అన్నవరం/అరసవల్లి: కాకినాడ జిల్లా అన్నవరంలోని రత్నగిరిపై వెలసిన శ్రీ వీర వేంకట సత్యనారాయణ స్వామివారి తెప్పోత్సవం క్షీరాబ్ది ద్వాదశి పర్వదినం సందర్భంగా శుక్రవారం రాత్రి పంపా నదిలో కన్నుల పండువగా జరిగింది. సర్వాంగ సుందరంగా ముస్తాబు చేసిన హంసవాహనంపై సత్యదేవుడు, అమ్మవార్లు నదిలో విహరించారు. ఈ తెప్సోత్సవానికి భక్తులు వేల సంఖ్యలో హాజరయ్యారు. సాయంత్రం 5–30 గంటలకు సత్యదేవుడు, అమ్మవార్లను, క్షేత్రపాలకులు సీతారాములను రత్నగిరి నుంచి ఊరేగింపుగా పంపా తీరాన గత పూజా మండపం వద్దకు తీసుకొచ్చి ప్రత్యేక పూజలు నిర్వహించారు. అనంతరం 6–30  గంటలకు స్వామి అమ్మవార్లను హంస వాహనంపై కూర్చోబెట్టి  తెప్పోత్సవం నిర్వహించారు. ఈ కార్యక్రమంలో దేవస్థానం చైర్మన్‌ ఐవీ రోహిత్, ఈఓ కే రామచంద్ర మోహన్,  ఏసీ రమే‹Ùబాబు పాల్గొన్నారు. సుమారు 150మంది పోలీసులు బందోబస్తు నిర్వహించారు. వైభవంగా ఆదిత్యుని తెప్పోత్సవం  ప్రఖ్యాత అరసవల్లి ఆదిత్య క్షేత్రంలో క్షీరాబ్ధి ద్వాదశి సందర్భంగా శుక్రవారం తెప్పోత్సవం వైభవంగా నిర్వహించారు. ఉషాపద్మినిఛాయా దేవేరులతో స్వామి వారు హంస వాహనంపై పవిత్ర ఇంద్రపుష్కరిణిలో 12 సార్లు జలవిహారం చేశారు. అలాగే రోజంతా ఆదిత్యుడు పూర్తి స్వర్ణాలంకరణలో దర్శనమిచ్చారు. ఈ అద్భుత దృశ్యాలను తిలకించేందుకు సుదూర ప్రాంతాల నుంచి పెద్ద సంఖ్యలో భక్తులు తరలివచ్చారు. ఆలయ ఈవో వి.హరిసూర్యప్రకాష్‌ ఆధ్వర్యంలో ఆలయ ప్రధాన అర్చకులు ఇప్పిలి శంకరశర్మ సమక్షంలో హంస నావలో శ్రీచక్రార్చన పూజలు నిర్వహించారు.

విజయవాడ:  దసరా ఉత్సవాలను పురస్కరించుకుని ఈరోజు(బుధవారం) జరగాల్సిన  శ్రీదుర్గామల్లేశ్వర స్వామి వార్ల తెప్పోత్సవం రద్దైంది. మధ్యాహ్నం నుంచి ఎడతెరిపి లేకుండా భారీ వర్షం కురుస్తుండటంతో తెప్పోత్సవాన్ని రద్దు చేసినట్లు దుర్గగుడి అధికారులు వెల్లడించారు. ఆగమశాస్త్రం ప్రకారం వర్షం పడుతున్నప్పుడు శివాలయం నుంచి ఉత్సవ మూర్తులను బయటకు తీయకూడదని శాస్త్రం చెబుతున్న కారణంగానే తెప్పోత్సవాన్ని రద్దు చేసినట్లు తెలిపారు.   వర్ష ప్రభావం చేత తెప్పోత్సవాన్ని రద్దు చేస్తున్నాం వర్షం కారణంగా తెప్పోత్సవాన్ని రద్దు చేస్తున్నాం. వర్షం పడుతుంటే శాస్త్రం ప్రకారం ఉత్సవమూర్తులను బయటకు తీయకూడదు. విగ్రహాలు తడిస్తే స్నపనాభిషేకాలు చేయాలి. వాతావరణం అనుకూలించకపోవడం వల్లనే తెప్పోత్సవాన్ని నిర్వహించలేకపోతున్నాం. 21 ఏళ్లలో తెప్పోత్సవం రద్దు చేయడం ఇది రెండోసారి. - శివప్రసాద్‌ శర్మ, దుర్గగుడి స్థానాచార్యులు


 తిరుమల : నాలుగో రోజు తెప్పోత్సవంలో భాగంగా రాత్రి 7.00 గంటలకు శ్రీవారి పుష్కరిణిలో తెప్పపై శ్రీదేవి, భూదేవి సమేత మలయప్పస్వామి వారు ఊరేగనున్నారు. అయితే తిరుమలలో భక్తులు రద్దీ సాధారణంగా ఉంది. కలియుగ దైవం శ్రీవెంకటేశ్వరస్వామిని దర్శించుకునేందుకు భక్తులు 6 కంపార్ట్మెంట్లలో వేచి ఉన్నారు. శ్రీవారి సర్వదర్శనానికి 3 గంటలు, ప్రత్యేక ప్రవేశ దర్శనానికి గంట, కాలినడకన వచ్చే భక్తులకు 2 గంటల సమయం పడుతుంది.