హీరో మోటోకార్ప్, హోండా, టీవీఎస్, బజాజ్, సుజుకీ, యమహా.. భారత ద్విచక్ర వాహన మార్కెట్లో ఈ కంపెనీలదే రాజ్యం. మారుమూల పల్లెల్లోనూ ఈ బ్రాండ్ల వాహనాలే దర్శనమిస్తాయి. సువిశాల భారతావని అంతటా ఇవి తమ నెట్‌వర్క్‌ను దశాబ్దాలుగా పెంచుకున్నాయి. విక్రయ శాలలే కాదు సర్వీసింగ్‌ను కూడా కస్టమర్లకు చేరువ చేశాయి. మాస్‌ మార్కెట్‌ను పూర్తిగా ఇవి చేతుల్లోకి తీసుకున్నాయంటే ఆశ్చర్యంవేయక మానదు.- హైదరాబాద్, బిజినెస్‌ బ్యూరోఇంత బలమున్న ఈ దిగ్గజాలు ఎలక్ట్రిక్‌ ద్విచక్ర వాహన రంగంలోనూ పాగా వేస్తాయనడంలో సందేహం లేదు. ఆలస్యంగా ఎంట్రీ ఇచ్చినప్పటికీ బజాజ్, టీవీఎస్‌ తమ సత్తా చాటుతున్నాయి. హీరో మోటోకార్ప్‌ క్రమక్రమంగా వేగం పెంచి నవంబర్‌లో టాప్‌–5 స్థానానికి ఎగబాకింది. పెద్ద కంపెనీలే ఈ–టూవీలర్స్‌లోనూ అడ్డా వేస్తాయని గణాంకాలు చెబుతున్నాయి. భారత ఈ–టూవీలర్స్‌ పరిశ్రమ ఈ ఏడాది నవంబర్‌ 11 నాటికే 10,00,000 యూనిట్ల మైలురాయిని దాటింది. మళ్లీ హమారా బజాజ్‌.. 2024 డిసెంబర్‌ తొలి వారంలో అమ్ముడైన ఎలక్ట్రిక్‌ టూ వీలర్స్‌లో టాప్‌–4 కంపెనీల వాటా ఏకంగా 82 శాతం ఉందంటే భవిష్యత్‌ ఎలా ఉండబోతోందో అర్థం చేసుకోవచ్చు. మిగిలిన 18 శాతం వాటా కోసం దేశవ్యాప్తంగా 200లకుపైగా బ్రాండ్లు పోటీపడుతున్నాయి. భారత స్కూటర్స్‌ మార్కెట్లో ఒకప్పుడు రారాజులా వెలుగొందిన బజాజ్‌.. ఇప్పుడు ఎలక్ట్రిక్‌ చేతక్‌ రూపంలో స్కూటర్స్‌ విభాగంలోకి రీఎంట్రీ ఇచ్చి హమారా బజాజ్‌ అనిపించుకుంటోంది.డిసెంబర్‌ తొలివారంలో బజాజ్‌ 4,988 యూనిట్లతో తొలి స్థానంలో నిలిచింది. టీవీఎస్‌ మోటార్‌ కంపెనీ 3,964 యూనిట్లతో రెండవ స్థానంలో ఉంది. ప్రస్తుతం ఈ రెండు కంపెనీల మధ్యే పోటీ తీవ్రంగా ఉంది. ఓలా 3,351, ఏథర్‌ ఎనర్జీ 2,523 యూనిట్లతో ఆ తర్వాతి స్థానాల్లో ఉన్నాయి. ఓలా అమ్మకాలు అక్టోబర్‌లో 41,775 యూనిట్ల నుంచి నవంబర్‌లో 29,191 యూనిట్లకు పడిపోయింది. దేశవ్యాప్తంగా ఈ కంపెనీ వాహనాల నాణ్యతపై ఫిర్యాదులు వెల్లువెత్తుతుండడం గమనార్హం. పెద్ద కంపెనీల మధ్యే పోటీ.. తదుపరితరం చేతక్‌ను డిసెంబర్‌ 20న ప్రవేశపెట్టేందుకు బజాజ్‌ రెడీ అయింది. 2019–20లో కేవలం 212 యూనిట్లు విక్రయించిన బజాజ్‌.. 2020–21లో 1,395 యూనిట్లు, ఆ తర్వాతి ఏడాది 8,187, 2022–23లో 36,260 యూనిట్ల అమ్మకాలు నమోదు చేసింది. ఆ తర్వాతి ఆర్థిక సంవత్సరంలో 1,15,702 యూనిట్లను సాధించింది. 2024–25 ఏప్రిల్‌–నవంబర్‌లో 1,34,167 యూనిట్లు రోడ్డెక్కాయి. టీవీఎస్‌ మోటార్‌ కంపెనీ 2023 జనవరిలో 10,465 యూనిట్ల సేల్స్‌ నమోదు చేసింది. ఏడాదిలోనే ఈ సంఖ్య 47 శాతం పెరిగింది.2024 నవంబర్‌లో ఈ కంపెనీ 26,971 యూనిట్ల అమ్మకాలను దక్కించుకుంది. ఈ నెలలోనే విదా వీ2 మోడల్‌ను ఆవిష్కరించిన హీరో మోటోకార్ప్‌ క్రమక్రమంగా ఈ–టూవీలర్స్‌లో పట్టు సాధిస్తోంది. ఈ కంపెనీ 2023 జనవరిలో 157 యూనిట్లు విక్రయించింది. 2024 జనవరిలో ఈ సంఖ్య 1,495కు చేరుకుంది. నవంబర్‌లో ఏకంగా 7,309 యూనిట్ల అమ్మకాలను సాధించి టాప్‌–5 స్థానాన్ని అందుకుంది. క్యూలో మరిన్ని దిగ్గజాలు.. 2025 తొలి త్రైమాసికం నుంచి నేను సైతం అంటూ హోండా మోటార్‌సైకిల్, స్కూటర్‌ ఇండియా రెడీ అవుతోంది. యాక్టివా–ఈ, క్యూసీ1 మోడళ్లను కంపెనీ భారత మార్కెట్లో ఇటీవలే ఆవిష్కరించింది. 2025 జనవరి 1 నుంచి బుకింగ్స్‌ స్వీకరిస్తారు. ఫిబ్రవరి నుంచి డెలివరీలు ప్రారంభం అవుతాయని కంపెనీ ప్రకటించింది. సంస్థకు దేశవ్యాప్తంగా 6,000 పైచిలుకు సేల్స్, సర్వీస్‌ టచ్‌పాయింట్స్‌ ఉన్నాయి.2025లో 1,00,000 యూనిట్ల ఈ–స్కూటర్స్‌ తయారు చేయాలని లక్ష్యంగా చేసుకుందంటే కంపెనీకి ఉన్న ధీమా అర్థం చేసుకోవచ్చు. మరోవైపు సుజుకీ, యమహా ఎంట్రీ ఇస్తే ఎలక్ట్రిక్‌ ద్విచక్ర వాహన పరిశ్రమ సరికొత్త రికార్డుల దశగా దూసుకెళ్లడం ఖాయంగా కనిపిస్తోంది. యమహా ఇప్పటికే హైబ్రిడ్‌ టూ వీలర్స్‌ తయారు చేస్తోంది. సుజుకీ నియో ఎలక్ట్రిక్‌ టూ వీలర్‌ కొద్ది రోజుల్లో రంగ ప్రవేశం చేయనుంది.

దేశంలోని ప్రముఖ ఎలక్ట్రిక్‌ ద్విచక్ర వాహన తయారీదారుల్లో ఒకటైన ప్యూర్‌ ఈవీ సంస్థ తన విస్తరణ ప్రణాళికను ప్రకటించింది. సుస్థిర రవాణా కోసం వినూత్న పరిష్కారాలను పరిచయం చేస్తూ దేశవ్యాప్తంగా ఉనికిని పెంచుకోవడంతోపాటు ప్రపంచవ్యాప్తంగా విస్తరించే ప్రయత్నం చేస్తోంది.లాంగ్-రేంజ్ స్కూటర్‌లు, ఎలక్ట్రిక్ మోటార్‌సైకిళ్లకు డిమాండ్‌ పెరుగుతున్న నేపథ్యంలో రాబోయే 30 నెలల్లో 250 కొత్త డీలర్‌షిప్‌లను ఏర్పాటు చేయాలని ప్యూర్‌ ఈవీ లక్ష్యంగా పెట్టుకుంది. దీంతో దేశవ్యాప్తంగా తమ మొత్తం నెట్‌వర్క్‌ను 320కి పైగా పెంచుకోవాలని యోచిస్తోంది.నూతన ఆవిష్కరణలు, వాహనదారుల భద్రతకు తమ కంపెనీ కట్టుబడి ఉంటుందని ప్యూర్‌ ఈవీ వ్యవస్థాపకుడు, ఎండీ డాక్టర్ నిశాంత్ దొంగరి తెలిపారు. నానో పీసీఎం (ఫేజ్ చేంజ్ మెటీరియల్) టెక్నాలజీని బ్యాటరీ సిస్టమ్‌లలో ఉపయోగించిన మొదటి కంపెనీ తమదే అని పేర్కొన్నారు. ఈ టెక్నాలజీతో ప్రమాదాల శాతం తగ్గడమే కాకుండా బ్యాటరీల సామర్థ్యం కూడా పెరిగిందంటున్నారు.

టూవీలర్ మార్కెటింగ్‌ పరిశ్రమ బలంగా పుంజుకుంటుందని టీవీఎస్ మోటార్ కంపెనీ సీనియర్ వైస్ ప్రెసిడెంట్ అనిరుద్ధ హల్దార్ తెలిపారు. గ్రామీణ ప్రాంతాల్లో వీటికి గిరాకీ పెరుగుతుందని, రుతుపవనాలు ఆశించిన మేర వస్తుండడంతో వ్యయ సామర్థ్యం పెరిగి వినియోగదారుల సంఖ్య అధికమవుతుందన్నారు. ప్రధానంగా గ్రామాల్లో స్కూటర్లకు డిమాండ్‌ హెచ్చవుతుందని తెలిపారు.అనిరుద్ధ హల్దార్ మాట్లాడుతూ..‘స్కూటర్లకు గ్రామీణ ప్రాంతాల్లో డిమాండ్‌ పెరుగుతోంది. పట్టణ ప్రాంతాల కంటే గ్రామాలకు చెందినవారే టూవీలర్లు ఎక్కువగా ఎంచుకుంటున్నారు. ఈ పరిశ్రమలో స్కూటర్‌ సెగ్మెంట్‌ 32 శాతం వాటాను కలిగి ఉంది. రుతుపవనాలు ఆశించినమేర వస్తుండడంతో వినియోగదారులు ద్విచక్రవాహనాల కొనుగోలుకు ఆసక్తి చూపుతున్నారు. రాబోయే పండుగ సీజన్‌లో విక్రయాలు పెరగనున్నాయి. ఈ ఆర్థిక సంవత్సరం మొదటి త్రైమాసికంలో వీటి అమ్మకాల్లో సుమారుగా 13 శాతం వృద్ధి నమోదైంది’ అన్నారు.ఇదీ చదవండి: పెచ్చురిల్లుతున్న ఆర్థిక అంతరాలు!‘గతంలో బైక్‌ వాడిన యూజర్లు స్కూటర్‌ కొనుగోలు చేయాలంటే మైలేజీ, వాహన ఖరీదు వంటి అంశాలు అడ్డంకిగా ఉండేవి. కానీ ప్రస్తుతం పరిస్థితులు మారాయి. మైలేజీతోపాటు అధునాతన టెక్నాలజీను అందిస్తున్నారు. టూవీలర్‌ అనేది ప్రస్తుతం సాధారణంగా అందరి వద్ద ఉండాల్సిన వస్తువుగా మారింది. ప్రభుత్వాలు కూడా మౌలిక సదుపాయాల వృద్ధిలో భాగంగా రోడ్లను మెరుగుపరుస్తున్నాయి. దాంతో వీటిని మరింత సౌకర్యంగా నడిపే అవకాశం ఉంది’ అని తెలిపారు.

Top Upcoming Bikes To Rock The Indian Two Wheeler Market In 2022: టూవీలర్స్‌లో రాయల్‌ఎన్‌ఫీల్డ్‌, యెజ్దీ, కేటీఎమ్‌ బైక్స్‌ అంటే యువతకు ఎక్కువగా మోజు. యువతను లక్ష్యంగా చేసుకొని పలు టూవీలర్‌ ఆటోమొబైల్‌ కంపెనీలు వచ్చే ఏడాది పలు సూపర్‌ బైక్స్‌తో ముందుకురానున్నాయి. రాబోయే సంవత్సరంలో రాయల్‌ ఎన్‌ఫీల్డ్‌, యెజ్దీ, కేటీఎమ్‌ బ్రాండ్స్‌ సరికొత్త బైక్స్‌ను విడుదల చేయనున్నాయి. 2022లో విడుదలయ్యే సూపర్‌ బైక్స్‌ పై ఓ లూక్కేద్దాం..! న్యూ-జెన్ కేటీఎమ్‌ ఆర్‌సీ390: కేటీఎమ్‌ బైక్స్‌ కుర్రకారును ఇట్టే కట్టిపడేసింది. కేటీఎమ్‌ ఆర్‌సీ 390 మోడల్‌కు అప్‌డేట్‌ వెర్షన్‌గా న్యూజెన్‌ కేటీఎమ్‌ ఆర్‌సీ 390 ముందుకురానుంది. వచ్చే ఏడాది మొదటి త్రైమాసికంలో ఈ బైక్‌ను కంపెనీ లాంచ్‌ చేయనున్నుట్లుగా తెలుస్తోంది.   యెజ్డీ రోడ్‌కింగ్‌ ఏడీవీ: రెట్రో బైక్స్‌లో  రాయల్‌ఎన్‌ఫీల్డ్‌ బైక్స్‌ తరువాత యెజ్డీ బైక్స్‌కు ఉన్న క్రేజ్‌ మామూలుగా ఉండదు. త్వరలోనే యెజ్డీ బైక్లను రిలీజ్‌ చేయనున్నుట్లు జావా ఆటోమొబైల్స్‌ తన సోషల్‌మీడియా ఖాతాలో వెల్లడించింది.   రాయల్ ఎన్‌ఫీల్డ్ హంటర్ 350: బుల్లెట్‌ బైక్స్‌కు ఉండే క్రేజ్‌ అంతా ఇంతా కాదు. వచ్చే ఏడాది రాయల్‌ ఎన్‌ఫీల్డ్‌ హంటర్‌ 350 బైక్‌ను లాంచ్‌ చేయనున్నట్లుగా తెలుస్తోంది. మెటియోర్‌ 350తో దగ్గరి పోలికలు ఉన్న   విభిన్న స్టైలింగ్‌, డిజైన్‌, సెటప్‌లను హంటర్‌ 350లో రానుంది. ట్రిప్పర్‌ నావిగేషన్‌ ఫీచర్‌ కూడా అందుబాటులోకి రానున్నట్లు తెలుస్తోంది. రోడ్-బేస్డ్‌ రాయల్ ఎన్‌ఫీల్డ్ హిమాలయన్: ఆఫ్‌ రోడ్‌ ప్రయాణాలకు రాయల్‌  ఎన్‌ఫీల్డ్‌ హిమాలయన్‌ బైక్‌కు ఏ బైక్‌ సరిలేదు. రోడ్‌ బేస్డ్‌ హిమాలయన్‌ బైక్‌ను వచ్చే ఏడాది రాయల్‌ ఎన్‌ఫీల్డ్‌ రిలీజ్‌ చేయనున్నట్లుగా తెలుస్తోంది. రాయల్‌ ఎన్‌ఫీల్డ్‌ షాట్‌ గన్‌ లేదా క్లాసిక్‌ 650: రాయల్‌ ఎన్‌ఫీల్డ్‌ లాంచ్‌ చేస్తున్న బైక్స్‌లో షాట్‌గన్‌650 మరింత ప్రత్యేక ఆకర్షణగా నిలవనుంది. 650సీసీ ఇంజిన్‌ సామర్థ్యంతో వచ్చే క్యూయిజర్‌ మోడల్‌గా ఈ బైక్‌ నిలవనుంది.  చదవండి: షాకిచ్చిన ఫోక్స్‌వ్యాగన్‌! సైలెంట్‌గా ధరల పెంపు.. ఏ మోడల్‌పై ఎంత?

ముంబై, సాక్షి: దేశీ ఆటో రంగ దిగ్గజం బజాజ్‌ ఆటో సరికొత్త రికార్డును అందుకుంది. తాజాగా కంపెనీ మార్కెట్‌ క్యాపిటలైజేషన్‌(విలువ) రూ. ట్రిలియన్‌ మార్క్‌ను దాటింది. తద్వారా ప్రపంచంలోనే రూ. లక్ష కోట్ల మార్కెట్ విలువను సాధించిన తొలి ద్విచక్ర వాహన కంపెనీగా రికార్డు సాధించింది. ఎన్ఎస్‌ఈలో శుక్రవారం బజాజ్‌ ఆటో షేరు 1 శాతం బలపడి రూ. 3,479 వద్ద ముగిసింది. దీంతో కంపెనీ మార్కెట్‌ విలువ రూ. 1,00,670 కోట్లను అధిగమించింది. మార్చి నుంచి జోరు కోవిడ్‌-19 ప్రభావంతో మార్చి చివర్లో దేశీ స్టాక్‌ మార్కెట్లు కుప్పకూలిన సంగతి తెలిసిందే. ఫలితంగా బజాజ్‌ ఆటో షేరు సైతం పతనమైంది. తిరిగి మార్కెట్లతోపాటు జోరందుకుంది. వెరసి మార్చి కనిష్టం నుంచి 79 శాతం దూసుకెళ్లింది. ఏడాది కాలాన్ని పరిగణిస్తే 11 శాతం లాభపడింది. మార్చి 24న షేరు ధర రూ. 1,789 దిగువన ఏడాది కనిష్టాన్ని తాకింది. కాగా.. దేశీ ద్విచక్ర వాహన రంగంలో మరో దిగ్గజ కంపెనీ హీరోమోటో కార్ప్‌ మార్కెట్‌ విలువ దాదాపు  రూ. 62,028 కోట్లు మాత్రమే. ఈ విలువతో పోలిస్తే బజాజ్‌ ఆటో మార్కెట్‌ క్యాప్‌ 63 శాతం అధికంకాగా.. రాయల్‌ ఎన్‌ఫీల్డ్‌ బ్రాండ్‌ ద్విచక్ర వాహనాల తయారీ కంపెనీ ఐషర్‌ మోటార్స్‌ విలువకంటే 43 శాతం ఎక్కువకావడం గమనార్హం! ప్రస్తుతం ఐషర్‌ మోటార్స్‌ మార్కెట్‌ క్యాపిటలైజేషన్‌ రూ. 69,730 కోట్లుగా నమోదైంది. (మార్కెట్లు భళా- ఈ మూడు కంపెనీలూ స్పీడ్‌) మూడో పెద్ద కంపెనీ బజాజ్‌ ఆటో చకన్‌(పుణే), వలుజ్‌(ఔరంగాబాద్‌), పంత్‌నగర్‌(ఉత్తరాఖండ్‌)లో ప్లాంట్లను కలిగి ఉంది. ప్రస్తుతం ప్రపంచ ద్విచక్ర వాహన రంగంలో మూడో పెద్ద కంపెనీగా బజాజ్‌ ఆటో ఆవిర్భవించింది. త్రిచక్ర వాహన తయారీకి టాప్‌ ర్యాంకులో నిలుస్తోంది. చకన్‌లో నాలుగో ప్లాంటును ఏర్పాటు చేయనున్నట్లు కంపెనీ ఇటీవలే ప్రకటించింది. ఇందుకు రూ. 650 కోట్లను వెచ్చించనుంది. ఈ ప్లాంటులో ప్రీమియం బైకులు, ఎలక్ట్రిక్‌ వాహనాలను రూపొందించనున్నట్లు తెలియజేసింది. (కార్ల మార్కెట్లో ఆ 5 కంపెనీలదే హవా) మోటార్‌ సైకిళ్ల స్పీడ్‌ మోటార్‌ సైకిళ్లపై ప్రత్యేక దృష్టి, అంతర్జాతీయ మార్కెట్లలో విస్తరించడం వంటి అంశాల నేపథ్యంలో అత్యంత విలువైన కంపెనీగా రికార్డును సాధించగలిగినట్లు బజాజ్‌ ఆటో ఎండీ రాజీవ్‌ బజాజ్‌ ఈ సందర్భంగా పేర్కొన్నారు. కొంతకాలంగా ఆటో రంగం నీరసించినప్పటికీ ఎగుమతులు పుంజుకోవడం ద్వారా కంపెనీ వృద్ధి బాటలో సాగినట్లు తెలియజేశారు. పల్సర్‌, బాక్సర్‌, ప్లాటినా తదితర బ్రాండ్లతో 70 దేశాలలో కంపెనీ మోటార్ సైకిళ్లను విక్రయిస్తోంది. ఈ బాటలో ప్రస్తుత ఏడాది థాయ్‌లాండ్‌లో, తదుపరి బ్రెజిల్‌లో అడుగుపెట్టాలని ప్రణాళికలు వేసింది. ద్విచక్ర వాహనాలతోపాటు.. త్రిచక్ర వాహన విక్రయాలలోనూ దేశ, విదేశీ మార్కెట్లలో అమ్మకాలు పెంచుకోవడంపై కంపెనీ తొలి నుంచీ దృష్టిపెట్టి సాగుతున్నట్లు రాజీవ్‌ తెలియజేశారు.


 న్యూఢిల్లీ: టూవీలర్‌ కంపెనీ యమహా మోటార్‌ తాజాగా బీఎస్‌–4 నిబంధనలకు అనువుగా ఉండేటా తన బైక్స్, స్కూటర్ల పోర్ట్‌ఫోలియోను అప్‌గ్రేడ్‌ చేసింది. ఇందులో ఎఫ్‌జెడ్‌ 25, వైజెడ్‌ఎఫ్‌–ఆర్‌15, వైజెడ్‌ఎఫ్‌–ఆర్‌15ఎస్, ఎఫ్‌జెడ్‌–ఎస్‌ ఎఫ్‌ఐ, ఎఫ్‌జెడ్‌ ఎఫ్‌ఐ, ఫజిర్‌ ఎఫ్‌ఐ, ఎస్‌జెడ్‌ ఆర్‌ఆర్‌ బైక్స్‌ ఉన్నాయి.
 
 ఇక ఇది ఇప్పటికే సెల్యుటో 125, సెల్యుటో ఆర్‌ఎక్స్‌ బైక్స్‌లో కొత్త వెర్షన్లను మార్కెట్‌లోకి తెచ్చింది. కంపెనీ అలాగే సైగ్నస్‌ రే జెడ్‌ఆర్, సైగ్నస్‌ రే జెడ్, సైగ్నస్‌ ఆల్ఫా, ఫాసినో వంటి స్కూటర్లను కూడా బీఎస్‌–4 నిబంధనలకు అనువుగా అప్‌గ్రేడ్‌ చేసింది. అన్ని కొత్త వేరియంట్లలో ఆటో హెడ్‌ల్యాంప్‌–ఆన్‌ (ఏహెచ్‌ఓ) ఫీచర్‌ను పొందుపరిచామని కంపెనీ పేర్కొంది.