సౌత్ సినిమాతో వెండితెర అరంగేట్రం చేసిన ఢిల్లీ భామ తాప్సీ తరువాత బాలీవుడ్‌లోనూ సత్తా చాటారు. బాలీవుడ్ లో వరుస అవకాశాలతో దూసుకుపోతున్న ఈ భామ మరో గోల్డెన్‌ చాన్స్‌ను తన ఖాతాలో వేసుకున్నారు. ఇటీవల జుడ్వా 2తో మంచి కమర్షియల్‌ సక్సెస్ అందుకున్న తాప్సీ బేబి, నాహ్ షబానా లాంటి సినిమాలతో నటిగానూ పేరు తెచ్చుకున్నారు. పింక్‌ సినిమాలో బిగ్‌ బి అమితాబ్‌ బచ్చన్‌తో కలిసి నటించిన తాప్సీ మరోసారి ఆ లెజెండరీ నటుడితో కలిసి నటించే చాన్స్‌కొట్టేశారు. స్పానిష్‌ సినిమా ద ఇన్విజిబుల్‌ ఘోస్ట్‌ సినిమాకు రీమేక్‌గా తెరకెక్కుతున్న బాలీవుడ్‌ లో మూవీతో అమితాబ్‌, తాప్సీలు కలిసి నటించనున్నారు. ఈచిత్రానికి సుజయ్‌ ఘోష్‌ దర్శకత్వం వహించనున్నారు. తాను అమితాబ్‌ తో మరోసారి కలిసి నటించనున్న విషయాన్ని తాప్సీ ప్రకటించారు. ‘ప్రతీ భారతీయ నటుడు అమితాబ్‌ తో ఒక్కసారైనా కలిసి నటించాలని కోరుకుంటారు కానీ నాకు ఆ అవకాశం రెండోసారి కూడా వచ్చింది’ అన్నారు. ప్రస్తుతం ఈ బ్యూటీ నాలుగు బాలీవుడ్ సినిమాలతో బిజీగా ఉన్నారు.


 ‘‘మీరిలా చేస్తే మేడమ్ ఇబ్బందిపడతారు. వెళ్లండయ్యా ప్లీజ్... వెళ్లండి’’ అంటూ విద్యాబాలన్ అభిమానులను దర్శకుడు సుజయ్ ఘోష్ బతిమాలుకున్నారు. అయినా అభిమానులు వినలేదు. ‘విద్యా మేడమ్‌ని చూడందే కదిలేది లేదు’ అని మొండికేశారు. మేడమ్ కనిపించారు... కానీ అభిమానులు కదల్లేదు. చూస్తూ ఉండిపొయారు. ఫలితంగా షూటింగ్‌కి బ్రేక్ పడింది. ప్రస్తుతం విద్యాబాలన్ నటిస్తున్న ‘కహానీ 2: దుర్గా రాణీ సింగ్’ షూటింగ్ లొకేషన్‌లో జరిగిన గందరగోళం ఇది. కోల్‌కతా దగ్గరలోని ఒక చోట ఈ చిత్రం షూటింగ్ ప్లాన్ చేశారు.
 
 ఈ షూటింగ్ గురించి తెలుసుకున్న విద్యాబాలన్ అభిమానులు భారీ ఎత్తున గుమిగూడిపోయారు. దాంతో షూటింగ్‌కి ఆటంకం ఏర్పడింది. దాదాపు నాలుగు గంటలు బ్రేక్ పడింది. ‘‘ఒకానొక దశలో అసలు షూటింగ్ చేయగలుగుతామా? అనిపించింది. ఈ చిన్న ప్రాంతంలో విద్యాకి ఈ రేంజ్‌లో  అభిమానులు ఉంటారని ఊహించలేదు. చివరికి కట్టుదిట్టమైన భద్రతా ఏర్పాట్లు చేసుకుని షూటింగ్ కొనసాగించాల్సి వచ్చింది’’ అని దర్శకుడు అన్నారు. మరి.. విద్యానా? మజాకానా!


 బాలీవుడ్లో విలక్షణ నటుడిగా గుర్తింపు తెచ్చుకుంటున్న నవాజుద్దీన్ సిద్ధికీ.. అమితాబ్ బచ్చన్తో కలిసి నటించే అవకాశంపై స్పందించారు. అంతటి లెజెండరీ యాక్టర్తో కలిసి నటించటం తన అదృష్టం అన్నారు. సుజయ్ ఘోష్ కథతో విభుపూరి డైరెక్ట్ చేస్తున్న 'కేరళ' సినిమాలో నవాజుద్దీన్ సిద్దిఖీ, అమితాబ్ బచ్చన్లు కలిసి నటిస్తున్నారు.
 
 'ఎప్పటి నుంచో అమితాబ్ తో కలిసి నటించాలన్నది నా కల. నా తర్వాతి సినిమాలోనే ఆయనతో కలిసి నటించబోతున్నాను. ఇది నిజంగా నా అదృష్టం' అని తన అభిమానాన్ని చాటుకున్నారు. అమితాబ్ స్వయంగా తన సినిమాలో నవాజ్కు ఓ క్యారెక్టర్ ఇవ్వమని కోరటంతో మరింత ఆనందంలో ఉన్నారు ఈ విలక్షణ నటుడు.
 
 ఇప్పటికే ఈ ఏడాది 'భజరంగీ బాయ్జాన్', 'మాంఝీ' లాంటి సినిమాల్లో నటించిన నవాజుద్దీన్ ప్రస్తుతం షారుఖ్తో కలిసి 'రాయిస్' సినిమాలో నటిస్తున్నారు. అమితాబ్, నవాజ్ల కాంబినేషన్ లో రూపొందనున్న 'కేరళ' వచ్చే నెలలో సెట్స్ మీదకు వెళ్లనుంది.


 గాసిప్
 సుజయ్ ఘోష్ డెరైక్షన్‌లో, సైఫ్ ఆలి ఖాన్ సరసన కంగనా రనౌత్ నటించనుంది అనే వార్తలు జోరుగా వినిపించాయి. ఒక జపాన్ నవల ఆధారంగా ఏక్తాకపూర్ నిర్మించనున్న ఈ రొమాంటిక్  థ్రిల్లర్ కెరీర్ పరంగా కంగనాను మరో మెట్టు పైకి తీసుకెళుతుందని ఆశించారు అభిమానులు. అయితే తాను ఆ సినిమాలో నటిస్తానని ఎప్పుడూ ప్రటించలేదని, కాంట్రాక్ట్ మీద సంతకమే చేయలేదని కంగనా చెబుతోంది. దర్శక,నిర్మాతలు కంగనాను సంప్రదించినప్పుడు సినిమాలో నటించడానికి ఆమె ఒప్పుకుందని, ఆ తరువాత ఏమైందో ఏమోగానీ ఆ ప్రాజెక్ట్ నుంచి తప్పుకుందని విశ్వసనీయ వర్గాల కథనం. పెద్ద బ్యానర్, పెద్ద హీరో... అయినప్పటికీ కంగనా ఈ ప్రాజెక్ట్ నుంచి ఎందుకు తప్పుకుంది? నేషనల్  అవార్డ్ రావడం, ‘తను వెడ్స్ మను’ సీక్వెల్ హిట్ కావడం.. మొదలైనవి తన ప్రాధాన్యతలను మార్చాయని, స్క్రిప్ట్‌కు సంబంధించిన విభేదాలు, పర్‌ఫెక్షనిజం ఆ ప్రాజెక్ట్  నుంచి తప్పుకోవడానికి కారణమయ్యాని అంటున్నారు కొందరు.
 ఇంతకీ నిజమేమిటో!


 ‘డర్టీ పిక్చర్’తో ఓ ఊపు ఊపేసిన విద్యాబాలన్ ఈ మధ్య ముంబైలోని ఓ మల్టీ స్పెషాలిటీ హాస్పిటల్‌ను రెగ్యులర్‌గా విజిట్ చేస్తోందట. విషయం ఏమిటనేది అంతుపట్టక బీ-టౌన్ జనం జుట్టు పీక్కుంటున్నారట. ఇంతకీ ఎందుకిలా ఆసుపత్రి చుట్టూ చక్కర్లు కొడుతోందని ఆరా తీస్తే... అమ్మడు గర్భవతి అని సమాచారం. దానికి తగ్గట్టుగానే విద్య... సుజయ్ ఘోష్ తీయబోయే సినిమా నుంచి తప్పుకుందట. కానీ... విద్యాబాలన్ సన్నిహితులు మాత్రం.. ‘వరుస షూటింగ్‌లతో అలసిపోయిన విద్య కొంత కాలం బ్రేక్ కావాలనుకుంది’ అని చెబుతున్నారు.


 హిందీ చిత్రసీమలో నంబర్‌వన్ అందాలతార ఎవరంటే దాదాపుగా అందరూ కత్రినాకైఫ్ పేరే చెబుతారు. అందుకు తగ్గట్టుగానే ఆమె అత్యధిక శాతం గ్లామర్ పాత్రలే పోషిస్తుంటారు. ‘రాజ్‌నీతి’ సినిమా తరహాలో అప్పుడప్పుడూ ప్రయోగాత్మక పాత్రలు చేస్తుంటారు. ఈ ముద్దుగుమ్మ తాజాగా మరో ప్రయోగానికి సిద్ధమయ్యారు. ‘కహానీ’ చిత్రం ద్వారా విద్యాబాలన్‌కి దేశవ్యాప్తంగా గుర్తింపు తెచ్చిపెట్టిన సుజయ్ ఘోష్ ఈ చిత్రానికి దర్శకుడు.
  
  ఇందులో కత్రినా పాత్ర విభిన్నంగా ఉంటుందని వినికిడి. భర్తలేని ఒంటరి ఆడదానిగా కత్రినా కనిపించనుందట. పైగా ఇందులో ఆమె ఓ బిడ్డకు తల్లి కూడానట. జపాన్ నవల ’ది డివోషన్ ఆఫ్ సస్పెక్ట్ ఎక్స్’ అనే చిత్రం ఆధారంగా సుజయ్‌ఘోష్ ఈ చిత్రాన్ని నిర్మించనున్నారు. త్వరలో కత్రినాకైఫ్ నటించిన భారీ చిత్రాలు విడుదలకు సిద్ధమవుతున్నాయి. ఈ నేపథ్యంలో ఓ విభిన్న పాత్రలో కనిపిస్తే, అభిమానులు సంతృప్తి చెందుతారా అనేది మిలియన్ డాలర్ల ప్రశ్న.