సాక్షి, హైదరాబాద్‌: సాంకేతిక నైపుణ్యం ఉన్న వారికే ఇకపై ఉద్యోగాలు దక్కుతాయని రాష్ట్ర ముఖ్యమంత్రి రేవంత్‌రెడ్డి వ్యాఖ్యానించారు. సర్టిఫికెట్లు చూసి ఉద్యోగాలు ఇచ్చే రోజులు పోయాయన్నారు. ప్రస్తుతం సాంకేతిక పరిజ్ఞానం విస్తృతమవుతోందని, సాంకేతిక నైపుణ్యం ఉన్న వారికే మంచి భవిష్యత్తు ఉంటుందని చెప్పారు. ఈ నేపథ్యంలోనే విద్యార్థుల్లో సాంకేతిక నైపుణ్యాభివృద్ధి దిశగా రాష్ట్ర ప్రభుత్వం విప్లవాత్మక కార్యాచరణకు శ్రీకారం చుట్టిందని వెల్లడించారు. రాష్ట్రంలోని పారిశ్రామిక శిక్షణా సంస్థ (ఐటీఐ)లను అడ్వాన్స్‌డ్‌ ట్రైనింగ్‌ సెంటర్‌ (ఏటీసీ)లుగా ఆధునీకరిస్తున్న సంగతి తెలిసిందే. ఇందులో భాగంగా మంగళవారం నాలుగు ఐటీఐలను ఏటీసీలుగా అప్‌గ్రేడ్‌ చేస్తూ నూతన భవన నిర్మాణాల కోసం ఐటీఐ మల్లేపల్లి క్యాంపస్‌లో సీఎం శంకుస్థాపన చేశారు. అనంతరం ఏర్పాటు చేసిన బహిరంగ సభలో రేవంత్‌రెడ్డి విద్యార్థులనుద్దేశించి ప్రసంగించారు. ప్రపంచంతో పోటీ పడేలా నైపుణ్యాభివృద్ధి‘ఉద్యోగాలు, ఉపాధి అవకాశాల కోసమే తెలంగాణ ఉద్యమం జరిగింది. ప్రత్యేక రాష్ట్రం వచి్చన తర్వాత ప్రభుత్వ శాఖల్లో నియామకాలు జరుగుతాయని నిరుద్యోగులు ఆశించారు. కోచింగ్‌ సెంటర్లకు లక్షల రూపాయల ఫీజులు కట్టారు. కానీ నిరుద్యోగ యువత పదేళ్ల బంగారు కాలాన్ని గత బీఆర్‌ఎస్‌ ప్రభుత్వం నాశనం చేసింది. నియామకాల ప్రక్రియలో జరిగిన అవకతవకలు, లోపాలు, లీకేజీలతో నిరుద్యోగులు నట్టేట మునిగారు. అలాంటి పరిస్థితులను చక్కదిద్దేందుకు కాంగ్రెస్‌ ప్రభుత్వం కంకణం కట్టుకుంది. ప్రస్తుత పరిస్థితులకు అనుగుణంగా ప్రపంచంతో పోటీ పడే విధంగా నైపుణ్యాభివృద్ధి కార్యక్రమానికి కారం చుట్టింది. గత ప్రభుత్వ పాలనలో ఐటీఐలు కూడా నిర్వీర్యమయ్యాయి. వాటిలో ప్రవేశాలు పొందే పరిస్థితి లేకుండా పోయింది. ఇప్పుడు అలాంటి పరిస్థితి ఉండదు. అడ్మిషన్ల కోసం పోటీ పడే విధంగా ఐటీఐలను అభివృద్ధి చేస్తున్నాం. రాష్ట్రంలో ఉన్న 65 ప్రభుత్వ ఐటీఐలను రూ.2,324 కోట్ల ఖర్చుతో ఆధునిక శిక్షణా సంస్థలుగా తీర్చిదిద్దుతున్నాం. ఒక్కో ఏటీసీని గరిష్టంగా రూ.50 కోట్లతో అభివృద్ధి చేస్తున్నాం. వీటిల్లో రోబో టెక్నాలజీతో పాటు ఇతర సాంకేతిక ట్రేడ్‌లను ప్రవేశపెట్టి విద్యార్థులకు శిక్షణ ఇస్తాం. ఇక్కడ శిక్షణ పొందిన వారికి ప్రపంచంలో ఎక్కడైనా ఉద్యోగం పొందే సామర్థ్యం వచ్చేలా లేదా సొంతంగా యూనిట్‌ ఏర్పాటు చేసుకోగలిగేలా తయారు చేస్తాం..’అని ముఖ్యమంత్రి వివరించారు. ప్రతి నెలా సమీక్ష ‘అడ్వాన్స్‌డ్‌ ట్రైనింగ్‌ సెంటర్లను రాష్ట్ర ప్రభుత్వ ప్రతిష్టాత్మక ప్రాజెక్టుగా పరిగణిస్తున్నాం. ఈ సెంటర్ల ద్వారా జరిగే కార్యక్రమాలను ప్రతి నెలా క్రమం తప్పకుండా సమీక్షిస్తా. ఇందుకోసం ఈ శాఖ నావద్దే ఉంటుంది. ఏటీసీలో శిక్షణ తీసుకునేవారికి భరోసా కల్పించేందుకు ఈ ప్రయత్నం చేస్తున్నాం. అమెరికా సిలికాన్‌ వ్యాలీలోని భారతీయుల్లో నాలుగో వంతు తెలుగు వాళ్లున్నారు. ఐటీ రంగంలో తెలుగువాళ్లు ప్రపంచంతో పోటీ పడుతున్నారు. అదేవిధంగా ఫార్మా రంగంలోనూ మన పోటీకి సాటిలేదు. అప్పటి ప్రభుత్వాలు ఈ రెండు రంగాలపై దృష్టి పెట్టడంతోనే మన పురోగతి వేగంగా ముందుకెళ్లింది. ఇప్పుడు కూడా సాంకేతిక నైపుణ్యంపై రాష్ట్ర ప్రభుత్వం దృష్టి పెట్టింది. ప్రతి ఏటీసీలో అత్యాధునిక సాంకేతికతతో కూడిన కోర్సులను ప్రవేశపెట్టబోతున్నాం. ఇందుకోసం ప్రత్యేక కార్యాచరణ రూపొందించాలని అధికారులకు ఆదేశాలిచ్చాం. అతి త్వరలో రాష్ట్రంలోని అన్ని సెంటర్లు అందుబాటులోకి వస్తాయి..’అని రేవంత్‌రెడ్డి తెలిపారు.స్కిల్‌ యూనివర్సిటీ ఏర్పాటుకు చర్యలు: మంత్రి శ్రీధర్‌బాబు పరిశ్రమలు, నైపుణ్య సంస్థల మధ్య అంతరాన్ని తొలగించాల్సిన అవసరం ఉందని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు అన్నారు. ఇందులో భాగంగా ఏటీసీల అభివృద్ధికి రాష్ట్ర ప్రభుత్వం శ్రీకారం చుట్టిందని చెప్పారు. ప్రపంచ దేశాలతో పోటీ పడే విధంగా ఏటీసీలు అభివృద్ధి చెందేలా కార్యాచరణ రూపొందించామన్నారు. అత్యాధునిక సాంకేతిక పరిజ్ఞానంతో కూడిన ప్రయోగశాలను వీటిల్లో ఏర్పాటు చేస్తున్నామన్నారు. ప్రతి ఏటీసీలో వీఆర్‌ (వర్చువల్‌ రియాలిటీ) టెక్నాలజీని ప్రవేశపెడుతున్నామన్నారు. ఈ ఏడాది జనవరిలో ఏటీసీ ప్రాజెక్టును ఖరారు చేశామని, మార్చి నెలలో టాటా టెక్నాలజీస్‌తో ఒప్పందం కుదుర్చుకున్నట్లు వెల్లడించారు. ప్రత్యేకంగా స్కిల్‌ యూనివర్సిటీ ఏర్పాటుకు కూడా చర్యలు తీసుకుంటున్నట్లు శ్రీధర్‌బాబు వివరించారు.


 సాక్షి, హైదరాబాద్‌: రాష్ట్రంలో మరో 2 ప్రభుత్వ పాలిటెక్నిక్‌ కాలేజీలు ప్రారంభమవనున్నాయి. సికింద్రాబాద్, హుస్నాబాద్‌లలో వచ్చే విద్యా సంవ త్సరం (2017–18) నుంచి అందుబాటులోకి రానున్నాయి. గతంలోనే కాలేజీలు మంజూరైనా భవన నిర్మాణం, ఇతర సదుపాయాలు పూర్తి కాకపోవ డంతో అఖిల భారత సాంకేతిక విద్యా మండలి (ఏఐసీటీఈ) తరగతుల నిర్వహణకు అనుమతివ్వ లేదు. ప్రస్తుతం పనులన్నీ పూర్తవడంతో.. ప్రవేశా లకు అనుమతివ్వాలని ఏఐసీటీఈకి రాష్ట్ర సాంకేతిక విద్యాశాఖ ప్రతిపాదనలు పంపేందుకు సిద్ధమైంది.
 
 మరోవైపు ప్రభుత్వ, ప్రైవేటు పాలిటెక్నిక్‌ కాలేజీల్లో డిప్లొమా కోర్సుల్లో ప్రవేశాలకు పాలీసెట్‌–2017ను ఏప్రిల్‌లోనే నిర్వహించేందుకు కసరత్తు చేస్తోంది. ప్రవేశ పరీక్షలో ఈసారి ఇంగ్లిష్, సాంఘిక శాస్త్రం సబ్జెక్టులను ప్రవేశపెడుతోంది. పాలిటెక్నిక్‌ను విద్యా ర్థులు ఇంగ్లిష్‌లోనే చదవాల్సి ఉండటం, సాంకేతిక విద్యను అభ్యసించే వారికి రాష్ట్ర చరిత్రపైనా అవగా హన ఉండాలన్న ఉద్దేశంతో ఇంగ్లిష్, సాంఘిక శాస్త్రంపై ప్రశ్నలు అడగాలని నిర్ణయించింది. 


 
 గ్రీన్‌హౌస్‌ల పంటకు మార్కెటింగ్ కూడా కల్పిస్తామంటున్న కంపెనీలు
 
 ఉద్యాన అధికారులతో నోయిడా కంపెనీ ప్రతినిధుల చర్చలు
 
 సాంకేతిక నైపుణ్యం లేని రైతులకు ఇది ప్రయోజనకరమని వెల్లడి
 
 గ్రీన్‌హౌస్‌కు 9 కంపెనీల టెండర్లు
 
 సాక్షి, హైదరాబాద్: తెలంగాణ ప్రభుత్వం ప్రతిష్టాత్మకంగా చేపట్టిన గ్రీన్‌హౌస్ సాగుకు రంగం సిద్ధమవుతోంది. అయితే ఆ సాగు విధానంపై ఉద్యాన అధికారులకు, రైతులకు పూర్తిస్థాయి అవగాహన లేకపోవడంతో గందరగోళం నెలకొంది. ఈ నేపథ్యంలో కొన్ని కంపెనీలు గ్రీన్‌హౌస్ నిర్మాణం చేపట్టడమే కాకుండా నిర్వహణ బాధ్యతలు చేపట్టి, పంట పండించి, మార్కెట్ లో అమ్మి రైతులకు డబ్బు అందజేస్తామని చెబుతున్నాయి.
 
 ఈ మేరకు ప్రతిపాదనలను ప్రభుత్వం ముందుంచాయి. తాజాగా నోయిడాకు చెందిన ఓ కంపెనీ ప్రతినిధులు శనివారం ఉద్యానశాఖ అధికారులను కలిసి ఈ మేరకు విన్నవించారు. రైతులకు సాంకేతిక నైపుణ్యం లేనందున తామే గ్రీన్‌హౌస్ నిర్వహణ బాధ్యత తీసుకొని పంట పండించి మార్కెటింగ్ సదుపాయం కూడా కల్పిస్తామని ముందుకు వచ్చారు.
  
 ఆదాయంలో 20 శాతం ఇస్తే చాలు: గ్రీన్‌హౌస్ నిర్మాణానికి కంపెనీలను టెండర్ల ద్వారా ప్రభుత్వం నిర్ణయిస్తుంది. వాటితో జాబితా త యారుచేస్తుంది. అనంతరం రైతుల నుంచి దరఖాస్తులు ఆహ్వానించి అర్హులను గుర్తిస్తుంది. రైతు తన ఇష్టానుసారంగా కంపెనీలను ఎంపిక చేసుకోవచ్చు. నిర్ణీత కంపెనీ నెలన్నరలో గ్రీన్‌హౌస్ నిర్మాణాన్ని పూర్తిచేసి పంట పండిస్తారు. దీనివల్ల రైతులకు ఎలాంటి రిస్క్ ఉండదని, వచ్చిన ఆదాయంలో 20 శాతం తమకు ఇస్తే చా లని అంటున్నాయి. ఏడాది పాటు నిర్వహించి చూపిస్తే రైతులు నేర్చుకుంటారని కంపెనీ ప్రతి నిధులు చెబుతున్నారు. నిర్వహణపై ప్రభుత్వం తో సంబంధం లేకుండా రైతులతో ఒప్పందం చేసుకుంటే సరిపోతుందని  అంటున్నారు.
  
 30న కంపెనీల తుది జాబితా : గ్రీన్‌హౌస్ కోసం పిలిచిన టెండర్లలో మొత్తం తొమ్మిది కం పెనీలు పాల్గొన్నాయి. విశ్వసనీయ సమాచారం మేరకు పుణెకు చెందిన పూజా గ్రీన్‌హౌస్ ఇండస్ట్రీస్, ఇండియన్ గ్రీన్‌హౌస్ ప్రైవేటు లిమిటెడ్, నోయిడాకు చెందిన జెస్తా డెవలపర్స్ లిమిటెడ్, హైదరాబాద్‌కు చెందిన భానోదయం ఇండస్ట్రీ స్, శ్రీసాయి ఫైబర్ ప్రైవేటు లిమిటెడ్, జైన్ ఇరి గేషన్ సిస్టమ్స్ లిమిటెడ్, హైతాసు కా ర్పొరేషన్, బెంగళూరు, తమిళనాడులకు చెందిన అగ్రి ఫ్లాస్ట్ ప్రొటెక్టెడ్ కల్టివేషన్ ప్రైవేటు లిమిటెడ్, మహారాష్ట్రకు చెందిన సన్మార్గ్ ఆగ్రో సర్వీసెస్‌లు టెండర్లలో పాల్గొన్నాయి. సాంకేతిక నైపుణ్యం, అనుభవం, నిబంధనల ఆధారంగా వాటిలో కొన్నిం టిని ఖరారు చేసి ఈ నెల 30న తుది జాబితా తయారు చేస్తామని అధికారులు చెబుతున్నారు.