టెక్నాలజీ పెరుగుతున్న వేళ ఆర్టిఫిషియల్ ఇంటెలిజెన్స్ (ఏఐ) మీద ఆధారపడేవారి సంఖ్య పెరుగుతోంది. ప్రపంచవ్యాప్తంగా చాలా మంది తమ అసైన్‌మెంట్‌లు, హోమ్‌వర్క్, ప్రాజెక్ట్‌లు, రెజ్యుమ్స్, ఆఫీస్ వర్క్ వంటి వాటిని పూర్తి చేయడానికి ఏఐను వాడుకుంటున్నారు. అయితే ఇటీవల ఓ వ్యక్తి ఆకర్షణీయంగా లేని టిండెర్ బయోను రూపొందించామని చాట్‌జీపీటీని కోరాడు.ఆకర్షణీయంగా లేని టిండెర్ బయో కావాలని అడగడంతో.. చాట్‌జీపీటీ ఒక సమాధానం ఇచ్చింది. దీనిని ఆ వ్యక్తి సోషల్ మీడియాలో పోస్ట్ చేశారు. ఇది చూసిన చాలామంది జనం ఏ ప్రశ్నకు అయినా చాట్‌జీపీటీ సమాధానం అందిస్తుందని చెబుతున్నారు.''కంప్లైంట్స్ చేయడం చాలా ఇష్టం. నా 12 పిల్లులను పట్టించుకోని, నా గోళ్ళ క్లిప్పింగ్‌ల సేకరణను తట్టుకోగల వారి కోసం వెతుకుతున్నాను. స్నానం చేయడం కూడా అతిగా ఉంటుందని భావిస్తున్నాను. యూట్యూబ్‌లో కాన్‌స్పిరసీ థియరీ వీడియోలను చూస్తాను. నేను నా ఎక్స్ గురించి మాట్లాడటం ఆపను. నేను మా అమ్మతో నివసిస్తున్నాను'' అంటూ చాట్‌జీపీటీ సమాధానం ఇచ్చింది.ప్రస్తుతం ఈ పోస్ట్ సోషల్ మీడియాలో వైరల్ అవుతోంది. ఇది చూసిన నెటిజన్లు తమదైన రీతిలో కామెంట్ల వర్షం కురిపిస్తున్నారు. కంప్యూటర్ ఎంత హాస్యాస్పదంగా ఉంటుందో అంత భయానకంగా కూడా ఉంటుందని ఒక నెటిజన్ అన్నారు. మరొకరు ఇది చాలా నిజంయితీగా ఉంది, చాలా బాగుందని అన్నారు.


 త్రీడీతో రెడీమేడ్!
 చెట్టులెక్కగలవా? ఓ నరహరి... పుట్టలెక్కగలవా? అని చెంచులక్ష్మి సినిమాలో ఓ పాటుంది. నారాయణుడి ‘స్కిల్స్’ తెలుసుకునేందుకు లక్ష్మీదేవి సంధించిన ప్రశ్నలన్నింటికీ ఆయన ‘ఓ ఎస్’ అని సమాధానం చెప్పేశాడు. అవే ప్రశ్నలను మీరిప్పుడు రోబోలకు వేశారనుకోండి... అవి కూడా లేటెస్ట్ భగవంతుడి టైప్‌లో యా... వీ క్యాన్! అనేయడం ఖాయం. ఫొటోలో కనిపిస్తోందే.. టెక్నాలజీ.. రోబోలు తమ స్కిల్‌సెట్‌కు చేర్చుకున్న సరికొత్త అంశం! 
 
 ఎంఎక్స్3డీ అనే  నెదర్లాండ్స్ కంపెనీ ఒకటి రోబోలు, త్రీడీ ప్రింటింగ్‌లను కలగలిపి.. ఏకంగా బ్రిడ్జీలు కట్టేస్తామని అంటోంది. అనడమే కాదు, ఆమ్‌స్టర్‌డ్యామ్ నగరం మధ్యలో ఉన్న కాలువపై ఓ ఉక్కు వంతెనను నిర్మించబోతోంది. త్రీడీ ప్రింటింగ్ టెక్నాలజీ ద్వారా ఇప్పటివరకూ ఏవో చిన్న చిన్న వస్తువులను మాత్రమే తయారు చేసుకోవచ్చునని అనుకునే వారు.
 
 ఇటీవలి కాలంలో ఈ భావన తారుమారు అవుతోంది. గోడలు కట్టేందుకు మొదలుకొని.. పూర్తిస్థాయిలో ఓ ఇంటిని కట్టేసేందుకు కూడా త్రీడీ ప్రింటింగ్‌ను వాడేందుకు ప్రయత్నాలు జరుగుతున్నాయి. ఇక్కడి బ్రిడ్జీ విషయాన్నే తీసుకుంటే ఇందుకోసం ఎంఎక్స్3డీ ఫ్యాక్టరీ రోబోలను ఉపయోగించింది. కాకపోతే వీటికి త్రీడీ ప్రింటింగ్‌కు సంబంధించిన సాఫ్ట్‌వేర్, ఇతర పరికరాలను జోడించింది.
 
 ఒకవైపు నుంచి ఉక్కు, తదితర లోహాలు తీగల రూపంలో రోబో చేతికి వస్తూంటే... అక్కడికక్కడే వాటిని కరిగించి రెడీమేడ్‌గా నిర్దిష్ట రూపంలోకి మారుస్తూంటాయి ఈ రోబోలు. అవసరమైన చోట వెల్డింగ్ కూడా జరిగిపోతూంటుంది. త్రీడీ ప్రింటింగ్ కారణంగా నిర్మాణ ఖర్చు చెప్పుకోదగ్గస్థాయిలో తగ్గుతుందని, అదే సమయంలో లేబర్ ఖర్చులు కూడా పెద్దగా ఉండవని ఎంఎక్స్3డీ అంటోంది.