రపోదామనుకున్నా, కానీ నిద్రపోనూ, పోలీసుల టీమ్ ను గెలిపిస్తా అంటూ శపథం చేస్తాడు. వాళ్లకంటే తాను దారుణమైన కన్నింగ్‌ అని, ఇలా చేయడానికి మినిమం సెన్స్‌ ఉండాలంటూ మండిపడతాడు. అంతేకాకుండా పోలీసులకు తన దగ్గరున్న వస్తువులు చేస్తుందుకు కూడా ఆఫర్‌ చేస్తాడు. దీంతో సుదీప నీ వరకు వస్తే గేమ్‌ వచ్చిందా?నువ్వు టీమ్ మొత్తాన్ని డిస్ క్వాలిఫై చేస్తావా అంటూ రేవంత్‌కు నచ్చజెప్పే ప్రయత్నం చేస్తుంది. మరి చివరికి రేవంత్‌ ఏం చేశాడు? పోలీసులతో చేరి నిజంగానే వాళ్లను గెలిపించాడా? లేక మనసు మార్చుకున్నాడా అన్నది ఈరోజు ఎపిసోడ్‌లో చూడాల్సి ఉంది. 

బిగ్‌బాస్‌ ఫ్యాన్స్‌ అంతా ఆసక్తిగా ఎదురు చూసే ఘట్టం వీకెండ్‌ ఎపిసోడ్‌. తొలివారం వీకెండ్‌లో ఎపిసోడ్‌లో హౌజ్‌మేట్స్‌తో సరదసరదాగా ఆటలు ఆడించిన నాగ్‌ ఈ వీకెండ్‌లో మాత్రం కంటెస్టెంట్స్‌పై గుర్రుమన్నాడు. కుండలు బద్దతు కొడుతూ కంటెస్టెంట్స్‌కి చీవాట్లు పెట్టాడు. అంతేకాదు ఈ వారం డబుల్‌ ఎలిమినేషన్‌ అంటూ ఆఖరిలో ట్విస్ట్‌ ఇచ్చాడు. బాలాదిత్య, షానీ, సుదీప, వాసంతి, శ్రీసత్య, మరినా-రోహిత్‌, అభినయ, కీర్తి, శ్రీహాన్‌ ఈ తొమ్మిది మంది పేర్లపై కుండలు పెట్టి వాటిని పేరు పేరునా పగలగొడుతూ కంటెస్టెంట్స్‌పై చిర్రుబుర్రమన్నాడు. అంతేకాదు చివరిలో వారందరి లగేజ్‌ బ్యాగ్‌లను స్టేజ్‌పై పెట్టించాడు.  చదవండి: కాస్టింగ్‌ కౌచ్‌పై నోరు విప్పిన విష్ణుప్రియ, నన్ను కూడా అలా అడిగారు.. అయితే ఇందులో నామినేషన్‌లో ఉన్నది ముగ్గురు మాత్రమే. ఇక వీరందరిని ఉద్దేశిస్తూ.. మీరంతా బిగ్‌బాస్‌ హౌజ్‌లోకి ఆడటానికి రాలేదని, చిల్‌ అవ్వడానికి వచ్చారంటూ మండిపడ్డాడు. ఆ తర్వాత షానీ కుండ పగలగొట్టి.. తింటానికే, పంటానికే ఈషోకు వచ్చాననని నువ్వు అనుకుంటే వెంటనే బ్యాగ్‌ సర్దుకుని బయటకు వెళ్లిపోవచ్చంటూ షాకిచ్చాడు. ఇక బాలాదిత్య ఉద్దేశిస్తూ.. నువ్వు ఆడకపోవవడమే కాదు ఇతరుల ఆటను కూడా చెడగొడుతున్నావంటూ ఫైర్‌ అయ్యాడు నాగ్‌. దీనికి ఈ మాజీ కెప్టెన్‌ స్పందిస్తూ.. ‘నేను తప్పు చేశాను.. బుర్రతో ఆలోచించలేదు. మనసుతో ఆలోచించాను’ అన్నాడు. దానికి నాగ్ ‘మనసూ బుర్రా కాదు బిగ్ బాస్ హౌస్‌మేట్‌గా ఆలోచించు’ అంటూ చెప్పుకొచ్చాడు. చదవండి: గుర్తుపట్టలేనంతగా ‘సీతారామం’ బ్యూటీ.. షాకింగ్‌ లుక్‌ వైరల్‌ ఇక మెరీనా - రోహిత్‌ను ఉద్దేశించి ‘మీరు ఇద్దరూ ఈ ఇంట్లోకి పవర్ ఆఫ్‌ టూ(power Of Two) కింద వచ్చారు. కానీ ఆటలో మాత్రం మైనస్‌లో ఉన్నారు’ అంటూ ఫైర్‌ అయ్యాడు. అనంతరం శ్రీసత్యను ‘నీ బొమ్మ పోయినప్పుడు నువ్వు ఫీలయ్యావా? అదే నీ ప్లేటు లాగేసుకుని ఉంటే కచ్చితంగా ఫీలయ్యేదానివి’ అంటూ ఆమెకు చురక అట్టించాడు. ఇక అభినయ మాట్లాడుతూ.. తాను జీరో పర్సెంట్ మాత్రమే ఆడానంటే ఒప్పుకోనంటూ నాగ్‌తో వాదించడంతో.. మరి 10 శాతం ఆడావా? అని బదులిచ్చాడు నాగార్జున. ఆ తర్వాత సుదీప ఖచ్చితంగా తానేంటో ప్రూవ్‌ చేసుకుంటానని చెప్పడంతో నువ్వు ఈ హౌజ్‌లో ఉంటే.. అంటూ వ్యాఖ్యానించాడు. చూస్తుంటే ఈ వారంలో నామినేషన్లో ఉన్నవారు కాకుండా హౌజ్‌లో పర్ఫామెన్స్‌ ఇవ్వని వారిని బిగ్‌బాస్‌ బయటకు పంపించేలా కనిపిస్తున్నాడంటూ ప్రోమోపై నెటిజన్లు కామెంట్స చేస్తున్నారు. 

బిగ్‌బాస్‌ సీజన్‌-6 మొదటి కెప్టెన్‌గా బాలాదిత్య గెలిచాడు. కెప్టెన్సీ టాస్కులో భాగంగా నీళ్లలొ వేసిన తాళం చెవిని నోటితో తీసి, వాటితో బాక్సులను ఓపెన్ చేసి, అందులో ఉన్న కారు నెంబర్ ను చూడాలి. ఆ నెంబర్ ప్లేటులోని అక్షరాలు, నెంబర్లను వెతికి కార్లకు అతికించాలి. ఈ టాస్కులో మెరీనా అండ్‌ రోహిత్‌, నేహా చౌదరి, గీతూ రాయల్‌,బాలాదిత్య, ఆర్జే సూర్య, ఆదిరెడ్డిలు పోటీపడగా చివరికి బాలాదిత్య విజేతగా నిలిచాడు. ఇక ఆ తర్వాత ఇంట్లో అసలు రచ్చ మొదలైంది. ఈ కెప్టెన్సీ టాస్కులో వరస్ట్‌ పర్ఫార్మర్‌ ఎవరో చెప్పాలని బిగ్‌బాస్‌ ఇంటి సభ్యులను ఆదేశించాడు. ఇందులో రేవంత్‌ గీతూని నామినేట్‌ చేయాలనుకున్నట్లు భావించినా ఆమెకు పీరియడ్స్‌ కావడంతో జైలుకు పంపడం ఇష్టం లేదని, దీంతో ఆదిరెడ్డిని నామినేట్‌ చేశాడు. ఇక సుదీప గీతూకి గట్టిగానే ఇచ్చిపడేసింది. ‘నాకు నచ్చినట్టు నేనుంటా, నేను నా ఇంట్లో ఉండే ఎవరూ ఒప్పుకోరు’ అని చెప్పి ముఖంపై రెడ్ మార్క్ వేసింది. చలాకీ చంటి కూడా గీతూకే ఓటేశారు. ఆ తర్వాత రాజశేఖర్, ఇనయా. శ్రీసత్య, ఆరోహి, ఆర్జే సూర్య, వాసంతి, నేహా, మెరీనా జంట, అర్జున్‌లు గీతూకే వరస్ట్ పెర్ఫార్మర్‌గా ఓటేశారు. అయితే గీతూ మాత్రం తను చేసిందే కరెక్ట్‌ అంటూ సమర్థించుకుంది. అంతేకాకుండా గేమ్‌ కోసం ఏం చేయడానికైనా రెడీగా ఉన్నానని, ఇంట్లో ఒకవేళ తన పేరెంట్స్‌ని తీసుకొచ్చినా వాళ్లని వెనక్కినెట్టి తాను గెలవాలని కోరుకుంటానని చెప్పుకొచ్చింది. అంతేకాకుండా బిగ్‌బాస్‌లో ఉన్నంతమాత్రానా మీరంతా నా ఫ్యామిలీ కాదు. జస్ట్‌ కో పార్టిసిపెంట్స్‌ అంటూ ఇతర కంటెస్టెంట్లని ఉద్దేశించి గీతూ తన ఓపీనియన్‌ చెప్పింది. ఇక హస్‌మేట్స్‌లో దాదాపు ఎక్కువ ఓట్లు గీతూకే వచ్చినందుకు చివరికి ఆమె జైలుకు వెళ్లాల్సి వచ్చింది. అయితే ఆమెకు పీరియడ్స్‌ ఉండటంతో ఈ ఒక్కసారికి ఆమెను క్షమించాలని బాలాదిత్య రిక్వెస్ట్‌ చేసినా బిగ్‌బాస్‌ నుంచి ఆదేశాలు రాకపోవడంతో గీతూని జైలుకి పంపారు. 

Sudeepa Pinky In Bigg Boss 6 Telugu: నటి సుదీప అంటే గుర్తుపట్టరేమో కానీ 'నువ్వు నాకు నచ్చావ్‌' ఫేం పింకీ అంటే మాత్రం ఠక్కున గుర్తుపట్టేస్తారు. ఈ సినిమాలో వెంకీ థిస్ ఇస్ పింకీ అంటూ వెంకీతో చేసే అల్లరి అంతాఇంతా కాదు. ఈ సినిమాతో ఫుల్‌ క్రేజ్‌ సంపాదించుకున్న సుదీప(పింకీ) చిన్నతనంలోనే క్లాసికల్ డ్యాన్స్ నేర్చుకుంది. 1994లో రవిరాజా పిన్నెశెట్టి దర్శకత్వంలో ధర్మరాజు ఎం.ఏ సినిమాతో ఆమె ఇండస్ట్రీకి ఎంట్రీ ఇచ్చింది. ఆ తర్వాత మా అన్నయ్య, అల్లుడుగారు వచ్చారు వంటి సినిమాల్లో నటించింది. బొమ్మరిల్లు, స్టాలిన్, బిందాస్, మిస్టర్ పర్‌ఫెక్ట్, వంటి సినిమాల్లో నటించింది. సుదీప ఎక్కువగా ఎక్కువగా హీరోలకి చెల్లెలు పాత్రలోనే నటించింది. ఆ తర్వాత బుల్లితెరపై కూడా కొన్ని సీరియల్స్‌లో అలరించింది. శ్రీరంగనాథ్ అనే సాఫ్ట్ వేర్ ఇంజనీర్‌ను పెళ్లాడిన సుదీప పెళ్లి తర్వాత సినిమాలకు దూరంగా ఉంటుంది. ఇప్పుడు బిగ్‌బాస్‌-6తో ప్రేక్షకులను ఎంతవరకు మెప్పిస్తుందో చూడాల్సి ఉంది.