తొలి సినిమాతోనే బంపర్‌ హిట్‌ అందుకున్న హీరోయిన్లలో అంజలా జవేరీ ఒకరు. వెంకటేష్‌ సరసన ఆమె నటించిన తొలి తెలుగు చిత్రం​ ప్రేమించుకుందాం రా. ఈ సినిమా బంపర్‌ హిట్‌ కావడంతో అంజలా జవేరీకి వరుస అవకాశాలు వచ్చాయి. దీంతో రెండో సినిమాతోనే అంజలాకు మెగాస్టార్‌ చిరంజీవితో జతకట్టే అవకాశం దక్కింది. 1998లో చిరంజీవి-జవేరీ నటించిన చూడాలని ఉంది సినిమా బంపర్‌ హిట్‌గా నిలిచింది. దీంతో వరుస అవకాశాలు ఆమెను వరించాయి. మంగళవారం అంజలా జవేరీ బర్త్‌డే సందర్భంగా ఆమెకు సంబంధించిన ఇంట్రస్టింగ్‌ విశేషాలు మీకోసం.  బాలకృష్ణతో సమరసింహా రెడ్డి, నాగార్జున రావోయి చందమామ వంటి సినిమాలు విజయవంతం కావడంతో తెలుగులో కాన్నాళ్ల పాటు అంజలా జవేరీ స్టార్‌ హీరోయిన్‌గా కొనసాగింది. ఆ సమయంలోనే మోడల్‌ తరుణ్‌ అరోరాతో ప్రేమలో పడింది. కొన్నాళ్ల పాటు డేటింగ్‌ అనంతరం ఈ జంట పెళ్లి పీటలెక్కింది. అయితే  భవిష్యత్‌లోనూ పిల్లల్ని కనే ఉద్దేశం లేదని, తాము పిల్లలు వద్దునుకున్నాం అని తరుణ్‌ అరోరా ఓ ఇంటర్వ్యూలో తెలిపారు. దీనికి ఉన్న కారణం చెబుతూ.. పెద్ద‌లు కుదిర్చిన బంధంలో పెళ్లి త‌ర్వాత భార్యాభ‌ర్త‌ల ప్రేమకు గుర్తుగా పుట్టేందుకు పిల్లలు పుడతారని, అయితే తాము మాత్రం ముందు నుంచే ప్రేమలో ఉన్నామన్నారు. తన దృష్టిలో జవేరీ ఒక పాపాయి వంటిదని ఇక పిల్లలు లేరనే బాధ, కావాలనే కోరిక తమకు లేవని చెప్పుకొచ్చారు. తరుణ్‌ అరోరా కూడా ఇండస్ట్రీకి చెందిన వ్యక్తే. టాలీవుడ్‌లో ఆయనకు మోస్ట్ స్టైలిష్‌ విలన్‌ అనే పేరు ఉంది. ఖైదీ నెంబర్‌ 150 సినిమాలో విలన్‌ పాత్ర గుర్తుంది కదా..అందులో నటించింది ఈయనే. కాటమ రాయుడు , జయ జానకి నాయక అర్జున్ సురవరం వంటి సినిమాల్లోనూ విలన్‌ పాత్రలో నటించిన తరుణ్‌ అరోరా అంజలా జవేరీ భర్త అని చాలా మందికి తెలియదు. ఇక పెళ్లి తర్వాత సినిమాలకు గ్యాప్‌ ఇచ్చిన అంజలా జవేరీ.. 2012లో చివరగా లైఫ్‌ ఈజ్‌ బ్యూటిఫుల్‌ సినిమాలో నటించింది.  అంజలా జవేరీ అరుదైన ఫొటోల కోసం ఇక్కడ క్లిక్‌ చేయండి చదవండి :  ఆ కారణంతో సినిమాలు మానేద్దామనుకున్న సౌందర్య రచ్చకెక్కిన అజయ్‌- రవీనా లవ్‌స్టోరీ


 పవర్ స్టార్ పవన్ కళ్యాణ్ హీరోగా తెరకెక్కుతున్న లేటెస్ట్ సినిమా కాటమరాయుడు. గోపాల గోపాల ఫేం డాలీ దర్శకత్వంలో తెరకెక్కుతున్న ఈ సినిమా శరవేగంగా షూటింగ్ జరుపుకుంటోంది. ఇప్పటికే మేజర్ పార్ట్ షూటింగ్ పూర్తి చేసుకున్న ఈ సినిమాకు సంబంధించి మరో ఇంట్రస్టింగ్ న్యూస్ బయటకు వచ్చింది. పవన్ ఫ్యాక్షన్ లీడర్ పాత్రలో నటిస్తున్న ఈ సినిమాలో ఓ బాలీవుడ్ నటుడు విలన్గా నటించనున్నాడు.
 
 చిరంజీవి రీ ఎంట్రీ సినిమాగా తెరకెక్కుతున్న ఖైదీ నంబర్ 150 లో విలన్గా నటిస్తున్న తరుణ్ అరోరానే కాటమరాయుడులోనూ విలన్గా నటిస్తున్నాడట. వీరమ్ సినిమాకు రీమేక్గా తెరకెక్కుతున్న కాటమరాయుడులో ఓ పవర్ ఫుల్ రోల్లో కనిపించనున్నాడు తరుణ్. ముఖ్యంగా పవన్, తరుణ్ల మధ్య వచ్చే సన్నివేశాలు సినిమాకే హైలెట్గా నిలుస్తాయన్న నమ్మకంతో ఉన్నారు చిత్రయూనిట్. ఈ సినిమాలో తరుణ్ అరోరాతో పాటు రావు రమేష్ కూడా విలన్గా కనిపించనున్నాడు.


 చెన్నై: చిరంజీవి 150 సినిమాతో టాలీవుడ్ కు పరిచయం కావడం తన అదృష్టమని నటుడు తరుణ్ ఆరోరా అన్నాడు. తనకు ఇంతకన్నా మంచి లాంచింగ్ దొరకదని పేర్కొన్నాడు. 'ఖైదీ నంబర్ 150' సినిమాలో అతడు విలన్ గా నటిస్తున్నాడు. 
 
 'చిరంజీవి సినిమాతో తెలుగు ఇండస్ట్రీకి పరిచయం కావడం నా అదృష్టంగా భావిస్తున్నాను. నాకు ఇంతకన్నా మంచి అవకాశం ఏముంటుంది. ఇదో గొప్ప అవకాశంగా భావిస్తున్నాను. ఈ సినిమాలో విలన్ గా నటిస్తున్నాను. మాతృకతో పోలిస్తే తెలుగు వెర్షన్ లో చాలా మార్పులు చేశారు. దర్శకుడు చెప్పినట్టుగా చేసుకుపోతున్నాను. నన్ను వివి వినాయక్ బాగా ప్రోత్సహిస్తున్నారు. షూటింగ్ అంతా సవ్యంగా సాగుతోంద'ని తరుణ్ ఆరోరా చెప్పాడు.
 
 హిందీలో పలు చిత్రాల్లో నటించిన తరుణ్ తమిళంలో ‘కనిదన్’ చిత్రంలో యాక్ట్ చేశారు. ఆ చిత్రంలో నటన నచ్చి, చిత్రదర్శకుడు వినాయక్  విలన్‌గా తీసుకున్నాడు. అన్నట్లు ఈ తరుణ్ అరోరా ఎవరో కాదు.. తెలుగులో పలు చిత్రాల్లో నటించి, గుర్తింపు తెచ్చుకున్నహీరోయిన్ అంజలా జవేరి భర్త.


 చిరంజీవి 150వ సినిమా 'ఖైదీ నెంబర్ 150'లో.. విజయ్ మాల్యా తరహా పాత్ర ఒకటి ఉండబోతోందట. తమిళంలో నీల్ నితిన్ ముఖేష్ చేసిన ఆ పాత్రను.. తెలుగులో తరుణ్ అరోరా చేయబోతున్నాడు. దాంతో చిరు పక్కన తొలిసారి నటించే అవకాశం ఈ ముంబై నటుడికి దక్కింది. తన వయసు కంటే చాలా పెద్దవయసు పాత్రను ఈ సినిమాలో పోషిస్తున్నానని, దర్శకుడు ఆ పాత్రను ఏమాత్రం మార్చకపోయినా.. తెలుగులో టేకింగ్ మాత్రం కొంత విభిన్నంగా ఉంటుందని అరోరా చెప్పాడు. ఇది చాలా విభిన్నమైన విలన్ పాత్ర అని తెలిపాడు. సినిమా మొత్తం తాను సూట్లలోనే కనిపిస్తానని, విజయ్ మాల్యా మంచి పరిస్థితిలో ఉన్నప్పుడు ఎలా ఉంటాడో తాను అచ్చం అలాగే కనిపిస్తానని అన్నాడు.
 
 ఈ సినిమా షూటింగ్ ఇప్పటికే ఒక షెడ్యూలు పూర్తయింది. మళ్లీ బుధవారం నుంచి సెట్ల మీదకు వెళ్తుంది. చిరంజీవితో కలిసి నటించడం అంటే తాను చాలా ఉత్సుకతతో ఉన్నానని తరుణ్ అన్నాడు. తొలి షెడ్యూలులో తామిద్దరం కలిసి చేసిన సన్నివేశాలు చాలా తక్కువని, దాంతో ఆయనతో ఎక్కువ సేపు మాట్లాడలేకపోయానని చెప్పాడు. దానికితోడు వర్షం భారీగా పడటంతో మొత్తం షెడ్యూలు రద్దయిందన్నాడు. వీవీ వినాయక్ దర్శకత్వంలో రామ్ చరణ్ నిర్మాతగా వస్తున్న ఈ సినిమాలో కాజల్ అగర్వాల్ హీరోయిన్‌గా చేస్తోంది. తెలుగులో తన తొలి సినిమాలోనే చిరంజీవి లాంటి అగ్రనటుడితో చేయడం చాలా అదృష్టంగా భావిస్తున్నానని తరుణ్ అరోరా అన్నాడు. దర్శకుడు వినాయక్ కూడా చాలా ప్రోత్సహిస్తున్నారని.. దానికి తోడు టీమ్ అంతా చాలా కుర్రాళ్లు కావడంతో తన పని సులభం అవుతోందని చెప్పాడు.


 చిరంజీవి తాజా చిత్రంలో కథానాయిక ఎవరు? అనే చర్చకు శనివారం ఫుల్‌స్టాప్ పడింది. ఈ చిత్రంలో కాజల్ అగర్వాల్‌ని కథానాయికగా ఎంపిక చేసినట్లు చిత్రనిర్మాత రామ్‌చరణ్ ప్రకటించారు. మెగా కుటుంబానికి చెందిన పవన్ కల్యాణ్, రామ్‌చరణ్, అల్లు అర్జున్ సరసన కాజల్ నటించిన విషయం తెలిసిందే. ఇప్పుడు చిరంజీవితో జతకట్టే అవకాశం దక్కించుకున్నందుకు ఆనందపడతారని ఊహించవచ్చు. తమిళ ‘కత్తి’కి రీమేక్‌గా ఈ చిత్రం రూపొందుతోంది.
 అక్కడ విలన్‌గా హిందీ నటుడు నీల్ నీతిన్ మఖేష్ చేశారు. తెలుగు రీమేక్‌కి విలన్‌గా తరుణ్ అరోరాను ఎంపిక చేశారు. హిందీలో పలు చిత్రాల్లో నటించిన తరుణ్ తమిళంలో ‘కనిదన్’ చిత్రంలో యాక్ట్ చేశారు. ఆ చిత్రంలో నటన నచ్చి, చిత్రదర్శకుడు వినాయక్  విలన్‌గా తీసుకున్నారట. అన్నట్లు ఈ తరుణ్ అరోరా ఎవరో కాదు.. తెలుగులో పలు చిత్రాల్లో నటించి, గుర్తింపు తెచ్చుకున్న అంజలా జవేరి భర్త.


 మెగాస్టార్ చిరంజీవి రీ ఎంట్రీ సినిమా విషయంలో మెగా ఫ్యామిలీ ఆచితూచి అడుగులు వేస్తోంది. ఇప్పటికే షూటింగ్ ప్రారంభమైన ఈ సినిమాకూ.. ఇప్పటికీ నటీనటుల ఎంపిక కొనసాగుతోంది. కీలకమైన హీరోయిన్, విలన్ పాత్రలను కూడా ఇంత వరకు ఫైనల్ చేయలేదు చిత్రయూనిట్. తాజాగా విలన్ రోల్కు సంబందించి ఆసక్తికరమైన వార్త ఒకటి వినిపిస్తోంది.
 
 పలు బాలీవుడ్ చిత్రాల్లో నటించిన బెంగళూరు మోడల్, హీరోయిన్ అంజలా జవేరి భర్త, తరుణ్ అరోరాను చిరంజీవి 150 సినిమాకు విలన్గా ఫైనల్ చేశారట. ఒరిజిలన్ వర్షన్లో నీల్ నితిన్ ముఖేష్ నటించిన ఈ పాత్రను ముందుగా తెలుగులో కూడా అతనితోనే చేయించాలని భావించారు. తరువాత జగపతిబాబు, మోహన్ బాబు లాంటివారి పేర్లు వినిపించినా.. ఎవరినీ కన్ఫామ్ చేయలేదు. తాజాగా తరుణ్ అరోరా పేరు తెర మీదకు వచ్చింది. వినాయక్ దర్శకత్వంలో రూపొందుతున్న ఈ సినిమాకు రామ్ చరణ్ నిర్మాత.